لقاء الأعضاء

[الزاهر]

السلام عليكم ورحمة الله وبركاته


خطرت عبالي فكرة فأحببت أن استشيركم بها........


ما رأيكم يا أعضاء منتدى القلمون الأكارم أن ننظم لقاء موسع للأعضاء خلال فصل الصيف في مكان ما في القلمون ويكون سيران في سهل النبعة مثلا!!!........هاذا للذكور............وللإناث في مكان آخر نحدده أثناء النقاش والتحضير .........إذا وجد اهتام من قبلكم بالفكرة.........

يحضره كل من يستطيع من الموجودين بالقلمون ومن الأعضاء الذين من خارجها ومن من صادف تواجده في القلمون في فصل الصيف (المغتربين أقصد)

ويكون لقاء تعارف وحوار ومناقشة لأمور المنتدى ويمكن أن نخرج بتوصيات للإدارة لتحسين فعالية المنتدى ورفع مستواه .........وبركا منتعرف عوجوه طيبة تكون مشرفة على بعض الساحات!!!!

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........

إن شاء الله تنال إعجابكم وإهتمامكم........بالإنتظار!!!



السلام عليكم ورحمة الله وبركاته

[عبد الله]

فكرة حلوة ومهمة
وانشاء الله أنا جاهز للحضور والمساعدة في التحضير والتجهيز إذا لزم الأمر

[الزاهر]

بارك الله بكم أخي عبدالله



رح بلش إعرض أفكاري واقتراحاتي كل كم يوم ونناقشها ونشوف شو التعليقات وهيك

ورح بلش بالنسبة للفلوس!!!
شو رأيكم يكون في رسم اشتراك بسيط لحتى نشتري الأكل والغراض وووو .........5 آلاف ليرة لبنانية مثلا!!!
_______________________
فإذا على اللائحة الآن عندنا:

المنظمون:
الزاهر - عبد الله

المشاركون:
---

[فرح]

سلاااام و الله يعطيك العافية على هيك فكرة..
أنا منّي و علّي جاهزة و ما عندي أي مشكلة..و ان شاء الله بساعد بالتنظيم:)
بارك الله فيك..
سلاااام
*جزاكم الله خيرا*

[الزاهر]

بارك الله بك أختي Queen
عليكي الزيتونات وبس!!!!.............:)
عم امزح.........بكرا عالصيف منشوف دور كل واحد إن شاء الله

__________________
فإذا على اللائحة الآن عندنا:

المنظمون:
الذكور: الزاهر - عبد الله
الإناث : Queen

المشاركون:
---

[wassim.h]

والله يا أخي أبو الزوز.... فكرة بتجننّ ....http://qalamoun.com/Forum/images/icons/icon10.gif
ومني وعليي أنا جاهز لكل شي ,من مساعدة بالتنظيم والتجهيز وكل شي...
يعطيك العافيه

[الزاهر]

بارك الله بك وسيم............إنت محجوزلك محل من زمان!!!



__________________
فإذا على اللائحة الآن عندنا:

المنظمون:
الذكور: الزاهر - عبد الله - wassim.h
الإناث : Queen

المشاركون:
---

[مايا]

وعليكم السلام ورحمة الله وبركاته
والله يا اخ زاهر فكرة كتير حلوة وانا كنت بتمنى شارك معكن بس للاسف انا مش من القلمون ولا بحياتي شايفتها ونفسي شوفها بعد ما دخلت بالمنتدى بس ما فيني لان ما بقدر ايجي لحالي لسا صغيرة بس ان شاء الله ويوفقني و شوفها

[shanzimer1]

السلام عليكم.....الفكرة كتير عجبتني...يا أخونا "الزاهر" ضمّني عالقائمة إذا ممكن...و بارك الله بكم....بس ما قلتولي شبجيب معي؟؟؟:)

[همسة]

انا بجيكم ضيفة من برات القلمون ان شاء الله ... خبرونا بالموعد ...

[shanzimer1]

شو يا "همسة" بدي أنطر للصّيفيّة تارجع شوفك ؟؟؟؟على كلّ أهلاً و سهلاً بك في كلّ زمان و في كلّ مكان:)....سلميلي عالكلّ....السلام عليكم:)

[яiиda]

شكرا" الك كتير اخ زاهر لطرحك للموضوع هادا .....هيدي فكرة كتير حلوة وانا بدعمكن ومستعدّة لكلّ شي ان شاء الله ازا فضيت ....... بسّ ليش الشّباب بسهل النّبعة:1 (62): :)....نأّيتوا احلا محلّ:1 (54): .......يا الله زكّرتني بالاوقات الحلوة يلّي اضّيتا بالسّهل مع الاقارب والاصدقاء ولعب الفولي :1 (63): ........والله انا حياتي الجبل ......على كلّ كل شي منيح.......

[اليمامة الحضرمية]

بالنسبة لي أنا ما عندي مانع اذا صاحباتي قبلو يطلعو معي
بس المشكلة أنو في أعضاء ما بدهن يقولو أنو هم موجدين أصلا بالمنتدى وفي منهم ما بدهم يشكفوا عن حالهم

انشالله يتم تجااوز هالعقبة لأنو عن جد الفكرة غير شكل وانشالله تظبط

وشكرا

[Nader 3:16]

فكرة طيبة...
الأخ زاهر اكيد استوحاها من اللقاء السنوي لأعضاء اللجنة بس معليش رح نسمحلوا فيها...
ان رح ضم صوتي لكم و ان شاء الله اللجنة رح تنظم المسائل الأمنية.

[همسة]

الى الاخت shanzimer1 , بس المهم رح نلتقى قريبا, اكيد ما رح ننطر للصيف , منبعتلكن خبر مع مراسلتنا في القلمون :)

[محمد]

السلام عليكم

أخ زاهر الله يبارك فيك
أنا موافق اشترك
وإذا بدكن أي مساعدة أنا جاهز ضمن الاستطاعة

[amer]

فكرة حلوة يا اخ زاهر
انا بشترك

[المهند]

نناقش الموضوع باذن الله اليوم الاحد ..تنفهم شو الفكرة بالكامل..سلام

[الزاهر]

فاجئتوني صراحة!!!!.........:)

طيب.........رح حاول فند مشاركة كل من الإخوة والأخوات

بالنسبة لأختي مايا........مش مشكل........ما دمت لا تعرفي القلمون وترغبين بزيارتها.......فالفرصة متاحة .......أما بالنسبة لصغرك.....مممممممم....بتتدبر إن شاء الله......من هلا لوئتها!

وبدنا نقرر مين الأخت اللي رح تتولى لقاء الأخوات منشان تنظموه بمفردكم......

وبالمناسبة........أنا ونادر ووسيم ومحمد وبعض البقية لم نتجاوز الـ 20 عام........فنحن صغار السن كذلك!!!...:)


ثم بالنسبة لأختي Shamzimer1 ........أهلا بك ......مممممم.........هلأ لقائكم منفصل......وبدنا مين يتولا تنظيمو.......بركا بتجيبيلنا معك شي حدانة مستعدة تنظمو!!....:)

ثم بالنسبة لأختي همسة........أهلا بك بين أهلك في القلمون في أي وقت......الضيعة ضيعتك!!!

ثم بالنسبة لأختي ريندا........شكرا لك على مبادرتك........وبالنسبة لأصة السهل........فلقد ضربته مثلا فقط...........والأرجح أن يكون اللقاء في مكان مغلق.........في قاعة أو ما شابه ذلك..........سواء لقاء الإخوة أو لقاء الأخوات........فالفكرة أن يكون هناك عريف للقاء ويكون هناك من يلقي كلمة ويكون هناك عشاء أو أو أو ........إن شاء الله


ثم بالنسبة لأختي اليمامة الحضرمية..........أهلا بك .........هذه القضية هي من أهم المنغصات..........فتخيلي أن يحضر اللقاء أخونا الريس مثلا ويقول أنا الريس.........كذلك الأمر للأخ دوكر أو جابر دملوك أو أو أو .......الأصة صعبة
لكن.....ما ضروري الحاضر يؤول أنا فلان الفلاني بالمنتدى.......مندبرلها حلة إن شاء الله


يا نادر إنت من المنظمين ها!!!............وبدنا تغطية أمنية من قوات اللجنة المسلحة.......بدنا شي طيارتين فانتوم....:)

كذلك أهلا بك أخي محمد ضمن فريق التنظيم........

كذلك عم توصلنا طلبات مشاركة تحت الهواء والحمد لله

ثم بالنسبة لأخي عامر..........بتكون بالقلمون بالصيف إن شاء الله؟؟

وبالنسبة لأخي المهند.........أكيد رح نعرضها اليوم إن شاء الله وبالتفاصيل.......وبدنا همتكم!!!.......


_________اللي عندو مشكلة بالتصنيف يخبرني_________
فإذا على اللائحة الآن عندنا:

المنظمون:
الذكور: الزاهر - عبد الله - wassim.h - nader 3:16 - محمد - X(لا يرغب بعرض اسمه هنا)
الإناث : Queen

المشاركون:
الذكور: Amer
الإناث: مايا - Shanzimer1 - همسة - RINDA - اليمامة الحضرمية

[حُسَينْ ... !]

فكرة جميلة يا اخي زاهر
ان شاء الله معكم و جاهز لأي مساعدة:)

[محمد الكوسا]

انا معك يا زاهر
اذا فينا نخلي لقاء الشباب بالبرية

[الشامي]

السلام عليكم :)...

فكرة حلوة أكيد بدها بلورة وترتيب ... وأقترح أن نضع عنوان عريض لهاللقاء ...وشو الهدف منو بالضبط ليتم التحضير له بشكل جيد :)... ونحن في الخدمة بما نستطيع...

أخوكم:rolleyes:

[amer]

ثم بالنسبة لأخي عامر..........بتكون بالقلمون بالصيف إن شاء الله؟؟



ان شاء الله بالصيف بكون بالقلمون :)

[nana]

السلام عليكم
فكره أكترمن رائعه بس منا راح تظبت مع المغتربين لان صعب يتحدد كل واحد بي ايا شهر بينزل
فا ياريت تظبطوا حكون اول المشاركات

يعني عنجد أخ زاهر مابتستاهل تكون شعلة المنتدى أكيد بتستاهل ديما عندك أفكار حلوة وبتشد الأعضاء لمواضيعك

الله يعطيك ألف عافيه والله يبارك فيك

[صلاح الفلو]

السلام عليكم ورحمة الله وبركاته


خطرت عبالي فكرة فأحببت أن استشيركم بها........


