للشعراء فقط... [الأرشيف] - ????? ???? ???? ??????? ?? ?????

المهند

08-04-2007, 12:46 AM

طالما حذرت امثالك من المتفلسفين يا جابر دملوك,ولكن لم يجد التحذير نفعا,لذلك قررت ان أريك قدرك,وأعرفك حدك.فما كان مثلي ليهجو شخصا مثلك حتى لا يخلد ذكرك بين العالمين..ته فخرا أيها الدملوك الصنديد,فهانذا قررت أن أنقش اسمك في سجل المهزومين,علك تكون عبرة لكل من تسول له نتفسه المساس بشعرة من شعرات المهند,أو أن يسمعنا "سخافته"الوانا من التذاكي والتفاخر..لذلك نظمت فيك هذه الأبيات المقذعة,وأسميتها "الشفرة القاطعة" حتى تجتث دابر لسانك من هذا المنتدى,وتشذب أغصان أرائه الخضراء من يبس فيهقتك.ولراحة نفسك المطمئنة:
الفاتحة
الشفرة القاطعة" " دملوك مهلا قد اتاك مهند بين الصورام كالصواعق يرعد
يا أيها الخلان عذرا انم ا طال السكوت وان رد جالد
يا سرق الأشعار تهجوني بها أشفار شعري لا تلين وتهمد
سأقص شوكك في قليل مشقة أكرم بسيفي حين يضرب ساعد
ما كنت أحسبنى بيوم هاجيا دملوك شوك عقله متبلد
لكنها الاقدار تفرض حكمها ان "ال جابر" قد رضوا أم عاندوا
يا موقدا قدر القصيد بسخفه دع عنك قدرا فيه طبخ فاسد
"بقبق" بشعرك في الورى مستأسد أني تخيف دجاجة تستأسد؟!!
فشلان خالك من جهول فهمه أقصوه من نسل السلالة تسعدوا
اسمع نصيحة مشفق متنبه ان رمت فوزا أيها المتشرد
يا باغياشق الصخور بشوكه أقلع!!..سيبقى صخري المتصلد
حذفت من قبل المشرف بالإضافة الى تعديلات تمت باللون البنفسجي
يا اخوتي ادعوا له وترحم ودملوككم ها قد محاه مهند !

المهند

08-04-2007, 01:06 AM

شو يا صاحبى زاهر!! ليك شو صار بجدك الدملوك!!اذا حابب انظم فيك شى قصيدة انت ورسومك المألعطة ما عندى مشكل!!انتبه وزين الكلام معى بميزان ترى انا سيفى عم يطوطح يمين وشمال هاليومين,,خبي راسك احسنلك!!:p الدهب

العبد الفقير

08-04-2007, 03:06 AM

يا لطيف ، الهيأة حميانة بين الشباب ، الله يعطيكم العافية وقويكم ، يلا السلام عليكم ، كفوا شغلكم

الشامي

08-04-2007, 06:27 AM

السلام عليكم ...

شلونكم يا جماعة ...

يجوز للشاعر ما لا يجوز لغيره ...رواه مسلم...

يعني يا شباب ياما حذرتكم من حدة السيف المهند.. وقد رأيتم بأم أعينكم... سترك يا رب...

أخوكم:rolleyes:

فشلان

08-04-2007, 07:34 AM

هممممممممممممممممممممممممممممممممممممممممممممممممم مممممممممممممممم
يا خي جابر أنا حد عملي كتبت إنو عمرك بالأربعين... لذلك لن أتلفظ بما تلفظ به المهند.. لأني أحترم الكبير... بس معليش اسمحلي بالأبيات يلي رح اكتبها لأنو قولة قاعدة الأخ الشامي:
يحق للشاعر ما لا يحق لغيره... وإذا بدنا نجي نكتب الشعر وقور ومحتشم.. ما بقى شعر...

يلي بدو ينزل على الساحة بدو يكون شاعر... وبدو يكون شاعر إنو القصة أكبر منو....
عم تعيرني إني راكض ورا المسيار والتعدد... أنا يا أخي أصيل... وعندي عزة نفس بروي بلد بأكملو والفشلانة عندي بتسوى كل السيارات والبواصط كمان..
وأنا كمان مش رح ذمك... بس بكفي احكي عن نفسي حتى تحس بقدرك....
عاملي حالك كاتب شعر... آ والله كاتب شعر بفتح الشين.... بس غلطة كبيرة يلي بيجابه الشعراء

ضَحِكتُ اليوم من ذاك الكلام______ولـكــــــني أردتك بانـتـقـــــــام

فذاك الشعر لا يبدو كشــــعر______وهذا الـنـثـر ليس علــى انتظام

وإن رُمْتَ المكارم ذات يـوم______فـَخـُــذ شعراً متيناً من إمــــــام

تـُـهدّدنـــــا بأبيــــات أقـَـلـّـت______كلاماً لم يُــعِــــرْ حتى اهتمامي

ومن يملكْ مَبيتاً من زجـــاج______فلا يرشــــق عـــــــدواً بالسهام

فطلْقٌ واحد من بيت شـعري______كـفـيـــــــلٌ أن تؤول إلى حطام

ولن أبدي مَســــاوءكم كثيرا______فـَمِـثــلــي لا يُفـَـتـِّشُ في الرُّكام

تـُعَيِّرنــــي ولكن لن ألــومَ الــــــــــــــــذي لا يرتـــــجــي غير اتهامي

أنا يا جـــــــابر الدملوك إمّا______مشيتُ اليوم في أبهى احتشامي

أتتني الغانيــات بكل صوب______يســــــــابقن الصبايا من أمامي

يُسَطـِّرْنَ الملاحمَ في مديحي______ويَنْظُمْنَ القصـــــائد في هيامي

تـَمَـنّـيـن الحيــاة معي بقربي______بـمـســـــيـــــار، بـتــعــداد مُلام

فـأنـفـُضُهـُنّ من حولي لأني______أصيــــلٌ أبتغي عِزَّ المَـقــــــام

وما ميلُ الصبايا من ميولي______ولست أغوص في بحر الغرام

أنا يـا جابر الدملوك شــهم______وعَـيْــلُ الناس في الدنيا مدامي

ولن أرضى لـِفـاتنةٍ تـُريني______جمــــــــالَ المالِ والدنيا أمامي

بأن تجثو على أعتاب قلبي______تـُمَـنـِّـنـُـــني بتقديم الطعـــــــام

زواجي لن يكون شعارَ ذلٍ______ولكنْ حـــــاملاً أبـــهى وســام

إلى الفشلانة المبهور فيها______سأرسل كـــابـِـراً أبهى سلامي

سأحضنها إلى بستـان قلبي______وأنصــــــب حوله أقوى حزام

أدَلـِّلـُـــــــها وأهديها كلاماً______وفـــعــلاً طيبـــــــاً قبل الكلام

سأجعلها المليكة في فؤادي ______لتســــمو في الحـقـيـقـة والمنام

وأغرقها ببحر الحب حتى______تكون الحورَ في بحرِ الغــــرام

أخوكم الفشلندق..

______

فشلان

08-04-2007, 07:39 AM

أنا يا مهند قرأت وشفت اسمي... والجملة تأخذ على محملين... يرضى عليك وضح رأيك...
أنا مشح رح علق هلأ.. حتى أوصل للمقصود من الكلام....
وكفى...

الشامي

08-04-2007, 08:25 AM

السلام عليكم ...

شو حميانة يا جماعة الظاهر :)...

المهند والفرزدق (قصدي الفشلندق) ... طولوا بالكم .. خدوا نفس...:)

أخوكم:rolleyes:

المهند

08-04-2007, 03:13 PM

أناماقصدت بالابيات التي تلت اسمك في القصيدة الا من تسميه خالك وهو جابر دملوك,ولكنييلاأقول ذلك خوفا من تهديدك لي يا رمز الفشل,ولكن لأنها الحقيقة,,فكل المقصود في الابيات هو جابر دملوك "الله " ويعنى لا تقد عليي مراجل لانو بتعرف قالوا ما متت ما شفت مين مات؟!!:) يرحمو

فشلان

08-04-2007, 03:26 PM

ولا أنا خيفان منك..نحنا الشفر منلعب فيها تحت لسانا.... بس لأني ظنيت إنو تكون بس قاصد استخدامي المتكرر لكلمة خالي... منشان هيك ما تسرعت بالرد....

بس يا ريت تبقى تصحح الأخطاء الإملائية... يعني سمحلي فيها عيب عليك يكون فيها أكثر من أربع أخطاء إملاء.. شو طالع من صف الروضة؟؟؟؟

جابر دملوك

08-04-2007, 03:33 PM

يا مهند يا أخي (ضم الألف و فتح الخاء) ما الذي قلته لك حتى تتلفظ بهذة الأوصا ف الجميلة. و تحسب هذا فوزا فهنيئا لك الفوز.

لقد حمدنا الله سبحانه أن أوجد لنا هذا المنتدى ليكون قناة نتواصل بها نحن أهل المهجر مع أبناء الضيعة سواء من عرفنا منهم و من لم نعرف و خصوصا من ولدوا بعد رحيلنا فتجعل المسافات الطويلة بضع خطوات . فو الله لم أكتب كلمة في هذا المنتدى على سبيل الإساءة و الإهانة بل من أجل الفائدة أو المزاح المباح و لكن يبدو أن البعض لا يروقه ذلك.

لقد حز في نفسي ما قد قرأت منك و لا أظن أنه يقال في عدو. فلم أعد أستبعد قيام حروب أهلية في المنطقة.

أعتذر عن أي كلمة إعتبرت إهانة.

و السلام عليك. (سلام مفارقة)

و ألف مبروك على المشرفين.

فشلان

08-04-2007, 03:43 PM

على مهلك علي شوية يا خالي جابر.. ما بعرف إذا لاحظت الفرق الشاسع بين قصيدتي وقصيدة السيف أبو شفرة...
أنا ما وجهتلك أي إهانة.. وإن كنت استقبحت كلام السيف أبو شفرة... لأنو كلام ثقيل... أنا كانت قصيدتي عن فخر بنفسي.. ولم تحتوي على إهانات.. ولا ما معي حق...

أنا لما قرأت إنو عمرك بالأربعين... فكرت كتير قبل الإجابة.. ومنشان هيك جعلت الجواب فخر وكبرياء.... وإن لم تخل من كلمات مثل الانتقام.. والحطام حيث شبهت كلامك بالحطام.. لأنه مكسر...

ولذلك لا أجد في كلامي غير مزح قد أجيب به على مزحك... وأنا أتقبل منك ما قلته... فلربما قرأت كلاماً قبل كلامي قد أثر فيك...

على كل حال أنا من يريد الاعتذار.. وإن لم أقترف ذنباً ولكن لفارق العمر... فأنت أكبر مني بضعف عمري تقريباً.. ومهما مزحنا فلازم يكون في حدود.. بس بتمنى ترجع تراجع كلامي لتجد أني نظمت فخراً لا إهانات.... فهل في ذلك حرج..؟؟؟

ولك يا خالي هادي تاني مرة اليوم بكتب بطريقة مهذبة... وأنا مش من عادتي إلا المزح والهرج.. بس يالله بتستاهل كل خير يا خالي...
ابن ابنك.. الفشلندق....

فشلان

08-04-2007, 04:04 PM

ولعيونك أحلى خال

فاضت دموعي من كلام الجابر______ووقفت شهماً كالعتيد الثائر

وسللت سيفي ضد كل مشفر______أفديك نفسي يا صديقي الجابر

والله قد أثرت في أعماقنا_________أدميت مهجتنا سلبت مشاعري

غصت لدمعتك القلوب فأدميت______وذرفت دمعاً للصباح الباكر

أجثو على عتباتكم أبغي الرضى ____ يا ليت شعري هل أنا كالكافر؟

أنا يا حبيبي ما قصدت إهانة______أنا ما قصدت لذي الكلام السافر

هلا قبلت متيماً يرجو هنا_________فض النزاع وهجر كل مكابر

أنا يا حبيبي مستعد كي أكو______ن بكل فخر مستكين الخاطر

عبداً ومولى يقتفي بركاتكم______يجتث كل مكابر متآمر

عفواً وسمحاً أرتجي من قلبكم______رفقاً، رجوناكم، بقلب الشاعر

جابر دملوك

08-04-2007, 04:16 PM

الله يبارك فيك يا بني و الله خجلتني.
أنا لن أمدحك أبدا و لكنها ناصعة جلية. معدنك طيب يا بني و يلمع من بعيد.
يا فشلان يا شيخ الشباب ها أنذا أسحب كلامي في حقك.

جابر دملوك

08-04-2007, 04:21 PM

و الله لولا أنك ستسألني من أكون لوددت أن أعرف من أنت.
من يدر قد تكون إبنا لصديق.

فشلان

08-04-2007, 04:34 PM

والله لا أكذبك القول يا خالي إنو لما رديت عليي بالرضى بكيت.. بكيت عن جد...
حسيت إنو عم مثل فلم وكنت أنا البطل...

جابر دملوك

08-04-2007, 04:43 PM

لن أنتظر حتى أعلم من أنت أو إبن من تكون فأنت صديق و أخ و حبيب.
اللهم أرزق الفشلان بما في قلبه و ليس بإسمه.

أبو محمد القلموني

08-04-2007, 04:47 PM

الأخ الكبير المفضال جابر دملوك وقع كلامك منا موقعا عظيما فأنت من لا نزال نجل ونحترم و نقدر. ولفرط سعادتنا بك في هذا المنتدى لا نمل من السؤال عنك و عن من يعرفك طمعا في مزيد وصال تهفو إليه قلوبنا. فلا تلوح بما لوح به بعض أحبائنا سابقا وكادت قلوبنا تنخرق به لوعة ، لولا أنه عاد و طيب خاطرنا و أطرب آذاننا بكلامه الطيب العذب.

أنت لا تعرف الأخ المهند وهو لو عرفته كثير المزاح لا يمل من تدبير المقالب و الإكثار على الخلق بالتندر و الهذر. ولا أحسب ما فعله معك إلا من هذا القبيل. فهو طيب القلب ، شهم النفس ، عفيف ، قريب ، لا ترد عليه في شيء فتصدر عنه مغبونا خائبا. فأرجو أن تأخذه بواسع حلمك .

المهند

08-04-2007, 05:08 PM

اولا يا فشلان انا ما كتبت اخطاء لغة بس هيدي اخطاء طباعة وانامنى قادر زبطا بعد مانزلت تانيا ازا انت بتحط الشفر بين سنانك انا بحطو على راس لسانى وحاجتك تمثيل وعاملى فيا الابن النادم هلء وتتباكى بكاء التماسيح:p على كل حال احب ان اذكر الهاجين والمهجوين هنا ان الشعر والهجاء والمدح وغيره كلها فى واد والحقيقة فى واد دائما فطالما هجا بعض االشعراء القدامى ابعضهم البعض بأقذع الكلام وكانوا يتسامرون ليلا يذكر احدهم الاخر بماهجاه وهم اعز الاصدقاء!! لذلك الشعر هو الشعر والشاعر من يستطيع التغلب على غيره بأجمل الصور ولوكانت مقذعة فلا ينزعج من شعرنا احد او فلتقفلو هذا العنوان لانه سيصبح بلا متعة حين نقعد واصابعنا على افواهنا كالاولاد الشاطرين في صف الروضة!! او قولوا لنا افتحوا المصاحف وجودوا ورتلوا :) :p

جابر دملوك

08-04-2007, 05:14 PM

الأخ أبو محمد أنت حبيب قلوبنا و لو لم تجمعنا بك إلا سويعات من سنوات مضت و هذا تقصير فادح من قبلنا.
كنت قد قطعت الأمل من إستمرار هذا المنتدى على المحبة و الألفة و لكن ما قرأته منك ومن الأخ فشلان "شيخ الناجحين المهذبين" قلب الأمور عندي 180 درجة.
بارك الله فيكم جميعا و جعله في ميزان حسناتكم.
و سامح الله من أساء لنا و ليس في قلبي نحوه إلا الحب و التقدير.

أبو جاد

08-04-2007, 08:33 PM

يا شباب شبكن ولو وين هل الشعر يلي ناطرينو . ياأخ جابر هيدا الفشلان منو هين .زكرني باالشعراء القداما يلي بيدفع أكر بيمدحو . فيا أخ جا بر نتبه من فشلان و نتبه عليه . يا أخ
مهند شو هل مدح يلي مدحتو لحالك شي بجنن بسسسسسسس للأسف :مادح نفسه كذاب . هيدا حديث يا شيخ فشلان .فيا شباب نحنو نهطرين الأبيات الجميله

المهند

09-04-2007, 12:23 AM

لك اناا يا بو جاد ما صدقت انى خلصت من عديلك وسيم لحتىطلعتلى انت؟!! لك انا ما بشوف بحالى بالقصيدة بقدر ما هجيت الدملوك!!انو هات سمعنا انت شى شعر من صوبك؟!!تقبر كزازي:p

فشلان

09-04-2007, 08:38 AM

يا أخ جابر عهدنا منك الشعر الجميل و الموذون . بس اليوم هل الشعر لشيخ الفشلانين . مبعرف من وين جايبو حد علمي المدرسه يلي بتعلم هيك شعر سكروها و يمكن كانت بباب التبانه و صار محلها نهر . فأرجو منك أن تكتب لنا الشعر المعتاد عليه الجميل الموذون.والله ذكرتنا بهل كم بيت مثل كأنا طالعين عل طريق النبعا . نحنو ناطرين الشعر المعهود منك

ثو القثة مع أبو ذاد.. وين لثانك؟ أكتلو البيثة... ما عم يطلع منك ولا حرف ثح...
أنا قلتلك ما تجاكر معي وإنت مانك راضي غير ما تذاكر معي...
خليتنا نرجع نبقها...
هلأ ما حدا يعملي هية غيبة ونميمة وثخرية.. لأنو يجوذ في المنتدى ما لا يجوذ في غيره...
بعدان يا مهند لاذم تقولو لأبو ذاد: تقبر كذاذي
ادعمنا يا شامي ... ما إلنا غيرك بالأحاديث الملونة...

الشامي

09-04-2007, 08:58 AM

السلام عليكم جميعا :) ...

والله أحسد الشعراء على هذه الموهبة ... وخللوها أخوية.. يحق للشاااااااعر ما لا يحق لغيره... وإلا كيف سيعبر عما يجول في خاطره...؟؟ ..والهجاء بالهجاء والمديح بالمديح... وكلنا ضمن الأدب .. بس هون شعر ونثر ووو :) ...

خللوها حُبية...رواه الشامي منيح هيك خيي فشلااااااااااان... يعني على الأقل بيت شعر من بين شفافك ولسانك الأحمر الجميل.. الظاهر انو ما منستاهل...يالله بسيطة يعني بتضل أحسن من القاسي اللي عم ينادي بتنحيتي من فوق رؤووووووسكم... شو مفكرنا أحسن من الزعمااااااااء.. على الكرسي لحتى يتكسروا اجريه.. واللي بدو يغلط بدي سلط عليه الفشلان.. وشفرات المهند... يا أهلين بالشباب...:)

أخوكم:rolleyes:

فشلان

09-04-2007, 04:10 PM

شو بلشت الحرب عليي يا قاسي.. ليش يا حبوب عم تقسى على قلبي الضعيف... أنا كل عمري بشد الضهر فيك...
إنت لاحظت مثل ما أنا لاحظت إنو فجأة ظهر أبو جاد.. وما إلو ولا شغلة ولا عملة غير يستهدفني.. إذا مش ملاحظ.. فيك تشوف مشاركات أبو جاد.. وتتأكد بنفسك.. لأني أنا لما اخترت إني رد عليه..عملت هيك.. ووجدت إنو كان مشارك قبل هالمرة بمشاركتين بسيطين. أما الآن فحامل السيف ومبلش فيني.. شو مفكرني خاروف ناطر حتى يدبحني... لأ معليش.. كبيرة عليه... وقولة ما بقولو: لا تنام بين القبور ولا تشوف منامات بتفزع.. ما حدا طلب منو يهاجمني بهالشكل... ولا أنا حيطي واطي..

أنا وأعوذ بالله من كلمة أنا بعطي فرصة على طول... مثل ما عملت مع السيف أبو شفرة.. ومن هالمنطلق رح اعتبر إنو مهاجمتك لإلي.. كانت متسرعة.. أما إذا بلاقي عكس ذلك.. فما تلومو إلا نفسكم...

وحاجة تشغل راسك... وتحسب الأوقات والساعات يلي بطلع فيها على الإنترنت... فيك تخلي حدا يمرق بعد الصبح يدور على البيوت يلي ضاوية... أكيد رح يكون بيتي من بيناتن... يعني بتسهل عليك البحث نتفة...

بس على كل حال... دووووووووووووووووووع

فشلان

09-04-2007, 04:12 PM

على كل حال أنا عرفت مينو أبو جاد... لما سأل عديلو عن التعدد.... وأنا بالفعل بحترم هادا الشخص... بس هو يلي شن الحرب... وأنا بدوري رح دافع... نعم رح دافع....

أبو جاد

09-04-2007, 08:40 PM

بارك الله بكم ياشباب . شو ياسيد فشلان عفوا على الكتابه الغير صحيحه . للاسف كان الجهاز الموجود عندي كا لا يوجد فيه عربي . ولكني غيرتو:p كرمالك .يا أخ فشلان موش ملاحظ أنو الأخواة رفعو العلم الأبيض و بطلو يكتبو شي . والله يا معلم شيفلك أنك سكتن بأقوالك و شعرك النير و الله معو حق الشامي يغنجك أكتر من هيك . بس أرجو من الأخواة مايخلو الفشلان يكون فرحان بحالو و أرجو منهن المشاركه بقوه

المهند

10-04-2007, 12:32 AM

شو قصدك يا فشلان انو انت عطيتنى فرصة ؟!! وعلى شو كانت الفرصة؟!!! ليك انا منى ابو جاد ولا هارد ها!! يعنى تأنى كتير معى!!روح فشلن عكل العالم الا عليي!! و على العموم ازا انت قررت تردلو تارو لخالك تو ام ابو اخو ست دملوك " الله يرحم التراب يلى نزل عليه بعد ما دفنتوا وكفنتوا بقصيدتى":p بتكون واهم كتير وغلطان كتير يا صاحبي لانو :p انا ما بتمشى معى قصة التارات والقبضايات يا حبيب ستك!!يعنى خليك بيلي قدك احسنلك!!وبتعرف انت انو سيفي أعمى مابيشوف لما بيتهاوى بلمعتو هو وعم يقص الرقابي!! يعنى لقد كان لك في دملوك عبرة!! وما تعود المهند يوما أن يخلف بوعده ولا وعيده!!وقد اعذر من أنذر:p

فشلان

10-04-2007, 07:38 AM

يا ماما.. يا ماما خبيني... المهند معو سيف من قصب... بدو يهويلي فيه... بس أنا بردان.. ما بدي حدا يهويلي...

ليك يا معلم... أول الشي روح خود كم ساعة Dictée بالعربي عند الإستاذ إحسان.. بعدان تعا لعنا.. منشوف كنو منسمعلك شو عم تحكي... إذا بيتين ونص كان فيهم 88 غلطة..

يا حبيبي نحنا ما عنا وقت نضيعو.. ومش جايين هون نعلم صف الروضة إملاء... يالله لما بتلاقي حالك صرت قد المقام.. تبقى شرفنا...

المهند

11-04-2007, 01:09 AM

والله يا شيخ عمر فكرة حلوة ازا قصيدة بتخلى العلاقة تقوى بين شخصين كتر خير الله!!يعنى هلء فشلان بيعمل قصيدة غزل لفشلامة ومنرتاح منو ومنبطل نسمع صياحو هون او كمان بركى بيبطل يتشهشأ بالبكي على خالو دملوك!! فكرتك حلوةوالله!!!! بعدين يا خيي اخوك الفشلان حاسومتخوف منى ماكون عم اعملو قصيدة هاجاء وبالش يعمل مناورات دفاعية ووقائية لصد الهجوم بالوقت يلى انا ناسى انو فى حدا اسمو فشلان عم يحوم فوق راسى متل البرغشة عم يطنطن ! ساعة بيقولى معملك قديم ومن ايام ست ستى!! وساعة سيفك مكسر !!يعنى ماناقص بعدشوى الا يقولى دخيل الله ما تهجينى يا مهند لانى رح اعملا بتيابى!!هههههههههه بالمناسبة يا فشلونى سلملى عستك الله يرحما طيبة وميتة!!:) وانا ما بهجى حدا الا ما بتطاول عليي ويتجاوز الخط الاحمر وما سوى ذلك فانا انسان كتير ديموقراطى وسيفى ما بينسل للا ليقطع مش ليداهن!!ويلعب!!:)

عمر ملاط

11-04-2007, 08:17 AM

يا شباب معليش ما حدا يزعل...
بس أنا اضطررت آسفاً لأن أعدل بعض الأبيات التي ورد فيها كلام بذيء نوعاً ما... وأرى أن يقتصر الأمر على الهجاء دون ألفاظ وتشابيه غير لائقة... وحبذا لو ندخل الآن في مجال الغزل... يالله بركا بتتصلح أموركم مثل ما اصطلحت معي.. بس لا حدا يفهم إنها كانت منزوعة أحوالي قبل القصيدة... كانت تمام التمام ;)

أبو حسن

12-04-2007, 10:13 AM

وحبذا لو ندخل الآن في مجال الغزل... يالله بركا بتتصلح أموركم مثل ما اصطلحت معي.. بس لا حدا يفهم إنها كانت منزوعة أحوالي قبل القصيدة... كانت تمام التمام ;)

يرضى عليك يا أبا النصر (سابقا) / أبو البراء (حاليا) لا تفتح علينا هالأبواب ... ;)

العبد الفقير

12-04-2007, 01:30 PM

ولك يا مهند ، شكلوا فشلون بدو شي ضربة ، يعني هو ما تربى من خالوا الهيأة ، ولك وين اختفيت يا خيي جابر ، هل كان وقع قصيدة المهند كبير عليك ، يعني عم نمزح ما تخد القصة جد ، يرضى عليك .

المهند

13-04-2007, 11:43 PM

الظاهر يا بو الويس لازملو ترباية لانو هدد وتوعد وبدو يقص راسى !!وانا لعيونك يا ابو الويس لحتى اشخطو نصين بسيف المهند البتار!!:)

عمر ملاط

14-04-2007, 11:09 PM

ولك شوبكن... على أساس الموضوع وضع للشعراء فقط.. ولكن لا أجد فيه غير المعارك.. وإن تخللها بعض الشعر...
وحتى نعود إلى موضوعنا بعيداً عن السيوف والشفر والشوك والزهور... إليكم هذه الأبيات كتبتها حديثاً حين تركت عائلتي وهجرت... حيت تركت بلديت وهاجرت... ظناً مني أني سأجد السعادة... فإذا بي تلات نقط... وقد شبهت نفسي حين تركت بلدتي راجيا العز في غيرها كالجدي حين يريد الطعام فيترك البراري... ومثل طائر النورس أراد مزيد الرزق فترك البحر وراح يبحث في الصحراء...

أبيت العز واخترت الصغــــــارا ...... وأهملت المكانة والفخـــــــــــارا
وأبديت البطولة وسط كبـــــــــر ...... بهجر كنت أحسبه انتصــــــــارا
تركت فؤادي المحزون صبــــــاً ...... وهمت محارباً أغزو القفــــــــارا
كجَدْيٍ تائه ترك البـــــــــــراري ...... كطائر نورس هجر البحـــــــارا
وطار إلى بلاد الله يرجــــــــــو ...... مزيد الرزق.. فاختار الصحارى!!!
فيا ليت الفؤاد أحاط علمــــــــــا ...... وأدرك أن ذا يُدعى انتحـــــــــارا!!!

