عيادة العضو المريض [الأرشيف] - ????? ???? ???? ??????? ?? ?????

wassim.h

30-05-2008, 08:49 PM

السلام عليكم ...
كيف الجميع.؟؟؟
حبيت اطرح هذه الفكرة الجديدة عليكم و ارجو ان تلقى قبولاً من قبلكم.
الفكرة هي القيام بزيارة العضو المريض من قبل اعضاء المنتدى....يعني الشباب يقومون بالعيادة اذا كان المريض ذكر و البنات اذا كان انثى.وذلك لفضل عيادة المريض.

قال رسول الله صل الله عليه و سلّم("من عاد مريضاً,لم يزل في خرفة الجنّة"قيل:يا رسول الله و ما خرفة الجنّة؟؟ قال"جناها".

عن أبي موسى الأشعري قال: قال رسول الله صلى الله عليه وسلم:" أطعموا الجائع وعودوا المريض وفكوا العاني"
عن البراء بن عازب رضى الله تعالى عنهما قال:" أمرنا رسول الله صلى الله عليه وسلم بسبع ونهانا عن سبع نهانا عن خاتم الذهب ولبس الحرير والديباج والإستبرق وعن القسي والميثرة وأمرنا أن نتبع الجنائز ونعود المريض ونفشي السلام "
أماّ بالنسبة لما يقال للمريض فقد ورد عن خير الانام عليه الصلاو السلام ان يقال للمريض :"طهوراً إن شاء الله"
و الدليل على ذلك حديث ابن عباس رضي الله عنهما:"أن رسول الله صلى الله عليه وسلم دخل على رجل يعوده فقال لا بأس طهور إن شاء الله فقال كلا بل حمى تفور على شيخ كبير كيما تزيره القبور قال النبي صلى الله عليه وسلم فنعم إذا"
إنطلاقاً من هذه الأحاديث التي تحض و تحث و تبين فضل عيادة المرضى ,انا ادعو نفسي و الجميع الى التمسك بهذه السنة الحسنة .
المطلوب من الشباب او البنات الراغبين بالمشاركة في عيادة العضو المريض و تسجيل اسمائهم في هذا الموضوع .وعندما يمرض احد الاعضاء (لا سمح الله) نقوم بالاتفاق معه على وقت معين لزيارته مع مراعاة آداب الزيارة بالطبع.
و من عنده أفكار جديدة لا بأس بأن يطرحها لمناقشتها .
و دمتم بخير.
و السلام عليكم.

wassim.h

31-05-2008, 12:29 AM

وأنا والأخ نادر والأخ زاهر أول المشاركين....:)

nana

31-05-2008, 12:47 AM

طيب وإذا العضو عايش مثلا مكسيك ومرض:( منسافر لعندو

wassim.h

31-05-2008, 01:00 AM

طيب وإذا العضو عايش مثلا مكسيك ومرض:( منسافر لعندوأهلاً بالأخت نارة
ببساطة يا ست نارة إذا إخونا مريض (لا سمح الله) ومانو ميسرلنا نروح لعندو .....مندعيلو من هان بالشفاء العاجل(طهوراً إن شاء الله).........وإلي ميسرلو يروح بيروح .....

الزاهر

31-05-2008, 01:45 AM

وأنا والأخ نادر أول المشاركين....:)

يا وسيم زعلتني منك هيك.............وهالمشاوير اللي كسرنا إجرينا فيها.............وين راحت!!!.........:)

الزاهر

31-05-2008, 01:47 AM

بالنسبة للنئطة اللي تفضلت فيها الأخت نارا............

إذا كان العضو المريض بكندا...........بقية الأعضاء اللي بكندا بتعملو زيارة..........القريبين يعني..........أما البعاد فعبر المنتدى!!!.........ولا شو؟؟

wassim.h

31-05-2008, 01:50 AM

يا وسيم زعلتني منك هيك.............وهالمشاوير اللي كسرنا إجرينا فيها.............وين راحت!!!.........:)ليك يا الله عهالنسوة .....وهيدا كمان إنتا صاحب الفكرة ....لا تواخذني يا حبيب...

