هل الفتاة الغير محجبة تقبل الزواج بشاب ملتزم؟؟

[Nadine]

السلام عليكم ورحمة الله وبركاته.....


من موضوع هل لازم الشب الدين ياخد واحدة محجبة ؟؟؟ حبيت اني افتح موضوع جديد وهو هل الفتاة الغير محجبة تقبل الزواج بشاب دين...

انا لا اقصد بالفتاة الغير محجبة اللي اهلها ما بيخلوها تتحجب وما بعرف شو من هالحكي اللي بنظري ما الو معنا ,, لانو ليش ت حتى نقول اهلا ما بيخلوها ,, لان قال تعالى : { وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون } لقمان / 15
يعني فيها ما ترد على حدا وتتحجب ...

انا اقصد الفتاة الغير محجبة وما في شي بيمنعها من الحجاب ,, بس هيه بنفس الوئت مسلمة يعني من الضيعة ,, بتقبل تتزوج شاب ملتزم اذا بيتقدملها؟؟؟؟؟؟؟

[الزاهر]

حسب أديش في برصيدو!!!.........:)

[محمد الكوسا]

اولا بيصرلها و بيشرفها انو واحد دين يطلع فيها اذا اتطلع!!!!
تانيا هالنوع من البنات بيكون مادي كتير
تالتا هي رح ترفض غالبا لأنها ستكون مرتبطة بعلاقة مع شي شاب!!!
إلا اذا كان الشب الدين غني ساعتها بتلهفولهف و بتتحجبلو وبتترك اما ميشانو!!!!!
فاحذرو ايها الشباب من هكذا افاعي!!!!!

[Barbie]

السلام عليكم ,

بظن إنو بالحياة ما في شي كامل , و بالتالي مفي شي بكون 100% ....

في بنات منون ملتزمات , و بكونو بعاد عن الدين كتير و يمكن تفكيرن مادي ....بس الأفضل ندعيلن , أحسن من إنو نلقبن بالأفاعي أو ما شابه .
و من جهة تانيه ,
ما بيخلا الأمر من بنات مش ملتزمات , بس بنفس الوقت ما بكون بعدن عن الدين إلا بسبب محيطن و أهلن ....و جهلن ..الله يهدينا .
و بكون قلبن و أخلاقن مفي منها , بس لغفلة بتفرض علين هل الوضع .

أكيد ما قصدي إنن على صواب , بس لي قصدي من الحكي , إنو يمكن كتير يتقبلو الحكي . و بنصيحة ممكن الله يفتحلن قلوبن للإيمان .


و يقبلو الإرتباط من شخص دين و على خلق . و ساعتها بيتغيرو للأحسن , إن شاء الله .

[محمد الكوسا]

السلام عليكم ,

بظن إنو بالحياة ما في شي كامل , و بالتالي مفي شي بكون 100% ....

في بنات منون ملتزمات , و بكونو بعاد عن الدين كتير و يمكن تفكيرن مادي ....بس الأفضل ندعيلن , أحسن من إنو نلقبن بالأفاعي أو ما شابه .
و من جهة تانيه ,
ما بيخلا الأمر من بنات مش ملتزمات , بس بنفس الوقت ما بكون بعدن عن الدين إلا بسبب محيطن و أهلن ....و جهلن ..الله يهدينا .
و بكون قلبن و أخلاقن مفي منها , بس لغفلة بتفرض علين هل الوضع .

أكيد ما قصدي إنن على صواب , بس لي قصدي من الحكي , إنو يمكن كتير يتقبلو الحكي . و بنصيحة ممكن الله يفتحلن قلوبن للإيمان .


و يقبلو الإرتباط من شخص دين و على خلق . و ساعتها بيتغيرو للأحسن , إن شاء الله .

بس انا اقصد نوعا محددا هو النوع الذي يعرف بالحجاب و مقتنع به ولكنه جاحد به
وللأسف في هذه الأيام هو النوع الذي سيطغى بسبب بعدنا عن الدين
لا يخلو الأمر من فئة غير محجبة و لكنها طيبة الأصل ولكن اذا قرأت بداية الموضوع تعرفين ان النوع الذي نتحدث عنه هو النوع الخبيث

[яiиda]

اولا" مشكورة كتير اخت نادين على الموضوع ......... تانيا" البنت احسن الها انّو الشبّ يكون ديّن بعدين ما في حدن كامل ..... وبعدين حسب رأيها للبنت لأنّو ما حدن في يغصبها على شي وحسب عقلها\....سلام

[lina k]

السلام عليكم ورحمة الله وبركاته.....





