تعلمي كيف تطوي التياب!!!

[الزاهر]

السلام عليكم


طول عمري بكره تطواية التياب، بس وأت شفت هالطريئة، ما بئا خلي حدا يمد إيدو على تيابي!!!

يالله يا نسوان....فرجونا شطارتكم. يمكن صعبة الواحد يتعلمها أول شي بس بس تعلمها ، خلص ، بتصير الأصة طبيعية.....ركزوا منيح منشان تتعلموها......ورح تدعولي كتيييير إن شاء الله!!!

وإنتو يا رجال.....إذا زوجكم أليلة مروة....ما إلكم أحسن من هالحل.....ما تسألو عنها....خليكم إنتو تتسلو بتطواية التياب!!!!.....صرت شوفها حلوة بعد ما تعلمت هالطريئة!!!

السلام عليكم

[الريس]

العما ، شو هذا ، اسا في نسوان هيك ، يا لطيف على الصينيات ، ان شاء الله تخد واحدة صينية يا حبيب قلبي يا زاهر .

[الزاهر]

يا ريت يا خيي....يا ريت!!!
بس المشكلة ما حدا بيعرف شو شكل دينهم!!!.....ما تؤوم بتاكل صراصير....بموت من أول يوم....من الأرف أكيد!!!!

بس لا تألي ما عجبتك هالطريئة......حلوة؟!

[Nadine]

طريقة كتير حلوة مشكور اخ زاهر

[الزاهر]

أهلا بكم....يالله .....علموها لأولادكم.....بيصيرو يحبو الشغل بالبيت والتنضيف والتطواية!!!!

[samer kouta]

والله صرلي يومين عمّ جربها و مُش عم تظبط. مع إنّي عندي خبرة :)
إذا حدا ظبطت معو بلييييييييز يخبّرني bass ok

[الزاهر]

ولك خيي.....شو بدها.....إذا عرفت تبلشها.....بس يتشبكو إيديك......رجعهم للموضع الطبيعي....وخلص.....ولك والله هينة......ما بدها شي.....ما بئا طوي تيابي إلا هيك.....عنجد ما عم تظبط معك؟!.....والله تعلمتها دغري.....ورفيئي كمان.....يالله، حاول أكثر أخي البطل.....طول عمرك زغرت!!! شوباك خيي؟؟ هيك بتعمل الغربة؟!!!!....يالله....إلى الأمام!!!
خبرني إذا رجعت ظبطت معك......

وإنتو كمان خبروني إذا حدا ظبطت معو أو لا......

سلام للجميع

[الزاهر]

لنرجع نعيش موضوع زاهر الدين ليستفادو منو الصبايا

[مايا]

:(a5 zaher tari2a ktir 7elwe bas ma 3am tezbat ma3i
:)bas ra7 dal waraha la7ata tezbat ma3i in she2a allah .
10x you

[الزاهر]

ولو ... بسيطة جدا

كل ما في الأمر البداية، عليكم اتباع التعليمات حرفيا وستنجحون إن شاء الله:


http://zaher.qalamoun.com/Forum/Pic-Tutorials/Folding.png


1- توضع القميص على طاولة كما هو موضح في الرسم تماما
2- نمسك (1) باليد اليمنى
3- نمسك (2) باليد اليسرى
4- نضع (2) فوق (3) مع الإبقاء على (1) في مكانه فتتشابك اليدان هكذا X وتكون يدنا الممسكة بـ (1) داخل القميص
5- نسحب (1) من مكانه لنمسك بالقميص متدلية بشكل عادي أمامنا
6- يصبح من السهل التوصل لبقية الخطوات بمفردكم ... بقي أن يوضع كم القميص الأيمن الذي يكون متدلي للأسفل حاليا تحت القميص وانتهت العملية

وهادي آخرتك يا إبن عامر ... عم تعطي دروس تدبير منزلي!!! ....:)

[مايا]

السلام عليكم ورحمة الله وبركاته
من بعد محاولة واحدة ومن دون ما شوف الصورة قدرت اعملها
بس عن جد كتيييير حلوة

[T a c o]

انا ما بحب طوّي ابدن بس رح حاول جرب هالطريقة ... مشكوووررر اخ زاهر ...
ابقا علّمنا كيف بيجلوا كمان ...
سلام ...