الأمثال الشعبية القلمونية

[ام السعد]

مادح نفسو كذاب .
القناعة كنز لا يفنى .
الشاطر بشطارتو .
والشاطر ما بيوقع .
حكيو متل الحبر ع الورق .

[ام السعد]

( الشاطر) ما بيوقع الا واقف .
( غبي ) ما بيفهم من اول مرة .

[ام السعد]

الدفا عفا ولو بعز الصيف .

[الزاهر]

آه والله الدفا عفا............خصوصي هلأ............بهالجليد!!!

[ام السعد]

حكالها من طق طق للسلام عليكم .
الحمد لله انهم ع بينالو اعجابك وان اسفة اذا كان في شي مكرر بيكون بالغلط .

[الزاهر]

ولا يهمك.......

إنتو كبّوا ونحنا منستلئي!!!!
ومنرتب ومنعملهم الطبعة التانية كمان

[ام السعد]

عقبال حمام العرس .

[ام السعد]

الطبخة بتحترق اذا كترو طباخينها .
ايد وحدة ما بتزئف .
كوول زيت وانطاح الحيط .

[ام السعد]

لما اشتغل بالكفان بطل حدا يموت .
الطمع ضر ما نفع .
بلا دف عم نرقص .

[ام السعد]

جهزتها من البابوج للطربوش .

[ام السعد]

عم يحكي شروي غروي .
لا اعلم تماما اذا كان صحيح هذا المثل ام به شيء غلط بكرة بسال ان شاء الله.
عم احكيكي يا جارة تا تسمعي يا كنه .

[الزاهر]

عم احكيكي يا جارة تا تسمعي يا كنه .

هاد حلو!!!

[ام السعد]

حاسس في بلاطة ع قلبو .
الله يفرجينا فيه يوم .
بتحرد كل ما بدق الكوز بالجرة .
العين ما بتعلى عن الحاجب .
الغايب عزرو معو .
اللي دعس ع اجرك ايه ادعس بيقلبو .

[ام السعد]

جحا اكبر ولا ابوه .
بعد ما شاب ودوه ع الكتاب .
خدي ختيار بيدللك ... ولا شاب بيبهدلك .
اذا ابنك كبر خاويه .
خطوب لبنتك وما تخطب لابنك .
الاكل ما الك بطنك منو لالك .
البنات همهن للمات .
الجنه بدون ناس ما بتنداس .
الجار قبل الدار .
الحكي منو متل الشوف .
اللي ما بيعرفك بيجهلك .
الديك الفصيح من البيضة بيصيح .
اللي بياكل العصي مش متل اللي بيعدها .
اللي من ايدو الله يزيدو .
اكل شارب نايم .
اللي بيصبر ع الحلوة بيصبر ع المرة .
ظل رجال ولا ظل حيط .
الرجال بالبيت رحمة ولو كان فحمة .
اللي ايدو بالنار مش متل اللي ايدو بالميه .
المنحوس منحوس ولو علئولو فانوس .
الناس بدارك والمفتاح بزنارك .
الناس مع الواقف .
اتغدى واتمدد .
اتعشى واتمشى .
اللي بيكبر فشختو بيوقع وبيكسر رقبتو .
اجري واجرك بالفلق .
بوس الايادي ضحك ع اللحى .
بيت السبع ما بيخلى من العضام .
ابن الحلال عند ذكروا بيبان .
بيغرق بشبر مي .
بيشرب من البير وبيرمي فيه حجر .
تلاته ما بينعارو السيارة والسلاح والمرا .
جارك القريب ولا خيك البعيد .
الله جاب والله اخد .
حط ايديك واجريك بميه باردة .
حطو ديل الكلب بالقالب اربعين سنه دلو اعوج .
حامل السلم بالعرض .
صاحب البيت ادرى باللي فيه .
خبي قرشك الابيض ليومك الاسود .
زاد الطين بله .
عذر اقبح من ذنب.
طنش تعش تنتعش .
عنزة ولو طارت .
نيال اللي الو مرقد عنزة بلبنان .

