عين على شوارعنا

[nour]

غيبة ، سفور ، اختلاط محرّم، بذاءة . هكذا هي حال الشوارع في البلدة. وشوارعنا صورة مكشوفة عن مجتمعنا، لذا لزم أن نحسّن هذه الصورة، لا مخادعة للناس ولكن ستراً للمعاصي كما أمر عليه الصلاة والسلام. بعضهم يقول لي: ما فائدة تطهير الشوارع إن كانت المقابح نفسها سترتكب سراً؟ . والردّ: فائدته أن لا نجمع إلى المعصية الجرأة عليها والجهر بها . فإنّ الحياء شعبة من شعب الإيمان وإن الله يمقت شيوع الذنوب وإعلانها. وقبل أن نعالج هذه الظاهرة السلبية، لا بدّ من طرح السؤال العلمي الذي عليه تبنى الحلول: لماذا؟ لماذا هكذا هي شوارعنا؟ الفراغ هو السبب. ولست بحاجة لإقناعكم بذلك.فأنتم تعرفون بقي السؤال العمليّ: كيف؟ .كيف نعالج هذه الظاهرة؟ أنتظر مقترحاتكم .

[الزاهر]

السلام عليكم وبعد

والله يا أمي أنا هالسؤال كان عاملي أزمة بالمدرسة ----ما كنت إسئل إستاذ كيف؟ ويأبل يجاوب عليي.


والله أصّة الـ كيف؟ عويصة برأيي لأنوا عندما تربينا على عدم التحرك إزاء أي شواذ فمن الصعب تعويد نفسنا على الصواب من جديد ولا أعتقد أن أحدا يخالفني على صعوبته ----صحيح أنه صعب (لكنه ليس بالمستحيل) لكن هذا ما نحن بصدده إن شاء الله. كل مسلم يجب أن يتطور ويطور مفهومه للدين (ما تعملولي أصة بسبب هالعبارة----لساتني بريئ وما أصدي متل بعض ناس) ويجب أن لا نقع بما وقع به جيراننا من فصل للحياة: فترى إحداهن تمشي مع الشباب وتلبس "المزلط" وتتبرج بكل أنواع الـ "مايك أب " (بالمايع متل ما هن يلفظنها) لكن من جهة أخرى هي أعلم من أعلم شيخ بأمور دينها ----ما هذه المفارقة
وترى الشاب "مصروع" عالآخر ولاحئ البنات بالشوارع وبس يأذن العشاء يدخل المسجد ويصلي ركعتي التحية ثم يم ......وبعد الصلاة يخرج مباشرة إلى "شارع العشاق" (والله مش مشكلة عويصة الوصول للشارع، ما عليك سوى تدعس دعستين برات باب الجامع) وبتألو حبيبتو "تأبل ألله يا عيني" (بالألموني) هيك بكل مياعة متل كأنها مدري شو عم تؤول.


يعني أهم ما يجب على الجميع أن يفهمه أن هذا الدين طريقة حياة وليس كدرس التاريخ نحفظه لكن بدون سبب.

تلك كانت أوّل كيف؟ المختصة بـ كيف هي هذه الظاهرة (وتدخل لماذا؟ أيضا في هذا الـ كيف؟)


ثم يأتي دور الكيف؟ الثانية (أي كيف الحل) والله يا أمي العزيزة يبدو أن هذه الـ كيف؟ طلعت عويصة أكتر من الـ كيف؟ اللي عملتلي أزمة بالمدرسة. فبعض هذا الـ كيف؟ سببه أن من يدعون حمل الدين (الذين يسمون "أصحاب الدئون" بالضيعة) هم يُحمّلون الدين ما لا يحمل فكما ذكر أخونا "فشلان" الحلال حرام حتى تثبت حلته (أصحا تفكر أختنا نادين أني موافق مع فشلان بذاك الموضوع----أبدا) هذا الأصل بس كمان يا أخي مش كل مسألة بدها آية وحديث لحتى نتأكد من صحتها. المهم، شو بدنا بهالحكي. المعلوم أن أصحاب الدئون لا يعلمون (أو هم يتجاهلون ) حقيقة أن الدين هو أسلوب حياة، ومعاملة بالتي هي أحسن. ما وصلت الفكرة، طيب رح أضربلكم مثل صغير:(بس ما تعملولي قصة ما رح أذكر أسماء، لكن المشكلة كل الأصة مكشوفة)
مرة من المرات (في العشر الأخير من رمضان) وبينما أحد الإخوان معتكف في المسجد (أنا كنت زائر للمسجد) كان الأطفال الصغار (تلامذة هذا الأخ الذي يعلمهم القرآن وعلى أساس أنه يعلمهم دينهم) يلعبون في المسجد ومبصوطين وشايفين حالهم أد الدنية. ولما يريد هذا "المربي" أن ينادي أحدهم لا يناديه إلا بـ " ولا تيس" أو "تعا نألع لهان ولا" فكيف سيتربى هؤلاء برأيكم----بس بدي مين يألي شو بيتوقع من هكذا "مربي" يحتاج هو بذاته إلى "ترباية".
ما بيكفيكم هالمثل؟؟ عندي غيروا وغيراتو بس هلأ نعست وما عدت شايف الشاشة. عمشوف هيك حياز ملونة وبس.

طيب على كل حال ما تواخزونا على الأطعة بنص الحكي. بركدن تنورنا "نور" المرة القادمة أو نسمعلنا شي رأي من شي حدا "ثوري" يفجرلنا هالساحة كلها-----ما أظدي حدا ها، أصحاكم تأولو كلامي........


السرم عليكم

شايفسن ما ألتلكم ما عم سوف أدامي بئا

السلام عليكم

[روعة]

يقول سيد قطب في إحدى رسائله :
عندما نلمس الجانب الطيب في نفوس الناس, نجد أن هناك خيراً كثيراً قد لا تراه العيون أول وهلة!
لقد جربت ذلك. جربته مع الكثيرين... حتى الذين يبدو في أول الأمر أنهم شريرون أو فقراء الشعور...
شيئ من العطف على أخطائهم وحماقاتهم, شيئ من الود الحقيقي لهم, شيئ من العناية-غير المتصنعة-باهتماماتهم وهمومهم... ثم ينكشف لك النبع الخير في نفوسهم, حين يمنحونك حبهم ومودتهم وثقتهم, في مقابل القليل الذي أعطيتهم إياه من نفسك, متى أعطيتهم إياه في صدق وصفاء وإخلاص.

[الزاهر]

السلام عليكم وبعد

والله يا أختي روعة باعتقادي أن الشيئ الوحيد الذي أخر وسيم غنوم عن الرد على كلامك بشي صخرة على راسك هو أنو جهازو خربان

أرجو أن لا تفهمي أني أعارضك----لكن إذا أراد وسيم أن يعملها نكاية فيني رح يوافئك على هالكلام وهذه الحالة الوحيدة اللي رح يوافئك فيها

وأنا ناطر شي كام بكس منو بس يشوف هالكلام ويلائيني بالضيعة

سلام

[روعة]

السلام عليكم ورحمة الله وبركاته
عندما نعيش لذواتنا فحسب, تبدو لنا الحياة ضئيلة, تبدأ من حيث بدأنا نعي, وتنتهي باتهاء عمرنا المحدود!...
أما عندما نعيش لغيرنا, أي عندما نعيش لفكرة, فإن الحياة تبدو طويلة عميقة, تبدأ من حيث بدأت الإنسانية وتمتد بعد مفارقتنا لوجه هذه الأرض!...

[HARD]

السلام عليكم
نعم اعيون على شوارعنا وليس عين :) ،
هناك الكثير من الجمعيات الاسلامية في القلمون ماذا تفعل ؟ اين البرنامج الدعوي التي تحمله ؟ انا اريد ان اقول ان التكاتف بين جميع اهل الصلاح في البلدة ووضع مشروع عملي دعوي بالتعاون مع صلا حيات البلدية نستطيع ان نصل الى نتيجة ولله اعلم ، انا اتكلم بواقعية البلدية فيها تفرض وتمنع وتكحش .... ومن ناحية ثانية المعاهد الاسلامية والحلقات في القلمون يتكاثر عملها والحفظة الله اكبر كل سنة يتم تخريجم ، ومشايخ القلمون من اهم المشايخ ومن اشهرهم عالميا :) ولكن ما انعكاس هذا كله على القلمون لا شئ، الفساد الى الامام والسرقة ..... والمخدرات ..... وقصص وحكايا متل الخيال .... انا الاحظ ان كل واحد مشغول بعمله يعني ان كان شيخ .. او مليس.. او دهان ... ... نفس النفس . لا يجود حل الا كما قلت بالاول ، التعاون بين الشخصيات والجمعيات الاسلامية والبلديه ونحن الاكثرية في البلدة ولكن التفاحة المنزوعة تعطي طابع الهريان على السحارة .
واخيرا فعلا موضوع مميز ومهم ، ولكن اين الشباب ؟؟ في موضوع تاني اكيد:) . وانا جايه على بالي اللوز الاخضر كتير . سلام ودمتم سالمين .

[nour]

شكراً تفاعلكم أبنائي .أنا بانتظار مقترح، لأن تعوّدنا بالقلمون نستخفّ بكلّ شي ،بكل عمل وبكلّ كلمة وعلى حدّ قول الأستاذ محمد شقرة :ما في شي بالقلمون مهمّ . رح نثبت إنو النظرية ممكن تتحوّل مشروع عمل . بس بشرطين: -الواقعية أي فهم المجتمع الذي نعيش فيه جيداً ومراعاة شخصيته وقيمه العليا. - العزيمة عندما يكون الهدف أسمى وأهم من العقبات التي تواجهنا ومن الثرثرات التي تثنينا، ومن الخلافات التي تفرّقنا. دعونا هنا نثبت أنا (مختلفون) .أنا أصحاب هدف واضح ، وسام نسعى إليه. أننا ماضون على بصيرة نرى هدفنا . أن هدفنا هو مرحلة من مراحل التسابق إلى الخيرات للفوز برضوان الله . الله وحده. سأوافيكم برؤيتي للحلّ بعد ... أن أسمع رؤاكم . ولن تنتظروا طويلاً بإذن الله.بس تذكروا إنو في مؤسستين عم يتعمّروا بالبلدة: نادي يبنيه الحج غسان حبلص (أبو ممدوح) والثاني يبنيه : رئيس الوزراء السابق: نجيب ميقاتي (مؤسسة العزم والسعادة) .

