خطبة الفتاة لنفسها.

[Nader 3:16]

السلام عليكم
كيفكم يا جماعة؟ حبيت اطرح موضوع طلب الفتاة الملتزمة من شاب ملتزم أعجبها ان تتقدم هي لخطبته.
في عالم بشوفوا هالشغلة تقليل من قيمة البنت.
و بالمقابل في ناس بلاقوا الامر كتير مهم و منيح لأنو هيك البنت بتكون عم تختار الشب اللي ممكن تعيش هي واياه تحت مظلة الدين و الالتزام..

شو رأي البنات و الشباب بالموضوع؟

[الزاهر]

بيكفيك إنو الرسول صلى الله عليه وسلم ...............خديجة رضي الله عنها هي التي طلبت أول قرب!!
ولو كان شي غلط ما كان تيسر ولا كانت عملتو من الأصل..........
وبالعكس...........اللي هي بتطلب قرانها عالشب معناتا هادي عروس لأطة!!!..........لأنها بتكون فاهمة الدين وواعية أبعادو..........إذا كانت آدمية..........وشبدك أحسن من هيك!!!

[مايا]

السلام عليكم ورحمة الله وبركاته
اولا: مشكور اخ نادر على الموضوع
ثانيا : بالنسبة للرد فأنا ما بتقبل هيك فكرة انو البنت هي تطلب من الشب انو يخطبها هيك شغلة بدها جرأة كتير وبعدين يمكن الشب يعتبرها وقاحة فأنا ضد هالفكرة.

[محمد]

السلام عليكم
مشكور أخ نادر عالموضوع
موسى عليه السلام تزوج ، وكان الطلب من جهة المرأة حيث ذكرت القصة بسورة القصص :

" إني أريد أن أنكحك إحدا ابنتي هاتين "

فالموضوع لا حرج فيه دينيا ولا أجد حرج فيه

[أنس دنكر]

و الله ما قاله زاهر صحيح وأضيف عليه
الطريقة إذ أن طريقة الطعاتي بهذا الموضوع له تأثير كبير ولا بد من الإنتباه منه و توعيت الفتيات أو البنات في هذا الموضوع

[الزاهر]

فالموضوع لا حرج فيه دينيا ولا أجد حرج فيه





الهيئة ما في غير بنات آدم اللي عندهم حرج من الأصة!!!
:)

[Warrior]

لا يوجد مشكلة بالعكس امر جد طبيعي ومحبب بهذه الايام لانو اللبيط شغال على الماشي :). فمن الافضل انو البنت تلمح للشب يلي عاجبها وخلص وفي ميت سبيل وطريقه لفعل هذا.

[اليمامة الحضرمية]

بيكفيك إنو الرسول صلى الله عليه وسلم ...............خديجة رضي الله عنها هي التي طلبت أول قرب!!
ولو كان شي غلط ما كان تيسر ولا كانت عملتو من الأصل.........


أكييييد الشغلة مش غلط دينياً.....
وبالنسبة لي.........
ليش ميييييييين من شباااااب هلأ بيشبه الرسووووول صلى الله عليه وسلم؟؟؟؟؟؟؟
ولييييييش نحنااااااا متل ستنا خديجه رضي الله عنها؟؟؟!!!!!

[الزاهر]

أكييييد الشغلة مش غلط دينياً.....
وبالنسبة لي.........
ليش ميييييييين من شباااااب هلأ بيشبه الرسووووول صلى الله عليه وسلم؟؟؟؟؟؟؟
ولييييييش نحنااااااا متل ستنا خديجه رضي الله عنها؟؟؟!!!!!



فلنتشبه بهم!!!

[مايا]

ليش ميييييييين من شباااااب هلأ بيشبه الرسووووول صلى الله عليه وسلم؟؟؟؟؟؟؟
ولييييييش نحنااااااا متل ستنا خديجه رضي الله عنها؟؟؟!!!!!
والله معك حق يا اخت اليمامة

[Warrior]

ليش ميييييييين من شباااااب هلأ بيشبه الرسووووول صلى الله عليه وسلم؟؟؟؟؟؟؟
ولييييييش نحنااااااا متل ستنا خديجه رضي الله عنها؟؟؟!!!!!
والله معك حق يا اخت اليمامة

طيب يعني الان ما هي النتيجة !!!!!!.

[اليمامة الحضرمية]

فلنتشبه بهم!!!



ان شاء الله وبعونه على خطاهم سائروووووووون وبنبدأ من الأهممم

[اليمامة الحضرمية]

طيب يعني الان ما هي النتيجة !!!!!!.

بالنسبة لي ........بحس ما بقبلها على حالي خالص
واذا بعرف أنو مثلا حدن من أهلي قال لواحد بتاخد بنتي أو أختي...المهم يعني أنااااااااا
رح أزعل وما رح أقبل.......

[Warrior]

بالنسبة لي ........بحس ما بقبلها على حالي خالص
واذا بعرف أنو مثلا حدن من أهلي قال لواحد بتاخد بنتي أو أختي...المهم يعني أنااااااااا
رح أزعل وما رح أقبل.......



ليش طيب ، يا الله، عن جد منو معقول هل البنات شو بتكابر .

اختي، خلص متل ما بدك هذا اقتناع ونحن تحترم اقتناعاتك ولكن مافيها شي شرعا .

[Nader 3:16]

لا ادري لماذا يا اخت مايا تعتبرينها وقاحة؟؟؟؟ اين الوقاحة في ذلك اذا كان الطلب هو ضمن الآداب الكاملة....اما يمكن قضية الحياة التي ذكرتيها فممكن ان يكون فيها وجهة نظر...اما بالنسبة لليمامة فكلامك غير منطقي فيما ذكرته انو ما من احد يشبه الرسول عليه الصلاة والسلام و سيدتنا خديجة رضي الله عنها..و جواب الاخ زاهر كافي ووافي.و انا اوافق اخي وسيم على رأيه.و مشاركتك حلوة و واقعية يا واريور.اما يا اخ محمد اكيد لا شيء فيها من الناحية الشرعية لكن لماذا هذه العادة مرفوضة من جهة المجتمع؟؟؟و انا انتظر رأي بقية الأخوات لأن الموضوع يخصهن!!!!,,,يعني بموضوع زواج الشب من المتحجبات شفناهم مسيطرين عالموضوع هلء و ءت جا دوركن عم تتهربوا!!!!!!!!!

[Barbie]

السلام عليكم و رحمة الله و بركاته ,

نحن لا نستطيع الخروج دوما ً عن العادات , و عن المألوف !!!!
لماذا ؟
لأن الأعراف تكون في بعض الأحيان مسيطرة , و من يخالفها , يعتبر بنظر الأكثريه متمرد أو ....

المهم , بما أنه من الناحية الشرعية لا أعتقد أن هذا التصرف حرام , طبعا ً ضمن الحدود الشرعية ..... و الله أعلم .
لذلك سأتكلم بحسب الأفكار التي تسيطر هنا في بلدتنا ....

و المسألة ليست بهذه البساطة !!! و يلزمها التروي و التفكير جيدا ً .. إذ كيف للفتاة أن تتقدم لخطبة شاب !!!! ماذا ستقول لأهلها أولا ً ؟!! أنا معجبة بالشاب الفلاني , و أريد أن أخطبه !!!

هذه الخطوة , فيها من الجرأة الشيء الكثير الكثير .
و لنفرض أن الفتاة أعجبت بشاب معين , و تحب أن يكون هو شريك حياتها , و هو لا يحس بها ... فكيف ستلفت إنتباهه ؟!!!

من المستحيل كونها فتاة ملتزمة أو غير ملتزمة ( عادية ) أن تخبر أحدا ً كي يلفت نظره عليها , سواء كان من عائلته أو غير ذلك .... فالمسألة هنا ترتبط بكونها فتاة , و من الغير طبيعي أن تقوم بمثل هذا التصرف , لأنه في حال رفضها الشاب , ما عساه يكون الموقف المحرج , الذي ستضع نفسها به !!!!

ثانيا ً , مسألة الخطوبة , مرتبطة بالشاب , لأنه هو من يؤمن المنزل و لابد أن يكون صاحب عمل , و مجهز ماديا ً ..... أما الفتاة فليست مجبرة أن توفر كل هذه الأمور , حتى و إن كانت تعمل , لكن الأساس يبقى له هو .

يعني لو كان الأمر لا يخالف الشرع , ما دام ضمن الحدود , لكنه غريب جدا ً لدرجة ٍ لا يمكن أن يتقبلها أهل الفتاة اولا ً و المجتمع الخارجي ثانيا ً , هذا إن لم نتكلم عن الفتاة , التي لا أظن أنها بهذه الجرأة لأنها لا تعيش وحدها , فهي كغيرها محكومة بأفكار و عادات كلنا نعرفها .

الشاب عندما يرفض بالطبع , سيجرح , و ينزعج إلى حد ٍ ما ....و لكن هذا الشيء أقرب إلى الطبيعي , إن قارناه مع الفتاة .... فهذه سنة الحياة .
و إن فكر الشباب في هذه المسألة , سيجدون أنها ليست سهلة , و ليست واردة تقريبا ًً ..

و إذا تخيل كل شخص , أن هناك فتاة معجبة به , ربما يتقبل الفكرة إلى حد ٍ ما , و لكن معجبة و تريد خطبته , فلا أظن انه بالأمر السهل عليه و عليها !!!!!!!!!!!!!!!!!!!!!!!!!!!!!!!!!!!!!!!!!

فهذه بنظري مهمة الشاب فقط طالما أنها أمور رسمية , و ستصبح معلنة فيما بعد .

[الزاهر]

السلام عليكم و رحمة الله و بركاته ,




وعليكم السلام ورحمة الله تعالى وبركاته
أبل ما بلش بحب إتشكر كل من شارك بالموضوع برأيه وأتشكر الأخت باربي على تخصيصها هذا الكم من وقتها في مناقشة الأفكار الواردة........شكرا لكم !!!



نحن لا نستطيع الخروج دوما ً عن العادات , و عن المألوف !!!!
لماذا ؟
لأن الأعراف تكون في بعض الأحيان مسيطرة , و من يخالفها , يعتبر بنظر الأكثريه متمرد أو ....



بشكل عام.........بالتأكيد نحن لا نستطيع "دوما" الخروج عن العادات والمألوف.........لأن الأعراف....إلخ!!..........لكن عندما يكون التمرد "تصحيح" إو "إبداع" فكوادرليون أهلا وسهلا به!!!



المهم , بما أنه من الناحية الشرعية لا أعتقد أن هذا التصرف حرام , طبعا ً ضمن الحدود الشرعية ..... و الله أعلم .



لو كان حراما أو فيه أي لبس لما يسره الله للرسول الكريم صلى الله عليه وسلم.......... ولما قامت به ستنا خديجة التي كانت شامة من شامات العرب في زمانها بالعفاف والصلاح ووووو....وحتى أنه يمكن أن يكون "هذا التصرف" محببا في بعض حالاته.....وبختصر القضية بالعبارة التالية..........هذا أمر لا تقوم به إلا إنسانة واعية مُتزنة تعرف شؤون دينها ودنياها وتعرف خالقها وما أمرها به ... وتعي أين مصلحتها ومصلحة مجتمعها......



لذلك سأتكلم بحسب الأفكار التي تسيطر هنا في بلدتنا ....

و المسألة ليست بهذه البساطة !!! و يلزمها التروي و التفكير جيدا ً .. إذ كيف للفتاة أن تتقدم لخطبة شاب !!!! ماذا ستقول لأهلها أولا ً ؟!! أنا معجبة بالشاب الفلاني , و أريد أن أخطبه !!!

هذه الخطوة , فيها من الجرأة الشيء الكثير الكثير .


الشب شبيؤول لأهلو وئت بدو يخطب..............بيألو يا بابا في دف شوكولا بدكان عمو علي عاجبني؟؟ .............. ولا بيألو يا أبي .........يا أبي أني صرت رجلا .......... وعندي عملي ......... وأعمر بيتي......ووووو............ وأريد أن أخطب.........فما رأيك؟؟؟..........بيألو بيو ..........لك مو تكرم عينك يا بابا.......... مين العروس.............. بيألو فلانة بنت فلان........... بيألو تكرم عيونك..........بكرا منبعتلك أختك تجس نبض.........وتخطبلك!!!

نفس الشي للبنت.........بتخبر بيها!! ............ بيها مش أمها!!........وهو بيعرف يحلها صح!!!.........لشو الواحد عندو أهل!!!




و لنفرض أن الفتاة أعجبت بشاب معين , و تحب أن يكون هو شريك حياتها , و هو لا يحس بها ... فكيف ستلفت إنتباهه ؟!!!

من المستحيل كونها فتاة ملتزمة أو غير ملتزمة ( عادية ) أن تخبر أحدا ً كي يلفت نظره عليها , سواء كان من عائلته أو غير ذلك .... فالمسألة هنا ترتبط بكونها فتاة , و من الغير طبيعي أن تقوم بمثل هذا التصرف , لأنه في حال رفضها الشاب , ما عساه يكون الموقف المحرج , الذي ستضع نفسها به !!!!