ما رأيكم يا أعضاء منتدى القلمون الأكارم أن ننظم لقاء موسع للأعضاء خلال فصل الصيف في مكان ما في القلمون ويكون سيران في سهل النبعة مثلا!!!........هاذا للذكور............وللإناث في مكان آخر نحدده أثناء النقاش والتحضير .........إذا وجد اهتام من قبلكم بالفكرة.........

يحضره كل من يستطيع من الموجودين بالقلمون ومن الأعضاء الذين من خارجها ومن من صادف تواجده في القلمون في فصل الصيف (المغتربين أقصد)

ويكون لقاء تعارف وحوار ومناقشة لأمور المنتدى ويمكن أن نخرج بتوصيات للإدارة لتحسين فعالية المنتدى ورفع مستواه .........وبركا منتعرف عوجوه طيبة تكون مشرفة على بعض الساحات!!!!

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........

إن شاء الله تنال إعجابكم وإهتمامكم........بالإنتظار!!!



السلام عليكم ورحمة الله وبركاته



السلام عليكم أنا مع الفكرة وأنت يا زاهر فصل ونحنا منساعد ومنلبس

[الزاهر]

فكرة جميلة يا اخي زاهر
ان شاء الله معكم و جاهز لأي مساعدة


يا هلا بحسني بيك............إنت كمان اسمك محجوز!!!



انا معك يا زاهر
اذا فينا نخلي لقاء الشباب بالبرية


يا هلا بالمكيز!!!............يا أخي لقاء كبيييييييير ..........كيف بك تعملو بالبرية!!!...........:)




السلام عليكم ...

فكرة حلوة أكيد بدها بلورة وترتيب ... وأقترح أن نضع عنوان عريض لهاللقاء ...وشو الهدف منو بالضبط ليتم التحضير له بشكل جيد ... ونحن في الخدمة بما نستطيع...

أخوكم


إنت بين عأبو محمد وبتكون كفيت ووفيت!!!!.......:)......هادي شغلتكم إنتو!!!.........الكلمة رح تكون لأبو محمد إن شاء الله...........واللي بيحب كمان يلقي كلمة!!!



ان شاء الله بالصيف بكون بالقلمون


أهلا بكم..........بانتظاركم !!!!




السلام عليكم
فكره أكترمن رائعه بس منا راح تظبت مع المغتربين لان صعب يتحدد كل واحد بي ايا شهر بينزل
فا ياريت تظبطوا حكون اول المشاركات

يعني عنجد أخ زاهر مابتستاهل تكون شعلة المنتدى أكيد بتستاهل ديما عندك أفكار حلوة وبتشد الأعضاء لمواضيعك

الله يعطيك ألف عافيه والله يبارك فيك
......


ممممممممم................يا أختي منها مسائبة منسائبها (أولة جورج)..........................من هلا لوئتها بيتزبط موعد إن شاء الله..........
أما بالنسبة لشعلة المنتدى..........آل في مين بدو يطفيني!!!..........:)...............شكرا لك



السلام عليكم أنا مع الفكرة وأنت يا زاهر فصل ونحنا منساعد ومنلبس

لك والله مني دارس خياطة...........صار شي 4 أشخاص بهاليومين آيلنلي إنت فصل يا زاهر ونحنا منلبس........:)..............تكرم ............رح نفصل ............وبدنا منكم دعم وحضور إن شاء الله

[فشلان]

سؤال: ليش اللقاء ما بكون مختلط مثل المنتدى....؟؟؟؟!!!!!!! إنو لقاءنا بالمنتدى غير بسهل النبعة؟؟؟؟؟؟ هي هي... كلام وأسئلة وأجوبة....

فتنا بالحيط..... هلأ رح اخربلك الموضوع يا معلم زاهر

ولك دووووووووووووووووووووووووووووووع

[دوكر]

يا هلا بالمعلم أطر......
فكرة بتجنن.....
انا بدي شارك....بس فوت معي شوية على الخاص......في جوز كلام بدي احكيون معك.......
طيب و كمان ما ؤلتلنا اديش الدفع ....هههههههههه........
ع كلن أيدلي اسمي عندك ..............
يعطيكن العافية .......
اخوكم دوكر المعوكر.......

[محمد]

بعد ما شفت المشاركات أنا بطلب من زاهر الترشح عرئاسة البلدية في حينها

[Muhammad93]

أخي الزّاهر :
فكرة رائعة و لكن البعض في الصّيف يذهبون الى الجبل ليصطافوا!
فما الحلّ؟
أنا منهم
و شكرا

[яiиda]

ان شاء الله ننبسط .......انا بعتقد هيك .........

[Nader 3:16]

السلام عليكم...
يا اخ زاهر سجّلو اسمو لمهدي و حاولو تعملو الطلعة بس يكون جا من فرنسا.
لازم يكون اصغر واحد بالمنتدى معنا.
بالنسبة للأمنيات اللجنة ستتولى القضية...

[أبو الحسين]

و الله فكرة كتير حلوة يا زهور سجلي اسمي ...

[HARD]

خبرونا بالموعد حتى ننزل نكون معكم (مشارك)

[الزاهر]

سؤال: ليش اللقاء ما بكون مختلط مثل المنتدى....؟؟؟؟!!!!!!! إنو لقاءنا بالمنتدى غير بسهل النبعة؟؟؟؟؟؟ هي هي... كلام وأسئلة وأجوبة....

فتنا بالحيط..... هلأ رح اخربلك الموضوع يا معلم زاهر

ولك دووووووووووووووووووووووووووووووع



يا هلا بالمعلم فشلان............بركا بتعملنا شي قصيدة وبتلقيلنا ياها باللقاء إن شاء الله!!!
وبالنسبة إنو يكون مختلط...........ممكن ينعمل هيك إذا كان عدد الحضور كبير..........لكن بيضل منفصل أحسن...........البنات بيحبو الخصوصية وهيك.......



يا هلا بالمعلم أطر......
فكرة بتجنن.....
انا بدي شارك....بس فوت معي شوية على الخاص......في جوز كلام بدي احكيون معك.......
طيب و كمان ما ؤلتلنا اديش الدفع ....هههههههههه........
ع كلن أيدلي اسمي عندك ..............
يعطيكن العافية .......
اخوكم دوكر المعوكر.......


يا هلا بالدوكر........إنت من أول المدعويين.............. ولو!!!..........VIP كمان!!!!.....:)



بعد ما شفت المشاركات أنا بطلب من زاهر الترشح عرئاسة البلدية في حينها



شو بدي بوجع الراس يا زلمة.........:)



أخي الزّاهر :
فكرة رائعة و لكن البعض في الصّيف يذهبون الى الجبل ليصطافوا!
فما الحلّ؟
أنا منهم
و شكرا


يا أخي كلها يوم بالصيفية..........بتنزل مع البابا إن شاء الله........:)........مش مشكل



اسا لحد هلأ ما في حدا مشارك ، كلياتهم منظمين ؟؟

فالبتالي أنا رح شارك بّإجن الله ، وما رح وجع راسي هالمرّة بشي .

المنظمين حضور يا وسيم!!!........وإنت شغلتك المطبوعات!!!...........:)
وين بك تهرب !!!!

[الزاهر]

السلام عليكم...
يا اخ زاهر سجّلو اسمو لمهدي و حاولو تعملو الطلعة بس يكون جا من فرنسا.
لازم يكون اصغر واحد بالمنتدى معنا.
بالنسبة للأمنيات اللجنة ستتولى القضية...



والله يا خيي منتمنى.......منشوف كيف بدنا ننسق الموعد في حينه..........



و الله فكرة كتير حلوة يا زهور سجلي اسمي ...



أف.........كيف لكن يا زعيم......:)



خبرونا بالموعد حتى ننزل نكون معكم (مشارك)


يا هلا بيكم...........إن شاء الله !!!

[محمد أحمد الفلو]

أنا عجبتني الفكره كتير والله
أنا ان شاء الله بكون بالقلمون بشهر آب

وأنا رح ساعدك بالتفصيل
أكيد رح نستهل الجلسه بتلاوة من القرآن بإذن الله

فأنا ان شاء الله بكون الشخص يلي رح يفتتح ... حدا عندو إعتراض

وكمان خمسة آلاف ما بيكفوا ... وبدنا نعمل لمه للمنتدى بآخر الحفل مشان المسابقات القادمه بإذن الله

وأنا من رأي فشلان ... انو يكونوا كل الأعضاء بمكان واحد ...

[الزاهر]

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........



أنا عجبتني الفكره كتير والله
أنا ان شاء الله بكون بالقلمون بشهر آب

وأنا رح ساعدك بالتفصيل
أكيد رح نستهل الجلسه بتلاوة من القرآن بإذن الله

فأنا ان شاء الله بكون الشخص يلي رح يفتتح ... حدا عندو إعتراض

وكمان خمسة آلاف ما بيكفوا ... وبدنا نعمل لمه للمنتدى بآخر الحفل مشان المسابقات القادمه بإذن الله

وأنا من رأي فشلان ... انو يكونوا كل الأعضاء بمكان واحد ...












الله يبارك فيك محمد..........هاد نوع المشاركات اللي كنت ناطرها!!!...............تفاصيل تنظيمية!!!!
خوش إنتو عندكم خبرة نوعا ما بهالمجال.............وإن شاء الله بتكون التلاوة لكم..........

أما بأصة الـ 5000...........فمعك حق..........هي بتكفي نص كلفة الأكل بس...........هاد كان برمضان الماضي..............فحاليا الله أعلم مع الغلا اللي صار!!!!

طيب....حدا لسا عندو إقتراحات وأفكار حابب يشوفها باللقاء؟؟

[محمد أحمد الفلو]

كمان بدنا من شعراء المنتدى و على راسهم أمير الشعراء فشلان شي شعر عن المنتدى ... ومن فرقة نادر الانشاديه التلحين والإنشاد
مشان عريف الإحتفال
باعتقد انو الأخ المهند كفو لهالشغله !!!