المهند

15-04-2007, 12:27 AM

لا تعزب حالك يا شيخ عمر!! ما رح تقدر توقف فورة المهند البتار على الفشلان!! لانو الاعصار قادم!!;)

الزاهر

15-04-2007, 12:50 AM

عمر ملاط

15-04-2007, 07:25 AM

يا أخي زاهر أنا مع أي فريق حطيتني؟ :d :d :d :d

الريس

15-04-2007, 10:20 AM

يا زاهر حليحل ، ما حدا غيرك مشكلجي ، أنا زلمة جاية بدي ناقش وحاور ، بس انتو ما عندكم حجة ، فدرتوا القصة على الجعدنة والرذالة ، يعني اذا أنا حاطتني مع المدعو وسيم غنوم هل الأد شايفني (حُذفت من قبل المشرف) ، والأحلة من هيك انك حاطتني كمان مع المهند يلي عم يعمل ارهاب فكري

المهند

15-04-2007, 04:26 PM

واحد متلك ومن امثالك الحقيرين ولى فصعون!!انت شو مفكرنا ولاد زغار ما منعرف ليش فايت!!عامل حالك فايت تحاور وفايت بالناس بعرض السكة!!؟انت جايي تتسلى وتعمل مشاكل وتسب فلان وتحكى على علتان وتعمل ضجة حولك وحواليك وتلهى العالم كلا فيك!!بس ما تفكر حالك انو انت هيك ازكى من غيرك!!الكل عارفينك وعم يتسلو فيك يا جاهل!!اصلا لو كنا شايفينك اهل للحوار كنا حاورناك!!بس منيح هيك لازمنا سمليحة بالمنتدى كل ما واحد تقت عبالو نكتة او همروجة بتطلع براسك يا ريس الرياس!!نسيت اسالك قديش جمعوا نسوانك الاربعة مصارى هالجمعة يلى مضت؟!!:p قال ارهاب فكرى قال!!مفكر حالو شى مناضل فكرى وسياسى كبير !!تضرب ما اجدبك!!:p هههههههههههههه

الزاهر

15-04-2007, 06:25 PM

يا زاهر حليحل ، ما حدا غيرك مشكلجي ، أنا زلمة جاية بدي ناقش وحاور ، بس انتو ما عندكم حجة ، فدرتوا القصة على الجعدنة والرذالة ، يعني اذا أنا حاطتني مع المدعو وسيم غنوم هل الأد شايفني (حذفت من قبل المشرف) ، والأحلة من هيك انك حاطتني كمان مع المهند يلي عم يعمل ارهاب فكري

السلام على من اتبع الهدى
والله أنا يا عنكبوت أبو شاكوش مصدي مشكلجي بعض الأحيان ومشكلني أني مرآة للدي يتكلم معي
فإن كان ... (ما إلي عين أولها ومش من ثقافتي هده الكلمات) من أمثالك كنت ... مثلك
وإن كان دلك الشخص شريفا كنت شريفا وحاولت أن أكون أشرف منه
لكن هده مشكلة وأدعو الله أن أتخلص منها

ثانيا أنت تقول أنك تهدف للحوار يا عنكبوت؟؟ وين الحوار اللي أجريتو إدا أنت لا تقرأ الردود بشكل منطقي ومتجرد عن أصوليتك وتخلف فكرك وبدائيتك وأنت لا تعترف بالطرف الآخر

ثالثا يا عنكبوت من أنت ليحق لك أن تقول عن شخص لن تصل لشرفه وعزة نفسه من مثل وسيم غنوم ، لتقول عنه أو تصنفه كـ"حقير" يا عنكبوت (ولك صارت صغيرة عليك هده الصفة يا أبو شاكوش مصدي)
وأخيرا ما زلت أدعو الله أن يهديني ويهديك إلى الطريق القويم......

الريس

15-04-2007, 08:31 PM

بصراحة يا سيد زاهر ، قرفت من الرد عليك .

صاير فيك انك عم تدعي العلم والثقافة وانت أبعد الناس عنها ، وما بس هيك عم تشيل الصفات يلي فيك ، ويلي عاملتلك عقدة وتحطها بالناس .
أنا أصولي ، ههههههههههههههههههههههههه
وينك يا جورجات تجي تسمعي شو عم يقولوا عن حبيبك ، قال أصولي قال ، هههههههه

فشلان

16-04-2007, 12:27 PM

السلام عليكم وبعد

والله أعجبني هذا الشعر----لكان متل شعر "فشلان" الفشلان......

صار لازم نعمل فريقين بالمنتدى يا إخوان:
فريق المشكلجيّة: "فشلان" "الريس" المهند وسيم غنوم ويمكن أنا........
فريق المسالمين: الشامي نادين ......يمكن أنا بنحط هون بعض الأحيان... وكم زلمة آدمي هيك.....

بس وين فريق "كريشة النص"؟!!!!؟؟؟؟!!!!؟؟؟؟!!!!

سلام محبة

بعدوليييييييييييييييي... فلتوني... ولك تركوني عليه.. تركلي القميص... تركني تركني....
يعني كل شي مسموح إلا إنك تغلط هالغلطة...
أنا فشلان.. وعم تهيني هالإهانة.... ليش يا حبيب قلب الماما؟؟ شو عاملك أنا حتى تسبني هالمسبة هادي؟ أه
لكن أنا بتحط اسمي جنب اسم الريس؟؟؟؟؟
يا عيب الشوم عليك.. قال مهذب قال.. المهذب هيك بجعد وبقول هالحكي... سقطت من عيني.. وبدي عيدك السنة...
والله حزت بقلبي كتير... لكن هيك بتهيني هالإهانة...
ولك قول شعري معفن... (حُذفت من قبل المشرف) ويلي بدك اياه.. بس ما توصل لها المواصيل.... أنا أطالب بتعويض مالي وقدره عشرمية وعشرطاعشر هورار...
بعدان أيمتى حلا تقوم القيامة هيك بالمنتدى... والله كلها يومين كان الكمبيوتر خربان... وعم صلحو بالبلد... وتعا خود على كلام قبس.. بكرة إن شاء الله وغداً ما شاء الله.. وسبحان العلي العظيم...
ولا أيشو هادا...
ولك دووووووووووووووووووووووووووع

فشلان

16-04-2007, 01:34 PM

أنا قلت ما حلوة سافر وإرجع وما جيب معي هدايا للشباب.. شباب وبنات هه.. ما حدا يقول ما طلعلو هدية.. يلي ما بيطلعلو بيرفع ايدو.. وأنا بجبلو هدية.. أوكي... يالله رح بلش قول الأسماء.. وكل واحد بيطلع اسمو بقوم على اللوح بيستلم هديتو..
كل واحد بقوم بلا ما يطلع اسمو ما بعطيه الهدية...

يالله خلينا نبلش:

إذا الشعب يوماً أراد الحيـــــــاة______فلا بد أن يستجيب القـــــــــــــدر

أنا من تحدى سيـــــــوف العداة______أنا من يجيد ويهوى الشــــــــــفر
ولست أعير لعزة نفســــــــــــي______كلام المهنــــــد أدنى نظــــــــــر

أنا اليوم لا أستسيغ النســــــــاء______فدعني أيا شــــــــــــيخنا يا عمر
وقل ما تحب بوصف الغوانــي______تغزل من الليل حتى الســـــــحر

ويا زاهر الدين عش ما تشـاء ______تحب النشيد وتهوى الصــــــور
تروح باسمك شرقاً وغربــــــاً______فهلا تقول على ما استقــــــر؟!!

ويا ريس القوم كنت عظيمــــاً______أرى اسمك يوحي بشيخ النـَّــور

ويا أحمد الخير دعك لهذا الـــــــــــــــــــترهبن والفلسفات الأخــــــــــر

ويا أم سفيان عي ما تقولـــــي______أراك تدقين بـــــــــــاب الخطر
أنانية منك تبدو فهــــــــــذا الـــــــــــــــــــتعدد ليس قضاء الوطــــــــــر
فهذا قضاء بحق اللواتــــــــي______يردن التمتع مثل البشـــــــــــر
فكل النساء تحــــــب الــزواج______تحب التمتع فيما اســتــتـــــــر
وليس التحدث بالأمر يكفـــــي______فليس العيان كمثل الخبر!!!!!!

ندين.. تحب حكايا الصغــــــار______وموهوبـــــــة في قضايا أخر
تلـــــــون آي الكتاب الكريـــم______وتشــــــــدو بتلوين ذاك الأثر

وسيم يحب الخناق ويهوى الــــــــــــــــــــتشاجر مع كل صنف البشر
تحنن علينا بلطف وعطـــــــف ______فتلك الفظاظة لا تـغــتــفــــر

ونور التي قد تجلت بمامــــــــا______وتلقـــــــــــــي لأبنائها بالدرر

وزاك اللزي قد أضاع الحروف______أبو ذاد أعني لمــــازا انحثر؟
يغيب لشهر ويبدو بـيــــــــــوم______ولكن يُسلـّي إذا ما ظهـــــــر

ويا هارد مالي أراك قويــــــاً______تهفّ المواشي على من ظهر
تهدد شامينا بالتنحـــــــــــي______وترميــه في المنتدى بالحجر
فشامينا يا حبيبي تقــــــــي______يردُّ الحجارة أحلــــــى الثمر

وفشلان ماذا أقول عليـــــــــه______خلوق بريء يغض البصــــر
رقيق.. إذا ما تصدى لخــــالٍ______رأيت الدموع تفوق المطـــر
حيي يحب جميع البرايـــــــا______ولولاه قلنا: الحياء اندثــــــر
حنون رحيم تحلى بعطــــــف______ترى الخير من راحتيه انهمر
جميل إذا ما تبدى علينــــــــا______تحدى الشموس وفاق القمــر

في حدا ما طلع اسمو؟؟؟

محمد ابوعبدالله

16-04-2007, 02:06 PM

نعم انا ما طلع اسمي

فشلان

16-04-2007, 02:49 PM

الله يسامحك أخي محمد أبو عبد الله بن هشام النابلسي...
ولكن يؤسفني أن أخبرك أن اسمك الصغير هذا لا يمكن لا للمتنبي ولا للفرزدق ولا للفشلندق أن يحصره في بيت شعر..
ولا بدك إنو تطلع القصيدة كلها ذكر اسمك..؟؟؟
يالله راحت عليك هالمرة... بركة بالسنة الجاية.. يا حبوب...

العبد الفقير

16-04-2007, 02:56 PM

شعر ، رائع ، وان كان ما كتب عني غير صحيح ، فأنا لست مشكلجيا ولا أحب المشاكل بتاتا . بس الله يسامحك يا فشلان

فشلان

16-04-2007, 08:53 PM

والله أمرك عجيب... شو إنو الشامي حكر عليك.. بعرفو من قبلك أنا يا قاسي، عشرة عمر.. مين غيرو كان يقرينا قرآن.. الله يسامحك.. شو مفكر الشامي حبة وحبتين... ليك على هالقصة... شو هو الشامي رئيس الوزراء حتى ما أعرف أخبارو...

بعدان أنا يلي بعاملني منيح بعاملو منيح... ومنشان هيك مدحت خالي جابر والشامي.. خالي لأنو وقف معي.. والشامي لأنو بدو يعملي انتخابات بالموقع... وإنت طالبت بتنحيتو أو بمراجعة مهامو... شو بدي امدحك يعني.. وذمو.. والله شغلة هادي... بعدان شو القصة معك مرة بتقلي شيخي ومرة دارس شريعة... ومرة بطيخ مبسمر...

على كل حال.. أنا خالي موصيني ما تقل بالكلام على حدى... بس ما فيني حبست نفسي عن الريس.... أما البقية فقد انتقيت لهم الكلام الذي لا يجرح... إلا إذا جرحك.. ما على أساس لعيب كراتيه وبالش مواشي وجنب ومايكري... يا قوي إنت يا قاسي...

بعدان ليش عم تسأل عن خالي.. ما قرأت البيت اللي كتبتو عنو؟
رقيق.. إذا ما تصدى لخــــالٍ______رأيت الدموع تفوق المطـــر

الزاهر

16-04-2007, 09:05 PM

السلام عليكم وبعد

ولك يا خيي ما كنت عارف إنك حتفهم هيك----سامحني
بعدين شو هالجرم إذا حطيناكم بمشاركة ورد فيها إسم عنكبوت أبو شاكوش مصدي
هالأد هالزلمة معتبرينو "......" (هاداك الشي المجوي المألعط اللي بتاخدو البلدية كل يوم عشية) والله الشب يمكن يكون آدمي وعم يلعب....مانكم عم تفهموا عليه يعني....أد ما راسو مشربك ما حدا بيفهم عليه

كما يا أخي العزيز أنا أشكرك من كل عقلي على هذا الشعر الرائع
بتعرف كم مرة وأعت عن الكرسي ورجعت أمت أنا وعم أقرأ هالمشاركة-----عدهم متل عدنان على إيديك وإجريك
ولك موتني من الضحك ألف مرة----صرلي ما ضاحك هيك من شي مدري كم عشرطعشر سنة........شكرا مرة أخرى

***********************
ويا زاهر الدين عش ما تشـاء ______تحب النشيد وتهوى الصــــــور
تروح باسمك شرقاً وغربــــــاً______فهلا تقول على ما استقــــــر؟!!
والله يا أخي استقريت على الأنا اللي كنت حابب ألك مينو هالأنا وأنت بدورك يا ريت تعرفنا مين بيكون أناك لحتا نعرف لأي أنا بدنا نحط هالشعر الرائع. فإن كان أناك يأبا أن يقول أنا فلان الفلاني فلا تتعب أناك بالتفكير كثيرا -------ولك بعد ما طلعلنا هالعنكبوت أبو شاكوش مصدي صرنا عندنا احترام للناس الأوادم اللي متلك ومتل الشامي ووووووو....ألف مرة زيادة

ولك بدكم ياني ألو كش كش لهالعنكبوت.....ما هو فادني أكتر ما ضرني-----والله تمنيتك تكون هون يا أخي وئت العلئة الكبيرة (المسخرة الكبيرة) لكنت نظمتلنا شعر وجبتني بالسكتة الألبية -----إذا هيك شعر سخيف موتني من الضحك فشو لو كان شي أسخف من هيك (شو ؟! صار لونك أحمر ولا لسا؟؟؟؟؟ عم إمزح معك أخي العزيز)

********************
بعدوليييييييييييييييي... فلتوني... ولك تركوني عليه.. تركلي القميص... تركني تركني....
يعني كل شي مسموح إلا إنك تغلط هالغلطة...

ولك شو بنا أخي العزيز؟؟
ما مبارح دعستلّك بألبك بنص الضيعة......هلأ جاية تعملي أبضاي بعد ما أكلت أتلة مرتبة.....روح انضب بشي مغارة أبل ما ألئطك بنص الأهوة ها......بدعسلك بألبك مرة تاية يا خيي الكريم الفاضل

وبعد كم يوم:

مبارح حسيت برغشة عأصتني ......آم جيت لأئتلها.....وإذ بي ألتفت للخلف ......وبالغدر تأتي هذه البرغشة وتعقصني مرة أخرى......فأضربها ضربة قاضية....وأنا أنفضها عن يدي تناديني :"ولك أنا فشلان، ما عرفتنــــــــــــــي؟؟........"
يا حرام شو إنك هزيل وضعيف----ولك خليي إخواتك البنات يطبخولك كل يوم برغل ولحمة وكم شغلة مغزية هيك عالماشي لحتى تكون أقوى من البرغشة-----لووووووووووووووووووووووووووووووووووووووووول!!!!!!

يالله السلام عليكم أخي الفاضل الكريم العزيز المناضل الشاعر المثقف الحكيم الـ.... الـ....
بعكس بعض ناس تعرف حالها.....

صار "بعض ناس" لها معان أخرى أخي الحبيب

سلام محبة

فشلان

16-04-2007, 11:07 PM

رح اعملك شيخ مثل ما بدك... ورح لون الآيات كمان
قال تعالى: والفتنة أشد من القتل... وقال أيضاً: والفتنة أكبر من القتل...

ألا تستحي من نفسك حين تحاول الإيقاع بيني وبين خالي الحبيب جابر دملوك... ما لي أراك حذوت حذو المدعو المهند سيف أبو شفرة... فبدل أن تردعه عن ظلمه، ها أنت تقف موقفه... وقد قال النبي عليه الصلاة والسلام: أنصر أخاك ظالماً أو مظلوماً.. قيل: ننصره مظلوماً، فكيف ننصره ظالماً؟ قال: تردعه عن ظلمه...
حسبي الله ونعم الوكيل... حسبي الله ونعم الوكيل... حسبي الله ونعم الوكيل...

لتعلم يا قاسي ويا مهند أن الذي بيني وبين خالي ما كان ليقطعه سيف قاس ولا شفرة بالية، فكيف ببعض الترهات التي تصدر من أفواهكم.. عاجزة عن هز ورقة صغيرة... فلا داعي لأن تتمسك بالسيف أبو شفرة وتشد عضدك به.. فإنه لا يملك من أمري شيئاً..

وليعلم كل جاهل أن الحب كلما زاد.. كلما خفي... وإن الحب لا يصل إلى مرتبة الكمال إلا عندما يكون خالصاً بين المحوبين.. محجوباً عن ما سواهما.. وأنا والحمد لله أصبت مرتبةً لا بأس بها حين احتفظت بحبه خالصاً بيني وبينه واكتفيت بإشارة بسيطة خفيت على الجاهلين وتجلت واضحة للعارفين.. فتأمل يرعاك الله.. وينك يا أبو محمد القلموني.. صرت عم احكي مثلك... عجبك الحكي مو؟

ولك دوووووووووووووووووووووووع

فيصل

17-04-2007, 12:02 AM

أهههههههههههلللللييييييين يا فشلان بيك :
حسن هجاؤك للشبابي مااستطعت------------ فإنهم زينةُ المنتدا،بهم نُعَزُ ونُكرمُ
وضع الهجاءَ في الشبابِ تواضعاً -----------منكَ فاللهُ أعلمُ ما تُسِرُ و تكتمُ
إذا شئتَ أن تحيا سليماً منَ الأَذى -----------وذنبُك مغفورٌ ومكانك صَيٍنُ
لسانُك لا تذكُرهم بكلامك ألأذى-------------- فكُلُك أذى وللشياب أَلسنُ

العبد الفقير

17-04-2007, 01:44 AM

يا خيي هارد ، روق ، القصة ما بدها كل هلأد .

يعني فشلون ما كان قصدو يتهجم على حدا بس طلعت هيك عفوية منو .

فشلان

17-04-2007, 07:49 AM

يا أخي وسيم تركو... أنا بعرف شو قصتو... هو لو قرأ صح ما كان جاوب هيك....

وأنا لأنو ما الظاهر فهمني صح... سأحاول تصحيح الأمور... كما يحب خالي جابر.. فهو يحب التسامح والأخلاق الحميدة...

نعم للمزح لا للتجريح ولا للاهانة، بعد تفكير طويل بالكلام اللذي قاله الاستاذ فشلان وما ذكره من اهانات لشخصي

أول الشي يا سيدي القاسي.. يلي دائماً بتقسى عليي... أنا ما هجوتك أبداً... وإنما ذكرت صفاتك... فإن راجعت مشاركاتك.. استخدمت عبارة بدي هفك مواشي... أكثر من مرة.... وأنا كل ما قلته أنك تهف مواشي.. هل هذا عيب؟؟ أم تستحي من هف المواشي... يا أخي أنا مستحلي كون بعرف هف مواشي.... ومش عيب أبداً

وأنت من طلب من الشامي الاستقالة... والتنحي.. وإنما ذكرت ذلك لأمدح سيدي وقرة عيني الشامي الذي نادى بإجراء تصويت لي في المنتدى... فالشامي كما شبهته في شعري.. ترميه بالحجر.. فيرميك بأطايب الثمر...

فقل لي بالله عليك.. أين الهجاء؟؟؟ سأقول لك أين الهجاء... يكمن الهجاء في شيء واحد هو في بيت الريس... وبيت الأخ أبو جاد.. فإن كان أبو جاد تضايق من هذا الكلام.. فأنا مستعد لأجعله خالي الثاني... تكرم عينك.. ولتعلم أني متسعد أيضاً لأجعل كل الناس أخوالي.. ولا أبالي... يبدو أنك لم تقرأ أوصاف فشلان في الشعر؟ اقرأها جيداً لتعلم من هو فشلان..
ولك دوووووووووووووووووووووووووووووووع..

تاني الشي:
شو هل البيت المكسر الخال جابر بيستاهل اكتر من هل بيت وليش دايب الخال في ابيات مديحك لا يستحق ابيات خاصة

قولولي يا شباب هادى الكلام شو بيعني؟ مش محاولة إيقاع بيني وبين خالي؟ إذا كنت عم تحاول تخلي خالي يزعل مني لأني ما ذكرتو... فيكون بعلمك إنو بعتلي رسالة خاصة شكر بتكفيني.. مش بس بتكفيني.. الله وكيلك لابس قنينة أوكسيجين هلأ.. لأنها غرقتني ببحر لطفو وأنا مشكلتي ما عم بعرف اسبح فيه...

تالت الشي
لا يحق لك انت انت ان تصفني بالجهل
أنا ما كنت عارف إنك وصلت لدرجة الكمال في العلم والمعرفة.. وأنا لم أصفك بالجاهل أبداً.. وإنما تحدثت عامة عن حالات من الجهل بأمور معينة وكلنا يعلم أشياء وغابت عنه أشياء أخرى والمقصود هنا هو الجهل بمراتب الحب... وأنا أطلب من أخي العارف بالله أبو محمد القلموني.. أن يتدخل مباشرة.. ليعطي برأيه.. فهو قرأ كتب ابن القيم وابن الجوزي وغيرهم من الأئمة التي لا تخلو كتبهم من كلمة الجاهل والعارف بالله... فهل كلامي هو إهانة للقاسي؟ (سوف يجيب عن ذلك في السنة القادمة بإذن الله.. هادى مع أقرب تقدير..)

رابع شي..
أنت من ذكر بطريقة استهزاء شعري.. ألم تقل بطريقة مكسرة...
لو كان شعري شعيراً .. لأكلت منه الحمير
لكن شعري شعـــــور .. فهل للحمير شعور؟

وآخر الشي.. شو القصة معكم إنتو كل واحد منكن مفكر الدنيا سايبة... إذا بتريدو هادي الطريقة بتلوين الكتابات.. مش بلاش.. يعني هادى الأخت نادين سهرانة عليه أيام وليالي.. وآخدة براءة اختراع... مش لأنو ما عم تطالب بحقها.. تاكلوها بلا ملح... معليش اسمحولي فيها... عيب عليكن.. يعني على القليلة خدو إذنها.... يا عيب الشوم عليكن...
سامحينا أخت نادي.. لوووووووووووووول وخليها عفوية... ويرضى عليكي ما تعتبريها رشوة منشان الامتحان!!!!!!!!

وبالأخير دووووووووووووووووووووووووووووووووووووووووع

فيصل

17-04-2007, 09:22 AM

إن لله عبـــــــــــا داً فُطَنـــــــــاً -----------طَلَقوا الدنيا و خافوا الفِتَنا
نظــــــرُوا فيها فلمًــــا عَلِمــــوا ---------- أنًهــا ليسَــــت لحي ٍ وَطنا
جَعَلــــوهــــا لُجًــــــةً واتًــخَذُوا ---------- صـالـــِحَ الأَعمال ِفيها سُفُنا
ولك ياشباب لقد راجعت كل مشاركاتكم فل أجد الأخ فشلان قد كتب شيء من عنده، بل والله شعره كله من أقوالكم ، قلتموه بألسنتكم ، فمن لم يجد من شعره خير له ، فل يجاوبه بشعر فهذه الصفحه للشعراء فقط ، ولو كنت أعلم من صاحب المنتدى لطلبت منه أن يفتح صفحه بإسم المعاتبه أو المصارعه،فيا شباب هذه الدنيا فانيه ولكن تريد الفيطنه بالإستوعاب ،فيا أخ فشلان سر فعين الله يرعاك

فشلان

17-04-2007, 09:25 AM

الله أكبر يا خالي فيصل الجديد
أنا قرأت مشاركتك وكنت هممت بأن أرد عليها.. ولكن شغلني القاسي... لما قسى عليي بكلامو...
ولك الحمد لله... قررت أن أتخذك خالي الجديد.. لا تزعل خالي جابر.. فوالله إن لي قلباً رحباً يسع أخوال الدنيا جميعاً..... تكبيييييييييييييييييرررررررررررررررر

فشلان

17-04-2007, 12:01 PM

يالله عالاستفتاء.. يالله عالاستفتاء... كيلو الاستفتاء بألف ليرة... أرب جرب يا بو العيلة...

هادي مثل هالسيارة يلي مارقة من تحت بيتنا.. هههه بس الفرق إنو هو عم ينادي على شي ما فهمتو منيح..

ولك دووووووووووووووووووووووووووع

فشلان

18-04-2007, 09:17 AM

شو يا قاسي من وين ناقل هالشعر؟؟ كتبلك ياه المهند؟؟؟

فشلان

18-04-2007, 09:26 AM

إذا بتريد.. فرجينا قبضاياتك بالموضوع المخصص.. يعني نزال على ساحة الشعراء... حرام تضيع مواهبك هون.. عم تغني وحدك.... بعدان أكيد المهند عم يصلحلك شعرك؟ لأنو على أوزانو هادي....
يالله ناطرينك على وادي العوينة.....

ولك دووووووووووووووووووووووووووووع

فشلان

18-04-2007, 09:35 AM

يا حبيبي قولة معلمك المهند.. روحو لعبو غير هون... ما تغير الموضوع.. في عالم بدها تحكي وتتثقف... في محلات كتير للعب..
مانك ملاحظ على حالك إنك عم تغير الموضوع؟
ييييييييييييييييييي علينا. أووووووووووووووووووووف

فشلان

18-04-2007, 09:58 AM

زقفولو للقاسي كلياتكن.. استطاع أن يفتح صفحة بكاملها خارج الموضوع....
يالله واحد اثنين ثلاثة.. هههههههههههههههههههههههههههههههههههههههههههههههههه ههههههه
برافو عليك.. بس لعبة قديمة هادي... حاج تغير الموضوع... حاج....

فشلان

18-04-2007, 10:10 AM

أنا أطالب المشرف رسمياً بالتصرف حيال القاسي... لأن لعبته مكشوفة جداً وهو يتعمد إضاعة موضوع حقوق الرجال.... وأنا لا أريد أن أصف هذه اللعبة.. لأنها ستكون كلمة نابية... سأترك لكل واحد أن يقول الكلمة بينه وبين نفسه. يا أخي روح على موضوع للشعراء فقط واكتب قد ما بدك....

فشلان

18-04-2007, 11:19 AM

رد على شعر القاسي

شوشب من شعر أم قد بكى ------- صوصب عال يثير المركبا
حمل الأسفار ضعفا ثانيا -------- وربوع الناس تحكي كلمة صغيرة في كل يوم قرب الصباح
والصفا قرب المرايا عنده ------ سهم
وضعاف النفس ما قلب يرى ---- حرف جر قادر أن مرحبا
طالت الأيام عندي فانطوت ------ كان يا ما كان في قديم الزمان كان هناك واحد ماشي قام وقعا
عذبوني عند أدراج الهوى ------- و

ولك دووووووووووووووووووووووووووووووووووع

فشلان

18-04-2007, 11:56 AM

ولك دووووووووووووووووووووووووووووووع

فشلان

18-04-2007, 01:12 PM

ينصر دينك أخي وسيم غنوم .. لعيونك أحلى أبيات..

وسيم قد حوى طيب الخصال -------- حوى صدقاً حوى فهما وعلما

خلوق قائم بالحق صلــــــــب -------- يخاف الله يرقى العز دومــــا

فما من كائن يثنيه يومـــــــــا -------- ولا يخشى بدين الله لومـــــــا

أحبك يا صديقي فالمعــــــالي -------- تزيد الحب يوماً ثم يومـــــــا

ولك دوووووووووووووووووووووع

فشلان

18-04-2007, 01:24 PM

آه يا متنبي القرن الواحد والعشرين... آه يا بطل... كيف بتعرف تألف شعر هيك يا زلمة؟؟؟ منين بيطلعو معك؟؟؟؟ وموزون..... وما حدا قايلو قبل هلأ... ولا قايل مثلو.. يعني أفكار جديدة.. آخر موضة.... صرعة.... ووووووووووواااااااااااااااااااااااااااوووووووووووو وووووو

تبقى عمال تعليم خصوصي... منجي مناخد منكم شوية علم....

بس ما يقوم صاحبك المهند ضاحك عليك وقايلك من تأليفو!!!!!!!!!!