[ام السعد]

ضربني وبكى سبقنى واشتكى .
بالوج مرايه وبالقفا صرمايه .
مسح اجريه وفات (تقال عن العريس الذي لا بدفع شيئ لاهل العروس).
غيب يا قط العب يا فار .
حبني وخود جحش ...الحب ما بيجي دحش . ..(عفوا من الكلمه لكن المثل بيقول هيك ) .

[ام السعد]

شو جاب لجاب .
اجا بالتياب اللي عليه .
انزلو كلكن من السيارة .(يقال هذا المثل للي بيحلم انو اشترى سيارة وبيصروا بيتخانقوا مين بدو يقعد ع الشباك ومين بدو يركب قدام او ورا وكل هذا بالخيال ).

[ام السعد]

حكم قراقوش .
حكم القوي ع الضعيف .

[ام السعد]

ايدك وما تعطي .
فلوس الحراميه رايحة ع المحاميه .
باب يسد ما يرد .
--------------------------------
هذه امثال سمعتها من امراءة غريبة تسكن القلمون واعجبوني ...
بيت طواقو حمر بداخلو شي بيقصر العمر . (يعني من الخارج رائع ولكن اهل البيت عندهم مشاكل دايمه وكتيره )
قال ما تنسى كلمة (شوك ) ش : شيك --و :وكالة --ك :كفالة .
شيك بدون رصيد بحياتك ما تعطي .
وكالة بحياتك ما تعمل لحدا .
وكفالة بحياتك ما تكفل حدا .

[ام السعد]

بطن مليان وكيف تمام .
تيتي تيتي متل ما رحتي متل ما جيتي .

[ام السعد]

الملل بدأ يدب بحياتك .
برمت برمت ما لاقت الا هون .
ذاكرتك بدأت تخونك .
ع كتر ما دورتها دوختها .
جديدك ما بدملك ما الك الا قديمك .
الدنيا دوارة يوم الك ويوم عليك .
الخنفسة شافتها امها ع الحيط قالتها متل اللولوة بالخيط .
الخالة أم .
وما الدنيا الا مسرح كبير .
البنات من صدور العمات .
الصبي تلتين للخال .

[ام السعد]

ما بيحمل همك الا امك .
بتتمسكن حتى تتمكن .
مين رادك ريدو .
مين ما بيقلك تش ...بتقلو مش .
اللي بيتزوج امي بيقلو يا عمي .
يللي ما بيجي معك تعا معو.
متل الزيتون ما بيجي الا بالرص .
ما حك جلدك الا ظفرك .
الله يوم ما قسم العقول والارزاق , كل واحد رضي بعقلوا بس ما حدا رضي برزقته .سبحان الله

[الزاهر]

يللي ما بيجي معك تعا معو. متل الزيتون ما بيجي الا بالرص .


هادول كتير حلوين!!!!

[دوكر]

يا هلا بالست ام السعد.....يمكن أربت اعرف شخصيتك...هههه.....انتي التيتا......انتي ستي.....مهيكا......خلص مفيكي تنكري .....ههههههه....يعطيكي العافية ع جمع هل امثلة ....اخوكم دوكر المعوكر....

[ام السعد]

و لك يا ستي يا دوكر كيف عرفتني ,انا صرلي فترة عم بتنكر , بس اكيد تذكرت الامثال اللي كنت قولك ياها وانت صغير ,
ولك فرطني من الضحك والله كبرت يا ستي وصرت شب وطالع ذكي لستك ام السعد .

[دوكر]

يا هلا بستي ام السعد......
و ينوا عمي سعد؟ههههههههه......
ناطرينك و ناطرين الامثلة لي عندك
يعطيكي العافية..
اخوكم دوكر المعوكر...

[ام السعد]

الصديق وقت الضيق .
الروحة بايدنا ولكن الرجعة منا بايدنا .
الرفيق قبل الطريق .
الغربة كربه .
لكل بدايه نهاية .

[ام السعد]

ما توصي حريص .

