لو كنت رئيس بلدية القلمون

[نجحان]

الاخوة والاخوات

لو كان كل واحد منكم رئيس بلدية القلمون :( ,

من يختار معه من الاعضاء 14 لتشكيل المجلس البلدي ؟
وما هو برنامجه الانتخابي ؟ وما هي اولى اولويات عمل الرئيس ؟

انا سأبدأ بنفسي :

الاعضاء هم : الرئيس : نجحان
نائب الرئيس : فشلان ( اللى بيكتب للرئيس الخطب والمقالات )
الشامي : رئيس لجنة المراقبة الاعمال
هارد : لجة البيئة
جابر دملوك : رئيس لجنة التربية
ام سفيان : رئيسة لجنة امور المرأة
نادين : لجنة الاعلام
الناقد : تم اختراق الموقع وتعديل هذا السطر من قبل الناقد الذي يعدكم باختراقات أخرى لاحقا ستثير إعجابكم انشاءالله
ابو لويس غنوم : رئيس لجنة الشباب والبصبصة
زاهر : لجنة الزعران
عمر ملاط : رئيس لجنة الاغتراب
سامر فقوعة : رئيس لجنة التكنولوجيا
عامر : العلاقات الخارجية ( مع الجمعيات والتيارات والاحزاب اللبنانية )
المهند : لجنة الاشغال والطرقات
الشيخ ايفان الظنط : رئيس لجنة الوعظ والارشاد
الريس : من الائحة الاخرى ( اخترق لائحتنا )

هاي مزحة : بس بدنا أراكم عن جد


ويا هلا بيكم جميعا :)

[Nader 3:16]

لو كنت مكان الرئيس استقيل حين ارى لا استطيع ان التصرف و ارضاء الناس و هذا يكون شرف لي

[kalamoun_28]

السلام عليكم
1-اولا اليكم البشرى السارة المعلم خداج قد جلب الكيبورد العربي. فترقبوا المناقشات الحارة و الساخنة بلغتنا الام. ههههههههه

2- اشكر الاخ الفاضل وسيم غنوم على تسميتي مسؤول العلاقات الشبابية ولكن المعلم خداج لا يقبل الا الرئاسة.

3-في الماضي كنت قد بحثت هذا الموضوع مع اخي و صديقي وسيم زيدان. لقد دارت المناقشة حول تسمية مرشحين من القلمونيين المغتربين. لاحقا سوف ارسل لكم لائحة حول ترشيحاتي....للمناقشة....

4-لقد اصبت بالآرهاق الشديد بسبب استعمال الكيبورد العربي لاول مرة....اخشى من ان تكون مشاركتي التالية بعد شهر من الراحة ههههههههههه......

[وسيم أحمد الفلو]

والله يا أخ وسيم على حد قد قول نجوى كرم " التوبة ما بقا عيدا" ... على كل مشكور على الثقة.

[وسيم أحمد الفلو]

يا أخي سائبت اليوم إني رجعت هلكان، فنمت الساعة 8 وفئت الساعى 3.

[Nadine]

ولا يهمك يا سيد خداج ، خلص انت الرئيس ، ويلي بقول غير هيك منوديلك ياه على عنجر .
بس بدنا الليستا تبعيتك والمشاريع .

أنا مشاريعي نسيت أكتبها ، بس أول شي اني بيع المجمع أو اعملو زريبة أو قن دجاج ورجع التلاميذ من بلاد الاغتراب على القلمون .
وتاني شي اني ظبط الطرقات وبالأخص محل ما بيمشو الملتزمين .
تالت شي ، ما بروح عند حدا من السياسيين ، ويلي بدو شي هو بجي لعندي .
رابع شي ، بودي رسالة للرؤساء من أمير المؤمنين -يعني أنا- إلى فلان الفلاني ، وبحكيهم عن الاسلام و......ز
خامس شي ، بمنع عمل المسجد الجديد في القلمون ، لأن ما ناقصنا علقات ومشاكل بقا ، يلي حرص على الاسلام كتيير يفتح مصنع يشجع الاقتصاد ويشغل شباب المسلمين بركا بعفوا نفسهم وبتخف الفواحش .
سادسا ، بمنع بيع الدخان بالقلمون .
سابعا ، بعمل الشارع أي خلف المسجد ، مكان للتدرب على ركوب الخيل ، وبالأخص بعد العشاء .
ثامنا ، بضيق على الجمعيات الغير اسلامية أد ما فيي ، أكيد بالغلط بس ، وبعرقلهم أعمالهم المرتبطة بالبلدية .