[العبد الفقير]

السلام عليكم ، ما رح لف ودور كتير ، ورح اجي من الآخر . كان السؤال الأساس في هذا الموضوع لماذا؟ لماذا هكذا هي شوارعنا؟ وكيف نعالجها ؟؟؟

أولا شوارعنا هي هكذا ، بسبب الملتزمين ، والمشاييخ ، فهم أولا -أقصد أكثرهم- حملوا الاسلام بأشكاله الخارجية ولم يحملوه بقلوبهم ، فصرنا نرى من المشاييخ من يكذب ومن ... فالمشايخ اليوم والدعاة -أكثرهم- لا يحملون مبادىء الاسلام وهذا ما أفقدهم ثقتهم أمام عامة الناس ، يعني وقت كانوا السوارنة كان بعض المشاييخ يقرأون في محافلهم ، ولما توفي حافظ الأسد رأينا مواقفهم المشرفة ، وهاهم اليوم ينقلبون إلى تيار المستقبل -يعني يلي بيخد أمي بعيطلوا عمي- . اذا أول شغلة عملوها المشاييخ والدعاة انهم فقدوا ثقة الناس بسبب مواقفهم المتقلبة والمخزية .
ومن ثم أن هؤلاء المشاييخ والدعاة -أكثرهم وليس كلهم- أخطأوا في طريقة الدعوة ، وهذا الكلام صحيح ، ويحصل في القلمون حتى ، فالدعوة الموجهة للناس هي للصلاة أو الحجاب ، أو ترك عبادة القبور ، أو .......... يعني اذا دعينا الانسان للصلاة ودلينا كاعرينوا لحديت ما صار بطل يقوم من المسجد ، ولكن في نفس الوقت لم ندعوه للاسلام بشكل عام ، ولمبدأ الاسلام ، وللولاء والبراء ، وأن الله هو الرزاق و ....... فإن هذا الرجل وان صام وصلى فإنه لا يجد ما ينهاه عن الكذب والأخلاق الذميمة -هو يعلم أن هذا الفعل خطأ ، ولكن لا يجد في نفسه وازعا إيمانيا، يردعه عن هذه الأفعال لأنه لم يزود روحه وفكره من قبل ، ولكنه أخذ الاسلام على أنه مجرد حركات رياضية- . والأسوء من ذلك هو عدم مراجعة النفس من قبل هؤلاء الدعاة ، يعني مرة كنت أتحدث مع من يتصدرون الدعوة في مسجد القلمون الغربي ، فقلت له أنتم ما مدى تأثيركم على الناس ؟ كم مضى على دعوتكم ؟ وكم من انسان أصلحتم ؟ -انتهى- . يعني كل شركات العالم من فترة لفترة بتعمل دراسة ولترى ان كان عملها في ربح أو خسارة ، أما الدعوة التي أهم من كل الشركات ، فمتروكة على البركة ، وكل واحد بيدعي على ذوقو .
ومن ثم أن عددا كبيرا من الملتزمين والملتزمات في القلمون معقدين -على الأقل حسب رأيي- ، وهنا ما رح أذكر أسماء وان كان في ببالي كم واحد وكم واحدة ، بس ما بيقولوا تركا بالقلب تجرح ولا تطلع لبرا وتفضح . نعم هم معقدين ، لأنهم يشعرون بالنقص اذا تمسكوا بدينهم كما طلب منهم وكما كان الرسول صلى الله عليه وسلّم ، ليسوا أهلا لأن يكونوا من الغرباء ، فأخذوا يغيروا بدين الله ويأولوا و...... حتى طلع عنا دين بيرضينا وبيرضي المسلمين المثقفين أمثال م... .... و ن... ..... و ........... يعني أنا لازم أحمل الاسلام كما هو مطلوب مني ، وما كون معقد من حالي وحاسس اني دون غيري ، يعني مني مضطر اني غير أو اتخلى عن أي فكرة من أفكار الاسلام لحتا ارضي فلان أو علتان ، لعمرهم وزمانهم ما يرضوا ، هذا هو الدين عجبهم عجبهم ، واذا ما عجبهم ينقلعوا يلبسوا صلبان أو أي شيء ، المهم ما يغيروا بالدين على ذوقهم ، هنة ومشاييخهم . فيا أيها المعقدون ، ارفعوا رأوسكم واحملوا دينكم ولا تخجلوا من أحد . ويرضى عليكم ما حدا يعملي طوشة هلأ ويوجعلي راسي ، لأني الحمد لله تمسحت عن الحكي يلي ما بيعجبني -بس بصراحة مش من كل الناس اسا ، يعني اسا في كم شخص بيعجبوني بهل الدنيا- ، ولو كان بدي قول مين المعقدين كنت قلت ، واذا كان شخص مفكر اني قصدي عليه ، فيقرأ المشاركة ويشوف بماذا وصفتهم وبيعرف حالوا اذا كان فيه هذه الأمور أو لأ ، والله يلي بحاسب مش أنا .



أما بالنسبة للحل العملي ، فهذا يحتاج لدراسة تفصيلية ، لست أهلا لها وليس هنا مكان طرحها بل تطرح بين جهابذة هذه الأمة وعلمائها .
ولكني أشير الى بعض النقاط باختصار :
أولا علينا قطع حبل الفساد ، يعني الأجيال ما لازم اتضلها عم تفسد بعضها ، فلازم على الأقل نأمن على الجيل الصاعد ، ونحملهم عدة قوية ليتمكنوا من مواجهة كافة أنواع الفتن .

ثانيا على كل ذكر منا وأنثى ، أن يتمسك بالكتاب والسنة ، ولا يتطلع لمن حوله ، فهو سيحاسب عن نفسه ، ولا يجب أن يكون إمعة ، فعليه أن يحمل مبادئه ويعض عليها في زمن التكالب على الاسلام من الخارج والداخل ، وهذا التمسك يبدأ بقراءة كتاب الله عزّ وجلّ ، مع تفسير وتأمل للأيات ، كما عليه أن يقرأ سيرة رسوله الكريم صلى الله عليه وسلّم ويتفكر في كل موقف من مواقفه البطولية ويقيسها مع مواقف رجال هذه الأيام ، وعندها لا بد لكل ذي فطرة وذي عقل أن يميز الحق من الباطل .

كما علينا ، أن نتعلم كيف بيحكوا مع الخلق ، فكم من كلمة أريد بها النصيحة ولكنها أدمعت عين من تلقاها قبل نومه ، كم من أناس نحبهم في الله ، قدموا لنا الأذية فقط ، وهذا أحيانا كثيرة يؤدي الى التنفير .

وعلى كل انسان أن لا يحسب نفسه في مأمن على الفتنة ، فيضحك على غير الملتزمين ، عند المرور بقربهم ، فالرسول صلى الله عليه وسلّم كان يبكي عليهم ، وكم من أناس كانوا من حفظة القرآن ، أصبحوا لا يصلون حتى الجمعة .

كما على الأخوات -وسمحولي طقلها شوية ، بس هنة كمان طقلوها كتيير- انو يلزمو حدودهم ، يعني اليوم الواحدة منهم بتأمش حالها وبتطلع لحتى تدعي الناس لدين الله ، يعني أنا لا أنكر أن الأخوات لهم أدوار عظيمة في الدعوة لا يمكن أن يقوم بها غيرهم ، ولكنهم اليوم يتخطون حدودهم ، يعني مثلا يلي بيحضر على قناة اقرأ أو ....... بتكون الواحدة ، مأمشة حالها على آخر طرز وطالعة تقدم برنامج عن الاسلام ، يعني شو هل الاسلام هذا ، وشو هل الشغل يلي عم تشتغلوا هية ويلي ما بيقدروا الرجال يقوموا فيه ، هذا مثل ، ولكن في أضرب منو ، وأخف منو ، وحتى في القلمون .

[العبد الفقير]

ويا أبو الزوز ، صحيح اني بختلف مع الأخت روعة في بعض الأمور -يعني كتير مش شوية ، بس ان شاء الله منبقى منتناقش فيهم على رواق بهل المنتدى-، غير أنها تبقى أختي في الاسلام ، وابن القيم الله يرحموا استفاد من حديث (اذا بلغ الماء قلّتين لم يحمل الخبث) انو اذا كان الانسان بظاهروا صالح ومجمل أعمالوا منيحة ، فهذا عندو شي يغطي عن شي تاني .

ومن ثم يا أبو الزوز ، يعني هي صحيح المخلوقة تفلسفت شوية -قصدي كتيير- بس هذا الكلام منقول عن السيد قطب وأنا بموت فيه وبكتبوا ، الله يرحم عضاموا شو كان بيفهم ، والله يرزقنا متلوا .
ولسا ما وصلنا لمرحلة الصخر ، يعني اساتنا بالخرز والبحص ، والا بعدن بطلع فينا قرار بلدي بتكحشنا من القلمون .

[العبد الفقير]

ويا قاسي ، بحب قلك انو هل الجمعيات يلي عم توصفها باسلامية ، صارت كلها جمعيات وطنية ، وخصوصا في هذا الصيف ، يعني مرحبا اسلام ، كل واحد منهم بتكون دقنوا فوق الكعبين بشوية -لحتا ما يكون اسبال- وبحكيك قال الله وقال رسول الله ، وهو راييح لعند سعد الحريري و لعند .............. ، ومن قبل كانوا ماشيين مع سوريا .
كما أني أسأل الله ، أن يثبطهم وألا يعملوا شيئا للدين ، لأنهم ان عملوا فانهم يعطون صورة سيئة عن الاسلام ، فمثلا منذ متى العزم تحمل مبادىء الاسلام ؟؟؟؟ يعني هل جمعية العزم صارت محسوبة على الجمعيات الاسلامية ؟؟؟؟؟؟؟؟؟ والله مصيبة اذا كان هيك . وعلى ما فكرة ما الجمعيات الأخرى منها ببعيدة .
ويا هارد ، أنا مش مثبط ، ولكن ما تشد ايدك كتيير ، يعني الله يبارك فيك بتقول :" انا اريد ان اقول ان التكاتف بين جميع اهل الصلاح في البلدة ووضع مشروع عملي دعوي بالتعاون مع صلا حيات البلدية نستطيع ان نصل الى نتيجة ولله اعلم ، انا اتكلم بواقعية البلدية فيها تفرص وتمنع وتكحش .... ومن ناحية ثانية المعاهد الاسلامية والحلقات في القلمون يتكاثر عملها والحفظة الله اكبر كل سنة يتم تخريجم ، ومشايخ القلمون من اهم المشايخ ومن اشهرهم عالميا "
أول شغلة ، يلي بيسمعك عم تقول أهل الاصلاح بفكر انو هلأ في كتيير منهم ، له ما إلحق واحكي ، تيشيب شعر راسك ، على كتر ما في وقاحة وقلة أخلاق من بعض من يتصدر الدعوة ، ويقاتل غيره عليها ، وكأنها شي وظيفة دنيوية أو لقب أو جاه . ومن عن أي بلدية تتحدث ، كمان هدال ما بدنا نفتح قصصهم ودواوينهم ، لأن حاكم اذا بلشنا ما منعود منخلص وما منستفاد شي ، ومين قلك انو البلدية ما عم تشتغل يا هارد ، ما شايفها ، كيف مزبطة طريق العشاق ، يعني الخط محل ما بيمرقوا الملتزمين صرل ريحة الوسخ والجيّة شي 5 سنين واسا ما عرفت البلدية فيها -أقصد الوادي قرب بيت قوطة- ومن ثم عن أي حلقات تتحدث ، يعني بالكاد أخونا طارق زيدان بيعطي حلقة عامة ، والباقي واقف -هذا بالمساجد- وعن أي حفظة تتحدث ، بيحفظوا وبيعلقوا مع بعضهم ..... ، وبالنسبة للمشايخ ما رح احكي لأن بخاف ما يطلع الشعر على لساني على كتر ما صرت حاكي عنهم .
أنا يا خيي هارد لست مثبطا ، ورغم كل هذا ، أشهد الله على أني لا أحقد على أحد منهم ، ولا أتكلم للتشهير ، ولكن الوضع الخطير ، وهذه النتيجة ما كنا لنصل إليها لو الوضع كما وصفت .