من موضوع هل لازم الشب الدين ياخد واحدة محجبة ؟؟؟ حبيت اني افتح موضوع جديد وهو هل الفتاة الغير محجبة تقبل الزواج بشاب دين...


انا لا اقصد بالفتاة الغير محجبة اللي اهلها ما بيخلوها تتحجب وما بعرف شو من هالحكي اللي بنظري ما الو معنا ,, لانو ليش ت حتى نقول اهلا ما بيخلوها ,, لان قال تعالى : { وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون } لقمان / 15
يعني فيها ما ترد على حدا وتتحجب ...



انا اقصد الفتاة الغير محجبة وما في شي بيمنعها من الحجاب ,, بس هيه بنفس الوئت مسلمة يعني من الضيعة ,, بتقبل تتزوج شاب ملتزم اذا بيتقدملها؟؟؟؟؟؟؟


السلام عليكم:

أولا أريد أن أشكر الأخت نادين على هذا الموضوع.ولكن لديّ تعليق بسيط على ما قلتي وعلى باقي الردود :
1-بالنسبة للكلام الذي تفضّلتي بقوله أنّ الفتاة التي ترغب بإرتداء الحجاب يمكنها القيام بذلك رغم معارضة أهلها....ولكن كيف؟أنا لا أعطيها التبرير ولكن يجب أن نضع أنفسنا بمكانها فهذا الموقف صعب للغاية.وفي حال عارضت الفتاة أهلها وإرتدت الحجاب رغماً عنهم هل تستريح هي عندها؟بالنسبة لي لو كنت مكانها لما إسترحت أبدا.وأعتقد أنّ الحلّ لهذا الأمر هو التعامل مع الأهل بلين والدعاء لله عزوجل أن يهديهم عندها أرتدي الحجاب.صدقوني,لا تعتقدوا أنّ الفتاة التي يحرمها أهلها من الحجاب سعيدة بل هي بالتأكيد تدعو ربها ليلا نهارا لتحققّ أمنيتها لذلك لا يجب أن نستخفّ بالظروف والمآسي التي تمرّ بها الفتاة.......والله الميسّر.....
2-بالنسبة للموضوع فأنا وبصراحة لا أفهم لماذا قد ترفض الفتاة الإرتباط بشاب ملتزم؟؟؟وأعتقد أنّ هدف 90% من الفتيات المسلمات سواء محجبات أم لا الإرتباط بشاب خلوق يحترمهنّ ولا يمكن للشاب أن يكون كذلك ما لم يكن ملتزما بالأخلاق الإسلامية.وحسب رأيي,وعلى صعيد القلمون فهناك الكثير من الفتيات غير المحجبات إرتبطن بشباب ملتزمين وتحجّبن بعد ذلك.....وهذا خير دليل أن الفتاة ليس لديها مشكلة مع هذا الأمر....أما القسم الآخر من الفتيات10%فهنّ تائهات ضائعات ولا يمكن مساعدتهنّ إلا بالدعاء,لأنه وبالتأكيد هناك ظروف قاهرة حوّلتهن....
وعلينا أن نتذكّر جيدا أنه ما من إنسان كامل....
اللهم ساعدنا أجمعين......

[الزاهر]

السلام عليكم ورحمة الله وبركاته


بدأت تتكون فكرة عن توجه الموضوع قليلا

بداية بالنسبة لقضية حجاب الفتاة بدون موافقة أهلها فيجب التفريق بين حالتين: الأولى في حال معارضة الأهل لذلك قولا فقط..........ففي هذه الحالة يمكنها أن تمضي قدما وسيتعود الأهل على الحالة الجديدة مع الوقت........وهم عندما يرون أثر الحجاب على تصرفاتها وتعاملها معهم سيتغير موقفهم منه ومنها تماما
الحالة الثانية هي الحالة التي يكون من الأهل معارضة......قولا وعملا..........كأن يترتب عليها عنف.......أو طرد أو أو أو ........وهي موجودة وعندنا مثال عليها......ففي هذه الحالة هناك حل واحد.......بأن تخرج البنت من بيت أهلها......لبيت زوجها!!!!.......