[kata2eb]

**** ولك وين الدبيكة .....

شبكن عملتوها حفلة , منو ناقص غير تقولوا عدد الكراسي
هي عنجد فكرة حلوة بس إنو
وبدي إسأل زاهر
أنا بعرف باللقاء بيكون في 10 منظمين وشي مليون مشارك
إلا عنا إسا لهلأ ما في ولا مشارك الكل منظم
أما بشأن إقتراح السيران فهية أحسن فكرة وعليي الشوي إن شاء الله :):)

[Nadine]

اذا مشي الحال ان شاء الله مش هالصيفية اللي بعدها بكون من المشاركين,,

دعولي انو تتيسر معي وشارك معكن باللقاء

[الزاهر]

وبدي إسأل زاهر
أنا بعرف باللقاء بيكون في 10 منظمين وشي مليون مشارك
إلا عنا إسا لهلأ ما في ولا مشارك الكل منظم



يا أخي هادول الإخوة والأخوات اللي تطوعو ليكونو منظمين............لكن بس تحز الحزة أكيد رح نقرر مين اللي رح يكون منظم والبقية كلهم ضيوف............يعني هادول الإخوة والأخوات اللي أبدو استعدادن!!!!.............:)








اذا مشي الحال ان شاء الله مش هالصيفية اللي بعدها بكون من المشاركين,,

دعولي انو تتيسر معي وشارك معكن باللقاء



مممممم............فإذا برأيكم يكون في لقاء سنوي؟؟؟

[Nadine]

مممممم............فإذا برأيكم يكون في لقاء سنوي؟؟؟




للحقيقة هالشي بتعرفوا بعد التجربة , يعني بس تجربو اول مرة وتشوف التفاعل وهيك , بعدان حسب التيسير , واذا مشي الحال والاعضاء انبسطو , هنة بيطالبوا اذا بدهن ياها سنوية او شهرية , يمكن يقترحوا تكون كل اسبوع.

[ach]

السلام عليكم

فكرة مهمة.

[محمد أحمد الفلو]

لا مطبوعات ولا بطيخ مسمر ...

أنا الفذلكة الزايدة عن اللزوم ما بتعجبني

ما هيك كان رأيك لما كنا بالمعهد

[عبد الله]

يتبين من خلال آراء طرحها بعض الأخوة الذين نحترمهم أن إدارة المنتدى ستتبناها وهذه الآراء هي بأن يكون اللقاء مختلط .
أنا أعلق مشاركتي في اللقاء
ففي حال كان مختلط لن أشارك
وفي حال كان الإخوة وحدهم والأخوات وحدهم فأشارك .
وذلك بناء على تجارب سابقة كانت مضبوطه من الناحية الشرعية .
أيضا أنبه إلى عدم اللجوء إلى أي مؤسسة أو جمعية أو تنظيم أو حزب لاستخدام مراكزهم لعقد اللقاء فيها .
وإلى عدم قبول أي مساعدة منهم فنحن أهل انشاء الله لإتمام اللقاء بنجاح وبدعمه بشتى الطرق .
بعدين بكفي هلأ مشغول شوي ...

[яiиda]

اولا" انا مع الاخ عبدالله باعتراضو على انّو اللقاء يكون مختلط لأنّو هيك احسن ...............امّا بعدين بالنّسبة لمسعدة من ايّ جماعة او حزب كمان انا مع عبدالله ...خلّينا نعتمد على حالنا وبلا من نيّة حدن ............
بعدين يا اخّ زاهر انا بدّي اسال سؤال ؟؟؟
هلأ ما دام في كتير من المغتربين ما بيجو بنفس الشهر ...او هيدي السّنة فالموضوع بدّو كتير تفكير ...بسّ السؤال ازا مفكّرين شي ايّة شهر بالصيف(مع انّو ما لازم تكونو لحّقتو تفكّرو بسّ حبّيت استفسر عن شغلة حسب الشهر)؟؟؟؟

سلام...

[أحمد مغيط]

بارك الله بك أخي زاهر على هذه الفكرة الرائعة
وإنشاء الله نكون حاضرين هذا اللقاء ومن المشاركين به .

[فرح]

ههههههههههه أخي الزاهر تكرم عينك *عليّ الزيتونات* ولوّ سمعت إنو عجبوك كتييير:)
ع كل حال أنا بوافق رإي الأخ *عبد الله* و الله معو حء....
يلاّ فهمونا هلء مين صار رايح من البنات و من الشباب بإختصار!!! ماشي؟؟؟
و إزا بدكن بريّح حالي و بكون ضيف :) ما تزعل أبدا يا kata2eb :)
يللا يعتيكون العافية و وافونا بأهم المستجدات..
سلااام...
*جزاكم الله خيرا*

[Barbie]

السلام عليكم ,

إذا الله يسرلي , إنشاء الله بحضر و بكون من المشاركين.

[الزاهر]

بس حابب رد بقضية مختلط وغير مختلط..........وبعدين بس نفضا منشوف بقية النقاط إن شاء الله


عندما نقول مختلط أي أن يكون في مكان فسيح يفصل فيه الذكور عن الإناث............كمثل ما كان يجري في قاعة ثانوية المنار الإسلامية أو كما جرى في مهرجان النصرة أو أو أو ...........وهذا لا أعتقد فيه حرج..........مع أني أنا عبرت أكثر من مرة عن رأيي الشخصي بهذه القضية وأني أفضل بأن يكونا لقائين منفصلين مكانا وربما زمانا!!!

فإذا افترضنا بأن خالتي مـ.ساميا ستقود لقاء الأخوات
فسيكون لها كلمة تلقيها مثلا ويكون لهن فقراتهن التي تعنيهن بشكل خاص
فيخرج لقاء الأخوات بفائدة أكبر عليهن

كذلك بالنسبة للقاء الأعضاء الذكور..........شو بدنا نضل آعدين وراسنا بالأرض يعني؟؟!!......:):)

وحاليا نحنا كتير بعاد عن موعد اللقاء.........بس عم نقترح أفكار وأمور نرغب في أن يتضمنها..........أما وئت يقترب الموعد ساعتها رح يصير في إجتماعات للمنظمين ويتناقش كلشي بالتفاصيل وووو.....بإذن الله....لا تخافو يعني!!!


والسلام عليكم

[عبد الله]

مييييييييييييت أهلين بالحج زاهر
راجعلك انشاء الله

[القسام]

الفكرة كتير حلوة يا أخ زاهر و بإذن الله سأكون من المشاركين

[المحروم]

فكره جميله بارك الله بك

[الزاهر]

السلام عليكم ورحمة الله وبركاته





السلام عليكم

فكرة مهمة.


اهلا بكم أخي عمرو.......نعم فكرة مهمة........وثمارها أهم إن شاء الله!!!



أيضا أنبه إلى عدم اللجوء إلى أي مؤسسة أو جمعية أو تنظيم أو حزب لاستخدام مراكزهم لعقد اللقاء فيها .
وإلى عدم قبول أي مساعدة منهم فنحن أهل انشاء الله لإتمام اللقاء بنجاح وبدعمه بشتى الطرق .




أهلا بك من جديد أخي عبد الله......نعم.....نحن أهل لذلك بإذن الله.....وسنبذل جهدا في سبيل ذلك إن شاء الله.....وبمساعدتكم ودعمكم نرتقي وننجح




بعدين يا اخّ زاهر انا بدّي اسال سؤال ؟؟؟
هلأ ما دام في كتير من المغتربين ما بيجو بنفس الشهر ...او هيدي السّنة فالموضوع بدّو كتير تفكير ...بسّ السؤال ازا مفكّرين شي ايّة شهر بالصيف(مع انّو ما لازم تكونو لحّقتو تفكّرو بسّ حبّيت استفسر عن شغلة حسب الشهر)؟؟؟؟




أهلا بِك أختي الكريمة ....وشكرا لك لاهتمامك........
أما بما يختص بالموعد....موعد اللقاء.......فأعتقد انه من السابق لأوانه بمكان الحديث عنه حاليا.....ثم بالنسبة للمغتربين........"شو رح تخرب الدنية ويفشل اللقاء إذا شي واحد أو تنين ما حضرو!!!......:)" لكن هذا لا يمنع أن نحاول جهدنا ليكون الموعد مناسبا للجميع........واللقاء ليس لأعضاء المنتدى "حصرياً".......بل هو مفتوح للذي يرغب الحضور أيضا ......كذلك لضيوف الشرف مِن مَن يهمنا تواجدهم إن شاء الله



بارك الله بك أخي زاهر على هذه الفكرة الرائعة
وإنشاء الله نكون حاضرين هذا اللقاء ومن المشاركين به .

أهلا بكم أخي أحمد...نتشرف بحضوركم!!



ههههههههههه أخي الزاهر تكرم عينك *عليّ الزيتونات* ولوّ سمعت إنو عجبوك كتييير:)
ع كل حال أنا بوافق رإي الأخ *عبد الله* و الله معو حء....
يلاّ فهمونا هلء مين صار رايح من البنات و من الشباب بإختصار!!! ماشي؟؟؟
و إزا بدكن بريّح حالي و بكون ضيف ما تزعل أبدا يا kata2eb :)
يللا يعتيكون العافية و وافونا بأهم المستجدات..
سلااام...
*جزاكم الله خيرا*

أهلا بك إختي "ملكة"........في نهاية المشاركة إن شاء الله


السلام عليكم ,

إذا الله يسرلي , إنشاء الله بحضر و بكون من المشاركين.

أهلا بك أختي باربي ضيفة ومشاركة!!!



الفكرة كتير حلوة يا أخ زاهر و بإذن الله سأكون من المشاركين


أهلا بك أخي القسام .... نتشرف بحضوركم!!!





مييييييييييييت أهلين بالحج زاهر
راجعلك انشاء الله


أهلا بكم.........وأنا ناطركم!!........:)




فكره جميله بارك الله بك


أهلا بك أخي.........هل سنتشرف بمشاركتكم إن شاء الله؟؟
_______
حدى ما طلع إسمو؟؟


الحاضرين (ما بين منظم ومشارك): (19)
الزاهر - عبد الله - Nader 3:16 - wassim.h - محمد - X - X - المهند - hUsSeIn - محمد الكوسا - صلاح الفلو - وسيم غنوم - abdullah - 7maytoun - kata2eb - amer - HARD - أحمد مغيط - القسام


الحاضرات (منظِمات ومشاركات): (8)
Queen - همسة - RINDA - Shanzimer1 - اليمامة الحضرمية - NARA - Barbie

[Nader 3:16]

أخ زاهر قلتلك سجل عندك (مهدي و ابو صطيف و أنس) و X رح نخليه مفاجأة....
و حسوب حسيب انو بدي نطلع معنا .....

