بلا أخلاق !!!

[الريس]

أول شي مرحبا

تاني شي كيفكن ، ان شاء الله مناح ؟

تالت شي أنا حابب اسأل سؤال ، ليش هالولاد عم يطلعوا بلا أخلاق ؟ كل واحد بقللك أنا عم ربي ولادي و.... بس بالآخر بيطلعوا بلا أخلاق ، وحتى انو بعضهم ولاد مشاييخ وناس دينين ، بس للأسف المسلمين ما بق يعرفو من الدين الا قصة نوح ، كل ما تقول لحدى ليش مش مربي ابنك بقللك لحو ابنو لنوح كان كافر .
يعني بكون الواحد أو الواحدة منهم دايرين كل النهار وما بفوتوا على بيتهم (على فكرة حتى الدينين في منهم بكون مندار ، بس بكونوا مندارين على الدعوة و...) وبلآخر لما بيطلعوا الولاد بلا تربية بقللك ابنو لنوح ، يعني أنا بدي اسأل منو عيب انو يكون ابنو لطه الصابونجي بيمشي بالسيارة يلي معلق عليها اشارة دار الافتاء وهو عم يعلق مع الناس ويسبلهم ، وهو ما فيه شي بيشبه الدين ودار الافتاء بشكل من الأشكال . عيب ولا لأ ؟ جاوبوا شبكون ساكتين ؟

حابب أعرف شو الأسباب يلي بتخلي الولد يطلع بلا أخلاق ، علما انو يلي بلا أخلاق ، ما ضروري يكون بلا كل الأخلاق ، يعني بتلاقي ولد بيحترم الأكبر منو ، هذه شغلة منيحة ، بس مش هيدي كل الأخلاق ، يعني من ناحية تانية بتلاقيه شاييف بحالوا و....

فرجاء كل واحد بفوت بيقرأ هذا الموضوع ، سواء كان موج أو لأ ، يكتب شو هي الأسباب يلي بتأدي انو الولد يطلع بلا أخلاق .
وكيف منعالجها ؟

[الزاهر]

يا أخي ....

الحمد لله مناح....كيفك إنت

والله يا أخي أنا باعتقادي أن من أهم عناصر المشكلة هو.......التلفاز.....لأن ما في بنت "عر..." بالدنية ما بتطلع وبتصير "......" إدام هالشباب المعتريت.....
والأفلام.....أحشم فلم ما فيه أقل من "......".....وهاد عالقنوات العربية!!!!
وأحلى برنامج ما في أبخيخ من هيك....سوبر ستار ....ستار بطيخ.....!!!!
ولك المسلسلات السورية صارت "......"!!!!!
ومن أصل شي 400 قناة على النايل سات مثلا فيه 560 واحدة أغاني وناقص 100 قناة بياخات والناقص 60 الباقية بينحضر عليها!!!!
منشان هيك صرلي أكتر من شي سنة ونص ما مدور التلفزيون---بيكفيك الأخبار على النت...أسرع....وأئمن....!!!


بدك حل.....والله الحل أكبر مني ومنك بهالمجال.....ببساطة....ما عندي حل.....
يالله .....هدا يعطينا سبب تاني

سلام

[Nadine]

العوامل والأسباب التي تؤدي إلى انحراف الأولاد وزيفهم وفساد أخلاقهم

الفقر الذي يخيم على بعض البيوت : مما يجعل الولد يلجأ إلى مغادرة البيت بحثاً عن الأسباب وسعياً وراء الرزق فتتلقفه أيدي السوء والجريمة .


النزاع والشقاق بين الآباء والأمهات : فالولد حين يفتح في البيت عينيه ويرى ظاهر الخصومة سيترك حتماً جو البيت القاتم ويهرب ليفتش عن رفاق يقضي معهم جل وقته


حالات الطلاق وما يصحبها من الفقر: فالولد عندما يفتح على الدنيا عينيه ولا يجد الأم التي تحنو عليه ولا الأب الذي يقوم على أمره ويرعاه فإنه لاشك سيندفع نحو الجريمة ويتربى على الفساد والانحراف لاسيما عند زواج الأم


سوء معاملة الأبوين : من الأمور التي يكاد يجمع علماء التربية عليها أن الولد إذا عومل من قبل ابويه ومربية المعاملة القاسية وأدب من قبلهم بالضرب الشديد والتوبيخ القارع فان ردود الفعل ستظهر في سلوكه وخلقة مما قد يؤول به الأمر إلى ترك البيت نهائياً للتخلص مما يعانيه من القسوة والمعاملة الأليمة