ليش ما منفرض أن الشاب أعجب بفتاة معينة (اللي معتبرينها الحالة الطبيعية), و يحب أن تكون هي شريكة حياته , و هي لا تحس به ... فكيف سيلفت إنتباهها ؟!!! من المستحيل كونه شاب ملتزم أن يخبر أحدا ً كي يلفت نظرها عليه , سواء كان من عائلتها أو غير ذلك .... فالمسألة هنا ترتبط بكونه شاب, و من الغير طبيعي أن يقوم بمثل هذا التصرف , لأنه في حال رفضته الفتاة , ما عساه يكون الموقف المحرج , الذي سيضع نفسه به !!! ..........عرفتو مرارة الشاب القلموني وئت بيطلب يد فتاة وبتلبطو؟!!!!......لا يؤمن أحدكم حتى يحب لأخيه ما يحب لنفسه..........ولو!!!!.....:)



ثانيا ً , مسألة الخطوبة , مرتبطة بالشاب , لأنه هو من يؤمن المنزل و لابد أن يكون صاحب عمل , و مجهز ماديا ً ..... أما الفتاة فليست مجبرة أن توفر كل هذه الأمور , حتى و إن كانت تعمل , لكن الأساس يبقى له هو .


هل ذكر أحد أنه إذا الفتاة طلبت أن يخطبها الشاب الذي يعجبها فستكون عليها النفقة؟؟؟!!!
الأصة مو إنو البنت تخطب الشب.........الشب اللي بيخطب البنت.......شي أكيد!!!
لكن القضية أن ترسل البنت للشاب (بالطريقة الصحيحة!!!....مو رسائل حب وغرام وتء حنك!!!) بأن تعال واخطبني!!!



يعني لو كان الأمر لا يخالف الشرع , ما دام ضمن الحدود , لكنه غريب جدا ً لدرجة ٍ لا يمكن أن يتقبلها أهل الفتاة اولا ً و المجتمع الخارجي ثانيا ً , هذا إن لم نتكلم عن الفتاة , التي لا أظن أنها بهذه الجرأة لأنها لا تعيش وحدها , فهي كغيرها محكومة بأفكار و عادات كلنا نعرفها .


فإذا نفهم أن هذا الأمر هو مخالف لعاداتنا لكنه من الشرع وقد فعله من هم أشرف منا ومن يجب علينا أن نقتدي بهم..........فلماذا لا نصحح هذه العادات.........المؤمن هو المبدع والمصحح........




الشاب عندما يرفض بالطبع , سيجرح , و ينزعج إلى حد ٍ ما ....و لكن هذا الشيء أقرب إلى الطبيعي , إن قارناه مع الفتاة .... فهذه سنة الحياة .


شو هالكلام الخطير هاد!!!..........:)...........لك الواحد منهم بيجي رح ينتحر وئت بينلبط!!




و إن فكر الشباب في هذه المسألة , سيجدون أنها ليست سهلة , و ليست واردة تقريبا ًً ..


ما عم أعرف ليش..............لأن عاداتنا غلط؟؟!!...........ولا لأن مشاعرنا أقوى من إلتزامنا؟؟!!...........ولا ؟؟





و إذا تخيل كل شخص , أن هناك فتاة معجبة به , ربما يتقبل الفكرة إلى حد ٍ ما , و لكن معجبة و تريد خطبته , فلا أظن انه بالأمر السهل عليه و عليها !!!!!!!!!!!!!!!!!!!!!!!!!!!!!!!!!!!!!!!!!

لك احنة الشباب اللي شاركو بالموضوع:
نادر:الامر كتير مهم و منيح لأنو هيك البنت بتكون عم تختار الشب اللي ممكن تعيش هي واياه تحت مظلة الدين و الالتزام..(باعتقادي هذا رأيه أيضا.......منعرف بعض منيح!!!)

لا ادري لماذا يا اخت مايا تعتبرينها وقاحة؟؟؟؟ اين الوقاحة في ذلك اذا كان الطلب هو ضمن الآداب الكاملة....اما يمكن قضية الحياة التي ذكرتيها فممكن ان يكون فيها وجهة نظر...اما بالنسبة لليمامة فكلامك غير منطقي فيما ذكرته انو ما من احد يشبه الرسول عليه الصلاة والسلام و سيدتنا خديجة رضي الله عنها..و جواب الاخ زاهر كافي ووافي.و انا اوافق اخي وسيم على رأيه.و مشاركتك حلوة و واقعية يا واريور.اما يا اخ محمد اكيد لا شيء فيها من الناحية الشرعية لكن لماذا هذه العادة مرفوضة من جهة المجتمع؟؟؟و انا انتظر رأي بقية الأخوات لأن الموضوع يخصهن!!!!,,,يعني بموضوع زواج الشب من المتحجبات شفناهم مسيطرين عالموضوع هلء و ءت جا دوركن عم تتهربوا!!!!!!!!!

الزاهر:وبالعكس...........اللي هي بتطلب قرانها عالشب معناتا هادي عروس لأطة!!!..........لأنها بتكون فاهمة الدين وواعية أبعادو..........إذا كانت آدمية..........وشبدك أحسن من هيك!!!

محمد:فالموضوع لا حرج فيه دينيا ولا أجد حرج فيه

أنس: و الله ما قاله زاهر صحيح

وارير: لا يوجد مشكلة بالعكس امر جد طبيعي ومحبب بهذه الايام لانو اللبيط شغال على الماشي :). فمن الافضل انو البنت تلمح للشب يلي عاجبها وخلص وفي ميت سبيل وطريقه لفعل هذا.

وسيم:في هذه الحالة إن أحست الفتاة بحرج أن تكلم الشاب مباشرة يمكنها أن توكل المهمة لأبيها أو أخيها أو عمها أو خالها أو ربما تكون على معرفة بشقيقته أو والدته أو ... يعني إلا ما تتدبر


يعني إذا الشباب عم يؤولو بالعكس إذا رأت فيَّ الشريك الذي ترغب في أن تمضي حياتها برفقته فأهلا وسهلا بها وبحطها فوء جبيني وعلى راسي .......... بتؤولولهم لا الأصة صعبة عليكم!!!



فهذه بنظري مهمة الشاب فقط طالما أنها أمور رسمية , و ستصبح معلنة فيما بعد .



ليس اتهام أو أو .....لكن رأي شخصي..... أرى في هذه العبارة تناقض مع ما سبق ذكره عن أن أمنا خديجة هي التي أرسلت تطلب من الرسول صلى الله عليه وسلم بأن تعال واخطبني!!!
ومتعارض مع ما ذكرتموه وتوافق الجميع عليه من أن لا حرج شرعي في هذا الفعل على الإطلاق!!!


قلت ما قرأتم!!!..........لا ما فهمتم مما قرأتموه!!
سامحونا إن أسءنا بغير قصد.........والسلام عليكم ورحمة الله تعالى وبركاته

[أم سفيان]

لم أقرأ كل الردود ولكن معظم ردود الشباب تؤيد خطبة الفتاة لنفسها تيمنا بخديجة رضي الله عنها
من مدة طويلة استمعت لسلسلة للشيخ حسن أيوب رحمه الله حيا كان أو ميتا بعنوان "أزواج النبي"
وعلى ما أذكر "إن شاء الله سأعاود سماعه للتأكد " أن خديجة رضي الله عنها أسرت لصاحبتها نفيسة على ما أعتقد برغبتها في الزواج من النبي صلى الله عليه وسلم , ونفيسة كانت كالخطابة فذهبت إلى النبي وأشارت عليه بالزواج من خديجة من دون أن تشعره بأنها هي من طلبت ذلك
يعني المسألة على حد علمي ليست كما يظن البعض ويطالب بأن تعرض البنت نفسها على الشاب وبإمكاننا أن نسأل الشيخ أحمد عله يفيدنا في هذا الأمر

[مايا]

السلام عليكم ورحمة الله وبركاته
على فكرة انا سألت كذا بنت بعرفهم حول رأيهم بالموضوع وكلهم قالوا وقاحة واكبر وقاحة انو تكون المبادرة من البنت.
ادري لماذا يا اخت مايا تعتبرينها وقاحة؟؟؟؟
لأن ما عم اقدر اتخيل حالي عم قول لابي او لأخي انا معجبة بشخص ممكن تقولو يخطبني .

[الزاهر]

لم أقرأ كل الردود ولكن معظم ردود الشباب تؤيد خطبة الفتاة لنفسها تيمنا بخديجة رضي الله عنها
من مدة طويلة استمعت لسلسلة للشيخ حسن أيوب رحمه الله حيا كان أو ميتا بعنوان "أزواج النبي"
وعلى ما أذكر "إن شاء الله سأعاود سماعه للتأكد " أن خديجة رضي الله عنها أسرت لصاحبتها نفيسة على ما أعتقد برغبتها في الزواج من النبي صلى الله عليه وسلم , ونفيسة كانت كالخطابة فذهبت إلى النبي وأشارت عليه بالزواج من خديجة من دون أن تشعره بأنها هي من طلبت ذلك
يعني المسألة على حد علمي ليست كما يظن البعض ويطالب بأن تعرض البنت نفسها على الشاب وبإمكاننا أن نسأل الشيخ أحمد عله يفيدنا في هذا الأمر


يبدو نئيتي وش السحارة أختي أم سفيان.......... ومشاركة وسيم هيئتها كانت عالوش!!..........

لم نتطرق للطريقة بعد........:)
وذكرت عدة مرات أن ترسل إليه أن تعال واخطبني...............أكيد ما هي رح تألو يا أمر .........يا شب يا حلو......إنت بتعجبني........إلخ إلخ إلخ......ليش الشب بيروح يألها للبنت هيك حكي وئت بدو يخطبها مثلا!!!!!.....لكن الطريقة غير تماما..........وإذا قرأت مشاركتي الأخيرة شددت فيها على أن تخبر والدها...........لأن بكل بساطة بيعرف يحلها مع أبوه للشب........... وفيه أبوه للشب يحاول حتى بدون ما الشب يكون على علم باللي عم يصير.......... يا بابا صرت رجال...... وصار لازم تفكر تأسس أسرة...........ثم بيتدرج ليوصل معو أنو يابا شو رأيك بفلانة الفلانية..........علم وأخلاق ودين وجمال وووو.......عجبو كان به........ما عجبو يروح يسئف.........السما واسعة كتير!!!...........

أما بالنسبة لأختي مايا.......كلامك هو الحالة العامة.........لأن الأصل إنو الشب هو اللي يتقدم للبنت........لكن ما نتكلم عنه بالخصوص إن راجعتم بداية الموضوع....... هو الحالة الخاصة التي يحدث فيها الأمر من منظور آخر وتبعات ذلك.........ومعضم المشاركات السابقة كانت لمناقشة صواب هذا الأمر من عدمه........
فالذي تفضلتي به صحيح.........لكن هذا لا يعني بأن "تخطب البت الشاب" غلط!!!

لنا عودة إن شاء الله بعض الصلا...........وبمشاركة إن شاء الله رح تكون مميزة!!!.......:)

السلام عليكم

[Warrior]

لم أقرأ كل الردود ولكن معظم ردود الشباب تؤيد خطبة الفتاة لنفسها تيمنا بخديجة رضي الله عنها
من مدة طويلة استمعت لسلسلة للشيخ حسن أيوب رحمه الله حيا كان أو ميتا بعنوان "أزواج النبي"
وعلى ما أذكر "إن شاء الله سأعاود سماعه للتأكد " أن خديجة رضي الله عنها أسرت لصاحبتها نفيسة على ما أعتقد برغبتها في الزواج من النبي صلى الله عليه وسلم , ونفيسة كانت كالخطابة فذهبت إلى النبي وأشارت عليه بالزواج من خديجة من دون أن تشعره بأنها هي من طلبت ذلك
يعني المسألة على حد علمي ليست كما يظن البعض ويطالب بأن تعرض البنت نفسها على الشاب وبإمكاننا أن نسأل الشيخ أحمد عله يفيدنا في هذا الأمر


نحن لم نقل انها تعرض نفسها عليه بالطريقة التي فهمتها ولكن قلنا يوجد الكثير من الطرق لفعل هذا ....... وجاء التأكيد منك على صحة ما نقول بما كتبته عن النبي صلى الله عليه وسلم .

[Nader 3:16]

لماذا ما زلتم معتبرين القضية قضية وقاحة!!!!....
نحنا الشباب عم نقول انو ما منعتبرها وقاحة لماذا هذا الاصرار لا أعلم..
اما بالنسبة لك يا ام سفيان..!!!! يعني مفكرة البنت بدها تركض عالشب بالشارع و تقلو انتا بتعجبني !!!!!!...اكيد في ضوابط بالشغلة و ضمن الآداب الشرعية!!...

خلونا نتوصل لحل قبل ما نتابع النقاش...الاغلبية حتى الآن مع!!!...
حتى نتمكن نتابع كيفية الطلب و ما يترتب عليه من حالات...

بالنسبة لباربي اشكرها عالمشاركة مع انو نطت بشوية شغلات منبقا نناقشها...

وشكر لكل من شارك في الموضوع.

