هل من إقتراح أو رأي أو مشورة أو مساعدة؟ [الأرشيف]

ساميا

25-05-2008, 01:16 AM

السلام عليكم ورحمة الله وبركاته.. وحيا الله الجميع،مسافرين ومقيمين، أعضاء أو ضيوف...
إخوتي الكرام:
الموضوع وبكل بساطة، فرع من مقترحات ودراسات تشمل بلدتنا الحبيبة لناحية ترميم وتجميل وصيانة شوارعها ومرافقها وتحسين منظرها بشكل عام...
والفكرة التي أنا بصدد طرحها تتعلق بمدخل البلدة من ناحية طرابلس، وبالتحديد عند ذلك المثلث الفاصل بين الطريقين مقابل بيت عرابي، والمقترح أن يشيد فيه نصب يرمز إلى بلدتنا بما إشتهرت وتميزت به سواء قصدنا العلم والعلماء، أو زهر الليمون، أو الزيتون، أو ...
فحبذا لو تجودون علينا، إخوتي الأفاضل، بما تبدعه أفكاركم في هذا المجال..
جزاكم الله خيراً

أيمن غ القلموني

25-05-2008, 01:50 AM

مشكورة أخت ساميا على هالموضوع المهم.

أكيد لازم ينعمل شي ، لإنو مدخل الضيعة ولإنو بيتنا حفظه الله:) يتربع شامخا على المدخل.

بس حبت إعطي هالتعليق كمقدمة وإن شاء الله أي شي بيطلع معي بخبركم في.

لك البلدية واعدة إنا بدا وبدا تعمل من شي ٣ سنين ، بس آل العين بصيرة والإيد قصيرة ، ودايما مفلسة ، ولك حتى خزنة البلدية عم تضجر ، آل ما في مصريات تتسلى بالحكي معون ؛

وينك يا وسيم:1 (86):

ساميا

25-05-2008, 02:51 AM

نعم أخ أيمن، لكن مثل هذه المقترحات ستوضع بعهدة البلدية وهي من يتبناها لجهة موافقة المعنيين والسعي لتأمين اللازم لتنفيذها

الزاهر

25-05-2008, 03:47 AM

السلام عليكم ورحمة الله وبركاته.. وحيا الله الجميع،مسافرين ومقيمين، أعضاء أو ضيوف...
وعليكم السلام ورحمة الله تعالى وبركاته.............حياكم الله!!!

إخوتي الكرام: الموضوع وبكل بساطة، فرع من مقترحات ودراسات تشمل بلدتنا الحبيبة لناحية ترميم وتجميل وصيانة شوارعها ومرافقها وتحسين منظرها بشكل عام...
هاد مشروع............واللي تحت مشروع تاني............:).............وبالنسبة للأول.........إذا يسر الله لنا فسأقوم بإفراد موضوع أو محاولة إيصاله للجهة المعنية بالطريقة المناسبة.............كلشي بوأتو حلو..........أولة أخونا عبد الله!!!.........:)

والفكرة التي أنا بصدد طرحها تتعلق بمدخل البلدة من الناحية الجنوبية، وبالتحديد عند ذلك المثلث الفاصل بين الطريقين مقابل بيت عرابي، والمقترح أن يشيد فيه نصب يرمز إلى بلدتنا بما إشتهرت وتميزت به سواء قصدنا العلم والعلماء، أو زهر الليمون، أو الزيتون، أو ... فحبذا لو تجودون علينا، إخوتي الأفاضل، بما تبدعه أفكاركم في هذا المجال.. جزاكم الله خيراً
أما بالنسبة لهاد........فمهلة يومين شبينعمل فيها!!!!......:)....هادي بدها فنان ووئت!!!
على كل.......إن شاء الله خير......
هلا إذا بدنا نرجع للكلاسيكية .........يمكن أن يكون نصب على نسق الموجود قرب محطة الوقود الكائنة بعد البحصاص بمسافة قصيرة ..........منحوت فيه اسم القلمون أو عبارة تعبر عنها
في اسفله كتاب رخامي مفتوح منقوش على صفحاته .....مممممم.........شو بيعرفني.......أسماء علماء القلمون!!!......:)
كذلك بينزرع وهيك......