عجبني المشروع بس بدي ضيف شغلة

يمنع منعا باتا خروج اي بنت مش متحجبة من البيت,الالتزام باللباس الشرعي والا خليكن بالبيت

[فشلان]

يعني هي صار بدها ، شو هية بنت جبران التويني أحسن منا ؟ انو اذا مات أبوها صارت بتفهم يعني ؟

خلص صار لازم نعمل بلدية ظلّ شبابية بالقلمون .

أول شي أنا ما بدي حط حالي رئيس بلدية ، شني مو خرج ، بس بما أنو انتو بدكن ، تكرم عينكم ما رح زعلكم ، ورح أعمل أحلى ليستا ورح فخت كل اللوائح ، بس مش متل بيار حشاش ، ولا متل نعمان .

وهذه هي الليستا تبعيتي ، وأكيد ما فيش حريم ، مشان نقعد على رواق ، واذا لزملنا شي منستشيرهم برّاني :

المهند : نائب الرئيس
هارد : رئيس اللجنة الرياضية والبكوسة والمانشات .
جابر دملوك : المختار
الشامي : رئيس لجنة البيئة والخضرة والفواكي والتفاح .
زاهر حليحل : مدير مشروع تخصيب اليورانيوم للقلمون .
نجحان : رئيس اللجنة الطبية ، وينفع للتبنيج ، يعني اذا واحدة عندها عملية وما عم يخد البنج عليها ، منأشطها السكينة من إيدها ومنورجيها نجحان ، ساعتها دغري بطوش .
عامر : رئيس ثورة الأرز في القلمون .
نزيه خداج : مسؤول العلاقات الشبابية ، والتواصل الاجتماعي مع الشباب .
أبو جهل : محارب التطرف والشذوذ الديني .
الناقد : مستورد الألبسة لنساء القلمون .
وسيم فلو : رافع سيف الحق ، في زمن الظلام .
عمر ملاط : مسؤول العلاقات مع صفير -تذكر شو قال فرنجية عن صفير لما طلعو لعندو بنات الجامعة الأميركية ، وانت يا أخ عمر هيأتك متلو- .
حماس : مندوب حركة حماس في القلمون ، والمسؤول عن متابعة مشروع التوطين .
مؤمن عبيد : مستشار تكنولوجي للبلدية .


يلا يا شباب بدنا همتكم ، زية ما هية ، كرمال ..... و ......

في أحلى من هيك بلدية ، عنجد شيلو المزح عجنب ، في أحلى منها تكون البلدية فيها شباب ، ليش على طول القلمون مسيطر عليها فلان وفلان وفلان ومفكرين حالهم بيعرفو يشتغلو وبس يشتغلو ، بيطلعو الناس عم يسبوا عليهم .
أكيد هذه الليستا مزحة ، بس عنجد لازم يكون في هيك شي ، أكيد لا أقصد أن تكون البلدية 100% شباب ، ولكن يجب أن يكون فيها من جميع الأعمار .
شو رأييك يا دكتور وسيم ؟؟؟؟

بسيطة يا سيد وسيم غنوم... بتبوس الإيد... وبتدعي عليها بالكسر...

الظاهر ما حابب تحط معك فشلانين بالأعضاء؟؟؟ ناسي أمرنا بالمرة.....؟؟؟ إذا ما معك فشلانين... ما حدا بينتقدك...

الله يسامحك....

