الdsl في القلمون

[وسيم أحمد الفلو]

أكثر من سنتين ونحن نسمع أن الDSL سوف يصل إلى القلمون، ولم يصل بعد.

البلدية قامت بمراجعات ولكن أنا أظنها خجولة.

يجب أن ندخل جميعاً على موقع أوجيرو:

http://www.ogero.gov.lb/Published/EN/applydsl.html

ونعبيء الطلب للDSL ونبحث ونستمر في إيجاد طرق للضغط على البلدية وغير البلدية لكي يصل الDSL إلى القلمون.

من غير المعقول أن الDSL في البحصاص والآن في شكا وهو غير موجود في القلمون.

[الزاهر]

وإذا بدك مندبرلك مظاهرة كمان ... :)

[hadid]

يا أخي اشترك مع هالشركة برأيي إنها أحسن من ال DSL

www.visp.net.lb

لأنو اسمعت إنو لو الواحد اشترك بالدي أس أل مثلا مع شركة الsodetel ويلي بتقدم خدمة ب unlimited traffic على سرعة 128 و 256 إذا عمل كتير داونلود ببطؤولو السرعة يعني في واحد قلي إنو بعد إسبوع من الداونلودات صارت السرعة عندو 64 kbit/s يعني 7 كيلوبايت بالثانية تقريباً لحديت ما جدد إشتراكو

مني متأكد من هالحكي لأني مني مجربو بس خدمة هالشركة بالنسبة لإلي هي الأفضل

يعني بتقدم إشتراك 256 ب 33 $ مع التي في آ وما بضعفو السرعة أد ما عملت داونلود

وعلى فكرة في خدمة modem مجانية

عميل dial up connection

حط الusername :

visp

والباسوورد :

demo

ورقم الإتصال هو 1620

بتحصل على إنترنت بتدفع بس فاتورة التليفون بسرعة حسب الخط والموديم

بس زاهر جربها وقال إنها ما بتشتغل بالليل

وإذا قررت تشترك مع هالشركة حكيني بالمسجد بقدملك نصيحة بجمل

والسلام عليكم

[hadid]

و زيد على هالشي إنو إذا بدك تاخد DSL unlimited 256 عند الsodetel سعرو 40$ بدون تي في آ

وأنا شخصيا باعتبرو كتير غالي وإذا طلع الحكي تبع قصة الداونلود صحيحة بقا بكونو نصابين ونهيبيّة

ولذلك بفضل شركة الvisp

والسلام عليكم

[hadid]

شو يا وسيم ؟؟ شقررت ؟

[وسيم أحمد الفلو]

إنتظر البيان رقم واحد لثورة الdsl وكن مستعداً أنت والشباب.

[hadid]

أووفف

يلا انشاء الله خير

ثورة dsl .... انشاء الله متكون فالسو متل دوموازيل حورية البحر !!!

دوووععععععع

[Hassan.D]

سلام للدكتور وسيم و بحب خبرك أنو قريبا جدا في مفاجأة كبيرة و المعلومة من مصادر موثقة ( أكيد لها علاقة بالموضوع المطروح)

[hadid]

قريبا جدا - مصادر موثقة





هل الأربع كلمات بتخوف !!

[وسيم أحمد الفلو]

إن شاء الله خير أخ زلقط

[وسيم أحمد الفلو]

اليوم بشرنا رئيس البلدية وبعد طول مراجعات لوزراة الإتصالات، أنه صدر قرار بأن الdsl سيصبح ساري المفعول في القلمون في 15 الشهر الحالي.

فألف مبروك

[hadid]

ألف مبروك للقلمون وللقلمونيين على الدي أس أل نسأل الله أن يكون خيراً لها ونشكر الدكتور وسيم فلو على الجهد الذي بذله مع البلدية ....
بس في سؤال مهم ... ب 15 الشهر بيشتغل الدي إس أل تبع ال sodetel وال idm وكل الشركات ؟؟؟ ولا بدن فترة تيصيرو موجودين بسنترال القلمون ؟؟؟

[الشامي]

السلام عليكم

طيب إن ممكن حدا يعطينا فكرة عن المميزات والأسعار والعروض المتوفرة ، في حال مشي عنا يعني... لنعرف شو بدنا نختار؟؟!

