نعم او كلا و لماذا؟؟؟؟؟

[moustafa]

هل تؤيد دخول النساء الى المنتديات و المشاركة؟؟؟؟؟؟؟؟؟؟؟

[Nader 3:16]

إذا كانت المشاركة في ضمن حدود كما في هذا المنتدى فأنا لست ضدها!!!!!!!!!!!

و انت ما قلتلنا رأيك؟

في انتظار رأي البقية

[الزاهر]

ليش النسوان.....مانن عالم يعني؟!

[فشلان]

السلام عليكم يا جماعة...
هو بالأصل ما في مشكلة إذا شاركت النسوان بهيك شغلات.. وخاصة إذا بأسماء مستعارة...
بس هو يلي بيضايق إنو الشب بيتحمل الإهانة أكتر من البنت.. ونحنا كشباب منتحمل إنو ننهان أكتر ما منتحمل إنو أخت لنا بالمنتدى تنهان...
يعني لما كان شخص بفترة من الفترات.. يهين الكل بالمنتدى.. ما كان حدا يضايق.. مثل لما كان يوجه إهاناتو للأخت نادين.. أو للأخت أم سفيان... وحالياً بطريقة أخف شوية للأخت رلى. هو حتى أنا أحيان لما براجع مشاركاتي بحس إنو تقلت شوية على الأخت نادين...

يعني ساعتها بحس الإنسان بإهانة... ما بعرف ليش.. يمكن نحنا المسلمين عنا إهانة المرأة شغلة كبيرة كتير... هادى يلي عندو إيمان مش يلي مسلم على الهوية..

فلذلك أنا بحس إنو ما في مشكلة أبداً إنو تشارك المرة بالمنتديات المحترمة... مش منتديات عم تحكي عن الفنان الفلاني.. والفنانة الفلانية.. والراقصة الشيطانية.....

والسلام عليكم

[الريس]

أول شي ما فيها اذا شاركوا النسوان بالمنتدى ، أصلا ما في منتدى شمولي -يعني بناقش جميع الأفكار وجميع مشاكل المجتمع- الا ما يكون فيه نسوان ، لأن النسوان جزء من المجتمع وما فينا نصلح المجتمع واحنا عم نتجاهل فئة تشكل أكثر من نصفه بكثير ، فما حدا يزايد على حدا بالديانة أو ... لأن النسوان يلي هون محترمين وما حدا جايية يعمل حب وغرام على المنتدى ، يلي بدو يعمل حب وغرام في عندو محلات كتيير غير هون ، هون النسوان الموجودين ، بناقشو معنا بكل احترام ومناقش معهم كمان ، وما بيمشي الحال ، اذا ما عرف كل طرف من المجتمع شو انتقاد الطرف التاني عليه ، وكمان متل ما سبق وقلت ، في مشاكل متل بموضوع "بلا أخلاق" وغيرو ، في مواضيع ما فيهم الشباب يناقشوها وحدهم والنسوان يناقشوها وحدهم ، لأنها مشاكل مشتركة والحل فيها مشترك أيضا ، فمشكلة التربية ليس مصدرها المرأة فقط أو الرجل فقط ، بل الأسباب تتوزع وتتفاوت بين الاثنين وكذا الأمر نفسه بالنسبة للحل ، فكيف سيتوصل المجتمع لتشخيص المشكلة أو لحلّ مشترك اذا لم تتناقش المرأة مع الرجل بطريقة لائقة ومنضبطة ؟؟؟؟؟؟

وبعدين أنا مني فاهم شو هالديانة الزايدة عن اللزوم ، انو ما كان في صحابيات يعطو دروس دين للرجال ؟؟؟ عارف انو هنة أوادم و.... بس احنا كمان مش كلنا اخوات ... ، وكمان كان في رجال يعطوا النسوان دروس دين ، واساهم لهلأ ، فليش هذه النظرة الرجعية ، ليش الرجال مسموح يعطي دروس دين والمرأة لأ ، ليش الرجال بفوتوا على المنتديات والمرأة لأ ، بتقولوا اختلاط ، بألكم أول شي البلا يستركم ستر ، وتاني شي غمضوا عنيكم مشان ما تنفتنوا ، وتالت شي ، ليش لحتى هنة يروحوا مش انتو ، اذا ما بدكم اختلاط حملوا حالكم وانقلعوا من هون ، ليش عندكم قضايا ومسائل للنقاش أكثر من النسوان .....


