انتخابات الطلاب 2008 [الأرشيف] - ????? ???? ???? ??????? ?? ?????

عبد الله

13-03-2008, 04:06 PM

أسابيع بل هيَ أيام وندخل في خِضَم معركة هي من أشد المعارك التي تشهدها الجامعات اللبنانية سنوياً وفي هذه المعركة تدخل التيارات الحزبية والسياسية والعلمانية والتنظيمات الإسلامية في معارك طاحنة توضع لها استراتيجيات وخطط وتدرس فيها تحالفات وتخاصمات وتستخدم فيها أسلحة الاستخبارات والأموال وتكون نتيجتها إما نصرة الفكر الإسلامي أو القضاء عليه إلى غير الطلاب أقول: لكم دوركم في توعية إخوانكم وأخواتكم وتقديم النصح لهم فلا تعتقدوا أنكم خارج الموضوع ولا تبخلوا علينا من خلال هذا الموضوع ببعض النصائح<o>:p</o> أما للإخوة الطلاب أقول: لا تبيعوا كرامتكم وعزتكم بِعَرَض من الدنيا قليل ولا تخذلوا الإسلام بجلوسكم في بيوتكم وعدم الانتخاب فبالأمس سمعنا كيف أهين الحجاب في كلية العلوم فلا تجعلوا الأمر يزداد سوءً على أخواتنا المحجبات وحَكموا ضميركم للحفاظ على الفكر الإسلامي وأيضا لا تبخلوا علينا برأيكم وتقديم النصح لإخوانكم الطلاب في هذا الموضوع<o>:p</o>

الزاهر

13-03-2008, 07:54 PM

هلأ ما اختلفنا انو مصاحبة البنات حرام على غير أعضاء الرابطة وحلال لهم...........وإنو الرابطة مهددة هالسنة عنا بالعلوم باختراق من شباب العزم.........

لكن مني وإلي أنا بدي انتخب _إن شاء الله_ اللي بتطلعو الرابطة........أول شي لأن الرابطة بتشتغل للطلاب على مدار العام...........منو أبل الانتخابات بأسبوعين متل العزم........ولا ابل الانتخابات بيوم متل شباب المستقبل...........ولان "معظم" شبابها أوادم.........وألوبهم طيبة........ولعدة اسباب تانية!!!

هالسنة في توجه كبير لشباب العزم من طلاب بيت الفأس وعكار وووو.......وهنة كتار طلاب عكار بالعلوم............لذلك لازم تنتبه الرابطة عحالها منيح.......لازم يشوفو شغلطو لحتى انألبو ضدهم...........وشو اللي اجتذبهم لشباب العزم

والسلام عليكم

محمد أحمد الفلو

13-03-2008, 09:03 PM

<o></o> أما للإخوة الطلاب أقول: لا تبيعوا كرامتكم وعزتكم بِعَرَض من الدنيا قليل ولا تخذلوا الإسلام بجلوسكم في بيوتكم وعدم الانتخاب فبالأمس سمعنا كيف أهين الحجاب في كلية العلوم فلا تجعلوا الأمر يزداد سوءً على أخواتنا المحجبات وحَكموا ضميركم للحفاظ على الفكر الإسلامي وأيضا لا تبخلوا علينا برأيكم وتقديم النصح لإخوانكم الطلاب في هذا الموضوع<o>:p</o>

والقوات ما بيرضوا بالتهجم على الحجاب .... يعني ما لازم نوحي إنو بس الرابطه تخسر بدن يشلحوا الأخوات الحجاب عباب الجامعه

كمان ليش خيفانين من المسقبل والعزم ؟؟
يعني ليش الكبار بالجماعه بيتحالفوا مع المستقبل لحمايه الإسلام بينما الزغار بيعادون ذوداً عن الإسلام

وشو اللي اجتذبهم لشباب العزم

بيعطوا منح للشباب ب فرنسا وبلبنان ...

أحمد مغيط

14-03-2008, 04:04 PM

أعلنت عدة كليات في الشمال عن موعد الإنتخابات الطلابية وهي كالآتي :

كلية العلوم : 27 / 3 / 2008
كلية الآداب : 27 / 3 / 2008
كلية إدارة الأعمال : 29 / 3 / 2008
كلية الهندسة : 27 / 3 / 2008
كلية الصحة : 29 / 3 / 2008

أحمد مغيط

14-03-2008, 04:49 PM

قام مدير كلية الحقوق الدكتور جورج شدراوي بتغيير قانون الانتخابات الطلابية في الكلية وتفصيله لصالح تيار المستقبل , حيث أن هذا التيار لا يملك قوة الا في السنة الأولى في الحقوق فقام بوضع عشرة مقاعد في السنة الأولى وحدها بالمقابل 4 في السنة الثانية 5 بالسنة الثالثة و4 في السنة الرابعة بحيث يبلغ العدد الإجمالي 23 مقعد . وقد قام عدد من الأحزاب والجمعيات بمراجعة المدير ولكنه أصرّ على ذلك القانون بدعوى ان القانون غير معترف به مع العلم ان ذلك القانون يتم الانتخاب على أساسه منذ حوال 15 عشر سنة .

أحمد مغيط

14-03-2008, 05:08 PM

بارك الله بك أخي عبد الله على ما قلته وعلى ما توجهت به الى الطلاب من الحث على عدم الرضوخ للمصالح المالية وغيرها
كما أتوجه الى الأخ الزاهر بارك الله بك على هذه الثقة بالأخوة في الرابطة بس حبيت ذكرك اذا كان في كم شخص بالرابطة مثل ماقلت هذا لايعني أن الجميع كذلك هناك أخطاء بس مش لهالدرجة يلي تكلمت عنها و على العموم بارك الله بك
والى الاخ حميطون شو يا حميطون هالكلام يعني انا ما بدي ابالغ كتير انو الحجاب حيحارب في الجامعة وغير ذلك ولكن أنت بتعمل يلي عليك يعني ممكن كتير القوات يحاربو الحجاب شي مش جديد يعني تاريخهم أسود كمان بهيك موضوع , بعدين منشان قصة ليش فزعانين من العزم أو المستقبل , يعني في شوية فرق بين العزم والمستقبل من ناحية الالتزام او اذا بدنا نسميه الاهتمام بالدين يعني تيار المستقبل ما همو الدين او النشاطات الدينية أما العزم عندهم توجه الى الدين واهتمام بأموره . أما على تحالف زعماء الجماعة مع التيار هذا غير صحيح كتير يعني كلام مش دقيق في مصالح بس ما فينا نسميه تحالف وانشاء الله ما بصير تحالف .

وسيم أحمد الفلو

14-03-2008, 07:46 PM

كلام أخي أحمد موزون

بس يا حميطون ذكرني حكيك بكلام لبعض الإخوة الافاضل، إنو إذا مإجا الحج طلال رئيس البلدية بيصورو بينتخبوا ملكة جمال زهر الليمون :)

على كلن ألله يوفق الشباب الطيبة، أكيد شباب الرابطة والشباب الملتزم (سواء من العزم أو المستقبل) أحسن من البقية، ولكن الرابطة أفضل لأن هذا هو توجهها العام، أما المستقبل ففيهم الأوادم أما توجههم العام فغير واضح، وتحالافتهم كذلك.

الزاهر

14-03-2008, 09:32 PM

بارك الله بكم............إن شاء الله بدنا نشارك يا شباب ها............ما بدنا الزعران يطلعو!!!!..........بدنا الأوادم والشغيلة يطلعو!!!!

الزاهر

14-03-2008, 09:34 PM

هكذا يفعل المفلسون..........يستخدمون سلطتهم ليظلموا!!!!!!!

عبد الله

18-03-2008, 10:31 AM

أنباء أنه بدأت اليوم الجبهة الأولى من المعركة في كلية الحقوق وسط إجراءات أمنية مشددة لكن عامل المفاجأة في هذه الجبهة كان تحالف رابطة الطلاب المسلمين مع خط الرابع عشر في مواجهة خط الثامن وقد بررت الرابطة هذا التحالف بسبب أن مدير الحقوق عدل قانون الانتخاب في الكلية لمصلحة تيار المستقبل

محمد أحمد الفلو

18-03-2008, 12:51 PM

عبد الله

18-03-2008, 09:02 PM

عند ظهر هذا اليوم الانتخابي تأتي تعليمات رفيعة المستوى للعزم والسعادة بالانسحاب من تحالفهم مع تيار المستقبل والرابطة مما أدى الى بلبلة والسبب أن الرابطة كانت قد أوعزت الى طلابها بانتخاب لائحة التحالف كاملة مما أوقعها في الفخ إضافة لذلك أشارة استطلاعات للرأي أجريت خلال النهار في أوساط مناصري المستقبل أن المستقبل لن تعطي الرابطة مما أدى أيضا لوقوع الرابطة في فخ آخر.
نرجو من رئيس المكتب الجامعي الأخ أحمد أن يعطينا التفاصيل والنتائج إن استطاع دخول المنتدى وشكرا

أحمد مغيط

20-03-2008, 11:21 AM

جرت الإنتخابات الطلابية في الجامعة اللبنانية في الشمال في كل من معهد العلوم الإجتماعية وكلية الحقوق , وكان الجو مشحون بشكل كبير وتواجد الأمن في الكليات كان كبيرا لفض أي خلاف قد ينشب بين الطلاب , وقد أسفرت النتائج عن فوز شباب العزم في معهد العلوم الإجتماعية حيث أن عدد المقاعد يبلغ في هذا المعهد 12 مقعدا سيطر العزم على عشر مقاعد بالمقابل 2 لتيار المستقبل .
أما في كلية الحقوق حيث يبلغ عدد المقاعد 23 مقعد فقد سيطر التيار على 20 مقعد منه بالمقابل 2 للعزم وواحد للعونيين . وانتهت الانتخابات بمشاجرة كبيرة جرت بين الطلاب في كلية الحقوق بين كل من 14 اذار والمعرضة إستخدم فيها الطلاب العصي والكراسي وتدخلت على إثره قوات الأمن حيث قامت بفض الاشتباك بين الطلاب واخراج الطلاب من الجامعة .

الزاهر

20-03-2008, 02:16 PM

إذا إنتخابات طلابية عملت هيك!!!............شحال ما تكون انتخابات عدرجة أعلا!!!...........

باتظار الانتخابات عنا بكلية العلوم لنشوف!!!

Nader 3:16

20-03-2008, 03:12 PM

بالعلوم ما بتصور يصير في مشاكل ....
و ان شاء الله الفوز للرابطة...:)

عبد الله

20-03-2008, 03:38 PM

إذا فوز للتيارات العلمانية على الجبهة الإسلامية .
السبب : ظهر الفساد في البر والبحر بما كسبت أيدي الناس .
نسأل الله أن يلهم إخواننا في الرابطة وطلابنا الوعي التام في الجولات القادمة

عبد الله

20-03-2008, 03:43 PM

أصبح معلوم لديكم خسارة الطرف الاسلامي في الجبهة الأولى من المعركة .
أسبوع يفصلنا عن أشد الجبهات حماوة وشراسة فأعدو واستعدو وانصحو الطلاب خير من الندم والحسرة

أحمد مغيط

20-03-2008, 04:12 PM

إخواني لقد كنت حاضرا في هذه الإنتخابات في الكليتين ... يعني شفت شي أنا بصراحة بحياتي مني شايفو يعني بنات محجبات يرقصن على أنغام أغاني التيار في باحة الحديقة في قلب الكلية هذا غير الأمور التي لا يمكنني أن أذكرها هنا , سبحان الله وعندما قام ثلة من الشباب برفض ذلك الأمر قال مدير كلية الآداب أنا ما الي علاقة وهو مسيحي أما بالنسبة لمدير كلية الحقوق كان غير موجود بالجامعة وكل ما نتصل فيه يقلنا أنا 5 دقائق بكون عندكن وهيك لحتى أنهى التيار حفلته الراقصة في الحديقة ... بس عن جد شي يلي وصلوا الشعب اللبناني شي عنجد بحزن والله يسترنا شو بدو يعمل فينا ربنا على هذا الفحش من الصبايا والشباب وخاصة يلي بحزن أكثر هم من الصبايا المحجبات والله العظيم شيء مؤلم , يعني بتحكي مع الواحد يا عمي الدين , الألتزام , ولك الإسلام ... ما في حدا لا حياة لمن تنادي .
ادعوا الله للشباب بالفوز في كلية الآداب والعلوم وغيرهما .
مبارحة أنا نازل على التل واذا بتيار المستقبل عندو احتفال في باحة التل بمناسبة ذكرى المولد فتذكرت من قبل كم يوم شو كانوا عم يعملوا بالجامعة .

cool man

20-03-2008, 04:29 PM

يعني يا بو حميد شو بدك ياهن يعملو مصارو كل التيارات السياسيه بيحتفلو بذكرى المولد مبارح انا و كنت بالمينا و كمان ليوم الصبح التيار العوني عم يوزع بونبوون فشبدك من هل التيارات تعمل , و هادولي تيار المستقبل مفكر حالو عم يضحك عالسنه اذا عمل هيك اشيا بس منو عارف انو 30 بالميه من يلي كانو مغشوشين في بطلو فين يسمعو بإسموا من هل الشغلات يلي عم يعملا و ان شاء الله النسبه بتزيد و بيرجعو العالم يفكرو و يسعو الى إسقاط كل هل السياسيين و التحكيم بشرع الله عز و جل لأن عنجد في اشيا بيعملوا بتكره الواحد يقول انو لبناني او هو مسلم كلو من هل التيار يلي ضحك ععئول المسلمين و خصوصاً بالشمال و فت نتفة مصريات منشان يجمهرلو كم واحد يهوبر و هادا يلي عم يصير

أحمد مغيط

20-03-2008, 04:56 PM

الحقيقة أنا أعتذر من الأخوة على تأخري بالحديث عن ما حصل في الإنتخابات الأخيرة في كلية العلوم ومعهد العلوم الإجتماعية .
جميع الطلاب في الجامعة هم على دراية تامة عن الشحن الموجود في داخل الجامعة بين الطلاب , كان تيار العزم وبالمقابل تيار المستقبل على اتصال دائم مع الرابطة من أجل التحالف كل على حدا ... فقامت الرابطة بفكرة جمع الأطراف الموجودة على الساحة المتمثلة بالعزم و14 آذار , وكانت الرابطة حريصة على التوافق بين جميع الأطراف لمنع حصول أي تشنجات داخل الجامعة بين الطلاب , وبالفعل وعلى مدى يومين وأكثر تمت الإجتماعات والمحادثات بين جميع الاطراف إلى أن تم التوصل إلى اتفاق لن أدخل بتفاصيله لأنه يتعلق بعدد المقاعد في الكليات وتسمية أسماء رؤساء المجالس وتقسيمها بين الأطراف ... المهم الساعة الخامسة صباحا من يوم الإثنين يعني نهار الإنتخابات صباحا وخلال الإجتماع وإذ يأتي اتصال الى شباب العزم بأن يفضو الإتفاق مع الرابطة والمستقبل وتمت مشاجرة بين أعضاء التيار والعزم على أمور أكثر من تافهة فانفض الأجتماع بين الاطراف , وهكذا كل ما سعت اليه الرابطة من إتفاق ووحدة على الساحة فشل بمجرد إتصال ...
وهكذا حصل وعندما نزلنا على أرض الواقع قررت الرابطة دخول الإنتخابات منفردة يعني ان لا تتحالف مع أحد وفق ذلك كان التيار يصر على الرابطة بأن يدخلو بحلف مع بعضهم ولكن الرابطة كانت ترفض ذلك متعذرة بأنها تريد أن تكون على مسافة واحدة من الطرفين , ولكن عند الساعة الحادية عشرة ظهرا صار هناك إشكال أو أنا أسميه تسرع من أحد الشباب حيث أعطى كلمة للمستقبل بأن التحالف قائم وقام التيار بطباعة الائحة بينه وبين الرابطة على عجلة إلى أن تدخلت وأخبرت مسؤول التيار أن التحالف لا يمكن أن يحصل وخصوصا أن الانتخابات كان قد مرت عليها وقت حوالي الساعتين ولأمر أولى منه أنني لا أريد أن تفقد مصداقيتها الرابطة تجاه الطرفين سواء العزم أو التيار .
هذا يا أخي عبد الله وأخي حميطون يلي حصل
يعني كان فيني اتحالف مع أحد الطرفين ولكني لم أرد أن يقوم هذا التحالف في هذا الوقت وخصوصا أن الأمر كان فيه شحن مع طرف ضد الطرف الآخر .
وبتمنى يا أخي حميطون ويا أخي عبد الله أن لا تحكموا على الأمور من مجرد سماع شخص أو آخر بالحديث عنه :
يقول الله تعالى : ( إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

