جائزة بقيمة مائة دولار للفشلان

[عمر ملاط]

بعد التميز الذي حققه الفشلان في المنتدى، من حيث فكاهته وأدبه وشعره، فقد رأى أخونا الكريم أبو جاد أن يقدم هدية بقيمة مائة دولار للفشلان على ما قدمه من جو رائع ومسل ومفيد في المنتدى...
وقد خص الأخ أبو جاد الفشلان بهذه القيمة... دعماً له وتحفيزاً لغيره على المشاركة الفعالة...
كما نرجو أن تكون هذه المبادرة حافزاً للإخوة الباقين على دعم هذا الموقع في كل المجالات، حتى نرقى به للمستوى المطلوب الذي يليق بنا..
سائلين المولى عز وجل أن يجعل هذا العمل في ميزان حسناتنا جميعاً.. وأن يبارك للأخ أبو جاد في ماله ونفسه وأهله...

وبعد طلب الأخ الشامي.. تم إضافة الجملة التالية:
ويا أخ فشلان نرجو مراسلة الشامي للتنسيق

[HARD]

مبروك فشلان والى الامام بيستاهل عن جد
والله يبارك لك اخي ابو جاد ويديمك فوق راس الجميع انت الاب الحنون عن جد لم نعلم عنك الا الخير والبركة الله يوفقك الى مافيه خير لك ولعائلتك ولدينك ولالرعية كلها اقصد الجالية القلمونية في الامارات :)
وانا كلشي حركت المنتدى ما بيطلعلي شئ يا ابو جاد الله خليك بس من يكون 100 $ ثمن الخبريه لانو التسعيرة هي هي بس ولله هادي كنايه :)

[فشلان]

هوهوووووووووووووووووووووووووووووووو

طيب على القليلة عملولكن شي دعاية مناشني... بعدان لكن عين بس تهدوني مائة دولار...؟؟؟ يا عيب الشوم عليكن.. مائة دولار يا مفتريين.؟؟؟

لا تواخذوني بس والله ما عم استوعب الموضوع حتى الآن... يا عمي والله خجلتوني.... والله ما بعرف شو بدي قول... إنو ما فهمت منشان لشو هادي الهدية..... لأني شاعر؟

إنو أنا هلأ شو لازم اعمل... لا يقوم الأخ أبو جاد بدو بيت شعر بمائة دولار... يا زلمة أنا كنت عم امزح لما قلت إنو بيت الشعر بمائة دولار.. (الله يبعتلي كنا غلينا شوية)

يعني حتى الآن الصورة مانا واضحة عندي أبداً... ما بعرف مين يلي لازم يوضحلي اياها....

بعدان إنت يا شامي شو قصتك.؟؟؟ ليش حابب تعلقني مع العالم من جديد؟ شو قصة هالجملة يلي ضايفها؟؟ هيأتك عنجد بتحب التمثيل........ نهينا القصة.. ومضيت على خير.. ليش حابب ترجع تشعلها من جديد... والله قصتك قصة...

لا تواخذني أبو جاد... ما بعرف شو بدي قول.. وأصلاً يمكن إسا ماني مصدق.. فاعذرني.. وبس صدق إذا كان الموضوع صحيح.. رح اتشكرك.. بس كمان ما بعرف كيف... يمكن أعطيك مائة دولار لأنك ساعدتني بمائة دولار..

والله لا تقومو عاملة مسرحية عن جد؟؟؟ أنا من ناحيتي رح راسل الشامي... وقولة ما بيقولو لحاق الكذاب على باب الدار... مع بعد الشبه...

تانشوف شو رح بيصير...

و لك دوووو دووووو دوووووووووووووووووووووووووع

[الشامي]

السلام عليكم .. كيفكم يا جماعة :)...

أخي فشلان شو بنا ولو .. احنا رجال .. كلمتنا كلمة ... وقت منحكي منطبق .. وما مصدق .. روح على حقوق الرجال والمسيار والتفاح ... لووووول...

على كل أنا ناطر منك رسالة خاصة لتخبرني كيف بدنا نوصلك المصاري... والقصة حقيقية... ولو يا زلمة خللي حدا من إخواتك يقرصك شي قرصة انت صاحي يا حبيبي ...

أوعا تنسى معك أسبوع وإلا ال100 بتروح عليك...وبياخدها الموقع ...;)

أخوكم:rolleyes:

[فشلان]

هلأ أنا صحيح بعرفك ما بتكذب يا شامي... وكذلك الشيخ عمر...

