مفردات ألمونية

[جابر دملوك]

مفردات ألمونية
فعل رباعي ينتهي ب (ش)

[جابر دملوك]

أبِّش : قَبِّل و عَانِق

[جابر دملوك]

أرْئِش , أرْمِش

[جابر دملوك]

أرِّش : ترك أثر

[جابر دملوك]

أطِّش : قطع
و منها أطش أريعة بمعنى طب رئبتك

[جابر دملوك]

أفِّش : خبِّص ب الإِكل

[جابر دملوك]

ألِّش : نزع و نتف

[جابر دملوك]

أمِّش : كان سببا في إلقاء القبض على

[جابر دملوك]

بَأْبِش , بَحِّش , بَحْوِش : أَيْبِل و فتش

[جابر دملوك]

بَخِّش , بَخْوِش : أثقب

[جابر دملوك]

بَلِّش : إبدأ

[جابر دملوك]

حَرْكِش : تحَشَّر

[جابر دملوك]

حَكِّش , حَكْوِش : نَأْوِر و أَوِّر

[جابر دملوك]

حَنْفِش : ينفخلو بحالو

[الزاهر]

عربش!!!! ... كانت شغلتنا بالزمانات !!! :)

[جابر دملوك]

خَرْبِش : شحبر

[جابر دملوك]

دَحْوِش : يحط شي ب شي

[جابر دملوك]

دَرْدِش : يحكي مع حدا

[جابر دملوك]

دَفِّش : إدفع

[الزاهر]

فركش: خربط ، نزع، خرّب

[جابر دملوك]

دَوِّش : تحمم حمام خفيف و ع البارد

[جابر دملوك]

شَلِّش : إزا واحد أعد عندك و ما عاود يؤم

[جابر دملوك]

إسا ما جا دور (ف) يا أبو الزوز ليش عم تسبيئ

[Nader 3:16]

حلوين يا عم جابر....فاي كلمات اول مرة بسمع فيها!!!!!!......ههههههه
نوطرين جديدك نحنا.

[جابر دملوك]

طَبِّش : إزا واحد عم يتآتل مع 2 آم ترتيئلون ريسانون بيبعضون

[جابر دملوك]

طّحِّش : ع فرن عيشة العالم ناطرة ب الدور و زبون العوافه جايه متأخر و بدو ياخد ب الأول

[جابر دملوك]

طَرْطِش : معو نبريش مويه و ألِّب العالم دُنْدلِه

[جابر دملوك]

طَفِّش : أد منو مِجْعِز هرب الكل

[جابر دملوك]

طَمِّش : حط إيدي ع عينين حدا و غنالو :
" أم عميش أيشك أيش .... "

[جابر دملوك]

طَنِّش : عمل حالو منو سامع و لا معو خبر

[جابر دملوك]

طَوِّش : أَجَلّكُون عاملا ب تيابو و فطص الكل

[جابر دملوك]

طَيِّش : سبيئ للكل

[جابر دملوك]

عَبِّش : واحد ما بعرفو إفتكرني واحد بيعرفو من زمان و مدينو مصريات ف بلش يشدشدلي ب تيابي

[جابر دملوك]

عَرْبِش : طلع ع حيط أو سلم

[جابر دملوك]

عَشِّش : بلط و ما عاود يتزحزح من محلو

[جابر دملوك]

عَطِّش : بدو مويه يبل ريأو شويه أحسن ما يموت

[hadid]

في كلمة *ـحّش تبدأ بحرف الجيم
ومعناها يصطّل
سلام

[جابر دملوك]

عَفِّش : صار ياكل عن بو جنب

[جابر دملوك]

الله يبارك فيك يا أخ حديد كنت مستعجل و فشخت فشخة كبيرة من فوء حرف الجيم.

[جابر دملوك]

عَيِّش : عم تلعب ب فريئ الألمون و أبل ما يبلش الدأ ألت : " ألمون عيش"

[جابر دملوك]

غَبِّش : العوينات أو الاْجِاز

[جابر دملوك]

غَرْمِش : البْسَين

[جابر دملوك]

فَئِّش : بزر أو فستؤ

[جابر دملوك]

فَتِّش : أَيْبِل و دَوِّر

[جابر دملوك]

فَرْفِش : افراح و إنبصط

[جابر دملوك]

فَرْكِش : الموضوع يعني نزع الطبخة
مشاركة شيخ الشباب أبو الزوز
(خربط ، نزع، خرّب)

[جابر دملوك]

فَكِّش : صابيع

[hadid]

الله يبارك فيك افتكرت بدك اتبهدلني !!!