ولك دووووووووووووووووووووووووووووووع

فشلان

18-04-2007, 01:26 PM

وإسا قلي ما عم تعمل فتنة.... يا أخي أنا حبيتو لوسيم... شو بدك مني..

فشلان

18-04-2007, 01:31 PM

بطيخة صغيرة --- بطيخة كبيرة
دجاجة تبيض ---- ونملة صغيرة
شاكوشنا مصدي ---- ولم أستطع أن أذهب اليوم إلى البحر لأن الطقس ماطر....

ولك دوووووووووووووووووووووووووووع

فشلان

18-04-2007, 01:37 PM

ضحكو....
شو مفكرني ولد زغير.. ما بعرف بالشعر؟؟؟؟ شو مفكرني المهند سيف أبو شفرة....

يا حبيبي روح لعاب.... حركاتك هادي أديمةةةةةةةةةةةةةةةةةةةةةة

مفركني ماني فاهم عليه....

ولك دوووووووووووووووووووووووووووووووع

فشلان

18-04-2007, 01:52 PM

ليك ممكن سؤال إذا بتريد...

كيف فيك عم تلفظ حرف العين ورا بعضو هيك: دوعععععععععععععععععععععععععععععععع

عم حاول ما عم تطلع معي.. أولك ليش؟؟؟ علمني اياها الله يخليك.. أرجوووووووووووووووك

ولك دووووووووووووووووووووووووووووووووووووووووووع

فشلان

18-04-2007, 01:58 PM

ليك قايم اتغدى وجاية... لأنو أمي عم تعيطلي وإسا مرة بتصير تعيط عليي..... لا تروح.. راجعلك...

فشلان

18-04-2007, 03:50 PM

فأجابه فشلان إني قـــــــــــــادم ------ أجتث كل سطوركم وأقـــــــــــــــــوم
تدوي الرعود على كلامي مثلما ------ تهوي على جن الخليقة أنجــــــــــــم
قد كنت أحسب صاحبي متعلما ------ أو أنه تلك القصائد ينظــــــــــــــــــم
فإذا به متنقل بين الـــــــــــورى ------ يستل أشعــــــــارا بها يترنــــــــــــم
يا صاحبي جئني ببيت واحــــد ------ وأنا لهامتك العظيمة أســــــلـــــــــــم
لكن أقواماً إذا جادلتهـــــــــــــــم ------ ركبوا الرؤوس وهمهموا أو تمتموا
وإذا حشرت إلى الحقيقة مفلــساً ------ أبدى كلاماً فارغاً لا يُفهــــــــــــــم
لا تعتبوا يا أصدقائي وارحمـو ------- تلك العباد وحقكم أن ترحمــــــــوا
صبراً فهذا المنتدى متألـــــــــق ------ رغم الضغينة رغم من يتهجمــــــوا
فالطيبون أريجهم في المنتدى ------ والمفلسون بعمرهم لن يغنمـــــــــــــوا

فشلان

18-04-2007, 04:12 PM

يا حبيبي لا تخلي العالم تضحك عليك... إنت المهم تجاوب؟؟؟؟ خلص أعلن إفلاسك.. وخليها هلأد وبس..
ما عم تشبع؟؟؟؟

خلي صاحبك المهند سيف أبو شفرة يقطعلك اياهن.. لأنو أكيد إنت بتقص إيدك إنت وعم تقطعن.... المهند بيعرف شوية يقطع... بس بيجروح حالو من قريبو... لأنو السيف يلي معو أكتر الشي بيقطع أبيات...

ولك دوووووووووووووووووووووووع

فشلان

18-04-2007, 04:22 PM

على فكرة بتعرف ذكرتني بالنكتة..
قال مرة عملو تحدي بين المخابرات السورية والأمريكية والبريطانية
فلتو 3 أرانب وكل مخابرات لازم تلقط الأرنب بأسرع وقت...
الأمريكية لقطت الأرنب خلال عشر دقائق
البريطانية لقطت الأرنب بعد ساعة ونص

والسورية بعدها لحد اليوم لاقطة حمار... وعم تقولو: قر إنك أرنب ولاك...

وإنت حضرتك مش قانع حتى الآن إنو شعري مش مكسر... على مهلك يا حبوب... على مهلك.. على شو معجل.. ما وراك شي أبداً

ولك دووووووووووووووووووووووووووووووووووع

TheKing

18-04-2007, 04:36 PM

7élou fishlan, af7amt l jami3, khallik hayk

فشلان

18-04-2007, 04:40 PM

أنا قلتلك يا قاسي ما بترد... حدى بيشتري البهدلة شراية؟؟؟؟

يعني كان الملك مارق مرقة طريق.. خليتو يوقف حتى يضحك عليك... هيك هلأ خليت الملك يضحك عليك... هادى أخوها للملكة تبيعت مكسرات الأطفال....

الله محييك يالملك... شو كيفك؟ كيف أخبارك طمنا عنك...

بس مش ملاحظ إنو الكتابة بالأحرف الأجنبية مانا منسجمة نهائياً مع موضوع اسمو للشعراء فقط؟؟؟؟

بس على كل أهلا وسهلاً فيك.. ومرحبا كمان .. تكرم عينك..

عقبال الباقيين يا قاسي..

ولك دووووووووووووووووووووووووووووع

TheKing

18-04-2007, 06:30 PM

tamam ya khayyi fishlan
بس مش ملاحظ إنو الكتابة بالأحرف الأجنبية مانا منسجمة نهائياً
مع موضوع اسمو للشعراء فقط؟؟؟
awlak hal a7rof manna a7san min "shi3r" akhona Hard
:D :D :D

المهند

19-04-2007, 02:11 AM

فشلون اضطريتنى اهجيك وماكنت حابب ضيعلك مستقبلك!!حرام!!تقبر كزازي انت!!:p المهم انو بطلب من المشرف ماحبيت تقلك العيار كتير!!تقبر فتات ضميري الميت انت وخالك دملوك يلى بكيت عليه!!بعدك عم تبكي يا تمساح؟ انو والله من كتر نحيبك يا تمسوحي الصغير طلعت معي هالابيات!!لا وصاير بتهددنى كمان وبدك تقطع راسي؟!! العمى على هذالزمن السمخ!!ناقصنا تقتيقة بدا توقف بوج الاعصار!!:p ناوي بعد هالهجاء نية تانية!!ببقى بخبرك عنا!!دوععععععععععععععععععععععععععععععععععععععععععع ععععععععععععععععععععععععع!!
اه!!..بكى التمساح فشلندق النواح!!
وتقرحت اجفانه!! ودموعه قد ساحوا!!
جحظت عيون "فشيفش"!! ولقد علاه صياح
ها قد ألان قلوبنا!! ذا البلبل الصنداح!!
أمساند دملوكنا؟!! ولجوخه مساح؟!!
فشفوش يا ثأر الحمى أشواك خالك راحوا
خيط بغير مسلة حيث المخيط مباح
فشلان درعك دمعة ان داهمتك جراح!!
يا راضعا عز الخنا سخرت بك الاقداح!!
ثور يخور بغيظه وبشعره نطاح!!
أحجم فلست بفارس واخسء أيا نباح!!
ما نلت شيئا يا فتى ياأيها السواح
من شعرة في شاربي في مهدها ترتاح!!
خل النسور لعزها في تيهه تنساح
فشلانة هيا ارفضي ما في النكاح مزاح!!
يا خافيا متنكرا باحوا بسرك باحوا!!
علق لأذنك قرطها قرط النساء مباح!!
واجعله حكمة جيلنا ما أقبلوا او راحوا:
أحبب ب"هند"ان عدى داسوا الحمى واجتاحوا
حاشا لبرق ان سنا أن يحتويه نباح

فشلان

19-04-2007, 09:47 AM

الله أكبر الله أكبر الله أكبر

فاق المهند بعد سبات عميق..... ولك والله فاق....

عيب عليك يا مهند.. صرلك شهر عم تعمر بهالقصيدة... ما تركت نقلة رمل ولا بحص... ولا حديد .. وبالش بهالجبلة.. مبين عليك التعب على فكرة..... روح ارتاح سنة جديدة هلأ... أوكي..
تعبناك معنا اليوم كتير... اعطو محرمة خلو يمسح هالعرق....
يا شباب ناولو المهند قنينة موية.. نشف ريقو الزلمة.... أو بقلن خلوها فنجان عصير.... شو بتحب يا مهند ليمون.. جزر... ليك لا تستحي كلو جاهز وتحت الطلب.....
يا عيب الشوم.. كلن تلات أربع أبيات... صرلك فين أكتر من شهر.... ما كنت عم تلاقي مين يساعدك يعني؟؟؟ الله يهديك بعتلي رسالة خاصة كنت ساعدتك فيها شوية... الله يسامحك... ما بتعرف إنو فشلان قلبو كبير وبيساعد الكل.......
بعدان ما بين معك إنو الدموع مؤنث؟؟؟؟ كيف عملتها هيك مذكر؟ ساحوا الدموع... وأكلت أبي تفاحة كبير... ونام أمي اليوم على الأرض لأن السرير مكسورة... فرآها أختي... فقال: لم تنام يا أمي على الأرض؟؟؟ فأجابها أختي الثاني: لأن السرير مكسورة...

ولك دوووووووووووووووووووووووووووووووع

ما بقى معي خواصير.... يا تقبر خواصيري إنت.. بس يالله يحق للشاعر ما لا يحق لغيره...

بس بتعرف خلينا بالجد هلأ... إلي طلب منك صغير... قلو لهادى صاحبك القاسي... إنو ما بقى يحكي باسمك.. يا زلمة جرصك.. أنا استحيت عنك يا زلمة... ونبهتو قلتلو يسكت... ما عم يقبل إلا يحكي.. والعالم تضحك.. وهو يحكي والعالم تضحك وهو يحكي....

ولك دوووووووووووووووووووووووووووووووووع

بعدان ماني عارف ليش الكلمات هلأد صعبة حتى تطلع معك.... ما عم تلاقي غير الكلام النابي تستخدمو؟؟؟؟ ما عم تسعفك الكلمات والأريحة الشعرية؟؟؟ يا حبيبي ما في أسهل منها الكلمات.. في كتير كلمات معبرة أكثر من كلماتك الجعيدية.. قال فشلان جعيدي قال.... شو سمعو يا عالم هالحكي....

على كل حال أنا مش رح نام شهرين وارجعلك... يعني شغلة عشر دقائق ما أكتر.. يعني بينات ما أكتب الكلمات مش أكتر...

لا تنسوووووووووووووووو نحنا راجعلكننننننننننننننننننننننننننننننننننننننننن

ولك دووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووع

فشلان

19-04-2007, 10:12 AM

يا حبيبي يا مهند.. يلي بتنطر الليل لما بنام.. وبتصير تصطاد بالماء العكر... أنا مش رح رد عليك بنفسي... لأنو المنام يلي بصرتو اليوم هو يلي رح يرد عليك.... لأنو أنا نعسان ورح ضل نايم.... مش رح عذب حالي كرمال كلامك وكلام صاحبك القاسي.... ما بتستاهل القصة... جاية تحارب جيش خالي جابر يا مهند يا سيف أبو شفرة؟؟؟؟ روح لعاب روح.....

لما أويت إلى الفراش الوافـــــــــــر----- وغفوت في ليلٍ أريحُ مشاعري

فإذا برؤيا في المنام تقول لـــــــــي ----- انهض، لتـَسلم من هجوم الماكر

إني أحس بعُصبةٍ موهومـــــــــــــة ----- تلهو وتعبث في الظلام الساتــر

فأجبتها مِن طرْفِ عيني قائـــــــلا ------ مجنونة أنت لتوقظي خاطري؟

أنا لا أهاب الموت أو أخشى العدى ----- لتخوفيني من غبارٍ عابــــــــر

نامي وقري واستريحي واهنئـــــي ----- ولتشغليني بالكلام الساحــــــــر

فاستيقظت رؤياي قبلي عندمــــــا ----- سمعت هتافاً في الصباح الباكــر

وهَوَتْ لِتبحثَ في ربوع المنتدى ------ عن ذلك الصوت الغريب الخائر

فإذا به "القاسي" يُهللُ في الورى ------ يشدو ويفخر بالكلام الفاجــــــــر

لم تـَعْجَبِ الرؤيا لذاك الملتهــــي ------ فلقد عهدناه بغير مشاعـــــــــــر

عيبٌ عليك أيا مهند أن تـــــرى ------- أعشــار شِعر في ربوع الشاعر

يستخدم الكلمات دون درايــــــة ------ فـَتـَراه يلقيها بشكل سافــــــــــــر

إن كان جيشك فارغاً متهاويـــاً ------ فـَلِمَ التسارع في لقاء الجابــــــر؟

فاربأ بنفسك فالذي يَحْوي البـِلى ----- يُزْكِي تفاهتهم، فليس بشاعـــــــر

إن كان قائد جيشكم في عــــزه ----- سيصيب عبداً في جيوش الجابـر

يشدو بذلك مُعْلِنــاً أمجــــــــاده ----- وملاحماً يحكي بها للعابـــــــــر

فكفى بتلك مذلة ومهانــــــــــة ----- فـَدَعِ التكبر في ربوع أكابــــــــر

وتعودُ رؤياي الحنونة مثلمــا ----- راحت، لتدخل في صميم الخاطر

وتهدهدُ الفشلان وسْط سباته ------ وتجودُ شعراً في ضمير الشاعر

وتقولُ فـَلـْـتـَهْـنـأ ونمْ مُتنعِّماً ------- فلقد كفيتك مكر كل مُشافِـــــــر

يا سيف أبو شفرة

ولك دوووووووووووووووووووووووووووووووووع وخلينا نشوفك السنة الجاية مثل هلأ.. أووووووووووووككككككككككييييييييييييييي

فشلان

19-04-2007, 10:42 AM

إيدي بزنارك يا مهند...
يستر على عرضك يا سيف أبو شفرة...

القاسي عم يبهدلني ويشرشحني ويمسح فيني الأرض... يا عمي ما بقى قادر فرجي وشي للناس...
يرضى عليك بدفعلك أد ما بدك.. بس لا تخليه يهجيني هيك....

ولك دووووووووووووووووووووووووووووووووووووووووع

فشلان

19-04-2007, 10:44 AM

ليك يا قاسي بدي اسألك سؤال... فهمت شي من الشعر؟؟؟ يعني إذا سألتك عن شو كان الموضوع بتعرف تجاوب...؟؟؟

يالله معك خمس دقائق.. راجع منيح.. منشان بدي إسألك..

ولك دوووووووووووووووووووووووووووووووووووع

فشلان

19-04-2007, 10:47 AM

صحيح هيك الموضوع.. كيف عرفت بس؟؟ حدا نقلك؟؟ مين المهند؟؟؟ بدي وقفو على الحيط هلأ

اتركني يا قاسي.. هلأ مشغول شوية... أنا عم حضر نفسي لاستقبال شيء مهم جداً بالنسبة لي...
لو قلتلك ياه مش رح تفهمو...
خليني اتفضى لحالي شوية مع نقطة... بس لما بتنشق عبير الكلام يلي رح يجيني هلأ... برجعلك ... ماني مطول...

فشلان

19-04-2007, 10:51 AM

وقد قال الله تعالى في محكم التنزيل: واعتزلوا النساء في المحيض... صدق الله العظيم

فشلان

19-04-2007, 12:46 PM

اعلم يا قاسي.. أنني ومنذ اللحظة... وبعد أن قرأت إرشادات الخال الموقر... لن أجيب عليك... ولن أتجاهلك أيضاً... وهي حالة في ما بين الحالتين...
واعلم أيضاً أن ردي بعد أيام سيكون زلزالاً يصدمك صدمة ما بعدها صدمة.. ستجعلك تكف عن هذه الجمل التي لا معنى لها.. وتلقيها عند كل مفرق...

إن شاء الله مفكر نحنا منضيع وقتنا على الفاضي.. نحنا منعرف يا قاسي شو عم نعمل... فجهز نفسك.... لأنو بدي غرقك.... بتعرف تسبح؟؟؟؟؟

شو رأيك يا خال؟ كاتب الحبر السري مو؟؟؟؟؟؟؟؟؟

لعيونك

فشلان

19-04-2007, 01:02 PM

قال بقولو : يلي بيعرف بيعرف ويلي ما بيعرف بقول: كف عدس!!!!!!

فشلان

19-04-2007, 08:54 PM

طيب أنا جايب معي شوية بيض مجهزلك هنا...
ولك دوووووووووووووووووووووووووع

الزاهر

19-04-2007, 11:40 PM

السلام عليكم وبعد

والله يا أخي الكريم فشلان أنا كنت أكره ما أكره "الشعر العربي". لكن بعد أن رأيت شعرك ما أحببت شيئا أكثر منه

ولك شو بدك من المهند
شعر فشلان شعر، وشعر المهند شعر؟!
وين الملائكة من الشياطين؟!

بدي منك كل ما يصير عندك كمية كبيرة من الشعر تبعتلي ياهم رسالة خاصة أو بريد وأنا رح إعملك أحلى تصميم لأحلى ديوان شعر بالدنية.....ببلاش كمان---ما رح آخد منك ولا فرنك
وإذا بدك بس تطلع معك شي قصيدة حلوة كتير بعملك ياها رائعة وعلى حجم كبير (بس هون صار لازم تحكّ جيبتك شوية----بتكلفني كتييييييير لووووووووووووووول....)

خلينا عم نسمع شعرك الشجي خيي العزيز.....

كمان شو بدك من "الصلب" "القاسي" "المشكلجي"......
طنش عنو وسمعنا شعرك ---إلا إذا رديت عليه بشي شعر رائع من أشعارك......

يالله، إلى الأمام أخي الكريم.....

سلام محبة

أم سفيان

20-04-2007, 08:37 AM

من جد زعلانين مع بعضكن ولا مزح
إذا جد حتى نحاول نصلح بينكن

الزاهر

20-04-2007, 07:27 PM

كلشي إلا تتدخل بفراشتي ها!!

السلام عليكم وبعد
والله يا أخي العزيز رورو حدا بيتزاعل هو وحبيبو
بعدين يا أخي كونك عم تعاتبني هذا معناه إنك بتحبني---لأن العتاب ليس إلا لحبيب
وإن شاء الله أكون أعتبتك وتكون رضيت عني---منيح هيك أخي الكريم

بس أصحاك تحكيلي عن فراشتي ها----عزيزة كتير على ألبي يا خيي---ما فينا نتحمل حذا يحكيلنا عنها

إنت يتسمح حدا يحكيلك عن فراشتك وزهرة ألبك؟؟!!
بعدين أنا اللي راسم هالفراشة---يعني مفصلها على زوقي---بدك فراشة أحسن من اللي إنت مفصلها على ذوقك

سلام محبة

عمر ملاط

21-04-2007, 09:13 AM

ولك شو القصة معك يا صعب... والله إنك صعب.. ما كفاك فشلان.. بلشت بزاهر...:cool:

المهند

21-04-2007, 04:22 PM

جد شغلة!! لك مين جايي عند اخر هالعمر يعلمنا ويتفلسف علينا!!يعنى عقولة المتل:بعد هالكبرة جبة خضرة!!"يعنى ازا هالقد قصيدتى نعرتك وما عم تخليك تعرف شو بدك تخترع وتحكى حتى تضيع العالم وتفرجيون انك منك مقروص ابدا مش مشكلة!!خلص فهمنا انو القصيدة منا منيحة ابدا ولا بعرف اهجيك انا يا عمى!!بس دخيل الله سمعنا سكوتك وحاجتك فلسفات!!ازا هيك بترتاح وبتحس انك منك مدعوس ماشى الحال ما فيا شى بجد!!:p بعدين يا تقبر قلب ستك بس تصير بتفهم جوهر اللغة مزبوط وتعرف الالف من الجزرة عقولة احمد ديب الله يرحم التراب يلى نزل عليه ابقى تعا تفصحن علينا وعلق!!او بقولك !!خليك عم تحلك احسن بس تذكر بس تفيق تتحمم يا شطور دوعععععععععععععععععععععععععععععععععععععععععععععععع عععععععععععععععععععععععععععععععععععععععععععععع:p

فشلان

21-04-2007, 07:17 PM

أنا كنت بالأول عم اترجاك حتى تخلي القاسي ما يحكي منشان ما ينزعلك صيتك ويبهدلك... لأنو كان عم يحكيي درر وحكم... على أد ما كان ملخبط وما عارف شو بدو يحكي... كان أقرب جملة بلاقيها على الجوجل بيعملها نسخ وبيشلحها بالرد... سواء كانت بتشبه الموضوع أو لأ... المهم إنو حكى...

بس هلأ يا حسرة.. انقلبت الآية... يرضى عليك يا قاسي خلي معلمك المهند يرتاح.. لأنو الظاهر ما عم يلاقي كلام يحكيه... قام صار عم يحكي مثلك... شي مظبوط وشي مش مظبوط.. المهم يحكي ويرد اعتبار...

مانو عارف المنظوم إنو لو ما حكي كان أشرفلو بكتير... يا زلمة شي هالأجيال هادي... على أساس متعلم وبيعرف...
أنا بعرف إنو الواحد لما بحس حالو انلجم بالحكي... بيضبضب حالو وبيهرب على السكيتي... ماني عارف ليش العالم صارت بهرب على المكشوف... يا أخي كان فيك تضل ساكت وما تحكي... ومنفهم بطريقة مبطنة إنك أفلست.... ضروري تشرح للعالم كلها إنك ما طلعت بتعرف المذكر من المؤنث.....
بعدان صاير مثل صاحبك القاسي.. فيك تقولي كيف عم تقدر تلفظ حرف العين بآخر كلمة دوععععععععععععععععععععععع تبعيتك هادي؟ عم جربها ما عم تظبط أبداً.. وعم صير اضحك على حالي وحدي... أمي كل نتفة عم تجي تفكرني جنيت....وأنا عم قلها: ما في شي بسيطية.. عم جرب مواهب القاسي والمهند... بس يا حسرة.. عم تهز براسها وتروح.. قولك فاهمة الموضوع...؟؟؟؟!!!!!
يا حبيبي بقولو دوووووووووووووووووووووووووووووووووووع

فشلان

21-04-2007, 08:40 PM

ما أنا عملت هيك.. قام جات الماما تضحك عليي.. فكرتني جنيت....
عم يصير معك نفس الشي مو؟؟؟؟

ولك دووووووووووووووووووووووووووووووع

الزاهر

22-04-2007, 12:32 AM

لالالالالالالالا-----عنجد صارت الأصة كبيرة ها!!

صار بدها صلحة مرتبّة بينكم إنتو.......
ولك شو بكن...

وينك يا أبو الشباب يا شامي .......وينك يا أم سفيان.....وينك يا أبو محمد......وينكم يا أوادم
(مدري لشو ما ذكر حالو---بدكم تعرفو لشو؟ لأن بعضكم شايفني ظغطور وما أهل صلحة....ما هيك يا فشلان)
أصحا حدا يفكر كلامي موجهو لحدا ها

السلام عليكم

المهند

22-04-2007, 12:52 AM

كيكي كيكي صاح ديكى فشفوكى الروسى ههههههههههه انو يا اخى انا ما عم اعرف كيف بيعرف المذكر من المؤنث ازا حضرتك بتسعفنا وبتشرحلنا الطريقة يلى بيعرفوا فيا!!هههههههههههه

فشلان

22-04-2007, 07:49 AM

في شغلات بدها بحث وتدقيق حتى نعرف إذا مذكر ولا مؤمنث... بس الدموع تبعيتك الظاهر صارت مذكر...
وتقرحت اجفانه!! ودموعه قد ساحوا!! ولك دووووووووووووووووووووووع لأنو الظاهر حتى الآن ما عرفت غلطك.....
ولا عم تنظمي الشعر بالقلموني يا حبوب..؟؟!!!!!!
بعدان أنا بقلك مثل كيف بتعرفي إذا الحمامة دكر أو إنتاية...
بحطيها وبتكشيها... إذا طارت بتكون إنتاية وإذا طار بيكون دكر..

ولك دووووووووووووووووووووووووووووووووع... صحيح جربت تقول إنت دوععععععععععععععععع تبعيتك ... ولا كمان الماما ضحكت عليك....

فشلان

22-04-2007, 09:07 AM

هل إنت وقعت بين شغلتين كل واحدة أبهم من التانية.. يرضى عليك لا تفهمني غلط.. أبهم صيغة أفعل من مبهم.. وليس من بهيم.... يرضى عليك.. بترجعو بتتهموني الجعدنة... وأنا وأعوذ بالله من كلمة أنا... ماني جعيدي منوب.... يعني ما بقول للواحد يا صرصور.!!!!!

المهم وين كنا... آآآآ

يعني إذا كنت أنا هاني أكيد مش رح قلك آآآآ أنا هاني وافضح نفسي...
وإذا كنت مش هاني كمان ما رح قلك لأ منشان تضلك ضايع....

فطلاع يرضى عليك من هالأفلام البايخة... ورجاع اشتغل بالبطيخ الأحمر والبطيخ الأخضر تبعك... بس انتبه ما تتشردق بالبزر.... ترى بيشردق..........

ولك دووووووووووووووووووووووووووووووووووووع

فشلان

22-04-2007, 09:59 AM

ليش هو شركة البايغون فيها تحصي الصراصير يلي شالحها بالمنتدى... وين كتب صرصور قال.... الله وكيلك صاير المنتدى معشعش صراصير...
قال دلو وين.... يا أخي إنت شلوحتن... روح دور على الصراصير بنفسك.... في شركات بتهتم بالصراصير.. اتصل خليهن يجو يتصرفو...

ولك دووووووووووووووووووووووووووووووووووووع.. بس لا تغير رأيك.. أنا هاني منصور.... مش وسيم قلك؟؟؟
ولك دوووووووووووووووووووووووووووووووووووووووع

فشلان

25-04-2007, 10:27 AM

ها أنا يا أخي أعلن توبتي أمام الملأ... كما أعلنت عداوتي من قبل...
وكما كتبت شعراً ينتقدك ويهجوك... ها أنا اليوم أترك المجال لريشتي المبدعة (متواضع كتير) لتسطر أبياتاً أقدمها لك وألفها بورقة هدية لون أزرق تعبيراً على صدقي وإخلاصي... علني أجد منك رضى وقبولاً في قلبك وليس في لسانك..

كما شكرت فيها الأخت أم سفيان لأنها سعت في الصلح وأرادت الإصلاح...
ولكن لا بد في هذه القصيدة من الاستطراد نحو قاعدة المهند الجديدة في المؤنث والمذكر والجمع بينهما. وقد جعلته بالأخضر..... أعز الله الهارد أي الصعب أي ربيع عبد الرحيم عبيد....

حَنَّ الفؤادُ وأخمِدَ البركــــــــــــــــان ----- وألان قلبي ذلك الإحســـــــــانُ

جَفـَّت عيون الدمع في عتباتكـــــــــم ----- وأمات روحي ذلك الهجــــران

نسرين قلبي قد هوى متعطشــــــــــاً ----- ورجا رواءك قلبيَ العطشــــان

وأتيت ألتمس السماح بعفوكـــــــــــم ----- فالنفس من بعد الرضى تـزدان

وجَعَلتُ أخرج من فؤادي غِلـَّـــــــــه ----- قــلــبٌ أمينٌ رانـَــــــه الخــذلان

قد كنت أقسى ما أكون عليـــــــــــكمُ ----- واليوم من سوء الكـــــــلام أدان

أنا يا ربيع معذب في داخلـــــــــــــي ----- أنا مخطئ دومـــــــــاً أنا إنسان

أنا قد رضيت بأن أحاسب في الورى ----- فـَيـُـدَقَّ جسمي أو يُقـَصَّ لسـان

ما عدت أرجو غير أن تعفــــوا وأن ----- ينهال منكم فوقيَ الغفـــــــــران

وإذا رأيتــــــــــــم غيمة تحت السما ----- لا تحسبـــــوها أنهـــــــا عدوان

كم من غيوم قد سقــــــــت أرواحنا ----- ونمت بسقياها ربى وجنــــــــان

فارحم وسامح مخطئاً في حقكــــــم ----- من دق بابكمُ فليس يُهـــــــــــان

ورأيت إيماناً سرى في المنتــــــدى ----- والمـــــرء يُزْكي قـَدْرَه الإيمان

كم كنت أرجو أن تكوني خالنـــــــا ----- لكنــــــــــــــه التأنيث يا إخوان

لو كنـت في درب المهند ماشيـــــاً ----- وأقمت قاعدةً بها ولهــــــــــــان

لجَعَلـْتُ خــــــــالاتي جميع رجالنا ----- وطغتْ على أخوالنا النســــوان

في دعـــوة الإصلاح يبدو فضلكم ----- وبــــــه يُعـَــزُّ المنتدى ويُصـان

فأجبتُ دعواكم لصلح طيـــــــــب ----- لــيُـنـَــكـَّسَ التجريح والطغيــان

يبقى كذكرى لا يزول مقامــــــها ----- تشــــــــدو بها الأيــــام والأزمان

يا إخوتي مُنـُّـــــــــوا عليّ بتوبةٍ ----- يهنا بها قلب الفتى ويُصـــــــــان

لا تقذفوني بالرذيلة والغـــــــوى ----- بات الفؤاد تذيبــــــــــه الأحزان

من كان شهماً حين يُقذف بالغوى ----- فـَلـَهُ بمريم أســـــــــــوة تزدان

فلتشهدوا أني جهـــــــرت بتوبتي ----- أنـــــا مؤمن بَرٌّ أنــا فشـــــلان

من يعلم اسم العائلة التي تم ذكر جميع أفرادها في هذه القصيدة... وبيطلعلو بيت شعر بلاش........