على كل.....رح نشوف اللي لهم علاقة بهالمجال بالضيعة كنو بيطلع معهم شي بهاليومين!!

وينكم يا أعضاء المنتدى.........ما في حدا منكم مهندس معماري؟؟؟

فشلان

25-05-2008, 08:48 AM

كتبوا على النصب قصيدة من قصائدي العظيمة.... :D

HARD

25-05-2008, 12:47 PM

خلينا ننطر افكار زاهر .

بس فكرة على السريع ، منحط جسر حديد بتصميم حلو وبنحط بالوسط شي لافته كما بتصميم حلو ومنحط عليها شغلات واشياء حلوة من عند الاخ فشلان، اذا قبل.

واكيد فينا نحط جسرين واحد من ناحية المدخل البحري وواحد من ناحية المدخل الجبلي.

وشكرا على الموضوع .

ساميا

26-05-2008, 01:11 AM

جزى الله خيراً كل من إهتم بالفكرة وإجتهد بإقتراحه..

الأخ هارد: الفكرة بحد ذاتها تقتصر على المثلث الفاصل بين الطريقين، وفكرة إنشاء جسر مكلفة إلى حد ما وتضطرنا إلى رفع الجسر لمسافة كافية فوق الطريق تسمح بمرور الآليات المرتفعة، ومن الممكن أن تكون هذه الفكرة ضرورية لو كان بإستطاعتنا الإستفادة من هذا الجسر في ربط منطقتين تفصل بينهما الطريق..

أما الأخ فشلان ولو أنك قلت ما قلت بطريقة المزح، فسنكون لك من الشاكرين لو تكرمت علينا ببضعة أبيات مميزة من إبداعك تصلح أن تتصدر مدخل البلدة وتعكس ما تميزت به..

وللأخ الزاهر بإنتظار بلورة الفكرة..

وإلى الجميع أرجو الإهتمام والنصح ..

محمد أحمد الفلو

26-05-2008, 01:21 AM

مجسم لكتاب كبير ( رمز للعلم ) معلق بين شجرتي ليمون وزيتون

ومكتوب تحتن فكرة حميطون

الريس

26-05-2008, 04:01 PM

حطو مجسم حمار كبير ، وكتبو هنا ضيعة الحمير ، عسى انو تشفعلنا صراحتنا يوم القيامة ، لأن أعمال ما عنا ، ومواقف ما عنا ، فخلينا نحكي الحقيقة ، أو منضلنا مخبيين راسنا وماشيين ، لا ضيعة علم ولا شي يا عمي ، أكتريتون ضايعين ساعة بسقفوا لهيدا وساعة لهيدا ، عن أي علم عم تحكوا ؟؟؟

أيمن غ القلموني

26-05-2008, 04:08 PM

نعم أخ أيمن، لكن مثل هذه المقترحات ستوضع بعهدة البلدية وهي من يتبناها لجهة موافقة المعنيين والسعي لتأمين اللازم لتنفيذها

على كل إذا كان الإقتراح يا أخت ساميا سيوضع بعهدة البلدية ، فعيش يا كديش تينبت الحشيش ؛ عشنا وشفنا يا بلديتنا ؛

عسى أن أكون مخطيء ولكن هذا ما رأيته.

دوكر

26-05-2008, 04:33 PM

يا هلا بالجميع........
مشروع حلو.....بس انا مع الريس .....بالفكرة....حطولكن كتاب مكتوب فاي كان لنا مجد اضعناه ....كنا رجالا....كان فينا بعض العلماء....منهجهم لم يعجبنا....فالزعماء و الرويبضة اغرونا بالتصفيق لهم.....
او فيكن تحطو هيكا إدتين كأنون عم يزأفو......
يعطيكن العافية.....
اخوكم دوكر المعوكر.....