مشاهدتهم أفلام الجريمة والجنس : في القنوات الفضائية الفاضحة والتي تبث السم الزعاف وأيضاً من خلال ساحات الانترنت التي جعلت من عالمنا كقرية صغيرة وغيرها من الرويات الهابطة والمجلات الماجنة والقصص المثيرة ومن المعلوم بداهة أن الولد رغم اكتمال عقلة لاتزال هذه الصورة تنطبع في ذهنه وتتأصل في مخيلته هذه المشاهد فيعمد حتماً إلى محاكاتها وتقليدها بحيث لا ينفع معه نصح الآباء أو توجيه المربين والمعلمين


تخلي الأبوين عن تربية الولد : إذا قصرت الأم في الواجب التربوي نحو أولادها لانشغاله مع معارفها وصديقتها واستقبال ضيوفها وخروجها من بيتها وإذا أهمل الأب مسؤولية التوجيه والتربية نحو أولاده لانصرافه وقت الفراغ إلى اللهو مع الأصحاب والخلان فلاشك أن الأبناء سينشؤون نشأة اليتامى ويعيشون عيشة المتشردين
ليس اليتيم من انتهى أبواه من ***** هم الحياة وخلفاه ذليلاً


أيها الأب الكريم هذه أهم أسباب الانحراف فهي كما ترى عوامل ضارة فإن تداركت الولد في مقتبل العمر وسعيت لتربيته تربية إسلامية حقة وإلا فقد ينشأ على الفساد ويتربى على الانحلال والضلال مما يصعب عليك اقتياده إلى الطريق الصحيح بعد انفلات الزمام
قال تعالى ( يا أيها الذين آمنوا قوا أنفسكم وأهليكم ناراً وقودها الناس والحجارة .... )
وقال صلى الله عليه وسلم ( مامن عبد يسترعيه الله رعية يموت يوم يموت وهو غاش لرعيته إلا حرم الله عليه الجنة ) رواه مسلم
اللهم وفق أبناء الإسلام لما تحب وترضى واهدهم إلى الصراط المستقيم وأحميهم مما يريده أعداء الإسلام لهم

[الريس]

مشكور يا زاهر ، ويا نادين على هذه المشاركات ، بس ما بعرف حاسس انو هذا الكلام صار تقليدي كتير وكل ما ينحكي بموضع التربية عم ينعادو هدال هنة ذاتهم وما عم نوصل لمحلّ ، يعني معليش يا ناديين ، بس في ناس كتار ما بخلوا ولادهم يحضروا تلفزيون ، والأهل ما بيعلقوا مع بعضهم أو .... بس بتلاقي انو الولد بلا تربية وبلا أخلاق .
يعني في شي احنا ما عم نعرف نعملوا بالتربية ، في مراحل عم انط عنها و...... وفي شغلات منعملها وما بكون وقتها أو ......
يعني مثلا ليش البنت يلي عمرها تلات سنين وخمس سنين ليحجبوها ، طيب ما هذه رح تطلع معقدة من حالها ، رح تضلها عايشة غريبة عن رفقاتها و... يعني معليش الولد اذا حرمتوا من طفولتوا رح ينعكس هذا الشي سلبيا على التربية .

احنا بدنا هيك أسباب ، بدنا نعرف الأسباب الغير مباشرة و ...........

[Warrior]

اذا كان الاهل كتير متشددين فيوجد مشكلة والعكس اذا كان الاهل متساهلين كتير كمان مشكلة
يوجد مراحل يمر بها الولد وبكل مرحلة يجب على الاهل واجب اعطاء الولد المعلومات الازمة له حتى يجتاز هذه المرحلة حتى ينتقل الى المرحلة التالية بسلام وقد اخذ المطلوب من الدين والتربية الصحية والثقافية ، فاذا تأخر الاهل فالولد سوف يتأخر، والكثير من الاهل عندهم اهمال من هذه الناحية تاركين للشارع واجب التربية وتاركين للمعلومات تصل لاولادهم عن طريق الصدف .انا بعتقد جوهر المشكلة عند الاهل باختصار شديد ، انا بعرف عالم تركو شغلهم ومالهم في بلاد الغربة بسبب اولادهم وتربيتهم بمجتمع ولو كان شبه محافظ .

[moustafa]

ما الهم علاقة الاهل......... السبب المباشر هو المجتمع الفاسد و المفسد

[Nader 3:16]

الأهل_الاصدقاء-المجتمع-الاعلام.....

[الزاهر]

أخي الريس...بدك رأيي بصراحة......
طيب!!!......هات لنشوف.....

أنا أعتقد و "بليف" أن الولد عندما يولد يكون أشبه بالكوب الممتلئ إلى 10 بالمئة.....
وينسكب في هذا الكوب من الأهل والمجتمع والمهيط والمدرسة ووووو......فتتفاعل كل هذه المكونات لتنتج المحلول النهائي الذي يكون شخصية الولد......فإذا نحن (وبكل صراحة أقولها) لا نملك أي سيطرة على الولد.........لأننا لا نستطيع أن نسيطر على التفاعلات التي تحدث داخله.....والتي، بنتيجتها النهائية، تكون شخصية الولد......فالسبب وراء كل هذا الفساد,,,,,أن الفساد الذي يتلقاه الولد أكثر من الخير الذي نعطيه إياه.........

