حقوق الرجال!!!!

[فشلان]

أول الشي السلام عليكم...
تاني الشي رح خش بالموضوع من آخرو....
أنا ما بعرف ليش بكل المنتديات... بيعملو شي اسمو شقائق الرجال... حقوق المرأة... للنساء فقط... وما بعرف شو كمان... بس قولولي ليش حق الرجال مهضوم هيك... عطوني بس منتدى واحد في موضوع للرجال فقط... وإسا بقولو النسوان حقن مهضوم ومتاكل والقط بياكل عشاهن... معليش طلعو من هالأفلام بقى... رح تاخدو كل شي وما تتركولنا شي.... ولك ما بكفي قلوبنا آسرينا وحابسينا عندكم..
كل شي بيعملو الرجال صارت بتعملو المرأة... أما الرجال فبعدو محلو... لأ مش هيك وبس... صار في شغلات معليش المرأة تعملها بس الرجال لأ... ودائماً عم ينادوا بحقوقن... حقوقن قال... ليش إسا في شي ما أخدتو؟؟؟ ولك حتى بموضوع الزواج والتعدد.. بدكن مش بس تحبسولنا قلوبنا.. حتى شهوتنا يلي ربنا عطينا اياها بدكن تحطولا إشارات مرور... من هون ممنوع المرور.. ومن هون منعطف خطير جداً... ومن هون : خطر الانزلاق... وهونيك واقفة الشرطية عيونها عشرة عشرة على عينيك....
أنا رأيي صار لازم ندافع عن حقوق الرجال... عن مشاعر الرجال... عن أحاسيسو يلي ضاعت هباءً منثوراً...
مستحلي شي امرأة تهتم بالرجال مثل ما عم نهتم فين... آ فتحنالن ساحات ومنتديات... آ والله لو كان الأمر بيرجعلن.. ما فكرو فينا أبداً... معليش اسمحولنا بهالحكي.. لأنو لو إنتو بتطلعو بواقعية وتجرد.. بتلاقو إنو كل العالم بيهتموا فيكن.. وما في حدا عم يهتم فينا.... حتى إنتو.... بتجبونا أرض أرض... ترى الواحد بحب واحدة، وبتصير بتلعب بقلبو لعب.... وبترجع بتطلب منو لبن العصفور... وبيض نمل.... حجار المريخ... آ والله حطمتونا... كسرتونا
فـــــشــــــــــلـــــــــتـــــــــــونـــــــــ ــــــــــــــــا.......

[فشلان]

أنا وأعوذ بالله من كلمة أنا... أطالب جميع الشباب بالوقوف إلى جانبي.... ودعمي في هذا الموضوع... وكنت حابب إعملو تصويت.. بس ما بعرف كيف الحقيقة...
يالله يا شامي.. مش إنت بدك تعملي انتخابات... يالله يا قاسي.. يا قلوبنا يلي متفقة.. يالله ما مهند شكشك فين بهالسيف... يالله يا خالي جابر دملوك... أرنا فيهم ما تعلمت من الحياة...
يالله ... الله أكبر ... الله أكبر... عليهـــــــــــــــم......... هجوممممممممممممممممممممممممممممممم

[الشامي]

السلام عليكم يا جماعة ...

شلونكم ...

خيي فشلان وأنا لساتني عند ظني :)، نحن بحاجة لزعيم فشلان متلك.. يطالب بحقوق المستضعفين في الأرض ويحس من تجربتو بالفشل (اللي هو مش سبب فيها طبعا) بكتير ناس عم تفشل بهالدنيا بميادين مختلفة ... ليش ؟؟ ليس لأننا هواة فشل أو لا نسعى للنجاح، ولكن لأننا لا نجد من يشجعنا على النجاح ولا من يعيننا عليه... سواء كان بالبيت أو بالمدرسة أو بالطريق أو بالجامعة أو بفترة المراهقة أو بالعمل أو باختيار بنت الحلال (طول بالك معليش) أو بليلة الدخلة وبعدها الزواج وتربية الأولاد والحقوق المتبادلة بين الزوج والزوجة في البيت وبين الحقوق المتابدلة بين المرأة والرجل في المجتمع... يا خيي شو بدو يحكي الواحد ليحكي ..؟؟ قول الله (انتبه من الصوفية)...
فداخل البيت أزمات تعصف، يعني يمكن بسبب إختيار غير موفق بين (الأم والأب).. أو بسبب الأوضاع المعيشية الصعبة وتأمين لقمة العيش..أو بسبب عدم الوعي الكافي بالحقوق والواجبات...(وكلنا ذوو خطأ)..

وبالمدرسة وما أدراك ما المدرسة ( ما بعرف شو مهمتها الصراحة).. التربية والتعليم ... أشك في أنها تُطبق .. نحن لسنا مع لعن الظلام، ولكن مع إضاءة الشموع... ولكي نضيء شمعة لا بد من معرفة المشكلة ونقاشها من كافة جوانبها لنصل لحلول واقعية مُرضية.. كل منا شمعة أظن بعدها سيضيء في سماء قريتنا نهار جديد..

والمراهقة فترة حساسة .. ليس لها أي تقدير من أحد على المستويات التي ذكرتها جميعا...
والجامعة وحسن اختيار المجال (ليش أصلا شو في مجالات للواحد يختار .. هههه)..
والعمل .. الله المستعان ... يعني يا بدك تكون ابن شي حدا أو بدك تبوس اجر شي حدا .. أو بدك تشتغل عند شي زعيم بالجلي ( مع انو مجالك بيكون جيولوجيا)...

والخطبة والإختيار .. وهون الطامة .. يعني ان الواحد عرف يختار بدك يقبلوا فيه... يعني الدين صاير بالكتب والحكي بتصور بس ...وقلة من يراعون الواقع والدين ويختارون على أسس سليمة ويقبلون على أسس سليمة أيضاً.. ( طيب ما معها حق البنت ما تقبل .. وهي كل النهار والليل عم تحضر التلفزيون وتشوف شي بالخيال ... وما معو حق الشاب يدور على الجمال وهو كمان عم يتلطوع كل يوم بموديل شكل .. بالتلفزيون والطريق والجامعة ولك يا عمي .. بالجامع كمان .. يعني شو في فرق بين الجامع والطريق اللي فوق الجامع ما بتصور متر مترين...وبينما توصل بيكون صار بدك تجدد وضووووءك)...

وبعدين يا خيي يا فشلان.. بيجيك البيت... ههههه... يعني الصراحة شي بيضحك، يعني ان رضيت فيك صاحبتك الفشلانة، من وين بدكم تأمنو بيت يا معتر... يعني حسبتها أنا ان شقة 130 متر سعرها 50 ألف دولار وانت كنت محظوظ ودفعت شي 13 ألف دفعة أولى أديش بيبقى عليك كل شهر .. يا أبو الشباب شي 640 دولار بالشهر .. ومين يا حسرة فيه يشيل هيك مبلغ.. انت بتعرف مين ...ما في داعي نحكي...)
وإن جاك ولاد يا ويلك ان كنت من أصحاب العمل الحر ... وما كنت بيشي نقابة .. ومرض حدا من ولادك وين بدك تروح ... ؟؟

وبعدين صار عندك حفاضات بدك تحط نص شهريتك.. نعم لأن أمهاتنا كانوا متخلفين وقت كانو يستخدموا الشقف ويروحو يغسلو على العين ويخبزوا ويطبخوا وووو.. يعني بتعرف حساسية الرجوع للتخلف(لأن صار تعريف التخلف مغاير لما كان عليه سابقاً...).. وكلنا بالهوا سوا...

ويا أبو الشباب إن كنت أخطأت باختيار زوجتك وعشت معها قصة حب بالبداية ورضيت بالحكي معك على الخبزة والزيتونة .. بعدين الله أعلم شو رح يصير.. بتصور أقل شي بيصير انو تسمع انك فقير مكحكح وووو .. فشلان كمان ... وما الحق عليها .. لأن الناس هيك صارت تنظر لها الأمور بمنظار مادي بحت...

وعنا كمان ممنوع التعدد وممنوع الطلاق .. يعني بدك تعيش كل عمرك تعيس وتتمنى تجي آخرتك.. لتجرب حظك هونيك .. ويا ويلك ان كانت آخرتك عاطلة...

معليش ما قصدي زيدك من الفشل .. بس موضوع حقوق الرجال وحقوق النساء والواجبات المتبادلة.. ربنا سبحانه وتعالى أخبرنا هو والرسول الكريم كيف طريقة حلها.. إن كنا نريد أن نكون في خير وعلى خير .. فالرسول يقول (خير القرون قرني...)...والخيرية هنا في كل شيء .. مش فقط بباسطة العيش وتفضيل الدنيا على الآخرة والنظر إلى الدنيا كأنها ممر قصير سرعان ما ينتهي...ولكن أيضا من ناحية مهمة وزاوية منسية في أيامنا هذه بين مدعي الإلتزام أكثر من المتسيبين..ألا وهي الموازين التي نزين بها أمورنا كلها... فمن الحماقة مثلا أن ترضى واحدة أن تسكن مع زوجها في (كوخ من خشب) وإن هي رضيت لا يرضى عنها المجتمع ولا يتركها بحالها .. ومن الحماقة الشديدة أن ترضى أخرى أن يتزوج زوجها عليها ولو كان مقتدرا أو بحاجة لذلك لأسباب هو يعرفها ويقدرها.. وإن هي رضيت فالثقافة والمثقفين لا يمكن أن يرضو بهذا الإنحدار الكبير والعودة إلى عصر التخلف... ومن الحماقة أيضا أن لا تعطي كلام الناس أهمية ما دمت لم تخالف شرعا أو لم ترتكب جرما بحق أحد.. ولكن أنى لك العيش في مجتمع أصبح الكلام فيه يباع بالبلاااااش...

حقوق الرجال!!.. أظن أن من واجبنا أن نطالب بحقوق الإنسان كما ورد وأمر بها الإسلام .. الإنسااااااان ... للرجل وللمرأة .. للطفل وللمراهق .. للمتزوجة والعانس والمطلقة... فهل نحن لها يا خيي يا فشلان ...

فلنبدأ إذا بالمطالبة بحقوقنا ونستلم الراية مع من يقف في صفنا من النساء اللواتي يُفضلن التخلف القديم (كما يسميه البعض) على التطور الحديث (المظاهر البالية) .. وساعتها سنرى النور من جديد...

وسامحني خيي الفشلان .. فقد أحببت أن أثير جملة من الأمور ..

أخوكم:rolleyes:

[فشلان]

بدي إفهم يا شامي، ليش إنت على طول كلامك مش مفهوم.. أو أنا ما بفهمو... يعني بالنهاية طلعت معي ولا ضدي.. ولا بالنص.. يعني إنت 8 أو 11 أو 14 آذار...؟؟؟؟؟ ههههههه
بس خلينا بالجد... إنت شو بدك توصل من هالكلام... فيني أعرف...

[عمر ملاط]

السلام عليكم ورحمة الله
على مهلك شوية على الشامي يا سيد فشلان.. ترى ما في غيرو داعمك بهالمنتدى.. على طول عم يصيط فيك... لا تقم تطلع شي بنت صبية.. وحاطط عينو عليك... وعاملي آدمي بموضوع التعدد....
مرحباً معلمي زيد... لا تواخذنا... بس بحب رد على الفشلان بنفس الأسلوب...
المهم يا فشلان... إنت قرأ منيح الرد بتفهم على الشامي شو بدو..

وأنا برأيي إنو عم يحكي عن مشكلة صارت متغلغلة بواقعنا.... والحقيقة إنو بالفعل صارت المطالب يلي بدو ينفذها الرجال أكبر بكتير من استطاعتو... هو ذكر أمثلة عن الحياة القديمة والجديدة... والحقيقة مع إنو في حنان للحياة القديمة.. بس كمان ما في الواحد يرجع لورا بالحياة... لو كان الواحد فيه يرجع لورا.. كنا بألف خير...
يعني أنا بضربلك مثل صغير عن مضار الكهرباء.... يا أخي قبل الكهربا.. كانت المرأة لما بتطبخ وبيفضل أكل... شو بتعمل؟؟؟ بتاخدهم لجارتا... منشان ما ينتزعو...
واليوم لما بيفضل أكل شو بتعمل... بتدحشن بالبراد لعبكرة.. وإذا في لعبكرة مدحوش من قبلة... بتدحشن بالتلاجة منشان بعد بكرة أو أسبوع أو شهر... فهل هذا بيعني إنو نقطع الكهربا عن البيت؟ أو ما نجيب براد؟
يا أخي اليوم صرنا عايشين بطريقة حياة غير عن الأول.. بالأول لا كان في وجع راس ولا شي... كان الواحد يوجعو جسمو من التعب... بس راسو فاضيييييييييييييييييييي، أما اليوم فبيوجعو راسو وضهرو وإيدو وإجرو..

[فشلان]

يا عمي شو هالحكي هادا؟؟ أنا عم نادي بحقوق الرجال.. مثل ما النسوان بنادو بحقوقن... ليش حتى المرة تطلب ويصير كل شي بدا اياه.. يا أخي نحنا كل شي منطلبو من المرة شغلة واحدة ما إلي عين أذكرها هون.. بينما هنة هلأ صارت الواحدة ما بترضى بشي.. بدها السلولير قبل البيت... وبدها غرفة السفرة قبل غرفة النوم.. وبدها البيت باسمها ومش أجار.. وبدها السيارة قبل السكربينة.. وبدها وبدها وجبلا وجبلا... وإذا نسيت شغلة بتذكرها فيها رفيقتها أو أمها....
وبالنهاية بتطلع هية يلي حقها متاكل.. وواقفة بنص الشارع عم تنادي بحقوقها.... يا أخي نحنا شو فينا نعمل تا نعمل... الله وكيلك صرنا منخاف على النفس نعيش عانس أكتر منن...
وبالنهاية أكيد إذا ما جبلا يلي بدها اياه.. بيطلع الرجال أناني... وبخيل... وما بعرف أيش كمان..
أنا هادى يلي بدي أوصلو

[الشامي]

سلام شباب...

الله يبارك فيك خيي عمر ...على المشاركة ..

ولو خيي فشلان .. أنا معك قلبا وقالبا...:)
بس الظاهر اني ضيعتك لأني زدت نقاط أخرى وأثرتها في نفس الموضوع ...فإن حسيت في شي مش واضح خبرني أي نقطة يا خيي وأنا بوضحلك ياهااااا.. أوعا تزعل...

أخوكم:rolleyes:

[الزاهر]

السلام عليكم وبعد

والله يا أخي "فشلان" ---(وهه رح دل حط إسمك بين إصبعين)---أنا موافئك تمام

وبالمناسبة وأنا أقرأ هذا الموضوع ضحكت كثيرا كثيرا
لأني تذكرت ما قال أحد عمومي ---(كتار كتير يعني الإحتمال تعرفوا أي واحد ضئيل جدا)---المهم مرة كنت جالس ببيت ستي وكانت مرت عمي عم تشكي شو عندها جلي وطبخ وووووو آم هالعم قال لها أتقبلين أن أتبادل الأدوار أنا وإياك، فأنت التي تذهبي إلى المدرسة وتعلمي الشياطين---(لا تفكر إنك عرفت أي عم. كلهم أسائذة تقريبا)--- وترجعي بس تجي عالبيت تطلعي عالبحر ووووو ---(كمان لا تفكر إنك عرفت أي عم. كلهم بحرية كمان)---وتروحي عالصيد بموسم التويني ---(كمان لا تفكر حالك عرفت مين. كمان تقريبا كلهم صيادة)---وبس ترجعي من الصيد تعلمي الشياطين ولادك وتحلي مشاكلهم مع أهل باقي الأولاد.......وكتير حكي وصف .وأنا اللي بروح بكزر كل يوم بجيب غراض الطبخ وبأعد متل المخترع الشغوف بعمل خلطة أكل جديدة كل يوم ---(والله بمراكز الأبحاث ما يطلعوا إختراعات جديدة أد النسوان)---وبعدين بس يجي الأولاد من المدرسة وبس يجي زوجي بيبلش يمدح بأكلي شو طيب وبروح كل يوم من عشية عندي كزار مع رفيئاتي ......وبيكمل عد الأمور التي تقوم بها نسوان القلمون كل يوم ---(عفوا نسيت الصبحية كل يوم عند الجيرانات"مؤنث الجيران" باللغةالقلمونية تاعة الفرن)---آمت المخلوءة سكتت واستحت وبلشت تضحك
يعني مع بعض المبالغة بالسرد نتتتتتتوووووفة ظغيرة بس

فكيف ما يكون لازم نطالب بحقوقنا بهالدنيه ونحنا اللي مأكولة حقوقنا ونحنا اللي منتعب كل يوم --(والله لو كل يوم تطلعلنا بجوهرة جديدة متل هادي يا أخي فشلان!)--- ولك علاأليلة نخلي النسوان يزيدولنا الأبض شوية، يخفيفولنا ساعات العمل، ولك بس يعطونا شوية من حقوقنا اللي سلبوها منا!!!

على أساس أن الحقوق كالطاقة لا تنقص ولا تزيد بل تتحول من جنس الرجال إلى جنس النسوان، (ولا مانكم شاغلين فيزيك ولا نتوفة) وهيك نص حقوقنا صارت عندهم ولازم نطالب بها. يالله ننزل عالشوارع ونعطل الدنية---ليش غيرنا أحسن مننا لحتا هنه يعطلوا الدنية وحدن؟

السلام عليكم

[الشامي]

السلام عليكم ...

خيي عمر لو أني أدعو إلى عدم إستغلال التطور والتكنولوجيا، لما كنت رأيتنا نتحدث ونناقش هنا بطلاقة كل ما يخطر ببالنا ...;)

ما قصدته أخي أن الميزان الذي نزن فيه الأمور قد اختل.. وبدل أن نراعي وضعنا المختل أصلا سياسيا واقتصاديا واجتماعياً ونعمل على التخفيف من وطأته على كاهلنا بتنا نزيد الأعباء علينا ...وأنبه هنا أني قد لا أكون قد عانيت من الكثير من هذه الأمور .. ولكني عايشت وما زلت الكثيرين ممن يعانون منها...

أخي الحرية في الإسلام تعني الكثير ... والعبودية لله تعني أيضا الكثير.. فأنت حر من كل قيد إلا قيد الشرع (الذي جاء كقوانين المرور وإشاراتها ليرشدك حتى تصل إلى هدفك) .. والعبودية هي لله وحده، لا لتقاليد حكّمناها في رقابنا ولا في آراء تُفرض علينا على أنها الصواب وغيرها الخطأ...

يعني أصبح نصف حياتنا مظاهر .. والنصف الآخر خوف من كلام الناس حول هذه المظاهر.. فهل نحن بهذا نكون أحرارا حقا .. وعبيدا لله وحده حقاااا .؟؟ ..

أما زال كلامي مُبهما... ؟؟ هممممم

يُمكنني التوضيح حول ما يُطلب ... هههه

أخوكم:rolleyes:

[العبد الفقير]

تكبيير ، أخي فشلان ينصر دينك على هذا الكلام ، موضوع جد مهم ، وان شاء الله بس ارجع على البيت سأكتب رد مفصل ، وهيك مننتصر على أم سفيان و ............. وغيرها ممن يقفون في وجه حقوق الرجال

[الشامي]

السلام عليكم ...

طولوا بالكم يا جماعة .. شو إحنا فايتين على حرب... هذا نقاش...وأكيد أخونا وسيم عم يمزح يا أم سفيان ... :)


أخوكم:rolleyes:

[أم سفيان]

ماشاء الله آخدين رياحتكن على الآخر ناس بيقولوا عم حرض عالتعدد وما بعرف يمكن كون مطلوبة أمنيا من قبل لجنة المثقفات في القلمون وناس بيقولوا إني ضد التعدد ضيعتوني
كنت سأقر للرجال أن بعضا مما يقولوه صحيحا ولكن بعد أن رأيت هذه الحملة المكثفة ضدي عدلت عن الموضوع
ناطرة بدي شوف رأي الأخت نور و نادين أولا

[المهند]

أنا عم سن سيفى وجهز عدة الحرب لانو الظاهر الجولة الجديدة بدا عتاد كبير!!:d

[جابر دملوك]

أنا رح وزع دماليك شامية مستوية عالبنات إلي بأيدونا و بالشوكات رح أنغز هلي بيزعلونا.

إن النساء رياحين خلقن لنا نعوذ بالله من شر الشياطين

[Nadine]

ana b2oul ya okht om soufyen ino lezem nballech il 7arb . w ba3den il rjel hineh illi ballcho ,,,o3din 3am ye7ko 3ala il okht om soufyen mfakrin mafi 7adan bi hal montada!!! 3am ollek mawdou3 zawej il mesyar assar 3layon ktir ,,,kan hal mawdou3 no2tet do3fon....mnet2assef ya akh jeber la2an ra7 oul moch ra7 n2ayedkon ....

[فشلان]

ما بعرف يا شباب إذا ملاحظين إنو الأخوات ما عندهم أجوبة غير أجوبة عامة... لأنو ما عم يعرفو شو بدن يجاوبو...
بس نحنا ناطرين نسمع رأين.... لأنو بدنا نعرف هل هنة شايفين إنو لازم تصير بهالإيام المطالبقة بحقوق الرجال أو لأ... حاجتهم النسوان أخدوا حقوقن وحقوق غيرن....
نحنا ناطرينكن... محلات العامودي... ههههه

[جابر دملوك]

يا أخت نادين أنا لم أطلب التأييد الأعمى.
و لكن كما قال الرسول عليه الصلاة و السلام : أنصر أخاك ظالما أو مظلوما .....
عذرا لم يعد لدي الوقت الكافي لأكمل علي الذهاب إلى العمل

[فشلان]

يا شامي هلأ ذكرتني بإيام زمان... إيام المرأة كانت تنتظر زوجها حتى يجي من الشغل.. وتقولو على قولة المهند: تقبر عضيماتي يا زوجي.. وتستقبلو وتطعميه.. وتغسلو إجريه.. وتبسلو إيدو... وكان إذا حكي من الهمسة تفهم... وين النسوان يلي هيكة اليوم...
الله وكيلك إذا همست همس بدها إنو يتنفذ كلامها.. وديرها على كزدار ومشاوير وعجبني هالفسطان.. وعجبني ما بعرف شو.. وهو مجبور يرد وينفذ... وما عجبك.. الله معك..
أنا إذا بدي قيس على إخواتي البنات.. يهنيالن.. لأنو أكيد زواجن رح يطبخولن كمان.. هادى إذا تزوجو.. أد ما صايرين شايفين بحالن... الله وكيلك ما بيتهدو...
ولك إذا لفوفة على الشغل ما بقى المرة بتلف لزوجها... ليش؟ لأنو ياي... كانت سهرانة مبارح مع رفقاتها... ومش قادرة تفيق بكير... يعني بالعربي الفصيح: انفلق.. بدك لف لفوفة وكول.. ما بدك.. ستين سنة....
آ والله زادوها.... زادوها كتير.. وقال أيش.. الأخت نور عابت على الأخت نادين.. إنو ذكرت الواجبات.. فما كان منها إلا أن دغري سألتها : فأين الحقوق؟ فزعانة على حقوقكن.. ليش في شي ضل برات حقوقكن؟؟؟؟

[الشامي]

ايييييييييييه تعيش يا خيي يا فشلان... آه والله كانت أيام ...

الله يرحمها...

بس هيك عم تُثقل على القوارير .. والرسول عليه الصلاة والسلام يقول (رفقا بالقوارير..)...
يعني شو بدها تلحق المرأة لتلحق الله يعينها .. قول الله...ما بزيادة عندها ولاد(من زمان ما كانوا يجيبوا ولاد غير 12 فما فوق) .. وكمان عندها شغلات كتير لازم تعملها بالبيت...انت بتعرف من أمك أكيد ...

يعني طول بالك عليهن شوية... بس لعيونك أكيد رح يخترعولنا غسالة لغسيل الإجرين بنفس المميزات (المطلوبة)...وهيك ما بيعاد عنا مشكلة... بس بوسة الإيد والإبتسامة هذه لازم نلقيلها حل !!...:cool:

وهيك الدنيا بتصير إيزي ... وأكيد ما رح تكلف كتير هالآلة :)... يعني زيادة على ال100 ألف دولار اللي بدك ياهم لتقدر تشتري وتفرش بيت هالإيام، فيك تزيد عليهم ألف يا خيي .. وين المشكلة .. أكيد ما رح تفشل بتأمين ألف زيادة ...

لووووووول ... قولة أختنا نادين...

طبعاً أنا أقدر تعب الأمهات مع الأبناء .. ولكن أعيب على الأمهات في أحيان كثيرة تفضيل الأبناء على الأزواج ...

أخوكم:rolleyes:

[Nadine]

يا شامي هلأ ذكرتني بإيام زمان... إيام المرأة كانت تنتظر زوجها حتى يجي من الشغل.. وتقولو على قولة المهند: تقبر عضيماتي يا زوجي.. وتستقبلو وتطعميه.. وتغسلو إجريه.. وتبسلو إيدو... وكان إذا حكي من الهمسة تفهم... وين النسوان يلي هيكة اليوم...
الله وكيلك إذا همست همس بدها إنو يتنفذ كلامها.. وديرها على كزدار ومشاوير وعجبني هالفسطان.. وعجبني ما بعرف شو.. وهو مجبور يرد وينفذ... وما عجبك.. الله معك..
أنا إذا بدي قيس على إخواتي البنات.. يهنيالن.. لأنو أكيد زواجن رح يطبخولن كمان.. هادى إذا تزوجو.. أد ما صايرين شايفين بحالن... الله وكيلك ما بيتهدو...
ولك إذا لفوفة على الشغل ما بقى المرة بتلف لزوجها... ليش؟ لأنو ياي... كانت سهرانة مبارح مع رفقاتها... ومش قادرة تفيق بكير... يعني بالعربي الفصيح: انفلق.. بدك لف لفوفة وكول.. ما بدك.. ستين سنة....
آ والله زادوها.... زادوها كتير.. وقال أيش.. الأخت نور عابت على الأخت نادين.. إنو ذكرت الواجبات.. فما كان منها إلا أن دغري سألتها : فأين الحقوق؟ فزعانة على حقوقكن.. ليش في شي ضل برات حقوقكن؟؟؟؟

ma be3te2ed ya akh feshlen ino ken fi minon hal neswen !! la2an wain soro ,,bisir n2ardo,,walla ollek yemkin nezlo 3ala madineh w t7adaro ,,,,amma bil nesbeh la 7ko2kon fa ma tefza3o 72o2kon mawjoudeh w bizyedeh 3laykon ,, 7sedtouna 3ala hal montada,,into 3indkon il montada il siyesi ( il neswen ma byehtamo bil siyeseh) w 3indkon il montada il riyadi ( neswen mabyehtamo bil football) w 3indkon ta2riban kol web site la2ilkon ,,,,ye3ni la2an ma 3am ne7ki chi

[الشامي]

السلام عليكم :)

أيهما أصعب السجود أم غسل الرجلين ... هل في ذلك مذلة من المرأة أم إهانة من الرجل ... همممم؟؟؟

عن أبي هريرة أن رسول الله صلى الله عليه وسلم قال: «لو كنت آمراً أحداً أن يسجد لأحد لأمرت المرأة أن تسجد لزوجها» وهذا الحديث صححه الحاكم وابن حبان ولفظه عند ابن حبان: «لو أمرت شيئا أن يسجد لشيء لأمرت المرأة أن تسجد لزوجها والذي نفسي بيده لا تؤدي المرأة حق ربها حتى تؤدي حق زوجها...» وأخرج ابن ماجة عن أبي أمامة عن النبي صلى الله عليه وسلم أنه كان يقول: «ما استفاد المؤمن بعد تقوى الله عز وجل خيرا له من زوجة صالحة إن أمرها أطاعته وإن نظر إليها سرته وإن أقسم عليها أبرته وإن غاب عنها نصحته في نفسها وماله» .

وفي حديث أسماء بنت يزيد الطويل قال رسول الله صلى الله عليه وسلم موجها كلامه لها وللنساء من خلفها (انصرفي أيتها المرأة وأعلمي من وراءك من النساء أن حسن تبعل إحداكن لزوجها وطلبها مرضاته واتباعها موافقته يعدل ذلك كله (الجُمع والجماعات وعيادة المريض وشهود الجنائز والحج بعد الحج وأفضل من ذلك الجهاد في سبيل الله) . قال فأدبرت المرأة وهي تهلل وتكبر استبشارا)

فما الغرابة إذن في غسل الرجلين وغير الرجلين ...لا أظن أن هناك غرابة أو مشكلة حتى .. :)

ولكن الظاهر صارت الردود إنفعالات متبادلة ...
وكمان منشان ما يزعلو الأخوات الكريمات ... ما بتصور فيها مشكلة ان الرجاااااااااال تنازل عن عنفوانو وغسلها رجليها خيي فشلان .. أم شو رأيك ..؟:)

أرجو أن نقول قناعاتنا بكل حرية .. وبكل صدق لتُناقش أيضا بكل حرية وبكل صدق...

أخوكم:rolleyes:

[فشلان]

إنت مزوج، أنا لأ.. يعني قولة ما بقولو إنت خف حياك.. بس أنا لسا بستحي كتير...
بس معليش رح احكي من قريبو.... بعدان شو صرت من يلي بلونو الحديث والآية وصاحب الحديث والمصحح....
نحنا الشباب ما عنا مشكلة بغسل الرجلين للنساء وغير الرجلين (على حد تعبيرك)... لأنو نحنا احساسنا رح يكون مختلف.. هي رح تكون شايفة حالها منهانة يمكن.. بس نحنا بكون فكرنا بغير شغلات تماماً.....

بعدان ليش مستغربة يا أخت نادين من غسيل الرجلين.. مانك حاضرة ولا قصة شامية.. أم فكرك إنو عم يألفو القصص من خيالن.. نعم كانت النساء تنتظر زوجها... وتغسلو اجريه وغير اجريه..
وكانت تعتبرو إنو ابن عمها يلي على شوية رح تعبدو.. الشامي عم يحكي عن الشاميات... مش عن الأجيال الجديدة يلي عايشة على البسكوت والسيريلاك..

هلأ أكتر بنت بتفكر تجيب 3 ولاد ماكسيموم.. وإذا إجا الرابع بتشوف كنو بجوز تعمل اجهاض.... ما فيها وتعبانة وما بعرف شو.. ما بتتذكر المخلوقة إنو ستها كانت جايبة 28 وما كانت تشكي مثل ما بتشكي يلي عندها ولد واحد.. وما كان عندها غسالة أتوماتيك.. وجلاية أتوماتيك.. نشافة أتوماتيك.. وصانعة أتوماتيك... ومعلمة أتوماتيك... وشوفير أتوماتيك...

وما كانت كل يوم بدها قنينة ريحة وأصبع منيكور.. وأصبح حومرة.. وتلات نقط... معليش سمحولي ما إلي عين كفي....

ولك بس بكفي إنو كانت تعتبرو رجال البيت... مش هي الرجال....

لكن عين عم تحكو.. يا عيب الشوم على نسوان هادي الإيام... ما بقى عندن اعتبار لكلمة رجال... ولك أنا يلي بيجلطني كمان إنو بنادوا بحقوقن الضايعة قال... هاد الحكي معليش بجنني...

[Rola]

salam ya fishlen, ana yali byi3jibni inou bit2oul ra2yak bkel jor2a w haida el matloub akeed bas akeed fi hala2 shway ra7 yiz3alou men yali ktabtou bel ekher yemken , bas walla ya istez fishlen bala aya kezeb mwadi3ak 7ilwe w bit5ali el we7ed kel marra y7eb yi2rilak el mawdou3 w akeed aw2at bit5ali el ba3ed yid7akou w hek bass elii talabbb SHOU ISMAK li2an yemkin enta fishlen bas bi naje77 :D bas shou el esem, w haida el mawdou3 7ou2ou2 el rijel good 3ajabni bas leh fi rejjel hala2 malou e5ed 7ou2ou2ou kelon ehh fi niswennn walla ma bas btirkod bas zawja yiji tat3'asilou rijlehh bas byiji 3al bet kel shi m7adar w khaless w el mara ma2ila aleb ti7ki w t3ali sawta law el 7a2 3lehh bit2oul amri la alah w byitla3 el 7a2 3laya bass kamen fi niswen mabyihtamou bi rjelon bas akeed mitel mabi2oul el masal wara2a kol rajol 3azim emra2a salammmmm

[فشلان]

ولك يا رولا صار أنا عندي فضول أعرفك قبل ما تعرفيني... والظاهر من حكيك إنك رجال مش مرة.... لا تقومي متخفية ما وراء الكواليس..... أو إنك خالقة من شي 100 سنة وهلأ لقيوكي... هادي أفكارك يلي عم تقوليها ما بقى تقولها ولا بنت بهالإيام... شو هربانة من كتاب التاريخ يعني...؟؟؟؟؟ هلأ المرأة تطورت وصار أفكارها غير هيك.... الله يستر هلأ ما تقوم عليك أم سفيان ونادين... ما رح يسكتولك أبداً...
أنا بدعيكي لإنك تسحبي كلامك.... جرصتين وبهدلتين.. كل شي محمييين نفسن على الرد.. هل جبتين أرض أرض.... الله يسامحك... هيك بتحكي..!!!!

بعدان يا قاسي شو؟؟؟ ما عم افهمك أبداً أبداً... يوم بتجي معي... وبتلينها.... ويوم بتجي ضدي وتقسى عليي... شو كاتب أنا.؟؟؟؟ ما حكيت شي.. كلها كلمة نقلتها عن الشامي.. يلي هو بيشيل وبحط.. وأنا ما عندي مشكلة.. يشيل كلمتو وكلمتي..
زعلتني منك يا قاسي..... هلأ ما عاود في حدا بصفي أبداً.... بس معليش يمكن شديت بالكلام قد ما كنت مبارح معصب لأنو صار معي هيك بالرحلة... لا تواخذني معلمي...

[Rola]

salam ya fishlen la2 ana manni rijel ana bint w 3omri 15 sine bi3te2ed asgar bint bel mountada w mabi3te2ed inou yali ktibtou 3'alat ana mi2tin3a fih hek w lashou ta2is7abou salammm,,

[فشلان]

ما بعرف ليش هالتهرب من المواجهة... أكيد لأنو ما عندن شي يقدرو يجاوبو عليه... شو بدن يجاوبو لحتى يجاوبو.... ليش شو حكينا غلط... نعم نحنا الرجال يلي حقوقنا عم تتاكل...

أنا عارف إنو الأخت رولا حكيت صحيح ووقفت بصفنا... بس هلأ بكرة بقولو الأخوات، هادي بنت صغيرة إسا ما بتعرف شي... بس هادى يكون بعلمكن إنو شهادة لنا... لأنو الأخت بعدها على الفطرة... إسا ما اندعكت بالحياة مظبوط، منشان هيك كان موقفها معنا......

