هل الخطأ من الاهل ام من البلدية؟

[Nadine]

السلام عليكم ورحمة الله وبركاته,

اولا الموضوع وبكل اختصار هو حول قصة الطفل ريان الذي توفي من كم يوم, والله قصة اثرت فيني كثيرا, يمكن لانو بعمر ابنتي الله يحميها وصرت اتخيل اشياء .

لماذا نترك اطفالنا في عمر لا يتجاوز السنتين في الشارع ؟

لماذا لا يوجد الاهتمام الكبير في هذه الامانة التي ارسلها الله سبحانه وتعالى لنا؟

ليش الطريق كلا ولاد صغار عم يركضو ويلعبو بالشارع بين السيارات؟

الشارع بالضيعة ضيق وصغير ومنلاقي السيارة عم تطير متل النفاسة , لوين معجلين؟؟ لوين بدكن توصلو؟؟

ليش البلدية ما بتحط طبات بكل فشخة من فشخات الطريق حتى ما تقدر السيارة تسرع بالمرة؟؟؟

يا عالم فيقو , وانتبهو ع ولادكم قبل فوات الاوان , الطفل ريان كان عبرة لكل ام حتى تعتبر.

لا قال شو كانت اختو ايدتو !!!!! ومتل ما سمعت انو اختو بعمر لازم حدا يايدها, لانها كمان صغيرة...

بالنهاية قدر الله وما شاء فعل...

بس عنجد لازم نلاقي حل لهل القضية...قضية خطيرة ومهمة ... يعني الولد امانة لازم ننتبه عليا اد ما منقدر وزيادة.... وياريت كل ام تكون هيه المسؤولة عن اولادا وما تخلي اختو للولد تنسأل عنو...

ملاحظة: اذا بيصير هيك هون بهالبلاد بحطو الام والاب بالحبس وبياخدو باقي الاولاد وبيعطوهم لعيلة تانية تربيهم ...

[HARD]

قدر الله وما شاء فعل .

[المحروم]

ان وم جهة هذا قضاء الله وقدره يعني مافي حق على احد

[Nadine]

اكيد قدر الله وما شاء فعل ...

اعتقد انكم عم تفهموني خطأ , الموضوع هو لمعالجة قضية تأمين الحماية للاطفال, كل اطفال الضيعة ,, انا برأي التقصير من قبل الاهل والبلدية.

يعني لما البلدية بتحط طبات بكل فشخة من شارع الضيعة , هالشي بقلل من خطر الحوادث.

ولما الاهل بكونو ايدين ولادن , كمان هالشي بقلل من الخطر.

انا مش عم ناقش موضوع عيلة واحدة بالضيعة.. بل عم احكي بالاجمال , قضية من القضايا اللي تحتاج لمعالجة فقط....

[الزاهر]

,, انا برأي التقصير من قبل الاهل والبلدية.



كذلك رأيي منذ البداية لكن فضلت التريث قليلا (وأكيد رأي الكل)


المهم أني أدعي أن الحل لهذه المشاكل هو تواجد عناصر الشرطة الدائم والمستمر يتجولون في البلدة لدرء المشاكل والمخالفات وتنظيم وتيسير أعمال الناس

لكن للأسف ليس عندنا عناصر تكفي...........والعناصر الموجودة شغلتها يا شوفير الرئيس يا مساعد بشي شغلة ما لها علاقة بالشرطة!!!...........

يعني أبل ما يصير الشرطة عنا لها شخصية معنوية مستقلة "نوعا ما" عن البلدية وعن السياسة لن يكون هناك حل أبدا!!!!!...............للأسف!!!

والسلام عليكم

[omomar]

السلام عليكم ورحمة الله وبركاته بارك الله بك اخت نادين كلنا نفكر بنفس الموضع وكلنانقول قدر الله و ما شاء فعل ولكن نقول ايضا اعقل وتوكل يعني كلنا مر اولادنا بهذه المرحلة وهذا العمر وكل من عنده هذا العمر يعلم ان الولد يكون اهوج كثيرا يعني حتى نحن الاهل نكون كما يقال بعشرة عيون حتى لايحدث للولد مكروه ولكن ما يختلف عندنا اخت نادين انه لايوجد اماكن خاصة للعب الاطفال لذلك نرى اكثرهم يلعب بالشارع (وهذا شيء غير مقبول نهائيا)ونلفت نظر البلدية الى العودة لاغلاق طريق الملاهي اثناء لعب الاولاد ونحن مقبلون على شهر الصيف فيا حبذا لو يجدوا لنا طريقا لركب الدراجة التي نلحظها كثيرا في هذا الفصل ويا ما الله بيستر وبيوقع عليك كتير من الاولاد يركبون الدراجات .ونلفت الانظار الى اننا لانزكي انفسنا فنحن كأمهات نضطر احيانا لبعث اولادنا لوحدهم الى المعهد او الى المسجد ( لانه بشكل عام الرجل القلموني اما بالقهوه او بالعمل الاسلامي او.........) كما نعاني كامهات اذا قررنا ان نلعب اولادنا ان نركض وراءهم حتى لا يصيبهم مكروه . ونعود معكم ان شاء الله للمشاركة بالموضوع عندما تسنح لنا الفرصة ان شاء الله.