بعدان شو قصتكم إنتو مثل الخفافيش... بس بتشتغلو بنصاص الليالي؟؟؟؟ ما بتناموا؟؟؟؟؟؟:mad: :mad: :mad: :mad:

[Nader 3:16]

اللجنة ستستلم البلدية في القلمون باذن الله.........شو رايك يا وسيم غنوم؟

[أبو جاد]

السلام عليكم كيف الشباب
شو ياعديل بلشنا بنجوا كرم بس أهم شي ما تعمل بقول فيروز ( روح ولا تيجي ) ولو يا عديل الشباب متعشمين فيك خير ولو

[kalamoun_28]

السلام عليكم ورحمة الله وبركاته,

أطلب من أخي السيد وسيم الفلو (أتمنى أن لا تكون غاضبا من جوابي الاخير في موضوع البلدية) أن يعطينا عناوين الوظائف الحالية في المجلس البلدي الكريم في القلمون.

عذرا أخي السيد وسيم الفلو, لم أتابع موضوع "جلسة الثقة" ولكن سبق وذكرت أن رئيس المجلس أعلن عن موافقته على عقد هذه الجلسة. هل من الممكن أن تعطينا آخر المستجدات في هذا الموضوع, من فضلك؟

سلامات, نزيه خداّج ملاّط

[وسيم أحمد الفلو]

أنا لا أغضب من أحد (وربما لو قرأت كل الأجوبة في موضوع الثقة لتوضح لك أنني لم أغضب منك بالذات) ولا تناديني لا بسيد ولا بشيخ وكلمة أخ تكفي.
بالنسبة للجلسة فنحن مثلك بانتظارها وإن شاء الله تكون النتيجة في صالح أهل القلمون (بغض النظر عن النتيجة)، ويخرج المجلس البلدي أكثر تماسكاً بدل من التشرذم الذي وصل إليه بعد تجربة الثلاث سنوات.
إذا كنت تقصد بالوظائف اللجان، فهي على التوالي (علماً أن اللجان ليست وظائف أو وزرات فالقرار الأخير هو للرئيس والمجلس حتى لا نضع المسؤولية عل الرئيس وحده):
1- لجنة المناقصات
2- لجنة إستلام الأشغال (وليست لجنة تقرير الأشغال كما يظن البعض)
3- لجنتي المشتريات وإستلام المشتريات
4- لجنة المكننة والإحصاء
5- لجنة التربية
6- اللجنة الرياضية
7- لجنة تخمين المتر البيعي
8- لجنة البيئة
9- اللجنة الإجتماعية
10 - اللجنة القانونية

والسلام

[kalamoun_28]

بارك الله فيك أخي وسيم الفلو.

لا أقصد شيئا بكلمة "سيد", هي فقط عادة عندي في الكلام.

أنا بأمرك سيد فلو :)

[الريس]

انو ناسيين انو في حدا اسمو الريس ، ما حدا حاتطني معو ، بس هيك أحسن لأن بينتو على حقيقتكم ، أصلا أنا مش سإلان عنكم شني أنا الريس وأنا بقرر مين بحط معي ، وأدد ما حكيتو وختطو بتكونوا عم اتضيعوا وقتكم لأن ما في شي بصير الا اذا وافق الريس .

مع هيك ما حابب انجح غصب عنكم حابب اني سايركم شوية ورح قللكم مين بدي نزل معي ، مشان تنتخبوني عن قناعة ، شنو بهل الإيام ما بق في حدا لاحق حدا عن قناعة -مو هيك يا عامر- بس معليش خلي الناس تنتخبني أنا عن قناعة ، أنا رح نزل معي :