محمد أحمد الفلو

20-03-2008, 04:58 PM

أحمد مغيط

20-03-2008, 05:03 PM

أول الشي كيف أحوالك إن شاء الله تمام
وثاني شي الله يبارك فيك على هذه النصيحة وإن شاء الله قدر الإمكان حنأخذ فيه وأنا ما بطلب منكن إلأ أن تدعوا للشباب بالعلوم بالتوفيق والنصر إن شاء الله

عبد الغني طوط

21-03-2008, 11:46 AM

بوصفي عضو لجنة مركزية في قطاع الشباب فأنا مضطر للتوضيح بأن كلام الأخ مغيط احتوى عدد كبير من المغالطات وسيتم الرد عليه ولكن بانتظار حصولي على إذن من مرجعيتي في التيار لتوضيح الحقائق.

أحمد مغيط

21-03-2008, 12:04 PM

أخي عبد الله إن شاء الله أكون أقنعتك بكلامي عن مجريات الإنتخابات

cool man

21-03-2008, 12:25 PM

صاير الواحد بس يحكي الحق بيسكتو بس اذا حكي بما لم ينزل الله به من سلطان بيتركولو حكيو و بيشجعو

cool man

21-03-2008, 12:36 PM

مفي غير زاهر بهل المنتدى بيئيبل و بيهتم بقصص الئلمون الداخليه . خلي الباقيين راكدين ورا بكرا بس يطلعو العلمانيين تيار المستقبل و يستلموا البلديه بيئولو تيار المستقبل و بعاودو بيئاتلو عهيك بلديه انا منّا عم تعمل شي لهل الضيعه و كلشي عم تعملو لصالح أعضاءا من شان يغبو مصريات لأن كلن فئرا مفي حدى يوكل منن وئعتين باليوم انا رأيي و اليوم الجمعه ينزلو يئعدو حد الجامع و يشحدولن (حذفت من قبل المشرف بسب كلام غير لائق و تجريح مباشر) . لك اييييييييييييييييييييه الله يرحمك يا هارون كنت افهم واحد بالضيعه

عبد الغني طوط

21-03-2008, 12:43 PM

من موقع مسؤوليتنا وحرصنا ومن باب احقاق الحق فقد قمنا بطباعة ما كتبه أخونا أحمد مغيط وقد تم ارساله عبر الفاكس الى كل من الاخوة
علي عمار، وعزام الايوبي لكي يتم التأكد منهم لجهة تبنيهم لهذه المغالطات وذلك عملاً بقوله تعالى
يقول الله تعالى : ( إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

أحمد مغيط

21-03-2008, 12:46 PM

أنا منتظر منك رد على كلامي بس بعتقد أنك أنت ماكنت في مجرى الأحداث , وأنا أكيد إنشاء الله ما في مغالطات أبدا في كلامي , هكذا جرت الأمور , بعدين أنا هنا مني مضطر إتكلم عن الموضوع بالتفصيل ولكن أردت أن أسرد العناوين العريضة . أنا بعرف انو أنت كتير شفت كلامي عندما قلت : (كان التيار يصر على الرابطة بأن يدخلو بحلف مع بعضهم ) كتير غلط بحقكم أنو التيار كان يصر على الرابطة ... ولكن هيدا يا أخي يلي حصل .
بعدين يا أخي cool man معليش ما تزعل من الشباب الله يعطيهم العافية بعدين أنت علق على الكلام بطريقة غير بارك الله بك .

عبد الغني طوط

21-03-2008, 12:47 PM

نطلب من السادة المشرفين الكرام جمع كل ما يتعلق بالانتخابات الطلابية في موضوع واحد وشكراً

أحمد مغيط

21-03-2008, 12:50 PM

بارك الله بك يا أخي عبد الغني وأنا مسؤول عن كلامي هذا.

عبد الغني طوط

21-03-2008, 12:55 PM

الأخ أحمد لقد كنت موجودا في الجامعة من الساعة الخامسة صباحاً وكنت متابعاً من موقع مسؤوليتي لمجرى الأحداث بدقة كبيرة وقد كنت في مكتب القطاع عندما كان مندوبيكم في ضيافتنا وحتى الخامسة صباحا وكونك مررت من قربي في الجامعة دون القاء السلام فهذا لا يعني بتاتاً اني لم أكن موجوداً اما فيما يخص من كان يحرص على من فليس من العيب ان نحرص على مشاركتكم وتحالفكم يا أخي العزيز بل نحن نفخر بهذا التحالف على رغم نقضكم لكل العهود قبيل اغلاق الصناديق وقد كنا على ما تعاهدنا عليه طول النهار رغم وجود أعلامكم مرفرفة على خيمة الإخوة في تيار المردة والإخوة في اليار الوطني والإخوة في الحزب القومي
أخي أحمد نحن أناس ملتزمون بقرار المسؤولين عنا ولا نعتبر قرار مسؤول سياسي لدينا انه مجرد تسرع من البعض وبناءً عليه فلن نرد قبل وصول الردود من مكتبكم السياسي ومن مرجعيتنا وسيكون الرد موقعاً من منسق المكتب الجامعي لدينا مباشرةً

cool man

21-03-2008, 12:59 PM

هادا الحكي اللي بينحكا يلا كل واحد يرد عل التاني و هيك كلياتكن بتنفضحو ادامنا و يكشف سركم

أحمد مغيط

21-03-2008, 01:32 PM

صحيح يا أخي عبد الغني انا لم أقل انه لا يوجد عندك معلومات عن الموضوع بتاتا , ولكن أنا أقول أنك لم تكن موجودا بالمباحثات التي جرت والمفاوضات التي حصلت أنا صحيح أني لم أكن موجودا لأن الالوقت كان متأخرا كثيرا ولكني كنت على إطلاهع مباشر بما يحصل .
بعدين كلامك ( وكونك مررت من قربي في الجامعة دون القاء السلام فهذا لا يعني بتاتاً اني لم أكن موجوداً ) يمكن يا أخي أنا كنت مشغول كتير وما قصدي هيك هذا أيضا ليس من أخلاقي أصلاً

cool man

21-03-2008, 01:43 PM

مينوا هل اللي جمع موضوع شهر و أقل مع هذا الموضوع . بتمنى علي يذكر اسموا و يشرحلي كيف لئي شي بيجمع بين موضوعي و هاداك الموضوع عنجد شكلكن بدكن تضلكن ماشيين بالعكس

محمد أحمد الفلو

21-03-2008, 02:51 PM

أنا عندي سؤال لأحمد وعبد الغني
لماذا تحرص التيارات السياسيه على نقل تحالفات السياسه إلى الجامعات ... هل الموقف من المحكمه أو العلاقه مع حزب الله أو ........... تؤثر سلبا أو إيجابا على تأمين أفضل الشروط للدراسة في الجامعه ؟؟
أم أنها تؤثر سلبا بتضييع الجهد نحو أمور لا يؤخذ برأي الطلاب فيها ( ولا برأي اللبنانيين)

ثم ما هي مشاريعكم في الجامعات ... نحن نقرؤ عن خلافاتكم دون أن نعرف على ماذا تختلفون !!!

روعة

21-03-2008, 02:56 PM

مينوا هل المشرف الذكي اللي جمع موضوع شهر و أقل مع هذا الموضوع . بتمنى علي يذكر اسموا و يشرحلي كيف لئي شي بيجمع بين موضوعي و هاداك الموضوع عنجد شكلكن بدكن تضلكن ماشيين بالعكس

عندما دمج المشرف المواضيع كان الحري أن يحذف الموضوع المتعلق بالثانوية وقد حذفته الآن لأن أصحاب العلاقة لا يدخلون المنتدى ليدافعوا عن أنفسهم والمنتدى الطلابي ليس ساحة للتشهير بل ساحة للإرتقاء بالمستوى الأكاديمي لأهل القلمون.

Nader 3:16

21-03-2008, 03:08 PM

هلءنطلب من الجميع انتخاب الرابطة في كلية العلوم و شكراً....

أحمد مغيط

21-03-2008, 04:45 PM

kata2eb

21-03-2008, 06:29 PM

**** للأزرق و الأخضر.....

أنا لا يمكنني الحديث عن الإنتخاب في غير جامعة العلوم
ففي العلوم سمعنا أنه من الممكن أن تقوم الرابطة بإتفاق مع المستقبل والعزم على عدد المقاعد (16-5-5) لكن هذا الحل قد رفض
ثم سمعنا عن إعطاء مقاعد السنة الأولى للتيار(6 مقاعد) والباقي للرابطة لكن أيضا تم رفض الإقتراح
أما قبل هذا الحديث كله فقد كان التيار والعزم قد أقاموا حلفا ضد الرابطة فلقد كانوا يعلمون بوجود إنتخابات في الجامعات قبل الإعلان عنها
لكن في آخر يوم في الجامعة (الأربعاء) سمعنا أيضا أن هذا الحلف قد إنتها
فوالله الآن لا ندري من مع من ؟
لكن أنا أنصح الأخ أحمد أن تكون الرابطة منفردة حتى لا يحصل مثل ما حصل في باقي الكليات

ونحن مع الرابطة وإن شاء الله سنفوز

والسلام
**** kata2eb

محمد أحمد الفلو

21-03-2008, 06:55 PM

كيفك يا حميطون ؟ أولا يا أخي العزيز كلامك ( لماذا تحرص التيارات السياسيه على نقل تحالفات السياسه إلى الجامعات ... هل الموقف من المحكمه أو العلاقه مع حزب الله أو ........... تؤثر سلبا أو إيجابا على تأمين أفضل الشروط للدراسة في الجامعه ؟؟ ) أنا ذكرت أن فكرة هي تجنيب الجامعة اللبنانية الصراعات بين الطلاب التي هي ترجمة للتشنج الحاصل على الساحة اللبنانية يعني أنا لا أسميها أنها تحالف بل هي إتفاق بين الأطراف كافة , وبدك تقلي طيب أذا إتفاق ليش المعارضة مش موجودة بدي أخبرك لأن هي تقريبا على الساحة مش موجودة داخل الجامعة بقوة أصلاً ...
يعني يا اخي حميطون لا إلها علاقة لا بمحكمة ولا بغيرها ...
بعدين يا أخي حميطون معروفة شو هي مشاريع الرابطة في الجامعة وبتعرف أنت أهداف الرابطة شو هي بالجامعة .

أنا والله تمام الحمد لله ... بس بدي إنت وعبود تكتبوا رؤيتكم للجامعه وللمشاريع فيا
إزا لقينا إنو نفس المشاريع ساعتا منتفهم تحالفكن مع المستقبل
إما إنو بإسم الدين بدنا أصوات الدينين ..و بعدين منتحالف مع ثقافة الحياة كرمال ما نخسر المنصب ... فهادا منو مقبول
خوضوا الإنتخابات مع يلي بيفكروا متلكن ... ولو خسرتوا ... الله بيحاسب عالجهد مش عالنتائج

والله يوفقكن

محمد أحمد الفلو

21-03-2008, 07:23 PM

"شباب العزم" يكتسح انتخابات كلية العلوم الإجتماعية - الشمال

جريدة الشرق 20/3/2008

اسفرت نتائج انتخابات مجلس الطلبة في كلية العلوم الاجتماعية في الجامعة اللبنانية - الفرع الثالث في الشمال عن اكتساح «شباب العزم» لتحالف القوى السياسية المتنافسة وفوزه بعشرة مقاعد من اصل اثني عشر مقعدا.

وتنافست في الانتخابات لائحة الرابع عشر من آذار التي تضم «تيار المستقبل» و«القوات اللبنانية» و «رابطة الطلاب المسلمين» مع لائحة «شباب العزم» المنفردة، والتي فاز منها: بشرى الجندي ومحمد ديب (السنة الاولى)، ميرنا حلواني ونرمين صبحة وهاجر عبد العظيم (السنة الثانية)، دينا خلف وزينة عجاج وفايزة سعادة (السنة الثالثة)، غنى غزاوي وحسام مراد (السنة الرابعة) في حين فاز من لائحة الرابع عشر من اذار حسام مطر وآيات قاسم.

واوضح مسؤول القطاع الشبابي في «شباب العزم» الحاج ماهر ضناوي، في مؤتمر صحافي عقده، اننا « في شباب العزم حاولنا التواصل مع جميع الافرقاء، وقمنا باتصالات عديدة مع القوى الطلابية، في الرابع عشر والثامن من اذار، واوصلنا رسالتنا باننا نرغب بأن نكون دائما على مسافة واحدة، وسعينا للتوافق مع الفرقاء، المتنافسين، خصوصاً اننا في ظل هذه الظروف رغبنا في «شباب العزم» بان نخوض هذه الانتخابات منفردين بعد المساعي الحقيقية التي بذلناها من اجل ابعاد الجامعة عن التنافس الحاد».

اضاف ضناوي: فوزنا في انتخابات كلية العلوم الاجتماعية سببه الرؤية الوسطية التي نتمتع بها، وهذا الفوز لن يثنينا عن الاستمرار في نهجنا التوافقي الوسطي».

القسام

21-03-2008, 07:47 PM

كلنا سننتخب الرابطة شرط أن لا تتحالف مع العلمانيين
الرابطة فقط

أحمد مغيط

24-03-2008, 12:39 PM

يا أخي حميطون
أهداف الرابطة معروفة عن الجميع وفوق هيك حإرجع إسردلك إياها :
- نشر المفاهيم الإسلامية الصحيحة بين جماهير الطلاب
- طرح وجهة النظر الإسلامية لمختلف جوانب الحياة الثقافية والإجتماعية في لبنان
- صهر الطاقة الطلابية المسلمة في بوتقة عمل واحد
- تبني القضايا الطلابية المحقة والسعي لتحقيقها مع المسؤولين
- إحياء المظاهر الإسلامية في المدارس والجامعات والتصدي لمظاهر التغريب وآثاره ومحاربة الفساد والإنحلال الخلقي بين الطلاب
- رفع مستوى التعليم الديني والعمل على إلزاميته في جميع المراحل التعليمية
هذا يا أخي حميطون إجمالي أهداف الرابطة التي تعمل من أجل تحقيقها في المدارس والجامعات .