بدها كم دوكتورا فلسفة وكم واحدة كيمياء......بسيطة!!!!

[omomar]

السلام عليكم يا جماعة ،انا بعتقد انه الموضوع المطروح كتير مهم وكلنا امهات وعم نسأل نفس الشي.

[أم سفيان]

باعتقادي أن السبب الرئيسي هو غياب القدوة
الرسول عليه الصلاة والسلام كان قرآنا يمشي على الأرض كما قالت عنه عائشة رضي الله عنها لذلك تخرج على يديه جيل قال عنهم الله عزوجل "كنتم خير أمة أخرجت للناس"
لنكن صريحين مع أنفسنا
نحن لم نترب التربية الإسلامية لذلك فاقد الشيء لا يعطيه
ولا أقصد هنا فقط تربية الأهل بل تربية المجتمع ككل
نرى الشيخ اليوم يكلمنا عن الزهد ويصف لنا ثوب عمر رضي الله عنه عندما استعاد القدس كما يصف لنا جهاز فاطمة رضي الله عنها عندما تزوجت والتأثر يبدو واضحا على وجهه (وفتش نبش ) تجد أن الثوب الذي يلبسه بالمئات إن لم يكن بالآلاف والبيت والسيارة وووو
كذلك بالنسبة للمشايخ الذين يتهجمون على بعضهم البعض بالعبارات البذيئة (الكلب العاوي) أي انطباع سيعطوه لطلابهم وأي أخلاق سيورثوها لهم
إذا كان المشايخ كذلك فكيف بالبسطاء
قلي بالله عليك إذا كان الولد يسمعنا نتكلم عن زيد وعمر ونغتاب في الناس ليل نهار وهذه الآفة منتشرة بكثرة في القلمون فكيف له أن يتربى على عدم الغيبة
أما عن الأساتذة في المدارس فحدث ولا حرج
العلة تكمن في الكبار قبل الصغار

[الزاهر]

ولك لو في أم سفيان تانية بالعالم لكانت آمت القيامة.......

شكرا لك أختي أم سفيان على هذه اللفتة المهمة....طيب....بدل أن نسأل ما هو السبب.....يعني تقريبا عرفنا شو السبب.....صار لازم نتكلم عن "كيف الحل؟!"
هل بتسمحلي أخي الريس إنو ادم هالإقتراح......ناطر موافأتك!!!

السلام عليكم

[الريس]