[ام السعد]

الها تم يوكول ما الها تم يحكي .
لائيني وما تغديني .
منظر الاكل بيشبع .
العين بتشبع قبل التم .
اطرش اعمى اخرس .
ما في صداقة قبل عداوة .
ما غريب الا الشيطان .
كل شي ممنوع مرغوب .
كل شي مسروق اطيب .
كلام الليل تمحوه شمس النهار .
قال لفرعون مين فرعنك قلهم ما في حدا يردني .
مطرح ما يسري يمري .
شاف الموت بعينو.
ملبوس الهنا .
ما بيشخ ع اصبع مجروح .
الله لا يعوزنا لحدا .
ابن ابنك الك ابن بنتك لا .
بحصة بتسند خابية .
حطلو مية بحصة .

[ام السعد]

اللي سبق شم الحبق .
كل ديك ع مزبلتو صياح .
المال بيجر المال والقمل بيجر السيبان .
المنحوس منحوس ولو علقولو ع راسو فانوس .
النبي وصى ع سابع جار .
الميت كلب والجنازة حاميه .

[الزاهر]

كل شي مسروق اطيب .
ما بيشوخ ع اصبع مجروح .



وينك يا حميطون.............ههههههههههه

بس التاني شو معناتو؟؟؟؟

[ام السعد]

أعلى ما بيخيلك ....اركبه .
جهلة الاربعين ..الله يعين .
جازه و جوزتك ....حظ من وين بدي جبلك .
دود الخل منو و فيه .
زوان بلادك ولا قمح الصليب .
خلي العسل بجراره تتغلى اسعاره .
طبلي ت زمرلك .

[الزاهر]

الميت كلب والجنازة حاميه .

شو معناتو هاد كمان؟؟؟

[ام السعد]

الميت كلب والجنازة حاميه .
يعني الناس معجوئين بالجنازة كتير وعم بيصرخوا وعاملينها قصة والميت هو كلب .
ما بيشخ ع اصبع مجروح .
لا ادري اذا كان الكتابه خطأ ام تريد معناه
فمعناه انه البول الله يعزك ويعز السامعين بيعالج ولكن من بخله لا يقبل ان يفيد غيره حتى مع انه شيئ ليس له قيمه .
هذا المثل بيقولوه وقت اللي الشخص بيطلب من حدا طلب ولو صغير ولو كان الطلب مجاني ولا يقبل ان يخدم احد .

[ام السعد]

بان و عليك الامان .

[ام السعد]

الجوع كافر .
لحاق الكذاب ع باب الدار .
الخبر السيئ بيوصل بسرعة والخبر المنيح بيطول .
اللي بيته من ئزاز ما يراشق الناس بحجار .
الغالي بيرخصلك .
ما بيقفل القبر الا ع تلاته .
اخر العلاج الكي .
اذا كان حاكمك ظالمك اشكي ............................
اجرو و القبر ..............
عمر الشقي بقي .
اللي بعدهم نقاط ناقصين اللي بيعرفهم يكملهم .

[ام السعد]

عايز ومستغني .
ليش ما قلتلي من قبل .

[ام السعد]

بياكلوا وبينكروا متل القطط .
المرا بتتلوى متل الحرباية .
المرا بتتلون متل الحرباية .
سلاح المرأة دموعها .
اخر شيئ بموت بالمرا لسانها .
خير تعمل شرا تلقى .
اضحك قبل ما يغلى الضحك .
من طلب العلا سهر الليالي .
من جد وجد ... ومن زرع حصد .
الله يطولك يا روح .
لاتعايرني ولا أعايرك .

[مصطفى معتوق]

من الامثال الشعبية في القلمون :" تبقى بكليك ."

[مصطفى معتوق]

من الامثال الشعبية في القلمون :" البلى يسترك ستر ."

[مصطفى معتوق]

من الامثال الشعبية في القلمون :" قطع الموية من فوق / تحت الشير ."

[ام السعد]

"تبقى بكليك ." اخ مصطفى نرجو تفسير هذا المثل لاني لم افهمه .

[ام السعد]

ابن عمها بيحقلو ينزلها عن ضهرالحصان .

[مصطفى معتوق]

"تبقى بكليك ." اخ مصطفى نرجو تفسير هذا المثل لاني لم افهمه .

يا ستنا ام السعد .............

