المساعد الشخصي الرقمي

مشاهدة النسخة كاملة : طبيخ على السريع :) من ادين الشباب


HARD
07-06-2008, 08:03 PM
الباستا للشباب المغتربين .



تجهيز الباستا :

ضع الباستا في قدر من الماء و خلي المي تغلي عليها حتى تستوي
-1-خرط البصل والفليفله الحلوة والثوم والفطر والجزر بالطريقة التي تناسبك
ضع بالمقلايه القليل من زيت الزيتون وفيك تحط القليل من الماء بدل الزيت وخليها تغلي
اضف المواد الى التي بالرقم 1 الى المقلاية وقلبهم حتى يدبلو
اضف القليل من الملح حسب الحاجة
اضف الباستا المسلوقة الى المقلاية قلبهم شي دقيقة وخلى النار قوية
جاء دور السووس حسب الذوق انا اتيت بالسووس الاحمر من شركة العلالي الخاص بالباستا
اضف السووس فوق المواد بالمقلاية واضف القليل (رشة) من الماء المغلى وحركهم لمدة دقيقة
الان اضف الزعتر الاخضر . والطبق صار جاهز للاكل بالصحة والعافية .

تأليف وابتكار
:)Hard

اترككم مع الصور وسوف احاول كل كام يوم ان اضع شي جديد كرمال المغتربين .

http://www.zaydan.net/rabih/image/Image054.jpg
أيمن غ القلموني
07-06-2008, 11:44 PM
والله يا شيف :1 (86):، الصورة حلوة بس الطعمة كيف .:)

على كل صاير مخترع بالطبخ ، إي والله الغربة بتعلم .

لك إذا ممكن تشرحلي الجملة لأني ما فهمتا ، كيف ماء بدل زيت.:1 (22):





ضع بالمقلايه القليل من زيت الزيتون وفيك تحط القليل من الماء بدل الزيت وخليها تغلي
HARD
08-06-2008, 12:11 AM
والله يا شيف :1 (86):، الصورة حلوة بس الطعمة كيف .:)

على كل صاير مخترع بالطبخ ، إي والله الغربة بتعلم .

لك إذا ممكن تشرحلي الجملة لأني ما فهمتا ، كيف ماء بدل زيت.:1 (22):







اهلا بالاخ ايمن .

والله الطعم ولا اطيب من هيك فعلا المهم ان تحسن انتقاء السووس الجيد .


اما عن الزيت : نعم الهدف منه هو تسوية الخضرة نوعا ما فمنهم لا يفضلون اي نوع من القلي "متلي يعني" ولو كان قليلا فيمكنك ان تستبدل الزيت بالماء لكي تقلب الخضرة ولكن عند الانتهاء يمكنك سكب القليل من الزيت الني على الطبق ان كنت تحب هذا الطعم .فعلا سوف يعطيه نكهة جيدة ومميزة.
أيمن غ القلموني
08-06-2008, 12:32 AM
الله يبارك فيك أخ ربيع ، يا شيف الشباب المغتربين.
HARD
08-06-2008, 07:19 PM
البامية بالبندورة


وجبه طيبه كتير بتتاكل على البارد وبلا وجع الراس وتسخين بترجع من شغلك وبتبلش اكل .


- جيب الباميه حسب الحاجة وأمعها .

- خرط البصل والثوم والكزبره بالطريقة التي تناسبك.

- ضع القليل من الزيت بالقدر وضع البصل والثوم والكزبره وخليهم على النار شوية مع التحريك

- الان ضع البامة بالقدر "يمكنك قلي البامة قليلا قبل هذا ان احببت لانو معروف عنها بتمغط وهي خضرة مع المي "

- اخلط المواد جيدا

- اجلب البندورة وخليها مستويه منيح وخرطها ثم ضعها بالقدر فوق البامية

- ضع القليل من الماء وليس الكثير لان البندورة رح تنزل مي .

- رش الملح والبهار وغطي الطنجرة وانتظرها حتى تستوي .


والف صحة على الب الشباب .

