ضرب الأطفال ومردوده العكسي

[Nadine]

السلام عليكم ورحمة الله وبركاته

أكثر الناس يفضلون الضرب ويعطلون الكلمة الحنونة المقنعه، وأن حاجة الضاربين إلى التربية أعظم من حاجة الطفل الذي يتلقى الضرب، لأن الطفل لم يدرك حينما أخطأ ولم يستوعب سبب الضرب.
فالضارب أحق بالعقوبة بناء على منطقه الذي ينطلق منه في ضرب الطفل؟!.
ينبغي أن تعلم أن الطفل عندما يُهان ويتوجع من الضرب سوف لا يترك الشيء الذي ضُرب بسببه بل يمارسه سراََ، ويتعلم الضرب فينفذه في طفل أخر، او يكتم في قلبه الكراهية لضارب حتى يظهره بصورة يسترد فيه كرامته احسب أدراكه الطفولي، قليل جداََ الأطفال الذين يردعهم الضرب. لذا فإن الضرب لا يصح لجعله من وسائل التربية الناجحة، إلى في حدود الضرورة المدروسة عند المعلم الحكيم.

[فشلان]

يا أختي يا نادين.. أنا ما بعرف ليش بعارضك على طول... بس هالحكي يلي عم تحكي مليش اسمحيلي فيها ما بيتنفذ عنا بالقلمون...

بعدان تعي لقلك... آ والله والله ما في موضع إبرة من جسمي إلا مانو آكل شحاطة.. لبطة... شمطة.. قرصة.... كف... شد.. وما إلى ذلك من أنواع التعذيب... ومع ذلك فأنا أحب أمي (ملكة جمال أقوى كف) حباً جماً وأحترمها احتراماً لا يقدر...

بينما تجدين أختي الصغيرة... لم تمر في هذه المرحلة.. بل عاشت على البسكوت والبلاي ستايشن.. وهي لا تحترم أمي بنسبة 5% مما أفعل...

يا ست نادين أنا كنت لما ما يعجبني الأكل واحرد... يقال لي: انفظر.. ستين سنة.. قوم انقلع روح قعود بغرفتك.. (إن شاء الله ما يحذفها المشرف)
وقضي اليوم كلو بلا أكل....

بينما أختي يلي إجت بعدي بأجيال عديدة... لما كانت تحرد على الأكل.. نتصل يا بالبيغ بايت.. يا بالشاطر حسن.. يا بالفاهيتا.... ودخيلك يا حبوبة شو جاية على بالك؟؟؟

بالوقت يلي كنت أنا أحرد فيه ما استرجي ارفع عيني بوشها.... بينما كانت إذا حردت أختي الصغيرة.... ما تسترجي أمي تحكيها....

هلأ يمكن تقوليلي إنو القتل مش كان وحدو السبب.. ممكن... بس ما خشت الفكرة براسي..
ويا ريت نفوت فيها بتعمق أكتر.. ونناقش الأمر أكثر من هيك..

[Nadine]

هل تؤيد ضرب الاطفال لتربيتهم ؟ ولماذا

هل هناك عمر معين لضرب الاطفال ؟

هل ضرب الاطفال فشل في التربيه ام اسلوب ناجح للتربيه ؟

ماأثر الضرب على الطفل مستقبلا ؟ وهل يولد لدى الطفل نوعا من العناد !

ماهو الاسلوب الامثل للضرب ؟ ومتى ؟

[فشلان]

على مهلك علينا سؤال سؤال... شو بكي راكضة هالركض... دخيلك ارحمينا...
بعدان اديش معي وقت على المسابقة؟ مسموحة الآلة الحاسبة؟

شووووووووووووووووووووو وين قاعدين...

معليش اعطينا رأيك ومنتشاور.. مش دغري على الامتحان... مش أول الشي مناخد الدروس بعدان منوصل على الامتحان...

أنا مع ضرب الولد... وذلك من خلال كلام لابن عباس رضي الله عنه ولكني لا أذكره... حلوة مني ما هيك... حتى معناه ما متذكرو مظبوط... الله يبعتلي...

المهم أنا مش عم قول إنو الكف يشوطح على الرايحة والجاية... بس في بعض حالات تحتاج الضرب، وبعضها لا يحتاج الضرب... ولكن في كلا الحالتين يجب أن يضرب الولد عندما يكون الأهل بكامل قواهم العقلية والجسدية.. لأنو أنا بتصور إنو لما كنت آكل أتل.. في بعض الأحيان أمي ما تكون عارفة شو عم تعمل... المهم تلحق أد ما فيها.. كأنو انفتحلها منجم ذهب على خمس ثواني.. وبدها تلحق تغرف أد ما فيها قبل ما يخلص الوقت...

أكيد لازم نضرب الولد، ولكن مع كامل الوعي، يعني نضربو حتى نأدبو.. مش نضربو لأنو محموقين منو.. والفرق كبير... مع إنو الطبعة الحمرا على وشو هية هية...
والله أعلم...
أيمتى فينا نعرف العلامة؟ عاملتيها على عشرين؟؟؟؟

[أبو جاد]

السلام عليكم ورحمته وبركاته . أعتقد أنه يجب ضرب الطفل اذا أخطأ . لأن الضرب يردعه قليلاً . و لا ننسا بأن الرسول عليه أفضل الصلاة والسلام أمر بضربهم على عشر ..... ولكن ليس كل ضرب مسموح ولكن يجب الانسان أن يعلم أين و كيف و لماذا يضرب .وخاصتاً هذه الأيام التي ينتشر فيها الفساد بالبر والبحر و على المرأ أن يعلم بأن الرسول أمرنا أن نضرب بشكل لا يضر بالجسد أي أن يكون الضرب للردع و لانذار لا للانتقام و لكن أهم شيىء أن يكون الضرب بعد عدة تهديداة تقدم للطفل والحرمان مما يحب عند ذاك نتوجه للضرب

[الزاهر]

السلام عليكم وبعد
والله يا أختي أنا الحمد لله آكل كفين من أبي بكل حياتي----وكان معو حق -----لأني كنت عم أضرب أختي الكبيرة، (بالنسبة لي----وئت كنّا صغار). لكن يبدو أخونا فشلان آكل أتل منييييييييح لحتانو مورّم.

أنا والحمد لله أعارض الضرب بشكل كبير (الضرب الذي يحصل حاليا) لكن مع "الضرب" لكي يأنب الولد.

وعندي مثلين صغار عن الضرب واحد مضحك والتاني بيسم البدن، خلينا نبلس بسمة البدن:
1-مرة كنت ماشي بحارة عبدالله الحلو (الله يرحمو) وإذ بولد "تفشكله" أمه بدون قصدها، "فبينخبط" على الأرض على وجهه ويبكي. فبتحملو أمو وبتألوا "يا نوري وأعت" وبتشيل إيدها و "بتلبجو" كف عن الشمال. آم المسكين بيبكي، آم هالأم الحنونة بتألو :"عم تبكي؟؟!!!!!!" وبتشيل الكف التاني وبتلبجو ياه عن اليمين. (لأنو بكي من كفها----ولك أنا نوجعت أد ما كان الكف أوي--ولك الولد ما كان عمرو 4 سنوات). والأجمل من هيك ما تشوفوها هي ولابسة الجلباب، ما في أحلى من "الديانة" بهالأيام.

2-مرة إبن عمتي بكندا ضرب بنتو كف "ظغطور" على خدها، آم احمر خدها أد ما كان برد (أكيد بكندا برد) آم هالأب المسكين ما خلاها تروح عالمدرسة ما تؤوم المعلمة تبعتلو الشرطة عالبيت-----بتبعتلو الشرطة منشان "نتّووووووفة" كف. والله حلوة.

والله وئت اللي الواحد بيسمع هيك أصص "بيغشا" من الضحك ثم بيبكيلو كم دمعة أسا وحزن. وين الكفار ووين نحنا. ولك شو بنا لائطين الدين من الميلة اللي بتعجبنا وعم نشد ونشد ونشد..........
ما بيئول الواحد إنو هيك لازم نكون نحنا ........والله أصة......

