حزازير بالصور

[أبو تراب]

السلام عليكم إخواني الكرام أخواتي الكريمات
اليوم حبيت غير الصبغة يلي متّاخدة عني إني جَدي كتير وما بطرح إلا المواضيع الدينية على المنتدى يعني متل م بيؤلو بعض الناس(كلو دين دين دين ما في شويت لعب)
ف رح قول إنو آآآآ كلو دين بدين بدين بدين وحياتي وحياتكن لازم تكون كلها دين فالله عز وجل يقول(وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ)
ما يفهمه بعض الناس من الآية الكريمة انو الحياة كلها صلاة بصلاة بصلاة ،ولكن هاد الفهم هو فهم خاطئ،والتفسير الصحيح هو إنو (العبادة لا تتوقف فقط على الصلاة والصيام والقيام ووووو،وإنما تستطيع ان تجعل حياتك كلها عبادة من خلال تحسين النية وتحسين الظن بالله ،فمثلاً أنا فيني كون عم آكل أو نام أو إلعب ويلحئني ثواب اذا خليت نيتي هي <التقوية لعبادة الله> يا ليت تكون وضحت الفكرة)

ولأن حياتي وحياتكن لازم تكون كلها دين رح نفذ اليوم قول النبي صلى الله عليه وسلم
(روِّحو عن انفسكم ساعة بعد ساعة)
بس هالحكي منو معاناتو ساعة لك وساعة لربك،متل م بيؤل بعض الجهال.
لاء هالحكي معناتو انو حتى حياتك خليها كلها لله ،حتى لما بتكون عم تلعب(حسب النية).
مرح طول بالكلام
رح اطرح فكرة جديدة على المنتدى ،هي عبارة عن لعبة(حزير(ي) شو بتأصد الصورة ؟؟؟؟)
الفكرة هي انو أنا رح حط صورة ،وعليكن تحزرو شو بأصد منها (يعني يمكن يطلع شي مثل من الامثال الشعبية)
معكـ(ن)ـم يومين لتحزرو شو بأصد من الصورة ، وأنا رح جاوب يوم الثلاثاء بإذن الله .

وهَي الصورة
أول صورة رح حطها رح تكون هينة
ورح تصعب شوي شوي
يلا فرجونا شطارتكن
\\\\\\\\\\\؟؟؟؟؟؟؟؟///////////////
http://38.114.207.23/917ec7d5c90ef5f97279326e568803e86g.jpg
\\\\\\\\\\\؟؟؟؟؟؟؟؟///////////////

[وليد الأبيض]

السلام عليكم إخواني الكرام أخواتي الكريمات
اليوم حبيت غير الصبغة يلي متّاخدة عني إني جَدي كتير وما بطرح إلا المواضيع الدينية على المنتدى يعني متل م بيؤلو بعض الناس(كلو دين دين دين ما في شويت لعب)
ف رح قول إنو آآآآ كلو دين بدين بدين بدين وحياتي وحياتكن لازم تكون كلها دين فالله عز وجل يقول(وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ)
ما يفهمه بعض الناس من الآية الكريمة انو الحياة كلها صلاة بصلاة بصلاة ،ولكن هاد الفهم هو فهم خاطئ،والتفسير الصحيح هو إنو (العبادة لا تتوقف فقط على الصلاة والصيام والقيام ووووو،وإنما تستطيع ان تجعل حياتك كلها عبادة من خلال تحسين النية وتحسين الظن بالله ،فمثلاً أنا فيني كون عم آكل أو نام أو إلعب ويلحئني ثواب اذا خليت نيتي هي <التقوية لعبادة الله> يا ليت تكون وضحت الفكرة)

ولأن حياتي وحياتكن لازم تكون كلها دين رح نفذ اليوم قول النبي صلى الله عليه وسلم
(روِّحو عن انفسكم ساعة بعد ساعة)
بس هالحكي منو معاناتو ساعة لك وساعة لربك،متل م بيؤل بعض الجهال.
لاء هالحكي معناتو انو حتى حياتك خليها كلها لله ،حتى لما بتكون عم تلعب(حسب النية).
مرح طول بالكلام
رح اطرح فكرة جديدة على المنتدى ،هي عبارة عن لعبة(حزير(ي) شو بتأصد الصورة ؟؟؟؟)
الفكرة هي انو أنا رح حط صورة ،وعليكن تحزرو شو بأصد منها (يعني يمكن يطلع شي مثل من الامثال الشعبية)
معكـ(ن)ـم يومين لتحزرو شو بأصد من الصورة ، وأنا رح جاوب يوم الثلاثاء بإذن الله .

