صُرْنَا خَبِيصَه ... مَا بَآُ فِيْ حَدا عَ رَاس السِيْبِه

[جابر دملوك]

الله وَكِيلْكُون
صُرْنَا خَبِيصَه كُلْنا
و مَا بَآُ فِيْ حَدا عَ رَاس السِيْبِه
كنا إزا سمعنا هالآيات أو اءريناهون
وَيْلٌ لِّلْمُطَفِّفِينَ (1)
الَّذِينَ إِذَا اكْتَالُواْ عَلَى النَّاسِ يَسْتَوْفُونَ (2)
وَإِذَا كَالُوهُمْ أَو وَّزَنُوهُمْ يُخْسِرُونَ (3)
نفكر إنو واحد رايح يشتري بربع ليرة سكر نبات آم الدكنجي غشو بكم حبة و أوصص من أريبه
بس الحئيؤه إنو الأضيه أكبر من هيكه ب كتير و كلنا غاطصين ل كتافنا إزا مانو ل مناخيرنا.
بس ما حدا بيشوف حالو لأنو الميزان هلي عم نستعملو صناعه يدويه و بنظبطو كل يوم حسب المصلحه.
أُولُوا الله

[جابر دملوك]

إزا حَضْرِت جنابي طلع بِ إيدَي جيب واسطه لإبني هلي طالع شحط من الإصم التاني
" آ آ آ آ البلد كلو ماشي هيكه وِئْفِتْ عْلَيَي هلأ "
بس إزا ما طلع بِ إيدي
" و لك أُحنا بعمرنا ما رح نصير عالم ... و بدنا ندلنا ورا البِؤُر"

[جابر دملوك]

إزا جز أختي تصرف مع أختي تصرف ما عجبني
" رح روح دعوس ب ألبو و إمسح فيي الأرض"
بس أنا معليش ماعس مرتي و ما عم خلييا تتنفس.

[جابر دملوك]

إزا تآُتِل أبي مع عمي و لو كان الحَأْ مع عمي
رح صُفْ مع أبي
و لو كُنت إبن عمي و ما كُنت إبن أبي
كنت رح إعمل نفس الشَي.

[جابر دملوك]

مَرْتْ إبني إزا طلبت مِنَّو شَي
" شُو كَهِينِه "
بس بنتي أش ما طلبت من جوزا
" آ آ آ آ بتِسْتَاهل ... أَلِيل مانا مأَضِيه مَعَو و مِسْتَحِمْلِتَو "

[جابر دملوك]

سيارة أبي إزا حدا مَرَأْ من جُمِنَا
بِشْتْرَب عْلَيي مِتل الجْرَيْدُة
بس سيارة جارنا
مَعْلَيْش نَطْنِطْلُو عْلَيَيا

[Nader 3:16]

أهلين بالعم جابر..وينك ما كان حدا عم يشوفك.
هادا موضوع...
حلو بلاوي وواقعي.....
نوطرينك....
سلااااااااام....
أخوكم.......:)

[جابر دملوك]

بَدِي عَمِّرْ عَ آخِر حدودَي و مانِي سِئْلَان عن حدا
" آ آ آ آ بَدِي سَكِّنْ ولادَي"
بس جاري
" سِتِين ألف عُمْرَو ما يعَمِر و لا يُسْكُن لا هو و لا ولادَو "

[الزاهر]

ما شاء الله ..... مع كل "ريفرش" في بسمة وغصة!!!

[جابر دملوك]

الله يبارك فيك يا نادر الزمان
اشتأنالكون

[جابر دملوك]

الله مع الأوادم يا أمير الزهور
" وِي مِسْد يُو "

[الزاهر]

الله مع الأوادم يا أمير الزهور
" وِي مِسْد يُو "




ونحنا بالأكتر يا خال
حتى الجيران م بيعرفو أخباركم
شوشتونا عليكم!!!!

[جابر دملوك]

إزا عندي شَأْفِة أرض تحت دِدِه ب 3 متار
( الكُرْ ما فيي يُوصَلا )
" لازم كل واحد يُؤْصُرْ شوَية من كَرمَو و يعطيني طَرِيئ
من الأوتوستراد و طالع و ب بلاش "
بس لو كان عندي شأفه دُوغْرِي ع الأوتوستراد و في واحد بدو طريئ ع كرمو
" و الله ل نَفِصْلَو عِنَي و ما رح إعطي شبر واحد تَحِتى يدفعلي ب المتر هالأَدِه
لش أرض لِ خَلْفَو "

[جابر دملوك]

إزا مَرْتِي رَدِت ع التلفون و حِكْيت مع رِجَّال و جاوبِت ب كل رصانه
" لَش ما طبَشْتِي الخط ... و بأَوِم الدِنيا و ما بأَعِدا "
بس إزا رن التلفون و طِلعت واحدة مغَلطا حتى ب النِمرة و أعَدِت إِتْشَأْرَأ معا
" طَيِّب مانا حِلوه مِنَي أُخْبُط السِّماعة ب وِشْ هالمَخْلُؤه
إِنْتِ بتِإِبْلِيا ع حالِك "
و العكس كمان

[جابر دملوك]

وَأْتِل أُخْتَا جَابِت بنت
" شو رأيك نتكفل ب جهاز البُبِيِّة "
بس وأتل أختو جابت بنت
" و الله عنا أُطِعْتَين تلاتِة جُونا هدايا ل ولادنا و ما طِلعوا حِلوين عْلَيُّون "