على كل مبروك عالموضوع الرائع أختي نادين. وعأبال ما تحكيلنا كم أصة من هالأصص اللي صايرة عندكم.

سلام محبة

[أم سفيان]

ربما يا أخ زاهر لم تعرف سبب ضرب هذه الأم لإبنها ضربته لأنه وقع ووسخ ثيابه لأنه من غير المعقول أن يراه الناس في ثياب وسخة وهو أرتب ولد في القلمون الحقيقة عقول فاضية
ونحن بحاجة للكثير حتى نتعلم فنون التعامل مع الأولاد
أحيانا يكون الأهل متضايقين من أمر ما فبتطلع فشة الخلق بالولاد
الضرب يجدي ولكن في أعمار معينة وفي حالات معينة و أحيانا الضرب يزيد الولد عنادا على عناده
أفضل طريقة أن يرسل الطفل إلى غرفته ثم يعاقب بعدما نكون أخدنا كم نفس شهيق وزفير وروأنا شوي نختار له العقاب المناسب كحرمانه من التلفزيون أو الكمبيوتر
بس أنا ولا مرة طبأت العقاب عالمظبوط يعني بكونوا الولاد معيفيني خلائي بعد ساعة بكون بالمول مثلا عم جبلن تياب أو غراض فلازم يكون الأهل صارمين في تطبيق العقاب منشان ما يتمادى الولد
(معليش سوري الرد كان خليط عامي وفصحى)

[الزاهر]

السلام عليكم وبعد

ربما يا أخ زاهر لم تعرف سبب ضرب هذه الأم لإبنها "على فكرة عرفت من تكون هذه الأم" أنا أتحداك أن تعرفيها---عم إمزح ها، أصحا تصدقيني (بالمناسبة يجب التفريق بين الجلباب والحبرة، هي كانت تلبس جلباب) ضربته لأنه وقع ووسخ ثيابه لأنه من غير المعقول أن يراه الناس في ثياب وسخة وهو أرتب ولد في القلمون الحقيقة عقول فاضية
ونحن بحاجة للكثير حتى نتعلم فنون التعامل مع الأولاد والله يا أختي لم تكوني موفقة في هاذا الرد كما يبدو---لكن أنا موافق على "عقول فاضية......"
أحيانا يكون الأهل متضايقين من أمر ما فبتطلع فشة الخلق بالولاد مشكلة والله---مشكلة عويصة وبدها حل----لازم صار نحكي بـ "كيف يكون غضبك عقلانيا"
وصار بدنا هون كم درس من أمي "نور" ----طريفة في بعض الأحيان "نور": عندما كنا "نطلعها عن دينها" بالصف، كانت تصرخ وتقول لنا :"إني غضبا" وينتهي الموضوع، وهيك كانت تعصب علينا. يا ريت الكل هيك. (وكان الصف كلو يهمد شي ربع ساعة من الصدمة والصوت المرتفع ثم تتكرر القصة بعد ربع ساعة) أوووووف شو كانت هاديك الأيام حلوة.
الضرب يجدي ولكن في أعمار معينة وفي حالات معينة هادا الكلام الصحيح، بارك الله بكِ و أحيانا الضرب يزيد الولد عنادا على عناده أكيد---كمان يجب أن يبني الأهل عن أولادهم الثقة بوليهم، وكمثال صغير : عندما مرة من المرات قال أحد أصدقائي لابن أختي أن الدجاجة تتألم عندما تذبح وقلت له أنها لا تتألم ، ظل ينادي صديقي بالكذاب لمدة طويلة، وأعتقد أنه ما زال يناديه "يا كذاب"----ولكثرة ثقته بي مرة طلبت منه (أكيد بالمزح) أن يقفز عن حائط ارتفاعه شي 5 أمتار فهم أن يفعل لولا أن أسرعت بالتقاطه بسرعة،(فقط لتعرفوا مقدار تلك الثقة) ولشدة ثقته بي عندما يفعل شيئا خاطئا وأئنبه (أكيد دون ضرب) يبقى يحس بالذنب مدة طويلة ولا يعيد الكرة أبدا. وذلك كله لأنه تلقى التأنيب ممن يحترم ويثق. وهذا ما يجب أن يربى عليه الولد برأيي. فما رأيكم.....؟
أفضل طريقة أن يرسل الطفل إلى غرفته ثم يعاقب بعدما نكون أخدنا كم نفس شهيق وزفير وروأنا شوي نختار له العقاب المناسب كحرمانه من التلفزيون أو الكمبيوتر (هاد عقاب ولا زيادة دلع ) عم إمزح------بس بالمناسبة هاد كان جهنم بالنسبة لي عندما كنت صغير (لم يعاقبني أهلي أبدا سوى تلك الكفين) لأني كنت أشاهد التلفاز أكثر من 12 ساعة باليوم أثناء الصيف، وأحيانا كانت تتجاوز الـ16 ساعة، هل تصدقون ذلك؟؟؟ أما الآن فالمعدل ساعة واحدة كل شهرين ونصف. منيح اللي منّك أمي يا أم سفيان-----الحمد لك يا رب على نعمة أمي والشكر الجزيل مع الثنا .......خيييييييييييييي اللي مانك أمي.......خلينا عايشين عرياحتنا أحسن......والله نعمة هالأم......
بس أنا ولا مرة طبأت العقاب عالمظبوط يعني بكونوا الولاد معيفيني خلائي بعد ساعة بكون بالمول مثلا عم جبلن تياب أو غراض فلازم يكون الأهل صارمين في تطبيق العقاب منشان ما يتمادى الولد عنجد منيح اللي مانك أمي
(معليش سوري الرد كان خليط عامي وفصحى) ولك أنا اقترحت على أحد الإخوة أن نجمع أنا وإياه كل الكلمات القلمونية المحض ونجمع قواعد اللغة القلمونية (وأنا أصر على "اللغة القلمونية". ويمكن نوصل بيوم من الأيام نعلمها بمدارسنا) ها ها ها ها...... لكن لم يصل الرد بعد ولن يصل لأنو هالأخ عندو مشاكل معي وخاصة بالمنتدى هون......فشو رأيك أختي ؟.....

سلام محبة

[العبد الفقير]

والله بصراحة موضوع مهم جدا ، يعني ما بعرف ليش بهل اليومين صار عم اتفق مع الأخوات ، هيأتك رح اتضلك ودك يا فشلون ، عيط لفشلونة تجي توقف معك -بس انتبه أنا سبق وحذرتك اني اذا بعرف مين هية رح حبلك ياها- .
الضرب أحيانا يكون دواء للولد وخصوصا في بعض الحالات ، فالرسول صلى الله عليه وسلّم استخدمه وأمرتا بضرب الأولاد في مرحلة من المراحل اذا تركوا الصلاة . ولكن الضرب في هذه الأيام يستخدم بشكل خاطئ ، يعني على الطالعة والنازلة الولد عم ياكل أتل ، الله وكيلكم في بيوت اذا بتفوتو عليها بتفكروا حالكم بحديقة حيوانات ، يعني كل ولد من الأولاد عندو لقب ، ولكن هذا التشديد الزايد عن اللزوم يسبب تعقيد وضعف في شخصية الولد .
وأكثر ما يكون الضرب عند تدريس الولد ، فكم في ناس اكلوا أتل وسال دمهم هنة وعم يعملوا الإملاء الفرنسي وصاروا بالجامعة واسا لهلأ ما بيعرفوها وما بيعرفوا فيرب آتر وهل القصص والدواوين .
وعلى فكرة الضرب دليل على عجز الأهل عن الصبر ، وعلى ايجاد طرق في التعامل مع ولدهم ، وهذا كله ينقلب على الأهل . يعني صدقوني بالقلمون في ناس ما بحكوا أهلهم ، وفي ناس ما بيطلعوا من بيوتهم ، بسبب سوء تعامل الأهل مع الأولاد . أنا بنفسي ذهبت إلى أحدهم وجلست معه عدة جلسات بعد طلب من والدته ، ولكن وجدت أن تفكيره عبارة عن شبكة ريزو ، يعني في أنواع من العقد والاحساس بالنقص ما معقولة ، كل هذا لم يحصل بيوم أو يومين ، بل هو ثمرة لسوء المعاملة منذ الطفولة ، يعني الأهل يا خطيتهم بكونوا مفكرين حالهم عم يربوا ابنهم وهنة عم يعقدوا وبس .
فديروا بالكم على ولادكم ، ويا عزابي اتعلموا من خطأ غيركم قبل ما تتزوجوا ، وعلى فكرة تربية الأولاد ثقافة قائمة بذاتها ، ألف فيها العلماء الكتاب ، واروع ما قرأت في هذا المجال كتاب لمجموعة علماء على ما أذكر اسم الكتاب (المنهج النبوي للطفل المسلم) وأروع ما في الكتاب أنه يتناول تربية الطفل من جميع النواحي ، يعني التربية العاطفية للطفل والتربية الجسدية والتربية الدينية والتربية الجسدية و....... أنصح كل رجل أو امرأة سواء كانوا متزوجين أو على الطريق -متل فشلون الا اذا عرفت مين هية لأن رح أشطوا ياها- انهم يقرأو هذا الكتاب ، فالكتاب مش حبة وحبتين ، وان شاء الله اذا وجدت منه نسخة على الكمبيوتر أضعها ، اللهم الا اذا سبقتني فيها الأخت ناديين ، لأنها عودتنا على نشاطها في هذا المجال .
وبارك الله بكم

