إلى أعضاء منتدى القلمون

[lina k]

ها أنا ذا أكتب أعذب أشعاري
وأهديها لكلّ فرد من بلدتي الأبية
أنا إبنة القلمون, روحي وقلبي
فداءً لترابها ما دمت حيّة
لا يحزنّن الأغراب من كلامي
وليقبلوا منيّ السلام والتحية
لمنتدى القلمون,أعضاء ومشرفين
لكلّ منهم أقدّم باقة وردية
هيا يا أبناء بلدتي
إفتحوا الصفحة المطوية
وعبّروا عن حبّكم
و فخركم بالدماء القلمونية
هيا تكلّموا
وكسّروا القيود الحديدية
قد كتبت ما ينتابني
والآن دوركم, للتعبير بكلّ حرية.......



هيا أيها الأعضاء,تكلّموا عن بلدتكم و ذكرياتكم....
هيا حدّثونا عن جمال بلدتنا وعن كنوزها.......
هيا تكلّموا وأظهروا مشاعركم المخفية.......
فبلدتنا تستحقّ منا أن نذكرها ولو بكلمة واحدة...
هيا ليقم كلّ واحد منا بكتابة مشاعره عن القلمون ولو بجملة واحدة.........
هيا يا أعضاء,أكتبوا هنا في منتدى القلمون.......
بإنتظار مشاركاتكم............

[مايا]

لا يحزنّن الأغراب من كلامي
وليقبلوا منيّ السلام والتحية
على فكرة انا كتير زعلانة :( انو صحيح أنا مش شايفة القلمون الا مرة وحدة وما بعتبر شفتا بس انا لست غريبة فأنا صرت والحمد لله بعرف كتير ناس من القلمون وأهم الشي اني بعرفك ما انتي أهم شي بالقلمون :)




لمنتدى القلمون,أعضاء ومشرفين
لكلّ منهم أقدّم باقة وردية


هلق صححتيها يعني حأقبل الباقة منك باعتباري من الاعضاء وكمان حاعتبرها تعويض عن الكلام السابق :):1 (32):


هلق أنا مش من القلمون بس حشارك
انا بعرف القليل من القلمون- سواء كنت بعرفهم شخصيا أم عن طريق المنتدى - ولكن هؤلاء القلة هم من افضل الناس فهم من أعطوا أجمل صورة عن القلمون واهلها وحببوا الناس بها وشوقوهم لرؤيتها صراحة شعوري وحبي تجاه القلمون واهلها الافضال لا يوصف ببعض الكلمات فأنا لست بشاعرة حتى أصف شعوري ببعض الأبيات ولكن سيبقى حبي للقلمون الى الأبد كيف لا وهي عاصمة العالم ........ :)
سلام لولو و10x على الموضوع ........

[Nader 3:16]

القلمون.....ماذا أقول بوصفها و مديحها؟؟؟؟
نفسى تأبى الكتابة مخافة التقصير في بيان عظنتها في قلوبنا و نفوسنا.

ولكن

القلمون بإختصار ...أتعبت من بعدها.

[Barbie]

السلام عليكم و رحمة الله و بركاته ,

شكرا ً لك أختنا لينا على هذا الموضوع .

بصراحة , أنا لا أجد أجمل و أفضل من القلمون .
بالفعل هي مميزة بكل شيء , و أحبها و أستعد ان أقدم كل ما هو مفيد لها و لأبنائها .

و لا أشعر بالراحة و الإنتماء إلا هنا في بلدتي .


فالحمد لله أنني من أبناء القلمون .
و أدعو الله تعالى أن يهدينا و يوفقنا أجمعين لخدمة بلدتنا و رفع اسمها بالدين و الأخلاق و العلم .

[Nader 3:16]

و عجبتني قصة عاصمة العالم.....عقولة الشيخ جابر دملوك.....بس معو حق فيها!!!!!!!.....

وان شاء الله ستظل القومية القلمونية تسري في عروقنا.

[hadid]

وعاصمة القلمون هيي السماقة بالتأكيد ولا كيف يا جنرال !!

[دوكر]

يا هلا يالجميع .......
بدي اسأل سؤال ....انو كيف لو عين الواحد يروح يأبل ع ضيعة او منطقة احلى من الألمون؟......ترابا احلى تراب.......شبابا اطيب شباب ......صباياها شبدو يحكي الواحد ما بتسعفوا الكلمات.......حيطانا ......زوائيءا ......فرانا .......كروما.......طرقاتا........هواها.....بحرا... .......خزانات .....هههههه......لي بدكن ياه .....احلى دنيا الألمون.......

اخخخخخخ.....ليش بحس هل المواضيع استهداف لمشاعرنا..........يعني الواحد منا بحاول يتأقلم مع الجو هوني ........و بحاول يشيل فكرة الألمون بلد المستقر و المحيا......لضرورات الحياة ....ؤم بيطلعنا هيكا مواضيع بتفتأ الجروحات....................شويا شويا علينا......................
يعطيكن العافية ......
اخوكم دوكر المعوكر....................

[أيمن غ القلموني]

صحيح الشخص يحنّ إلى وطنه وبلدته التي ترعرع فيها ، ولكن هذا طبيعي فكل يميل إلى المكان الذي نشأ فيه ، والقلمون متلا متل باقي المناطق ولكن ما يميزها في قلوبنا هي أنها محل ولادتنا ولنا فيها ذكريات مع الأهل والرفاق والأصدقاء الأوفياء.


كما أنني لست ملزما بما كُتب في القصيدة كالذي ورد فيها :








روحي وقلبي
فداءً لترابها ما دمت حيّة


وعبّروا عن حبّكم
و فخركم بالدماء القلمونية





نفخر بأننا مسلمون وليس لأن دماءنا قلمونية

أرجو تقبل النقد بكل رحابة صدر

[it's ha]

السلام عليكم
قلمون خياري وليموني
وخلي وملحي وكموني
سكر قلبي وعيوني
بحبك مهما عصروني

ارجو عدم التعليق ههههههههههههه

[mimi]

السلام عليكم
ما كتبته it's ha كان اروع شعر قيل عن القلمون وقد اشتهر بالبلاغة والفصاحة والايجاز

[Nader 3:16]

السلام عليكم
ما كتبته it's ha كان اروع شعر قيل عن القلمون وقد اشتهر بالبلاغة والفصاحة والايجاز

للأسف يفتقر الى النكهة القلمونية....يعني اللهجة المكوب فيها منا قلمونية!!!.....

و انا اشجع هكذا كتابات لأنو بتعطي شوية جوّ بالمنتدى....

عم نمزح........دوووووووووووووووووووووووع

[lina k]

سلام,بشكر كلّ يلي شارك بالموضوع وعبّر عن حبوّ للألمون..........وبعتذر من الأخ دوكر لإني ألبت علي المواجع......وميشان الأخ أيمن فهاذا رأيك وطبعاً منحترمو بس أنا بعتبر هادا الشي شعور الإنتماء للألمون...........

مرة تانية بشكر الكلّ وناطرة بائي الردود.........