[الزاهر]

هل الأفضل إنو اللي بتحب شب (من طرف واحد) إنو يضل الأمر هيك؟؟...........على أولة الشاعر:





حــــبــــيـــــبٌ كــنــت مـنـتـظـراً لـيـوم فـيـه يـأتـيـنـي


بــفـارغ مــا جـنـى صـبـري ولـكـن لـيـس يـــدريــنـي


أقــــــول غـــدا وبـــعـــد غـــدٍ بـوصـل سـوف يـحييني


فــــأطــمــــع فـــي مــحــبــتــه ولــــكـن لا يـواسـيـنـي


فــــكـــــم مــــــن مــــرة أرجـــوه لـــكــن لا يـــوافـيني


فــــكــــدتُ بـــأزمـــتـــي أبـــدو كــمــيــتٍ قــبل تـكفيني


فـــكـــم يـــجـــري عـــلـــى قـــلــبي صدودا أو يجافيني


فـــلـــســــت بـــقـــانـــطٍ حـــتـــى ولو بـــالــنار يـكويني


ولـــســـتُ بـــتـــارك حِــــبّــــي ولـــو بــالــهجر يبقيني


أطــــــل بـــمـــهــجــتـــي أمـــلا أقـــول عســى يهنيني


بــــوصــــل أو بــبعـــــض لــقـــا ولو بـــالوعد يلهــيني


فـــمـــا ظـــفـــرت بـــذا روحـــي ومـا سعدت بذا عيني


ســـألـــت الله فــــي عـــونــي عـــســى للوصل يهديني


ويـــلـــهم مـــن أحـــبُّ إلـــى ودادي رحـــمـــة فــيــنـي




ولا أحسن إنو يصير هيك؟


أتــانــي رســول يــبــلــغ قــلــبــي *** ثــنـاء الـحـبـيـب وأنـه راضي
وأنـــه جــاد بــوصـــل كــريــم *** وزال زمــان الـقـلا والـتـغـاضـي
وأن بـسـاط الــقــبـول تـمـدد *** يـحـكـي سـمـاحـا ودون تـقــاضــي
يـقـول قـبـلـت نـزولـك عـنـدي *** فـإيَّـاكَ تـفـتـح صــفـحـة مـاضـي
لأنـك أنـت الـمـفـدى بـحـق *** ومـالـي سـواك لـيـحـمـي حـيـاضــي



شو رأيكم؟؟

[الزاهر]

عن أختي: أنا بؤول إنو إذا كان الشب متل ما عم تؤولو صاحب خلق ودين ............فأنا ما عندي مانع أبدا إني أطلبو لبنتي مثلا.......... ولا بلائي في حرج إني إعمل هيك عمل

وفكرة البعض إنو اللي بتئدم حالا لشخص إنو بيكون فيها عيوب وبدها تسرع بخطبطها مثلا فهي فكرة خاطئة قد تحدث في حالات نادرة لكن الأساس غير ذلك!!!

ثم إن البنت هي تطلب الشخص لا يعني إنو هي توئف معو وتطلبو لكن الأمر بيتم بإنها تخبر أهلها والأهل يتولو هالموضوع ...... وحصلت بعيلننا حادثة من هالنوع وتكللت بالنجاح ولله الحمد........ونجاح هذه الحالة لا يعني إنو كل الحالات رح تنجح لأن البشر متفاوتين .......شي أكيد!!!

إنتهى كلام أختي


وأختي بس أريت الموضوع الأصل ولم تقرأ الردود!!!

[السجين]

السلام عليكم ...أول شي بدي أشكر الأخ نادر عالموضوع الحلو و تاني شي بدي اسأل الصبايا ليش هلقد معقدينا ماني عم اعرف اذا بالشرع و بالدين مافيها شي . بس أنا بوافقن بشغلة انو صح بي هالأيام و بي هالأعراف و العادات عنا بالقلمون أو بكل المناطق ..انو الشب يلي لازم يخطب البنت بس احنا عم نحكي عن حالة استثنائية . وكمان متل ما زاهر سئل السؤال اذا في بنت بيعجبها شب معين و من طرف واحد أو انو هي كمان بتعجبو بس منو مبين هالشي منو غلط يصير يلي عم ينحكى عنو بالموضوع بس أكيد ضمن الضوابط و الحدود الشرعية ...واذا كانت البنت ملتزمة و معروفة و طلبت الشب فمتل ما قال زاهر (عروس لقطة)....

[Barbie]

السلام عليكم و رحمة الله و بركاته ,

بالنسبة لي شخصيا ً , لا أعتبر مصارحة الفتاة بإعجابها أو حبها , أمر فيه من الوقاحة أو قلة الحياء . طالما أنها تتوجه لشاب خلوق أولا ً و لن يفشي بسرها إن لم تنجح القصة بينهما .... وطالما أنها واثقة من نفسها و من نيتها و صدق مشاعرها ...

و لكن أن تتقدم الفتاء هي لخطبة الشاب رسميا ً أو ان تخبر أحد من أفراد عائلتها بشكل مباشر و صريح و واضح , فهذا الأمر في غاية الصعوبة , لأنه شيء لم نعهده من قبل ..... و من الممكن أن لا يتقبله بعض الأهل أيضا ً .

بصراحة الموضوع بالنسبة لي معقد إلى حد ٍ ما !!!!!!!
لكنني طبعا ً , إن علمت أن إحدى الفتيات , أقدمت على هذه المبادرة , فلا أسيء الظن بها أو أنعتها بالوقاحة , أو قلة الحياء , أو ..... فهي بالطبع لديها ظروف معينة , أو أن الفكرة واردة عندها .
فكل منا لديه تفكير مختلف .


و لا أحد ينكر أن رفض الشاب , يؤثر عليه و يحبطه في بعض الأحيان , لكن اللوم ليس دائما ً على عاتق الفتاة . لأن أغلبية الشباب الملتزمين اليوم , يتقدمون لخطبة الفتاة , مباشرة ً عن طريق أخوها أو أحد أفراد عائلتها .... دون أن تكون هي مجهزة نفسيا ً للموضوع !!!!!!! لذلك يكون الرفض هو المسيطر . فيعرضونها و يعرضون نفسهم لمشاكل هم بغنى عنها.

و أنا بحديثي هذا لا أقصد أن يخرج الشاب عن الشرع , و لكنه يستطيع أن يلمح لها , بطريقة تلفت نظرها إليه , أو يخبرها مع طرف موثوق , كي يعرف رأيها الشخصي به قبل أن يتدخل الأهل و ....!!


و البعض الآن سيقول أن الأمر هو نفسه بالنسبة للفتاة , إن أعجبها شخص معين .....
لكن بالحقيقة يختلف الأمر , و الأسباب لهذا الإختلاف غير ملموسة و كأنها بالفطرة ..... و السبيل الأمثل للفت نظر الشاب مثلا ً , أن يخبره أحد لكن دون علم الفتاة , و طبعا ً الشخص الذي سيخبره , سيكون على ثقة من رغبة الفتاة بهذا الشيء ..

المهم أن يكون الدين هو الحاكم لتصرفاتنا .


الموضوع فيه حرج , من الأهل ربما , قبل أن يكون من الشاب ...... لأن الشاب من الممكن أن يتقبل الموضوع , و إن لم يبادر الفتاة نفس المشاعر , لكن الأهل , من الصعب جدا ً أن يتقبلوا الفكرة .
لذلك الأفضل لنا أن نبقى على الأرض و لا نحلم , فمهما عملنا لن نخرج من تدخل الأهل .
و بالنسبة لي و بصراحة , أهون علي ّ أن أخبره بنفسي , من أن أقول لأحد آخر كي يقول له ...

كل ما قلته مجرد رأي من بين الآلاف , و كل فتاة تدري حقا ً , ماذا تحس و تشعر ....و أرجو من الله أن لا يتعلق أحد بطرف آخر , لا يحبه , و لن يحبه ...... و سيعيش حياته بعيدا ً عنه !!! فما من شيء أصعب و أعمق من هذا الجرح , و كلما كانت مشاعره صادقة و نابعة من قلبه , كلما كان وقع الألم , أقسى و أقسى ... سواء كان لشاب ٍ أو لفتاة ...فالقلب يبقى قلبا ً .
و الحمد لله رب العالمين على كل شيء .

[المهند]

يا عمي بتطلبك ,بتطلبا ,بتطلبو بعض,بس فرقونا من هون!!كم مرة انا قايلكون ما تعجؤوا تحت شباكي لاني جايي من شغلي وبدي نام؟!!..لك روحوا احكوا بعيد!!العمى!!انزلوا حد حديد الجامع او وقفوا بالحارة حد وصال!!!!هونك بربروا قد ما بدكون!!!يعني الا ما عبي سطل الموية!!؟واطرشكون فيه ساعتا بتفهموا يعني!! :1 (54):

[Warrior]

يا عمي بتطلبك ,بتطلبا ,بتطلبو بعض,بس فرقونا من هون!!كم مرة انا قايلكون ما تعجؤوا تحت شباكي لاني جايي من شغلي وبدي نام؟!!..لك روحوا احكوا بعيد!!العمى!!انزلوا حد حديد الجامع او وقفوا بالحارة حد وصال!!!!هونك بربروا قد ما بدكون!!!يعني الا ما عبي سطل الموية!!؟واطرشكون فيه ساعتا بتفهموا يعني!! :1 (54):
اهلا بالمهند شو كم من الوقت تكلفت حتى طبخت هذه الطبخة على حد قول فشلان :) . اهلا بك لقد اضحكتني من صميم قلبي .

[Warrior]

السلام عليكم و رحمة الله و بركاته ,

...







و أنا بحديثي هذا لا أقصد أن يخرج الشاب عن الشرع , و لكنه يستطيع أن يلمح لها , بطريقة تلفت نظرها إليه , أو يخبرها مع طرف موثوق , كي يعرف رأيها الشخصي به قبل أن يتدخل الأهل و ....!!


و البعض الآن سيقول أن الأمر هو نفسه بالنسبة للفتاة , إن أعجبها شخص معين .....
لكن بالحقيقة يختلف الأمر , و الأسباب لهذا الإختلاف غير ملموسة و كأنها بالفطرة ..... و السبيل الأمثل للفت نظر الشاب مثلا ً , أن يخبره أحد لكن دون علم الفتاة , و طبعا ً الشخص الذي سيخبره , سيكون على ثقة من رغبة الفتاة بهذا الشيء ..

المهم أن يكون الدين هو الحاكم لتصرفاتنا .


..



اهلا بالاخت .

انا مع هذه الفكرة التي تكلمت عنها بالمشاركة السابقة 100 على 100

ولكن هذا في حال انو الشاب قد اعجب بالصبية .




اما ما نتكلم عنه هو العكس انو الصبية اعجبت والشاب منو منتبه او مشغول بشغلو عم يجمع مصاري حتى شي عروس تقبل فيه ويصرف عليها وتكون مرتاحة .

سوف اضرب مثالا :

لنفترض انو انت قلت لاحد الرفقة او لصديقة او لقريبة عن شعورك باتجاه شاب معين انه ذو خلق وفهمان ومابعرف شو ....... ولكن الشاب عرف بطرقة ما انو انت قلت عنو هيك وانو هذا شعورك وظنك به وعلى هذا الاساس الاحتمال كبير انو الشاب يفهمها انو انت معجبه به وان هو مستعد سوف يتقدم ان اعجب . هنا هل انت سوف تلومين نفسك؟ .... او ماذا سوف تفعلين ؟ مع افتراض علمك ان الشاب علم بكلامك المسبق عنه . هل سوف ترفضينه !!!!!
انا بانتظار ردك........

[أم سفيان]

رح حاول أد مفيني وطي صوتي منشان مفيئ النايمين
باعتقادي أن الحوار يتصف بالمثالية والخصوصية تتكلمون وكأنما الشاب أول ما يعلم بالأمر سيركض لشراء خواتم الخطوبة أليس لكل شاب مواصفات معينة يريد زوجة المستقبل أن تتصف بها
هب أن هذه الفتاة لم تعجبه كيف سيكون موقفها حينها البنت بطبيعتها حساسة جدا ولا تتحمل موقف كهذا بينما تجد الشاب إذا تقدم لبنت ورفضته لا يتوانى على أن يذهب لفتاة أخرى في اليوم التالي لخطبتها ومن يثقل عليه الأمر يكون رجل حساس جدا وعاطفي زيادة عن اللزوم (أكيد هلأ بدا تجيني قذائف من كل الجهات عهالتصريح)
برجع بكمل بس إعمل بعض التحصينات

[Warrior]

رح حاول أد مفيني وطي صوتي منشان مفيئ النايمين
باعتقادي أن الحوار يتصف بالمثالية والخصوصية تتكلمون وكأنما الشاب أول ما يعلم بالأمر سيركض لشراء خواتم الخطوبة أليس لكل شاب مواصفات معينة يريد زوجة المستقبل أن تتصف بها
هب أن هذه الفتاة لم تعجبه كيف سيكون موقفها حينها البنت بطبيعتها حساسة جدا ولا تتحمل موقف كهذا بينما تجد الشاب إذا تقدم لبنت ورفضته لا يتوانى على أن يذهب لفتاة أخرى في اليوم التالي لخطبتها ومن يثقل عليه الأمر يكون رجل حساس جدا وعاطفي زيادة عن اللزوم (أكيد هلأ بدا تجيني قذائف من كل الجهات عهالتصريح)
برجع بكمل بس إعمل بعض التحصينات


ههههههههه اه معك حق بكون حس على دمو :)


المهم .

نحن لم نقل ان الشاب سوف يتقدم ولكن قلنا "ان اعجب سوف يتقدم "
انا حدث معي هيك موضوع ولم اقبل، لاني لم اكن جاهزا بوقتها وكنت اساتني عم ادرس، فالبنت لم تحسن التوقيت باعتقادي . والصبية الله اكبر الان تزوجت وهي مرتاحة والله اعلم .