أنا دخلت على موقعهم وما حاطين الأسعار لهاالخدمة ، بس حاطين ان الواحد بدو يطلبها عبر الموقع...

أخوكم:rolleyes:

[Hassan.D]

سأضع بين أياديكم نسخة من العرض الذي تقدمه شركة أوجيرو :




[/URL][URL="http://www.mediafire.com/imageview.php?quickkey=yjnyqyzz4y5&thumb=4"]http://www1.mediafire.com/imgbnc.php/182b26f67c5d816125c3ada444c557c35g.jpg (http://www.mediafire.com/imageview.php?quickkey=yjnyqyzz4y5&thumb=4)

[الشامي]

السلام عليكم

الله يبارك فيك خيي حسان ، مشكور على الجهد والرد...

شكلو أنسب شي للآن ال256 كيلو اللي بسعر 55 ألف موووو؟؟!

بس كتير قليلة كمية الرفع والتنزيل المسموح فيها بكل العروض:(

أخوكم:rolleyes:

[haitham]

اخ hadid كلامك مزبوط انو الواحد لما يعمل داونلود بحجم معين ذاكره سرعة الخط بتقل انا سرعة الخط عندي 512 ومشترك في ads وابتنزل للنصف اذا اتجاوزت الداونلود المحدد الي على فكره انا من الاردن يعني مش بس عندكو ابتنزل سرعة الخط ان اتجاوزة حجم الداونلود وانشاء الله باقرب فرصه ابيوصل للقلمون الحبيب خط ads

[hadid]

هيدي معلومة مهمة أخ هيثم مشكور

بالنسبة للأخ الشامي أنا حالياً بنصحك تتريث إلى حين أن يكون إشتراك شركة IDM (inconet data management) متوفر بالضيعة وذلك لأنهم كما يبدو الأفضل من حيث جودة الخدمة ... ويمكن الحصول على unlimited night traffic كل يوم من الساعة 11 مساءً حتى 7 صباحاً و double the speed من 8 مساءً حتى 8 صباحاً (هذه الخدمات متوفرة عند cyberia و sodetel أيضاً ولكن أكرر يبدو أن IDM هم الأفضل من حيث الجودة ولا إختلاف بالسعر )

لمزيد من المعلومات www.idm.net.lb
www.cyberia.net.lb

أنا لا أنصح ب دي أس أل الدولة أبداً إلا للذي لا يقوم بعمل داونلود نهائياً ....

لو أن شركة sodetel لا تقوم بتخفيض السرعة بعد تحميل كمية كبيرة من البيانات لكانت الأفضل لأن إشتراكها unlimited traffic ...

أرجو أن أكون قد أفدتكم
سلام

[وسيم أحمد الفلو]

أعتقد أن الأخ هديد شرح المسألة بطريقة جيدة، وخاصة نصيحته حول إشتراك الدولة.

بالنسية لي سوف أبقى على الWise لأنني لا أريد أن أدفع بدل تركيب جديد، ولأن سرعة الWise لها نفس السعر تقريباً في الDSL

[Nader 3:16]

La métaphysique est un restaurant qui propose un menu de trente mille pages, et rien a manger

يا عمّي هادا منيح منشان الرجيم....بعدين شو هالسمعيات يلي عم نسمعها قال عم عم توقف بوش الطلاب منشان الصلاة!!!....يا اخي بدون يصلوها عالوءت ليش تحتى تخليهم يأخروها.....
شو هالفيزيائيين المتعصبين؟؟؟؟؟؟؟؟؟

[hadid]

فعلاً يلي عندو wise ما في داعي لل dsl على الأقل حالياً ولكن إذا صار الدي إس ال unlimited traffic أنصح باختياره
سلام

[وسيم أحمد الفلو]

أول شغلة الدين منو ميتافيزياء، بس متفزع من الجملة إلا إذا كنت بتعتبر الدين ميتافيزياء.


تاني شي، أنا عملت break عال11:30 وقلتلن منكمل عال11:45، فقال بدون يصلو، فقلتلن صلو بعد الساعة (إلي وقفتا ال 13:45 يعني قبل العصر بكتير) ، بس التلاميذ الحمد لله مبدقن الديانة إلا عحساب التعليم.

بكرا لما بيصور بيأدن الساعة 1:00 بوقف تيروحو يصلو.