يا أخت رولا بهدلتي الأخوات بالمنتدى... هل عارفة هالشي إنت.... الله وكيلك ما بقى لن قلب عم يجاوبو... ما عاودنا سمعنا لهن حس أبداً...

وبعدان كمان أنا بطالب الشباب إنو كمان يشاركو بكثافة أكتر... ولا مانكن فاضيين.. بعدكم عم تضحكو من صلاة الجمعة اليوم.... لما الشيخ غلط وقال: وأما بنعمة ربك فسبح... بدل فحدث..
ههه الله وكيلكن ما ضل واحد عم يصلي ما فرط من الضحك... يالله.. الله يسامحنا.. بس ما كان بإيدنا....

[الزاهر]

ولك إلكم ألب عم تحكوا لسا-------ولك يومين تلاتة ورح تؤووم الأيامة-----ولك الألمون شاعلة وإنتوا لساتكم هون-----أومو طفوا نيران المهند ----أعلنها حرب عالمة ثالثة
يعني طلعت صح بعدنان ولينا لكن على فرق سنة وبس
ولك شو بكن



آه عم خرّف----لا تفكروا كتير فيها.


سلام

[Rola]

salam, :) walla la2 ana ma2asdi bahdel 7ada bas kel we7ed w 3endou ra2you bel ekher ana heik ra2yi w henne yemkin bishoufou el mawdou3 bishakel teni w ra2yon ger w kamen NADINE W OUM SOUFYEN ;) lezem yredou mishen na3ref ra2yon bel mawdou3:D

[العبد الفقير]

السلام عليكم
كيف حالكم يا جماعة ، والله شتقنالكم ، ما تواخذوني ما كنت قادر اطلع على الانترنت متل الخلق شنو الكمبيوتر كان معطل ، بس المهم أنا هلأ فضيتلكن .

أولا ، بعد أن قرأت المشاركات السابقة أؤيد ما كتب أخونا فشلان ، جملة وتفصيلا .

ولاحظت أيضا ، أن الأخوات عم يتمأطعوا فينا ، يعني فيما يخص حقوق المرأة منفوت ومندافع أول ناس ، شرط أن لا يتجاوز تلك الحدود التي وضعها الرب تبارك وتعالى ، ولما انفتح موضوع للشباب لأول مرّة ، بلشوا يهاجمونا ولكن لما تصدي لهم واحباط محاولاتهم ، تركونا وبطلوا يطلّوا صوبنا ، يعني على الأقل قولوا معكون حق ، خطيتهم هل الرجال حقهم ضايعة .
يعني بهل الإيام ، وبعد ما كترت جمعيات المطالبة بحقوق النساء وهل الطق الحنك ، تأثرت فيهم بعض المسلمات ، فباتوا ممن يروجون لبضاعة تلك الجمعيات ، ونسيوو انو الرجال عندو حقوق ، جعلوا العلاقة بين الرجل والمرأة علاقة حرب ، فالمرأة في تصورهم يجب أن تكون قوية ومناضلة في هذه الحياة كي تحصل على حقوقها .

يعني اليوم النسوان بشكل عام لازم يراجعوا حساباتهم ، يعني ما بصير اليوم الواحدة يكون عندها تفكير خاص ، لم تعرفه نساء العصر الذهبي ولا بعده ، وماشية بين الناس وعاملة لحالها قصة انو هي هلأ مظلومة كتير ورح تبكينا معها ، وهي أصلا ما عارفة شو دورها ، وشو علاقتها مع زوجها ، وكيف لازم تعاملو .
يعني معليش ما بتخصروا شي ، شوفو النسوان من زمان كيف كانوا ، شوفوا اديش كانوا يحترموا رجالهم ويوقروهم ، بهل الإيام الواحدة بدها تقعد زوجها بالبيت وتروح تمشي بعد العشة بشارع الدينين وبدها الشباب يغضوا بصرهم وما يطلعوا على الشارع لأن فيه نسوان ،واذا وهي عم تكزدر تفشكلت ووقعت على الأرض أكيد بتحط الحق على زوجها ، وبس ترجع من الكزدورة بدها تلاقي العشاء مجهز و .......... يعني لو فيه الرجال يحبل كانوا طالبوا فيها . فليش هل التفكير الأعوج يعني الواحدة منهم ما تغزها شوكة بالصين الحق على الرجل فهو الظالم المفترس وهي القارورة الناعمة المتاكل حقها على طول .

وأخيرا أقول لجميع الشباب عرفوا كيف بدكون تنقوا ، وما تنغروا بالجمال الخارجي ، أو باللباس الشرعي ، أو بانخفاض الصوت أثناء الكلام ، فبفترة الخطوبة عرفوا كيف بدكو تفضحوها للمخلوقة اذا كانت عند كويسة ولا عم اتمثل ، يعني استفزوها قد ما فيكن .

[أبو جاد]

يا أخي الكريم والله معك كل الحق . بس معليش بدنا نتحمل شوي النابغبه بعتقد عرف حالو . ونرجع شوي للموضوع . و نحكي عن حقوق الرجل و المرأه بكل جديه . الانهم هم بناة المستقبل.

[فشلان]

أنا اليوم طلعت رحلة.. بتعرفو شو معناها هالرحلة.. كانت رحلة العمر.. الله يبارك بالاخوة في أجيال لأنو عملولي خدمة ما بتنسى...
اليوم وصل أول Sms من قلبي لقلب فشلانة... ومش هيك وبس.. وصلني كمان Sms جواب....
إنتو بتعرفو شو معناها هالحكي يا قاسي..... أو بتعرف شو معناها يلي اسا ما عم تثبت على اسم... بعدان على أساس نشوفك.. وين رحتو انزويتو ما حدا سمعلكن حس.... شو خيفان من فشلان؟؟؟؟ يا سيد فشلان 2 أو موفق أو زاهر أو ما بعرف بكرة شو؟
أنا اليوم مش رح شد بالكلام وهادا من صالحك يا سيد أبو جاد... خلينا نتعرف... وخليني أعرف شو ماسك عليي حتى شانن حرب شعواء عليي هيك.. يعني معليش جابر دملوك ما عمل شغلك.. والقاسي عم يلينها ويقسيها... ليش إنت حامل حملتي..
أنا اليوم مش رح احكي.. ومش رح اتعشى.. لأنو قرص اللحم بعجين يلي كلتو بكفيني الحياة كلها... والصيفية مش رح شوب بتعرفو ليش.. لأنو هالتلجات الخفاف يلي نزلو عليي.. أنا وعم بصبص من بعيد لبعيد... رح يبقو بجسمي الحياة كلها....ووصلي حقي كرجال... خلص رح فض الموضوع...
بس هادى ما بيعني إني بكرة ما رح رد.. بدي رد.. وردي زلزال..... بإذن الله

[فشلان]

نحنا يا معشر النساء.. ناطرين تعليقاتكم على الموضوع.. معليش تشاوروا واسألوا حدا إذا ما عم تلاقو أجوبة...
وإذا بدكن راسلوني وأنا بدافع عنكن.. يعني بقولكن شو لازم تقولو.. حرام والله زعلت عليكن... اتاكل لسانكن هيكة....

[moughtareb]

خي فشلان كيفك كيف صحتك. أنا جيت لأني حبيت شدشد على أياديك و قلك قلبي معك و يعطيك ألف عافية على هالموضوع الثوري روح الله يحميك و لك انت ريشة الذين لا أصابع لهم.

و بحي كمان الاخ المناضل الشامي يلي عم آزرك بكل ما أوتي من قوة بس بقولو انو نسي يحسب تكاليف العرس و العلامة و من وينلو المعتر دفعة اولى؟؟

و بعدين يا عمر انت ليش عم تتمترس بالبراد و الاكل الباقي يعني ما بينعمل اكل عالأد؟

وبضم صوتي لصوت أخي نجحان و بتوجه للجنس القاسي ليش مطنشات منكن عم تردو؟!! ما عندكن صبيان ما بتخافو ما يشبشبو و يصيرو من جديد فشلان ؟! وللا مطمنين بس عأيش معتمدين؟ ما تنسو انو الله يمهل و لا يهمل.........

[الزاهر]

إنتو بتعرفو شو معناها هالحكي يا قاسي..... أو بتعرف شو معناها يلي اسا ما عم تثبت على اسم... بعدان على أساس نشوفك.. وين رحتو انزويتو ما حدا سمعلكن حس.... شو خيفان من فشلان؟؟؟؟ يا سيد فشلان 2 أو موفق أو زاهر أو ما بعرف بكرة شو؟

يا أخي أنا بكره التلج وبعدين أنا لا أقوم بعمل (حتى لو كانت نزهة) تحت إسم "جمعيات" فأنا لساتني "شريف" من هذه الناحية. ولك كنا جيران بالرحلة لكن أنا يا أخي ما أدرت نام الليلة التي قبل الرحلة (كنت مكتر شرب شاي---ولك ما أنا من آل حليحل، وحليحل يعني شاي) فكنت ميت النعس. أمت نمت بالبوصطة وانتظرت لحتا رجعوا رفاقي----ثم بديت الرحلة تاعتي بس نزلنا على منطقة الغداء. وهونيك بديت الرحلة العالمية---يا ريتك طلعت مع "الأحرار" لكنت شفت طبيعة ما شايفها من أبل......والله ستحليتك تكون معي

أما بالنسبة لإسمي فأنا منذ ولدت وصاعدا "زاهر عامر أحمد محمد علي عوض حليحل" وانتظرلك كم يوم لحطلك صورتك بالمنتدى. خزّء هويتك يا خيي (كما يقول "أحمد بشير" الله يرحمو، جد وسيم غنوم)
لأنها ما رح تلزملك بئا----في مين محضرلك مألب كبير بس مش أنا----شخص حكيو بيأطع الصخر.



وصايرين كتار هالأيام
سلام

[فشلان]

أنا ماني عارف ليش الشعب كلو صاير عم يهاجمني.. بس بدي أعرف شو عاملكن أنا.. والله أنا آدمي.. وااااااععع وااااااععععع
بكيتوني.. كلكن ما بتحبوني ليش؟؟؟
بس أنا مع هيك.. رجال.. ورح ضل نادي بحقوق الرجال... ويلي معو هويتي.. أهلا وسهلا...
أنا يا حبيبي مش خايف حتى متخفي... بس متخفي حتى خايف... ولو كان الواحد أصلا بيعرف كان عرف... وقولة ما بيقولو
أعلى ما بخيلك اركبو.. إذا بتعرف تركب خيول أصلاً....
أنا ماني فاهم ليش كل المشاركات صارت ضدي.. لا بقى حدا عم يحكي عن حقوق.. ولا زواج ولا طلاق.. بس ما في غيري بالساحة.. يا أخي عفووووووو عني بقا... حاج لاقطيني بالمقلوب..
أنا ترى إذا عصبت.. ما تلوموا إلا نفسكم...
بس هلأ بعدني رايق.. وعم اعمل متسامح ورح انسى يلي صار

بعدان اسمحلي فيها.. وما تعمل قاضي القضاة.. وتحكم على الناس بإنن مش شرفاء.. خلي المحاسبة لربنا... والدعوة لنا....

[الشامي]

السلام عليكم جميعا :)...

يا عمي شو بكم طولوا بالكم على الفشلان ... عم يحكي باسمنا ويدافع عن حقوقنا...

روح خيي فشلان والله لو خضت فينا البحر لغرقنا فيه معك ...مشيها .. لا تقللي البيت مكسور والوزن بدو تزبيط...

هلا خيي المُغترب ... شرفت المنتدى والله ... نورت...

على كل يا شباب خللونا نرجع للموضوع، بعتقد انو موضوع مهم ...

أخوكم:rolleyes:

[أبو جاد]

السلام عليكم ياشباب الطيبه بارك الله بكم . يا عمي شو هل فشلال ياعمي والله بينحسد لحبكم بالشيخ فشلان. والله معك كول الحق يا أخ شامي انك أن تخوض البحار ومبعرف شو............. يا أخ فشلان معرفت كيف لاقطينك بالمقلوب .بعدين يا أخ فشلان نححا مبنخلي حدن يدسلك على طرف و نحنو هنا . بعدين يا أخي الشامي أن رأي لزم نعرف حقوق الأخوه و المحبه بن الشباب و بعدين بندَور على حقوق الرجال و النساء لانو يلي خرًب و ضيع كل الحقوق هو كرهنا لبعضنا و الحسد الذي يضر الجميع . فأرجو منك يا معلم تهتم بل نهتم كولنا بهل موضوع

[الشامي]

السلام عليكم ..

جزاك الله خيراً أخي أبو جاد .. تم فتح الموضوع في الساحة الإسلامية :) ..

ونتابع هنا في موضوعنا حقووووووووووووق الرجااااااااااااااااااااااال...

أنا أرى أن نبدأ بعرض حقوقنا حقاً تلو الآخر ..

فمن سيبدأ...فشلااااااااااااااان...

أخوكم:rolleyes:

[الزاهر]

بالمناسبة عندما يكون إجماع الأمة على خطأ موضوع فلا بد أن يكون هذا الموضوع خطأ
وهكذا أراك يا "شبح" ما شايف إنو الناس لا تحترم الأشباح ولاحئينك بالعصاية وين ما رحت
أنا خلص رح غير لهجتي معك من الآن فصاعدا


بعدين إنت عم تئول :"بعدان اسمحلي فيها.. وما تعمل قاضي القضاة.. وتحكم على الناس بإنن مش شرفاء.. خلي المحاسبة لربنا... والدعوة لنا....".

ليش مين آل عنكم فاسدين؟؟؟ حدا آلها أو لمّح لها


ولك يا أخي أنصحك بأن ......المشكلة بأن النصيحة بالأماكن العامة لا تكون نصيحة.......(فقط نصيحة) وأنا من الآن وصاعدا بما أنني عرفت عن نفسي بكل وضوح (زاهر عامر أحمد محمد علي عوض حليحل):d رح إرجع أكتب كما كنت أكتب عندما فتح المنتدى (بكل جدية وبدون أي هزل) إن شاء الله


ومبروك كل ما يطلع موضوع مهم نضيعوا بأحاديثنا الجانبية وبردودنا على بعضنا -----لذا أطلب من الشامي أن يفتح ساحة خاصة للمعارضين للفشل-----شو رأيك خيي الشامي:d والله كام يوم وتصير أول ساحة بالمنتدى.


مبروك تضييع الموضوع على نفسك

أما للعودة للموضوع فأول حق أضعه هو :
من حقي أن أحصل على حقي :d -----شو رأيك خيي الشامي


سلام محبّة

[فشلان]

ليش مين آل عنكم فاسدين؟؟؟ حدا آلها أو لمّح لها




أنا لا أقوم بعمل (حتى لو كانت نزهة) تحت إسم "جمعيات" فأنا لساتني "شريف" من هذه الناحية

ما بعرف إذا هادي الجملة بتعني إنو إنت لأنك شريف ما بتروح مع ناس مش شرفاء... هية هيك بتعني.. بس يمكن ما يكون إنت قصدك هيك.. صار شي تاني....

ونحنا منحكم على الظاهر والباطن نتركه لله عز وجل...

ومع العودة إلى موضوعنا... يلي ما إلو طعمة طلع.. إذا نحنا رجال وبس وعم ندافع على حقوقنا الضايعة... وين النسوان حتى يعطو رأين.. شو نحنا عم نطالب بحقوقنا من الرجال ولا من النسوان؟؟؟؟

[الزاهر]

أنا لا أقوم بعمل (حتى لو كانت نزهة) تحت إسم "جمعيات" فأنا لساتني "شريف" من هذه الناحية
أخي العزيز ---ولك شو باك لائطلي هالكلمة وماشي----ما أعجبكم من هذه الجملة إلا تلك الكلمة؟؟ هل هذه الجملة تعني أني لا أعمل (أو أشارك بعمل) تحت اسم أي جمعية أو حزب لا يعجبني وأقتنع به ؟؟ أم بس عجبتك كلمة شريف بين إصبعين. وينكم من باقي الكلام. (هلأ بيطلعلي إني عم إتهمو بعدم الفهم وووو......ولك شو بنا)
ما بعرف إذا هادي الجملة بتعني إنو إنت لأنك شريف ما بتروح مع ناس مش شرفاء وبرجع بألك مين اتهم حدا بقلة الشرف ... هية هيك بتعني.. بس يمكن ما يكون إنت قصدك هيك قصدي واضح جلي تماما.. صار شي تاني....

ونحنا منحكم على الظاهر والباطن نتركه لله عز وجل...ونحنا كمان منشان هيك ألتلك بمحل تاني إنو الناس تكره الأشباح---بس لو أنك تطبق تبعات هذا الكلام. (هلأ بيئلي إني عم إتهمو بإنو يقول ما لا يفعل ......)
ومع العودة إلى موضوعنا... يلي ما إلو طعمة طلع وأنا أقول لك أن هذا من أهم المواضيع التي طرحت في المنتدى لحد الآن لكن بما أن الحقوق تأخذ بالقوة فينبغي علينا الحصول عليها بأي ثمن. لكن أن نحصل عليها كلنا -----كبشر---فيحصل عليها الرجال والنساء والأطفال وحتى الشجر والجماد. فكيف السبيل إلى ذلك----ما في أهين منها إنت ألي كيف.. إذا نحنا رجال وبس وعم ندافع على حقوقنا الضايعة... وين النسوان حتى يعطو رأين.. شو نحنا عم نطالب بحقوقنا من الرجال ولا من النسوان؟؟؟؟ نحن نطالب بحقوقنا من أنفسنا فنحن من ضيع حقه وتركه، وينبغي علينا أن نحارب "أنفسنا" لكي نسترد منها حقوقنا (وهون بيطلعلي إنو أصدي بـ"أنفسنا" "بعضنا" ألي ياها .....ما بزعل منك......أولها


سلام محبة لك أخي وسلام محبة للجميع-----ألي عم سبّك هون ........
ما أنا وياك على أساس أسلوبنا "فشلان" يا "فشلان".

[أم سفيان]

أستميحكم عذرا على التأخر في الرد
وأشكر الأخ فشلان لطرحه هذا الموضوع الهام وسأبدا إن شاء الله بمناقشته على فقرات
دعونا نبدأ من نقطة الصفر ألا وهي ردة فعل الأهل عندما يطرق بابهم الخاطب
فمن الأهل من ينظر إلى الأحوال المادية والمناصب العلمية للخاطب مهملين السؤال عن أخلاقه ودينه ظنا منهم أن المال والشهادات هي التي ستحقق الإستقرار والسعادة لإبنتهم
والحقيقة أن توفر السيولة المادية تساعد في تحقيق الكثير من الأحلام والمشاريع التي يعجز الفقير عن تحقيقها ولكنها لا تكفل لنا السعادة .
ومن الأهل والحمدلله وهم كثر من يهمهم صلاح الخاطب وأخلاقه لأنهم يدركون أن سعادة ابنتهم تكمن في حسن تعامل زوجها معها والأمثلة والحمدلله كثيرة من محاولة الأهل التسهيل والتيسير فيتغاضون عن المسكن وحتى الوظيفة آملين من المولى أن تتحسن أوضاع العريس في المستقبل
وهنا أود أن أشير أن بعض الشباب عندما يقابلون بالرفض يعزون ذلك لضيق ذات اليد ووربما يكون الرفض لأسباب أخرى ألا هي اختلاف طبائع العائلتين مما قد يتسبب في كثير من المشاكل وإما عدم انسجام وارتياح ابنتهم لشكل الخاطب وتصرفاته فيتحججون له بحجج واهية مراعاة لمشاعره.
نأتي إلى المهر وما شابه فما شاء الله لم أر إلا التنهدات والإعتراضات في هذا الجانب ولو أنكم نظرتم إلى الأمر من منظور آخر لرأيتم أن أهل لبنان بشكل عام يتغاضون عن مسألة المهر فكله مكتوب على الورق بينما مهور الخليجيات تعطى نقدا وأقل ما يطلب خمسين ألف وهل تريدون تيسيرا أكثر من ذلك
الحقيقة كان هناك مبالغة شديدة في الردود بالنسبة لمسألة المهر أنا أرى أن كل ما في الأمر طقم ذهب أكيد هناك من يطلبون أكثر من ذلك ولكن تبقى نسبة لا بأس بها تقدر الظروف وترضى بالقليل
ولا شو رأيكن إنتو

[فشلان]

مبروك الدهان... وإن شاء الله ما يكون بلش يهرهر...
تاني الشي... جاية من المريخ يا أخت أم سفيان...
الحقيقة كان هناك مبالغة شديدة في الردود بالنسبة لمسألة المهر أنا أرى أن كل ما في الأمر طقم ذهب
يا أختي مين رد عليكي بالنسبة للمهر.. ما عدت فاهم شي.. لا تقومي كنت عم تقرأي مجلة إنت وعم تدهني؟؟!!!

يالله معليش بسيطة يمكن أنا مش فاهم... هلأ كان قصدي عن الحقوق بعد الزواج... بس إنت بلشت من قبل الزواج... يالله زيادة الخير خير... بس على شرط إنو نوصل لبعد الزواج.. لأنو هونيك الفظايع بالحقوق يلي سلبتونا اياها..

وأنا قررت إني ما رد على يلي بيهاجموني لشخصي مش لأفكاري... لأنو الله وكيلك عم يتركو المواضيع كلها وجايين يلقطو كلامي ويردو عليه.. بس يالله.. قد مانن محرقصين وبيغارو مني...:p:)
بس هلأ أنا فهمت إنو إنت صافة بموقف الرجال.. دفعتي 2000 أجرة الموقف؟
يالله مقبولة منك... وأنا متأكد إنو إذا بضلك حقانية وبتشغلي ضميرك مظبوط.. رح تضلك صافة بموقف الرجال طول حياتك... ورح يصير عليكي تراكمات وغرامات كبيرة... بس نحنا منقدرلك موقفك ورح نقدملك غسيل سيارة بلاش:D:D... عرفاناً بالجميل...

قليلة.. كان فكري اعلنها حرب على النساء... طلعت متصالح مع كل النساء وعالق مع كل الشباب... هادي قصة...

يالله ناطرين المزيد منك يا أم سفيان... ولا فض فوكي....

[أبو جاد]

السلام عليكم أولاً : بارك الله بكي يا أم سفيان كلامك لاغبار عليه يمكن لأنو فشلان يمكن يكون غسلك ياه متل مقال لأنك دفعتيلو2000
ولكن ياخة ام سفيان وللأسف أمهاة البناة بالضيعه لا يهمهم الا المال و السياره .علماً أنه يمتلك شقه ولو بالتقصيت و أنه متعلم . وأصبح اذا كان يصلي مشكله. ليس مهم علماً أننا نرا الكوارث اللتي تحل بالتي تتجوز بأحد غريب و لكن يملك سياره و بيت ويدخن ويلبس الذهب ودينه قد ذهي أيضاً ونسأل الأم ألا يو جد عندنا ما هو خير منه وللأسف تقول لكنه دفع ودفع ودفع . و نتفاجأ بعد القليل من الوقت أنه كذاب و لا يملك حتى ثيابه التي هي عليه وفعل الكوارث بأختنا . فأدعو من الله أن يهدي كل أمهاة القلمون الى ما فيه مصلحة بناتهم و مصلحتهم أيضاً

[أم سفيان]

معك حق أخي أبو جاد أنا لاحظت أن كثيرا من الأهل عندما يتقدم لابنتهم شخص غريب أو مسافر على الفور يوافقون عليه من دون أن يسألوا عن ماضيه ظانين أن كل مسافر غني وربما يكون في بلد الغربة يسكن في شقة تحت الأرض
وبما أن الأخ فشلان يود الحديث عن الحقوق الزوجية بدون مقدمات لا بأس بذلك
الملاحظ اليوم أن كثيرا من النساء المتزوجات تخلين كثيرا عن القيام بواجباتهن وألقوا أعباءهن على أمهاتهن فبدلا من أن تكرم الأم وخصوصا بعد أن كبرت وربت وتعبت زاد حملها أضعافا مضاعفة لأن البنت هذه الأيام لم تتعلم تحمل المسؤولية ولا تريد تحملها أصلا فالأكل عند الأهل وتربية الأولاد على أمها وإذا عطست عطسة تنتقل لبيت أمها أسبوع أو اثنين حتى ما تتعذب تحط كباية ماي لزوجها والأولاد من فور ما يدخلون البيت يرسلون إلى المعلم أو المعلمة الخاصة حتى ما تتعب أعصاب أمهم (هادي ماني عارفة أيمتا درجوها وماني عارفة لشو الواحدة بتروح على المدرسة وبتتعلم )
أنا مع أن يكافح الزوجان للوصول إلى حياة مستقرة فليس بالضروري تجهيز البيت مرة واحدة ولكن على مراحل حين تتيسر أحوال الزوج ولكني في نفس الوقت لست مع الشامي في قوله أن علينا العودة إلى الحياة البسيطة الحصيرة والزيتون (دائما ماني متفقة مع الشامي)لاحظ يا أخي الشامي أنك أوردت الحصيرة والزيتون لأن للمرأة حصة فيها فهي من تهتم بشكل البيت وما فيه من أثاث وأبقيت على التكنولوجيا كالكمبيوتر لأن الرجال تهمهم هذه القضايا أكثر من النساء وهنا نعود لنفس النقطة إذا كنتم تريدون المرأة أن تعود للحصيرة والبسيطية فعليكم أنتم أيضا أن تعودوا للعصر الحجري وإلا صارت الدعوة أنانية ولا يا أخ الشامي بدك المرة تعيش عالحصيرة والرجال يصمد بالمصاري تيأدموا مهر للتانية
الزواج يجب أن يقوم على المودة والرحمة والتعاون بين الزوجين ومراعاة كل طرف للآخر فعلى الزوجة الصبر مع الزوج حتى يفتح الله عليه كما أن على الزوج مكافأة الزوجة لصبرها وكفاحها معه والحقيقة نرى نماذج تظن فيها أن الزوج عدوا للزوجة ترى فيها الزوجة لو فيها تمصلو دمو للرجل ما بتقصر بدها تصفيه على الحديدة وكريمة على الكل إلا مع زوجها وما بعمرو جبلي ولا بعمرو عملي وهي ما شاء الله يكون بيتها متقون على الآخر هذه النماذج نرفضها ولا ندافع عنها
ما في أحلى من أن تشارك المرأة زوجها في اهتماماته وأعماله فما المانع إذا كان الزوج يصلح سيارته مثلا أن تساعده أو حتى تسليه بالحديث أو أن تقوم ببعض أعماله كغسل سيارته مثلا وهو يقوم بغسل الصحون إذا أحس أنها تعبانة أو نوعا من التودد لها



أكيد ما رح يعجبكن النقاش لأن النقاش ما بيحلا إلا لمن بكون في معارضين فحطوا سيوفكن محلا لأن ما إلها داعي هالمرة إلا إذا كان الأخت نادين أو نور من المعارضة

[العبد الفقير]

الله يبارك فيكي ، يا أم سفيان هيك بيضتيها ، كنت حكي هيك من الأول .

[الشامي]

السلام عليكم ...

هههه... الله يبارك فيكي أختي أم سفيان ولكن مقصودي غير ذلك تماما ... وكما لكل مقام مقال .. فلكل عريس وعروس حياتهم الخاصة التي من حقهم وحدهم أن يعيشوها سواء على الحصيرة أو بدونها أو حتى في قصر عاجي ...:) أتصور أننا متفقون دائما.. ولكنك تفهمين بعض تعليقاتي بشكل خاطئ ...

أنا أطالب بالحريييية .. الحرية في الإختيار والحرية في الإستمرار والحرية في تقرير المصير وطريقة العيش .. دون الإلتفات إلى كلام الناس .. وما أصبح حملاً ثقيلا من الثقافات التي أصبحت عبئا على مجتمعاتنا .. ونحن لا ينقصنا أعباء...

إذا الحرية في كل شيء ما دامت لم تخرج عن إطار الشرع والشارع...

أخوكم:rolleyes:

[المهند]

لك قولوا انكون هون يا ناس!!في شى مشاكل بتشجع المهند يفوت يشارككون هون؟!! او فايشة القصة؟!!:p

[فشلان]

ما في أحلى من أن تشارك المرأة زوجها في اهتماماته وأعماله فما المانع إذا كان الزوج يصلح سيارته مثلا أن تساعده أو حتى تسليه بالحديث أو أن تقوم ببعض أعماله كغسل سيارته مثلا وهو يقوم بغسل الصحون إذا أحس أنها تعبانة أو نوعا من التودد لها

يا أخت أم سفيان انتظري حتى ينشف الدهان بعدان بلشي ربحي بالنية لأبو سفيان... على مهلك... بلشتي تهتي إنو ساعدتي... يعني لو ما تساعديه وما تهتيه كان أشرفلو....

ههه.. مزحة لا تصدقي... بس منشان قولتك يكون في شوية معارضة... ويحلى الكلام...

بس على فكرة أنا مانو عاجبني هالحكي منوب..... صرنا كلنا واقفين بنفس الصف... يرضى عليكي وقفي صف تاني.. ولا يهمك.. ما حدا بيعملك ضبط..

بقصد هيكة سكتينا ما عاود فينا نحكي... لأنو سبقتينا الحقيقة... بس على كل حال بارك الله فيكي.. وأنا رح دور على شي استفزك فيه.. خليكي تصوري مع المعارضة... وإلا الكلام ما إلو طعمة..
بس على مهلك عليي شوية... ويا ريت تخلي الأخت نادين تشارك... لأنو ترى الصراع بين بعضنا عنيف....
أما الأخت نور... فمقطوعة عندها الكهربا الظاهر... ما عم نسمعلها حس...

[فشلان]

معليش اسمحيلي يا أخت أم سفيان إني اطرق للمعاشرة الزوجية.. طالما إنو بالغسيل والجلي ما طلع في مشكلة.. وكلامك زينة العقل... مع ألعاب نارية كمان...

المهم... أنا بعرف إنو النبي عليه الصلاة والسلام بقول بالحديث يلي أورده الشامي قبلي... لأمرت المرأة أن تسجد لزوجها...
وفي حديث تاني كمان عن إنو المرأة لازم تطيع زوجها إذا دعاها للإيز ميز.. ما بعرف نص الحديث... يمكن بتلعنها الملائكة كمان.. والله ما بقى كتير مركز..
بينما هلأ النسوان بهالإيام.. تعبانة لأنها مسحت البيت.. وعلمت الولاد.. (ودهنت البيت) وبتشتغل.. يعني دوبها تقول لزوجها اليوم تعبانة.. وبكرة مريضة.. والأسبوع يلي بعدو عنا امتحانات.. وخود على وعود يا عرقوب... بينما إذا بدها تنزل تجيب التنورة الفلانية ما بتعرف من وين بيجي الوقت.... وإذا هتها بالشغلة شو بتقولو: آ أنا يا عيوني لمين جايبة التنورة؟ عجبني واحد متزوج مرة كان عم يحكي عن هالشغلات.. قام شو جاوب على هالسؤال: لمين التنورة؟ للخزانة يا نور قلبي إنت.. وهو متزوج ومن النوع المرح جداً بالكلام... دون ذكر أسماء... وبعدان بس يكون عندها عرس حدا من رفيقاتها... بتقعد طول النهار على حومرة وبودرة وتنعيم وموديل شعر.. ومينكور وبيديكور.. وبطيخ مبسمر... بس زوجها كل يوم بستقبلو ببيجاما مخزقة... وريحتها طالعة... وشعرها مثل كبولة الشوك..
آ عفو عنا يو... (جمل مقتبسة من أشخاص متزوجين... يعني عندهم خبرة) هادى مثل.. وفي أمثلة كتير كتير... بدك تقعدي مع المتزوجين خليهن يحكو...

هادى بغض النظر عن بعض الأشياء التي ترفض المرأة أن تفعلها مع وزجها.. لأنها عيب.. بنظرها.. يا أختي فوتي على بعض المواقع الإسلامية بتشوفي هالشغلات.. وهادى كلو بسبب يا إما كبر المرأة... يا بسبب جهلها..
يعني بعرف ناس كتبت كتابها.... بعدان المخلوقة عرفت طريقة جيب الولاد.. كانت مفكرة إنو بيجو بالأتوكار... قولة ما بقولو بالألمون...
فمثل هادي المرأة.... إذا رجعت تقبلت فكرة وطريقة جيب الولاد.. فكل الشغلات الباقية مش رح يكون من السهل تقبلها... وهادى بالتالي يسبب عند الرجل نوع من عدم الاكتفاء...

يعني معليش هالجهل هادى بيأدي إلى إنو المرأة ما تعطي زوجها كل يلي بدو اياه... وبالتالي يدور على سبيل آخر... وهون منرجع للتعدد.. بس تركيلنا التعدد هلأ.. وخلينا بالموضوع...