نحن قلنا انو البنت تلمح بطريقة بتحفظلها شعورها، على حد تعبيرك، ان تم الرفض .

كيف ؟؟؟؟؟ في طرق واساليب انتو النسوان على علم ودراية اكثر .... .

وبعدين احنا هون مافينا نتجاهل شعور الصبية او نقنعها بفعل هذا اكيد ولكن نحن نقول شرعا ما فيها شي ويجب ان تكون نظرة المجتمع لهذا بطريقة جد عادية على انه تصرف جيد من الجيد منو شواز .

[Barbie]

المهم أن لا تكون معرفة الشاب , حسب طريقة مدروسة , أو مباشرة .... و الأهم كما سبق و ذكرت , أن تكون معرفته , دون علم الفتاة .

و أعتقد انه ما من فتاة , أعجبت بأحد ٍ معين إلى حد ٍ ما , و كانت تحس بأنه مميز عن غيره بالنسبة لها , سترفضه .... فمن الطبيعي هي تنتظر اليوم الذي سيفهم شعورها و يقدره ....

أي أن الجواب واضح بشكل عام , دون أدنى شك ....

و الأهم من هذا كله أن تكون مشاعرها صادقة و حقيقية , أعني ليست بالمشاعر العابرة التي لن تدوم , لأنها لن تقبل به عندما سيصبح الموضوع جديا ً , و إن قبلت ستندم ربما بعدها ... و الله أعلم .

[HARD]

هذا موضوع!. خبرونا انو فاتحين هيك موضوع تنشارك فيه . معقول يا زاهر !

عفوا انا سوف اقف مع الشباب .

ولكن كما هو واضح من تعبير الاخوات، ان هذا الفعل ليس بالسهل على الفتاة(احاسيس وشعور .....)سوف تجرح .


انا اقول انه اذا كانت الفتاة ذو خلق وووووووو سوف يعرض اسمها على الشاب من اكثر من جه، "و اكيد سوف يعلم بها " و الله اعلم .

اما ان كانت هي معجبة به لحد الجنون ، وانا لا اعتقد ان هذا موجود والله اعلم فعندها من الممكن ان تلمح له بالطريقة المناسبة .

اما ما يحدث بالقلمون من طرق واساليب للتلميح واهمها الاشاعات ان "فلان بدو فلانه" .... فهذا اسلوب لا احد سوف يقبل به واكثر الاحيان ان الفتاة تكون قد اعلنت هذا الخبر كنوع من التفنيص على رفقاتها، "والحلو بالموضوع ان الشاب اخر العارفين بامر الخطبه . "

[ساميا]

(كلام منقول لكنه يعبر عن رأيي في هذا الموضوع وإن كانت مثل هذه الحالات إستثنائية لكنها موجودة على كل حال وتعامل الدين معها دليل على واقعيته ويسره ومرونته وصلاحيته لكل زمان ومكان ولكل حالة من حالات البشر)
بسم الله الرحمن الرحيم

السلام عليكم ورحمة الله وبركاته

الـود يـبـقى وحب الله يجمعنا .... على الإخاء وطيب القول قد عبقا
والقلب يخفق إن هبت نسائمكم .... فـصادق الـود يجلو الهم والأرقا

حياكم الله إخواني وأخواتي في الله وأسعد الله أوقاتكم
بالخيرات والمسرات وفي الجنة لا حرمني الله رؤيتكم مع حبيبنا وقرة أعيننا محمد صلى الله عليه وسلم

أحببت أن نعيش سويا مع لحظات إيمانية في رحاب آية من أيات القرآن الكريم نأخذ منها العظة والعبرة وما أجملها من لحظات حين نعيشها مع كتاب الله إلي الآيه من سورة القصص :

( قَالَتْ إِحْدَاهُمَا يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الأَمِينُ )

إنه صوت الأنوثة المستقيمة السليمة حين لا يمنعها الحياء
عن طلب الحلال أو التلويح به في الوقت الذي تدفع الشهوة أدعياء الحياء إلى الوقوع في الرذيلة، إن البنت وأختها تعانيان من رعي الغنم، ومن مزاحمة الرجال على الماء، ومن الاحتكاك الذي لا بد منه للمرأة التي تزاول أعمال الرجال. وهي تتأذى
وأختها من هذا كله. والمرأة عفيفة الروح نظيفة القلب، سليمة الفطرة، لا تستريح لمزاحمة الرجال، ولا للتبذل الناشئ من هذه المزاحمة. وها هو ذا شاب غريب طريد وهو في الوقت ذاته قوي أمين.
رأت من قوته ما يهابه الرعاء فيفسحون له الطريق ويسقي لهما. ورأت من أمانته ما يجعله عف اللسان والنظر حين توجهت لدعوته. فهي تشير على أبيها باستئجاره، ولعلها تشير من طرف خفي إلى عرض الزواج عليه. ولا حاجة بنا إلى سرد كل ما رواه المفسرون من دلائل قوة موسى. ولا حاجة كذلك لما رووه عن دلائل أمانته.
فهذا كله تكلف لا داعي له، ودفع لريبة لا وجود لها .
فلنأخذ العبرة من هذه القصة في أمانة موسى عليه السلام وعفاف تلك المرأتان أسأل الله تعالى بأن يرزق شباب المسلمين طهارة يوسف عليه السلام وأن يرزق أخواتنا عفة مريم عليها السلام

يامن لا تراه العيون ولا تخالطه الظنون
ولا يصفه الواصفون ولا تغيره الحوادث ولا يخشى الدوائر.
تعلم مثاقيل الجبال ومكايل البحار وعدد أوراق الأشجار وعدد ذرات الرمال وعدد ما أمسى عليه الليل وأشرق عليه النهار إجعل خير عمرى آخره وخير عملى خواتمه
وخير يوم يوم أن ألقاك فيه اللهم
آمـــــــــــــــــــــين
والسلام عليكم ورحمة وبركاته
أخوكم في الله: عبد الله الريمي

[الزاهر]

يبدو إنو الأصة بلشت تتلحلح شوية شوية والحمد لله



أنقل لكم رأي أبي وأخي وأمي وزوجة أخي في الموضوع بعد أن كنت قد نقلت لكم رأي أختي.......... وقد سألتهم أختي كل على حدة:


أبي وافق على الفكرة وعلق مضيفا .......الأصة إنو الواحد ما لازم يخلي التقاليد والعادات تكون أقوى من الشي الصح
وأنا بقوة مع المبدأ إنو الواحد يتخطى العادات والتقاليد

(سبحان الله..........طلع رأييي من رأيو جملة وتفصيلا مع إنو ولا مرة مناقشين بعض بهيك أمور....:))

أما أمي فعارضت الفكرة من أصلها!!!

وزوجة أخي :أبدا!!!!..............شبيؤولو عنها العالم للي بتعمل هيك...........لك بعد ما تموت بيضلهم يؤولو هادي اللي .......!!!!

أما أخي فسألته إن كان لك بنت.............وأخبرتك بإعجابها بشاب ترتضي دينه وخلقه وووو..........فهل تلبي طلبها؟.........فقال "نعم....ممكن أطلبلا ياه!!!"



ثم أضيف ...........بالنسبة لما قالته أختي أم سفيان...........وكأني أحس منه بأنها تقول بشكل غير مباشر بأن الشاب "حيط" ليس له مشاعر أو أنه لا يتضايق إذا رفضته البنت!!!!!...........ما عم تتفسر معي غير هيك!!!.........:)...........عذرا!!!
والله الشباب بشر ولهم مشاعر.........مننا من المريخ!!!
وإذا ما عجبتني .......لأي سبب كان......آه تحملو شوية لبيط..........ضروري كلو نحنا ناكلو!!......عم امزح..........:)........فبالتأكيد لن أتوانا عن تبيان الحق بالطريقة الأسلم ..... الأسلم.....الأسلم!!!!.......والأسلم كمان مرة!!! ....(مو أنا......بس إنو الشب يعني......الواعي أقصد)


ثم بتشكر أختي المهندسة سامية على صفتها بصفنا!!!..........كذلك الأخ وسيم اللي وثقلنا حالات يحتذا بها في هكذا مواقف............

[المهند]

يعنى مشكورين جميعا انو تركتونا ننملنا شي غطة,والله يجزيكون الخير يعني وخصوصا يلي وطوا صوتون وهني عم يطسوا بحصة العفريتة حتى ما يفيؤني!!بس المشكل انو نمت وفقت ولقيتكون بنفس الموضوع!!هلء بعدكون ما خلصتوا من تطلبني واطلبا!! لك يا عمي عن جد عاملين من الحبة قبة!!اتركوا الامور تمشي بطريقة طبيعية والنهر بيشق مجراه الطبيعي بين الحقول والبساتين دون اي تفكير ولا تخطيط ولا أفكار جهنمية!! مكان بتقدر المي تعبر رح تعبر بانسياب تام وسهولة وسلاسة!!بظن انو لو شو ما حكيتو هون ما رح تلاقوا بنت تلتزم بالقواعد والخطط بحزافيرا و يلي عم ترتسمولا اياها هون !!برأيي المتواضع ومع احترامي لكل من تعمق بالفقه بهالموضوع ومين فكر وقدر انو لما هيك فكرة بتخطر ببال أي بنت وكانت جدية فعلا رح تعرف هي كيف تنفزا بلا ما تستشير حدا ازا كان في صدق نية وتوكل على ربنا..وهي بالمناسبة مش حالات نادرة وعم تصير كتير بمجتمعاتنا رغم انو البنات كانوا عم يصرخوا كتير تحت الشباك وهني عم يرفضوا فكرة"الدعس عالحيز":) هني وعم يلعبوا بالعفريتة انا ونايم!! لك نصيحة مني لكون:"نزلوا العالم عن ضهوركون وحملوا خفيف ,وما بتلاقوا الا الامور ماشية برواءءءءءءءءءءءءءءءءء"

[القلب الحزين]

لكن كل واحد من الشباب الي مع يحطلنا السيره الذاتيه وصوره منشان الصبايا ينقوا

[الريس]

أول شي بحي كل يلي التزموا بالجملة يلي كاتبها بالصورة الرمزية وخبوا راسون ومشيوا . أنا بحب الحلول المنطقية ، وما بحب الحلول الملائكية ، يلي بتتعامل مع الإنسان كأنو ملاك ، يعني ما فيه واحد بالدنيا يقلوا للشب ما تنعجب بفلانة لأنو ما بيقدر ، بس فينا انقلوا ما توقف معها وروح خطبها ومن هالحكي هيدا ، وفينا نحطلوا براسوا صفات معينة لازم تكون بالمرأة ونزينلوا هالصفات وانخليه يدور على أساسها . ونفس الشي عند البنت . معليش اليوم ليش منحب نضحك عبعضنا ، انو شي طبيعي أي بنت ممكن يعجبها شب ، وللأسف عم اتروح توقف معو بالشارع أو على الشات أو على الفايس بووك أو ..... وهدال كلون ما حدا بقول عنون انون غلط ، ما حدا شاف انون وقاحة هدال ... انو بس اذا البنت قالت لأمها يا أمي أنا حابة حكيك بموضوع وللصراحة ما عارفة كيف بلش لأن الموضوع محرج شوية ، بس انتي يا أمي ربيتيني على الصراحة ، وحكيتك انتي لأن أكتر واحدة برتاح معك بالدنيا ، يا أمي بتعرفي الريس هيدا يلي بيكتب على صفحة القلمون ، هادا الشب عجبني ....

طيب ما بدكم تجو معي ، تكرم عينكم أنا رح اجي معكون ، وقحة وبلا أخلاق هيدي البنت لأن قالت هيك لأمها أو أبوها أو ..... طيب شو البديل ، النت أو التلفون أو .... أو بتسكر تمها ، يعني يلي بدي افهموا أنا ، البنت ممنوع اتحب ؟؟؟؟ انو معروف الشب منا بتعجبوا بنت فبيخطبها من أهلها ، طيب والبنت ممنوع يعجبها شب ، ربنا ما خلق فيها شعور وإحساس ولا هدال نقمة عليها ، يعني ما في ولا قناة بيضا لتصريف هيدي المشاعر والأحاسيس . عنجد ما بعرف كيف بتفكروا انتو يا نسوان ... فكروا بالموضوع منيح وابقوا ردولنا خبر

[الريس]

لكن كل واحد من الشباب الي مع يحطلنا السيره الذاتيه وصوره منشان الصبايا ينقوا


محسوبك الريس ، يعلن عن بدء استقبال الطلبات لهذا العام ، كل واحدة بتقدم صورة شمسية واخراج قيد عائلي لحتى اعرف مين أبوها ومين أمها ومين اخواتها ، وشو دارسة ، واذا شي يوم من الإيام فكرت انو تنبسط شوية صغيرة للتيار أو لأ ؟؟؟ هيدي شغلات كتير بتهمني ؟

[مايا]

السلام عليكم ورحمة الله وبركاته
على فكرة وانا سألت كتير من بنات المعهد عنا وفي منن كمان سألوا اخوانهم الشباب والكل كان رأيو واحد
انو البنت عيب واكبر عيب تعمل هيك وقالوا البنات انو لو حبيت شب بضل طول عمرا بتحبوا وما بتقولوا ( على فكرة هي اول مرة من خمس سنين صفنا بيتفق على شي فشكرا لصاحب هالموضوع يلي خلانا نتفق بآخر هالعمر )وكمان قال بعض البنات انو اذا وافق الشب وتم النصيب فبكرة بعد الزواج اي مشكلة بسيطة رح يقلها انتي يلي ركضتي وراي وبادرتي بالخطبة,,,,,
المهم اني انا بذكر انو هالقصة صارت عنا بالقبة من كذا سنة بس الشب ما قبل واعتبرا اهانة لان الاب عرض عليه بنتوا وعنا بالمنطقة اجمالا الكل ما بيتقبل هيك فكرة سواء بنات ولا شباب وبعدين عم تقولو انو على ايام الرسول كان الاب يقدم بنتوا طيب قلي عن واحد بهالايام متل الرسول عليه الصلاة والسلام وقلتوا منتشبه بهم هلق في حدا رح يقدر يتشبه بالرسول بس بكل شي
على فكرة انا لاحظت انو بس شباب القلمون هن يلي حبذو الفكرة بس والباقي كلو لأ

[Nader 3:16]

الله يبارك بشباب القلمون يلي بيفهموا....
انا اول ما طرحت الموضوع توقعت انو المعارضة تكون من الشباب وحدهم على عكس ما رأينا!!!
و حتى الآن لم أجد اي ذنب او خطأ في الموضوع سوى مجرد مشكلة قد تحصل مع الشاب و الفتاة و التي ذكرتها الاخ باربي. وذلك الاخت ام سفيان في آخر مشاركة لها.