لفظة بكليك هي من الالفاظ القديمة جداً في البلدة ويعود عهدها الى ايام ما كان البحر سليخ

قبل ميلاد الاخ جابر دملوك يعني ( بالمناسبة منوجهلو تحية )


اما البكليك( بفتح الباء وتسكين الكاف ) فهو نوع من انواع المحتالين ( حسب معلوماتي ) وازا حدن عندو شي مرجع تاني فيا ريت يخبرنا .

[مصطفى معتوق]

على سيرة التفسير لام السعد تذكرنا المثل الشعبي :

خلق ايام ما كان البحر سليخ

[المهند]

ان طلع لخالو يا زينة فعالو وان طلع لعمو احفر وطمو هههههههه

[الزاهر]

اخر شيئ بموت بالمرا لسانها .

هاد اجا بالصميم!!!......لوووووووووول!!!
بمناسبة الحديث.....يقال بأن بنات أدم يتكلمون بما معدله 7 آلاف كلمة باليوم.....أما أبناء حواء فبالكاد يصلون إلى ألفي كلمة......وهاد حكي العلماء....مو حكيي أنا.......ولمزيد من المعلومات روحو لعند الدكتور أحمد الخطيب!!!

[ام السعد]

مفكر حالو رايح يحرر القدس .
قصدوا شريف .
سارح بارض الله الواسعة .
شكرا ع التفسير اخ مصطفى هاد المتل جايبو من كعب الدست ..

[الزاهر]

هاد المثل بدو كب عالبواءة.........هاداك اليوم سمعناها هادي من قريب!!!

[مصطفى معتوق]

.
شكرا ع التفسير اخ مصطفى هذه اول مرة بيسمع هيك مثل .غلبتني .
هاد المتل جايبو من كعب الدست .
.

لا شكر على واجب

[مصطفى معتوق]

من راقب الناس اصبح مشرفاً

نقلاً عن ام السعد
ههههههههههههههههههههههههههههههه

:1 (64):

[الزاهر]

اخ زاهر شو يعني البواءة؟؟؟؟؟؟؟


والله ما بعرف......بركا حدا بيشرحلي كمان..........بس بعتقد من سياق الحديث وئتها شكلها بتعني شي مكان مشهور عنا عالشاطئ

[مصطفى معتوق]

والله ما بعرف......بركا حدا بيشرحلي كمان..........بس بعتقد من سياق الحديث وئتها شكلها بتعني شي مكان مشهور عنا عالشاطئ

اللفظ الصحيح هو البوءة

وليس البواءة

اما البوءة فهي المنطقة الشاطئية الممتدة من شماية الى بور سمير وهي مشهورة بقناة للصرف الصي تقع بمحاذات ردم بسيمة

وقد اشتهرت عبر التاريخ القلموني انها مكب للمهملات والفضلات والقاذورات

[الزاهر]

يا هلا بأبو صطيف..........عالعين والراس والله!!!!

[مصطفى معتوق]

من الاقوال القلمونية : اول ما تبان القمحة على اللمحة ارقعا .

[ام السعد]

كسدتو لي سوءي(سوقي ).
خلي اللي ما يشتري يتفرج .

[ام السعد]

قطعتولي برزقتي .
صار بدنا نحولها زجل ونطير باول مركبه ع زحل .

[مصطفى معتوق]

اسن في امثال كتير بس هاديك بتصير متل وصف دارج

وكلها عبارات من ايام ضرب المكنظمة
ولمن كان النفر يستعمل مارتينة

متل : شغلك خنفشاري

[مصطفى معتوق]

ورطة ما لها دبار

[ام السعد]

بس شو يعني مكنظمه ومارتينه .

[مصطفى معتوق]

كتير حلوة , (شغلك خنفشاري )زيد لنا منهم
بس شو يعني مكنظمه ومارتينه .
بطلنا عم نفهم !!!!!!!!!!!!

اختي الكريمة :

المكنظمة هي البندقية التركية التي تشاهدينها في المسلسلات السورية
اما المارتينة فهي ابنت عمها الانكليزية

واي كلمة ما بتعجبك خبريني عنها رقبتي سدادة

[ام السعد]

ما تخليني اعمل متل ما عمل بيه .
تئولو لئواله.(تقوله القواله .)