[ضيف على القلمونيين]

بسم الله الرحمن الرحيم
إن كتب الله لي أن أكون في القلمون في الموعد فلن أضيع على نفسي -إن شاء الله- مثل هذا اللقاء
وخاصة وأن الدوكر قرر الحضور أيضاً فربما أخيراً سيقع في شباك المحقق كونان (نادر) لووووووووول
ولم لا سماع قصيدة فشلانية من قصائدة الرائعة
أعتقد كل من يستطيع الحضور ولم يحضر سيضيع على نفسه الكثير خاصة بعد رؤية المشاركين * أناس يستاهلو بذل مجهود للقائهم *
وفق الله زاهرا والمشرفين على اللقاء و الكل لإقامة لقاء يتطلع الذين حضروه إلى غيره
تحياتي السلام عليكم

[The Angel]

فكرة حلوه , ان شاء الله بروح اذا كان فيَ ... سلام

[الزاهر]

أخ زاهر قلتلك سجل عندك (مهدي و ابو صطيف و أنس) و X رح نخليه مفاجأة....
و حسوب حسيب انو بدي نطلع معنا .....





أهلا بك أخي نادر..........يا عمي هادول من الفرئة..........ما بيتم اللقاء بلاهم!!!..........:)



بسم الله الرحمن الرحيم إن كتب الله لي أن أكون في القلمون في الموعد فلن أضيع على نفسي -إن شاء الله- مثل هذا اللقاء وخاصة وأن الدوكر قرر الحضور أيضاً فربما أخيراً سيقع في شباك المحقق كونان (نادر) لووووووووول ولم لا سماع قصيدة فشلانية من قصائدة الرائعة أعتقد كل من يستطيع الحضور ولم يحضر سيضيع على نفسه الكثير خاصة بعد رؤية المشاركين * أناس يستاهلو بذل مجهود للقائهم * وفق الله زاهرا والمشرفين على اللقاء و الكل لإقامة لقاء يتطلع الذين حضروه إلى غيره تحياتي السلام عليكم



أهلا بك أخي عزيز.........إذا تيسر حضوركم ........._إن شاء الله_ فستملأ الفرحة قلوبنا ............نتوق شوقا للقياكم!!
بس شو بك تجبلنا من الجزائر؟؟........:)
وإن شاء الله بيحضر الدوكر.....ورح نحاول جهدنا يكون في قصيدة فشلانية على ذوقكم!!!
ومن المؤكد بان كل تفاصيل اللقاء ستنقل إلى المنتدى بالصوت والصورة إن شاء الله.....



فكرة حلوه , ان شاء الله بروح اذا كان فيَ ... سلام


ونحن نأمل بأن تشرفونا بحضوركم


شكرا لكم جميعا!!!

[Nader 3:16]

نسأل الله ان يجمعنا فيك يا اخ عزيز في اقرب وقت ....يعني ستكون فرحتنا عارمة اكيد.
واذا بدك ولا يهمك اللجنة بتبعتلك طيارة خاصة كي تصطحبك الى القلمون عاصمة العالم.

[الزاهر]

نسأل الله ان يجمعنا فيك يا اخ عزيز في اقرب وقت ....يعني ستكون فرحتنا عارمة اكيد.
واذا بدك ولا يهمك اللجنة بتبعتلك طيارة خاصة كي تصطحبك الى القلمون عاصمة العالم.


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه

[jarra7]

فكرة سخيفة ......فكروا بشي بينفع و بيفيد بدل ما تضيعوا وقتكون بي شي سخيف العالم عم تموت بفلسطين والعراق والصومال و أفغانستان و كمان ما تنسوا السودان.... بدل ما تفكروا فيهن عم تفكروا بطق الحنك. و ما هايك و بس كمانا مختلت ..ملتقى للعشاق....

[فرح]

يا دلليييييييييييييييييييييييييييي... من عءلك؟؟؟ يا جرّاح؟؟؟؟... أكيد لأ...لأن يلي بيحكي هل حكي و بهيك طريقا ما بيكون في عءل..ولوّ.....
إزا منّو عاجبك..ما تشرفنا بحضورك..بيكون أحسن..لأن ما بدنا عالم بتحكي علينا و اسانا طويل...يا عيبشوم.. (..ملتقى للعشاق......)؟؟؟؟؟ الله يبارك فيك و بأخلاءك...
عزوروبي بس بيستحء هيك حكي..لأن ما حترم حدآ منّأ....
و تبأى فتحلك شي موضوع مهم...مين ماسكك؟؟؟
*الله يهدييييك و يسامحك و يسامحنا ع هيك حكي*...

[HARD]

فكرة سخيفة ......فكروا بشي بينفع و بيفيد بدل ما تضيعوا وقتكون بي شي سخيف العالم عم تموت بفلسطين والعراق والصومال و أفغانستان و كمان ما تنسوا السودان.... بدل ما تفكروا فيهن عم تفكروا بطق الحنك. و ما هايك و بس كمانا مختلت ..ملتقى للعشاق....

أهلا بك وان شاء الله سوف تستفيد من هذا المنتدى ونستفيد منكم .

اما ما تفضلت به فهو واقع موجود من زمن بعيد والكل يعلمة والجميع يعايشة .
ما المطاوب منا لكي نفعلة يا اخ جراح ؟هل الدعاء هل التبرع هل معايشة الحدث والشعور به والدعودة الى الدعم هل هل هل ........وبعد ذلك أتريد منا ان نعتزل الكلام والناس وان يتسم العبوس والتهجم على وجوهنا طوال الوقت ... هذا ما تريد ؟ّ!

واهلا بكم .

[الزاهر]

فكرة سخيفة ......فكروا بشي بينفع و بيفيد بدل ما تضيعوا وقتكون بي شي سخيف العالم عم تموت بفلسطين والعراق والصومال و أفغانستان و كمان ما تنسوا السودان.... بدل ما تفكروا فيهن عم تفكروا بطق الحنك. و ما هايك و بس كمانا مختلت ..ملتقى للعشاق....



أهلا بك أخي جراح........نحترم رأيكم .........
لكن كلامك غير دقيق .......واعذرني لو قلت لك لم تقرأ الموضوع بتمعن وكلامك مردود ومردود عليه

وشكرا لك أخي HARD على ردك المناسب .......

[محمد الكوسا]

ولك يا زاهر شو ما عجبك مبارحة اللقاء المصغر بالحديقة
ليش كنت معارض انو لقاء الشباب يكون بالبرية او على الأقل بالفلى

[الزاهر]

ولك يا زاهر شو ما عجبك مبارحة اللقاء المصغر بالحديقة
ليش كنت معارض انو لقاء الشباب يكون بالبرية او على الأقل بالفلى



أف كيف لكن..........منور بوجودكم!!!.........:)
لكن يا خيي اللقاء رح يكون _إن شاء الله_ فيه فعاليات ما بتنعمل بالفلا!!

بس منشان هيك.......

بعدين وين بك تأعد العالم!!!......عالطراب؟؟.......تخيل مثلا الشيخ رائد حليحل داعيينو ليأعد عالطراب!!!.......:)

[kata2eb]

**** شروط المشاركة ......

أهم شرط هو أنه على كل مشارك في اللقاء أن يقول
تحت أي إسم يكتب في المنتدى

ولا شلووووووووون

[kata2eb]

**** نصيحة لمن يستبيخ اللقاء .....

أنا بنصح كل من يقول أن اللقاء بايخ بأن يسجل إسموا
عند زاهر ميشان إذا شفنا باللقاء نبلش فيه دددددءءءء

خاصة إنت يا شرااااااح أقصد جراح

[محمد أحمد الفلو]

فكرة سخيفة ......فكروا بشي بينفع و بيفيد بدل ما تضيعوا وقتكون بي شي سخيف العالم عم تموت بفلسطين والعراق والصومال و أفغانستان و كمان ما تنسوا السودان.... بدل ما تفكروا فيهن عم تفكروا بطق الحنك. و ما هايك و بس كمانا مختلت ..ملتقى للعشاق....

مع إنو كلامك ما بستحق الرد

بس شفلي هافيديو
الشيخ المجاهد دولة الرئيس اسماعيل هنية وهو يلعب تنس

www.youtube.com/watch?v=EY-P4Km3rDA (http://qalamoun.com/Forum/www.youtube.com/watch?v=EY-P4Km3rDA)
وفي احد عم يلعب كره طائره بس ما لقيتو

[محمد الكوسا]

ما شاء الله اشباك يا كتائب فايت بالعرض
ويا زاهر ما التللي انو في غير الأعضاء يحضرو اللقاء؟؟؟؟

[محمد الكوسا]

ماشاء الله شو هالرد يا شيخي؟؟؟
والله جبت الجرّاح ارض
مشكور على هاذا المقطع
اول مرة بعرف انك مع حماس!!!!

[Nader 3:16]

أخ زاهر مثلما قلت لك ان الفكرة التي طرحتها يمكن ان تدرج فيها افكار جديدة .ويمكن لنا ان نناقشها بس بعد الامتحان ان شاء الله.وانا بتمنى من يلي عندو شي اقتراح يراه مفيداً بشأن اللقاء ان يطرحه على المنظمين عبر رسالة خاصة او ما شاكل.و الله يوفق الجميع.

[المحروم]

بارك الله بك أخ زاهر
سجل اسمي معك

[الزاهر]

**** شروط المشاركة ......

أهم شرط هو أنه على كل مشارك في اللقاء أن يقول
تحت أي إسم يكتب في المنتدى

ولا شلووووووووون





ممممممممم..............والله يا خيي اللي بيحب يعرف عن نفسو ما منالو لا........لكن اللي ما بيحب يعرف عن نفسو ما حدا جابرو!!!.........وإلا كان ممنوع الكتيبة من اسماء حركية بالمنتدى!!!...........

[محمد أحمد الفلو]

ماشاء الله شو هالرد يا شيخي؟؟؟
والله جبت الجرّاح ارض
مشكور على هاذا المقطع
اول مرة بعرف انك مع حماس!!!!

شي مره شفتني حامل صورة عباس والا أولمرت !!!!!!!!

[أيمن غ القلموني]

أخي زاهر ، فكرة بتجنن ، حط إسمي ، وإذا إن شاء الله كنت موجود حأحضر.

[الزاهر]

أخي زاهر ، فكرة بتجنن ، حط إسمي ، وإذا إن شاء الله كنت موجود حأحضر.




