شواطيء القلمون [الأرشيف] - ????? ???? ???? ??????? ?? ?????

أبو رياض القلموني

29-06-2008, 06:57 PM

بما إنو الأخ وسيم حل مشكلة الخزانات .. صار لازم نلائي مشكلة تانية ... لأنو وسيم عطول مفكرني ضدو ...ههههههههههه

المشكلة إنو الواحد منا بكون بدو ينزل عيلتو عالبحر , بينزل بيلائي كل الشط مسكر ...
مافي إدامو غير حلين :
-يا يضرب صحبة بو فوزي و ينزل لعندو عالخيمة
-يا ينزل ولادو يسبحو عالمجرور تحت التينة

و الحل التالت اللي كان ينزلن عبلاط , بس المشكلة إنو في واحد اشترى البحر و سكرو متل ما عمل غيرو ...

المهم .. هاتو تنشوف شعندكن حلول ...

ما تأولولي بور سمير ... في مناظر منا منيحة ...

وسيم أحمد الفلو

29-06-2008, 10:17 PM

أخي الكريم أنا مني مفكر إنك ضدي، وأنا لم أجد حلاً لموضوع الخزانات ، فأنا مثلك في حرقة لتأخر المشروع.

وأما مخالفتي لك في موضوع المولدات فذلك لأنني لم أجد السعر الذي طرحته أنت واقعي.

أما بالنسبة للشواطيء فللحقيقة هذه مشكلة كبيرة، ولا أجد لها حلاً.

وأتمنى أن تطرح حلول من ضمن إمكانية البلدية ليصار إلى تنفيذها.

أبو رياض القلموني

01-07-2008, 11:47 AM

طيب , هات تنشوف شبيطلع بمخيلتنا ...

أيوااااااااااااا.... بما إنو الشباب ما عندن مشكلة , أيمتن ما جا عبالو يسبح بنط بهالبحر و بيسرح وين مكان ... فالمشكلة بالنسبة للعيل القلمونية بس...
وبما إنو بور مراد ممنوع ينزلو علي الطرابلسية ... ليش ما بتعملو للعيل .. يعني عملولكن شوية شماسي و أعدات من باطون بهالساحة الواسعة إدامو .. و دلوئولكن شي شاحنة رمل بالبور من صب جوا .. بما إنو غميأ شوية عالولاد .. أما من برا .. بينمشى و كتير حلو ....

و إذا صار في عيل طرابلسية بدا تفوت .. بتعملو الدخلة بمصريات ...

وينكن يا جماعة, شبكن ما حدا عندو أفكار !!

وسيم أحمد الفلو

01-07-2008, 03:51 PM

الفكرة قابلة للنقاش، ولكن مسألة تحصيل المصاري صعبة لأن البور ملكية خاصة.

عل كل حال أنا سأطرح المشروع في أقرب جلسة للمجلس.

wassim.h

01-07-2008, 05:26 PM

ما تأولولي بور سمير ... في مناظر منا منيحة ...

ما تحكي عبور عمّاي سمير ها؟!!! بشطّب ما بأطب!!! هههههه

أبو رياض القلموني

01-07-2008, 06:03 PM

ما تحكي عبور عمّاي سمير ها؟!!! بشطّب ما بأطب!!! هههههه

عسمانتو عمك ... أصدي عسلامتو ... سلملي علي كتير ..
بس والله أصتو أصة مشروعو لعمك ... يعني بالرغم من تضارب الروايات حول الأصة و سبب توقف المشروع .. شبدنا باللي صار .. المهم السؤال اللي بيطرح نفسو :
إذا كان عمك سمير مفي يستفاد من المشروع ... هل من الممكن إفادة القلمون من المشروع بمساعدة البلدية ... ؟؟؟

أبو رياض القلموني

01-07-2008, 06:19 PM

الفكرة قابلة للنقاش، ولكن مسألة تحصيل المصاري صعبة لأن البور ملكية خاصة.

عل كل حال أنا سأطرح المشروع في أقرب جلسة للمجلس.

لحأنا وعم نطلب خلينا نكتر طلبات ...