يالله قرب جرب يا أبو العيلة..... بيت شعر ببلاش... قرب جرب....

أحمر حلو عالسكين وعالحلاوة... ولك دوووووووووووووووووووووع

الزاهر

25-04-2007, 12:01 PM

السلام عليكم وبعد
ولك أنا ما ألتلك شعرك رائع......
بس فيه شغلة صعبة على "الصلب" (منيح هيك خيي ربيع)
وإذا رأيتــــــــــــم غيمة تحت السما ----- لا تحسبـــــوها أنهـــــــا عدوان

بس مين هاد إحسان.....

سلام محبة

فشلان

25-04-2007, 12:08 PM

يا أخي زاهر معليش سمحلي فيها.. ممنوع الغش... ما فيني قلك مين إحسان...
بس كل يلي فيني قولو إنو في أسماء كتير زدتها منشان ضيعكم....

بس ليش صعبة على الصعب... أنا شبهتو هو بالغيمة... بس نبهت الناس إنو ما يوقعو بنفس غلطتي... يعني مش مجرد ما يشوفو غيمة جاية.. يقولو عذاب.... يمكن جايبة الخير معها... وبالتالي شبهت أخي الصعب بالغيمة يلي بتجيب الخير.....

الزاهر

25-04-2007, 12:41 PM

ما اختلفنا أخي الكريم على قصدك---فربيع كله خير وبركة (أنا ما عم جامل حدا ها---أنا بحكي أواص وما بلف وبدور كتيير---إذا زلمة عجبني بألو ياها بوشو، وإذا ما عجبني كما بألو ياها بوشو)

بس أنا قصدت أن الأخ ربيع في كثير من الأحيان كلما جائته غيمة ---مهما كان لونها---بيبلش أواص عليها بالأم سكستين......سامحنا خيي ربيع....بس بعض الأحيان الناس بتتسرّع
متلي متلكم.....

يالله وين القصيدة يا فشلان؟!.......ما وعدتني بواحدة....ناطرك ها....بس المشكلة أد ما بأعد عالكمبيوتر وجعوني عيوني من الشاشات.....بدي ياها على ورقة....(بركا منشيل عنها البصمات ومنعرف مين فشلان......عن الشامي عن نادين:"لوووووووول".)

خيي ما بدي أعرفك ها......لائوم عالئ معك بيوم من الأيام آم صير أكره قصائدك.....خليها عاجبتني.....بس ما بعرف ليش ألبي عم يألي إلك علاقة بحارة عبد الله الحلو (الله يرحمو ويرحمنا ويرزقنا الجنة وإياه).....ولا ألبي ضايع ما عم يفكر إلى بفراشتي بهالأيام وعم يألي أشياء غلط؟!........

يالله خيي: إلى الأمام......بارك الله بكم

وأكتر شي عجبني بأشعارك الجديدة (آخر كام "مقصودة" (قصيدة يعني)) أنها لا تخلو من الحكم....بوركت
من كان شهماً حين يُقذف بالغوى ----- فـَلـَهُ بمريم أســـــــــــوة تزدان

يالله أخي الكريم......توصونا بشي ؟......فراشتي عم تناديني.....ما فينا نزعلها.....

السلام عليكم

فشلان

25-04-2007, 12:55 PM

هادى إنت يلي صوتت؟؟ ولا حدى صوت واغتنمت الفرصة؟؟؟؟؟؟؟؟؟؟؟؟؟؟

على كل مثل ما بدك.... إنت عطينا اسم فشلانتك... وأنا بعملك أحلى قصيدة... بس لا قوم حبها.. لأنو الشاعر حتى يطلع معو الشعر لازم يحس فيه...... يعني لازم يكون واقعي بحياتو وعايشو...

وإلا بيطلع الشعر ركيك...

الزاهر

25-04-2007, 01:08 PM

والله أخي الكريم "فشلانتي" يبدأ اسمها بحرف "الفاء" ويتلوه "الراء" ويتلوه "الألف" ومن ثم "الشين" وبعده "التاء"......صعبة تحطها بقصيدة مو؟؟؟؟

بس خيي لا تنسى التوقيع ها.....أنا بحب الفنان يمضي أعمالو.....

سلام محبة أخي الكريم-----لا يؤوم كنت عم تحكي جد ها......

فشلان

25-04-2007, 01:34 PM

ولو........................................

أنا ما تعودت احكي وارجع عن حكيي...................

أحلى قصيدة للفراشة.... ورح خليها تغط على زهرتك يا زاهر
منيح هيك.... هية الفراشة وين ما راحت وطارت، بدها ترجع للزهرة يا زهورة إنت....

بس ما فهمت شو قصدك بالتوقيع... إذا قصدك على توقيعك يلي بكعب الصورة فمش مبين منيح.. يا ريت تبعتلي اياه أو تبعت الصورة أكبر بشوية

الزاهر

25-04-2007, 05:42 PM

أهلا بك أخي الكريم

فشلان:"هية الفراشة وين ما راحت وطارت، بدها ترجع للزهرة يا زهورة إنت....
ولك ولك!! زهورة آل.....يا عيب الشوم عليك أنا بيئولولي "زازي"
بس ما فهمت شو قصدك بالتوقيع... إذا قصدك على توقيعك يلي بكعب الصورة فمش مبين منيح.. يا ريت تبعتلي اياه أو تبعت الصورة أكبر بشوية"
قصدت بالتوقيع أن توقع لي القصيدة، يعني إنت ما تشوف العالم بتأتل بعضها منشان تواقيع الفنانين. يعني بدي توقيعك بنهاية القصيدة.......هاد كان أصدي....ولا ما شايف حالك هالأد مهم؟!

أما إذ بدك الصورة فهذه قصة ثانية----لسا ما عرضتها للبيع هاللوحة.....شو رأيك منيح 40 مليون يورو؟ ولا رخيصة شوية!! تكرم عينك رح إبعتلك ياها بس كيف؟! أنا من كم يوم صرت بكره الرسائل الخاصة أد ما فيها لبكات......
بالمناسبة هل أنت توافقني الرأي أن الإنسان يبدع عندما يكون مكتأبا. لأن هالفراشة وأت رسمتها كنت كرهان الدنية واللي فيها.....
أما أمي سنا طوط فدائما ما كنا نناقش هذا الموضوع بالصف وكانت تقول لنا أن الإنسان يبدع عندما يعيش بسلام....
شايف وأت بكون مبسوط وما حدا أدي، ما بيطلع براسي شي أبدا.....هل أنت من مثلي؟!

السلام عليكم أخي العزيز----فتاح الرسائل الخاصة....وإذا ما لأيت رسالة مني فهذا معناه أني حاولت شهر إبعتلك ياها وما إدرت آم عصبت وكسرت الجهاز.....

جابر دملوك

25-04-2007, 08:05 PM

نسرين قلبي قد هوى متعطشــــــــــاً ----- ورجا رواءك قلبيَ العطشــــان

وأتيت ألتمس السماح بعفوكـــــــــــم ----- فالنفس من بعد الرضى تـزدان
وجَعَلتُ أخرج من فؤادي غِلـَّـــــــــه ----- قــلــبٌ أمينٌ رانـَــــــه الخــذلان
ورأيت إيماناً سرى في المنتــــــدى ----- والمـــــرء يُزْكي قـَدْرَه الإيمان
من كان شهماً حين يُقذف بالغوى ----- فـَلـَهُ بمريم أســـــــــــوة تزدان

إبن و بنات السيد أحمد أمين الحاج محمد

HARD

25-04-2007, 08:09 PM

اخي جابر انا جاوبت قبل منك
وانا بعثت هذا برسالة خاصة
واستحق البيت :)

فيصل

25-04-2007, 08:20 PM

ولك شو هل الفشلان هيدا ، الله يسلم هل ديات يا فشلان بيك ، والله الأخ ربيع هيك و أكتر من هيك بس الأخ زاهر ميدري شو قستو ، ليش مروكبه معو هيك يا سيد فشلان ، ولك يا أخ فشلان ميكون بدو شو قصيده ،الأخ فشلان هو لها ،لأنو الغريق لا يهمه التبلل
، نحنا ناطرينك يا فشلان ، ولك حدن يقول لربيع أنو فشلان عتذر منو ولك كمان مدحو كمان ، اكيد موش عارف لأنو متشكرو و قبل إعتذارو وللللللللللللللللوووووووووو وينك يا ربيع

فشلان

25-04-2007, 08:27 PM

ولك يا عمي لا حدا يعلق... بعدان كمان خالي جابر بعث برسالة خاصة...
هي القصة بيلي بيشارك على الهواء مباشرة.. أما ما يحدث تحت الهواء.. فيبقى تحت الهواء.... كما أني بعثت برد للأخ الهارد أنني لم أفهم تمويهه.. ولكن لم يجبني... وقد قرأت رسالة خالي جابر قبل رسالة الهارد.. ولكني راجعت الأمر فوجدت أن الهارد بعث بالرسالة قبل الخال المكرم....
بس هلأ يا حسرة كيف بدنا نرضي الاثنين؟ من وين بدنا نجيب بيتين؟ الله وكيلكن أصعب الشي البيوت بهالإيام...

بس خلص لعيونكم أحلى بيتين.. بس أنا هلأ كتير ملخبط... وقريحتي الشعرية مروكبة... بتسمحو وبتنطرو لبكرة؟؟؟

بس لأن راسي مشغول بشغلة تانية...

فيصل

25-04-2007, 08:50 PM

ولك شوكراً يا سيد فشلان لأنك خليك الخال يحكي ولك هيدي بوسه بين عيونك ، ولك شو مبيطلعنا شو بيت فري او في شو عرض كول بيتين بيت فري , وأنا بدي بيت لي أو محل معليش أنا ناطر

فشلان

25-04-2007, 09:09 PM

إلى أخي أبو محمد القلموني...

لو كنت أعلم أن ذكري لبعض الأشخاص سيحرك فيك الإحساس بهذا القدر... والله لما تأخرت يوماً عن ذكرهم... وكأني أحس فيك نوعاً من الوحشة... خيمت بقلبك لفراقك من تحب... وأعتقد أنني غير مخطئ فيما رأيت في القلمون..

ولنخرج من هذا المجال لنتكلم في أمر لغوي.. فالصحيح أن يقال: نجحت بامتياز... وليس نجحت في امتياز.... وهي لا تكسر الوزن...

وأنا أطلب منك رسمياً أن تضع الأبيات في هذا الموضوع....

وأنا مسرور جداً لأني حصلت على مرادي من ردي الأخير في حقوق الرجال... فأنا أحب أن يتحرك المنتدى.. وخاصة بين المشرفين....

ولذلك ألجأ أحياناً لبعض المشادات المتعمدة... والله على ما أقول وكيل.. والله على ما أقول شهيد....

فشلان

25-04-2007, 09:17 PM

أخي العزيز فيصل..

والله العرض خلص الأسبوع الماضي... بس على مهلك عليي شوية... في عرض جديد جاية أطول من الطول...

بس ولا يهمك.. خلص تكرم عينكم كلكن...

يا شباب هادى إعلان هون.. يلي بحب إنو ينذكر بالشعر.. يا أخي ما في أحلا منها يوديلي 100 $ على البيت... هادى آخر عرض ها....

الله وكيلكن على كثرة الطلب عم نستبد بالناس ونرفع الأسعار.... بولادي ما بتوفي... عم نبيع بسعر الكلفة... ما عم نربح شي.... والله الحالة كتير صعبة.. ومشاكل وحروب... وكل يوم منقول بدا ترجع تعلق.. بدنا نعيش يا أخي...

بس إنت يا خيي فيصل... بيطلعلك أحلى بيت... لأني إذا ماني مضيع وقفت معي.. لما كنت عامل مشاكل مع الشباب من فترة...

فشلان

26-04-2007, 09:21 AM

يالله يا شباب هادي القصيدة صارت جاهزة.. وزعت بيت بيت على كل واحدة... بس أنا عاجبتني كتير هالقصيدة ما بعرف ليش.. هية ويلي قبلها... ماني عارف شو السر فين.......
لا تواخذوني لأني ما شكلتها ورتبتها.. بركة بعد شوية.. لأني معجل هلأ... عندي نزلة على البلد

أراد القوم مني بيت شعر ----- وها أنا ذا ألبيكم وفيا

وما تلك القصائد باصطناع ----- وليست مهملاً ألقيه ليا

فما تلك القصائد غير شعر ----- يعبر عن شعور بات فيا

فما بيني وبين الخال سر ----- أبوح به إذا أفضى إليا

ومن يظهر هواه فذاك نقص ----- فأرقى الحب ما يبقى خفيا

وأنت أيا ربيعاً في حياتي ----- أراك بهمةٍ صعباً قويا

وفيصل لم يزل يبدي وداداً ----- فكان مقامه عندي عليا

فراشة زاهر طارت وغنت ----- على نسرينها لحناً شجيا

فتلك فراشة تهوى زهوراً ----- كما أهوى خجولات المحيا

أحب كلامكم أهوى لقاكم ----- وإني دونكم أغدو شقيا

وعيش المرء من غير افتقار ----- لخل صاحب ما زان شيا

يعيش المرء في وسط البرايا ----- بسقيا حبهم يغدو نديا

ومن يحيا الحياة بغير حب ----- سيذبل عوده ويموت غيا

أعينوني على قلبي فإني ----- أهيم بحبكم ما دمت حيا

جابر دملوك

26-04-2007, 01:10 PM

ماذا عساي أقول للفشلان
ويراعتي جفت وشل لساني

"لا فض فوك" قليلة في حقه

جزاك ربي جنة الرضوان
طرق القلوب بلطفه وذكائه
وغزا العقول بحكمة وبيان
بشماله رفع اللواء مرفرفا
ويمينه تهوي على الفرسان
إن كنت تنوي طعنه في غفلة
ذنب الجبان سيثقل الجنبان
تالله قررت اللحاق بجيشه
فهو الأمير وقائد الشجعان

الزاهر

26-04-2007, 07:48 PM

أخي الكريم فشلان......ولك شو باك إنت وأبل آخر بيت....عطول أبل آخر بيت هيك؟!

مشكور خيي.....

المهند

27-04-2007, 01:30 AM

سلامات
سوري حبيبي فشلون بس كنت مشغول بشوية امور شخصية
بس اليوم هيك انا وقاعد بالبيت قلت والله صرلي زمان ماطليت عالربع بالمنتدى وماهجيت الفشلان!!يعنى حبيت تكون رجعتي مدوية بس هالمرة منى ناوى كمل بالهجاء الك او لغيرك لانو حابب نوع تنى من الهجاء بس بما انو طلعت معى هالقصيدة فما حلوة ما ابعتلك ياها تكون خاتمة الهجاء بينى وبينك لانو بصراحةما عم افضى اطلع عالنت بسبب شوية اشغال!! يعنى ما بخفى الجميع انو جايي عبالى الشعر الثوري هالايام!!خصوصا بعد ما شفنا تحرك جو الصواريخ مبارح بفلسطين وانتهت الهدنة!!يعنى ما تواخزنى يمكن الهجاء فيه كلمتين مقذعين!!بس برجع بقولك خلينى اتسلى بولد زغير بدو يعلمنى اللغة والشعر عند حنية ضهري!!ههههه
يعنى حبيت كمان يلحقو لصاحبك الشامي يلى عم يشد بضهرك ويحنفشك علينا انو سيف المهند ما بيوقف بوجو اكبر راس الا بيخطو من جذورو.. يعني حلمت او ماحلمت بقصيدة هجاء بعد اليوم ما بقى رح رد عليك لانى مش فاضي رقص سعادين بعد اليوم!!!........ههههههههههههههههههههههههههه

شامي يشعل فشلانا ويولع فيه النيرانا
كي يهجو بتارا صلبا بقصيد أتعس ماكانا
"اهج المهند لاتخف" وب"هارد" اغرز أسنانا
ومضى الفشلون مندفعا بركانا يقذف نيرانا
برغوث نطنط مفتخرا هو ذا يتراقص جذلانا
لكن بركانك يا صاح قد أخمد من سيل سمانا
مسكين انت يا شوشو تنحت من صخر هلكانا
وتفتش دوما عن رقع لتواري شعرا عريانا!!
لم تقو على هجوي صحوا هل تقدر ذلك غفوانا؟!!
في حلمك سطر ملحمة بخيالك اقذف بركانا!!
فالنوم لمثلك منجاة يشفي موهوما "طرمانا"
اقطع بنعاسك كلماتي لا تبقي في حلقي لسانا

أعلنها "شخرة"صنديد لاتقبل ذلا وهوانا
أقرفت "كزازي" يا هذا وجلبت لروحي الغثيانا
فقصيدك" خضخض" معلاقي قد أنعس جفني النعسانا
(حذفت من قبل المشرف)
في نومك او صحوك زندي في جيدك قد دق سنانا
دوووووووووووووووووووووووووووووووووووووووووووو ووع
دوعععععععععععععععععععععععععععععععععععععععععععععععع عع
روح احلم وفيق و وفكر وشغل طاسة راسك يا فشلون وركب ابيات وقوافى وعصور دماغك وتعاى لعندى بالاخير حتى غرقك بشبر مويةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةة
لك هالشامي يلى عم يحنفشك عليي طلع حمصيييييييييييييييييييييييي
دوووووووووووووووووووووووووووععععععععععععععععع ععع
هههههههههههههههههههههههههههههههههههههههههههههههههه هه:p

فشلان

27-04-2007, 11:14 PM

والله أكثر ما يمكنني فعله الحقيقة أن أشكر الشيخ عمر على ما حذفه.. وإن كنت أتمنى أن يحذف أكثر... وأنا شاكر لك وممتن لأنك سوف تريحنا من كلماتك الراقية الخلابة.... التي باتت تفتننا وتطير بنا في عالم الجمال والروعة...

والله في الحقيقة لقد غلبتني بالفعل.. فأنا الآن عاجز تمام العجز عن الرد... فلم أعرف ماذا أقول.. وكيف أرد على كلماتك الراقية.... لقد بحثت عن أعلى سلم عندنا لعلي أستطيع أن أرقى بها إلى مستوى كلامك.... فلم أستطع... استخدمت ونشاً كبيراً.... فلم يستطع الونش أن يصل إلى مرتبة كلامك... وأنا الآن وصيت على ونش خصوصي من ألمانيا... بدي حاول شوف إذا من خلالو ممكن أوصل لمستوى كلامك... ما بعرف ناطر.... تا شوف...

على كل حال... سأسمع نصيحة خالي.... وسأجعل شعري في شيء مفيد أكثر من الرد على كلماتك النابية....

ولك مني ألف تحية..

المهند

28-04-2007, 12:42 AM

ليك سمعت انو الفشلانة تبعيتك جارتنا من شان هيك وكرمال الجيرة والعيش والملح ما رح ردعليك بس عكل حال لا ونش ألماني ولا بلجيكى بيقدر يشيلك من جورتك ويوصلك لقمة سيف المهند البتار يلى بيلمع تحت اشعة الشمس الحارقة!! لانو الفاشلين مصيرون يبقوا تحت طول عمرون :p

Warrior

28-04-2007, 01:03 AM

اخي المهند انا ادعوك للصلحة مع الاخ فشلان فهو طيب القلب و هو قد تصالح مع الاخ هارد يعني خلينا نتصالح مع بعض بكون افضل يلله شباب عن جد

اخوكم المحارب _-

المهند

28-04-2007, 01:44 AM

المهند لا يهادن احدا!ولا يعرف بريقه الاوهام!.. وقد سبق واعلنت اني تركت الهجاء وحان وقت الثورة يا محارب!!فهلم الى شعر الثورة المتفجر!! أرنا شعرك الجميل كالذي قرأناه عندك!!أسمعنا انين الجراح ولهب العنفوان..يا نسر القمة والصحراء!!..و
اطلب من الفشلان ان يسمعنا من شعره الثوري الفشلوني ما يوقد جذوة الحماس ويلهب المشاعر النارية!! فها قد اتى عهد جديد..وطويت صفحة من المزاح والهزل..:rolleyes:

أم سفيان

28-04-2007, 06:40 AM

أيمتن إن شاء الله التمثيلية الجديدة بدا تبلش حتى نكون مجهزين حالنا وما يروح منا ولا حلقة ويا ترى مين رح يتقمص شخصية مين هالمرة
:rolleyes: هيدا إلك يا شامي إلى الأمام

فشلان

28-04-2007, 08:59 AM

أخي وسيم غنوم...

القصة واضحة... أنت معروف والشامي معروف والمهند معروف...لم يبق غير الفشلان... ولكني يا أخت أم سفيان... لم ولن أتقمص أي شخصية... فقري عينا... أما ما قرأته أنا في كلمة مسرحية... فلا أريد أن أفهمه... لأني لم ولن أمثل أي دور...

وكأني أراك تلمحين إلى أني أمثل والمهند... فوالله الذي لا إله غيره.. ليس لي علاقة بالمهند لا من قريب ولا من بعيد... وكذلك لم يكن لي علاقة بالهارد لا من قريب ولا من بعيد... ولم يكن لي علاقة بالريس لا من قريب ولا من بعيد...

لا أدري كيف ترين أن أسلوب المهند وأسلوبي متشابهين.. أو ينمان عن سابق تحضير...
هادي آخرة... قال تمثيل قال... مقبولة منك يا أم سفيان... يالله أنا غلطت بحقك بشغلة... ولكي أن تقولي ما شئت... فأنتم على الراس والعين

الشامي

28-04-2007, 09:12 AM

السلام عليكم :) .. كيفكم يا جماعة ..

الصراحة كللو الحق على الشامي ... مووو أم سفيان ... لووووووووووول ;)

ولا يهمكم الحلقات ستأتي تباعاً .. حضر حالك يا فشلان وشفلنا وين راح الريس وخللي المهند يشحذ سيفو وانت يا محارب خلليك محارب لا تضع سلاحك ... فالطريق لم يبدأ بعد... وأمامنا ملحمة أخرى قريباً... وحقوقنا سنسترجعها بالكلمة والمنطق والسيف...وليرضى من يرضى وليسخط من يسخط ولنُتهم بقلة الأدب وسوء السمعة...

إلى الأمااااااااااااااااااااااااام... وما أُخذ بالقوة لا يُسترد إلا بالقوة...
لا للمفاوضات .. تسقط الإنمبرايلية .. تسقط تسقط تسقط...

أخوكم:rolleyes:

فشلان

28-04-2007, 09:48 AM

ولك شو القصة معك إنت كمان يا شامي.. على أساس معنا... شو قصة التمثيل هادي؟؟؟؟ والله ما فاهمين كوعنا من بوعنا...

وين الحق عليك؟؟.. ماني فاهم... أنا الحق عليي يلي كتبت شعر ورديت على المهند.. أنا الحق عليي يلي كنت مفكر حالي عم حرك المنتدى.. أنا الحق عليي يلي حبيت إنو المنتدى ينجح أحلى نجاح.. ويضل عامر بأصحابو... بس يالله بسيطة... بدكن تخلوني توب.. وبطل احكي بشي..

أنا كل شي مستعد اتحملو إلا إنو تتهموني بشي مش عاملو أنا.. يا عمي سبولي.. دبحوني.. شنقوني.. بس لا توصفوني بصفات ما بتقبلا على نفسي...

الله يسامحكن جميعاً...

Warrior

28-04-2007, 11:27 AM

فشلان الان يلي صار صار والان نريد كما قال المهند ... وانت ايها الشامي انا سلاحي لا استخدمه الا عند الحاجة وفي اللحظة الاخيرة وكما قالت الاخت ام سفيان هناك اشياء غير معلنة وانا لا اهتم للامر ولكن انا متل عود الكبريت من شحطة بشعل فلا احد يلعب بالنار ولا تكون متل يلي شعل عود كبريت بالغابة وبعد ساعة بيرجع وبقول اوف حريقة بالغابة وبحاول يطفي فلا يقدر فكان الاجدر به ان لايشعل العود من الاصل ....
والان
نعم انتها شعر الهجاء والان نريد شعر الثورة اللذي يوقظ الضمائر من ثباتها العميق ويرفع الهمم في وجه العدو الغاصب فهل لك اخي فشلان انت تستجيب .... وان تعكس لنا مافي خلجان قلبك ... نحن نريد ان نعكس الواقع الاليم اللذي نعيشه في لبنان وفي كل الدول الاسلامية ...
والواضح ان دعوة المهند هي نهاية البداية.......

والى فشلان متى ينتهي التصويت ؟؟؟؟؟؟ .

اخوكم _-

فشلان

28-04-2007, 11:51 AM

يا أخي المحارب.. أنا أشكرك على مشاركتك.. ولكن ما حصل له وقع كبير في قلبي.... ولعلي بالابتعاد قليلاً أرتاح وأريح ربما.. وأنا الحقيقة أصبت بصدمة من تلك المشاركة... فما كنت أبنيه قد تم هدمه بكلمة واحدة... جعلت مني هشيماً وزبداً بائداً....
فلتسامحوني أيها الإخوة.. فلقد أحببتكم جميعاً وأحببتكم حقا...
وخلص ما بقى قول: ولك دوووووووووووووع... رح ريحكم منها.. ومني كمان..

HARD

28-04-2007, 11:58 AM

أخي فشلان اليك قولي لا تهرب لا تهرب شارك شارك ولا اعلم ما اللذي ازعجك بكلام المحارب فهو يجاملك كما فهمت وكما قلت انت من قبل عن الغيمة ...ولا....
اخي انا اراك تحاول الفرار وكأنك عامل مصيبة ....

---وكأني أراك تلمحين إلى أني أمثل والمهند... فوالله الذي لا إله غيره.. ليس لي علاقة بالمهند لا من قريب ولا من بعيد... وكذلك لم يكن لي علاقة بالهارد لا من قريب ولا من بعيد... ولم يكن لي علاقة بالريس لا من قريب ولا من بعيد...----- اقتباس عن فشلان
وانا لدي استفسار صغير عن جد خي فشلان انت كيف استنتجت انها تلمح الى المهند هي لم تقل !!!!!!

فشلان

28-04-2007, 01:35 PM

يا أخي يا هارد.. أنا لم أتضايق من رد المحارب... بل من رد سابق... جاء بعد أن تكلم المهند ورددت عليه... فيا ترى كيف اكتشفت أن المقصود هو المهند.. صعبة.. وبدها ليسانس؟ معي ليسانس.. يعني فيني أعرف... بعدان أنا ما جزمت.. فيمكن المقصود غير ذلك... بس أنا من خلال قراءتي للجملة توقعت...

HARD

28-04-2007, 01:57 PM

اه معك حق عفوا :)

الريس

28-04-2007, 03:45 PM

أيمتن إن شاء الله التمثيلية الجديدة بدا تبلش حتى نكون مجهزين حالنا وما يروح منا ولا حلقة ويا ترى مين رح يتقمص شخصية مين هالمرة
:rolleyes: هيدا إلك يا شامي إلى الأمام
الله يسامحك يا أم سفيان تمثيل ، قصدك انو أنا واحد كذاب ما هيك ، كنت عم كذب ومثّل .