بالنسبة للنئطة اللي تفضلت فيها الأخت نارا............

إذا كان العضو المريض بكندا...........بقية الأعضاء اللي بكندا بتعملو زيارة..........القريبين يعني..........أما البعاد فعبر المنتدى!!!.........ولا شو؟؟إنو آه متل ما ءلت ....هيدا أنسب شي

wassim.h

02-06-2008, 01:36 PM

هلء لحديت هلء مافي غير أنا ونادر والزاهر مشتركين....
شو يا شباب ويا صبايا ؟؟!!!! ما في أحلى منا إذا كان الواحد مريض(لا سمح الله) يروحو لعندو إخواتو ورفئاتو إلي عالمنتدى وغير المنتدى ويسلّو ويخففو عنَّو....

kata2eb

02-06-2008, 04:21 PM

**** ولا وسيم .....ش

أنا مريض وما حدا منكن جا لعندي

لا إنت ولا زاهر ولا نادر

مشروعك فاشل

الزاهر

02-06-2008, 04:51 PM

ما شاء الله عنك شو مريض............:)...........من ساعتين كنت عم تنطنط بالجامعة متل البسينة!!!

wassim.h

02-06-2008, 05:10 PM

والله يا حبيبي ماني عارف ........وعسلامة إن شاء الله
بس الئصة بالموضوع ليك كيف بتصير......هلء بالمنتدى الأعضاء كتار وفي من كل العيل ما شاء الله... فكل واحد بيعرف عن حدن مريض بيخبرنا ومنتفء معو ومنعملو زيارة .........
بعدين يا زاهر هيدا بسينة ماشاء الله ؟؟!!!.......هههههه ولك تييييييي:p

أبو رياض القلموني

02-06-2008, 05:30 PM

والله يا حبيبي ماني عارف ........وعسلامة إن شاء الله

وين بصرفوا هادي !!
روحو لعند الزلمة شأو علي ...

عسلامة أخ بلال ...

Nader 3:16

02-06-2008, 11:59 PM

كيف هيكا صار يا وسيم!!!!...
انو كان بكفي واحد و بس....بس ما معقول كل الجامع الفوقاني يصلي تحت منشان يقلي انو بدنا نروح لعند بلال!!!!!.....
و ان شاء الله اذا رحتوا ما بتكونوا تضيفتوا شي!!!!!....

عكل حال طهوراً ان شاء الله يابلال...و اذا بدك حاول تضلك مريض لبكرا بركا منعملك زيارة.

kata2eb

03-06-2008, 06:08 PM

**** يا هلا زغلا بالشباب ....

تاني مرة يا وسيم ما تجيب معك هلأد من الإخوة

لك بيتنا ما ساع

ههههههههههههه

**** تحية خاصة للأخ أبو رياض الألموني ****

أما بالنسبة لاك يا زاهر فإنت شفتني بالجامعة

بس كان وضعي مذري

يالله بس مشكورين
وأحلا تحية للجنرال ندوووووور

kata2eb

03-06-2008, 06:14 PM

http://www.mediafire.com/imgbnc.php/9f8f5b2384ba30a8e575bee6b9ffcd734g.jpg

محمد

03-06-2008, 11:28 PM

السلام عليكم أولا أحب أن أكون من المشاركين بهذا العمل المفيد ان شاء الله .