فهل إنت معي بإنو البنت لازم تتعرف على هالشغلات قبل الخطبة... حتى بفترة الخطبة تبلش تتأقلم.. وبفترة كتب الكتاب تبلش تتقبل.. وبفترة الزواج تبلش تطبق؟
في كتير خاطبين بواجهو مشاكل في فترة الخطبة أو كتب الكتاب منشان البعض ما يظن شي هيك هيك... إنو هو بكون بركان ثائر.. وهي مانا بهالدنيا... وبكون ناطر منها إنو لما يقلها هالجملة الفلانية.. تقوم هية تقوم بالعمل الفلاني.. فإذا به يتفاجأ إما بإنو ما فهمت شي.. أو بإنو ما اكترثت للموضوع أو أضرب الشي إنو تقولو عيب.. ما بقولو هيك...
أنا يا أختي أم سفيان أريد أن أضرب لك مثلاً هو عبارة عن قصة حدثت وحكالي اياها الشخص بنفسو.. سأضع أسماء وهمية حتى تفهم القصة مظبوط.. رلى زوجة سعيد لديها صديقة في السابعة عشرة من عمرها اسمها صفاء..... كانت صفاء في بيت صديقتها رلى... وفجأة دق الباب... قامت صفاء لتفتح الباب لأن رلى مانا لابسة الحجاب. وفتحت الباب.. فإذا بسعيد ويريد أن يدخل إلى بيته.. صرخت صفاء بأعلى صوت وبعجل قبل أن يدخل: رلى تحجبي تحجبي إجا سعيد!!!...
بدون تعليق.. لأنه لا يمكنني التعليق .. أخرست لساننا....
فبالله عليك... هكذا فتيات هل بإمكانها أن تعطي زوجها حقه.. وخاصة إذا كان الزوج من النوع الحامي شوية قولة ما بقولو؟
هاتي لنشوف... ولونت الجمل منشان تقرأه الأخت نادين :D :D

[Nadine]

beraka Allah fik ya akh feshlen la2an lawanet il joumel la2an ana b7ob il telwin,lol
bas ma32ouleh fi 3elem ghashimeh la hal darajeh ,,ye3ni il chaghleh byet3almoha bil maderseh ,,dars science ya akh feshlen,,,,w ba3den a7sen iza kenet il binet mana mfat7a 3al ekher ,,,,baden bta3ref bas tetzawej,,,,,

[فشلان]

والله يلي بيعرف بيعرف ويلي ما بيعرف بقول كف عدس..
أنا القصص مش عم جيبها من بيت ستي.. عم حكيكي يا أخت نادين عن قصص حقيقية.. ويكون بعلمك إنو يلي سميتها صفاء... كان قسم تاني علوم اختبارية... بتعرفي يعني شو؟؟؟ يعني عبد الحليم مفهمها القصة كلها... بس طلعت مفكرتو عم يحكي شي هية بالهواء.... يعني هو بقول: لما بتتلقح البويضة... وهي تقول آ.. بس مش خاطر على بالها المعترة المسكينة كيف بتتلقح... خلص بتتلقح وبس... وكفاها الله... ولما السبيرماتوزوييد بيجي.. مفكرتو شي حشرة.. بتنقل اللقاح مثل ما النحل بينقل اللقاح بين الأشجار.... الله وكيلك لما سمعت هالقصة بالذات غشيت من الضحك.. وهلأ هية المرأة متزوجة وصار عندها ولاد... جابتن بالأوتوكار، وأنا القصة سامعها من زوجها نفسو..
وهي بالقسم الثاني حتى فهمت إنو يلي إخدو بمدرسة البنات كان عن الدورة الشهرية.. صحيح حضروهن فلم بمدرسة البنات.. بس هادي يا ستي.. تيتي تيتي مثل ما رحتي مثل ما جيتي... هية شافت رفيقاتها عم يضحكو وينكوعو بعضن.. قام صارت تعمل متلن.. فكرتن عم يتغالظو على المعلمة يمكن...
قولي الله يا ست نادين.. هادي أنا متأكد إنو زوجها كانت حالتو تعتير بالمرة أول ما أخدها... يالله يمكن هلأ تحسنت شوية.. وصارت بتقبل إنو يبوسها.. ما بقى عيب مثل الأول.. لأنو كان عندها كمان إنو البوسة عيب.. ليش يا حزرك؟ لأنو لما كانت تحضرها على التلفزيون كانو يقلبو الإذاعة.. فشو فهمت الأخت.. إنو البوسة عيب.. هادي كيف بدك تفهميها...؟؟؟ وهادي زوجها مانو معتر؟ يمكن بتجيب ولاد بالعباية.. والله أعلم..
أنا على هؤلاء الناس قصدي.. لأنو بعدو في منن. وإن كان قليل جداً.. لانو هلأ صارت بنت السبع السنين بتشرحلك القصة أكتر منك مع إنك متزوجة.... بس كمان لا تؤخا ولا تقطعلا مخا...
معليش... هو غمقنا شوية... بس عطونا رأيكم... لأنو بالفعل لازم يكون في ثقافة شوية بهالمواضيع.. ولازم تعرف المرأة إنو ما في شي حرام غير شغلة واحدة وهي ما إلي عين قولها.. بدنا حدا متزوج يقولها.. يعني صحيح أنا بقعد وبسمع... بس الله وكيلك كنت بالأول مثل الأطرش بالزفة... لا من تمي ولا من كمي.. وأول ما بلشت اتعرف.. كنت انصدم بكتير شغلات...
ويكون بعلمك إنو في بعض الحالات.. المرأة بتصير تكره زوجها لأنها بتنصدم فيه... وبيطلع بنظرها أزعر.. وعم يغتصبها....
ولك آآآآآآآآآآآ ومائة آآآآآآآآآ.. في منن هالحالات.. في.. ما تفكريني عم احكي عن المريخ.... لو ماني متأكد من هالكلام ما بحكي.. مش عم نحكي حكاية ليلا والذئب نحنا...
فهل إنت مع إنو تتثقف المرأة منشان تستعد لهجوم الرجال..؟؟؟ هل لازم تكون دفاع قوي.؟؟؟ أم لازم تخلي يفوت كووووووووووووووووووووول؟
والله أعلم.. وأحكم..
بالمناسبة اديش خدت أنا على الامتحان؟ هادى تبع ضرب الأولاد؟
وما شرحتيلي شو معناها كلمة لوووووول لأنو أخونا زاهر شرحها بلغة أصعب منها.. وما فهمت شي الصراحة...

[Nadine]

lol ye3ni 3am ned7ek bisawt 3eli,,,,ye3ni chi ilo 3ale2a bil de7ek,,,
min ne7yet il mawdou3 taba3 dareb il awled fa dallek id7ak ,,la halla2 3ala hal joumleh w issa kol marra bi2raha bid7ek,,,,,وذلك من خلال كلام لابن عباس رضي الله عنه ولكني لا أذكره... حلوة مني ما هيك... حتى معناه ما متذكرو مظبوط

ye3ni inte kont tokol atel,,bet2ol lezem kenet omek toderbek???

[فشلان]

منيح يلي عبرتينا........ بس كبرتي الجواب كتير..!! ما ملاحظة هيك؟؟؟ منيح اسألت آخر سؤال حتى رديتي!!! ووين الموضوع الأساسي؟ شايفة كيف بتهضمولنا حقنا بفرنك.. وإشرة بصلة...
الله يسامحكن.... حد رد علينا ما معكن وقت.... بس في الله... لوووووووووووووول

[العبد الفقير]

بصراحة يا فشلون معك ، معك حق بهل الكلام ، والقصص في هذا المجال لا يسع المقام لذكرها كلها ، يعني بالمجتمع عنا معتبرين انو هل الشغلات بس للزعران وما لازم حدا يحكي فيها غيرهم ، بتكون الواحدة منهم مندارة على الإفطارات والدعوة وبدها تحل كل قضايا الأمة.... وما بعرف أيش كمان ، ومطمنة بالها وما خاطر على بالها انها بيوم من الأيام بدها تتزوز ، لحديت ما يجي اليوم الموعود وبينبلى الرجال بصنم ........ -ما فينا نفصل كتيير- ، فلماذا كل هذا الجهل عند البنات ؟ يعني مفكرين حالهم دينين زيادة عن اللزوم ، لازم هل الشغلات تتعلمهم البنت قبل ما توصل لمرحلة المراهقة وساعتها بكونوا صاروا عندها كمسلمات أو مجوعة أفكار نظرية جامدة بانتظار التطبيق يوم من الأيام ، وليست أفكار خبيثة أو ............ يعني ابن رجب الحنبلي -رحمه الله- كان والده من كبار العلماء وكان يصحبه معه لحلق العلم ، فيقول عن نفسه أنه سمع كتاب النكاح للإمام البخاري ، وهو ابن 4 أو 5 سنين لا أذكر . يعني لماذا لا تعتبر هذه الأمور من الأمور الفقهية العلمية ، لماذا عند اعطاء كتب الفقه في بعض الأحيان تهمل هذه الجوانب -من قبل البعض وليس من قبل الكل -.
ومن ثم من أكثر المصاييب انو الواحد ياخد واحدة دينة زيادة عن اللزوم ، يعني كل ما يكون بدو منها شغلة بتطلع بقصة عيب و ..... يعني متل كأنها رفيقتو ومش مرتو ، وبترجع هذه المرأة نفسها بتطلع للمجتمع وبتعطي دروس دين وقال الله وقال رسول الله ، واذا رجع زوجها اخد عليها -لأن ما عم تقوم بحقها- ساعتها بصير فورا كافر بنظر المجتمع وخاصة في القلمون .
فالله يهديكم يا أخوات ، ويثبتكم يا إخوة
والسلام عليكم ورحمة الله وبركاته
عشتم وعاش لبنان

[أبو جاد]

السلام عليكم ورحمته وبركاته .ولله يا أخ فشلان منك هين و عملي حالك مسكين والبسين بيكل عشاك ترا منك هين وأنت يا شامي معجوق كتير بحكيو . طيب يا أخي الشامي كنت تعطينا دروس بهل لأمور وما هو حلالها وماهو حرامها وما هو شرعيتها فليش مبتعطي الآخ فشلان كم محاضره.بس إنت يا أخ فشلان كتير ظلمت من الأخواة و بعدين مش كل أصابعك متل بعضن و مش كل الناس بنفس الذكاء . وانا رأيي أنو هيد ضعف بالمطالعه و بالإسلام لأنو هيك أمور منكوره بالقران فكيف كانو يقرأون القران و لا يعلمون تفسيره .معناتا أنو كانو عم يتسلو .فلهيك وصلنا إلا هل المستوا من الجهل و فضلنا أنو الأفلام الخلاعيه و التلفاذ أي المفسديون يعلم أولادنا هذه الأشياء فللأسف علًمها لهم خطأ و مع الإنحراف و الرذيله ,وهلأ عم نحصد ما صنعت أيدينا و الركض وراء الغرب و هجر القران.

[المهند]

فشلون ليش هربت من خانة الشعر؟!! هيك مخلينى داير وراك؟هربان من الباب للطاقة؟!!بعدين يا جماعة الخير ماحدا يفتح قصة السيف لانو بصير يعملى حساسية هالموضوع!! بعدين يا فقشلون حسن افاظك شوية انت عم تحكىمع نسوان يا طبل!!:p يعنى نحنا بيناتنا الشباب ممكن نحكى هالمواضيع بهالوضوح وتحكى عن الاوتوكارات قد ما بدك!! بس م بحضور النسوان ما بيسوى تحكى بالمشبرحى يا سطل!! سحيت العالم !! مش جراة هيدي ولافلهوية هيدي اسما وقاحة يعنى خلى البنات يتعلموا من بعضون ويحكو فيه بيناتون هنى بيعلمو بعضون ما تخاف عالنسوان انت!! يعنى ما تشغل راسك كتير ازا عم يجيبوا ولاد بالعباية او بالجلباب !!وانت نفسك قلتا المراة يلى حكيولك عنا صار عندا ولاد هلء!! يعنى تروك الامور تمشى لوحدا والحياة بتسير بسهولة وخصوصا هالامور يا ابو ا المعارف والثقافات انت!!:p تضرب شو بلا حيا!!:D !!!!

[العبد الفقير]

الاخوة الكرام ، بارك الله بكم على هذه الردود ، الفكرة ليست أن يقوم الشباب باعطاء البنات دروس في هذه المواضيع ، ولكن كان المقصود التنبيه على أن هذه الأمور من الدين ويجب تعلمها قبل الزواج ، وسبق أن ضربت مثلا بابن رجب الحنبلي -رحمه الله- الذي يقول عن نفسه أنه سمع كتاب النكاح للإمام البخاري وهو ابن أربع أو خمس سنين ، أما أن نأتي ونقوم بإعطاء دروس للجنس الآخر وأو نقبل بهذا فنحن لسنا بهذا الصدد أبدا ، وثقافتنا وأخلاقنا لا تسمح لنا بذلك .

[الريس]

ولا يهمكم يا زكرتية الريس وصل ، (حُذفت من قبل المُشرف)

[فشلان]

سلامة فهمك يا سيف أبو شفرة.... الظاهر بتشتغل بالمحل عند عاصم بيضا أو عند عمر سالم.؟؟؟
لأنو خكيك كلو نابع من السطل والطبل والمعالق والسكاكين.. ومساحات الأرض...
والله أنا عندي أمر من خالي جابر دملوك إنو ما رد عليك بنفس طريقتك.. وإنو إحكيك بكامل التهذيب والأخلاق....
بس يا فهمان أنا مش عم طالب بإني إعطي دروس جنسية... ولا أفلام خلاعية... أنا هون حتى نناقش فكرة مهمة... ألا وهي: أليس على الفتاة أن تتثقف ثقافتها الجنسية قبل فترة الخطبة... وحتى تتأقلم مع عريسها في خطبتها وكتب كتابها وزواجها...

أليس من حق الرجل على زوجته أنها تبسطه في هذه العلاقة... هل من واجبه أن يتزوجها.. وفي ليلة الدخلة أن يجلسوا ليحضروا مسرحية لغوار؟ أو يلعبو شدة؟؟؟

بعدان قولة أخي جابر.. ناس بسمنة وناس بزيت... ناس بتنمحى منهم كلمات أوردت على سبيل المثل وناس بكون عم يسبو ويبهدلو وما بينحذفلن شي....

إلكن الله يا شامي... شفلنا يرضى عليك الأخت نور ليش مقطوعة عندها الكهرباء...؟؟؟؟؟

وأنا أريد بكل صراحة جواب من النساء هنا.. هل أنا تطاولت بالكلام أو حكيت شي غلط؟؟ أم بقيت في حدود الأدب.؟؟؟

[الريس]

لازم الواحدة تبسطها زوجها أد ما فيها ، وما هيك وبس ، يعني هي وطالعة من بيتها ما في داعي اتضل نص ساعة عم تلبس تياب و .... وبتطلع من بيتها متل النينجا ، الرجال بدهم ينبسطوا ، والواحد اذا ضل على فرد واحدة ، شهر زمان وبكون ضجر .

[الريس]

يا سيد فشلان ، كتب ولا يهمك ، وما بق حدا يعمل ارهاب ثقافي على غيروا ، فكل انسان حر يكتب يلي بدو ياه ، يعني وصلوا لمرتبة الحوار ، فاهم أو لأ يا مهند ، مين انت ولى مين مفكر حالك لحتا اتسمي حالك سيف آه ، فيك تفهمني ، ومينك انت لحتا اتحاسب الناس اذا حكيوا منيح أو لأ ، الله وحدو هو يلي بحاسب الناس .

[المهند]

لك انا ابو سيف يا ابو منجل ومطرقة !!وازا مش عاجبك كلامى روح بلط البحر!!فكرناك شغلة اول ما دخلت وعندك ثقافة او حابب تتناقش بجدية طلعت فايت تتمسخر وتتسافه عالعالم!!ونحنا ما منخاف من زلمة متلك يا ابو البريه!!شايفين من اشكالككتير بالجامعات من يلى مفكرين حالون شى كبير وانو هنى رموز التحرير والثورة وبيحطولى كفيات مرقطة من كفية عرفات وكل هيدا كنا مفكرينون اصحاب فكر وما بعرف شو طلع بالاخر انو كل هالشى حتى يوصلوا للنسوان والبنات ويناموا معون بفرد خيمة بحجة انو هنى رفقاء وعندون عقيدة واحدة وما بيعنيون باقى العقائد!!وخود بقى على مخمخة وعربدة تحت شعار المنجل والمطرقة!!روح حبيبى روح بربر غير هون بمطرح ما بيعرفوك انت وامثالك!!هون للمحترمين يلى بيحبوا الحوار والوصول للحقيقة بجد!! الله معك وما بقى تيجى لهون لانو العنوان غلط ..يلا فرجينا عرض كتافك يا تقبر قلب ستك باى تشيشو!!تشاوووووووووووو:p

[الريس]

أنتم لا تمثلون إلا أنفسكم ، ومن ثم أنا لست في منزلكم لكي تتروضوني ، أنا في مكان ليس ملككم .

اذا أردتم مني أن أرحل ، فسأرحل بعد أن يطلب المشرف مني ذلك ، سأرحل وكل حزن على ما أراكم فيه من جهل وتعصب أعمى .

أنا هنا للنقاش ، ولن أنزل إلى المستوى الذي نزلتم إليه ، فلئن كان دينكم يسمح لكم بهذا فإن ثقافتي وخلفيتي لا تسمح لي بذلك .

وأخيرا أطلب من المشرف أن يحدد موقفه ، هل هو موافق على ما صدر من المهند وهارد ويريدني أن أذهب ، أم أنه يعتبره تصرفا شخصيا يعبر أن أصحابه فحسب ، واذا كان كذلك لماذا لم يحذفهم ويؤنبهم ؟؟؟؟؟؟

[عمر ملاط]

اعلم أن المشرف حين يريد طردك لن يسألك... وليس من واجب المشرف أن يرد على كل من تكلم...
واعلم أنك ستعلم برفض المشرف لك حين ترى نفسك ممنوعاً من دخول المنتدى.. وإلا فمسموح لك..

[الريس]

إلى المشرف ، حدد موقفك الآن :

هل توافق على ما يقال ؟؟؟ هل هؤلاء يمثلونك ؟؟؟ هل تريدني أن أرحل ؟؟؟
إذا كنت تريد ذلك ، فسأرحل حالا وكلي لكم شكر لأنكم سمحتم لي بالكلام ليومين ، وابقوا في منتداكم بعيدين عن الحرية ، وهكذا ستبقى نقاشاتكم محصورة بشكرا يا أخي وشكرا يا أختي ، أو كما تقولون أنتم بارك الله فيك ، يعني بتضلكم دايرينها السلام عليكم والله يبارك فيكم . اذا كل ما اجا حدا بخالفكم رح تكحشوا ما بتوصلوا لمحل ، صدقوني بتضلكم مطرحكم .

وينك يا هشام ؟؟؟؟؟؟؟؟؟

[عمر ملاط]

خليني خبرك شغلة نيابة عن المشرف...
المشرف ليس هنا ليرد على كل تعليق ورد من خلال الأعضاء... المشرف ليشرف على الكلام.. فإذا ما ورد أي كلام أو فكرة تخالف المبادئ التي عليها قامت الصفحة.. عندها يلجأ إلى حذفه وتعديله.. فإذا ما تكرر الأمر.. وجه رسالة خاصة للعضو.. وإذا لم يستجب لذلك.. أحطلو بالقلموني...
فما تضلك تعيطلو.. مش عم يسمعك.. عم احكي معك عن جد.. ما بيلتفت لهيك شغلات...

[الريس]

ما حدا يخبرني شي نيابة عن المشرف ، الو تم يحكي ، وما حدا يحط حالوا بقام مش من قدوا ، أوكي ؟؟؟؟؟


وأعيد وأكرر ، أريد من المشرف أن يكتب رأييه بما يكتب

[عمر ملاط]

طيب تكرم عينك.. أنا مش عم اكذب عليك لما بقلك إني أتكلم نيابة عن المشرف...
خليك ناطر.. لا تروح... نطرو

[الريس]

هارد حاجتك سخافات وكبار بقا

[الشامي]

السلام عليكم يا جماعة...

الإخوة الأعضاء جميعا .. أرجو أن يكون النقاش هادئاً هادفاً... وأن لا تخرج المواضيع عما فُتحت له...

واخوانكم في الإشراف يقومون بعملهم على أكمل وجه...فجزاهم الله خيراً..

الأخ المدعو الريس... لك كامل الحرية بعرض ما تشاء من أفكار لتناقشها هنا ولكن كما سبق ونبهنا ضمن حدود وشروط المنتدى دون تهجم أو تهكم، فلتناقش فكرة لفكرة وحجة لحجة...

الإخوة جميعا من رأى اهتمامه بالنقاش فليناقش وإلا فليدع المشادات الجانبية وليُفسح المجال لباقي الأعضاء لعرض وجهات نظرهم، دون الخروج بالموضوع الأساس عن سياقه...

أخوكم:rolleyes:

[العبد الفقير]

خلونا نرجع للموضوع الأساسي ، وين صاروا حقوق الرجال ؟؟؟؟؟؟؟؟

وين اختفيتوا يا نسوان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس تكون القصة بتخصكم وبتخص حقوكم بتناموا بالمنتدى ، ووقت بتكون القصة بتخصنا بتبطلوا اتبيونا .

قولة فيروز : " زروني كل سنة مرّة ، حرام تنسوني بالمرّة "

[عمر ملاط]

أخي وسيم.. الظاهر أنك ضليع جداً في الأغاني... لو ما تذكر اسم المغنية كان أسترلك.. ههههه

[فشلان]

يرضى عليكم يا شباب خلونا نرجع لمواضيعنا... انتبهولي أنا هون..

يا عالم يا هووووووووووووووووو.... حدا شافني.. عم هوي...

يرضى عليكم رجعو على المواضيع.. هلأ بتضيع حقوقنا...

وهلأ أم سفيان بترجع بتبلش فينا من جديد... أنا فاهم عليها... بس هية كانت عم تسكتو للزلمة... لأنو طفشت وما عاد فيها تستحملو....

بس هلأ بترجع بتفضالنا.. هية ونادين وأبنائي.. ليكو حد علمكن رجعت انقطعت عندها الكهرباء؟

[الشامي]

السلام عليكم ...:)

وأنا من رأي الفشلان .. يعني ما لحقنا بلشنا بغسل الإجرين :) والحق الأول من حقوق الرجال .. إلا النسوان تغاضين عن كل الموضوووووووووووع... ونسونا عن شو كنا عم نحكي ... شغلة والله...


يالله عودوا والعود أحمد...

أخوكم:rolleyes:

[أم سفيان]

مفكرين بدنا نقضي السنة كلها عم نكتب مقالات عن حقوق الرجال مقال واحد بكفي بس يا رب أبو سفيان مايشوف شو كتبت بعدين ما بيعاد يجبلي طقم الكنبايات

[فشلان]

والله إذا بدك الحقيقة يا أخت أم سفيان.. لازم أبو سفيان يجبلك طقمين كنبايات.. وسيارة وموبايل... ولبن العصفور.. هي قليلة الواحدة تكون عم تدبرلو شي فرفورة لزوجها...
لوووووووووووووووووووووووول رواه نادين

[Nadine]

مفكرين بدنا نقضي السنة كلها عم نكتب مقالات عن حقوق الرجال مقال واحد بكفي بس يا رب أبو سفيان مايشوف شو كتبت بعدين ما بيعاد يجبلي طقم الكنبايات

ma binsa7ek te7ki haik ya om sofyen ,,,khalas ma ba2a fi ta2em kanabeyet,,houwa ma3ek 7ak billi olti bas cho badna ne3mel ,,inti baddek ta2em kanabeyet w ana 3am zabet il beyt yalli chtaryneh ,,ye3ni badna n3amer matbekh halla2,,,,

[فشلان]

ولك أنا هادى يا شباب يلي كنت عم احكي عنو...
شوفو كل واحدة كيف بترد على التانية..
خليكن يا شباب تفهمو.. إنو هالنسوان ما بقى عندن الرجال رجال والقوام علين..
لأ.. هادي قصة كانت تحكيها ستي منشان ننام.. أما هلأ.. صار الرجال.. اللعبة يلي بيلعبو فيها... بدن شي... يقولو: يا حبيبي.. شو بدك تاكل اليوم.. وشو جاية على بالك تعمل اليوم.. يا تقبرني.. ويا روحي... وحياتي... وبطيخ مبسمر...

وما بدهم شي: سكوت ولا كلمة.. ليش شايف بحالك هالشوفة. أهه؟ أنا عيلتي بتسوى عيلتك كلياته... من أول ما تزوجنا ما شفنا منك شغلة منيحة... الله يقطع هالعيشة الزفت...

وإسا بتقولو في حقوق رجال.... يا حرام علينا.. ناولوني محرمة.. ما عم لحق بكى على حالي.... يالله... الله كبير...

[فشلان]

ترم ترم ترم ترم.. أيها الشعب العربي.. أيها الناس أجمعين.. ترقبو هذا الحدث العظيم.. فإنه يأتي كل عشرين قرناً مرة...
ترقبو فالرد قادم... والكهرباء جاية اليوم.. ولك تكبييييييييييييييييييييييييييررررررر
وأخيراً تحننت علينا الماما.... يالله ناطرين

ولك شو قصتكن إنتو هالمشرفين؟؟؟
القلموني ببين بالشهر مرة
عمر ملاط ببين بالفن كل سنتين مرة
الماما نور بتظهر مثل الشهب... لمحة وبتغيب.................................

قال عم يحاسبني على مدح الشامي قال... مو عيب عليك.. والله الشامي بيسواكن كلكن... ولك آآآآآآآآآآآآآآ
وأنا رأيي الشخص إني نادين تستلم الإشراف... لأنها أحسن واحدة فيكن (زيديلي علامة بالسر)

ولك دوووووووووووووووووووووووووع

[nour]

بحذرك يا فشلان. أنا متابعتكم متل المخابرات . وأحلى شي بالمخابرات إنهم بيلاحقوا الفشلانين:)

[فشلان]

هلأ صرلنا إيام ناطرين تتحنني علينا... وواقفين بالصف ناطرين الموضوع.. قلنا صرلك نص ساعة عم تكتبي رد... هيك طلع بالآخر....

هادي آخرة... الماما عم تشتغل مخابرات...
قولة الشامي. هههههههههههههههههههههههههههههههههههههههههه
قولة نادين لوووووووووووووووووووووووووووووووووووووووول
قولة المهند تشششششششششششاووووووووووووووووووووووووو
وقولة القاسي: بخخخخخخخخخخخخخخخخخخخخخخخخخخخخخخخخ
وقولتي ولك دوووووووووووووووووووووووووووووووووووووووع

أبنائي.. بدنا رد بحقوق الرجال مش بالعمل المخابراتي.... يالله فرجونا قبضايتكم....

[العبد الفقير]

أنا برأيي انو المشكلة صارت واضحة ، بس النسوان ما بدهم ينزلوا عن الجحشة . بيضحكوا علينا بقلولنا معكم حق ، وبيرجعوا بدهم حقوقهم و........ بيكلولنا حقوقنا .

صار لازم نبدأ الخطوات التصعيدية ، أول شي لازم هل الساحة يلي اسمها شقائق الرجال يصير اسمها الرجال أو الرجال وشقائقهم .
وبعدن منجرب نتحاور ، بدنا ناخد أول حق لنا ، لحتى نشوف انو عم تتعاونوا معنا .

يلا زيد ، فوت حط استفتاء ، وشوف كيف الشباب ببيضوها .

[فشلان]

ينصر دينك يا أم سفيان... عفواً قصدي يا وسيم غنوم.. فكرت حالي إساتني عن هوبر بالساحة السياسية...
يالله عليهم يا شباب... قولو الله
ولك دووووووووووووووووووع.. مخابرات قال.. ههههههههههههههههههههههه
قولة زاهر..... قلبت على قفاي من الضحك.... هلأ بيحذفوها.. بقولو جعدنة...
والله مابعرف إذا الواحد اضطر يذكر شغلات مخباية شو بقول؟؟؟ والله شغلة معكن.. ميزو بين يلي عم يجعد ويلي عم يحكي..

[moughtareb]

السلام عليكم

دعونا نبدأ من نقطة الصفر ألا وهي ردة فعل الأهل عندما يطرق بابهم الخاطب

نقطة الصفر تبدأ منذ بدء بلوغ الصبي.

فمن الأهل من ينظر إلى الأحوال المادية والمناصب العلمية للخاطب مهملين السؤال عن أخلاقه ودينه ظنا منهم أن المال والشهادات هي التي ستحقق الإستقرار والسعادة لإبنتهم

نحن هنا لسنا بصدد مناقشة هذا الصنف من الأهل بل نحن نتوجه وكما فهمت من الردود السابقة الى الصنف الذي يقول عن نفسه انه يسير على الكتاب و السنة.

ومن الأهل والحمدلله وهم كثر من يهمهم صلاح الخاطب وأخلاقه

و لماذا اذن يوجد شباب "كثر" يضطرون الى الذهاب خارج القلمون للتفتيش عن شريكة الحياة؟

السؤال هو هل يهمهم صلاح الخاطب و اخلاقه و فقط ام و بالاضافة؟

فيتغاضون عن المسكن وحتى الوظيفة

و لماذا يسألون عن أشياء هم واثقون من تأمينها(كون الخاطب هو صاحب شهادة تخوله العمل او ابن عائلة صاحبة شركات) لماذا يختلقون المشاكل و يهربوا العريس "اللقطة". هذا يعتبر من الذكاء و الدهاء ولا يمت للايمان بصلة!

آملين من المولى أن تتحسن أوضاع العريس في المستقبل

و لماذا هذا الامل ينعدم عندما يكون الخاطب من المعدومين؟

ووربما يكون الرفض لأسباب أخرى ألا هي اختلاف طبائع العائلتين مما قد يتسبب في كثير من المشاكل

و هل هذا من الاسلام؟

نأتي إلى المهر وما شابه فما شاء الله لم أر إلا التنهدات والإعتراضات في هذا الجانب ولو أنكم نظرتم إلى الأمر من منظور آخر لرأيتم أن أهل لبنان بشكل عام يتغاضون عن مسألة المهر فكله مكتوب على الورق بينما مهور الخليجيات تعطى نقدا وأقل ما يطلب خمسين ألف وهل تريدون تيسيرا أكثر من ذلك

هل في لبنان بترول وماني عارف؟

الحقيقة كان هناك مبالغة شديدة في الردود بالنسبة لمسألة المهر أنا أرى أن كل ما في الأمر طقم ذهب أكيد هناك من يطلبون أكثر من ذلك ولكن تبقى نسبة لا بأس بها تقدر الظروف وترضى بالقليل

مثل ما قال فشلان لم يكن المهر صاحب الصدارة ضمن المشاكل التي طرحت في الردود السابقة.

ولا شو رأيكن إنتو

والله اختي ام سفيان كان بودي نتفق...

[عمر ملاط]

السلام عليكم.. الظاهر هالمرة النساء آكلينها على الأخير.. كل يوم بيطلع رجال جديد... أهلا وسهلا ً بالمغترب.. يالله ناطرين منك كل جديد..
أنا هلأ رح اشتري تفاح... يا فشلان شوفها منيح.. تفاح...

بس معليش يا أخي المغترب.. لاقي للأخت أم سفيان شي جملة منيحة.. مرق لها كم جملة.. لأنو هية بهادي المشاركة صافة بصفنا...

[الزاهر]

ولك دووووووووووووووووووع.. مخابرات قال.. ههههههههههههههههههههههه
قولة زاهر..... قلبت على قفاي من الضحك.... هلأ بيحذفوها.. بقولو جعدنة...

ولك يا أخي العزيز نزعتها معنا هيك....ما مبارح مشكلناها مع وسيم لأنو يحرف الحقائق
جيت إنت تحرف الكلام
أنا ألت "وئعت عن الكرسي" هيك خليتني صير جعيدي يا أخي
الله يسامحك


وأنا معك بـ "والله مابعرف إذا الواحد اضطر يذكر شغلات مخباية شو بقول؟؟؟ والله شغلة معكن.. ميزو بين يلي...... "

بدنا حرية كلام هون

ليك مين عم يحكي (أنا) روح شوف المشاركة تاعتي بالساحة السياسية-------فيها كلام تئييييييييل وكبييييييير بس المشرف غافي هالأيام وما حذفها .......!!!

[فشلان]

الله أكبر.. وقل جاء الحق وزهق الباطل...

ينصر دينك يا مغترب... والله هادي آخرتك يا فشلان.. صايرة الناس بتضرب فيك المثل وبتستشهد بكلامك.... ولك آآآآآآآآآآآآآآآآ شو مفكرين فشلان حبة وحبتين؟ ولك محمصة أنا...

هيك بدنا اياك يا مغترب.. مقدام... بس خلونا ما كتير نرجع لورا...

نحنا عم نحكي عن حقوق الرجال.. يعني الرجال تزوج وشبع زواج.. ما ترجعو تضيعو الموضوع قبل الزواج.. ولما كان صغير ويلعب بالكلال..

عم نحكي عن العلاقات بين الرجل والمرأة.. من جميع النواحي... الاجتماعية والمادية والأخلاقية.. والجنسية كمان... آآآآآآ ولا الجنسية عيب.. قولة منحوس الاسم الريس... شو هي الجنسية ضاع حقها؟ لحو أنا معي جنسية لبنانية........ أنا أطالب بإنو يكون في توعية جنسية للولاد.. ليش حتى الواحد يستحي من حالو... ليش حتى يكون في أعضاء من جسمو عيب...
لو كانت عيب ما كان ربنا خلقها...

ولك آ خلونا نحكي على المفضوح.. طالما إنو ما حدا شايف حدا... ليش حتى الشب إذا نذكر شي ما بين السرة والركبة.. بيقلب أحمر... شو هو عيب هادا؟؟؟ قولولي...
وليش البنت إذا نزلنا تحت الرقبة شوية بتقوم الدنيا وما بتقعد.. وبقى لاقيها.. بتكون صارت قد حبة الحمص... ماني عارف ليش البنات هيك.. وهادى إذا نزلنا شوية لتحت.. خلص........ ماتت.. الله يرحمها....
ليش حتى البنت تستحي من حالها؟
أنا ما عم قول إنو الواحد بالش حكي بالمواضيع هادي طالع نازل.. عم احكي بشكل عادي وطبيعي... ونفس الشي بالنسبة للبنت...
أنا ما عم قول إنو الواحد يتخذ هالكلام بطريقة غلط... بس بتعرفو ليش الشباب بياخدوها إنها شغلات للجعيدية وبس.... لأنو ما وصلتلن المعلومات عنها إلا من خلال الجعيدية....

ليش حتى أنا من كم سنة عرفت إنو البوسة بحد ذاتها مش عيب.. إنما طريقة استخدامها عيب...
ليش حتى النبي عليه الصلاة والسلام ذكر كلمة الثدي بأكتر من حديث... كان عم يحكي جعدنة والعياذ بالله... ليش نحنا إذا قلنا نفس الكلمة بالعامية بتكون جعدنة... ليش وقت بقول كلمة موية مانو عيب .. مش موية كلمة عامية؟ طيب ليش إذا قلت كلمة ثدي بالعامية بتصير كأنك كفرت؟

برجع بعيد هادى كلو.. لأنو كل الشباب والبنات وخاصة المتلزمين والملتزمات بيعتبرو إنو الحكي بهالشغلات عيب... فيقو يا عالم.. هادي الشغلات مش عيب.. لما بتكون بطريقة حلال...

وهادى أكبر سبب عم يخلي البنت تطلع لا من تما ولا من كما... وبتطلع بتستحيييييييييييييييييي...
حلو الحيا.. بس مش على حساب سعادة الرجال....

يمكن أنا عم اهتم كتير بهادي الناحية من العلاقة الزوجية.. لأني أعزب.. ومحروق قولة ما بيقولو... فنرجو من المتزوجين.. إنو يحكو هنة كمان بالنواحي الأخرى من العلاقة... شباب وبنات... معليش إنتو يا نسوان إذا شايفين شي حكو... حكو بصراحة... خلونا نتعلم من أخطاؤكم..

ضروري نرجع نوقع بنفس الأخطاء.... خلوني بركة بعيش أنا وفشلانة مبسوطين... الله يستر ما تكون طلطميس بهالشغلات.. توفقنا منكون... يالله كلها عشر سنين وبتتأقلم...

هلأ عن جد عم نحكي..... خلي كل واحد يطرح رأيو ونحكي بجدية شوية... حاجتكم فزعانين مني.. خلص أنا بوعدكم إنو ما أترك كلمة ما علق عليها.. ييييييييييي عفوا بوعدكم إنو ما علق كتير.. واترك الموضوع جدي..

بس بالفعل كل واحد يحكي وجهة نظرو.... بس لا تغمقو كتير... يعني غمقو.. بس لا توصلو لأمور شخصية.. يعني مالواحد يحكي شو بيعمل شخصياً مع مرتو.. ولا هية مع زوجها.. خلونا بالشكل العام....

الله وكيلكن سعفونا.. خلونا نفهم ونرتاح ونتعلم من غيرنا... بركى بس نتعرف على فشلانة.. منخليها تفوت تقرأ هون وتتعلم...

