7000 طلب زواج في أقل من يوم!!! [الأرشيف]

مشاهدة النسخة كاملة : 7000 طلب زواج في أقل من يوم!!!

الشامي

07-04-2007, 12:12 PM

السلام عليكم ...

من نعم الله على الإمارات أن فيها أمثال الشيخ عمر عبد الكافي حفظه الله ...:)

وكالعادة ككل جمعة نصللي فيها خلف الشيخ..نحس بروح يبعثها في قلوبنا وأنوار يضيئها في دروبنا تكون لنا عونا حتى نلقاه في جمعة مقبلة...

وهذه المرة ما لفت انتباهي وأثار إعجابي (كعادتي)، ثورته على التقاليد البالية التي أحالت الحلال حراما مُنكرا والحرام حلال معمولا به مستساغاً..فقد ذكر الشيخ في عجالته الثابتة بعد الفراغ من صلاة الجمعة... قصة جاء فيها ...

أن فتاة من بلاد الخليج في الثامنة والعشرين من عمرها مطلقة ولها 3 أولاد وضعت عرضا للزواج في أحد المجلات أنها تريد عريسا فقط يسكن معها ولا مانع أن يكون الزواج مسيارا.. فجاءها 7000 طلب في أقل من يوم ...

ثم قال بدعابته المعهودة أنه ما زال يذكر إمام المسجد في منطقته في مصر من 25 سنه خلت .. ما ان ينتهي من صلاة الجمعة إلا ويستدير معلنا أن فلان عنده بنت للزواج فمن أراد الزواج فعليه الإتصال بوالدها (مُعلنا إسم الوالد على الملأ) .. فلا تأتي الجمعة التالية إلا وتوزجت الفتاة وحضرنا العرس ...ثم علق قائلاً... أجدادنا لما عاشوا الحلال كانوا يرون الحرام أمراً صعبا تحمرُّ وجوهم لرؤيته.. ونحن اليوم لما هان علينا الحرام صرنا نرى الحلال أمراً مستحيلاااااااااااا.. فلو فعل أحد الناس هذا اليوم لقالوا فلان يبيع ابنته في المزااااااد ...

صدقت والله يا شيخ .. وهذا ما نعيشه اليوم... حلال حرام وحرام حلال...

فهل هذا من الإسلام في شيء؟؟ أم أنه من ضمن الغباااار الكثيف الذي يعلو صفحة إسلامنا وواجب علينا إزاحته ما استطعنا...؟؟

أخوكم:rolleyes:

أبو جاد

07-04-2007, 03:15 PM

يا أخي الشامي والله قصه جدا جدا جدا مهمه و مأثره . بس برأيك هل ذماننا نفس الذمان التي حدثة به القصه . واختلاف الوقت لا يأثر. هل نستطيع فعل نفس الشيأ بوجود ضعف الامان الفاحش. وأحسن شي عملتو أنك لم تضع صوره وجه عم يدحك

عمر ملاط

07-04-2007, 04:08 PM

هو بالفعل التعليق كتير جميل.. والموضوع أجمل.. بس ليش هالكلمات يلي بآخر السطر... عن الضحكات..؟؟؟ لا يكون قصدك على أخونا يلي زعلان من الضحكة... يالله... سامحك الله أخي أبو جاد... بس أنا برأيي إنو معو حق يضحك... يعني ما فيها شي...
وبيني وبينك.. فشلان تقلها أكتر مثل ما رجعت لاحظت... لأنو بلش بالأحاسيس.. مش بس الكلام...

على كل حال.. خلونا بالموضوع.. بس أنا إجمالاً بحب إنتظر رأي الطرف الآخر قبل ما جاوب واعطي رأيي...
يعني منتظر رأي الأخوات بالعربي الفصيح... لأنو الموضوع بمس فيهن أكثر منا...
منتظرين المشاركات الفعالة والجادة.. وقولتك من دون ضحك.. :D :d

HARD

07-04-2007, 10:07 PM

ولله الف بوسه الى كل الشباب، اخواني كلامكم على راسى من فوق وانا اتروحن به :)، ايها شامي حابب ان تقدم شي طلب ليك يوجد كتير اعلانات ببعتلك كم اعلان . اخواني ليش بلا ضحك ، نحن بالامارات كل حياتنا بضحك ،لهيك مني مستغرب ، اذا الواحد بدو يبكي فبيضحك ليش قال لانو نسي انو بدو يبكي (لا تستغرب انا بعرف واحد هيك :)) ، شو فيها الدنيا، فليضحك الواحد وليروح عن نفسه ، وحتى لا اخرج عن الموضوع ويحذف الكلام ، القصة او الفلم اللذي سرده الاخ الشامي كتير مميز، وانا مع ان يبحث الوالد عن الزوج المناسب لبنته بس اكيد ما بعلق اعلان بالقهوة متل ما تفضلتو .... وبالنهاية هذا انا :)

الشامي

07-04-2007, 10:26 PM

السلام عليكم ... :)

له له خيي هارد بلا تبويس اذا بتريد ... :)

يا خيي هون الموضوع مش تعدد ولا مسيار ان بتلاحظ يعني ..