علي القلموني

24-03-2008, 01:18 PM

هيك زعلنا منك كتير يا حميطون يعني عم تحكي مع أحمد مغيط مثل كأنو عم تساوي الرابطة بتيار المستقبل أنا يمكن هيدي أهداف الرابطة أول مرة بقرأها ... أهداف حلوة ولازم نعمل على تطبيقها , مع أنو يا أخ أحمد مغيط عندكن بعض الشوائب بالجامعات ولكن فوق كل هيك نحنا مع المشروع الإسلامي مين منكان يكون حاملو سواء الرابطة ولا غيرها يعني نحنا مع إنتخاب شباب الرابطة في الكليات لأن مثل منّا شايفينهم بيشتغلوا أحسن من غيرهم ... يعني مثلا شباب التيار حقهم ربع ما بيعرفو غير يرقصو على أغاني المغني وليد فرج ( وحنا رجال ... ) مع البنات أما العزم حيهلكونا أنهم دفعوا هالسنة شوية مصاري بدهم ياكلوا كل شي وربحوا الطلاب منية , بعدين مشروعهم الإسلامي مثل المثل الطرابلسي : بعد العشاء إفعل ما تشاء .

الوليد

24-03-2008, 04:02 PM

السلام عليكم
لقد فازت الرابطة دائما بالإنتخابات الطلابية في العلوم لأنها لم تتحالف مع أحد وبسبب مصداقية وشفافية الشباب في العلوم وحسن تنظيمهم في الإنتخابات.
ومازلت أذكر جيدا الفخر والعزة التي شعرنا بها يوم عنونة أكثر الجرائد فوزالرابطة على تحالف كل الأحزاب والتيارات.
اللهم أعد تلك الأيام المباركة وإهدي قلوب الشباب لكل خير و يسر لهم الفوز.

عبد الله

25-03-2008, 11:51 PM

المهند

26-03-2008, 01:03 AM

بسم الله
أحب من الاخوة والاخوات ان يعلموا امرا مهما عن الانتخابات الطلابية وان يضعوا ذلك قبالة عيونهم واذهانهم:أنا أنتخب شخصا ان لم يفدني دينيا ودنويا فانه على الاقل لن يضرني!!والانتخابات الطلابية هي وسيلة في حد ذاتها وليست غاية ترجى عند الرابطة ولا ينبغي لها ان تكون ..وهي قائمة في مجملها على قاعدة شرعية مهمة ينبغي الاخذ بها:"جلب المصالح أو درء المفاسد"..يعني اظن ان الحري بكل اخ او اخت يدخل هذا المعترك عليه أن يولي هذه القاعدة من سلوكه الكثير..لذلك فأنا ادعو كل الطلاب ان يحددوا مرشحيهم من خلال اسقاط هذه القاعدة على شخصياتهم وتفكيرهم وسلوكهم الظاهر منهم طوال العام!!وأرجو ان توفق الرابطة في اختيار مرشحيها وباذن الله يكون النصر للتوجه الاسلامي في الجامعات..بالتوفيق

أبو الحسين

27-03-2008, 01:41 AM

رح تكيعونا بالرابطة ..في كتير عم يشتغلو أكتر من الرابطة و هنا مسلمين كمان .. ولا بس الرابطة ..أنا مثلا عنا بالجامعة(أنا لست في العلوم) الرابطة ما بحياتها عملت شي .. احنا يلي عم يشتغلو عنا هنا المستقبل و العزم .. أصلا عنا بالجامعة الرابطة بيطلعو كلن على بعضن شي 10..مع احترامي لجميع الأطراف بس ما في داعي لهل الضجة ..يعني احنا أكيد بدنا المسلمين هنا يلي ينجحو بس كمان في غير الرابطة مسلمين

أنس دنكر

27-03-2008, 02:28 AM

حـــــــــــــــــسين روح انتخب:1 (76):
وكبر عقلك ما تفتي من عندك

البريئة و الوحش

27-03-2008, 03:33 AM

ها هو العد التنازلي قد بدء والاستعدادات للمعركة الحاسمة تزداد نشاطا .
يوم الخميس الآداب والعلوم والهندسة .
إلى كل أخ وأخت أقول : اعلموا أنكم ستسألون أمام الله عز وجل
فاختاروا ما يرضي الله ورسوله
واياكم والعلمانيين حتى لا نندم ساعة لا ينفع الندم .
__________________
شو يللي بيسمعك بيقول غزوة بدر

حـــــــــــــــــسين روح انتخبhttp://www.qalamoun.com/Forum/images/smilies/1%20(76).gif
وكبر عقلك ما تفتي من عندك

وانت سامع بالديمقراطية

البريئة و الوحش

27-03-2008, 03:36 AM

الرابطة
اسم حلو
ويييييييييها

علي القلموني

27-03-2008, 10:49 AM

أول الشي يا أخي Abdullah نحنا هون ما عم ندخل حدا على الجنة ولا على النار , بعدين صحيح أنو كلنا مسلمين هيدا لا شك بس نحنا عنينا هنا الإنسان المسلم الملتزم يعني صحيح المستقبل مسلمين بس مش ملتزمين يعني الإسلام كإلتزام ما بيعنيلون شي أبدا وهنا سبب الخالاف معهم . منشان هيك نحنا عم نقول انو يجب شرعا وهيدي مسؤول عنها أنا لأن سألت فيها مشايخ إنتخاب شباب الرابطة لأنهم حاليا يا أخيس ما غيرهم بمثلوا الإسلام الملتزم وليس إسلام الهوية ... وحكيك ما صحيح انو ما في غير العزم والمستقبل عم يشتغلوا لا هيدا كلام غير دقيق يمكن الرابطة ما فيها تجاريهم بكب المصاري يعني معروف مين العزم كميقاتي ومين المستقبل كحريري شي طبيعي الرابطة لا تقدر أن تقف أمامهم أو تجاريهم منشان هيك هون بدك تقيس انو إلتزام ديني + خدمة للطلاب وأنت عارف اذا أنت بالعلوم أنو مجلس الطلبة بيشتغلوا وشتغلوا من أول السنة مش مثل التيار والعزم عندما حددوا الإنتخابات صاروا بدهم يشتروا الطلاب بمصاريهم ... وبرجع بقلك مثل ما قال الأخ المهند هيدا التصويت حتسأل عليه أمام الله فبالله عليك ماذا سيكون جوابك... ؟ وأنا برجع بقلك أنا مش مع الرابطة بختلف أنا وإياهم بأمور بس هنا كإنسان ملتزم ما فيني إلا أنتخب الملتزم ويلي عنده قدر من الغيرة على الدين

أحمد مغيط

27-03-2008, 11:09 AM

إنتخابات كلية الآداب 27 / 3 / 2008
قررت رابطة الطلاب المسلمين وبعد طول تفكير بالإنسحاب من إنتخابيات كلية الآداب والعلوم الإنسانية بسبب الضغوط الهائلة عليها وحرصها عدم مشاركة طرف ضد طرف آخر , وتركت لشبابها حرية المشاركة فيها .
وصباح الإنتخابات قررت جمعية العزم والسعادة الإنسحاب من الإنتخابات في كلية الآداب بررتها بأنها حرصا منها على تجنيب الساحة الطلابية المعارك الإنتخابية .

عبد الله

27-03-2008, 11:26 AM

له يا زلمة شو انسحاب الرابطة شو عم تحكي يعني تركتوا الساحة للعلمانيين الله يهديكم شو هل الغلطة

عبد الله

27-03-2008, 11:36 AM

نعلن حالة الطوارق وندعوا إلى النفير العام في صفوف طلاب الخط الاسلامي كما ندعوا إلى اتخاذ هدف موحد حتى لا تضيع الأصوات .
إلى اخواننا أقول: حي على الفوز ولنجعل لهذا الفوز عنوان وهدف :" نصرة رسول الله" حتى نأجر عليه وحتى يعلم العلمانيون أننا أمة الرسول أمة الأخلاق امة العلم أمة القرآن ...

Nader 3:16

27-03-2008, 03:46 PM

الانتخابات حامية في الجامعة اللبنانية كلية العلوم اليوم.
انا ما كنت طالع عالجامعة.
ولكن جاءني اتصال من احد الاخوة في اللجنة و قلي اطلع بسرعة .
فطلعت انتخبت و نزلت.....

ونذكر ان قائد اللجنة اعلن دعمه الكامل للرابطة و لمشروعها.:)

محمد أحمد الفلو

27-03-2008, 05:08 PM

على فكره قالولي إنو أخي بلال مرشح مع شباب الرابطه
بدنا النتائج أول بأول يا شباب

الزاهر

28-03-2008, 12:41 AM

لك يئطع هيك انتخابات من الدنية!!!...............ولك بفنزولا الإنتخابات أريح!!!

مليار طالب حاطلهم صندوق ونص صندوق................عجئة شي منو طبيعي!!!..........ضليت شي 4 ساعات ناطر لتصرلي فرصة انتخب.......:(......بس كلو فدا الرابطة بيهون!!:) :)

أبو الحسين

28-03-2008, 12:41 AM

والله أنا بوافق خيي كول مان 100% وين هالمصريات يلي عم تجي من برا للرابطة .. حارتنا ضيقة و منعرف بعضنا..لأن اذا بي هالمصريات الرابطة فيها تشتغل أد ميت مستقبل و عزم بس الله أعلم وين عم يروحو

الشجرة الطيبة

28-03-2008, 12:48 AM

مبارك للجميع بالأنتخابات خاصة في كلية العلوم

"وعسى أن تكرهوا شيئا وهو خير لكم وعسى أن تحبوا شيئا وهو شر لكم "

أسأل الله التوفيق للجميع

أبو الحسين

28-03-2008, 01:02 AM

ما عرفنا مين ربح بالعلوم .. أنا متل ما سمعت انو المستقبل ...

عمار الفلو

28-03-2008, 01:14 AM

نتائج إنتخابات كلية العلوم :

* سنة أولى : 6 مستقبل
* سنة ثانية : 5 رابطة و 2 مستقبل
* سنة ثالثة : 3 رابطة و 2 عزم و 2 مستقبل
* سنة رابعة : 2 مستقبل و 2 عزم و 2 رابطة
الإجمالي : 10 رابطة
12 مستقبل
4 عزم

الشجرة الطيبة

28-03-2008, 01:15 AM

مبارك النجاح للجميع خاصة في كلية العلوم

يقول سبحانه وتعالى : وعسى أن تكرهوا شيئا وهو خير لكم، وعسى أن تحبوا شيئا وهو شر لكم

الشجرة الطيبة

28-03-2008, 01:22 AM

ممكن تحطولنا الأسماء؟

شكرا أخ عمار

المحروم

28-03-2008, 10:23 AM

منتمنى من الأخ أحمد مغيط يوضحلنا شو أسباب الخساره بكلية العلوم بعد أن كانت الرابطه تراهن على هذه الكليه
كمان ليش الرابطه إتفقت مع التيار الأزرق العلماني في الأداب ولم تتقق معه في العلوم

المحروم

28-03-2008, 10:55 AM

للأخ عبود طوط يقول الله عز وجل "الله يستهزئ بهم ويمدهم في طغيانهم يعمهون"
فحذار يا اخي الكريم من هذه التيارات العلمانيه التي لاتثمن ولا تغني من جوع عند رب العالمين ولا تحظى منها إلا بسخط الله عز وجل
اليوم عمل وغدا حساب فلا تضيع هذه الفرصه الذهبيه بالعوده إلى الله عز وجل

أحمد مغيط

28-03-2008, 11:13 AM

بارك الله بجهود الأخوة في الرابطة بجميع الجامعات والكليات ... نتائج كلية الآداب 2007 / 2008عدد المقاعد 27 مقعد وهم موزعين على الشكل التالي :16 مقعد للمقربين من الرابطة 11 مقعد لـ 14 آذار .وكانت إنتخابات كلية الآداب باردة بعد إنسحاب الرابطة والعزم من الإنتخابات حيث قامت الرابطة بترك الحرية لمناصريها بتحديد خطواتهم حيث قصدوا العزم ولم يتم الإتفاق معهم ثم قصدوا التيار وتم الإتفاق على تقسيم المقاعد بـ : 16 لهم و11 للمستقبل . وهنا بعد الإتفاق حسمت معركة كلية الآداب قبل أن تبدأ .

أحمد مغيط

28-03-2008, 11:59 AM

أول الشي موضوع العلوم يا أخي العزيز الأخوة والشباب بالكلية كانوا متوقعين هيدي النتيجة بس مش لهالدرجة يعني كانوا متوقعين أن يأخذوا نصف المجلس أو أكثر بقليل ولكن سبحان الله ماكان لهم ما أرادوا جزاهم الله على عملهم كل خير . وقد عزموا أن يخضوا هذه الإنتخابات منفردين غير متحالفين مع أحد وأنا أخبرت قبل الآن أن سياسة الرابطة كانت تقضي أن تكون على مسافة واحدة الطرفين يعني العزم وقوى 14 آذار .أما بالنسبة لكلية الآداب برجع وبكرر أن الرابطة إنسحبت من الإنتخابات وتركت الحرية للشباب بتحديد خيراتهم .

علي القلموني

28-03-2008, 12:53 PM

على إثر صدور نتائج الإنتخابات وقبلها كان شباب التيار تيار المستقبل مفعمين بالحرارة والبهجة والمرح حيث كان الرقص على أوجه بين شبابه وفتياته في باحة الكلية وأمام كل قاعة من قاعات الكلية، يرقصون مبتهجين بنصرهم على أعداء العلمانية ممن رفع راية لا إله الا الله محمد رسول الله وقد بلغ هذا المبلغ أوجه حين توجه ثلة من شبابهم الزعران بنعت مجموعة من الأخوات بانهم شيخات أو .... ( كلمة كتير مسيئة وصراحة لا أقدر على لفظها ) إحتراما للأخوات الأفاضل . وقد سمع من أفواه شباب التيار مسبات وشتائم على شباب الرابطة وغير ذلك من الكلام البذيء والمسيء للمشارعر الإسلامية .هكذا حالنا يا أخواني الأعزاء هذا هو التيار الذي يحمل على عاتقه الدفاع عن المسلمين السنة في لبنان .

عبد الله

28-03-2008, 03:22 PM

بعد أن فاز الخط العلمانية على الخط الاسلامي
لا يسعني إلا أن أقول لإخواني:
قال الله تعالى: ولا تهنوا ولا تحزنوا وأنتم الأعلون إن كنتم مؤمنين.