وانت يا فشلان ، سميتلي بدني ، يا حبيب قلبي ، عراف مييز أوكي ، فوت اقرأ الموضوع من أول ما فاتت رولا على الساحة السياسية وكتبت بموضوع ضراب السخن تبع تيار المستقبل ، شوف شو كتبت ومين بهدل التاني ، وبعد ما تقراهم ساعتها بتعرف مين بهدل التاني ، قبل ما تجي وتتفصحن هون .

شي هالناس هادي .:mad:

[moustafa]

السلام عليكم و رحمة الله و بركاته.. و بعد::::
بالنسبة للاخ زاهر: اكيد النسوان عالم بس .... انت لازم تكون بتعرف......
اما بالنسبة للريس: و الله تعبت حالك بالبهدلة!!!! انا طالب بالموضوع انك تكتب رأيك فقط و ليس قصة حياتك!!!!!!!!!
و لمّا بتكون بدّك تبهدل حدا او تقلل من احترامو ساعتها بتفوت على موضوع تاني و بتحكي يللي بدك تحكي.
اما بالنسبة للاخوين (فشلان و نادر):فشكرا جزيلا للمروركم الكريم..
لكن انا أريد معرفة رأي الشرع في هذا الموضوع........
و بارك الله فيكم أجمعين.

[Nader 3:16]

قوية يا ابو صطيف هذا الريس عم يغلط معنا كتييييييييير لسا ما بيعرفنا الهيئة!!!
3:16؟؟؟؟

[الريس]

ليك يا حبيب قلبي يا مصطفى ، انت ونادر قربو تقلكم في جوز كلام بدي احكيه معكون ، سمعوني منيح وحطوا هالكلام حلق بدنيكم ،

يا عيني انا بتعرفوا أكثر شي من أيش بحتار ، انو لما بشوف شب بهالدنيا ما عندو هدف وبيخد كله شي بضحك وهبلنة ، يمكن يكون الواحد قايل لحالوا أنا هدفي الجنة -والحكي هيين كتيير- وبعدين آخد كل شي بهبلنة وصطلنة ، يا عيني الريس -يعني حضرتي- قبل ما يلتزم كان يناقش مع مسلمين وغير مسلمين ، كان الفكرة يلي بشوفها صح بالاسلام يقول عنها صح ، وما كان يسكت عن شي غلط أبدا أبدا ، هيك حلو الشب متلي ، عنجد لازم الواحد يكون بناقش وبيعرف يحاور شلي الدين على جنب هلأ ، بس لازم الشب سواء كان ملتزم أو لأ لازم يكون بيعرف يحاور و... ويلي بقهرني انو لما بشوف شب صايرلتلوا كل أسباب التوعية ، يعني كل المجتمع من حولوا وكل بيئتوا عم تقللوا وعا وهو اساتوا مش واعي ، يعني يا نادر ويا مصطفى مبين عليكون من الاناشيد يلي بتسمعوها انكم ملتزمين و.... طيب والملتزمين بالقلمون في مين يحكيهم بالمسجد وبالشارع وبين رفقاتهم ووين مكان ، بينما الريس مكان في عندو حدا يحكيه ، ومع هدا بس لأنو انسان صادق وقلبوا طيب ، لما فات على المنتدى وناقش ، واقتنع قال اني اقتنعت .... وانتو يا شباب عيب بقا ، صرتوا كبار ، يمكن تفهموا هذا الكلام بهدلة وتقعدوا تتفننوا بالبهدلة والردود و.... بس من هلأ بقللكم اني من بعد هذه المشاركة ما رح رد عليكم بقا ، وبقللك انو أنا ما بدي الا مصلحتكم وانتو هلأ فيكم تردو وفيكم تخدو رياحتكم بس الحياة صعبة كتيير كتيير ، والناس لساناتها ما بترحم ، بكرا بتعلقوا بكل ورطة أكبر من التانية اذا ما كنتوا أدد حالكم .