إذا كان العضو المريض بكندا...........بقية الأعضاء اللي بكندا بتعملو زيارة..........القريبين يعني..........أما البعاد فعبر المنتدى!!!.........ولا شو؟؟

أما بالنسبة للأخوة البعيدين فأقترح أن يتم زيارته من الأخوة القربين عليه ، والشباب هيدول بياخدو ليستا بأسماء الشباب يلي مشتركين بالموضوع وبيقولو للشب المريض أنه هالشباب بيسلمو عليك كتير .............. وهيك .......
بس ما بياكلو عن الشباب كمان ..........ههههههههه

dania

04-06-2008, 10:07 AM

ههههه حلوة الفكرة كتيررر :)

ست نارا كم مرة مرضت بي ابو ظبي وما حدا ايجا لعندي ان شالله هالفكرة تعجبك من يوم ورايح واذا عجبتك رح شوفك انتي واخواتي وبابا وماما كتيررررررررررر عندي بي ابو ظبي هههههههههههههه

ميرسي :)

وانا رح شارك من بعيد لبعيد اولا لانو ما في حدا من الصبايا الي بعرفون عايشيين بالامارات يعني المنتدى رح يكون صلة وصل

ولا سمح الله اذا حدا مرض من اهلي ما بوعدكون من ابو ظبي حتى اوصل عجمان بكون انا مرضت ههههههههههه

شكرا عالفكرة وان شالله ما حدا بيشوف شر فيكون :)

wassim.h

04-06-2008, 12:01 PM

سلامتك أخي بلال....

السلامعليكم أولا أحب أن أكون من المشاركين بهذا العمل المفيد ان شاء الله .

والله يا أخي محمد يشرفنا أن تشارك معنا في هذا العمل....:)

وشكراً أختي دانيا عمرورك .......بارك الله بكم

wassim.h

04-06-2008, 12:01 PM

wassim.h

04-06-2008, 12:23 PM

فكرة:
لما منكون رايحين نزور حدن من الشباب .....كل واحد منا بيدفع شي بسيط ومنجبلو هديه رمزية معنا(علبة شوكولا..أو شي هوا بحبو!!!!)

Hassan.D

04-06-2008, 03:20 PM

و الله للصراحة الي الشرف اني كون أول شخص بتتطبق عليه الفكرة
و أنا بشكر شباب المنتدى اللي عملولي زيارة حلوة

محمد الكوسا

04-06-2008, 03:55 PM

والله فكرة حلوة انا ان شاء الله مشارك معكم
يلا ما في حدا مريض؟؟

wassim.h

05-06-2008, 02:23 PM

و الله للصراحة الي الشرف اني كون أول شخص بتتطبق عليه الفكرة
و أنا بشكر شباب المنتدى اللي عملولي زيارة حلوة ونحنا بشرفنا إنو نعملك زيوره....

والله فكرة حلوة انا ان شاء الله مشارك معكم
والله يا أخي محمد يشرفنا أن تشارك معنا في هذا العمل....:)

يلا ما في حدا مريض؟؟
على حدّ علمي مافي حدن مريض.....ما في غير Al Mirza وإلي ما بعرف مين هوه......بس إذا حدن بيعرف يؤلنا.....وإن شاء الله ما حدن بيمرض

wassim.h

05-06-2008, 02:37 PM

يعني لحدّيت هلّأ..

المشاركين:
الذكور: wassim.h-الزاهر-Nader 3:16-وسيم غنوم-محمد-محمد كوسا-arsenic
الإناث : dania !!!!!

وينكن يا أخوات؟؟!!!

kata2eb

05-06-2008, 08:15 PM

**** أنا معكن كمان .....

Nader 3:16

05-06-2008, 11:43 PM

وينكن يا أخوات؟؟!!! بكونوا عالئين مع بعضن!!!!!!!............هههههههههههه

wassim.h

06-06-2008, 12:43 PM

المشاركين:
الذكور: wassim.h-الزاهر-Nader 3:16-وسيم غنوم-محمد-محمد كوسا-arsenic- kata2eb

الإناث : dania !!!!!

wassim.h

06-06-2008, 12:59 PM

وينكن يا أخوات؟؟!!! بكونوا عالئين مع بعضن!!!!!!!............هههههههههههه

ههههههههه............ما تخلونا نسدّء.....
أنا فتكرت إنو البنات رح يتفاعلو مع الموضوع أكتر من الشباب...إنو عأساس ألبن أطيب وبحبو يواسو بعضن وهيكه.........ألو!!!!!!

