مشاهدة النسخة كاملة : كفاية حرام
ام السعد
27-11-2008, 05:59 PM
طفح الكيل بنا , وضقناً ذرعاً بكم
أين هي الجماعة الاسلامية في القلمون
إني لا أجدها إلا في صفحات هذا المنتدى وفي قلوب وذكريات أهل القلمون نساء وشبابا
كفى ضحكا علينا
انظروا جيدا بشوراع القلمون وعلى أسطحة أبنيتها وعلى اعمدة شوارعها
تجدون أعلام كل الاحزاب ( مستقبل - قومي - بعص - وطني حر - اشتراكي - عزم وسعادة )
وصور كل الزعماء ( سعد - جنبلاط - نجيب - عمر - ميشال - رفيق - سمير - محمد - ابو العبد - موريس )
ولا تجدون لا راية اسلامية ولا صورة لزعيم او حبيب من زعماء الجماعة الاسلامية او علمائها
يا أخوات ويا أخوان الصحوة الاسلامية : اتركوا وابتعدو عن كمبيوتركم وانزلو الى شوارع القلمون
قولوا للعالم أجمع
أن القلمون اسلامية وستبقى مهما فعلو جماعة اسلامية
اعلو راية الاسلام وراية الجماعة
ارفعوا رؤوسكم عاليا فأنتم احباب المصطفى عليه الصلاة والسلام
وارحموا عقولنا وكفى ضحكاً على عاطفتنا
وسامحو أختكم أم السعد
Barbie
27-11-2008, 08:39 PM
السلام عليكم و رحمة الله و بركاته ,
أخت أم السعد , من الصعب أن توجد بلدة أو أي مكان بصبغة واحدة !
من الطبيعي أن تتعدد آراء الناس .
لذلك فكل هذه المظاهر و الإنتماءات هي شيء عادي , فمن غير المنطقي أن نحكم الناس بإتجاه معين !!!
و لكن المشكلة هي في التعبير و الإتباع الأعمى !
يعني الإنتماء ابتعد عن كونه الإعجاب بأفكار مجموعة معينة , حتى صار أقرب للجنون و الإيمان بشكل مطلق أن هذه الجمعية أو التيار معصوم !
و لكي نصل إلى هدفنا و دعوة الناس للخير , لا بد أن نبدأ معهم بالنصح و اللين و إعطائهم أحسن صورة عن أخلاق المسلمين الملتزمين .
و هكذا يترفع الناس عن الركض وراء مجرد شعارات , و يبدؤن تلقائيا ً بالتميز ما بين الخطأ و الصواب .
و من جهة أخرى من قال أن القلمون كلها جماعة !!! و أن راية الإسلام لا ترتفع إلا اتباعا ً لجهة محددة !
الإنسان الذي يريد إتباع الصواب و الوصول إلا الحق , يلتزم بما أمرنا الله به و بأخلاق النبي صلى الله عليه و سلم و يجتهد , و هذا يكفي إن شاء الله .
و يا أختي لو أن كل منا يرى نفسه و ينصح من حوله لكنا بألف خير .
و القلمون إسلاميه إن شاء الله , بأبنائها الملتزمين و ليس بإتباعها لأحد .
أبو حسن
27-11-2008, 10:07 PM
و من جهة أخرى من قال أن القلمون كلها جماعة !!! و أن راية الإسلام لا ترتفع إلا اتباعا ً لجهة محددة !
الإنسان الذي يريد إتباع الصواب و الوصول إلا الحق , يلتزم بما أمرنا الله به و بأخلاق النبي صلى الله عليه و سلم و يجتهد , و هذا يكفي إن شاء الله .
و يا أختي لو أن كل منا يرى نفسه و ينصح من حوله لكنا بألف خير .
و القلمون إسلاميه إن شاء الله , بأبنائها الملتزمين و ليس بإتباعها لأحد .
بارك الله بك على هذه الكلمات أختنا باربي
يا هلا بالست ام السعد .......
اول الشي ابل ما احكي اي كلمة .....من الواضح يا ست ام السعد في كلامك انك بدك تثيري مشكلة حول الجماعة ........ف من رأي اللوم لا يقع على الجماعة فقط.....بالضيعة في جماعة و سلفيين و اجيال و عباد......و عالم ملتزمين منون مسمين على حدا.........