ومن ثم بحب قلّك شغلة ، انو الاسلاميين ، للأسف لم يعودوا أكثرية ، يعني فيك تقول أكثرية دفترية أو وهمية يلي بدك ياه ، بس الأكثرية الحقيقية هم من تيار المستقبل ، وتيار المستقبل شيء والاسلاميين شيء آخر مختلف عنه كليا ، والاسلام مبدأ ، والتيار مبدأ آخر .

[فشلان]

والله شغلة إنتو... آ والله لو الواحد منكم بيرجع بيقرأ ما كتب.. لحذف المقال كلو...
ولك وين عايشين... ما بعرف إذا سامعين الشاعر:
لا تنه عن خلق وتأتي مثله ... عار عليك إذا فعلت عظيم..
رح بلش بالأخ وسيم.. قال شو قال: ما رح لف ودور كتير.. بينما منلاقي إنو مشاركتو نفسها كانت شي 99 سطر...

بعدان قال: يعني هي صحيح المخلوقة تفلسفت شوية -قصدي كتيير- بس هذا الكلام منقول عن السيد قطب وأنا بموت فيه وبكتبوا ، الله يرحم عضاموا شو كان بيفهم ، والله يرزقنا متلوا .
إنت ملاحظ إنو الأخت روعة ما حكيت ولا حرف غير كلام سيد قطب يلي بتموت فيه... ما عاودنا عرفنا وين الفلسفة الكتير؟!!!!

بعدان أنا بدي اسأل سؤال: ليش بتعيبو على المشايخ.. وإنتو عم تعملو مثلن...
يا أخي بدي إفهم: ما هي القاعدة الصحيحة؟ الدين لنا!! أم نحن للدين!!
يعني كل واحد عم يشد بالدين صوبوا؟ يا حبيباتي.. عفواً يا ولادي قولة نور (ما بعرف ليش آخدة دور الماما) كيف إنت بدك تصلح وبنفس الوقت تسأل الله أن يثبطهم.. لا أن يهديهم!!!!

يا ولادي... كل واحد إذا كان فكرو الدين لإلو بكون غلطان.. هو للدين... هو يلي لازم يبذل منشان الدين...

صحيح إنو في مشاكل كبيرة... أبسطها إنو مثلاً طلع في ناس مش مستعدة تتقبل إنو ممكن (انتبهو ممكن) يكون الاحتفال بالمولد مش حرام.. وخلص رأيها وبس... هادى أكيد شي ما رح يوصلنا لتفاهم...
يا ولادي بالأول الشافعي لما راح صلى بجامع أبو حنيفة صلى على مذهب أبو حنيفة... شو كان مرتد.. ولا كافر... لأنو علم الحق فأتى بالباطل... شو رأيكن؟؟؟

يا ولادي.. إذا كانت نفوسكن جاية تدعي الناس ومشحونة... قعدوا ببيوتكم أفضل... لازم تكون أطيب نفس بالعالم.. حتى تسمي حالك فرخ داعية...

كلكن عم تحكوا بانفعال.. صحيح إنو لازم يكون الواحد عندو حمية.... بس إذا انتو بالمنتدى هو رح تشعلوا الدنيا.. كيف على ارض الواقع...

يا ولادي.. أنا صبرت كتير كتير... وهادي يمكن أول مرة بحكي مثل فهمان يا ست نادين... لذلك.. سكتت لأني فقعت من طريقة الحكي المهذبة..

دووووووووووووووووووع

[فشلان]

يا قاسي إنت طلب ونحنا منلبي.. الله وكيلك اللوزة يلي قدام بيتنا صرت معبي منها شوالات... رح خليلك كم حبة.. بس حد علمي إنك مانك بلبنان.. ولا رجعت؟؟!!!
إذا على بالك لا تحرم حالك.. ولوزتنا من أطيب لوز بالعالم.... مروق وسروق لأنو قولة ما بقولو: السرقة أطيب..

[HARD]

ولله يا فشلون انا حابب اعرف شو بتشتغل ولك انت دارس شريعة كلامك كتير راكز ولله بس مبين عليك دين كتير بس مزيح كتير يلله الله يعين بس انا شوفتك على التلج انت ماشوفتني ؟ ببعتلك صور تتشوف حالك :) او انت بتبعتلي ، حابب شوف التلج كتتتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتير ولله بعتلي اي صورة للتلج بلبزززززززززززززز فشلون على فكرة هل لبست البدلة المخصصة للتلج او كلا .

[فشلان]

ليش أنا عارف حالي شو كنت لابس... عارف حالي وين كنت قاعد.. عارف حالي وين كنت واقف... إذا الواحد قلبو مش معو.. ما بقى تعتبو عليه.... إذا كانت عم تشتي تلج.. ما عرفت غير ما رجعو قالولي إنا شتت تلج نحنا وفوق..
شو بدو يحكي الواحد حتى يحكي...
بعدان تعا لهون... ليش اللف والدوران... فتاح الإنترنت.. على جوجل.. ودور على التلج.. في مائة صورة... أحلى مني :cool: :cool: :cool:

[HARD]

بابا فشلون على الاقل صورة للتلج وليس لك يعني اذا في غيرك لا يهم .
وثانيا قيل لي ان اللوز قد خشب وان اللوز لم يحمل هذه السنة وانت تقول شوالات عجيب قولك بس انت اذا عندك ممكن تبعث لاهلى واهلى بتكفلو بالباقي شو كيفني معك انا انتظر ردك بفارغ الصبر .

[فشلان]

يا حبيبي أنا مش بتاع صور ولا تصوير... مع إني ندمت ما كان معي آلة تصوير...
بس لا تروح لبعيد... إذا بدك صور التلج... بعات لمروان الظنط.. الله وكيلك ما في شجرة.. سيارة.. تلجة.. غيمة.. شو ما بدك صور.. وأكيد بتلاقي صور لي من بيناتن..
بعدان اللوز إذا إسا بدك تنطر سبع أشهر حتى تجي.. أكيد بكون مخشب... بس هلأ لسا فيك تاكل لوز.. صحيح قاسي يا قاسي.. بس يلي مثل حكايتك متوحم بيتاكل معك...:D

[Nadine]

al mawdou3 fe3lan ktir mohem w rayt ma ydi3 ,,,el akh wassim 3eti afkaro w era2o kenet ktir ma32ouleh,,, w min ne7yet fekret ino ykhalou il ajiyel illi jeye inshaAllah ykouno sal7in,,,ana b2oul ino lezem ykoun fi bil maderseh baramej tkhalli hal tlemiz yerkazo aktar,,,, wallah choufou hon il koffar adaich byekrahouna,,w rou7ou 3ala shere3 il almoun w choufou hayda bi2aled il moughanni il ajnabi wel tenyieh bet2alled il moughaniyeh il ajnabiyeh,,,w hal moughaniyin bi2oulo iza ba3ref ino we7ed moslem byesma3li batal ghanni...bass ahma chi il maderseh bi ma ino il wled bi2ado aktar wa2ton bil maderseh,,,,,w beraka Allah fiki okhet nour 3ala hal tar7 il mohem,,,,w kamen b7ob oshkor il akh wassim illi 3a toul byenfa3na bi mosherakatou il mofideh ,,fa jazaho Allah khayr,,,,,
wassalamo 3alaykom wa ra7mato allah wa barakatoh

[HARD]

اخي وسيم كلا مك بالاجمال صح ولكن اذا دخلنا بالتفاصيل نجد ان لكل موقف او تصرف سبب معلل يفرض نفسة وهو لا يخالف الشرع ولا العقيدة فانت تعيب على الناس بعض المواقف او تعاطفهم مع تيار او مع جماعة، بس ما المانع اذا تم العمل مع التيار او مع الميقاتي او مع الصفدي اكيد تحت راية الشرع ؟؟ لا اجد معيب ؟؟ ومين قال لك انهم دعاة فساد ومفسدة اجدك تعارضهم من كل قلبك ، ويا خي الناس بدها تعيش .... وبعدين المشايخ صحيح مقصرين كتير بس احنا كمان مقصرين ليش ؟؟؟ ماذا نعمل لتغير واقع القلمون ؟؟؟ هل اجبت نفسك !!! نعم هذا هو لا شئ ونحن نصف الكلمات لعل هناك واحد لديه العزم لينفذ . عفوا من الجميع كل الكلام لن يفيد . يوجد على الارض عالم واناس صرها كتير عم تشتغل بشكل منهجي ولديهم الخبرة بالحلول وكيفية التنفيذ ادعموهم وشوفو كيف بتصير القلمون الله يستر يا شامي :)

[الشامي]

السلام عليكم يا جماعة ...

بطاقة صفرا للأخ هاااارد ... شو بيك صحيح فاتحين للناس تحكي بس خوووود بالك ها... :)

الله يبارك في الجميع...

أخوكم:rolleyes:

[أبو جاد]

والله مبعرف يا اخي القاسي اذا منشان اللوز فمليان عندي بالبيت . يا فشلان اصدي بالبراد.يس شوفك يا اخي القاسي بعطيك ميهمك . يا معلم .عفوا يا شيخ فشلان يارب تكون عجبتك الرحله .وتكون تمنيت لو كنت انا معك مع اني مبعرف هذا الوجه النير بس معليش . اذا حبيت تعلم عن حالك فشكرا بس ياشيخ شو رأيك عن الاخطلاط . أو مبعرف اذا كان لها شي فتوا بتحللها متل الاحتفال بالمولد . افيدونا بعلمكم:cool:

[HARD]

ولله تسلم خي ابو جلد عن جد كلك ذوق مش متل فشلون بلش يغلط معي بالكلام يعني ولله انا طلبت اللوز فبترد برد فاشل :) .

[الزاهر]

مش حابب أخرج عن الموصوع لكن يا أخي "قاسي" أنا أخالفك بجملة قلتها وأرجو أن لا تكون صادرة من صميم قناعتك
بس ما المانع اذا تم العمل مع التيار او مع الميقاتي او مع الصفدي اكيد تحت راية الشرع ؟؟

هل من الممكن أن أعمل مع اليهود وأساعدهم في أهدافهم وأنا "تحت راية الشرع" ----لا أعتقد
أرجوا أن لا تعتقد أني أقصد باليهود هؤلاء الفريق. بل أقصد المبدأ الذي تتكلم عنه ----فكيف أساعد من لا يعمل بالشرع وكيف أدعمه بقدراتي وأنا لا زلت تحت الشرع. ولك ما أنا أدعم من يعمل ضد الشرع أساسا----أم أنا على غلط.