فيرضى عليكم يا شباب ما تعقدوا حالكم وتزايدو على الدين ، سمعو لكل الناس ، ناقشو ، خدو وعطو ، من المعيب انو يكون في عند التيارات العلمانية شباب بتخد وبتعطي وبتفهم وبتناقش بضلالها و..... وبين المسلمين شباب ما بيعرفو يسمعو ولا يناقشو .


قلبي على ابني وقلب ابني على الحجر .
ناقشو ، وخدو وعطو ، مصطفى بدي منك ردود لائقة ، بدي منكم ردود بتدل على فهم ووعي ،يلا تشوف خلونا اناقش هذا الموضوع بجدية ، بدي ردودكم على كلامي الأخير بجدية وبشكل كامل ، أنا ما جايية أكتب وأعطي المنتدى من وقتي لحتى العب مع ولاد صغار هون ، أنا جايية لحتى صلح أفكار غلط بالمجتمع ولحتى المجتمع يصلحلي أفكار غلط عندي ، وبكلتى الحالتين ، ما حدا بيندم من الحوار ان شاء الله .

[flauritta]

أختي الكريمة اجتهدي أن تكتبي بالحرف العربي فإنه من شروط المشاركة في هذه الساحة


lak tawwlou belkon ya shabeb ba3den laysh 3am ti7kilay 3an akhi:p innu d7ek 3lay
houwwa w mistapha manon mhodem illa shwayyyy:p

[Nader 3:16]

الردّ في الحلقة القادمة!!!!!!!!!! نحنا حبّينا نعمل جو مزاح معك بس يظهر انت فهمتنا غلط الله يسامحك.......

على كل حال الله يبارك فيك....

[الريس]

ولك أهلا وسهلا فيكم وبمزحكم ، ويمكن أنا أكتر واحد بيمزح بالدنيا ، بس ما بمزح على حساب المواضيع المهمة .

هذا الموضوع مهم ، ولازم يتناقش ، ويتاخد وينعطى فيه ، عنجد اتعودوا اتناقشوا وتكتبوا وتخدوا وتعطوا ـ تعودو تسمعوا لغيركم ، وصدقوني انتوا يلي بتستفادوا ، هيك بصير المجتمع بيحترمكم أكثر ، هيك بصيروا كل الأطراف الاسلامية أو غيرها بحترموكم لأنكم ناس مثقفين وفهمانين ، بتعرفوا اتحاوروا ، فيلا سمعونا رأييكم بهذا الموضوع وبد ردود منكم على ما سبق وتكلمت به فيما يخص هذا الموضوع .

ويلا سلام يا أحباب

[moustafa]

و لك يا هلا بيك يا أخ ريس ......مقبول منك هالحكي;)
سأبدء فورا بصلب الموضوع: انا من وجهة نظري انو مشاركة النساء في الخير على عيني و راسي...
لكن ماذا لو كان الهدف من مشاركتهن غير ذلك:confused: ... لا تفهموا قصدي غلط اههههه.
لكن انا من رأيي الخاص انو يكون في بقلب المنتدى ساحة خاصة للنساء و ساحة خاصة للشباب..
و ساحة ثالثة تكون عامّة(للاثنين معا)...و بذلك لا يدخل الشباب الى ساحة النساء و لا تدخل النساء الى ساحة الشباب.. و بذلك لا حجة لمعترض على هذا الرأي باذن الله....
لكن انا أريد رأي الشرع في هذا الموضوع أيضا فأرجو من العلماء المتواجدون في هذا المنتدى اطلاعنا عليه و شكرا جزيلا لكم أحبتي في الله........:cool:
و السلام عليكم و رحمة الله و بركاته

[الشامي]

وعليكم السلام ..:) كيفكم يا جماعة...

بما أنو الشباب بدؤوأ يخرجون قليلا من المزح إلى الجد في هذا الموضوع فرأيت أن أشارك :)... ما معناتو انو ما بحب المزح ها!!!

