لذكرى السنوية الرابعة لإنطلاق عمل المجلس البلدي الحالي

[وسيم أحمد الفلو]

يصادف اليوم الذكرى السنوية الرابعة لإنطلاق عمل المجلس البلدي الحالي.


نتمنى على الأعضاء أن يدلوا برأيهم حول الأمور التالية وبموضوعية وصدق:

- ما هي أهم المشاريع التي نفذت من قبل المجلس الحالي؟

- ما هو وضع عملية إزالة النفايات وتعشيب الطرق وسائر الأمور المتعلقة بالنظافة العامة؟

- ما هي أهم المشاريع (الواقعية ) التي يمكن تنفيذها ولم تنفذ؟

- هل أنت على إضطلاع على قيمة واردات البلدية؟ و أبرز مصادر الواردات والمشاكل التي تعترض الجباية؟

- هل أنت على إضطلاع على مصارفات البلدية؟ وأهم أبوابها؟ وهل تعتقد أنه هناك هدر للمال العام وفي أي وجه (الرجاء التحديد)؟

- هل تجد عذراً للتقصير في العمل البلدي خلال السنوات الأربعة الماضية بسبب الظروف الصعبة التي مر بها البلد؟

- هل تعتقد أنه يمكنك المساهمة في تنشيط العمل البلدي؟


والسلام عليكم

[الزاهر]

- ما هي أهم المشاريع التي نفذت من قبل المجلس الحالي؟

ممممم.........أعتقد يمكن الرجوع لموضوعي هذا ما وعدتني به البلدية....فأين التطبيق؟؟ (http://qalamoun.com/Forum/showpost.php?p=31532&postcount=1) فقد جاوبت على هذا السؤال ضمن الموضوع بما "أعتقد" بأن المجلس الحالي قد قام به

- ما هو وضع عملية إزالة النفايات وتعشيب الطرق وسائر الأمور المتعلقة بالنظافة العامة؟

بالنسبة لإزالة النفايات.........يكفيك أن تتجول في شوارع القلمون لتعرف الوضع..........تبقى النفايات في سلالها أسابيع دون أن تزال.........وتضطر لحمل نفاياتك وتصريف أمرها في بيتك في الكثير من الأحيان!!!

أما بالنسبة للنفايات المنزلية...........كانو العمال يطلعو عالبنايات.....مؤ عم يطلعو من رمضان الماضي......كان يجو بوئت محدد هلأ بتحط الزبالات عسى إنو ما يكونو مرؤو لسا!!!.......يوم عالضهر يوم عالمغرب!!!....كان تعرف إنهم إجو من الزمور ....بطلو هالعادة!!!........شبدكم أكتر من هيك!!!

تعشيب الطرق ماشي حالو الحمد لله!!!.........إذا كان أصدك الصونبرات اللي بدهم تزبيط وإلا رح ينتزعو بعد كم سنة!!!............يا عمي الصنوبر بيأصولو الغصان الواطية لتطول الشجرة!!!.........ما في حدا خطرت عبالو؟؟........ولا ما في حدا ينفذ؟؟؟..........ما بيصير تتركوهم هيك!!....حرام!!



- ما هي أهم المشاريع (الواقعية ) التي يمكن تنفيذها ولم تنفذ؟

1- بناء حائط ورصيف للطريق الجديدة كيلا تهدر الصخور عليها بكرا بالشتا وتصير كلها طراب!!!

2- دفن خطوط التوتر...........منكم ملاحظين إنو اللي عم يموتو بالسرطان كترانين بالضيعة؟؟

3- خزانات الموية شصار فيهم!!!........منظرهم حلو هيك بالجبل.......بس وين صار مشروعهم؟؟

4- بكرا بس يموت شي ولد هدر عليه شي حيط بشي حارة بتبلشو تعمروهم وترمموهم....ما هيك؟؟......متل المفرق اللي إدام بناية آل الشيخ.......سكروه وئت انهرس ولد بسببو!!!