ويا ريت كنت قادر أكمل مشاركتي السابقة لكن اليوم كنت مشغول كتييير وهلأ نعسان كتييييير


السلام عليكم

[الزاهر]

ماذا نعمل لتغير واقع القلمون ؟؟؟ هل اجبت نفسك !!! نعم هذا هو لا شئ

لا ............يبدو على أد ماني نعسان ما انتبهت لهالجملة ----ولك والله هادي مصيبة
ولك شو هالكلام يا أخي ------ما عهدناكم هكذا-----ولك أنا بكره هالفكر المنهزم
ولك بدك كان شي كم درس من أمي نور لتغير رأيك
ولك هلأ كل اللي عم نعملوا طلع ماشي---الله يسامحك




سلام

[العبد الفقير]

أول شي مش عارف ليش هلأد بتحبو تكتروا حكي ، يعني ما عارف بمين ابلش ، بفشلون أم بالقاسي ، أم بناديين أم ..........

أبدأ بفشلون : القسم الأول من كلامك لن أعلق عليه ، لأنه كان مجرد مزحة ، وبعدين عم تقول يا فشلون : "ليش بتعيبو على المشايخ.. وإنتو عم تعملو مثلن..." بأيش عم نعمل متلهم .................. أرجو التوضيح ، لأن هذا الكلام فيه ابهام ، وأسأل الله أن لا أكون مثلهم .
ومن ثم هيأك انت يلي عم تتفلسف ،" ما هي القاعدة الصحيحة؟ الدين لنا!! أم نحن للدين!!" القاعدة الصحية هي أن الدين لنا ، ونحن له . ما عارف ليش عم تلف وتدور ، لوين بدك توصل ، ما تؤم تكون فشلانة هون .
ومن ثمّ تقول "كيف إنت بدك تصلح وبنفس الوقت تسأل الله أن يثبطهم.. لا أن يهديهم!!!!" أن أسأل الله الهداية لكل الناس فهذا أمر مفرغ منه ، ولكني تمني التثبيط لهم هو لمصلحتهم ، فكل ما كفوا عن تشويه صورة الدين كان خيرا لهم أكثر ، يعني بكون أحسن شي اذا بروحوا يلاقوا شغلة التانية يشتغلوا فيها ، وتكون بعيدة عن الدين ، وهيك أريحلهم وأريحلنا ، يعني بخففوا عن حالهم .

أختي ناديين : بارك الله بك على كلامك ، وأول مشاركة عملية وغير تنظيرية ، يعني يا شباب نعدوا شوية . وهيأتني رح ارجع اتحالف معكم بعد ما لخبطوها معنا على الآخر بالمسيار والتعدد ، بس يلا بسيطة الله يسامحك ، وكنا عم نمزح بالكلام القاسي ، ولكن الأفكار الذي قلتها أنا مقتنع بها ، وأعتذر عن كل كلمة سببت أذى لأي شخص وأخص بالذكر أختي الكريمة أم سفيان ، والأخت نادين ، والأخ جابر وغيرهم .....

أخي هارد :

اخي وسيم كلا مك بالاجمال صح ولكن اذا دخلنا بالتفاصيل نجد ان لكل موقف او تصرف سبب معلل يفرض نفسة وهو لا يخالف الشرع ولا العقيدة فانت تعيب على الناس بعض المواقف او تعاطفهم مع تيار او مع جماعة،
أولا أنا أعيب على ناس عرفتهم عن قرب وعلى مبادئهم وليس على مجرد موقف كما تحاول أنت التخفيف من المشكلة ومن خطورتها ، فالمواقف تعبر عن مبادئ أصحابها ، وعلى كل فأنا لا أحكم على انسان من موقف واحد .
ولا أريد تحويل النقاش إلى نقاش في الخصوصيات ، ومناقشة المواقف المختصة بحالات معينة مثل العزم و .... بل أريد اللجوء إلى التعميم ، والى طرح فكر عام ، يكون ميزان في قلب كل منا ، ليقيس به ، وعندها لا داعي لأن نذكر كل قصة وحدها .

بس ما المانع اذا تم العمل مع التيار او مع الميقاتي او مع الصفدي اكيد تحت راية الشرع ؟؟ لا اجد معيب ؟؟
هو أكبر عيب ، لأن هكذا ناس هدفهم انهم يأرجوا الناس انهم منفتحين وانهم هم يفهمون الدين الصحيح الذي هو الأخلاق وبس ، وانو هنة بيعرفوا بالدين أكثر من الاسلاميين ، وشوفو يا ناس نحنا عم نعمّر مساجد و ......... ، يعني صحيح احنا مبادئنا الديمقراطية و...... ولكن عم نعلكون مسجد ، ووقت الانتخابات ما تنسونا يرضا عليكم ، لأن المجلس يحتاج مسلمين منفتحين ومثقفين مثلنا ، يفهمون الدين بالمحبة والوطنية واللاطائفية بعيدا عن التعصب والتعقيد و ......
يعني يا قاسي ، اذا القوات اللبنانية -يلي أكيد بتعرف شو رأييهم بالمسلمين وبالاسلام- دعيوك على افطار برمضان بتطلع ولا لأ ؟؟؟؟ أرجو الاجابة .

ومين قال لك انهم دعاة فساد ومفسدة اجدك تعارضهم من كل قلبك ،
أعمالهم قالت لي .
ويا خي الناس بدها تعيش ....
هل هنة عايشين هلأ ؟؟؟؟ وهل هذه عيشة ؟؟؟؟

وبعدين المشايخ صحيح مقصرين كتير بس احنا كمان مقصرين ليش ؟؟؟ ماذا نعمل لتغير واقع القلمون ؟؟؟ هل اجبت نفسك !!! نعم هذا هو لا شئ ونحن نصف الكلمات لعل هناك واحد لديه العزم لينفذ . عفوا من الجميع كل الكلام لن يفيد . يوجد على الارض عالم واناس صرها كتير عم تشتغل بشكل منهجي ولديهم الخبرة بالحلول وكيفية التنفيذ ادعموهم وشوفو كيف بتصير القلمون الله يستر يا شامي
أنا لم أتحدث عن المشاييخ فحسب ، ولكن عن جميع من يتصدرون الدعوة ، ووصفت حالهم ، يعني يا قاسي انت لوين بدك توصل ؟؟؟ ليش لحتا اتدافع عنهم ، وشو بدك مني اذا كنت عم اعمل ولا لأ (بل الإنسان على نفسه بصيرة) واذا كان عندي شغلة منيحة ما مضطر أوقف واحكيها قدام الناس على المنتديات و ...... لأن اذا كنت عم اشتغل للدين ، فهذا لله ، وليس للناس ، وما مضطرين كل عمل منعملوا يكون جهري وقدام المسرح، وماضيين اسمنا عليه . واذا ما كنت عم اشتغل للدين ، فبكون كمان أفضل مما يحصل اليوم ، لأن الصفر أفضل من الأرقام السلبية يا هارد ، ويلي ما عم يعمل شي أفضل من يلي عم يفسد ، من حيث لا يدري أو ربما يدري

أبو الزوز : الله يبارك فيك ، كلام جميل

[فشلان]

وشو بدك مني اذا كنت عم اعمل ولا لأ (بل الإنسان على نفسه بصيرة)
ما دام هيك رأيك لشو عم تعيب على المشايخ.. والتيار... والبطيخ المبسمر... خلص لكن سكوت.. مثل ما عم تطلب من الناس يسكتو... شو بدك منن إذا كانوا عم يعملو ولا لأ..
يعني سبحان الله إجت الإجابة على أسئلتك لي منها لحالها....

بعدان وجه الشبه بينك وبين المشايخ هو إنو عم بتشد الدين لعندك... كأنو ملك أبي وأبوك... فكما أن تتكلم عن المشايخ أنهم أصحاب الدين والقيمين عليه.. كذلك طريقة كلامك...

ولذلك لم تقبل أن تكون أنت للدين فقط.. بس كمان الدين لك.. يا أخي أبو الجود لما استخدم كلمة الدين لنا والحق لنا والعدل لنا والكل لنا.. هذا كان من باب الفخر على الناس الباقيين يلي عندهم رفات الدين ممزوج ببعض الخرافات والترهات... بعيد عن المكارم والأخلاق..
أما من ناحية الدعوة... فنحن للدين وليس لنا من الدين شيء... هو غني عنا وعن أمثالنا... نحن من يجب أن نكون له...
ما بعرف إذا وصلت الفكرة...
بالنسبة للفلسفة عن الأخت روعة.. فإن كان قصدك إنها تفلسفت ولكن فلسفتها كانت جيدة.. فأنا معك... ما إلي شي عليك... مسحوبة...

أما من ناحية الدعوة بالتثبيط... فإن النبي عليه الصلاة والسلام من هديه أن يدعو الناس ولا يدعو عليهم.. مهما كان الأمر إلا بعد اليأس القاطع من صلاحهم... فهل قمت بالواجب الكافي لتصل إلى مرحلة الدعوة عليهم... أما إنك تقول : الدعوة بثبيطهم لكي لا تزيد معاصيهم فهذه فلسفة حقيقية ليس كفلسفة الأخت روعة... ألا يمكن بالله عليك أن تدعوهم ويهديهم الله فتقل معاصيهم وتكثر حسناتهم وفضائلهم؟

نحن نريد قلوب مفتوحة للناس جميعاً للكافر قبل المسلم... تتعامل بروح الإسلام الطيبة لتكسب الناس وتجذبهم.. لا لتنفر الناس والمسلمين حتى... أنا معكم.. ويجب أن نقوم بشيء في القلمون ولكن قبل أن نعرف ما هو الشيء يا سيد وسيم غنوم يجب أن نهيء أنفسنا للتحمل والصبر.. فكما أن الذي يقول انئبر تعا لهون يا تيس منشان تقرأ قرآن... هو إنسان غير جدير بمنصبه.... كذلك الداعية الذي هاجم على الناس هجوم... وفكرو يفوت كول بأسرع وقت.. كذلك هو إنسان غير جدير بمنصبه...
نعم في بعض الأحيان تحتاج الدعوة أشخاصاً شديدين، كما الرقيقين.. والمعتدلين... ولكن الأصل أن يكون الداعية رمزاً للأخلاق والتحمل والصبر... والرفق بالدعوة...
إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون.. أذكروا الله العظيم يذكركم واشكروه يزدكم واسألوه يعطكم وأقم الصلاة...
الله أكبر..
الله يبعتلكم.. القاسي لزقني بالمشيخة. قام صدقت حالي...

بعدان تعا لهون شوية... هل تعتقد إنت و"خجلان" هادى أفضل اسم معلمي زاهر.. هل تعتقدان يا وسيم ويا خجلان أنه لا يمكن التعاون مع تيار المستقبل والبقاء في مدار الشرع؟
إذا كان جوابك بنعم.. فاسمحلي أن أقول لك.. أنك لم تفقه من السيرة النبوية سوى أن حليمة كانت مرضعة النبي عليه الصلاة والسلام وأن هناك غيمة ظللت النبي.. وأنه حارب وانتصر... والله أكبر...

صحيح أن التيار ليس حركة إسلامية ولكن ليس من الضروري أن يكون كل تعاون معه هو دخول في الكفر والعلمانية...

