لؤم المرأة

[وسيم أحمد الفلو]

قالت لهُ...


أتحبني وأنا ضريرة ...


وفي الدُّنيا بناتُ كثيرة ...


الحلوةُ و الجميلةُ و المثيرة ...


ما أنت إلا بمجنون ...


أو مشفقٌ على عمياء العيون ...


قالَ ...


بل أنا عاشقٌ يا حلوتي ...


ولا أتمنى من دنيتي ...


إلا أن تصيري زوجتي ...


وقد رزقني الله المال ...


وما أظنُّ الشفاء مٌحال ...


قالت ...


إن أعدتّ إليّ بصري ...


سأرضى بكَ يا قدري ...


وسأقضي معك عمري ...


لكن ..


من يعطيني عينيه ...


وأيُّ ليلِ يبقى لديه ...


وفي يومٍ جاءها مُسرِعا ...


أبشري قد وجدّتُ المُتبرِّعا ...


وستبصرين ما خلق اللهُ وأبدعا ...


وستوفين بوعدكِ لي ...


وتكونين زوجةً لي ...


ويوم فتحت أعيُنها ...


كان واقفاَ يمسُك يدها ...


رأتهُ ...


فدوت صرختُها ...


أأنت أيضاً أعمى؟!!...


وبكت حظها الشُؤمَ ...


لا تحزني يا حبيبتي ...


ستكونين عيوني و دليلتي ...


فمتى تصيرين زوجتي ...


قالت ...


أأنا أتزوّجُ ضريرا ...


وقد أصبحتُ اليومَ بصيرا ...


فبكى ...


وقال سامحيني ...


من أنا لتتزوّجيني ...


ولكن ...


قبل أن تترُكيني ...


أريدُ منكِ أن تعديني ...


أن تعتني جيداً بعيوني ...

[Nader 3:16]

هادا من تأليفك يا وسيم؟؟ ولا كيف؟؟؟ بعدين عم تحكي عغيرك انو حاصر راسو بمواضيع النسوان!!.....

[محمد أحمد الفلو]

بيستاهل ... ليش ما عطيا عين وخلى عين ؟؟

بس أولكن كانت رضيت تاخدوا ؟؟؟

[وسيم أحمد الفلو]

هادا من تأليفك يا وسيم؟؟ ولا كيف؟؟؟ بعدين عم تحكي عغيرك انو حاصر راسو بمواضيع النسوان!!.....

إنو إنت طالعلي بالسحبة

أكيد منا من تأليفي.

أنا يا حبيبي مفي ولا مرا مشارك بالساحات التسائية، ثم هالموضوع مش للولاد الصغار : فيك نقرا بعد سنتين، هلأ إنتبه لدروسك ولمعبودتك الكيمياء (بس إنتبه ميفقع شي فلاكون ويطير عينك)

[أيمن غ القلموني]

أهلا بالأخ وسوم ، دلك أتحفنا بمواضيعك النسائية :):)


بيستاهل هالشب ، آل يا مأمن للنسوان متل المأمن للمي بالغربال.

[مايا]

السلامة عليكم ورحمة الله وبركاته
فعلا إن كيدهن عظيم

[وسيم أحمد الفلو]

طلع هيدا شعر لنزار القباني بحسب الأخ سامر قوطة

[it's ha]

السلام عليكم
أنا حابّه قول انو القصة هي مبالغ فيها يعني أقصد:
انو ما في ولا شب بهالايام أد ما كان بحب بنت معينة بشيل عينيه وبيعطيها هني ومن ناحية ثانية رح يبين كمان انو ردّالمرأة كان مبالغ فيه لانو رفضتو بعد ما أعطاها عينيه .فهذا بنظري لا يبين لؤم المراة حتى من خلال هذه القصيدة .
أنا مش ضد الرجل ولا مع المرأة أنا حل وسط اذا كان في شي منطقي قال شال عينيه التنين قال ,
بعدين رح قلك شغلة اذا الشب بهالايام كان متزوج من امراة صالحة وجميلة وخدومة ورزق منها الاولاد وبعدين قال بدو يطبق الشرع انو يتزوج غيرها لانو ربنا سبحانه وتعالى بقول هيك لك ما تقلي منن حافظين من القرآن الا هيدي
في هذا الموقف انتا شو بتسمي هيدا لؤم ولا شو ؟

[Nader 3:16]

إنو إنت طالعلي بالسحبة

أكيد منا من تأليفي.

أنا يا حبيبي مفي ولا مرا مشارك بالساحات التسائية، ثم هالموضوع مش للولاد الصغار : فيك نقرا بعد سنتين، هلأ إنتبه لدروسك ولمعبودتك الكيمياء (بس إنتبه ميفقع شي فلاكون ويطير عينك)

مين الك اني اريت الموضوع...اصلاً كل هالشغلات سخافة بحسها!!!....تكتير حكي و بس....!!!..

