عادات وتقاليد رمضانية !!!

[شرشبيل]

http://www.adaweya.net/bismillah.gif






• في أندونيسيا : تُمنح إجازة للتلاميذ في الأسبوع الأول من شهر رمضان للتعود على الصيام .

• في باكستان : يُزف الطفل الذي يصوم لأول مرة كأنه عريس .

• في ماليزيا : تطوف السيدات بالمنازل لقراءة القرآن الكريم ما بين الإفطار والسحور .

• في نيجيريا : تستضيف كل أسرة فقيراً يومياً على الإفطار.

• في موريتانيا : يقرأ أهلها القرآن الكريم كله في ليلة واحدة.

• في اليمن : يُعاد طلاء المنازل.

• في المغرب : يضربون سبع مرات النفير للسحور.

• في أوغندا : يصومون 12 ساعة يومياً منذ دخول الإسلام إليها لتساوي الليل بالنهار هناك لوقوعها علي خط الاستواء.

وللأسف عاداتنا نحن العرب عندما يأتي شهر رمضان الكريم:
- أسعار المواد الغذائية والإستهلاكية والخضروات والفواكه تُصبح جُنونية.
- تُنصب الخيام الرمضانية.
- تكثر المسلسلات والمُسابقات الرمضانية.
- السهرة صباحية.
ويفوتهم شهر الخير والبركة وثوابه العظيم.
يخسرون تجارةٍ مُربحةٍ لا تبور في شهر رمضان.
متى سوف يصحون من غفلتهم ؟؟؟

اللَّهم وفقنا أجمعين للاستفادة من شهر رمضان، والفوز فيه.


منقول بتصرفٍ للإفادة

[شرشبيل]

السلام عليكم ورحمة الله وبركاته.

أما بالنسبة للعادات والتقاليد القلمونية في شهر رمضان الكريم، أذكر منها:
- أن تحتوي وجبة الإفطار في اليوم الأول على اللون الأبيض (شيش برك، كوسا بلبن، ...)، لكي تكون أيام الصائم بيضاء.

وأنتم أيها الأخوات والإخوة،
ماذا تعرفون عن العادات والتقاليد الرمضانية القلمونية (والغير قلمونية) ؟؟؟

[Nader 3:16]

من العادات القلمونية انو كل الشعب بكون متجمع عفرن عيشة بالليل طمعاً بالمنائيش الطازجة واللذيذة!!!!!......

[الزاهر]

ومن العادات القلمونية في رمضان أن لا يترك أي فقير بدون أن يصله في كل يوم ما يعادل 5 مرات حاجته من الطعام!!!

[moustafa]

من العادات عند بعض القلمونيين في رمضان إنن يكزروا بنص الليل و يلعبوا شدة و ي.... إنو المهم يضيعوا وقت من دون ما يستفادوا و بيرجعوا بيتسحروا و بينزلوا عالصبح ....

[SAHYOUN]

برمضان ما حدن بيوعد بالبيت لا بالليل ولا بالنّهار الا عند الافطار........
والسلام عليكم ورحمة الله وبركاته........

[جابر دملوك]

ب الزمانات من شي كزا و تلاتين أو أربعين سنه
إيام ما كنا ولاد زغار
كنا نجمع ب هالحراتيئ
راس العبد وبسيسة و معمول (مدّ و غر مدّ)
و نوؤف ننطر اللّمُع (وأتل بتضوي المادنه)
و نتساباء مين بدو يدؤ راس العبد أول ما بيؤل ا من الله أكبر.

[Ammora]

و من العادات القلمونية أنّو بعض الناس بدلّن نايمين منشان م يحسّو بلجوعو.

[Nader 3:16]

أهلين بالعمّور كيفك؟؟؟؟؟ منيح صرت بتعرف تشارك.....
ومن العادات البشعة كمانا انو الحفظة و المشايخ بجاو عصلاة العشاء آخر شي(الا من رحم ربي)و بيطحشوا عالصف الاول بعد ما بفشّخوا من فوق ريسان العام.