المحروم

28-03-2008, 03:51 PM

بارك الله بك أخي الكريم أحمد وبارك الله بجهود جميع الإخوه في الصف الإسلامي وكما قال اخي عبدالله
قال الله تعالى: ولا تهنوا ولا تحزنوا وأنتم الأعلون إن كنتم مؤمنين
كمان سؤال هل ممكن تتحلافو مع العزم من أجل رئاسة المجلس أم لا

أمّ البراء

30-03-2008, 12:14 AM

الانتخابات خلصت! والرّابطة انهزمت!!وطلع المستقبل !!
أنارح احكي بسّ عن العلوم!
أنا زعلانة من كلّ الّلي ما انتخبوا الرّابطة لأنّن خانوا المسار الاسلاميّ.
هيّ مانّا غزوة بدر! بسّ تخيّلوا معي حال كلّيّة مع مدير علماني ودكاترة عدوّن السلام الّا من رحم ربّي ومجلس طلبة............السّكوت أحلى!أوّل ما عرفوا حالن ربحانين بلّشوا ب:"ليه بتقصّر تنّورة" ولك أللّه يقصّر عمرن!
صحّ انّو الرّابطة عندا أخطاء وكتير كمان بسّ واجبنا ننبّها عا أخطاءا مش نرميا رمية الكلاب.
أنا منّي وعليّ لمّ شفت نظرة الاستجداء بعيون حذفت من المشرف والاحباط بوش حذفت من المشرف والدّمعة بعيون حذفت من المشرف حسّيت فعلا انّا خسرنا بغزوة بدر..
أنا بقول لكلّ الشّباب :"يعطيكن ألف عافية وحسبكم أنّكم عملتم للّه"

kata2eb

30-03-2008, 12:04 PM

**** يا حسرة على العباد ....
بعد صدور المعلومات الأولى عن الإنتخابات ووجودنا داخل الجامعة
و سماعنا أننا لم نحصل على أي مقعد في الأولى
وبعد أن أشاع التيار أنه فاز بالسنة الرابعة بكل المقاعد

ذهبت لأتحدث مع الأخ عمر قلاوون فلم يستطع التحدث
فذهبت إلى رفاقي مرشحي السنة الأولى فرأيتهم كمن مات له أحد
أحسست بالفاجعة التي حصلت
البارحة ذهبت إلى الجامعة , أحببت أن أعلم كم صوتا حاز مرشحي الرابطة
تخيلوا أن عدد الأصوات لأعلى مرشح للرابطة كان 150
وأوطى مرشح للتيار نال 404 أصوات
ذهبت نحو قاعتي والغصة في قلبي, فرأيت العجب
كان الميكريفيون الخاص بالدكتور مع أشخاص من التيار والأغاني تلعلع في القاعة
جاء إلي أحد الأصدقاء وقال لي إمنع هذا الشيئ فقلت له اليوم ليس البارحة
البارحة كنا نحن المجلس نفعل ما نريد أما اليوم فلا
لكن ما أدهشني أن عددا ليس بالقليل ممن قد إنتخبوا التيارجائوا
إلي وقالوا ياليتنا نستطيع إعادة الإنتخاب حتى ننتخبكم زي ما هي
حتىأن أحد الناجحين من التيار قال لي أن الجامعة ستتحول إلى ك . ب . ر . ي
فتأمل يرعاك الله
تخيلوا حالنا في الجامعة
بس بدنا منكن الدعاء والسلام
.... kata2eb ****

حُسَينْ ... !

30-03-2008, 01:20 PM

سلام عليكم
ربما سماها البعض الفاجعة ، مصيبة ، هزيمة ،.....لا ادري
صحيح اننا احسننا كلنا بغصة و بضيق عندما نجح تيار المستقبل و الذي سيدخل ان شاء الله الثقافة الحوار و تثقيف الشباب و الشابات فمشروعهم كبير من قيم المجتمع بحاجة لها فأين ثقافة التنورة القصيرة عندكم انتم الرجعيون ، هذه من اغاني احتفالهم بالنصر المأزر الذي ناله بفت المصريات (كانوا بدون يدفعولي من شان جي انتخب بالهندسة )
و نشر ثقافة الشماتة ، الله... معاني سامية من الأخلاق لم نصل لها فالمجتمع احب ان يصل اليها ، bye bye ya 7elwin اغنية اسمعوها للشباب الرابطة الاشاوس (جزاهم الله عنا كل خير فهم من خيرة الشباب ) عند خروجهم من الجامعة بعد ظهور النتيجة
15 سنة تقريباً و شباب الرابطة لهم المجلس و لم يشمتوا بأحد منهم
و اخرا لا ادري على ماذا الناس انتخبوا التيار على الأعمال التى يقوم بها للجامعة؟ لا اظن انهم يوزعون سوى بعض البيانات التافهة
هل نجحوا بسبب اخلاق شبابهم و شاباتهم ؟ ما شاء الله فزويا العلم تعج بهم و لا اظن انهم يخدمون العمل الجامعي

اوجه تحية احترام لكل شباب الرابطة و الله يبارك فيكم

محمد أحمد الفلو

30-03-2008, 01:44 PM

غريبه هالنتيجه بالانتخابات من بعد ما كان المجلس كلو من شباب الرابطه في العام الماضي
يعني ما في تحليل لهالشي من قبل الرابطه ( سمعنا صوتك يا احمد )

على كل يمكن هالخساره ناتجه عن نفور السنه ( وتحديدا العكاريه ) من الشباب الملتزم بعد الصيف الماضي !!!

ناطرين تحليل من الشباب القريبن !!

أبو مريم

30-03-2008, 03:26 PM

ما حدا نافر من الشباب الملتزم ، وشباب المستقبل مش كفار ، ومش عدو لكم .

بس الشباب أوفياء لدم الرئيس الشهيد رفيق الحريري ، يلي علّم وعمّر وعلاّ ، وحبوا انو يوصل صوتوا وقضايا حتى للجامعات .

كيف ما رح يوصل صوتوا لشباب بالجامعات ، وهو كان شيخ الشباب ، مين غيرو كان يهتم فيون ؟ مين غيرو علمون ، وشغلون ، وعمرلون لبناون يلي كانوا يطمحوا فيه ، كل هيدا عملوا الشيخ رفيق للشباب بالوقت يلي كان غيرو عم يشلحون بالحبوسات ويجبرهم على الهجرة و.....

فمش عارف ليش مستغربين ، انو الشباب يصوتوا لقضية الشيخ رفيق الحريري ، مش عارف ليش مستغربين الوفاء للعهد ؟؟؟

وبالنسبة لموضوع العلمانية ، فتيار المسبقل وبالذات القطاع الشبابي فيه بيشهد تنوع كبير ومش كل شبابوا علمانيين ، وإن كنت أنا ما بعتبر العلمانية عيب ، بس حلوا الواحد يحكي الواقع ، فيه ناس دينين داخل التيار ، يعني فضيلة الشيخ الدكتور مفتي عكار أسامة الرفاعي هل هو علماني ؟ هل مفتي جبل لبنان علماني ، على مفتى البقاع وزحلة علماني ، هل فضيلة الشيخ زكريا المصري علماني ؟؟؟؟؟

فبتمنى عليكون ما حدا يزايد علينا بالدين وبالإسلام ، كانوا شباب الرابطة عم يقولوا لشبابنا "الله أكبر" متل كأن عم يغيظوهم أو كأن شبابنا ما مقتنعين بهل الشي !!! شو شايفنون هندوس بيعبدو البقر ....

الزاهر

30-03-2008, 04:27 PM

رفيق الحريري اللي عم تحكو عنو براء منكم ....................

رح ألك ليش يا كتائب أوطى مرشح للمستقبل جاب هالأد............وكان لسا ممكن يجيب أكتر بكتير..........جاب هالأد لأن هالأد اندفع للناخبين..............وكان ممكن يجيب أكتر بكتير لو أن كل مؤيدي التيار انتخبوه............لأن الأوفياء منهم .............ضيع كاملة............ما انتخبت التيار...........لأن حسب قولهم "بس يصيرو هالسرائين برات التيار نحنا مندعمو...........هلا ما فينا ننتخب الفرئة السرائة المستلمة"..................هاد مش كلامي..............هاد كلام اللي ألتلك عنهم.......

أما ليش أعلى واحد بالرابطة جاب هالأد.........هلأ بغض النظر عن أخطاء الرابطة اللي تعتبر كرامات عجناب أفضل عمل قام به غيرهم.........يا أخي الناس طغيت عليها ثقافة الفساد..........الرئص..........الهرج..........الخل اعة...........التعري........منكم عم تشفولها غليلها.......ياعمي شي مرة حطيتو يلي تأصر تنورة بشي احتفال عملتوه..........شي مرة خليتو البنات ترئص بالساحة؟؟...........شي مرة اشتريتو أصوات الطلاب؟؟...........يا عيب الشوم عليكم..........هالأد كابتين الشباب بالجامعة...........ما حرام عليكم

بعدين تعا لهون يا كتائب.........مو عيب عليكم وئت الدكتورة علا العلبي صار معها نوبة بالساحة تبعدو الشباب الي عم يضحكو عليها عنها.............يا عيب الشوم عليكم

مو عيب عليكم وئت تسب عالحجاب وتئذي محجبة تجو تعملو اعتصام وتطلعو بيان استنكار؟؟!!!

مو عيب عليكم إنكم توزعو للطلاب خريطة الجامعة من أول يوم بيفوتو فيه عالجامعة

مو عيب عليكم تساعدوهم بملأ طلبات التسجيل

مو عيب عليكم تصورولهم الكورات وتوزعوها أو تبيعوها (وشباب العزم بياخدو تعبكم وبيصوروه وبيوزعوه بلاش ليربحو الطلاب منية!!!!)

مو عيب عليكم تخدمو الطلاب طول العام.........وغيركم ما بيعرف الجامعة إلا أبل الإنتخابات بأسبوعين

مو عيب عليكم إنو ياما ممشكلينها مع الإدارة منشان توفرو للطلاب جو لائق للدراسة وقاعات مناسبة

مو عيب عليكم إنو يصير عنا مصلا بالجامعة

مو عيب عليكم يصير عنا مركز تصوير

مو عيب عليكم تطالبولنا كل عام ببرنامج امتحان مريح وبعطلة كافية.......وتهلكو منشان عالأليلة يتحقق شي من ذلك

مو عيب عليكم تعملو مهرجانات مصغرة دعما لإخواننا بفلسطين وفي كل مكان

مو عيب عليكم كل هاد..........

يا عيب الشوم عليكم بس........

علي القلموني

30-03-2008, 06:41 PM

أنا صراحة بعد كلام عدد من الأخوة الأفاضل اللذين عبروا ما بداخلهم من هم وحزن على ما آلت اليه الانتخابات الطلابية في كلية العلوم وخصوصا ما وقع لشباب الرابطة أفتخر أنا وجميع الشباب الملتزم بهذا الكلام الرائع الذي يعبر أكثر ما يعبر عن هم وحب للدين والتدين والإلتزام يعني عن جد هناك لسى بعد الشباب الذ لا يوجد هم له سوى نصرة الدين بارك الله بكم جميعا .
أما الأخ أبو مريم أقول له :
على قولك يا أخي العزيز : ( ما حدا نافر من الشباب الملتزم ، وشباب المستقبل مش كفار ، ومش عدو لكم ) أقول لك صحيح ما حدا نافر من الشباب الملتزم ولكن التيار نافر منهم والدليل ما حصل نهار الإنتخابات من تسميع كلام وشتائم وخصوصا ما تعرض له مجموعة من الأخوات في الجامعة من كلام بذيء على الحجاب والملتزمات ونعتهم من أنهم ( معليش بدي أقولها ) عاهرات متخبيين بثيابهم .
بعدين شباب التيار صحيح مش كفار لأن نحنا هنا لا نكفر أحد بس هنا أبعد ما يكونوا عن الدين والإلتزام وما في داعي اعطيك مثل عنهم لأنهم أشهر من العلم المرفوع .
وقولك ( بس الشباب أوفياء لدم الرئيس الشهيد رفيق الحريري ، يلي علّم وعمّر وعلاّ ، وحبوا انو يوصل صوتوا وقضايا حتى للجامعات ) أوفيا ولا مو أوفياء ما بهمنا أصلا بعدين حاجة تكعرونا بأنو الحريري علم وعمر وعلا يا أستاذ أنت بتعرف ولا ما بتعرف أنو الرابطة صرها من أول ما تأسست والكل بيعرف عدوها وصديقها أنو بتنفق كل سنة آلاف الدولارات لتعليم الشباب في الجامعات في لبنان وخارج لبنان يعني عندك مثلا بالقلمون شوف الرابطة اديش علمت شباب وبحياتها ما مننت حدا بهيدا الشي يعني أنا بعرف أكثر من عشرين شخص بالقلمون هيدا مش خافي على أحد أنو الرابطة بتعطيهم منح تعليمية وكل سنة بزيد عددهم أكثر بعدين شو هالقضايا يلي حاملها التيار لحتى يوصلوها بالجامعات رح يكعرونا بدنا نحارب سوريا لأنها قتلت الحريري يا حبيبي لبنان خرب بمعاشوا وبمماتوا .
وقولك ( وبالنسبة لموضوع العلمانية ، فتيار المسبقل وبالذات القطاع الشبابي فيه بيشهد تنوع كبير ومش كل شبابوا علمانيين ، وإن كنت أنا ما بعتبر العلمانية عيب ، بس حلوا الواحد يحكي الواقع ، فيه ناس دينين داخل التيار ، يعني فضيلة الشيخ الدكتور مفتي عكار أسامة الرفاعي هل هو علماني ؟ هل مفتي جبل لبنان علماني ، على مفتى البقاع وزحلة علماني ، هل فضيلة الشيخ زكريا المصري علماني ؟؟؟؟؟

فبتمنى عليكون ما حدا يزايد علينا بالدين وبالإسلام ، كانوا شباب الرابطة عم يقولوا لشبابنا "الله أكبر" متل كأن عم يغيظوهم أو كأن شبابنا ما مقتنعين بهل الشي !!! شو شايفنون هندوس بيعبدو البقر .... ) قلك يا حبيبي نحن لا نعتبر العلمانية عيب ولكن نعتبرها كفر بعدين هيدول المشايخ يلي سميتهم كلهم بيعرفوا التيار على حقيقتو بس عم داروه منشان العالم ما تبعد عن الدين أكثر هيك هم برأيهم ( إجتهدوا ولكن إجتهادهم خطأ ) وروح إسأل من يجالسهم في مجالسهم الخاصة ماذا يتكلمون عن التيار.
بعدين قصة ما حدا يزايد علينا بالدين والإسلام شو الهقصة ما يكون التيار تيار ديني ومنا عارفين صحيح هو برمضان قبل أذان المغرب بعملوا مسابقة لحفظ القرآن وبعدين على السحور بتبلش الخيم الرمضانية التي كان لهم الفضل في انتشار هكذا بدعة ومعاصي خلال هذا الشهر الفضيل .بعدين اسمحلي هم قلك ما هو شغلهم مثل عباد البقر ما في فرق بينهم كتير .

cool man

30-03-2008, 07:35 PM

أوفيا ولا مو أوفياء ما بهمنا أصلا بعدين حاجة تكعرونا بأنو الحريري علم وعمر وعلا يا أستاذ أنت بتعرف ولا ما بتعرف أنو الرابطة صرها من أول ما تأسست والكل بيعرف عدوها وصديقها أنو بتنفق كل سنة آلاف الدولارات لتعليم الشباب في الجامعات في لبنان وخارج لبنان يعني عندك مثلا بالقلمون شوف الرابطة اديش علمت شباب وبحياتها ما مننت حدا بهيدا الشي يعني أنا بعرف أكثر من عشرين شخص بالقلمون هيدا مش خافي على أحد أنو الرابطة بتعطيهم منح تعليمية وكل سنة بزيد عددهم أكثر بعدين شو هالقضايا يلي حاملها التيار لحتى يوصلوها بالجامعات رح يكعرونا بدنا نحارب سوريا لأنها قتلت الحريري يا حبيبي لبنان خرب بمعاشوا وبمماتوا .