يالله مزحة الله يبارك فيكم على المرور .. أهلا أبو عمييير وأبو جاد على راسنا والله...

بس الظاهر في مرض انفلونزا النسوان ضرب بالأخوات اللي مشتركين هون .. فاختفوا فجأة ..

أنا أقترح على المشرف تسكير كل المواضيع التي تجرح مشاعرهن المرهفة...

أخوكم:rolleyes:

nour

07-04-2007, 11:12 PM

الشامي

07-04-2007, 11:17 PM

السلام عليكم ..

هههه ... لأ هيك الموضوع عم يتطور .. أضحك الله سنك أختنا نور ... :)

أخي فشلان أنا بنصحك تترك الفشلانة وتبدأ رحلة جديدة مع الحب ...

بس حسب علمي الزواج من السعوديات فيه الكثير من المتاعب بقضية الأوراق ووو...

فإن كانت أختنا نور مستعدة للمساعدة فهذا طلب زواج يُعرض قبل افتتاح (قسم الزواج عبر موقع القلمون) .. واحنا ناطرين هون يتقدم شي 60 واحد على الأقل عدد الأعضاء الرجااااااااااااااااال هنا (وليس الذكور):)...

الظاهر الأخت نور عملية زيادة عن اللزوم :) وانا برأي نعطي فترة الإنتقال من الإرث الحالي الذي فيه الكثير من الشوائب إلى الواقع المنشود فترة ليستطيع الناس تقبل هذه الأفكار الجديدة ... أم شو رأيكم دام فضلكم...؟؟

يالله تصبحوا على خير...

أخوكم:rolleyes:

فشلان

08-04-2007, 12:22 AM

منيح والله... عرفتوني طالع على الرحلة.. كل واحد عم يشلح كلمة عني..... بعدان مينك إنت يا سيد أبو جاد... خلينا نتشرف ونتعرف... وجهتلي كتير انتقادات.. هل إنت قد كلامك ومسؤول عن العواقب..؟؟؟ يالله بسيطة... أنا اليوم حققت إنجاز كبير جداً جداً يا قاسي... يعني خطوت خطوة جبارة... وصلت خبر لفشلانة.. والظاهر القصة عندها مستوية وجاهزة....
بس يا تعتيري وين وكيف بدي عيش... ونحنا عطلجية وقولة الأستاذ إحسان غنوم منشتغل بشركة كزدر والوظيفة مهندس شوارع....
بس اليوم رح طل مبسوط وما بدي اعتل هم...
وبكرة حيكون إلي جواب بالموضوع هاد.....
يالله كمان تصبحو على خير...
أخوكم المبسوط فشلان....

HARD

08-04-2007, 12:34 AM

ولله الله يبسطك يا فشلون ،ويا وسيم ، احلام سعيده انا احلامي اكيد سعيدة العترة على الشامي بي تصبح على خير .

العبد الفقير

08-04-2007, 02:49 AM

بالمناسبة . اتصلت فيي أخت سعوديّة و عرّفتني على وحدة يتيمة ومطلّقة ، جمالها وسط ، غنيّة وشابة وتريد الزواج من لبناني فإن لم يوجد فعربي. وسألتني إذا بقدر ساعدها.
ها أنا أرفع طلبها ما دام في فاعلين خير :)

قليلها ، في أبو الشباب وسيم ، بس بدها تنطر شي خمس سنين تإتخرج ، وشي سنتين تلاقي شغل ، وشي تلاتة تأمن حق دفعة قولة من الشقة ، وبشرط انها تكون بتقبل بالتعدد ، لأن بصراحة البارحة بالرحلة شفت صبية كتير عجبتني يعني عمرها شي ثلاث سنين ، وحكيت مع قرايبها فقبل ، وطلبت منو انو يوصل خبر لأهلها ، على كل بين ما كفي بتكون كبرت وطلبت من العروس انها تاكل لحتا تكبر بسرعة ، ويمكن اذا لقيت شغل على بكيير ، فكر بالكورتيزوان يعني متل الدجاج ، منكبرها على السريع .
بس هذا لا يعني انو ما منتني من هلأ ، مايلي بتعرفيه ، عطيياه ، وأنا ناطر العروس التانية لحتا تحكي معي . بس منقبة ؟؟؟؟ يعني اذا بتكون هيك بكون أحسن ، بس مش شرط . والله يبارك فيكي ، أتمنى أن تراسليها كما أخبرتك ، وأنا بعدن بدبر راسي مع المخلوقة

