ماهى ذكرياتك فى رمضان ؟

[яiиda]

أقبل علينا شهر رمضان المبارك , وأهلت علينا روائحة المبهجة

وفى كل عام يهل علينا رمضان بفرحة غريبة
تسعد قلوب الاطفال والكبار على حد سواء

فعندما يهل شهر رمضان المبارك تبتهج قلوبنا كالأطفال الصغار
ونعود بذاكرتنا الى رمضان الطفولة

نعود الى تلك الايام التي مازالت محفوظة في الذاكرة بقصصها وبفرحتها و حزنها

أما اليوم
فلن تعود او تعودى بمفردك الى ذكرياتك فى رمضان
سنعود معك لنعرف

ماهى ذكرياتك فى رمضان ؟

أرجو التّفاعل...

[Nader 3:16]

:(مشكورة عالموضوع.....

[яiиda]

اهلين فيك .... بسّ ليش ما شاركتنا بذكرياتك؟؟؟
هلأ عندي سؤال صغير بسّ .... انتة وكتبت هيدي المشاركة كنت نايم ولا كنت مريض ؟؟؟ ما عدت فاهمة شي لأنّي مني مصدّقة كيف ما اعترضت !!!!! يعني معقول ما تكتبلك شي كلمة تنرفز ؟؟؟ ولا على القليلة كلمة دوووووووووع؟؟؟؟
على كلّ بتمنّى منّك ومن الجميع يشاركونا بذكرياتن الرّمضانيّة لك يعني ايّام زمان..... ورح ابلش انا ....
برمضان كنّا ابل ما يأدّن المغرب نحبس واحدة منّا على البرندة ميشان تؤلّنا ازا ادّن المغرب وتخبّط على الباب لمّن بيأدّن.... ووقت بيأدّن منوعد على الطّاولة وبتجتمع العيلة والسّلالة عنّا (وهيدا احلى الشّي) ومنكون مجهّزين الصّحون وحاطّين كلّنا نفس الكميّة ليش؟؟؟ لأنّا منتسابق مين بيخلّص ابلة اكل ويا حرام على يلّي بيربحوا !!!هههههه بينفزروا هيهي ..... آ والله هيديكة كانت ايّام....
سلام:)

[AbouRajaa]

منذ حوالي سبع سنوات ، و حتى الآن بفضل الله ، من أجمل ما يكون في رمضان الإفطارات الجماعية مع الأصحاب و الأحباب ، إذ نُفطِرُ كُلُّنا عندَ كُلِّنا ، في كُلِّ مَرَّةٍ نَجْتَمِعُ في بَيْتِ أحد الإخوة الأحباب و يكون كُلُّ مِنّا قد أتى بِشيءٍٍ مما أعَدَّتْهُ أمُّه ، و ما أحَيْلاهُ من إفطار .

[عبد الله]

ههههههه
كنتوا تحبسو واحدة على البرندة وتخبطلكون على الباب وقت بأذن المغرب
ليش يا حرام وين ساكنين بالمريخ لحتا ما بتسمعوا الأذان
بعدين هيديك كانت ايام وهلأ شو صار اسما ؟

[яiиda]

ههههههه
كنتوا تحبسو واحدة على البرندة وتخبطلكون على الباب وقت بأذن المغرب
ليش يا حرام وين ساكنين بالمريخ لحتا ما بتسمعوا الأذان
بعدين هيديك كانت ايام وهلأ شو صار اسما ؟

هههههههه هلأ هيديكة كانت ايّام وهلأ صارت مجهولة الهوية

[Nader 3:16]

أجمل ما في رمضان عندي هو وقت الغروب!!!...الجوّ بالمسجد البحري شي بيوخد الأعل......الشباب يترقبون غياب الشمس...واول ما بيحضر التمر بتلاقي الامم هجمت متل يأجوم و مأجوج!!!!!

الافطارات مع الشباب و السحور كمانا......
و الكثير الكثير.................