فنداء لي وجهتاي كان لازم يكون للكل .....مظبوط ؟؟؟ ....كلنا مسؤولين عن لي عم يصير بالضيعة ........و ربنا وما ضيعنا الا لأنو ضيعنا اوامروا.......و كل واحد منا مشاي مفكر حالو رسول من عند ربنا و كلشي بيعمل صح و غيرو غلط........
انا لي بدي احاكي ....منو حكي عام .....و فلسفي متل الاخت باربي و عفواً على هل التعليق ع كلامك......لأنو بدل ع عدم خبرة لالفكر الاسلامي......انا برأي كل واحد بحط ان الدين الاسلامي فاي يطبقوا لوحدو بكون غلطان .....و هيكا كلامك يفهم........
دينا ما بيمشي الا بتطبيق جماعي ......و انطالقتو من الجامع.....و اول هل الاشايء مثلاً صلى الجماعة .......و غير من التعبدات الجماعية .......الفكرة لي حبيت قولا .........
الكلام عن ان الأنتماء الى افكار متعدد عادي.....انا لا اظن ذلك ست باربي.......الانتماء الى احزاب تحمل فكر عادي.....بس انتي بتظني انو في واحد بينتمي للمستقبل بكون حامل قضية ....متل ايام الناس لي كانت ماشيا مع فتح ......او متل القوميين ؟ ........لأ.......
فكرا تانية ......لأيش نحنا بنقاتل فكرة بلا ما نكون عارفين ايشيا ؟ .......يعني هلأ طلع فكر الاخوان اتباع اعمى......و تبعية مذمومة .....و ما بعرف ايش؟ ......
هلأ حكيك لا غبار عليه من الناحية انو لازم يكون هيكا التطبيق.....بس وقت بكون موجه لعالم معينين بسبب تقصير بشري الكل واقع فاي بهل الايام ما بكون زابط ............
كلنا بهل الايام ناقصنا تطبيق ما لي بنسمعو و بنفهمو من دينا........
يعني ما فيني جي اتهم فكر الجماعة الاسلامية او اجيال او ...او .....انو مقصر........و انو بقول لأتباعو ما تفكرو خلوني فكر عنكم.....أنو ما اريكم الا ما ارى ........بالعكس تمام ......كل فكر الحركة الاسلامية هو فكر يأخذ الاسلام بشموليته...........و هادا الشي لي بخلي الانسان يعجب فاي .....لأنو بلاقي حالو هو و عم يطلع فاي عم يشوف الاسلام كلو ..........هادا رأي.......غير عن الفكر الاسلامي الفردي .....
هلأ .....ما تواخزوني ع الرد العنيف شويا.......بس هلأ عامل مشكلة .....ههههههههههه......و كمان ما تواخزني يا ست ام السعد اني طلعت عن الموضوع ........
المهم.....خلينا بالموضوع.........
انا برأي اللوم منو بس على الجماعة متل ما قلت......يعني اللوم ع كل الاسلاميين بالضيعة ..........
هادا بالمختصر و لنا حكي ان شاء الله ......
يعطيكن العافية.....
اخوكم دوكر المعوكر......................
lina k
27-11-2008, 11:06 PM
السلام عليكم ورحمة الله وبركاته:
بداية أشكر الأخت أم السعد على طرح هذا الموضوع.وبالنسبة لي,فانا أؤيد فكرة الأخ "دوكر" لأن الخطأ ليس خطأ الجماعة فحسب بل خطأنا جميعاً(جمعيات إسلامية ومسلمين في القلمون) لأننا لا ندعم الأعمال الإسلامية ونتبع الأشياء التافهة!! وأعتقد أنّ رفع الرايات الإسلامية واجب علينا جميعاً وليس فقط على الجماعة فمثلاً,يمكن لكلّ واحد منا رفع راية "لا إله إلا الله" على شرفته وأيضاً يمكننا زيادة ثقافتنا الإسلامية و........أنا لا أنكر أبداً أنّ هناك تقصير واضح من قبل الجمعيات الإسلامية في القلمون(كلّ الجمعيات دون إستثناء), ولكن لا يجب نسيان أنّ كلّ هذه الجمعيات منطلقة من أفكار إسلامية صحيحة ولا ينقصها سوى زيادة نشاطاتها على أرض الواقع لنشر هذه الأفكار.............(أنا بتأمّل إنوّ تقوم الجمعيات الإسلامية في القلمون بعمل شيء مميز لعيد الأضحى المبارك)........