أولاً اريد أن أسئل لماذا تم حذف بعض مشاركاتي من هذا الموضوع بعد وضعها و تأييدي على هذه المشاركات من قبل بعض الأعضاء

يا أخي علي لا أريد إلا أن أعلق على هذا الكلام الذي قلته و أترك الباقي لباقي الأعضاء الذين يؤيدون تيار المستقبل
يا أخي إنته من ايمتن سمعت انو الحريري علّم منّو بعد ممات أكيد سمعتا بعد ممات الحريري طيب ليش مكانو عم يئولو انو علّم قبل ميموت اكيد كان في تكتم على هل الشي
و بما انك طرحت موضوع أن الرابطه في القلمون تعطي منح و انت تقول انك تعرف اكثر من عشرين شخص بس انا بدّي أعرف منّك مننه هل الأشخاص يلي عطيتن الرابطه منحه في القلمون لمتابعة دراستهم أكيد الكل يعرف من هم و سأقول لك من هم . الناس أي التلاميذ الذين حصلو على منح من الرابطه لمتابعة دراسنهم هم من الرابطه نفسها اي أنهم تابعون الى الرابطه و الى الجماعه الإسلاميه و بعضهم الآن متسجل في جامعة بيروت العربيه و أنتم تعرفون من هو و قد لحقه أخوه الى هنا, هل سمعت يوماً أن أحداً غير منتسب إلى الرابطه و أن أبوه مع الرابطه أو الجماعه الإسلاميه حصل على منحه من الرابطه و هل سمعت يوماً أن تلميذاً فقيراً لا يمكن لأهله مساعدته في متابعة دراسته و قد ساعدته الرابطه في منحة لمتابعة دراسته و ربما يكون هذا الفقير أفضل بكثير من ذاك الذي حصل على منحه.
و أنت تقول أيضاً أن الرابطه تعلم و تساعد التلاميذ و لا تمنن أحداً فهل أن دفع التلاميذ 30000 ليره لبنانبه او أقل او أكثر لإنتسابهم الى دورات التقويه في صفوف الشهادات هذا ما يسمى مساعدات و عدم إمنان للآخر
فبالنهاية اقول لك يا أخي الكريم أن الرئيس الشهيد رفيق الحريري علم الناس و ليس لطائفتنا الكريمه فقط بل من جميع الطوائف و هناك أشخاص من الرابطه حصلو على منح لمتابعة دراستهم من الرئيس الشهيد فلماذا هذه الهجمه على الرئيس الحريري و لماذا تنكرون و تحاربون هذا العمل الذي كان يقوم به

أرجو منك الرد على هذه الأسئله و على هذه المشاركه كما اريد منك اذا كنت تعرف أسماء الذين حصلو على منح من الرابطه في القلمون أن تذكر أسمائهم

كما أتمنى من المشرفين أو من المدير أن يضع هذه المشاركه حالاً لأنه هناك اناس من الرابطه يستطيعون الرد و أنتم ترون أن الأخ عبد الغني طوط لا يدخل كثيراً الى هذا الموقع فإما أن تحذفو الكلام المتوجه الى تيار المستقبل أو أن تضعو الكلام الموجه الى الرابطه او الى الجماعه او الى البلدية كما أرجو منه إعادت المشاركه التي حذفت و كنت أسئل أخونا علي عن الأموال التي تصل إلى الرابطه من الدول العربيه و دمتم برعاية الله
و السلام عليكم و رحمة الله و بركاته

Nader 3:16

30-03-2008, 11:10 PM

كلنا تضايقنا لخسارة الرابطة....

اماّ قول ابو مريم بأن العلمانية ليست عيب....فمثل ما قال لك اخي علي القلموني هي كفر يعني عيب و اتنين لحديت ال infinie..
و ما في داعي تذكر اسماء مشايخ و مدري ايش لأنو بالنهاية الدين يقاس بالأحكام لا بالأشخاص..

أيمن غ القلموني

31-03-2008, 12:24 AM

لملاحظ إن السنة الأولى هي العامل الحاسم بنتيجة الإنتخابات ، لإن طلعت للمستقبل .
الله أعلم شو بكون مفهمينن و مدخليلن بعقولن عن الرابطة.

بعتقد محمد ( حميطون ) معو حق بالذي قصده , بس مش دائماً بوافقو ، هوني بس:) .

عبد الله

31-03-2008, 12:37 AM

الموضوع بدأ يخرج عن هدفه
أطلب من جميع الزملاء عدم الخروج عن الموضوع .
ويا ريت يلي عندو معلومات عن ادارة الأعمال وباقي الكليات يلي كان انتخاباتن السبت يخبرنا شو صار فيهن .

أبو الحسين

31-03-2008, 12:50 AM

السلام عليكم ..أنا رح قلك عن ادارة الأعمال ..الرابطة حتا ما نزلت حدا ..و النتيجة هي 10 للمستقبل و 1 للعزم ..لأن عنا بالجامعة في 11 مقعد و بس ..سلام

X-Man

31-03-2008, 02:58 AM

مبارك للناجحين في كافة الكليات، لا بد من التذكير للناجحين أن هذه مسؤولية يجب أن يكونوا من قدرها وأن لا يخذلوا من انتخبهم كما هو حال نوّابنا الأفاضل

علي القلموني

31-03-2008, 10:04 AM

يا أخي العزيز إذا أنت أول المرة الموضوع بتسمع فيه ما يعني العالم أول مرة بيحكو فيه هيدي قصة الحريري علم وعمر وهدم ما بعرف شو لسى سامعينها من نحنا وصغار هلكونا فيها يعني اديش صروا الحريري بينزل على الانتخابات النيابية من وقتها يعني من أكثر من 15 سنة .
وكلامك غير صحيح على أنو الرابطة بتعطي منتسبيها وبس كلام غير دقيق بتاتا بعدين أنا ما فيني أذكر الأسماءلأن صاحبينها ما يهون عليهم أصلا .
وأنا حد علمي أنو هيدا المبلغ يلي بتتكلم عنو بالنسبة للدورات هو شي رمزي يعني الدورات بعمرها ما كانت الرابطة تكسب من ورائها بالعكس دائما مكسورة على مبالغ ضخمة , وانا بخبرك هيدا الكلام لأن سبق واشتغلت معهم بالدورات واطلعت على أمورها .
بعدين نحن لا ننكر أن الحريري علم أكيد شي صح بس مش بهالضخامة يلي بيحكو عنها بعدين أنو علم شباب من الرابطة هذا كلام أكيد غير صحيح لانهم مش بحاجتو .

عبد الغني طوط

31-03-2008, 11:22 AM

الاخوة والأخوات، طلاب كليات الجامعة اللبنانية، طلاب كلية الحقوق، العلوم الاجتماعية، الآداب، العلوم، الهندسة، ادارة الأعمال وكلية الصحة
بالنيابة عن الشيخ أحمد الحريري منسق عام قطاع الشباب في لبنان وبالأصالة عن نفسي أتوجه اليكم جميعا بخالص الشكر والامتنان لكل ما بذلتموه من جهود لإيصال شبابنا ومرشحينا الى المجالس الطلابية في كلياتكم، هذه الثقة التي نفخر بها ترتب علينا الكثير من المسؤوليات فنحن لن ننسى فضلكم علينا بعد فضل الله عز وجل ثقتكم غالية جدا وسنعمل بإذن الله تعالى جاهدين لنكون على قدرها.
اسمحوا لي ايها الاخوة ان أدعوكم جميعا الى حفل كوكتيل سنقيمه يوم الأحد المقبل ان شاء الله في قاعة الواحة برعاية رئيس كتلة المستقبل النيابية الشيخ سعد الدين رفيق الحريري وبحضور منسق عام تيار المستقبل الحاج عبد الغني كبارة ومنسق عام قطاع الشباب الشيخ أحمد الحريري لكي يشكروكم مباشرة الساعة السادسة مساءً.

ونتوجه الى الاخوة في رابطة الطلاب المسلمين والى الاخوة في شباب العزم بخالص تمنياتنا وقد كنا سعينا وسعوا جاهدين لكي نتحالف ونكون صفاً واحدا وفريقا واحدا يبني للبنان المستقبل من خلال الجامعات ولكن لأسباب عديدة بعضها تسببنا به والبعض الآخر تسبب به الطرف الآخر لم ننجز وللأسف هذا التحالف ولكننا خرجنا من كل الاجتماعات السياسية والتي كان لي شرف المشاركة في معظمها بما هو أهم من تحالف في كلية فقد تعرفنا على بعضنا أكثر وتم الاتفاق على تكثيف لقاءاتنا لما فيه خيرنا وخيركم.
أجدد شكري لكم جميعاً والسلام عليكم ورحمة الله وبركاته

علي القلموني

31-03-2008, 01:42 PM

صراحة وبقولها لكم من كل قلبي لا يشرفنا حضور هكذا لقاء إلا إذا خبرتونا من قبل مين في مغنيين ؟ وراقصات ؟ ومطربين و......؟؟؟؟
بتعرف يا أخي العزيز أنتو عودتونا على أجواء الرقص والأغاني لذلك نرجو منكم عدم تغيير الجو لأن هيك ما منصير منحضركم لا في هكذا لقاءولا على شاشتكم المستقبل الكريمة ,سلامي إلى الفنان الكبير ميشو شو ولكل ضيوفه .

حُسَينْ ... !

31-03-2008, 02:10 PM

الاخوة والأخوات، طلاب كليات الجامعة اللبنانية، طلاب كلية الحقوق، العلوم الاجتماعية، الآداب، العلوم، الهندسة، ادارة الأعمال وكلية الصحة
بالنيابة عن الشيخ أحمد الحريري منسق عام قطاع الشباب في لبنان وبالأصالة عن نفسي أتوجه اليكم جميعا بخالص الشكر والامتنان لكل ما بذلتموه من جهود لإيصال شبابنا ومرشحينا الى المجالس الطلابية في كلياتكم، هذه الثقة التي نفخر بها ترتب علينا الكثير من المسؤوليات فنحن لن ننسى فضلكم علينا بعد فضل الله عز وجل ثقتكم غالية جدا وسنعمل بإذن الله تعالى جاهدين لنكون على قدرها.
اسمحوا لي ايها الاخوة ان أدعوكم جميعا الى حفل كوكتيل سنقيمه يوم الأحد المقبل ان شاء الله في قاعة الواحة برعاية رئيس كتلة المستقبل النيابية الشيخ سعد الدين رفيق الحريري وبحضور منسق عام تيار المستقبل الحاج عبد الغني كبارة ومنسق عام قطاع الشباب الشيخ أحمد الحريري لكي يشكروكم مباشرة الساعة السادسة مساءً.

ونتوجه الى الاخوة في رابطة الطلاب المسلمين والى الاخوة في شباب العزم بخالص تنياتنا وقد كنا سعينا وسعوا جاهدين لكي نتحالف ونكون صفاً واحدا وفريقا واحدا يبني للبنان المستقبل من خلال الجامعات ولكن لأسباب عديدة بعضها تسببنا به والبعض الآخر تسبب به الطرف الآخر لم ننجز وللأسف هذا التحالف ولكننا خرجنا من كل الاجتماعات السياسية والتي كان لي شرف المشاركة في معظمها بما هو أهم من تحالف في كلية فقد تعرفنا على بعضنا أكثر وتم الاتفاق على تكثيف لقاءاتنا لما فيه خيرنا وخيركم.
أجدد شكري لكم جميعاً والسلام عليكم ورحمة الله وبركاته

اخي عبد الغني و نحن نتوجه بخالص الشكر و الأمتنان لما بذلتموه ايضاً من جهتكم في فت المصريات
و من جهة اخرى فأتمنى ان تظل على الموقف الذي شهدناه منكم في احتفالاتكم امام كلية العلوم و لا داعي لقول اشياء ليست خارجة من القلب فلقد رأينا بأم عيننا تصرفاتكم عند النجاح و اخلاقياتكم التى تحليتم بها عند النصر فلا داعي لهذه الجمل الملغومة و المُضَلِلة

أمّ البراء

31-03-2008, 02:27 PM

كترة الحكي ما رح تقدّم ولا رح تأخّر! الواقع هيك وبدّنا نقبل فيه! المستقبل انتصر والرّابطة انهزمت! أنا ما رح احكي الّا عن العلوم.
هيّ صحّ منّا غزوة بدر بسّ تخيّلوا معي حال كلّيّة مع مدير علماني ودكاترة عدوّن الاسلام الّا من رحم ربّي!وجيل جديد ....اللّهمّ عافينا! وبالزّايد مجلس طلبة.......................لا السّكوت أحلى! أوّل ما عرفوا حالن ربحانين بلّشوا ب :"ليه بتقصّر تنّورة" ولك اللّه يقصّر لساناتن!!!
أنا منّي وعليّ زعلانة من كلّ اللّي ما انتخبوا الرّابطة واللّي قاطعوا الانتخابات!
حذفت من المشرف
صحّ انّ الرّابطة عندا كتير أخطاء... بسّ واجبنا ننبّها عا أخطاءا مش نرميا رمية الكلاب!
أنا بقول لكلّ الشّباب:"أللّه يعطيكن ألف عافية! وحسبكم أنّكم كنتم تعملون للّه!!"
والسّلام عليكم !