مايا

07-06-2008, 10:04 PM

ana men gihaty ma fini kel ma wa7de merdet rou7 3al 2almoun w etaman 3alaya bas entou
2oulou min men elbanet marida w ana beb3atlou risale 5asa w betaman 3alaya w kel elbanet yali ma fihon yrou7ou bya3mlou metli
shou ra2ykon ?

wassim.h

08-06-2008, 07:41 PM

أهلاً بالأخت مايا..يشرفنا أن تشاركي معنا في هذا العمل:).. .....وفكرة حلوة منك.!!!! أو إذا مابدّون يبعتو رسائل خاصة فيون يكتبولن من هون كمان

تحسينو

09-06-2008, 06:16 PM

مرحبا!!!
موضوعك حلو يا أبو الويس!!! وإن شاء الله منشارك من هون ...........

wassim.h

09-06-2008, 06:23 PM

أهلاً بالأخ تحسينو

المشاركين:
الذكور: wassim.h-الزاهر-Nader 3:16-وسيم غنوم-محمد-محمد كوسا-arsenic- kata2eb-تحسينو

الإناث : dania -مايا!!!!!

الزاهر

01-07-2008, 05:20 AM

السلام عليكم

خبرونا مبارح إنو الإستاذ HadiD كان مريض شوي........عسلامة إن شاء الله
إذا قررتو تعملولو زيارة خبروني يا شباب!!!

wassim.h

01-07-2008, 05:07 PM

سلامة الأخ هادي.....وإن شاء الله أنا والأخ نادر من المشاركين....شرأيكون نروح لعندو ليوم عالساعة سبعة ؟؟!!! يلا يا شباب بدنا همّة.... وخلونا نتفئ نلتئى أبل السبعة شي محل منشان نجبلو معنا شي رمزي

Nader 3:16

02-07-2008, 03:52 PM

قمنا بالزيارة و قد تغيب الاخوين زاهر و وسيم حكم !!!!!!!!!..... يا عيب الشوم!!!
و الاخوة الاعضاء الذين قاموا بالزيارة هم : Nader3:16 _محمد_محمد الكوسا_moustafa بالاضافة الى وفد كبير من اللجنة للإطمئنان على صحة الاجنرال هادي.
و كان المقرر القيام بزيارة تانية و لكن اتصل فيني الجنرال هادي و قال انو اليوم الاربعاء بدو يطلع لبرات البيت فلذلك الغيت الزيارة..و ان شاء الله يلي لم يتمكنوا من الزيارة يكسبون اجر النية ان شاء الله.
و السلام عليكم.
و الحمد لله على سلامتك يا جنرال.

الزاهر

02-07-2008, 08:56 PM

قمنا بالزيارة و قد تغيب الاخوين زاهر و وسيم حكم !!!!!!!!!..... يا عيب الشوم!!!

كان بودي احضر بس حضرتكم ما حدا خبرني بالموعد!!!!.....فتحنا النت لأيناكم عملتو زيارة وخلصتو!!!
اتصلو فينا أولولنا شرف معنا!!!...........:)

flauritta

04-07-2008, 01:29 AM

:)السلام عليكم.
شو يا اخ وسيم مرضنا وما حدا من يلي سجلوا اسمائهم جاء للزيارة . شو هالاعضاء الفاشلين؟؟؟؟
ليكو تعالو بس بعد نتائج الشهادة. و ادعولي كمانا.:)

مايا

04-07-2008, 12:35 PM

السلام عليكم ورحمة الله وبركاته
سلامتك يا اخت flauritta
على فكرة انا كمان مريضة وهي صرنا تنين مرضا .
ان شاء الله الف سلامة على قلبك وعلى قلبي

Nader 3:16

04-07-2008, 05:21 PM

عسلامة يا اخت falauritta و يا اخت مايا. بس البنات مو شادين الهمة منشان هيكا بدكن تطولوا بالكم.