واترككم مع الصور .
http://www.zaydan.net/rabih/image/Image062.jpg
أيمن غ القلموني
08-06-2008, 07:48 PM
شو هالنشاط يا أخ ربيع:1 (86): ، يا حفيظ ، الله يبارك فيك ؛ يهنيالة مدام المستقبل ، مرتاحة من الطبخ.:)


الصورة حلوة ، بس للحقيقة الإكلة الوحيدة إللي ما باكلا هي البامة ؛ شوفت أمي كانت مرتاحة لإني برضى بكل شي .:)
HARD
08-06-2008, 08:03 PM
شو هالنشاط يا أخ ربيع ، يا حفيظ ، الله يبارك فيك ؛ يهنيالة مدام المستقبل ، مرتاحة من الطبخ.


الصورة حلوة ، بس للحقيقة الإكلة الوحيدة إللي ما باكلا هي البامة ؛ شوفت أمي كانت مرتاحة لإني برضى بكل شي .



والله انت زكي يا معلم مانا عم اطبخ واتعلم شي جديد حتى ريح مرتي :)

ا
الطبخة الجاية طيبة كتير ورح تكون مميزة وصري زمان مني اكلها، اخر مرة اكلتها من ادين امي الله يخليها ويحفظها .

انتظرها وعملها .:1 (65):
أيمن غ القلموني
08-06-2008, 08:16 PM
والله انت زكي يا معلم مانا عم اطبخ واتعلم شي جديد حتى ريح مرتي :)

ا
الطبخة الجاية طيبة كتير ورح تكون مميزة وصري زمان مني اكلها، اخر مرة اكلتها من ادين امي الله يخليها ويحفظها .

انتظرها وعملها .:1 (65):




ناطرك إذا بتزبط معي

بس ما تشد كتير فيني ، عأد حالي:)
HARD
10-06-2008, 03:08 AM
شو شباب تعشيتو ام بعد ، الطبخه على النار قلت خلينا نعمل عشا للشباب يكون خفيف .


-جيب علبة تونة

-ضع الزيت بالمقلاية

-خرط الفطر وقلبو نتفة مع الزيت

-صفي التونة من الزيت يلي عليها وضعها بالمقلاية

-الان طفي التونة بالحامض "والثوم" وخليط المواد لدقيقة و طفي النار تحتهم

-الان خرط البندورة والخيار والخس "والملفوف الاحمر والاخضر اذا بدك"

-جيب جاط وضع الخضرة مع التونة والتوابل وخليط .


والف صحة على قلب الشباب، اكلة خفيفة باليل .

اترككم مع الصورة

http://www.zaydan.net/rabih/image/Image018.jpg
أيمن غ القلموني
10-06-2008, 12:52 PM
لك التونة طيبة ، وكنت بفرنسا من وقت لوقت إعملا ، بس في مرة من شي شهرين جبت علبتين وحطيطون بالمقلاة بس في علبة ما عجبني لا شكلا ولا ريحتا ومن بعدا صدت نفسي وإتحرمت جيب تونة:(.
على كل مشكور أخ ربيع على هالإكلات.:1 (86):

إن شاء الله ما حدا تصد نفسو :)
achakik
10-06-2008, 01:07 PM
لك التونة طيبة ، وكنت بفرنسا من وقت لوقت إعملا ، بس في مرة من شي شهرين جبت علبتين وحطيطون بالمقلاة بس في علبة ما عجبني لا شكلا ولا ريحتا ومن بعدا صدت نفسي وإتحرمت جيب تونة:(.
على كل مشكور أخ ربيع على هالإكلات.:1 (86):



إن شاء الله ما حدا تصد نفسو :)


هو إنت يا أيمن اختصاصك الرز ، كتير بيطلعو طيبين معك ،و خصوصي لما بتحرقن

و عندك مشكله كبيره كتير، هي انك بتقرف كتير بالأكل ،الله يعينك
أيمن غ القلموني
10-06-2008, 01:15 PM
هو إنت يا أيمن اختصاصك الرز ، كتير بيطلعو طيبين معك ،و خصوصي لما بتحرقن

و عندك مشكله كبيره كتير، هي انك بتقرف كتير بالأكل ،الله يعينك



لك بلا هضامة صرت شيف بالرز .