أم لك رأي آخر في ذلك؟؟؟؟

بعدان ماني فاهم.. كل مشاركاتك بآخر الليل.. بدي افهم ما بتقوم بتصلي الصبح يعني؟؟؟ ما هو أحلى الشي الكتابة بعد الصبح... لأنو الإنترنت عنا بالقلمون بتعرف طيارة.... بس ما بتطير إلا بس الناس يكونوا نايمين يعني بعد الصبح....
دووووووووووووووووووووووووووووووووووووووووووووووووو ووع

[أم سفيان]

أنا لم أقرأ كل المشاركات مررت عليها مرا سريعا ولكن لفتت إنتباهي عبارتين
بدي أعرف ليش مفكرين إني ماني عم شارك لأني زعلت مما قيل في موضوع المسيار يعني بالغصب بدكن تزعلوني قلت من قبل أنني وزوجي مشغولان بطلي البيت بس فشلان ما صدقني ما بلومو
وتحدث الأخ وسيم عن المشايخ والظاهر أنه عاب عليهم جمودهم او عدم تفاعلهم مع واقع القلمون لا أعرف إذا كان فهمي صحيحا لأني لم أتابع الموضوع من البداية ولكن يا أخ وسيم عندما سئلت هل عملتت شيئا لدينك أجبت أنه ليس بالضروري إذا فعلت شيئا إيجابيا أن تذيعه طيب يا أخي لماذا لا تنظر للمشايخ بنفس النظرة ليس بالضروري إعلام الناس بكل شاردة وواردة يقومون بها يعني لماذا دائما ننظر لأنفسنا أننا من نطبق الدين وغيرنا المتساهل ونحن من نقدم وغيرنا المتخاذل لازم المشايخ يقدموا تقرير يومي بالبرامج والمشاريع التي يقومون بها
أرجو تسامحوني إذا كنت خرجت عن الموضوع أو كان فهمي خاطئ لأني كما قلت لم أقرأ كل المشاركات ولكن أحببت المشاركة حتى ما تقولوا حردانة
وادعولنا يطلع الدهان منيح

[فشلان]

يا أختي أم سفيان أنا مش عم كذبك.. ولو... بس يعني إنت عم تدهني.. ونادين عم تجلي.. ونور عم تدرس... ورولا عم تتعلم... وروعة عم ... عم أيش؟ ما عاود يطلع معي فعل... المهم عم ولا خال...
طلعو من هالأفلام... يلي عم يدهن ما بياخد فرصة... شو عندك قصر فرساي.. صرلك من السنة الماضية عم تدهني...
بس على كل حال ناطرين نحنا
مش رح تقل عليكي لأنك جيتي معي هون بهالموضوع...
لذلك لن أقول: دوووووووووووووووووووووع
ييييي قلتها...

[العبد الفقير]

فشلون ، عم تقول "وشو بدك مني اذا كنت عم اعمل ولا لأ (بل الإنسان على نفسه بصيرة)
ما دام هيك رأيك لشو عم تعيب على المشايخ.. والتيار... والبطيخ المبسمر... خلص لكن سكوت.. مثل ما عم تطلب من الناس يسكتو... شو بدك منن إذا كانوا عم يعملو ولا لأ..
يعني سبحان الله إجت الإجابة على أسئلتك لي منها لحالها...."

أنا أعيب عليهم ، لأنهم يعطون صورة سيئة عن الدين ، ولهذا أدعوا الله أن يثبطهم ، وعلى كل سا فشلون اذا الله غضب عليك واتقربت منهم رح ترجع تحكي نفس الحكي . ولكنك لم تذكر كلامي كله ، فأنا كنت قد وضعت نفسي بين حالتين اما أن أكون عاملا للدين وفي هذه الحال لست مضطرا لذكر ذلك ، واما أن أكون غير عامل وفي هذه الحال أن أكون غير مضل لغيري وغير مشوه لصورة المسلمين ، كما يحصل اليوم


وبعدن يا فشلون ، القصة مش متل مانك فهمانها يعني الدين مش لحاف تحتا شد فيه ، ولكن في ممارسات خطأ على أرض الواقع ولازم نحكي عنها ، واذا ضلينا رح نواجه كل شخص بنبه على الخطأ بفلسفات و...... يعني من دلنا محلنا ، شوفو الأخت ناديين الله يبارك فيها حكيت كلام عملي ، ليش لحتا نحول الموضوع لإذا كان المشاييخ صح أو لأ ونطلع وننزل وهنة مبينين على حقيقتهم ، يعني احنا قصتنا مش مع شخصهم وشكلهم أو .... نحنا عم نحكي هون بالممارسات الخاطئة وانو ما عندهم مبادئ . وهذا ينبغي التشديد عليه ، يعني أصلا هنة المشاييخ نفسهم بيحكوا هذا الكلام بيوقف الواحد منهم وبقلك قال الله وقال رسول الله وببلش بهل المواعظ واذا بدك بيبكي كمان ، وبيرجع بيطلع .............................
ومن ثمّ فيما يخص التثبيط ، سبق وقلت لك ، أن الدعوة بالثبيط هي لهم وليست عليهم . يعني انت اذا قلت الله يثبط القوات ويهديهم ، وين المشكلة ؟؟؟ يثبطهم عن الباطل ، يعني الأعمال السلبية عندهم تتصفر ومن ثم لما بيهتدوا بينزاد على سجلهم أعمال اجابية .


نحن نريد قلوب مفتوحة للناس جميعاً للكافر قبل المسلم... تتعامل بروح الإسلام الطيبة لتكسب الناس وتجذبهم.. لا لتنفر الناس والمسلمين حتى...
أنا متفق معك ، ولكن لماذا دائما يفهم التنبيه على الخطأ هجوم على الناس وغيبة ، وتنفير وانهزام و........، يعني يا فشلون اذا في كلمة حكيتها قدامك مرّة ، بكون حاكيها قدامهم عشرة وعشرين وأكتر . ومش عالق مع حدا من المسلمين حاليا أبدا ، يعني صحيح في ناس ما بخشوا براسي ، بس بضحك بوجهم وبسلم عليهم لأن ما بحب اقطعها مع حدا ، كما أني ولله الحمد اسساتني صحبة مع الكل ، يعني ما حدا يزايد ويفكر حالوا عم يدافع عن المشايخ والدعاة هلأ ، بس في غلط لازم انحذر منو بشكل عام وأنا لم أذكر لا أسماء ولا شي مشان ما حدا يفهم انو قصدي على شخص معين ، وساعتها منفوت بتقاشات وجدالات مطولة ومنعلق مع بعضنا وبس وما منشتغل شي .

أنا معكم.. ويجب أن نقوم بشيء في القلمون ولكن قبل أن نعرف ما هو الشيء يا سيد وسيم غنوم يجب أن نهيء أنفسنا للتحمل والصبر.. فكما أن الذي يقول انئبر تعا لهون يا تيس منشان تقرأ قرآن... هو إنسان غير جدير بمنصبه.... كذلك الداعية الذي هاجم على الناس هجوم... وفكرو يفوت كول بأسرع وقت.. كذلك هو إنسان غير جدير بمنصبه...يا فشلون الصبر على الخطأ ليس من الأمور المحمودة في الدين ، يعني اذا كان شخص فشلان بحياتو وما بيدرس وعم يسأط في يقول لحالوا أنا صابر على الوضع ، أو فيه واحد يقول أنا ما بصلي وهذه مصيبة ولكن صابر . والقصة مع مشايخنا ودعاتنا ومن يتصدرون الدعوة اليوم ، انو لما منحكي عن خطأهم بيطلعوا الناس بيتهمونا انو احنا جعيدين ومتهورين ومستعجلين وغير صبورين ، يعني هذا الكلام وهذه الاتهامات تعودنا وللأسف سماعهم من أحب الناس الى قلوبنا ، ولكن الى متى نرقى ونتحول لأناس عمليين ، يعني اذا كل مرة منشلح فكرة ومنبه على خطأ ، بيطلع فرقة فاهمة الموضوع بشكل خاطء وبدها تدافع على الأشخاص و تتهمنا ......... يعني اذا بدنا ندلنا هيك صدقوني منرجع لورا وبس .
نعم في بعض الأحيان تحتاج الدعوة أشخاصاً شديدين، كما الرقيقين.. والمعتدلين... ولكن الأصل أن يكون الداعية رمزاً للأخلاق والتحمل والصبر... والرفق بالدعوة...
إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون.. أذكروا الله العظيم يذكركم واشكروه يزدكم واسألوه يعطكم وأقم الصلاة...

يعني صحيح ما قلته ، ولكن أين الخطأ على أرض الواقع ، يعني من قال أنه علينا أن نعالج الأخطاء بقلة أخلاق وبذائة ، يعني أنا أيمتن عملت هذا الشيء ومع مين ؟؟؟ وكما قلت لك خلينا نكون عمليين وما في داعي لكل هل الحكي ، فأنا متفق معك على هذا الكلام ، ولكن نبهني اذا صدر مني خطأ ، يعني خلينا نعمل ، يعني ما سامع النشيد الوطني ، أول شغلة فيها كلنا للعمل .

بعدان تعا لهون شوية... هل تعتقد إنت و"خجلان" هادى أفضل اسم معلمي زاهر.. هل تعتقدان يا وسيم ويا خجلان أنه لا يمكن التعاون مع تيار المستقبل والبقاء في مدار الشرع؟
إذا كان جوابك بنعم.. فاسمحلي أن أقول لك.. أنك لم تفقه من السيرة النبوية سوى أن حليمة كانت مرضعة النبي عليه الصلاة والسلام وأن هناك غيمة ظللت النبي.. وأنه حارب وانتصر... والله أكبر...

صحيح أن التيار ليس حركة إسلامية ولكن ليس من الضروري أن يكون كل تعاون معه هو دخول في الكفر والعلمانية... أنا لم أقل أنه دخول في الكفر ولكنني بررت كلامي واعتقادي في المشاركات السابقة .

بعدان ماني فاهم.. كل مشاركاتك بآخر الليل.. بدي افهم ما بتقوم بتصلي الصبح يعني؟؟؟ ما هو أحلى الشي الكتابة بعد الصبح... لأنو الإنترنت عنا بالقلمون بتعرف طيارة.... بس ما بتطير إلا بس الناس يكونوا نايمين يعني بعد الصبح....

والله مش دائما تكون مشاركاتي ليلية ، ولكن في هذه الأيام هي كذلك ، لأن بصراحة بالنهار ما عم الحق حك راسي ، وأضف على ذلك انو ببيتنا احنا أربع شباب ، كل واحد منهم بدو يعد على النت ، هذا غير يلي بدو يدرس على الكمبيوتر ، وكلوا على نفس الكمبيوتر ، لأن البورتابل بتعرف كبتو بنت أختي على الأرض والله يرحموا . فالكمبيوتر ما بيفضى الا بالليل تقريبا ، أو بكيير كتيير ، يعني القصة حسب ما بقلق أو شي ، لأن بتعرف مش هينة الواحد يغمض عيونو دغري بهل الإيام ، الله وكيلك أحيان بدلني شي أكثر من ثلاث ساعات بالفرشة وما بقدر نام .