إذاً, ما أردت قوله أنّنا جميعاً مسؤولين عمّا يحدث في بلدتنا.بالعامية, مثلاً بتلاقي واحد أو واحدة بخافوا الله وبيعرفوا الصح من الغلط بس مشكلتن ما بينخرطوا مع الناس يليّ بتكون باعدة عن الدين.وهادا شي غلط,لازم نحنا نساعد بعضنا البعض.......وكمان من ناحية تانية, لازم الجمعيات الإسلامية تعمل نشاطات بالضيعة وتدعي كلّ الناس ليستفادوا منا..........
وأخيراً,أكرّر شكري للأخت أم السعد وأتمنى ألا نحمّل الجماعة وحدها مسؤولية كلّ ما يجري في القلمون.....يعني أنا بفضّل يكون النداء موجّه لكلّ الجمعيات القلمونية ولجميع القلمونيين........
والسلام خير ختام.............
أبو حسن
27-11-2008, 11:16 PM
هذه المشاركة ردا على مشاركة الأخ دوكر
لن أردّ على الجزء المتعلق بـ"على من يقع اللوم، الجماعة أم غيرها" لأني لا أراه يعنيني حاليا... فأنا مش حاسب نفسي عليهم ولا على غيرهم...
وإنما سأرد على انتقاد الأخ دوكر لكلام الأخت باربي، والذي، برأيي، هو كلام سليم لا شائبة فيه...
لم تقل الأخت باربي، ولم أفهم من كلامها، أن الإلتزام هو بهجر الناس والمسجد والجماعة (أي جماعة المسلمين لا الجماعة الإسلامية) وتطبيق الدين لوحدنا، كما أوهم الأخ دوكر في ردّه، بل كلامها لمن تأمله هو أساس الحل لمشكلتنا... ألا وهو الإجتهاد في الإلتزام بأوامر الله وأخلاق النبي صلى الله عليه وسلم... ولا أظن أن هذا الإلتزام يكون بهجر جماعة المسلمين...
الأخت باربي وصّفت الوضع الحالي بشكل واقعي حين تكلمت عن تعدد الإنتماءات، ثم وضعت حلا للمشكلة... وهذا الحل أساسه "الإجتهاد" في التزام أوامر الله وأخلاق النبي صلى الله عليه وسلم...
تأملوا معي كلمة اجتهاد، ففيها كل عناصر الحل...
الإجتهاد على الصعيد الشخصي (زدت هذا القيد حتى ما يطلع حدا ويقول لي: الإجتهاد له شروط ووو... وكأنني أتكلم عن اجتهاد الفقهاء) لا الإتباع الأعمى... حتى الحركات الإسلامية الموجودة اليوم تفرض على أتباعها الإتباع الأعمى... (تجنبت كلمة تقليد حتى أخرج من المصطلحات الفقهية)
وكرد على عوكر، وحتى تتضح الفكرة أقول: أنا هنا لا أتكلم عن فكر الإخوان، وإنما عن تطبيقه على الأرض...
كثير من الأخوة يقولون لك: لا نوافق على قرارات الجماعة لا عقلا ولا شرعا، لكننا نلتزمها... فهل هذا من الإتباع الأعمى أم لا أخي دوكر ؟
أريد جوابا صريحا بدون أي دخول في التفصيل التنظيمي أو الحركي أو الحزبي...
خلاصة ما طرحه الأخ دوكر هو: أنك إنما أن تكون مع الجماعة أو أن تكون فردا لوحدك !
طيب، كيف كان حال المسلمين قبل ظهور الإخوان ؟ (بالطبع لا أقصد قبل ظهورهم بسنة أو سنتين...)
هل كانوا كلهم أفرادا لا يجمعهم شيء لأنه لا فكر حركي عندهم ؟
الإلتزام الصحيح هو الذي يجمع لا الحركة (وقد رأينا كيف أن الحركة هي التي تفرق أحيانا !)
