استبداد الأخ و قسوته مع اخته

[Kinda]

السلام عليكم و رحمة الله و بركاته

نرى أن تعامل الأخ مع أخته فيه كثير من الاستبداد و القسوة كلاميا ً .
فهو يتحين الفرصة دائما لكي يبخس بها و يجرحها بكلماته !
بالمختصر هو لا يحترمها , حتى دون وجود مبرر .

ما السبب / الأ سباب برايكم لتصرفاته ؟
و ما هو الحل ؟

[ali hazim]

السلام عليكم و رحمة الله و بركاته

أخت kinda أنا أرى أن في كلامك ظلما" للشباب (لا يفعل كل الشباب ذالك ).

أما أسباب ذالك فتعود برأيي الى الممارسات التي يقوم بها الأهل في مجتمعنا الشرقي منذ أمد بعيد,
أما هي فيمكنها اللجوء للأهل .
وهناك أسباب وحلول أخرى ولاكن هذان هما الأساس برأيي................
والله أعلم.......................................

[Nader 3:16]

أكيد ما ازدها عكل الشباب...
ولكن احباناً الشبّ بدو يورجي انو لو كلمة بالبيت فبقوم بتقاوى عإخواتو البنات.....وبالطبع هادا خطأ بنسبة كبيرة..

[تحسينو]

بغض النطر عن إنو الأخ ما لو علائة بترباية أختو(عندا أهلا بربّوا).....بس منشان تتصافا الألوب:

أول شي بنصح البنت تراجع تصرفاتا وتشوف وين عندا أخطاء بتسبب هالحزازية .(متل الغيرة علأخت من الشباب أو تصرفات الولدنة وهالأصص......)
وبعدبن إزا كان عندا من هالأخطاء ....تخفف منون شوية وتجرب تحكي معو منشان تتصافا الألوب...

وإذا البنت متل السمنة العسل..................معناتا هادا الأخ حدن نافخلو راساو ......والحل هو الأهل والصبر.....تحكي أمّا أو أبوها بالموضوع والبائي عليون...وأيش ما كانت النتيجة تصبر.... وكمان أيش ما حكاها الأخ تردلو برواء وبحنية.....إلا ما يزوء ويحن ويعرف إنو غلطان....و الله يوفئ الجميع

[it's ha]

السلام عليكم
أنا اكيد ضد هالتصرف المتعجرف بنظري من قبل الأخ .
واذا هالأدّة بحبها وحابب ينصحها ما ينصحها برّا لحتى يفرجي مراجلو لانو سمحولي قول هالكلمة الي بيعمل هيك برّا بكون ببيتو طرطور.
بعدين يا أخوان باختصار شديد :"النصيحة على العلن فضيحة" فشحال اذا كانت أختك.

[Nader 3:16]

شرأيك يا تحسينو اسا تعيد المشاركة مرة تالتة...ولا شايف انو الشغلة سايبة.....

[الزاهر]

سأضرب لكم مثلا لطالما ضربته لأحد أصدقائي ... :)

مرة ... أو عدة مرات :) .... كنا في منزله بحضور أخته ... فيطلب منها بنبرة قوية "أومي عمليلنا شاي" ... فكنت دائما اعيد عليه جملتي في هذا الموقف "لو طلبت من أختي نفس الطلب بنفس الطريقة كانت دعوستني!!!!!" مع العلم أن أختينا اكبر منا !!! ...

(لا يظن أحد أن هذا اعتراض فأختي من خيرة الناس والحمد لله)

فإن كانت الأخت اكبر منه فالحل بيدها ... فلتفرض سلطتها عليه ... هذا في المراحل العمرية الأولى
وإن كانت أصغر منه فالحل بيدها ... فلتلجأ للأهل ... ليفرضوا سلطتهم عليه ... وهذا في المراحل العمرية الأولى


لكن المشكلة ولا شك هي من الاهل بالدرجة الأولى ... فاحترام الإخوة مما يُتَعَلَّم منذ الصغر ... آآآآآآخ أديش كلنا بهدلة وئت كنا نعلأ أو نحكي بعضنا كلام منو لازم !!! :)

العرض عام لحالة خاصة ... فينقصه تفاصيل ... ثم هذا اختصاص يُدرس له ويخصص له متخصصون ... هم المستشارون الإجتماعيون ... فلا نتصور بأن الأمر بسيط !!!

[الفجر الباسم]

السلام عليكم


أبتدأ كلامي بما قاله صفوة الخلق صلى الله عليه و سلم : " ما كان الرفق في شيء إلا زانه, و ما نزع من شيء إلا شانه"

بالفعل أسلوب عال من التوجيه والتربية.. في النصح والإرشاد.. في التقويم والإصلاح.. ولو أن المسلمين تمسكوا بهذا الخلق الرفيع من الرفق في الدعوة وحسن النصح والإرشاد.. لأهتدي علي أيديهم خلق كثير



و من هذا المنطلق أقول إنو الأخ ما لازم يعامل أختو بهالطريقة حتى لو كانت على خطأ لأن النصيحة لها أسلوبها الخاص و طريقها الخاص حتى تصل إلى قلب المنتصح و هالطريقة تكون بالكلام الحسن و المنهجية الإسلامية الصافية ... يعني بدل ما ينصح أخته و يحببها بالدين , كرها بالدين