شكرا لكي كثيرا يا أختي .

حابب أعرف أنا شو عملتلك لحتى تعملي معي هيك ، أنا ما بظن فيكي إلا كل خير وانتي بتقولي عني كذاب .

أنا ما بقدر عيش بهيك بيئة يا أم سفيان ، بعتذر منك لأن ما رح فوت على المنتدى بقى ، لأن ما فيني عيش بهيك بيئة .

شكرا لك ، يا أم سفيان .

المهند

28-04-2007, 04:21 PM

والله يا ام سفيان انا ما بنكر انو في تمثيل بالدق بس يا حزرك لو بتعرفى شو هو؟!!! انا مني وعليي كنت بعرف شو هو بس متاكد انو كمان فى كتير ما بيعرفو مع مين وبين مين ومين متلك انتى تماما!! يعنى رح اعطيكى مفتاح زغير بس وانتى فكري وخلي غيرك يفكر كمان تنشوف شو بتوصلو لنتيجة!!شو رايك بكلمة "مو"؟!! فكري فيا منيح وراجعى الكلام وابقى رديلى خبر ..يلا سلام:)

أم سفيان

28-04-2007, 04:33 PM

معليش ما بدي رد خبر لحدا بس كلامي هلأ للشامي وبس
من جد زعلانة منك

المهند

28-04-2007, 04:37 PM

لا تظلموه!!كل القصد انو كان عم يتلون بس حتى يحرك الجو بالمنتدى!!وانا عجبتنى الفكرة!!ومشيت على ممشاه وجاريتو!!هههههههه بس لاتقولولى حركنا الجو شوي!!!خصوصا لما دخل باسم الريس!!هههههههه بعدين حتى تصدقو اكتر انو متزوج انو فى واحد بيحكى بقصص شو بيحب الرجال من النسوان وشو بيرغب وما بيرغب بلا ما يكون عايش هالاحساس؟!! بعدين ما حسيتوه مقطوع وعم يحلم بهالقصص وعم يحكى متل السكران بلا وعي؟!!ههههههه:p انا يلى كسرلى ضهرى بس انو فشلانة جارتنا!!يعنى ما منقدر نتقل عليه كتير كلام ما ننكحش من البناية!!هههههههههههه

Nader 3:16

28-04-2007, 06:55 PM

الله يسامحك هيك نفرتي الأخ الريس , انت تتحملي المسؤولية كاملة لأن الاخ كما يقول في شغلات لم تتوضح عنده عن الاسلام هادا شغل يعني اذا طفش منكون خسرنا واحد على طريق الهداية الله يهدينا و يهديه ( لا حول ولا قوة الا بالله.........)

فيصل

28-04-2007, 08:35 PM

صلو على النبي يا مشتركين
يا أخت أم سفيان ليش وشو سبب هل المشكله يلي عملتيها , في مجال تشرحيلنا أكتر عن شو السبب ولك شبكن مبارح كلكن كنت عم تمدحو فشلان ،ولك يا أم سفيان صلي على النبي ، ليش هيك قومتي المنتدا كله عاى فشلان ، بعدين عم تقولي هيدي كلها مسرحيه و فشلان هو المهند والمهند هو الهارد والهارد هو الفارس ، بسس أنا كنت عم إنتبه عليكي كتير كنتي عم تشاركي يعني لزم نكوني بتعرفي من طريقت الكتابه كنن كلن نفس الشخص ولو سلامتك ، بس يا ريت تخبرينا شو سبب هل الإنتفاضه على فشلان . بعدين كلمت الشيخ تطلق على الفهيم الغني والكبير بالعمر و%

أم سفيان

28-04-2007, 09:25 PM

شفتوني وجهت إتهام لحدا بالإسم بس يلي عم يشتغلوا من تحت لتحت عارفين حالن وأولن الشامي فأنا لا نفرت ولا اتهمت ولاشي

HARD

28-04-2007, 10:05 PM

السلام عليكم
اولا يا اخوان :) انا وقعت ببحر الظنون ولا اريد من احد ان يقع مثلي يعني انا كنت على غلط تكرم عين كل الشام ...
وفشلان اعترف انو كان عم يفتعل احداث ليحرك المنتدى وهذا الكلام اصبح معلوم للجميع وهذا هدف نبيل.....
المهم هذا استفسار هل الريس هو شخصية حقيقية ام تمويه ؟؟؟؟ اولا حاولت ان اعرف ولكن بعد فترة لم اعد اهتم لأمر الريس من هذه الناحية ولكن هو بعث لي برسالة خاصة رد على رسالة مني وهذا كان في خضم الرد والاخذ ووجدتها غير منطقية لا تواخذني اخي الريس انا الان صار فيني اصرح بالرسالة لانك اعلنت توبتك للعلن

المشاركة الأصلية كتبت بواسطة HARD

السلام على من اتبع الهدى
انا وكما تعلم اسمي هارد واكيد تعلم من اكون ولا ادري ان انا علمت من تكون يمكن ربيع التاني.. او فوفو صديقي القديم ... على كل حال اريد ان اعرف هدفك الاساسي من دخول المنتدى مع العلم انا وجدتك تتردد بالرد علي ، فان هدفك الوصول الى الحق او التبشير به فنحن للنقاش عنوان ولن تخرج الا وانت مأسلم ، واما ان تلعب بالكلام ولا ترد وتتحلق حوله هذا فعل غير جيد وعنصري .

فرد الريس على هذا بقوله :

حبيبي ربيع أنا لست من تظن ، ولكن بدي خبرك شغلة ، أنا جاية لهون لحتا ناقش ، وبصراحة اقتنعت انو الاسلام صح ، بس الشباب دايرينا على البهدلة ، وأنا عم دافع عن نفسي وما بق فيني ارجع لورى . بس بقلبي رح أسلم ، ورح صير صلي .
وشكرا لك على هذه الرسالة الجميلة
يرضى عليك خلي الموضوع بين بعضنا

انا رديت
رد: الى من يصف نفسه بالريس ................
اريد ان اشاهد تغيير بالاسلوب حتى اقتنع وغير ذلك صف كلا م..... الرجوع عن الغلط فضيلة

فيصل

28-04-2007, 10:37 PM

صلو على النبي يا شباب ويا أخوات
هلأ يعني الريس موش وهم أو بسبرتو ، بس ولك شو هل الربيع ولوه ولك عبيدي ألبو كبير ،إنتي يا أختي الكريمه ما إتهمتي حدن ، بس أعلنتي الحرب على الأخ فشلان بس شو السبب والله أعلم ،بسس يا شيخ فشلان وين هل المشاركات نحنا ناطرينك ،، بس يا أخ ربيع ليش مألت للريس أنو يحترم حالو كان ويحكي بتهذيب ،بس الشباب حكوه متل مهو طرح الأسئله ، يا أخ فشلان الله يبارك بك لذكرك هذه العائله الكريمه بشعرك والله هيدي العيله إن بتحطا عل الجرح بطيب متل مبيقولو، ونحنا أهل الضيعه بنفتخر بهذه العيله الكريمه ، ويا أخ فشلان شجعتني أكتبلك إسم عيلتي تتعملي شعر بس أسماء إخواتي صعب بس إنت أدا و أدود ، بارك ألله بك

الزاهر

28-04-2007, 11:52 PM

ولك شو بها الدنية؟؟؟؟؟؟؟؟؟؟؟؟؟؟؟؟!!!!!!!!!!!!!!!!؟؟؟؟؟؟؟؟؟؟؟؟ ؟؟؟!!!!!!!!!!!!!!

شو بكم يا جماعة.......ولك شو هالمشاكل ........
والله وأت اللي علأت مع الأخ الكريم "....." (هو بيعرف حالو)......ما وصلت لهذه الدرجة
يعني حكيتو بالموضوع ومشي الحال بعد نصف ساعة رجعنا أحب من الأول......

يعني إذا قاطعنا بعضنا ما منحل المشاكل......ناقشوا شو المشكلة وكل واحد يعاتب صديقو...مع العلم أن العتاب ليس إلى لشخص تحب .......ولك إذا دلينا ساكتين ما منوصل لأي محل......بس منوصل لطريق مسدود وما بيعاد فينا نرجع للخلف........

يالله كل واحد يفضي اللي بألبو تجاه اللي عاملو مشكلة......ما بتنحل الأصص إلا هيك.......هيك منناقش المشكلة ومنطلع بصلحة......
بعدين بدي ألكم شغلة......شي مرة 2 متحابين علئوا مع بعضن إلا ورجعو أحب لبعضهم من الأول بعد الصلحة (ما هيك يا أخي الشامي وما هيك يا أخي رورو....)......خلونا على هذا النهج منصير نحب بعضنا أكتر وأكتر

وأنا ما حابب ألها لأختي أم سفيان الله يسامحك وألها غلطتي كتير وعملتيلنا مشاكل.......لكن حابب أنو تحلوا هالمشاكل بينكم ونصير نحب بعضنا أكتر وأكتر......هيك منألها "شكرا" لأم سفيان .....ما بدنا حدا يخبي بألبو......خلونا نعاتب بعضنا أحسن......هذا السبيل لحل المشاكل.....

ناطرينكم ها.....لا تخلونا نشتألكم.......والله حبيناكم متل أخواننا.....ما بتزعلوا إذا ترككم أخوكم؟!.....حيك أنا حاسس......بس المشكلة كبيرة ، صار تارك المنتدى 4 أشخاص لحد الآن.....وما عدنا سمعنا عنهم شي......والله حاسس الدنية فاضية وما فيها حدا من الأحباب........

ناطركم ها......ما بدي إفتح المنتدى المرة الجاية وما لائيك كاتبلنا شعر جديد يا أخي الكريم فشلان....
وما بدي إفتحو وأول لنفسي من كم يوم كان في واحد إسمو الريس كاتب هون.....
وما بدي إفتحو وأول لنفسي هاد فادي البيضا تركلنا ساحة البرامج جامدة.......
وما بدي إفتحو وأول إنو من كم شهر كان في واحد إسمو فادي الفرخ نتسامر وياه بالمنتدى...مدري وين صار

شو فيها الدنية لحتا عالئين عليها......ما فيها إلا المشاكل ؟!.....ما فيها ناس بتحب بعضها؟؟؟ والله أنا بحبكم......حبوني متل ما حبيتكم.....خلونا نسمع منكم المرة الجاية ها.....

سلام محبة وصلاح

المهند

29-04-2007, 12:27 AM

طالما فضحنا الامور شوي شويي ما فى داعى حدا يتفاجىء باي معلومة عم احكيا!! يعنى ازا الشامى او غيرو عم ينكر انو في تمثيلية وعم يقول انو كلام أم سفيان ظن مش بمحلو انا بدعيه انو يكشف شخصية الفشلان !!ليش ما بيكشفا؟!!انو يا شامي نحنا دافنينو سوى!!;) يعنى عفرعون يا هامان؟!! يعنى قعدنا وخططنا واتفقنا ووزعنا الادوار واخر شى بدك تنكر؟!! منوحلو هيك!!بعرف انو كشف الشخصيات رح يكون صعب عليك انت والفشلان حبيب قلبي لانو اكتر شى مثلتو بالدق,ما بنكر انا انو مشيت معكون بالمسرحية للاخير ..بس بما انو ام سفيان اكتشفت اللعبة وحست عالقصة ما بقى في داعي نتخبى بقى!!بس بعترفلك يا ام سفيان انك ذكية بجد!!وعندك حدس قوي..بالنسبة لكلام وسيم غنوم انو مستحيل يكون الريس هو الفشلان لانو التقوا بنفس وقت كزامرة برجع بقولك يا وسيمو انو كان فى تنسيق ادوار بين الشامي والفشلان وساعتا بيقدرو يفوتو بنفس وقت صح؟!! :d بس لا تقولولى كان جو بيعقد!!!وبهالمناسبة انا بحيي كل يلى مش مصدقين بعدون وفايتين بالصلحة وبقولون يا تقبرو كزازي تعيشو وتاكلو غيرا !!ههههههههههههههههههههههههههههههههههه

HARD

29-04-2007, 12:41 AM

لا اعلم الى اين وصلنا انا محتار عفوا يا جماعه :(

الزاهر

29-04-2007, 12:45 AM

ولك ليش وين المشكلة الواحد يتصالح مع حالو......

ليش أنا وأت كنت أكتب بإسم فشلان طول هالفترة ما حدا عرف إنو أنا فشلان.........
وليش وأت كنت أكتب باسم الريس ما حدا عرف إنو أنا الريس........
وليش وئت كنت أكتب باسم..........

ما ألتلكم بمحل سابق إني سبع أشخاص؟! آه؟......ما ألتلكم.......عرفتوا 2 أو 3 منهم......بس مين الـ"أنا" الباقيين يا ترى؟؟

حزورة حلوة والله........ناطر أجوبة.....بدكم ألكم واحد زيادة؟!......خلوها عليكم......

بس ما يؤووم زاهر الأصلي عم يخرّف......أولكم عم يخرف على بكّير؟!
ما هيك يا أختي أم سفيان......دايرينها على التمثيل بهالأيام.....ما عم نلائي شغل .......عندك هيك فراغ موظفين بالشركة؟؟؟؟

حلوة كانت هالتمثيلية....بس لساها مستمرة......ما رح تعرفو مين بقية السبعة........

سلام خرفنة وتأ حنك وجعدنة ألمونية وطلعة عالتعتوع ونزلة على علودات وروحة على الدرج وجيب الألشين من فوئ الطخت......

ولك روحوا فرأونا إنتو وخرافاتكم......آل تمثيل آل.......في شي بالدنية إسمو مراقبة مكان الشبكة....وين لساكم عايشين؟!.....

الزاهر

29-04-2007, 12:50 AM

ما تواخزوني يا إخوان .......سميتولي بدني.....سامع يا "مهند".....سميتلي بدني بكلامك يا أبو المشاكل

بشوفك بكرة عالعصر ودبارك وأتها......

بس ضلكم ساعيين لحل المشاكل ها.......ما تهجرونا.......أصحاكم!!!!

لا يؤوم أنا المهند كمان؟؟

ما هيك يا مهند......هل أنت من تلك الـ "أنا" السبع؟؟----جاوبني!!!

وين عايش؟؟

يالله ناطر البكس بكرة بعد العصر.......

Warrior

29-04-2007, 12:54 AM

زاهر من انت ؟؟؟؟؟؟؟؟؟؟؟؟؟ كم عمرك يا ابني ؟؟؟؟؟
انا لا افهم من كلامك شئ بليز تعلم تحكي او خلي اخوك يشوفلك المشاركة قبل ......
وانت متخبي كمان ........

البراق

29-04-2007, 01:52 AM

ريحــانة الـقـلب

حسبي من الهّم أنّ القلب ينتحبُ **** وإن بدا فرحي للناس و الطربُ
مسافرٌ في دروب الشوق تحرقني **** نار انتظاري ووجداني لها لهب
كأنني فارس لاسيفَ في يده **** والحرب دائرة والناس تضطرب
أو أنني ُمبحر تاهت سفينته **** والموج يلطم عينيها وينسحب
أو أنني سالكُ الصحراءِ أظَمأه **** قيظٌ ، وأوقفه عن سيره التعب
يمد عينيه للأفق البعيد فما **** يبدو له منقذ في الدرب أو سبب
يا شاعرا ما مشت في ثغره لغةٌ **** إلا وفي قلبه من أصلها نسب
خيول شعرك تجري في أعنّتها **** ما نالها في مراقي عزّها نصب
ريحانةَ القلب عين الشعر مبصرةٌ **** وفجرنا في عروق الكون ينسكب
وأنت كالشمس لولا نورُها لطغى **** ليل المعاناةِ وازدادت به الحُجب
يا من أبى القلبُ إلا أن يكون لها **** وفـيه مأوى لعينيها ومنقلب
الله يكتب يا ريحانتي فإذا **** أراد أمضى وعند الناس ما كتبوا
لو اجمعَ الناسُ أمراً في مساءتنا **** ولم يُقدّر لما فازوا بما طـلبوا
ريحانةَ القلب روح الحب ساميةٌ **** فليس ُيقبل فيها الغدر والكذب
ليس الهوى سلعةً ُتشرى على ملأٍ **** ولا تباع ولايأتي بها الغَلب
قد يعشق المرءُ من لامالَ في يده **** ويكره القلبُ من في كفّه الذهب
حقيقةٌ لو وعاها الجاهلون لما **** تنافسوا في معانيها ولااحتربوا
ما قـيمة الناس إلا في مبادئهم **** لا المال يبقى ولا الألقاب والرتب

الشامي

29-04-2007, 06:42 AM

السلام عليكم يا جماعة :)...

أضحك الله سنك أخي زاهر...

ويُعجبني ذكاءك أخي المهند :) فإلى الأمام ...

أما الأخت أم سفيان فلم تُهن أحدا ولم تُزعج أحدا وإنما وجهت اللوم للشامي... وأنا تقبلت اللوم ولم أجب...فلا علاقة لك أخي الفشلان ولا أخونا الريس، وأرجو أن لا تنقلب القضية إلى زعل وترك للمنتدى وأن تتابعا المشاركة وبقوة أكبر...

ولندع كل من يحب التذاكي والبحث عن الشخصيات أن يستمر في بحثه وتذاكيه:).. فهذه مادته المفضلة ومن أراد في النهاية أن يكشف عن شخصيته فليفعل ومن أراد أن يستمر في إخفائها فهذا حقه ولن يجبره إحد على غير ذلك...

أخوكم:rolleyes:

أم سفيان

29-04-2007, 07:50 AM

بدي إسأل الكل سؤال أنا شفتوني ذكرت أسماء
أنا ذكرتك شي يا خيي فشلان ليش إنت عم تطلب مني إني ما ظن وإنت معليش تظن إني قاصدتك
لا تنه عن خلق وتأتي مثله عار عليك إذا فعلت عظيم
صلحلي البيت إذا مغلطة فيه لو سمحت لأني إلي حافظتو من الشعر قليل كتير بس أكيد عرفت المقصود
إنت كيف عرفت إني قاصدتك ولا خبرتك العصفورة
بعدين أنا وين قلت إني أعلنت حرب عالفشلان شو صايبكن تحروا شوي قبل ما تلزقوا التهمة متل هاديك المرة قال أنا جرصتن
بعدين يا شامي جملتك الأخيرة عن التذاكي ما عجبتني بنوب بتعرفني حساسة مو

فشلان

29-04-2007, 08:37 AM

يعني أنا ضليت قاعد بعيد وعم راقب بس الحقيقة ما عاود فيني اتحمل... يعني أنا ماني فاهم ليش الكل قام هالقومة على أم سفيان... كل ما في الأمر إنو إجا ردها بعد آخر مناوشات بيني وبين المهند وصفتها بالمسرحية المدبرة...
وحز بقلبي إنو يكونو الناس مفكريني عم اعمل هيك من سابق اتفاق وتنسيق... فأعلنت إنكار ذلك.....

ثم قالت الأخت أم سفيان أنها كانت تقصد بكلامها الشامي لشيء بينهما.... وأنا من يقدم الآن على الاعتذار... وما كل واحد يفهم الكلام على ذوقو ويبلش إشاعات... والله شغلة نحنا المسلمين... ما صدقنا كيف طلع خبر.. وبلشنا في لت وعجن... ونفس الشي هي ما ذكرت الريس أبداً.. فلماذا ظن إنو هو؟ يعني أنا فيها وما فيها لأن مشاركتا إجت بعد مشاركاتي مع المهند... والمهند معروف.. فما بقي غيري... ومع هيك.. طلعت قاصدة تحط الطعم للشامي... ونحنا علقنا بالسنارة... بالغلط.. يعني يرضى عليكي فلتينا من السنارة.. ورجعينا على المية بسرعة قبل ما نموت....

ولكني أعود فأكرر... أنا لا أنسق مع المهند.. وهو أدرى بذلك... ولا أعلم نهائياً من هو الريس... ولم أنسق معه... وأيضاً لم أكن أنسق مع الهارد حين كنا في مناوشاتنا الأخيرة...
وليس الشامي من يملي علي أفعالي... هادي خلوها بالأحمر... وخصوصاً يا مهند... فإذا في شي بينك وبين الشامي.. معليش ما في داعي تحطني بالنص أنا...

لست أدري إن كان باستطاعة الشامي أن يعرف من أنا... ولكن اعلموا جميعاً أني أتصرف من تلقاء نفسي... إلا ما كان يحدث في بعض الرسائل الخاصة... وأنا على علاقة مع أكثر من خمسة أشخاص من خلال الرسائل الخاصة... كانوا في بعض الأحيان يقترحون علي، وكنت في الغالب ألبي طلباتهم.... وكانت اقتراحاتهم عبارة عن سوء فهم يريدون مني التوضيح... أو سعياً في تصحيح وضع معين.. أو ما شابه...

فهل عندما طلب مني أحدهم أن أصالح الهارد من خلال رسالة خاصة وأحب لو يكون ذلك من خلال قصيدة... هل يعني ذلك أني كنت أمثل مسرحية معه..؟؟؟

أنا برجع بقلكن.. كلكن واهمين... وكل واحد عم يحكي على هواه.. وحسب ما بيشوف... فريحو بالكم.. وما تجعلو القصة بالمنتدى كيف تعرفوني... هي مش شطارة التخبي.. ولا شطارة التدوير... خلو كل واحد بشغلو أحسن بكتير....

HARD

29-04-2007, 08:43 AM

هو لا يقصد كما فهمت عليه هو عم أوص على واحد تاني انا الان استغفر الله .
بعدين سنك وضرسك يا شامي فاتح عيادة اسنان شئ لا يضحك والبكس سوف يصل من غير المهند فتدرب منيح لانك بدك تورم من البكوسه
وكما يقول المثل الضرب على قدر المحبه رح اعملك ورده بدل زهرة

اخي فشلان كلامك صحيح في اخ دخل بالصلحة وبعث لي برسالة تعبر عن عدم الرد عليك وان اراسلك بالبريد الخاص وقد قلنا هذا من قبل .
الان انت تذكر حقائق لا اعتراض عليها ان بيني وبينك او بينك والمهند او بينك وبين عمر او بينك وبين ابو جاد او فيصل او بين الشامي وعمر او بين فشلان والشامي او بين الشامي والشامي او عمر وعمر لا اعلم انا اقلد زهور بس لا احد يفهم شي غلط لا كلمات بين ......
واكرر لا يهمني ان اعلم من انت فقد حصلت مناوشات قد علمت انت السبب وانا قبلت الاعتذار ولم يكن السبب اسمك او اسم غيرك وبعدين في شغلة انت كنت تستخدم في بعض هجومك او كلامك بعض كلامي او كلام بعض الاصدقاء حرفيا فهل لك ان تشرح لنا كيف كان الكلام يصلك لتنشره.....
هذه فرصه لك افهم المقصود تفز .........

فشلان

29-04-2007, 08:51 AM

وأنا نسيت كمان إنو قول.... ما رح خلي شي من هالحكي يردني عن حبي للمنتدى.. وعن مشاركاتي.. يلي بتعجب البعض.. وأكبر مثل هالاستفتاء يلي عملتو...

لا تفكرو إني شفت بحالي أو شي.. أعوذ بالله.. بس هادى بدل إنو في نسبة بتقبل مزحي وكلامي... وأنا من شاء هيك.... رح ضل بالمنتدى شو ما صار.....

وجكارة بكل مين حابب يفشل الفشلان...

ولك دوووووووووووووووووووووووع

عمر ملاط

29-04-2007, 08:51 AM

الله يبارك في يا أخي يا فشلان... هيك بدنا اياك.. وأنا منشان هيك رح زفلك بشارة... كنت عارفها من مبارح.. بس حبيت إني أجلها.. لأني شفتك عالق علقة كبيرة... بس والله طلعت قدها وقدود...

في شخص بعت هدية للموقع، وهو من هون من الإمارات... وأحب إنو تكون الهدية لفشلان.. لأنو حس إنو كان شعرو كتير حلو.. وإضافة إلى إنو كان ينعش الموقع...

بس خليني نسق شوية مع الشامي على طريقة العرض للهدية.... ومنعلنها هون بساحة الفن الإسلامي لأنو بسبب الشعر إنت ربحت....

فخليك جاهز... يرضى عليك.. ولا ترجع تزعل... بتروح عليك الهدية..

فشلان

29-04-2007, 09:05 AM

والله كل عمرك يا شيخ عمر بتنحط على الجرح بيطيب.. والشامي على سلامتو كمان... خلي كل الحساد ينغاظو.... خلي يلي عجبو عجبو ويلي ما عجبو صاير أديب عم يجيب بصل بياخد العقل... يستقربو ويشمو بصل....

أنا يا شيخي ما فت على المنتدى منشان جوائز.. ولا بطيخ مبسمر.. أنا فتت لأني بحب المنتدى... وحسيت إنو في عندي قدرة اعمل جو....

بس بيني وبينك.... قلنا شو الهدية قبل ما اعمل فيها تقي وورع هلأ وارفضها.. تطلع شغلة ما بتنرفض... شو بدكن تدبرولي الفشلانة؟؟؟؟؟

ولك دوووووووووووووووووووووووووووووع لا تنسوا نحنا ناطريكن....

HARD

29-04-2007, 09:05 AM

الله يبارك فيك اخي عمر واخي الشامي والى الامام هجوووووووووووووووووووووووووم
عن جد بلا مزاح الاخ فشلان بيستاهل شعره جميل وانا اليوم استعملت شعره لاعتذر من واحده فكتبت اسمها مكان اسمي ومشي الحال :)

الريس

29-04-2007, 10:10 AM

أخ ربيع كيف حالك ؟
أول شي الله يسامحك ، يعني على القليلة سألني قبل ما تحط هذا الكلام ، انت عم تقول انو بدك تشوف تغيير ، بدي اسألك انت شايفني اساتني نفس الشي ، يعني ما شاييف اني اتغييرت ، يا خيي أنا بعد ما قلت اني اتغيرت شي مرّة اتهجمت عحدا أو سبيت على الدين أو ...... يا خيي ليش انتو هيك ، ما تكون الواحدة مش منيحة وتابت لربها وتعلقت بأستار الكعبة بتضلكم تحكوا عليها ، ليش هل الشغل ؟؟؟؟؟؟؟؟؟؟؟؟؟؟؟؟؟؟؟؟
ولك دووووووووووووووووووووووووووووووووععععععععععععععععع عععععع
صرت فشلان
لووووووووووووووووووووووووووووووووووووووووووووووووو ووول
صرت ناديين
مووووووووووووووووووووووووووووووووووووووووووووووووو ووو
صرت الشامي

وانتي يا أم سفيان ، بأكدلك اني والله مش زعلان منك ، ومعاش يلي بزعلك يا أم سفيان ، بس انتي يلي زعلانة ، انتي والمهند مفكرين اني أنا الشامي وعمر ملاط و..............
ما قوم اطلع أنا أم سفيان بالآخر ...............................
من يوم والراييح اذا بتريدو بصير اسمي الريسة بدل الريس .