أما بالنسبة للأمر الأصل في هذا الموضوع..........هل الفتاة الغير محجبة تقبل الزواج بشاب متدين؟؟

سأجاوي على السؤال بسؤال !!!!.............

هل من فتاة ترفض صاحب الخلق الرفيع........الأمين .........الصدوق..........الوفي..........المحب..... ....العادل...المتعلم صاحب الفكر ............المطلع.........صاحب التجربة.....إلخ إلخ ...........ولو كانت حاله يسيرة؟؟...........شب لأطة!!!!


بالتأكيد كلا..........

والأصل في الشاب الدين أن يتصف بهذه الصفات..........لكن وللأسف.........ولا استثني نفسي...........أدعي أن مجتمعنا القلموني يفتقر (موجودون لكنهم نوادر) لهكذا نماذج........

فهل نعتب على فتاة إذا نفرت من "الدينين" إذا أتاها الخاطب تلو الخاطب........كل واحد دأنو للأرض.........لكن هذا مشهور بالمكر...........وذاك معروف عنه الخيانة..........وذاك علم في الخداع..........وذاك وذاك وذاك!!!!!

وللأسف ..........للأسف.........كثير (لكن ليس الأغلبية) من الدينين عندنا في القلمون...........عندهم من منقصات المروئة ومن نواقض الأخلاق الإسلامية الكثير.........إن كان في التعامل مع الناس ...........أو في المبادء والأفكار التي يحملوها......

فهل نعتب عندئذ على الفتاة إذا رفضت ذلك الخاطب الدين!!!..........

هذه الحالة السهلة.............أما الحالة الصعبة عندما يأتيها من تمم الله عليه معظم صفات الشاب الدين المسلم........فترفضه سواء بسبب التزامه ............(ولك بالنائص منها..........وأصلا أنا بستصعب هيك شب يجرب يجس نبض هيك بنت من الأصل!!!)............أو بسبب فقره .........(لك الرزق من الله.....وما حدا رح ياكل نجاصة زيادة عن المكتبلو!!!)............أو بسبب عدم انسجام بينهما........(ربنا خلق الناس مختلفة..........وأكيد هي رح تلائي مين تنسجم معو.......كذلك هو رح يلائي اللي رح ينسجم معها..........في كتير عالم بالدنية والحمد لله!!!!)..............أو بسبب أو بسبب............

فالأصل أن الفتاة التي تعلم مصلحتها بالعادة لا ترفض الشاب الدين..........الملتزم بدين الله...........إلا إذا كان الخاطب "متدين" بالإسم بس!!!

(لم أفرق في السياق بين "الدين" و"المتدين"........وقصدي فيهما الملزم بالدين....)


صوبوني إن أخطأت..........


السلام عليكم

[Nadine]

يعني بنستخلص من الافكار انو البنت ممكن تقبل تتزوجو مش على اخلاقو ولانو ملتزم , بل من شان مصرياتو ...

والاخت باربي قالت ممكن تتزوجو اذا كان ملتزم وترجع تلتزم هيه كمان,, وانا برأي انو اذا ما كان اولة بقية الاعضاء رصيدو مليان ما بتتزوجو....

اديش عنا بالضيعة شباب ملتزم بس على اد حالن وما عم يقدرو يتزوجوا من الضيعة ؟؟؟ والسبب هوا انن على ادن


شوفو اديش شباب ملتزم اضطرو انن يتزوجوا من برات الضيعة والسبب انو متأكدين انن مش رح يقدرو يتزوجو من بنت الضيعة...

لذا انا فتحت هالموضوع من شان نعرف البنت بدها تتزوج الشاب على اخلاقو ولا على مصرياتو؟؟؟

[أيمن غ القلموني]

شوفو اديش شباب ملتزم اضطرو انن يتزوجوا من برات الضيعة والسبب انو متأكدين انن مش رح يقدرو يتزوجو من بنت الضيعة...