عندي شرط واحد!!!.......:)

بتجيب معك الشلة كلها!!!..............من حميطون ...........مرورا بالمعلم ضاهر.............لحديت أووس!!!!.............:):):)

[مايا]

بعدين وين بك تأعد العالم!!!......عالطراب؟؟.......تخيل مثلا الشيخ رائد حليحل داعيينو ليأعد عالطراب!!!.......
سلام اخ زاهر
اذا الشغلة فيها الشيخ رائد حليحل فأنا اكيدة رح تكون الجلسة بتجنن ومفيدة عن جد محاضرتوا ما بيتعوضوا نيالكم بهيك شخص علم واخلاق وادب ونحنا نيالنا بهيك مدير

[الزاهر]

سلام اخ زاهر
اذا الشغلة فيها الشيخ رائد حليحل فأنا اكيدة رح تكون الجلسة بتجنن ومفيدة عن جد محاضرتوا ما بيتعوضوا نيالكم بهيك شخص علم واخلاق وادب ونحنا نيالنا بهيك مدير



آه لكن!!!!..............إبن العم!!!..............:)


على كل..............إذا استطعنا أن ننظم لقاء ذو مستوى ...........وندعو عليه الشيخ رائد حليحل حفظه الله .......... باعتقادي هذه خطوة مهمة!!!


لكن لنؤجل الموضوع .............موضوع اللقاء قليلا..............ريثما تهدأ الأوضاع في البلد!!!.............

فليكن في شهر آب (مثلا) إن شاء الله

[أبو النكد]

طيب فهمنا ان الأدارة تحذف كل ما ليس له علاقة بالموضوع ليش تم حذف ما كتبته و هو في صلب الموضوع
انا سألت هل ستكون هنالك اختلاط و سألت الادارة عن رضاها عن هكذا مشروع فهل في هذا الكلام تطاول على احد من الاعضاء او تهجم على احد ؟

[أمّ البراء]

مشكور أخ زاهر ع هالدّعوة بسّ للأسف أنا ما بقدر انزل ع القلمون بالصّيف..
بكلّ الأحوال شكرا لالك وأيّ شي بقدر أدّملكن ياه ما رح بتردّد!

[flauritta]

السلام عليكم.
سجلولي اسمي و ان شاء الله سأكون من المشاركين في اللقاء.

[HARD]

شو شباب وين صرنا بهل المشروع ، انا نازل على لبنان منشان هذا اللقاء المفيد :)

يالله خبرونا متى الوقت وخلوه الشهر الجاية اذا فيكم .

[Nader 3:16]

يا شباب و يا بنات شدو الهمة و يلي ما سجل اسمو يسجل...لأنو اللقاء بات قريباً جداً جداً....
و هناك مفاجآت.......و يلي ما بيتحمل مزح ما يعزب حالو و يجاي عاللقاء!!...و دووووووووووووع

[lina k]

سلام, والله فكرة حلوة .....
سجّلولي إسمي وإن شاء الله إذا كنت بلبنان وقت اللقاء بجي....:1 (44):

[الزاهر]

..:: بضع أيام ويعلن عن موعده بإذن الله ::..

[الزاهر]

بسم الله الرحمن الرحيم


السلام عليكم ورحمة الله تعالى وبركاته

أعضاء و متابعي منتدى القلمون الكرام، أنتم مدعوون للقاء الأعضاء الأول يوم السبت في الثلاثين من الجاري الموافق للتاسع والعشرين من شهر شعبان عند الساعة الخامسة والنصف بعد العصر في نادي الإيمان (فلامينغو). ويتخلل اللقاء عشاء عمل ومفاجئة ســــــــــــــــــــــارّة بانتظار الحضور :) !!!


ملاحظة: لتحديد الموعد وتنظيم لقاء الأخوات الرجاء من الأخوات الكريمات مراسلة المشرفة الأخت ساميا (أم إبراهيم) والمشرفة الأخت روعة بهذا الشأن.



نتشرف بحضوركم
أسرة موقع القلمون

[الزاهر]

الرجاء الإنتباه للتعديل الحاصل في التاريخ!!!
والحاضر يبلغ الغايب!!!
:)

[روعة]

أنا لا يناسبني قبل 30 آب :(
ما رأي الأخوات؟
ماذا لو كان اللقاء في نفس اليوم وتجلس الأخوات في الغرفة الثانية وتصلونا بنشاطكم عبر شاشة؟ ( بس عم وفّر ع حالي تحضير لإنو ما فيييييي وقت)
...
..
.

[الزاهر]

أنا لا يناسبني قبل 30 آب :(
ما رأي الأخوات؟
ماذا لو كان اللقاء في نفس اليوم وتجلس الأخوات في الغرفة الثانية وتصلونا بنشاطكم عبر شاشة؟ ( بس عم وفّر ع حالي تحضير لإنو ما فيييييي وقت)
...
..
.



شخصيا أرى أن يكون لقاء الأخوات منفصل تماما عن لقاء الإخوة ... مكانا وزمانا وفقرات!!!
وباعتقادي لا توجد فقرات في برنامج اللقاء تتطلب نقل :)


على كل ... بالنهاية هاد لقائكم .... قرروا ونحنا بالخدمة!!!

[المهند]

نحنا أجلنا اللقاء الخاص بالذكور الى يوم السبت لان يوم الجمعة هو موعد عقد قران اخ عزيز وغالي جدا,ولذلك اضطررنا لتاجيل الموعد نهارا واحدا فقط وسيكون اللقاء يوم السبت في 30 اب ان شاء الله..بالنسبة للقاء الاخوات فلا اعتقد انه بالامكان استخدام القاعة الثانية لاننا ربما نستمعلها للعشاء.. لذلك أقترح ان يحددوا موعدا منفصلا حتى يكون لقاؤهم مميزا وناجحا!!نتمنى من الاخوات ان يفرغوا لنا القاعة من كل البضائع القلمونية المعروضة بداخلها قبل بيومين من موعد لقاء الاعضاء..نتمنى ان يكون لقاء الاخوة ولقاء الأخوات مميزا ومفيدا باذن الله..:1 (1):

[яiиda]

السلام عليكم ورحمة الله وبركاته ......

يا اخت روعة انا برأيي انّو لقاءنا يكون منفصل عن لقاء الاخوة (بالزّمان و بالمكان)......بالنّهاية كلّنا مع بعضنا بدنا نقرّر بسّ وين الاخوات ؟؟؟ ما حدن عم يحكي.... بسّ والله تأخّرتو بالتّفكير بهيدا الموضوع كان لازم تقوليلنا هيكة من الاوّل يا اخت روعة كنّا فكّرنا نتفة شو بدنا نعمل لأنّو بعدين جاية رمضان.....او ازا فينا نعملو ب رمضان على العشا(بسّ في صلاة التّراويح) يا الله!!!! الا ما تنحلّ ان شاء الله .......
سلام:(

[SAHYOUN]

سجّلولي اسمي (مع انّي يمكن ما اقدر اجي)

[الزاهر]

سجّلولي اسمي (مع انّي يمكن ما اقدر اجي)



همممم ... ما بيمشي الحال هيك ... بدو يكون في عشا ... يعني بدهم الصبايا يعرفو العدد ليجهزو حالهم عليه .... مو يشترو أكل وبالآخر ينكب نصو!!!!

يعني إنتبهو عهالشغلة اللي بك تحضرو ... لازم يكون في تأكيد حضور ... لتعرفو العدد!!!


فاحسمي أمورك أخت صهيون!!! .... :)

[яiиda]

آ والله معك حقّ اخّ زاهر و يلّي ما بدّو يجاي يقول من الاوّل ...... (وما شكلو حدن بدّو يجاي غيري!! يلا معليش بنبسط مع حالي)..... ايشودا !!!!
سلام:(

[مايا]

السلام عليكم ورحمة الله وبركاته
وما شكلو حدن بدّو يجاي غيري!! يلا معليش بنبسط مع حالي ههههههههههههههههههههههههههه هيك الظاهر

[abou h]

والله يا أخي زاهر هيدي فكرة رائعة وأنا جاهز للمساعدة

[The Angel]

فكرة الأخت روعة منيحة و حلوة , و إذا ما صارت منا مشكلة يعني ...

إنتو قريروا و نحنا جاهزين بإذن الله ....

[SAHYOUN]

السلام عليكم....
لك ليش هالعصبيّة هيدي؟؟؟ والله ما بعرف..... طيّب ان شاء الله رح اجي سجّلولي اسمي....
على فكرة يا اخت انجل ازا كان اللقاء منفصل هيك احسن.... وانا هيك بفضّل .......

[Arsenic]

أنا والله عندي شغل م منشان هيك
انا ما فيني جي عاللقاء و كتير بعتذر والله لأنو الشغل بيبدي الساعة 2:00 لل 9:00..............

[Nader 3:16]

السلام عليكم..
كيفكم؟؟؟
و الله اللقاء كان بجنن مع انو ما الكل جا.....
و الى لقاء جديد في السنوات القادمة.

[الزاهر]

بسم الله الرحمن الرحيم


السلام عليكم ورحمة الله تعالى وبركاته


أجرينا البارحة مساء لقاء أعضاء منتدى القلمون الأول وتخلله فقرة تعارف ثم كلمة المشرف العام حول أهداف الموقع والمنتدى العامة والطريقة لتحقيق هذه الأهداف ... ثم كانت فقرة حوارية مع الأعضاء موضوعها تطوير المنتدى والموقع وجرى نقاش الأفكار المطروحة .... ثم أجرينا قرعة بين الحضور على عمرة إلى الأراضي المقدسة فاز بها الأخ الكريم عمر قلاوون ... ثم صلينا المغرب جماعة وأمنا الأخ الكريم محمد الفلو (حميطون) ... وبعد المغرب كانت الفترة الحرة التي تضمنت فقرة إنشادية قدمها لنا الأخ الكريم نادر والأخ أنس والأخ عمرو والأخ مصطفى .... وتخلل اللقاء دروس دبكة قدمها الأستاذ وسيم للشباب :) .... ثم كان عشاء مميز مع الشباب الطيب .....

وإلى لقاء آخر إن شاء الله ... نترككم في رعاية الله وحفظه .... والسلام عليكم ورحمة الله تعالى وبركاته.

[الزاهر]

.... وتخلل اللقاء دروس دبكة قدمها الأستاذ وسيم للشباب :) ....