الإخوة نادر و وسيم غنوم وفيصل شكرا لكم على عدم التسرع ، والله يبارك فيكم ، ان شاء الله قريبا بتشوفونا بلبنان .
على فكرة أنا بعرف أكذركم ، بس انتو ما بتعرفوني ، أقصد انو بالشكل بعرف كيف شكلكم .
ولك دوووووووووووووووووووووووووووووووووووووووووووووعع
لووووووووووووووووووووووووووووووووووووووووووووووووو لللللللل
مووووووووووووووووووووووووووووووووووووووووووووووووو وووووو

HARD

29-04-2007, 10:18 AM

شوف انا كنت اسرد ما كان بيني وبينك من مراسلة ولم اتكلم عن الان افهم شو مكتوب بس عدنك عن جد فشلان للاسف كيف فهمت انت هيك انت مزعوج مني كتير الظاهر ها ها يلله على كل حال مشكور مع السلامة وبلا ما شوفك بلبنان بس متكون ..... ساعتها لازم شوفك بس انت طلاع اون لين عطول اوي :)
وبدي قول لك ان فيصل بالامارات ليس بلبنان

moustafa

29-04-2007, 02:16 PM

و اشلبظّت عطس بافرنزها و الحمبليظ مجلجلا بالعرنبس
والسواخم تشتعب ببلائها فاين المتعربط والمتربلس

اكيد عجبكم ....... لقد كتبت هذه الابيات الرائعة و انا في ال12 من عمري:rolleyes:

الزاهر

29-04-2007, 02:36 PM

زاهر من انت ؟؟؟؟؟؟؟؟؟؟؟؟؟ كم عمرك يا ابني ؟؟؟؟؟
انا لا افهم من كلامك شئ بليز تعلم تحكي او خلي اخوك يشوفلك المشاركة قبل ......
وانت متخبي كمان ........
الله يسامحك أخي وارير

ما بتعرفني

أنا زازي أخوه لصلاح

بس بالنسبة للحكي أنا كنت معصب لأن فيه ناس عم تشكك بمصداقية ناس تانية......
بس عصب بيطلع كلامي بلا معنا----أو الناس ما بتعاد تفهم قصدي

عفوا!!!
بعدين وين متخبي أنا.......شو قصدك خيي؟!
سلام

المهند

29-04-2007, 04:15 PM

شو انا شايف انو الشباب اخدوا نفس وعاودوا الافلام تبعيتون!!يعنى يا فشلان والله منا حلوة حدا يقدم لحالو هدية!!خليا بجيبتك وابعتا لجارتنا هالفشلانة المسكينة خليا تطعمى هالولدين فيون احسن !!ههههههههه
الظاهر مفكرين حالون عم يلعبو مع ولاد!!
قولك مين صوتلك انك طلعت الاول بالشعر الشامى وانت صوتت بعدو لما كنتو عم تتعشوا سوى مبارح؟!!!ههههههه شو الريس رجع ظهر مبين يا فشلان؟!! وعاملى فيا مؤمن؟!!هههههههه
والله حليتتتتتتتتتتتتتتتتتتتتتتتتتت عالاخر;)

فشلان

29-04-2007, 08:05 PM

الحلو فيكن كل واحد بفكر شكل... عامليني طابة.. وكل واحد بيشلحني على شخص تاني.... إلا أخونا زاهر... كان يفوت كول على حالو.. ويقول هو فشلان..

يا حبيباتي... فكرو يلي بدكن تفكرو.. واحسبو يلي بدكن تحسبو... ولما واحد بيطلع معو شي.. يقولو.. ما تخبو شي بقلبكن... أنا عمر ملاط.. وأنا الشامي.. وأنا المهند.. وأنا الريس.. وأنا الهارد... وأنا جابر دملوك.. وأنا ......

ما بعرف ليش حاصرين راسكن هالحصرة... خلو كل واحد بحالو... يعني هالشغلة بلشنا فيها أول ما فتنا على الصفحة.. وعلى اساس خلصت... ما بعرف شو بيفرق إذا طلعت على أبو كبسة.. ولا مازن دق الباب...

بس إذا عاجبتكن القصة أنا ترى ما عندي مشكلة... بالعكس منحكي أد ما بدكن.. بركا شي مرة بغلط... وبتكتشفوني... هيك بتنبسطو....

أما بالنسبة للمائة دولار يا مهند... فأنا ما خصني بالموضوع، وعلى رأيك أنا خصني بالموضوع... بس طلع خصني إنو ما خصني.. ومنشان ما يخصني خصوني...

ولك دوووووووووووووووووووووووووووووع... ليش مقهور

عمر ملاط

29-04-2007, 09:25 PM

أهلا وسهلا بالمهند.. والله قصة إنتو... هيأتك عنجد متصاحب إنت والهارد....:D
رح جاوب أول الشي عن القسم الثاني من السؤال.. نحنا ما قلنا إنو كان في مسابقة... ولكن الأخ أبو جاد بارك الله فيه هو من حدد الشخص والمبلغ.. وليس لنا من الأمر شيء...

أما عن الأمر الأول الذي ألمحت إليه.. فأنت حر وكذلك الهارد حر وحر ينشر الخبر اللي بيعجبو.......... ولكن المبلغ الآن مع الشامي.. وليس معي.. يعني يرضى عليك اطلب من الشامي يوديلي اياه على أول عشاء...

على كل حال.. كل واحد حر برأيو... وعلى مهلكن.. إلا ما تظهر الحقيقة... إذا كان في حقيقة أصلاً...

HARD

29-04-2007, 10:10 PM

شو يا شيخ عمر شو دخلني بالموضوع وليش تكلمت عني هيك وعن اي خبر تقصد يا جماعة رح تفقعوني عن جد بدك مني ما ظن بس انت معليش ااااااه انت من اهل البيت وبحقلك اااااااااه معليش يالله انا عم بادر وانت بتعرف بس ......خلص رح سكر تمي حتى ترتاح انت والشامي وبلا مايهتني الشامي كل دقيقة وانا مارح عود كرر كلامي رجاع شوف شو كاتب مائة مرة ااااااااوووووووووووووووووف

عمر ملاط

30-04-2007, 08:22 AM

بالعكس يا خيي... لا تسكت.. أنا كتير مبسوط إذا كنت عم تحكي.. يمكن ما إنت.. بس هالأفكار يلي طرأت مباشرة على أشخاص معينين.... لها معاني خفية.. يمكن تكون بريئة.. ويمكن لأ... لأنو صاحبك المهند صار عندو نفس تفكيرك... وظانن فيني للموت... وعم يوجهلي الاتهامات المبطنة... مثل ما أشخاص تانيين سبقوه بهالشغلة...

على أقل من مهلكن وأنا وإياكم والفشلان والزمن طويل... الحلو فيكن كل مرة بتنتقلو على شخص وبتقولو أكيدددددددددددددددددددددد هادا هو... وأسبوع أسبوعين.. بتنطو على غيرو.. وبتقولو أكيددددددددددددددددددددد هادا هو.. وما عندكن شغلة وعملة غير الفشلان.. والله أنا شايف لازم يغير اسمو ويحطو شغلان.. لأنو رح يشغل المنتدى كلو فيه.... :D

فشلان

30-04-2007, 08:43 AM

زعلتني منك يا شيخي... أنا ماني مستعد غير اسمي أبداً.. أصلاً أنا أحلى الشي فيني اسمي... وما كل ما واحد طلع براسو فكرة بدي أركد وراه... خلي كل واحد على دينو الله يعينو...
ويرضى عليك لا بقى تلتهي معن هون بالحكي الفاضي.. لأنو موضوع حقوق الرجال مركب فيه سانكيام وداعس الدعسة اللئيمة.. روح خليك هونيك... ترى حميتلنا الموضوع كتير... روح الله يفتح عليك... أنا كان فكري شي من قريبو... أتاريك ما عندك لا قريبو ولا بطيخ مبسمر...

ولك دوووووووووووووووووووووووع

HARD

30-04-2007, 10:37 AM

اه هل تعتبر يا شيخ عمر ان اسم فشلان هو تهمة يعني شو عامل فشلان... بالعكس لازم تفتخر بهل الاسم وتاني الشئ انا لم اتوقف عن ظني ولكن ليس من الضروري ان اتكلم به وانا ثابت لا احيد لا احيد :) بس لا اريد ان اتكلم باسماء وانا بعمري محكيت باسماء الا لواحد والاباضاي يجبلي رسالة خاصة متل ما فعل الشامي الله يبارك فيه يعني بهل المنتدى الحرية معلنة بس ولكن من تحت التحت مخابرات وتجسس الله يعين معقول هل الكلام يا شيخ عمر يعني يوجد حدود .
هذا بداية الكلام وهذا انذار فهل من متفهم يعني خلص اغلق الموضوع يا عمر ويا شامي ويا فشلان و فواصل بين الاسماء كمان

الناقد

01-05-2007, 12:26 AM

هيدا اللي فاضيلو يا هارد؟؟ عنجد زعلتني منك بردك على موضوعي ولو صار اللي بيخاف ععرض بنات بلدتنا بيصير أخوت؟؟؟؟ على كل ناطر ردك بس مو هون ردّلي بصفحة الموضوع تاعي وبتمنى تاخد الموضوع على محمل الجد، سلــــــــــــــــــــــــــــــــــــــام

فشلان

02-05-2007, 10:34 AM

أنتم أنا وأنا أنتم ونصيحة..

يا أيها المخدوع هيا قل لنــــــــــــــــا ----- بصراحة، وسط المحافل من أنــــــــــــا

أشْغـَـلـْـتـُمُ الدنيا بأمر غـــــــــــامض ----- ومخابرات في الورى لـن تـَرْكـَنــــــــــا

في كل يــــــــــــوم عندكم مستكشف ----- ليضيء هذا المنتدى مثل السنــــــــــــــا

أهـْنا بنومي حين أرقــــــــــــد بينكم ----- وجميع باقي الناس يـفـتـقـد الهنــــــــــــا

أنتم أنا وأنا أكون مُــفـَـــــرَّعـــــــــاً ----- مِــنْ أنتَ أنتِ ثم أرجـِــــــــع في أنــــــا

إنْ كنتَ أنتَ ممثلاً شخصيتـــــــــي ----- فلتخبروني مَنْ أمَــثــِّـــــلـُهُــــــم أنـــــــا

مِـــرآة بيتي لـَخـْـبَطتْ في عرضها ----- فـَـتـَــضيـــعُ أحياناً بإظهــــــاري أنـــــا

فدعوا أساليب الهراء وحـقــِّـــقـــوا ----- أقوالكم ثـــــم اعــــرضـــــوها للـــــدنى

ما خاضَ قومٌ في سَفـــاسِف أمرهم ----- إلا وبـــــــاتــــــوا موطناً مُــتـَــعَـفــِّــــنا

إن الإله محــــــــــــــــاسبٌ أقوالكم ----- ولكل عبد في الحقيقة مـــــــــــــــا جنى

فلتصـرفوا أوقـــــــــاتكم في طاعة ----- في نصح إنســـــــــان أبى أن يُــــــذعِنا

في دعوة يقـــــــــــوى بها إسلامنا ----- في خـَــلـْــــــوة يـــــــــــرقى بها إيماننا

والمرءُ حين يَـشـُـــــــــــدُّه إخوانه ----- نحو الهدايــــــــــة ينبغي أن يؤمنــــــــا

لا أن يعـــــــــــــــاند نفسه متكبراً ----- فـَـــيَــتِــــــيـــه في دنيا الرذيلة والخـَــنا

أحببتكم والله حباً كـــــــــــــــــامناً ----- والله فوق العرش يُــــزْكِــــــــــــي حُبنا

فـلـتسرحوا ولـتمرحوا في مهجتي ---- قـــد طـــــــــــاب هذا القلب فيكم موطنا

وهادي كرمال خالي جابر... فلتهنأ يا خال...

الشامي

02-05-2007, 10:39 AM

السلام عليكم يا جماعة :)...

ويسلم تمك يا أنا، قصدي يا انت.. يعني الناقد ، لأ قصدي الريس يا خيي ما عم تطلع معي ...يسلم تمك يااللي انت على كل حال ... وجهز حالك للجائزة شو احنا عم نلعب ولو...

بس راسلني على الخاص منشان بس توصل ال100 على القلمون نتفق كيف بدك تستلمها بالطريقة اللي بتعجبك .. ولو بأمرك إحنا ...

أخوكم:rolleyes:

الزاهر

02-05-2007, 08:44 PM

ولك يسلم الدماغ اللي طلع منو هالكلام.......إلى الأمام أخي الكريم فشلان.....إن شاء الله تكون نجحان طول حياتك وبكل المجالات الرييسة بالبلد....وتلأيلك شي بنت حلوة هيك خدودها متل التوت الشامي.....وكلامها حلو وما متل مهند سيدنا عمر. وعئلها صعب بالأمور اللي عألك هارد فيها...وتكون حياتكم زاهرة وعامرة من أولها لآخرها...يعني باختصار فراشة عنجد!!!!

بالمناسبة أنا ما حابب إرجع إفتح الموضوع لكن .....
قالت الأخت أم سفيان أنها مسرحية.......كما يبدو لي أن المسرحية قد بدأت للتو....ما هيك يا هارد....ما هيك يا أنا الأول والتاني والتالت.......ما هيك يا ريس......ما هيك يا شامي......ما هيك يا عمر.....ما هيك يا أم سفيان.........ما هيك يا كلكم!!!!!
(واحد فقط من هذه الأسماء هو المقصود لكن ذكرت البقية لكي لا يتزاعل معي أحد......ولا كلكم زعلتوا....أصحاكم......)
صار في أعضاء عم تكتب تحت أكثر من اسم أكثر من أي وقت مضى.......عاجبك هيك يا أم سفيان......خربتي الدنية.......صرنا كلنا ممثلين.....والله شغلي بالشركة كان ماشي منيح والحمد لله....ما رضيتي إلا وصرنا كلنا ممثلين.....أنا أستقيل....بدي إرجع عالشركة....مين حابب يرجع معي....يالله أبل ما يفوت الأوان!!!!

السلام عليكم يا كلكم......بس ما أوم أكتب المرة الجاية تحت إسم الكل.....

فشلان

03-05-2007, 09:14 AM

الله يبارك فيك أخي يا صاحب الفراشة... والله غرقتني بلطفك.. بس الحمد لله بعرف اسبح.. والله أنا أشكرك وأشكر كل من شكرني بالسر والعلن... وأطلب منكم أن تدعوا بالخير إلى الذي يحفذني إلى كتابة الشعر.. خاصة في المجال الدعوي... وأنا أتمنى أن أكون عند حسن ظنه...

أما بالنسبة للأمر الثاني الذي ذكرته.. فيرضى عليك لا ترجع تذكرني فيه... فأنا لا أحب الكلام فيه.. لأنه أثار لغطا كبيراً في المنتدى.. يعني صحيح نحنا منمزح مع بعضنا ومنبهدل بعضنا.. وهيك.. بس لما توصل القصة إلى حقيقة وتصير فتنة حقيقية فهذا أمر مختلف يجب الوقوف عنده. ولذلك لجأت فيه إلى الرسائل الخاصة... ولذلك أرجو أن لا يثار مرة أخرى.. لما سببه من الفتنة العمياء في المنتدى.... فهو بيعملي حساسية لأني حسيت نفسي فيه إني ظلمت ناس معينين وأنا قلبي حساس كتير.. أنا أكره ما أكره.. هو نقل الإشاعات.. والهرج والمرج والله لم يذكرني إلا بحادثة الإفك... وهذا الأمر الحقيقة نحنا مشهورين فيه بالقلمون... كلمة ورا كلمة وبيصير موضوع كبير أد الجبل

ألا ترى معي أنه عندما ذكرت الأخت ما ذكرت ورد عليها محسوبكم الفشلان.. قامت الدنيا في المنتدى.. بين عاتب ومبهدل... فلم يلبثوا جميعاً أن خاضوا في الموضوع.. وصار كل واحد يشلح كلمة يمين وكلمة شمال وقد وقفوا صفين بين مؤيد ومعارض... وكأننا في معركة...

يا أخي أنا غالباً ما أراجع كلامي والردود الأخرى... وقبل أن أبعث بآخر رسالة من الرسائل الخاصة التي بعثتها في هذا الموضوع.. راجعت الردود كلها.. ورأيت أبدي هنا النصيحة لي ولكم جميعاً.. حتى تروا كيف تنشأ الفتنة من لا شيء.. وأنه يجب علينا أن نتبين قبل الشروع بالكلام.. وقد قال تعالى: يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصحبوا على ما فعلتم نادمين.

لقد تبين لي أن الأخت أم سفيان والشامي تحدثا بجمل مبهمة تماماً وكأنهم يحدثان بعضهما إما عن سابق اتفاق (الله أعلم) . وإما تعليقاً على كلام دار بينهما...
فهي قالت في أول مشاركة: هيدا إلك يا شامي إلى الأمام..
وهو قال:الصراحة كللو الحق على الشامي ... مووو أم سفيان ...
وردت بعدها:
معليش ما بدي رد خبر لحدا بس كلامي هلأ للشامي وبسمن جد زعلانة منك
شفتوني وجهت إتهام لحدا بالإسم بس يلي عم يشتغلوا من تحتلتحت عارفين حالن وأولن الشامي فأنا لا نفرت ولا اتهمت ولاشي
ثم رد عليها الشامي:
أما الأخت أم سفيان فلم تُهن أحدا ولم تُزعج أحدا وإنما وجهت اللوم للشامي... وأناتقبلت اللوم ولم أجب...فلا علاقة لك أخي الفشلان ولا أخونا الريس، وأرجو أن لاتنقلب القضية إلى زعل وترك للمنتدى وأن تتابعا المشاركة وبقوة أكبر...

وهذا يدل بشكل كبير على أن الأمر قد دبر بليل... فكيف يعلم الشامي بمقصود أم سفيان لو لم يكن بينهما سابق كلام؟؟ (وأنا لا أعتب عليهم إن دبروا الأمر فهم أحرار)

لأنه بعد أن أفصح الشامي عن مقصود أم سفيان جاءت لتقول:
أنا ذكرتك شي يا خيي فشلان ليش إنت عم تطلب مني إني ما ظن وإنت معليش تظن إنيقاصدتك
لا تنه عن خلق وتأتي مثله عار عليك إذا فعلت عظيم
وأنا بتشكر الأخت أم سفيان على النصحية هون.. لأنو هية يلي خلتني ارجع عن حكيي.. بعد ما كنت حابب اعتزل لفترة... فأنا يلي ظنيت فيها عم تقصدنيبكلامها

وهذا دليل واضح كيف أن كلاماً وجهته أم سفيان للشامي كان سبباً في إنشاء قصة لا أصل لها وبدأ كل واحد يبث الاتهامات والإشاعات وأنا هون ما عاود فيني استحمل.. لانو كبرت القصة كتير... لدرجة إنو أم سفيان قالت بنفس المشاركة:
بعدين أنا وين قلت إني أعلنت حرب عالفشلان شو صايبكن تحروا شوي قبل ما تلزقواالتهمة
ومعها حق.. لأنو إذا بترجع بتقرأ مشاركات الأعضاء... عملوا كأنوا قامت حرب بيني وبين الأخت أم سفيان.. وهو كل يلي صار إني أنا اضايقت لوصفي بالممثل وما لها من تبعات فهمتها شخصياً لا أعتقد أن أم سفيان تعلمها.

المهم.. ما في أجمل من إنو واحد يهديك خطأك على طبق من ذهب.... والأجمل من ذلك... إنك تعترف فيه... ولذلك رجعت اعتذرت أنا من أم سفيان.... وأنا ما بستحي من نفسي أبداً.. إني بغلط.. بس بستحي إنو لما أعرف إني غلطت وضل على خطأي معاند متكبر...

ولذلك أحببت أن أبسط بين أيديكم ما توصلت إليه.. فلا أدري لعل شخصاً غيري يعتبر من هذه القصة... فأفوز بأجره وثوابه...

ولك رح ابكي أد ماني حاسس حالي دين... ولك دوووووووووووووووووووووووووع

المهند

04-05-2007, 01:07 AM

انو بجدطوشتنا انت وزيد وصلاح!!فرقونا بقى!!ياه!! قال شو؟!!بدو يبعتا زيد للمية دولار لامين!!بدو يوهمنا انو باعتا للفشلان وهى مبوعتة هون لهلاو
يو يمكن عمر او صلاح بدو يبعتون لعيلتو وبدو يرجعو يركبو علينا الفلم الطويل عريض!!لك خلص ولو الاعيبكون صارت مكشوفة!!!!!!تسيرنو الخميس وطبخوا بالليل سوى عالعشا وارجعو ابعتو افكاركون الجهنمية هون عالمنتدى!!العمى ما ابيخكون!! شو مفكرين العالم ولاد بينضحك عليا بسهولة!!فرقونا بقى اسا عمنر مفكر حابو زكى وعم يحربء عالعالم ويجيب حجج انعس منو!!حل عنا ها!!والله لو ما الفشلانة جارتنا كنت فرجيتك!!هههههههههدوععععععععععععععععععععععععععععععع عععععععععععععععععععععععععععععععععععععععععععععععععع عععععععععع

أبو جاد

04-05-2007, 08:12 PM

السلام عليكم ولك كيف الشباب الأوادم ، يا أخي المهند مبعرف ليش كل هل القصه وهل الروايه ، طبخه وعشا ومبعرف شو ،أنا بالنسبه لي سلمت 100 دولار لوسيم وبكره إنشاء الله بدوالأخ ربيع ياخدها معو ، وبس يوصل ربيع إلى لبنان سألو ميتو هو فشلان خليه يألك ،بعدين في 100 دولار تانيه ،لثاني أكتر مشارك بالمنتدا ،

عمر ملاط

04-05-2007, 08:45 PM

والله شغلة إنت يا مهند... شو ما صار.. وشو ما حكينا... بتلاقيلو تفسير على ذوقك... إذا بعتنا المصاري لفشلان على الضيعة... بتقول باعتينا لأهلنا... وإذا رجع تبرع فيها للمنتدى... بتقول عملتو تمثيلية... وإذا مدري شو عملنا... بتلاقي تفسير..

إنت حر... وعلى فكرة اليوم رجعتلي العشرة درهم.. يعني ما بقى هاممني شو ما حكيتو....:D :D :D

الزاهر

04-05-2007, 11:38 PM

بعرف إني رح شتّ عن الموضوع كتيييير بس أنا أعتقد أنه إذا كان هناك جائزة لأكثر عضو نشيط بالمنتدى فأنتم ظلمة......مين أكثر عضو نشيط يا ترى.....أكيد نادين بدون منازع.....
ولا الأخوات ما إلهم اعتبار......لشو كل هالسينيورية؟! على الفاضي؟؟؟........الله يسامحكم.....وين العدل؟! .....بدكم "الحئيئة" بس "العدل" ما بيهمكم.......

العضو عدد المشاركات

نادين 523
وسيم غنوم 387
فشلان 368
جابر دملوك 328
هارد 307
الشامي 274
زاهر الدين 238
وسيم الفلو 218
عامر 204
نزيه خداج ملاط 157
عمر ملاط 137
أم سقيان 121

السلام عليكم

HARD

04-05-2007, 11:41 PM

ولله متل ما قال الشامي بكرة بدوب التلج وببان المرج :D:D:D
وقصة الهدية يا اخت ندين ليست الا نكاية كما اعتقد ولله اعلم ..عم امزح..
يعني لا تعتبي على الموقع لان المحسن هو من حدد الهدية لفشلان....

أبو جاد

05-05-2007, 12:30 AM

السلام عليكم ورحمته وبركاته
يا أخي الكريم ليست المسأله مسألة عدد ،بل القصد النسبه المئويه ، فالسيد فشلان كان الأول والثاني معروف من هو ولكن بعد إستلام الأخ فشلان هديته ، سوف يعلن الأخ الشامي من هو الثاني ،وأرجو من بعض الإخوه زيادت مشاركاتهم لأنه يوجد الكثير من الجوائز إن شاء الله ،

HARD

05-05-2007, 12:32 AM

انا بدي بورش او جاكور غير هيك لا اقبل :)

أبو جاد

05-05-2007, 12:42 AM

السلام عليكم ورحمته وبركاته
يا أخ القسي والله أنك قاسي ، أنا وكلنا عرفين أنو 100 دولار موش إلها قيمه عند كل المشتركين ، بس هي مجرد شيء بسيط ، والهديه لاتقاس بالماده بلتقاس بالقيمه المعنويه ،ونحنا عرفين أنو الشباب منن عايزين بسس مجرد هديه بسيطه ،وإنشاء الله نقدر شراء لك فراري موش همر ، بس إنت عرف أنو الورده بكون أغلا من الفراري بالقيمه المعنويه

HARD

05-05-2007, 12:48 AM

عم امزح ولله اخي ابو جاد انا اتصال منك بيسوه الدنيا كلها بدون مجاملة افضالك على راسي اخي .

فشلان

05-05-2007, 09:14 AM

والله قصة إنتو هه؟؟؟؟ ليش هالغيرة والحسد كلياتو... آ الظاهر ما توصلي المائة دولار لروح فيها لما بتدق بإيدي... عم بلش اقرأ القرآن كلو من هلأ... بينات ما توصل.... خزات العين ويخزي الشيطان... ويبعد العين عني... ما شاء الله حولي وحواليي.... آيات الله تحرسني...

شو بكن... ما حدا شايف مائة دولار قبل هلأ..... والله رح تجيبو أجلي بهالمائة دولار... الله يصلحك أبو جاد.. شو هالعملة يلي عملتها... لاحقيني على اللقمة يا زلمة..... بس بضلو الله يبارك فيك إنت... والله فطستني بلطفك...

ولك دووووووووووووووووووووووووووع

جابر دملوك

07-05-2007, 01:15 PM

هل بإمكان فشلاننا الحبيب أن يشرح لنا كيفية تقسيم أبيات الشعر لمعرفة البحر مع بعض الأمثلة. و جزاكم الله خيرا.

فشلان

07-05-2007, 02:41 PM

مائة طلب مثل هادا الطلب يا خال...

أولاً لا بد أن نعرف أن كل بحر عبارة عن وزن خاص به... وتمسى تفعيلة أيضاً.. والتفعيلة تتكرر نفسها في شطري البيت.. والمقصود أن الجزء الأول من البيت يكون على نفس وزن الجزء الثاني.. ولكل بحر من البحور وزنه الخاص.. ينبغي أن نحفظه.. وهناك أبيات شعرية تسهل عملية الحفظ...

فإذا ما عرفنا التفاعيل.. تمكنا من معرفة البحر... وحتى نعرف التفاعيل لا بد من استخدام التقطيع... والتقطيع إما يكون سماعياً وهذا هو أسلوب الماهرين من أمثالي :D.. أو يكون من خلال كتابة التقطيع... كما أن بعض البحور يمكن أن تكتشفه من نغمته الموسيقية...

فمثلاً يمكن أن تعرف البيت إذا كان من بحر الرمل إذا استعطعت أن تغنيه على لحن خندقي قبري وقبري خندقي... وإليك المثل: أنشودة أبو الجود..
يا إلاهي عبدك العاصي أتى ---- بذنوب هل له من توبة..
حاول أن تغنيها على نغم خندقي قبري وقبري خندقي... ستلاحظ أنك تستطيع.. وهذا يعني أنها على نفس البحر....
ويمكن أن تعرف أن البيت على بحر الوافر إذا استطعت أن تغنيه على لحن مؤامرة تدور على الشباب...
وإليك المثل:
أحبك يا صديقي فالمعــــــالي -------- تزيد الحب يوماً ثم يومـــــــا

ويمكن أن تعرف أن البيت على بحر المتقارب إذا استطعت أن تغنيها على لحن: بلادي بلادي اسلمي وانعمي
والمثل:
وفشلان ماذا أقول عليـــــــــه______خلوق بريء يغض البصــــر
رقيق.. إذا ما تصدى لخــــالٍ______رأيت الدموع تفوق المطـــر
حيي يحب جميع البرايـــــــا______ولولاه قلنا: الحياء اندثــــــر
حنون رحيم تحلى بعطــــــف______ترى الخير من راحتيه انهمر
جميل إذا ما تبدى علينــــــــا______تحدى الشموس وفاق القمــر

ولكن حتى تستطيع أن تستخدم هذه الطريقة يجب أن تكون قربة علبة ستربسلز.. منشان البحة إنت وعم تغني.. وإذا كان صوتك جميل جداً جداً فيجب أن تكون وحدك..حتى لا يصاب الناس بصداع...

أما بالنسبة إلى التقطيع اليدوي المكتوب فهو كالتالي: يمكن أن نعبر عن كل حركة (فتحة ضمة كسرة) بخط مائل / ويمكن أن نعبر عن السكون بدائرة صغيرة 0.
ولنأخذ المثل التالي:
أنا من يبتغي سبل المعالي ----- ويحذر من كلام الجاهلين
//0/0/0//0///0//0/0 -- //0///0//0/0/0//0/0
فلاحظ في كلمة أنا أن الهمزة عليها فتحة والنون عليها فتحة والألف عليها سكون فعبرنا عنها بـ //0 وهكذا...
وهنا نكون قد أنهينا المرحلة الأولى من العملية... وتأتي المرحلة الثانية... وهي الأصعب... وهي تقسم هذه الرموز على التفعيلات المعروفة لكل بحر... ويمكن أن نعرف التفعيلات لكل بحر من شيء يسمى الضابط فمثلاً:
طويل له دون البحور فضائل ---- فعولن مفاعيلن فعولن مفاعل
وهذا يعني أن البيت إذا كان على وزن فعولن مفاعيلن فعولن مفاعل فهو إذن من البحر الطويل.
ولكل بحر ضابطه الخاص يمكن أن نحصرها هنا فيما بعد.. وهي متوفر على الإنترنت بكثافة... عند البحث عن بحور الشعر...