فكرة الرفض ناتجة عن مجرد عادات و تقاليد سخيفة لا تمت الى الشرع بأي صلة!!!!!.....
و انا اؤيد ما قاله اخي الريس.
اما بالنسبة لكي يا اخت مايا تمنيت انو يكون رأي الاخوات يلي عم يدرسوا شريعة غير هيك!
و ما بعرف اذا كانوا فاهمين الموضوع غلط اصلاً....
شكر خاص ل الواريور والهارد ووسيم غنوم و القصص التي ذكرها فيها خير دليل على موضوعنا...و الاخ زاهر الذي جعل الموضوع اكثر من مجرد كلام على المنتدى...و الاخ الريس.
و الاخت ساميا و ام سفيان....
و قبل كل هؤلاء بالطبع المهند....
فإذن رح نقسم فريقين:
الشباب (موافقين عالفكرة )..و معهم الاخت ساميا...
البنات: ام سفين و مايا...مو موافقين ..
باربي عكريشة النص ...
و نرجو ان يستمر النقاش بهذه الطريقة المثالية. و انتظر رأي بقية الاخوات.

[تحسينو]

يا سلام على كلام أخي وسيم والأخت ساميا والأخت باربي(بس مو كلو)....


أول شي بحي كل يلي التزموا بالجملة يلي كاتبها بالصورة الرمزية وخبوا راسون ومشيوا . أنا بحب الحلول المنطقية ، وما بحب الحلول الملائكية ، يلي بتتعامل مع الإنسان كأنو ملاك ، يعني ما فيه واحد بالدنيا يقلوا للشب ما تنعجب بفلانة لأنو ما بيقدر ، بس فينا انقلوا ما توقف معها وروح خطبها ومن هالحكي هيدا ، وفينا نحطلوا براسوا صفات معينة لازم تكون بالمرأة ونزينلوا هالصفات وانخليه يدور على أساسها . ونفس الشي عند البنت . معليش اليوم ليش منحب نضحك عبعضنا ، انو شي طبيعي أي بنت ممكن يعجبها شب ، وللأسف عم اتروح توقف معو بالشارع أو على الشات أو على الفايس بووك أو ..... وهدال كلون ما حدا بقول عنون انون غلط ، ما حدا شاف انون وقاحة هدال ... انو بس اذا البنت قالت لأمها يا أمي أنا حابة حكيك بموضوع وللصراحة ما عارفة كيف بلش لأن الموضوع محرج شوية ، بس انتي يا أمي ربيتيني على الصراحة ، وحكيتك انتي لأن أكتر واحدة برتاح معك بالدنيا ، يا أمي بتعرفي الريس هيدا يلي بيكتب على صفحة القلمون ، هادا الشب عجبني ....

طيب ما بدكم تجو معي ، تكرم عينكم أنا رح اجي معكون ، وقحة وبلا أخلاق هيدي البنت لأن قالت هيك لأمها أو أبوها أو ..... طيب شو البديل ، النت أو التلفون أو .... أو بتسكر تمها ، يعني يلي بدي افهموا أنا ، البنت ممنوع اتحب ؟؟؟؟ انو معروف الشب منا بتعجبوا بنت فبيخطبها من أهلها ، طيب والبنت ممنوع يعجبها شب ، ربنا ما خلق فيها شعور وإحساس ولا هدال نقمة عليها ، يعني ما في ولا قناة بيضا لتصريف هيدي المشاعر والأحاسيس . عنجد ما بعرف كيف بتفكروا انتو يا نسوان ... فكروا بالموضوع منيح وابقوا ردولنا خبر


لك إنته كلامك متل كباية عرئانه بعز دين الصيفية وفيا تلج وسفن آب وشئفت حامض...بيروي العطشان...وأنا بأيدك 100/100 ....ولك إنته الريس ...ومحل ما بفرفط الحيط بتليّس...ههههه.....يا عمي ماني عارفك حسّاس هالأد!!!....وإنتو يا صبايا....يعني نحنا كلشي عم نفكر فيكون وعم نفكر بمشاعركم وأحاسيسكم وعم نحصلكم حءوءكم إلي العادات والتقاليد إخدتا منكون(وإلي بالمناسبة الشرع عاطيكم ياها) وإنتو معارضين!!!!!!!!

السلام عليكم ورحمة الله وبركاته
على فكرة وانا سألت كتير من بنات المعهد عنا وفي منن كمان سألوا اخوانهم الشباب والكل كان رأيو واحد
انو البنت عيب واكبر عيب تعمل هيك وقالوا البنات انو لو حبيت شب بضل طول عمرا بتحبوا وما بتقولوا ( على فكرة هي اول مرة من خمس سنين صفنا بيتفق على شي فشكرا لصاحب هالموضوع يلي خلانا نتفق بآخر هالعمر )وكمان قال بعض البنات انو اذا وافق الشب وتم النصيب فبكرة بعد الزواج اي مشكلة بسيطة رح يقلها انتي يلي ركضتي وراي وبادرتي بالخطبة,,,,,
المهم اني انا بذكر انو هالقصة صارت عنا بالقبة من كذا سنة بس الشب ما قبل واعتبرا اهانة لان الاب عرض عليه بنتوا وعنا بالمنطقة اجمالا الكل ما بيتقبل هيك فكرة سواء بنات ولا شباب وبعدين عم تقولو انو على ايام الرسول كان الاب يقدم بنتوا طيب قلي عن واحد بهالايام متل الرسول عليه الصلاة والسلام وقلتوا منتشبه بهم هلق في حدا رح يقدر يتشبه بالرسول بس بكل شي
على فكرة انا لاحظت انو بس شباب القلمون هن يلي حبذو الفكرة بس والباقي كلو لأ
يا ستنا نحن نسعى للتشبه بالرسول صلى الله عليه وسلّم.....بغض النظر إنو الأصة مافيا شي!!!!....يعني الموضوع في يصير متل ما عملت خديجة رضي الله عنها بمشاركة أم سفيان....يعني بيدون ما يعرف الطرف الآخر إنك بدّك ياه....الفكرة إنو البنت بحءلا تنعجب وتحب وتنئي كمان...وتوصلو هالشي بطريق من الطرق متل ما قال الريس....ولازم البنت تكون منطقية شوية كمان ......منو إذا عجبها شخص تتأمل في وخلص هادا وتؤعود تتخيلو فارس أحلاما عحصان أبيض وخلص......أكيد لازم تكون عاطية إحتمالات ......وتكون متوقعة كل شي ......متل الشب يعني (منشان هيك الشب ما بيدّايء متل البنت يا أم سفيان...منو لأنو أقل مشاعر وأحاسيس!!!!!)
والإعتماد عالله أهم شي...!!!!! وأنا معكون يا شباب

[الزاهر]

السلام عليكم ورحمة الله وبركاته
على فكرة وانا سألت كتير من بنات المعهد عنا وفي منن كمان سألوا اخوانهم الشباب والكل كان رأيو واحد
انو البنت عيب واكبر عيب تعمل هيك وقالوا البنات انو لو حبيت شب بضل طول عمرا بتحبوا وما بتقولوا


على فكرة انا لاحظت انو بس شباب القلمون هن يلي حبذو الفكرة بس والباقي كلو لأ








ليش مين آل بدنا ياها تألو؟؟

هي تخبر ولي أمرها بحبها ومشاعرها وهو يتصرف بما يناسب الموقف!!!


ولا شو رأيكم
ما على هيك كان التوافق؟؟




وبالنسبة للي ذكرتموه عن أن شباب القلمون وحدهم هكذا
والله؟؟.......غريب!!!!
شمعناتو هالأمر برأيكم؟؟

[تحسينو]

محسوبك الريس ، يعلن عن بدء استقبال الطلبات لهذا العام ، كل واحدة بتقدم صورة شمسية واخراج قيد عائلي لحتى اعرف مين أبوها ومين أمها ومين اخواتها ، وشو دارسة ، واذا شي يوم من الإيام فكرت انو تنبسط شوية صغيرة للتيار أو لأ ؟؟؟ هيدي شغلات كتير بتهمني ؟

في عندي خالة أخت أختا ها!!!!.......معي صورة لها والا أروع...دارسة ورء عنب وفاصولية ومفتحات ومغلئات وإسن كم شغلة وكانت بدّا توخود كورس لوبية بس الظروف المالية ما سمحت....أبوها وأمها ميتين وما بحياتا أربت صوب التيار....وصبيه ها .!!!! لِكَان !!ما تخسب إنا كبيرة أو شي ها....إنته بتعرفني ما بشتغل إلا بالنضيف!!! وعندا علاقات إجتماعية وساسية أديمة ....مافي حدن مانو مارء عليا ...متل هتلر وفاسيلي والشباب كلّا....وبتلعب جومباز وبالرقص الشرئي مافي منّا...و ورتتا نص مليون فرنك عصملي...بس ما تفوت عطمع ,منشان مشاعرا...آه!!!
يعني منين بدّك تجيب متلا؟؟؟؟؟؟؟؟؟؟؟؟؟؟؟!!!هات لنشوف!!!.
شو تكلنا عالله؟!!..الفاتحة يا شباااااب!!!

[اليمامة الحضرمية]

السلام عليكم ورحمة الله
حتى اليوم أعضاء المنتدى يلي معي بالجامعه سألنا البعض...
قام صار في عجقة مش طبيييييييييعية بالهنقااااش وتوقعنا المدير يطلع على شوي

المهم أنو البنات قالوا كلهن مش مع هالرأي....واعترضوااااااا كتيييييييير عليه وما حدن تقبل الفكره خااالص...
أما الشباب فكان الكل تقريبا مع الفكره مع نسبة اعتراااض كماااااااااان

الموضوع صعبببببببب جداً

لأنو البنت عندها حياء وحياءها غالبا ما بيسمحلها تطلب هيك طلب من شاب ولو كان ملتزم وعامل العمر له قيمة
يعني البنت الزغيرة بالسن المفروض يكون الحياء عندها أكتر من الكبيرة يلي صارت بال30 مثلاً......

هيدا رأيي.......

[الزاهر]

السلام عليكم ورحمة الله
حتى اليوم أعضاء المنتدى يلي معي بالجامعه سألنا البعض...
قام صار في عجقة مش طبيييييييييعية بالهنقااااش وتوقعنا المدير يطلع على شوي




إذا معكم ع.ص. فأكيد رح يصير في عجئة............:)............الله يحميه!!!


ثم بالنسبة لما ذكرتيه أختي.........فهو صحيح.........إنو العمر له أثر كبير في ذلك...........لكن هل مشاعر بنت (إو ابن) الخامسة عشرة تجاه الجنس الآخر هي المشاعر الصحيحة..........أم أنها عشق وغرام فاضي؟؟!!

إذا لاحظتم أول مشاركة لي وما تلاها فقد كنت اركز على أنها "فاهمة دينها وأبعادو وحيثياتو ووووو......." فبالتأكيد أنا لا أتكلم عن بنت (أو ابن) الـ 15 عام!!!


ثم أعود لأكرر بأننا توافقنا على أن البنت ليست من يطلب من الشاب.........بل هي تطلب من ولي أمرها!!!!

ما هيك؟؟..........:)


يا ريت مشرفة الساحة تعيد النقاش إلى السكة أو تفتح باب فكرة جديد أو تختم الموضوع........

السلام عليكم

[Warrior]

الفرق واضح جدا بالتفكير .

نحن نحكم الدين وانتم تتكلمون عن الشعور والاحاسيس والتقاليد وكلام العلم ويا دلي ويا خربان بيتي وبيرجع بقلها انت بدك ما انا وما بعرف شو .


ومنرجع من عيدها للمليون بعد المليون العاشر انو ما تحكيه هيه قلنا في طرق كتيرة .