[Nadine]

beraka Allah fikom jami3an 3ala il mosharakeh ,,fe3len mawdou3 ktir mouhem w ana 7ebeh chouf il ara2 w ya akh wassim be3te2ed ino il kteb mawjoud bi hal montada iza 7adan bi7ob yekra2o..

منهج التربية النبوية للطفل المسلم
http://ruqya.net/forum/showthread.php?t=4017

3ala fekra ya akh zaher hon bi australia ,mitel bi aya balad ajnabi ,,iza bya3rfou ino il ahl 3am yoderbou ibnon ,,byekhdo il walad min ommo w abou w bye3tou la 3ayleh teniyeh trabi ,,,w ma ba2a ahlou bi choufou,,,minchen haik ibn 3amtek ma ba3at bintou 3al maderseh ,,mouch la2an ra7 yen7ebes,,la2an mouch ra7 ycoufa ba2a,,,w ba3den hon bi2ouloulek ino 7ki ma3o ibnek 7aki ,,la2an il walad byefhem ,,,,mamnou3 il dareb,,,,w kamen bi2oulo lal walad bil maderseh iza ahlek byouderbouk btetesel 3ala 000 ,w bet2olna,,,,bass il ahel befahmo wledon ino iza byeteslou ra7 youkhdou 3ind 3ayleh teniyeh,,,
w kamen marra 7atou 3al akhbar we7deh loubneniyeh ashtouha kol wleda ,,,bass la sabeb teni w houwa il nadafeh ,,,,w ma ba2a betchoufon,,,,

[العبد الفقير]

بارك الله بك يا أخت ناديين على السرعة في احضار الكتاب ، الله وكيلكم على كتر مني معجوق كان بدي أكثر من شهر لحتا اقدر أمنوا .

كما أعود وأذكر جميع الإخوة والأخوات المتزوجين منهم ، أو الأحرار ، أن يقرأو هذا الكتاب لأنه بغاية الأهمية ، يعني أنا من ناحيتي على الأقل كتيير عجبني

[العبد الفقير]

بعدين يا زاهر ، معليش بس هلأ انتبهت للي كنت انت كاتبوا ، انت قايل انو بحياتك آكل كفيين وبس ، ولا جايي تتبطرن علينا ، ما كل عمرك مكحوش من البيت وجارية مخطتك وعم تشحد الميتين وخمسين من الناس

[الريس]

ثقافتي ترفض ضرب الأطفال ، وحاجتكم تعقيد بقا ، يعني هلأ عاملين حالكم ضد ضرب الأطفال بدي اسألك اذا ولد صار عمروا عشرة وما صلى شو بتعملوا فيه ؟؟؟
وبترجع بتقولوا لا إكراه في الدين .

[الزاهر]

بعدين يا زاهر ، معليش بس هلأ انتبهت للي كنت انت كاتبوا ، انت قايل انو بحياتك آكل كفيين وبس ، ولا جايي تتبطرن علينا ، ما كل عمرك مكحوش من البيت وجارية مخطتك وعم تشحد الميتين وخمسين من الناس


أخي العزيز وسيم أنا كنت باليومين السابقين عامل حالي زعلان منك بالمزح وإنت عارف هالشي .
لكن الآن زعلتني منك عنجد هالمرة فأنا أكره ما أكره أن يقال كلام عن لساني أو عني وهو ليس بصحيح......وكان لازم تكون عارف هالشي بعد صحبة السنين اللي بيناتنا...فأنا لا أعتبر هده القضية من المزح بل هي جد الجد....الله يسامحك يا أخي


بعدين شو بكم ياللي أسمائكم وسيم ؟؟؟؟؟
خلال أسبوع، 3 وسائم زعلوني منهم ......بس شو بدي إعمل قلبي واسع وضهري بيحمل كتيييير.......بس هاد العنكبوت أبو شاكوش مصدي رح يخليني أتخلا عن كل مبادئي وأصبح متطرف بدائي صاحب جدل قليل احترام ........من أمثاله
بس حابب أعرفك يا عنكبوت أبو شاكوش مصدي تشوف أديش كلامك يعبر عن شخصك
وأنا أدعو الله أن تكون عم تلعب بهالمنتدى وأرجو لك الهداية وأرجوها لنفسي

السلام على من اتبع الهدى

[العبد الفقير]

أنا بسحب بكلامي يا أبو الزوز اذا كان رح يسببلك زعل ، تكرم عينك انت ما كنت تكل لا أتل ولا شي ، أنا يلي عايش على الشحاطات والبوابيج ، منيح هيك يا أبو الشباب .

[فشلان]

يا حبيباتي يرضى عليكن لا تعملو مشاكل هون... روحو دبرو محل تاني... أنا ناطر اليوم توزيع العلامات.. وكتير مضطرب... اليوم بدها تفرق الست نادين الامتحان تبع ضرب الأولاد ومردوده العكسي... أنا على أساس عامل كتير منيح... بس الله يستر ما كون آخد تحت المعدل..

أي ساعة التوزيع يا ست نادين... يرضى عليكي راعيني شوية بالعلامة..

لوووووووووووووووووووووووول... هلأ صرت بقولها أنا عارف معناتها....

[الزاهر]

وسيم:"أنا بسحب بكلامي يا أبو الزوز اذا كان رح يسببلك زعل ، تكرم عينك انت ما كنت تكل لا أتل ولا شي ، أنا يلي عايش على الشحاطات والبوابيج ، منيح هيك يا أبو الشباب ."


ولك هيك زعلتني أكتر يا خيي
إنو ما بتظبط معك إنو أنا ما آكل أتل وإنت ما آكل أتل -----يعني وحدة من تنين-----ما في حل وسط


وبعدين يا "فشلان" وين هالغيبة يا زلمة----اشتأنالك والله

فشلان:"يا حبيباتي يرضى عليكن لا تعملو مشاكل هون... روحو دبرو محل تاني... أنا ناطر اليوم توزيع العلامات.. وكتير مضطرب... اليوم بدها تفرق الست نادين الامتحان تبع ضرب الأولاد ومردوده العكسي... أنا على أساس عامل كتير منيح... بس الله يستر ما كون آخد تحت المعدل..

أي ساعة التوزيع يا ست نادين... يرضى عليكي راعيني شوية بالعلامة..

لوووووووووووووووووووووووول... هلأ صرت بقولها أنا عارف معناتها...."

قلنا شي كلمة حلوة يا خيي---ما بيطلع معك أحلا من "يا حبيباتي يرضى عليكن " ----عم إمزح معك خيي----تسلم تسلم........حبيبي والله يا خيي------وين صرنا بهالأيام؟! خبرونا ----اشتأنالكم والله.....