بس والله حاسسني قلبي إنو قولة أم سفيان كلها مسرحية حتى تعرفوني.... ما بعرف... بس حاسس في شي بالموضوع...

فخليني بلالي هالمعمعة أحسن بكتير......

قال هلأ فاق أبو جاد (ما بقى إلي قلب قول أبو ذاد.. ما يقوم يطلع الفلم حقيقي).... هلأ فاق وطلع معو يهديني مائة دولار.. صحيح أنا بستاهل أكتر وما في شي من قيمتي.. بس كمان.. القصة مانا خارطة مشطي أبداً أبداً... منوب منوب منوب...

ولك دوووووووووووووووووووووووووووووووووع

[الزاهر]

ولك أنا ما ألتلك شعرك شغلة يا خيي فشلان----ما كنت مصدق----الحمد لله طلع حدا يجزيك على موهبتك


بس ما تؤوم من هلأ وبالرايح تصير بطران وعنجد بدك 100 $ عن كل بيت!!!!

مبروووووووووك!!!!
أوووويييييها وفشلان صار في يشتري بيت لفشلانة......
أوووووويييييها وفشلان صار عندو شغل وعروس......

سلام ومبروك أخي العزيز

[HARD]

اخي فشلان تبرع بل 100$ للموقع بركة منجمع الاحباب :) على الاقل باتصال ............لا اعتقد احد فهم كلامي :)

[فشلان]

والله قصتكم قصة.. كلكن صدقتو الحكاية الظاهر إلا أنا... والله ما بعرف إذا برجع براسل الشامي... بس القصة حتى الآن مانا خاشة راسي منوب.. وإن شاء الله تفوت براسي قبل ما يخلص الأسبوع....

بس يا شاطر إنت يا شامي كيف بدك تعطيني هنة؟؟؟؟؟ أنا بفضل إنو ما آخدهم على إنو انعرف... بتعرفو مهم كتير أنا....

وليك صرت عم احكي كأني صدقت... والله شغلة إنتو وهالقصة يلي طالعين فيها...

ولك دووووووووووووووووووووووووع

[نجحان]

اخي العزيز فشلان :eek:

اولا : اللي حفذني على الاشتراك بالمنتدى هو انت , لأني كتير مشتقلك وان شاء الله ترجع لنا سالماً.

ثانيا : انا كتبت موضوع منشان ترد علي , بس الظاهر انك ما عرفتني ولو يا ابو شريك هيك الغربة بتعمل فيك, بسيطة.

ثالثا ً : فكرة حلوة التبرع , خلي الشامي يحول المبلغ لصندوق الزكاة في القلمون , شو رأيك.

رابعا : خلينا على اتصال , او اعملي ميس كول يا قمر :D.

سلام

[عمر ملاط]

والله هاللغة مانا غريبة عني أبداً.... وكأني عرفت مينو نجحان.... مغلط شي؟؟؟؟؟؟؟؟
إذا كان إنت.. فالظاهر غاطس نفس غطسة المهند... ولازم تطلع بسرعة وتنشف... في محارم خاصة كتير بتنشف.. استخدمها.. إذا ما كانو خلصو... ولو يا حبوب...!!!!

[HARD]

يا عمر لماذا انت الان دبت فيك الحمية في وقت كانت النار شاعلة ولم تتدخل يعني فيك تعطي تفسير للعالم والله اكبر يعني صار فشلان وعمر عم يكونو مع بعض بنفس الوقت والاخ زاهر لم يستوعب، ويتكلل هذا بكتاباته المجنونة.....
ويا عمر من وين اجت هل الفكرة ؟؟؟؟؟؟ :)
سلام لابو جاد انا بكرة بدي شوفك انت بتعرف ليش

[عمر ملاط]

يا حبيبي يا ربيع.. أنا لما الناس بتتهمني على انفراد بالموضوع بردلها على انفراد... ولما بيتهموني بالعلن.. مضطر رد بالعلن.... الحمية عطول موجودة... بس بتصرف حسب المناسب وكل ناس منرد عليها بطريقتها الخاصة.... وأنا سبق وقلتلك من النوع يلي ما بحب شيل فكرة.. الواحد مبسوط بحالو فيها... سواء صح ولا غلط... يا عمي تركو مبسوط بحالو الواحد... أحسن.. أنا هيك رأيي.. بالعكس بانبسط أكتر.. :D