آ والله والله ما تفوت... لحتى تطلقني بالعشرين قبل ما نخطب.... عم اتمرجل عامل حالي هلأ... أعزب وما في حدا ورايي... بكرة الأتل بس اتزوج...

ولك دوووووووووووووووووووووووع

ولك دوووووووووووووووووووووووووووووع

[moughtareb]

وأشكر الأخ فشلان لطرحه هذا الموضوع الهام

برافو اختي ام سفيان.

تكرم عينك خي عمر و انا معك ان ام سفيان آخدة أعلى علامة لحد هللأ

[فشلان]

هلأ خلص... ما بقى تشوف وش حدا بهالموضوع... هلأ نص الشباب... بتتخبى تحت الكنباية... والبنات... صار بدك ميكروسكوب حتى تشوفهم... وما بقى حدا إلو قلب يفتح تمو بكلمة... لأنو أعوذ بالله عم جعيدي... وشو هالجعيدي فشلان.. عرف إنو المرأة لها ثدي.. ولها شغلات تانية ما فيني أذكرها.. لأنو بطلع كافر بالله عز وجل... هو هيكة وهلأ ما حدا إلو ألب عم يحكي.... ما قوم أعرف بعدان إنو المرأة لها ثدي تاني شو بدو يصير؟
منشان ما تزعلو حطيت الكلمة باللغة العربية الفصحى... ولك طلعو من هالقنينة هادي... حاجتكم تخلونا نخاف من هالقصص ونتركها للزعران.. هلأ كلنا ولاد زعران طلعنا ومانا عارفين.. هلأ بورجيك يا بابا.. عاملي حالك مهذب؟؟؟ وإنت عامل السبعة ودمتا لحتى جبتني؟؟؟؟


والله قصة معكم ها.... والحلو إنو نصكن متزوجين.... عاملين حالن هلأ شو وقورين وما بعرف أيش..
ماني عارف إنو جايبين ولادكن بالأتوكار؟؟؟
وينك يا شيخ عمر.. شاطر بس ترد على الريس.. وتفوت بهاديك القصص؟ نحنا ما منستاهل يعني؟؟؟؟ وينك يا شامي... وينك يا خالي... كلكن متزوجين... ما فيني عيط للنسوان... بتهتمونا بعدان
والله ما قصدنا شي خبيث والعياذ بالله.. بس خلو يلي أصغر منكم يستفاد منكم... شو القصة حكر عليكم يعني؟؟؟

[فيصل]

السلام عليكم كيفكن ياشباب .صلو على النبي يا شباب.
لا حياء في الدين ، عندي بعض الأسئله أرجو الرد عليها :
1-هل القرآن الكريم يحتوي هذه الأشياء من الخطبه إلى الزواج وكيفيته ،وماهو حلاله وحرامه.
2- هل القرآن تحدث عن مايحق للرجل فعله مع زوجته، وكيفية ممارسته
3- هل كتب السنه فسرت هذه الأشياء بشكل كامل ومفصل
4- هل القرآن بين حقوق الرجل والنساء وبدون ثغرات أو تعقيد

[فشلان]

أنا ما بعرف ليش كل مرة عم حبك أكتر يا خالي فيصل... الله ينصرك يا رب...
ناطرين الأجوبة من يلي بيعرف

[Mohamad El Hajj]

السلام عليكم و رحمة الله و بركاته
اول شيئ اخ فيصل جملة لا حياء في الدين جملة خاطئة اذ ان الحياء من الدين و الأفضل منها ان تقول ان الله لا يستحيي من الحق كما قالتها ام المؤمنين ام سلمة رضي الله عنها
- هل القرآن تحدث عن مايحق للرجل فعله مع زوجته، وكيفية ممارسته ؟؟
اجيب على هذا السؤال لأني و الله أعلم أعرف الإجابة يحق للزوج التمتع بزوجته كيف يشاء الا الوطء في الدبر بدليل الاية نساؤكم حرث لكم فاتوا حرثكم انى شئتم و الفتوى موجودة على islamway.com هذا و الله أعلم
http://www.islamway.com/?iw_s=Fatawa&iw_a=view&fatwa_id=4251

http://www.islamway.com/?iw_s=Fatawa&iw_a=view&fatwa_id=3616

[العبد الفقير]

أرجو عدم تحوير الموضوع ، هذه المواضيع لها أماكنها المخصصة ، وبرأيي انو هل المواضيع ما لازم تنطرح هون بهل التوسيع ، يعني لو بنات مع بعضهم أو شباب بس ما منحكي شي ، بس في مكان عام كهذا وفيه ذكور وإناث ، فإن هذا ليس من أخلاقنا ، وليس معهودا على سلفنا .

كما أعيد طلب تغيير اسم ساحة الحوار هذه ، وتسميتها ساحة الرجال ، أو الرجال وشقيقاتهم ، بدل "شقائق الرجال" . ما تخدوا القصة دعيس معيس .

[فشلان]

أنا عارف إنو في ناس بدها تقلبها ديانة... يا أخي نحنا هون جايين نحضر فلم يعني؟؟ أعوذ بالله على هادى الحكي...
نحنا عم نحكي عن العلاقة الزوجية... يعني علاقة بين رجال وامرأة.... يعني الاثنين لازم يعرفو حقوقهم وواجباتهم... وإنت إذا شايف هالموضوع عيب.. لا تحكي فيه... بعدان أنا طلبت أكتر من ناحية بالعلاقة.. ذكرت العلاقة الاجتماعية والمادية والبطيخية ...

بعدك على نفس الفكرة.. عيب.. وهادي شغلات خلوها للجعيدية وللزعران.... وما بعرف شو... يا أخي اطلعو من هالأفلام هادي...

وين المشكلة إذا المتزوجين بالمنتدى.. كل واحد عرض مشكلة من المشاكل.. والتاني عرض حل من الحلول.. ونحنا قرأناهم... لعلو إنو ما نوقع بنفس الأخطاء...

هلأ أنا ما بعتب عليك... لأنو أنا كنت مثلك.. مفكر حالي إني بستحي... وإنو عيب ينحكى... بس هلأ عم حاول شد على نفسي... وأنا لو ما القصة على الإنترنت وما حدى شايف حدا.. ما كنت تفصحت وحكيت... كنت ضليت قاطبو أحسن...

وين المشلكة إذا الشيخ عمر حكيلنا كيف بتنجح العلاقة الزوجية من خلال تجربتو... وين العيب إذا خالي جابر صار يحط بعض المشاكل التي تواجه الزوجين وطريقة تفاديها... وين المشكلة إذا أختنا أم سفيان ذكرت شو الشغلات يلي بتحب البنت إنو الرجال يعتبرلا هنة... ووين المشكلة إذا الأخت نادين حكيت عن التصرفات يلي بتخلي المرأة تحب زوجها أكتر....

ماني فاهم.. عيب هالحكي... آ لكن تركونا كل واحد منا بس يتزوج يرجع يبلش من الصفر... ويقبع شوكو بإيدو... وستين سنة علينا...

لأ يا حبيبي.. أنا مش هون جاية اتسلى مثل ما معود بعمل... هادي أول مرة بحكي بجدية.. وبكامل الجدية... خلونا نعرف شو بتحب البنات.. بركى منعود حالنا على هالشغلات... وخلو البنات تعرف شو نحنا منحب.. حتى يعودو حالن على هالشغلات...

وهادى رأيك إنو لأنو المنتدى مختلط ما لازم نحكي بهالمواضيع.. معليش اسمحلي فيا... مانك موفق بهالرأي أبداً.. شو أنا بدي اتزوج رجال؟؟؟؟ حتى يعرضلي مشاكلو وشو بحب وشو بيكره؟
ولا المرأة بدها تخطب مرأة وبدها تعرف شو بتحب وشو بتكره...

بالعكس هون أفضل جو حتى توصل الفكرة من الشب للبنت... ومن البنت للشب من دون ما يصير في إحراج ولا اختلاط... ويا أخي إذا مستحي من فكرة أو جملة.. عمال فشلان تاني وحط الكلمة يلي بدك هية.. دون إحراج.. وإذا مستحية إنت كمان عملي فشلانة تانية.. ونفس الشي....

وبرجع بعيد أنا ما بس هاممني القصص الجنسية... أنا قصدي على كل النواحي.. بس قلت لأني أنا شب وأعزب ومحروووووووووووووووق اخترت أنا الجنس.. وناطر غيري حتى يحكي بغير الجنس...

الله يسامح يا أخي وسيم... هادي العلاقة الزوجية علاقة مهمة.. مش رحلة يوم ويومين.. رحلة العمر... يعني إذا ما كنت مجهزلا منيح... ما بيعاود فيك تكفي....
الله وكيلك هو أنا لما كنت طالع رحلة التلج كنت مجهز حالي من قبل أسبوع.... لكن الزواج بدك ياني جي عليه خبط لزق... لأ مانا حلوة منك هادي أبداً... زعلتني منك...

ولك دووووووووووووووووووووووووووع

[فشلان]

يا حبيبي ما بعرف إنت ليش لاحقني هاللحقة كلها...
يا أختي أم سفيان معليش اسمحيلي صرت عم استخدم الحكم تبعيتك كتير
شو إنت بتسمع لا إله وما بتكفيها...
أنا قلت ويلي بيحس حالو مستحي في يعمل فشلان تاني..... يعني يلي بحس إنو في شي بدو يحكيه ومستحي... يفوت باسم مش معروف... ما حدا بيعملو ضبط... ولا بفوتو على الحبس..

وأنا مش جابر حدا ولا جابر دملوك.. يييييي عفوا خالي... أنا مش جابر حدا يحكي.. يلي بدو يحكي يحكي.. ويلي بدو يسكت يسكت.. خليها على الله...

[عمر ملاط]

جيت لعندك يا أبو الشباب يا فشلان...

بعد الطلب الملح من أخينا الشامي... قررت أن أشارك في الموضوع.... وإن كنت لا أحتاج إلى طلب حتى أشارك... فأنا يا شامي من اتصل بك منذ فترة حين كان أحد المشايخ يتكلم بهذه الأمور على العلن في إذاعة فضائية... وليكن بعلمك أني اتصلت بأكثر من شخص... وليس فيك وحدك..

أنا أؤيد بالكامل كلام الشيخ... وهو يدعو بشكل منظم إلى إشراب الأطفال والأولاد الحياة الجنسية... وتلقينهم إياها بهدوء كما يتلقون باقي المواد الدراسية....

هو يرفض رفضاً تاماً لأن يتلقى الولد هذه المعلومات من خلال الأصدقاء أو التلفاز والإنترنت... لأنها ستولد عنده أفكار خاطئة عن العلاقات الجنسية... سيحس أنه يحب التستر حين يتكلم عنها.. وما ذلك إلا لأنه استخدمها وتلقاها بطريق مشبوه... يتطلب التستر والخفية...

أنا لا أستطيع أن أذكر كل ما ذكره الشيخ... لأنو على حد تعبير الأخ فشلان.. غمق على الأخير الأخير.... يعني فات لجوا لجوا.....
وقد عاب الشيخ أيضا على فكرة الحياء بهذا الموضوع... وقال باللفظ الحرف: شو هالحياء الفارغ السخيف..

يا أخي فشلان... أنا لست مهيأ لأن أتكلم في هذه المواضيع في اللحظة الحالية... ولكن أعدك بأن أرد عليك في هذا الموضوع وأكتب ما أراه مناسباً لنجاح العلاقة الزوجية...

بعدان شو القصة معك.. كل ما دق الكوز بالجرة.. الشيخ عمر والشيخ عمر... يا أخي تركني بحالي.. أنا يا فشلان متزوج مع وقف التنفيذذذذذذذذذذذذذذذذذذذذذذذ... يعني لا تشد ضهرك فيني كتير.... منشان هيك عم اشتري تفاح....

أعدك يا فشلان إن شاء الله أن أوضح أفكاري الشخصية التي أراها تفيد العلاقة الزوجية أو تضر بها .. حتى لا تقول: ستين سنة علينا....

واعلم أني متيقن تماماً أن كل عازب يخاف من الكلام في هذه الأمور... بينما تصبح عن المتزوج عادية جداً... وهذا أكبر دليل على أن هذه الأمور بحد ذاتها ليست عيباً.... وإنما العيب في كيفية استخدامها...

أما بالنسبة لبعض الكلمات التي تريد نقلها من الفصحى للعامية... فلا أوافقك الرأي كثيراً... فهذا يخضع للتقاليد والأعراف... ويفضل أن يقول احدنا: من تحت... أو يلي لي.. أفضل من أن يقول تلك الكلمات التي تقصدها... فهناك كلمات يمكن أن تعبر دون أن تجهر بها بشكل فاضح. وهذا أخي فشلان ناتج عن كون هذه الكلمات التي تقصدها تستخدم في المسبات... وإن كانت هي بحد ذاتها ليست عيباً.. إنما العيب في طريقة استخدامها... فكل شاب يملك هذا الذي يستخدمه في المسبة وهو ليس عيباً ولكن يبقى هناك شيء من الورع في استخدام الكلمة... والله تعالى أعلم

انتظرنا يا فشلان.. فلا بد من لقاء آخر بإذن الله

[العبد الفقير]

يا خيي فشلان أنا ما قلت انو هل المواضيع عيب ، وما لازم تنفتح قبل الزواج ، بس الصبيان بيفتحوها وقت بيكونوا وحدهم ، والبنات يحكوا فيها لما بكونوا وحدهم . يعني ما في داعي نقعد اناقش هون اذا كان الرجال أول يوم بيطفي الضو أو لأ وإذا ...... هيك شغلات ما بتتناقش بمحلات مختلطة .
وبعدين يا فشلون اذا حاسس حالك انك صاير متل صفير ، ففي كتاب اسمو "تحفة العروس" اقرأه بس وقت بتكون وحدك ، وما تجرب تحط شي منو على المنتدى .


أما أن يتكلم الاخوة عن الأمور -الخارجة عن الحياة الجنسية- والتي تحصل بينهم وبين نسائهم ، متل العلقات وسببها ، أو شو الكلام يلي بتحب تسمعوا المرأة أو ...... فهذا لا بأس به .

[فشلان]

يا أخي والله قصتك قصة إنت...
يعني معليش اسمحلي فيها.. أنا والعياذ بالله من كلمة أنا شفت كلامك مانو منطقي منوب منوب

ليش حتى إقرأ تحفة العريس وما حط شي منها على المنتدى؟؟ كان صاحبنا عم يجعد يعني؟؟؟ والله شغلة هالوسيم...

بعدان ليش حتى العالم تحط المشاكل الزوجية وما تحط السعادة الزوجية.. ليش رضيت إنو الواحد يحط شو المشاكل.. بس الأمور يلي بتبسط ما يحطها... أنا مع إنو ينحط الكل....

وطلاع من فكرة إنو عيب الحكي بالجنس.. يا أخي مش عيب مش عيب.......

لك ولو على هالحالة... قال معليش يحكولنا بالعلقات والمسبات والمشاكل وطلوع الروح... بس لا تقولو إنو في شي بيبسط.. لأ عيب... قولولنا الزواج كلو عبارة عن قنينة مشاكل.. وشربونا اياها..

ما اقتنعت معك هالمرة يا حبيبي يا وسيم أبدا أبدا منوب....

[العبد الفقير]

يا فشلان بعتذر منك ، بس انت ما فهمت فكرتي .

أول شي أنا ما قلت انو الواحد يحط على المنتدى المشاكل فقط ، ورجاع اقرأ مشاركتي بتعرف (العلقات وسببها ، أو شو الكلام يلي بتحب تسمعوا المرأة أو .....) فهل اذا طلبت منهم يحطوا الكلام يلي بتحب تسمعوا الزوجة ، هل بكون هذا من العلقات والمشاكل ؟؟؟؟؟؟؟؟؟

يا خيي ما حدا قلّك ما تحكي ، حكي أد ما بدك ، أنا كل انتقادي انو ما ينحكا بهذه المواضيع في أماكن مختلطة . كما أني مع انو الصبي من هو وصغير يخد هل الشغلات وبطريقة مهذبة .

يعني هل المواضيع يا فشلان الواحد بيخدها بالمدرسة بطريقة عليمة رائعة ، ويرى اعجاز الله عز وجل في خلقه ، ويرى قصة ولادة الانسان في الرحم ، وكيف يصله الغذاء وكيف يتنفس و..... سبحان الله
هذا اذا كان الواحد فايت علوم حياة ، أما العلوم العامة ، يا خطيتهم .... ما فينا نقولها ، ببطل حدا يخدهم

[فشلان]

قول الله يا خيي وسيم...
مانك عارف اديش في عالم علوم حياة.. وبيشرحلك القصة كلها.. بس مانو فاهم شي يا حرام...
خليها مستورة...
هنة بالمدرسة بعلمو شي؟؟؟؟؟؟؟؟؟؟؟؟؟؟

[العبد الفقير]

بكون فهمان ، بس لما بيوصل على أرض الواقع والبراتيك بينصطل ، يعني بتصير بأفخم العيل ، في ناس بينجحوا بالكور ، وبصقطوا وبالتيبه .

بس احنا وقت كنا بالمدرسة ، الله وكيلك كان الاستاذ يستحي من الأسئلة تبعيتنا ، يعني كنا بدنا نعرف القصة كلها من التطأ للسلام عليكم ، وبآخر السنة صرنا احنا نقدملوا اقتراحات ..........

[فشلان]

والله مانك هوين أبداً وجاية عاملي حالك القط بياكل عشاك..؟؟!!!!!!!!!!!
اقتراحات ما هيك؟؟؟؟؟؟؟!!!!

[العبد الفقير]

هيك قولتك ؟؟؟؟؟؟؟؟؟؟؟؟؟؟؟؟؟؟
طول بالك هلأ بنتزعلي صيطي ، بفكروا انو عندي سوابق .

[الشامي]

السلام عليكم كيفكم يا جماعة ...:)

يعني بدل أن نعترض على تقاليدنا البالية ونحاول تغييرها .. ترانا نثور إن حاول أحدهم أن يطرح مشاكل الطفل والشاب والفتاة والخاطب والمخطوبة والزوج والزوجة والسعادة الزوجية وما يعكرها ... يعني لا أدري لمن تُترك هذه الأمور ...

حججنا التي لا تتغير أن هذه الأمور عيب يجب أن نراعي ونراعي... ولك شو بدنا نراعي ... العيب أن نبقى نراعي ما لا يجب أن يُراعى .. وأن نبقى نخاف مما لا يجب أن نخاف منه..

يعني ولد يسأل والدته عن (بزه) يوما فتجيبه والدته قائلة أن هذه نجمة... يسألها زوجها أين رأيت النجوم في وضح النهار ؟؟ .. فيُسر الولد أنه هو أيضا اكتشف نجمتين في جسده دون أي تعب أو إرهااااق...

مشكلة !!..
من المراهقين من يصل لحالة البلوغ دون أن يدري ما عليه فعله.. ومن المراهقات من لا يعرفن شيئا عن جسدهن ولا عن تكونه... والجهل هنا يضر أكثر مما ينفع.. نحن هنا لسنا لعرض أفلام جنسية بقدر ما نطلب الخروج عن الصمت الضار إلى الكلام الواجب المباح المفيد في كل ما يتعلق هنا بالعلاقة بين الزوجين وما يؤدي بها إلى النجاح سواء من طرف الزوجة أو من طرف الزوج.. في كل مجال من مجالات الحياة الجنسية وغيرها من المجالات...

فلنخرج رؤوسنا من الرمال ونرى الواقع حولنا ... وإلا فإن الخيارات الأخرى ستكون أليمة وأليمة جداً...

أخوكم:rolleyes:

[العبد الفقير]

يا زيد ، كلنا معك ، أنا ما عم قول انو الواحد أو الواحدة ما لازم يعرفوا .
بس يا خيي ما يعرفوا قدام بعضهم ، البنات بحكوا البنات ، الصبيان بحكوا الصبيان .

[فشلان]

يا زيد ، كلنا معك ، أنا ما عم قول انو الواحد أو الواحدة ما لازم يعرفوا .
بس يا خيي ما يعرفوا قدام بعضهم ، البنات بحكوا البنات ، الصبيان بحكوا الصبيان .

إذن يا أخت نادين وأم سفيان.. قولي: أيتها الأخوات الكريمات.. واحكو بعدان معليش..
وإنت يا شيخ عمر ويا شامي.. ويلي بدو يحكي من الشباب.. يقول: أيها الإخوان... ويحكي

طيب والماما نوررررررررررررررررر !!!!!!!!!!!!!!!!!!!!!!!!!
هادي فيها تحكي الكل... لأنا الماما....

ولك دووووووووووووووووووووووووووووووووووووووع

يعدان يا خيي وسيم غنوم.. معقولة عملنا شعر طويل عريض... ما بتقولي على القليلة شكراً

يالله بسيطة بس بعدني بحبك مثل الأول...

ولك دووووووووووووووووووووووووع

[العبد الفقير]

ولك يا جماعة ، انتو ليش بتحبوا اللف والدوران كتير ، أنا بدي اسأل ، مين منكم رأيو انو ما فيها شي اذا الشب اتعلم هذه الأمور أمام البنات ، أو البنت تعلمت هذه الأمور أمام الشباب ..........................
أنا ما بعتقد انو حدا بفكر هذا التفكير ، بس انتو بتحبوا اللف والدوران .

وبعدن يا خيي فشلان ، أحبك الله الذي أحببتني فيه ، وجمعنا في جنته ، وشكرا على الشعر ، بس لسا ما قرأته وين حطيتوا ؟؟؟؟؟

[العبد الفقير]

آه خيي فشلان ، لقيتهم ، الله يبارك فيك ، كتير حلوين .

عندي سؤال ؟؟؟

ليك اذا الواحد بتعجبو واحدة وحابب يكتبلها كلمتين ، بتساعدوا ؟؟؟؟؟؟؟؟؟؟؟؟

[فشلان]

معليش اسمحلي فيها.. أنا ما بتعدى على شغل غيري... وخصوصاً إذا كانت مصلحة الشيخ عمر...
هو بفيدك بالغزل والإطراء... أنا شغلتي العز والكبرياء والأنفة...

بس إذا هو الشيخ عمر قلي... ولا يهمك... لحتى خليك إنت تستحي من الأبيات مش هية.... لعيونك أطيب كلام....

ولك دووووووووووووووووووووووووووووووووووووووووووووع...

[العبد الفقير]

الله يبارك فيك

طمنا شو صار بالاتصال ، وصل ؟؟؟
اتصلت فشلانة ؟؟؟؟؟؟؟؟؟؟؟؟؟؟؟؟؟

[العبد الفقير]

ليك زيد ، طالما انك مع فتح هل المواضيع بشكل علني ، شو رأييك تعمل درس أسبوعي مكتوب وتحطوا بالمنتدى ، وأنا بدوري بزبطوا شوية على الورد ، وبحط عليه اسمك وبعلقوا على المسجدين .

شو رأييك ؟؟؟؟؟؟؟؟؟

[فشلان]

هممممممممممممممممممممممممممم
وأنا اسمي وين راح؟؟؟؟؟ :(:(:(:(

[العبد الفقير]

يا خيي فشلان أنا جاد فيما أطرح ، وزيد بيعرف اذا بعملها أو لأ

وانت اذا بدك ينحط اسمك ، شارك معو بوضع الدرس ، عملوا الدرس تنيناتكم مع بعضكم وأنا بخدوا وبعلقوا على المسجد

بس بدكون تحكوا كل شي ، من وقتا ما بيخدوا الورقة تبعت البنت ، لحد سن اليأس .

[فشلان]

يا حبيبي يا وسيم..
نحنا ما بدنا من لما مناخد الورقة لحد سن اليأس....
نحنا بدنا من قبل ما يبلغ الواحد لحد ما يموت...
بدنا إنو مشاعرنا تكون صحيحة.. وبدنا إنو علاقتنا مع أعضاءنا تكون صحيحة.. وعلاقتنا مع غيرنا تكون صحيحة وعلاقتنا مع أعضاء غيرنا تكون صحيحة.. وعلاقتنا مع مشاعر غيرنا تكون صحيحة.. قبل الزواج وبعدو.. وفي سن المراهقة وبعدو.. وفي فترة العراسة وبعدها.. بدنا إنو الرجال والمرة لما بيكونو صار عمرن مائة وخشبة.. يكونو بحبو بعضن لأنو بلشو صح ومشيو صح..

في ناس مستخفة بهالموضوع.. ولكن يشهد الله أني أضعه هنا لأني أريد أن يتعرف كل جنس على رغبات الآخر.. الجنسية وغير الجنسية... لا ندري لعل أحداً يقرأ ويستفيد....

والله على ما أقول وكيل....

[فشلان]

بعدان ماني فاهم إنت يا شامي إنت والشيخ عمر.. أنا بدي اياكن إنتو تحكو مش تدعو للموضوع.. خلوني أنا بدعو للحكي بالموضوع وانتو حكو.. بقو البحصة بقا..
قال شو.. عم يدعو للحكي.. إذا إنتو ما حكيتو مين بيحكي أنا؟؟؟؟؟؟؟؟؟؟؟؟؟؟؟؟؟؟؟؟؟؟؟
خلص لا بقى تعملولي مقدمات... بلشو رح يطق قلبي بلشو...
بدنا نعرف نتصرف مع فشلانة... يا زلمة الخط مشوش كتير بيني وبينا... إيدي بزناركم.....

[العبد الفقير]

يا خيي فشلان من وين ما بدكم تبلشوا بلشوا ، مش هون القصة ، المهم اتبلشو بقا .

بدنا من زيد أو الشيخ عمر أو أي واحد كان عم يأيد الموضوع انو يعمل درس أسبوعي ، مكتوب وأنا من هلأ عم قول رح علقوا على المسجد .

[الزاهر]

يا خيي فشلان من وين ما بدكم تبلشوا بلشوا ، مش هون القصة ، المهم اتبلشو بقا .
.
السلام عليكم وبعد

هالأد محروء ألبكن يا شباب؟!

شو بكن يا عمّي......لاحئين على هالأفلام الـ.....


سلام

[أم سفيان]

معليش أخي فشلان أرجو إنك ما تزعل مني وأنا ضد إنو تفتحوا هالمواضيع في المنتدى
أي يشخص يريد أن يتعلم هذه القضايا يمكنه الذهاب إلى صفحة إسلام أون لاين فالقائمون عليها متخصصون في هذا المجال
لا ننسى أن المنتدى عبارة عن خليط رجال ونساء والكلام في هذه المواضيع هنا يذهب كثيرا من الحياء بين الجنسين كما أن أي فتاة تتكلم مع شباب في موضوع كهذا أقل ما يقال عنها أنها وقحة ليس بالضروري أن يقال ممن يشاركون في المنتدى ولكن القراء أكيد سيعيبون على الفتاة والفتاة فقط لأن التقاليد العربية هكذا أي خطأصغير ترتكبه الفتاة لا يغتفر بينما الشاب مهما فعل فالمجتمع يغفر له

[Nadine]

علاقة الرجل والمرأة:

التحكم: إدراك أن مفهوم العلاقة هي مشاركة بين شخصين متساوين في الحقوق، بدلاً من محاولة الإصرار علي بناء علاقة لمحاولة التحكم وفرض السيطرة أو محاولة تتغير شخصية الطرف الآخر للاعتقاد بأنها سوف تتناسب أكثر مع شخصيتك.

الالتزام: بقاء العلاقة بين الطرفين في مستوي عالٍ من التفاهم والمحاولة بإصرار على ذلك من أجل بقاء العلاقة ناجحة. إسمح لنفسك بقبول تأثير الطرف الآخر عليك، إذا شعرت أنه سوف يكون تأثير إيجابي.

الشعور بالمسؤولية: يجب القيام بمناقشة المسؤوليات المشتركة بينكم لبناء مشاركة حقيقية والمبادرة بتقديم الجانب الخاص بك أولاً.

الحوار: بناء الحوار مع الطرف الآخر من أهم سمات نجاح العلاقة.

الاتفاق: يجب مناقشة الأشياء الهامة في حياتك مع الطرف الآخر قبل اتخاذ قرارات بشأنها، وكن مستعد لتقديم بعض التنازلات للطرف الأخر وتقبل فكرة قابلية عدم الاتفاق علي بعض الأشياء.

السيطرة علي الخلافات: تعلم كيف تتفهم وتتعامل مع إمكانية حدوث خلاف بينك وبين الطرف الآخر وذلك لمنع تحول الاختلاف في وجهات النظر إلي شجار.بينكم.
في هذه الحالة، قم بتغيير الموضوع، التراجع، إدخال روح الدعابة في الحوار وأخذ فرصة للهدوء.

[HARD]

التحكم: إدراك أن مفهوم العلاقة هي مشاركة بين شخصين متساوين في الحقوق، بدلاً من محاولة الإصرار علي بناء علاقة لمحاولة التحكم وفرض السيطرة أو محاولة تتغير شخصية الطرف الآخر للاعتقاد بأنها سوف تتناسب أكثر مع شخصيتك.

ممكن شرح هذه الجملة ؟؟؟؟؟
شخصية الطرف الاخر يجب ان تكون معلومة للطرف الاول قبل الارتباط فكيف بعد الارتباط يريد تغيير شخصيتها ، تم طرح موضوع عن كيفية معرفة شخصية الطرف التاني من قبل الاخ المحارب ولكن لا ردود .

[Nadine]

التحكم: إدراك أن مفهوم العلاقة هي مشاركة بين شخصين متساوين في الحقوق، بدلاً من محاولة الإصرار علي بناء علاقة لمحاولة التحكم وفرض السيطرة أو محاولة تتغير شخصية الطرف الآخر للاعتقاد بأنها سوف تتناسب أكثر مع شخصيتك.

ممكن شرح هذه الجملة ؟؟؟؟؟
شخصية الطرف الاخر يجب ان تكون معلومة للطرف الاول قبل الارتباط فكيف بعد الارتباط يريد تغيير شخصيتها ، تم طرح موضوع عن كيفية معرفة الشخصية الطرف التاني من قبل الاخ المحارب ولكن لا ردود .


ok ya akh hard ,ana ra7 rod 3ala il akh al mou7ereb bi mawdou3ou , w min ne7yet il joumle illi 3am t2oul 3anna ,,fi ktir nas bikounou chi w ba3d ma yetzawjou be7ewlo yeferdou ra2yon w bidon nikash hineh il sa7 w kol chi bi2oulou lezem ysir ..

[HARD]

ان تم الاتفاق على شئ قبل وتم خرقه بعد ، فلا حول ولا قوة الا بالله العلي العظيم

[فشلان]

هوهو علينا.....
على مهلكم شوية.... أول الشي رح بلش بأم سفيان...
إذا بدنا ناخد برأيك ورأي القاسي يلي وافقك... لكن خلونا نقفل المنتدى ونروح على منتديات تانية قديمة.. يمكن أحلى من هون.... لأنو كمان في منتديات كتير بمحلات تانية... لكن لشو فاتحين هالمنتدى.. كل شغلة في منها غير هون... ما لازم نحكي فيها!!!!!!!!!!!!!!!!!!!!!!!!!!!!
لا تزعلوا مني.. أو لا تزعلي مني يا أم سفيان لأنو القاسي زعلان أوريدي... إنو إذا هالشغلة موجودة بمنتديات تانية وبصفحات تانية... معناها ما منفتحها هون...؟؟؟ أم لأنو الحكي بهالشغلات عيب.. منشان هيك منحصرو بصفحة واحدة؟؟؟؟

معليش طلعتولي خلاقي.. أو إنتو فاهمين غلط... ومعليش خلي المشرف يرجع يحذفلي كلامي أنا قابل... بس مين قال يا أخت أم سفيان إنو هلأ كل شب بدو يقول للبنت هون على المنتدى.. أنا بحب يكون صدرك هالأد... وهية تقولو أنا بحب..... خلص ما بقى إلي عين كفي حتى....
نحنا ما بدنا نفتح حديث خاص هون.!!!!!

يا أختي أم سفيان... أنا بعز خالو لسفيان كتير..وبالتالي رح عزك على حجتو. بس بدي قلك شغلة...
أنا عم اطلب من الشباب والبنات... إنو كل واحد يحكي نظرتو لبعض المشاكل والحلول الزوجية...
يعني معليش خلي اضرب مثل... يمكن إنت مثلاً لاحظتي إنو الرجال عندن صفة معينة بيعملوها... وبتعرفي إنت إنو النسوان بشكل عام بيكرهو هالصفة... يا أختي شو المانع إنو تقوليها هون على المنتدى.. سواء كانت مشكلة مادية.. اجتماعية وجنسية كمان... ليش إذا جنسية يعني منخبيها... ليش حتى الأخطاء الجنسية ما نذكرها... يا أختي إذا إنت ما حبيتي تحكي بالجنس... حكي بالاجتماع والتربية والمدنيات... والأخلاق كمان... ويمكن غيرك بحس إنو مانو عيب يحكي بالجنس... والله قصة معكن... شو بدنا نجيب أفلام لهون نحنا.. أعوذ بالله على هالحكي...
يا أختي إذا الموضوع اسمو مانو عاجبك... رح حاول غيرو... وسميه الحقوق.... وبس.. والله ما بقى عم احكي عن حقوق الرجال... أنا بهمني إنو فشلانة تشوفني أحسن إنسان.. كيف رح تشوفني وأنا ما بعرف شو بتحب.. ليش حتى غلط إدامها تا ارجع اتعلم... شو ناقصك إنت حتى تقولي: البنات ما بحبو هالصفة.. البنات بينسطو من الرجال يكون هيك.؟؟؟ عيب.. حرام... مجون وفسق.... والله شغلة معكن... ما بعرف وين عم يروح فكركن. ما حدى يحكي شو بيعمل مع مرتو... وما حدا تحكي شو بتعمل مع زوجها.... إنو مين قال إنو نحنا تلات نقط....؟؟؟؟؟؟
خلو الموضوع جدي...
هه لحي الأخت نادين. تشجعت وحكيت.... بس الظاهر ناقلتن عن أبو محمد القلموني..:d..:d يا أخت نادي.. وصلنالك.. معليش.. نحنا هون مانا جايين نعمل شعر وملاحم... والله ما تفهميني إني عم هينك أو قلل ما شأنك وكلامك... بس نحنا هون خلينا بالواقع.. يعني فوتو شوية أكتر على الواقع.. على الحياة الطبيعية... إنت كلامك على الراس والعين... بس كمان خلونا نحكي بغير المسلمات.. في شغلات ما حدا عندو شك فيها... خلينا بالشغلات يلي الناس ما بتعرفها... وأنا رأيي الشخصي إنو يلي حطيتيه لازم يكون رد على موضوع كيف أحكم على شخصية الفتاة؟ لأنو يناسب هونيكة أكتر من هون... بس هو هون كمان صح بس بدنا هون التفاصيل
يعني ما تجي تقوليلي: بسم الله الرحمن الرحيم.. أما بعد فيجب على المرأة أن تحترم زوجها.. ويجب على الرجل أن يحترم زوجته... والسلام عليكم ورحمة الله
نحنا بدنا هالتفاصيل... شو الشغلات يلي بتخلي المرأة تحس إنو زوجها عم يحترمها... يمكن تقوليلي: المرأة بتحب إنو من فترة لفترة يجبلها زوجها وردة حمرا... شو عيب هادي كمان؟؟؟؟؟؟ ولا لأنو العشاق الجعيدية بجيبو ورد.. معناها الدينين ما لازم يجيبو ورد.. لقد كفر بالله العظيم!!! أقيمو عليه الحد يرحمكم الله.!!!!