Barbie

04-07-2008, 10:41 PM

سلامتكن أختي مايا و أخت Flauritta .....

wassim.h

05-07-2008, 03:13 PM

سلامة الأخت فلوريتا والأخت مايا...طهوراً إن شاء الله...
يلا يا أخوات بس تطلع النتيجة ...زورو الأخت فلوريتا بيطلعلكن حلوان......ولا أيش يا أخت فلوريتا؟؟!!!!!!يلا الله يوفئ

مايا

05-07-2008, 09:52 PM

السلام عليكم ورحمة الله وبركاته
شكرا للاخت باربي وللاخوة نادر ووسيم ان شاء الله ما بتشوفوا مرض
ان شاء الله يا اخت فلوريتا بتنجحي بالشهادة

Arsenic

11-07-2008, 04:02 PM

اللهم إشفي مرضانا وفك أسرانا وداوي جرحانا و إرحم موتانا ..
هيدول اليوم سمعتن بخطبة الشيخ رياض عبيد الله يبارك فيه..
واهلين بالشباب ..
كيفك با نادر آه.. ؤلي ..

Arsenic

09-08-2008, 02:20 AM

بس أخ وسيم بركة العضو المريض ما فيك توصلَّو ..

الزاهر

09-08-2008, 03:20 AM

يا شباب .... سمعنا إنو أحد أعضاء المنتدى مروح اجرو!!!........ وينك يا وسيم!!!!
:)

Nader 3:16

10-08-2008, 03:17 PM

السلام عليكم....بس ما يقوم وسيم حكم يلي مروح اجرو!!!!!!!..........ساعتها ما رح يءدر يروح معنا عالرحلة!!.....عمين اصدك يا زاهر؟؟؟؟
عكل حال مين مكان عسلامة ان شاء الله.

wassim.h

10-08-2008, 08:00 PM

لا والله الحمدلله مانو أنا....ما تكون مسمني ها؟؟؟؟!!!!http://qalamoun.com/Forum/images/icons/icon8.gif.......هيدا يا سيدنا , إلي مروح إجرو هو أخونا أيمن غنوم ...وصديئن الآن عالعكازة الله يعينو...."طهوراً إن شاء الله أخي أيمن"

Nader 3:16

30-09-2008, 09:09 PM

يؤسفني أن أخبركم إنو أخوكم وسيم الحكم متسمم وهو مريض جدا ً ... حدن بيمرض عالعيد؟؟؟؟!!!! الله يعينو!!!
طهوراً إن شاء الله يا جنرال وسيم...

الزاهر

01-10-2008, 01:12 PM

متى الزيارة يا نادر ؟؟

الزاهر

01-10-2008, 03:44 PM

عم يوصلنا خبريات إنو المعلم أشرف مروح كتفو ؟؟ ... طهور إن شاء الله زعيم .... بس لو فينا ننط عتيكساس !!!!

اشرف

02-10-2008, 09:14 PM

عم يوصلنا خبريات إنو المعلم أشرف مروح كتفو ؟؟ ... طهور إن شاء الله زعيم .... بس لو فينا ننط عتيكساس !!!!

السلام عليكم
الحمد لله بس خلعت كتف... إن شاء الله بسيطة...

Nader 3:16

05-10-2008, 05:56 AM

اولاً عسلامة يا اخ اشرف....

و تانياً و للأمانة نحنا قمنا بزيارة الاخ وسيم مع بعض الاعضاء (بس كدليل على ان الموضوع ناجح و مستمر دائماً)و ضيفتنا امو لوسيم معمول ولييييييييي اقسم بالله شي بجنن اد منن طيبين....بالفعل.....يلي ما طلع معنا راح علاي شي كتييييييييييير. ايمتن بدك تمرض مرة تانية يا زلمة ???? ههههههه عم نمزح و يا اهلين بالجنرال وسيم .

الزاهر

05-10-2008, 06:01 AM

هادي تاني مرة يا نادر !!! .... منو مقبول هالشغل نهائيا !!! ... :)

المحروم

14-12-2008, 11:34 AM

اخونا حسين زيدان مريض فشو مين بدو يروح يزورو
لا باس طهور اخي حسون

Nader 3:16

14-12-2008, 01:22 PM

السلام عليكم.