بالنسبة لبور مراد .. بما إنو معكن مساحة واسعة صب الأحدب حتى ... يعني فيكن تضمو شط البحص الزغير من صب الأحدب للمشروع .... أكيد بعد تنضيفو من الزبالة .. و عملونا حيط تحتا اللي ماريء عالتريء ما يشوفنا ... وإذا في مجال تعملولنا ملعب فولي عالرمل بالساحة اللي حد بور مراد .. و كم زحليطة للولاد , و زرعولنا كم شجرة تنعمل تحتن باربكيو ميشان الغدا ... و بتريأكن حطولنا كم ترامبلان تحتى ننطنط علين ... وكم دوش ميشان نتحلا ...
وعمرولنا أصر تحتى نرتاح في بعد السباحة .... ههههههههههه

عم إمزح ... الله يبارك بالأخ وسيم ... خلينا نبلش بالشماسي و الرملات ... و شوية شوية انشالله ....

wassim.h

01-07-2008, 06:56 PM

عسمانتو عمك ... أصدي عسلامتو ... سلملي علي كتير ..
بس والله أصتو أصة مشروعو لعمك ... يعني بالرغم من تضارب الروايات حول الأصة و سبب توقف المشروع .. شبدنا باللي صار .. المهم السؤال اللي بيطرح نفسو :
إذا كان عمك سمير مفي يستفاد من المشروع ... هل من الممكن إفادة القلمون من المشروع بمساعدة البلدية ... ؟؟؟

طيب يا سيدنا ءلي شعندك أفكار ....بركا منجرب نحكي العمعوم مع إني ماني شايفو غير مرّة واحدة....بس منجرب أحسن من بلا شي.....

Nader 3:16

03-07-2008, 09:28 PM

أبو رياض القلموني

05-07-2008, 03:36 PM

اهلين بالمعلم ابو رياض...
منك عم تلاقي محل تسبح فيه متل العالم؟؟
مممم
عندي الحل ..بتعرف صيديلية الاستاذ علوان...في عندو عالبحر ءوضة و نحنا منسبح تحتها و هونيكا ما حدا بينزل ابداً.... و اذا بدك منركبك عالحسكة كمانا...
و فيك تنزل معك رياض!!!!.....

هيك حلينالك ؤصك و ؤصة ابنك ...بس بالنسبة للمدام !!!...و الله صعبة ..خليها تروح عشي مسبح مخصص لنساء فقط ..متل النورث مثلا...

بس المشكلة الصغيرة: انو بدك تنتبه من المعمل ما ينفس عليك و ءت بتكون عالشط...هلء نحنا تعودنا بس ممكن تحسها صدمة للمرة الاولى.
و يا اهلين بأبو رياض.

أهليين بأخي نادر ... كيف هالإمتحانات معك ....
يا خيي نادر ميشاني أنا ما تعتل همي ... حربوء و بزبط حالي ... بس الأوصة ميشان إهل الضيعة يعني بدنا حل لكل الضيعة ...
ميشان النزلة عالخيمة .. مشكور يا أخي ..بس مرة رياض نزل هونيكا طلع زاحط عأفا أول ما نزل(حاكم كتير الأرض مالسة و بتزحط) ... بعدان أول ما شك بالبحر عأوصو العأرب بجسمو ... لأنو بلا معلمية ... عندكن تحت الخيمة في أسطر نازل من المعمل ... كل شوية بيدلأ السموم بالبحر .. و في نوع من العآرب بيربى بالأرض من ورى هالسموم والله أعلم ... متلان الشط تبعكن منن ... إسن ما كلتلك شي عأصة دخلك ...
هادا عدا عن أنهار المجارير اللي حدكن صب الجامع .. إذا هبت نسمة هوا شرئية بتطلع عم تسبح بالمجرور ... هلأ إنتا يمكن بتنزل الحسكة و بتسحب صب الجزيرة تتسبح ... بس بالمختصر ... عندكن منو خرج ينزلو العيل ... إذا فيك تشفلنا أوبشن تانية ... و مشكور عالعزيمة و موفأ بالجامعة ...

أبو رياض القلموني

05-07-2008, 03:54 PM

طيب يا سيدنا ءلي شعندك أفكار ....بركا منجرب نحكي العمعوم مع إني ماني شايفو غير مرّة واحدة....بس منجرب أحسن من بلا شي.....

أهلين بوسيم ...
والله يا أخي خلينا أول شي نشوف البلدية شبيطلع من أمرا بهالموضوع ... أما بالنسبة للإفادة من المشروع ... ليش أبو رياض مجبور يلائي الحل .. يعني الموضوع مفتوح لكل لألامنة ... ولازم الجميع يفكروا بحلول .. أنا من ناحيتي يعني بحس إنو فينا نستفاد منو ميشان أنشطة للأخوات و طلاب المعهد أو مبعرف ... برجع بعصر مخي بس أفضا ...

هلأ أخونا نادر كمان فتحلنا أصة جديدة .. ياللي هية موضوع شماية .. و تلوث المعمل و المجارير ...
يعني إذا في مجال نناقش كل المشاكل اللي عنا عشط الألمون ... عسى إنو نوصل لشي حلول بتفيد الضيعة ...