المسحرون في رمضان

[القسام]

السحور في رمضان له فضائل كثيرة نذكر منها ما روي عن أنس بن مالك رضي الله عنه قال: قال رسول الله صلى الله عليه وسلم: تسحروا فإن في السحور بركة .
لكن المسحرون وطريقة التسحير التي يقومون بها في رمضان واستخدام الطبل وما إلى ذلك من أمور .
هل هي عادات قديمة ؟ أم أنها من السنة النبوية ؟ وهل ورد شئ يدل على أن هذا الفعل حصل على زمن الرسول أو أصحابه ؟
ما هو تاريخ التسحير ؟ وكيف بدأ ؟ ومن أطلق هذا الأمر ؟ (تسحير الناس)
أفيدونا أفادكم الله
كما وأرجو مشاركاتكم في الإستفاء حول: هل ترى أن هناك لزوم للمسحرين في رمضان وخصوصا مع وجود ساعات التنبيه وما شاكلها من أمور ؟ أجب بنعم أو كل
بانتظار تعليقاتكم ومشاركاتكم ...

[Barbie]

السلام عليكم و رحمة الله و بركاته ,

مما لا شك فيه أن للمسحرين في رمضان فضل بإذن الله لأنهم يوقظون الناس على السحور مع العلم أن أيامنا تغيرت و الناس لا تنام ربما حتى وقت السحور , و من ينام يستخدم المنبه .

و لكن يبقى للمسحرين جو خاص في هذا الشهر الفضيل ... و عملهم يعتبر من العادات الجميلة .

و كل ما سبق يصح في حال كان المسحرون يقومون بدورهم بشكل جيد و منظم , ليس كما يحصل في بلدتنا للأسف !!!

فمثلا ً هناك بعض الطرقات التي لا يمر بها المسحر !!!

بالمختصر للمسحرين دورهم و جوهم الجميل , لكن في حال تم تنظيم العمل , و تقسيمه كي يشمل القلمون كلها .

[الزاهر]

إذا اردنا غض النظر عن الطبل والحديث عن المسحر وعمله ... فيكفيني أنه يوقظني عندما تغط عيني ولا يفوتني السحور وإيقاظ أهلي له ... ولا تفوتني صلاة الفجر .... جزاه الله خيرا على هذا ....

[عبد الله]

ولا مرة سمعت انو من السنة هذا الفعل فالأرجح أنه من العادات والله تعالى أعلم.
لا أرى هناك داعي للمسحرين وعطول زاعجيني أنا ونايم يعني بيفيؤك بوقت بيكون مابدك تفيئ فيه فالأفضل اعتماد ساعات التنبيه وكل واحد بفيق على ذوقو
شكرا على الموضوع

[عمار الفلو]

بالنسبة لي , فأرى أن وقت التسحير ( 2:00 ) يجعل الناس إذا استيقظوا يتسحرون قبل الفجر بساعتين فيتركون صلاة الفجر ( هنه و المسحر )

[عمار الفلو]

ملاحظة : في الإستفتاء هناك خياران ( نعم و كلا ) و الأصح لغة ( نعم و لا ) لأن كلا للزجر

[القسام]

شكرا لكم جميعا وبانتظار الباقين
ميشان الخطأ يلي ذكرو الأخ عمار فياريت حدا من المشرفين يظبطوا لأن ما بعرف كيف وشكرا

[عمر ملاط]

يا خيي تركوا كلا منشان إذا طلع غلط.... يكون لزجر المسحرين عن فعلن.... ههههه كنا بشغلة صرنا بشغلة..

[مايا]

السلام عليكم ورحمة الله وبركاته
المسحر يأتي على الساعة 2 والعالم بتتسحر على الساعة 3 يعني ما الو داعي واصلا صوتوا ما بيسمعوا الا الصاحي يعني النايم لا بيسمع الصوت ولا شي .