موضوع مشاركة النساء في الحوار العام على صفحات المنتدى وفي كل ركن من أركانه وفي كل مجال من مجالات النقاش وبطريقة راقية وأسلوب متميز أراه أمراً طبيعياً جداً، بل مطلوباً في عصر تشابه وتداخل وتشابك فيه الصالح بالطالح وما أمر به الشرع بما فرضته التقاليد وما جاء به الحق بما فرضه الواقع وأهل الواقع... فوضعٌ هذا شأنه يحتاج إلى نقلة نوعية وواعية من الرجل والمرأة على السواء ومن مختلف الأعمار وفي مختلف الميادين...

ومن يطلب رأي الشرع في مشاركة النساء فعليه هو أن يأتنا بما يمنعُ شرعاً من هذا الأمر...

ومشاركة المرأة أو الرجل في موضوع ما، يحكمه أهمية هذا الموضوع بالنسبة للمشارك، وعلم المشارك وخبرته في مجال الطرح، أو حب الإستزادة من المعلومات حول ما هو مطروح للنقاش والحوار... وليس كون الشخص ذكراً أو أنثى...

أخوكم:rolleyes:

[amer]

السلام عليكم شباب

اؤيد مشاركة النساء في المنتدى
ما بيكتمل المنتدى الا بمشاركة النساء


انا من وجهة نظري انو مشاركة النساء في الخير على عيني و راسي...

منتدى القلمون إنعمل للخير :)

[الريس]

منيح يلي غيرنا الموضوع شوية عن المزح ،

مشان اقتراح المعلّم مصطفى ، انو يكون في ساحة للنسوان وساحة للرجال وساحة مشتركة ، أنا برأيي انو ما في داعي لكل هاللف والدوران ، وخلوا الساحات مقسمة حسب المواضيع متل مانها موجودة هلأ .

وبعدين بدي افهم ليش هيك لاقطيلي الشرع ما بعرف كيف ، أنا سبق وقلت انو كان في صحابيات بيعطوا دروس دين للرجال ، طيب هدال ما كانوا بيعرفو بالشرع ولا أيش ؟؟؟؟

بس متل ما قلت احنا منحب نزاييد على الدين

[Nader 3:16]

اهم شيئ انو يكون في احترام متبادل بين النساء و الشباب و لا يكون هناك مزاح زائد وهذا يكفي يعني بالآخر انا ما بعرف ولا اخت بالمنتدى...يعني مني شايفهم ولا عم اسمع صوتهم...كل التعامل اذا وجد عم يكون بالكتيبة و التي ان شاء الله لا تخرج عن الاحترام...

[moustafa]

و الله أفحمتموني حقا......... معكم حقّ ... كل شي قلتوه هو عين الصواب... و أخيرا شكرا جزيلا لكم و الله يبارك فيكم

[aboo 3omor]

اهم شيئ انو يكون في احترام متبادل بين النساء و الشباب و لا يكون هناك مزاح زائد وهذا يكفي يعني بالآخر انا ما بعرف ولا اخت بالمنتدى...يعني مني شايفهم ولا عم اسمع صوتهم...كل التعامل اذا وجد عم يكون بالكتيبة و التي ان شاء الله لا تخرج عن الاحترام...
هلحكي هو الصح

[THE TERRORIST]

صحيح أنا أؤيد الأخ نادر في كلامو....
يعني لازم النسوان يشاركو بس ضمن حدود...

[hadid]

طبعاً كلام الجنرال نادر لازم تحطو يا ريس وسام على راسك !!!

[Nader 3:16]

تروك الريس بحال سبيلو يا جنرال هديد......بس اقرأ المشاركات القديمة اديش بحس حالي كنت غبي و الموية عم تجري من تحتنا و مضحوك علينا...مهيك يا ابو صطيف؟؟؟؟؟؟؟

[أمّ البراء]

لا أرى مشكلة في دخول الفتيات (أو النّسوان كما تقولون) إلى المنتديات المحترمة طبعا....
ولا حظوا معي أن في المنتدى الذي نحن فيه هنالك ساحات تتمتّع بأغلبية أنثويّة .... أو مثلا هنالك بعض مواضيع النّقاش تأتي آراء البنات مناقضة أو مكمّلة لآراء الشّباب والنّقاش بدون التّنوّع في الآراء لا فائدةمنه كما أعتقد....

