المساعد الشخصي الرقمي

مشاهدة النسخة كاملة : صارحنا بحقيقتك


gardinia
08-10-2008, 02:22 AM
على كل عضو أن يذكر 3 حسنات و 3 سيئات في شخصيته بصراحة و دون إحراج و ان يذكر اكثر صفة تجعله يبتعد عن صاحبها .و الهدف هو التعرف أكثر على الأعضاء.
و سأبدأ بنفسي:
سيئات:عنيدة جدا-ما بفزع أبدا(متهورة)- كتومة لمشاعري
حسنات: حساسةمع الغير- أسامح ايا كان- منّي عصبية
الصفة التي تبعدني عن صاحبها: الكذب


كونوا جريئين و جاوبوا
lina k
08-10-2008, 03:24 AM
سلام يا ست غاردينيا والله موضوع مهضوم.بالنسبة لي:

السيئات:

1-حساسة جدا.
2-شديدة الإنفعال(فيكن تسموها عصبية).
3- "الخوف"(مثال:إذا فقد أحدهم الوعي أمامي يمنعني خوفي من الصراخ وأنهار بسرعة).
الحسنات:

لا أدري فأنا لا يمكنني تحديد الأشياء الجيدة التي أملك ربما المحيطون بي يمكنهم الإجابة.ولكن يمكنني القول أنني أحبّ الغير وأقدّر شعورهم.

الصفة التي تجعلني أنفر من صاحبها هي "التكبّر على الناس".

شكرا مرة أخرى على الموضوع.
Nader 3:16
08-10-2008, 01:35 PM
-حشري شوية زغيرة
-اساتو عندي ولدنات بلاوي
-ما بعمل شي مني مءتنع فاي و لو بدي خالف الكل.

و الشغلة يلي ما بحبها ابداً الكذب!!!!!!!!!!!
مايا
08-10-2008, 02:38 PM
السلام عليكم ورحمة الله وبركاته
موضوع حلو أخت غاردينيا
بالنسبة لللسيئات يلي فيني :
1: متقلبة المزاج .
2 : مترددة .
3 : عندي حركات ولدنة اكثر الأحيان
وبالنسبة للحسنات فرأي متل رأي الأخت لينا .
والصفة يلي بتبعدني عن صاحبها هي الكذب .
وشكرا .
gardinia
08-10-2008, 06:36 PM
شكرا لردودكم و أتمنى من باقي الأعضاء المشاركة حتى نتعرف على شخصياتهم.
яiиda
08-10-2008, 07:12 PM
سلام....
مشكورة أخت غاردينيا على الموضوع ....
أنا بالنسبه إلي حسنات ما بدي أول ما حدا إلو علاقة ...(عم امزح ) بدي أول لأنو ما أنا يلي بحدد و بس .....لأ منو بس اسن بد أول إنو مادح نفسه كذاب ...هلأ خلص
سيئات: عصبيه وأت الحاجه)يعني) ،حشورة كتير ، و ما بئتنع بالهين ....
الصفه يلي بتبعدني عن صاحبة هي الكذب و التكبر .....
سلام
it's ha
08-10-2008, 07:17 PM
السلام عليكم
موضوع كتير حلو
السيئات:_عصبية يعني دغري بفور اذا في شيء شواذ
_مترددة
_بسمع للكل بس ما بعمل الا الي براسي
الحسنات:_كتومة جدا للاسرار
_طيبة القلب
_الكلام الطيب مع الناس (الحمد لله) قال تعالى"....كلمة طيبة كشجرة طيبة اصلها ثابت وفرعها في السماء"
اكتر شغلة بكرها الشخص المتكبر والكذاب والي بيحكي بافا التاني يعني بلسا نين هيدول ما فيني شوفن ولا اسمعن
яiиda
08-10-2008, 07:18 PM
-حشري شوية زغيرة


شوية زغيرة!!!!!!!!!!!!!!!!!!!!! ها ها ها ها ها ها ها ها ها ها ها ها ها ها ها ها ها ها ها .......
سلام:)
HARD
10-10-2008, 03:30 AM
حابب شارك معكم بهذا الموضوع.

السيئات:

1-بفكر بشعور الغير كتير .
2-باخد وش بسرعة.
3-غامض بكلامي شوي.

الحسنات:

مني متذكر انو في حسنات بس يمكن بحب ساعد اذا فيني .


الصفة التي تصرفني عن مقتنيها هي "عديم الخلق".
gardinia
10-10-2008, 03:43 AM
مشكور أخ hard , و حبيت اول إنو مش غلط لواحد يكتب حسناتو. ما في الواحد يعرف حسناتو إلا إذا سأل حدا..
انا سألت رفيقاتي و كتبت الحسنات حسب ما قالوا.
Nader 3:16
10-10-2008, 03:59 AM
شوية زغيرة!!!!!!!!!!!!!!!!!!!!! ها ها ها ها ها ها ها ها ها ها ها ها ها ها ها ها ها ها ها .......
سلام:)


طيب شوية كتيرة.

لا حول ولا قوة الا بالله.


طيب منشان الشعب رح قول بعض الشغلات يلي عندي و بحسها من الحسنات ان شاء الله.
-بحب افرح الاولاد
-الحمد لله لا اعرف شي اسمو خيانة
-احب اصدقائي في الله بطريقة لا توصف
gardinia
11-10-2008, 03:22 AM
مشكورين على الردود.