مجموعة دراجات تابعة لشخص ... أين البلدية ؟

[علي القلموني]

منذ فترة قليلة درجت في القلمون مجموعة من الدراجات النارية تجوب شوارع الضيعة وعليها شباب أكثرهم زعران من الضيعة ولا أحد يأسل من هؤلاء ؟ ولماذا هذا التجمع ؟ مع أنهم يصدرون أصواتا غير لائقة خلال تجولهم في الليل .

أنا ما بدي أقول ان البلدية لم تعمل شيء لأن ما عندي علم بالموضوع وهنا بدي إسأل الأخ وسيم الفلو عن الموضوع والرجاء متابعته لأنه صرنا مثل باب التبانة في هذه الأمور ومثل جونيه في أمور أخرى .

[وسيم أحمد الفلو]

أخي الكريم : هل تكرر هذا الأمر أم أنه اقتصر على أيام المشاكل المشؤومة؟

[علي القلموني]

هيدا الشي يتكرر كل يوم وحتى ساعات متأخرة من الليل وأنا قبل ما شوف هالمجموعة من الدراجات سمعت فيهم من العالم وعدة أناس من القلمون تساءلوا لماذا البلدية ما عم تحكي معهم وخصوصا أن البلدية من فترة منعت الدراجات النارية من التجول بالشوارع الا للأعمال وغير ذلك .

[أيمن غ القلموني]

وخصوصا أن البلدية من فترة منعت الدراجات النارية من التجول بالشوارع الا للأعمال وغير ذلك .



لش ممنوع الذهاب على الدراجات لهدف معين؟

بفرنسا مسموح ، لش عنا منو مسموح؟

إنو بفرنسا ما بحبو الحفاظ على البيئة ، وبالقلمون شغفهم ومناهم حماية البيئة.

[علي القلموني]

يا أخ أيمن المشلكة منا مشكلة بيئة المشكلة غير هيك تماما يعني الأخ وسيم فيه يستفسر عن الموضوع ويعرف شو هو الهدف من هيك أمر .

يعني في واحد سمعت انو هو من قام بجلب هيدي الدراجات ووزعها على شبابو ليقوموا كل يوم بهذه الجولات في شوارع الضيعة ليش الله وأعلم وهيدا يلي بدنا نفهمو .

[أيمن غ القلموني]

يعني في واحد سمعت انو هو من قام بجلب هيدي الدراجات ووزعها على شبابو ليقوموا كل يوم بهذه الجولات في شوارع الضيعة ليش الله وأعلم وهيدا يلي بدنا نفهمو .



إذا هك شي تاني ؛ معك حق لازم البلدية تضرب بإيد من حديد ، وتقمع كل شي إسمو مخالفات .

بس الأهم ما لازم ناس تروح بأعمال ناس تانية.

[THE TERRORIST]

يا عمّي ليش وقفتوا الموضوع؟؟؟ لازملو متابعة
أرجو من الأخ علي القلموني أن يبيّن لنا ما إذا كانت هذه الحالات ما زالت تتكرر في الشوارع...

[أبو النكد]

ما كلنا بنعرف لمين تابعة هل الدراجات و عارفين انه لن ينفع معهم الكلام و لا غيره فهم يتصرفون على هواهم في هذه القرية

[MOUHAMMAD]

سلام....
مانك شاطر يا أبو النكد إلا بالنكد.............ودوع.........هادا يمكن على سواقة ال bmw

[علي القلموني]

أنا ما أوقفت الموضوع بس ناطر من الأخ وسيم اذا سأل شي عن الموضوع ويعرفنا شو القصة
اما بالنسبة اذا الموضوع لساتو نعم لساتها الدراجات على حالها .

[وسيم أحمد الفلو]

أخي الكريم

أنا تكلمت مع رئيس البلدية أولاً ومن ثم تكلمت مع الأخ عبود زيدان (لأنه المتهم بأنه وراء الدراجات) ولكن منذ يومين عاد بعض أصدقائي وأخبروني أن الظاهرة لم تتوقف فعدت وكلمت رئيس البلدية ووعدني بأن هذا الموضوع سوف يحل في القريب العاجل

وإن شاء الله خير

[علي القلموني]

بارك الله بك أخي وسيم