قال لي أحد مشايخنا يوما كلمة جميلة كان لها أثر في حياتي، أنقلها بالمعنى:
حين يلتقي شابان مؤمنان، لا بد وأن تحصل الألفة بين قلبيهما، فإن حصل بينهما نفور، كان في إيمان أحدهما شيء. فحين تنفر من أخ تحسبه على حق وصواب والتزام، فتش قلبك لتجد ما ينغص عليك إيمانك والتزامك...
Barbie
27-11-2008, 11:35 PM
السلام عليكم و رحمة الله و بركاته ,
لأنو بدل ع عدم خبرة لالفكر الاسلامي......انا برأي كل واحد بحط ان الدين الاسلامي فاي يطبقوا لوحدو بكون غلطان .....و هيكا كلامك يفهم........
لكنني لم أقصد أنه بإمكان الإنسان معرفة كل شيء عن الدين و تطبيقه دون استشارة أحد .
و لكن المهم أن تكون الجهة التي سيأخذ برأيها أهل لهذه المهمة . ( أتكلم بشكل عام , و لا أقصد أن الجماعات الإسلاميه في القلمون غير أهل لذلك لأنني لا أعرفها حق المعرفه ) .
و لكنني مثلا ً أسمع العديد ممن يبتعد عن الحركات الإسلاميه في بلدتنا , بسبب سعيها وراء مصلحتها لا أكثر , و بسبب أسلوبهم .
الكلام عن ان الأنتماء الى افكار متعدد عادي.....انا لا اظن ذلك ست باربي.......الانتماء الى احزاب تحمل فكر عادي.....بس انتي بتظني انو في واحد بينتمي للمستقبل بكون حامل قضية ....متل ايام الناس لي كانت ماشيا مع فتح ......او متل القوميين ؟ ........لأ.......
أنا لم أدخل في النقاش حول ما إذا كان المنتسب لتيار معين , حامل لقضية !
بل ما رميت إليه أن لكل شخص تفكير خاص و لن يقتنع معي مثلا ً إن قلت له اترك هذا التيار لأنه ... ( مهما كانت الأسباب ) لأن عقول الناس اليوم لا تتغير و لا تتأثر بسهولة .
لذلك فمن الأفضل البدء بنشر الوعي الديني و ما يجب علينا فعله لمرضاة الله , و من ثم سيستقيم الفكر الخاطىء دون شك إن شاء الله .
فالضياع في الإختيار هو نتيجة لا أكثر لضياع الفكر الإسلامي .
فكرا تانية ......لأيش نحنا بنقاتل فكرة بلا ما نكون عارفين ايشيا ؟ .......يعني هلأ طلع فكر الاخوان اتباع اعمى......و تبعية مذمومة .....و ما بعرف ايش؟ ......
انا لم أقصد هنا اتباع الجماعة أو غيرها من الحركات الإسلاميه ( على العكس ) .
لأنني و بصراحة لا أملك الخبرة الكافية لتقيم المنتسبين لهم ( إن كانوا يتبعون بشكل أعمى أو لا ) , و بالتالي لن أتكلم عن شيء لا أعرفه جيدا ً .
ام السعد
28-11-2008, 12:46 AM
الموضوع يا أعضاء يا أكارم هو فشة خلق
وليس تهجمها على اي جماعة او جمعية وليس لتقييم عمل اية جماعة
المشكلة انو اللى بيقرأ في المنتدى بفكر انو القلمون كلها جماعة او اسلاميين
ولكن اللى بيمشي في شوارع القلمون , بفكر ان لا وجود لشي اسمه جماعة او اسلاميين
انا اللى بدي منكم يا اكابر القوم
ان نلاقي حل لغياب المظاهر او الشعارات او الصور الاسلامية
على العموم
أتشكر كل من ابدى رايه في الموضوع ( ابو حسن - باربي - دوكر - لينا )
واقتراح الاخت لينا جميل - دعوة الجميع الى اقامة عمل اسلامي مميز في عيد الاضحي ( مسيرة - مهرجان انشادي - افطار عرفة - رحلات - كرمس )
دخلت لأسجل اعجابي بما كتبت الأخت باربي
Nader 3:16
28-11-2008, 02:02 AM
ولا يهمك يا اخي..انا منّي و عليي كسرت العلم يلي علقوو عبيتنا!!!!!!!!!!!!!!!!!!!!!!..........بطلب من امّي........