5- البور......حلو إنو كل ما يطلع نو يخصروا البحرية كل واحد شي 2000 دولار بالإضافة لتكسير مراكبهم!!!........لك دوووووووووع!!!...........

6- صحيح حطيتها رقم 6 بس لازم تكون رقم 0 ..........شي إسمو الصيانة والمتابعة.......ما بعرف كنو مارء عليكم هالمصطلح شي يوم من الأيام!!!!............سور بور الجماعة عزي عليه .........سور تحت التينة لحد بيت عرابي عزي عليه..........سور الحديقة العامة جمب بو نبيل عزي عليه.........المراجيح والألعاب شبه عزي عليها.........وعد ومد.......سلل النفايات نصها بدو تزبيط..........ولبكرا ما منخلص!!!.......حدا خازء الصفحة اللي فيها كلمة صيانة وكلمة متابعة من قاموسكم يعني؟؟؟..عنجد طخنت!!!!...:)

- هل أنت على إضطلاع على قيمة واردات البلدية؟ و أبرز مصادر الواردات والمشاكل التي تعترض الجباية؟

ما كتير لأن لساتني "ظغتور" عهالأصص.........لك لسا ما صار بيحألي إنتخب..........وشكلو رح تروح عليي هالمرة على شعرة (شهر أو 2)..........خسارة!!!...........بس بالنسبة للجباية معروفة!!!.........إنو تخيل ما يكون عندك سلطة تحاسب..........شمتوقع؟؟؟

- هل أنت على إضطلاع على مصارفات البلدية؟ وأهم أبوابها؟ وهل تعتقد أنه هناك هدر للمال العام وفي أي وجه (الرجاء التحديد)؟

لا والله ما كل هالأد.........لنفس السبب!!!

- هل تجد عذراً للتقصير في العمل البلدي خلال السنوات الأربعة الماضية بسبب الظروف الصعبة التي مر بها البلد؟

في أمور البلدية معذورة عليها......بعز الأزمات.......بس خلصنا أزمات ألف مرة والوضع ذاتو!!!!..........

- هل تعتقد أنه يمكنك المساهمة في تنشيط العمل البلدي؟

والله بودي بس ما بعرف كنو فيني سكر شي ثغرة بشي محل.........لأن ما منعرف شو الثغرات ..... إذا بتشوفولنا محل فإن شاء الله مناخد الفكرة بعين الإعتبار!!!

كان بودي حط صور بس ما معي كامرة حاليا!!!
والسلام عليكم

[وسيم أحمد الفلو]

أنا بإنتظار تعليقات بقية الأعضاء.

[أبو أسامة]

بسم الله الرحمن الرحيم
أعتقد أنه ليس هناك أي مشروع مهم قامت به البلدية.
أما بالنسبة للمشاريع التي يمكن أن تنفذ فاني أرى أن أهم مشروع يجب أن ينفذ هو انشاء مساكن وبيعها للناس بأقساط وأسعار مريحة وعلى حد علمي البلدية تملك عدة أراضي ولديها الامكانية المالية للقيام بذلك ان أرادت.
وبامكان البلدية التنسيق مع من يقومون بمشاريع في البلدة أو مع من يريد التبرع للقيام بهذا المشروع بدلا من بناء مساجد فنحن ولله الحمد لدينا ما يكفي من المساجد في البلدة.

[وسيم أحمد الفلو]

أخ زاهر وأخ ابو أسامة

أنا أجد أنه هناك مبالغة في بعض المشاريع المطروحة وسأعود للرد المفصل عندما يشارك المزيد من الأعضاء.

[أيمن غ القلموني]

- ما هي أهم المشاريع التي نفذت من قبل المجلس الحالي؟



يا أخ وسيم ، الحيط إللي على طريق الفوقانية مع شبكة تصريف المياه هم هن أهم المشاريع لو نفذوا بشكل جيد.
لك الحيط هدو وعمرو شي ٣ مرات إذا ما أكتر والشبكة إللي على الطريق كمان ما عرفو يعملوا ، ساعة حجار عأساس تبين رصيف ساعة قوالب من الإسمنت ، مانن حلوين ودايما إللي بدو يمشي متفشكل فيون. يعني هدر مال على الفاضي وبلا طعمة وهدر وقت ومفي رقابة من البلدية ، يعني ما كنت شوف حدا من البلدية يبين واقف على راس العمال.