أول شي بتشكركم على هذه الردود ، وتفاعلكم مع الموضوع ، وان شاء الله ما نكون عم انضييع وقتنا ونطلع من هالنقاش بفوائد عملية نترجمها على أرض الواقع في أسرنا ، وننقلها إلى باقي الأسر سواء بنصحنا لغيرنا ، أو بأن تتكلم المرأة المتزوجة مع رفيقاتها و..... فللأسف أنا أشعر أن الحوار غائب جدا في بلادنا ، واذا قلنا بالحوار فإنه يفهم تلقائيا بأن موضوع الحوار سيكون حلو المحكمة وهل التفجير كان فوق الأرض أو تحت الأرض و... لا يا اخوة نحتاج إلى أن يناقش الولد مع رفيقه كيف يمضي شبابه و..... والى أن تناقش الأم مع رفيقتها كيف تربي أولادها و.... وإلى أن يناقش الأب مع رفيقه ...... والمعلم مع زميله و........ وكل أطراف المجتمع يجب أن تتحاور مع بعضها ..... أولا تربية الأولاد ليست بالمسألة السهلة أبدا ، وخلال عملية التربية ستأتينا المصاعب والمشاكل والفتن من حيث لا ندري ، ولكن الأم البطلة هي التي تحسن رد هذه الفتن بكل سهولة ، وتحسن حل المشاكل والعراقيل التي تعيق عملية التربية بكل سهولة . أوردت الأخت الفاضلة أم سفيان فكرة تؤدي إلى الخلل في التربية وهي التناقض بين القول والفعل ، وتحدثت أن هذا الخلل ليس موجود في الأمهات والآباء فحسب بل انتقل ليصل إلى بعض المشاييخ حتى ، للأسف . وهذا كلام للأسف صحيح . ولكن اذا أردنا البحث عن حل لهذه المشكلة ما هو يا ترى ؟ أنا برأيي أن الحل يبدأ من لحظة انتقاء الزوج ، أو الزوجة ..... فالرجل الذي يقبل بمرأة تغتاب أمامه رفيقاتها و...... فهذا يبخس أطفاله حقهم بالحصول على تربية فاضلة من أم صادقة فيما تقول ، ليس أما تمسع لأولادها كتاب دين بلسانها وكل جوارحها تشهد عليها ، ليس أما تحدث أولادها عن الاخلاق الفاضلة و..... وعندما تغضب خلال تدريس ولدها يتحول المنزل إلى حديقة حيوانات ، وتصف ولدها بكل الأوصاف الشنيعة و...... على الرجل أن يحسن اختيار زوجته ، وأن يحسن التعرف على شخصيتها خلال فترة الخطوبة ، وكذلك الفتاة ، ليس عليها أن تقبل بأول رجل يأتيها مخافة التعنيس و.... بل عليها أن تعلم أن زوجها سيكون معينها في تربية أولادها ، وأن سوء معاملته لها أمام الأولاد هي أكبر تهديم لبناء شخصية الولد السليمة ، عليها أن تحسن التعامل مع الشاب خلال فترة الخطوبة وأن لا تتدلع كثيرا عليه و.... بل لتبقى على طبيعتها ولتتكلم معه بعقلانية لتتعرف على كيفية تفكيره و أخلاقه و... اذا الحل الأول هو حسن اختيار الزوج والزوجة لبعضهم البعض ، أما الهدف الثاني فهو المحاسبة التي تلي الزواج ، فالرجل الذي يرى خطأ من زوجته وتناقض في سلوكها فعليه أن ينبهها والأمر نفسه بالنسبة للمرأة ، فعليها هي أيضا أن تعظ زوجها وأن تنصحه في تحسن خلقه و... يعني المرأة عندها زوجها يلي بتأثر من خلالوا بالرجال ، يعني فيها تقلو (مش هذا الريس الأمور يلي خدتو أنا ، أنا خدتك الريس الفهيم صاحب الأخلاق الحلوة و.... ليش عم تعمل هيك يا ابن عمي ، أنا ما بدي ياك تكون هيك يا ابن عمي ...) كما ان الولد يجب تعليمه وتربيته على قول كلمة الحق ، وعدم التأثر بالأشخاص والبحث عن الحق دائما ، يعني خلونا انحفظ الولاد قول علي -رضي الله عنه- "لا يعرف الحق بالرجال ، اعرف الحق تعرف أهله" ، خلونا انعرف الولد انو الأهل معرضين للأخطأ ، وانو المعلمة معرضة للخطأ ، وانو ما في انسان مش معرض للخطأ ، وانو الولد لازم يحكي كلمة الحق وينبه على الغلط وين ما شافو . لحد هلأ هذه التربية كلها مبادئ عامة ، يلي ما بيعرف يربي هو يلي بجي لعند الولد وبصير يعطيه هذا الكلام بشكل خام كما طرحته أنا ، أما الأم البطلة يلي بتعرف اتربي ، هي يلي بتصيغ هذا الكلام من خلال عدة وسائل وتعطيه لولدها ، قد تكون الوسيلة رسمة يلونها الولد وتحمل بعض هذه المعاني ، أو قصة تحكي الأم لابنها بكل حنان قبل نومه ، أو أنشودة أو فيلم كرتون ، أو ...... كما أن الخلل في التربية هو أبعد من هكذا أيضا ، فليس الخلل مقتصرا على التناقض في شخصية الهيآت القائمة على تربية الولد من أم وأب ومعلمة و... رغم أن هذه آفة كبيرة جدا . أنا من الخلل الذي ألاحظه عند البعض ، هي غياب عملية التربية جزريا ، يعني بيخلق الولد بتضل الأم اتلعبوا ، واتغيرلوا واتحمموا ، وبس يكبر شوية بودوه على المدرسة ، فبصير يفيق ينتع شوال الكتب على ضهرو ، ويروح على المدرسة وبس يرجع بكون هشلان ، فببلشو فيه بالdictée والـ poésie وما بعرف أيش ، واشنو بكفي ، بكون هلك ، فبوجو على التخت ... يعني الاحتكاك العاطفي والتربوي بين الأهل والولد مش موجود أبدا ، في احتكاك تربوي مادي ، يعني بمجال الدرس والأكل والشرب واللبس و.... بس الأخلاق و...... ما في أي شي . وللأسف حتى عند العائلات يلي بتقول انو بدها اتربي ، فما عم تحسن التربية ، يعني في نسوان مفكرين انو الولد بكون صار مربى اذا جاب أعلى علامة بالصف ، أو ....... يعني الاجتهاد والشطارة والذكاء شغلة مطلوبة ، بس وحدها ما بطعمي خبز ما بتكفي ، شو في يا أمهات ، شوفو اديش في دكاترة بكونوا بلا اخلاق أو مهندسين أو ...... في ناس كتير متعلمين ، بس مع كل هذا أخلاقهم زفت .
كما انو للأسف الملتزمين كمان عم يظهر انو ما عم يعرفو يربو ولادهم ، بس هدال ما بعرف وين الخلل يلي عندهم ، بطلب من يلي عندو معلومات ينورنا .

ومشكورين .