[jawad]

أحب أن اشكر الأخت نادين على هذا الموضوع وأنا بلحقيقة فكرت بهذا الموضوع منذ حادث إبن أختي ريان . وانا بدوري اضم صوتي إلى صوت الأخت نادين واظن إنو على البلديه إن تقوم بوضع مطبات على كل شوارع البلدة.وهنا أحب التوضيح إنو وضع مطبات بشكل لا يسمح لأي سيارة من تجاوز سرعة معينة وليس وضع مطب ويحد في كل شارع .ووضع لافتات تحدد السرعة وانا برأيي المتواضع إنو تكون السرعة بين 20kms و40kms حسب المنطقة . مع الإشارة إنو حادث ريان لم يكن بسبب السرعة ولكن الحيطة واجب .اتمنى إنو تكون وصلت هل فكرة .واحب أن أقول إنو أنا مع أي فكرة تهدف إلى حماية الاولاد أو الاطفال.ولكن بالنهاية لا يصيبنا إلا ما كتب الله لنا .

[وسيم أحمد الفلو]

لا أظن أن وضع المطبات بكثرة هو الحل الصحيح (وما هو موجود منها يكفي)، ولكن الحل هو التشدد من قبل البلدية بقمع مخالفات السرعة... وأسماء الأشخاص الذين يقودون بسرعة معروفون لدى الناس ولدى البلدية، وعندما ترسل البلدية ضبطاً بهؤلاء عند كل مخالفة لا أظن ان أحداً منهم سوف يخالف بعد الآن.

وإذا لم تقم البلدية بدورها هذا، فإن إيقاف أحد من هؤلاء وضربه أمام الناس جميعاً لسرعته المفرطة أو تكسير سيارته سيشكل رادعاً لهؤلاء.

والسلام عليكم

[أنس دنكر]

قدر الله ما شاء فعل، رحم الله الطفل ورحم الله أموات المسلمين جميعا.
تعليقا على هذا الموضوع أضم صوتي إلى الأخ وسيم فلو، إن المطبات الكثيرة ليست هي الحل، إنما الحل بتوعية المارة و بتقليل وجود السيارات في الضيعة وخصوصا الغرباء الذين يأتون من خارج الضيعة للكزار بالسيارة والتباهي أمام البنات بالتشفيط والسرعة.
واللوم لا يقع على البلدية بموضوع الكزار بل على أهالي الضيعة أنفسهم الذين نشروا هذا العمل (الكزار المفرط)حتى أصبح عادة أو واجبة إلى درجة إنعدام الحياء عند الشباب والبنات، وأقدر أن وفات الطفل إنما هي رسالة من الله عزوجل إلى المكزرين الذين انعدم عندهم الحياء. بأن يتعظوا ويعود إلى ربهم فلا تدري متى يأتيك قدرك........ وبماذا تقابل ربك عندها !!!!!!!!!!!
فهل من مدرك أو متعظ؟؟؟؟!!!!!!!!!!!
لكن لا حياة لمن تنادي!!!!!!!!

[hadid]

آخ شوها الرد الموضوعي يا أخ أنس!!!
أنا برأيي إنو الناس بتحمل شوية مسؤولية لكن القسم الأكبربتتحملوا البلدية يلي إذا ما نظمت السير ما بعرف لشو موجودة وبشو عما يضيعوا وقتهم....
هيدول يلي بطيروا على الموتورسيكلات ورجال الأعمال يلي بصورخوا بأضبق الطرقات تحتا يلحقو مواعيدهم مين بدو يوقفن عند حدهم... وبكون فوق هيك عابس وملعلع صوت الأغاني الأجنبي يلي مانو فاهم كلمة من حكيهم (بكون مكحوش من المدرسة من الصف الرابع) هيدول يمكن أنا لازم إعمل شرطي سير علين وإتحمل مسؤوليتهم مهيييك!؟
الله يهديهم جميعاً قبل مايفوت الأوان ويرحلوا شي ولد تاني
والسلام عليكم