[جابر دملوك]

فَلِّش و فَلْفِش : إلب الدنيا فوآني تحتاني

[جابر دملوك]

الله يسامحك يا أخي لش ت بهدلك
بس لو ب تفوت ع المشاركة و ب تكبر نتفة الخط ت تبين منيح.

[جابر دملوك]

فَنِّش : ما بآ معو شي الله وكيلك

[جابر دملوك]

فَوِّش : إِشِنَو بيعرف يسبح

[جابر دملوك]

كَبِّش : لأوط ب العود منيح منشان ما توؤع

[جابر دملوك]

كَحِّش : أطرد

[جابر دملوك]

كَدِّش و كدوش : مْعَاطْ ب هالإكل

[جابر دملوك]

كَرِّش : طلعلو بطن كبير

[جابر دملوك]

كَرْنِش : كَش و ظِغِر حجمو

[جابر دملوك]

كَوِّش و كَوْكِش : إستولى ع كل شي

[عمر ملاط]

كَرْنِش : كَش و ظِغِر حجمو


هلأ كرنش أنا بعرفها لما مثلا تلعب بالجبلة والباطون ويكرنشو صابيعك... يكرنش الجلد يعني ويجمع على بعضو

[عمر ملاط]

رشرش موية
مثل طرطش... بس طرطش العالم.. ورشرش الزريعة والعالم كمان

[عمر ملاط]

برحش وبحبش

بنفس معنى بحش وأيبل وفتش

[عمر ملاط]

في فعل كنا نستعملو بلعب الكلال... نتسابق مين بقولها قبلة... منشان يصير الواحد بحقلو ينضف الطريق على الكلة لما نكون بدنا ننأف... ما بعرف ليش حاسس إنو نهايتو حرف شين...

حدا متذكرو؟؟؟

[وسيم أحمد الفلو]

كرحش

كما أعتقد

[المهند]

فعل "يكشش" بالشدة والكسرة على الشين الاولى,يعني بلعبة الضامة لما بيكون اتنين عم يلعبو مع بعضون وواحد بيكششو الضامة او بعض حجارو وهالفعل جايي من فعل "كش" وهو من اصل فرنسي:"cacher"
يعنى عم يطلب منو يخبي حجارو حتى ما ياكلو اياها..الظريف انو كل هالافعال تقريبا محركة بالكسرة على الحرف ما قبل الاخير مما يعطي بوضوح اللهجة القلمونية التي سبق وتحدثت عن جزء بسيط منها في موضوع لي سابق من هذا المنتدى..لعلي اكمله يوما ما بعون الله فيصبح كتابا..ادعوا الله لي..ومشكور الاخ جابر وكل الاخوة المشاركين جميعا ..والسلام

[Nader 3:16]

مزبوط يا وسيم....كرحش.....سد اريب طالعا من اول مرة بطفش عسيبيريا...ذاكرينهم و مشاكل و اتال منشان كله...
و فاي كمانا انفش....بما معنى انو ما خلى معو ولا كلة ..انفشو تءنفش.
المهم اهلين بالمهند...شكلك تصالحت مع الؤرايب جابر دملوك. من ايمتن هالحكي؟؟؟؟
عكل حال بدنا حلوان الصلحة

[جابر دملوك]

الله يبارك ب الزاهر و النادر و الفاروق و الوسيم و المهند و الجميع

[جابر دملوك]

نَأْرِش و نَأْوِش :
عدة إكلات موجودة ع الطاولة
عم تنأور من هون كدش و من هونيكه كدش ما عم تركز عن نوع معين
و مانك آعد أعدة إكل مظبوطة يعني ع الماشي بس حابب تدوء الكل.