إذا الواحد هالقد حابب يصلي عالوقت ففيي يترك الساعة.

[الزاهر]

آه شباب

سألنا وين صار الدي اس إل ... آل ركبو الأطع اللازمة بالسنترال ... طيب أمتن بيصير فينا نركب بالبيوت ... آل الأطع اللي ركبوها طلعت نائصة ولتكمل بيبلش التركيب ... لكن ممكن تأديم الطلبات من هلأ :)

زمن !!!!!!!!!

[hadid]

للمعلومات إبن عمي ساكن بجبيل وصرلو طالب التركيب من أكتر من شهر ولسن ما ركبولو دي إس أل ... يمكن في دور أو شي ...

إن شاء الله يكون عنا أسرع ... المهم إنو شركات الIDM والSodetel يركبو !! لأنن دي أس أل الدولة ما لو شغل معنا !
سلام

[وسيم أحمد الفلو]

بحسب ما أخبرني رئيس البلدية البارحة، فإن الdsl سيكون في القلمون الإثنين المقبل، وأنه أصبح بالإمكان تقديم طلبات للحصول عليه.

[فشلان]

طيب شو رأيكن نجبلو النوبة مثلاً؟ لأن ما حلو يجي لعنا وما نعمل شي... أي شي.. لو حفلة زغيرة على ادنا...

[HARD]

بحسب ما أخبرني رئيس البلدية البارحة، فإن الdsl سيكون في القلمون الإثنين المقبل، وأنه أصبح بالإمكان تقديم طلبات للحصول عليه.


شكرا اخ وسيم على هذه المعلومة ، والله اجا بوقتو .

[الزاهر]

يبدو إنو مسلسل التشويق والانتظار - والمسبات - لا يزال مستمر !!!

[أيمن غ القلموني]

ما في أمل :1 (62):

[lina k]

شو هادا!!! لأيمتن بدنا نضلّ ناطرين,,,,,,,,,,,,,,شكلو ما فيه أمل:(

[hadid]

هاد أن ما جبنا هيدي النوبة مدري شإسمها

عموما” أنا حاسس إنو قريبا إن شاء الله

سلام

[الزاهر]

باختصار .... كما المرة الماضية ... أبل ما يألي فلان من رفاقي تعا لعنا عالبيت شوف بعينك إنو صار عنا ADSL فمش رح اعتبر انو الأمر تم ... لأن من فترة انحط نفس الاعلان وهلأ بعد كذا شهر رجع انحط !!!

http://zaher.qalamoun.com/Forum/Misc/ADSL.jpg

[الزاهر]

إعتبارا من يوم الإثنين 27/7/2009 بدأ التشغيل الفعلي للـ dsl في سنترال القلمون وأصبح بإمكان من يرغب باللإشتراك في هذه الخدمة للإنترنت السريع على نفس خطه الثابت دون الحاجة لأي تمديدات جديدة، التوجه إلى سنترال الميناء لطلب الخدمة.

[المصدر: المهندس جمال دنكر]

[hadid]

للإنترنت السريع


أظن أن الوصف الأمثل هو الإنترنت المقبول المتوفر بسعر زهيد والمحدود !

شفلنا يا معلم زاهر متى يمكن الإشتراك ب دي إس ال آي دي إم وباقي الشركات

سلام للجميع

[الزاهر]

التعبير الأصح هو الانترنت بكل بساطة ... لأن كل ما سبق هذه المرحلة لا يمكن اطلاق "إنترنت" عليه ... فأنت متصل بالشبكة عندما يحلو لمزود الخدمة وصلك بها وعندما يتعكر مزاجه لا تجدها عاملة !!!!- ومتل "الحـ..." كنا نروح لعندو بآخر الشهر ندفع فاتورة لإنترنت وهمي لم نحصل عليه !!! .... ومبصوتين .... عنا إنترنت !!!! ....

جر الفكرة على الكهربا والتلفون والموي وكل الخدمات اللي منحصل عليها... بشكل وهمي !!!


والأحلا من هاد كلو .... منو عاجبك ... نأبر موت !!! ... ما عندك بديــــــل !!!