[jawad]

والله يا أخ أنس أنا معك بالنسبة إلى تقليل وجود السيارات أو حتى منعها من الدخول إلى الضيعة عندما يتضح إنو جاية لطق الحنك خصوصاً الغرباء حتى الشباب من الضيعة يلي بكون عم يلفلف بال ضيعة لطق الحنك أما بالنسبة إلى المطبات فانا برأيي ضرورية وبي كثرة لأنها تنفع ولا تضر أما إنو انك بتقدر إنو وفاة ريان علوان يلي بكون إبن أختي هي رسالة من الله عز وجل إلى ألمكزرين بأن يتعظوا ويعود إلى ربهم فأنا أعتقد إنو كلام ليس له معنى لأن ريان ليس من ألمكزرين يا أخ أنس بل أنا أعتقد إن رسالة إلى هذه البلديه الطرشاء بإنو لازم تعمل شي لحماية اطفالنا وشكراً.

[محمد أحمد الفلو]

وأقدر أن وفات الطفل إنما هي رسالة من الله عزوجل إلى المكزرين الذين انعدم عندهم الحياء. بأن يتعظوا ويعود إلى ربهم فلا تدري متى يأتيك قدرك........ وبماذا تقابل ربك عندها !!!!!!!!!!!
فهل من مدرك أو متعظ؟؟؟؟!!!!!!!!!!!
لكن لا حياة لمن تنادي!!!!!!!!


أنا باعتقد إنو من أكبر المحرمات إنو الإنسان يدعي معرفة حكمة الله سبحانه وتعالى بأمر من الأمور دون وحي ... لأن هذا من قبيل ادعاء معرفة الغيب ...

ما بتعرف كلام بهذا الخصوص أبو حسن ؟؟

[وسيم أحمد الفلو]

يا أخ أنس البلدية تتحمل مسؤولية كبيرة عن السرعة المفرطة في البلدة وهذا أمر ينبغي معالجته بسرعة والأسماء التي تسرع معروفة للرئيس والأعضاء والشرطة.

[omomar]

السلام عليكم ، ما اتشعب شوية الموضوع انا على حدعلمي انه يلي هرس الصبي ما كان سارع كان عم ينزل بوظة لعندصفوان وعم بيرجع بالخلف .اكيد احنا ما نا ضد مجازاة من يقود بسرعة . بس احنا مع انه قبل موسم الصيف نقوم بتجهيز اماكن امنة للعب الأطفال ولو كان ذلك بالدفع وهيك البلدية بتستفيد واحنا واولادنا منستفيد .وكمان ما بدنا نحط اللوم كله على البلدية كمان اولادضيعتنا مو قلال يعني بتكون الام واقفه واذا ابنها على الملاهي عم يعمل غلط (يؤبر قلبها ما عمل شي ) يعني لو عملوا الملاهي احلى شوية وبنقود ولو رمزية ما كانت ظلت احسن واجمل .والله اعلم

[فرح]

سلام و بارك الله فيكي أخت nadine ....و الله معك حء..
بالنهاية متل ما آلو الإخوان و متل منّو أكيد معروف إنو الأعمار بيد الله..بس كمان ما ننسا..إنّو في التأنّي السلامة...و نحاسب ع هيك شي و الله أعلم...
الله يحمينا جميعآ....و يصبرون يا ربّ...

[Nadine]

اولا اشكر كل من شارك في هذا الموضوع موضوع حماية الاطفال في القلمون.

من ناحية فكرة المطبات , انا برأي انها الفكرة الاسلم , لانو الضيعة فيها كتير زوائيئ يعني لنفرض ولد هربان من رفيقو وطالع من شي زاقوق وسيارة مسرعة وهون بتصير المصيبة.

يعني المطبات هي الحل الوحيد اللي بيخلي العالم تخفف سرعة غصبن عنا .

لانو اكيد مش رح تحطو كاميرات بالطريق تعطي مخالفة لكل واحد بيطلع عن السرعة المفروضة.

[الزاهر]

اولا اشكر كل من شارك في هذا الموضوع موضوع حماية الاطفال في القلمون.

