الألمون عم تصير صحراء...استعجلو!!!!!

[الزاهر]

يالله!!!! إسا يومين زمان بتؤولوا الألمون كان فيها شجر......

سنتين وبتتصير صحراء.....


فما هي الحلول لكي نحافظ على خضار القلمون....خاصة أنه من غير المسموح بناء أكثر من 5 طوابق كحد أقصى....مما يضطر الذي يريد أن يبني أن يستخدم مساحات هائلة لكي يبني 20 شقة....بالوقت الذي كان بإمكانه أن يبنيها بناء واحد ودون استخدام كل تلك المساحة.....وبذلك نحافظ على طبيعتنا وبيئتنا التي تعودنا عليها....كيم تفيئ بموسم الزهر وتشم ريحة زهر....بس سنتين زمان ....ما بتشم إلا الدخان والغبرة....لأن ما رح يعاد في شجر بالضيعة أبدا....ولك حتى فوق الأوتوستراد ما بئا في شجر متل العالم.....فيا بلدية....يا من له السلطة.....يا غيورين على الضيعة وسلامتها....
ما هو الحل لتعديل القوانين......
أو ما هو الحل بشكل عام؟؟

ولك ما ألف تكرم عينك يا حمودة....


سلام

[Nader 3:16]

و الله هادي مشكلة..........................

لازم نفكّر منيح!!!!

[محمد أحمد الفلو]

أنا برأيي إنو هالمتعهدين العمار يبلشوا يشتروا بنايات الحارات القديمة , ويهدوا , ويعمروا محلا, أكيد بعد ما يامنوا سكن بديل بمشاريعن التانيه.
هيك الضيعة بتتجدد وبتضل خضرا.
يعني حدا يشتري هالكم بنايه القدام حول الفران , ويهدن , ويعمر محلن مشروع متكامل.
مع ملاعب و......, وأنفاق كمان مشان إسرائيل.
والبقية تأتي

[الزاهر]

لنفترض أخي أن المساحة المسموح الاستثمار بها هي 1000 متر مربع.....سيبني بها 4 بلوكات....كل واحد 5 طوابق....يعني 40 شقة....إذا قلنا أن الشقة حوالي الـ 120 متر مربع!!!

أربعين عائلة في مساحة 1000 متر.....

طيب.....لو أن القانون يسمح ببناء 10 طوابق.....لكان 80 عائلة في نفس المساحة.....فنوفر بالمقابل 1000 متر من الأراضي الخضراء......ما هيك أحسن!!!.....نسمح ببناء عدد أكبر من الطوابق.......مع أني ماني لا مهندس ولا خبير أراضي....بس بفكري البدائي عن الموضوع ...بشوف إنو الحالة مانها طبيعية.....

شو رأيكم

[Nadine]

ايه والله معك حق اخ زاهر , يا ريت يسمحوا انو يتعمر اكثر من اربع طوابق, الشجر كتير مهم

مشكور كتير على طرح الموضوع

وكمان فكرة تهديم البنايات اللي حد الفران وتعمير بناء جديد بتدل على الاهتمام بشوارع القلمون

[الزاهر]

ولك يا إخوان......صحيح أنا بهتم بالبيئة متل ما بيؤولوا....بس كمان بالتراث.....يعني ما إلي ألب شوف بيت حجر عم يتهدم....إلكم ألب إنتو؟؟؟؟
بعمل حاجز بشري وبمنع التهديم!!!!
يعني صحيح بدنا الشجرات.....وكمان المباني الأثرية القديمة.....بتزبط العملية مع بعضها....ما تؤولولي ما بتزبط!!!!
أما ما تبقى من مبان فما بيلزمو......بينعمل مشاريع متل اللي بدك ياها خيي حمودة....بس شو بدنا نعمل باللي ساكنين هونيك.....تخيل نفسك محلهم.....بموت وما بطلع من بيتي.....هيك رح تألك البنت الصغيرة بهاديك الحارة!!!

والحل؟؟؟؟
سلام

[الزاهر]

اسا في محل واحد بالقلمون فيك تشوف منو الجبل......بتطلع عالجبل....وبتشوفو!!!
وآل ما بيسمحو بأكتر من 5 طوابق منشان ما تسكر عالمناظر الطبيعية!!!!