[الريس]

مشكور يا حبيب قلبي وسيم على المرور ، وعلى هذه المشاركة الراقية

[محمد أحمد الفلو]

حدث النبي صلى الله عليه وسلم الأحنف بن قيس رضي الله عنه (والذي ساد بني قيس بحلمه وعدم انفعاله) فقال له: "إن فيك خصلتان يحبهما الله ورسوله: الحلم والأناة، (أي عدم الغضب وعدم الاستعجال)"، فقال الأحنف رضي الله تعالى عنه: أهما خصلتان تخلّقت بهما؟ أو هما خصلتان جبلني الله عليهما؟ (أي فطرية أم مكتسبة؟)، فقال صلى الله عليه وسلم: "بل هما خصلتان جبلك الله عليهما"

وكمان الأمر نفسو بينسحب على باقي الصفات .
فمشان هيك أنا باعتقد إنو الأخلاق بتتنمى مع الممارسة , بس بتكون تقليد مش أصلية.
يوضح الحديث الآخر: "إنما العلم بالتعلّم وإنما الحلم بالتّحلم"
وبأكتر الأحيان بتبين على أصلا وقت الحم
ئ.
كمان مشان هيك بتلاقي كل عيلة عندا طبع معين:
شي سئيل, شي مهضوم, شي جفص, شي رايق

فترباية الولد بتبلش مع إختيا ر الزوجة لأبو ولادها ( العرق دساس) .
ومن إختيار الزوج لأم ولادو ( طب الجرة عتما , البنت بتطلع لأمها).

بس في استثناآت , أكيد
والله ورسوله أعلم

[الريس]

حبيب قلبي حميطون ، مشاركتك حلوة ، وأكيد ما حدا بينكر انو طبائعنا أكثرها إن لم يكن كلها ، اكتسبناها أول ما خلقنا ، يعني النسوان بكونوا بيعرفوا ، أحيان بكون الولد بألب بطن أمو قاعد على رواق من أحلى ما يكون وأحيان بهشلها هو بألب بطنها وأبل ما يجي على الدنيا ، وفي ولاد بتلاقيهم بالليل نايمين من أحلى ما يكون ورايقين وفي ولاد بتلاقيهم مأنبذين وقاعدين متل البق ما عم يخلو الحارة كلها تنام من جعيرهم .

طيب هون الأهل شو مطلوب منهم ، يعني الأم يلي جاييها ابن عصبي شو بتعمل ، هل بتقول أنا القصة مش بإيدي و....؟؟ أنا برأيي انو لازم الأم بشطارتها تعرف تكتشف طبائع ابنها وتعرف توظفها بالمحلات المفيدة ، مثلا الابن العصبي تستغلوا لحتى يحكي كلمة الحق بوجه الظلمة و... يعني هنا في مثل هذه الحالة لازم الأم تكون عم تربي ترباية متخصصة ومش ترباية عادية ، يعني تجرب تركزلوا على شخصية عمر بن الخطاب رضي الله عنه والناس الصالحين يلي كان عندهم طبع عصبي وكانوا أوادم وبيحكوا كلام حق و......
وكذلك الانسان يلي بطبعوا ذكي ، هذا الأم لازم تعرف تستغلوا ، لأن اذا الأم ما استغلت هذه الطبائع فرح تروح من إيد المسلمين ورح تروح وتصب بخدمة الشارع ، يعني اذا الأم ما عرفت استثمرت ذكاء ابنها بالشغلات المنيحة ، فرح يستخدمو بالسرقة والاحتيال و....

اذا أنا معك يا معلم حميطون على انو ربنا هو يلي بيعطينا الطبائع وهو يلي بيخلقنا عليها ومش احنا يلي منقيها ، بس ما لازم نرضى بالأمر هيك ، ونعتبر حالنا انو مش قادرين نعمل شي ، احنا هذه تكون نعم من ربنا ، لازم نعرف نستخدمها ، وبالآخر المجتمع لازملو كلّ الأشكال وكل الألوان .