على فكرة يا إخوان أحياناً الأسلوب في الدعوة و النصح هو أهم ألف مرة من المعلومات المقدمة خلال الدعوة يعني طريقة جذب الشخص التاني يلي عم تنصحو تعتمد على أسلوبك الحنون أكثر من المعلومات لأن الأفضل الدخول إلى قلب الشخص قبل الدخول إلى عقله



سامحوني إن قلت أنّ كل أخ يعامل أخته بهكذا طرق هو شخص صاحب مفهوم إسلامي منتقص أو مفهوم دعوي منتقص و هو يكون بذلك ينفر أخته عن الدين


يعني نحنا قادرين نقول للشخص التاني إنو مغلط بطريقة حسنى فما هو السبب الوجيه إنو نقلو ياها بطريقة بشعة إلا سبب واحد و هو إنو نحن الغلط و ما منعرف ننصح


و ممن يقولون أن الأخت أحيانا ما بتسمع النصيحة أو ما بتتقبلا من أخوها أقول أيها الأخ أنت الذي تنصح يعني أنت الأوعى إذا أختك ما ردت من أول مرة ضل جرب و متل ما بيقولو الكبير لازم يستوعب الصغير (أقصد الكبير بالعقل و الواعي و ليس بالضرورة الكبير بالعمر)



و ردًا على من قال أن الأخ لا يحق له ترباية أخته أجيب أن التربية الإسلامية هي منهج دعوي و هو لا يقتصر فقط على أب و أم بل أيضا على أخ واعي و أصدقاء ملتزمون و محارم و غيرهم ممن سمح لهم الشرع بدعوة الفتاة و نصحها ضمن حدود هذا الشرع


كما يجب على الأخت أيضاً أن تنبه أخيها على أخطائه و يحق لها ذلك شرعًا من باب النهي عن المنكر و لكن طبعاً كل ذلك يكون ضمن حدود الأسلوب الدعوي المتميز بالوقار و الرفق



و السلام عليكم

[Kinda]

السلام عليكم و رحمة الله و بركاته ,
شكراً للجميع على هذه الردود التي قد تكون بمعظمها قد لامست الموضوع و عبَرت عنه بشكل جيد .
لكن بخصوص ما ذكره الأخ ( الفجر الباسم )هو أخذ الموضوع من جانب واحد و هو الدين ,
فإذا كانت المشكلة أنه يريد أن يصلحها دينياً فتكون عندئذ ِ ( مبلوعة ) لكن بالحقيقة أنه و من دون سبب يتعمَد تجريحها و لا يكون هناك موضوع يستحق كل هذا العناء .
و في ما يخص الأهل , للأسف هو لا يتأثر بتنبيهاتهم و كلامهم !!

[ali hazim]

السلام عليكم و رحمة الله و بركاته
أنا برأيي أخت kinda أنو الدين(نذكر اخواننا واخواتنا في المنتدى بقوله تعالى *(وما يلفظ من قول الا لديه رقيب عتيد )*) بيفصل بكل شي من جهة أخرى اذا كان هو لا يتأثر بتنبيهاتهم و كلامهم فلا أرى داعي لتأثركِ بكلامه أو لإعطاءه أي أهمية ما دام موقفكِ سليما"

[الفجر الباسم]

أختي كيندا الدين هو منهج حياة أي طريق متّبعة لعيش الحياة و ليست الحياة التي تتضمن جانب ديني

فالدين فيه الناحية الاجتماعية و فيه الناحية الإقتصادية و فيه الناحية الأسرية و ناحية الحرب و ناحية العلاقات مع الله و مع البشر و ما لم يأت على ذكره القرآن و الأحاديث النبوية اجتهد فيه علماؤنا و أتحفوتا بفتاواهم

أقصد القول أن الدين هو الذي يشمل الحياة و ليس العكس

[it's ha]

السلام عليكم ورحمة الله وبركاته
يعني من الطبيعي انو اهم الشي الدين بس مش شرط المش متدين يحقلو يبهدل اختو بعدين لو منتبع الدينم كانت محلولة الاخت عم تقول مش مهتم بكلام اهله بالاصل ....وحتى لو الاخ بدو يصلح اخته دينيا بس مش بهالطريقة ممكن يجيب لها كتب يقلها امثال لتعتبر .....بس بطريقته هيدي البهدلة هيي بتصير اضرب من ما هيي عليه لانه ما حدا كرامته بتسمحلو انو حدا يبهدلو بيعمل نكاية ساعتها.....وووووووووووو الله يهدينا جميعااا

[Reve]

al salem 3alaykom
ana badi etchakrek okhet kinda 3ala heda el mawdo3 li2anou 3anjad ne7na kter men chouf hal mechkle mawjoude ,kolou bi sabeb 3asabite el chab w anenitaw bass mafiya el benet ghayr ena tosbor w ted3i enou allah yehdi akhouwa
machkoura mara tenye 3ala hal mawdo3