- ما هو وضع عملية إزالة النفايات وتعشيب الطرق وسائر الأمور المتعلقة بالنظافة العامة؟



النظافة العامة :


أولا : عمال النظافة كبار ولازم يرتاحوا مع تأمين الضمان لهم.


ثانيا: لازم حملات توعية أكتر للعالم ، لأنو ما حدا بيلتزم بشي بتقولو البلدية.



ثالثا: لازم زيادة أعداد السلل.



كمانا لازم الإهتمام بالمياه إللي بتنزل من البيوت وقت شطف البلاكين ، لأنو بالقلمون مولعين بالشطف والمياه تسرح في الشوارع . إلا ما تكون مصادف مياه عيشة إنت ونازل من بيتك:).



التعشيب بدو مكنة أسرع وأهين .






- ما هي أهم المشاريع (الواقعية ) التي يمكن تنفيذها ولم تنفذ؟


_حفر مجرى لتصريف المياه مقابل بيت عرابي ، لأنو كل مياه الضيعة بتشرفنا تحت بيتنا لحد بيت عرابي ودايما متطرتش.
لك في مرة كلتا حمام على الطريق من إبن حلال ، حمام مياه شتى مع مجارير ، شي حلو ، وممنوع تفوت على البيت ، عم إمزح ، ما حدا يوصل لأمي.:)


_ فتح طريق للنزول من جسر المشاة .


_ مسبح خاص للنساء.


_ شقق للشباب بأقساط مريحة.







- هل أنت على إضطلاع على قيمة واردات البلدية؟ و أبرز مصادر الواردات والمشاكل التي تعترض الجباية؟



إللي إسمعو منك ومن وجدي ومن الأعدات على المحطة ، يعني نعم ؛ بس حاليا بفرنسا فكلا




- هل أنت على إضطلاع على مصارفات البلدية؟ وأهم أبوابها؟ وهل تعتقد أنه هناك هدر للمال العام وفي أي وجه (الرجاء التحديد)؟



أعتقد هناك هدر في عدم معرفة كيفية تلزيم المشاريع وبالتالي دايما السعر الأغلى.





- هل تجد عذراً للتقصير في العمل البلدي خلال السنوات الأربعة الماضية بسبب الظروف الصعبة التي مر بها البلد؟


الظروف بتعذر إيام بس كمان عدم الجدية في محاولة العمل وعدم إيلاء أي أهمية لدوام الرئيس والموظفين وعدم التخطيط للمشاريع بشكل علمي وأيضا التدخل من جميع التيارات في كل شيء.




- هل تعتقد أنه يمكنك المساهمة في تنشيط العمل البلدي؟



ما بدك قبلا البلدية تنشط تتحمس الناس.

[hadid]

أحد بنود المشاريع (الله يوفق تنسفّق) كان:
3. وضع مخطط عام لشبكة مجاري الصرف الصحي للبلدة تمهيدا لمشروع كبير يهدف إلى ربط مصبات الشبكة العامة للبلدة بمحطة التنقية لمدينة طرابلس مما يوفر للقلمون شاطئا نظيفا.
أول مرة ذهبنا إلى البحر هذه السنة وجدنا كل شي إلا الشواطئ النظيفة والروائح العطرة
أرجو تحميل الصور لرؤية المناظر وعقبال مايخترعو كاميرا بتلقط الريحا تحتا نرفعلكن صور بروائح

[وسيم أحمد الفلو]

أخ حديد هناك مشروع لإعادة تأهيل البنية التحتية المتهالكة للصرف الصحي، ولكن هذا المشروع لا يمكن أن يكون من موارد البلدية، ولكن من الدولة، والمشروع هو قيد المتابعة من الرئيس على ما أعلم.