ويا أبو الشباب مبروك وعقبال العايزين ، منك قليل أبدا ، وهيأتني عرفتك شني أنا كنت بالتلج كمان بس مش مع أجيال وشفت مين كان معهم أجيال ، يعني انت م... ..... أو ه... .... أو .......................؟؟؟؟

أم سفيان

08-04-2007, 05:28 AM

يا شامي عم آخد بنصيحتك كل كم يوم عم غير بهاليومين عاملة دهانة وباقيلنا كم يوم منكمل الورشة فما حدا يفكر ما عندي رد

الشامي

08-04-2007, 06:20 AM

السلام عليكم ...

شلونكم يا جماعة...

أعود وأكرر الموضوع هنا ليس عن التعدد ولا المسياااااااااااااار... شو بنا؟؟

بعدين يا قاسي لا تقسى علي كتير شو أنا ناقصك :)؟؟

أختنا أم سفيان الله يعطيكي العافية ... هيك بدنا ياكي زوجة (دهانة) بكل معنى الكلمة... يعني سبق وقلت أن الزوجة قد ترضى مع زوجها بكللللللللل شيء إلا باللي مش موضوعنا هون ... هههه

وأنا يا شباب رح إبدأ بنفسي : عندي بنت للزواج ان شاء الله بعد 17 سنة للي بدو يجهز حالو من الآن .. بتصور مدة كافية موووو فشلان أفندي ...؟ خود وقتك أنا متأكد رح تجي لعندي بعد ما تيأس من فشلانة وأهلها وأكيد رح تكون أمنت مستقبلك ، وما رح تقل عليك بتعرف أنا ممن ينادون (بالكووووخ) يعني هي وفرنا عليك حق البيتتتت، بس أكيد لازم يكون مجهز بأحدث التقنيات للتواصل مع العالم الخارجي، مش هيك أختنا نادين، لووووول...:cool:

يالله بانتظاركم
أخوكم:rolleyes:

فشلان

08-04-2007, 07:49 AM

يا أستاذي يا وسيم غنوم: ما بعرف ليش إنتو بتحبو العزلة وحبيتو تطلعو وحدكم وتقعدو وحدكم وتاكلو وحدكم...
شو مفكرين حالكم أبو ذر الغفاري رضي الله عنه... معليش ظهروا على الناس مش بنات إنتو... هنة البنات صارو عم يظهرو ويعملو دعايات حتى يخطبو... وإنتو بعدكن دافنين نفسكن بالحيا...
حتى مبارح بعض الشباب حكيلي إنو بعض الشباب منكم عم يأنشدو وصار عندن شي عشر طعشر أنشودة... بس مخبينن.. ما بعرف ليش هالأسرار كلها.. ولا أصواتكن عورة؟؟.....
هلأ هو صحيح إنك إنت ما عملت مثل الباقيين المستحيين.. وشرفت لعنا شوية وما عملت مثل الأعدقاء يلي مش عم يرسي على اسم... بس صعبة عليك كتير يا حبيبي تعرف مين أنا.... صعبة... وما في داعي تحط أول حرف من الأسماء... هادي لعبة قديمة... قديمة كتير.. ولا مفكرني الأستاذ إحسان وعم سمعلك الأحرف الأبجدية....
دوووووووووووووووووع

فشلان

08-04-2007, 07:57 AM

إسا بكرة قولولنا ما عم نشارك شعرنا عم يوجعنا.... والحيط مريض... والحشيشات معن التهاب...
وما فينا عم نروح على بيروت من القلمون... لأنو طريق تركيا معقطوعة....

والأخت نادين وين؟ عم تعمر بناية كمان؟؟ قولو الصراحة إنو ما عم تعرفوا شو بدكن تجاوبوا..

ولك طلعو من هالأفلام ودوروا على أجوبة تحطوها... معقولة ما عم تلاقو أجوبة؟؟؟؟؟
بس حابب أعرف منك أخي الشامي.. بس فيك تشرحلي شو معناة كلمة لووووول... سمعتها من نادين أول مرة.. والشباب كلن علقو عليها...