من ناحية فكرة المطبات , انا برأي انها الفكرة الاسلم , لانو الضيعة فيها كتير زوائيئ يعني لنفرض ولد هربان من رفيقو وطالع من شي زاقوق وسيارة مسرعة وهون بتصير المصيبة.

يعني المطبات هي الحل الوحيد اللي بيخلي العالم تخفف سرعة غصبن عنا .

لانو اكيد مش رح تحطو كاميرات بالطريق تعطي مخالفة لكل واحد بيطلع عن السرعة المفروضة.


مدري ليش عم تعالجو المشكلة بمشكلة تانية!!
يعني ما كان مكفينا الجور بالضيعة..........أسا بدكم يعملو مطبات؟؟؟!!!.....:)


الحل يا أخوة يا أكارم هو ما تفضلت به الأخت "أم عمر" مشكورة........إيجاد مكان للأطفال ليلعبو........فـ "يعني لنفرض ولد هربان من رفيقو وطالع من شي زاقوق" يعني عم يلعبو!!!!.........بالزوائيء.........فلو وجد مكان مخصص للأطفال ومحمي لما اضطرو ليلعبو بالشوارع........وأكبر دليل هو الحديقة الكائنة في حارتنا قرب أبو نبيل الله يحفظو........شوفو اديش بتلم أولاد بالصيف..........وهي بحاجة للصيانة لأن كل المراجيح والألعاب خربانة وسورها لم يعد موجود تقريبا.........وأصلا هي فيها مشكلة إنها صحيح مساحتها مقبولة لكن شكلها هيك
================
طول كبير لكن عرض لا يتجاوز 3 أمتار!!


فمطلوب من البلدية صيانتها قبل بداية فصل الصيف!!!

كذلك مطلوب إعادة ما كان يعتمد من قطع الطريق الكائنة هناك في الفترة التي تكون الحديقة مكتظة بالأولاد

والحديقة لا تستوعب عدد الأولاد الكبير كذلك!!!
بتكون عم تغلي متل خلية النمل عصريات النهار!!!

يعني :

القلمون بحاجة لحديقة عامة واسعة!!!

[Nadine]

مدري ليش عم تعالجو المشكلة بمشكلة تانية!!
يعني ما كان مكفينا الجور بالضيعة..........أسا بدكم يعملو مطبات؟؟؟!!!.....:)


الحل يا أخوة يا أكارم هو ما تفضلت به الأخت "أم عمر" مشكورة........إيجاد مكان للأطفال ليلعبو........فـ "يعني لنفرض ولد هربان من رفيقو وطالع من شي زاقوق" يعني عم يلعبو!!!!.........بالزوائيء.........فلو وجد مكان مخصص للأطفال ومحمي لما اضطرو ليلعبو بالشوارع........وأكبر دليل هو الحديقة الكائنة في حارتنا قرب أبو نبيل الله يحفظو........شوفو اديش بتلم أولاد بالصيف..........وهي بحاجة للصيانة لأن كل المراجيح والألعاب خربانة وسورها لم يعد موجود تقريبا.........وأصلا هي فيها مشكلة إنها صحيح مساحتها مقبولة لكن شكلها هيك
================
طول كبير لكن عرض لا يتجاوز 3 أمتار!!


فمطلوب من البلدية صيانتها قبل بداية فصل الصيف!!!

كذلك مطلوب إعادة ما كان يعتمد من قطع الطريق الكائنة هناك في الفترة التي تكون الحديقة مكتظة بالأولاد

والحديقة لا تستوعب عدد الأولاد الكبير كذلك!!!
بتكون عم تغلي متل خلية النمل عصريات النهار!!!

يعني :

القلمون بحاجة لحديقة عامة واسعة!!!





هلأ يا اخ زاهر صار وضع مطبات لتخفيف سرعة السيارات مشكلة؟؟؟

هيدا الحل الوحيد اللي بيجبر السيارات تخفف السرعة...

ومن شان فكرة قطع الطريق , فكرة كتير منيحة وبتأمن الحماية طبعا للاطفال...

بس الحديقة متل ما الكل بيعرف موجودة بآخر الضيعة ,, يعني اطفال حارتنا ضايع حأن بالمرة... كيف بدنا نأمن الحماية لهل الاطفال؟؟؟؟

[أبو رياض القلموني]

هلأ يا اخ زاهر صار وضع مطبات لتخفيف سرعة السيارات مشكلة؟؟؟



هيدا الحل الوحيد اللي بيجبر السيارات تخفف السرعة...


ومن شان فكرة قطع الطريق , فكرة كتير منيحة وبتأمن الحماية طبعا للاطفال...