سلام محبة

[Nadine]

halla2 into kol ma nefte7 mawdou3 ta3o 3la2o ma3 ba3dkon ,,w ba3den tsal7o w day3o il mawdou3,,hayda kol chi btemlou khalas ra7 e3mel istefte2 w chouf min ma3 w min did darb il atfel.

[فشلان]

شفتي يا أخت نادين.. أنا حسيت علين عم يتغالظو قمت كحشتن... عارفك بدك تتضايقي منن.. يا زلمة ما بيتركو حدا مرتاح.... يالله من هون إنت واياه.. أحسن ما بلش فيكن خبيط...
لوووووووووووووووووووووووووووووول

[فشلان]

على فكرة أنا صوت... وكان فكري إني صوت أول واحد.. قام لقيت إنو يمكن إنت سبقتيني.. قام أنا رجعت صوت على الشباب يلي عم يتغالظو... وعليت صوتي علين كمان...
لوووووووووووووووووووووول

[Nadine]

khadtelly kelmet loooooooool haik ,,,laich ana olet ino kelmet lool bitasarrof ,,,yalla basita,,kolkon khadto hal kelmeh ..
shokran 3ala al taswit ,,,,bas law kan 99% bi2olou ino hineh did darb il tefel w bas 1 % ma3on bitkoun inteh,,,
iza 2eblet fik feshleneh w tzawjetek ,,,inshaAllah te2bel,,,w sar 3indek wled ba3den btetghayar wejhet nazarek.
ma oltelna min hal feshleneh walla fez3en ma yokheda il akh wassim??la2an hadadek.

[فشلان]

أنا فشلان.. بس زعلان..
لأنك دائماً عم تغيري الموضوع وما عم تقوليلي اديش أخدت.. يا أختي ضحكي عليي... وقوليلي شي علامة.. بس خليها فوق المعدل... يرضى عليكي...

[Nadine]

الضرب له سلبيات كثيرة وليست له من إيجابية سوى "الرضوخ الفوري لأوامرك"، ولكن في المقابل:

- يقطع الضرب والأسلوب القاسي في المعاملة جسور الود والحب والرحمة بين طرفي العلاقة.
- يفقد الطفل الثقة في أن أمه سوف تفهم رغباته وسوف تتقهم قدراته البسيطة المتواضعة.
- يهدم البنية النفسية للصغير، ويحل الاضطراب وعدم الاستقرار والخوف والفزع مكان الهدوء والاستقرار.

- يفقد الطفل الفرصة في فهم "الخطأ والصواب"، فهو يعاقب لأن "ماما" لا تحب هذا السلوك، ولكن لماذا لا تحبه "ماما"؟ ويبقى السؤال: لماذا يعتبر هذا السلوك شرًّا أو خطأ - بدون إجابة؟
- لا ينتج عن القسوة والعنف سوى العناد، والعناد في هذه الحالة هو التعبير الطبيعي عن رفض الطفل لأوامر الكبار وتعليماتهم.

[فشلان]

ولك ليش عم تعذبيني... والله أنا حرام... كنت بدي اعمل فيكي شعر منشان ترضي... بس بيوصل البكس من زوجك على مخي... بعدان عيب.. أنا اعمل فيكي شعر...
يرضى عليك قوليلي كيف بترضي... وأنا مستعد بس قوليلي اديش خدت على الامتحان.........
وووووووووووووووواااااااااااااااااااااااااااااااااا ااااااااااااااااااععععععععععععععععععععععععععععع

[العبد الفقير]

الضرب له سلبيات كثيرة وليست له من إيجابية سوى "الرضوخ الفوري لأوامرك"، ولكن في المقابل:

- يقطع الضرب والأسلوب القاسي في المعاملة جسور الود والحب والرحمة بين طرفي العلاقة.
- يفقد الطفل الثقة في أن أمه سوف تفهم رغباته وسوف تتقهم قدراته البسيطة المتواضعة.
- يهدم البنية النفسية للصغير، ويحل الاضطراب وعدم الاستقرار والخوف والفزع مكان الهدوء والاستقرار.

- يفقد الطفل الفرصة في فهم "الخطأ والصواب"، فهو يعاقب لأن "ماما" لا تحب هذا السلوك، ولكن لماذا لا تحبه "ماما"؟ ويبقى السؤال: لماذا يعتبر هذا السلوك شرًّا أو خطأ - بدون إجابة؟
- لا ينتج عن القسوة والعنف سوى العناد، والعناد في هذه الحالة هو التعبير الطبيعي عن رفض الطفل لأوامر الكبار وتعليماتهم.

رح تضطريني انقلب عليكي ، يعني أول شي كنت ضد ضرب الأطفال ، بس لما كحشتينا أنا وزاهر زعلت منك ، وصرت مع ضرب الأطفال .

لا أدري لماذا اختصرتي كل اجابيات ضرب الولد بواحدة فقط ، المسألة ليست كذلك يا أختي ، فأترجاك أن تكون موضوعية أكثر .
قولي لي بربك ، الرسول صلى الله عليه وسلّم ألم يستخدم الضرب ...... هل استخدمه للإرضاخ الفوري -العسكري- أم للتربية و.......
يا أختي ان الله يزع بالسلطان ما لا يزع بالقرآن .............

[العبد الفقير]

وانت يا فشلان روح شوف شغلك ، وما اتغيرالموضوع ، صرلي من يوم طلعت على التلج انت مع أجيال ، كاعرك لحتى أعرف مين فشلانة ، بس انت ما عم تقول .

خلص قول فزعان مني ما قوم حبلك ياها ،بس ما اتغير الموضوع بهل الطريقة واتجرب اتنسينياه ، لأن أد ما حاولت ما فيني انسى فشلانة .........

[فشلان]

يا حبيبي.. أنا يلي عندي مضمون... مش عم لقط على الرايح والجاية... ساعة بالسعودية.. وساعة ما بعرف وين...
البنات ما بحبو الدوار.... بحبوني أنا العاشق الثابت الراكز....
إن شاء الله مفكر فزعان منك... هههههه
بس خلينا بموضوعنا..
إنت يا نادين كل عمرك بتتمسكي بالآيات والأحاديث... ما شفتك عطيتي أهمية للحديث عن ضرب الولد منشان الصلاة..
يرضى عليكي.. حطي منشان يصير في نقاش.. يعني ذكري الرأيين..
بعدان شايف الآية انقلبت.. يعني إذا طلع 1% بعارضو الضرب رح يطلع إنت يا نادين....

ولك دوووووووووووووووووووووووع

[الزاهر]

السلام عليكم وبعد:

أول شي أنا حابب أول يا أختي إنو الضرب إذا ما كان مدروس وفي محله، كانت نتائجه عكسية تماما......

ثانيا شو بكي جاية أواص دغري.......يا مع، يا ضد.....ما في غير بوش عملها هادي!!!!!
أنا لست موافق على التصويت هذا لكي أصوت عليه
وموقفي هو:"أنا مع الضرب ضمن شروط"
فالكف على الوجه بالنسبة لي يعادل 7000 ضربة على اليد
والكف على الجبين يعادل 7000 كف على الوجه
يعني الأصة نسبية---ولا مات إينشتاين وما ترك شي وراه؟!
وبعدين في ضرب مؤذي وفي ضرب للتوبيخ.........
يعني الله يسامحك ما خليتينا نصوت......
وكما تعلمين في القلمون يسمون الضرب "أتل"----لأن مفهومهم للضرب هو الضرب المبرح.....فإن قلت أنا مع الضرب ---ظلمت نفسي. وإن قلت أنا ضده....ظلمت نفسي.
فما العمل؟!