هادا ادّ ما اكل ضروب دهان يوم الجمعة......:)

انتو اتصلوا فيه و حددوا وقت و ردولنا خبر...وهلء بشوف وسيم و زاهر ...ومنشوف شبصير معنا....

طهوراً ان شاء الله.

محمد الكوسا

14-12-2008, 01:37 PM

لا بأس طهور ان شاء الله
ياي مريد يا حسونتي؟

المحروم

14-12-2008, 01:57 PM

خلص شو رايكنبعد اذان المغرب اذا اه قولولي لحت اتصل فيه وقول
او بعد العشاء

Nader 3:16

14-12-2008, 02:00 PM

ليك بعد العشاء مباشرةً بس يعني عالساعة ستة و نصّ لأنو انا عندي شغل عالساعة 7 و بعد المغرب ما فيني....

خلونا نلتقى بالجامع الغربي....رح صلي العشاء تحت و اطلع لعندكم.....واذا لحقت بصلي فوق...
شو اتفقنا؟؟؟؟؟؟؟؟؟

المحروم

14-12-2008, 02:10 PM

ولا نادر يعني الحريري ماعندو اشغالك بعد المغرب ما فيك وعند على الساعه سبعه ولك مين قلك بدنا نركد ليك لكن بعد العشا وانت بتروح على شغلك ساعة الي بدك بلكن الي ناوي يزور حسون يصلي العشا بالغربي ورح نبعتلو نخبرو هلق ان شاء الله

Nader 3:16

14-12-2008, 02:13 PM

خلص منروح الساعة 6 ونص وانا بنسحب عالسبعة...شبدكم منّي؟؟؟؟؟
شو اتفقنا؟؟؟

Arsenic

15-12-2008, 06:19 PM

خيي نادر في شب كتير مريض شو رأيك نروح نزورو و نواسي و منوخود معنا الشباب و هالشب إسمو عمر....

Nader 3:16

13-01-2009, 05:14 PM

الاخ الجنرال Ninja مريض وشباب اللجنة رح يعملولوا زيارة بالليل يعني بعد العشاء.
كونوا على الموعد لإغتنام الأجر ان شاء الله.

سلام عليكم.

THE TERRORIST

13-01-2009, 10:18 PM

السلام عليكم..
هادا صاحبك نينجا متل الغزال نزل على الصلاة على العشاء....ماشاء الله بلا حسيدة.....
قال بدو يزورو قال....

Arsenic

14-01-2009, 10:21 PM

طولو بالكن يا شباب يعني ما بدكن ياه يصح..

Nader 3:16

18-02-2009, 11:49 PM

بلغنا انو الكومندام المتقاعد في اللجنة محمد كوسا عامل عملية...خلونا نتفق نزورا شي يوم. بركا السبت...شو اخ زاهر خبر الشباب.

محمد أحمد الفلو

19-02-2009, 03:30 PM

بلغنا انو الكومندام المتقاعد في اللجنة محمد كوسا عامل عملية...خلونا نتفق نزورا شي يوم. بركا السبت...شو اخ زاهر خبر الشباب.

أنا تصلت على تليفون محمد كوسا بس ما حد ا رد ، ابقوا يا شباب سلمولنا عليه لما تزوره

أبو حسن

19-03-2009, 07:09 AM

عيادة المريض

فضلها وأحكامها

16 فتوى

http://www.islamonline.net/servlet/Satellite?cid=1236509083317&pagename=IslamOnline-Arabic-Ask_Scholar/FatwaA/FatwaAAskTheScholar&utm_source=rss&utm_medium=rss&utm_campaign=rss (http://www.islamonline.net/servlet/Satellite?cid=1236509083317&pagename=IslamOnline-Arabic-Ask_Scholar/FatwaA/FatwaAAskTheScholar&utm_source=rss&utm_medium=rss&utm_campaign=rss)

wassim.h

19-03-2009, 08:20 PM

الله يبارك بالأخ أبو حسن

Mohammad

20-03-2009, 11:26 AM

السلام عليكم و رحمة الله و بركاته.