وهَي الصورة
أول صورة رح حطها رح تكون هينة
ورح تصعب شوي شوي
يلا فرجونا شطارتكن
\\\\\\\\\\\؟؟؟؟؟؟؟؟///////////////
http://38.114.207.23/917ec7d5c90ef5f97279326e568803e86g.jpg

\\\\\\\\\\\؟؟؟؟؟؟؟؟///////////////





الحب أعمى
:1 (32):

[أيمن غ القلموني]

السلام عليكم إخواني الكرام أخواتي الكريمات
اليوم حبيت غير الصبغة يلي متّاخدة عني إني جَدي كتير وما بطرح إلا المواضيع الدينية على المنتدى يعني متل م بيؤلو بعض الناس(كلو دين دين دين ما في شويت لعب)




بس شو هالقلبة هادي ، بدلت الصبغة من الديانة إلى الحب :1 (86):.

هينة ، أوافق الأخ وليد ، الصورة ترمز إلى أن الحب أعمى ;) بس الزواج بدو نظر:)

مشكور كتيررررررررررر.
الله يحفظك

[Warrior]

انا بقول واحد معمي على قلبو :) او واحد كبير بالعمر وقلبو ضعيف ما بيتحمل :) ، او واحد اعمى وحامل قضيب .


ومتل ما قال الاخ ايمن الزواج بدو نظر ثاقب :)

[أبو تراب]

له يا اخ ايمن انا ما بدلت من الديانة الى الحب
اساساً ومتل م بتعرف الحب اساسو من الدين اصدي الحب في الله

لك يا اخ warrior ركزلك عشي قول عميتني بأقوالك :)

[أبو تراب]

لك وينكن يا جماعة
شو دوكر فرجينا همتك

[Warrior]

له يا اخ ايمن انا ما بدلت من الديانة الى الحب
اساساً ومتل م بتعرف الحب اساسو من الدين اصدي الحب في الله

لك يا اخ warrior ركزلك عشي قول عميتني بأقوالك :)

خلص انا بقول واحد معمي على قلبو :)

[المحروم]

لان الحب اعمى الحب بضل بالقلب مهما كبر الشخص بضل موجود

[أبو تراب]

لك كبير يا اخونا المحروم
لك مدري ليش بس شوف اسمك بحس حالي رح إبكي وبشوف حالي مذنب

[the panther]

الصورة بتقول انو لما الشخص بصير كبير وبدو يمسك عصى بايدو ممكن يقل نظرو كتير منشان هيك لازم ياكل جزر
ولكككككككك مووووووووووووووو مزبووووووووووووووط؟

[hadid]

الصورة بتقول إنه الحب أعمى وبتقول كمانة إنو أبو تراب شكلو منو حيحط صورة غيرها !!

[باسم الحج]

يقول الله تعالى في كتابه الكريم: فإنها لا تعمى الأبصار و لكن تعمى القلوب التي في الصدور.

[محمد]

الحب لأصحاب التيار فقط ...... قولت حسين..... لأن لابس شحاطة زرقاء .......
أما بالنسبة للجواب : الحب أعمى ...... وفي كتير هلأ عم يفوتو بالحيطان من ورا هالقصص .....

[IRIS]

ya3ni machkour akhi aboul tourab fikra ktir 7ilweh 2ana bira2yi momkin tkoun al 7ob 2a3ma aw yajib an yakouna 7oubbouka fi llah 2a3ma ya3ni an toukaddima lahou jami3 ltad7iyat allati tastati3ouha wa choukran

[hadid]

ههههههههههههههههههههههههههههههههههههههه

[أبو تراب]

الله يبارك بالجميع
الجواب يا اخونا hadid
رح يكون يوم الثلاثاء

[أبو تراب]

يلا يا شباب ويا صبايا شدوا الهمة فاضل يوم واحد وبتخلص المهلة
وساعتها رح نعلن النتيجة
يا ترى مين الفائز بأول سؤال من السلسلة؟

[أبو تراب]

السلام عليكم
شكر كبير لجميع من شارك بهذه الفكرة وأعطاني جواب

جواب أول حزورة هو
http://img241.imageshack.us/img241/1430/3e08322abdqe3.gif
الحــــــــــب أعمـــــى