سلام محبة

[فشلان]

يا حبيبي ما كتير تصعبها إنت.. وتجيب آلة حاسبة وهلأ تبلش تضرب وتطرح..
هية عم تقول إنو ضد الضرب بشكل كامل ويوسف وسعيد...
هل إنت ضد الضرب بأي سبب وبأي شكل؟ إذا ضد نهائياً حط ضد.. وإلا فإنت مع...
مين قال إنو أنا مع كل يوم على الترويقة فلق.. وعلى الغدا بالسوالف.. وعلى العشا دبح...
أكيد نحنا مع الضرب بطريقة مدروسة... هاد معناة مع...
فيرضى عليك الظاهر إنت مع.... قوم شارك وخلصنا بقى....
حبيب قلبي...
ولك دووووووووووووووع

[فيصل]

السلام عليكم . أعتقد أنه الزمان قد إختلف . فقد تطور العلم .أعتقد أنه بالماضي كان ينفع ضرب الأطفال لأنه لم يكن هناك وسائل الترفيه مثل هذه الأيام .فهذه الأيام يمكن حرمان الطفل من مايحب أفضل من الضرب ،وأعتقد انه آخر شيءالضرب . فالضرب لا ينفع بل يضر والله أعلم

[العبد الفقير]

أخي فيصل ، أفعال النبي صلى الله عليه وسلّم هي بمثابة تشريع لنا ، وتشريعنا لكل الأزمان .

أخي فيصل اذا كان ولد هذا الزمن ، تعجبه اللعبة ووسائل الترفيه ، فولد ذاك الزمن لم محروما من اللعب أو وسائل الترفيه ، ولكن لم تكن متطورة كما اليوم ، على كل هي كانت تعجبه لأنه لم يرى غيرها ، وولد اليوم لو رأى ما بعد 20 سنة من ألعاب فإنه سيمل من الألعاب التي بين يديه .

أنا لا أقصد أن الضرب هو الوسيلة الوحيدة للتربية ، بل هو وسيلة من الوسائل المستخدمة ولها حالاتها ولا يجب أن تستخدم بطريقة عشوائية وبربرية .
أما حالات الضرب ، فهذا يدخل في فن التربية ، التي تفتقره كثير من النساء اليوم ، والرجال أيضا .
كما أن حالات الضرب تختلف من ولد لآخر ، بشكل عام هي فن بكل معنى الكلمة ، ولكن هذا الفن لا يحتاج لموهبة أو ما شابه ذلك ، بل يحتاج لخبرة ، واضطلاع قبل الزواج .......

[Nadine]

ثبت عن النبي صلى الله عليه وسلم أنه قال : " مروا أولادكم بالصلاة لسبع واضربوهم عليها لعشر وفرِّقوا بينهم في المضاجع " ، فالذَّكر يُضرب والأنثى كذلك إذا بلغ كل منهم العشر وقصَّر في الصلاة ، ويؤدَّب حتى يستقيم على الصلاة ، وهكذا الواجبات الأخرى في التعليم وشئون البيت وغير ذلك ، فالواجب على أولياء الصغار من الذكور والإناث أن يعتنوا بتوجيههم وتأديبهم لكن يكون الضرب خفيفاً لا خطر فيه ولكن يحصل به المقصود . "

فعلى المربي أن يرشد الولد إلى الخطأ بالتوجيه كما ثبت في الحديث عن عمر بن أبي سلمة رضي الله عنه قال : ( كنت غلاماً في حجر الرسول صلى الله عليه وسلم وكانت يدي تطيش في الصحفة - تتحرك في وعاء الطعام فيأكل من عدة أماكن-فقال لي رسول الله صلى الله عليه وسلم : يا غلام سم الله وكل بيمينك وكل مما يليك ) رواه البخاري ومسلم .

والضرب المقصود هو الضرب غير المبرح وغير المؤلم، وخاصة إذا كان الولد قد وقع في الخطأ للمرة الأولى، ولا يجوز الضرب على الوجه أو الرأس والمواضع الحساسة من الجسم حتى لا يلحق الضرر بالمضروب .

اتفق الفقهاء على أنه يجب على الولي تأديب الصبي لترك الصلاة والطهارة , ولتعليم الفرائض ونحو ذلك , وذلك بالقول إذا بلغ سبع سنين , وبالضرب إن لزم لإصلاحه إذا بلغ عشرا , لحديث: (علموا الصبي الصلاة لسبع سنين , واضربوه عليها ابن عشر سنين).

[فشلان]

شفتو إنو الألوان بتأثر... واليوم الأخت نادين عم تحكي درر...
أنا هادى يلي حيتو من الصبح.. أكيد أنا مش مع سن السكاكين.. والذبح على سنة الله ورسوله...
أنا مع الضرب ولكن يكون الضرب للردع مش للمخابرات....
قصدي الضرب للردع وليس انتصاراً للنفس..
يعني الولد ما في أذكى منو.. بيعرف كنو أبوه عم يضربو لأنو غلط.. أو عم يضربو لأنو معصب ومحموق...

وأصلاً ما لازم نوصل لضرب الطفل إلا بعد كل المحاولات التي تسبقها... يعني الضرب يكون آخر الأمور....

ولك قولي هيكة من الأول.... خليتينا نعلق مع بعضنا ومبلشين خبيط.. أتاريكي معي بنفس الرأي...

يالله خيرها بغيرها... انتقلو على المشلكة يلي بعدها...

[العبد الفقير]

هيك من الأول يا أخت ناديين ، يعني هيك أقريتي انو في ضرب و.... بس مش بوحشية . واحنا هيك كنا عم نقول .

بدنا نسمع رأيي أم سفيان بضرب الأولاد ، أو بتربيتهم بشكل عام ، لأنو ما شاء الله ابنها سفيان -غير شكل- كنت شفو بالمسجد بالصيف ،وبعرف انو اسمو سفيان ، وانو والدته هي أختو لأمين ، بس ما كنت بعرف اهلوا ولا بعرف كيف شكلهم -واساتني أصلا- ، وما شاء الله كان بيحفظ قرآن ، وكنا آدف منيح متل ما بذكر .

[فشلان]

خزاة العين عينو.. ما شاء الله الله يحميه.. الله أكبر حولو وحوالي.. على مهلك رح تصيب الولد بالعين... هيك بقولو: آدف منيح... على مهلك على الولد شوية.... دبرلك كلمة أحلى.. قول بيحفظ منيح... سريع بالحفظ.. شاطر..

ولك دوووووووووووووووووووووووووووع.. الله يحمي سفيان وأم سفيان وأبو سفيان وفشلان كمان..
ما فيني قول اسمك يا وسيم لأنو مانو على الوزن..
بس تكرم عينك الله يحميك

[العبد الفقير]

الله أكبر عليه

وما زلت في انتظار كلام أم سفيان حول موضوع تربية الأولاد

[فشلان]

الأخت أم سفيان يا أخي وسيم.. مشغولة عندها صبحية مع الماما نور... كل واحدة بتحكي عن الرجال والتانية بزقفلا... وين قاعد إنت مانك عارف شو عم يصير من ورا ضهرنا....

هلأ شافونا عم ننادي بحقوق الرجال.. صار بدن ينادو بحقوقن... كأنو إسا في شي ما أخدو...
ما بكفاية بياخدو قلبنا وفكرنا وحكينا من قبل الخطبة.... ونحنا شوية كلام حلو منن ما عم نقدر نحصل....


الله كبير يا شريك.... بدنا نصبر.... وإسا بتقلي بدك تتغزل بواحدة....
جبلي مرة واحدة صارت إنو امرأة دورت على مين يعملها شعر بزوجها أو حبيبها... ما رح تلاقي لا تعذب حالك... ونحنا منركض على رضاهن... وهنة ولا بهالدنيا..
شاطرين بس يهتونا بجمالن وأخلاقن وحبن وعشق وغرامن فينا لما منفكر بالتعدد... وباقي ما تبقى ما بتسمعلن حس...