[ام السعد]

لا حياة لمن تنادي .
معجون بالكذب عجن .
من ولي يا دلي .
شدة وتزول .
كل ات قريب .
اترك الشر وغنيلو .
ما بعد الضيق الا الفرج .
بيفهمها وهي طايرة .
حطيت ايدك ع الجرح .
حطيت ايدك ع الوتر الحساس .
العقل زينة .

[ام السعد]

فاقد الشيئ لا يعطيه .
عند جهينه الخبر اليقين .
خير يا طير .
نظروا اقوى من زرقاء اليمامه .
رب اخ لم تلده امك .
الحب والفقر ما بيجتمعوا .
سايريه بتعرفي كيف تشلحيه تيابو .
متل الخاتم باصبعها .
شايفها قمر وهي ما بتنشاف .
اعطى حلق للي ما لو ودان .
العجلة من الشيطان .
في التاني السلامه وفي العجلة الندامه .
النظافة من الايمان والوساخة من الصبيان .

[ام السعد]

سيط غنى ولا سيط فقر .
كل شاة معلقه من عرقوبها .
بحبك اده السما والارض ..
الاعمار بايد الله .
الفهم فضلوه عن العلم .
اعمل اللي عليك والباقي ع الله .
اتكل ع الله .
الاقارب عقارب .
اللي فات مات .
اللي بياكل ع ضرسه بينفع نفسه .
اقرصيها بركبتها تلحقيها بجمعتها .
الغالي ثمنه فيه .
طلع من المولد بلا حمص .

[ام السعد]

انا و خي ع ابن عمي...وانا وابن عمي ع الغريب .

[مصطفى معتوق]

اكتمل النقد بالزفير

[مصطفى معتوق]

من كعب الدست

[مصطفى معتوق]

صالي متل السلائي

[ام السعد]

مخبا ورا اصبعو .
عدو عدوي صديقي.
واضح متل الورقة البيضا .
بيسحبا من تم الاسد .
اخر الدواء الكي .
اول الغيث قطرة .
مخبا متل النعامه طامم راسو ومبين اجريه .
المرا متل الحيه بتغير جلدها .
على نفسها جنت براقش .
خير الكلام ما قل ودل .
ان اردت ان تطاع فامر بما يستطاع .
.....حدث ولا حرج .
حكيها متل الرصاص .
الرصاصة اللي ما بتصيب بتطوش .
رحم الله امرء عرف قدر نفسه .
من تواضع لله رفعه .
عاشت الاسامي .
الام اللي ربيت مش اللي خلفت .
بيخاف من خياله .
العمر واحد والرب واحد .

[ام السعد]

كل الطرق تؤدي الى روما .
الوقت كالسيف ان لم تقطعه قطعك .
لسانك حصانك ان صنته صانك .
مصائب قوم عند قوم فوائد .
مين شاف مصيبة غيره هانت عليه مصيبته.
نام بكير فيق بكير شوف الصحة كيف بتصير .
لا يضيع حق وراءه مطالب .

[مصطفى معتوق]

كل الطرق تؤدي الى روما .



ههههههههههههههههههههههه

يا اختي ام السعد

يعطيكي الف عافية رب العالمين

بس عنوان الموضوع امثال قلمونية

الا ازا في شي حارة بالقلمون اسمها روما

اقتراح

شو رأيك نطلب من اخونا كبير الدماليك ( كونو صاحب الموضوع ) ومن المشرف انن يغيرو العنوان ليتناسب مع العديد من الامثال الشعبية يلي صارت نازلة بالموضوع ومنها من التراث القلموني
والسلام

[ام السعد]

لا تلف ولا تدور.
من تدخل فيما لا يعنيه سمع شيئ لا يرضيه .
الاعتراف بالحق فضيله .
العين بالعين والسن يالسن والبادي اظلم .
خذو الحكمة من افواه المجانين .
اللي بيغرق بيتعلق بعود قش .
شر البلية ما يضحك .
من شب على شيئ شاب عليه .