أم سفيان : الله يبارك فيكي على الدهانات ، ويجعلها في ميزان حسناتك ، وعقبال البقية ان شاء الله .
أما ما قلته عن عيبي للمشايخ فهو ليس محصورا بهذا فقط ، يعني يمكنك مراجعة المشاركات السابقة ، وما تواخذني بس هلأ أنا مستعجل كتيير ، ما بقدر اكتب من جديد . وما ذكرته أنت في باقي الرسالة رددت عليه في بداية هذه المشاركة لفشلان .

[فشلان]

يا أخي شو القصة معكن إنتو... رجعت عملت مثل الأخت نادي سامحها الله.. إذا جبت آية بتعلقو عليها...
على مهلك.. شوية... أنا معك مش ضدك... ولكن أنا أحاول أن أهدئ قليلاً من حدتكم... أنا أعلم كما الجميع أن المشايخ في هذه الأيام معظمهم إلا من رحم الله... مصلحجية....

ولكن أريد أن توضع خطة عمل لا خطة نقد... وإلا فإذا ما اشتغلنا ببعضنا لم يتسن لنا أن نعمل لغيرينا...
والله أعلم وأحكم...

[HARD]

السلام عليكم ,

اولا اخي وسيم جوابي هو كلا ،

ثانيا انا لم اقصد ان اعلم ماذا تعمل من خير او من شر انا اعرض الواقع ، وقولى عن ماذا نعمل ؟؟؟ ليس لك انما هو لى قبلك وهو للجميع على صعيد فردي وجماعي ولا انتظر جواب من احد ولكن نوع من مراجعة النفس بس لا غير .

الاخ الفاضل زاهر (((فكيف أساعد من لا يعمل بالشرع وكيف أدعمه بقدراتي وأنا لا زلت تحت الشرع)))

انا لم افهم ما هو الشرع عندك يعني الان انت عايش بظل الشرع؟؟؟؟؟ ، اخي انا اقيم العمل بوقته فان كان ضمن الشرع ولا حرمة فيه وهدفه واضح واقدر ان اساعد فلن اتأخر ولو كان مع تيار او مع جماعة او مع جمعية او تجمع ،

الان ومع ان فشلان يراقب وقت المشاركات J و مشاركاته بعد الصبح عطول 7، 8 ....يعني خي انتبه على حالك بلشت توقع حالك ....... ومشكور على هذا العقل الرياضي .... فشلان يدافع عن المشايخ لانه منهم ويدافع عن....لانه عمل معهم او لصالحهم مزحة :) .

[الزاهر]

الاخ الفاضل زاهر (((فكيف أساعد من لا يعمل بالشرع وكيف أدعمه بقدراتي وأنا لا زلت تحت الشرع)))
انا لم افهم ما هو الشرع عندك يعني الان انت عايش بظل الشرع؟؟؟؟؟ ، اخي انا اقيم العمل بوقته فان كان ضمن الشرع ولا حرمة فيه وهدفه واضح واقدر ان اساعد فلن اتأخر ولو كان مع تيار او مع جماعة او مع جمعية او تجمع ،


والله يا أخي أنا (الأنا هنا هي بشكل عام) أعمل تحت الشرع ما دمت أعمل لتكون كلمة الله هي العليا ---وذلك بدعم المسلمين وتقويتهم بكل المجالات----عمليا أو نظريا---هذا هو العمل ضمن الشرع. أما عندما يكون العمل لتكون كلمة "سعد" هي العليا فهذا عمل فوق الشرع لا بل وصل لفوق السماء تاعة الشرع. وأنا هنا لا أفصح عن مواقفي السياسية لكن هذا فقط مثل صغير من الذي يحصل.


وما حبيت كتر حكي لأنو صرنا خارج الموضوع
والسلام

[العبد الفقير]

فشلون : الله يبارك فيك اذا كان رأييك هيك ، يعني ما بختلف معك على كتيير ، ولكن أنا ما معقد القصة كتيير ، يعني أنا هل الناس بحكي وبضحك معهم وما في زعل بين بعضنا ، فانتقادي ليس لشخصهم بل لأفعالهم ، ومواقفهم و مبادئهم و .......
كما أني في مشاركة الأولى طرحت الموضوع من ناحية عملية ، ولكن أنتم من أوصلتم الحوار إلى هنا ، وعلى كل ولا يهمك يا أبو الفشلانين ، خلينا نبلش من هلأ بالعمل .

وانت يا هارد : لماذا لا تذهب إلى افطار القوات ؟؟؟ يعني العلة الموجودة في القوات ألا ترى أنها موجودة في الجمعيات الماسونية أو العلمانية المتسمية بأسماء اسلامية أو متاحلفة مع المسلمين ؟؟؟ ولماذا نعيب هناك ولا نعيب هنا ؟؟؟

[فشلان]

اسمحولي اسأل سؤال:
إذا صدف وتوافقت مصلحة الدعوة والشرع مع مصلحة تيار المستقبل أو البطيخ المبسمر... فهل نوقف العمل لكي لا يستفيد تيار المستقبل... أن نستفيد من تيار المستقبل لمصلحة الدعوة؟
ناطر إجابة...

[أبو جاد]

يا شباب تروكونا من المستقبل و القوات و أولت فشلان بطيخ ممسمر و خلينا ننتبه على بناتنا و اخواتنا و ندور على شرعنا شو بيأمرنا والقران الكريم شو بيأمرنا كمان و شو بنقدر نعمل و حاجتنا عم نحكي على بعضنا البعض و نترك هل الأحزاب يلي والله مابدن غير مصلحتن و بنسو دينن وقت بكون في عمله

[الزاهر]

أخي فشلان أنا أدعوك للنقاش أنا وإياك تحت الخط بالرسائل الخاصة وخارج هذه المواضيع لكي لا نضيعها---فما رأيك

أو نناقش في الساحة السياسية---وهذا أفضل

ما بحب ضيع المواضيع---شوية استطراد معليش---بس مش نضيع الموضوع

سلام

[العبد الفقير]

اسمحولي اسأل سؤال:
إذا صدف وتوافقت مصلحة الدعوة والشرع مع مصلحة تيار المستقبل أو البطيخ المبسمر... فهل نوقف العمل لكي لا يستفيد تيار المستقبل... أن نستفيد من تيار المستقبل لمصلحة الدعوة؟
ناطر إجابة...

سؤال كتيير حلو يا فشون ، اسا أحلى من فشلانة -أخ لو بعرف منية كنت حبيتلك ياها فورا- ولكن الجواب على هذا السؤال لا يكون بنعم أو لا فقط ، فهناك حالات متعددة ، المهم ان التعاون مع غير المسلمين له حدود وشروط يعني كما قال العلماء ، يجب أن يكون شرهم مأمون ، وأن يكون المسلمون بحاجة لهم ، وأن لا يتواجد من يقوم بعملهم ودورهم بين المسلمين .
فهل هذه الشروط موجودة بتحالفات اليوم و ........ ، يعني لما طلعت فرقة من المسلمين وتحالفت مع القوات باتخابات الجامعة ، هل يقيس المسلمون أفعالهم من الناحية الشرعية أم بفكروا من عندهم وبيتخذوا قرارات شخصية ، يعني ليش ما منرجع للسيرة ومنشوف النبي صلى الله عليه وسلّم متى كان يتحالف ومتى لا ؟؟؟

ويا أبو جاد ما تواخني ، بس فشلون حنفشنا ، ومعك حق بخصوص يلي حكيتوا عن الجمعيات الاسلامية .

[فشلان]

أوكي مشي الحال خيي وسيم.. بس إنت عم تضربلي أمثلة خارجية... خلينا نحكي بالقلمون... هل يجب أنا نعادي تيار المستقبل كما تفعل أنت.... أم يجب أنا نداريهم... أم يجب أن نتعامل معهم....
إذا عاديناهم فستلغى فكرة احتمال بعض التعاون في مصلحة الدعوة...
وإذا داريناهم (ما تفهم انو نمسح جوخ.. لأ) فربما يحصل بعض التعاون ويكون ذلك في صالح أهل القلمون...
وإذا تعاملنا معهم كان ذلك لا محالة تنازلاً عن بعض المبادئ الأساسية في الشرع...
فهل أنت معي في أن نختار الحل الأوسط... ولا داعي الآن لأن نفتح ملفاتهم الدينية والسياسية.. وإنما نسكت عنهم بقدر المستطاع.. ولا يعتبر هذا موقف ضعف.. فاعلم أننا ضعفاء... وأن حالتنا اليوم أشبه بالحالة المكية... يعني نحن حقيقة نحتاج مساعدة.. لسنا في ظل الخلافة الإسلامية وأمير المؤمنين هو عم بن الخطاب.... فلا بأس أن نبقى بعيدين قدر الإمكان عن التصادم معهم..
والله أعلم وأحكم..
وكرمال الأخ "زاهر كل العيلة" ما طلعت عن الموضوع أبداً...
واعلم أني ما أنا يلي بطلع عن الموضوع.. إذا بتلاحظ مشاركتي الأولى بيكون فيها تعليقات بسيطة.. بتقومو بتاخدو التعليقات وبتعملوها الموضوع وبتصيرو تردو عليي.. شو بسكتلكن يعني.. أكيد لأ.. وهادى يلي عم يصير...

أم عطية محبة
الله يشفيكي يا سلام.. مريضة..

[الزاهر]

ما بعاد بسلم عليك خيي ها.......زعلتني منك

[العبد الفقير]

يا فشلون ، أين العزة في الإسلام ، لا تنظر إلى الأسباب المادية ، ولكن انظر الى ما أمر به الله عز وجل . دينا ما رح ينتصر بسعد ولا جورج و لا ............. دين ينتصر حين تخرج دعوتنا من المساجد وليس من المجالس ، حين يكون المسلمون عندهم ولاء وبراء ، لا أخوة وطنية أو ..........

[فشلان]

والله ما بعرف شو قصتكم إنتو هالتنين... ما بعرف ليش بتحبو تعلقو مع كل العالم... أنا حطيت بين قوسين جملة ما حدا قرأها الظاهر.. أنا مش عم قول تتنازلو عن دينكم أبداً.. بس نحنا مش في خلافة إسلامية.. وعم نتنازل.. نحنا بدولة كافرة بين دول كافرة... فما بعرف شو المشكلة إنو تتعاون مع كافر ضد أكفر منو...
يعني شو المشكلة إذا تعاونت بشغلات ما فيها مشكلة... هنة استفادوا منها بالسمعة والسياسة.. ونحنا كمسلمين استفدنا منها بدينا وشرعنا ودعوتنا...
حرام يعني.. ونقطة على السطر...
يعني عملتو مثل يلي بقولو ما منتعامل مع الكفار... وهو بيكون ساكن الواحد منن بأمريكا وكل يوم جارو بصبحو وبمسيه.. وبيساعدو... بينما هو أعوذ بالله مسلم ملتزم... ما بقولو السلام عليكم لهادى الكافر... والله أكبر....
معليش عم نحكي بتعامل.. مش بانصياع وولاء وبراء... وفاطمة وعلي حمودة..
فكرو بالموضوع بجدية.. وعدوا للعشرة قولة غوار... واتوضو قبل ما تحكو منشان تطفو النار كلا كلا.. حتى يطلع ورد محلا...

