رحلة إلى ...

[روعة]

كما الحج كل عام مرة,

الرحلة إلى معرض الكتاب كل عام مرة,

وكما يتجهز زائر الحرم بمال وعتاد, يتجهز هو بكل ما يملك من مال ويشد الرحال.

إنه اليوم الأول للمعرض, لكن الخوف مسيطر, ربما بيع كتاب من عهد خوفو لم يسمع به خلال طوافه الماضي.

السرعة تجاوزت المسموح, الذي بات مسموحاً, لسمو الهدف.

وصلنا, فإذا به يركن السيارة ويدخل كمحارب :)

لم ألحق به لأنه اختفى

ليظهر بعد ساعة :) لأن ماله قد اختفى!!!

ثم استهلك كل ما بقي معي أنا الأخرى (للأمانة فضل معي ألف)

وكم صرخ من مرة عند مشاهدة كتاب بسعر زهيد يعرف أن قيمته تعدل ما دفع 10 أضعاف أو يزيد.

وكان للأخ "نادر" النصيب الأوفر في هذه الرحلة, فكل كتاب كيميائي كاد يكون هدية له

حتى وقع الاختيار على الهدية الملائمة تماماً :)

أما الديون فتنتظر المساهمين :) في الهبات العلمية

[Nader 3:16]

يا عمّي شكاتبا؟؟؟؟؟؟ يا هد دياري...شصابها هالبنت؟؟؟؟

[الزاهر]

لك لك لك !!!!
أي معرض هاد .. طرابلس أم البيال ؟؟
ما بيزبط إلا بعز دين الإمتحانات !!!!
أخت هالحظ !!! :(

[عمار الفلو]

بالحجة الماضية انا كنت معكن بس هالمرة ممشي الحال , يلا فيني ساهم ماديا و بتكونو عملتوا عني حج بدل :1 (12):

بس بذكر المرة الماضية رحنا بعد هادي الايام لانو كنت مخلص امتحانات بوقتها و جبت كم شغلة

[Nader 3:16]

يا عمّي شكاتبا؟؟؟؟؟؟ يا هد دياري...شصابها هالبنت؟؟؟؟

الظاهر ما في غيري مني فاهم الموضوع....هادي ؤصة...خلينا نطلع بلا جرصة اولة الاستاذ ابو وسيم (ازدي الشيخ ابو وسيم )...:)

[أبو حسن]

باختصار شديد:

راحت هي وأخوها وسيم على معرض الكتاب...

[الزاهر]

باختصار شديد:

راحت هي وأخوها وسيم على معرض الكتاب...
وفيك تبدل التلت نئط تبعون أبو حسن بـ : و وسيم اشترى كتب بـ 0.5 كيلو دولار !!! :)

ما هيك ؟!

[Nader 3:16]

هلء فهمنا. المقصود هو الجنرال وسيم الفلو القيادي الجديد في اللجنة. ...وقول هيك من الاول....افتكرنا انو في شي لا سمح الله.

[وسيم أحمد الفلو]

جبنالو كتاب للمعلم نادر إسمو:

Introduction to quantums mechanics with applications to chemistry

بركي بينتقل من عالم ال chemistry الضحل الضيق إلى فضاء ميكانيك الكم الرحب الواسع

أيمتا بدك تستلم الكتاب؟

[محمد أحمد الفلو]

أما الديون فتنتظر المساهمين :) في الهبات العلمية


وهيدولي اخواتو

[روعة]

هناك سلسلات كتب للدكتور محمد راتب النابلسي شدتني كثيراً,

(جيبوون ع حساب المنتدى و عيرونا ياهن)

لمن يحب أن يقرأ كتاب بعنوان "يوسف أيها الصديق" للدكتور النابلسي بعيرو ياه.


و في كتاب عجبني جامع شعر ل "عمر بن الخطاب " رضي الله عنه في مواقف شتى حدا يجيبو ويعيرني ياه

[وسيم أحمد الفلو]

تمت المساهمة ب 200 $ من السيد عمار (وهي ديون سابقة له وقد أعفاني منها) ولكنه إشترط أن تكون المساهمة على 20 سنة للأمام نظراً لكحتنته.

نحن بإنتظار مساهمات البقية (صلاح سيشتري معي دفعة ثانية من الكتب إن شاء الله)

[Nader 3:16]

انا برأيي يتم التسليم بشكل رسمي....ان شاء الله بعد الامتحان....لأنو مني فاضي!!!....

[روعة]

في سلسلة أسماء الله الحسنى ما بذكر كم كتاب بس كل كتاب ب 10 $

وفي سلسلة الإعجاز في الانسان والنبات كتابين كل واحد تقريباً ب نفس السعر

والمعرض في بيال في بيروت

[الزاهر]

الحلو بالأصة إنو بخلص إمتحان يوم الجمعة ... يعني الفرصة الوحيدة إني روح يوم السبت .. أو عالعيد !!! ... هاد إذا كان لساتو فاتح ... وبيكون شبه فضي من الشي المهم وئتها !!!


شو وسيم ونادر ... بتروحو السبت ؟؟
وأمتن راجع رايح الدكتور وسيم ؟

[Nader 3:16]

جبنالو كتاب للمعلم نادر إسمو:

Introduction to quantums mechanics with applications to chemistry

بركي بينتقل من عالم ال chemistry الضحل الضيق إلى فضاء ميكانيك الكم الرحب الواسع

أيمتا بدك تستلم الكتاب؟

أين الكتاب يا وسيم؟؟؟؟؟؟؟؟؟؟
انا متأكد لو كان كتاب فيزيك كان وصلني من زمان....