المحروم

31-03-2008, 03:56 PM

كبير إنت يا عبود بكيتني
حسبي الله ونعم الوكيل
ولك شو هالدجل السياسي
وكمان نحنا منا عاوزينكن ولا عاوزين حفلاتكن الضاله المضله
وسليم كتير على شيخ العلمانيه تبعكن

عمر الشيخ طه

31-03-2008, 03:59 PM

ألف ألف ألف ألف ألف ألف ألف ألف ألف مبروك لتيار المستقبل...........................:1 (1)::1 (11):

عأبال الإنتصارات الأخرى "اللي بتأصر تنورة هذا شعارنا بعد كل إنتصار"

kata2eb

31-03-2008, 06:49 PM

*** بدي تجبلي على البيت .......

والله للأسف ما فيني روح على الحفلة لأني بعتقد
أنا مرح نسمع متل ما سمعتونا بالجامعة
بدنا نشوف (فهمتوا مش هيك):1 (32):

وأنا بدوري بما إنك دعيت الرابطة بدعوك بدعواهم
بعد النتائج ألا وهي الصلاة والصوم
بس بدي قول لكم أن مخططنا بعد نتيجة الإنتخاب كان الصلاة جماعة وليس غنية
(باي باي باي باي باي باي يا حلوين )
والمقصود نحن لكني أطمنك بمقولة جعجع
............. جولة ............ ألف ألف ألف ألف جولة

رأي شخصي وبالأزرق ...... KATA2EB ****

Nader 3:16

31-03-2008, 11:19 PM

عجبني شعارك يا عمر الشيخ طه...
لأنو بصراحة واقعي جداً.....
لوووووووووووووووووول

عبد الله

31-03-2008, 11:33 PM

هو صورة الاسلام ما شوهها إلا أولاءك العلمانيين الذين يدعون الاسلام على أنغام المغنين وحركات الراقصات والراقصين ورفض الجهاد وتقديم الوفاء لغير رسول الله .
أرجو أن نبقي الموضوع في محور الهدف الذي أنشئ له وأن نفتح موضوع في ساحة العام يتناول التيار العلماني مع بعض التفصيلات

المحروم

01-04-2008, 11:11 AM

machallah hal2ad 3andak ya 3aboud min nifsak am haydi sika kbira bil tayar wlek law 3andak jor2a tfadal nakich al mawdou3 w 3tina ahdafak wrod 3al chabab bil itihamat wala ma3andak jawab aslan haydi chagletkon bas tinhichrou bil kalam bitbatil trod

عبد الغني طوط

01-04-2008, 11:58 AM

اخي المرابط انا لم انحشر بالكلام ابدا ولكني في حال قمت بالرد فهذا يعني ان الكلام موجه الي او الى التيار الذي انتمي اليه وانا لا اظن ان الاخوة الذين كتبوا كانوا يقصدون تيار المستقبل وفي حال قصدوه فانا أهنئهم فعلا على الخيال الخصب الذي يتمتعون به فقد استطاعوا وبثوان قليلة نسج عشرات القصص التي لا وجود لها الا في مخيلتهم فاذا اردنا التكلم عن انتخابات العلوم والتي اثارت الجدل الاكبر فاظن ان الكثير من المغالطات قد قيلت بحقنا ولم نشأ ان نرد عليها احتراماً منا لمن كذب في حقنا لان الردود على هكذا ترهات يكون مؤذ أحياناً ولن نؤذ حتى من تسبب لنا بالأذى.
هناك من أوصاني بالصلاة فهو لم يكن موجوداً عندما انتهت نتائج السنة الأولى وسجد الاخوة في التيار سجدتين شكر لله. اغنية التنورة التي اصبحت بطلة عدد كبير من الكذبات التي تناقلها اناس لم يكونوا موجودين أصلا هي أغنية لوليد فرج بحسب ظني وعلى لحن اغنية التنورة وقد تناسى حائك هذه الاشاعة ان 95 بالمئة من الاناشيد التي يسمعها هو واصحابه هي مجرد تقليد أعمى للأغاني التي اعتبرها صاحبنا ماجنة ومن ضمنها اغنية التنورة. وخرج البعض ليتهمنا باننا دفعنا له لينتخبنا يا صديقي انا عضو لجنة مركزية في قطاع الشباب وقد كنا قد صرفنا ميزانية لم تتجاوز المليون ليرة لكل كلية بحسب حجمها وعدد طلابها ويعلم الخبراء في هذا المجال وانا هنا اطلب شهادة الاخ احمد مغيط بان مبلغ المليون لا يكاد يكفي ثمن السندويش وطباعة اللوائح الا اذا كانت اموالنا بلا بركة واموال غيرنا مباركة وانا لا اقصد الرابطة الاخ حسان يدعي ان البعض اغراه بالمال هل أوحى هو للغير انه يشترى او يباع؟ وفي حال كانت هذه القصة صحيحة وانا استبعدها من موقع مسؤوليتي فانا اطلب منه ان يعطيني الرقم الذي اتصل به او الاسم الذي اتصل به وسأتخذ بحقه الاجراء اللازم واذا لم يعتبرني ثقة فليقم برفع دعوى لدى الامن الداخلي كما فعل الكثيرون بحق من هددهم بحجب المنح وبسحب اموال التسجيلات. الاخوة والاخوات استوقفني خيال احدهم الرحب عندما قال اننا نزعنا اعلام لا اله الا الله ورفعنا علم التيار انها فعلا نكتة يا اصحابي نحن مسلمون نفخر باسلامنا قدوتنا نبينا محمد صلى الله عليه وسلم وكتابنا القرآن الكريم فلا رسول الله صلى الله عليه وسلم ولا القرآن الكريم حكر على مجموعة دون أخرى من قال لهم ان الاسلام ملك لهم هذا والله من الأمور التي يجب ان يعمل عليها ثم اسمحوا لي ان اسأل هل علم رابطة الطلاب المسلمين هو علم الاسلام اذا كان كذلك فانا برأي علم التيار هو علم الاسلام وهنا لا اريد ان يفهم كلامي خطء فالرد على من ادعى اننا انزلنا علم لا اله الا الله الذي لم يكن موجوداً اساسا في الساحة ثم ما لفتني اثناء الاحتفالات التي كانت تجري امام الجامعة ان بعض الاخوة بدأ يكبر في وجهنا حسبت نفسي من السيخ والهندوس او انني من المجوس او البوذيين انها والله مهذلة توجهت عندها نحو شبابنا وقلت لهم كبروا يا اصحاب فالله اكبر عليهم فبدأوا يكبرون. في النهاية ولن اطيل انا فعلاً اشعر بالاسف الشديد لما قيل وما يقال واذكر الاخوة في هذا المنتدى اننا مسلمون ولسنا بحاجة لفحص دم لنحدد من خلاله انتمائنا الديني لا يزايد علينا احد بالاسلام اخوتي لستم من يحدد الانتماء والحمد لله
اجدد توجيه احترامي للاخوة في الرابطة وللإخوة في العزم وادعوا الاخوة في المنتدى الى لقاءات نجلس فيها معا في الاماكن التي يحبونها لكي يستفسروا عن الحقائق قبل نشرها فالافتراء حرام والبهتان لا يجوز والسلام عليكم ورحمة الله وبركاته

عبد الله

01-04-2008, 12:49 PM

تجنيبا لهذا الموضوع قضية الحوار حول التيارات العلمانية ومنها تيار المستقبل أدعوا كافة الأعضاء ومنهم السيد عبد الغني طوط دام ظله إلى المشاركة في الحوار في الموضوع الجديد الذي تم افتتاحه في ساحة عام تحت اسم تيار المستقبل .. قضية وحوار
وشكرا لتجاوبكم
أخوكم في الله

المحروم

01-04-2008, 01:20 PM

اخي العزيز عبود ولو انا كلامك يحتوي الكثير من المغالطات غذا لم تكن كلها فانت اصبحت والحمدلله سياسي من الدرجه الأولى
أولا عل قولق انا قدوتكم الرسول الكرم صلى الله عليه وسلم فهذا كلام غير صحيح لأن لو كان فيه نوع من الصحه كنتم أوقفتم الغناء عند سماع صوت المؤذن مثل ما قال لي بعض الإخوه وهم براي الشخصي ثقاة وينقل عنهم الكلام ايضا كنتم لم تقولوا شعار (الحريري بعد الله )كنتم قلتم النبي صلى الله عليه وسلم
اما الذين يسمعون اللناشيد المقلده لللأغاني فهذا لا يدل على صحة العمل
اما بخوصوصالسجدتين فهذا من لم يره أحد من الموجودين وكان يوجد الكثير من رفاقنا من الرابطه من القلمون ومن خارجها
أيضا يا أخي الكريم لو كنتم تؤمنون بالله ورسوله الأكرم صلى الله عليه وسلم
كنتم فصلتم بين الشباب والبنات ولم تدعوهم يرقوصون مع بعض على أنغامكم التي تحتوي على الكلمات الرفيعه من مدح النبي صلى الله عليه وسلم
اما على قولك السيخ والهندوس او انني من المجوس او البوذيين
بقولك ياريت كنت هيك كنا عرفنا شو دينكم اما الأن تنسوبون انفسكم على الإسلام وتنسون كلام الله
ومن لم يحكم بما أنزل الله فأولئك هم الكافرون

المحروم

01-04-2008, 01:52 PM

أنا أريد ان اتوجه بالشكر الى الأخ عبود طوط لرحابة صدره وتفهمه لنا ومناقشة الموضوع معنا بجديه وانا اريد ان أنوه أن الكلام عن تيار المستقبل هو بشكل عام وليس موجه لشخص الأخ عبود فوالله الذي لا إله إلا هو إني أحب الأخ عبود واحترمه واكن له من الموده لا يعلمها إلا الله وإن كان كلامي جارحا او جريئا فهذا يدل على محبتي له وحرصي على نصحه فالدين نصيحه أجد د إعتذاري من الأخ عبود على كلامي الشديد اللهجه

أمّ البراء

01-04-2008, 04:24 PM

يا شباب طوّلوابالكن نحنا مانّا عم نطلّع حدا من الدّين أو نقول لحدا انت مانك مسلم لأنو عم يغنّي! نحنا مانا ضدّ المستقبل جوّات الجامعة كرمال ماشي! المسألة وما فيا انّو المستقبل ما بيشتغلوا شي نهائيّا!ما عندن شي يقدّموا للكلّيّةالّا الشّعارات السّياسيّة وبسّ! أما غيرن وبالذّات الرّابطة_أعاد اللّه عزّها عملتلنا كتير وحتّى شباب العزم تما ننكر جهد لحدا..
أمّا بالنّسبة للأخ اللّي بدّو يحطّ "ليه بتقصّر تنّورة" شعار من بعد كلّ انتصار ، فهيدا شي من ذوقك ومن رفع أخلاقك....
و الأخ husseinفأنا أبدا ما قصدت هين الشّباب ! بالعكس ! كلّن اخوتنا وتيجان روسنا ...أنا بسّ كنت بدّي ردّ عالأ خت اللّي عم تستخفّ بالمعركة لأنّو المواجهة ما بتقتصر على كلّيّة العلوم انّما هي مواحهة عالميّة بين العلمنة والاسلام! وأنا متـكّدي انّو ما حدا من الشّباب زعل لأنّو هوّ شخّصيّا ما طلعلومقعد بالمجلس ،انّما زعلن وأسفن هوّ عهالبلد اللّي عم يتعلمن تدريجيّا ! بعكس شبّ من المستقبل بالعلوم ،كان مخجول لأنّو ترشّس وما ربح مع انّ حزبو المفروض انّو ربحان ..
وانشاللّه أخي الفاضل تكون فهمت شو قصدي!

دوكر

01-04-2008, 06:41 PM

يا هلا بالجميع .....
اول شغلة بوجه بوسة لكل شباب الرابطة و للصبايا ألف تحية ........
و يا هلا بالمعلم عبود ......سلام لك و مبروك النجاح.....بس عندي متل العادة شوية تعليءات ......يا خي انتا من خلال حكيك لي متل اعادة هيكا بتعمل حالك الأدمي لي عم يحكي عن قيم ......
يا معلم عبود كلامك كأنك عم تؤل انو الشباب كذابين.....يا خي سمحلي فيا .......الشباب لي لي كذبتلون الأخبار لي حطوا انا من جهتي عندي فيون ثءة .........و يا معلم هنا التيار منون معودين يعطي مصاري....و منو موعدين على انو يدحكو ع الناس بشوية كلمات و شعارات ما لها طعمة.......
يعطيكن العافية ......
اخوكم دوكر المعوكر.....

علي القلموني

02-04-2008, 11:21 AM

بدي رد عليك يا عبد الغني ببعض الآيات التي وردت في آخر سورة الكهف، يقول الله تعالى : قُلْ هَلْ نُنَبِّئُكُمْ بِالْأَخْسَرِينَ أَعْمَالاً (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً (104) أُولَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْناً (105) ذَلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُواً

حُسَينْ ... !

03-04-2008, 11:47 PM

بعد انتهاء الأنتخابات الطلابية في كلية العلوم بالنتائج 10 رابطة 4 عزم و 12 مستقبل و بعد التصرفات
المشينة من قبل انصار التيار تم الدعوة الى انتخاب الهيئة الأدارية لمجلس طلبة الكلية (الرئيس و نائب
الرئيس....)
فإتفقت الرابطة مع العزم على ان يكون الرئيس من الرابطة ( الأخ عمر قلاوون) عندها بدأ مسؤول تيار
المستقبل ( الراسب في الأنتخابات عن مقعد سنة رابعة ) بمحاولة تأجيل الانتخابات مدعوماً من قبل مدير
الكلية المحسوب على تيار المستقبل و لكن هذه المحاولات فشلت مما استدعى تدخل الدولارات (او الليرة )
في العملية
و قبل يوم من انتخاب الهيئة الادارية بدأ مسؤولو تيار المستقبل بمحاولة شراء شباب الرابطة فأستمرت
الأتصالات من اعلى المستوات بداً بشيخ عبود طوط و انتهاءاً بأصغر عضو في التيار حيث عرضت على
شباب الرابطة مبالغة مالية ضخمة وصلت الى عشرين ألف دولار ، كما عرض على الشباب منح تعليمية
للدراسة في الخارج ، و لما فشلت هذه المحاولات تم الأتصال بأهالي الاخوة في الرابطة و عرضت عليهم
الاموال للضغط على ابناءهم الا ان ذلك ايضاً لم ينجح ( و الاسماء نعرفها و يعرفها التيار قبلنا و لكننا درءاً
لأي احراج نتحفظ عن ذكرها ).
و يوم الانتخابات صباحاً استمر اعضاء التيار بمحاولة تأجيل انتخاب الهيئة الادارية لمحاولة استقطاب صوت
واحد من شباب الرابطة لينالوا مقعد الرئاسة و هنا ايضاً فشلوا .
و عند الساعة 12 ظهراً ( موعد الانتخاب ) كان مسؤول المستقبل في الجامعة (غسان راغب) في
وضع يرثى له ( منكوش الشعر ، احمر الوجه ، دامع العينين ...) و كان يفاوض الدكتور اديب ابو
دلة و الدكتور يوسف بكور و بدأ بألقاء الاكاذيب فكانت الكذبة الاولى ان التيار لم يتبلغ بموعد انتخاب الهيءة
الادارية (عذر اقبح من ذنب يدل على صبيانية هذه المجموعة الخارجة على قانون الجامعة )و لما فشلت
هذه الكذبة كانت الكذبة الثانية من قبل مسؤول التيار ان القانون ينص على ضرورة حضور المدير لجلسة
الانتخاب عندها تم احضار قانون الانتخاب و تبين كذب الادعاء ، فبدأ بعض الدكاترة المحسوبون على التيار
بمحاولة انقاذ الموقف فلم ينجحوا في ذلك.
في هذه الاثناء كان مندوبو الرابطة و العزم مجتمعين في غرفة المطالعة بإنتظار وصول اعضاء المستقبل
الذين قاطعوا الجلسة و حاولوا افتعال اكثر من مشكلة لأبطال الأنتخابات ( ايضاً الأسماء موجودة ) بعد
ذلك وصل الدكتور فواز العمر و الدكتور اديب ابو دلة الى قاعة المطالعة حيث تم انتخاب الاخ عمر رئيساً للمجلس بالتزكية فخرج طلاب الرابطة مكبرين بلفظة "تكبير" فكان رد احد مناصري التيار "تأ..."و ارجو من المشرف عدم حذف هذا المقطع و ذلك ليتبين للقراء حقيقة هؤلاء الرعاع، وحمل الاخ عمر على الاكتاف ثم توجه الشباب الى ساحة الكلية و انتظموا في صفين و ادوا سجدة الشكر لله تعالى
و ختاماً فإنني ارى ان ما يجري في الكلية هو نفسه ما يجري في البلد كله حيث يبدؤن بالكلام الطيب ثم ينتقلون الى الدولار ثم الى القوة ان لم يجدي ذلك كله
و اتمنى على مناصري التيار عموماً و على المشاركين منهم في المنتدى خصوصاً بمراجعة انتماءاتهم و خياراتهم فكلٌ مسؤولٌ يوم القيامة امام الله تعالى عن مواقفه و تصرفاته و تضليله للناس

shanzimer1

04-04-2008, 12:48 AM

مبارك للأخ عمر مقداد قلاوون...و مبارك لرابطة الطلاب المسلمين ....