[ام السعد]

وشكرا جزيلا لك وللاخ جابر على الكتيب الذي جمعتو به الامثله انه رائع جدا .
والله يعطيكم العافيه مادام الدجاجة ماشيه حافيه .

[مصطفى معتوق]

هلا يا بخي معتوق .. الله يسلمك ويعافيك يا شيخ الشباب .
هذا المثل بيقوله اهل القلمون من زمان مش من هلق .
واذا ما عجبك من شيلو .
بدنا حكم زاهر وزاهر هو اللي ما بيعجبو ما بيحطو بكتاب الامثله الثاني اللي عم يجهزوا.
يعطيكم العافيه .

يا اختي الفاضلة :

اعتقد ان اهل القلمون كانو يقولون كل الدروب بتودي على الطاحون
بس كل شي بيجي منك ع راسي والله

[ام السعد]

يخلق من الشبه اربعين .
الجو مكهرب .
الدين النصيحة .
اذا زاد الشيئ عن حده انقلب ضده .
الدين المعامله .
اكرام الميت دفنه .
الحي ابقى من الميت .
بيعمل من الحبه قبه .
بيقتل القتيل وبيمشي بجنازتو .
بيسرق الكحل من العين .
بيسحب الحيه من وكرها .
همو ع بطنو .
ما كل شي بينعرف بينئال .
الصباح رباح .
السما ما بتشتي فلوس وذهب .
الزايد اخو الناقص .
اللي بتعئصوا الحيه بيخاف من الحبله .
الكتاب بينقرا من عنوانه .
العتب ع النظر .
اذا عرف السبب بطل العجب .
لا جديد تحت الشمس .
ما في دخان بدون نار .
كل ممنوع مرغوب .
خير البر عاجله .
الناس معادن.
متل الاطرش بالزفه .
طلع من المولد بلا حمص .
اعمى البصر والبصيرة .
اضحك تضحك لك الدنيا ابك تبكي لوحدك .
الريشه التي قصفت ضهر البعير .
ليت الشباب يعود يوما .

[الزاهر]

أنا لن اضمن الطبعة الثانية سوى ما هو قلموني........وسأستعين بمن هو اعلم مني في هذا المجال إن شاء الله

فنحن لسنا هنا لنجمع الأمثال بشكل عام........بل لنجمع ما هو قلموني......وما هو متداول على السنة اهل القلمون


واللي مو عاجبو........يلف حواجبو........لوووووووووووووووول!!!

[ام السعد]

دبور و زن ع خراب عشه .
من هالك لمالك لقباض الارواح .
من يوم ما ولد وفي ملعقة دهب بتمو .
احن من الام ع ولادها .
ابره بكومة قش .
.......اخر العنقود .
اسرع من البرق .
اكل عليه الدهر وشرب .
العمل عباده .
قال شو اللي رماك ع المر قال اللي الامر منه .
حياتهم متل السمن والعسل .
اشترى سمك بالمويه .
اشترى طيور بالسما .
هيدا الشخص بوجين .
حوالينا ولا علينا .
اعزب دهر ولا ارمل شهر .
قلب المؤمن دليله .
بيغرف من البحر غرف .
الناس سواسيه .
هين فلوسك وما تهين نفوسك .
سبق السيف العذل .
طفح الكيل.
اذا وجد الماء بطل التيمم .
سفرة دايمه .
بيت عامر باصحابو .
اطلقت العنان لصوتها او لموهبتها .
عند الامتحان يكرم المرء يهان .
وجو اصفر كاربيه .
لونو مخطوف .
الاقربون اولى بالمعروف .
انا راضي وهو راضي وانت شو خصك يا قاضي .
اصرف ما في الجيب ياتيك ما في الغيب .
والسلام ختام .

[شرشبيل]

بِـ كانون كِنْ، وعَ الفقير حِنْ.