[hadid]

مظبوط

يلا مبروك لكل القلمونيين بالآخر

سلام

[hadid]

شو حدن قدم طلب ؟

أو حدن بيعرف حدن قدم طلب؟

نرجو إعلامنا بكل المستجدات

[وسيم أحمد الفلو]

بشرى غير سارة لشعب القلمون


بحسب مصادر بعض الشركات فإن سنترال القلمون غير مؤهل لخدمة الopen night

[hadid]

يا عمي هلق سنترال القلمون شو بقلبو لكن ؟

[وسيم أحمد الفلو]

طلع في سنترلات هيك وسنترلات هيك، والقلمون من إلي هيك.

[أيمن غ القلموني]

يعني ما في أمل :(؟؟؟؟؟

[وسيم أحمد الفلو]

مش مفي أمل

في عروض لا بأس بها من الشركات (مثلاً Wise عندا عرض عال256 ك و6 جغ ب25$ وفي أكتر كمان) وبعدين في أمل يصير السنترال يستوعب الليل المفتوح.

[hadid]

خبر جديد

شركة آي دي ام وصلت إلى القلمون بإمكانكم الإشتراك بخدمة الدي أس أل من الشركة

لكن دون unlimited night traffic أو double speed at night

الاسعار دون تي في آ بالدولار


128 --- 4 جيغا ---- 18.99

256 --- 6 جيغا --- 22.99

512 --- 8 جيغا --- 39.99

1 ميغا --- 10 جيغا --- 69.99


أرى في هذه الإشتراكات أمرين

كلها لا تنفع إذا كان الواحد شغلو عنيف على النت متلي مثلاً

أفضل إشتراك بيناتها هوي ال256 من حيث السعر بالنسبة للكمية والسرعة

سلام

[وسيم أحمد الفلو]

شو مين من الشباب اشترك وشو رأيون بالخدمة؟

[الزاهر]

عندي بالشغل مشتركين دي اس ال من أوجيرو 512Kbps 4up 4down الخدمة جيدة جدا ... بس عطول بنهاية الشهر بدك تخفف الداونلود وبيكون باقيلك 3 بالمية من الحد الشهري للتنزيل و97 بالمية للرفع !!!


أما خدمة الحزمة العريضة اللاسلكية اللي عندي بالبيت فصار الحد الشهري 2.5 ومن الساعة 12 بليل للسبعة صباحا لا يحتسب وسرعة الرفع مضاعفة في حين التنزيل هو ذاتو والكلفة تقريبا ذاتها.

صحيح إنو المسموح تنزيلو هو الضعف بالدي اس ال بس ما حدى بيعتمد عليه ليحضر فيديو أو لينزل متلنا [وهادي هية العادات الأساسية الانترنتية عند فئتنا] ... لأن بيخلص بأول أسبوع لو بدو الواحد مننا يشتغل عليه بشكل طبيعي
أنا وئت بدي نزل شي بصمدو لبليل .... الفيديو بنزلو بليل كلو برجع بحضرو عرواء بالنهار
كذلك إذا بدي نزل شي فوق 100 ميغا بدي صمدو لبليل !!
في حين بدول العالم الحد الشهري للدي اس ال هو 200 جيغا !!!!!!!!!

يعني إذا بشي يوم من الأيام صار سنترال القلمون بيتحمل الليل المفتوح أنا شخصيا أول واحد بشترك دي اس ال !!!

[aboo 3omor]

شو مين من الشباب اشترك وشو رأيون بالخدمة؟
أنا اشتركت بال 128كب و بطيء و بدي زيدو لل 256كب
بس بشكل عام ما بو شاي منيح

[وسيم أحمد الفلو]

هل أحد لديه معلومات عن العدد التقريبي لمن اشترك بالdsl

[المبـــارك]

يا أخوة حدا يشرحلنا ليه السنترال لا يستوعب الليل المفتوح؟؟ وإذا كان لا يستوعب الخدمة،، من المسؤول بتطويره؟؟ البلدية أم شركة أوجيرو؟؟ وكل هالقد بدها ميشان يتم إصلاحه وإعداده؟؟؟

[المبـــارك]

يا أخوة حدا يشرحلنا ليه السنترال لا يستوعب الليل المفتوح؟؟ وإذا كان لا يستوعب الخدمة،، من المسؤول بتطويره؟؟ البلدية أم شركة أوجيرو؟؟ وكل هالقد بدها ميشان يتم إصلاحه وإعداده؟؟؟

ما في جواب من الإخوة؟؟؟