الحمد لله...

والله إنّه ليكفينا أن تسمع آذاننا سماع التكبير ...والتهليل... و صوت

الأذان في مصلّى الكليّة...

وفّقكم الله .... وبارك جهودكم ومساعيكم...والسلام عليكم...

عبد الغني طوط

04-04-2008, 01:49 PM

هناك التباس حاصل بالنسبة لمجلس الطلبة في كلية العلوم فقد انعقدت جلسة غير قانونية الغاها العميد شخصياً لاسباب لن ندخل في نقاشها هنا.
اما بالنسبة للسيد حسين زيدان المحترم لك في قلبي الكثير من الحب والاحترام ولذلك فلن أنجر للرد عليك لان الحقيقة تكون جارحة أحياناً وقد اعتدنا في تيار الرئيس الشهيد رفيق الحريري على ان نحترم الغير كما ان ردي يمكن ان يفهم خطء من قبل الاخوة في الرابطة او في العزم ولذلك يا صاحبي فلنترك رئاسة المجلس في كلية العلوم الى يوم الانتخاب الرسمي والقانوني الذي حدده العميد وهو يوم الثلاثاء القادم. واسمح لي يا صديقي عليك ان تفضح هؤلاء المرتشين وانا دعوك ان تذكر واقعة واحدة او اسماً واحداً عرض عليك او على اي شخص مبالغ مادية وأعدك بان احيله للتحقيق من داخل التيار لا بل واكثر من ذلك سنحيله الى المحكمة العدلية المختصة والقوى الامنية فهو يشوه بما يفعله صورة التيار ويتكلم بما ليس له من حق، اما اذا كانت كل وقائعك المزعومة كعملية رشوتك حيث قال لك بعض اصحابك من التيار يا خيي طلاع انتخب وبندفعلك التاكسي فحرام ان تفتري على الناس ام ان الآيات التي نزلت في هذا الموضوع كان المقصود بها تيار المستقبل وجاء فيها استثناءات؟؟؟
ولن أنسى أن اتوجه بتحية كبيرة الى منسقنا في كلية العلوم غسان راغب الذي لم يحالفه الحظ بالنجاح فخسر بفارق صوت واحد مقعده في المجلس ولكنه ربح 12 مقعداً فله كل الاحترام والتقدير.

shanzimer1

04-04-2008, 03:04 PM

هناك التباس حاصل بالنسبة لمجلس الطلبة في كلية العلوم فقد انعقدت جلسة غير قانونية الغاها العميد شخصياً لاسباب لن ندخل في نقاشها هنا.

شكر للأخ "عبد الغني طوط" على التوضيحات ...

على كلّ الأحوال ...بلا مؤاخذة...أنا ما بعرف شصار بعدين....لأنّي تركت الجامعة بعد هالأحداث...

.....نحنا عملنا اللّي علينا ... وانتخبنا...الحمد لله....

و لا يسعني سوى أن أقول لرابطة الطلاب المسلمين...و للمرّة الثانية:

وفّقكم الله .... وبارك جهودكم ومساعيكم...والسلام عليكم...

أيمن غ القلموني

04-04-2008, 03:12 PM

هناك التباس حاصل بالنسبة لمجلس الطلبة في كلية العلوم فقد انعقدت جلسة غير قانونية الغاها العميد شخصياً لاسباب لن ندخل في نقاشها هنا.
فلنترك رئاسة المجلس في كلية العلوم الى يوم الانتخاب الرسمي والقانوني الذي حدده العميد وهو يوم الثلاثاء القادم.

هل نفهم إن إسا ما تم إنتخاب حدا ، وإن الجلسة إللي تم إنتخاب الأخ عمر قلاوون فيا هي باطلة قانونيا ودستوريا ، وإذا فما إنبثق عنها يعد غير قابل للتنفيذ وبالتالي إساتا مقاعد المجلس حرة ؛
بس وين بدا تغط ؟؟؟؟؟؟؟؟
مدالون بتيار المستقبل صدورهم واسعة ، فشو رأيون بحكم الأخوية والمحبة المتبادلة حسب الأخ عبدالغني طوط، يهدوا المجلس للرابطة ؟؟؟؟

عمار الفلو

04-04-2008, 03:26 PM

هناك التباس حاصل بالنسبة لمجلس الطلبة في كلية العلوم فقد انعقدت جلسة غير قانونية الغاها العميد شخصياً لاسباب لن ندخل في نقاشها هنا.

نحنا عنا بالهندسة صارت الانتخابات لمجلس الطلبة ( وطلع الرئيس تيار مستقبل ) و مكان في لا المدير و لا الدكاترة بالإنتخابات بس كان رئيس المجلس القديم . فهل هذه الجلسة قانونية و شرعية ؟؟؟؟

المحروم

04-04-2008, 03:41 PM

يعني الأخ عبود دائما يتحفنا بإجاباته الرائعه والمقنعه جدا التي إن تكلم بها امام طفل عمره 5 سنوات يضحك عليه وعلى هكذا تيار
بعدين وين يتقولوا التيار ما عندوا أهداف خذو العبر من كلام الأخ عبود (وقد اعتدنا في تيار الرئيس الشهيد رفيق الحريري على ان نحترم الغير)
بعدين يا أخ عبود إنت بتعرف منيح مين كان عم يتصل بالمندوبين فما في داعي الى هكذا سياسا ت فاشله
يا أخ عبود ونحن نحبك ونحترمك ولكن دفاعك المستميت عن تيار المستقبل بكل ماتملك من أساليب ..... جعلنا نتكلم معك بهذه الطريقه يا اخ عبود إن كان لديك ما تقنع به الاخرين فنتمنى أن تزودنا وإن لم يكن لديك فلا داعي أن تضع نفسك في هذا الموقف
لأني إنا شخصيا لا أحب هذا الموقف لنفسي وبالتالي لا أحبه لك يا أخي الكريم

أحمد مغيط

04-04-2008, 04:13 PM

أخي عبد الغني كلامك غير دقيق :
هناك التباس حاصل بالنسبة لمجلس الطلبة في كلية العلوم فقد انعقدت جلسة غير قانونية الغاها العميد شخصياً لاسباب لن ندخل في نقاشها هنا.
ليش الجلسة غير قانونية ... أصلا ضمن القانون إذا أنت بتعرفو لا يحق لا للمدير ولا لعميد ولا لأحد غيره بتحديد جلسة الإنتخاب للمجلس، القانون واضح يدعو الرئيس السابق المجلس الجديد في موعد هو يحدده ويتم الإعلان عنه وهذا حصل في الكلية وقبل وقت كذلك . وهذه الأسباب التي تتحدث عنها أنا مستعد ناقشك فيها وضمن القانون برجع بقلك إذا مطلع أنت عليها أصلا .
وأنا منتظر منك شو هو الغير قانوني بهذا بالذي حصل .

دوكر

04-04-2008, 06:37 PM

يا هلا بالجميع....
و يا هلا خاصة بالمعلم عبود ...ياي...ياولاي ...ايش هل الدرر...عنجد متل ما ؤالو الشباب لي بيؤرا لي كاتبو فورا بيأتنع...
بعدين ليش انتو هيك ضد تيار الشيخ سعد ليش بدكن تتهمون انون عم يرشو العالم منو عيب؟
انا لي بعرفو انو التيار ؤيم بكل الجامعة ...هو بوزع الكورات بلاش و المسابقات...هوا لي بهتم بأمور التلاميز و بهمو المستوى العلمي و اداء الدكاترة ...هنا بدافعو عن التلاميز و بحملو مطلبون...هنا ....هنا...و كل هادا بلاش...و منو ابل الانتخابات بيوم متل غيرون متل الرابطة او العزم...له هدولي شبابون فارطة ديرك ع إلت اخلاء و....يعني لولا شباب المستءبل وين كنا؟....هادا لي عم احكاي كان ع ايامنا نحنا و بالعلوم و من ابلنا...يعني من شي 10سنين و هنا ع هل الدرب...
هدا مثل بسيط عن طريءة بفكير عبود و لي ع شاكلتو بالتيار...بعيشو احلام وردية ما في احلى منا و بدون الناس تسمع الكذبة منون و تصدق ....ليش هل الاستخفاف بعؤل الناس ....هادي اكيد متعلما من شيخك سعد...
عبود ...كلمة و رد غطاها ...بكرا يوم الأيامة ح نتفرج ع كلشي و ح يبين كلشي...فا الصدقات لي عم تأدمو شكل منح ح نعرف فيا...و كل كذبة بتألفوا ح نعرفا ...فا ما تفتكر انك هربان لا انتا ولا غيرك و بكرا ؤلو لرنا في ألتباس...ولا ع مين عم تدحك ...انو مفتكرنا ولاد زغار بدك تلأمنا الكلمة...
ازا دحكت علنا ...ما فيك تدحك ع الله...نتبه لهل النؤطة...
يعطيكن العافية...
اخوكم دوكر المعوكر....

أبو مريم

04-04-2008, 10:27 PM

أول شي وأقبل ما ابدأ بالردّ ، بوجه تحية إجلال وإكبار للمعلّم عبود طوط ، لأنو بيحكي يلي مقتنع فيه وين ما كان ، مش للشهرة أو للمظاهر بل لأنو بيقتنع بالحق ، وأكبر دليل هو انتو الزلمة كلامو كلو تهذيب ، وحجج ، في حين انو البعض عم يقول انو العلمانية كفر ، وانو عباد البقر أحسن منا و................

أنا بدي افهم شغلة انو هيك الإسلام علمكم ؟

كل عمرون المسلمين يطالبوا بالحق وبرد المظالم لأهلها ، هلأ لما صارت القصة بتتعلق بالرئيس الشهيد بطل بدكم الحق ؟؟؟

ثانيا ، مبروك الفوز الغير شرعي .

بدي افهم شغلة ، انتو ساعة بتجو ضد مبدأ الأكترية (لما احنا مننجح) وساعة بتنبسطوا انكم انجحتوا كمان على مبدأ الأكترية . احترنا معكم يا مبدأ صح ، يا مبدأ غلط .

بعدين اذا كانت العلمانية كفر ، ليش اتحالفت الرابطة معنا هيك السنة ؟؟
انو هيديك السنة كان حلال ، وهلأ نزل دين جديد بحرّم ، ولا فلان بقول حلال صار حلال وفلان بقول حرام صار حرام .

أنا بدي اسألكم شغلة أينو أحسن ، لما بتحطوا حالكم بحالة العداء لنا ، أو لما بتمشوا معنا ؟

شوفوا هيديك السنة ، كلنا حملنا أعلام لا إله إلا الله ، ولك القواتية حملو أعلام لا إله إلا الله ، وهيك اقدرنا أثبتنا انو جامعاتنا بتتميز بتنوع فكري أكبر من كل المهاترات الطائفية التكفيرية والإلغائية .

أما هالسنة دغري جيتو حطيتوا حالكم بحالة العداء لنا ، ولك صرتوا تقولولنا الله أكبر ...........

بعدين بالنسبة للأخ علي القلموني ، أنا بدوري أطالبك بانك اتخبرنا باسم الشب يلي قال عن بنات الرابطة عاهرات متخبيين بتيابون ، إذا كنت صادق خبرنا بإسم شخص واحد وبس .

بس منيح يلي طلعت هالإشاعة لحتى تتذكروا انو أعراض البنات مش لعبة ، شو رأييك ببعض الشباب الدينين يلي كانوا عم يحكوا عبنات التيار انون عاهرات ؟؟؟؟

هون معليش حلال ؟؟؟

الفرق بينا وبينكم ، انو احنا ما منعتمد على حالة فردية تخرج من بعض الأعضاء ومنعملها مبدأ للفريق الخاص بهذا العضو ، بس انتو هيك عم تعملوا .

احنا منعتمد على التعمير ، والبناء والتعليم ، وانتو بتعتمدو على الإتهام وإلقاء التهم ، وللأسف انكم بتوصفوا نفسكم بالدعاة وأنتم أبعد الناس عن أخلاق الدعاة وأخلاق قائدنا (لا قائدكم) محمد صلى الله عليه وسلّم ، نعم فأنتم أبعد الناس عنه ، وقد عدلتم عن نهحه الحواري الثقافي لتنتقلوا إلى نهج الإتهام ووضع الطرف الآخر في قفص العداء والكفر والإلحاد والعمر على تخريب الأرض والهبوط بالمجتمع .

kata2eb

05-04-2008, 12:27 AM

**** شرعي يا عمر ..... رغم أنف الجميع
قبل إنتخاب الرئيس سألنا شبابك يا عبود في الجامعة عن كيفية إنتخاب الرئيس
فقالوا لنا أن الإنتخاب يكون بحضور رئيس المجلس وأمين السر في المجلس وممثل عن الأساتذة
ولم يذكر أحد وجوب حضور المدير هذا أولا
منذ متى كان المدير يتدخل بشئون مجلس الطلبة هذا ثانيا
منذ متى كان المدير يقرر موعد إنتخاب رئيس المجلس بينما في كل السنين كان رئيس المجلس من يقرر هذا ثالثا
حزورة : أريد أن أسأل الأعضاء يا ترى هل كان المدير يدري أن الخميس إضراب أم كان الشيء مصادفة ؟ سبحانك يا ربي
نصيحة : أنصح شبابنا الذين كانوا يوم الإنتخاب بعد صدور النتائج في الجامعة
أن يزوروا طبيب للأذن لأنه يبدو أنهم مصابين بمرض عدم تمميز الأصوات أليس كذالك يا عبود
معلومة : أجمع العلماء على أن حواس الإنسان خمس لكن البعض زاد عليها حاسة سادسة تتعلق بالعقل فيبدو أن شباب العلوم
قد فقدوها ولم يعرفوا التحليل

نعود منذ متى كان شخص ما يدخل إلى جامعة ممنوع الدخول إليها من قبل ...... هذا رابعا
منذ متى كان شخص يتحكم بدخول المنتخبين إلى مكان الإقتراع هذا خامسا
وهناك المززيييييييييييييد
سآل لعبود : هل المعلومة التي قلتها عن أن العميد ألغى الإنتخاب دقيقة؟
لن أكمل الحديث لأن المقام يطول
لكن إن شاء الله سوف أكمل والسلام
**** كتائب ..... الحقيقة لأجل العلوم

دوكر

05-04-2008, 12:52 AM

يا هلا بالجميع .....
هههههههه....يا اهلا بالمعلم ابو مريم .....شكلك جديد يا معلم .......
و كمان مع المستءبل ......يعني حكيك متلون درر كلامك دائمن مدوزن و ما في كلمة بتحكوا الا بكون لها تطبيء عملي بحاتكم اليومية .......و كمان منو هيكا و بس عندكم مبادئ و قيم عم تدافعو عنا .......و انا بحب الزلام لي هيكا .....و كمان عندوكن كلكن شريط واحد ....او يمكن سيدي الكل حافظو بصم ....كل ما حدا حكاكون شي بتدحشولنا الحريري بالؤصة ........ازا تياركم تيار الحريري و نشر مأثروا فا نحنا عنا من هم خير بألف مرة منو ........و نحنا بنحترم انتماءكم للحريري (رفيق) و ما حدا بيتحركش فيكون و بؤلكن شي بهل النءطة .......بس ازا الواحد عمل خير و مات اه بؤل عنو عمل خير بس بدلني لاحء عالم مستخلين اسم ت يدحكو علي؟
شغلة تانية هوني الموضوع منو عن الحريري .....الموضوع هوني عن تيار المستءبل بالأنتخابات.......اه بعدين انا شايف انو كل واحد منكم أعد يتحدا انو عطوني اسماء و خدو اسماء و ما بعرف ايش؟.......انو ليش ت تفوتو بالأسماء .....هيا الؤصص لي انحكت غريبة كتير عن شباب المستءبل مهيكا....كلون أخلاءون ما في متلا .......يحرأ ديبكن كل واحد منكن عندو منطء اعوج جاية يعمل حالو فهيم ....عطيني الأسماء .....ههههههه....بدو يحيلون ع القضاء ........و لا حاجة دحك ع العالم .............
بعدين ليك ابو مريم هادا ......أل القوتجية حملو اعلام لا اله الا الله ....شو هل الوطنية .....و الأيمان الراسخ و القيم ........هههههه......مين ألك شارون ما بتفرء معو ...كان عمل علم اسرائيل مكتوب علاي لا اله الا الله.......و لا بتفرء معو ....بس اهم شغلة عندو ما تكون ما تكون مأتنع فيا و لا تفكرر تطبء لي مطلوب منك......مفتكرين الدين و الأخلاء انك تؤل لا اله الا الله بس؟.........