ومن جديد بتشكرك يا معلم حميطون على هذا الردّ وعلى هذه اللفتة المهمة في الحوار ، شفتو يا جماعة لأيش بفيد الحوار ، شفتو انو الواحد أد ما درس الشغلة لحالوا وما بعرف أيش ما رح يوصل لنتيجة متل كأنو يحاور و...... واحنا هون الحمد لله بهل المنتدى في من كل الأعمار وفي رجال ونسوان وفي شباب وفي صبايا ... لازم نستغل هذا التنوع واناقش بالمواضيع المهمة مع بعض ، يعني أنا كشب بستفاد من أم سفيان بالتربية و..... وأم سفيان تستفاد مني كشب لحتى تعرف كيفية تفكير الشباب وكيف تتعامل مع ابنها و..... والشباب بيستفادو مني وبستفاد منهم ، يعني في ناس بالقلمون بالذات بقولولك أنا ما بفوت على المنتدى لأن الشباب بيحكوا مع البنات فيه ، وما بعرف أيش من هالطق الحنك الفاضي تبعون ، شو احنا جايين نحكي حب وغرام هون ، آه ، فهموني تشوف ، ولا عم نغمز بعضنا ، أو النسوان عم يخضعوا بالقول هنة وعم يحكوا ، عم نتواصل مع بعضنا من خلال حروف وأفكار معينة لا أكثر ، ما حدا عم يشوف حدا ولا شي ، بس عم نتواصل مع بعضنا وعم نتبادل الأفكار والخبرات بافضل طريقة وأضبط طريقة ، وخاصة أن بعض الامور في المجتمع وخاصة في هذه الأيام لا بد من الحوار فيها بين الشاب والفتاة ، وبين الأب والابن ، وبين الأم والابن والبنت و... وبين جميع فئات المجتمع ، شوفو هذا الموضوع بالذات اديش استفدنا منو ، أنا بالذات مع اني انا طارحوا استفدت كتير كتير .

[الزاهر]

كمان يا ريس، يا أم سفيان، يا محمد، يا وسيم.......
كمان الحالة المادية للعائلة تأثر برأيي....فأنت تلاحظ أنه في البلدة التي نعيش بها. معظم العائلات الفقيرة (وليس كلها) تخرج "الزعران" لأن الأب يكون مشغول ليحصل ما يبقي به على أولاده أحياء....والأم دايرة على الصبحيات واللت والعجن والحكي الفاضي...وبيكون الولد يوم بالمدرسة وعشرة لأ....ما معو أبوه الإسط...فبيطلع الولد أصغر كلمة بتطلع من تمو على الله وبالنازل....وبيطلع متجبر على أصحابه من بقية الأولاد....وكل هذا بسبب أن الولد يملك أبا وأما بالإسم فقط. أما هل عنده من يربيه؟! نعم، عنده الشارع....وشو هالمربي العوافية!!!

ويعلق الأب آماله على ورقة اليانصيب....والله!!!.....فيحرم أولاده الخرجية، لكي يشتري ورقة اليانصيب. ولكثرة عدم انشغاله، دائما ما تجده في المقاهي يسب الخالق وملائكته وأصحابه وجيرانه وكل من يعرف......يلعب بالورئ....مانو فاضي ياخد ابنو شي كزورة بالكروم....ينألو شوية خبرة بالحياة....يعطيه كم خلق حسن....لالالالالا!!!! ما بيصير أبدا!!!.....يمكن عيب يأضي ساعتين مع ابنو.....

وعندها يبحث الأب عن مصادر المال التي لا تحتاج منه التعب......المال الحرام......وهنا المصيبة!!!....أنا يوفقه الله إذا كان ماله حرام...ما الله سبحانه أذن بحرب على أصحاب المال الحرام....فيجلب المصائب بنفسه لنفسه وعائلته ومجتمعه وللعالم أجمع.....شايفين شو المشكلة كبيرة ومانا شايفينها وعاطيينها حئها!!!!

والأم .....الأم الفقيرة....يا حرام....إما تعمل هي الأخرى لكي تساعد الزوج الكادح.....فتفقد دورها التربوي....وإما تحاول تربية الأولاد، فبيلبطها ابنها وبيألها :"روحي فرئيني يا شرمو... ميننكك لتجي تؤوليلي ما تسب وليه؟!!" وبيخبط الباب بوجهها ويذهب لعند أصحاب السوء....وتجلس الأم وهي تبكي على حالها وحال زوجها وحال أبنائها.....وبعد كم سنة تصاب بالإكتئاب، لكن لسوء الحال ولقلة الثقافة......لا حل لهذه المشاكل.....

لكن الجهة المضيئة هي الشباب والبنات الأوادم من مثل أصحابي هنا بالمنتدى الذين يظهرون الحق. ويتناقشون بالمشاكل التي يواجهها أبناء بلدتنا وإخواننا وأصحابنا!!!...ويطرحون الحلول العملية ......وهم قدوة لكل من يريد أن يتطور ويصل لمرتبة النبيين المصلحين!!!


شكرا لكم من كل عقلي ثم من كل قلبي!!!!


أما الحل لهذه المشكلة هي أن يقتدي الأب بالرسول صلى الله عليه وسلم....وبالصحابة...وأن يخاف ربه...وأن يعلم أن الذي خلقه أعلم بحاله من نفسه.....وليعلم أنه إن كان أولاده فاسدين فهو سيحمل وزرهم ووزر أولادهم وأولادهم من بعدهم.....فهو بفساده يفسد جزئا لا يتجزء من المجتمع.....ويزيد من المشكلة الكبيرة، فساد الأرض!!!!
والحل أن يكون صالحا مطيعا لربه ولنبيه والله يوفقه ويعينه من حيث لا يعلم.....
والحل أن ينصحه صديقه عندما يرى به ما يعيبه....
والحل أن نساعده ماديا وغير ماديا.....
والحل أن نحاوره.....
والحل أن نعلمه....
والحل....
والحل...
...
..
.