[الزاهر]

أنا أرسل لقسم الفتوى ليعطونا حكم الشرع في الموضوع
إن شاء الله ما يتأخرو علينا

لنشوف على شو منتوافق ولوين منوصل لبينما يجينا حكم الشرع واضح صريح

[أبو النكد]

موضوع عجبني كتير و يمكن هذه اول مرة تخرجون من الكهف الذي تعشون فيه الى الحياة العملية و الفكر المنفتح
انا شخصيا لا ارى اي ضرر من ان تطلب الشابة من الشاب ان يتزوجها اذا كانت معجبة به و تظن ان حياتهم ستكون سعيدة
و لا ادري لماذا الكثيرون عدها وقاحه ربما لأنهم لا يردون الخرج على الحياة الروتينية و لا يردون التطور ابداً و ربما يتكلمون في الكوالس اذا اتى شاب الى فتاة و طلبها ان ذلك ضرب من الوقاحة
هذه الرجعية العمياء التى لا تعتمد على شيء حسي انما تبنى على اوهام و افكار تخرج من اناس عشقوا الخمول في افكارهم

[اليمامة الحضرمية]

إذا معكم ع.ص. فأكيد رح يصير في عجئة............:)............الله يحميه!!!

ههههههه





ثم أعود لأكرر بأننا توافقنا على أن البنت ليست من يطلب من الشاب.........بل هي تطلب من ولي أمرها!!!!

ما هيك؟؟..........:)

أيوووووه كييييده بس الحياااء كمان بيكون قدام أهلها
ايه والله بمووووووووت ولا بقول لبيي أو خيييي........
مش خوف بس حياااااااااء............


السلام عليكم


وعليكم السلام ورحمة الله وبركاته

[اليمامة الحضرمية]

موضوع عجبني كتير و يمكن هذه اول مرة تخرجون من الكهف الذي تعشون فيه الى الحياة العملية و الفكر المنفتح
انا شخصيا لا ارى اي ضرر من ان تطلب الشابة من الشاب ان يتزوجها اذا كانت معجبة به و تظن ان حياتهم ستكون سعيدة
و لا ادري لماذا الكثيرون عدها وقاحه ربما لأنهم لا يردون الخرج على الحياة الروتينية و لا يردون التطور ابداً و ربما يتكلمون في الكوالس اذا اتى شاب الى فتاة و طلبها ان ذلك ضرب من الوقاحة
هذه الرجعية العمياء التى لا تعتمد على شيء حسي انما تبنى على اوهام و افكار تخرج من اناس عشقوا الخمول في افكارهم


شكرااااااااااا على الإطرااااااء........

[مايا]

السلام عيكم ورحمة الله وبركاته
ليش مين آل بدنا ياها تألو؟؟

هي تخبر ولي أمرها بحبها ومشاعرها وهو يتصرف بما يناسب الموقف!!!


ولا شو رأيكم
ما على هيك كان التوافق؟؟
وانا هيك كان سؤالي للبنات انو اذا هي تقول للشب او بتخبر احد من اهلها وكان نفس الجواب لأ
بس بيضلوا في حياء انو تقول لابوها او لاخوها انا معجبة بشخص او من هالنوع بعدين انا من جهتي بالحالتين معارضة ما بتقبل هيك شي يعني ما عم تفوت براسي اني انا قول لاخي او ابي ممكن تحكي مع فلان يطلبني انا معجبة فيه انا بقول انو يمكن بنجلط قبل ما قول هيك حكي.


وبالنسبة للي ذكرتموه عن أن شباب القلمون وحدهم هكذا
والله؟؟.......غريب!!!!
شمعناتو هالأمر برأيكم؟؟
لا تفهمونا غلط.:)

[HARD]

بالنسة للأخت مايا ، الله يبارك فيكي يا أختي ، وان شاء الله اتكوني اتوفقتي بالإمتحانات ، وان شاء الله بتكون المرحلة الجامعية مرحلة مباركة عليكي وبتكون مساعد لك على الإزدياد من العلم والتقوى والإيمان ...

للصراحة أنا استغرب كثيرا لكلامك يا أختي ، فأنت طالبة علم ولقد درست حتى الآن عدة كتب ومتون ، ومن ثم تقولي بعد ذلك : (قلي عن واحد بهالايام متل الرسول عليه الصلاة والسلام وقلتوا منتشبه بهم هلق في حدا رح يقدر يتشبه بالرسول بس بكل شي) ، ما معنى هذا الكلام؟ لماذا تدعون الناس لتطبيق السنة اذا كان الجواب عندكم بهذه البساطة ؟ لماذا نتكلم عن عائشة وعن خديجة وعن أسماء و .......... إذا كان من المحال تقليدهم بشكل كامل ؟؟؟ هل نترك كل شيء لأنه لا يمكننا تقليد كل شيء . ألا تلاحظين أنك وزميلاتك في طلب علم الشريعة تضربون قول النبي صلى الله عليه وسلّم : "سددوا وقاربوا" بعرض الحائط ؟؟؟

ثم أنني لا أخالفك ، أن لكل مجتمع عاداته وتقاليده ، وينبغي على الإنسان المؤمن أن لا يخرج من هذه الدائرة العرفية ، ولكن بنفس الوقت ، وفي حال تعارض عرف ما مع هدي النبوة أو مع موقف حق ، ففي هذه الحال يكون دور المؤمن التوجيه والتوعية لا الإنخراط شأنه كشأن باقي الناس ، وخصوصا إذا كان هذا الإنسان طالب شريعة .




احسنت التعبير .

[محمد]

بس بيضلوا في حياء انو تقول لابوها او لاخوها انا معجبة بشخص او من هالنوع بعدين انا من جهتي بالحالتين معارضة ما بتقبل هيك شي يعني ما عم تفوت براسي اني انا قول لاخي او ابي ممكن تحكي مع فلان يطلبني انا معجبة فيه انا بقول انو يمكن بنجلط قبل ما قول هيك حكي.



السلام عليكم
الله يبارك بالجميع
ما ضروري البنت حالاً أن تتوجه إلى الأب بالموضوع يعني تقول للأم لأنها هي الأقرب للأولاد خاصة في هكذا ظروف .
كمان رح قول أنه كما أنه صعبة عالبنت تحكي مع أهلها بموضوع الخطبة إذا عجبت بشخص ،
فإن الأمر كذلك عند الشباب .
يعني مين من الشباب بيروح عند أمه وبيقول أنا عجبتني هذه ؟؟؟؟!!!!
مش هيك القصة بتصير !!!!!!!!
القصة أنه الأم هي بتحس عكل حركة يقوم بها الولد ، وهي تباشره بالموضوع .(هذا الذي رأيت)
وبارك الله بكم

[مايا]

السلام عليكم ورحمة الله وبركاته
بالنسة للأخت مايا ، الله يبارك فيكي يا أختي ، وان شاء الله اتكوني اتوفقتي بالإمتحانات ،
شكرا ويبارك فيك, والحمد لله من شان الامتحان للاسف ما عملت منيح بس ان شاء الله خير
وان شاء الله بتكون المرحلة الجامعية مرحلة مباركة عليكي وبتكون مساعد لكي على الإزدياد من العلم والتقوى والإيمان ... ان شاء الله تعالى
قلي عن واحد بهالايام متل الرسول عليه الصلاة والسلام وقلتوا منتشبه بهم هلق في حدا رح يقدر يتشبه بالرسول بس بكل شي)
ما معنى هذا الكلام؟ لماذا تدعون الناس لتطبيق السنة اذا كان الجواب عندكم بهذه البساطة ؟ لماذا نتكلم عن عائشة وعن خديجة وعن أسماء و .......... إذا كان من المحال تقليدهم بشكل كامل ؟؟؟ هل نترك كل شيء لأنه لا يمكننا تقليد كل شيء . ألا تلاحظين أنك وزميلاتك في طلب علم الشريعة تضربون قول النبي صلى الله عليه وسلّم : "سددوا وقاربوا" بعرض الحائط ؟؟؟
انا ما قلت نترك كل شيء لانه لا يمكننا ان نقلد كل شيء واذا خالفنا بهيك شغلة مش معناتا انو نحنا خالفنا كل الشريعة , نحن نحاول بقدر المستطاع ان نقلد ولكن انا اقصد هل تستطيع ان تقلد الرسول في كل شيء بشكل عام هلق نحنا منحاول طبعا في بعض الامور لا نستطيع ان نقلد لاسباب عديدة مثل هذا الموضوع يعني انا من جهتي لا استطيع التقليد في هذا الشيء مع علمي ويقيني بجوازه ونحن طلاب الشريعة نحاول ان نتشبه بالرسول قدر المستطاع وان ندعوا الناس الى ذلك ولكن انا من جهتي لم ارى احد يقلد الرسول في كل شيء ونحن نتكلم عن عائشة وخديجة ووووووو لنحاول قدر المستطاع التقليد وانا من جهتي لسا ما شفت حدا قلدهم بكل معنى الكلمة ولكن نحاول طبعا قدر المستطاع
وانا مش عارفة يعني محسيسينا انو طلاب الشرعة لازم يكونوا ملائكة او بالاحرى انو هن ملائكة يعني نحنا متلنا متل البشر منطبق الشريعة بامور ومنخالف ببعض بامور طبعا هيدا تقصير منا مش لسبب تاني
ثم أنني لا أخالفك ، أن لكل مجتمع عاداته وتقاليده ، وينبغي على الإنسان المؤمن أن لا يخرج من هذه الدائرة العرفية ، ولكن بنفس الوقت ، وفي حال تعارض عرف ما مع هدي النبوة أو مع موقف حق ، ففي هذه الحال يكون دور المؤمن التوجيه والتوعية لا الإنخراط شأنه كشأن باقي الناس ، وخصوصا إذا كان هذا الإنسان طالب شريعة .
معك حق ولكن عندما يكون هو مقتنع بهذا الشيء يعني انا مش معقول ان احث الناس على تقبل فكرةا نا غير مقتنعة بها فلازم انا اقتنع قبل الناس عشان اقنعهم.

[الزاهر]

يعني انا مش معقول ان احث الناس على تقبل فكرةا نا غير مقتنعة بها فلازم انا اقتنع قبل الناس عشان اقنعهم.


لا خِلافَ على ذلِك لكن، لا وَزنَ لرَأيِي وقَنَاعَتِي إذا خَالَفَت حُكْمَ الشَرْع!!!!


نحنُ لا نَحُضُّ البَناتِ أنْ سَارِعْنَ لِطَلَبِ خِطبَة الشَباب، لكن كلُّ مَسْعَانَا أن تكونَ الفِكرةُ مَقْبُولةً لدى الجَميع. خُصُوصاً وأنَّهَا تُعْطِي الفتاةَ حقَّاً قد سَلبَتْهُ مِنهَا التَقَاليدُ والعَاداتُ "البالية" السائِدةُ في مُجْتَمَعَاتِنَا!!!

الله يعطيك العافية يا بحيرا......عديتنا!!!

[ساميا]

السلام عليكم ورحمة الله وبركاته
لحظة من فضلكم!
لا أدري لماذا تحول الأمر وكأن هذا الفعل فريضة أو مطلوب شرعاً وآثم من لم يقم به...
الحقيقة أرى أن الموضوع قد أخذ أكبر من حجمه وتشعب في طروحاته..مع أن المسألة أبسط مما يصور الآن...
حتى العنوان مبالغ فيه، لأن كلمة (خطبة) لها مفهوم خاص وضوابط وشروط يعرفها الجميع، ولعل هذا المعنى هو الذي جعل الفتيات يتهيبن الكلمة ويستغربن أن تبادر فتاة لخطبة نفسها.. وكان الأولى مناقشة: هل تلميح الفتاة والبوح لأحد المقربين إليها بميل قلبها لإنسان ما، هل هذا الفعل صح أم خطأ وهل يقلل من قدرها ومكانتها؟!
أما أن تتحول الفتاة إلى طالبة وليست مطلوبة فحسب رأيي هذا لا نقاش فيه أنه خطأ كبير وإنتقاص لمكانة وقدر الفتاة المسلمة وتغيير في سنن الحياة قد يقلب علينا الأمور..
وأغلب الظن أن أغلب الفتيات في مرحلة ما قبل الزواج، قد يتعرضن لمواقف مشابهة، (أقصد الشعور بميل نحو إنسان ما بسبب أحد المواقف أو المناسبات) وربما تلجأ الفتاة للتلميح أو لمصارحة أحد أهلها أو إحدى المقربات منها بما يعتمل في نفسها وربما لا يتعدى الأمر أكثر من هذا ويقف الموضوع عند هذا الحد... فهل من تفعل هذا الفعل ترتكب إثماً؟

[الزاهر]

السلام عليكم ورحمة الله وبركاته
لحظة من فضلكم!
لا أدري لماذا تحول الأمر وكأن هذا الفعل فريضة أو مطلوب شرعاً وآثم من لم يقم به...



هو هاد اللي صرلنا شهر عن نؤولو بس كأنما الفكرة لساتها مش واضحة......أو أوصلناها بقالب غلط.....الموضوع يمكن اختصاره بسؤال واحد:

إذا كان لك/لكي بنت وجائتك مخبرة إياك بإعجابها بشاب ترتضي/ترتضين دينه وخلقه وووو......فهل أنت/أنتي على استعداد للسعي لأن تعرض/تعرضي الفكرة على أهله ؟؟

هاد إذا افترضنا فكرة إبداء البنت لأهلها إعجابها ورغبتها في أن يكون هذا الشاب شريك حياتها أمر طبيعي أما إذا الواحدة ما لها عين تحكي إهلها بهيك مواضيع فهادي مشكلة تانية!!!..........لمين بتحكي؟؟............لرفيئتك؟؟...........وإنت كمان.....بتروح بتحكي رفئاتك اللي ما لهم دخل وبتترك أهلك اللي هنة لب الموضوع؟؟!!