هشام فلو : آبيش المؤامرات ولو تحت سبعين أرض ، وموجد الحلول لها .
أم سفيان : المدافعة عن حقوق المرأة .
فشلان : المسؤول عن الشعر ووضع مناهج تربوية للقلمون .
ناديين : المسؤولة عن الطبخ ، والشيز كايك و......
وسيم غنوم : مسؤول القسم النسائي -ما تفهموها غلط ، للدعوة- ، ولى عمين جايية تضحك يا ثعلب .
أم المؤمنين نور :مسؤولة لجنة الوعظ والارشاد العملية
عمر ملاط : المرشد الجنسي للطليعة
الشامي : شغلتو يلحق رئيس البلدية المستقبلي -حضرتي- ويحذفلو بكلامو على الطالعة والنازلة ، يا عمي انت ما عندك عيلة ما عندك مرا وولاد ، ما عندك شغل غيري بقا ، حل عنا ياه .
هارد : الباحث وراء شخصيات الأعضاء ، ومندار ورا النسوان كمان .
نجحان : ما بعرفو منيح بس شكلو كويس ، منحطلو الشغلة يلي بدو ياها بالبلدية .
فشلانة : مسؤولة النظافة بالقلمون ، لأن بينمسح فيها الأرض ، ومنرجع منزفت بأخلاقها القلمون.
المليونير صلاح عبيد : موزع الموارد على كافة أبناء البلدة .
نزيه خداج : منخليه يدرب هالشباب على الرياضة ومندربو معنا ، بركا بصير بيعرف يلعب هو وكوبي براينت ، يا زلمة ابن براينت صار أد الشنتير واسا لهلأ ما بيعرف يمسك طابة .
المهند : بيصلح الحديد للبلدية ، لأن صار عندو خبرة ، كل مرّة بيلخبط مع الريس فبينقرف سيفو أبو شفرة ، وبيرجع بيصلحو .

وبالأخير ما رح قللكم شكرا اذا انتخبتوني لأن ما طالع بإيدكم غير هيك ، وما في ادامكم خيارات لأن أنا وحدي الريس هون .

[Nader 3:16]

ههههههه عنجدّ ما في تعتوع مفزرك بالودات بالبلدية

[amer]

شو عليه يا ريس , اذا في اختلاف بالراي بيني وبينك وعم نتناقش بالموضوع السياسي يلي حطيتو , م بتلائيلي ولا مكان بلائحتك
الله يسامحك

شوف خيي وسيم غنوم
حطني رئيس ثورة الارز في القلمون
انا بتشكرك يا وسيم غنوم

وشوف النجحان
لقالي العلاقات الخارجية ( مع الجمعيات والتيارات والاحزاب اللبنانية )
شغلة مرتبة

شفت شو عمل الفشلان وقت ما حطو وسيم غنوم , م عم يشارك بالمنتدى , بس انا م رح اعمل هيك
وينك يا فشلان

[HARD]

بسم لله الرحمن الرحيم

اولا الموضوع اصبح هزل ويجب التصرف ..............

ثانيا هذا الكلام موجه لكل حاسد وحاقد

محبة الناس لا تأتي من فراغ والله وحده يكتب للعبد القبول بالارض وهو وحده اللذي يحاسبه على افعاله، انت ايها الانسان اظهر الحب والاحترام و سوف تبادر بالحب والاحترام او اظهر الحقد والحسد و الكذب وسوف يتم الرد عليك بالمثل ....

وكما قدرالله سبحانه أن الطريق إلى الجنة مليء بالعقبات والمعوقات فقد حفت الجنة بالمكاره كما حفت النار بالشهوات .. وإن أكبر عقبة بين العبد وربه هي عقبة النفس كما ذكر ذلك الإمام ابن القيم رحمه الله تعالى وشبهها بالجبل الحائل بين العبد والرب .

قال تعالى : ( أم يحسدون الناس على ما آتاهم الله من فضله )

الحسد آفة من هذه الآفات الخطيرة لزم علينا التخلص منها والحسد هو مرض من أمراض القلوب إذا استولى على القلب فسد فساداً لا يرجى معه صلاح إلا بعون من الواحد الأحد سبحانه.

وقد نهى رسول الله صلى الله عليه وسلم عن الحسد في الحديث الذي في الصحيحين أنه قال: " لا تباغضوا ، ولا تقاطعوا ، ولا تحاسدوا ، ولا تدابروا ، وكونوا عباد الله إخواناً " .

قال الإمام ابن قدامة المقدسي رحمه الله : ( اعلم أن الغيظ إذا كظم لعجز عن التشفي في الحال رجع إلى الباطن فاحتقن فيه فصار حقداً وعلامته دوام بغض الشخص واستثقاله والنفور منه ، فالحقد ثمرة الغضب ، والحسد من نتائج الحقد .

لم اكتفِ بعد ولكن الان انا اكتفي بهذا القدر و الرسالة وصلت لصاحبها وشكرا .