و ما لي مروة كتّر حكي... بس دوكر ما كتير حكيو خرط مشطي!!!....
أبو تراب
28-11-2008, 02:07 AM
بداية بارك الله بكم جميعا على هذا الموضوع الممييز
وأخص بالشكر اخت barbie وأخي ابو حسن
أقولها كلمة وفي القلب حرقة:اذا بدكن تعرفوا الجواب، يوم الجمعة طلعوا صوب الجامع الجديد بتعرفوا الملتزمين بأيش مشغولين
(إذا ذل عالِم ذل عالَم)
Nader 3:16
28-11-2008, 02:12 AM
(إذا ذل عالِم ذل عالَم) والله هالعبارة لازم يكتبوها بماء الذهب.!!!!!!!!!!!!!!!!!!!!!!!!!!!!!
يا هلا بالجميع .........
هلأ كنت عم حكي المعلم ابو الحسن ع الخاص.......قلتلو هادا لي كنت متوقعو ......اني ما عرفت وصل الفكرة لي بدي اطرحا.......انا بالمشاركة السابقة ؤلت انو كلام الست باربي .......ما علي غبار ......بس منو بهيكا موقف .....المقصود .....انو نحنا هوني منا عم نحكي على اسس العمل الاسلامي و الفكر الحركي ........هوني نحنا عم نحكي او الموضوع انطرح .....انو ليش الضيعة مسميا على الجماعة او ع الاسلامين ككل مدالو ما في هل الجو الاسلامي الواضح.....و من خلال الطرح يمكن الست ام السعد كمان متلي ما عرفت تعبر ع لي بألبا......ؤم وصلت الفكرة انو الحق على الجماعة الاسلامية ........بخض النظر كني بقول انو الحق على الجماعة الاسلامية ....او كني بؤل انو الجماعة عم تنفر الناس او عم تخلق جو يبعد الناس عن الحركة ....أو هيا عم تعمل مشاكل ....او ....او .....لي هوا......بغض النظر عن هادا كلو .....بس هوني بالامختصر لحق على الساحة الاسلامية كلا......لحق عليك كأبن حركة اسلامية بالضيعة .....كنك مع العباد ....مع الجماعة .....مع اجيال ...مع السلفية ......مع لي هوا.........و لحق عليك و لو قلت انا مني مع حدا.........يعني من قهرتا الست ام السعد .......من قهرتا متل ما كلنا مقهورين انو صرا الضيعة شي مية سنة ما زينوا على العيد........يمكن السعد ابنا .........منو عم يحس بالجو تبع العيد لكنا نحس فاي نحنا و زغار...................ف من قهرتا قالت انو شوفو الصور .........و شوفو اليافطات .........يعني مشروع زغير متل لي طرحتو لينا .....انو كل واحد يعلق علم ....يعلق شي شغلة ...زينة ع بلكونون و شوف الضيعة كيف بتصير.............هادا ما بدو لا جماعاعت و لا شي .....انا و انتا و هوا و هي و هاداكا ....و هدوليكا......ما بدو اكتر من خمس اشخاص يقوموا بهل الخطوة و شوف الضيعة كلا بتغار..........و بتعمل .....و هوني الغيرة منا شي مذموم.........
بالمختصر هوني منا جاين نزت و نحط شماعات للأغلاط......بدنا حل.......و اذا كان الحل برأيكن انو نزت كل هل العالم ع البحر ما بنأصر......بس برأي مو هادا الحل....................