والسلام عليكم ورحمة الله وبركاته!

[الريس]

مشكور يا معلم زاهر ، بس أنا برأيي يا اخوة انو انخلي شوية ترابط بين الردود ، يعني ما نكون عم ناقش بشغلة متعلقة داخل الموضوع ويطلعلنا شخص جايب فكرا تانية داخلة في الموضوع ولكن لم نصل لها بعد .

على كل ، مشان الفقر ، الفقر مصيبة كبيرة ، وبستغرب كيف بعض العيل قالبة فقرها على نعمة ، يعني صحيح ما معهم مصاري كتيير و... بس بتلاقي انو الضحكة ما بتروح عن وجهم ، وبتلاقيهم مربيين ولادهم من أحلى ما يكون ومطمنين بالهم ، وراضيين ربهم ، وأوادم مع الناس وأخلاقهم حلوة ... بس هدال نسبة قليلة من الفقراء ، وللأسف الفقراء متل ما حكيت عنهم انت صح ، ولك اسا الأضرب من هيك ، بتلاقي الواحد بيخد تبرعات من الناس ، وبترجع بتلاقي ابنو حامل شيغارا أو بيرة أو ... وماشي بالضيعة ، بتلاقي الواحد منهم ما معو مصاري يجيب دواء ، بس مع هيك كلو بنتو لازملها مانيكير وfondetain و ombre و... وكافة أنواع الماكياج والعطورات لحتى تطلع تكزر ، وما رح نحكي على الموبايل لأنو تحصيل حاصل .


حبيب قلبي زاهر ، هذا هو الغباء بعينه ، وهذه هي العبودية ، هذا هو بيع العقل ، وهذا ما يجب على الاوادم تحرير المجتمع منه .

[محمد أحمد الفلو]

أنا برأيي انو لازم الأم بشطارتها تعرف تكتشف طبائع ابنها وتعرف توظفها بالمحلات المفيدة ، مثلا الابن العصبي تستغلوا لحتى يحكي كلمة الحق بوجه الظلمة و... يعني هنا في مثل هذه الحالة لازم الأم تكون عم تربي ترباية متخصصة ومش ترباية عادية ، يعني تجرب تركزلوا على شخصية عمر بن الخطاب رضي الله عنه والناس الصالحين يلي كان عندهم طبع عصبي وكانوا أوادم وبيحكوا كلام حق و......
وكذلك الانسان يلي بطبعوا ذكي ، هذا الأم لازم تعرف تستغلوا ، لأن اذا الأم ما استغلت هذه الطبائع فرح تروح من إيد المسلمين ورح تروح وتصب بخدمة الشارع ، يعني اذا الأم ما عرفت استثمرت ذكاء ابنها بالشغلات المنيحة ، فرح يستخدمو بالسرقة والاحتيال و....

والله مشاركة رااااائعة يا ريس.
الله يبارك فيك.
عنجد صار في شي مهم بالمنتدى.
يا ريت غندي clavier arabe

[الريس]

مشكور يا خيي ، حميطون على كلامك وعلى ثنائك .

يلا يا شباب هذا الموضوع موضوع التربية واسع ، اسا في كتيير أمور وكتيير حالات ما درسناها ، يعني اذا الأم بدها ابنها يطلع مهندس متل ابن رفيقتها وهو ما عندو ميل لهالشغلة ، أو اذا كان عندو ميل لشغلة ما بتهواها ، شو بيعملوا الأهل ؟؟؟؟؟؟؟

طيب واذا كان الولد مغضوب متل ابنو لنوح ، شو بيعملوا الأهل ، وكيف الأهل بفرقوا بين الحالة يلي بكون فيا الولد مغضوب ، وبين الحالة يلي بكونوا هنة مقصرين وما عم يفهموا على ولدهم و......

يا جماعة بالقلمون في مشاكل تربوية كبيرة كتيير ، في عندكم كذا حالة وللأسف البعض منهم اهلو ملتزمين ، ما بيأبلو يطلعو من البيت أبدا ، يعني أنا مش عم احكي عن ولاد صغار ، أنا عم احكي عن شباب بعمر الجامعات و... في منهم بحس حالوا غلط ، وبحس انو الناس كلهم أحسن منو ، وما لو عين يطلع لبرا أبدا ، يعني أحيان بكونوا الأهل مفكرين حالهم عم يربوا ، فبيطلعوا خاربين الولد خراب ..ز والتجارب كلها بتدل على هذا الشي ، وللأسف في ناس هلأ ماشيين بترابيتهم على منهج أهل هدال المعقدين ، ورح يوصلوا ولادهم لنفس المحل ، واذا حدا حكاهم بيعتبروه ما بيفهم ، وانو هنة عارفين ولادهم على المظبوط وعارفين حالهم شو عم يعملوا .