بعدان فشلان ما شاء الله عليه كل الوقت موجود تقريباً... بنطر حتى يطلع لفوت يعني؟؟؟ والله إنت ما بتؤمن الظاهر بالقضاء والقدر... أو إذا بدك بالصدف... حملت قصة من الأول وما تركتها من راسك... كيف فشلان حكي بنفس الموضوع يلي حكينا فيه بالحديقة..؟؟؟؟ سبحان الله... يا أخي كان الموضوع موجود وفيك ترجع تتأكد... وكان عم يطور.. وسبحان الله ذكر أشياء حكينا فيها بالحديقة.. طيب هو من وين بدو يجيب الكلام، وأنا وإنت من وين بدنا نجيب الكلام؟ مش من الحياة والواقع.. يعني هو حكي بشغلات كل الناس بتحكي فيها.. وأكبر دليل إنو نحنا كمان حكينا فيها....

بس على كل حال، لا تعرف اديش أنا مبسوط هلأ... بنبسط لما الناس بتحسب وبتفكر... وأكتر الشي بنبسط لما واحد بفكر حالو اكتشف... وهو بالحقيقة بعدو بالظن...

أنا برأيي إنو أد ما الواحد طول وتخبى.. لا بد ما ينكشف... ونحنا ناطرين مثلنا مثلكم...

[Nadine]

wallah ya akh akh feshlen inek ma fi addek fehmen,,,3refet cho baddoun minek ,,,,100 dollars minchen ya3rfou min inte,,,,ollon min inte w khod il 100 dollars w ba3den 3mel isem teni ,,w haik byerja3ou badon ya3rfu min inte,,,mabrouk akh feshlen sor 3indek wazifeh...yallah rou7 khtob feshleneh ,,,w olla innek betalle3 100 dollars wa2et illi baddek....

[فشلان]

مشكورة أختي نادين.. والله فكرة... وهو بالحقيقة أنا إسا ما صدقت الفلم.. وحاسس إنو في من ورا هدف مبطن... أنا عجبتني فكرة الهارد ونجحان إنو اتبرع فيها... وهيك بحمي نفسي... بس هيك يا حسرة بكون طلعت من المولد بلا حمص..

بعدني الحقيقة محتار شو بعمل... بس لا تقوم تخلص الفترة.. ويروح عليي كل شي.. هيك بكون فشلان على المظبوط...

بس هية القصة بتعقد شوية... الله يريحنا....

[عمر ملاط]

بعدان خلص تكرم عينك يا معلم ربيع ما بقى رح احكي بالموضوع أبدا منشان ما تقلي حمية...

أما إنت يا حبيبي يا فشلان.. إنت راسل الشامي.. واحبكها معو مثل ما بدك... مش هو قلك حتى تنسق معو!!!! ما تضيع الفرصة... ما بعتقد هادي شغلة ممكن تنعاد مرة تانية...

يعني بلش بالموضوع ومانك خسران شي... بس إنت بلش...

[الزاهر]

يا عمر لماذا انت الان دبت فيك الحمية في وقت كانت النار شاعلة ولم تتدخل يعني فيك تعطي تفسير للعالم والله اكبر يعني صار فشلان وعمر عم يكونو مع بعض بنفس الوقت والاخ زاهر لم يستوعب، ويتكلل هذا بكتاباته المجنونة.....
ويا عمر من وين اجت هل الفكرة ؟؟؟؟؟؟ :)
سلام لابو جاد انا بكرة بدي شوفك انت بتعرف ليش


السلام عليكم

بس خيي ما فهمت عليك منيح فسرلي شو قصدت......ان شاء الله ما تكون ظانن إنو أنا مفكر فشلان هو عمر ملاط......

يعني إذا هيك نكون رجعنا لنقطة الصفر.....ما ألنا فشلان هو فشلان وبس.....