الريس

26-05-2008, 04:48 PM

ولك أهلين بالمعلم دوكر ، اشتقانلك يا زلمة ، صار بدها شي قعدة تانية

Warrior

26-05-2008, 07:41 PM

فشلان

26-05-2008, 09:07 PM

أما الأخ فشلان ولو أنك قلت ما قلت بطريقة المزح، فسنكون لك من الشاكرين لو تكرمت علينا ببضعة أبيات مميزة من إبداعك تصلح أن تتصدر مدخل البلدة وتعكس ما تميزت به..

ضحكتيني والله... حملتا سخنة وصدقت... تركوني بحالي... شو بدك تحطي التوقيع؟؟؟ فشلان؟؟؟؟؟؟؟ ههههههههههههههههههههههههههه

الله يسامحك...

الزاهر

27-05-2008, 02:56 AM

ضحكتيني والله... حملتا سخنة وصدقت... تركوني بحالي... شو بدك تحطي التوقيع؟؟؟ فشلان؟؟؟؟؟؟؟ ههههههههههههههههههههههههههه

الله يسامحك...

الله يسامحك يا فشلان...........وآل عم نسيط فيك وهلا بيعملنا متل اللي عمدخل دار المشايخ (دار عليها السعد....) وهلأ بيعملنا وهلأ وهلأ!!!............إخص عليك إخص!!!..........:)

الريس

27-05-2008, 02:56 AM

بزياده انت مش متعلم، خلينا نحط تمثال مكتوب عليه من فصاحتك القيمة .

انت بتعرفني شي ، يا خال ؟؟؟شو عرفك إذا كنت متعلم أو لأ ؟ ريتا العصا اتعلم بجنابك صحيح .بعدين الفصيح يا فصيح هو يلي بيحكي الواقع يا حبيب قلبي ، مش يلي بشوف العالم عم تغرق وتموت وهو عم يضحك بوجون والله يبارك فيكون كل الوقت ، يا حبيب قلبي في واقع معين بالقلمون بقول بعكس الشي يلي منغنى فيه ، يا حبيب قلبي بتعرف كم راحت بوسطة من القلمون على بيروت لحتى يحتفلوا ؟؟؟ وهنة ذاتون كانو مبارحة عم يسبوا ، وبكرا رح يرجع كمان يسبوا ، شو بدك انقلون شاطر شاطر ؟؟؟أنا أرفض بتاتا وضع شكل مصحف أو أي شي لو علاقة بالدين ، مشان اذا كان الواحد مارق من برات القلمون ومرق بهالضيعة هيدي بالغلط ما يقوم يفهم انو هيدا هو الدين ؟

Warrior

27-05-2008, 06:13 AM

انت بتعرفني شي ، يا خال ؟؟؟شو عرفك إذا كنت متعلم أو لأ ؟ ريتا العصا اتعلم بجنابك صحيح .بعدين الفصيح يا فصيح هو يلي بيحكي الواقع يا حبيب قلبي ، مش يلي بشوف العالم عم تغرق وتموت وهو عم يضحك بوجون والله يبارك فيكون كل الوقت ، يا حبيب قلبي في واقع معين بالقلمون بقول بعكس الشي يلي منغنى فيه ، يا حبيب قلبي بتعرف كم راحت بوسطة من القلمون على بيروت لحتى يحتفلوا ؟؟؟ وهنة ذاتون كانو مبارحة عم يسبوا ، وبكرا رح يرجع كمان يسبوا ، شو بدك انقلون شاطر شاطر ؟؟؟أنا أرفض بتاتا وضع شكل مصحف أو أي شي لو علاقة بالدين ، مشان اذا كان الواحد مارق من برات القلمون ومرق بهالضيعة هيدي بالغلط ما يقوم يفهم انو هيدا هو الدين ؟

يالله مقبولة منك يا خال . بس مشاركتك هذه اجت راكزه ومفهومة اكتر واقل شموليه لانو بكلامك السابق في ظلم لشريحة كبيرة من القلمون فليش تناخذ الكل بافعال البعض .