[Ouss]

أنا بعارض تماماً فكرة حميطون ونادين إنو تنهد الحارات الأديمة , ولك إذا بدكن تهدوا الحارات الأديمة ويروح فرن عيشة وتروح عين الجامع والمصلى وتعمر ضيعة جديدة , ساعتا عمرلك شي ضيعة جديدة بفرنسا وأعود فيا إنتا وهالألامنة وسموا qalamance , شفي داعي ننزل عالضيعة إذا ما في فرن عيشة والعين والحارات (بدك تهدّ حارة اليهود هدّا , بس ما تأرب عحارتنا), أول شغلة لازم نحافظ عالتراث تبع الضيعة وهالحارات كلها لازم تترمم وتتزبط متل منن عم يعملوا بطرابلس, بعدين بالنسبة لزيادة السكان , بنلائي محل جديد نعمر في متل المعرض بطرابلس, وهادا اللي عم يصير بالضيعة عالتريء الجديدة , وأنا مع زاهر إنو لازم يزيدوا عدد الطوابق ,بس اللي بيزعج إنو البنايات بلشت تطلع بطريأة عشوائية, بدل ما ننظم منطأة جديدة نعمر فيا متل التريء الجديدة صار في بنايات عم تطلع حد الصنوبرات وبنايات ساحبة صوب النبعة...النبعة والجبل والصنوبرات والمناطيء المحيطة فيا لازم تكون متنفس للضيعة , وأنا برأيي ما نعمر فيا..
بالنسبة لقلة المساحة وكثافة السكان الحل هو إنو نحتل مناطيء جديدة , قلحات مثلاً , بس أنا شايف إنو صار العكس , يعني شايف إنو قلحات هنا اللي احتلوا جزء من ضيعتنا ونحنا ساكتين..
إذا ما فينا نعمل الحل التاني اللي هو إسترجاع أراضينا المحتلة ..الحل التالت بحسب إستاذنا الUrbanisme هو الحرب(لأنو الحرب بتخفف عدد السكان) ..الله لا يبلينا ..

شو...شألتو.. بنرجع أراضينا من قلحات.. ولا بدكن حرب؟!!

[محمد أحمد الفلو]

أنا بعارض تماماً فكرة حميطون ونادين إنو تنهد الحارات الأديمة , ولك إذا بدكن تهدوا الحارات الأديمة ويروح فرن عيشة وتروح عين الجامع والمصلى وتعمر ضيعة جديدة , ساعتا عمرلك شي ضيعة جديدة بفرنسا وأعود فيا إنتا وهالألامنة وسموا qalamance , شفي داعي ننزل عالضيعة إذا ما في فرن عيشة والعين والحارات (بدك تهدّ حارة اليهود هدّا , بس ما تأرب عحارتنا), أول شغلة لازم نحافظ عالتراث تبع الضيعة وهالحارات كلها لازم تترمم وتتزبط متل منن عم يعملوا بطرابلس, بعدين بالنسبة لزيادة السكان , بنلائي محل جديد نعمر في متل المعرض بطرابلس, وهادا اللي عم يصير بالضيعة عالتريء الجديدة , وأنا مع زاهر إنو لازم يزيدوا عدد الطوابق ,بس اللي بيزعج إنو البنايات بلشت تطلع بطريأة عشوائية, بدل ما ننظم منطأة جديدة نعمر فيا متل التريء الجديدة صار في بنايات عم تطلع حد الصنوبرات وبنايات ساحبة صوب النبعة...النبعة والجبل والصنوبرات والمناطيء المحيطة فيا لازم تكون متنفس للضيعة , وأنا برأيي ما نعمر فيا..
بالنسبة لقلة المساحة وكثافة السكان الحل هو إنو نحتل مناطيء جديدة , قلحات مثلاً , بس أنا شايف إنو صار العكس , يعني شايف إنو قلحات هنا اللي احتلوا جزء من ضيعتنا ونحنا ساكتين..
إذا ما فينا نعمل الحل التاني اللي هو إسترجاع أراضينا المحتلة ..الحل التالت بحسب إستاذنا الUrbanisme هو الحرب(لأنو الحرب بتخفف عدد السكان) ..الله لا يبلينا ..

شو...شألتو.. بنرجع أراضينا من قلحات.. ولا بدكن حرب؟!!






أهلين أسامة , أنا أعتقد إنو حلاوة الفلمون مش بحاراتا القديمة
لأن مافي أبشع منن ... ولك يحرف ديبك... شي مرة نزلت بنزلة أبو خطار وما حطيت إيدك عمنخارك

كمان شي مره اضطريت تفوت بالسياره عهالحارات وعرفت تطلع

تخيل نهد كل الحارات ... ونعمر بنايات جديده .. و فران جديدة .. وملاعب جديده ... وساحات جديده...
وكل بناية بتصير تساع عشرين عيلة بدون ما يكون في عيله واحده

والله ما في بالبيوت القديمة بيت حلو إلا بناية البقاع

أما بالنسبة لقلحات ... فلحو النورث أولى... بس ما بحياتنا حسينا إنن موجودين

القصة قصة ناس ... وذكريات معن ... مش القصة قصة أطلال ... ولا حجار ... ولا زواريب

[netmaster1984]

انا ضد اي فكرة لتغيير الحارات الاديمة ما بدنا الالمون تصير مدينة معليش

[الزاهر]

طيب....وين المانع إنو تصير مدينة.....مع الحفاظ عالمباني القديمة الحجرية وترميمها والهتمام بها؟؟؟؟

[Arsenic]

انا برأي نزرع عيطوح سو رأيك