وبالنهاية الخير لصاحبه وان تم رفضه فهذا المثل له

Les chiens aboient, la caravane passe

[HARD]

وسيم كل واحد بيعرف شو كاتب واكيد انا لم اقصدك انت والمهند الظاهر فهم شو انا قاصد ولله اعلم .

[الريس]

ولك يا مشرف ، سبق وقلتلك روح شوف شغلك وترك الريس يكتب على رواق .

انو بدي اسأل ، ليش وقت بهدل المهند علييّ ما حدا حذفهم ، عنجد عيب ، بربكون اذا قلنا ما في حرية هلأ ، بتقولوا شو هالأزعر هذا جايية يقيمنا ، أنا ما رح قول ، بس انو معليش فكرو فيها شوية ، اطلعو بعينتين ، شوفو في حرية ؟

شو قولكم يا أعضاء في حرية ؟؟؟؟؟؟؟؟؟؟

اذا في حرية ، فتاح تصويت خلينا نشوف رأيي الأعضاء كلهم بطريقة الحذف يلي عم تتبعها .

[فشلان]

مشكور يا جماعة على الاهتمام... بس سامحوني لأنو عندي ظرف خاص عم يمنعني من المشاركة... دعولي من كل قلبكن الله يفرج عني وعنكم....
:o

ويا ريس يمكن معك حق.. لأنو أحيان في كلمات ما فيها شي.. بتنحذف مباشرة.. وأحيان كلمات مثل الجبال ما حدا بيسترجي يدق فيا...

الله المستعان

والسلام عليكم

[عمر ملاط]

والله لو كنت مشرف بالبلدية... كنت ارضيتك يا ريس... بس المشكلة صلاحياتي ما بتوصل للبلدية...

بس على كل حال رح حاول اعملك واسطة.. ما بعرف كنو بيمشي الحال...

[عمر ملاط]

ولك أهلييييييييييييين والله اشتقلك يا أنا.. بقصد يا فشلان.. وينك غايب ما حدا عم يسمع صوتك؟؟؟
يا أخي طمنا عنك.. فضفض واحكي شو القصة... إذا ممكن نساعد ترى رقبتنا سدادة هه..
انت أشر وبس.... بعدان وين "ولك دووووووووووووووووع" بالنهاية.. كل الشباب صاروا على الماسنجر بيستخدموها... قمت إنت بطلتها؟؟؟؟

شو القصة يا زلمة.. رح تبكينا عليك... في شي عن جد؟؟؟؟؟

[الريس]

الله يبارك فيك يا فشلان ، وانت يا ملاط عم تتسمخر مو ، خليك هيك ، مبسوط بحالك ؟؟

فشلان شباك ؟؟؟

أنا فاهم عليك ، خلص يا خيي بلاها ، بيرجع بمشي الحال معك مرّة تانية ، يمكن هيك أحسنلك ، قول الحمد لله .

[الريس]

على كل أنا نسيت ادعيلك ، روح الله يفتحها بوجك ، كيف ما درت وجك ، شنك بتحكي كلمة الحق .

[Nader 3:16]

نفتقد للأخ فشلان................

[وسيم أحمد الفلو]

السلام عليكم
عندما طلبت من الأخ وسيم زيدان فتح زاوية للبلدية ، فلقناعتي التامة أن التواصل مع الإخوة المواطنين هو أساسي لشرح عمل البلدية والعوائق في وجهها، ولوضع خبرتي (وخبرة من يشاء من الأعضاء الآخرين أمام الناس)، والتواصل في مشاكلهم ومحاولة إيجاد حلول لها.
وقد حرصت على وضع إعلانات في كل القلمون عن هذا المنتدى، وحرصت على وضع ملخص للجلسات ووضع الحسابات علناً على الإنترنت (وهو لم يحدث في البلدية السابقة ولم يكن ليحدث لولا هذه الصفحة الكريمة)، ولكن للحقيقة فقد صدمت بكمية المشاركات القليلة وبعدم إهتمام الناس بأمور البلدية وهو ما يعني خللاً أكيداً من جانب البلدية (فربما تولد شعور عند الناس أن الكلام مع البلدية لا ينفع بشيء ولا بيقدم ولا بيأخر).
ولا حظت أن أكثر المواضيع مشاركة هي "النساء في المجلس البلدي" و موضوع "ماذا لو كنت رئيساً للبلدية"، وقد قمت بحذف هذين الموضوعين لإعتقادي أن الأول قد انتهى النقاش فيه والكل أبدى رأيه وقد تحول إلى تبادل الهجومات بين الإخوة، وهو أصلاً مبحث فقهي وليس موضوعاً يطرح في ساحة حول البلدية ومشاكل المواطنين.
أما الثاني فقد خرج أيضاً عن الموضوع وأصبح هزلياً، وبالتالي فقد أثر سلباً (برأيي) على منتدى البلدية.
ولكن بعد أن لاحظت إعتراضاً من بعض الإخوة الكرام، وحتى لا أتهم بأني ممن يحجب الرأي فقد أعدت الموضوعين، وأتمنى أن تكون مشاركات الإخوة في منتدى البلدية لعرض أفكار أو وضع شكاوى تساعدنا كبلدية للقيام بواجبنا على أتم وجه، ومن ضمن الإمكانات المتاحة.
والسلام