يا إخوان ويا أخوات.... يلي بتحس إنو في شي مهم لازم ينقال.. وما إلها عين... والله العظيم الاسم هون ببلاش.. ما حدا بدفعكم مصاري... بدها دقيقة ونص.. فتحو اسم مش معروف... وهيك لا بقى بكون عم نخز على واحدة.. ولا الواحد قليلة الأصل والشرف والحياء والعفة وبنت شارع.. وما بعرف شو... رح تعملوها خارجة عن الملة إذا قالت مثلاً إنو الرجال لما بيجي على البيت.. حلو يبين للمرة إنو جاية منشانها... وما صدق كيف وصل... هادي مثلاً مجون هالجملة.. إذا بدكم خلوكم على هالمستوى.. وخلو غيركن يغمق أكتر..
إن شاء الله تكونو فهمتوني.... بس قصة إنو روحو على موقع تاني.. هادي معليش ما توفقتو فيها منوب منوب منوب...

[فشلان]

ناطر ردك يا أخت أم سفيان..

وأتمنى من الله أن تكوني من الأناس غير المتعصبين لآرائهم.. يعني لو حسيتي إنو معي شوية حق.. معليش رجعي عن رأيك... لأنو ساعتها مش رح تصأطي من عين حدا.. إلا من عين الجهال... أما يلي بيفهمو فبيقدروكي أكتر لما بترجعي عن خطأ....
أنا مش عم قول إنو إنت على خطأ أو أنا على حق... بس حكيت مبدأ عام إنو يلي بيرجع عن الخطأ بكون إنسان عظيم بنظري... والله يقدرني إرجع عن أخطائي كلها...

[العبد الفقير]

يا فشلان اسمحلي فيها ، حاسك عم اتفلف وتدور حول نفس نقطة ، يعني يا حبيب قلبي يا فشلان ، انا متفق معك انو كل المشكال لازم يحكوها النسوان ، الا المشاكل الجنسية ، بيحكوها النسوان مع بعضهم والرجال مع بعضهم .
يعني يا خيي ، انت شو بتفرق معك اذا اجت مرتو لـ(؛؛؛؛؛) وحكيتلك شو بتحب هية أو اجا زوجها وقلك مرتي بتحب كذا وكذا ، يا خيي قولت زيد انت بدك تكل العنب ولا بدك تقتل الناطور ؟؟؟

[عمر ملاط]

يا أخي يا فشلان.. أنا معك أنه يجب الكلام بهذه الأمور.. وأنا صرت مقتنعاً تماماً بأن الحياء الفارغ يجب أن يذهب من النفوس... وأن بعض قناعاتنا حول الكلام بهذه الأمور هي قناعات خاطئة...

ولكن دعني أخبرك شيئاً مهماً.. لا يستطيع أي شخص متزوج أن يقول شيئاً إلا من تجربته الشخصية.. نحن هنا لا نتخيل قصة...

أقصد أن أي شخص هنا سيتحدث سواء كان امرأة أو رجلاً سيكون كلامه دالاً على أفعاله داخل الحياة الزوجية... وليس كل إنسان يستطيع أن يتكلم بهذه الأمور.. فالبعض يظن أنها عيب أو فضح للأسرار الزوجية.. وأنا أحترم الآراء، غير أني أخالفهم...

أنا لا أستحي من قولي أني أحب زوجتي... ولا أستحي أبداً من قولي أني أحب أن أبسط زوجتي في المعاشرة... ولا أستحي أن أقول أحب أن تبسطني زوجتي في المعاشرة... لأننا كلنا نحب ذلك... ولكن البعض يستحي من قول ذلك...

ربما أكون قد فهمت عليك ما تريد... وأنا وبالتنسيق مع أخي الشامي.... سوف نحاول أن نشرح قدر المستطاع... واترك الحرية لكل شخص بالكلام على قدر استطاعته.... ولا تعنف على أحد... خاصة النساء... (هنا يبدأ أول درس) فالنساء تحب الحياء.. وأكثر ما يكرهه الرجل في المرأة أنها تستحي... وأنا أقصد تستحي منه.. أكيد هو يحبها أن تكون خجولة حيية مع جميع الناس... ولكنه يحبها جريئة معه... بالأحمر كمان منشان ينتبهو

المهم أقصد... عندما تتزوج بإذن الله، ستعرف أن النساء تستحي كثيراً أكثر من الرجل.. لذلك يصعب على الأخت أم سفيان أن تتكلم... وإن كان ليس عيباً.. ولكن كما قالت.. فإن هناك أناساً من حولها سيصفونها بأشياء لا تليق بها إن تكلمت في هذه الأمور...
ستعاني يا حبيبي يا فشلان من حياء عروسك حين تخطب.... ستستخرج منها كلمة أحبك كما لو أنها شوكة في مغزل صوف... بينما تنهال عليها أنت بكلمات الحب والغرام.. ذاك طبع في النساء... أرجو أن يغيرنه مع العريس والزوج.. ويحافظن عليه مع الأجانب...

لذلك لا تشد على أي أخت من الأخوات... فأنا حسب معلوماتي أيضاً عن النساء أنهن لا يحببن أن تضغط عليهن... ولن أتوسع في هذا المجال.. لأنو صفة في النساء ويجب على النساء أن يتكلمن إن كن يحببن الضغط عليهن في حيائهن أم لا.. ولو كنت امرأة لحدثتك بذلك...

أنا حدثتك عن شعورنا تجاه حياء المرأة.. فليحدثونا تجاه الضغط عليهن لترك الحياء... وهذا هو من صميم العلاقة الزوجية.. ولا أظنه عيباً ولا وقاحة...

والله على ما أقول شهيد

[الشامي]

السلام عليكم :)...

الإخوة والأخوات .. يعني بتصور في شغلات كتير مشتركة بين الرجال ومشتركة بين النسوان بالعلاقة بين الزوج وزوجتو... وأنا بتصور هذا هو المقصود من طرح أخونا فشلان ... فلا تعملوا منها قصة ... ونطلع إحنا ناس بدنا ننشر الفساد والمجون وقلة الأدب وانتو من ينادي بالحفاظ على الحياء والستر ...

الموضوع أسهل من هيك بكتير ... فخللونا ضمن الموضوع ويا خيي اللي حاسس انو الموضوع مش مهم أو انو خرج عن الشغلات اللي بتهمو يغض بصرو عنو :)...

أم كمان عن الموضوع صعب غض البصر ... ؟؟

يعني ما بزيادة قلة الفهم بهادي الأمور على أرض الواقع .. لسا ممنوع الواحد يحكي فيها هون ... ويا خيي وسيم لا تقللي النسوان بيحكوا فيها .. لو بيحكوا واحنا المتزوجين حسينا انو ما كان في مشكلة ما كنا حكينا أصلاً ... برجع وبقول دفن الرأس في التراب لا يُغير المشكلة .. والموضوع هون مش عرض لفيلم جنسي .. الموضوع هون لعرض كل ما يمكن أن يؤدي إلى السعادة ونجاح الحياة الزوجية من وجهة نظر الطرفين، دون الدخول في الخصوصيات .. يا أخي والله احنا ما منقبل العيب كمان .. ولو بدنا نتفلت ما نطرناكم ... طلعوا بقا من نفس الموال ونفس النقطة...

شغلة والله .. عصبت أنا .. أحسن شي آكل شي تفاحة روء بالي .. أو بقلكم بوظاية أحسن ... لووووووول...

أخوكم:rolleyes:

[فشلان]

ولك ينصر دينكم إنتو الاثنين....

خلص يا شيخ عمر.. ما بقى رح وصل أمر التفاح على الحارة الغربية أبداً... اطمن.... إنت حكي وما عليك.... بس بيني وبينك.. موصيلك على شي تفاحة تانية؟؟؟؟ كيف عايش وحدك؟؟؟؟

[عمر ملاط]

هيأتك لاطي وناطر كل رد بعد رد!!!!

يا أخي والله ما بعرف شو بدي قلك... تركني بهمي يا زلمة... رحنا سافرنا ورجعنا عزابية...
على فكرة خلينا نفوت بصفة تانية عند النسوان طالما إنو حكيت بهالموضوع...
يعني من الصفات الموجودة بالنسوان إنو أكتر الشي ممكن تشتقلك.. يعني تشتقلك شوق وبس... يعني بتكون غايب عنها سنة... وهية بتكون مشتاقة تعبطك... وخلص...
إنت بتكون محروق سلافك... على الأخير.... وعم تدور على التفاح والبوظة على حد تعبير الشامي... وهي مشتاقتلك تا حتى تهدي الولاد... وإذا كانت كتير جريئة.. منشان تعبطك... وتملسلها على شعرها.. وتقلها اشتقتلك.. ونقطة مش على السطر.. نقطة نهائية.. صحيح إنو هنة بينبسطو بهاديك الشغلات... بس ما الهيئة بيشتاقولها.. إلا بالسنة مرة إذا كترت... إلا إذا عندن رأي آخر...
بس ما هية وين المشكلة يا فشلان.. إنو لأنو بيستحو ما بيحكو.. ولأنو ما بيحكو ما فيك تعرف كنوا بيشتاقو عن جد ولا لأ.. ونحنا الرجال رح نحكم على الأفعال.. فبيطلع معنا إنو ما مبيشتاقو إلا بالكلام...
ومن شان هيك أنا بشجع إنو يحكو.. والله ما فيها شي.. هو نحنا المتزوجين في شغلات كتير ما منعرفها عن النسوان.. فكيف بالعزابية؟؟؟؟؟
وعلى قصة الشوق يلي بيشتاقو ويلي نحنا منشتاقو كنت حابب فوت من هون على التعدد.. بس كرمال الأخوات ما يزعلو... رح أسكت...

[العبد الفقير]

بتعرف ، اساتني على فكرتي ، انو علق الكلام يلي عم تحكوا على المسجد ، كنت أريد أن يكون ذلك درسا مكتوبا ، ولكنكم لا تقومون بذلك بشكل يسمح من طباعته فورا ، يعني ما في أسلوب انو عم ينعطى درس ، فرح اضطر اني اقتبس من كلامكم ، وظبطهم بورقة وأكتب أسماء أصحاب الأفكار في الدرس ، ورح علقهم على المسجدين ، لأن هل المواضيع لازم تنفتح بشكل عام ، ومش بين الرجال بس .

[الريس]

بتشكر الشباب على طرح هذا الموضوع المهم ، بصراحة أنا كنت قايل ما بق بدي فوت على المنتدى لأن ما في أمل منكم ، بس هلأ بينتولي انو في منكم خير .

أنا بأييد كتيير انو تنطرح هذه المواضيع ، لأن حاجتنا حاطين راسنا بالتراب ، في لازم الشب يكون بيعرف شو بيعمل مع مرتو قبل ما يفوت عليها ، وهي كمان لحتى تعرف كيف بدها تبسطوا .

يعني في نسوان ، اذا اجا الرجال بدو يبوسها هون بتقلوا عيب ، وهون عيب ، يعني بدها تجيب ولاد من فوق التياب .

وكمان في رجال نفس الشي ، بتكون المرأة والعة على الآخر ، وهو ما حاسس فيها ، يعني معليش يسألهم شو بدها ، يسألها كيف بتحب تعمل هل الشي ، الدنيا أذواق .

يا شباب ديرو بالكم على حالكم ، وما تروحوا شبابكم ، انبشطوا أد ما فيكم ، ويا نسوان ما تتركوا شي بعين رجالكم ، شو ما بدهم عملولهم .

[فشلان]

والله يا ريس الهيأة محروق مثل هالشباب الباقيين...

بس نحنا منشان يكون الموضوع محترم... عم نحكي بتهذيب.. ومش القصة كلها جنس وبس.. نحنا عم نحكي عن العلاقة من كل النواحي...

ولا تزعل منا.. بس إنت إلك سوابق... يعني إذا بدك ترجع تحكي بنفس الطريقة السابقة.. مش رح تلاقي انسجام معك بالمنتدى...

فتأمل يرعاك الله....

بس على كل حال أهلا وسهلا من جديد.. ورح نعتبر إنو في صفحة جديدة....

بس أنا بعادتي بآخر الرد قول:
ولك دووووووووووووووووووووووووووووووووع

[الريس]

أنا يا فشلان ما محروق ، لأن يلي بدي ياه عم احصل عليه .

بس حبيت شارك بهل الموضوع ، وفيدكم بخبرتي ، وبحب قللكم من جديد ، انو أكبر عدو للعلاقات الجنسية هو التقاليد البالية ، (حذفت من قبل المشرف) ، بتقلوا لأ عيب ، بيجي بدو يبوسها (حذفت من قبل المشرف) ، فبتقللوا لأ عيب هيك الأمركان بيعملوا ، (حذفت من قبل المشرف) فبيطر هذا الشب يروح يدور على سعادتوا وعلى واحدة بتفهم عليه ، وبتعرف تلبلوا مش متل هل الخرفانة يلي عندو .

شو رأييكم ، ينعمل دورة تأهيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فيصل]

يا ريس ريتك .............ولا حكيت .والله انا بعرف أنو أهلك ربوك أحسن من هيك.بس الغربه بهدلتك . ليك يمكن في منتدا خاص إلك ولهل لحكي أنا رأي روح فضفض هونيك هل منتدا للتربيه موش ................

[فشلان]

الظاهر إنت مانك عم تفهم إنك بلا حيا....

يا ريس.... لو تضلك بالصفحة القديمة كان أشرفلك بكتير.... من جد إنك وقح... إذا إنت واحد ما بتستحي إنك عربيد ماجن.... ما في داعي تجي تفضح حالك هون... لأنو حالياً عندك وطاوة لدرجة إنك بدك شهر بالصاروخ تطلع فيه حتى توصل لمستوى الأرض...

قال حبينا نفتح معو صفحة جديدة... آ تضرب إنت وصفحة السودة....

الله يهديك...

[الشامي]

نتمنى من الجميع الالتزام بالآداب العامة المتعارف عليها في المنتدى... وكل من يخرج عن هذه المبادئ سيتم الرد عليه بالشكل المناسب...

أخوكم :cool:

[أبو جاد]

السلام عليكم ............
ولك يا ريس الناس بفتخر بأ دبها وبأخلاقها و بتربيتها ، مشان الواحد يقول والله أهلو ربوه ،والله يبارك فيهن ،ولك شباك ياعمي ،نحنا موش بهل المستوا من............... فد ور على غير هل المنتدا برك بتجد ضالتك، إنت عرف أنو هيدي أول مداخله لي من بعدك كنت متوقع أنك أحسن من هيك بكتير

[العبد الفقير]

فليتحمل المسؤولية ، من فتحوا الموضوع ، وطالبوا بتعليم هذه الأمور ، يعني الزملة عمل متل ما بدكم ، ليش بهدلتوا ، شو بس انتو بحقلكم ؟؟؟؟؟؟؟؟؟؟؟؟؟؟؟؟؟؟؟؟؟؟

[الزاهر]

لا لالالالالا------نزعتها عالآخر هيك يا عنكبوت أبو شاكوش مصدس
رح إرجع ناديك هيك من جديد ورح إسحب كلمة يا أخي الكريم أو العزيز اللتي وجهتها لك في مكان آخر. فكرناك فأت....

ألنا الهيئة كان سكران وئت كان عم يكتب المرة الماضية وهلأ فاء......لكن المشكلة طلع إنو ما كان سكران. بس الزلمة معة هلوسة دائمة.....ومانك أخي أبدا....ومانك كريم ولا عزيز....إنت عنكبوت أبو شاكوش مصدي....ومتل ما آل أخي الكريم العزيز البطل فشلان بدك شهر بالصاروخ لتوصل لمستوى الأرض

اعذرونا يا إخوان (عنكبوت مش متضمن)

[فشلان]

فليتحمل المسؤولية ، من فتحوا الموضوع ، وطالبوا بتعليم هذه الأمور ، يعني الزملة عمل متل ما بدكم ، ليش بهدلتوا ، شو بس انتو بحقلكم ؟؟؟؟؟؟؟؟؟؟؟؟؟؟؟؟؟؟؟؟؟؟

زعلتني منك يا أخي وسيم...

فراض مثلا قاعد شيخ بالجامع وعم يحكي بهالموضوع.. بكون عيب... أكيد جوابك لأ...
طيب افرض كمان إنو واحد مثل الريس قام وصار يسأل بطريقة وقحة وسفيهة.. بكون المسؤولية والحق على الشيخ لأنو عم يحكي....

انتبه يا خيي شو باك... لكن استغفر الله كان الحق على النبي عليه الصلاة والسلام لما الكافر بصلح الحديبية صار يلعب بلحية النبي عليه الصلاة والسلام ويقلل تهذيب... أعوذ بالله.... مش لما بيطلع واحد جعيدي بصير الحق علينا...

نحنا حكينا باحترام... ولحو الشيخ عمر عم يحكي من أحلى ما يكون وكلو احترام... وبرجع بعيد أي اسم لأي عضو من أعضاءنا مش عيب... ولكن طريقة استخدامو عيب... وهادى يلي حصل....

نحنا على أساس قاعدين بين ناس بتفهم وواعية... مش بسبب واحد واطي ما بيستحي من مجونو وفسقو... معناها لازم نسكر المنتدى...

لحو غلط بمحلات تانية أكثر من هون... ليش ما قلت وقتها تحملو المسؤولية.....؟؟؟؟؟ أه؟؟

يالله بسيطة يا خيي وسيم... لا تكون عطول مسرع... يعني مشي على مهلك.... سلو داون... بالأسترالي...

[عمر ملاط]

يا حبيبي يا فشلان... ما الظاهر رح تتوفق بالمولد يلي بدي اعملو.. وبحياتك ما رح تاكل قضامة..

هادى الريس قبل ما يترك.. ويرجع... كان عم يقول إنو الواحد مرتو مقدسة.. ولا يصبر عليها وهادى نصيبو بالدنيا.. والأعزب يعمل شو ما بدو... هادى مبدأ الريس المعفن...

واليوم إذا بتلاحظ.. بدو إنو الواحد يروح يدور على غير مرتو منشان تلبيلو.. يا أخي لو بيستحي من نفسو... فيها وما فيها... بس المشكلة... بيتباهى بالعربدة... فشو بدك تحكي..!!!!

المهم لا تفكرني يا فشلان إنو خلص رح طالب بتسكير الموضوع... بالعكس أنا أطالب الآن بتسريعو... لأنو في ناس لو قرأوا يلي كتبو الريس قبل الحذف.. رح يفكرو عنجد إنو عيب هالشغلة... ونحنا بدنا نوصل لمرحلة إنو الشب والبنت لما يقرأو هيك شغلات يعرفو يميزو بين الحكي وبين الجعدنة بالحكي....

يعني هية الشغلات يلي حيكها ما في رجال متزوج ما بيعملها... وما في مرة ما بتحب هالشغلة... بس طريقة عرض الكلام بتختلف... وهو

نحنا عم ندور على طريقة عرض للموضوع بطريقة مهذبة إلى أبعد حدود.. حتى توصل الفكرة للي ما بيعرف حتى يقدر يميز بين الجعدنة والكلام المهذب.. مع إنو الاثنين رح يكون فين نفس العبارات....

[فيصل]

صلو على النبي يا شبا ب ويا أخوات
بارك الله بكم وعلى غيرتكم على د ينكم وعلى هذه الصفحه وعلى عرضكم ،والله هيدي تد ل على حبكم لبعضكم البعض ، متل الجسد الواحد عندما د خلت جرثومه غريبه فاسده توًحد تم وطرد تموها خارجآ.والله بارك ا بكم وبارك بعلمكم و الله يرحم إهلكم على هل تربيه الطيبه والمباركه، هيدي هي يلي بيأ خذها معو إلى ألآخره هو دعاء النا س لنا و لأهلنا

[العبد الفقير]

الاخوة الكرام ، بارك الله بكم جميعا على هذه الردود ، وأعتذر منكم على التسرع ، بس ما كنت فاهم عليكم منيح ، يعني أنا كنت فاهم انو بدكم تطرحوا هل المواضيع بالطريقة يلي طرحها الريس .

بس يلا خطينا ومنكم السماح ، ما تواخذونا يا جماعة .

[أبو جاد]

السلام عليكم و رحمته و بركا ته ..............
يا شبا ب بارك الله بكم ،انا بقول أنه يجب الأخوه الكبار من المشا يخ يقيمو حلقا ت لتنوير الشباب على كيفيت التعا طي في جميع أمور الزواج ما هو حرامه و ما هو حلا لها

[nour]

حتى ما تزعلوا رح أبدي وجهة نظري.
حقّ الإنسان عموماً يجب أن يوازي واجباته. سأعطيكم مثالاً :
المرأة العاملة واجبها النفقة لما حصلت على حق الخروج للعمل. وهذه فتوى يكاد يتفق عليها كل علماء المسلمين اليوم.

وبالنسبة للإخوة الذين يتجاوزون الحدود الشرعية أو العرفيّة الأدبيّة في مشاركاتهم، فأنا أنذرهم بحذفها نهائياً . ولست من النوع الذي يتحمّس للحذف في مواقع إلكترونية . لكن الضرورة قد تلجئ إلى ذلك.
نحن ما زلنا نتابع ، ونرى أن الأمور لم تخرج عن السيطرة بعد وأتمنى أن يكون ظني في محلّه.

[فشلان]

goto Note كلامك موجه إلى المشرفين الشامي وعمر ملاط If

ماذا تقصدين بقولك: لم تخرج عن السيطرة بعد.... وكأنك تتوقعين منهما الخروج عن السيطرة...!!!!!!

عجباً أمر هؤلاء النساء.... لا يرحمون ولا يتركون رحمة الله تنزل علينا.... والله إن قصتكم لقصة...

عجبت لك كيف تحكمين على الناس دون سابق علم....
عجبت كيف تتهجمين على مشرفين من أمثالك... مقامهم مقامك.. مسؤولياتهم مسؤولياتك. وصلاحياتهم صلاحياتك.. (حُذفت من قبل المشرف)
عجبت لأمر الماما كيف تصدر أحكاماً مسبقة... وكأن الحجاب قد كشف لها.. فعلمت ما كان وما سيكون....
عجبت لأمر الماما المشرفة كيف تهاجم المشرفين بدل أن تشد على أيديهم وتدفعهم إلى الأمام...
عجبت لأمر الماما المشرفة الموقرة كيف تنام عن الموضوع شهراً ثم تأتي لتقذف الاتهامات بدقيقة واحدة...
عجبت لأمر الماما المشرفة الموقرة كيف توجز حقوق الرجال والنساء بجملة واحدة... حسبت أنها تغني عن لت الشامي وعجن عمر ملاط.... هل أوتيتي جوامع الكلم؟ يا ماما خاطبينا على قدر عقولنا.. وتنازلي عن عرش بلاغتك... وتكلمي بلغتنا...

أيتها الماما المشرفة الموقرة... بالله عليك أخبرينا أين تكمن الإشارة الخفية لما سيحدث في المستقبل في كلام المشرفين الباقيين... وكيف استطعت أن تتوقعي خروجهما عن السيطرة.؟؟؟

أنا أنصحك بالابتعاد عن الظن.... والارتكاز على اليقين... واعلمي أننا ننصر الشامي وعمر ملاط حتى الدم.. ولو وصل الدم إلى الركب... فإننا سنشمر ونواصل... من أجل أن لا يتلوت البنطلون... أما أنتم معشر النساء... فلن تستطيعو أن تشمروا وستلطخون بالدم..

ايتها الماما المشرفة الموقرة...
تراجعي الآن قبل الغد عن قولك وظنك... فوالله إنه لا يكب الناس على وجوههم في النار إلا حصائد ألسنتهم....


Note:
نشكرك جداً على اهتمامك السريع والمباشر Live and Online مثل ما بقولو: يطعمك حجة والناس راجعة...

[الشامي]

السلام عليكم .. كيفكم يا جماعة :)..

الأخ الكريم فشلان .. نشكر لك حرصك.. ولكن نرجو أن لا تتعدى على صلاحياتنا وتتكلم باسمنا... كما وأرجو أن تراعي مشاغل أخواتنا رغم التقصير فنحن أضفنا على كاهلهن أمراً يحتاج منهن لبعض الوقت كي يستطعن متابعته بحضور أكبر... وأختنا نور رغم غيابها عن المشاركة فهي غير غائبة عن التحضير والمتابعة لأمور أخرى تُطلب منها ..

أخي الكريم المنتدى بما فيه لم يمضي عليه إلا شهور والحمد لله فهو يسير ويتقدم .. قد يكون ببطئ ولكن حال النت في بلدتنا لا يخفى على أحد ...

فدعنا نعمل على إنجاحه أعضاء ومشرفين...وأكيد ظني فيك ما رح يخيب :)...

أخوكم:rolleyes:

[فشلان]

والله إنت يا شامي على راسي من فوق... وكل المشرفين كمان... بس إنت لك وضع مختلف... ما بعرف ليش... يمكن لأنك كنت تقرئنا قرآن في الصغر...

أنا أعتبر أن كل كلامي مسحوب.. وإن كانت السحبة حرام.. هيك كانوا يقولولنا....

المهم خلينا بالمهم... أنا وصلني أكتر من رسالة بهالخصوص... حاولت راجع المشاركة تا شوف وين مغلط.. وين زايدها.... ما لقيت... ولقيت كمان إنو في جملة انحذفت...

وهنا أريد أن أخوض في أمر ما....وهو يخص الأخت المدرسة نور...

لست أدري لماذا هناك ناس بسمنة... وناس حتى بدون زيت....
لست أدري لماذا تقبل مشاركات فيها تجريح أكثر بكثير مما قلته.. وإن كان قولي خالياً من أي تجريح..... بينما مشاركتي الأخيرة بحق المشرفة لم تقبل... ومع ذلك أنا ألتزم بحقها في حذف أو تعديل المشاركة كما يحلو لها.... وأنا لي الحق أيضاً في الكتابة... ولا أزعل أبداً أبداً مهما فعلت بمشاركتي... فهي من يملك الحق...
وأنا أتلكم هنا بكل موضوعية... لم لا يقبل المشرف على نفسه ما يقبله على الآخرين.... ما المشكلة في الجملة التي حذفت... فأنا أعلم أن في كل منتدى طبقات في المشرفين... وهذا الامر يعتمد في أي مؤسسة في أي منزل في أي مكان في الأرض.. هناك مستويات من ناحية المسؤولية والصلاحيات... فما العيب إن كان شخص يستطيع أن يفعل ما لا يستطع شخص آخر أن يفعله...؟؟؟؟ وها هو الحذف قد جرى على مشاركتي؟ هل تعتقدون أني سأزعل أو ما شابه... كلا فللمشرف كامل الحرية.... وهذا حق وعلى الراس والعين... وإن كان هذا لن يعجبني.. فأكثر شيء يمكنني أن أفعله.. أن أشم بصلة.. أو أن أفرقكم بريحة طيبة.. فليس لي من الأمر شيء... أكثر حق لي في هذا المنتدى أنني أستطيع الكتابة.. وأنا ملتزم تماماً بهذا الحق... ويعجبني وأنا أكتفي به...

ليس الموضوع هنا... فأنا ليس لي شأن بالموضوع... لا من قريب ولا من بعيد... ولكنها كانت مشاركة مني لتحث المشرفين على المشاركة أكثر في منتدياتهم....

وكانت أيضاً عبارة عن سؤال إيضاح ربما تفلسفت فيه كثيراً... وكان السؤال: هل تقصدين بكلامك الشيخ عمر والشامي؟ أم تقصدين الريس؟ وقد قلت أنه في حال كان قصدك على غير الشامي وعمر فلا تقرأي الكلام... لأنه لن يكون عندها موجهاً إليك... صحيح أني تفلسفت.. ولكن كان همي أن نعرف رأيك في ما يكتبه الشخصان المذكوران...

وأخيراً... قبل أن أكتب مشاركتي السابقة تذكرت أحد الأشخاص حين قام بعد صلاة الجمعة... واعترض على الشيخ بقوله: عجبت لأمر الشيخ..... عجبت لأمر الشيخ.... عجبت لأمر الشيخ.. وكان في كل مرة يذكر خطأ يقوم به الشيخ.... ومنها استقيت مشاركتي

والآن نأتي للأخ الشامي... هل قصص المحسوبيات تنطبق هنا في المنتدى أيضاً.... أنا أريد أن أسأل سؤالاً واحداً.... لماذا يقبل أحدنا المسؤولية إن لم يكن يستطيع أن يعطيها حقها... إذا كنت تطلب من الأخت نور عملاً وهي مشغولة به.. وتقوم به لأجل المنتدى... فلا يمنع ذلك أن تعتذر عن القيام بالإشراف إن لم يكن باستطاعتها..... أنا لا أقصد نور فقط.. بل نور وغيرها.... فالملاحظ أن المشرفين أقل من يتواجد في المنتدى... هل القصة قصة مناصب؟ لماذا لا يتم اختيار الأشخاص الذين يملكون الوقت للمشاركة؟ لا أجمل من أن تكون الأخت نور تنفذ أعمالاً وغيرها يشرف.. وغيرها يحضر.... ألا يعتبر ذلك أفضل للمنتدى ومنعشاً له أكثر...

أرجو أن لا يفهم علي أي شخص فهماً خاطئاً وخاصة الأخت المشرفة نور... واعلمي، والله يشهد، أن أحترمك أيما احترام... ولكني أطرح مشكلة في المنتدى... ولست أقصدك وحدك... وإن كان كلامي يشملك...

فأنا أطرح المشكلة بكل صدق... أنا أحببت هذا المنتدى حباً جماً.. وأحب أن يبدو على أفضل وجه.. خالياً من كل شائبة..

فنحن نحب أن يكون المشرفون حاضرين بكثافة.. وبأكثر وقت ممكن.. وإلا فليتم اختيار غيرهم.. لا تخافو.. لن يتم خصم المعاش منكم... إلا إن كان لكم معاش.. فعندها معكم حق في قبول المهمة...

ألا ترون أني أتكلم بعقلانية من غير شر... لست أحمل على أي شخص.. وأعلم تمام العلم أن كل الناس لهم مشاغلهم وأعمالهم.. إلا العاطلون عن العمل من أمثالي...

هذه مشكلة أحببت أن أطرحها منذ فترة.. وأنا منذ فترة أعلق على أبو محمد القلموني... وأزرك للأخت نور... وأعتب على الشيخ عمر... لقلة وجودهم وحضورهم.. فهل أنا مخطئ في ذلك..؟؟ أم أنني مخطئ في طريقة العرض للمشكلة؟ أم أنني لست مخطئاً أبداً...

نترك الإجابة للحلقة القادمة.. والآن وقفة مع الإعلان...

[فيصل]

أالإداره الموقره ، مكنا عم نحكي عن الدقراطيه و مبعرف شو ، بعدين ولك خود رياحتك يا فشلان ، بعتقد أنا نحن معك شو مقلت ولك روح روح الله معك بس نتبه إنت ورايح متزعجك شو فراشه ، و خود معك من عند يوسف بيف بف بكون أحسن مبتعرف شو بيطلعلك ،ولك يا شامي شو وبعدين ولك تركو أحسن متخزقلو الكنزه متشد فيه تركو ،وإنشاء الله متطول تاني حلقه

[nour]

الأخ فشلان
**إعلم أني أحترم رأيك وأقدّره . ومن دواعي سروري أن أجد جرأة في النقد بأسلوب يغلب عليه الأدب
** أنا مشرفة أيضاً في مواقع الإسلام اليوم ،ومعروف عني أني أحذف المشاركات التي فيها تعريض بالآخرين ولا أحذف مطلقاً أي مشاركة فيها نقد لي ولو كان جارحاً. ولتتأكد أدخل موضوع: نحن والشيعة ومشروع تعايش ،في موقع الإسلام اليوم واقرأ التعليقات .

ومهمتي كمشرفة أعرفها تماماً. لا يلزم المشرف أن يعلّق على كلّ كلمة. ولكن التوجيه والرقابة. هذه هي مهمته، أما كم من الوقت يحتاج، فهذا أمر يحدده هو وليس الآخرون.
أنا مشرفة على ورش عمل وأتابع المشروعات يومياً في نصف ساعة. ومع ذلك نحن متفوّقات على الشباب (المتفرّغين) أشواطاً كبيرة.


** لتصحيح معلوماتك
أنا ما قصدت المشرفين مطلقاً
مطلقاً
مطلقاً
إنما قصدت بعض التجاوز ات التي تكاد تخرجنا عن حدود اللياقة والعرف. ولو وجدت مخالفة تستحق الحذف ما ترددت لحظة. ولكن هو التنبيه.

**أنت ترى؟ المسألة ليست محتاجة إلى تعصّب ودم يسيل و ...إلخ. أترى؟ أنت من أساء الظن.
وعذراً إن كان أسلوبي قد آذى أحداً. ولكن سبب ذلك أني سمعت انتقادات لكتابات بعض المشاركين. ولما كان هذا الموضوع يستقطب أكثر المشاركين. رأيت أن يجري التنبيه هنا.

** وسترى قريباً يا أخ فشلان أن هذا الموقع لما صار من مسؤولياتي ،سأفي له طاقتي وجهدي. والله المستعان.

[nour]

قبل ما تفهموني غلط.
عندي تحفّظ على مشاركات بعض المشرفين كمان وإن لم يكونوا مقصودين تحديداً .
إخواني
رح إحكي باللهجة يلي بدو ياها فشلان :) .
بعرف إنو في ناس طالعوا وتعلّموا نظرية تقول بضرورة التثقيف الجنسي. وأن الحياء في خوض أمور هي طبيعية ، غير مبرّر.
نعم إسلاميين طرحوا هالطرح.
وأنا وإن كنت أختلف مع هالطرح وأرى أن مكان طرح هذه الأمور هو الأسرة أو المدرسة في صفوف غير مختلطة . لأن هناك دراسات أكّت أن العلانية في التقيف تأتي بعكس النتيجة المطلوبة كما أنها تذهب بالحياء الذي هو خلق الإسلام.
رغم هيدا أحترم الرأي الآخر . وأعترف بحقه في التعبير عما يؤمن به.
لكن شباب من فضلكم.
لا تتجاوزوا الخطوط الحمر.
أعرف أنكم من خيرة شباب البلدة. وإن ما كان في مصلحة بترك الجرأة على هذا الكلام إلا سمعتكم بالبلدة، لكفى.
ولنا في التعريض غنى عن التصريح. أليس هذا هو خلق القرآن الكريم؟
لكم مني التحية .

[فشلان]

ولك ينصر دينك يا ماما نور....