ونحن نقول بأن هذا الأمر لا خطأ شرعي فيه (أقصد أن تعجب البنت بشاب وتخبر أهلها بذلك) لكن عاداتنا "تحرم" هذا الفعل نهائيا!!!!

بالتأكيد أذا ذهبنا إلى وادي أن "تخطب البنت لنفسها" هاد لا جدال ولا حوار ولا نقاش ولا كلام فيه!!!


وعذرا إذا وصلت الأفكار بغير ما قصدت أن تصل

بالنسبة لي ...... هذا الموضوع ما هو إلا لتصحيح وتقويم تقاليد تحرم شريحة من المجتمع حقا طبيعي هو لهم!!!

[Nader 3:16]

أخت ساميا العنوان للفت النظر فقط و انا اسغربت من البعض كيف فهم القضية!!!...
يعني في اعضاء فهموا من الموضوع انو البنت هي بدها تروح تطلب الشب من اهلو!!!.....بالفعل مصيبة!!......

[Madiz]

السلام عليكم...أولاً استغربت من بعض البنات كيف فهموا الموضوع بطريقة خاطئة كلياً....و استغربت من الاخت مايا كونها عم تدرس شريعة ردة الفعل السلبية تجاه الموضوع.و في النهاية المسألة مرفوضة لأنها غير معتاد عليها في مجتمعنا الذي تتحكم فيه مجموعة من العادات و التي يعتبر متمرد من يقوم بمخالفتها.و هذا شيء خاطئ.
ولا شك انا الفتاة التي ستعبر عن مشاعرها تجاه شاب معين لا بد ان يكون ضمن الاداب الشرعية ...

[تحسينو]

لك وينك يا ريّس ؟؟؟؟!!! لك خالتي مؤ فيا تنطر!!!!
إنو معا حء هي الشباب مانون عم يؤمو من تحت بيتا,,, ببس هي كرمالي ناطرة ,,,عأساس جايبلا شب كويس وجغل,,,
وكمان إسن لها كم شهر وبتتوكل....مانو إنو كبيرة أو شي بس منشان حمّسك أنا...آه
!!!يلا لحء حالك!!!!
وإذا مستحي وما لاك عين تحكي إدام الأعضاء ...بعتلي رسالة خاصّة ومنتفاهم....ما تطوّل ها...

[الريس]

ولك أهلين بالمعلم تحسنو ، وبالخالة تحسينة .

خليها تنطر للشتوية ، شنو هلأ البنزين غالي

[الزاهر]

السلام عليكم ورحمة الله تعالى وبركاته

ختاما للموضوع نعرض جواب الشيخ الفاضل على سؤالنا:





السلام عليكم ورحمة الله تعالى وبركاته


شيخنا الفاضل
جرى نقاش مطول في المنتدى عن موضوع "خطبة الفتاة لنفسها" على الرابط التالي
رابط (http://www.qalamoun.com/Forum/showthread.php?t=5946)
فما حكم الشرع في هكذا حالة..... وما هي نصائحكم وتوصياتكم
جزاكم الله كل خير
والسلام عليكم

-----
المُفتي الشيخ أحمد عبيد حفظه الله
-----


بسم الله الرحمن الرحيم
الحمد الله والصلاة والسلام على رسول الله سيدنا محمد وعلى آله وصحبه وسلم.
الأخ الكريم السائل عن خطبة الفتاة للشاب.


لا شك أن الفتاة مطلوبة لا طالبة وهذا ما يتناسب مع فطرتها التي فطرها الله عليها.

فهي شديدة الحياء خصوصا إذا كانت بكرا، روى أبو سعيد الخدري رضي الله عنهقال: (كان رسول الله صلى الله عليه وسلم أشد حياء من العذراء في خدرها) متفق عليهوالحياء هو رأس مال الفتاة بعد تقوى الله تعالى، وهو من شعب الإيمان، جاء في الحديث الذي رواه أبو هريرة (رضي الله عنه) أن رسول الله (صلى الله عليه وسلم) قال: (الإيمان بضع وسبعون شعبة فأفضلها قول لا إله إلا الله وأدناها إماطة الأذى عن الطريق والحياء شعبة من الإيمان) متفق عليهوهذا الحياء يجب أن لا يمنع الفتاة أو المرأة من إغتنام فرصة تجد فيها ما تبحث عنه من صفات طيبة كريمة في شاب طالما حلمت بأمثاله لتعيش معه حياة ملؤها الرحمة والود والسعادة، من هذا الباب تحركت خديجة (رضي الله عنها) عندما وجدت ضالتها المنشودة في رسول الله (صلى الله عليه وسلم) وهي التي خطبها سادات قريش فأبت عليهم، ثم تحدثت بما في نفسها إلى صديقتها نفيسة بنت منية، وهذه ذهبت إلى رسول الله (صلى الله عليه وسلم) تفاتحه إن كان يرغب بالزواج من خديجة، فرضي بذلك رسول الله (صلى الله عليه وسلم) وكلم أعمامه فذهبوا إلى عم خديجة، وخطبوها إليه وعلى إثر ذلك تم الزواج الميمون، وحضر العقد بنو هاشم ورؤساء مضر، وذلك بعد رجوعه من الشام من تجارة لخديجة بشهرين، وكانت سنها إذ ذاك أربعين سنة وكانت يومئذ أفضل نساء قومها نسبا وعقلا وثروة وهي أول إمرأة تزوجها رسول الله (صلى الله عليه وسلم) ولم يتزوج عليها غيرها حتى ماتت رضي الله عنها.

ويضيف ابن هشام في سيرته جـ1 ص189 إكمالا للفائدة:
(وكل أولاده (صلى الله عليه وسلم) منها سوى إبراهيم، ولدت له أولا القاسم وبه يكنى ثم زينب ورقية وأم كلثوم وفاطمة وعبدالله وكان عبدالله يلقب بالطيب والطاهر. ومات بنوه كلهم في صغرهم أما البنات فكلهن أدركن الإسلام فأسلمن وهاجرن إلا أنهن أدركتهن الوفاة في حياته (صلى الله عليه وسلم) سوى فاطمة رضي الله عنها فقد تأخرت بعده ستة أشهر ثم لحقت به).
فكما نرى في قصة خديجة رضي الله عنها فلم تذهب بنفسها لتقول لرسول الله (صلى الله عليه وسلم) اني أريدك زوجا، فحياؤها منعها من ذلك، وإنما أرسلت صديقتها وهي أمينة على السر، فأخبرته (صلى الله عليه وسلم) فرضي ثم عمد إلى خطبتها بأن أرسل أعمامه لذلك.

و الحقيقة أن الذي يخطب هو الشاب وإنما الفتاة تلمح أو تصرح بما في نفسها ولكن الفعل وإبرام الخطوبة هو للشاب.
ولا مانع من أن تلمح الفتاة أو تصرح لإحدى صديقاتها أو أخواتها المؤتمنات على الأسرار وهذه بدورها تقوم بإيصال هذه الإشارة إلى المعني بالأمر من خلال إحدى اخواته بطريقة لائقة وصادقة فإذا وجدت قبولا عند الرجل فعليه بالمبادرة إلى خطبة الفتاة كما فعل رسول الله (صلى الله عليه وسلم)، وإذا لم تجد قبولا فعلى الشاب أن يعتذر بطريقة لبقة فيصرح بمكانة الفتاة من خلق ودين ثم يعتذر بعدم رغبته لا لعيب بالفتاة وإنما لوضعه المادي أو لأشغاله الكثيره إلخ بطريقة تحفظ فيها كرامة الفتاة وبأسلوب لائق، وتنتهي القضية عند هذا الحد، ولا يجوز له أن ينشر هذا الأمر بل يكون سرا من الأسرار، التي يجب إخفاؤها حتى عن أقرب الناس إليه.

وصلى الله وسلم على نبينا محمد وعلى آله وصحبه وسلم.

[flauritta]

السلام عليكم.
رح جاي ضدكم يا اخواتي البنات بالموضوع.
انا لا أراها تقليل من قيمة البنت لأنو اذا عجبها وصلتلو خير بطريقة معينة(اكيد دون ان تفرض حالها عليه) و اتفقوا مع بعضهم ساعتها بيتفقوا انو الشب الذي سيأتي للخطبة. و كل شي عادي.
و دمتم سالمين.

[hadid]

بارك الله بكم ورعاكم وجعلها في ميزان حسناتكم

[it's ha]

السلام عليكم ورحمة الله وبركاته
يعني كتير صعبة انو البنت تطلب اي شخص لنفسها مش قصة حياء وبس كمان في كبرياء بالموضوع بعدين لشو حتى يعيرها كل دقيقة انو هيي لي ركضت لعنده بعدين هي حتى تدبير العريس شغلة ما حلوة وصراحة يا او يشوفها وتعجبه وخلصت او بلاها هالشغلة من اساسها

[دوكر]

يا هلا بالست اتس ها.......
عجبني هل التحليل.......الشب ما عندو من الكبراء لي عم تحكي علي؟......عفواً و بغض النظر عن رأي الشخصي بالمسألة ........هادا ما بسمو كبرياء.....بسمو تكبر......كيف يعني بدو يمننا انو هي لا راكدا وراه ؟؟ ......ليش ازا واحد خطبك او تأدملك بدك تمنينا انو هو لي كان راكد وراكي....له له .....شو هل الحكي ؟..............ليش الاعجاب و الحب صار للتعير؟.......انو انا ما كنت بطلع بهكا طبقة من الناس.....[س لأنك ضليتي لاحقتني شفقت عليكي.....؟؟؟هادا الحوار لي عم اتخيلو ........
يعني بفهم من حديثك انو يأما الشب بنقي البنت ......و بتعجبو ......و بنزل كبراياءو ع حد تعبيرك....يا اما بلا الشغلة ......و بلا ما يكون للصبية اي حق في الاختيار......و انو ما لازم الصبية تأيبل ع الشب لي بتلاقي فيا القدوة لولادا.......................
يعطيكي العافية .......
اخوكم دوكر المعوكر............

[Nader 3:16]

السلام عليكم ورحمة الله وبركاته
يعني كتير صعبة انو البنت تطلب اي شخص لنفسها مش قصة حياء وبس كمان في كبرياء بالموضوع بعدين لشو حتى يعيرها كل دقيقة انو هيي لي ركضت لعنده بعدين هي حتى تدبير العريس شغلة ما حلوة وصراحة يا او يشوفها وتعجبه وخلصت او بلاها هالشغلة من اساسها

ما تخلوني عيطّّّّّّّّّّ!!!!!!!!!!! ولك ما حدا قال انو هي بدها تروح تطلبوا!!!!!!!!!!!!!!!!

المسألة ببساطة: فتاة ملتزمة أعجبت بشاب ملتزم, فأرسلت له بطريقة أخلاقية معينة ان اذا كنت مناسبة لاك ان تعال و اخطبني...
ما بدها الؤصة كل هالاد .ولكن الظاهر انو لم تقرأوا الردود جيداً يا بنات. و الموضوع صرلو زمان مفتوح. و في بنات اقتنعوا انو الفكرة ما فيها شيء شرعاً و يمكن تطبيقها بعيداً عن العادات و التقاليد التي بمعظمها لا تمت الى الدين بصلة.
و السلام عليكم.

[أيمن غ القلموني]

السلام عليكم ورحمة الله وبركاته
يعني كتير صعبة انو البنت تطلب اي شخص لنفسها مش قصة حياء وبس كمان في كبرياء بالموضوع بعدين لشو حتى يعيرها كل دقيقة انو هيي لي ركضت لعنده بعدين هي حتى تدبير العريس شغلة ما حلوة وصراحة يا او يشوفها وتعجبه وخلصت او بلاها هالشغلة من اساسها




ع هل منوال ، الشب كمان عندو كبرياء وما بيطلب بنت لأن كل كم يم حا يسمع معزوفة إنو إنت بدك ياني ......................

"ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة .." .....

[الزاهر]

هلأ بالنهاية وين رسي المركب ؟

[flauritta]

ما تخلوني عيطّّّّّّّّّّ!!!!!!!!!!! ولك ما حدا قال انو هي بدها تروح تطلبوا!!!!!!!!!!!!!!!!

المسألة ببساطة: فتاة ملتزمة أعجبت بشاب ملتزم, فأرسلت له بطريقة أخلاقية معينة ان اذا كنت مناسبة لاك ان تعال و اخطبني...
ما بدها الؤصة كل هالاد .ولكن الظاهر انو لم تقرأوا الردود جيداً يا بنات. و الموضوع صرلو زمان مفتوح. و في بنات اقتنعوا انو الفكرة ما فيها شيء شرعاً و يمكن تطبيقها بعيداً عن العادات و التقاليد التي بمعظمها لا تمت الى الدين بصلة.
و السلام عليكم.