[جابر دملوك]

نَبِّش :
غر شكل عن و أيبل و فتش و دور ب النسبة ل النية..
نبش منك مسديئ إنو هالشي منو مع هالشخص أو بالمحل الفلاني.
إنت بتؤل إنو معو
و هو بيؤلك " منو معي نبش إزا بدك و أتحداك تلائي شي "
و التنبيش في تكركب لأنو الشخص منو سئلان.

[جابر دملوك]

نّعْنِش : تتنشط .
فيك تاخد دوش و تنعنش.

[جابر دملوك]

نَفِّش :
حجم أكبر و وزن أتأل إزا نخلط ب موية.
حجم أكبر و الوزن هو زاتو إزا نخلط ب هَوا.

[جابر دملوك]

هَبِّش :
هبرو تهبير
نتفو تنتيف
غرمشو تغرمش

[جابر دملوك]

هَمِّش : ما يسأل عنو و يعتبرو صفر ع الشمال.

[جابر دملوك]

هَوِّش :
إشلحتلك شي كلمة شعلتو تشعيل و ما عاود في حدا يهَدي.

[مصطفى معتوق]

تنكدش ع وزعمك ...................

ليش كلن بيخلصو بال ش

[أبو رياض القلموني]

جحِّش


غلّط ودلاتو متنحر براسو و ما عاد يرتجع عن جحشنتو

[دوكر]

بشبش : كلمة السر ازا الولد كان محشور

[الشيخ سموح]

مختارات في اللغة و الأدب ١



( مما جاء في لسان العرب و المعجم الوسيط و العين والصحاح و أساس البلاغة)





أ) يقال بالعامية: بَـربـَر فلان يعنون أكثر في كلامه، و هي عربية فصحى: بـَربـَرَ فلانٌ أي أكثَر الكلام في جلبة و صياح، و كذلك خـَلَطَ في الكلام مع غضب و نفـور. و بـَربـَرَت الدّلـْوُ أي صـَوَّتـَت في الماء.




ب) يُقال بالعامية "مرطبان" و هو من الفصحى "بـَرْطـَمان" و هو إناء من زجاج تحفظ فيه الأشياء، و هو فارسي الأصل.




ج) يقال بالعامية "بأبأ" و هي عربية فصحى: بـَقْبـَقـَت القِدر بـَقْبـَقَةً إذا سُمِعَ صوتُ غَليانِها.




د) يطبخون في القلمون "البَسيسة" و في القرآن الكريم "... و بُسَّت الجبال بَسّاً" و بـَسَّ الشيء فـَتـَّتـَهُ.




هـ) يُقال بالعامية "بعأ" و هي فصحى "بَعـَقَ" إذا فتح فاه و صوَّت شديداً.




و) يقال بالعامية " بَعَطَ فلان بفلان" أي صرخ بوجهه، و هي فصحى بمعنى غـَلا و أفـْرَطَ في جَهل أو عمل قبيح.




ز) يقال بالعامية "بايخ" للكلام و نحوه، و هي فصحى "باخَ" يَبـوخ أي سَكَنَ و فَتَر، و باخَ اللحم و نحوه إذا تغـَيَّر و فسد.




ح) يقال بالعامية "تـَخَّ" العجين و هو فصحى "تـَخَّ" العجين و نحوه تـَخّاً إذا تَخَمَّرَ.



============



قال الشاعر:



يُصـابُ المـَرْءُ مِن عَـثـْرَةٍ بلِسانِه



و ليسَ يُصـابُ المَرْءُ مِن عثـْرَةِ الرِّجْلِ



فَـعَـثـْرَتُهُ في القولِ تـُذْهِبُ رأسَهُ



و عَـثـْرَتُهُ بالرجلِ تَبـرَأُ على مَهـْلِ




================



قال الشاعر:




تـَوَكـَّل على الرحْمـنِ في الأمرِ كُلـِّهِ



و لا تَرْغَبـَنَّ في العَجْزِ يوماً عن الطـَّلَبْ



ألـَمْ تـَرَ أنّ اللهَ قالَ لـِمَرْيَمَ



و هـُزّي إلَيْكِ الجـِذْعَ يُساقِطُ الرُّطَبْ



فَلَوْ شاءَ أنْ تَجـْنيهِ مِن غيرِ هـَزَّةٍ



جَـنَتـْهُ و لكنْ كُـلُّ رِزْقٍ لهُ سَبَبْ