هلأ ت نطلع عن الطرح الموضوع و نفوت بالزوائيء لي فوت فيا .....زوائيء الفكر الحركي .....و نظرتي و نظرتك .....و نظرتون حول العمل الاسلامي .....و هيكلية .....و النظام .....من شان ما نؤل تنظيم...............ازا بدك يا معلمنا ابو حسن ......بنعلأ هوني ؟................هههه....ولا بمحل تاني ...........؟..............هلأ ما بعتأد اني بطلع نقطة بي بحر معلومات و تجربتك بهيكا مواضيع ...................بس ان شاء الله بدنا نحاول نفوت بهيكا نقاش .....معأنو طرح شي قريب ع هيكا موضوع ابلا ........من شان نستفاد من كلامكن......و من شان نسمع الأراء لي يمكن اليوم الواحد منا ما يتبناه دغري......بس بيوم من الايام بقول .....الله يوجهلو الخير فلان.....كان آدمي.....مات و تركلنا هل المعلومة لي فادتنا طول مسيرتنا بهل الدنيا.................
بس كمختصر.....و تعقيب ع الغموض لي حكيتو انا .....و لي ما عرفت وصل فيا فكرتي .......انا ما عندي اعتراض ع العام لي حكيتو الست باربي.........و المشكلة وين مكان هيا التطبيق......الفكر هو فكر مستقى من الكتاب و السنة .......بس المشكلة في طريقة التطبيق ....كنو كان عن الفرد الملتزم لي الحمد لله بأيامنا ....بنعرف نسفؤ محاضرة ....بس ما بنعرف كيف بعيشوا..........و كنو كان ع صعيد الجماعات .......و هو هادا سبب تدمير العمل الاسلامي .....بدك تتبنى رأينا غصبنعنك ......بس بدلو عندي كتير تحفظ ع شوية كلام .....هههههههههههههه......
يلا طولنا .......
يعطيكن العافية ........
اخوكم دوكر المعوكر........................
أبو حسن
28-11-2008, 10:32 AM
يا أخي دوكر...
منعلأ وين ما بدك... المهم نعلأ باحترام وما نئذي بعضنا بكلمة مسيئة...
نحنا هنا، لنتناقش ونستفيد من آراء بعضنا البعض وتجارب الجميع... فكل تجربة فيها فائدة...
وبصراحة، أنا لا خبرة لي أو تجربة كبيرة في موضوع الجماعات والحركات الإسلامية، ومن قرأ المقابلة التي أجريت معي أمكنه استنباط ذلك...
فاهتمامي الأساس، كان ومازال، منصبا على العلم الشرعي وعلى المطالعة...
فلا يناسبني أن يُقيّدني أحد بفكره ومنهجه وآرائه واجتهاداته...
حاولت التقرب من بعضهم في القلمون، فلم أستطع تقبل فكرة عدم قراءة كتب لفلان أو علتان، أو عدم مجالسة الشيخ الفلاني و عدم حضور دروسه، أو عدم الخروج عن قرارات معينة...
والبعض الآخر، يريدك أن تطالع كتب شرعية فقط، ممنوع عليك أن تقرأ أدبا أو شعرا ويستهزئون منك إن أبديت إعجابك بلوحة أو عمل فني...
حتى عباد الرحمن، الذين التحقت بهم كعمل اجتماعي، حين أرادوا إلزامي بقرارات وآراء معينة تركتهم...
هذا لا يعني أني أتصادم مع الجميع، بل على العكس، صرت على مسافة واحدة من الجميع، لا شيء يمنعني من إعانة هؤلاء أو هؤلاء في مشروع أقتنع به، ولا شيء يحول بيني وبين انتقاد أي منهم في شيء لم أقتنع به أو أرى فيه مخالفة...
هذه مداخلة مختصرة ردا على مشاركة الأخ دوكر الأخيرة... وبانتظار آراء بقية الأخوة لنناقش الأفكار الواردة في هذا الموضوع ومحاولة تشخيص مكمن المشكلة في بلدتنا وسبل حلها...
الزاهر
28-11-2008, 11:50 AM
المشكلة أخي أبو حسن وأخي دوكر والإخوة الأكارم ليست فقط في الجمعيات ... المشكلة أعم وأشمل ... هي مشكلة على صعيد أمة وشعب ...
بِسْمِ اللَّهِ الرَّحْمَٰنِ الرَّحِيمِ
سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ ﴿١﴾ يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ ﴿٢﴾ كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ ﴿٣﴾ إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ ﴿٤﴾ - من سورة الصف
فترى المبادئ والأسس والقيم التي قامت عليها هذه الفئة براقة لامعة رائعة ... لكن أين هي من الواقع والتطبيق !!! ... وترانا ندعوا إلى ما لا نفعل !!!
أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ ۚ أَفَلَا تَعْقِلُونَ ﴿الآية ٤٤ من سورة البقرة﴾ ...
فكيف تتوقعون ممن يَمْقتُ الله فعله أن يصعد سلم نجاح ... وأذكر بما بدأت به مشاركتي بأن المشكلة مشكلة أمة أكثر مما هي مشكلة فئة أو جمعية بعينها !!!
ثم ترانا نبخس بفلان وبعلتان وبالجمعية وبأهدافها ... ولا نبذل شيئا أبدا في سبيل الله عبر هذه الجمعية إما للمساهمة في قيامها أو لاستدراك خطأ معين أو من باب نصح أو تصويب.... وفي النهاية "ليكن ... أرطة كذابين منافئين شغلتهم الحكي بس!!!" ...
طيب ... هذه المشكلة ... أو جلها ... أو بعضها ... فأين الحل ؟
الحل في الإستزادة من العلم ليكون العمل صحيحا وخالصا وبتوفيق من الله عز وجل ... ثم العمل بما علمت والإلتزام بمسؤولياتك تجاه عملك كفرد أو كقيادي ... ولا بد _في الظروف الحالية_ من "خضَّة" كبيـــــــرة على مستوى الساحة المحلية لاستقامة العمل ليصبح على النحو المرجو !!! ... يمكن تكون هالخضة إنو نحنا الشباب، بعد ما نصير واعيين وعارفين إنو أي جماعة أو جمعية أقويمة كانت أو سقيمة .. لا يمكن أن تقوم إلا بهذا المكون السحري "الشباب" ، إنو نشكل ما يسمى بقوة ضغط فاعلة : بدكم الشغل يمشي بتمشو صح ... مشيتو صح كلنا معكم بالهم والعمل ... ما مشيتو صح ... السلام عليكم ... اشتغلو وحدكم !!! ... بس أبلة بدنا نكون منعرف شو هو "الصح"!!! ... فشدو الهمة يا شباب !!!
هلأ بيطلعلي الدكتور وسيم والحسون إنو كيفك بابا زاهر !!! ... أدعو نفسي قبل أن أدعو غيري !! ... وهذه قناعاتي .. وشباب = أنا منهم إن ما كنت أولهم !!!
أبو حسن
30-11-2008, 08:22 AM
أخي زاهر،
ما كتبته يشخّص جانبا مهما من المشكلة وتصوّر حلها...
لعلي أعود إليه لاحقا إن شاء الله...
شادي فقوعه
30-11-2008, 08:49 AM
كنت أتمنى أن لا يطرح مثل هذا الموضوع لأن القلمون فيها إسلاميون و علمانيون. و رغم ميولي الاسلامي أقول أن الجماعة لاتمثل إسلامية البلدة و أننا جميعنا إخوة و أقارب و أظن لو تم تأسيس لجنة لملاحقة من يقوم بأعمال فيها خلل إداري إن كان في البلدية أو غيرها من القطاعات التي تمثل البلدة رسميا. يكون أفضل و أنفع والله أعلم
أبو تراب
01-12-2008, 03:49 AM
أختي ام السعد ابشري خيرا بإذن الله، فسترين الرايات الاسلامية ترفرف عالياً في أراجاء البلدة
وصيحات المكبرين تعلوا في كل بقعة من على أرضها بإذن الله تعالى.