أنا هادى يلي بدي اياه..... وأنا يا ستي الكريمة.... أردت شيئين اثنين فقط من طرحي.... والله يشهد...
الشيء الأول: أن أحرك الموضوع... فإن نقدي لمشرف سيشكل مفاجأة للبعض... فيضطرون للمشاركة إما للدفاع وإما للنصرة.... وقد انهالت علي الرسائل الخاصة من كل حدب وصوب.... وبذلك لا أكون قد وصلت إلى مرادي... لأني كنت أريد أن تكتب الرسائل الخاصة على الهواء مباشرة...

الشيء الثاني: أن أحرك النخوة عند جميع المشرفين... وليس أنت بالتحديد....

ووالله كان احتمال أن تكوني قاصدة المشرفين الباقين في كلامك احتمالاً ضئيلاً جداً... ولذلك وضعته بطريقة البرمجة السخيفة تلك.... بالمناسبة هل تعرفين برمجة؟ فلقد جاء كلامي كله ضمن If
ومعنى ذلك أن الكلام الذي بعدها ليس له معنى إذا لم يتحقق الشرط... وهو ما حصل.. فالشرط الذي وضعته لم يتحقق... لأنك لم تكوني تقصدين المشرفين....
لذلك كان كلامي كلاماً فارغاً ليس له معنى...

والآن نأتي للمشاركة الأخيرة... هل تعتقدين أن الكلام في المنتدى يقاس على قاعة مختلطة؟ فإن كان جوابك بنعم... فليتنحى كل شخص يحس أنه سيكون في موقف محرج.... وعندها لن يكون هناك اختلاط... وقد قلت سابقاً... يمكن لأي شخص كان فتاة أو صبي.... أن يفتح اسماً في المنتدى ببلاش... ويضع الاسم الذي يناسبه.. فلا نعلم أصلاً إن كان ذكراً أو أنثى... وهذا يذهب حالة الاختلاط...

أما الأمر الآخر... فلقد ذكرتي أن هذه الأمور يجب أن تعطى في المدرسة في قاعات غير مختلطة.. أو من خلال الأسرة... فما رأيك بأناس في وضعي.. لم يتلقو تلك المعلومات في المدرسة... وليس لي أهل ليكلموني في هذه الأمور...

اعلمي أن معظم ما أعرفه تلقيته من أصحاب السوء... وقد كنت حتى فترة وجيزة... أعتبرها أشياء محرمة... أو عيب على الأقل... لماذا بقيت أعتقد أن البوسة حرام أو عيب حتى سن متأخرة... وما ذلك إلا لأني رأيتها على التلفاز.. ثم قلب أبي المحطة... ومرة تلو أخرى... أيقنت أن هذا الأمر هو للماجنين فقط.... لم أتخيل أن الرجل يمكن أن يقبل زوجته... هل كان من الخطأ أن أعرف منذ البداية أن البوسة حلال.. ولكن استخدامها على التلفزيون هو الحرام؟؟؟؟

أنا أيضاً أحترم رأيك كثيراً... كما تحترمين رأي الآخر.. ولكني وجدت أن سبيلي الوحيد هو من خلال المنتدى.. ولا أعتقد أن الشيخ عمر أو الشامي سيتجاوزون الحدود... بل هم والله أعلم مهذبون جداً.. فلا تخافي منهم......... (لا تروحوا تخبصوها إنتو كمان.. صرنا كذا مرة شادين فيكن)

والله أعلم وأحكم.. وهو يهدي السبيل...
ولكي مني ألف وسبعمية وخمسة وستين تحية...

[HARD]

السلام عليكم ولا همك يا ابو الشباب انت بس طول بالك وكل المعلومات تصل اليك بس عندي ملاحظة معقول الاخ الشامي كان بعلمك من صغرك وانت لا تعلم هذه الامور يعني غريبه :) احلا تحية اجلال واكبار لاحسن شب بالعالم وهو الاخ زيد فسلام عليه والف سلام وملاحظة تانية اليس من المفترض متل هذه المعلومات ان تشرب بالحلقات او ما شابه ذلك اخي زيد اليس كلامي صحيح ولكن ماذا تترسون الطهارة وتاني يوم الطهارة وتالت يوم اللطهارة والسنه الجايه متل هذا اليوم الطهارة والسنه يلي بعدها الطهارة وباب الطهار لهل الدرجة كبير وبدو شرح بس على مين الحق اكيد على اجيال او على الطليان ولله اعلم
الان لا اريد اي بطاقة حمراء ولا صفراء اتريد ان تفتح هذا الموضوع، ام تحت الهواء

[عمر ملاط]

لقد وردت جملة في كلام الأخت المشرفة نور سامحها الله... فلقد قرأت فيها معان كثيرة أحب أن أبسطها وأوضحها للجميع.. وليس لها بالذات... والجملة هي:

أعرف أنكم من خيرة شباب البلدة. وإن ما كان في مصلحة بترك الجرأة على هذا الكلام إلا سمعتكم بالبلدة، لكفى.

أنا من ناحيتي أعتقد اعتقاداً جازماً أن هناك فرقاً شاسعاً ما بين الرجل والمرأة في مجال التعبير... ولست أعيب على النساء ذلك... فهن يعتبرنه من باب الحياء... ولهن ذلك.. فتلك الصفة ملازمة لهن، وهن غير قادرات على تركها...

وأما من ناحيتي... فلا أعتقد أبداً أبداً أبداً... أن سمعتي ستتزعزع إذا ما أعلنت أني أحب زوجتي... ولا أخشى أبداً من قولي أنني أسعى بكل السبل لأسعد زوجتي من كل النواحي الجنسية والاجتماعية والمادية..

لا أعتقد أن سمعتي ستهتز إن أفصحت أني بحاجة لمعلومات أكثر عن طبائع النساء، علني أستطيع أن أحسن علاقتي مع زوجتي إلى أفضل قدر ممكن.. أو عل غيري يحسن علاقته مع زوجته... أو عل زوجة غيري تحسن علاقتها مع زوجها.. ألا يعتبر ذلك إصلاحاً؟؟ فماذا تحورون الجمل لتجعلو من فعل الخير عيباً يحتاج إلى الحياء والاستتار..؟؟

وهذا ما نقصده من خلال هذا الموضوع... فأنا من خلال حياتي الزوجية تعلمت أشياء عن النساء... ربما أطبقها وربما لم أستطع تطبيقها... ولا أجد مانعاً من ذكرها لعل غيري يستطيع تطبيقها فتعم الفائدة.. ويسعد بها غيري في حياته... إن فشلت أنا في ذلك..

أريد أن أسأل سؤالاً واضحاً جداً.. هل من العيب أن أقول أني أحب زوجتي؟ نعم من العيب أن أتحدث عن ما يحصل بيني وبينها... وهذا لم ولن نتطرأ له نهائياً... إنما سنتحدث إن أحيانا الله عن بعض الصفات التي نحبها في النساء... لعل الصبايا اللواتي يقدمن على الزواج يأخذنها بعين الاعتبار.. أو حتى المتزوجات يمكن أن يغيرن بعض صفاتهن إذا ما علموا أن الرجال يحبون صفة معينة... فكم من الرجال لا يفصح لزوجته عن كل ما يحب.. فيعيش محروماً يتمنى لو أنها تفطن لما يريد دون أن يواجهها بالأمر علانية.

ولقد كنا نتمنى من البنات وخاصة المتزوجات أن يضعن بدورهن ما يحببن في الرجال... فلعلنا نحن المتزوجون أو حتى المقدمون على الزواج، نتصرف بالشكل المناسب الذي يسعدهن... فتتحسن العلاقة الزوجية وتروى بالود والحب والعشق والغرام... (منيح هيك)

قال سمعة قال.. والله ماني عارف صار عيب كمان إني شوف كيف فيني ارتاح بحياتي الزوجية؟ أو كون السبب بإنو غيري بنبسط بحياتو الزوجية؟ معظم الناس يعانون من مشاكل بسبب عدم التفاهم.... فلماذا لا نطرح هذه الأشياء التي هي محل اختلاف... ولا ندري لعل البعض عنده الهمة ليغير صفاته من أجل شريك حياته، ولكنه لم يكن يعرف كيف....

والله أستغرب كثيراً حين يعتقد البعض أني إذا ما خضت بهذه الأمور سينشف ماء وجهي.. وسأسقط في عين الناس... كنت أتصور أن يمدحني الناس لأني أسعى لتحسين علاقتي وعلاقة غيري في حياته الزوجية... فبدل أن يتكلم عني الناس بالخير ويمدحوني لما أسعى إليه من الخير لي ولغيري... أفاجأ بأني أعرض سمعتي للخطر....

والله إن كانت سمعتي ستتغير إذا سعيت لما هو خير لي وللناس... فلتذهب سمعتي أدراج الرياح... لست بحاجة إليها أبداً فليبلها الناس وليشربوا زومها.. وعوضي على الله...

أرجو أن لا يفهم أحد أني أوجه الكلام إلى الأخت المشرفة نور... وإنما أحبب أن أوضح شيئاً أخوض فيه منذ فترة في المنتدى، فلعل البعض قد فهم علي بطريقة خاطئة... وها قد أبرأت الذمة...

وهنا أعود وأقول... ليس هناك من شيء أسهل من فتح اسم جديد في المنتدى... فلتفتح اسماً خفياً كل واحدة عندها رأي من شأنه أن يفصح عن صفة تحبها النساء، فوالله ليس بعيداً أن تسعد عائلات بأكملها حين يقرأ أحدهم ويطبق... وهنا أوجه الكلام إلى المتزوجين والمتزوجات.... كلكم يعلم أن هناك أموراً تحبونها في شريك حياتكم وحتى الآن لم تفصحوا عنها... إما بسبب الحياء أو بسبب آخر... فما المانع من ذكرها؟

إضافة إلى أن الشباب الغير متزوج، ذكوراً وإناثاً، يمكن أن يتعلم من خلال هذا الموضوع كيف يحترم شعور الآخر، كيف يسعى لإسعاد الآخر، كيف يبحث عن السبل التي تنعش حياته وتحليها.... والله لقد بقيت ست سنين بحياتي لم أحضر وردة لزوجتي... إلى أن أفصحت بذلك... وها أنا بدون حياء أقول أني في كل فترة أحضر لها وردة... إلا بعد أن سافرت.. لم أكن أتوقع أن الوردة تعيني الكثير لها.... كنت أحسب أن هذا أحلام أولاد صغار.. فإذا به أمر في غاية الأهمية....
وإليكم قصة مماثلة حدثت مع النبي صلى الله عليه وسلم... عن تقبيل الأولاد... لا أحفظ القصة على شكلها الحقيقي... ولكن كل ما في القصة أن أحد الصحابة تفاجأ حين تكلم النبي عليه الصلاة والسلام عن تقبيل الأهل لأطفالهم.. حتى قال: والله إن لي عدداً من الأولاد ما قبلت أحدهم قط...

ليس عيباً أن نجهل... ولكن العيب أن نبقى جاهلين بحجة العيب والحياء الفارغ... ما الذي منع زوجتي من ذكر أمر الوردة من زمن بعيد؟؟؟ أليس الحياء... ألم تكن تتمنى لو أني فطنت لذلك لوحدي؟؟ ألا تظنون أني لو أحضرت لها الوردة دون أن تطلب مني لكان لذلك وقع كبير جداً في نفسها؟ مع أنها طلبت مني، فقد سرت سروراً عظيماً.. فما بالكم لو كان ذلك من تلقاء نفسي؟؟؟

أرجو أن لا أكون قد أطلت كثيراً... ولكن أردت أن أوضح الفكرة، حتى لا يفهمها البعض على طريقتهم الخاصة.... فلتعلموا أننا لسنا زعران حين نتكلم بذلك.. ولسنا جعيديين يا فشلان... إنما نحن محترمون جداً وسنبقى محترمين إن شاء الله.... وإن شاء الله لا تزعل مني مرتي لأني ذكرت تلك القصة... ولكن أن أضحي بذلك ليفهم الناس المقصود لعل غيري يسعد بحياته...

آسف على الإطالة والسلام عليكم ورحمة الله وبركاته

[عمر ملاط]

وينك يا شامي ما في غيرك تدعمنا بهالمنتدى.... يا زلمة صرنا منبوذين.. وعلينا شبهات....

[العبد الفقير]

أنا أول شي ما كنت فاهم عليكم منيح ، بس حاليا أنا كلني معكم ، وبأييد 100% انو تنطرح هذه المواضيع بشكل علني وعلى المكشوف ، مع مراعاة الحدود . وبصراحة أنا بتشكر الشيخ عمر على هذه القصة التي ذكرها ، احنا لازملنا كتير هيك شغلات ، لأن الحامض اساتوا تحت لسانا ، والله يعينها المخلوقة بكرا ..... -اللهم إلا إذا الشباب اتداركونا من هلأ- .

يا شباب ، الموضوع كتير مهم ، يعني ما ملاحظين انو نسبة الطلاق عم تكتر بهل الإيام ، وكمان نسبة انو الخاطبين يبطلوا عن بعض ، طيب أنا بدي اسأل ليش هل الشي ؟ يا ترى لو كان الواحد فهمان عقل النسوان وكيف بفكروا كان اختلف مع مرتوا ، ويا ترى لو هية فهمانة عليه كمان كان صار هل الشي ؟؟؟
حاجتنا نهوبر بشعارات أخلاقية و....، ماني حاسس انو حدا هون عم يطالب بشي غير أخلاقي أبدا ، النقاط لازم تنحط على الحروف والشباب لازم يوعوا ، اذا ما كان التوعية عبر الملتزمين وموجهة ، ستكون عبر غيرهم وهالكة ، وهذا هو الحال اليوم ، وللأسف .

من جديد شكرا لك يا شيخ عمر على درس الوردة ، بانتظار درس جديد منك أو من غيرك .......

[أم سفيان]

شكرا للأخ عمر على مداخلته واسمحوا لي أن أعطي الدرس الثاني
باعتقادي أن أكثر شيئ يسعد المرأة هو استشعارها رضى زوجها عنها سواء من خلال نظراته لها أو كلامها معها أو ....بكلمة صغيرة يمكن للرجل أن يجعل زوجته أسعد الناس وبكلمة أخرى يستطيع أن يجعلها أتعس الناس
هاد باختصار وإن شاء الله البقية تأتي

[العبد الفقير]

الله يبارك فيكي يا أم سفيان ، كلام مختصر ومفيد ، ناطرين الدرس التناي

[فشلان]

ينصر دينك يا معلم نفيسة... قصدي يا شيخ عمر.....

أصيل فلا شيء يهزك في الورى ----- ولا محفل العذال يثني مكانتك
فأقدم فما تلك المكائد عائق ----- لعمري ولا شيء يلطخ سمعتك
وأنت أيا شامي دعماً ولا تخف ----- فإنك إن تفعل ستبدي شهامتك

[الشامي]

السلام عليكم .. كيفكم يا جماعة :)...

الله يبارك فيكم جميعا اللي مع واللي ضد ... بس إحنا مع انو نكفي بالموضوع ان شاء الله ... وما عنا خطوط حمراء إلا ما كان حراماً الخوض فيه من خصوصيات نهى الشرع عن الخوض فيها ...

من الأمور الحساسة جدا عند الرجل والتي يحبها أن تتوفر في شريكة حياته (أو شريكات حياته:cool: ) أن تكون الزوجة واعية لطريقة التعامل مع الزوج من جميع النواحي الحسية والشعورية والجنسية وأن تصل إلى مرحلة تقرأ أفكاره دون البوح بها.. فتعرف بعد فترة وجيزة من حياتها معه ما يُحب ويكره فتأتي ما يُحب عن حُب وتجتنب ما يكره عن رضى...

أضرب مثال ... يعني الرجل يُحب أن تشاركه زوجته إهتماماته إن في مجال عمله أو في مجال هواياته .. وأن لا يسمع منها تسخيفاً وتقليلا من قدر تفكيره بل على العكس أن تُشجعه إن رأت فيما يقوم فيه السعادة له والنفع لغيره...

أمر آخر ... من أشد ما يُزعج الزوج أن يحس أو يرى أن سعادته وطلباته ليست من أولويات زوجته.. فيكون هو في المرتبة الثانية أو الثالثة أو ...لأي سبب كان (الأولاد أو الطبخ والجلي أو التحدث مع الأهل أو أو أو... ) فالزوج يحب ويجب أن يكون قبل أم الزوجة وأبوها وأخواتها والأولاد وأي عمل قد يشغلها عنه.. يشعر أن زوجته تسعد بجلوسها معه أكثر من جلوسها مع أي شخص آخر وتُفضل ذلك في كل وقت وحين ولا تشبع من النظر إليه ومن تجاذب أطراف الحديث معه...

أمر آخر في العلاقة الجنسية... لا أدري من زرع في رؤوس النساء أن الحياء داخل وخارج البيت :) وأن الرجل لا يحب الشاعرية والمشاعر والكلام الجميل (فقط المرأة من تحب ذلك) ... وأنها إن تعرت من خجلها المذموم وتفننت في أساليب الحديث والغُنج والدلال والإمتاع سيُقال عنها جريئة وجعيدة ولها سوابق... يعني هل من المُفترض أن تتعرى الزوجة من الحياء المذموم مع زوجها وخصوصا في العلاقة الجنسية بعد فوات الأوان وعندما يُصبح الزوج لا (من تمو ولا من كمو)...

لا أدري يما نُفسر قوله صلى الله عليه وسلم (إذا نظر إليها سرته)... أظن النظر هنا يشتمل العين والأذن والأنف والإحساس والتجديد والتطوير في أساليب المعاشرة (فإن نظر إليها بعينه رأى ما يسره وأن نظر إليها بأذنه سمع ما يحرك مشاعره ويُطرب جوارحه وإن نظر إليها بقلبه رأى فيها الحنان الذي ينقصه والحب الذي طالما سعى للبحث عنه... وإن نظر إليها بجوارحه وشهوته رأى فيها المُكمل لكل ما سبق حتى تصل ويصل إلى نشوة يُؤجران عليها معا وتكون عونا لهما على المُضي في طريق الدين والدنيا)...

فما بالكم بحديث التنور إذا ؟؟؟ ولو كانت على التنور ... أشم فيه أموراً ومعان رائعة من تفضيل الزوج على أي أمر سواه والتفنن في المتعة في أي مكان وعلى أي هيأة كانت.. ولو كانت على التنوووووور... أرجو أن أهتدي أو يهتدي غيري لإستنتاجها...

قال رسول الله صلى الله عليه وسلم : إذا دعا الرجل زوجته لحاجته فلتأته وإن كانت على التنور. رواه النسائي والترمذي، وقال: حسن صحيح، وصححه ابن حبان. قال المباركفوري في تحفة الأحوذي بشرح جامع الترمذي عند قوله صلى الله عليه وسلم: وإن كانت على التنور. قال: وإن كانت تخبز على التنور مع أنه شغل شاغل لا يتفرغ منه إلى غيره إلا بعد انقضائه. انتهى.

أخوكم:rolleyes:

[عمر ملاط]

بسم الله الرحمن الرحيم...

دعوني أكمل في ما بدأته في المداخلة الماضية.... وإني أحب أن أبدي شيئاً مهماً جداً... ذكرته ولكني لم أتعمق به... ولكني رأيت أن أسهب فيه... فأقول وبالله التوفيق....

كثير من الناس وخاصة المتزوجين يحسب نفسه قد وصل إلى الكمال والتمام في علاقته الزوجية... خاصة إذا ما كان من المتزوجين القدامى.... أما بالنسبة لي فأرى أن هناك قاعدة معاكسة لها: وهي أن كلما زادت مدة الزواج بين شخصين كلما قلت معلوماتهما عن رغبة الآخر.... وإن ذلك ينتج تلقائياً بعد شعور الزوجة أو الزوج أنه أحاط بكل رغبات الشريك الآخر... فبعد أن يحس الشخص أنه وصل إلى مرتبة عالية في علاقته مع زوجته... سيتضاءل عنده البحث عن رغبات زوجته أو زوجاته على حد تعبير الشامي... وبالتالي سيخف عنده عنصر البحث عن إسعاد الآخر... لماذا؟ لأنه يعتقد أنه قد أسعد الآخر وتعرف على جميع رغباته... وهنا تبدأ المشكلة....

مخطئ من ظن أنه أسعد زوجته... يفوقه خطأ من اعتمد على رغباته ليعلم رغبات غيره... فأنت أيتها الزوجة... إن كنت تعتقدين أن شيئاً لا يعنيك.. فهذا لا يدل نهائياً أن هذا الشيء لا يعني زوجك... وهذا ما حصل معي في قضية الوردة.. فأنا بالنسبة لي، كنت أعتقد أن هذا أمر أتفه من التافه... ولكني الآن أعتقده من أهم الأمور...

لا ينبغي على الرجل ولا المرأة.. أن يعتبر رغباته هي رغبات زوجه أو زوجته... بل يجب أن يتحرى عنها بطريقته الخاصة... ليجعلها رغباته... أنت أيتها المرأة ستعتقدين أني غبية جداً إذا رقصت أمام زوجك... ولكن اعلمي أنه سيسر كثيراً إذا رآك تفعلين ذلك...

وهنا ندخل في الأمر الأهم... أكثر ما يضايق الرجل (وربما المرأة) أن يبوح برغباته لزوجته... إنه يحب أن تكتشف زوجته تلك الأشياء... إنه يحس بنقص حين يذكر علانية ما يحب... أكره ما يكره الرجل أن يقول لزوجته.. أحبك أن تفعلي هذا الشيء فيحدده تحديداً... فإن ذلك سيحد من سعادته إذا ما فعلت زوجته ذلك... وسيحقد ربما إذا تجاهلت طلبه أيضاً... فهو واقع بين نارين... بين أن لا يسر لأنه أبح بسره... وبين أن يتفاجأ بإهمال زوجته أو رفضها ربما....

وأنا أعطيكم الآن تجربتي الشخصية... فبعد أن سافرت... صار من الأسهل كثيراً أن أتحدث وزوجتي عن رغباتنا.. ربما لأننا لا نرى بعضنا... فباستخدام الكتابة يبدو ذلك أسهل بكثير منه على الهاتف.. وعلى الهاتف أسهل بكثير من الكلام مباشرة...

فإن كان ذلك أمراً وقعاً... فلماذا لا يكون هذا الموضوع بئراً للأسرار... يفضي كل طرف فيه للآخر عن رغباته الخاصة... وأنا أرى والله أعلم أن كل الرجال يحبون نفس الأشياء... وأن كل النساء تحب الأشياء نفسها... إلا ما ندر بنسبة ضئيلة جداً....

أنا اكتشفت أن هناك أشياء كثيرة لم أكن أحسب أن زوجتي تهتم بها بل تحبها حباً جماً... وأعتقد أني سأبقى كل حياتي أتعرف يوماً بعد يوم على رغبات زوجتي...

ربما سيهزأ البعض من قصة الوردة تلك... ولكنها غيرت مفاهيم كثيرة في حياتي.. علمتني أشياء كثيرة.. ونبهتني إلى أمور كثيرة.. فلقد شعرت أني أجهل زوجتي تمام الجهل.. مع أني تزوجتها منذ سبع سنين... وأعتقد أن كثيراً من المتزوجين يعيشون الحالة نفسها...

نحن نريد من النساء أن تشارك بهمة أكبر... حتى نتعلم رغباتكن... فإن زوجتي إن باحت مرةً بشيء، فإن ذلك يعني أن هناك آلافاً من الرغبات ما زالت تخفيها... أتمنى أن أتعرف إليها...

وأنا بدوري سأذكر ما أحب ويحب الرجال... لعل بعض النساء تصلح علاقتها مع زوجها بسبب كلامي هذا... فإن قلت أني أحب أن تكون زوجتي جريئة معي.. فليعلم جميع النساء أن جميع الرجال يحبون هذه الصفة في نسائهن... وربما لا تمتثل زوجتي لذلك.. ولكن لعل غيرها تمتثل لذلك فتسعد زوجها. والجميل بذلك أن زوجها سيعتقد أنها اكتشفت رغباته دون أن يبوح لها.. بينما تكون قد اكتسبت هذه المعلومة عن الرجال من خلال هذا الموضوع.. فهل ما زال من يقول بأن هذا الموضوع لا يجب أن يفتح؟؟؟؟..

أول ما تزوجت... كنت لا أحب أن تتزين زوجتي بما يسمى مكياج... لماذا؟ لأني وبسبب التزامي كان عندي عقدة من المتبرجات المتزينات في الشارع.. فكنت دون شعور أكره هذا التصرف... ولكن بعد فترة اكتشفت أني أحب ذلك... وأن جميع الرجال يحب ذلك... في البداية كنت أعنفها لأنها تشتري وتضيع مالها على هكذا أشياء... واليوم أنا بنفسي أشتري لها...

كنت أعتقد مخطئاً أنني لا أحب هذه الأشياء... فإذا بي كنت أعمى لا أرى... فإن كل تصرف تفعله المرأة من تزيين وحلي يزيد كثيراً من الألفة والسعادة... ربما ترى الواحدة أنه لا داعي للزينة وتراها أشياء عادية... ولكن لتعلم جميع النساء أن مفهومها خاطئ.. وإياك أختي المتزوجة أن تعتمدي على أن زوجك لم يطلب ذلك.. فأنا أعود وأقول: إن أكره ما يكره الرجل أن يبوح برغباته لزوجته.. فإن ذلك سيجعله يحس أن فقد مهابته أو لا أدري ماذا... ولكنه شعور غير جيد لدى الرجل حين يبوح برغبته... وإنه سيحس نفسه فوق الغيوم.. حين تكتشف زوجته رغباته من تلقاء نفسها..

أعلم أن ألف وأدور كثيراً حول هذا الموضوع... ولكن لأني أعلم أن الرجال يعانون من هذه المشكلة... كثيراً كثيراً كثيراً... فلتتنبه النساء لذلك... ولتسعى بطريقتها الخاصة لاكتشاف رغبات زوجها.. خاصة تلك التي يخفيها كثيراً.... فكلما أخفى الرجل رغبة كلما كان يحبها أكثر.....

وسامحونا على الإطالة...

وسلم ألف دياتك يا سيد فشلان.. لأنو شعرك كتير كتير كتير عجبني وكان بمكانو والله لا يعدمنا لسانك الأحمر الجميل.... ولا يعدم الفشلانة منو... ومع ضحكة كمان :D

[Warrior]

اخي وسيم
صحيح قولك...

شو قصدك عامله مركز لنفسها اخي اتريد منها ان تمشي مكشرة طول الطريق واذا الواحد حكي معها بتحمر وتخضر ومبتعرف شو بدها ترد ام تريد منها انت تصفعني الكف لاني حكيتها وقلت لها ماذا تدرسين ... لانو هي لا تقدر وانت مافيك :)
واذا هي تكلمت يجب ان تسحب الكلام من فمها سحب
الحياء في وقته بجنن والدلع كمان بياخد العقل ...
اخي وسيم انا مع الشيخ عمر بقوله وهو صحيح وانا بحب المكياخ كتير يعني الواحدة تتمكيج لزوجها وكما بحب العطر وparfume ,البخور مهيك يا شيخ عمر بدي اعرف مين عملك شيخ طول عمري بعرفك واحد ازعر يمكن مضيع بينك وبين واحد تاني :) بس على فكرة شوف هل العطر فهو رائع ESCADA ROCKIN' RIO
2007
http://images.qxlricardo.com/ImgUsers/5/505/50518/5051839/505183918.jpg

[عمر ملاط]

والله أنا برأيي المتواضع إنو خرجتو عن الموضوع... يعني إنتو صرتو بموضوع كيف الواحد بيختار شريكة حياتو.. أكثر مما كنتو عم تحكو بالعلاقة الزوجية.... إنتو صرتو تحكو بالحياء يلي برا.. ونحنا عم نحكي بالحياء يلي جوا...
إنتو حكيتو بالعمل الدعوي.. ونحنا عم نحكي بالعمل الجنسي والتوددي والدلع...

نحن نتكلم عن كل ما يدور في المستور.. وليس في العلن... لا أدري إن كنتم طبيعيين حين تريدون أن تكون الزوجة وقورة أمامكم.. وإذا ما ملست على خدها.. قرطتك عبسة... لأنها وقورة جداً... يا أخي المعاشرة الزوجية ليس فيها أي نوع من أنواع الوقار.. أتدري أن الله تعالى قال عن العلاقة الزوجية: الرفث. الرفث هو الخلاعة والمجون.. والدلع وقلة الحياء.. والغلاظة وثلاث نقط.. لأني لا أريد أن أذكرها الآن.. فقد حضرت لرد آخر... فترقبوه..
ولا أدري لماذا يا وسيم حورت الموضوع إلى المشاكل... دعنا من المشاكل الآن.. واجعل الموضوع في السعادة الزوجية... وحين نصل إلى تمام السعادة.. ننبه إلى المشاكل لكي لا نقع فيها... فلا داعي لذكر أهل العروس.. وأهل العريس... وكيفية التحريض وغيره الآن... لأننا لا بد أن نتطرأ له فيما بعد.. أرجو أن تكون فهمت قصدي..

أما عن قولك يا وسيم عن المكياج.. فهو يدخل في الموضوع.... وأنا لا أريد أن أشارعك بالأمر... بل سأنتظر حتى تتزوج... ثم نرى الفرق...

اعلم أن في أنواع المكياج.. أموراً ساحرة... تشدك شداً وتهزك هزاً وتسحرك سحراً وتنطنطك نطاً... سآل مجرب ولا تسأل حكيم... وأنا مع احترامي لك.. لا أقبل بشهادتك.. بل أنتظر شهادة من أحد المتزوجين.. يا أخي أصحى تفهمني غلط.. مش إنقاص بقدرك.. ولكن لأنك تتكلم نظرياً... وكما قيل: أهل مكة أدري بشعابها...

أما عن قول شيخ يا سيد المحارب... فأنا كما تقول لست شيخاً.. وإن لزقني هذا اللقب من زمان... ولكني كنت أتعلم شريعة وتعلمت ثلاث سنين.. ثم توقفت لقلة الموارد المائية.. مع حرف اللام بدل الهمزة.. بس مين قلك إنو أزعر وشيخ كلمتان متناقضتان.؟؟؟ شيخ وجاهل كلمتان متناقضتان.. أم تلك فلا... فهناك بعض الأماكن والأوقات.. يجب أن يكون فيها الإنسان أزعر.. وإلا فإن زوجته ستضجر منه..

ولكن شكراً على المشاركة.. وإلى الأمام

[عمر ملاط]

ما أن رأته داخلا عليها –وهي في أبهى زينتها- حتى أسرعت إليه وألقت نفسها بين ذراعيه وأخذت تقبله وتحضنه بكل ما أوتيت من حرارة الحب ولوعة الاشتياق وأخذت تقترب معه ببطء من السرير حتى ألقت بنفسها وإياه عليه ولم تتركه حتى قضى وطره منها و قضت وطرها منه !
لم يكن هذا مشهدا خليعا في أحد الأفلام الإباحية ولكنه وصف لما يمكن أن تفعله الزوجة الصالحة التقية النقية مع زوجها. وقبل أن تتعجلوا وتتهموني أنني قد أسأت التقدير وتعديت على حياء الزوجة المؤمنة فإنني أسوق لكم بداية مثالا من حياة إحدى نساء السلف لكي يطمئن القلب وتكملوا قراءة المقال ب(هدوء أعصاب).....
فقد روي أن امرأة كانت عند عائشة بنت طلحة[بنت أخت عائشة أم المؤمنين] وقد جاء زوجها فتنحيت فدخل وهي تسمع كلامهما فداعبها مدة ثم وقع عليها فشخرت ونخرت وأتت بعجائب من الرهز[2] وهي تسمع فلما خرج قالت لها : أنت في نفسك وشرفك وموضعك تفعلين هذا ؟ قالت : إنا نستهب لهذه الفحول بكل مانقدر عليه وكل مايحركها فما الذي أنكرتيه من ذلك ؟ قالت : أحب أن يكون ذلك ليلا , قالت : إنه يكون ذلك ليلا وأعظم منه ، ولكنه حين يراني تتحرك شهوته وتهيج فيمد يده إلي فأطاوعه فيكون ماترين.

يا عيب الشوم عليها.. كيف بتقول هالكلام.. وهالحديث وارد في الصحاح على فكرة.. قولكن ما بتستحي هادي... وبيقولو عنها جعيدية ما هيك؟؟؟

من أكثر الأمور التي يحبها الرجل في امرأته أن تدعوه هي إليها.. ولا تنتظر دائماً أن يدعوها.... فإنها إن فعلت ذلك.. شعر الرجل بأن زوجته تحبه بل تعشقه وتشتهيه... وذلك كفيل بأن يحرك شهوته ولو كان في الأسكيمو... ليس هناك أجمل من أن تتولى الزوجة القيادة في تلك الرحلة التي تستغرق وقتاً قصيراً... وأن تمسك هي بالدفة... وتسيطر على الوضع تماماً....

جميل أن يحس الرجل أنه هو الرجل.. ولكنه يحب أيضاً أن يرى زوجته عاجزة عن امتلاك نفسها أمامه.. فإنه سيراها بعين أخرى... وسيزيد حبه لها.. وشغفه بها... فما أجمل من أن يحس الرجل أن زوجته متعلقة به.. تنظر إليه نظرة الإغراء... مشغوفة به...

فما هذه المرأة التي لا تستحي.. يا عيب الشوم عليها بلا ترباية....

إن جرأة المرأة أمام زوجها عبادة تؤجر عليها أمام الله عز وجل... وهي بذلك تتمثل بالحور العين... فمن صفات الحور العين أنهن عرباً.. فما معنى كلمة عرباً يا ترى؟؟؟
العروب هي العاشقة لزوجها المشتهية للوقاع به.... تلك التي تسحره بنظرتها التي تثيره من خلالها... تلك المداعبة اللطيفة التي تجعله عاجزاً عن الالتفات إلى سواها... ذلك الغنج والدلع الذي سيجعله أسيراً في عالمها... يستحي من أن ينظره خارجه... فهو يحس أنه ملك الدنيا وما فيها...

إن اندفاع المرأة نحو زوجها له تأثير كبير في قلبه... فلا يجب على المرأة دائماً أن تنتظر دعوة الرجل... يجب أن تبتكر الأساليب المغرية.. يجب أن تسرح في عالم الخيال لتجد تلك الطرق والممرات الخفية التي توصلها إلى فؤاد زوجها... ذلك الفؤاد الذي ينبغي أن يكون مملكة لها... تتربع على عرشه... تتحكم به كما تريد...

أيتها النساء... كثير منكن يمنعها الحياء من ذلك... فهل كانت بنت أخت أم المؤمنين قليلة الحياء؟
أيتها النساء... أنا أعلم أن هذه الأشياء ستكون صعبة في البداية... لأنها غريبة بعض الشيء.. ولكن عليكم بالفشخة الأولى... ودعو المسبحة تكر...
كل حياء بين الرجل والمرأة جهل... وكل وقار بين الرجل والمرأة مذموم.. وكل هيبة بين الرجل والمرأة كلام فارغ... فاستبدلو الحياء بقلة الحياء... واستبدلو الوقار بالمجون واستبدلو الهيبة بالخلاعة... وبعدان رح تدعولي...