قول الله يا شريك... أووووووووووووووووووووففففففففففففففففففففففففففففف ففففففففف من قلب مجروح

[العبد الفقير]

قول الله يا شريك...
الله

يا خيي ما كل النسوان متل بعضهم ، يعني في منهم عارفين حقوقهم وحدودهم ، وعارفين حقوق رجالهم .
ما كل النسوان يا فشلان مش سئلانين عن رجالهم
في منهم بيعجبو خاطرك

[فشلان]

هادى يا شريك أنا واياك هلأ منقول هيك قد ما معمي على قلبنا من العشق والغرام... بس يا ترى ليش ما حدا من المتزوجين بقول هيك..؟؟؟

[العبد الفقير]

هههههههههههههههههههه

قوية منك

بس يا خيي شو بدنا نعمل هنة هيك ، شو احنا بدنا نقوم المقتاية

حكينا انو على القليلة ما بكفي آخدين كل حقوقهم اسا جايين فاتحيلهم محل بالمنتدى كمان ، وطالبت انو الساحة يلي اسمها "شقائق الرجال" يصير اسمها "الرجال" أو "الرجال وشقيقاتهم" أو أي شي ، بس المهم الرجال بالأول .
بس اخدو القصة دعيس معيس وراحت الشغلة بالعجئة
شو رأييك نرجع انطالب بهل الشغلة ؟؟؟؟؟؟؟؟؟؟؟؟؟
يعني يا عمي على القليلة افتحو استفتاء حول الشغلة

[أم سفيان]

آسفة على التأخير كنت مشغولة شوي
شو نادين وين وصلتي بالدهان
نرجع لموضوعنا
صراحة لست أهلا للكلام في مجال التربية لأن أخطائي كثيرة في هذا الجانب
ولكن بشكل عام تربية الأولاد أهون ما تكون إذا كانت مسؤولية الأبوين تأمين قوت الولد والمشاحنات بين الأبوين والولد نادرا ما تحدث في هذه الحالة فمثلا هنا في بلاد الغرب نادرا نادرا ما تسمع صوت الأب أو الأم بل أحيانا تجد الولد هو من يصرخ في وجه أبويه اوامره كلها مطاعة يفعل الولد ما يشاء متى ما شاء وكيفما شاء بمباركة من الأهل
أذكر مرة حضرت مقابلة للشيخ القارئ محمد جبريل من ضمن الأسئلة التي سئلت "هل تعلم أولادك القرآن" فأجاب أنه يرسلهم إلى شيخ آخر ليتعلموا على يديه والسبب أنه لا يريد أن يفسد علاقته مع أولاده لأن المعلم عليه أن يكون صارما بعض الشيء وهذا صحيح ومن هنا تحدث المشاحنات بين الأهل والأبناء (روحي درسي ما حدا من رفقاتي بيدرس و.....) حتى أن الولد يتقبل من أستاذه أكثر وكأن كلام الأستاذ منزل
مرة سألتني ابنتي عن كيفية كتابة كلمة باللغة الفرنسية فأجبتها فقالت لي ولكن المعلمة قالت لنا أنها تكتب بشكل مختلف فقلت لها كلا تكتب كما قلت لك وحتى تتأكد أتيت لها بالقاموس وبعد أن رأت أنها تكتب كما قلت لها أجابتني "ولكن المعلمة قالت لي أنها تكتب بشكل مختلف "وبقيت على رأيها أن قول المعلمة لا يرد
فمتابعة الولد قد تفسد قليلا علاقته بوالدية لأنه يحب الإستقلالية ويكره التوجيه "افعل كذا ولا تفعل كذا "
هيأتني شتيت عن الموضوع بس يله كلو منيح منشان ما يقول فشلان إنا ما منرد حدا

[Nadine]

اهلا وسهلا بالاخت ام سفيان

الحمد لله خلصنا الدهان,هلأ بدنا نبلش بالارض شي بدو تبليط وشي بدنا نعملو خشب.

من ناحية الموضوع اللي عم نناقشو, لفتلي نظري موضوع ابنتك والمعلمة.

انا بحيرني الولد بكون اكتر شخص بيوثق في امو وبس يروح على المدرسة بيعملولو شفط دماغ.

بيصير كل شي بتقولو المعلمة صح , وما بيقبل اتو يناقش , انا اسانا بنتي صغيرة على المدرسة بس ابن خالتي هون بالمدرسة , بلاحظ بس يجي على البيت بتسألو امو شو عطيوهن بالمدرسة.بتقلي كل يوم بس يرجع بدي اعملو شطف دماغ لكل شي عطيو ياه.

[العبد الفقير]

أم سفيان الله يبارك فيكي على التواضع الزايد ، بس انتي أهل للتربية مبلا ، وأكبر دليل ابنك سفيان ما شاء الله .

وفيما يتعلق بموضوع الأولاد يقول الله عز وجل (والبلد الطيب يخرج نباته بإذن ربه ، والذي خبث لا يخرج إلا نكدا)
بعض العلماء فسر البلد بالأهل ، والنبات بالولد .
وانتي نحسبك من الطيبين ولا نزكي على الله أحد

ويا أخت ناديين ، أنت أيضا من البلاد الطيبة ، ديري بالك على هل البنوتة وما تخطبيها لحدا .
عندك بنوتة وما بتقولي ، وتاركتني مندار عم أيبل ، خلص الحمد لله لقيت .
بس من هلأ عم قللك ما رح أتركها بأستراليا لأن بأستراليا ممنوع التعدد

[فشلان]

ألوووووووووووووووو.. ألو أخت نادين عم تسمعيني؟
الخط عم يقطش كتير... ألو
بدي اسأل سؤال معليش؟؟؟ إنت شو صوتي؟ مع ولا ضد...
لأنو والله الحقيقة ما عاودنا فهمنا رأيك منوب... أول ما بلشتي عملتي ضرب الولاد والتعدد مثل بعضن...
رجعت آخر مرة.. طلع معك إنو معليش الضرب المشروط والهادئ.. يعني بعــــــــــــلــــــــــــــــي إيـــــــــــــــــدي عـــــــــــــــــــــــــلـــــــــــــــــــــــ ـــــــــــــى الــــــبــــــــــــــــــــــــــــــــــطــــــ ـــــــــــــــــــــــيء وبــــــــــــــــــــــــــــــــــــــــــــــضـ ــــــــــــــــــــــــــــــــــــــرب
المهم هلأ طلع أنا معي حق بإنو الضرب مفيد لما بكون الواحد عم يضرب لتأنيب الولد مش لأنو محموق منو... وأكيد مش دغري خبط لزق... يعني أول مرة كلمة.. تانية مرة عيطة.. تالت مرة فركة إدن.. بعدان منسمي وعلى الدبح...
أرجو أن تفيدينا برأيك الذي استقريتي عليه... منشان طبقو على فشلانة.. لما منخطب... حاجة عاملتلي حالها بنوتة صغيرة
لوووووووووووووووووووووووووووووووووووووووووووو ل

[الشامي]

السلام عليكم يا جماعة :)...

طيب الضرب بتصور الكل مُتفق انو نلجأ إليه (بالقاعدة يعني:)) في أحيان محددة وقليلة ... طيب ممكن نضرب أمثلة على هذه الأحيان؟؟ أو ما يدعو الوالدين لضرب الولد للتأديب الضرب غير المبرح...؟؟؟

أخوكم:rolleyes:

[HARD]

ما دام الكلام فيه ضرب وتأديب
انا اريد ان اعلم متى يحق لي ان اضرب صديق وهل من حقي هذا انا كصديق ؟ لا احد يفهم غلط :) .

[فشلان]

ما دام الكلام فيه ضرب وتأديب
انا اريد ان اعلم متى يحق لي ان اضرب صديق وهل من حقي هذا انا كصديق ؟ لا احد يفهم غلط :) .

بسيطة..
عندما تكف عن ضرب نفسك... فيك تتفضى لحتى تبلش بصديقك... بس لا تقوم معتبرني صديقك!!!!!

ولك دوووووووووووووووووووووووووووووووووووع

[HARD]

اكيد انت لا ترتقي لهذه الصفه

[الزاهر]

السلام عليكم يا جماعة :)...

طيب الضرب بتصور الكل مُتفق انو نلجأ إليه (بالقاعدة يعني:)) في أحيان محددة وقليلة ... طيب ممكن نضرب أمثلة على هذه الأحيان؟؟ أو ما يدعو الوالدين لضرب الولد للتأديب الضرب غير المبرح...؟؟؟

أخوكم:rolleyes:
أحصى توجعو للمثل يا خيي-----بزعل منك ها!!!!