وأنا من هذا المنبر أطالب اللي شفط المسبحة يرجعلي ياها فورا !!! ... :)

[AbouRajaa]

أنت تريد و أنا أريد و الله يفعلُ ما يُريد

في الحقيقة لا أستطيعُ أن أصِفَ الفرحة التي غمرتني عندما بلغني الدعوة إلى هذا المُلتقى ، الأخ عمر قلاوون حفظ الله ، و الله يَعْلَمْ كم كُنتُ توّاقاً لهذا اللقاء ، لكنَّ مشيئة الله فوق كُلِّ إرادة ، إذ تُوُفِّيَ البارحةَ زوج خالتي - أحمد علي الرفاعي- أبو أحمد - رحمه الله ، فحُجِبْتُ قسراً عن هذا اللقاء ، فَمُنِعَ جسدي من المثول بين أناسٍ أحبَّ التَّعَرُّفَ إليهم ، بيد أنّي كُنْتُ معكمْ روحاً و عقلاً
فكنت كمن قال :
الجسمُ في بلدٍ و الروحُ في بلدِ

يا وَحْشَةَ الروحِ يا غُربَةَ الجَسَدِ


و الخيرة فيما اختاره الله ، و أخيراً و ليس آخراً أبارك لأخي الحبيب و الصديق القريب و الرفيق الأريب ، عمر قلاوون على هذه الرحلة ، جمعنا الله و إياكم تحت لواء المصطفى خير الأنام .

أخوكم في الله


AbouRajaa

[الزاهر]

أعظم الله أجركم أخي أبو رجاء ... وغفر لميتكم !!!

عسانا نتلقي في مناسبات أخرى إن شاء الله !!! ...

[وسيم أحمد الفلو]

وين الصور...

[الزاهر]

رح نحط كم صورة ... إن شاء الله ... مع إني ندمت أني لم أصور بنفسي!!! :)

[Nader 3:16]

مع إني ندمت أني لم أصور بنفسي!!!

شأصدك؟؟؟؟؟ ما دليت ساعتين الك اوم صور و تعا صور وانت ما قبلت انو شبعملك!!!! قال ندم!!!...
يا عيب الشوم ....بدنا الصور و غنية سا سا من العلم وسيم.

[الزاهر]

ما هو لهذا الندم!!!

[الزاهر]

من الفقرة الحوارية

http://zaher.qalamoun.com/Forum/Pic-History/Liqa-A3da-1/Hiwar.jpg


صورة جماعية (ما فيها الكل) بعد العشاء

http://zaher.qalamoun.com/Forum/Pic-History/Liqa-A3da-1/All.jpg

[وسيم أحمد الفلو]

وين الصورة الجماعية التانية إلي فيا أنا ونادر؟

[الزاهر]

وين الصورة الجماعية التانية إلي فيا أنا ونادر؟



كيميا وفيزيا ., ماي ونار :)

ما كتير واضحين منشان هيك ما حطيتهم!!

[وسيم أحمد الفلو]

إبعتلي ياهن على الإيميل

[الزاهر]

صارو ببريدك .. شوفهم!!

[الشامي]

السلام عليكم ... كيفكم يا جماعة...

أنا أقترح أن يكون لقاء الأخوات على عيد الفطر... لا أدري مدى القدرة على تطبيق الإقتراح ...

على كل والإخوة أكيد مستعدين لتأمين ما يلزم لنجاح لقاء الأخوات الأعضاء...

لنشوف رد الأخوات ...

أخوكم:rolleyes:

[دوكر]

يا هلا بالجميع......
ياويلاي.......اديش كنت متمني كون معكن.....شكلا كانت أعدة غير شكل......يلا خير بغيرا......
بس يا شباب محدا مصور شي فيديو .......ازا مصورين حطوون.....بدنا نتفرج ع الدبكة......
و ما ؤلتولنا ايشوا العشا ؟ من حءنا نعرف من شان التقيم و من شا ازا ادرنا نجي بالسنين الجاية.......
يعطيكن العافية......
اخوكم دوكر المعوكر......

[Nader 3:16]

في مءطع فيديو بفرط من الضحك يا دوكر!!!....
بس بدك اطر الندي يءبل يحطو!!!......

[دوكر]

يا هلا بالمعلم نادر......
عنجد حطولنا هل الاشياء بعدين من ايمتن يا معلم أطر بتخبي علينا اشياء حلوة و ما بتعرضا ع المنتدى؟؟؟.......
له له له.....بلشت تروح مصداءتك يا اطر......
يعطيكن العافية ........
اخوكم دوكر المعوكر..............

[الزاهر]

تفضل دوكر بيك بعتلي شي مودم وايز زكا عن صيامك وبحطلك أد ما بدك فيديوهات!!!

:):)

[صلاح الفلو]

السلام عليكم
أنا مستعد أرفعلك ياهن

[دوكر]

يا هلا بالمعلم أطر......
اها اساتا ؤصة النت المعفن عندكن ........امتن بدو يصير عندكن نت متل لي عنا.......
يلا نطرو شويا اسا شي كم مية سنة لأدام .......بوصل ان شاء الله الدي س ل لعندكن بس نكبو نحنا.....
يعطيكن العافية .....
اخوكم دوكر المعوكر..........

[lina k]

بلا مؤاخذة ، بس من باب المونة مش أكتر في حدا من الأخوات اساه عايش ؟؟؟؟

صحيح شو صار بلقاءنا؟؟؟؟؟؟؟؟؟؟؟؟:)

[مايا]

السلام عليكم ورحمة الله وبركاته
صحيح شو صار بلقاءنا؟؟؟؟؟؟؟؟؟؟؟؟:)
شكل الأخوات نايمين بدك تنطري ليصحوا

[The Angel]

لا والله مش نايمين , بس ما حدا عم يؤل شي عن لقاءنا ... يعني وين الأخت ساميا و الأخت روعة ؟؟ على أساس منسألن, بس محدا عرف شي ...

إن شاء الله يصير هيدا اللقاء هيدي السنة ......

[Nader 3:16]

بس يا عيب الشوم عيلي سجلوا اسمائهم و ما حضروا!!!!!...
لأنو كانوا معتبرين انو اللقاء تحصيل حاصل انو ازا معنا وءت منحضر!!!!!.....يا عيب الشوم و بس!!!

[حُسَينْ ... !]

يا زاهر اسا في صورة ويني؟ الصورة لي صورتا انتا ويني ؟

[الزاهر]

يا زاهر اسا في صورة ويني؟ الصورة لي صورتا انتا ويني ؟





أعمالي الفنية الفذة لا أعرضها "كيف ما كان" ... إن لم يجهز لها متحف مخصص فلا أعرضها!!!
:)


كنتو وائفين فيها وئفة تدل على تشرذم وبناء مهدوم ... على عكس الصورة التي عرضت ... فارتئيت أن أتركها "مستورة"

[lina k]

سلام, أريد أن أعرف ما الذي حدث بلقاء الأخوات؟؟؟؟؟؟؟؟؟؟؟؟؟؟؟

[eve]

أولاً أريد أن أعرف اذا كان هناك نية للّقاء اصلاً. و من المسؤول عن اللقاء.:1 (33):

[lina k]

نحن جميعا مسؤولات عن هذا اللقاء..........
الباقي موجود في الرسالة الخاصة.

[الزاهر]

نحن جميعا مسؤولات عن هذا اللقاء..........
الباقي موجود في الرسالة الخاصة.



هاد الكلام ... :) ... ما تقوم الجذع ... نحنا منقومو !!!
إلى الأمام

[Nader 3:16]

شي كويس....بس حلوة بكرا بعد ما تمسخرنا عليهن يطلع لقائن انجح من لقائنا...هادي ؤصة!!...
عكل حال رح بشّر امي و أخواتي.......لأنن كعروني باللقاء!!!!......

[Arsenic]

هي افكرة حلوة ما بها شي ..
و إن زرعوا الجدار على رباك فقلها إن زحف العز قادم.

[Amal]

انا سأكون من الحضور بإذن الله. ولكن هل تم تحديد الوقت؟؟؟

[flauritta]

وانا كمانا سأكون من الحاضرات.:1 (22):. بس شو المطلوب منا؟؟ و بدنا تفاصيل اللقاء.......:1 (1):

[روعة]

و أنا سأكون من الحاضرات إن شاء الله
:)

[lina k]

مبدئيا تمّ الإتفاق على أن يكون اللقاء ثالث أيام العيد الساعة 5 بعد العصر.
شو رأيكن يا أخوات؟

[الزاهر]

رح نخبر أختنا بالموعد إن شاء الله ... بالتوفيق ... :)

[بحيرا]

فاتَنا اللِقَاء، علَّنا نُوَفَّقُ للحُضُورِ في لِقَاءَاتٍ أُخْرَى.


مبدئيا تمّ الإتفاق على أن يكون اللقاء ثالث أيام العيد الساعة 5 بعد العصر.
شو رأيكن يا أخوات؟
لعِلْمِيَ عيدُ الفِطْرِ يَوْمٌ واحدٌ فقط :)
نَسِيْتُم ذِكْرَ مَكَانِ اللِّقَاءِ، عَلَّنَا نُعْلِمُ المُقَرَّبَاتِ
بورِكتُنَّ وبورِكَ مَسْعَاكُنَّ
وشُكراً لصَاحِبِ الفِكْرَةِ والمَوضُوع

[lina k]

معكن حقّ ما تواخذونا نسينا نقول إنوّ اللقاء بفلامينغو.

[تحسينو]

عوافه!!!!!!!!!!!!

[تحسينو]

كمان عوافه!!! ههههههه :p

[تحسينو]

وهيدي آخر عوافه والله هههههههه
عوافه!!!
هلأ أنا سمعت إنو لقاء الشباب كان راااائع مع العلم إنو في كتير شباب عتذرو وما حضرو.....وكان الأكل جيد والشباب كفو وفّو
ماني عم بخس وبخّع بالأخوات .......بس تنشوف شبيطلع معون..... ويا حيفات عالشباب إذا بيطلع لقاء البنات أحلى من لقاء الشباب!!! .....وبالعكس كمان!!!هههههه

وأهلين وسهلين بالشباب والصباياhttp://qalamoun.com/Forum/images/icons/icon10.gif

[lina k]

سلام,بالنسبة للقاء الأخوات فهو يشمل الأخوات اللواتي يكتبن بالمنتدى وأخريات يتابعن أخبار المنتدى ويقرأن مواضيعه.لقد تمّ تحديد الفقرات التي سنعتمدها في اللقاء وإن شاء الله سيكون اللقاء الأجمل حين يتواجد جميع الأخوات مع بعضهنّ.:)

[koko 3abir]

salam 3ala amal innou nilta2a bil 3id!

[The Angel]

السلام عليكم و رحمة الله و بركاته ....

سأكون من الحاضرات , بإذنه تعالى ...