[kalamoun_28]

السلام عليكم ورحمة الله وبركاته,

أنت المعلم يا سيد فلو, بتمون, كبير وستظل كبير :).

بارك الله فيك وفي كل المشرفين على هذه الصفحة و كل المشاركين في هذا الموقع.

سلامات, نزيه خداّج ملاّط

[وسيم أحمد الفلو]

مشكور خيي نزيه على التشجيع، وأتمنى ان يكون هناك إهتمام حقيقي بالبلدية كبلدية.
شكراً مرة أخرى.

[الزاهر]

هلأ بيصير هالكلام.......حاكيين عني بالموضوع.....وأنا ما بعرف إلا من الغوغل بعد أشهر.....إنو بيصير بمنتدانا هالكلام!!!......
يا عيب الشوم عليكن!!!!


بعدين حطيتوني وخدتوني وجبتوني......وبلا ما حدا يستشيرني....بيصير هالكلام!!!!



لووووووووووووووووول!!!!!

[Nader 3:16]

هههههههههههههههه كيف خطر عبالك ترجع تفتح الموضوع يا زاهر

اي مو حلو بدون الريس!!!!!

[الزاهر]

كنت عم أيبل على اسمي عالغوغل......ودلني لهون......وأنا كونو بالبلدية يعني سياسة بالعادة....ما بحياتي فايت عليه!!!!!

[nana]

سألت شخص من نبض القلمون كان معزوم عنا على الافطار وكنت فاتحة هيدا الموضوع
لوكنت رئيس البلديه شو بتعمل...... ؟ جاوبني وقلي حتى لو ما عملت شي بضل أحسن من لأدام ........................ بس بالنسبه إلي مابعرف شي عن حدا فا . نقطة على السطر

[Mirror]

walla entou ness betneeo ktir rou7ou shoufou geir baladiyat

[وسيم أحمد الفلو]

بالنسبة للبلدية فأنا لا أتفق لا مع صديق الأخت "نارة" ولا مع الأخ "مرآة"...

البلدية مقصرة في كثير من النواحي ولكن ليس كل من يأتي مكان القديم، قد يكون أفضل ... وإن الآتي إن شاء الله يجب أن يستفيد من أخطاء البلدية الحالية.

أخطاء البلدية كثيرة ولكن هذا لا يعني أنه لا إنجازات لها، وأنا أدعوا من يريد أن يقترح أفكاراً للبلدية أو تكون له رؤيا مستقبلية، أن تكون هذه الأفكار منسجمة مع الإيرادات الحقيقية التي تحصل عليها بلدية القلمون.

أما الأخ "مرآة" فلا شك أن هناك بلديات أفضل بكثير من بلديتنا من حيث التنظيم والتخطيط وموازنة الصرف بين مشاريع جديدة (مثل الطريق عند الفلل التي أثقلت البلدية مع أهميتها) و مشاريع قديمة (مثل تحسين المظهر الداخلي للبلدة وتحديث شبكة الصرف الصحي ....)

أنا برأيي أن الوضع البلدي يحتاج دراسة مستفيضة قبل إطلاق الاحكام سلباً أو إيجاباً.