الفائز الأول :
الأخ وليد الابيض
الفائز الثاني:
الأخ أيمن غنوم
الفائز الثالث:
الأخ المحروم
الفائز الرابع:
جميع من جاوب بهذا الجواب

[المحروم]

وين الحزوره التانيه

[أبو تراب]

آ قريبا ان شاء الله
ولكن بسبب الاعطال التي حصلت في المنتدى تأخرت بوضع الحزورة التانية

[أبو تراب]

حـــ(رقــ(2)ــم )ــزورة


http://img67.imageshack.us/img67/5716/kerdqm0.gif
يلا فرجونـــ(همتكن)ــا

[أيمن غ القلموني]

مشكور أخ أبو تراب ، عنجد سلسلة حلوة .

الصورة تعبر عن : القرد بعين أمو غزال .

[أبو تراب]

الله يبارك فيك اخي ايمن
ننتظر جواب الاخوة
لك وينك يا استاذ المحروم حيطاناها للحزورة

[المحروم]

اكيد متل ماقال الاخ ايمن القرد بعن ستو غزال وامو وكل شي يعني كل شي بيعملو صح وحلو بس غيرو خطا
وما تواخذني خيي ابو تراب ما انتبهة انك حطيت الحزوره التانيه

[أبو تراب]

الله يبارك فيكم،ولا يهمك يا معلم المحروم
ناطر جواب الاعضاء الباقيين ، بتمنى من يلي ما جاوب لسا يعجل ويجاوب لان اقترب موعد الحزورة رقم 3

[sadik alkalamoun]

القرد بعين امو غزال بس بدنا حزايز اصعب اخي ابو تراب

[أبو تراب]

الله يبارك فيك اخي صديق القلمون
اكيد الحزازير الجاية رح تصعب
بس شوي شوي

[أبو تراب]

اعتذر من جميع الاخوة والاخوات على عدم اكمالي لموضوع الحزازير بالصور
واعلمكم اني سوف اتوقف عن متابعته لحين فك الحصار عن اخواننا في غزة
والله اكبر والعزة لله ولرسوله وللمؤمنين
فالاجدر بنا ان تكون جميع مواضيعنا تتكلم عن غزة

[ali hazim]

السلام عليكم ..............
أريد أن أحيي ألأخ أبو تراب على هذا الموقف الجميل والمسؤول :1 (11):
حسبي الله ونعم الوكيل...........................

[Arsenic]

با عمي مبينة
إرد ختيار و عين عم تشوف غزال و إرد عم يتسابئو..
سهلة بدنا لي بعدا..

[أبو تراب]

ا

السلام عليكم
بداية أهنىء الامة الاسلامية بإنتصار المسلمين في غزة العزة

وشكر كبير لجميع من شارك بهذه الفكرة وأعطاني جواب

جواب ثاني حزورة هو

القرد بيعن امو غزال
الفائزين بحسب تراتبية الأجوبة

[أبو تراب]

حـــ(رقــ(3)ــم )ــزورة

http://img89.imageshack.us/img89/6096/b33a01a818zg9.gif
هالمرة صعبت الحزورة لان في اعضاء طلبوا مني صعبا
يلا فرجونـــ(همتكن)ــا

[Barbie]

السلام عليكم و رحمة الله و بركاته ,

ربما الجواب هو : خبي قرشك الأبيض ليومك الأسود .

[اليمامة الحضرمية]

وأنا كمان بقول خبي قرشك الأبيض ليومك الأسود

اللعبة كتير حلوة

مشكور

[hadid]

السلام عليكم

أنا باعترف إنو الحزورة التانية أصعب وحدة وما عرفتها بس التالتة هينة ودغري عرفتها

يمكن لأنو فهمنا الطريقة وهي كل frame كلمة بيطلع معنا الجملة

موضوع حلو وفريد من نوعو يا مسيو أبو تراب سلمن

[Moon]

هينة كتير.... ليش عم تستهبلنا بهالحزازير البسيطة... بدنا شي على مستوى.. شي أصعب بليز....

[أبو تراب]

الله يبارك بالجميع
وما عجبتيني منك هالكلمة يا moon انا بحترم جميع الاعضاء بغض النظر عن اختلافي معن وما بستهبل حدا منن ،بانتظار اجوبة باقي الاعضاء