واعلموا أن لكل بحر احتمالات غير التفعيلة الأساسية... فمثلاً لاحظ أن آخر كلمة في ضابط الطويل هي مفاعل.. فيمكن لها أن تكون مفاعيلن أو مفاعلن.... وهي عبارة عن جوازات البحر... وهي متشعبة كثيراً... وتحتاج إلى تعمق...

ولنكمل الآن في المثل... يجب علينا الآن أن نلاحظ الحركات التي رسمناها لنعرف على أي بحر يمكن أن تقع... وهنا نبدأ بالتجربة.... فنأخذ البداية ونحاول أن نضع كل الاحتمالات التي يمكن أن تكون عليها... فمثلاً يمكن أن نأخذ //0/0 وهذه على وزن فعولن ويمكن أن نأخذ //0/0/0 وتكون على وزن مفاعلتن مع سكون على حرف اللام... وعندها نبعد من طريقنا كل البحور الأخرى.. فهو لن يكون البسيط الذي يبدأ بـ مستفعلن ولن يكون الرمل الذي يبدأ بـ فاعلات وهكذا.. فنحصر الاحتمالات في الطويل والوافر والمتقارب ولا أذكر إن كان هناك غيرهم... وعندها ننتقل إلى المرحلة الثانية وهي الحصول على التفعيلة الثانية... وهنا يجب أن نذكر أن لدينا احتمالين
الاحتمال الأول: أن تكون أول تفعيلة هي فعولن
الاحتمال الثاني: أن تكون أول تفعيلة هي مفاعلتن

فإذا مشينا في الاحتمال الأول فهذا يعني أن الثانية يجب أن تكون مطابقة لبحر من البحور التي تبدأ بـ فعولن... وهي إما الطويل فتكون التفعيلة الثانية: مفاعيلن. وإما المتقارب فتكون التفعيلة الثانية فعولن... ونلاحظ أننا لا يمكن أن نحصل على أي من هذه التفعيلتين من خلال الحركات المتبقية: فنحن لدينا بعد فعولن (//0/0): /0//0/0 وهي على وزن فاعلاتن.. وليس هناك من بحر عبارة عن فعولن فاعلاتن... وعندها نعلم أن الاحتمال الأول لا يمكن أن يتحقق... فنعود إلى الاحتمال الثاني.. ونطبق نفس الطريقة...

والاحتمال الثاني أن تكون أول تفعيلة هي مفاعلتن وهي بداية بحر الوافر.. وضابط الوافر هو: بحور الشعر وافرها جميل ----- مفاعلتن مفاعلتن فعول
فيجب أن تكون التفعيلة الثانية هي أيضاً مفاعلتن.. وهذا ما حصل.. فإذا كانت الأولى هي //0/0/0 فنلاحظ أن الثانية هي //0///0 وهي مفاعلتن ولكن بفتح اللام. وعندها يمكننا بسرعة أن نلاحظ أن التفعيلة الأخيرة هي فعولن... ويكون قد تحقق بذلك بحر الوافر على تفعيلة: مفاعلتن مفاعلتن فعولن

أحياناً يمكننا أن نزيل الاحتمالات الغير واردة إذا ما نظرنا للشطر الثاني للبيت... والتي كانت //0///0 وهي مفاعلتن.. وبذلك أيضاً يمكننا مباشرة أن نزيل احتمال أن يكون البيت مبتدئاً بـ فعولن....

كل واحد ما فهم بيرفع إيدو.. ويلي بيحكي بلا ما يرفع إيدو بدو يوقف على الحيط.. وبدي حطلو قرن الشيطان.. فاهمين... وبالدورية...

ولك دوووووووووووووووووووووووووع

الناقد

07-05-2007, 02:59 PM

برأيي المتواضع أن الشعر يا حبيباتي قبل أن يكون على القافية ويتبع بحرا أو نهرا معين فإن الشعر كما تدل الكلمة هو ما يشعر القارىء أي يحرك فيه حسّ الشعور سواء بالفرح أو الحزن أو ....... وهاكم كم بيت من هذا الشعر الحديث الذي آمل أن يشعركم بشيء من المسؤولية ويحرّك فيكم الحمية لنصرة أخواتكم وانتشالهن من مستنقع الهوان الذي يغرقهنّ فيه الشباب بخساسة تفكيرهم بهنّ جرّاء لباسهنّ الغاشم والذي يتحمّلن مسؤوليته كاملة...........

جرّاء شحّ الإهتمام الذي تلقّاه موضوعي البالغ الخطورة والأهمية من المنتدى أعضاءً (مشاركات وآراء) وإدارة (دعم معنوي كالدعاية) هممت جادّاً منكسر الهمّة بالكف عن المشاركة والإنسحاب لكني قررت أن أجرب فرصةً يائسة أخيرة و :

تريّثت حيناً قبل ترك المنتدى ** ** ** ** ** فأنا للناس ما أوصلتُ بعدُ الهدى
خطاً أو ثواباً عنكم لن أنل ** ** ** ** ** ** ورغم ذلك رح تجيبولي الأجل
سامحكم الله بني قلمون ** ** ** ** ** ** ** ** فقد عهدناكم أناساً طيّبون
كيف عن بناتكم أنتم راضون ** ** ** ** ** وهنّ بلا خوف لله عاصون
كيف عن فعل الخير تتقاعسون؟ ** ** ** ** وإنّكم بذلك قلبي لذابحون
سترَونَ غداً عندما تُعذّبون ** ** ** ** ** ** ** ماذا تُراكم لربّكم قائلون؟
كنّا ننظر لأجسادهنَّ مستمتعون؟ ** ** ** ** فاستمتعوا حينها باللهيب الحنون
وأنت يا صبيّة كفاك مجون ** ** ** ** ** ** واستري ذلك الجسد الملعون
ولا تظنّي أنّ الشباب لك ناظرون ** ** ** ** إلا بتوقٍ لفعل مايشتهون
أصبحتِ مجرد مصيدةٍ للعيون ** ** ** ** ** وكلّ ذلك من لباسك المجنون
الخواجة والزبّال معكنَّ ...... يتمنّون ** ** ** ** ** فكيف لأنفسكنَّ ذلك ترتضون؟؟
** ( ملاحظة : يمكن لو بسّ الخواجة كان البعض ما عندهن مشكلة،لك (حُذفت)... )

إلى مزبلة جهنّم أنتنّ ذاهبون ** ** ** ** ** ** وحينها:"ليتنا كنّا من الناقد منتصحون"
دعهنّ يا ناقد ولا تضيّع وقتك ** ** ** ** ** وكفاك إرهاقاً لفكرك وعقلك
فلا هنّ منك سامعون ورادّون ** ** ** ** ** ولا الأعضاء لموضوعك داعمون

ألا أبشركم أنّكم خاسرون ** ** ** ** ** ** ** ** وعن تقاعسكم حتماً نادمون
وإن كنتم أجسادهنّ تشتهون ** ** ** ** ** ** ** فمعهم في جهنّم سوف تلتقون
أخبروني حينها كيف تشعرون؟ ** ** ** ** ** وهنّ أمام أنظاركم تماماً عارون
هل هنّ حينها شهواتكم يثيرون؟ ** ** ** ** ** أم أنّكم بشيء آخر أنتم تلتهون؟
هل حينها أنتم أجسادهنّ تشتهون؟ ** ** ** ** أم هرباً من ذاك العذاب تبتغون؟
ولا تظنّنَّ يا فتيات أنكنًّّ مرحومن ** ** ** ** بل أنتنَّ أضعاف عذاب الشباب ستُعذَّبون
لأنكنّ لتلك الفتنة أنتن المسبّبون ** ** ** ** ** وبلباسكُنَّلشهوات الشباب مثيرون
فلعلّكن يا فتيات منّي سامعون ** ** ** ** ** ** ولأجسادكنّ إنشاء الله مُغطّون
وعجباً لكُنّ بعدما أنتنّ قارئون ** ** ** ** ** ** كيف مازلتم عن التّستر مطنِّشون؟
كيف بالذلّ لأنفسكنّ ترتضون؟ ** ** ** ** ** ** وأنتن بالتّستر العزّة تكسبون!!!
كيف عوضاً عن الملكات تقبلون؟ ** ** ** ** ** مصدراً للشهوة والإثارة أن تكونون؟!

بلباسكنّ هذا هل تستطيعون؟ ** ** ** ** ** ** ** مربيات أجيال أن تصبحون؟
أيّ أجيال سوف تخرِّجون؟ ** ** ** ** ** ** ** ** وأيّ تربية سوف تُربّون؟
ألا يكفي ما قلت كي تتيقَّظون؟ ** ** ** ** ** ** ** أم في فسقكم أنتنّ مستمرّون؟
سأكتفي بهذا الكلام الميمون ** ** ** ** ** ** ** ** علّكم فيه جيّداً تفكّرون

أما أنت يا حبيبي يا شامي ** ** ** ** ** ** ** ** ** بحقوق الرجال بلاقيك حامي
ولموضوعي طلبت منك دعاية ** ** ** ** ** ** ** فما لقيت منّك أيّ رعاية
شاغلّي المنتدى بدعاية فشلان ** ** ** ** ** ** ** ** بس من حبي إلو أنا مش زعلان
فحطّلي دعاية متل الطّير ** ** ** ** ** ** ** ** ** ** وجزاك الله عني الخير
وإذا أهم من موضوعي المية دولار ** ** ** ** ** ** فاتَّقِ ربك من عذاب النار
ويا ابن خالتي يا صديقي الحميم ** ** ** ** ** ** ** ** يا فشلان يا صاحب النعيم
بالمية دولار ستِّر شويّة حريم ** ** ** ** ** ** ** ** ** بتبسطني من جوا قلبي من الصميم

على أمل أن تعجبكم هذه الأبيات النابعة من القلب وأن تحرك فيكم روح المشاركة ودعم الموضوع الذي أعتبره أهم وأخطرموضوع في المنتدى و علماً أني لست بشاعر ولا أحب الشعر وربما هي أول مرة أكتب فيها شعراً وأني استعملت جمع المذكر السالم في غير مكانه أحيانا إنما كان ذلك للضرورة الشعرية و يحق للشاعر ما لا يحق لغيره وإني لأرى نجاحا كبيرا في هذه الأبيات سيّما وأنها الأبيات الأولى لي.

أود التنبيه أني لا أبتغي من وراء مشاركاتي والتي هي قليلة أصلاً إلا فعل الخير وكسب الأجر من وراء ذلك وتغطية لذنوبي الكثيرة كحال أكثر المسلمين اليوم والوصول إلى هدفي النبيل السامي وهو وضع الصورة الحقيقية لمنظور الشباب للفتيات اللواتي يلبسن لباساً غير الذي أمر الله به وكيف يفكّرون بهنّ ويتخيّلوهن كذا وكذا ........ عسى ولعل أن يستفقن من هذا السبات، وأنا قصدت أن أتكلم عن الموضوع بناحيته الأخلاقية وليس الدينية لأننا للأسف وأبدأ بنفسي نعلم أنّ الشيء حرام ولكن نقول أوكي يا ربّ حرام بس أنا ما فيني طيب ما أعمل هيك.....يعني مثلا أنا بعرف إنو الأغاني حرام ما عندي شكّ بس ما فيني إلا ما إسمع (بس أنا هون عم آذي نفسي فقط ، غير كلّياً عن موضوع اللبس) ، المهم بسمع اغاني رغم إنو ربّنا قال حرام بس للأسف وأنا مغلط أكيد ما عم ردّ عليه، ولكن إذا أثبت الطبّ أنو الأغاني بتعمل سرطان بالأذن هل أنا بضلّ اسمع؟؟؟؟ لأ أكيد لا أنا ولا أنتو وكمان اللباس إذا أثبت الطب أنو المناطق المكشوفة يصيبها سرطان الجلد مثلاً هل بيضل بنت مكشفة جسدها؟؟؟؟؟؟ وهنا السؤال الخطير هل صرنا نفضّل الطب أو أيّ شي تاني عن ربّنا؟؟؟ أيّ نوع من الكفر هو هذا؟؟؟ علماً أيضا أنو أثبت الطب إنو البناطلين الضيقة تؤثر سلبا جداً على القلب والدورة الدموية وما بعرف شو ومن زمان مانا جديدة هيدي بس الحمدلله بناتنا قبضايات ما بيهمن هالحكي. الخلاصة إذا يا بنات ما بدكن تردّوا عربّنا وتلبسوا كما أمر اصطفلوا قلتلكم أنا ماني جاييكم من منطلق ديني بس لما بتلبسوا منيح بتصونوا كرامتكم وبتجنّبو نفسكم تكونوا عرضة لتخيلات الشباب وأمانيهم اللي ما بترضى أي وحدة منكن عنفسا تكون بهيك مواقف خاصة المواقف اللي ذكرها الأخ وسيم غنوم بارك الله فيه (أرجو مراجعتها).
آمل ألا تضيع كتاباتي ووقتي سدى في مهب الريح.
سلام أخوي صادق نابع من صميم قلب يتلهفّ غيرة على أخواتي بنات بلدتي العزيزة وعلى أخلاقكهن وكرامتهن وشرفهن وعزتهن ومصيرهن.

فشلان

07-05-2007, 03:18 PM

الناقد

07-05-2007, 10:09 PM

يعطيك العافية معلم فشلان ، كيفا خالتي وأخواتك اللي بلبنان و يللي بت.......... ييييي كنّا فضحناك يا ابن الخالة ، ولو عم تتمسخرلي شعري؟ وأنا قلت ما حدا رح يسبقك على مديح شعري إذا ما من الناحية الشعرية من الناحية الموضوعية بس شكلك صرت ميولك متل بعض باقي الأعضاء ميولن للمواضيع الهيك هيك تبعة ال (حذفتها أنا من دون منية المشرف) يعني لو فتناكن بموضوع سكسي (عدم الميآخذة يعني) كنتو ما لحقتو ردود بس موضوعي مانو لمصلحتكم مو؟؟؟؟؟ بدكون تبصبصوا عبنات ضيعتكم ماهيك؟ يا عيبشوم بس ، بعدين الله يرضى عليك يا فشلان لا تتهجم عليي منشان ضل حبك ها ومنشان ما تعلق بلساني أوعاك ها ترى إسمي(الناقد) عجسمي.بدك تزعلني منك شي؟؟؟ وصحي كيو أخوكيللي بالس.......... يييييييي كنا فضحناك مرة تانية يا ابن الخالة.
وأنت يا زاهر عم تدافع ؟؟ لو منك معفن أولا ما كنت انحرّيت لأنو اللي في مسلة بتنعرو.. وتانيا هالموضوع مانو من اهتماماتك؟ شو اهتماماتك أنت وهالمسلمين اليوم لكن؟ ضيعان يكون صهرك الشيخ وسيم.
الله يستر ما حط حطا حدا ها ترى بهشّلو من المنتدى ، وبيقلي عقلي إهبلا متلكم حتى ما يتغير عليكن الجو ، لك لوووووووووللللللللللل ودوووووووووووووووووووووووووووعععع

عمر ملاط

08-05-2007, 09:17 AM

السلام عليكم...
ليش الكل بحاول يحكي بالتمويه... أنا رأيي المتواضع إنو تعملو جمعية يلي شاكين فيني.. وتجمعو الدلائل.. وخيوط الموضوع.. وتنسجوه نسجة مرتبة... وتعلنوه... خلونا نعرف شو عندكم... وهيك بتنحل القصة... بس ما تحلوها بسرعة.. خلوها مشوقة... عملوها مسلسل مكسيكي.. بس يرضى عليكن بدون مشاهد لا أخلاقية...

فشلان

08-05-2007, 09:48 AM

ولك دووووووووووووووووووووووووووووووووووع.. والله ما تبقو تعرفوني.. حتى آكل أتل أد ما في شعر براسي...

بس بتصور صعبة شوية.... حتى بعد فلم مكسيكي وهندي كمان....

بس دخلكن أنا فيني انتسب للجمعية؟؟؟؟؟

ولك دووووووووووووووووووووووووووووع

فشلان

08-05-2007, 10:43 AM

لما كان هذا الموضوع هو سلة الشعراء من أمثالي المتواضعين...
ولما كانت الأخت نادين وجهت إلي الرد التالي بعد أن علقت على كلامها

إن الفقيه هو الفقيه بفعله ..... ليس الفقيه بنطقه ومقاله

أحببت أن أرد عليها بنفس الطريقة.. وقد كتبت تلك الأبيات.. وهي موجودة في موضوع في ساحة المدري أيش والتكنولوجيا.. ولكن نقلتها هنا.. لأزيد عليها ولأجمع كل أشعاري العظيمة في هذا الموضوع...

لا تعتبي إني أتيت بطرفـــــــة ---- إن الطريف بقوله وفعالــــه
والقول أحياناً يـفــــــوق بقدره ---- فعل الشديـــــد بحربه وقتاله
كم من مقال نـــال من أعدائنا ---- ما لم ينله مقاوم بجهــــــاده
للشعر تأثير عجيب في الورى ---- والشاعر البناء من أشعاره
يبني صروحاً شامخات مثلما ---- يبني الغني قصوره من ماله
والشعر أفكـــار يجسدها الفتى ---- وخواطر مما يدور ببــــاله
فإذا رأيتم حكمة تمضي على ---- قـول الفتى تنساب في أبياته
قولوا هو الفشلان دون تردد ---- يـقـتــات من إلهامه من خاله

ولك دووووووووووووووووووووووووع

HARD

08-05-2007, 12:03 PM

اهلا بالاخ فشلان المتواضع .....
اولا اريد ان استفسر منك من اللذي وضع قانون الابحر ومن من اطلق على الكلا م الموزون اسم الشعر وهل من قديم كان الشعر يقطع ام بالفطرة مقطع ...
وانا احيي الناقد على حبه للكتابه .... بهذه الحالة يا اخ فشلان يجب ان تشجع الزلمة وان تبين له الغلط باسلوب افضل من اللذي تتبعة يعني الاخ الناقد هددك وهذا يعني انو مزعوج من كلامك لان فيه نوع من التصغير ونريد جواب على الابحر ومن وضعها وهل انا مجبر اذا اردت ان اكتب ان اتبعها والا التمسخر هو نصيبي وهل التعبير عن الخاطر يجب ان يعقد بهذه الطريقة انا لا انسف الشعر ولكن من يريد ان يعبر فليعبر بالطريقة التي يريدها دون ان نجد المصغرين بالطريق ......

فشلان

08-05-2007, 02:32 PM

بإمكان أي شخص أن يعبر عن أفكاره بالطريقة التي يهواها.. ويتقنها... ولكن المشكلة تكمن في أن يدعي الإنسان أنه يقول الشعر بينما هو يقول نثراً.. أو ما شابه... بإمكانك أن تقول أنك مهندس طائرات... ولكن إذا تبين أنك لست كذلك.. سوف تسقط من العيون إلى الفم ربما... وعندها لن يسكت عنك الناس... وهذا ما حصل...

فإذا كانت لديك خواطر وعبرت عنها... لا داعي لأن تدعي الشعر... ولن يعترض عليك أحد....

أرجو أن تكون الكلمة قد وصلت...

أما من ناحية سؤالك عن واضع قوانين الشعر... فهي مستحدثة... أما العرب فكان الشعر يأتي منهم موزوناً على السماع، ثم أتى من جمع كل الأوزان التي قالها العرب وأعطى كل واحد منها اسماً... وضابطاً خاصاً به

لست أدري من هو الشخص.. ولا متى تمت تلك العملية...

الزاهر

08-05-2007, 04:14 PM

وأنت يا زاهر عم تدافع ؟؟ لو منك معفن أولا ما كنت انحرّيت لأنو اللي في مسلة بتنعرو.. وتانيا هالموضوع مانو من اهتماماتك؟ شو اهتماماتك أنت وهالمسلمين اليوم لكن؟ ضيعان يكون صهرك الشيخ وسيم.
الله يستر ما حط حطا حدا ها ترى بهشّلو من المنتدى ، وبيقلي عقلي إهبلا متلكم حتى ما يتغير عليكن الجو ، لك لوووووووووللللللللللل ودوووووووووووووووووووووووووووعععع

ولك يا خيي أنا ما بتهموني كلكم .....بكلية العلوم شو ما بدي فيه .......فيه بنات تنانيرها لفوق الخصر وقمصانها لفوق الغرة.......هاد اهتمامي .....عطال بطال.....ما عندي شي .....بعدين بدي ألك يا حبيبي يا مثقف.....أنا عندي مشكلة : أد ما كان عمرك ما بعرف احترمك إذا ما كنت تحترمني ..ما شايف شو إني كنت بلا أخلاق مع عنكبوت أبو شاكوش مصدي سابقا، الأخ الريس حاليا...ولولا العفن اللي عليي يا خيي لكنت متت بمرض السكري من شي مدري كم ترليون سنة......بس خليك هيك...........يعني شو عندي شغل؟! ماني معفن عايف التكنة......أنت ألتها بعضمة (بعضلة) لسانك (دماغك) وتشاو خيي بستصعب تشوف وشي (كلامي) من هلأ لشي أسبوعين تلاتة.....

أما بالنسبة للأخ الكريم فشلان.......والله لو أن لي أن أشكرك ألف ألف ألف مرة لما قصرت......والله بس كون معصب وما طايق حدا بينفرج كل كربي بس أوئع عن الكرسي أنا وعم إقرأ الشعر الجميل الذي يصدر عنك.....لكان متل اللي مدري شو بيسموه تاع الناقد......هو اسم على عقل يعني بس يبدو الأخ الكريم ناقد من النوع التاني......ما اللي الناس بتعترف فيه......صارو اللي بدن يطعموني بكس بالضيعة كتاااااااااااااااااار......يالله رح إتخبا بالبيت ما فيني أطلع عالجامعة وعيني لونها أزرء.....شو بدي ألها لفراشتي وأتها....ما هيك يا فشلان....شو رأيك تألفلي كم بيت هيك إرويلها كيف هزمت المعتدين اللي كان عددهم 5000 واحد.....يعني بالشعر كلشي مسموح.....شو صوت صفير البلبل أحسن من شعرك يعني....أبدا بنوب بنوب بنوب!!!! ولا عاهدت أهل الكوفة أحسن....ما فشر اللي بيألف متل شعرك خيي.......ولك كيف ما فشر......فشر ونص وتلت رباع!!!!
خيي فشلان......ولك بدي أعطيك هدية بس كيف بدي وصلك ياها......يعني أكيد مش مصريات بس كونك شاعر يمكن تكون بتهمك.....بل أكيد لازم تهمك.....أنا اللي طول عمري بس أخي يلقي شعر أمامي ويألي تذوق هذه المعاني الرائعة كنت إنعس وإغفا أد ما كنت إكره الشعر عجبتني أشعارك وحبيت إهديك موسوعة......بس للأسف كيف بدي وصلها....ما فيني إبعتها عالنت.....
السلام عليكم

الناقد

08-05-2007, 05:13 PM

لك الله معو أبو الهرود شلونك لك يا ضرصان مو قليل بيضت صفحتك معي لك بري عليك لك ابو الشباب و شيكرا ، شيكرا كنير لك خيّوووووو ، منجد غمرتنا بلطفك وخجلتني من حالي ، لك حطيتلي عيونو بأسفل اجريي من خجلتي منك مو متل ابن خالتي الفشلان كسحني بهدلة شرشحني بالمينتدى ، وين بدي حط عيوني بين الشيعراء يا ابن خالتي فشلون ايه؟؟؟
بعدين أنو إذا سكتنالك وما فضحناك مبارح وما قلنا انك عم تعمل دعاية لمربيات جراد لأنن جيران قرايبينك (بيقربوك كتير) بتقوم بتركب عضهرنا لك فشلان بيك؟؟؟؟ أخص عليك من بين ولاد الخالات ، بس روح الله يسامحك بضلك ابن خالتي وحبيبي وبتمون لك فشلانيتّو ، لا تواخذني ابن خالتي بس عم عاتبك من حبي الك ها متزعل مني.
لك كنتو رح تنسّوني لك أبو الهروووووددددد يا ضرصان وينك؟ هيقتك طلعت من الأومارات شنو بيّن عندي ومن بعد مراجعة أجهزة المراقبة اللي راصدها عسيرفير المينتدى أنو الكمبييتير يللي عم تفوت منو عالمينتدى صار أبعد من يللي كنت عم تخش منو قبل كم يوم بكذا كذا كذا كيليمتر فوينك يا ضرصان؟؟
أجا كنت بلبنان الشقيق خبرني حتى طل صوبك ، باي

أبو جاد

08-05-2007, 09:52 PM

السلام عليكم كيف الشباب
ولك يا أخ فشلان كيفك كيف الحال ولك إذا شفت الخال سألو وين راح ليش بطل يطل علينا ، يا شباب وين هل الشعر الجميل ولوه وينكن

جابر دملوك

09-05-2007, 06:02 AM

الأخ الناقد السلام عليكم و رحمة الله تعالى و بركاته.
موضوعك مهم جدا و أكثر مما تتصور بل قد يكون من أهم المواضيع على الإطلاق.
ولكن مكانه و ساحته هو أرض الواقع و ليس ساحة المنتدى.
فهل وجدت من يعترض على أن حجاب الفتاة فرض ؟ لم يقله أحد من الأعضاء حسب علمي.
فإن كان ذلك كذلك فما المطلوب إذا داخل صفحات المنتدى ؟
هل نحتاج جمع توقيعات الأعضاء و التصويت ؟
الموضوع مجاله الشارع و البيت و المدرسة ....إلخ بالنصح و القدوة الحسنة و الكلمة الطيبة .
ألا ترى معي يا أخي الكريم أننا داخل المنتدى ننظر لما ينبغي للشارع و المجتمع بأكمله أن يكون و الشارع و المجتمع لا يعبأ بنا.
إذا كنت صيادا فمجال هوايتك الجبال و البراري لا ساحة المقهى.
و إذا كنت لاعي فولي لا تذهب إلى فرن عيشة و تكحش الزبونات و تنصب شبكة.
أخوكم في الله جابر

HARD

09-05-2007, 07:44 AM

اه انا بلبنان ويا زاهر اذا انت ناطر البكس مني فمشكلة بتفكيرك هذا وانت مبتعرفني بعد انا ما برفع ايدي على انسان مسلم الا للدفاع عن نفسي .

الناقد

11-05-2007, 12:28 PM

هون الحقيقة صار بدنا الأخ الهارد يرد عليك.... لأنو أنا الحقيقة ما فيني أوصل لهيك بلاغة.. ومعاني... مش عم حط من قدر الهارد.. بس القصة إنو هو بيعرف بالبطيخ... الأحمر والأخضر أكتر مني...

يا أخي هادى بسموه سجع.. مش شعر حديث ولا شعر قديم... بعدان ما ضروري الواحد يلتزم بمربيات أجيال.. في مربيات جراد كتير طيبة... ويا ريت تجربها.. بتاكل صابيعك وراها...
ولك دووووووووووووووووووووووع

سلام فشلووووووووووووووووون ، لك عم تتمسخر عليي لك ابن خالتي بسيطة مو مشكل أنا كنت منتظر منك تعتذر بعد ما نسفتني هالبهدلة بنص المنتدى خاصة أني لفتلك نظرك بردي عليك بس ما رديت ، ايـــــــــــــــــــــــه شو عليه ابن خالتي شوف وين صار لسانك بالصورة تحت شلتو ورميتو حدك بس تاني مرة برمي لل......... عرفتهم؟؟؟؟ هيدول اللي بيهبهبوا ، لأ مو السياسيين تبعونا ، اللي بيهبهبوا الحقيقيين فهمت لك ابن خالتي؟؟ الله يرضى عليك لا تواخذني ها بس هالحركة عملتا من باب التنبيه ولفت نظرك إنك جرحتني واعتبروا يا باقي الأعضاء ترى لو منو ابن خالتي كنت سويت وعملت أكتر من هيك بكتير بس شنّي بعزّو.
ولك ضرصان صحي مينو هي فشلانة؟؟؟ من ورا ضهرنا يا ابن خالتي ؟ على كلّن ما بطوّل تأعرفا شنّو أخبارك بتهمني ، لا تواخذنا عاللسان ها ترى بضربتين فوتوشوب برجعو محلّو :) ولو بتمون لك ابن خالتي بَ............. ييييييييييييي كنا فضحناك لاتواخذنا.
سي يو غاي.