[مصطفى معتوق]

ع شكلو شكشكلو

[مصطفى معتوق]

شيكو شيكو ليخة الو والتانية لشريكو

تحية للسلادة هشام وحسن القص وكافة شباب الليخة في القلمون

[ام السعد]

اللي ما بيئدر ع مراتو بيئوم ع حماتو.
اللي ما بيئدر ع حماتو بيئوم ع مراتو.
ما متت ما شفت مين مات.
الضرة مرة .
رن الابرة بترن .
لا تقول فول ليصير بالمكيول .
لما بيحضر الورد بينعرف من ريحتو .

[شرشبيل]

حطْ الفَول وانفوخْ تحتو، ما (***) من الخال إلا إبن أُختو.

[ام السعد]

فيلم بل زلم.
لكل بداية نهاية .
باذار ضهر بقراتك من الدار.
الحيطان الها دينان .
كلنا في الهوا سوا.
واحد حامل ذقنه والثاني تعبان فيها.
من جرب المجرب بيكون عقلو مخرب .
ما كل مرة تسلم الجرة .
الليل ستار العيوب .
له في كل عرس قرص .
كله كلام بكلام .
كل طلعة وراها نزلة .
غيم شباط ما عليه رباط.
على عينك يا تاجر .
علمناه على الشحادة سبقنا على الابواب.
الرفيق قبل الطريق.
أرخص من الفجل.
إذا طردته من الباب دخل من الشباك.
كب القهوه خير.
اللي بيشرب قهوه بيطلعلوا شوارب.
...متل الروس .
....دئن اللحام .
رب ضارة نافعة .

[مصطفى معتوق]

طب الصحن ع افاه بيطلع الصبي لأباه

[الزاهر]

وينك يا خال جابر تألنا شو القلموني منهم وشو الأجنبي!!!!...........كيف بدنا نعمل الطبعة التانية!!!!

[moustafa]

كل من ايدو الو

[حُسَينْ ... !]

هين قرشك و لا تهين نفسك

[حُسَينْ ... !]

ما بيحسد المال الا صحابو

[الشيخ إيفان الظنط]

دور الدورة ولو دورت وخد بنت الأصل ولو بورت

[الشيخ إيفان الظنط]

عمر الشئي بئي

[الشيخ إيفان الظنط]

شغل الليل مسخرة النهار

[مصطفى معتوق]

يقول الدكتور حسن ( القهوجي )


زبالات الليل و خواجات النهار

[حُسَينْ ... !]

عم يتمسكن ت يتمكن ‏

[حُسَينْ ... !]

ليك عم يعرج أدام مكرسح‎ ‏

[حُسَينْ ... !]

شباك متنحر (اكيد الكل بيعرف ايمتن تستخدم بس يكون واحد متنح :) ما بدو يعمل شغلة )

[حُسَينْ ... !]

ما تفح (من البيكى) ما برد عليك

[حُسَينْ ... !]

عد و مد
(هادا المثل على ما اذكر بقلوا لما بكون في اشياء كتير:))

[البريئة و الوحش]

لبدو سمك ما بيشوف الحسك

[Rola]

لعندو فلفل كتير برش عل الخبيزه

[Rola]

صمت صمت وفطرت ع بصله.
فرخ البط عوام.
طالع الاوال من ورا.

[Rola]

هل الضرف مبيعبي ظرف.
ألك رشيد...(الله يرحاموا رشيد).

[Lucifer]

min aymteen sar lil dibaneh dikaneh w saret tsaker 3a bakeiiiiir

[الزاهر]

تقول جدتي في جدي :

لا بينزل عالسوء ولا بينفع مخلوء !!!

:)

[جابر دملوك]

يا أبو الزوز
يعني
ما بِيشُخْ ع أُصْبُع مَجْرُوح

[الشيخ إيفان الظنط]

يكدشك عالزعامك

[الشيخ إيفان الظنط]

مهرجن

عامل متل هيرون

[الشيخ إيفان الظنط]

بس يوووووووو

شو هالحكي يا زلمه

[SIRAH]

لا للصيف ولا للضيف ولا الغدر الزمن

بتنقال للشخص يلي ما بينفع بشي

[جابر دملوك]

مِنْ هَالرَّبْطَا لِنَا عُود ... و البَائِي تَاخْدُو لِأْرُوِد.