بس الحديقة متل ما الكل بيعرف موجودة بآخر الضيعة ,, يعني اطفال حارتنا ضايع حأن بالمرة... كيف بدنا نأمن الحماية لهل الاطفال؟؟؟؟


والله يا أخت نادين , أنا ما بوافئك الرأي بهالحل ... حلوة كتير يكون كل فشخة في طبة .. من غير شي العالم دايئة خلائة ...
بعدين مين آل إنا لائيين سياراتنا !!...ما بأدي إنو كلساتنا مهري ..!! إسن نائصنا كل يوم نروح عالتصليح !!

أول شغلة أكيد إنو كل شي بتقدير من الله عز و جل ... و أد ما كانوا الأهل متأنيين ...
تانياً .. في كتير إهل عنا بالضيعة ما بيتأنو عولادن ... بكون إبنا عمرو سنة ..آخر همة وينوا ...
بتعرفي زكرتيني بأصة ... بالزماناااااااااااااااااااااااااااااااآآآآآآآآآآآآ آآآآآآآآآآآآآآآاااااااااااااااااااااات كان في ولد صغير عم يلعب عنا بالحارة .. كان عمرو سنتين ... و كان في سيارة عم ترجع ومنو شايفو الشوفير لأنو كان أقصر من الدولاب ......... و صرختلك هالصوت .....وآآآآآآآآآآآآآآآآآآآآآآآآآآآآآآآآآآآآآآآآآآآآ آآآآف ......... آم الشوفير وإف ... الله و كيلك شلنا للصبي من تحت الدولاب ... والله ستر ....
تالتاً ... ليش هاجمين عالأخ أنس كأنو هو المسوؤل عن كلشي صار ... ههههههههههه... ما اختلفنا إنو البلدبة مأصرة ... بس روء بالك يا أخ وسيم ...
رابعاً ... أنا بوافيءالأخ زاهر .. شعلة المنتدى .. بكلشي آلو ... و بشوف إنو لازم يكون في ساحات أكبر تيلعبو فيا الولاد ... متل الساحة حد المنار ... و المراجيح ... و أكيد عندكن بالحارة الغربية في مشكلة ... لأنو ما بأى في محلات حدا يلعب خصوصاً بعد ما عمروا بملعب البيدر ...
بعدين هالمدارس اللي عاملا حالا شغلة .. شبيصرلا إذا سمحت للولاد غيرعباد الرحمن يفوتوا يلعبوا ...
أكيد البلدية لازم تلائيلا حلة .. يزبطو ساحات ... يتفأوا مع المدارس .... إلخ ..إلخ ...


خلص تعبت ...

[jawad]

يعني أنا مش عارف من ايمتى كانت المطبات بتخرب السيارات .هلأ هي في طريقة واحدة ممكن المطب يعمل مشكله للسيارة اذا طاير ولم تخفف عل مطب .ولكن يا اخوان المطبات تنفع أكثر مما تضر يعني اذا واحد تأخر دقيقة ما فيها شي .الحلو بالمطبات إنها بتخلي السائق يخفف سرعة غصباً عنو . لأن أنا بعتقد إنو يلي بحب يسرع لا ظبط ولا غيرو بيمنعو من إنو يسرع بس المطب بيمنعو ،هذا إذا كانت المطبات موضوعة بشكل صحيح .

[أنس دنكر]

أخ محمد فلو أنا لم أدعي الغيب ولم أكن أقصد ذلك معاذ الله أستفر الله، إن ما أردته هو عظة الناس. ولكن أليس من هذا الخبر المفجع أو الحادثة الأليمة هدف. أليس كل بلاء أو كل حسن يأتي من الله عز وجل لنتعظ ونعود إليه بالتحميد و بالتوبة وبالإستغفار هذا ما أردت أن أبينه........ أذكروا الله في السراء و الضراء.

[محمد أحمد الفلو]

أخ محمد فلو أنا لم أدعي الغيب ولم أكن أقصد ذلك معاذ الله أستفر الله، إن ما أردته هو عظة الناس. ولكن أليس من هذا الخبر المفجع أو الحادثة الأليمة هدف. أليس كل بلاء أو كل حسن يأتي من الله عز وجل لنتعظ ونعود إليه بالتحميد و بالتوبة وبالإستغفار هذا ما أردت أن أبينه........ أذكروا الله في السراء و الضراء.