يعطيكن العافية .......
اخوكم دوكر المعوكر.................

هاني

05-04-2008, 11:07 AM

السلام عليكم ورحمة الله وبركاته
أوجه تحيه الى الأخ عبود طوط على الرغم من معارضتي له في الكثير من الأفكار التي يطرحها
اوجه كلامي للأ خ عبود لقد أحزنني ما سمعته منك من كلام غير دقيق عن الإنتخابات في كلية العلوم فهذا لم أشهده بك من قبل فقد عرفتك شاب تحب الحق وتتكلم به و تعترض على الخطأ (وهذا ما شهدته منك في يوم من الأيام بظن إنك تذكرت فأنا لم ولن أنساها لك عندما وقفت معي ) فلماذا هذا الدفاع عن تيار المستقبل على الرغم من الكثير من الأخطاء التي يرتكبونها أتمنا أن توضح لنا وجهة نظرك بشفافيه أنا لا أدافع عن احد من الأحزاب السياسيه الإسلاميه فأنت تعرف وجهة نظري بهم وخوصوصا في ضيعتنا الغاليه كلن أضرب من بعض
وبالأخير أوجه تحيه ثانيه الى أخي ,وحبيبي عبود طوط
اخوك في الله هاني بيضا

الزاهر

05-04-2008, 12:08 PM

بالمناسبة يا شباب..............منذ قليل علق بيان بنتيجة انتخابات رئاسة المجلس ممضي عليه من رئيس قسم الفيزياء ورئيس المجلس السابق ووو ووووو.............فسبحان الله...........إجو شباب التيار ومزقوا كل الأوراق...............فتأملو يا رعاكم الله!!!

هاني

05-04-2008, 01:15 PM

<HR style="COLOR: #e6e6e6" SIZE=1>
بس حابب إسئل حضرة المشرف الي محا مشاركتي ليش اذا الواحد حكا عن تيار المستقبل ونزل إهانت طالع نازل مابتمحوها أما انا مشاركتي مافيها إهانه لأحد أنا عم إسئل بشو الرابطه أحسن من غيرها فبدي إعرف ليش نحذفت وهل الكلام عن الرابطهو الجماعه الإسلاميه لايجوز بالدين الإسلامي وهذه هي إخلاق الإسلام
__________________

عبد الغني طوط

05-04-2008, 05:05 PM

اعتذر من الجميع على تأخر اجاباتي عن بعض الاستفسارات وذلك ليس سوى لانشغالي بالتحضير لحفل يوم الغد التكريمي للمجالس الطلابية.

الاخ عمر قلاوون صديقي وانا افخر برئاسته لمجلس الطلبة في كلية العلوم وانا اهنئه من الآن على هذه الرئاسة التي هي له ولن ننزعها منه ابدا ولكن الجلسة اخوتي واخواتي فعلا لم تكن قانونية وهنا اسمحوا لي فلنفرض وهذا غير صحيح انه ليس من الضروري ان يشرف المدير على النتخاب ولنسلم بهذا جدلاً ولكن يا احمد مغيط اليس من الضروري بالقانون ان يكون النصاب للانتخاب هو الثلثين في الجلسة الأولى ؟ وهذا النصاب لم يتوفر ام انني مخطء ربما انا مخطء ولكن ما هو اكيد ان عدد مقاعدكم + عدد مقاعد الاخوة في العزم لا يبلغ الثلثين وهذا واقع لا يمكن مناقشته كما انه يا اخ احمد كان لدينا توجه في تيار المستقبل ان يكون المجلس في العلوم برئاسة الرابطة وهذه أمور من أمانات المجالس ولكنكم نجحتم الى اسفزازي لكي انشرها واذا كان اخي الكريم من صلاحياتك ان تتصل بالجهات السياسية الأخرى فاتصل بالاخوة بالعزم واسألهم اعرف انك لن تتصل لسبب ما فاسمح لي ان اطلعك لقد اتصل العزم بنا في قطاع الشباب وبالتحديد بمنسق المكتب الجامعي الحاج أحمد الحلواني لكي نتباحث في مجلس العلوم فكان جوابنا بما حرفيته رئاسة المجلس في العلوم هدية منا للرابطة اعرف انك لن تصدقني فقد اعتدت الكذب عليك ولكن اسأل من صدقكم من مسؤولي العزم يا اخي الكريم ادعيت ان حلفائكم هم من فاز في الآداب وادعى العزم ان من فاز في الآداب هو ابنهم المدلل لقد فاز بالآداب صديقي الحبيب لائحة لبنان أولاً وليس لكم ولا لغيركم في ذلك فضل فقد ظهر الحق لمن افترضتم انهم بجانبكم ولمن افترض غيركم انه اشتراهم فانتخبوا للبنان اولا واسمح لي ان لا ندخل في تفاصيل اكثر يمكنك الاطلاع عليها من مسؤوليك خير من ان اخبرك بها على المنتدى الكريم.
الاخ عمار لقد قلت لي ان الانتخاب بالهندسة تم من دون المدير ولكن يا اخ عمار في كلية الهندسة تمت الامور كلها باشراف المدير الذي رفض الانتخاب في الجلسة الاولى فنزلنا عند رغبته وانتخبنا في الجلسة الثانية ام انني مخطء؟؟ وهنا اجدد التبريكات لمنسقنا في الهندسة مصطفى ملاح
الاخ زاهر اولا لماذا لم تعد تزورنا بالمكتب كالسابق لقد افتقدناك فعلاً اسمح لي اخي الكريم تعترض علينا لاننا مزقنا اوراق لا تساوي قيمتها اكثر من ثمن الحبر والورق المكتوبة عليه تقول انها موقعة من رئيس قسم ومن ومن ويبدو انك لم تر الورقة الموقعة من العميد نفسه باعادة جلسة النتخاب؟
يا شباب الرئاسة للرابطة وهذا وعد ليس من موقع ضعف فنحن لا زلنا حتى اللحظة قادرين على ان نأخذ الرئاسة ولكن من حرصنا على الاخوة في الرابطة وان يكونوا ممثلين في احد المجالس الطلابية.
هاني بيضا اخ افخر فعلا بصداقته وقفت الى جانبك في الماض لانك كنت على حق ولو ان شهادتي طلبت الآن لكانت نفسها فانت تعرف ان الحق يعلو ولا يعلى عليه يا اخي لقد ذكرتني الان بتلك الحادثة فاسمح لي ان اذكرك بالشعور عندما يفتري عليك من تسعى لمصلحته واكتفي بهذ القدر علما اني لم اتكلم يا صديقي الا بكل دقة ومصداقية والله علي شهيد
اما " تم تعديلها لتخطيها حدود الأدب " حسين زيدان وسيسامحني على لقبه هذا فيبدوا ان الرشوة التي دفعها له غيرنا كانت اكبر حتى صار سيفاً يقطعون بحده الحق وينصرون الباطل.

kata2eb

06-04-2008, 01:24 PM

" تم تعديلها لتخطيها حدود الأدب "في كل مرة كان يقول أن التيار لا يقوم بالرشوة أما الآن
فهو يقول "اما " تم تعديلها لتخطيها حدود الأدب " حسين زيدان وسيسامحني على لقبه هذا فيبدوا ان الرشوة التي[/SIZE][/FONT] دفعها له غيرنا [/B]كانت اكبر حتى صار سيفاً يقطعون بحده الحق وينصرون الباطل. "

أما بالنسبة للمقولة حول أن التيار كانوا يرشحون عمر قلاوون لرآسة المجلس "ههههههه"
فهي بلا شك ........ ولو كان هذا صحيحا لما قام ثلة نبيلة من مرشحي التيار ومندوبيه
ومزقوا أوراق المجلس الشرعي الجديد
والسلام

[/COLOR]

دوكر

07-04-2008, 07:08 AM

يا هلا بالمعلم عبود.......
اهلا و سهلا فيك متأخر و لامبكر .....انا متل هل الدرر بحب اراها تير.....لأني بحس انو لي ادامي انسان مفكر ......كل علومو مستقات من خيرة العلماء........و فكرو من ألمع الأفكار ع الأليلة الدارجة بأيامنا.......ردودك بتزكرني بالعالم لي عاملين حالكون عم تؤتلو ضدون .....بالعالم لي ما فيكن تيؤ اسمون.......يا معلم ردودك ع نفس نمط......و على ما بظن عندكن نفس المبادئ....بس الفرء بالأسم .....اه بس بالأسم .....هنا وءت بدون يحكو متل هل الحكي ......بسمو "تقية"......و انتا بتسماي "حنكة سياسية"......"مسايسة"........
يعطيكن العافية ......
اخوكم دوكر المعوكر................

عبد الله

07-04-2008, 08:35 AM

سمعنا انو رح تنعاد انتخابات العلوم شو يا شباب شو يا أخ أحمد
حدى يخبرنا شو عم يصير

أحمد مغيط

07-04-2008, 12:34 PM

أخي عبد الغني لقد نصحتك أن تراجع قانون الإنتخاب ولكن لم تفعل بنصيحتي هيأتك ما بتحب القراءة كتير أو أنك لا تريد أن تقرأ أمر يخالف قناعاتك.
ينص القانون الأساسي للاتحاد الوطني لطلاب الجامعة اللبنانية الباب العاشر المادة الرابعة والتسعون الفقرة دال على التالي : يدعو رئيس مجلس الفرع السابق الأعضاء الجدد لجلسة إنتخاب الهيئة الإدارية الجديدة وّّّّذلك بمدة أقصاها أسبوع من تاريخ الإنتخابات وتعتبر الجلسة قانونية إذا حضرها الأكثرية المطلقة للأعضاء المجلس .
يعني يلي صار بالعلوم هو قانوني مئة بالمئة وذلك إستنادا لما أورد سابقا من القانون، يعني رئيس المجلس القديم دعى لجلسة بتاريخ الأربعاء في 2 / 4 / 2008 والإنتخابات حصلت بتاريخ الخميس 27 / 3 / 2008 يعني فترة الدعو ة لم تتعدى الأسبوع كما نص القانون .
أما عن قصة الإنتخاب بالثلثين هذا غير صحيح يا عبد الغني كذلك إنتبه أن الإنتخاب يتم إذا حضر الجلسة الأكثرية المطلقة من المجلس الجديد يعني كما تعرف أن المجلس 26 مقعد والذي حضر الجلسة هم 14 عضو يعني النصف زائد واحد ° هيدي الكلمة هلكتونا فيها ولا مكان بتصح ومكان ما بتصح حسب مصلحتكم ° والأكثرية المطلقة هنا تعني النصف زائد واحد، لذلك يا أخي وين الشي يلي مش قانوني فيها، أنتو اندعيتوا على الجلسة ولم تأتوا وتم الإنتخاب ، لذلك أرجو منك عدم تغيير الحقائق القانونية يعني ما في شي إسموا ثلثين بالجلسة الأولى، القانون واضح.

أما قولك رئاسة المجلس في العلوم هدية منا للرابطة
هيدا أمر نحنا ما مندخل فيه نحن أخذنا الرئاسة في العلوم مع معظم مقاعد الهيئة الإدارية وهذا واقع،وبالنسبة لكم فأنت أخذتم بقانون وتركتم القانون الآخر، وهذا ما أغاظكم، إقرأ معي يا أخي العزيز هذه المادة : ينص القانون الأساسي للإتحاد الوطني لطلاب الجامعة اللبنانية الباب العاشر المادة الرابعة والتسعون الفقرة هاء على التالي :
يتم دعوة جميع أعضاء المجلس لجلسة كل ثلاث جلسات تعقدها الهيئة الإدارية ... يعني بس بتجتمع الهيئة الإدارية المشكلة من 14 عضو بالمجلس ويتم دعوة الباقي الأعضاء يعني 12 كل ثلاث جلسات وهنا المشكلة عندكم .

وقولك يا اخي الكريم ادعيت ان حلفائكم هم من فاز في الآداب هذا يا أخي الواقع يعني الشباب يلي بالائحة الـ 16 من أصل 27 هم لإلنا وهذه لائحتنا يلي كنا حنخوض فيها الإنتخابات بالجامعة في كلية الآداب ، يعني أنا عم احكي الواقع وأنت بتعرف ليش مبارحة الأحد ما نزل حدا منهم على إحتفالكم إلا أخ عزيز نزل بس ليثبت حضور ونحنا بعثناه ولم يحضر الحفل سوى لدقائق فقط .
يعني يا عبد الغني برجع بقلك ما تجي تحكي معي بقانون لأن الشباب بعرفوا القانون منيح وقد طبقوه في الإنتخابات، وعلى فكرة شباب المجلس الجديد لن يحضروا جلسة نهار الثلاثاء لأنها بنظرهم ونظر القانون غير شرعية وغير قانونية لأن إنتخابات المجلس قد حصلت وأفرزت التشكيلة الجديدة له .

برجع بقلك يا عبد الغني انا ذكرت لك القانون ببنوده أنت القانون يلي عم تحكي فيه لا يتعلق بقانون الإنتخاب مجلس الفروع وإنما يتعلق بقانون المؤتمر العام للإتحاد الطلابي .