هل هناك فرق بين الأناشيد الحديثة و الأغاني

[Mirror]

بلا ما نضحك على حالنا يا سمعو أناشيد (حلال) يا خلونا على نانسي و دانا
what do you say:eek: ????

[الزاهر]

We Say:
هلأ يا خيي ليش من أيمتن كانت نانسي تغني....ما طول عمرها عم تأنشد أناشيد صوفية....بس المشكلة الناس ما بتفهم عليها كلامها.....يعني ليش عم تتبلو عليهم.....

هلأ وئت "واحد" مسمي حالو منشد بيطلع بأكثر من أنشودة عم يألد كاظم الساهر كلاما ولحنا....هل هذا منشد بحق....ولك إخص عهيك مو منشدين!!!!
معك حق أخي .....هلأ بدنا
What others Say

[Nader 3:16]

اول شغلة يا اخ زاهر لا اسمح لك بالتهجم على الاناشيد الصوفية

ثانياً للأسف لم يعد يوجد الان اصوات كما الاول يعني كلها المنشدين اليوم يعتمدون على الخلفيات التي تصلح لهم نشازاتهم

الله يرحم ايام (أبو دجانة و النقشبندي و الفشني و......)

[فشلان]

أول الشي.. خلونا نتفق على شغلة.... هل الموسيقى حرام؟؟؟ أم الأغاني هي الحرام؟؟؟ وهل أي كلام عن النساء حرام... يعني ما شاء الله المنشد أحمد أبو خاطر عندو أنشودة عن الزوجة بتاخد العقل....
أنا ما بحب الحكي العام..... يعني نانسي عجرم فيها تغني غنية... وأحمد أبو خاطر يغني نفس الغنية... وهادي تكون حرام وهاديك حلال.. في عنا الجو.. والطريقة والحركات.. والشخص يلي عم يأديها... كل هالشغلات مع بعضها... وآخر الشي في الموسيقى....

يعني أحمد أبو خاطر أناشيدو كأنو كلها موسيقى.. بس الفرق إنو عاملها من خلال صوتو... طيب شو صار الفرق... أنا بالنسبة إلي ما بلاقي أحلى من أناشيدو... وما فيها موسيقى... بس بيني وبين نفسي... بقول إنو موسى مصطفى يلي بيستخدم الموسيقى كمان نفس الشي... هو إذا طلعنا نفس الصوت من الآلة أو من التم.. شو الفرق؟؟؟؟ بالأول سمعت أنشودة لناس من الكويت.. العالم بصوتن عاملين الطبلة والموسيقى والكش والباع والديج... وطالعة كأنو فرقة موسيقية عم تغني.....

والله ما بعرف .. أنا بحتار كتير بهالشغلات... وبتمنى إنو نفصل... لأنو الأمر كتير متشعب....

[shanzimer6]

أول الشي.. خلونا نتفق على شغلة.... هل الموسيقى حرام؟؟؟ أم الأغاني هي الحرام؟؟؟ وهل أي كلام عن النساء حرام... يعني ما شاء الله المنشد أحمد أبو خاطر عندو أنشودة عن الزوجة بتاخد العقل....
أنا ما بحب الحكي العام..... يعني نانسي عجرم فيها تغني غنية... وأحمد أبو خاطر يغني نفس الغنية... وهادي تكون حرام وهاديك حلال.. في عنا الجو.. والطريقة والحركات.. والشخص يلي عم يأديها... كل هالشغلات مع بعضها... وآخر الشي في الموسيقى....

يعني أحمد أبو خاطر أناشيدو كأنو كلها موسيقى.. بس الفرق إنو عاملها من خلال صوتو... طيب شو صار الفرق... أنا بالنسبة إلي ما بلاقي أحلى من أناشيدو... وما فيها موسيقى... بس بيني وبين نفسي... بقول إنو موسى مصطفى يلي بيستخدم الموسيقى كمان نفس الشي... هو إذا طلعنا نفس الصوت من الآلة أو من التم.. شو الفرق؟؟؟؟ بالأول سمعت أنشودة لناس من الكويت.. العالم بصوتن عاملين الطبلة والموسيقى والكش والباع والديج... وطالعة كأنو فرقة موسيقية عم تغني.....

والله ما بعرف .. أنا بحتار كتير بهالشغلات... وبتمنى إنو نفصل... لأنو الأمر كتير متشعب....

السلام عليكم:
لنكرر السؤال: ما قول الشرع والدين في الأناشيد؟
ما هو الوجه المحرم من الأغاني؟
ما الذي يجعل الأغاني حرام؟ ( هل: الكلمات, الجوّ, الآلات المستخدمة, ....)

[الزاهر]

شو رأيكم ينسئل هالسؤال لقسم الإفتاء في الموقع؟؟؟