مشكور الأخ أبو حسن شكرا ً جزيلا ً و بارك الله فيكم.

Amal

08-04-2009, 08:11 PM

الأخ نادر مريض شوية.

تعالوا زوروه عالساعة 9 .

عسلامة ان شاء الله.

hadid

08-04-2009, 11:20 PM

ما شاء الله معين سكرتيرة يا جنرال نادر ؟؟

طهور إن شاء الله

سلام

ramo

08-04-2009, 11:42 PM

سلامتك يا أخ نادر ...فضيلنا البيت ...يا الله إحنا جايين

الزاهر

09-04-2009, 12:27 AM

له له .... راحت علينا العيادة !!! .... ما بيمشي الحال وايرلس ؟؟ :) .... لا بأس طهور إن شاء الله حج نادر !!!

الزاهر

09-04-2009, 04:48 AM

آل الأخ نادر بيستقبل الضيوف اليوم عالساعة ٦ عشية للي بدو يجي .... إن شاء الله ما يروح عن بالي بعجئة اليوم !!!

أبو حسن

09-04-2009, 08:08 AM

لا بأس عليك أخي نادر

طهور إن شاء الله

Nader 3:16

09-04-2009, 12:24 PM

فكرة:
لما منكون رايحين نزور حدن من الشباب .....كل واحد منا بيدفع شي بسيط ومنجبلو هديه رمزية معنا(علبة شوكولا..أو شي هوا بحبو!!!!)

فكرة كتيييييييييييير حلوة يا اخ وسيم.....ولازم نطبقها بءا .......يا الله بلشوا فيها اليوم ما تتأخروا ...ناطركم.

بارك الله بك يا اخي ابو حسن.

وكمانا الاخ الزاهر الداعي للزيارة.

The Knight

09-04-2009, 06:44 PM

لا بأس عليك أخي نادر

طهور إن شاء الله يا ؤرايب ..........

الشامي

09-04-2009, 06:53 PM

السلام عليكم

لا بأس طهور خيي نادر ، سلامة قلبك ...

أخوكم:rolleyes:

هادي شقرة

09-04-2009, 07:23 PM

سلامتاك يا اخ نادر. ذهبنا اليوم كما كل يوم منذ السبت الماضي لزيارة الاخ وسيم بدّور في المستشفى والحمد لله وجدناه في حالة جيدة وإن شاء الله في تحسن ارجو من الجميع الدعاء له. وإزا حدا شاف ام وسيم طمنوا وؤلولا إنو تمام هوا داءماً ع إتصال معا ولكن ليزداد قلبها طمءنينة

Nader 3:16

09-04-2009, 08:41 PM

اول شي الله يبارك بالفارس و بالشامي وبأبو عمّار....
واخس عالرجال....يا عيب الشوم..كل شي امي تعذبت و عملت gateau ولا حدا جا بسيطة
رح اوكلاو وحدي...
اذا رفيقي بالجامعة من آخر الدنيا اتصل عم يسأل ليش صرلي يومين ما طلعت ....انتو وينكم ؟؟؟؟؟

Arsenic

09-04-2009, 11:31 PM

لك عسلامة أخي نادر....

هادي شقرة

10-04-2009, 11:13 AM

السلام عليكم
يا ريت كنا بلالمون يا اخ نادر كنت جيت لعنداك ركيد و خاصة إنو الشغلة فيا gateau

hadid

10-04-2009, 11:31 AM

ليش ما خبرتنا إنو الوالدة عملت غاتو من الأول ولو ؟؟؟؟

Nader 3:16

10-04-2009, 12:33 PM

اسطفلوا...يا جنرال هديد انا عتبان كتيييييير على قيادات اللجنة....ورح قدّم استقالتي بأقرب وقت...