انا مع السعي للحفاظ على ظاهر القلمون، هل هناك مصلح؟ هل هناك امهات صالحات؟ هل هناك آباء اشداء؟....... فالامل موجود والعوده اكيده الى الاصل .

فكن ايجابي وعطينا افكار بتساعد على التعبير عن ثقافة القلمون الحقيقية وليست الجديدة او المرحلية .

انا مع وضع منحوته من الصخر بشكل فني وغريب و مبتكر وفيها زهرة الليمون واذا بكون في قلم وكتاب بالمنحوته بكون افضل،
هذا هو واقع القلمون الحقيقي وكل العالم عارفه هذا الشئ .

حظيت من فترة بواحده من بيروت ومن هون لهناك عرفت انو انا من القلمون، اتعلم اول ما قالت : قالت لقد تم نشر دراسة منذ فترة تتكلم ان القلمون تملك اكبر نسبة من المتعلمين بالنسبة للمناطق الموجودة بلبنان . فهل انت على اطلاع بهذا الواقع.

وشكرا .

عبد الله

31-05-2008, 01:11 PM

أنا برأيي انو يرجعوا الرايات وهادا بيكفي ما في داعي لفزلكات ما الها طعمة

أبو رياض القلموني

31-05-2008, 05:00 PM

يا عبدالله بعتقد إنو الأخت ساميا عم تحكي عن المثلث محل ما كانو الأصبات ...لأنو محل الرايات كتير ديء و ما بساع لنصب .. ولا أنا مغلط

أول شغلة أنا مع عبدالله بأصة الرايات

تاني شغلة .. إذا كان النصب محل الأصبات ... فأنا بقترح بما إنو المساحة واسعة شوية و شكلا مثلث ... بقترح إنو بأول زاوية يكون في موجة عليا شختورة .. وتاني زاوية في جبل فوأو حجيجة مجنّحة .. أما الزاوية التالتة فبنحط فيا حمارو للريس حامل عضهرو كتب ...
وبالنص بكون في نصب وفيكن تكتبو علي شعر حلو .. و إذا بدكن عضهرو زهرة ليمون كبيرة و طالع منا Stigma في براسا طابة إزاز في بألبا كلمة القلمون بتضوي بليل ...

شطحت لبعيد ... ما هيك ..هههههههههه

abujahl

31-05-2008, 07:16 PM

walla ana 3indi su2al w sarih lal ha2i2a leish da2iman baladiyitna mfalsin shaghle mani fehima walla ana hebeb 2a3ref w 2it3araf w nkhali il 3alam tifham kif il baladiye bil 2asas byitla3la masari w min wein hebin na3ref leish kil hal baladiyet da2iman 3am yishtighlu w da2iman bil wegha w nihna da2iman mfalsin walla hebeb 2a3ref mamnisma3 illi il baladiye mfalse so plz ana 3angad hebeb 2a3ref thanks

الزاهر

31-05-2008, 10:12 PM

خيو رامي............لحد علمي الناس ما بتدفع الضرائب!!!
والمنتجعات..........ما شاء الله............واسطتهم أوية............وسحاب منهم فرنك إذا فيك!!!
وما عنا ولا نائب ليسرألنا متل غيرنا!!!

صححولي إذا كنت مغلط!!!

أيمن غ القلموني

31-05-2008, 10:47 PM

ما في داعي ولو يا زاهر ، حكيك مظبوط وبحب زيد إنو البلدية لازم تهتم زيادة بالجباية وتلاحق وتابع الناس ، يعني ما معقول الناس هي إللي بدا تلحق البلدية تتدفعلا .