هذا الكلام مقتبس بتصرف من الموقع:
http://saaid.net/mktarat/alzawaj/197.htm

[محمد ابوعبدالله]

والله يا عمر كلامك درر
بس وين يللي يطبق
البنت تستحي مطرح ما لازم تستحي.
بس انا اسال هون وسؤالي طبعا من واحد مش متزوج
هل السعاده بين الزوج والزوجة تحققها المعاشره الجنسية فقط ؟

[nour]

عذراً على التأخر. كان جهازي مخرّف ومعطّل.
شكراً فشلان. واجبنا نعبر عن آراءنا مش بس حقنا.
خلوني فيدكم بالموضوع :
إخواني
بعتقد المشكلة بسيطة إذا عرفنا وين الخلل.
الخلل إنو بمجتمعاتنا الإسلامية_للأسف_ لا شفافية
يعني: الرجل لا يحاور زوجته ولا هما شريكان في شيء: هو له مشروعاته وهي عندها إلتزاماتها. كل واحد بعالم. وبعدين يطلب منها أن تبوح وتتكلّم بأمور العلاقة، طيب كيف تكلّم إنساناً غريباً عنها؟.
وهذه الأزمة تبدأ منذ أول يوم من الزواج. الرجل لا يتفهّم أنه غريب على زوجته وليس يشاهد التلفاز، ولا يفهم أن عليه بذل جهد والصبر ليزيل جدار الحياء والخوف كذلك، بالمشاركة والحوار.
كلمها عن همومك ومشاغلك واستشرها.
ساعدها في أعمال المنزل وتربية الأولاد.
أدعها إلى غداء في مطعم أو مشوار بالسيارة.
وفي شغلة كتير مهمة: الرجل مش لازم يفكر ياخد وبس .لازم يعطي. وإذاً لازم يتفهم إنو مرتو مجهدة وتعبانة من شقاء النهار . (جرّبوا قعدوا مع الأولاد ساعة واحدة) . بيقدر يزيل هالتعب بكلمات تشعرها بأنه مقدّر تعبها. وشاكر جهدها. بأن يخفف من انتقادها. ويعلمها كم هي عنده مهمة.
جربوا هالوصفة وأؤكد لكم ما رح تحتاجوا دروس.
يا إخوان هيدي مسائل فطرية. كلها فطرية بدون شك.
وكمان كل واحد عندو طريقتو بالفرح والتعبير عنو. مش ضروري نقرأ ونطبّق. الضروري نكون واحد:أنت وزوجتك شريكان حقيقيان. أنت وزوجتك واحد لا اثنان.
هل تستطيع؟

[عمر ملاط]

شكرا للأخ عمر على مداخلته واسمحوا لي أن أعطي الدرس الثاني
باعتقادي أن أكثر شيئ يسعد المرأة هو استشعارها رضى زوجها عنها سواء من خلال نظراته لها أو كلامها معها أو ....بكلمة صغيرة يمكن للرجل أن يجعل زوجته أسعد الناس وبكلمة أخرى يستطيع أن يجعلها أتعس الناس
هاد باختصار وإن شاء الله البقية تأتي

ثم كلام المشرفة نور:
وفي شغلة كتير مهمة: الرجل مش لازم يفكر ياخد وبس .لازم يعطي. وإذاً لازم يتفهم إنو مرتو مجهدة وتعبانة من شقاء النهار . (جرّبوا قعدوا مع الأولاد ساعة واحدة) . بيقدر يزيل هالتعب بكلمات تشعرها بأنه مقدّر تعبها. وشاكر جهدها. بأن يخفف من انتقادها. ويعلمها كم هي عنده مهمة.
جربوا هالوصفة وأؤكد لكم ما رح تحتاجوا دروس.

فها هن الأخوات يشاركن في التعبير... والملاحظ أنهن يتفقن على شيء واحد.. فقد كتبوا الفكرة نفسها بطريقتين مختلفتين......
فالمرأة (وكذلك الرجل) يمكن أن تقلبها فوقاني تحتاني بكلمة صغيرة... لا أريد أن أقول بيضحك عليها بكلمة... بل يجب أن تكون الكلمة صادقة من قلبه... وإن كان إذا ضحك عليها بيمشي الحال... بس رح ينبسطو أكتر لو كان بالفعل حاسس فيها.. مش مجرد كلام....

يالله نحنا ناطرين الفكرة التانية... ويا ريت تشوف كل واحدة شو كتب غيرها منشان ما نضل بنفس الفكرة... يعني ما بدنا بكرة نادين تجي تكتب نفس الشغلة... مع احترامي للكل..

وإن شاء الله سوف نحاول نحن معشر الرجال، المتزوجين والمقدمين على الزواج.. إضافة إلى عكريشات النص من أمثالي وأمثال الشامي.. سوف نحاول جاهدين.. أن نلتزم بهذه الفكرة.. وإن كنت قد فطنت لها شخصياً.. منذ فترة...

كما ونطلب من المتزوجات والمقدمات على الزواج، إضافة إلى عكريشات النص أيضاً، نطلب منهن أن يحاولن تطبيق ما كتبناه عن رغبات الرجال... كالجرأة.. وتصدر الدعوة... وصدقوني هذه الأمور ستزيد من ولع الرجل بالمرأة...

بارك الله بكن.. وأكملن المسير في هذه الأمور.. لعلنا نتعلم المزيد عن معشر النساء... مما يكون سبباً في السعادة الزوجية لكل مسلم.. والله الموفق لكل خير..

[عمر ملاط]

السلام عليكم...

ما بعرف ليش الأخوات كتير بطيئات بهالموضوع... هل حاسين إنو عم نشد اللحاف صوبنا؟ عم نحاول نحكي بكل تجرد... عم نحكي عن الرجال.. حتى تحكو إنتو عن النساء.. وتكمل الصورة...

على كل حال.. حبيت احكي عن أمر مشترك بين الرجل والمرأة... وكثيراً ما يسبب ما يسمى بالحرد....
يأتي الرجل مثلاً من عمله.. وهو قد فكر في شغلة أنه يا ريت بس يوصل على البيت تكون مرتو مجهزة حالها لشيء ما... ما ضروري منشان علاقة غرامية... وإن كان ذلك في الغالب...
ويصل الرجل إلى البيت... فيجد المرأة لم تهتم لتفكيره.... ولاحظوا أنه تفكيره... وليس طلبه.. وهذا يعني أن المرأة لم تعرف بعد ما يريد الرجل.. ولم يخطر على بالها ذلك..
فإذا به قالب سحنته القلبة العجيبة... وزعلان منها.. لأنها ما احترمت مشاعرو وتجاهلتو كتير... تأتي المسكينة.. وتسأل شو باك يا حبيبي... فينظر إليها تلك النظرة.. فتفهم المخلوقة أنه لو تسكت يكون أفضل... بينما هو يكون يريد أن يظهر أنه زعلان ويريد منها مراضاته.. وفي الوقت نفسه تفهم هي أنه لو تسكت يكون أفضل... فيزيد غضبه.. ويحصل النفور....

كل ذلك ناتج عن أن المعلم خطر على بالو شغلة.... وزعل من مرتو لأنو ما خطرت على بالها... وعمل قصة طويلة عريضة من لا شيء... ما كان في أسهل منها يقول يا مرتي اليوم جاية على بالي كذا... وبعدان إذا تجاهلتو حقو يزعل ويعصب ويضربها كمان.. أصحى حدا يصدق...

بس هون نحنا منرجع للمبدأ الأول الذي حبه الرجل.. وهو أنه لا يحب أن يفصح مباشرة بما يحب... بل يحب أن تكتشف زوجته ذلك اكتشافاً فتتصرف من تلقاء نفسها...

وهنا تكمن المشكلة.. كيف للمرأة أن يخطر على بالها ما خطر في بال زوجها؟؟؟ ألا يجب على الرجل أن يتنازل عن كبريائه في بعض الأحيان فيفصح عن ما يريد، فيتجنب بذلك مشكلة لا داعي لها...

واعلموا أن هذا الشيء ليس من جهة واحدة... بل كثيراً ما تفكر المرأة أن زوجها سوف يفعل ذلك الشيء الذي خطر ببالها.. ثم تقيم الدنيا ولا تقعدها لأنه لم يفعل ما فكرت به....

أرجو منكم جميعاً إبداء الرأي في هذه المشكلة التي تكاد لا تترك بيتاً إلا ودخلته من بابه العريض.... ونحن بانتظار مشاركاتكم

[فشلان]

على مهلك علينا يا شيخ عمر... يا زلمة وين عم تروح وتتركنا... كلو عن المتزوجين... انظرولنا بعين الرحمة.... يا بخلا.....
ولك دوووووووووووووووووووووووووووع

[Nadine]

كيف تصبحين زوجة ناجحة ؟!



لاشك أن كل زوجة تنشد السعادة في حياتها الزوجية وتسعى لتحقيق ذلك بشتى الطرق والأساليب، فإذا أردت تحقيق ذلك فما عليك سوى الاستفادة من النصائح التالية:

1- استقبلي زوجك المتعب العائد من عمله بطلاقة وجه و تعابير حسنة ويا حبذا لو أضفت إلى ذلك مظهراً محبب لدى زوجك.

2- الاهتمام بتحضير طعام الغداء ليكون جاهزاً فور حضور الزوج من عمله بحيث لا يجد نفسه مضطراً للانتظار الذي يشعره بالضجر والتبرم.

3- لا تبالغي في شكواك من الأوجاع والآلام والأعراض شرحاً مفصلاً.. إلا في حالة الضرورة.

4- لا تكثري من زيارة الأهل والصديقات والجيران ولإقامة السهرات العائلية، فليس من واجب الزوج تحمل كل هذا ومن حقه أن ينعم بحياة عائلية هادئة ومتزنة.

5- لا تعتبري أصدقاء زوجك وأهله وأقاربه ضيوفاً ثقلاء، فلا تتنصلي من استقبالهم والقيام بواجب الخدمة تجاههم، ولا تجعلي زوجك يشعر بتبرمك من ضيوفه.

6- لا تتحدثي عن مشاكلك الزوجية مع جاراتك وصديقاتك والأماكن العامة و احذري من إفشاء مكنونات الحياة الزوجية وما فيها من خصوصيات مختلفة سواء كانت سلبية أو إيجابية.

7- لا تحاولي الإيحاء لزوجك بأنه مجموعة من النقائص والعيوب وقلة الإحساس بالمسئولية وعدم تقدير الحياة الزوجية، بل حاولي دفع زوجك نحو المزيد من الشعور بالمسئولية بالثناء على جهوده وحثه على الاستمرار من عطائه ليشعر بأن جهوده مقدرة وأن موقعه محترم.

8- لا تعتبري أن مطالبك المادية غير قابلة للتأجيل والنقاش، بل عليك أن تتحيني الفرصة المناسبة لطلب ما تحتاجينه من مصاريفك الخاصة.

9- احذري من التمسك بآرائك واقتراحاتك واعتبارها هي الأفكار الصحيحة والآراء السديدة التي يجب الأخذ بها دون إعارة الاهتمام لرأي الزوج أو اقتراحاته ومحاولة التقليل من شأنها، واجعلي التفاهم المتبادل والنقاش الودي هو سيد الموقف، لتخرجا بالرأي السديد المناسب بما يحقق الخير لكما في حياتكما المشتركة.

اتبعي الإرشادات السابقة وأضيفي عليها ما ترينه مناسباً في هذا المجال وثقي بأنك ستحققين نجاحاً باهراً في حياتك الزوجية وربما تكونين مضرب مثل.

[Nadine]

ماهي الصفات التي تفضلها المرأة في الرجل
1-التـــــــــديـــــــــــــن :
ان النساء يفضلن الرجل المتدين بلا غلو وحسب بيئتهن ، والرجل الذي فيه دين سوف يكون بإذن الله اميناً عام على اولادها وهو إن احبها اكرمها ، وإن لم يحبها لم يظلمها ، فالدين يحجز عن الظلم ، كما انه يحمي من الوقوع في الموبقات ، التى تكرهها المرأة في زوجها ويكرههها كل عاقل، والتى تؤدي الى ذهاب الرجولة وهلاك الاسرة كإدمان المخدرات وشرب الخمر والفجور والفساد ، فإن الدين يعصم من ذلك كله بإذن الله ،وفوق هذا يمنح القوة والامانة ، وهما صفتان رائعتان في إنجاز كل امر بما في ذلك الزواج ، واّا راجعنا قصة بنت النبي شعيب مع موسى عليهما السلام كما وردت في القرآن نجد انها احبت فيه القوة والامانة ودعت اباها لتشغيلة بسببها ثم تزوجها : ( قالت إحداهما يا أبت استأجره إن خير من استأجرت القوي الامين ، )
2-الشخصية القويه :
المرأة تحب الشخصية القوية في زوجها لانها بذلك تعرف انها تستطيع الاعتماد عليه بعد الله ، وأنه اهل للمسئولية ، فالزواج حياة كاملة بحلوها ومرها ولياليها البيض والسود وبمفاجأتها ومصائبها ومسئوليات الاولاد وكل هذا يحتاج الى الشخصية القوية المتزنة القادرة على تحمل المسئولية ، فوق هذا فان المرأة بطبيعتها الانثوية تخب ما يقابلها وهو الطبيعة الرجولية التي فيها قوة وبعض الخشونة، على ان يكون قوياً لها ورقيقاً معها وقوياً عليها اذا استسلمت لهواها وضعف نفسها ، فإن المرأة تهفو للرجل الذي يقومها عن حب لها وإغلاء واعزاز واعتراف بقيمتها عنده .......... وقوة الشخصية التى تحبها المرأة في الرجل ليست هي ( الجلافة ) ولا السيطره الدكتا توريه ولكنها الشخصيه الرجوليه المتكامله القادرة على مواجهة التحديات وشق طريق المستقبل وفرض الحق ، في نفس الوقت الشخصية القادرة على الحب والرقه والحنان والعطف في مواضعها ، فهذه الصفات ليست ( نسائيه ) ابداً كما يخيل لبعض الاجلاف ضعاف العقول ، ولكنها صفات( انسانية ) راقيه ، ومن لم يتصف بها في مواضعها فإن شخصيته ناقصه ووجدانه مشوة طالما كان يجبن عن منح الحب والعطف والرقة في مواضعها ، ولنا في رسول الله اسوة حسنة ( صلى الله علية وسلم ) فقد كان نموذجاً للشخصية المتكاملة ، فهو القوى في الحق ، وهو يحب ويرحم ويعطف ويقبل الاطفال ويدلل زوجتة ويداعبها وكان يقول : ( خيركم خيركم لاهلة وانا خيركم لأهلي ) ، فشخصية الرجل القويه هي التي تحبها المرأة وتحترمها في نفس الوقت،
اما شخصية الرجل القويه التي تخافة ولا تحبة في شخصية تدل على وجدان مشوه وعقل مختل .

3-الخبرة بطبيعة المرأة :
العمود الذي يقوم عليه الزواج السعيد ، ولكنها ايضاً الخبرة العميقة بطبيعة المرأة والتي تجعل زوجها في أفعالة وردود أفعالة ينطلق دائماً وبشكل تلقائي الى ما يسعدها ويشعرها بأنها محبوبته ، من كلمات الحب الصادقة الصادرة من القلب، ومن كلمات الثناء والاعجاب بما تفعلةمن أمر حسن وما تتعب فيه من أطباق ، والاحساس بما تلبس وتوجية الملاحظات الصائبه وبكلمة واحدة الاهتمام بالمرأة بحيث تشعر أمرأتة ان لها في حياتة منزلة خاصة فهذا الاهتمام وهذه المنزلة يجعلان المرأة تحس بأنها امرأة مميزة وأمرأة محبوبة وأمرأة مرغوبة ، وهذا يروي ظمأ روحها ويدفيء مشاعرها ويجعلها تحس بقيمتها ، فلا شيء يقتل المرأة قتلاً كلاهمال ،
كذلك المرأة تحب الرجل الخبير بطبيعتها لأنه يفهمها ولا يجبرها على كسر طبيعتها فهو يعلم ان المرأة عاطفية فلا يكسر عاطفتها بالمنطق ويرغمها بالخضوع للمنطق بل يأتيها من جانب عاطفتها ويقبل في كثير من الاحيان تناقضها وعواجتها لانها جزء من طبيعتها لا حيلة لها فيه ، قال رسول الله صلى الله عله وسلم (استوصوا بالنساء فإن المرأة خلقت من ضلع اعوج، وإن اعوج مافي الضلع اعلاه ، فإن ذهبت تقيمة كسرته ،وإن تركته لم يزل أعوج فاستوصوا بالنساء )

4-الكــــــرم :
المرأة تحب الرجل الكريم وتمقت الرجل البخيل ، فالكريم بكرمة معها يدل على حبه لها وهذا صحيح وهام ،كذلك فهو بكرمه يمكنها من التمتع بنعم الحياة من مجوهرات وازياء ومستوي اجتماعي راقي، اما البخيل فهو يبخل على اهله وزوجتة وابنائه.

5-الشجــــــــــاعة :
المرأة تحب الرجل الشجاع وتكره الرجل الجبان ، لان في الشجاعة معني القوة والحماية والاعتماد ، وإذا كان الرجل شجاعاً والمرأة خوافة فقد وافق شن طبقة .

6-النظافة والأناقة:
أناقة الرجل تسحر المرأة وتجعلها تحترمة وتحس انه ذوق وراق ٍ وبعكس ذلك البهدلة وقلة النظافة ،فالنظافة من الايمان والله جميل يحب الجمال .

7-الرزين الثقيل:
المرأة تحب الرجل الرزين الثقة الكتوم (إلا عنها ) الثقيل ( إلا معها ) .

8-الجاه والشهرة :
المرأة تحب الرجل ذو الجاه والمجد والشهرة فهذه صفات تزيد شخصيته جمالاً وعمقاً ونفوذاً في نفسها وتجعلها تفخر به امام بنات جنسها .

9-الشبـــــــاب :
ومن ذا لايحب الشباب وكما ان الرجل يكره المرأة العجوز فإنها لا ترحب بالشايب.مع أننا نجد بعض الشابات يحببن الكهول إما لان الفتاة تجد فيه اباها او لجاهه او لماله .

10-المرح والبشاشة :
لا أحد يطيق العبوس والتكشير وتقطيب الوجه بشكل دائم ، والكل يعشق الابتسام والمرح وبشاشة الوجه والاقبال على الحياة ،والمرأة تحب الرجل المبتسم في وجههها بشكل خاص لأنه بهذا الابتسام يشعرها بالقبول والرضا والسرور بمحضرها وهذا يرضيها ويسرها ويشعرها أنها محبوبة والمرأة تعشق الصفات في الرجل التي تشعرها بأنها محبوبة مثل ابتسامة في وجهها واكتشافة لصفات جيدة في شخصيتها وحديثة الجميل عنها وهي غائبة وشوقه لها وخوفه عليها ونحو هذا من الصفات التى تدلل على حبه لها , فإنها تحب هذه الصفات جداً ولو لم تكن تحبه هو ثم لا تلبث ان تحبه .......

11-غيرتـــــه عليــــــهــــــا :
المرأة تكره الرجل الشكاك ، ويطعنها في قلبها من يشك في شرفها وهي بريئة ، ولكنها تحب الرجل الذي يغار عليها لأنها تدرك بفطرتها أن الغيرة دليل الحب والإعزاز والاهتمام ، ولكن على ان لاتزيد الغيرة عن الحدود وألا تتحول الى رعب وقيد يقيدها .

12-أن يحبهــــــــا لذاتــــــها :
إن المرأة مهما كانت غبية أو قليلة التعليم والثقافة لها في الحب حاسة سادسة تميز بها بشكل صحيح بالغالب بين من يحبها لمالها او راتبها او جاه اهلها أو نحو ذلك وكل إمرأة امنيتها في الحياة ان يحبها الرجل لذاتها ، وهذا شيء جوهري عندها جداً فالرجل إذا احب المرأة تمنى أنها تحبة ولكنه يسعد بها لأنه يحبها حتى لو لم تحبه ، أما المرأة فإنها تتعذب مع الرجل الذي تحبه ولا يحبها ولكنها تسعد مع الرجل الذي يحبها لذاتها ولو كانت لا تحبه بشرط ....ألا تكرهه.....وفي الغالب ان حبه الصادق لها يشفع له عندها فتحبه ..

13-الـوفـــــــــــــــــــــــــــاء :
إنه من أهم وأشرف الخصال التي تحبها المرأة في الرجل لتحس أنها تحيا حياة انسانية بكل معنى الكلمة .......

تحياتي لكم( اتمنى من المشاركين والمشاركات التعليق الجيد و المفيد لهذاالموضوع )

[فشلان]

والله قصتك قصة يا أخت نادين.. طلع لكي لسان، وأنا كنت زعلان على زوجك، قلت حرام مرتو ما بتحكي...
طيب يا ست نادين نحنا رح ندبح بعضنا بحقوق الرجال وفايتين الفوتة اللئيمة بالحقوق.. الرجال والنساء... صحيح إنو الموضوع اسمو حقوق الرجال.. بس المحتويات تغيرت.. وصات الحقوق المشتركة..
كان لازم تحطي هادي المشاركة بحقوق الرجال.. لأنو يا حرام الشامي وعمر ملاط رح ينبحو أد ما حكيو عن كيف بحب الرجال مرتو.. وإذا بك إنت هون عم تغني خارج السرب... والله قصتك قصة إنت... ليش ما حطيتي المشاركة هونيك ما كان أحسن...؟؟؟؟؟

الله يسامحك... ولا خفتي ما يقولو عنك بلا حيا... يا أخت نادين اتأكدي إنو كل واحد بيفهم شوية مش رح يقول بلا حيا.. وكل واحد بلا حيا رح يقول عنك بلا حيا... وقولة الشاعر:
وإذا أتتك مذمتي من ناقص---- فهي الشهادة لي بأني كامل

وبعدان لحنك حكيتي وحكيك مثل الدهب نضيف وما عليه غبار أبداً... وما هيك وبس وبالألوان كمان.....

يا أخت نادين.. أنا ما بدي الشباب يحكو شو بحبو بالبنات.. لأني أنا شب وبعرف.... إنتو لازم تسمعو هالحكي.. أما نحنا الشباب فناطرين البنات يقولو شو بحبو بالشب.. منشان نحنا نطبق... فلا تبخلو علينا بهيك آراء....

والله أكبر ولله الحمد.. وقولة ما واحدة دائما بتقول: الله يبارك فيكي...

[Nadine]

wallah ya akh feshlen ,,ana 7etayt hal mawdou3 khsousi minchen illi sar bi mawdou3 7oukouk al rijel,,,bass l2ayt ino il mawdou3 sor kbir w metcha3eb ktir ,,olet befte7 mawdou3 jdid,,bass houwah met3alle2 bi 7oukouk il rijel ,,wala yhemek ya akh feshlen.... w ahla w sahla fik ,,,

[Nadine]

في الحب :

بعد 6 أسابيع : أحبك .. أحبك.. أحبك
بعد 6 أشهر : طبعا أحبك
بعد 6 سنوات : يااالله .. لو ما كنت أحبك ما تزوجتك



أول ما يدخل البيت :

بعد 6 أسابيع : حبيبتي .. أنا وصلت
بعد 6 أشهر : سلاااام .
بعد 6 سنوات : وش طبختِ لنا اليوم ؟



الهدايا :

بعد 6 أسابيع : حياتي،، اتمنى يكون الخاتم عجبك
بعد 6 أشهر : اشتريت لك لوحة .. لايقة عديكور المجلس ..
بعد 6 سنوات : خذي هالفلوس.. واشتري لك هدية


يرن التلفون :

بعد 6 أسابيع : يا روحي .. مكالمة لك
بعد 6 أشهر : كول .. لك
بعد 6 سنوات : يزاعق تلفوووووووووووووووون



الطبخ :

بعد 6 أسابيع : ما ذقت في حياتي ألذ من طبختك
بعد 6 أشهر : وش بناكل اليوم عالعشا ؟
بعد 6 سنوات : اففففففف.. مره ثانيه نفس الاكله؟؟



في الإعتذار :

بعد 6 أسابيع : أوه عمري.. لا تخافي .. هذا ما بياثر على حبي و قلبي
بعد 6 أشهر : إنتبهي لا تعيدينها مره ثانيه
بعد 6 سنوات : صحيح أنكِ غبيه ما تفهمين



شراء فستان جديد :

بعد 6 أسابيع : وااااااااو .. هالفستان بعقد عليك كانك ملاك
بعد 6 أشهر : أيش!! مره ثانيه اشتريتي فستان جديد ؟؟؟
بعد 6 سنوات : كم طلعت قيمة هالفستان ؟؟؟؟



مخطط رحله :

بعد 6 أسابيع : وش رايك نسافر فيينا هالصيف أو أي مكان تختارينه
بعد 6 أشهر : وش فيها لو سافرنا تركيا ترانزيت؟
بعد 6 سنوات : رحلة !!! وش مو عاجبك البيت؟؟؟



على التلفزيون :

بعد 6 أسابيع : وش من قناة تحبين نطالعها ونسهر عليها؟
بعد 6 أشهر : أنا أحب هالفيلم
بعد 6 سنوات : اذا ما عاجبك روحي نامي وبسهر لحالي

[واحد]

السلام عليكم ورحمة الله وبركاته،
ألا إن أفضل الكلام كلام الله وخير الهدي هدي محمد صلى الله عليه وسلم.

أولاً أود أن أشكر جميع الأعضاء والمشرفين والقيمين على هذا الموقع وأرجو الله أن يوفقنا جميعاً لما فيه خير الدنيا والآخرة.

لقد اخترت اسماً وهمياً في هذه المرحلة وإن شاء الله سوف أغيره إلى الاسم الحقيقي لاحقاً فأرجو المعذرة.

بعد أن قرأت المشاركات السابقة في هذا الموضوع أحببت أن أشارككم النقاش لعل الله أن ينفعنا جميعاً ويهدينا لما فيه الصلاح في الدنيا والآخرة.

بعد أن استقر النقاش حول العلاقة الزوجية، أقول وبالله التوفيق،
1. تعقيباً على كلام الأخت أم سفيان يتاريخ: 10-04-2007, 11:46 Pm
حول مسألة المهر (تقول: فكله مكتوب على الورق). في الحقيقة ومن الناحية الفقهية ليس هو مجرد حبر على ورق كما قد يظن البعض. بالإضافة إلى كونه يبقى ديناً في ذمة الرجل حتى بعد وفاته لا بد وأن نعلم أن لها المطالبة به متى شاءت وإن كان المكتوب في العقد أنه مؤجل أو غير ذلك. ولها الامتناع عن المعاشرة حتى قبضه. ويمكن الرجوع إلى أهل العلم والتأكد من ذلك.

2. قول الأخت Nour بتاريخ: 24-04-2007, 11:19 Pm (مرأة العاملة واجبها النفقة لما حصلت على حق الخروج للعمل. وهذه فتوى يكاد يتفق عليها كل علماء المسلمين اليوم). هل من مصادر تؤيد هذا الكلام فهو حتى الآن غير مقبول عندي وكل ما تكسبه المرأة لها دون غيرها إلا إذا أذنت.

3. تأكيداً لما ذكرت الأخت نور أيضاً وبتاريخ: 25-04-2007, 11:47 Pm حول قضية التثقيف الجنسي والخطوط الحمر، أتمنى من جميع الإخوة الاقتداء بخير البرية الذي أثنى عليه ربنا جل وعلا بقوله "وإنك لعلى خلق عظيم". فأرجو التنبه إلى ضرورة حسن اختيار الكلمات والإشارات

4. تعقيباً على ما ذكرت الأخت أم سفيان بتاريخ: 27-04-2007, 03:41 Am
(أن أكثر شيئ يسعد المرأة هو استشعارها رضى زوجها عنها). في الواقع هذه هي القضية الأهم ومنها تتشعب أمور بغاية الأهمية وأشير إلى ما يخطر لي في هذه العجالة دون إطالة ولكم أن تتفننوا بالزيادة: من الضروري أن يسعى الرجل إلى جعل زوجته تحس أن لها شخصيتها ورأيها وكيانها. ثم لا بد من شكرها والعرفان بجميلها من تدبيرها لأمور بيتها وأن يتحلى بالصبر على ما ساءه من خلقها وليذكر قول المصطفى"خيركم خيركم لأهله وأنا خيركم لأهلي" وعنه أيضاً "خياركم خياركم لنسائهم". ومن الجميل تجديد المحبة والمودة من وقت لآخر وليس بالوردة فقط (يا شيخ عمر) فهنا لا بد من التفنن والتجديد والتنوع: مرة وردة، مرة شي غير (فستان، ذهب، كندرة..)، مرة مشوار، مرة عشاء، مرة تسوق معاً، مرة مرة مرة....
يعني الكلام يطول وفي ما أشرت الكفاية لألي الألباب إن شاء الله ويلي لسا عندو يزيد.

قبل ما يزعلو الرجال: لازم دائماً الاقتصاد وحسن التدبير وإختيار الأوقات المناسبة ولا بد أن تقدر هي كل ذلك ولا تكثر عليه في الطلب بل تترك له فرصة اختيار ذلك دون طلبها ولتصبر إذا تأخر عليها ولتعذره لمشاغله ومشاكله وغير ذلك مما ليس لها اطلاع عليه. فهو المدبر وهو أعلم بما يقدر عليه وما يخطط له وإن لم يطلعها عليه ولا أحب تدخلها فيما لم يشأ أن يطلعها عليه. وله عليها طاعته فيما لا معصية فيه وقد أشار الإخوة الرجال إلى بعض من ذلك.

أظنني سأتوقف هنا الآن فقد أكثرت وللكلام بقية وأترك المجال للإخوة والأخوات.
وأرجو المعذرة إن أخطأت وأستغفر الله لي ولكم.
والسلام،

[فشلان]

نسيت يا أخي أقم الصلاة... ولا ما كان الجمعة؟؟؟

لا تزعل مني.. بس باينتك رجل محترم.. أو شيخ.. خلونا ندور مين المشايخ بالضيعة... لا يقوم أنا وإنت يا شيخ عمر توحدنا فصرنا واحد.. وهو الواحد أنا.. ولا إنت ولا واحد؟؟؟؟ الله أعلم...

إنت عرفت شو عملت شيخي واحد؟ هلأ قلبت الدنيا فوقاني تحتاني.. ما بقى حدا مهتم بالمنتدى بالمواضيع.. كلو مهتم بمين فشلان.. مين واحد.. مين الناقد.. من نجحان.. مين أبو عنتر.. مين الريس.. وخود على مخابرات وهيك.....

بس على كل حال... بالفعل كان كلامك جميل... بس يا ريت تغمق أكتر.. يعني ما حدا بيعرف إنو لازم يعامل مرتو منيح.. ولازم المرأة ترد على زوجها.. بس حابين نحنا نعرف كيف.. منشان هيك.. قلنا منسمع رأي المتزوجين... بأمثلة... يعني شغلات دائماً بتصير....

بس بارك الله فيك قولة نادين... والله يجزيك الخير.. ولا تبقى تطول علينا... وسمحلي إني مزحت معك.. لأنو ما بعرف ليش حسيت إنك محترم.... ما بعرف....

أما إنت يا أخت نادين فما حزرتي منوب.... شو جاية عم تستلمي الرجال الهيأة؟؟؟ لحو الشيخ عمر.. بعد ست سنين عطيها وردة لمرتو... بس خلينا نعرف إنتو البنات شو بتعملو بعد هالست السنين... أنا بعرف حديث ما متذكرو كالعادة.. في عن المرأة: يكفرن العشير... هادى عن المرأة مش عن الرجال... بس يالله مقبولة منك....

لا تواخذوني لأنو مشاركاتي عم تكون بس انتقاد.... يعني أنا الناقد.... بس ما أنا الناقد... بس لأني يا حسرة ما بعرف بهالأمور.. وبعدان أنا يلي طلبت ينحكى فيها... منشان نتثقف...


ولك دوووووووووووووووووووووووع

[الزاهر]

ليش بس الرجال هيك.....ما تشوفي شو بتؤول البنت.....

يعني بس إنو بيحئلكم تتهجمو علينا؟!......هه!.....إجا مين يتهجم عليكن ها!!!!!.....



في الحب :




بعد 6 أسابيع : حياتي ....روحي .....ألبي
بعد 6 أشهر : حبيبي.....وهي تتثائب!!
بعد 6 سنوات : ولك شو باك.....روح خوتها على غيري....مفكر حالك شب يعني؟!



أول ما تدخل البيت :

بعد 6 أسابيع : عيني ....أنا جيت....
بعد 6 أشهر : ولالالالالالالا......تعا حطلي "البوتين" بالخزانة.....
بعد 6 سنوات : إذا المرة الجاية ما بوصل والباب مفتوح.....ما تلوم إلى نفسك ها....


الهدايا :

بعد 6 أسابيع : حياتي،، اتمنى تكون البوسة عجبتك
بعد 6 أشهر : شو عجبتك أكلة اليوم...
بعد 6 سنوات : روح عالكازينو ....ما فاضيتلك هلأ....عندي شي أهم!!!


يرن التلفون :

بعد 6 أسابيع : حبيبي.....مكالمة!!
بعد 6 أشهر : تعا رد ولا!!!.....
بعد 6 سنوات : روح نألع شوف مين!!!!!!..........



الطبخ :

بعد 6 أسابيع : شو حبيبي..عجبك طبخي....
بعد 6 أشهر : ليش ما تجرب إنت تطبخلنا بكرة..............
بعد 6 سنوات : روح نألع كول عند أمك.....



في الإعتذار :

بعد 6 أسابيع : حياتي.....ما تزعل مني.......أنا ما كان أصدي......
بعد 6 أشهر : المرة الجاية اعتبرها إعلان حرب.......
بعد 6 سنوات : يا نوري......اعتبر الله ما خلئك.......دري !!!! دف!!!!! وعلى أتل.....



شراء ملابس جديدة :

بعد 6 أسابيع : شو رأيك جبلك هالتأم........
بعد 6 أشهر : ولا إنت ما تلبس إلى رمادي.....
بعد 6 سنوات : ولا شو ما لبست بتضلك مشرشح متل المتشرد......


مخطط رحله :

بعد 6 أسابيع : شو رأيك نروح على سهل النبعة الأسبوع الجاية......
بعد 6 أشهر : وش فيها لو سافرنا على الهونولولو؟
بعد 6 سنوات : رحلة حج ......ليش شو بو المريخ ....ما بيعجبك!



على التلفزيون :

بعد 6 أسابيع : شو بدك تحضر اليوم يا حياتي.....
بعد 6 أشهر : شو بدك بالأخبار .....حطللي على "كاساندرا".......


بعد 6 سنوات : اذا ما عاجبك هالمسلسل السوري روح نام .....أحسن ما ألبجك كم كف...