[The Angel]

كما قال الأخ عمار (( أن وقت التسحير ( 2:00 ) يجعل الناس إذا استيقظوا يتسحرون قبل الفجر بساعتين فيتركون صلاة الفجر ))
فهذا لا يجوز بالتأكيد ...

أما إذا تواجد أناس يستفيدون من التسحير , و لا يقومون من دونه , فهذا جيد , و يكون في هذه الحالة ضرورة له و لو كانت بسيطة ...

أي أنا لا أجزم بهذا الموضوع , إن كان للتسحير ضرورة أو لا ..
و الله أعلم ...

[Nader 3:16]

السلام عليكم
ؤصة المسحر منو ؤصة جديدة و يمكن هالشغلة ظهرت عالعهد الاموي او العباسي مني ذاكر بءا!!....
و هي شغلة منيحة انو عم تفيء الناس لحتى يتسحروا و يوخدوا اجر السحور...
بالنسبة للوقت...يعني اذا المسحر بدو يبلش يسحر بعد الساعة 2 ببلدة شوية كبيرة متل القلمون ما رح يلحء يتجول بولا حارة!!!!!!......
فكمانا المشكلة منا من المسحر انو جا بهالوءت المشكلة بهؤلاء يلي ما بلحقوا صلاة الفجر!!!.....
و انا مني و عليي عم فيء تلاته و نص عالمنبه لأني بكون نايم عالمكيف يعني مني عم اسمع حدا!!!!!!....

[Warrior]

السلام عليكم ،

انا بعتقد انو بهل الايام مافي داعي للطبل بلليل ولكن كمان ما فينا نكون سبب بقطع الرزق عن العلم كما هو معلوم هناك عيدية للمسحر . بالنهاية ما فينا الا نقول شكرا على المجهود بكفينا نو بعرض حالو للخطر بالليل.

وانا عندي حل للمشكلة وهو : منخلي المسحر يسحر العالم على التلفون ، يلي بدو بيعطي رقم التلفون تاع بيتو للمسحر وبصير المسحر بيتصل على الوقت يلي صاحب الرقم بحب يفيق :) وهيك منخلي على المسحر ومنرتاح من الطبل :) .

[it's ha]

السلام عليكم
اللهم بارك هذه القرية وبارك اهلها واجمعهم على التقى والايمان يا رب العالمين
بالنسبة لwarrior انا مني معك بهلفكرة لانو بركة اكتر من شخص بدو يفيق على الساعة3 مثلا شو بيعمل ساعتها بيتصل بخمسين شخص بنفس الوقت اكيد ما فيه يعني هيدا حل غير معقول نسبيا
بالنسبة لالي المسحر حتى لو ما فيقني فهو بيعطي شعور بقدوم شهر الخير والبركة وبعدين هوا ماشي وعمبكبر ويوحد الله فا ما في مشكلة من وجودو ابدا

[الزاهر]

اقتراح للأخ القسام أن ينهي الموضوع (مش هلأ لكن وئت رح ينهيه إن شاء الله) بتوجيه السؤال للشيخ أحمد عبيد على بريد الفتوى "fatwa@qalamoun.com"

[مصطفى معتوق]

رمضان ما لو نكهة بلا مسحر

[القسام]

نفذت اقتراح الأخ زاهر وجواب الشيخ سيكون خاتمة هذا الموضوع وشكرا

[moustafa]

أنا من وجهة نظري الشخصية ... ما لقيت أي لزوم للمسحر و خصوصاً متل يللي عم يصير عنا ... لأن أول شغلة المسحر بيبلش يخبط شي الساعة 2 أو إذا بلش معوء ببلش عالساعة 2:30 .... مع إنو من المفروض إنو يبلش عالساعة 3:30
و شغلة تانية .. يللي بدو يفيق لازم هو يحاول منو لنفسو .. يعني يعير المنبه ...
و خلص...
على كل حال شكراً على الموضوع...