إللي مني فاهمو إنو لش عاملينا مشكلة إذا الشب تزوج من برا القلمون ؛ الأهم إنو يفتش أولا بالقلمون ، إذا عجبو شي فتاة بيتقدم وإذا صار نصيب فالحمدلله ؛



هلأ إذا سعى إنو يخطب من القلمون وما ظبطت لأنو فقير فساعتا الحق على الفتيات ، الشب منو خسران الله بيعوض إن شاء الله والفتيات يدلون مدلعين ببيت إهلون .



هلأ إذا ما عجبو حدا ، عقلو مميز ، فساعتا يفتش إن شاء الله بالصومال أو بآسام ( ولاية شرقي الهند ) أو بأبخزيا ، المهم مسلمة وقنوعة وعقلا على عقلو.



بالنهاية ، أكيد لازم الشب يفتش بضيعتو أول الشي ، ويسعى يخطب بس كل شيء قسمة ونصيب.

[ramo]

لك كلن بهالإيام ماديين كتير و ما بينحكا معن و ما بئدرو ظروف الشباب و بدن يحملون كل المسؤليات.........

[hadid]

فعلاً !!!

أنا مني مع إنو الواحد يفتش بضيعتو وإذا ما لقي بفتش برا ضيعتو

يعني تنفترض واحد لقي وحدة بالضيعة ووحدة برا الضيعة بس مال قلبو ليلي من برا الضيعة أكتر ...

بعدين بحد من الأمراض التناسلية ...

وأنا متل مني شايف في كتير ناس عم ياخدو من برا الضيعة يمكن تحتا يحدو من القول والقيل وما يعلقو بلسان الناس ... ويمكن لأنو متل ما قال الأخ رامي إنن ماديين كتير ... وبعدين في شغلة إنو بالضيعة عنا صاير في هجرة وهيك قصص ...

بس إنو الواحد يرطبط بأهل ضيعتو هيدي منها لا من الدين ولا من شي وأنا بعرف إنو في قصة لأحد الصحابة شجع فيها على نكاح الأجنبية كرمال الأمراض التناسلية...

سلام

[اليمامة الحضرمية]

بحس أنو في منن بيقبلو وفي منن لأ (عمإحكي بشكل عام مش بالقلمون خاص)

في منن بيتمنوا لأنن رغم إنن هن مش متدينات وملتزمات بس بيعرفوا أنو الشب الملتزم ما بينخاف منو

خصوصاً بهالزمن يلي مليان خربانيين
(يا رب نجينا)

الله يهدي الجميع

[الزاهر]

بس إنو الواحد يرطبط بأهل ضيعتو هيدي منها لا من الدين ولا من شي وأنا بعرف إنو في قصة لأحد الصحابة شجع فيها على نكاح الأجنبية كرمال الأمراض التناسلية...

سلام


أمر غفلت عنه أخ هادي وهو "العادات" ... تخيل كم هو صعب بعد سنوان من الارتباط أن تكتشف عادة تكرهها منها لم تظهر لك من أول الارتباط (والعكس صحيح) ... أهل البلدة الواحدة ... ثم أهل الساحل مثلا ... ثم أهل البلد ... تربطهم عادات مشتركة ... في بعض الأماكن تختلف النظرة لها ... فبعض عادات أهل الساحل يكرهها أهل الجبل .. والعكس صحيح .. وعادات بلد يمكن أن يكرهها أهل البلد المجاور ... فعندما تجد من ترتضي دينها وخلقها ووو .. من أهل بلدتك ... تتماها عاداتكما مع بعض أي تربح عاملا إضافيا يرسخ العلاقة والتفاهم بين الطرفين ...

[مايا]

السلام عليكم ورحمة الله وبركاته
ليش اذا الفتاة طلبت ان يكون لها شقة مستقلة بعيدة عن مشاكل الاهل يقال عنها مادية أليس من حقها ان تعيش مستقلة وتبدأ حياتها بنفسها ؟

وبالنسبة لجواب الاخت نادين
اذا كانت الفتاة نفسها ترجع للصواب وللحق بتاخد واحد ملتزم اما اذا كانت ما بدها ترجع لعقلها بتأيبل على واحد جهلان متلها والله يهدي الجميع ..........