بدك مثل؟! رح أعطيك مثل......ورح أضربلك ياه كمان.....
لنفترض أن ولدك الصغير جائك ويسألك أن تشتري له لعبة......فتشتري له تلك اللعبة وبعد ثواني يطلب منك لعبة أخرى.....وأخرى......وأخرى......وبس تنزل تكزر إنت وفراشتك (مرتك) بشارع العشاء بيطلعلك بفرمان اللعبة الجديدة وبس يكون عم يلعب بالبيت مع باقي الأولاد بيأشطهم ألعابهم وبيكسرلهم ياها.....وبس يجي وأت الغدا ما في ما يكسرلو كم صحن هيك عالماشي.....وبيتلي السجادة أكل وعصير. وبس تتركو خمس دقائق غافل عنو بيخربلك البيت فوئاني تحتاني...بدك تستأجر كم حارس عليه...وبس يجي وأت النوم هناك العلئة الصومالية.....دير بالك على بكا وصريخ ولبيط وعياط ......وما بدك يفيئ مع العالم، أبدا، ما بتطلع عندو الشمس إلا الساعة 3 بليل.....وبدك تمل من كتر المشاكل والأصص......
يعني إذا ضربت هيك ولد بتكون ضربتك في محلها وكمان من كتر غضبك عليه.....والله أصة!!
فما الحل برأيكم؟

بس إبن مين هاد يا ترى......ليؤوم هاد إبني ها!! بس مين فراشتي؟! بتعرفوها شي!!!

السلام عليكم

[الزاهر]

نتيجة التصويت متعادلة الآن------يالله مين بدو ياني صوت وعدل النتيجة
بس بدي 50 ألف ليرة---ما أكتر من هيك.....شو رأيكم؟؟ رخيصة مو؟!

يالله العرض ساري لمدة محدودة.....

[فشلان]

بعملك قصيدة أخت أختا.. مدح وثناء ويلي بدك اياه.. وإذا مثل حكايتنا عندك شي فشلانة ناطرتك.. كمان ولا يهمك.. بس إنت صوت مع الضرب...

[الريس]

أنا أؤيد ضرب الطفل إذا أخطأ ، مع عدم التوحش في الضرب ، بل يجب أن يكون الضرب بطريقة حضارية ، وقد صوتت أني مع ضرب الأطفال ، فعدلت النتيجة .

[فيصل]

صلو على النبي يا أيها الأخوه
ضرب الأولاد في الماضي كا يجدي بالنفع ، أما في هذه الأيام لا أعتقد أنه يجدي بالنفع هذا هو إعتقادي أنا ، لأن الأيام تغيرت جداً عن الماضي ويو جد الكثير من الوسائل للإ قناع ، فما هو قولكم هل الأيام لها تأثير با الأجيال و طريقت التعامل معهم

[العبد الفقير]

كيف حالك يا أخي فيصل ؟؟؟
بتصدق اني بحب في الله مع اني ما بعرف مين انت ؟؟؟؟؟؟ يمكن اذا تعرفت عليك رح حبك أكتر ؟؟؟؟؟

أخي انت عم تقول انو الضرب ما بق يجدي في هذه الأيام .
يا أخي الرسول صلى الله عليه وسلّم استخدم هذا الأسلوب ، وأمر به في حالات معينة كترك الصلاة من عمر العشرة وما فوق ، اذا فهذا شرع ، والشرع قائم إلى يوم الدين ، فلا يمكن أن أعتبر أننا في زمن لا يمكننا أن نطبق فيه حديث النبي صلى الله عليه وسلّم ، لأن ديننا يصلح لجميع الأزمان والأحوال .
كما علينا ألا نسفه هذا الأسلوب في التربية ، فنحصره فقط في حالة ترك الصلاة ، لأن الضرب له حالات عيدية وهو وسيلة لتربية الطفل ، والغائها يؤدي إلى خلل في تربية الطفل ، وهذا ماألحظه على أكثر أبناء الجيل الصاعد ، وحتى أن البعض أهلهم من الملتزمين .

يا أخي اذا سلمنا جدلا أن حديث النبي صلى الله عليه وسلّم لم يكن لجميع الأزمان و... وأن الضرب لا يصلح لهذه الأيام فنحن نحتاج لبديل ، ولا يمكن لأحد أن يستبدل الضرب الذي هو ويسلة ترهيبية بوسيلة ترغيبة كاعطاء الولد هدية أو..... فكما نعلم الترغيب والترهيب هما مرحلتين تربويتين من مدرسة الأخلاق -فجميع الرسل كانوا يستخدمون الترغيب والترهيب- .
يا أخي لا أعلم لماذا نظن أنه بسبب التكنولوجيا الحديثة ، وتطور عالم الألعاب و.... فإننا نصبح في غنى عن الضرب ؟؟؟؟
يا أخي اذا كان ولد هذا العصر تعجبه البلاي ستايشن والبيسكلات و... فإن أولاد العصور القديمة لم يكونوا محرومون من اللعب ، فمنهم من كان يلعب بالحجارة و... ، وكانوا يحبونها ويتعلقون بها ، بقدر تعلق أولاد اليوم بألعاب هذا العصر ، فالقضية تعود لفلسفة معينة يعكسها المجتمع والتكنولوجيا الموجودة في فكر الطفل ، فلو أتيت بطفل من هذا العصر وأريته الألعاب التي ستكون بعد خمس سنوات ، ومن ثم اشتريت له الألعاب الحالية فإنه سيرفضها ...

[فشلان]

فكم "يا أخي" في ذلك؟؟

[Nadine]

فكم "يا أخي" في ذلك؟؟

la youjad ya akhi fi zelek

[Nadine]

السلام عليكم . أعتقد أنه الزمان قد إختلف . فقد تطور العلم .أعتقد أنه بالماضي كان ينفع ضرب الأطفال لأنه لم يكن هناك وسائل الترفيه مثل هذه الأيام .فهذه الأيام يمكن حرمان الطفل من مايحب أفضل من الضرب ،وأعتقد انه آخر شيءالضرب . فالضرب لا ينفع بل يضر والله أعلم

معك حق شكرا على المشاركة

[omomar]

اول شي السلام عليكم خيي فشلان ما بعرف ليش بس تبدي بموضوع بيخلص معك بحقوق الرجال :) .والله ما حلك اسان ما تزوجت الظاهر.وخيي وسيم والله انت كويس والف واحدة بتتمناك لشو لازمتلك فشلانه عم فكر والله جبلك شي بنت بما انه ما عندي:rolleyes: .بس انا كنت ضد الضرب بس بعد كتر التعب و زيادة المسؤليات صرت مع الضرب الغير مبرح .بس انا برايي انه الضرب بحد ذاته مع التعصيب خطأ لانه بدون انتباه بيأذي (مع انه احيان ما بيصير وما يمرق شي منه ).
الله يعينا على تربية اولادنا .:eek:

[Nadine]

اول شي السلام عليكم خيي فشلان ما بعرف ليش بس تبدي بموضوع بيخلص معك بحقوق الرجال :) .والله ما حلك اسان ما تزوجت الظاهر.وخيي وسيم والله انت كويس والف واحدة بتتمناك لشو لازمتلك فشلانه عم فكر والله جبلك شي بنت بما انه ما عندي:rolleyes: .بس انا كنت ضد الضرب بس بعد كتر التعب و زيادة المسؤليات صرت مع الضرب الغير مبرح .بس انا برايي انه الضرب بحد ذاته مع التعصيب خطأ لانه بدون انتباه بيأذي (مع انه احيان ما بيصير وما يمرق شي منه ).
الله يعينا على تربية اولادنا .:eek:

مشكورة كتير اخت ام عمر على المشاركة, الاولاد بعزبوا بس الحقيقة بس يضربهم الواحد بيرجع ضميرو بأنبو بس يشوف الولد بريء ونايم....