[أيمن غ القلموني]

أخ حديد هناك مشروع لإعادة تأهيل البنية التحتية المتهالكة للصرف الصحي، ولكن هذا المشروع لا يمكن أن يكون من موارد البلدية، ولكن من الدولة، والمشروع هو قيد المتابعة من الرئيس على ما أعلم.



لش ما ممكن يكون من موارد البلدية ؛ هل لتكلفته العالية؟


طيب أدش لها البلدية واعدة بدا تعيد تأهيل شبكة الصرف الصحي ، وما صار شي ؛ هلأ عم تقول هذا من عمل الدولة ، لكان دلكن ناطرين شي ١٠ سنين.



يا تسلملي يا وسيم ، بما إنو القلمون دافقة عليا الخيرات من كل الأماكن ، الخليج والعزم وووو............. فلش ما بتقوم البلدية بمحاولة الحصول على شي هبة من شي حدا لتأهيل شبكة الصرف إللي هو من أهم المشاريع.



سؤال : لك المشاركات إللي كتبناها قبلا عن نظرة كل شخص للبلدية لها قيمة عندكن ولا حكينا ببلاش بس تتحسيسو الناس إنكن عم تسمعولون.

[وسيم أحمد الفلو]

للحقيقة فإن هناك جهلاً تاماً (رغم أنني أضع جميع البيانات المالية) لإمكانيات البلدية، والإنتقادات تأتي في سبيل الإتقاد فقط، وأغلبها غير بناء.

أولاً، إن كلفة إعادة تأهيل شبكة الصرف الصحية تقدر بأكثر من 500 مليون ليرة (وهو تقريباً يعادل واردات البلدية لسنة كاملة).

البلدية وعدت انها ستسعى لكي تحصل على تمويل لتأهيل الشبكة ولم تعد أنها ستقوم بذلك من اموالها الذاتية، وإذا كان حصل وعد أن البلدية ستقوم بذلك على نفقتها الخاصة فهذا وعد واهم.

ثانياً، بالنسبة للخليج والعزم فلم يصل البلدية إلى الآن شيء من هذه الأموال، والأموال التي وعدت دولة الكويت بتقديمها ستقوم هي من خلالها بتنفيذ مشاريع بإشرافها، ونحن بإنتظار ذلك.

كما أنه هناك بعض الأموال قد تصل للبلديات من أموال باريس 3 (أموال على هيئة مشاريع).


أما بالنسبة للإقتراحاتكم فهي ليست ببلاش إذا كانت قابلة للتنفيذ، أما إذا كانت غير موضوعية فسأقول لك أنا أنها غير موضوعية.

والسلام عليكم

[أيمن غ القلموني]

هلأ هك طلع معك يا وسيم ، إني حابب إنتقد ، ولو حرام عليك:(.
بعرف إمكانات البلدية بس سألت السؤال تنعرف أديش بكلف إعادة تأهيل الصرف الصحي.
لكان البلدية مفيا تظبط شبكة الصرف الصحي على نفقتها الخاصة وذلك لتكفتها الباهظة ، فهمنا هلأ.
ثم يا أخ وسيم ، هل تعتقد أني سأكتب وأتعذب لأنه ليس لدي كيبورد بالعربي لمجرد إنتقاد البلدية ؛
خلص كرمالك ، لن أعلق على شيء خاص بالساحة البلدية ، أحسن ما ينفهم إنتقاد لمجرد الإنتقاد.

[وسيم أحمد الفلو]

أنا مقصدي متكتب، بس أصدي إنو نكون واقعيين لما عم نكتب.


يعني إذا الواحد فات وقال ليك البلدية شو مهملة بقصة الجور فأنا مفيني قل شي، أما إذا فات وقال ليش مبترصفوا الضيعة فبقولو هيدي مش من إمكانيات البلدية.

والسلام عليكم

[أيمن غ القلموني]

تكرم ، معك حق ؛ لازم نراعي إمكانات البلدية .

بس تأكد أنني لا أكتب لمجرد النقد.

[عبد الله]

happy new year brother wassim falou