وانا لم أتهمك ب هذا ولكنه رأي مني ... وحتى نقطع الشك باليقين ... فهذا نص السؤال الذي أرسلته الى الشيخ أحمد عبيد على بريد فتاوي المنتدى ... وحتى تلقي الجواب ... أسأل الله لنا التوفيق لما يحب ويرضى
-----------------------------------------------------------------------------------

فضيلة الشيخ أحمد عبيد حفظه الله
السلام عليكم ورحمة الله وبركاته
لا شك بأنكم علمتم فضيلة الشيخ بوفاة الطفل ريان جاسم علوان في شارع القلمون
وقد ناقش شباب المنتدى هذا الموضوع محللين أسبابه وموزعين المسؤوليات عن الحادث
و كان مما قيل في تحليل الأسباب للحادث بأنها رسالة من الله تعالى لأهل الشارع ليتعظوا ... فهل يجوز هذا القول ...وهل يجوز بشكل عام ادعاء معرفة حكمة الله في أمر من أمور القضاء والقدر
بارك الله بكم فضيلة الشيخ
والسلام عليكم ورحمة الله وبركاته
-----------------------------------------------------------------------------------

[omomar]

:1 (44):السلام عليكم يا جماعة
نعود ونذكر انما نطلبه هومكان للعب الأ طفال واكيد لا البلدية ولا غيرها بتقدر تحط بكل حارة ملعب .بس اذا كان في مكان مش صعب نوصل اولادنا وننطرهم ومنرجع منعالج موضوع الاهالي انه الام بالقلمون كرمال انه الولد ما يخرب البت و ما ينزع الأغراض مستعدة تحط الولد كل النهار بالشارع و بيجي بليل بياكل وبينام (مش كلهم ) معليش .والي بتكون غير هيك بتكون مانها طبيعية معليش انا بنظر امي ماني طبيعية لانه ولادي بالنهار بيروحوا بيحضروا افلام كرتون على التخوت و بينطوا ليناموا . طيب الولد بداخله طاقة بده يفرغها واذا الولد بالبيت احنا ما نحس معه بهالطاقة يعني كيف ما تحرك بده يخرب ( يمكن تشعب شوية بالموضوع ) بعتذر بس يلي بدنا نوصله اماكن امنة للأطفال يستطيع الولد ان يلعب ويركض و يفعل ما يريد لكن ضمن الحدود ومعليش اذا البلدية ما عندها شرطة زيادة المفروض احنا نكون شرطة على ولادنا وما نخليهم يكسروا ويشتغلوا .يعني من فترة عملنا العاب بالملاهي اديش استقبلت عالم واديش انبسطوا الاولاد. وبعدين احنا ما بدنا بس المنار تفتح ابوابها ولو كمان بتعمل نشاط ولو لطلابها اديش بتربح و بتريح هالاولاد من الطرقات . يمكن انا كتير عانيني هالموضوع لانه عندي صبيان وقولة النسوان الله يرزقهم للكل (حتى يشوفوا) ولعب الصبي كلنا بيعرف مو متل لعب البنت .لذلك المفروض يتموا بالرياضة و النشاطات والله الولد اذا مع رفيقه وهيك ركضتهم وسابقتهم بينبسطوا . معليش انا كترت حكيي بكفي ان شاء الله .

[الزاهر]

هل من الممكن نعرف رأي البلدية أو إذا كان هناك نتاتيف حديث من الذي نحن بصدده (حاجة البلدة لحديقة للأطفال أو عامة أو صيانة الحديقة الحالية مع تسكير الشارع في آواخر النهار من جديد.........) عبر الدكتور وسيم الفلو؟؟

[abujahl]

allah yirhama w alla ysa3id w ysabir 2ahla bas ma3leish khalina nihki manti2 kif walad mitil hayda byintarak lawahde shu oropa hamir mabital3u il walad illa bil 3arabeye mabyimshu lawahdun illa iza saru bi park ya 2aw shi w hayda shu il 3alam 3indun tari2 khasa la2ilun ma3leish il baladiye shu bada ta3mul ma3leish w shu kaman 2usit hal tabet shu minkasir il siyarat kaman haram ma3leish khaluna nifham innu il mas2uliye lezem de2iman tkun mawgude law kinna bil beit ya3ni iza 3inna walad heik hirik minshil kilshi byitkasar min il beit minshen maysirlu shi il walad mas2uliye w mas2ulye kbire ana mable2i ille walad ma3 2ukhtu masalan w shu 2ikhtu bikun 3umra 10 snin eh shu hal haki walla ftahu 3yunkun manna mas2ulin haydi il mishekle