[فيصل]

من حق الطفل أن يضحك وأن يمزح وأن يلعب، وهو حق طبيعي اتفق عليه العقلاء وأتت الشريعة بتأييده،

ففي الحديث: «مروا أبناءكم بالصلاة لسبع»، فبعد السبع ابدأ التعليم والأمر والنهي،

قال سفيان الثوري: لاعب ابنك سبعاً وأدِّبه سبعاً وصاحبه سبعاً ثم اتركه للتجارب، فينبغي لنا أن نترك أطفالنا يستمتعون ببراءة الطفولة،

وفي القرآن حكاية عن أبناء يعقوب قولهم لأبيهم (أرسله معنا غداً يرتع ويلعب) ثم قالوا (إنا ذهبنا نستبق)

أرجوك أن تترك طفلك يمزح ويلعب ويضحك ويسابق ويعيش كما يعيش العصفور تماماً،

ولا تثقل عليه بحفظ المتون، وقراءة مقدمة ابن خلدون، ومعارضة قصيدة ابن زيدون، وشرح حاشية ابن القاسم على موطأ مالك،

فقد وجدتُ آباءً بدأوا يحفِّظون أطفالهم المتون في الثالثة والرابعة من أعمارهم،

فعاش الطفل في هم وغم ونكد،

فإذا ضحك الطفل صاح به أبوه: انتبه يا ولد،

وإذا تبسّم قال له: وش هذا؟

وإذا لعب قال له نسيت الآية (أفحسبتم أنما خلقناكم عبثا)

وإذا سأل أباه أن يشتري له لعبة انتهره قائلا:

* وَيَنشَأُ ناشِئُ الفِتيانِ مِنّا - عَلى ما كانَ عَوَّدَهُ أَبوهُ.

فإذا استأذنه أن يلعب مع الأطفال أنكر عليه وقال: أين أنت من قول الأول:

* إَذا بَلَغَ الفِطامَ لَنا وَليدٌ - تَخِرُّ لَهُ الجَبابِرُ ساجِدينا.

بعض الآباء عذاب واصب وعقوبة من الله على أطفالهم، تجدهم يمزحون ويمرحون فإذا دخل عليهم البيت سكتوا وصاحوا:

جاء الوالد جاء الوالد، فدخل عليهم كالموت: (قل إن الموت الذي تفرّون منه فإنه ملاقيكم) لا تقتلوا البسمة على شفاه الأطفال.

كان سيد البشرية ? رحيماً بالأطفال يمازحهم يضاحكهم يحملهم، كان يصعد الحسن والحسين على ظهره وهو ساجد

وكان يحمل الطفلة أمامة بنت ابنته زينب وهو يصلي بالناس،

كان يأخذ الحسن والحسين في حضنه ويقبِّل هذا مرّة وهذا مرّة ويقول: «هما ريحانتايا من الدنيا»،

فيقول له رجل: عندي عشرة أبناء ما قبَّلتُ واحداً منهم، فيقول له الرسول (: «وهل أملك أن نزع الله الرحمة من قلبك».

إن الطفل بحاجة إلى متعة ذهنية ورياضة جسمية، تجعله مستعداً للحياة القادمة حياة العمل والإنتاج،

فلماذا نستعجل الأيام ونحرمه حقه الطبيعي في اللعب والمزاح والبهجة؟

أتحرم البلبل من النشيد في البستان؟

أتمنع العصفور من التَّمرغ على بساط الروض؟

أتسكِّت العندليب أن يتغنّى بآيات الحب على غصون الزيتون؟

إن الإعاقة الفكرية قد يكون سببها أب ظالم شرس يجلس مع أطفاله كأنه الحجاج بن يوسف، فيقمع في نفوسهم البسمة ويكبت في أرواحهم الفرحة،

فيكبرون وفي قلوبهم مرض القهر النفسي والكبت الأسري فيبقى الواحد منهم غير سوّي، تشاهد على وجهه سحابة سوداء من الكآبة والحزن الدفين من آثار الطفولة البائسة المحرومة،

إن بعض الآباء أسد هصور على أطفاله، ولكنه نعجة في مواقف الحق، إذا لم يصل أطفالك لدرجة الفرحة الغامرة والاستقبال الحار بقدومك بحيث أنهم يتسابقون إلى فتح الباب إذا أقبلت فراجع تربيتك لهم وتحول أنت الى طفل وديع بينهم فتنـزل إلى مستواهم في الحديث،

أسرد عليهم نكات وداعبهم بلطائف وشاركهم لعبهم وسباحتهم وقفزهم ولا يعني ملاطفة الأطفال ومداعبتهم وتركهم يلعبون إهمال الأدب،

بل سوف تغرس في قلوبهم الفضيلة بلطفك بهم فتهذِّبهم برفق وتربيهم بعفويّة من دون أوامر عسكرّية،

إن الطفل لا يعرف إلا أباه فهو يراه أشجع من عنترة وأكرم من حاتم وأحلم من الأحنف،

فمن أراد أن ينشأ ابنه صادقاً كريماً حليماً فليكن هو صادقاً كريماً حليماً،

فلنجعل الحب مكان السوط والرفق محل العنف واللطف مكان الكبت،

حينها نسعد بأبناء أسوياء يحملون رسالتهم في الحياة بجدارة ويصلون إلى كرسي الريادة باقتدار،

وإذا لم يلعب الطفل ويضحك في السنوات السبع الأول من حياته فمتى يضحك؟

هل يضحك يوم تقبل عليه الحياة بمتاعبها وهمومها وأحزانها يوم يحمل مسؤولية البيت والوظيفة والرزق والحقوق الاجتماعية والواجبات الشرعية وعقوق الناس وتنكر الأصدقاء وركلات الأعداء؟

حينها يصرخ القلب المفجوع بحنين:

* ألا لَيتَ الشَبابَ يَعودُ يَوماً - فَأُخبِرُهُ بِما فَعَلَ المَشيبُ

[Nadine]

مشكور كتير اخ فيصل , وانا قرأت هذا المقال , اعتقد انه للدكتور عائض القرني والله اعلم , على كل مشكور على النقل فعلا مقال رائع.

[فيصل]

صلو على النبي يا شباب
ولك تكرم عيون كل المشاركين ,هيدا هو هدف المنتدا وين في خير أو مقال مفيد أن ننقله

[ach]

سلام

أنا أفضل لغة الحوار مع الطفل لكن عند الحاجة فليكن هناك شيء من الضرب و لكن بهدف التأديب و ليس الانتقام و أن لا يكون عنيفا أو في مناطق حساسة من الجسم.

[Nadine]

سلام

أنا أفضل لغة الحوار مع الطفل لكن عند الحاجة فليكن هناك شيء من الضرب و لكن بهدف التأديب و ليس الانتقام و أن لا يكون عنيفا أو في مناطق حساسة من الجسم.

بارك الله فيكم على ردكم ...فعلا لغة الحوار هي من افضل الطرق ,,,
وئت الاب او الام بيحس حالو بدو يضرب ابنو يطلع بوجه ابنو وشوف اديشو بريء وبعدان ما الو قلب يضربو...

[فشلان]

ما عطول... في ولاد مناجيس عن هيك ما في.... وما خصن بالبراءة..

[الزاهر]

هلأ اتفئو........مندعوسهم.......ولا منحاورهم!!!!

[Nadine]

شوف الاستفتاء بتعرف رأي الاكترية. يا اخي بدو الواحد يكون عندو خبرة بالولاد , بس الشخص يصير عندو ولد ما الو قلب يضربو لان ابنو او بنتو. بعدان يمكن الام بتكون غير عن الاب. بس ان كان الاب او الام انا بفضل الحوار لان الولد ما في ادو بيفهم. بس انت اللي بتعودو على طريقة الفهم بالضرب ولا بالحكي. اذا غلط الولد وانت جيت وضربتو يمكن يبطل يعيدا بس ما عرف هالولد ليش ضربتو وين الغلط, بس وئت بتجي وبتحكي معو ما تعمل هالشغلة لان بتئذي حالك وهيك بيفهم.

[الزاهر]

شو هالأكترية...........ههههههههه
إذا نصهم مع ضربهم......والنص زائد واحد (زائد واحد) ضد!!!!!

ألووووووووو...........مين مشرف عهالساحة.........الله يعافيها.........دعولها!!!



بسسسسسسسسسست.........مشرف كبير.........وينك............هوووووووو.......شفلنا خلاصة للموضوع........متل ما كنت تعمل من زمان!!!!


سلام