HARD

11-05-2007, 01:39 PM

اه يا فشلان
كلامك لا اعتراض عليه وانا اعتقد اني لم قل عن الكلام انه شعر ولكن انت استنتجت وهذا نقص عندك فانت لم تميز بين الشعر الموزون وغيره فلا تواخذني يا فشلان ..............................ززز

HARD

11-05-2007, 01:42 PM

الان انا بالقلمون والعالم قايمة الله الله على فشلان يعني انا بقول اختفي افضل مهيك يا فيصل، فيصل كاعرني بدو يعرف مين فشلان وهو قبل قليل قال انو بيعرف فشلان معقول هل الكلام .

فشلان

11-05-2007, 09:16 PM

أنا آسف يا أخي هارد لأني اضطررت إلى ذكر ما كان سابقاً بيني وبينك... ولكن ذلك كان بسبب أن بعض النقاد استخدموا كلاماً في غير موضعه... وادعوا ما لا يملكون.... فأنا آسف مجدداً....

ولقد أحببت أن أنقل شعراً كتبته في المشاكل والمشادات إلى هنا حتى أجمع شعري العظيم :D:D في هذا الموضوع...

رغبة الأشقياء

أردت الفخر وارتدت المعالي ---- وناشدت الكرامة من نعـــــالي
نزلت لأرفع الأخـــلاق فيــنا ---- فزينت الرذيلة في مقــــــــــالي
ونيل العز بالإســـفاف وهم ---- أتحت الأرض تبحث عن أعالي؟
وطالب عزه فــــي دار ذل ---- كطالب شهرة بين البغـــــــــــال
وأفشل فاشل من بات يحيا ---- على التسفيه في قول الرجـــــــال
يظن بذلك التسفيه فـــضلاً ---- و تكريماً على إثر المنـــــــــــال
فلولا أنني ألقى ملامــــــا ---- ولولا العيب لم تخطر بــبـــــــالي

ولك دوووووووووووووووووووووووووووووووع

HARD

12-05-2007, 01:08 AM

هذا فخر ام نخر
اخي انا قبلت اسفك ...............ززز

فشلان

12-05-2007, 08:28 AM

أخي الهارد... لا يجب أن تتعجب من هذا النوع من الفخر الذي يطلبه الجهلة... فكثير من الناس يطلب حاجته في غير موضعها... ومن غير جهتها...

وما قصدته أنا في هذه القصيدة... هو ذلك الشخص الذي يطلبه عزه من خلال ذل الآخرين... ويشتري كرامته من خلال إهانة الآخرين.... وينشد حياته فوق رفات الآخرين...
يريد أن يظهر نبله من خلال شتمه للآخرين... ويريد أن يظهر كفاءته من خلال تخطئة الآخرين....

وهذا النمط من الناس واهم جداً... وليعلم أن ذلك سيزيده ذلاً عن العارفين... وسيزيده مكانة عند الجهال... فليعلم أحدنا أين سيكبر.. في عين الصالحين أم في عين الطالحين...

وقد قالها الشاعر كلمة من ذهب:
وإذا أتتك مذمتي من ناقص ---- فهي الشهادة لي بأني كامل

كنت أريد أن أسمي العنوان رغبة الجاهل... وفي الحقيقة احترت بين رغبة الجاهل ورغبة الأشقياء...

على كل حال... مشكور على تقبل الاعتذار... ولك مني خالص الامتنان...

أخوكم :rolleyes:
لا تواخذنا خيي الشامي....

ولك دوووووووووووووووووووووووووع

فشلان

12-05-2007, 08:52 AM

من هو الناقد البناء

يا ناقد الأفكار ليس لـســـــــــــانا ---- دعني أراك لمرة إنـســــانا
ما لي أراك مُشَهِّراً لـــــــــــمهند ---- لتـُـقـَطـِّع الأوراق والخيطانا
حارب بفكرك إن أردت مكانــــةً ---- ليس الشجاع مهوبراً وجبانا
إن كنت تحسب أن تراني صامتاً---- جـــــراء خربشة على مرآنا
فاعلم بأني لست أكتب بـــــالذي ---- قطـّعْتَ أو ألقيت في مرمانا
أنا أكتب الأشعار في قلبي وقــد ---- أحتاج إحساساً وليس لســانا
هو ذا فؤادي من يُسَطـِّر فـِـكره ---- ينساب أشعـــاراً على دنيانا
هو ذا فؤادي من يَـرُدُّ بـِحِلـْمِــهِ ---- يُهدي المسيء بسوئه إحسانا
فارفق هداك الله في تصويركـم ---- إنــــــــي وجدتك مبدعاً فنانا

الناقد

12-05-2007, 12:12 PM

يعني فرطتني الضحك يا ابن خالتي هيك نشحتنا بالمنتدى عم تعرض فصاحتك عيب هالحكي بحساب مهذب بركي شافت هالحكي مرتك رُ.... يييييييييي كنت فضحتك لا تواخذني ابن خالتي.
لك دووووووووووووووووووووع

فشلان

12-05-2007, 12:21 PM

أنا جاوبت غير هون... وإن شاء الله يصير يلي طلبتو

admin

12-05-2007, 01:48 PM

الإخوة الكرام...

إن أي عملية ينتج عنها تمويه وإضرار بالأعضاء الآخرين سوف يتم التعامل بمعها بالطريقة اللائقة...
لذلك فإننا نطلب من الإخوة الكرام عدم وضع أنفسهم موضع الشبهة...

نشكر لكم حسن تعاونكم..

أبو جاد

12-05-2007, 10:42 PM

السلام عليكم كيف الشباب
أرجوا من الأخوه الإداره المحترمين ، أنه ليس لنا أي علاقه بالتفاهات التي تكتب بالمنتدا و خاصتاً المواضيع التي تخرج عن الموضوع ، فأرجو من حضرتكم شطب أي مشاركه خارجه عن الموضوع ، وأقول للفشلانه أنه ليس لنا أي علاقه بينها وبين الأخ فشلان علماً أني على يقين اأن فشلانه رجل ليس إمرأه لأنه بالضيعه ليس هناك بنات بهذه التفاهه ،
أرجو حزف كل مشاركه لفشلانه و كل من يخرج عن الموضوع المطروح

الريس

13-05-2007, 02:31 AM

يا فشلانة يا حبيبت قلبي ، ويا عيوني ، بدك تنضبي بقا ولا بطرشك كف بهرلك سنانك ؟
آه فهميني وله .
بدك تكلي هوا ، كلي أد ما بدك بس مش عل الهوا وادام الناس ، روحي انتي وفشلان ، تزوجو بعضكم وتفشلنو على رياحتكم .

بعدين أنا بدي افهم ليش هيك شعرك متل المكنسة ؟؟؟؟؟؟؟؟؟؟؟؟؟؟؟؟؟؟؟؟؟

نيالك يا فشلان بتوفر حق مكانس ، عنجد مرة بينمسح فيها الأرض ، وبأخلاقها .

وانت يا هارد عود عاقل بقا ، أنا ما دخلني بفشلان ولا فشلانة ، أقسم بالله العظيم اني ما بعرف مين فشلان ومين فشلانة .
في شكوك عندي ، ناس بقولو انو محمد مغيط ، وناس بقولو انو هاني منصور ، وناس بقولو انو عمر ملاط ، و...... بس على الأكيد ، والله العظيم ما عندي شي أكيد . وكذلك نفس الأمر بالنسبة للناقد ، ونجحان ، ولا تشتكي ، خيي ما بعرف حدا من هدال .

HARD

13-05-2007, 03:58 AM

ليك يا دلوع روح عميل ريس غير هون اياك تعيد كلام التهديد هذا انا من غيرك شاعل فمتخلي النار تحرقك وتصير فحمة ...........ززز
شوف انت عم تتكهن انا لم اتكلم عن شخصيتك الاسمية بل عن تفكيرك البيظنتي ..... اذا قارنا المشاركة الطويلة، نفس الفكرة طلعت مجلد .... يمكنك اختصارها بخمس جمل مفيدة او ضع فائدة بالنهاية ..............ززز

فشلان

13-05-2007, 09:06 AM

Mirror

13-05-2007, 11:51 PM

يا عمر شلاح هالقناع و كشوف الحقيقة (بس يا ريت الشلح يكون عالويب كام):eek:
و ما لقيت بحديثكم شي بيدل على الشعر سلم على فشلانت

فشلان

26-05-2007, 10:28 AM

مالي أرى دربي بعيني مظلمــــــا ----- ولو اتقينا الله كنا أنجمــــــــــــــا
نـُهدي الضياء لتائهٍ في أرضـــــه ----- نـَهديْ إذا دربُ البريّـــةِ أظلمـــا
لكننا تهنا فما من مرشــــــــــــــدٍ ----- وكأن قلبي عن مدادي أحجمــــــا
شـُـــلَّ اللسان وأثـقِـــلت كلماتـُــه ----- بـــــــات الكلام إذا تـَجَلـَّى مؤلما
والسمع معزول وكل جوارحـــي ----- تشكو السقام وقـد تـَأتـَّى محكـَمـا
يا قلبُ فـَلتـَحْـــزنْ فـَـــإنك ماهِنٌ ----- غارَ الذي قد كنتَ تدعو "مُلهَما"
يا إخوتي عفواً على ما قد مضى ----- عينُ الصوابِ إذا انتـُخِبْتُ الأظلما
ولتذكروني بالصلاح، رَجَوْتـُكـُمْ ----- ولـتـَسْــتـُروا عَـيـبي إذا ما أقدمــا
قولوا إذا ما قـد ذكِرْتُ بـِحَـيِّـكـُمْ ----- ذاك الفتى قــد كــــان دوماً مسلما
لي عندكم طلبٌ أخيرٌ إخــــوتي ----- في جوفِ ليلٍ دعوةٌ أن أَسـْـلـَــــما

الزاهر

26-05-2007, 02:18 PM

شو باك خيي......وين كنت .....تشوشنا عليك!!!!

بعدين شوباك ؟!......ناوي تفارأنا؟!........والله منموت بلاك خيي......ما بيصير ندعيلك إنت وهون.....ما بيصير تكون مسلم صالح إنت وهون.......والله اشتأنالك خيي......آم هيك بتعمل فينا......بدك تهجرنا......ما بيكفيني الحزن اللي أنا فيه....لسا بك تجيبني بالسكتة الألبة يا خيي.....ما بتحمل أنا أكتر من هيك......أصحاك تتركنا ها......

أبو جاد

26-05-2007, 09:53 PM

السلام عليكم بارك الله بكم

شو الشباب جاهزين ؟؟؟؟؟؟؟؟؟؟؟؟؟؟؟؟؟؟

الزاهر

26-05-2007, 09:57 PM

ولك يا خيي ليش الأصة بدها جهوزية وما بعرف شو.......ما بدها.....بايخة بخبوخة....أولة ما كنا نؤول بالمخيم!!!!!

أبو جاد

27-05-2007, 01:04 PM

السلام عليكم ورحمته وبركاته

ولك لك أصدي مشان الجائزه الجايه ؟؟؟؟؟؟؟

أم سفيان

27-05-2007, 07:24 PM

هلأ من جد يا فشلان بدك تترك المنتدى
أنا بعرف إنو بالفترة الأخيرة في كتير تقلو دمن عليك ومن ضمنن أنا وفي بعض الناس حسيتن غيرانين منك لتفوقك بالمنتدى بس هاد ما بيخلي الواحد يترك ولا الجائزة اللي عطاها ياك أبو جاد خلتك تنسى المنتدى (عم إمزح)
بدي قول كلمة حق إنك كنت إنت أكتر واحد منعش المنتدى ومتل مانك شايف هلأ المنتدى عم يحتضر وخصوصا إن مشاركات بعض الإخوة المميزين قلت
فكر منيح قبل ما تحسم أمرك

الشامي

27-05-2007, 07:48 PM

السلام عليكم :) .. كيفكم يا جماعة...

أخي الحبيب فشلان، لا أظن أننا نقدر على مفارقتك لنا ولا أن قلبك يُطاوعك على مفارقتنا، فقد أحببناك من كل قلبونا وأصبحتَ واحداً من عائلة المندى بمُختلف ألوانها وأطيافها واتجاهاتها... فهل يهجر الأخ أخاه لخطئ أو تقصير في حقه... أم يصبرُ عليه..

ونحن أحسسنا بضيقك وكلنا يحمل الكثير من الهموم ولكننا نجد هنا فسحة نتواصل بها مع أحبابنا، ونروح فيها عن أنفسنا ونقلب الأفكار والآراء ...

يعني هيك يا أبو الشباب فتحتلنا موضوع (حقوق الرجال) وكفلتنا فيه أنا والشيخ عمر، وتركتنا ورحت؟؟؟ ... هيك رح يزعلوا منك النسوان لأن احنا بطلنا نكتب من وقت ما انت تركت وهن طنشن الموضوع... فقلنا نسكت أشرفلنا ...:)

يالله نحنا ناطرين تطل علينا بالقريب العاجل...

أخوكم:rolleyes:

الزاهر

27-05-2007, 09:09 PM

السلام عليكم ورحمته وبركاته

ولك لك أصدي مشان الجائزه الجايه ؟؟؟؟؟؟؟

أديش ....ألف؟ ألفين؟.....ما بئا نطلع بالميات يا خيي.......صرنا طمعانين!!!!

أبو جاد

27-05-2007, 10:43 PM

السلام عليكم ورحمته وبركاته

والله أغلى من هيك بكتير بكتير بكتير !!!!

الزاهر

27-05-2007, 10:46 PM

وعليكم السلام خيي.....
عمرة لكان......آه منيح....هيك أحسن!!!!

فشلان

28-05-2007, 07:06 AM

الاخوة جميعاً. السلام عليكم ورحمة الله وبركاته

أنا أشكر لكم اهتمامكم الكريم بي... ولكن ربما حصل مني تقصير في الكلام أو ربما حصل منكم سوء فهم.. فأنا لم أقل أبداً إني سأترك المنتدى...:confused:

أنا طلبت منكم الدعاء لأخ مسلم يعترف بخطيآته لكم، لعل الله أن يفرج عني بدعواكم الخالصة..:o

أنا، إن شاء الله لا أترك المنتدى بهذه السهولة.. ولكني الآن في وضع لا يسمح لي بالمشاركة الكثيفة.. وخاصة الهزلية منها... فسامحوني... والبركة بالأعضاء جميعاً.....

أنا أشكركم مرة أخرى، وأسأل الله لي ولكم من كل هم فرجاً ومن كل ضيق مخرجاً.

والسلام عليكم :o

فشلان

03-06-2007, 09:20 AM

.................................................. ..........................................أنا والمصيبة

قبلناها فما في الأمر بـُـــــــــــــدّ ---- وذاك لأن أمركِ لا يُــــــــــــــــردُّ
ملكتِ القلب ليس على اختيــــارٍ ---- فحُكمكِ نافذ.. أنــــى يُصَـــــــــد؟
وبــتِ تحركين شعــــــــور قلبي ---- وبعد الهزل قلتِ: يكونُ جـِـــــــدّ
حبستِ سعادتي في جوف سجنٍ ---- ولمـا أن ضحكتُ أقيـــم حَــــــــدّ
ورحـتُ أقلّبُ الدنيا بـِسـِــــــــــــرّ ---- لأنبش في الخفايا ما يَــشـُــــــــدّ
لعلي أستعيد سرور قلبـــــــــــي ---- ويرجعَ في فؤادي اليـــــــوم وُدّ
وأشدو في حياتي بابتســـــــــامٍ ---- ليبدو السِــــنّ أو يَحْمَرَّ خَــــــــدّ
وصرتُ أفتـــشُ الساحـات بحثاً ---- فمن عاداتها كــــانت تـَــمُـــــــدّ
ولكني فشلتُ وبــــــــــــــامتيازٍ ---- فتلك النائبــاتُ عَـلـَــــيَّ سَـــــــدّ
إلهي.. لا تـَكِلـْــني في حياتــــي ---- إلى الأحزان فالحــزنُ يَــهُـــــــدّ
فقالت حينما سمعت دعائــــــي ---- تـَعَـقـَّـل ليس لي في الأرض نِـدّ
فقال مجاوبــــــــــاً إيمانُ قلبـي ---- بثغرٍ باسمٍ ما حــــــــــــــــدا أدو :D :D
دعــــاء للإلــــــــــه إذا تَــــأتَّى ---- بقلبِ الخاشعين فلا يُـــــــصَــــدّ
ســــــــيأذنُ ربنا بجــــــلاء همّ ---- وأمــــرُ الله قطعـــــاً لا يُـــــــرَدّ

الساحات: المقصود ساحات المنتدى

الشامي

03-06-2007, 09:38 AM

الله يرحموووووو:(

ما بتستاهل هالأد خيي فشلان شو بيك... هونها بتهووووون...

ســــــــيأذنُ ربنا بجــــــلاء همّ ---- وأمــــرُ الله قطعـــــاً لا يُـــــــرَدّ
أخوكم:rolleyes:

فشلان

03-06-2007, 09:58 AM

وإسا بقولو المشرفين مش موجودين... بارك الله فيك يا شامي... والله أنا حاسك قدها وقدود.. الله يعينك علينا.. وعلى أشكالنا المختلفة.. وأفكارنا يلي فايتة ببعضها...
لك من كامل الود والتقدير..

عمر ملاط

03-06-2007, 10:04 AM

رح أدخل على الخط.. بركا بيطلعلي شي طرطوشة.... مشكور يا شامي على التنبيه.. :D
ولك شو قصتك يا خيي فشلان.. طيب ما في حدا يساعدك بهالمشكلة؟؟ يعني يمكن حدا يقدر يشيل عن نفسك الهم... اشكيلنا يا أخي.. فضفض... ونحنا ما منقصر إن شاء الله...
والله رح تبكينا.. كأنك حامل الدنيا فوق راسك... على كل حال.. الله يفرج عنك.. وعن كل المسلمين... بجاه كل عمل صالح... وبجاه كل ذره حب للرسول عليه الصلاة والسلام... آمين يا رب العالمين...

بس بيعجبني فيك إنو لو كنت زعلان ما بيخلو الأمر من شوية مزح.. شو قصة : ما حدا أدو؟؟؟؟؟؟:rolleyes: ;)

Nader 3:16

03-06-2007, 05:08 PM

اهلاً بالشباب الطيبة شو وين هالغيبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الزاهر

04-06-2007, 02:21 AM

خيي فشلان......ولك خبرنا....شو في؟؟؟؟
ولك يا عمي حاسك مكتأب......ما بيسوا الواحد يحصر بألبو....سألني.....الكل بيشكولي همومهم.....
لا تخبي بألبك.....أولها بصوت عالي....بس اطلع على مغارة الزيت....منشان ما حدا يسمعك....بس انتبه أبل إن كان في شي دورية جيش.....بيفكروك فتح شيطان!!!

يالله....فرج كربك.....الشعب كلو معك!!

سلام

Nader 3:16

04-06-2007, 04:02 PM

تحية للأخ الفشلان رئيس منظمة الفشل العالمية!!!!!!!!!!!

3:16؟

THE TERRORIST

26-06-2007, 03:25 PM

كيف هالدنيا معك يا اخ فشلان؟
و لك الله يعينك عحالك ؟؟ الهيئة مثل ما قال زاهر انو( حاسك مكتأب)
الله يهنيك بهل الاستفتاء رح يصير 30 صفحة.
اعلن النتيجة بقى... ليك على كل حال رح صوتلك يا خيي

المجاهد

26-06-2007, 11:43 PM

Ya Khayi Fashlan Al Dyinieh Maya Shi 2il Mouhem Tkoun Mabsout W Kalass Kormalak Rah 2izher Koudourati 2al Shi3ryieh Bto2mor

مصطفى معتوق

03-08-2007, 11:06 PM

تقرير سري جدا من بلاد قمعستان

لم يبق فيهم لا ابو بكر .. ولا عثمان
جميعهم هياكل عظمية في متحف الزمان
تساقط الفرسان عن سروجهم
واعلنت دويلة الخصيان
واعتقل المؤذنون في بيوتهم
والغي الاذان...
جميعهم .. تضخمت اثدائهم
واصبحوا نسوان
جميعهم يأتيهم الحيض ومشغولون بالحمل
وبالرضاعة...
جميعهم قد ذبحوا خيولهم
وارتهنوا سيوفهم
وقدموا نساءهم هدية لقائد الرومان
ما كان يدعى ببلاد الشام يوما
صار في الجغرافيا...
يدعى (يهودستان)
الله ... يا زمان

لم يبق في دفاتر التاريخ
لا سيف ولا حصان
جميعهم قد تركوا نعالهم
وهربوا اموالهم
وخلفوا وراءهم اطفالهم
وانسحبوا الى مقاهي الموت والنسيان
جميعهم تخنثوا...
تكحلوا...
تعطروا...
تمايلوا اغصان خيزران
حتى تظن خالدا ... سوزان
ومريما .. مروان
الله ... يا زمان...

جميعهم موتى ... ولم يبق سوى لبنان
يلبس في كل صباح كفنا
ويشعل الجنوب اصرارا وعنفوان
جميعهم قد دخلوا جحورهم
واستمتعوا بالمسك, والنساء, والريحان
جميعهم مدجن, مروض, منافق, مزدوج .. جبان
ووحده لبنان
يصفع امريكا بلا هوادة
ويشعل المياه والشطان
في حين الف حاكم مؤمرك
يأخذها بالصدر والاحضان
هل ممكن ان يعقد الانسان صلحا دائما مع الهوان؟
الله ... يا زمان ..

هل تعرفون من انا
مواطن يسكن في دولة (قمعستان)
وهذه الدولة ليست نكتة مصرية
او صورة منقولة عن كتب البديع والبيان
فأرض (قمعستان) جاء ذكرها
في معجم البلدان ...
وان من اهم صادراتها
حقائبا جلدية
مصنوعة من جسد الانسان
الله ... يا زمان ...

هل تطلبون نبذة صغيرة عن ارض (قمعستان)
تلك التي تمتد من شمال افريقيا
الى بلاد نفطستان
تلك التي تمتد من شواطئ القهر الى شواطئ
القتل
الى شواطئ السحل, الى شواطئ الاحزان ..
وسيفها يمتد بين مدخل الشريان والشريان
ملوكها يقرفصون فوق رقبة الشعوب بالوراثة
ويكرهون الورق الابيض, والمداد, والاقلام بالوراثة
واول البنود في دستورها:
يقضي بأن تلغى غريزة الكلام في الانسان
الله ... يا زمان ...

هل تعرفون من انا؟
مواطن يسكن في دولة (قمعستان)
مواطن...
يحلم في يوم من الايام ان يصبح في مرتبة الحيوان
مواطن يخاف ان يجلس في المقهى .. لكي
لا تطلع الدولة من غياهب الفنجان
مواطن ان يخاف ان يقرب زوجته
قبيل ان تراقب المباحث المكان
مواطن انا من شعب قمعستان
اخاف ان ادخل اي مسجد
كي لا يقال اني رجل يمارس الايمان
كي لا يقول المخبر السري:
اني كنت اتلو سورة الرحمن
الله ... يا زمان ...

هل تعرفون الان ما دولة (قمعستان)؟
تلك التي الفها .. لحنها ..
اخرجها للشيطان
هل تعرفون هذه الدويلة العجيبة؟
حيث دخول المرء للمرحاض يحتاج الى قرار
والشمس كي تطلع تحتاج الى قرار
والديك كي يصبيح يحتاج الى قرار
ورغبة الزوجين في الانجاب
تحتاج الى قرار
وشعر من احبها
يمنعه الشرطي ان يطير في الريح
بلا قرار

ما اردأ الاحوال في دولة (قمعستان)
حيث الذكور نسخة من النساء
حيث النساء نسخة من الذكور
حيث التراب يكره البذور
وحيث كل طائر يخاف بقية الطيور
وصاحب القرار يحتاج الى قرار
تلك هي الاحوال في دولة (قمعستان)
الله ... يا زمان ...

يا اصدقائي :
انني مواطن يسكن مدينة ليس بها سكان
ليس لها شوارع
ليس لها ارصفة
ليس لها نوافذ
ليس لها جدران
ليس بها جرائد
غير التي تطبعها مطابع السلطان ...
عنوانها؟
اخاف ان ابوح بالعنوان
كل الذي اعرفه
ان الذي يقود الحظ الى مدينتي
يرحمه الرحمن ...

يا اصدقائي :
ما هو الشعر اذا لم يعلن العصيان؟
وما هو الشعر اذا لم يسقط الطغاة ... والطغيان؟
وما هو الشعر اذا لم يحدث الزلزال
في الزمان والمكان؟
وما هو الشعر اذا لم يخلع التاج الذي يلبسه
كسرى انوشروان؟

من اجل هذا اعلن العصيان
باسم الملايين التي تجهل حتى الان ما هو النهار
وما هو الفارق بين الغصن والعصفور
وما هو الفارق بين الورد والمنثور
وما هو الفارق بين النهد والرمانة
وما هو الفارق بين البحر والزنزانة
وما هو الفارق بين القمر الاخضر والقرنفلة
وبين حد كلمة شجاعة,
وبين خد المقصلة ...

من اجل هذا اعلن العصيان
باسم الملايين التي تساق نحو الذبح كالقطعان
باسم الذين انتزعت اجفانهم
واقتلعت اسنانهم
وذوبوا في حامض الكبريت كالديدان
باسم الذين ما لهم صوت ...
ولا رأي ...
ولا لسان ...
سأعلن العصيان ...

من اجل هذا اعلن العصيان
باسم الجماهير التي تجلس كالابقار
تحت الشاشة الصغيرة
باسم الجماهير التي يسقونها الولاء
بالملاعق الكبيرة
باسم الجماهير التي تركب كالبعير
من مشرق الشمس الى مغربها
تركب كالبعير ...
وما لها من الحقوق غير حق الماء والشعير
وما لها من الطموح غير ان تأخذ للحلاق زوجة الامير
او ابنة الامير ...
او كلبة الامير ...
باسم الجماهير التي تضرع لله لكي يديم القائد العظيم
وحزمة البرسيم ...

يا اصدقاء الشعر:
اني شجر النار, واني كاهن الاشواق
والناطق الرسمي عن خمسين مليونا من العشاق
على يدي ينام اهل الحب والحنين
فمرة اجعلهم حمائما
ومرة اجعلهم اشجار ياسمين
يا اصدقائي ...
انني الجرح الذي يرفض دوما
سلطة السكين ...
يا اصدقائي الرائعين:
انا الشفاه للذين ما لهم شفاه
انا العيون للذين ما لهم عيون
انا كتاب البحر للذين ليس يقرأون
انا الكتابات التي يحفرها الدمع على عنابر السجزن
انا كهذا العصر, يا حبيبتي
اواجه الجنون بالجنون
واكسر الاشياء في طفولة
وفي دمي, رائحة الثورة والليمون ...
انا كما عرفتموني دائما
هوايني ان اكسر القانون
انا كما عرفتموني دائما
اكون بالشعر ... والا لا اريد ان اكون ...

يا اصدقائي:
انتم الشعر الحقيقي
ولا يهم ان يضحك ... او يعبس ...
او ان يغضب السلطان
انتم سلا طيني ...
ومنكم استمد المجد, والقوة , والسلطان ...
قصائدي ممنوعة ...
في المدن التي تنام فوق الملح والحجارة
قصائدي ممنوعة ...
لانها تحمل للانسان عطر الحب, والحضارة
قصائدي مرفوضة ...
لانها لكل بيت تحمل البشارة
يا اصدقائي:
اني ما زلت بانتظاركم
لنوقد الشرارة ...