[أبو عنتر]

بري عليك يا أبو الشباب يا زاهر إنت.. خليك زكرتي وقبضاي... لأنو يلي بيدق الباب بدو يسمع الجواب...
بس يرضى عليكن لا حدا يلهيلنا الشباب عن الحكي وتقضوها علقات مثل أول الموضوع... لأنو الموضوع عن جد مهم... ما كنت متخيل إني لاقي هيك شغلات على صفحات إسلامية.... وكتبتها تاء مربوطة كرمال فشلينو..
بس يا فشلان حكيك ما إلو لا فكاهة ولا مازية... عراف حالك مع مين عم تحكي... ترى الشبرية على خصري هه...

[واحد]

السلام عليكم،
ذكرت يا فشلان:

بس يا ريت تغمق أكتر.. يعني ما حدا بيعرف إنو لازم يعامل مرتو منيح.. ولازم المرأة ترد على زوجها.. بس حابين نحنا نعرف كيف..

عم تسأل كيف؟طيب شو تسمي هذا:
(تجديد المحبة والمودة من وقت لآخر وليس بالوردة فقط (يا شيخ عمر) فهنا لا بد من التفنن والتجديد والتنوع: مرة وردة، مرة شي غير (فستان، ذهب، كندرة..)، مرة مشوار، مرة عشاء، مرة تسوق معاً، مرة مرة مرة.... )

بس معليش إذا بدك زيادة، إقرأ الفتوى على الرابط:http://www.islamweb.net/ver2/Fatwa/ShowFatwa.php?Option=FatwaId&lang=A&Id=3768
بالنسبة للنقطة (2) من الفتوى، روى الديلمي في مسند الفردوس أن رسول الله صلى الله عليه وسلم قال: لا يقعن أحدكم على امرأته كما تقع البهيمة، وليكن بينهما رسول، قيل: وما الرسول يا رسول الله؟ قال: القبلة والكلام.
ولا بد من التأكيد على قوله: (فإذا التزم الإنسان هذه الآداب مع غض بصره عن الحرام)

بعد شو بدك :confused:

أستغفر الله لي ولكم،
والسلام,

[فشلان]

له على مهلك علينا يا واحد... أنا قرأت هالجملة.. بس أنا قصدي مثل هالموضوع ما ينحكى بس من خلال الأحاديث... والآيات... إنما ينحكى وقائع... ومشاكل وحلول اجتماعية... الآيات والأحاديث عبارة عن ضوابط ومعان عامة وخاصة في بعض الأحيان. بس يعني مثلاً انفتح موضوع الجرأة عند المرأة وإنو الرجل بحبها جريئة معو.... عجبتني هادي كتير.. بس خوفتني بنفس الوقت.. حسيت هالشغلة بتخوف...
بس المقصود هادي الاشياء.. وما نضل بالأمور العامة... ولا تزعل مني... بس حاولو ما حدا يكرر كلام حدا.. يعني لما عمر حكي عن الوردة... ما تجو تحكو نفس القصة وتحطو محل الوردة زهرة.. حاولو جيبو شي جديد.. فكرة جديدة.. أوريجينال... وطلعو من الكلاسيك...
إن شاء الله يكون انفهم المقصود... ولا تاخدو كلامي على إنو إهانات.. بس أنا هيك رأيي المتواضع...

[أبو جاد]

السلام عليكم ورحمته وبركاته ، ولك كيف الشباب ، والعناتر و النقاد كيف الشباب ، شو هل الموضيع الحلو بس هيدي الردود كل الرجال بصير معن هيك ولا شو هدا رأيكم إنتو ، والأخ فشلان ولوه هيك بترفض الهديه ولك يا أخي الشامي ناطر منك رد مشن الهديه المتواضعه التي ليس لها معنا أمام شعرك ومشاركاتك الجميله والهادفه ،أنا لن أقبل منك رفض الهديه ولو هيك بتخلي الشباب يضحكو عليي ،ولو سمحت رفعلنا صوتو للخال وأنا رأي يكون المختار

[فشلان]

والله إنت على راسي يا أبو جاد.. بس والله حبيت إنو تثبتولي بشي طريقة إنو ما في بالقصة تمثيلية.... أنا بعرفك كريم وشهم.... بس كمان في شي منطق... يعني صرلي شهرين عم اكتب أشعار.. ليش هلأ بالذات.. وبالوقت يلي كل الناس صايرة عم تنقر عليي حتى تعرف مين أنا.... وكل يوم بيطلع أنا واحد تاني... يا زلمة المراية بالبيت صارت عم تضيع أي صورة بدها تطلعلي... هلأ اليوم موصي على مراية ما بتكذب أبداً... بدي جربها... يا زلمة رح موت.. كل ما اطلع بالمراية عم لاقي واحد تاني... أصلا نسيت من أنا الحقيقي....

أنا حاطط احتمال إنو يكون الموضوع حقيقي... لأنو قولة ما بيقولو.. ما جربنا عليكم كذباً... ومنشان هيك خلص اليوم رح راسل الشامي برسالة خاصة.... وشوف شو بيصير معي.. وقولة المثل: يلي بيحمل قلم بإيدو.. بكون إلو إيد...

ولك دوووووووووووووووووووووع...

[عمر ملاط]

شو يا معلم فشلان.. مو على أساس ما بدك تطلع عن الموضوع منشان يضل جدي؟؟؟؟ الظاهر صار ستي.... ههههه

المهم.. أنا اليوم حابب احكي بصفة تانية بين الرجل والمرأة وهي صفة الانسجام...
كثيراً ما يتعكر جو المغازلة والتودد بين الرجل والمرأة من البداية.. أو في وسط الجولة.. أو ربما قبل نهايتها بثواني معدودة...

وهذا غالباً ينتج عن صفة موجودة في المرأة.. وهي عدم الانسجام...
أولاً أحب أن أخبر الجميع وخاصة النساء.. أنني عندما أضع أي موضوع هنا وأي ملاحظة أكون قد أخذت برأي أكثر من متزوج.. فإذا ما وجدت أن الصفة تكاد تكون موجودة في معظم النساء.. أقدمت على شرحها هنا. وإلا اعتبرتها أمراً خاصاً بي وأحجم عن ذركها...

لا أدري لماذا تتصف المرأة بهذه الصفة... فبينما يكون الرجل داخلاً إلى البيت... قد استعد كل الاستعداد.. وراجع وحفظ كل الكلمات التي يجب أن يتودد بها لزوجته... وسمعها بينه وبين نفسه عدة مرات في خلوته.. وعندما يدخل إلى البيت.. يبدأ من السلام بأنواع الغزل والملاطفة والمداعبة والمزح... يختار ألفاظه بحذر... حتى يصل إلى مراده... فإذا ما أحس بنوع من الانسجام.. وأن الوقت مناسب... تابع مسيره في رحلة الغزل تلك... حتى يصل إلى مراده الأخير...

والمشكلة أن النساء أحياناً يشردن في وسط الرحلة فإذ بهن تائهات عن الطريق.... قد سلكن طريقاً آخر.. فبعد أن يشرع الرجل في مغازلة دافئة... وكلمات حارة... ويدفأ الجو تماماً... ماذا يحصل يا ترى؟؟؟؟؟؟؟؟ الإجابة سهلة... يدورون المكيف...
ليس ذلك هو المقصود... بل إن المرأة تمتلك سكيناً لا يملكه أحد غيرها... وتستخدمه استخداماً خاصاً.. فكيف تستخدمه بالله عليكم... إنها تستخدم ذلك السكين لقطع الأفكار.... فما إن يصل الرجل إلى منتصف الطريق في الكلام والمغازلة والمداعبة... تجد المرأة نفسها دون شعور ممسكة بسكينها الحاد فتقطع الموضوع ..
لنأخذ مثالاً مبسطاً: يبدأ الرجل فيقول: ما أحلاك يا زوجتي.. وتقول هي: ما أحلاك أنت أيضاً... فيقول: أنا أحبك كثيراً.. فتقول: أنا أحبك أكثر وأموت فيك.. فيقول: لو تعلمين مدى سعادتي حين أكون قربك... فتقول له: وأنا أحس نفسي طائرة من السعادة.... فيقول: كم أسر حين أفعل كذا... فتقول له: هيا ماذا تنتظر إذن... أنا أنتظرك منذ الصباح.. فيقول: الله يهديكي وليش ما حكيتي؟؟ قال ناطرتني قال.. أنا ما بحب نطرك أبداً... ويبدأ الرجل مشواره وحين تصل الأمور إلى ذروتها تقول: ييييييي ناسية حط الغسيلات بالغسالة..!!!!!!
فتنقطع الكهرباء... وتتعطل السيارة... وتقع الطائرة... وتخرب الدنيا... سبحان الله كيف استطاعت تلك المرأة في هذا الجو الغريب العجيب أن تتذكر الغسيلات؟؟؟ وإذا بها بعد أن نفخته النفخة العجيبة .. أمسكت بالدبوس... وفختته فنفس الرجل التنفيسة العجيبة

ألم يكن من الممكن أن تحافظ المرأة على الجو السابق... ألم يكن من الأجدر بها أن تحترم شعور وإحساس زوجها.. وتؤجل فكرة الغسيل إلى ما بعد دقائق معدودة؟؟؟؟

والمشكلة أنها هي لا ترى في ذلك عيباً.. فهي بالنسبة لها.. يمكنها أن تقول الجملة.. وتكمل المشوار بشكل أكثر من طبيعي.. ولكن الرجل لا يستطيع... هي لا تستوعب أن الرجل يحب الانسجام الكامل في الروح والبدن والتفكير... وإن أي انقطاع في أحد هذه الأركان الثلاثة.. سوف يؤدي إلى انقطاع الأركان الأخرى...

وأنا هنا أدعو كل المتزوجات.. والمقدمات على الزواج على احترام هذه الصفة في الرجل... وإن أهم شيء ينجح العلاقة الزوجية هي احترام مشاعر الغير.. على حساب مشاعر نفسك... فربما أكون لا أحب شيئاً ما وأفعله إكراماً للشريك الآخر... بل وأشعره أني أحبه أكثر منه... وهذا أمره لا يشك أحد في أنه يزيد الألفة والمحبة...

وبالله التوفيق..

ما زلنا نحن معشر الشباب.. ننتظر أفكاراً من النساء غفلنا نحن عنها... فلا تبخلن بها... فإنها في مصلحتكن.... أنا لا أطلب أن تشاركن بنفس أسلوبي فأنا أحب أن أنقل الصورة الحقيقية وأتكلم في الواقع لا في الخيال والمبادئ والشعارات... فشاركن بالطريقة التي تريحكن... معليش.. بس شاركوا...

[فشلان]

ولك يا عمي يلي ما عندو شيخ عمر.. يروح يشتري... ولك يا عمي من وين بتجيب هالحكي هاد؟؟؟ عن جد الكل بيحكي وبينقل أحاديث وآيات.. بس بتحسو بالفعل عم يحكي عن مبادئ وأحكام بعيدة شوية عن الواقع وما بتحسو بخش بالموضوع صح.. بس لما بتحكي إنت بتحكي شغلات واقعية عم تخليني اتخيل حالي عايش بالبيت وعم شوف القصة إدامي (سامحوني ما قصدي شي.. بس ما لقيت تعبير غير هيك)... يا زلمة ما بكفي المرة الماضية حضرتنا مقطع من فلم... قول الله يا شيخي.. اليوم كمان جايب فلم تاني.. الله يسامحك....;)


يا أخي هادول النسوان ما في منن نفع بهالشغلات... يعني الأخت أم سفيان شافت بحالها علينا بمشاركة.. والماما نور نقلت عنها وحطتها بتصرف قولة ما بيقولو... وخلص... نقطة نهائية.. ما عاود حدا سمعلن حس.. بكرة شي بيقول عم يدهن.. شي عم يبلط.. وبيطلع الرجال مثل شيوخة النور قاعدين ومادين إجرين..

أو إنو أنا عندي تفسير تاني يا شيخي... الظاهر نحنا الرجال مكفيين وموفيين ما عندن علينا ملاحظات أبداً.... أنا هيك رأيي...

[أبو عنتر]

بري عليك يا عمورة.. يا هيك الرجال يا بلا... أقدم ولا تخف... والله لو خضت بنا هذا البحر لهربنا وتركناك وحدك.....

شو هالكلام يلي عم تحيكه.... مانك حاسو إنو تقيل شوية.... كل فكري إنكن مهذبين.. طلعتو حية من تحت التبن... والله ما إلكن لا فكاهة ولا مازية...

هادي قصة... هيك بيحكو هالحكي إدام العالم.... هادا حكي الواحد بيحكي لمرتو بس يتزوج...

[الزاهر]

السلام عليكم


والله يا أخي الكريم أبو عنتر تستاهل أن يقال لك "يطعمك حجّة والناس راجعة".....ما عملوا منشان هالموضوع هيصة ما بعدها هيصة.....هلأ صحيت يا أبو صيّاح؟!

أصحا تفكر إني عم إتهجم ها......ما حدا إلو ألب يوجه تهجم لأبو عنتر....إلا أنا....

السلام عليكم، الله يهدينا ويهديكم أجمعين......

[فشلان]

شلونك خيو أبو عنتر.... وينو صاحبك غوار؟؟؟ أه...

يا أخي إذا مستحي... غمض عينيك إنت وعم تقرأ... ما حدا بيشوفك... ولك برييييييييييي عليك.....

ولك دوووووووووووووووووووووووع....

[الناقد]

شوفو يا شباب أنا بعد ما خاب أملي بهالمشتركين المعفنين بهالمنتدى وبعد ما لقيتهم دايرنلي عالسخافات صراحة والبياخات (إلا من رحم ربّي) بسّ (وما رحم إلا قليلا) وكأنهم عم يعملو تشات مع بعض هيدا بيحكي كلمة وهيدا بيردّلو .... المهم إني كنت عم فكّر بلإنسحاب من منتدى الشاتينغ والمواضيع يللي البايخة منها شادّة عقول الجميع وتاركين المهم ، قبل ما حدا يتفلسف ويردّ ، أنا ما قاصد حدا معيّن ، عم إحكي "آن كاه جنرال" ويللي ما بيعجبو وبيرد عليي بطريقة إنو ما عجبو كلامي بيكون هوّ من هالصنف من الأعضاء.
معليش يعني بس حبيت قول هالشي مانو من باب التجريح بل من باب التنبيه لأنو بيهمني كناقد إني حاول صلّح الأمور وأعطي نصائح من شأنها تساعد وتفيد
يالله بيكفي هلأد ، سي يو...

[فشلان]

على مهلكن يا شباب ما حدا يمسكلو بالقيص ما يخزقها.... هو الناقد عم يعمل أبحاث بأنواع العفن... وتوصل إلى إنو المنتدى فيه أنواع من العفن... نحنا ناطرين التشخيص الكامل... كما ونرجوه رجاء حاراً أن يصف الدواء... يعني هل منستعمل ديتول؟؟ أو كلوروكس؟؟؟ في كمان دواء لهيك شغلات اسمو فلاجيل....

بس أكيد الوصفة يلي رح يجيبها الناقد... بتكون عم علم ودراية.. مش مثل حكايتي عم خمن تخمين...

نحنا ناطرينك... ولك دووووووووووووووووووع

ييييييييييي.. نسيت إنو ما بدي غير الموضوع.... بس هو الزلمة استفزني... خلص بست التوبة.. ما بقى عيدها....

[الزاهر]

الناقد:"
أنا:"
شوفو يا شباب أنا بعد ما خاب أملي بهالمشتركين المعفنين بهالمنتدى وبعد ما لقيتهم دايرنلي عالسخافات صراحة والبياخات (إلا من رحم ربّي) بسّ (وما رحم إلا قليلا) وكأنهم عم يعملو تشات ياخيي الناس بتمزح مع بعضها وبتزيدها شوية....عيب؟!

مع بعض هيدا بيحكي كلمة وهيدا بيردّلو .... المهم إني كنت عم فكّر بلإنسحاب من منتدى الشاتينغ والمواضيع يللي البايخة منها شادّة عقول الجميع وتاركين المهم أخي الكريم.....ما يهمك لا يهم الجميع وما يهمني لا يهم الجميع .....كل واحد له اهتماماته وأسلوبه وطبيعته.....ولا عندكم مشكلة بهالشي؟!

، قبل ما حدا يتفلسف ويردّ ، أنا ما قاصد حدا معيّن ، عم إحكي "آن كاه جنرال" ويللي ما بيعجبو وبيرد عليي بطريقة إنو ما عجبو كلامي بيكون هوّ من هالصنف من الأعضاء. شو أنا طلعت منهم كما يبدو....مو؟!------بس نكرزني كلامك عن المواضيع المهمة
عملت متل وسيم الفلو....عندما أنشأ المنتدى......بدو بس يكتب شي إلو علاقة بالرياضيات، بدو الكل يفوت يناقش "الفورمولا" ويعطي نظرية تدحض المعادلة......يعني كل الناس تهتم بالرياضيات؟!......وهنا نفس القصة......كل شخص له اهتماماته أخي الكريم.....وفي ناس.....ناس.....همها واهتمامها تؤول الناس ما بيهمها المهم والأهم إنو المهم عندك ما هو المهم عندي والأهمية هون يا أخي المهم....فخللي اهتمامك فيما يهمك وخلي اهتمامي واهتمام غيري فيما يهمني ويهم غيري.....شو رأيك؟!----بكل أخوة ومحبة...لا تفكر تهجم ها....
لووووووووووووووووول!!!

السلام عليكم

[واحد]

.... ييييييي ناسية حط الغسيلات بالغسالة..!!!!!!
فتنقطع الكهرباء... وتتعطل السيارة... وتقع الطائرة... وتخرب الدنيا...

السلام عليكم ورحمة الله وبركاته،
قبل كل شيء لا بد من مراعاة الهدف من عرض أي فكرة. وهنا أرى أنه كان من الأفضل والأورع ترك هذا التفصيل التصويري وكان يكفي القول مثلاً:
من النساء من تشتت تركيز الزوج أثناء المعاشرة مما يتسبب بإحباطها ويصعب عليه الاستئناف (وإذا بدك تخلي المثل تبعك، قول إنها بتقول: ييييييي ناسية حط الغسيلات بالغسالة..!! ماكو مشكل).

---- خير الكلام ما قل ودل -----

ومن أحب الاطلاع على مزيد من الاستفسارات المعاصرة حول المعاشرة فليرجع إلى موقع الفتاوى: http://www.islamweb.net/ver2/Fatwa/FatwaCategory.php?lang=A&CatId=2262

حيث لا يعرف السائل ولا المجيب لتجنب الحرج. وكما أشارت الأخت سابقاً، فالموضوع حرج ولا بد من تخير العبارات والأفكار وطريقة العرض.

هذا والله أعلم وأستغفر الله لي ولكم،

والسلام،

[عمر ملاط]

شو هالموقع يا واحد... هادى الموقع مشكل هي... كو مشكل.. وليس ماكو مشكل.... والله لا أدري كيف استطاع ذلك المفتي أن يفتي أن المرأة يحرم عليها أن ترقص عارية أمام زوجها أو أن تتركه يقبل رجليها... والله إذا هو بشوف إنو هالعمل مخالف للعقل والفطرة السليمة وعمل شاذ.. فليراجع نفسه... وليس نحن من يجب أن يراجع نفسه...

أنا كنت حابب تقل حكي.. بس احتراماً للمنتدى... ومنشان ما اسقط من عين كتير ناس... رح التزم الصمت... وما رح علق... فخليني ساكت... لأنو إسا شوية بيطلع جيب الولاد حرام... إلا بطريقة الأنابيب... منشان ما يقرب الرجل على زوجتو.... بس منيح طلع فيه يبوسها على تمها... كتر خيرو والله.. أنا قلت مش رح احكي.. فخلص سكتت...

[أم سفيان]

الظاهر الرجال اكتفوا وأخدوا حقوقهن كاملة مكملة نفعت الدروس الظاهر ما عاد شفنا حدا زاد شي صار دورنا هلأ نطالب بحقوقنا

[عمر ملاط]

الظاهر الرجال اكتفوا وأخدوا حقوقهن كاملة مكملة نفعت الدروس الظاهر ما عاد شفنا حدا زاد شي صار دورنا هلأ نطالب بحقوقنا

أرجو التمييز بين عنوان الموضوع الأصلي.. وبين ما آلت إليه المشاركات.... فقد باتت المشاركات عن مشاكل زوجية وحلول من وجهة نظر الرجال... وإن كنا نتمنى أن نراها من وجهة نظر النساء... ولكن لا أدري لم لم نسمع أي رأي.....

ولكن إن كنت تعتبرين أن ما تحدثنا به هو حقوق الرجال.. فنحن بانتظار أن نسمع حقوق النساء..

[فشلانة]

انواع الزواجات التي شاعت هذه الايام واجد لها اسماء قبل ان يخترع لها المهتمون بها مسميات جديدة وسأسرد لكم هذه المسميات ومعناها فهلموا معي الى المسميات المستقبلية للزواجات العصرية :

أولا : زواجات موجودة ومقترحة حاليا.
1- المسيار: زواج تتنازل فيه الزوجة عن المبيت والنفقة وقد تلزم الزوج اداءها ان طلبت الزوجة ذلك (هذا الزواج يساعد من لم تتزوج مبكرا على الحصول على زوج ).
2- المصياف: زواج يعقد في اجازة الصيف دون تحديد وقت للطلاق طبعا والا كان ذلك متعة وينتهي هذا الزواج بالطلاق عند انتهاء الاجازة ( يتعاطى هذا الزواج اهل الغنى ومن يسافر كثيرا للعمل التجاري ).
3- المسفار: زواج تم اقتراحه اخيرا لتتمكن المبتعثات من الحصول على محرم خلال رحلة الدراسة في الخارج ( يستفيد من هذا الزواج المبتعثات وطالبو الزواج والتمتع بالسفر بالخارج ).
ثانيا : زواجات مقترحة ويتوقع حدوثها:
1- المطيار: زواج الطيارين والمضيفين من المضيفات خلال تكرر الرحلات الطويلة (يستفيد من هذا الزواج المشتغلون بالطيران من اطقم الطائرة اجمعهم).
2- المصياع: زواج يتم بين اهل السياحة المتكررة والوناسة ومحترفات الزواجات في بعض الدول لتلافي الوقوع بالحرام بالزواج الصوري (المستفيد اهل السفر والوناسة ).
3- المحجاج: زواج بين طالبة لأداء فريضة الحج ورجل يرغب في قضاء الحج فتدفع الزوجة تكاليف الحج ليكون لها محرما، وهو زواج مع وقف التنفيذ لكون الزواج وقت الحج (يستفيد من هذا الزواج من لم يقض حجة الفرض من نساء ورجال ).
4- المسياق: زواج بين المعلمات اللاتي يدرسن في مناطق بعيدة ويحتجن محرما لركوب الأتوبيس فيتم الزواج مع السائق
5- المهراب: زواج يتم بالخطيفة يكثر في اهل الشام وعند من لا يشترط الولي في عقد الزواج (يستفيد من هذا الزواج اهل الحظ الرديء ومن لم يجد زوجة وكذلك من لم يقبل كزوج ).


ورغم اني لا اتمنى ان يحصل التطور في انواع الزواج الى هذا الحد الخيالي، الا انها قد تكون سابقة في تتبع امزجة البشر وتنوع احتياجاتها باختلاف الازمان والطباع والاشخاص، هذا ما لزم باستباق توضيحه وان عادوا عدنا بمثله


لك وينك يا فشلان ’ اشتقنالك يا زلمة , بدي رأيك بأي زواج انت بتختار:D

[الريس]

فشلانة ، عنجد انتي واحدة فشلانة ، مفكرة حالك عم تتهضمني هلأ ، شو هالرد البايخ يلي لكي .

أم سفيان احنا اسا ما خدنا حقوقنا كاملة ، بس ملتهيين بهل الأوضاع ، وأنا شخصيا مخفف فوتاتي على المنتدى لأن في واحد اسمو عامر سامملي بدني كتيير ، اسا بدو كتيير لحتا يوعا .

[omomar]

على مهلكم يا شباب والله انتو اخدين حقكم وزيادة . يا خيي فشلان هادي المرة يلي عم تحكي عنا هي يلي بيركدوا وراها الرجال بس المرة يلي بتخاف على الرجال وقادميه على حد التعبير القلموني بيقولوا عنها هبله وما بتعرف تعيش .بعدين هيدول النسوان يل عم تحكي عليهم مطبقين المثل يلي بيقول اصرف ما في الجيب يأتيك ما في الغيب .:) :) وانت ان شاء الله تعرف تنقي وتكون فشلونه من النوع يلي ما بيطالب بحقوق المرأة.

[الريس]

عنجد انو يا أم عمر ردّك كتيير لوووووووووووووووووووووللللللللللللل


بس أنا برأي انو النسوان الأوادم ، والمسلمات ، هنة آكلين حق الرجال بكتيير نواحي ، طلعي على موضوع المسيار وشوفي ، هلأ كان في أم سفيان ضد مائة بالمائة بس رجعت صارت مع مائة بالمائة نكاية فيي ، ويمكن عم تدبر لأبو سفيان شي صبية بنت 16 لحتى تزوجو ياها .

أنا يلي بقصدو ، انو مش لأن الواحدة حتط على راسها صار كل شي بتعملوا صح ، يعني اذا الواحدة عملت شغلة صح -اتغتط- ما ضروري انها تصير معصومة وما بتعمل شي غلط ، بالآخر بتضلها مرة ، وبتأثر بحكي النسوان .

[فيصل]

صلو على النبي يا شباب
من أهم شي بحقوق الرجال هو أن يحترم و يقدر حقوق و مشاعر المرأه
ولللللللللللللللللللللوووووووووووووووههههههههههههه

[الريس]

صلي على النبي يا أخ فيصل

الرجال أكثره بيحترموا حقوق النسوان ، أصلا ما طالع بإيدهم غير هيك ، لأن اكتريتهم بهل الإيام مشلفين ، يعني خصب بنعنهم ، بس النسوان هنة يلي لا بيحترموا الرجال ولا شي .

[Nader 3:16]

اللهم صل على حضرة النبي..........

الخلاصة الحلوة : يجب على الاثنين تبادل الاحترام................

[فشلان]

والله سامحوني. بس أنا شايفها عوجة ورح تضل عوجة...

إذا عن بعيد ما بتقدرو تتفقو على المنتدى.. كيف بكرة بدنا نتزوج ونتفق مع نسوانا؟؟

نحنا إذا متذكرين اتفقنا إنو يصير هالموضوع موضوع الحلول مش موضوع الخلافات... يعني مطلوب من الرجال يحطوا كيف بحبوا يكونوا النسوان... ومن النسوان يحطوا كيف بحبوا يكونوا الرجال...

صار تجاوب من الرجال.. بس ما صار تجاوب من النسوان... والبعض جعل السبب هو الحياء..

بس ما بعرف ليش رجعتوا عملتو مشكلة من ولاشي. أنا بعتقد إنو التنازل للآخر هو بداية المشكلة... ما لازم الرجل يتنازل لزوجتو... وما لازم هية تتنازل لزوجها...

ما تتسرعوا وتحكموا عليي.. خلوني اشرح...

الرسول عليه الصلاة والسلام بقول: لا يؤمن أحدكم حتى يكون هواه تبعاً لما جئت به...
يعني لازم الواحد يكون بحب وبيهوا الأمور الدينية.. مش بيعملها عن تنازل وغصبن عنو... وساعتها بكون مؤمن...

ونفس الشي هون: لا يحب أحدكم حتى يكون هواه تبعاً لمحبوبه.. يعني الرجال لازم ينبسط إنو عم يسعد مرتو... مش عم يتنازل منشان بيسطها.. والمرأة لازم تنبسط وتطير من الفرح إنها عم تطيع وتسعد زوجها.. مش تنازل منها.... وهادي أعلى مرتبة

أما التنازل فهو مرتبة أقل من مرتبة الحب.

وأما النكايات والأوامر الاستفزازية فهي دليل الانحطاط في الحب...

يمكن المتزوجين رح يقولو: هادى كلام عن أول مرتبة غير قابل للتطبيق..

يمكن معهم حق.. الله أعلم.. خلو كل واحد يجرب ويحكم برأيو...

بس يرضى عليكن لا تعلقوا قبل ما تتزوجوا خلو شوية لبعد الزواج..........

وسامحونا...

[Nader 3:16]

معك حق يا مبعرف شو اسمك!!!!!!!!!

[الزاهر]

أها......والخلاصة بئا؟؟؟

[فشلان]

شحنة كهربا منشان الموضوع يفيء...


هههههههههه

[الزاهر]

يبدو حصلنا على جميع حقوقنا لما حدا بئا عم يطالب بشي!!!!.............:)

[الشامي]

السلام عليكم

:)

[محمد الكوسا]

يبدو حصلنا على جميع حقوقنا لما حدا بئا عم يطالب بشي!!!!.............:)

اسا انتظر يا زاهر مع زيادة عدد البنات مقابل الشباب(كل شاب في لبنان مقابله 11بنت)
بكرا بيصير ما فيك تمشي بالطريق بتفزع ما يعاكسوك البنات
و بتصير امك ما الها الب توديك بعد ال8 باليل برات البيت لانو بتخاف عليك من البنات
وبيصيروا البنات بيعاكسو الشباب والشباب بيردو علين"ولك حرام عليكن ما عندكن اخوة شباب!)
اتخيل نوصل لهال ايام؟
ساعتها طالب بحقوق الرجال

[مايا]

ههههههههههههههههههههههههههه
والله يا محمد شبه عم تصير هيك اشيا بهل الايام
على كل حال الكن الله شو بدكم تعملو بكرا بتصير البنت هي يلي بتطاب الشب وبتتفعلو مهر كل شي ممكن يصير بهل الايام

[Nader 3:16]

وا
نحنا إذا متذكرين اتفقنا إنو يصير هالموضوع موضوع الحلول مش موضوع الخلافات... يعني مطلوب من الرجال يحطوا كيف بحبوا يكونوا النسوان... ومن النسوان يحطوا كيف بحبوا يكونوا الرجال...

و.

والله انا شايف انو لا بد من اعادة فتح الموضوع لأنو صرنا عم نشوف بمواضيع الخطيبة و الزواج و بعض مواضيع النعنوع تبعون الحب و الغرام عم يصير فاي تهجم على الشباب و الرجال.
فيا ريت الكل يجاوب على طرح فشلان..

كعرتونا بحقوق النساء و كأنو حقهم مهضوم!!...الله وكيلكم ما في غير الشباب آكلينها بهالايام..

و متل ما قال الريس مزبوط!!!!!!.....الرجال مجبورين يحترموا الحقوق...بس البنات مو دائماً...طيب ليش؟؟؟
يا الله ورجونا شطارتكم و قولولنا شو موقفكم من هذا الموضوع.

[hadid]

يا نادر شوف أنا حقي بإنو الناس تناديلي بإسمي ضائع !!!!!

يعني صعبة اللفظ كلمة هــــــــــــديد ؟؟ ولا كيف؟؟؟

[яiиda]

ما تبكوووووووووووووني:p .....








بس بلا اهانه ها;) .....عم امزح ....
هلأ معكن حق بإنو عندكن حقوق و احنا عنا حقوق و بانن مختلفين كتييير ....بس ...



ما شي ....
سلام ....:)

[فشلان]

الحلو بالقصة عند النسوان... انو بيحصلو على كل شي.... وبدهم المزيد....

يعني بس إذا لما يجي الشب يخطب بنت... شو بصير؟؟؟؟

البنت تبلش تحط شروط... والأهل ببلشو يحطو لائحة المطالب...

شي مرة سمعتولي انو الشب جاي يخطب ومعو ليستة طلبات؟؟؟؟؟؟؟

آ خلص بقا.... القصة مكشوفة... رأي العين..... كاسرين ايدن وعم يشحدو عليها..... اعترفو بقى اعترفو.....

[Nader 3:16]

الحلو يا فشلان صار فيون متل جحا ايام زمان.
كذبوا الكذبة و نادوا بالحقوق و صدقوا حالهم...قالو بينهم و بين نفسهم هادي فرصة لا تعوض....المناداة بالحقوق...
ولك دوووووووووووووع

[فشلان]

بعدان يا شريك... قارن بالعقل والمنطق...
نحنا كل شي بدنا ياه من النسوان شغلة واحدة...
أما هنى.... فعد ومد ليوم القيامة ما بتخلص طلباتهم....

[عمر ملاط]

السلام عليكم...

والله لو فترة ما تحركش هالموضوع... وطالما انو تحركش.. خلينا نحكي... ترى اليوم جايين بالأدلة والبراهين العملية والواقعية... وكل شي موثق بالصورة والصوت... (http://www.kassan.org/%7Ebassem/picnics/2008.10.24/)

النسوان... ديمن لهن حقوق مهضومة.... والرجال كمان لهن حقوق بس مهدومة... (حرف واحد فرق)...

الرجال لازم يشقى... ويتعتر... ويعل قلبو... حتى يأمن للمرة العيشة الهنية وتكون مبسوطة...
بالمقابل... المرأة شغلها الشاغل... انو تصرف مصاري الرجال حتى تشتغل وتزبط بحالها هي...

الرجال عليه يشتغل طول النهار... منشان لما يرجع على البيت... يروح يكزدر المرة والولاد.... والمرة تتعب نفسيا وتضيق خلاقها وهي منتظرة الرجال حتى يرجع يكزدرها... (شوفو كيف عندهم نفس الأهداف)

الرجال بعل قلبو ويشغل مخو كيف يأمن مصاري ويقوم بالواجب ناح مرتو وولادو... والمرأة همها كيف تقوم بالواجب ناح بنت عم زوج خالة ابن خال خالها.. لأن بالأول قالتلها مرحبا أو يمكن ابتسمتلها...

الرجال همو كيف يشتري لمرتو وولادو تياب وأشياء تلزمهم...... والمرأة عندها نفس الهم... كيف تشتري لنفسها تياب ولولادها... (شفتو كيف الهموم مشتركة)

وبالنهاية... وين ما كان الرجال عم يشتغل... والمرة قاعدة ترتاح لأن تعبانة.... ويلي مش مصدق... يجي على الإمارات.. يشوف لما منطلع على الحديقة... كيف النسوان بتجي وبتقعد على الكراسي الملكية... وكيف الرجال بيهتمو بشؤون الأكل والشرب.. الرجال يحمل الكرسي... حتى الكرسي يحمل المرة... الرجال بيحرق حالو بالشوي (نيالو يلي بس بيحرق حالو بالشوي) والنسوان تنتظر حتى الرجال يحترق (بالشوي) ويجبلها الأكل... الرجال لازم يهتم بالأولاد... حتى النسوان يتمشو ويتفسحو ويروحو شوي عن نفسهم....

وإذا بدكم الدليل.. بس انقرو هون... وشوفو بأم عينكم... ولك حتى العين لها أم وما لها أب... (http://www.kassan.org/%7Ebassem/picnics/2008.10.24/)


وهيك القصة يا رجال... فبالله عليكم... وين حقوقنا نحنا النسوان.... قصدي نحنا الرجال.....؟؟؟؟؟؟؟؟