[روعة]

حتى الآن, الأخوات اللواتي أكدن حضورهن:
1- ساميا
2-lina K
3-flauritta
4- koko abir
5- the Angel
6-Amal
7- OmAhmad


بالإضافة إلى أخريات متابعات للمنتدى
وأخت صاحبة إسم وهمي لم تذكره لنا :)

بانتظار باقي الأخوات اللواتي سيحضرن ليتسنى لنا إحصاء العدد

[روعة]

Queen??
مايا؟؟
it's ha???
Rinda???
Barbie???
Abir؟؟؟
ramo tayyout???
shanzimer???
omomar???
أم البراء؟؟؟
همسة؟؟؟
أم السعد؟؟؟
اليمامة الحضرمية ؟؟؟
الفلسطينية ؟؟؟
dania؟؟؟
eman؟؟؟
nara???

ملاحظة: أضع الأسماء اللواتي أشك أنها لأخوات وكتبن عدداً من المشاركات في المنتدى

[روعة]

eve؟؟؟
Fatima???
gardinia???
حوريَّة الأقصى؟؟؟
Layaly???
line???
Luna???
malikatou lwouroud???
manar???
mariam???
mouslima???
Rola???
Sabine???
sahoura85???
SAHYOUN???
Sarah???
vegatayoute???
wishes???
فشلانة؟؟؟
za3a???
zahret el banet???
إصلاح؟؟؟
هنادي دوغان؟؟؟
shamzimer1???
shanzimer4???
shanzimer5???
shanzimer6???
shanzimer7???
soulayma???
عاشقة القلمون???
غريبة???
نور؟؟؟

(اللي كتبتن كاتبين كم مشاركة غالقليلة)

اللي بيعرف الأخوات يقلن عاللقاء :)
(اللي مسافرات, الموقع رح يحجزلن تيكونوا معنا )

إن شاء الله نكون ما نسينا حدا :)

[روعة]

ما نسيتن بس بدن مشاركة لوحدن:

nadine
أم سفيان

:)

[lina k]

سلام روعة ليكي ميشان أسماء الأخوات يليّ بدن يجو صاروا عندي:)

[lina k]

حتى الآن, الأخوات اللواتي أكّدن حضورهن:
1- ساميا
2-lina K
3-flauritta
4- koko abir
5- the Angel
6-Amal
7- OmAhmad
8-روعة
9-barbie
10-eve
11-الأمل
12-shanzimer5
13-shanzimer7
لقد راسلت العديد من الأخوات وإن شاء الله سيعطينني الجواب غدا(بالقوة رح نجيبن:)).

[الزاهر]

السلام عليكن


وكأني شايف إنو إذا بيتأجل اللقاء يومين زمان بيطلع بحلة أبها كونو بيكون عندكن مجال تحضرو وتطبخو شوية أكتر ولا شو رأيكن؟؟

كما الطبخة ... كل ما عطيتها اهتمام وحضرتلها وطبختها على نار هادية كل ما كانت طعمتها ألذ !!!

[eve]

اذا كانت Flauritta ستحضر اللقاء فأعتقد انه سكون فاشلاً:1 (32): ولا ما بدنا نأجلوا لأنو ما بكون فاضية.:1 (22)::1 (33)::1 (65):

[مايا]

السلام عليكم ورحمة الله وبركاته
الأخت الفلسطينية أكيد مش حتكون موجودة باللقاء.
اما الاخت مايا سأحاول أن أكون في اللقاء وباذن الله تعالى سأكون ( لأن جبت الموافقة لسا ناطرة تاني موافقة واكد وجودي باذن الله تعالى )

[lina k]

14-it's ha
15-مايا
16-rinda

[lina k]

تذكير: يشمل اللقاء الأخوات اللواتي يكتبن بالمنتدى والأخوات اللواتي يتابعن أخباره.
موعد اللقاء"يوم الخميس الساعة 5 في فلامينغو".وبالنسبة لفقرات اللقاء فقد تمّ الإتفاق عليها وستكون مفاجأة ممتعة بإذن الله.

[روعة]

17- Abir
18- shanzimer1
19- shanzimer6
20- oumniyet
21- Queen
22- إصلاح
23-shanzimer4

[Nadine]

ما شاء الله الله يبارك ويزيد , ان شاء الله بكون اللقاء مفيد وان شاء الله منكون معكن باللقاء القادم.

[lina k]

سلام,بالنسبة للأخوات اللواتي يتابعن أخبار المنتدى ولكنهن لسن مشاركات فعددهنّ حتى الآن "4".بإنتظار المزيد.

يعني العدد لحدّ هلّأ صار "27".

[الزاهر]

يعني العدد لحدّ هلّأ صار "27".




ما شاء الله ... :) ... لنشوف أديش منهم صاحبات كلمة ورجـــــــــــــــــــيل ....... بكرا بيدوب التلج وبيبان المرج أولة ما بيؤولو !!!


ويا حيف عالشباب إذا بيكون لقاء الأخوات أنجح ... ما هيك يا نادر ؟؟

:)

[Amal]

أشكر كل من أعد لهذا اللقاء الناجح بفضل المولى عز و جل ثم بفضل ثلة من الفتيات الطيبات. و كنت أتمنى ان تحضر جميع الاخوات. و كما نتمنى ان نرى تطبيقاً فاعلاً للأفكار التي تم نقاشها مع الحاضرات.
بالفعل مجهود آتى ثماره . لأن اللقاء اخذ طابع الجدية و الافادة و لم يكن مضيعاً للوقت بل على العكس.
و مبروك للأخت Queen على الجائزة (مع انها جاءت متأخرة بس سبحان الله على هذه الحظ).
و اشكر الاخت لينا كركر و الاخت ساميا و الاخت روعة اللواتي تعبوا من أجل انجاح اللقاء. وكذلك نشكر المنشدات اللواتي اطربننا على الاخيييير:1 (54):.وكل من حضر و للواتي رفضن الافصاح عن اسمائهنّ.
و في النهاية كل عام و انتم بخير و الى لقاء جديد على الخير بإذن الله.

[الزاهر]

شي كويس....بس حلوة بكرا بعد ما تمسخرنا عليهن يطلع لقائن انجح من لقائنا...هادي ؤصة!!...




حسب ما سمعنا وعم نسمع صار لازم نخبي راسنا بالطراب يا نادر :) !!!

[gardinia]

السلام عليكم, اولا اعتذر من عدم ذهابي إلى لقاء الأخوات فقد كنت مشغولة في الأيام الأخيرة.
و لكن الأخت لينا أخبرتني بما جرى في اللقاء, و قالت لي كم كان ناجحا. لقد تمنيت ان أتعرف على الأخوات ولكن لينا أخبرتني بأسماء الأخوات الحقيقية التي تمكنت من معرفتها. نهاية, ابارك ل "لينا"و queenوshanzimer 4 على الهدايا التي حصلن عليها.

[مايا]

السلام عليكم ورحمة الله وبركاته
باافعل كان لقاء رائع وابارك للأخوات لينا و queenوshanzimer 4
كما أشكر كل من ساهم في انجاح هذا العمل وأخص بالشكر الأخت روعة بارك الله بها .

[The Angel]

بالفعل كان لقاء مميز و الحمدلله ...
نشكر كل من ساهم في انجاح هذا اللقاء ...

و مبارك للأخت لينا و Queen و shanzimer4 ...

نسأل الله أن يعيده علينا ...

[روعة]

كان هناك هديتين للقرعة.

قامت الأختين queen و shanzimer4 لسحب القرعة.

(كنت قد أغلقت السماء مسبقاً)

سحبت queen القرعة الأولى فكانت من نصيب shanzimer4
!!!
ثم سحبت shanzimer4 القرعة الثانية فكانت من نصيب queen!!!

[روعة]

إفتتحت اللقاء أخت عزيزة بكلمات عاطرة هي الأخت Lina K.

ثم بدأنا بتلاوة عطرة من سورة آل عمران مع الأخت العضوة OmAhmad.

بعدها كانت كلمة المنتدى مع المشرفة ساميا التي حدثتنا عن حسن إغتنام رمضان وما بعده ثم تكلمت عن المنتدى وأقسامه بشكل موجز.

وجاء بعدها شعر Lina K باللهجة العامية وبلحن عذب جميل مع الأخت الغالية ديمة تبعه هديتها للمنتدى "نشيد المنتدى".


وانتقل الموضوع الساخن إلى أرض الواقع فكانت "الصراحة راحة" ونقاشات محتدمة حول أقسام المنتدى الجديدة و مدى تطبيقها على الأرض.

وعاد النغم مع أنشودة نحبها جميعاً "بالعزم والثبات" مع أختين متابعتين للمنتدى :)

ثم كان شعر Lina K و أنشودة ختامية "هل يا ترى حان الوداع" التي كادت أن تذرف دموعنا:(

وفي الختام, سلمت الأخت المشرفة ساميا هدية متواضعة للأخت Lina K عربون شكر و تقدير من المنتدى, وسحبت القرعة التي نالتها الأختين Queen و shanzimer4

وتناولت الحاضرات كاتو الشيخ وال petit four و الموالح والعصير :)

[روعة]

الحاضرات:

1-OmAhmad
2-ساميا
3-Lina K
4- Omomar
5- shanzimer4
6- shanzimer7
7- shanzimer5
8- shanzimer1
9- Omsalama
10- Noor
11- the Angel
12- Barbie
13- Queen
14- Amal
15-Flauritta
16- مايا
17- إصلاح
18- زائرة
19- زائرة
20-زائرة
21- زائرة
22- زائرة
23- روعة
24- زائرة
(وأكيد في كم عضوة تركو عضو تاني (وهمي) بالبيت وجو عاللقاء :))

[lina k]

سلام, بالنسبة للقاء فقد كان رائعاً والفضل بذلك يعود لجميع الأخوات اللواتي تواجدن فيه.وإسمحوا لي بتوجيه كلمة شكر بسيطة للمنتدى الحبيب على هديّته الرائعة:

لا أدري ما أقول فأنا دائماً أجد صعوبة في صياغة كلمات الشكر خصوصاً للمنتدى الغالي.ربما لأنني مهما كتبت سأظلّ مقصّرةً في حقّ من أهديه هذه الكلمات.ولكنني سأحاول صياغة بضع كلمات عليّ أنجح في التعبير عن شكري وإممتناني لهذا الينبوع الصافي,سأحاول نحت سطور الشكر بأشعة الشمس الذهبية,فكيف لا أفعل ذلك لمنتداي الحبيب الذي أتمنى له التقدّم والإرتقاء.ولكن لا يمكنني سوى قول"شكراً لكم...........".