أكيد ما باكل أش ما كان متلك ، ولك أوم إعملنا فاصوليا على الطريقة الشقيقية :)وتسمى شبيهة الفاصوليا ؛ نصيحة يا شباب ما تفكروا تدوقوا ، بتموتوا.:1 (43):
achakik
10-06-2008, 01:19 PM
بيتزا


شوف هالطبخة من عندي
بيتزا
-جيب التليفون
-جيب رقم محل البيتزا
-اتصل بالرقم و اطلب وحده (بيتزا أكيد)
-إنتظر من نصف ساعه لساعه حتى توصل لعندك
-شيلها و حطها بالصحن


http://dnyty.net/ayman/pizza1.jpg


و ألف صحه للجميع
أيمن غ القلموني
10-06-2008, 01:24 PM
بيتزا






-اتصل بالرقم و اطلب وحده (بيتزا أكيد)








إن لش هالقوسين ، العنوان بيتزا ، بقا أكيدن حنطلب بيتزا مش شي بيتزاية فرنسية:).
محمد أحمد الفلو
10-06-2008, 02:34 PM
http://dnyty.net/ayman/pizza1.jpg


و ألف صحه للجميع


قويه منك عبد الله
كم شخص بتكفي هالوجبه ؟؟؟
achakik
10-06-2008, 02:43 PM
أهلاً محمد،هيدي حسب الأشخاص إلي بدهم ياكلوها،بس إذا شفتها ما بتشبع،فيك من الأول تغير المقادير و تطلب ٢
Warrior
10-06-2008, 06:17 PM
ياويلاي ياويلاي فاتحين موضوع عن الاكل وتاركيني عم اطلب من الفشلان .

الله يبارك بالاخ القاسي .

عندي تعليق صغير على الشباب يعني هادا الشب achakik حاسس انو عم يتعب كتير. بكرة وقت بتجيب مرتك على بيتك ان شاء الله رح تريحك منيح، فبدل ما انت تتصل بتصير هيه بتتصل looooooooooooooooooooooooool

بعد شغلة والله في اكلة لازم تعملوها اسمها سد الحنك جربوها نصيحة .
HARD
10-06-2008, 08:20 PM
هلا بالشباب .




المفركة او المخبوصة هيك بسموها


المخبوصة، هو عمر ملاط علمنا كيف منعملها هذا وقت كنا بالامارات، والله ايام :) .

المهم ما هو الفرق بين المفركه العادية والمخبوصة :

بشكل سريع المفركة العادية بنقلي البطاطة اما بالمخبوصة ما في داعي، و بتختلف بطريقة الطبخ .



المخبوصة :


- زيت بالطنجرة ولحمة مفرومة و قلبهم حتى تتيقن من زوال الاحمرار .

- خرط البطاطة وضعها بالطنجرة فوق اللحم المفروم ورش الملح ..... .

- الان اغمرهم بالماء وغطي الطنجرة واتركهم على نار نايسه .


والف صحة


الخيار بلبن ولا اسهل ولا اطيب من هيك .


لبن- ثوم - ملح - وخيار – ونعنع يابس - وخلطهم مع بعض وخلص .



اترككم مع الصور.

http://www.zaydan.net/rabih/image/Image073.jpg


http://www.zaydan.net/rabih/image/Image074%20copy.jpg
HARD
14-06-2008, 12:51 AM
السبانغ

-من جيب السبانغ ومنسلقها ومنعصّرها .

-من جيب الكزبرة والثوم ومندقهم مع بعض

-الان نضع الزيت -الكزبرة -الثوم واللحم والملح ... ومنقلبهم حتى النضج ونضع فوقهم السبانغ ومنقلبهم .

الرز الكل بيعرف كيف .
والف صحة على قلب الشباب.

http://www.zaydan.net/rabih/image/Image079.jpg