[HARD]

يا عمر ليش حتى كون مبسوط ؟؟؟؟
الله وكيلك انا احيان بضحك حتى يبين اني مبسوط (المقصود اني احيان اتصنع الضحك للمحافظة على الجو العام )
واحيان بصدق نفسي وبعدين هذا الموضوع بيبسط يعني!!! ( اقصد بالموضوع موضوع فشلان ومن يكون)
انا مفكر انو حبيبتي بتحبني يعني ؟؟؟؟( اقصد هل الموضوع عن واحدة طالب القرب منها ووافقت لذلك مبسوط)
مجرد افكار وصف كلام لنذهب الوقت وهذا بالحديقة (اي هذا الكلام اللذي يحدث بالحديقة عن فشلان ومن يكون) ....
واذا بتريد جاوب على اد الاستفسار ولا دور ولا تلف واذا ما بدك لا تجاوب بس ما تتفلسف ، وتاني الشئ انا لم اذكر اسماء على المنتدى انا وضعت استفسار انت تجرد عن ماذا افكر وجاوب وبس، وغير هيك عم تلف ،( المقصود لو ان مجهولا كتب لك هذا الاستفسار كيف سوف تجاوب هل بتقول: له انت بالحديقة قلت ... وانت تعتقد انو عمر هو.... )
اخي ليش عم تعذبني انت فهمت شو كنت كاتب بالاول(اقصد المشاركات القديمة) يا اخي شوف حتى تتأكد اني غير مهتم بالاسم : انا وبكل سهولة ببعت لفشلان رسالة واقول له اذا بتريد انشر هذه باسمك على المنتدى
يعني ليست العبرة مين هو فشلان او بلوط نمسمر العبرة بالكلام المكتووووووووووووووووووووووووووب اوففففففففففففففففففففففففففففففففففففففففففف ففف
.

[عمر ملاط]

والله يا أخي ربيع حاولت إني افهم كلامك الأخير، بس ما قدرت. شو علمك الشامي الحكي الصيني؟ نيهاو.. تشاش ياه...
بس بدي اسألك سؤال؟ إذا الواحد قال: أنا معي بكل إيد تفاحة... أو قال أنا معي تفاحتين... شو الفرق؟؟؟ هية هية.. ما المهم شو الكلمة يلي قلتها إنت.. المهم شو بتنفهم.. أنا ما عندي مشكلة بشي.. عايش على رواااااااااااااااااااااااااااااااااااااااااااااااا ء... بس الحلو إنو كل واحد عندو أدلتو القاطعة إنوبيعرف الفشلان.. بس كل واحد بقول شخص مختلف... كيف الله أعلم

[المهند]

والله فكرة انو لما بتجتمعوا انت والشامي وبو جاد وبيصير بوجاد يقولك"يا نورى انشالله صدقت انى رح اعطيك مية دولار؟!! ههههههههه انا عندىمرتى وولدين ناطريننى بلبنان!!شوجايي لهون لحتى اصرف عليك انا!روح اصروف عحالك!!فهمنا قبلنا معك ومع الشامي انو قول انو الهدية باسمى حتى نفرجى الناس انك ربحت عالمهند!!بس ما تيجي تنق عليي طول الوقت بدكمية دولار!!حل عنى انا عايف حالى!! العمى كعرنا!!يا اخى بعطيكى مية دولار دين!!بس ما تكعرنى!!انو كزبنا الكزيو وصدقتا انت لوحدك!!!فرقنى بريحة طيبة
ههههههههههههههههههه:p هيكوصلتنا اخبارون عم يحكو مع بعض!!الجارة سمعتون لما كانوا سهرانين سوى الخميس!!يعنى عمر بيك مبسوطكتير هلء حسب ما قال لانو فىناس بعدامصدقتو او مفكر انو قدريقنع البعض انو ما فى مسرحية!! يا حبيبي ازا ابو جادعطيك 100دولارابعتون لهون لفشلونتك..وليك قولا للفشلانة الجيران الون نصيب ها من المال ههههههههههههههه:p

[HARD]

الحمد لله على هذه النعمه اقصد الرواااااااااااااااااااء
وانا عايش على رواااااااااااااااء الحمد لله وذلك بفضل الله اولا و الشباب من امثالكم وامثال الاخ مصطفى وشادي و صلاح و وسيم ومحمد وصلاح وباسم وحسن فانتم نعم الاخوة ولله .

الان :
اسمع يا شيخ عمر العالم انواع منهم من يظن ان البرستيج والمظاهر ما لازم حدا يخرقها وفي ناس معليش ....
انا لا اهتم بالمظاهر كتير يمكن عندك تفكير تاني بس هذا كلامي انا ،
في عالم بتعيش نفسها بكذبه والجميل من هذا انو الواحد بصدق الكذبه وليك الاهم من هذا انو في عالم بتكون بتعرف .... ،
بس لمراعات الشعور بتسكر .....
انت الان انتقلت للكلام باسمك وانا اتكلم باسم ربيع فشوف شو عم تكتب واياك ان تخرق برستيجك ممنوع ، ولا تعتمد اسلوب التفخيت مع معلوم بس يمكن مع مجهول بتمبلع.