يا جماعة أنا أد ما لفيت ودرت ، وحصرت راسي ، فما رح اقدر اجمع الموضوع من جميع نواحيه ، فمشان هيك جيت لهون لحتى ناقش معكون ولحتى أخد واعطي .

فبدنا من المتزوجات والعزيبات والمتزوجين ، والعزيبة كمان ، بدنا منهم خطة تربوية شمولية ، يعني كل واحد يكتبلي كل شي في مشاكل بتعيق عملية التربية و... ومش كم مشكلة ، يعني ما كل واحد يكتب مشكلة ويروح ، يرضى عليكون عطوا الموضوع من وقتكم أكتر ، وخلونا اناقش هذا الموضوع يلي هو من أهم المواضيع التي يتم مناقشتها .
ومن جديد أتقدم بالشكر لكل من ساهم بانجاح هذا الموضوع بمشاركته فيه ، وأتمنى اكمال المسيرة حتى تتكون لدينا صورة شمولية عن كيفية تربية الأولاد و.....

[الزاهر]

بما أني أليل مروة يا أخي الريس......ما إلى مروة أعدت جمعتلك الحلول.....لكن تفضل.....رح تلائي طلبك أكيد بهالوصلة.....دعيلي!!!



http://saaid.net/tarbiah/k.htm

[الريس]

حبيب قلبي زاهر ، تاني مرّة كتر مروتك شوية ، وحك راسك أكتر ، يعني على القليلة عمال كوبي باست للحكي يلي بألب اللينك ، على كل أنا اسا ما شفتو ، بس متل ما قلتلك عمال .

[HARD]

اقتباس عن الريس
يا جماعة بالقلمون في مشاكل تربوية كبيرة كتيير ، في عندكم كذا حالة وللأسف البعض منهم اهلو ملتزمين ، ما بيأبلو يطلعو من البيت أبدا ، يعني أنا مش عم احكي عن ولاد صغار ، أنا عم احكي عن شباب بعمر الجامعات و... في منهم بحس حالوا غلط ، وبحس انو الناس كلهم أحسن منو ، وما لو عين يطلع لبرا أبدا ، يعني أحيان بكونوا الأهل مفكرين حالهم عم يربوا ، فبيطلعوا خاربين الولد خراب ..ز والتجارب كلها بتدل على هذا الشي ، وللأسف في ناس هلأ ماشيين بترابيتهم على منهج أهل هدال المعقدين ، ورح يوصلوا ولادهم لنفس المحل ، واذا حدا حكاهم بيعتبروه ما بيفهم ، وانو هنة عارفين ولادهم على المظبوط وعارفين حالهم شو عم يعملوا .
الاخ الريس : كلامك غير دقيق وهذه حالة نادرة كتير بالقلمون والعكس هو الصحيح ، تأكد منيح قبل ما تظلم او تجرح بعض العالم بهيك كلام ، انت عم تحدد، فهمت عليي .

[الزاهر]

إذا بدك بنسخلك كل الكتب اللي باللنك.......بس بدهم شي سنتين تلاتة....

[الريس]

معك حق يا هارد هذه الحالات نادرة ، ولكن الوضع التربوي ما بطمن ، لأن في كتير أهل حاليا ماشيين على هذا النهج بالتربية وبعتقد انو خلال كم سنة بالقلمون رح تتضاعف هذه المشاكل خاصة انو في أهل ما عم يعرفوا يتعاملوا مع كيفية ضبط أولادهم وتحصينهم من موجة التظليط فأحيان بشدو زيادة عن اللزوم فبأثرسلبا على شخصية الولد ، وأحيان برخو زيادة عن اللزوم ، وكمان بأثر سلبا على شخصية الولد .

على كل الوضع التربوي متل ما قلتلك ما بطمن كتيير ، واذا كانت حالات الانعزال المطلق أو شبه المطلق عن المجتمع ما زالة نادرة ، ففي كتير ناس ، عم يطلعو من بيت اهلهم وما لهم عين يحكوا بين تنين ، وحاسيين بعقد كتيير بنفسهم ، وبنقص ، يعني بيمشوا بالقلمون هنة وطابين راسهم وحاطينوا بالأرض و هدال كتار مش قلال ، يعني للأسف عم يطلعوا الزعران منفتحين وبروحوا وبجوا ، بس الأوادم عم يطبوا راسهم ويمشوا -أكيد مش الكل- بس هدال يلي عم يعملوا هيك ، ما لازم نخسرهم .


ويا حبيب قلبي يا زاهر ، اقرأ انت وجبلي يلي فهمتوا أنا ما جايية لهون لحتى اتحاور مع كتب ومجلات و... أنا جايية لحتى اتحاور مع بشر متلي متلهم .