لأ دخيلك ما تعيّط..ما بيسوالك يا أخّ..
ولك انتو شعم تحكو؟؟مفكرينا كتير هيّنة عالبنت انّو تؤوم به الخطوة الجريءة؟؟
طيّب هادال البنات لّي ءتنعو بالفكرة مستعدّين ينفزوا؟؟
بركة الشّب ما بتعجبو البنت؟؟شرح يكون موءفا؟؟
عفكرة أكترية الشباب بس يعرفو انّو البنت معجبة فيّن(أزدي من ناحية الأخلاق و التهذيب) بيتكبروا عليّا..
رفيءتي عطيت رءيا و ؤلت انّو كتير عادية المسألة..بس لازم البنت هي لّي تؤلّو..و ما توصّلو مع حدا تاني لأنّا بتنزعل من عينو للشب اذا وصلتلو مع حدن(شكلا ضياع هالرفيءةhttp://www.qalamoun.com/forum/images/icons/icon10.gif ) ..
وسلام

[فرح]

السلام عليكم

أنا هلء لنتبهت ع الموضوع و صراحة حلوة منّك يا أخ نادر...

بس عنجد البعض منكن زادا يا إخوان و أخوات..

يعني أنا كمان ما بشوف فيا شي و مش رح إستحي إزا معجبة بأخلاق و دين شخص معيّن بالعكس برفع راسي بهل شي لأن ما بيعنيلي منّو لا مالو ولا شي..أخلالق و دين و بسّ..:) ف وين الحياء؟؟؟

و أنا من النوع يلي بصارح أهلي و يمكن بفرض علين رأي..يعني..بعترفلن إزا حدن عجبني و بحاول فهّمن الأسباب و هنّة بيحترمو هل شي..حتى بحكي لأخي الجنرال وسيم.. و ما في أجمل من الصراحة..

و مش رح وصّلو يمكن الصدف أو الظروف توّصلو..:) لأن أنا كمان بكره إبخع الشبّ أو إني انبخع...

و ما إلي غير إني إدعي الله يّسرلي أمري و يجعلو من نصيبي...:) و بسّ...

إفتراضاً... أوكييي؟؟؟؟:1 (51):

مشكوريييين...(يتبع)

[flauritta]

و أنا من النوع يلي بصارح أهلي و يمكن بفرض علين رأي..يعني..بعترفلن إزا حدن عجبني و بحاول فهّمن الأسباب و هنّة بيحترمو هل شي..حتى بحكي لأخي الجنرال وسيم.. و ما في أجمل من الصراحة..







فروحّة و أنا متلي متلك...أصلن ليش تنستحي؟؟بالعكس أنا بفتخر اذا الشب لّي عجبني كان ذو أخلاق ودين و ه الؤصص..
بس أنا فكرة انّو البنت توصّلو انّا معجبة فيه بحسّة تئيلة شوية...http://www.qalamoun.com/forum/images/icons/icon7.gif

[مايا]

طيب هاتو لنعطي رأينا بالموضع مرة تانية
في البداية بالنسبة للشرع هذا امر مفروغ منه فهي حلال شرعا ولا حرام فيها وقد طبقها الصحابة الكرام فمنهم من كان يعرض ابنته على الصحابي ومنهم من يقبل ومنهم من يرفض ,
حسننا اذا كان هذا الامر مفروغ منه شرعا هنا يمكن القول انه لم يعد هناك كلام فكل ما فعلته امنا خديجة رضي الله عنها لا يحق لي أن اقول لا افعله يعني من انا حتى اقول لشيء فعلته امنا خديجة رضي الله عنها وهي المبشرة بالجنة انا لا افعل هذا ,
وبالنسبة للعادات والتقاليد وخصوصا التي لا تمت للشرع بصلة فيجب علينا أن نضع حملة لنفيها مثل امور كثير لست بمورد ذكرها الآن في هذا الموضوع
بالنسبة لي ان كنت أفعلها ام لا اقول حاليا لا افعلها لا لأني ضد الفكرة ولكن لأنني لست معجبة بأحد حتى أصارحه
وطبعا قد يتسائل البعض ان سبب تغيير رأيي لأن بكل صراحة قد فكرت منذ فترة بالفكرة بطريقة جدية شرعية فوجدت اني انا من يصعب الفكرة وأنا من يسهلها يعني اقنعت نفسي بانها امر سهل كما اقنعت نفسي سابقا بفكرة التعدد انه امر عادي وسهل ,
بالنسبة للاهل طبعا لا يقبلون هذه الفكرة ولا بأي طريقة من الطرق , وأفضل ان تقول الفتاة للشاب بنفسها لا باستخدام واسطة فهذا يسهل الصدمة عليها
ونصيحة أخيرة للاخوات يلي بدهم يطبقوا الفكرة لا تفكرو ان تطبقوها الا على شباب القلمون :) لأن غيرهم ضد الفكرة ويعتبرونها شيء خطأ كبير وفظيع ووقاحة من الفتاة ولأنني ما وجدت احد من الاخوة مقتنع بالفكرة الا هم :)
والسلام عليم ورحمة الله وبركاته
وفي الختام سلام كبير الى الشقية فلوريتا
ونأسف عل الاطالة

[Nader 3:16]

السلام عليكم و رحمة الله و بركاته.

اولاً اريد التعليق على آخر مشاركة كتبت من (Arsenic ) .
اذكرك يا اخي بقوله تعالى _ما يلفظ من قول الا لديه رقيب عتيد). واانا على يقين انّ كاتبها هو الشخص الفلاني فأدعوك الى تغيير باسوورد هذا المستخدم و ان يكون لك وحدك. فأنت مسؤول عما يكتب كونه يتمّ بإرادتك ربّما.
والا ستضطر لسماع كلام لا يرضيك من الشباب سواءً على المنتدى او في الضيعة فخليك بعيد عن هالشغلات.
ارجو ان تكون وضحت الفكرة.


ثانياً بالنسبة للموضوع.
من اقتنع اقتنع و من لم يقتنع هذا رأيه الخاص الذي نحترمه و لكن ما اعترضنا عليه سابقاً هو انكار الخطوة على من تريدها. بما معناه انه اذا احدى الاخوات مقتنعة و اخرى غير مقتنعة لا ينبغي للثانية ان تنشر فكرة عدم صوابية المسألة .
حتى في مواضيع اسلامية اخرى البنات غير منصفات ابداً. ربما هنّ مستعدات لنقاش النصارى بمسألة التعدد و هنّ بهذه الحالة يؤيدنه و يدافعن عنه. بينما رأيهنّ قد يتبدّل لو كان النقاش في منتدى اسلامي. لا اعلم لماذا هذه الازدواجية قي التفكير.

بالنسبة لردود الاخوات flauritta و مايا و فرح سأحاول الاجابة بشكل مختصر على ما اوردوا من تساؤلات مع انه سبق و عالجنا هذه الامور في الموضوع سابقاً.



بركة الشّب ما بتعجبو البنت؟؟شرح يكون موءفا؟؟
كما اسلفنا و انتم قلتم انّ الفتاة تتعامل مع شاب ملتزم و فاهم الوضع كما يقال.لذلك في حال لم تعجبه سيحفظ سرّها ولن تنتشر القصة في الضيعة والمسألة منتهية بأرضها.

يعني أنا كمان ما بشوف فيا شي و مش رح إستحي إزا معجبة بأخلاق و دين شخص معيّن بالعكس برفع راسي بهل شي لأن ما بيعنيلي منّو لا مالو ولا شي..أخلالق و دين و بسّ..:) ف وين الحياء؟؟؟

المفروض انّ الفتاة لا تبوح بكل ما يختلج قلبها من امور خصوصية بعض الشيء كهذه. و في حال الجديّة التامة بالموضوع. تخبر اهلها او اشخاص مقربين منها . حتى لا تنتشر القصة بشكل فاضح بين الناس و نسمع حينها القيل و القال. و في هذه الحالة الشاب استبعد ان يعتبر القصة جدية.

رفيءتي عطيت رءيا و ؤلت انّو كتير عادية المسألة..بس لازم البنت هي لّي تؤلّو..و ما توصّلو مع حدا تاني لأنّا بتنزعل من عينو للشب اذا وصلتلو مع حدن(شكلا ضياع هالرفيءة

عن أي نوع من الشباب تتحدثين؟؟؟
نحن نتكلم عن شباب ملتزمين و كذلك الأمر بالنسبة للفتيات. لذلك ربما صديقتك لم تفهم الموضوع.

أنا برأيي ان الموضوع انتهى ولا داعي للخوض في فلسفاته.
و ترقبوا بهل كم يوم بإذن الله موضوع على سياق مماثل سبق و طرح شيء من قريبه في بدايات المنتدى ولكن ما كتب له الاستمرار.

و السلام عليكم. و شكراً لكل من ساهم بإنجاح هذا الموضوع.

[Arsenic]

أنا أعتذر يا جماعة
سأكون مهذباً ولن أكرّر خطأي إن شاء الله
ممكن تسامحوني؟؟
السلام عليكم

[flauritta]

سلام الى حبيبتي الشقية مايا..
شرأيك تنزلي تزورينا يوم الأحد؟؟http://forum.qalamoun.com/images/icons/icon10.gif
أخّ نحنا بانتظارك انت و الموضوع الجديد..
وسلام

[Amer-ol-tabche]

أنا مع إن لبنت تخطب لنفس بالطريقة إلي حكيتو عنا بس لازم تكون مسكرة على لإخر معا


وفي عندي شرط تاني إنا تتأكد إنو لشب لمضروب ع قلبو بدو يخطب هلأ ولا منو مفكر بالموضوع لبعد ميت سنه


:confused:

[ramo]

السلام عليكم , كيفكن؟
أنا من رأي الشباب المحبذين للفكرة
سلام

[فرح]

السلام عليكم....

أنا بوافئك الرأي يا أخ نادر و معك حء ما لازم ينمزح بالموضوع لأن هيك موضوع جدّي...فهمت عليك!!!

بس أحيانا الواحد بينحط بظرف مع بعض أشخاص بيدعي هل شي إنو يمزح معن...:1 (49):...بس مش معناتا إنو منّو آخد الموضوع بجدّية..بس يمكن هل شي من وراء شوية خجل و بسّ!!! :1 (81):...

هادا تحليل و بس نسبة لشو بشوف من قصص..مش عم إتكلم عنّي...عم إحكي بالإجمال...

مشكوريييين..
و ناطرين الموضوع الجاية

السلام عليكم

[Nader 3:16]

السلام عليكم.

بصراحة متردد كثيراً في طرح الموضوع الجديد. لأني اعتقد انّ ما منه اية فائدة عملية بل انّه سيكون جدلاً بيزنطياً من الطراز الأول. لذلك سأؤجله للصيف و احاول صياغته بطريقة مناسبة .

لكن سأكتب مواضيع اخرى مفيدة ان شاء الله.

[فرح]

مممم أخ نادر مش ع أساس في موضوع جديد؟؟؟؟ غير يلي في جدل بيزنطي؟؟؟؟

ولاّ مش فاضي هلء بعدك تعبان...!!! ع سلامة ان شاء الله...

ناطرييين..

السلام عليكم:)

[Nader 3:16]

السلام عليكم. وبعد.

كتبت موضوع في الساحة الاسلامية بعنوان (احفظ الله يحفظك).

اماّ بخصوص الموضوع النقاشي فقد تراجعت عن رأيي في طرحه و قد أوضحت السبب.

وبارك الله بالجميع.

[أبو الشوارب]

السلام عليكم رغم انني اتيت متأخراًً ولكن هذا الموضوع مهم جداً من حيث الفكرة و مشاركات الاعضاء كانت رائعة رغم اعتراضي على بعضها. وبالنهاية انا اؤيد الشباب بوجهة نظرهم
وبارك الله بالجميع.

[الزاهر]

السلام عليكم رغم انني اتيت متأخراًً ولكن هذا الموضوع مهم جداً من حيث الفكرة و مشاركات الاعضاء كانت رائعة رغم اعتراضي على بعضها. وبالنهاية انا اؤيد الشباب بوجهة نظرهم
وبارك الله بالجميع.

:) ... مرت هذه العبارة العديد من المرات في الموضوع والذي يسمع كأنما يحس بأن "الشباب" يريدون إعطاء "البنات" حقوقهم والبنات ترفض ذلك !!! .... (وآل نحنا المسلمين هاضمين حقوق النساء!!! :))

في الحقيقة هو حق طبيعي لا يملكه لا الشباب ولا البنات وهي رخصة شرعية (ما بعرف كنو بيزبط عليها هالإسم لأنو هالإسم إلو معناه الدقيق بكتير محلات :) بس إنو يعني !!! ) ... وحق يملكه الطرفان في سبيل إنشاء الأسرة الأفضل فالمجتمع الأفضل في سبيل القبول والرضى.

[Nader 3:16]

السلام عليكم رغم انني اتيت متأخراًً ولكن هذا الموضوع مهم جداً من حيث الفكرة و مشاركات الاعضاء كانت رائعة رغم اعتراضي على بعضها. وبالنهاية انا اؤيد الشباب بوجهة نظرهم
وبارك الله بالجميع.

لا تحزن يا صاح فكما يقول المثل (أن تأتي متأخراً خير من ان لا تصل أبداً ). لذلك اطمإنّ فكرتك وصلت .
وكما قال اخي زاهر الفتيات هنّ من يرفضن حقوقهنّ ويدّعون انها مسلوبة.
وبارك الله بالاخ فشلان الذي نادى سابقاً بحقوق الرجال فله منّا كل الاحترام و التقدير.:d