نعم فيك ترجع تشوف المشاركة التي كانت مكتوبه بالصيني فقد عدلت عليها
الان تحولت الى تركي اكيد :)

[عمر ملاط]

يا حبيبي يا هارد...
أنا لا عم اخرق البرستيج.. ولا شي.. عم احكي بكل صراحة... لما الكلام بيتوجه عليي بطريقة علنية.. سواء منك أو من غيرك.. مضطر رد بطريقة علنية... ولما حدا بموه بالكلام عليي.. رح رد بطريقة مموهة.. بس أنا ما بحب اللف والدوران...

والله اكبر يعني صار فشلان وعمر عم يكونو مع بعض بنفس الوقت والاخ زاهر لم يستوعب، ويتكلل هذا بكتاباته المجنونة.....

هادي الجملة مين قالها.. وبالتالي.. بحقلي علق على الموضوع... مش عبارة عن خرق البرستيج.... بعدان حكيت بشكل طبيعي.. وما تعديت أي حدود... ولوووو!!!!

أما جارنا المهند.. فعلى الراس والعين... بس بحب قلك شغلة.. إنو هالقصة واصلتلك غلط.. إلا إذا أبو جاد كاذب عليك أو الشامي كاذب عليك... لأنو أنا ما حكيت معك.. وبالتالي بتصور إنو ما بيكذبو... فشوف وتأكد من مصادرك ومخابراتك.... لأنو بهاديك الليلة ما كان في غيري أنا وأبو جاد والشامي.. وشوية جناني...
وبحب قلك.. إنو قصة المائة دولار ما إلي فيها لا ناقة ولا جمل... وأنا ما عرفت فيها إلا لما كان عم يدفع أبو جاد للشامي... والحلو بالموضوع.. إني طلعت خسران عشرة درهم... لأنو لما أبو جاد عطي الشامي 400 درهم.. ما لقي الشامي معو غير عشرين درهم.. فقام محسوبكم الشهم.. ودفع عشرة درهم لأبو جاد... ووالله العظيم هادا كل يلي بعرفو بهالموضوع... بس حسيت وقت عم يعطو بعضن المصاري كأنو حاكيين مع بعضن بالموضوع من قبل....

ويلي بحب يصدق.. يصدق... ويلي ما بدو على أقل من مهلو... أنا ما معود بحب دافع عن نفسي... بس يا عالم في بالقصة مائة دولار... وما تعرف مرتي إني ربحت مائة دولار مدري شو بيصيبها.... لأنو بتعرف عمر ملاط... ليك هالحكي ليك.. قال عمر ملاط ربح.....

يالله... هالمرة حكيت.. بس مرة تانية ما بقى رح دافع.. ولا شي... وعلى فكرة.. حسب علمي.. إنو فشلان حتى الآن ما راسل الشامي... لأنو ما مصدق... فما بعرف كيف مشربكين القصة هيك...

بس حابب أعرف دليل واحد على هالكلام... وبعدان خلونا نحكي....

[amer]

منقول مبروك للفشلان او بعد ؟

[فشلان]

والله بعد.. لأنو حتى الآن ما ثبتلي إنو القصة حقيقية... ما بعرف... يعني على القليلة لو حقيقية... كانو اهتموا أكتر بالموضوع... مش ناموا مثل العادة....

[فشلان]

أيها الشعب العربي...

أقولها وبكل صراحة... أنا الآن أفكر جدياً في الموضوع.. موضوع أخذ الجائزة.. وماني خسران شي... والقبضاي يعرفني... لأني عم احبكها منيح... بس إنت يا شامي عليك ترسل المائة دولار على القلمون... وبخبرك بباقي التفاصيل برسالة خاصة.. هادى كلو كرمال الأخ أبو جاد.. لأنو الظاهر زعل.. زعل إذا كانت القصة صحيحة.. فأنا رح شيل الحق عني.. ورح جرب....

وإذا وصلت المائة دولار.. بكون كان به... إذا ما وصلت... ما تلومو إلا نفسكم هه... ترى رح انشحكم بالمنتدى نشح... رح حط دعاية على جوجل كمان إنو ضحكتو علييي.... فانتبهو...

[HARD]

ولله يا اخ فشلان سوف تصلك ال 100 $ قريبا وانا hard رح اعطيك ياها
:)