محمد

01-06-2008, 01:29 AM

السلام عليكم بارك الله بكم
لقد اشتهرت الضيعة بكلمة الله بالجبل .
الفكرة أنو كمان يكون في كلمة الله بأول الضيعة.

kalamouni2

06-06-2008, 08:42 PM

والمقترح أن يشيد فيه نصب يرمز إلى بلدتنا بما إشتهرت وتميزت به سواء قصدنا العلم والعلماء، أو زهر الليمون، أو الزيتون، أو ...

بسم الله الرحمن الرحيم
بارك الله فيكم على هذه المبادرة الطيبة والكريمة أنا سمعت سابقاً مقترحا عن كركة ماء زهر كمقترح ولكن ليست معبرة وأتمنى ان لا تكون مطروحة على البلدية.
أهم ما ينبغي أن يميز النصب هو الرمز إلى كون البلدة إسلاميةمثلاً: مصحف وحوله أغصان من زهر الليمون والزيتون وقلم يكتب على المصحف إقرأ باسم ربك الذي خلق ،، أو نحو ذلك فليس تخصصي لكن رجائي لأهل التخصص أن يحرصوا على أننا بلدة إسلامية فلا تخيبوا آمالنا والظن بكم خيراً جدّ كبير
بارك الله بكم

أم سفيان

06-06-2008, 09:55 PM

أنا برأيي أن لايرمز إليها بشعار يخص الإسلام لا من قريب ولا من بعيد لأن في ذلك برأيي إهانة للإسلام
والسبب طبعا معروف لأن الزائر عندما يرى المصحف ومن ثم يرى الشوارع المزدحمة بالمكزدرين والمكزدرات سيرى التناقض الواضح بين الواقع والرمز
والأولى أن يوضع رمز يمثل واقع البلدة وشريحة كبيرة من أهلها

ساميا

06-06-2008, 10:48 PM

بداية لا بد من الشكر الجزيل لكل من شارك (ولو من قبيل المزح أو الإستهزاء) وأعتذر عن تأخري في المشاركة بعد طرح الموضوع وما السبب إلا أنني لمست عدم الجدية في التعاطي بالأمر، ولو إستمر الحال كذلك كنت أنوي إغلاق الموضوع.. أما وقد حصل التحول فإنني أجدد الشكر لكل من أسدى مشورة صادقة وجزاكم الله كل خير..
(ولا أدري لماذا حذف الأخ جابر دملوك إقتراحه، لكني سجلته ونقلته لمن يعمل على التصميم..)
أما الأخ (قلموني2)، بارك الله بكم، وأسأل الله أن يجعل أعمالنا خالصة لوجهه سبحانه.. وإن أول فكرة يجري عليها العمل اليوم تضم نحواً مما ذكرت وربما أدرجها في هذا الموضوع عندما ينتهي تصميمها..
وللأخت أم سفيان، جزاك الله خيراً، فمعك حق فيما ذكرت وكثير من الزائرين لبلدتنا يصدمهم التناقض الفاضح بين الفكرة التي يحملونها والواقع الذي يشاهدون.. ولكن كما يقول المثل (صيت غنى ولا صيت فقر ) وبما أن الصيت لابسنا فلماذا نخلعه؟! (علماً أنه يشرفنا) وما تفضلتِ به من إقتراح بوضع رمز يمثل واقع البلدة وشريحة كبيرة من أهلها،ألا تعتبرين الملتزمين هم من الشريحة الكبيرة التي تستحق أن تمثل؟ وإن كان تشرذمهم وخلافهم فيما بينهم هو السبب (من وجهة نظري) في جعلهم يبدون أقلية، تأثيرها ضعيف وصورتها غائبة عن واجهة البلدة... نسأل الله تعالى أن يصلح أحوالنا ويهدينا سواء السبيل

الزاهر

07-06-2008, 01:01 AM

آل بيؤولو اللي لابس أبيض.............بيبين عليه الجية أكتر من غيرو!!...........ما هيك؟؟؟