[العبد الفقير]

يعني شو المشكلة إذا تعاونت بشغلات ما فيها مشكلة... هنة استفادوا منها بالسمعة والسياسة.. ونحنا كمسلمين استفدنا منها بدينا وشرعنا ودعوتنا...


يعني خبرتك من قبل انو في شروط للتعامل مع غير المسلمين ، وأنها لا تنطبق مع تيار المستقبل ، يعني اذا بتراجع مشاركاتي القديمة بتلاقي هل الشروط

[أبو محمد القلموني]

لازلنا ننتظر الأخت المشرفة نور أن توافينا بالحل من وجهة نظرها. فأرجو أن لا تتأخر علينا. لأن الموضوع هام جدا و يتطلب نقاشا دقيقا ومستفيضا للوصول إلى الحل الشرعي الأمثل و الأقرب إن شاء الله.

[الشامي]

السلام عليكم .. شلونكم يا جماعة.. :)

موضوع مهم نعم ... ولكن لا أدري لما أغفلت أختنا نور صرحا عريقا كان شامخا كمدرسة المنار الأسلامية من ضمن ما ذكرته سابقاً...

فلا أظن أن مدرسة المنار تقل أهمية وأنها بغنىً عن النقد البناء وتقييم طريقة إدارتها على ضوء جوهر وجودها و الهدف الاساسي من إنشائها

أرجو أن نكون صريحين مع أنفسنا ومع أوضاعنا...

أخوكم:rolleyes:

[الزاهر]

السلام عليكم وبعد

والله أنا يا أخي الشامي كنت حابب أفرد موضوع بالكامل لمدرسة المنار. لكن المشكلة أنك إذا تكلمت عن شخص فيها وأسأت له (شو ما تكلمت بيطلع إسائة) فإنك أسأت إلى آل طوط بالإجماع........مشكلة!!!! والمشكلة الأكبر إنو نصفهم من أعز الناس لنا (فقط النصف بالنسبة لي) ..........حلوة الصراحة......!!!!

وما تزعلي مني يا أمي فأنتي أدرى مني بالمنار.

على كل ملاحظة مهمة أخي الشامي وتحتاج برأيي لموضوع مخصص لها لشدة أهميتها.....على الأقل بالنسبة لي.
وهذه الكلمات وحدها تحتاج لأيام وأيام من التحليل والنقد
موضوع مهم نعم ... ولكن لا أدري لما أغفلت أختنا نور صرحا عريقا كان شامخا كمدرسة المنار الأسلامية من ضمن ما ذكرته سابقاً...
فلا أظن أن مدرسة المنار تقل أهمية وأنها بغنىً عن النقد البناء وتقييم طريقة إدارتها على ضوء جوهر وجودها و الهدف الاساسي من إنشائها

أرجو أن نكون صريحين مع أنفسنا ومع أوضاعنا...


سلام محبة

[nour]

أيها الإخوة والأخوات
لقد تابعت ردودكم فشكراً جزيلاً على اهتمامكم. وإن كان بعض ما طرح في الردود يستحق أن يفرد له موضوع مستقل للتناقش فيه.
الواقع إخوتي أنّ مما ابتلينا به في بلدتنا الاستخفاف بكلّ شيء ، ودليلي أنّ التيار الإسلامي -التيار القوي الوحيد في البلدة_لم يؤسس إلى الآن (مركزاً) لعمله، بل سبقه آخرون مثل (النادي الثقافي) رغم الصعوبات الكبيرة التي واجهته وتواجهه في البلدة . ويقيناً أعرف ما يواجهه هذا النادي من صعوبات يصرّ على تجاوزها.
هناك إذاً حالة (فراغ في العمل الإسلامي) فراغ مخيف .
والفراغ لا يمكن ملؤه بالدروس والخطب، بل بالغوص في اهتمامات الناس وتحسّس مشكلاتهم وتفهّم مواقفهم . وهذا أجدى بكثير من الاستمرار في معارضتهم.
لن أطيل ، أريد الوصول سريعاً إلى الهدف:
أقول: العمل الاجتماعي هو أقصر الطرق إلى تحقيق الإصلاح الذي نريد: إصلاح العقائد والأخلاق و بعض القيم الاجتماعية التي لا هي من الشرع في شيء ولا هي تخدم مشروع التقدّم ، ويسعدني طرح موضوعات في هذا الشأن مثل موضوع ضرب الأولاد ومثل التعليقات حول الحرية الفردية .
الفراغ سبب إلى كلّ رذيلة اجتماعية، به فلنبدأ . ولتكن مشروعاتنا منسجمة مع تطلّعات الناس واهتماماتهم.
لا يهم أن يصنع من يشاء مركزاً بل المهم الفاعلية.
يمكننا تأسيس عمل جماعي مؤسسي من دون جدران.
والجدران في بلدتنا كثير لكن العمل المؤسسي الفريقي قليل.
نتعاون مع الآخرين،لا نتعاون معهم ... هذا أمر لندعه لحينه. فالشريعة حيث مصلحة المسلمين ما لم تنتهك محارم الله.
ستطلق مجموعتنا في منتديات الإسلام اليوم حملة ركاز لدعم مكارم الأخلاق.
ونحن في بلدة ، أحرى أن تنجح حملتنا . هيا نختر لكلّ شهر قيمة وندعُ لها :رسومات وتعليقات جميلة تعلّق في الأماكن المكتظة والطرقات والمدارس ، تتغيّر القيمة كلّ شهر.
لنختر بداية _برأيي_قيمة الحياء
أجمل ما قيل في الحياء من أقوال تعرّف به وتحثّ عليه.
صور باوربوينت أو غيرها معبّرة بصورة جذّابة عن هذا الخلق .
وللشهر القادم : قيمة حفظ اللسان...
ما رأيكم؟ فليطلق هذا المنتدى مشروعات عمل لا كلام. ويمكننا أن ننجح صدّقوني.
لو سمعتم مشاركتي في برنامج أول إثنين كان فيها عرض لمشروعات تنطلق من هذا الجهاز لتشمل العالم الإسلامي ، رائعة.
نحن هنا أقدر على إطلاق مشروعات، فبلدتنا فكر واحد تقريباً وصغيرة، كما أن العقلاء هنا والأذكياء كثيرون بحمد الله.
أسمعوني آراءكم.

[nour]

صدقت يا زاهر.
المنار مؤسسة مهمة للغاية لا بدّ من دعمها إن صدق الإسلاميون في ابتغائهم وجه الله

[HARD]

السلام عليكم ولله يا اخت نور المشاريع المطروحة كتير عملية وهي تحتاج لتمويل معقول او كبير ولكن لنوعود ونقول من اللذي سوف ينفذ ، شوفي هل المثال الصغير عند العاملين بالدعوة في القلمون : اصدار ورقة صغيرة مكتوب عليها اذكار او ...... تمويلها صعب ، اصدار بيانات شهرية تتكلم عن الفضيلة او بيانات علمية بأسلوب منهجي وتوزع على المنازل تمويلها صعب ، او اصدار مجلة شهرية متل المجلات الكبيرة صعب تمويلها ، ليس تمويلها بس حتى صعب لم الدعم لها مع العلم ان الاعلانات كافية لتغطيتها ، تنفيذ مسابقات إما شهرية كتابية او على شكل مهرجانات والاهم تحديد جوائز قيمة واشدد على القيمة لا يوجد تمويل للجوائز القيمة ، والكثير من الافكار لا تنفذ بسبب المال ويوجد الكثير من المشاريع والافكار ولكن للاسف ......
انا لا اعلم ما تفعلة الجمعيات الخيرية وما هي الميزانية التي تحددها لاعمالها الاجتماعية او الدعوية ، الحمد لله رب العالمين ، الان سوف اخذ الاحمر :)

[العبد الفقير]

الأخت نور تقولين ، أن المنار مؤسسة مهمة ، ولا أحد ينكر ذلك ، ولكن لماذا كل هذا الإهمال فيها ، يعني احنا كنا تلاميذ وكنا نشوف الوضع ، يعني كنا نلعب فيهم لعب ، والله بذكر اني أحيان كنت انكحش على البيت ويطلبوا جيب أهلي ، فكنت غيب نص ساعة وارجع وهنة بكونوا نسيوا الموضوع ، يعني ما في حدا .................

أنا أريد أن أسأل ما هو تأثير المنار على القلمون ، وهل هذا أقصى ما يمكنها أن تقدمه ، يعني بالأول كان فيها مكتبة فأفلوها ،وما زالت أروع الكتب حتى اليوم مشلوحة وكان معهد تحفيظ القرآن يعلم فيها ، فغيروا القفولة وكحشوا الأولاد عن الباب ، كان فيها تستفاد من كم استاذ ملتزم بوصلوا أفكارهم للطلاب وبيزرعوا حب الإيمان بقلوب الطلاب فراحوا جابولي أنطوان فرح المبشر ، يعني أنا بدي أعرف المنار شو فيها اسلامي ولك حتى الرحلات يلي كانت تصير كانت مختلطة ، حتى انو في مرّة قامت احدى المعلمات وحطت فيروز بالبوسطة وقال فيروز حلال ، وتاني يوم لما عرفنا بالقصة نحكيها ونحكيها وما كانت تقتنع الا انو فيروز حلال ........ تصورو مدرسة اسلامية آخدة رحلة مختلطة على سيدة حريصا أو ......ومدورين أغاني ورايحين، أو تصوروا مدرسة اسلامية بيجي بعض الناس وبصيروا يبرموا على الصفوف يدعوا الطلاب للنزول لمظاهرات المستقبل (بس يومتها اكلوا بهدلة حرزانة) كل هذا والناظرة ماشية معهم ...... ، تصوروا مدرسة اسلامية كان في يفوت أحد الأساتذة يفوت على الصف ويعمل جلسة تنكيت وتهريج على الملتزيمن -يعني صحيح احنا ما قصرنا فيه ، بس هو يلي بدأ- ، اذا بدي الحق واحكي ما بخلص ، اسا في كتييير .
مشان هيك أنا كنت أكتب على دفاتري ، غير كل رفاقي ، يعني أكتب مدرسة المنار الوطنية ، وكذا مرة استنصحني بعض الأهل ، فكان جوابي اصحا بالكم تفكروا بالمنار .

يعني قبل ما نشوف شو بدنا نخترع ونبلش من الصفر خلينا نصلح يلي موجود ،وقبل ما نوصل على السعودية لحتا نلاقي حلولنا ،خلونا نحل القصة من القلمون فبدل ما نحط لوحات لباوربوينت أو بوان كاررية أو حسن كامل الصباح أو وليد جنبلاط أو....... خلونا نصلح المنار ولجمعيات والأحزاب الموجودين .

والا فالقلمون بصراحة تحتاج لمدرسة اسلامية ، بأسرع وقت ممكن ، ولتعلن مدرسة المنار أن اسمها أصبح مدرسة التيار أو .............