[مايا]

السلام عليكم ورحمة الله وبركاته
من العادات الغير قلمونية انو بشهر رمضان المبارك يلي بدو يطلع من بيتوا كأنوا ما شي بحقل الغام من كثرة الالعاب النارية (كل ما واحد مشي شوي بيلاقي انفجار ناحوا )
ومن عاداتنا انو الاولاد بينتظروا اواخر رمضان لأن بيجي الوداع ( الطبل ) وبيطلع على البيوت فكل الاولاد بتلاقيهم لاحقينوا .

[Nader 3:16]

من العادات القلمونية انو في فرءة بالجامع التحتاني بيوءفوا ابل الاذان عالشبابيك منتظرين الشمس لحتا تغيب و بيفطروا بس يشوفوا الشمس غابت...مع العلم انو بكون باءي شي 10 دؤايء لحتا يأذن و بالطبع كل يوم بدلن ساعتين عالءين مع الختايرة منشان هالؤصة!!...و في كل رمضان نفس المنوال.....

[الزاهر]

من العادات القلمونية انو في فرءة بالجامع التحتاني بيوءفوا ابل الاذان عالشبابيك منتظرين الشمس لحتا تغيب و بيفطروا بس يشوفوا الشمس غابت...مع العلم انو بكون باءي شي 10 دؤايء لحتا يأذن و بالطبع كل يوم بدلن ساعتين عالءين مع الختايرة منشان هالؤصة!!...و في كل رمضان نفس المنوال.....




هادي منها ضمن العادات .. بل ضمن الشوازات القلمونية في رمضان!!!


أما من العادات القلمونية في رمضان إنو دايما الإفطار يكون جماعي ... وبتتجمع العيلة كلها على سفرة واحدة .... مثال : عيلة عامر حليحل وعيلة صلاح عامر حليحل وعيلة وسيم الحج .. مثال 2 : كل كم يوم بيصير تجمع كم عمة وعم من عمومتي وأولادهم بيحضروا الفطور وبيفطروا ببيت الجدة!!!


هادي إسمها عادات يا نادر ... أما اللي إنت عم تؤولهم فهم
"خوارق العادات القلمونية"
:):):)

[عبد الله]

من العادات اقفال المقاهي امام روادها أثناء دوام الصوم
بس في الداخل بيكون في بعض يلي بيكونوا عم يضحكوا على حالن وفهمكن كفاية.
وتصحيح لمعلومات الأخ مصطفى انن بدلن سهرانين لوجه الصبح وهو وبأذن بيروحو على بيوتن بدون صلى بالجامع.
الا من رحم ربي

[عمر ملاط]

عادات وتقاليد إماراتية.... إذا غلطت وطلعت قبل المغرب من البيت حتى تجيب أي غرض بالسيارة... بترجع بعد المغرب... وبتكون فطرت على كتر التعصيب والبهدلة..... خاصة إذا كان لازم تمر من موقف الملك فيصل (بالزمانات كان اسمو شارع الملك فيصل، بس هلأ ينطبق عليه اسم موقف مش شارع)

العادة رقم 2: من المستحيل تلاقي موقف لسيارتك من بعد الساعة 2 الظهر...

العادة رقم 3: أصحى على بالك تفكر تطلع بعد الإفطار على شي مطرح... لأن المطرح رح يكون الطريق وبس... ولما بتخلص من عجقة الطريق... بكون صار وقت الرجعة... وساعتها بتعلق بعجقة الرجعة...

إسا بدكن عادات؟؟؟

[شرشبيل]

السلام عليكم ورحمة الله وبركاته.

من العادات الرمضانية القلمونية النغمات الدينية (أيات قرآنية؛ أدعية، ...) على الجوال، فترى الواحد منهم قبل رمضان يضع نغمات الهِشكْ بِشكْ على جواله، وعندما يأتي رمضان يضع النغمات الدينية، وبعد رمضان "ترجع حليمة، لعادتها القديمة".