أيام قليلة تفصلنا عن عيد الاضحى المبارك، وسترين فيها ما يثلج صدور قوم مؤمنين
هي ليست حزبية ولا عصبية ولا سياسية ولا حركية ولا اي شيء سواء
إسلامية إسلامية إسلامية، وبإذن الله سوف تمتلىء سماء القلمون بأكثر من 200 راية
(لا إله إلا الله محمد رسول الله)
وسط التكبير والتهليل والتحميد
بجمع غفير من كافة أطياف المسلمين في القلمون
لن أطيل ولكن هناك مفاجئات كثيرة خلال الايام القادمة
والخبر ما ترون لا ما تسمعون
http://38.114.207.27/efdd759e67afa152414a870c17d94cc66g.jpg
شادي فقوعه
01-12-2008, 09:25 AM
أخي أبو تراب إن رفع راية لااله إلا الله محمد رسولالله-لاتكون في ألأعياد فقط ،بل في كل زمان ومكان ولا نتظر مناسبة سنوية لذلك،ومن سيمانع لو وضعت الراية على سطح بيتك مثلاً
SIRAH
02-12-2008, 08:09 PM
يا ام السعد اول شي بدي قلك انه القلمون منها جماعة اسلامية هيدا التفكير الرجعي كان زمان وما في شي بيضل على حاله ابدا يعني ما بدنا نضل واقفين على الاطلال
القلمون صارت من كل الاحزاب ومن كل الفئات وبنفس البيت بتلاقي كل اخ بينتمي لجهة معينة وهيدا ما بيعني الخلاف لا بس كل واحد له وجهته وانحيازه لفريق معين
بالنسبة للصور وللاعلام فانا بقلك انتي معك حق وانا فهمانة عليكي يعني ليش كل هلجماعات والاحزاب عم تشتغل وتقدم لاهل الضيعة الا الجماعة لا حس ولا خبر يعني منشوف المستقبل بين فترة وفترة بيوزع المساعدات والميقاتي كتر خيره عمل مستوصف وجامع يلي بيشوفه ماو متل يلي بيحكي هيدا غير عن انه بعت كتير على حسابه من اهل ضيعتنا على الحج واذا برمنا شوية منشوف اجيال بين كل فترة وفترة بتعمل نشاطات واخرها دورة الانكليزي يلي رح تبتدي بعد كم يوم وما ستقدمه هذه الدورة من افادة لابناء البلدة والامهات وخاصة انها مخصصة للكبار حتى سن ال50
ومنبرم شوية منلاقي مولد الكهربا يلي رح يضوي الضيعة 24 ساعة تقدمة من تيار المستقبل هيدا غير عن التعهدات والورشة يلي رح تنطلق بعد كم يوم ويلي من خلالها سيتم طلاء كل ابنية الطريق التحتانية الاوتوستراد القديم على حساب المستقبل
واكيد ما مننسى ما يقدمه ابو العبد كبارة من مساعدات لابناء البلدة وكمان الصفدي وغيرهم من الناس يلي من حقهن علينا اقل ما يمكن كلمة شكر مش اكتر والناس عم تشكرهن بيافطة على مفرق الطريق او على سطح منزل
وبالاخر بقلك العالم شبعت من الحكي وبدها يلي بيعطيها وبيساعدها هيدي الحقيقة يلي الكل لازم يفهمها ما بيهمني انت مين بس بيهمني انت شو عم تعمل شو عم تقدم ما بيهمهن يقعجو على الاطلال ويقولو ايام زمانات الجماعة شو عملت لان هني عايشين بالحاضر وبدهن شي ملموس ماو حكي مضي عليه سنين وصدقني لو دامت الك ما كانت راحت لغيرك
بحترم كل فئة وكل جماعة بالقلمون ونصيحتي الهن ما بيكفي تتمسكو بالاطلال والتاريخ والامجاد الفائتة لان العالم بدها الواقع وما بقى يهمها الا الحاضر والمستقبل
وبالنهاية بحب قلك ما بقى حدن بالقلمون اله مونة على حدن الاب ما اله مونة على ابنه وهيدا شي كتير مهم وعم نشوف بوادره ومظاهره بالاعلام يلي حضرتك عم تشوفيها ونحنا كمان وهي دليل على شي واحد (شو علمي شو انتمائي ) وبشكل علني ومش مخبى ابدا
ام السعد
05-12-2008, 03:35 PM
لا شفنا لا زينة ولا راية
شكرا للجميع على المرور
:1 (32):
شادي فقوعه
06-12-2008, 12:20 AM
لا شفنا لا زينة ولا راية
شكرا للجميع على المرور
:1 (32):
أختي الكريمة لماذا لا تضعين الراية على سطح بيتك أو على شرفت المنزل و تزينين بيتك ثم إن كان الناس محبين لما تفعلين فعلو الأمر نفسه
Powered by vBulletin® Version 4.1.11 Copyright © 2025 vBulletin Solutions, Inc. All rights reserved, TranZ by Almuhajir