كما أني أريد أن أسأل بصراحة من المسأوول عن اغلاق المكتبة ، واهمال الكتب لهذه الدرجة ؟؟؟؟؟؟؟؟؟؟؟؟؟؟؟؟

[nour]

بنيّ وسيم
حين أتحدّث عن دعم مؤسسة إسلامية(المنار أو غيرها) فأنا لا أقصد الدعم المادي فقط، بل النصيحة من الدعم، والنقد البنّاء دعم.
وموضوع المنار يستحق أن نتحدّث عنه لكن هنا ليس موضعه، بل يجب إفراده بموضوع مستقلّ .
فقط ملاحظة لا بدّ منها: النقد يعني ذكر الحسنات والسيئات. وما من شيء كامل، لكن المؤمن حين يحكم على الأشياء يوازن بين حسناتها وسيئاتها. لا ينبغي أن تشغلنا الأخطاء عن الحسنات. هذا من العدل. صح؟ .

المشروع الذي طرحته لا علاقة له بالسعودية. ولكني كنت أعطي مثلاً وأقول: نجاح مثل هذه المشاريع في القلمون أسهل .
وهي أخي _hARD- لا تحتاج تمويلاً . كل ما يحتاجه الأمر البحث عن صور جذّابة يمكن من خلالها تصوير القيمة وتجميلها، وكتابة تعليق جميل تحتها ، ثم إلصاقها في أماكن التجمّعات.
تغيير هذه الملصقات شهرياً هام جداً لأنه سيبعد الملل ويكون أبلغ تأثيراً .
أما عن المشاريع التي تحتاج تمويلاً ، فأعتقد أن الأيام ستكون كفيلة بحلّ هذه المشكلة إن نحن نجحنا وتركنا أثراً إيجابياً .
المهم دراسة القيم التي نحتاجها بعناية.
عندي سرّ سأبوح به: طلاب المنار سيقومون بعمل استبيان اجتماعي ، لنتعرّف أكثر على حقيقة القلمون وحاجاتها. سترعاه معلّمة الاجتماع بطلب مني.
لنبدأ الآن مع : أهم القيم عندي: الحياء،الذي يقول فيه عليه الصلاة والسلام: إذا لم تستح فاصنع ما شئت ويقول صلوات ربي عليه: الحياء لا يأتي إلا بخير

[Nader 3:16]

ألسلام عليكم أنا ارى ان الأهل بالدرجة الاولى يتحملون ما يحدث في شارعنا من انتهاك لحرمة المسجد الغربي من خلال تمشّي النساء الشبه عاريات و
أماّ البلدية فتتحمل الجزء الثاني من المسؤولية كونها تسهل هذه العملية و تسمح للشبان من خارج البلدة من التجوال داخل البلدة مما يؤدي الى افتعال المشاكل
و يأتي دورنا (الذي يسمون نفسهم شباب ملتزمين) لتوعية و لنصح انفسنا قبل ان ننصح الآخرين لأن كثير من المتدينين ممن يخرجون الى الشارع
ارجو ان لا اكون اطلت عليكم



و السلام عليكم و رحمة الله و بركاته

[العبد الفقير]

الأخت نور ، بارك الله بكي على الرد ، وأنا أيضا لم أكن أقصد الدعم المادي بتاتا .
كما أني أتفق معك على تعريف النقد ، وأنا لم أقل أن المنار ليس فيها إجابيات ، بل فيها الكثير منها ، ولكن فيها أيضا سلبيات كثيرة وإهمال و.......
المنار ان استغلت بشكل صحيح ، أؤكد لك أنها قادرة على اصلاح مجتمع القلمون لحد كبير ، كما أنها ستستقتب كثيرين من خارج البلدة ، فباقي المدارس الاسلامية التي خارج البلدة من أكبر مشاكلها هو أن الطلاب طرابلسيين ، يعني بتلاقي الولد اسا ما وصل للبريفيه وحامل السيغارا وفنجان القهوة ورايح على المدرسة ، وهذه المشكلة الحمد لله ليست موجودة في القلمون .

لماذا فشلت المدارس الاسلامية في كسب ثقة الناس ، بينما نجحت المدارس الارسالية في كسب ثقة الكثيرين ؟؟؟
ألا تتحمل هذه المدارس شيئا من مسؤولية ، ابتعاد الناس عن الدين ؟؟؟

ويا أخ نادر معك حق فيما تقول .

[nour]

وسيم عمل تصاميم للحياء وانشرها هون حتى يمشي مشروعك بمحاربة اللاأخلاق واترك عنك الخلوقين من أمثال زاهر.
يلا .
يجري الآن إعداد استمارة للتعرف إلى البلدة أكثر ستنشر هنا بعون الله:)

[فشلان]

وسيم وحياء مع بعضن؟؟؟ والله إنك مغشوشة كتير.. مانك شايفتيه كيف بالعلن بدو يسرق مني فشلانة.؟؟؟؟؟ قال حياء قال...

[العبد الفقير]

أختي نور ان شاء الله سأمشي بالمشروع ولكن لا تتوقي مني السرعة ، فلست من الناس الذين عندهم الكثير من الوقت ولا يعلمون ماذا يفعلون به .

وانت يا فشلون ، شو أنا قلتلك بدي أشلفها .....؟؟؟؟؟؟؟؟؟؟؟؟؟؟؟؟؟؟؟؟
على سنة الله ورسوله يا خيي وين العيب بالقصة ؟؟؟؟؟؟؟؟؟؟؟؟؟؟؟؟؟؟؟

فشلون اترك فشلانة ، ورورح خدلك شي تفاحة مي يلي عند الشيخ عمر بالبراد .

[فشلان]

يا حبيبي كل واحد بياخدو تفاحتو.. لا حدا يطلع بتفاحة غيرو....

آخ يا شيخ عمر.. أتاري التفاح لو معاني كتير ومانا عارفين.. والله شغلة التفاح.... وبحبو كتير

[العبد الفقير]

يا حبيبي كل واحد بياخدو تفاحتو.. لا حدا يطلع بتفاحة غيرو....

آخ يا شيخ عمر.. أتاري التفاح لو معاني كتير ومانا عارفين.. والله شغلة التفاح.... وبحبو كتير

يا خيي شو مكتوب اسمك عليها ، الدنيا شطارة ، بعدن هي المخلوقة بتنقي

[فشلان]

آآآآ إذا هيكة القصة أنا قابل... خليها تنقي..... يا حبيبي تعا لهون... نحنا منعرف شو عنا..

ولك دوووووووووووووووووووووع

[العبد الفقير]

ولك مانك عارف شي
انت ما شياف كيف منطلع ببعضنا نلاحظ يا خيي
هيدي فشلانة هيأتها عم تلعب على الحبلين ، خلص يا خيي تركها مش لازمتلك ، في بنات كتيير

[فشلان]

يا أخي ما فييييييييييييييينننننننننننننننننننييييييييييييييي ييييييي
ما فيني أتركها.. سارقتلي قلبي يا زلمة.. شو بعمل؟؟؟ ما عم يطلع بإيدي شي.. وما باليد حيلة.....
رحنا لعند القلموني على أساس يساعدنا.... نامممممممممممممممممممممممممممممممممممممممم ورجع فاق.. شو قال: عطوني موية عطشان.. ورجع نامممممممممممممممممممممممممممممممممممم ولهلأ ما فاق...
وبعتنا سؤال فتوى على المنتدى.... قام السؤال بحد ذاتو نامممممممممممممممممممممممممممممممممم... أو إنو الشيخ حطو بالدرج وقفل عليه.... والله ما بعرف شو القصة بهالمنتدى...
مرة بقومو فرد قومة.. ومرة بنامو.....
هلأ شوف بالله عليك.. تأمل يرعاك الله
مش كل المشرفين ما لازم يكونو مشرفين.؟؟؟
ما في حدا منن بهالدينا... كل واحد ما بعرف وين نايم..........

أنا بقترح إنو أنا واياك ونادين نستلم القصة كلياتها.. شو رأيك...؟؟؟؟ منعمل انقلاب... بس مش على الشامي.. لأنو الشامي بدو يعملي انتخابات....
ولك وينك يا شامي صرلنا سنة عم نهتك بالانتخابات.. ما عاودت وقفت بصفنا ولا مرة... شربوك المشرفين منوم؟؟؟؟؟

ولك دووووووووووووووووووووووع

[العبد الفقير]

الله يفتح عليك يا أخي فشلان ، وان شاء الله بتتيسر معك وبتلاقي شغل وبتخطب فشلانة .
أنا يا خيي كنت عم امزح معك ، ووقت بكون بدي نقي ، عم فكر اتغرب عن القلمون ، هيدي فكرة ، من هلأ لوقتها ما بعرف شو بصير ، ما حدا بيعرف وين بينضرب على قلبو وبيوقع .......

[Mirror]

انشاء الله توقع يا وسيم وتفك رقبتك ما قصدي شي .... يعني تحب من قلبك:) :d :(

[HARD]

اه انت وفشلان

[Nadine]

شو يا اخ وسيم ما بقا عم تشارك , ما تكون وقعت؟؟؟

[الزاهر]

كالعادة....بيبلش الموضوع بقضية.....بيخلص بعشق وغرام.......عملو ريست لنشوف.......ورجعو عالموضوع الأساسي!!!!

[abujahl]

shway shway mabisir heik leish hal2ad shu shi mara shuftu hadan 3am yu3but hadan bil almun bil shere3 ya3ni 2aw masal ybus hadan bil shere3 leish heik ya 3ammi walla 3ishit bil almun 20 sine w 2aktar w bit2asaf inni inuu lahada hala2 3al 3a2il il bide2i il mitkhalef huwe illi ba3du mawgud bil almun wein il ghalat illi 3am ysir shu badkun t2ululi innu hayda illi neti3li da2in lal 2arid w byihki bil 2akhla2 iza mar2it binit mabyitala3 fi shaghlet tghayret ma3 taghayur il dinye il muhim ydal il mawdu3 dimin il 2akhle2 w bu2sud bil 2akhle2 innu maysir fi tatawur lal tzu3run w il hamdilla hayda manu mawgud iza fi barat il day3a alla yihdiyun bas banetkun asdun sharif matkhafu w hegitkun t2ulu 3an hal banet (***)la2innu haydol wladkun w yimkin matsad2u ana masaleit illa wa2ta ba3adit 3an gawkun hun fi (***) falaten aktar mabtitsawaru w il islam b3id w balashit sali leish batalit 2isma3 ta2 hanak minkun bihayetkun marah ti2idru thilu mawdu3 illa iza t3almtu kif tisma3u 3 tfhamu w tihtirmu 2ara2 il 3alam salam

[روعة]

الأخ أبو جهل
ارجو أن لا تدرج في مشاركاتك كلمات تجرح الفتيات
وأن تحاول قدر المستطاع الكتابة باللغة العربية
وشكراً

[abujahl]

sorry maba3ref 2uktub 3arabi w 3indi su2al ana grahit il banet ???????????/ bas fi magal inkun tiliftuli nazar wein shukran

[روعة]

هي الكلمات التي إستعملتها للتوضيح أن الفتيات لسن كذا وكذا

يمكننا أن نوصل الفكرة دون إستخدام كلمات غير لائقة

[abujahl]

sorry iza hadan 2idaya2 minni bas ana mani 2asid lal ha2i2a 2igrah hadan w shukran 3a innu lfatuli nazary thanks