لا أؤمن بهالكلام نهائيا.........إنو ما لازم يكون عمدخل القلمون شي بيرمز للإسلام...............بالعكس.........لازم نتمسك بهالشي ولو شكليا!!!!...........وذلك أضعف الإيمان!!!!............:)
ولكم في ذلك أجر كمان!!.........:)

kalamouni2

09-06-2008, 03:08 PM

بسم الله الرحمن الرحيم
أنا أضيف للأخت الكريمة مسألة وهي عدم اليأس ، ربما ما وصلت إليه البلدة بسببنا نحن وتقاعسنا وانشغالنا عن دعوتنا ، وكذلك الناحية الاعلامية مهمة جدا ولها انعكاس قوي على النفس ألا توافقوني أن الاعلام اليوم هو أقوى سلاح عند غيرنا فلو استخدمناه مع ما نملكه من السلاح الأقوى على الاطلاق ألا وهو صدقنا مع الله ، والله سنصنع العجائب .

بارك الله فيكم.

تابوا مشروعكم والله الموفق

أبو حسن

22-06-2008, 09:29 AM

لماذا لا يكون هناك مسابقة لتصميم أفضل نصب على غرار ما جرى لشعار موقع القلمون ؟

وترصد البلدية جائزة لصاحب أفضل تصميم (شكلي بلشت أحلم ...)

Warrior

22-06-2008, 10:48 PM

لماذا لا يكون هناك مسابقة لتصميم أفضل نصب على غرار ما جرى لشعار موقع القلمون ؟

وترصد البلدية جائزة لصاحب أفضل تصميم (شكلي بلشت أحلم ...)

نعم بشكل عام الفكرة حلوة .

بس سوف افكر متل بلدية دبي عفوا القلمون :)
ماذا سوف استفيد من هذه المسابقة ؟ هل مجرد نشاط وهل هذا يعتبر انجاز على الصعيد البلدي ؟ لماذا اتكلف مع اني استطيع ان اكلف مهندس بهذه المهمة وانتقي التصميم الاجمل ! والمهندس بيعملي خصم ساعتها ! ما المردود الذي سوف اجنيه من هذه المسابقة ؟ ما مقدار الدعم الشعبي .....؟ احنا مصاري للمهندس ما فينا ندفع واسا علينا مصاري للعالم ما دفعناها اسا بدنا نعطي جوائز !

الزاهر

14-09-2008, 05:39 AM

السلام عليكم

ستنا أم إبراهيم .... هل من جديد في هذا الشأن ؟؟؟

الزاهر

08-02-2009, 09:47 PM

السلام عليكم من جديد :)

هيئتو وجع الراس والسخونة بيحفزو عالابداع :)

المهم ... أنا أقترح هذا النصب ليكون على مدخل البلدة
فما رأيكم ؟؟

http://zaher.qalamoun.com/Forum/Misc/Qlmn-ntrnc/Proposal-thumb.jpg
بالحجم الكامل (http://zaher.qalamoun.com/Forum/Misc/Qlmn-ntrnc/Proposal.jpg)

الفكرة بالراس بتفاصيلها بس مشكلتي ما بعرف ارسم :(
وممكن ينضاف عتاني طبقة قلم متكي عالورقة وغاطس بالمدري شبيسموها بتاعة الحبر !!!

فشو ألتو ؟؟

ولا خلص مات المشروع ؟؟

أبو حسن

09-02-2009, 07:06 AM

شخصيا... لا أحبذ وضع آيات قرآنية على الطريق...

aboo 3omor

10-02-2009, 01:59 AM

الزاهر

18-02-2009, 12:35 AM

السلام و عليكم
أولاً لازم البلدية تشيل كل الزبالة من الملعب
ثانياً لازم ينضفو جوانب الطربيق
ثالثاً لازم يزفتو الطريق تنرتاح من الخنادق
......
......
......
......
......
بعدييييييييييين فكرو عملو شي عمدخل الضيعة

كل اللي ذكرت مطلوب أخي الكريم ... لكن عدم تنفيذ احد المطالب هل ينفي البقية كلها ؟؟؟!!!!
وإن كان الأهم متعذر فهل نترك المهم ؟