وتكرم عينك... أنا عندي بنت صار عمرها 20 تحت الصفر وناطرة عريس... وهي حلوة كتير ومثل القمر.. يعني بتقول للبدر انقلع... ما تفرجيني وشك... فيلي على بالو ارسال الطلبات إلى العنوان التالي:
الفاشلة.. طريق فشلون شارع الفشل.. بناية فشلان الطابق الفاشل..

الزاهر

09-04-2007, 11:15 PM

لالالالالالالالا -----كبرتها هيك يا "فشلان"
يا أستاذي يا وسيم غنوم: ما بعرف ليش إنتو بتحبو العزلة وحبيتو تطلعو وحدكم وتقعدو وحدكم وتاكلو وحدكم... نحنا "الأحرار" ولا نجاور "الأتباع". بالمناسبة أنا دعيتك على رحلة "الأحرار" لكنك لم توافق.
شو مفكرين حالكم أبو ذر الغفاري رضي الله عنه... معليش ظهروا على الناس مش بنات إنتو... هنة البنات صارو عم يظهرو ويعملو دعايات حتى يخطبو... وإنتو بعدكن دافنين نفسكن بالحيا...
حتى مبارح بعض الشباب حكيلي إنو بعض الشباب منكم عم يأنشدو وصار عندن شي عشر طعشر أنشودة... بس مخبينن.. ما بعرف ليش هالأسرار كلها.. ولا أصواتكن عورة؟؟.....لالالالالا لسا عم تتعدى على فرقتي الإنشادية, صارت الأصة شخصية يا أخي---أنا برجع بألك خزء الهوية
هلأ هو صحيح إنك إنت ما عملت مثل الباقيين المستحيين.. وشرفت لعنا شوية وما عملت مثل الأعدقاء يلي مش عم يرسي على اسم قلتلك إسمي زاهر عامر أحمد محمد علي عوض حليحل منذ ولدت.. بس صعبة عليك كتير يا حبيبي تعرف مين أنا وما في داعي تحط أول حرف من الأسماء... هادي لعبة قديمة... قديمة كتير.. ولا مفكرني الأستاذ إحسان وعم سمعلك الأحرف الأبجدية....
دوووووووووووووووووع وأنا بألك وووووووووييييييييييييييزززززززززز -----بدك ياها متل الأولاد الصغار ؟؟؟ طيب رح إتصاغر شوية مشانك.

سلام محبّة

nour

12-04-2007, 11:52 PM

ههههههههه
والله يا جماعة مش عم إمزح.
فعلاً اتصلت بي صديقة بدها زوج وهي بالمواصفات التي ذكرت ، والتي اتصلت بي بنت عيييييييييييييلة سعودية

فشلان

13-04-2007, 11:19 AM

إجت الكهربا عند المشرفة.. وأخيراً شاركتنا..!!!!!!!!!!!!!!!!!!!!!

Nadine

13-04-2007, 11:27 AM

العبد الفقير

13-04-2007, 07:19 PM

للمشرفة :
من قال لك أنني أمزح ، أخبريها عنجد بما قلت لك ، يعني بالسعودية بكون معهم منيح فلوس ، ما في داعي وجع راسي بهل الجامعة بقا ، من أول الطريق برتاح ، بس خبريها متل ما سبق وقلتلك ، والقصة جدية . ناطر مايل من المخلوقة ، يعني العروس ، شو اسمها بنت عمي اسا ما عرفت .

nour

13-04-2007, 11:40 PM

يا فشلان يا أخي. القصة إني ما بحب الفشل. لذلك كلامي قليل بس مش معناه ماني عم تابع . إلى مدة بقرا مشاركاتكم. وعم إسمع.
لا يا وسيم. مش لك هيك زواج.
خليها لغيرك.

العبد الفقير

14-04-2007, 01:01 AM

متل ما بدك ، يعني اذا مستضيعتي فيني بلاها ، أصلا مبدر ، وأد ما كانت حلوة ما رح تكون أحلى من يلي بدي نقيها ، بس اسا ما نقيت

ابوحذيفة

30-04-2007, 09:00 PM

السلام عليكم ومشكور اخي الكريم على اثارة موضوع مثل هذا
من المؤكد ان ما قلته صوابا لتطابقه مع ما اخبر به رسول الله صلى الله عليه وسلم (بدا الاسلام غريبا وسيعود غريبا --------)
فالناس اليوم لا يرون العار في وقوف ابنتهم في الخلوات والازقة مع الشباب وانما طلب انسان ذو دين وخلق ليتزوج من ابنتهم هو ما يرونه العار كله
وبالله التوفيق