ولك انا عندي فلاكون الأسيد بتسوى كل بنات الدنيا..سااااااااااااااااااااامع!!!!!!!!!!!!!!!!!! !!........

[وسيم أحمد الفلو]

يعني علقت بلا متقرا!!!!!!

ناطرين مشاركاتك القيمة وغير السخيفة (من أمثال الدووووععععععععع) في ساحة العلوم

[Warrior]

وصلتني هذه القصة ولكن باللغة الانجليزية الظاهر الاخ وسيم مترجمها بارك الله به .

[Warrior]

تعليقي هو ان الشب مستعد يضحي بالغالي كرمال حبيبتو وهي اخر همها وما بتقدر شي .

وهذا يوضح ان الحب عند النساء مرتبط باسباب اذا اختفت الاسباب اختفا حبهم يعني اذا كان الشب معو فلوس اذا فلس بطلت تحبو ، اما اذا كان الشب حلو وصار معو حادث بطلت تحبو او بتحبو لان جسمو حلو وطلعلو كرش بطلت تحبو ،اما الرجل حبه صافي وشفاف فهو يحبها لانها هي الكائن الجميل والحساس ......

[وسيم أحمد الفلو]

يا أخي أنا مترجمتا

كما قلت لكم أنا وصلتني من صديق، وحسب الأخ سامر قوطة طلعت لنزار قباني

[Warrior]

يا أخي أنا مترجمتا

كما قلت لكم أنا وصلتني من صديق، وحسب الأخ سامر قوطة طلعت لنزار قباني


http://forum.qalamoun.com/attachment.php?attachmentid=1379&stc=1&d=1230311972

[وسيم أحمد الفلو]

كلامك صحيح وأنا لم أنكره

لكن هل حقاً الشعر لنزار قباني؟

[Warrior]

كلامك صحيح وأنا لم أنكره

لكن هل حقاً الشعر لنزار قباني؟


والله الظاهر الو بس ما لقيت مرجع ادبي بأكد هذا ، الكل ناقلها وقايل انها لنزار قباني .

رح برم بعد نتفه .

[الزاهر]

بتسمحلي دكتور وسيم سجل اعتراض على عنوان الموضوع ؟
فـ الـ التعريف في "المرأة" تجعل الأمر شاملا كل بنات آدم .. والأجدر أن يكون "لؤم امرأة" ... ما هيك ؟

[أيمن غ القلموني]

بتسمحلي دكتور وسيم سجل اعتراض على عنوان الموضوع ؟
فـ الـ التعريف في "المرأة" تجعل الأمر شاملا كل بنات آدم .. والأجدر أن يكون "لؤم امرأة" ... ما هيك ؟





لش؟؟؟
إذا كان الأكترية لئيمين ، فيمكن هذا المقصد

[Nader 3:16]

يعني علقت بلا متقرا!!!!!!

ناطرين مشاركاتك القيمة وغير السخيفة (من أمثال الدووووععععععععع) في ساحة العلوم



شايف يا معلم....في موضوع علمي حضرتو و طرحتو بمنتدى تاني و عنجد دار نقاش علمي كتير حلو...لأنو ما حدا هونيكا بيستحقر الشيمي متلك.
وعفكرة استفدت من احد الأخوة هونيكا بمعلومات حلوة و شرحلي نظرية وفهمتها.

وناوي ان شاء الله اطرح موضوع هون بس عم حضروا...ولشوف كنو بتستاهل نطرحوا .

عفكرة مبارح علقت مع عمتك نجوى كمانا...قال الشيمي كلو h2o و مجري ايش قال الفيزيك كلو اختراعات و اكتشافات...يعني العقيدة الفاسدة ممتدة في جذور العائلة الشريفة.

بس هالبنت لئيمة يا زلمة.

[وسيم أحمد الفلو]

يا حبيبي إذا أنا هاجمتلك الشيمي، ففي غيري كتير بالمنتدى مستعدين لسماع ما تكتب، فتفضل كتوب.

بسطني كتيير إنو عمتي نجوى (حفظها الله) على العقيدة الصحيحة والمحجة البيضاء التي لا يزيغ عنها إلا هالك.

[أبو حسن]

كلامك صحيح وأنا لم أنكره

لكن هل حقاً الشعر لنزار قباني؟

بدون أن أنظر في ديوان نزار... لا يمكن أن تكون هذه القصيدة له، لا لغة ولا أسلوبا ولا معان...

[Warrior]

بدون أن أنظر في ديوان نزار... لا يمكن أن تكون هذه القصيدة له، لا لغة ولا أسلوبا ولا معان...

فيك تعطينا تاكيد موثق ؟