الفجر الباسم

10-04-2009, 01:19 PM

أريد أن أعتذر كثيرا من الأخ نادر لأنني لم أستطع زيارته ...اعذرني أخي نادر ...

Nader 3:16

14-05-2009, 04:23 PM

بكرا ان شاء الله رح فوت عالمستشفى لأنو عندي عملية بالجيوب الأنفية....ادعولي و تعاااو شآوو عليي.....
سلااااااااااااام.

مايا

14-05-2009, 04:40 PM

بكرا ان شاء الله رح فوت عالمستشفى لأنو عندي عملية بالجيوب الأنفية....ادعولي و تعاااو شآوو عليي.....
سلااااااااااااام.

ان شاء الله تخرج من المستشفى بسلام
وسلامي الى اختك الشقية

الزاهر

14-05-2009, 05:04 PM

ألتلنا أمتن رح تفوت بس ما ألتلنا أمتن رح تطلع ....

بعدين من هلأ حدد شبدنا نجبلك معنا ؟ ... حلويات ... فلاش دسك مرتبة.... عروس ... :) ... حسوم أمورك من هلأ :)

Nader 3:16

14-05-2009, 05:11 PM

جيب معك شي حدا صوتو حلو.....هههههههههه
شكراً لكم جميعاً....

haitham

14-05-2009, 05:33 PM

ان شاء الله الف سلامتك وما اتخاف هاي عمليه بسيطه وان شاء الله اتكون اخر مره اتفوت عليها المشفى

وسيم أحمد الفلو

14-05-2009, 07:43 PM

بس متخسر موهبتك الإنشادية بالعملية لإنو اللحمية مبتأسر بالصوت

hadid

15-05-2009, 12:31 AM

طهور إن شاء الله يا جنرال
إن شاء الله بتطلع بالسلامة

flauritta

15-05-2009, 04:33 PM

بكرا ان شاء الله رح فوت عالمستشفى لأنو عندي عملية بالجيوب الأنفية....ادعولي و تعاااو شآوو عليي.....
سلااااااااااااام.

ولك ع ألف سلامة يا أخ..ومشكورة يا مايا الشقية..الله يبارك فيكي

cool man

16-05-2009, 01:32 AM

بيان للجنة العظمى

إجتمع اليوم قادة اللجنة بقيادة القائد المبجل البروفيسار آ.ب و بمشاركة قائد الأركان الجنرال م.ق و قائد الحرس الثوري الجنرال ه.د و قائد المغاوير الجنرال م.م والقادة و الجنرالات الآخرين و تباحثو بالعملية الأخيرة التي قام بها الكيميائي الدكتور ن.أ حيث جاء ما يلي:
بسم الله الرحمن الرحيم
فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّى إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا ذَلِكَ وَلَوْ يَشَاءُ اللَّهُ لَانْتَصَرَ مِنْهُمْ وَلَكِنْ لِيَبْلُوَ بَعْضَكُمْ بِبَعْضٍ وَالَّذِينَ قُتِلُوا فِي سَبِيلِ اللَّهِ فَلَنْ يُضِلَّ أَعْمَالَهُمْ
صدق الله العظيم.
منذ مدّة طويلة و نحن نخطط لهذه العملية ضد الجيوب الأنفية الغاشمة و تم الإتفاق على الدكتور ن.أ للقيام بها و بطلب من القائد المبجل البروفيسار آ.ب و لله الحمد تمّت العملية بنجاح و تمّ استئصال هذه البؤرة الغاشمة, و قد قُلِّد الدكتور ن.أ بوسام شرف و تضحية و شجاعة من قبل القائد المبجل على قيامه بهذه العملية كما و وعد القائد المبجل بالإستمرار على هذا الدرب و إلى عمليات أخرى إن شاء الله
كما و هنّئ القادة و الجنرالات الحاضرين الدكتور ن.أ بسلامته
إنتهى البيان.
ملاحظة : تتقبل اللجنة التهاني بنجاح هذه العملية في منزل الدكتور ن.أ