أمّا بالنّسبة لما قاله الأخ فشلان فأنا أؤيّده بأنّ الفتيات ربّما لا يتحمّلون الإهانات بقدر ما يفعل الشّباب ولهذا وجدت الألقاب... لتفادي بعض الأعضاء الغلاظ الذي لا تخلومنهم الحياةولا االمنتديات!

واسمحوا لي أن أبدي رأيا ولا يتحسّس منّي أحد ..... أنا أشعر أنّ في منتدى القلمون بعض العنصريّة من جانب بعض الأعضاء الشّباب ضدّ الفتيات ...وهذه ظاهرة ال أجد لها تفسيرا...

[أيمن غ القلموني]

لا أرى مشكلة في دخول الفتيات (أو النّسوان كما تقولون) إلى المنتديات المحترمة طبعا....
.




يمكن بأسماء وهمية أفضل والله أعلم .

لأنو إذا البنت بإسما فالشباب يمكن يصوروا بدون ينقوا الكلمات تنقاية.

[Nader 3:16]

بس نحنا ضد الشب يفوت بإسم بنت متل منو عاملين بعض ناس عرفو حالهم.

وعن أيه عنصرية عم تحكي يا امّ البراء....قولي اسماء تشوف ما فهمت عليكي....

[it's ha]

السلام عليكم
أنا مع مشاركة النساء في المنتدى ولكن كما قال البعض باسم وهمي
لكن اذا كان هناك بعض الحقوق الشخصية التي لا تحق الا للمؤلف مثل الشعر فانا بالطبع أفضل ذكر الاسم الحقيقي

[Nader 3:16]

نحن مع دخول الفتيات...لكن ضد دخول النسوان.
فنسوان الضيعة عندهم منتديات متنقلة بالضيعة و بحكوا بمواضيع أكتر منّا. وفي شروط للدخول الى منتدياتهم....انا بفوت كزائر فقط...بس الابضاي يقدر يشارك...المشرفة العامة ما بتفعلي اشتراكي.
يلي بدّو اللينكات يراسلني عالخاص. لأنو ممنوع الدعاية لمواقع معادية في المنتدى.
ولك دوووووووووووووووووووع

[Arsenic]

يا عمي ليش لأ و إذا كانو صبايا أحلا و أحلا يا خيي شو فيا الدني ؤلي .........
وأنا حابب وجه تحية للبابا و الماما و ستي يؤستراليا و لروفؤتي كمان ...

[Nader 3:16]

يا عمي ليش لأ و إذا كانو صبايا أحلا و أحلا يا خيي شو فيا الدني ؤلي .........
وأنا حابب وجه تحية للبابا و الماما و ستي يؤستراليا و لروفؤتي كمان ...

ومودك تكون صديق للبرنامج كمانا؟؟؟؟؟

[Warrior]

اه انا مع ترك الحرية للشخص فله الحريةالمطلقة اما بالمشاركة باسمه الوهمي او الحقيقي ان كان ذكر ام انثى فهذه خاصية مهمة بالمنتدى ولكن لا نريد تقييد الحوار بسبب الاسماء.

مثلا : البعض امتنع عن المشاركة في مواضيع التقييم لبعض الاعضاء بسبب الاسماء،

[lina k]

سلام, بالنسبة لي فأنا مع فكرة دخول الفتيات للمنتديات طالما يحافظن على الإحترام ويتّبعن ضوابط معينة.أما بشأن الأسماء, فبالتأكيد الأفضل التسجيل بأسماء وهمية كي لا تتعرّض للتجريح والإهانة ولكن في حال كانت تريد وضع كتابات خاصة بها في المنتدى فالأفضل عندها التسجيل بالإسم الحقيقي.

[محمد]

صارت مطروحة هالفكرة شي ألف مرة بشي ألف موضوع مختلف ...........


وكل مرة نفس الحوار والبهدلة ...... وبالآخر نفس النتيجة : مشاركة مع ضوابط ....... للأخوة والأخوات ......


والله يبارك بالجميع

[Nader 3:16]

أخ محمد هذا اول موضوع طرح بهذا الخصوص شوف تاريخو.
بس لازم الادارة تتصرف حيال الشباب يلي فايتين بأسماء بنات...والا سنضطر لفضحهم!!!!!!!!!!!!!!!!!!!!!!!!!!!!!!!!!!!