ولو أنني أوتيت كلّ بلاغة




وأفنيت بحر النطق في النظم والشعر
لما كنت بعد القول إلاّ مقصّرةً




ومعترفةً بالعجز عن واجب الشكر


:1 (32):

[Warrior]

الله اكبر هذا لقاء منو متل لقاء الشباب ! ....................

مبروك لكل الاخوات على انجاح هذا اللقاء الجميل والمفيد هذا كما تخيلته من الكلام السابق .

وشكرا للمنتدى على تكريم الاخت lina فعلا بتستاهل .

ومبروك للاختين ......كمان بيستاهلو........ شو هل الصدفة الحلوه .

المهم كل عيد وانتم بخير وان شاء الله ينعاد هذا اللقاء على عيد الاضحى .



ملاحظة: مافي صور للقاء يعني ؟.

[Nader 3:16]

اي الف مبروك.

وعقبال يا واريور ما تجاي المرة الجاية!!!...لأنو حضرتك كنت بلبنان و تخلفت عن اللقاء.
و بعدين يا اخ زاهر من قال انو لقائنا لم يكن ناجحاً....كان ناجحاً و كان بالامكان ان يزداد في النجاح لو ان بعض الاخوة قد حضروا...

[lina k]

الله اكبر هذا لقاء منو متل لقاء الشباب ! ....................

مبروك لكل الاخوات على انجاح هذا اللقاء الجميل والمفيد هذا كما تخيلته من الكلام السابق .

وشكرا للمنتدى على تكريم الاخت lina فعلا بتستاهل .

ومبروك للاختين ......كمان بيستاهلو........ شو هل الصدفة الحلوه .

المهم كل عيد وانتم بخير وان شاء الله ينعاد هذا اللقاء على عيد الاضحى .



ملاحظة: مافي صور للقاء يعني ؟.

لدينا صور ثابتة وفيديو ولكن نفضّل الإحتفاظ بها وعدم عرضها:)ولكن ستحاول الأخت "روعة" وضع صورة تظهر من خلالها كيف قمنا بترتيب الكراسي و.........إن شاء الله يظبط معها.

شكرا لكم على مجاملتكم........
سلام...........

[أيمن غ القلموني]

وجاء بعدها شعر Lina K باللهجة العامية وبلحن عذب جميل مع الأخت الغالية ديمة غنوم تبعه هديتها للمنتدى "نشيد المنتدى".

[الزاهر]

بعض من الصور للقاء الأخوات كما وصلتنا من المنظمات:



http://www.qalamoun.com/cpg1410/albums/userpics/10004/Liqaa-Akhawat-2008-2.jpg



http://www.qalamoun.com/cpg1410/albums/userpics/10004/Liqaa-Akhawat-2008-1.jpg



http://www.qalamoun.com/cpg1410/albums/userpics/10004/Liqaa-Akhawat-2008-3.jpg

[الفلسطينية]

بتمنى بس تتحرر فلسطين ووتكسر الحدود بكون معكم شكل اللقاء كان حلوووووووو

[Warrior]

صور حلوة مبروك

[lina k]

شكرا الله يبارك فيكن وشكرا للأخوات على هالصور الحلوة بس والله الهدية بالحقيقة أحلى من الصورة:)

[ساميا]

السلام عليكم ورحمة الله تعالى وبركاته
أشكر المولى تبارك وتعالى على توفيقه وفضله ثم أشكر كل من كان له فضل أو مساهمة مباشرة أو غير مباشرة في إنجاح اللقاء من إخوة وأخوات، كما لا يفوتني التعبير عن خالص الإمتنان لكل من شاركتنا مجلسنا وجادت علينا برأي أو نصيحة أو إقتراح...

[Nader 3:16]

يا اخوات نريد الكلمات تبعون نشيد المنتدى لو سمحتو.

[lina k]

يا اخوات نريد الكلمات تبعون نشيد المنتدى لو سمحتو.

حسناً,هو عبارة عن نشيد بسيط:


نشيد المنتدى

حمداً لك يا ربّنا
بالدين قد هديتنا
بالعقل قد نوّرتنا
وميّزتنا على الباقينْ


سنمدُّ للغير اليدا
خيراً ونوراً وهدى
ومن خلال المنتدى
نحاور كلّ المسلمينْ


علمُنا هو السّلاحْ
يُميّزنا بين الأنامْ
لنرفع راية الإسلامْ
ونهدي كلّ الفاسقينْ


هذه الوعود منا لكمْ
فلتسمعوها جميعكمْ
ولتحفظها عقولكمْ
لتكونوا عليها شاهدينْ


نحن الشباب العربْ
تاريخنا لنا شرفْ
وسيبقى على مرّ الحقبْ
نوراً بفضل المؤمنينْ


وقد إفتتحنا اللقاء بشعر عاميّ بسيط:


ترحيب

أهلا وسهلا بالكرامْ
صبايا وختيارية
إلهُم منيّ أحلى سلامْ
ومْحبِة جماعية
بديّ رحّب بالضيوفْ
بْزغرودة حضارية
بديّ أشكر الألوفْ
عَوجودن حواليي
لمّن بِتطلع ما بشوفْ
إلاّ نجوم سماوية
حيّا يا كلّ الأحبابْ
بهالأعدة الأخوية
إلكُم منيّ أحلى كلامْ
وبألبي الأفضلية
ووجودكن من الأسبابْ
لبتخليّني هنيّة
بديّ حيي الغواليْ
وإهديهم من أشعاري
بديّ حيي خلاّنيْ
بالطريقة الهندية
وإرفع صوتي للعاليْ
وأشكركم بحريّة
وعدي إلكُم بباليْ
وإلكُم رح كون وفيّة


وأيضاً مع شعر شعبيّ:


ختيار وختيارة


خِتيار وخِتيارة
رِجعوا لهالحارة
ليشوفوا أخبارا
فإنصدموا فيها


شافوا فيها الفسادْ
بالشباب والبناتْ
وتذكّروا زمانْ
فتحسّروا عليها


شافوا الأرض دِبلانِة
وللحشيش فِقدانِة
ولِئيوها عطشانِة
فبكوا عليها


نِدموا على الإيّامْ
وعلى غدر الزمانْ
واتمنوا لو ما كانْ
وما تعرّفوا عليها


كلّ شعر من هذه الأشعار كان له لحنٌ خاص.

[Nader 3:16]

مرسي.
رح نحاول نعيد تلحين اول واحدة .

او قوليلنا بتشبه نغمة ايا انشودة.

[lina k]

والله ما عندي فكرة عن المقامات وأنا لمّن كنت عم ألّفن طلع معي اللحن هيك.على كلّ يمكن فيك تسأل الست"amal"يمكن بعدا متذكّرا كيف كان اللّحن.(لحنن ما بيشبه ولا لحن أنشودة بعرفا:)).
كنت بعد كلّ مقطع قول"تَمْ تَتَمْ تَتَمْ تَتَمْ" ما بعرف إذا بتفيدك؟؟؟؟؟

[Warrior]

والله ما عندي فكرة عن المقامات وأنا لمّن كنت عم ألّفن طلع معي اللحن هيك.على كلّ يمكن فيك تسأل الست"amal"يمكن بعدا متذكّرا كيف كان اللّحن.(لحنن ما بيشبه ولا لحن أنشودة بعرفا:)).
كنت بعد كلّ مقطع قول"تَمْ تَتَمْ تَتَمْ تَتَمْ" ما بعرف إذا بتفيدك؟؟؟؟؟

شكرا اختي lina على هذا النشيد المميز .

وهذه نبذه عن المقامات مع الامثلة بالصوت شي رائع فعلا اتترككم مع الامثلة :




لحفظ أي ملف صوتي, اضغط اسم الملف الصوتي بالزر الأيمن ومن ثم اختر

Save Target As


مقام الصبا (http://www.qoranway.com/nasheed1/saba.mp3)

مقام النهاوند (http://www.qoranway.com/nasheed1/nahawand.mp3)

مقام العجم (http://www.qoranway.com/nasheed1/ajam.mp3)

مقام البيات (http://www.qoranway.com/nasheed1/bayat.mp3)

مقام السيكا (http://www.qoranway.com/nasheed1/sega.mp3)

مقام الحجاز (http://www.qoranway.com/nasheed1/hijaz.mp3)

مقام الرست (http://www.qoranway.com/nasheed1/rast.mp3)

مقام الكرد (http://www.qoranway.com/nasheed1/kurd.mp3)


المصدر : http://www.qoranway.com/nasheed.html

[lina k]

شكرا يا أخ "warrior" سوف أستمع للمقامات وإن شاء الله يمشي الحال.

[فرح]

السلام عليكم .....كيف الجميع؟؟؟
بحب إشكر أولا الأخت لينا على اللقاء الناجح و الجميل:)....
و الأخت ساميا على الكلمة الجميلة التي ألقتها....
و طبعاً أشكر الأخوات جميعاً على إنجاح اللقاء...
و أعتذر عن التأخييييير....
و مشكوريييييين جميعاً على التعليقات و التهاني...و الله يبارك فيكن و يجزيكن كل خير:)....
يلي إلو نصيب ب شي..لو تأخر أو لأ..سبحان الله..بدّو ياخدو:)...ألف شكر على الجوائز..كتيييير حلويييين...
و إن شاء الله نجتمع بلقاء آخر و بيكونو الجميع من الأخوات موجودين..و بيكون أنجح..
و إزا حدن من الإخوان الشباب بيحب ياخد نصائح من فاخامتنا..عن كيفية إنجاح اللقاءات..ف منحاول نخصصلكن وقت و نساعدكن...حرام الناس لبعضى..مش هيك يا بنات؟؟؟ شو رأيكن؟؟؟...
يللا بدّي إستأذن من الجميع..و أن شاء الله نتابع لاحقاً....:)
و الله يعطيكن ألف عافية...
و السلام عليكم و رحمة الله و بركاته:)

[Nader 3:16]

مشكور يا واريور.
ودروس الترمذي مفصّلة و مفيدة أكثر من دروس الحلاق. مع العلم انو هذه فقط المقامات الاصلية و هناك الكثير من الفروع و تعلمها ليس بسيطاً. و لكن كثرة الاستماع ممكن تفيد بشكل كبير.

وبالنسبة لكوين الفضل لله ثم الفضل لنا الشباب بإنجاح لقائكم لأنو لو ما نحنا دلينا عم نحرضكم و نزبطلكم الامور ما كنتو بحياتكم رح تعملو شي.