تسجيل الدخول

مشاهدة النسخة كاملة : ماثورات طبيه


محمد أحمد الفلو
12-02-2009, 05:56 PM
السلام عليكم

الفكرة من الموضوع إن نحنا منسمع كتير جمل ونصائح طبيه من لما كنا زغار ... ويمكن الواحد منا بتعشش هالجمل براسو وبصير يطبقا بدون ما يفكر ، وكمان ممكن يورثا لأولادو بدون ما يفكر كنا صح وإلا غلطل

فخلي كل واحد يتذكر شو عالق براسو هيك جمل تنشوف كنا صح و وإلا غلط
أنا رح بلش

دائماً لما حدا كان يغرب (grippe) ببيتنا كان ابي ( أحمد الفلو) الله يحفظو يقلنا : ال grippe بدو إسبوع مع دوا ... وسبع أيام بلا دوا ...!!!!!!!!!

كنا نسمع إنو إذا أدندشنا بالشجر منطول ..... !!!!!!!!!!

هاتو لنشوف ... شعندكن وشو رايكم ؟؟
الزاهر
12-02-2009, 06:23 PM
سماع لنشوف ... بحسب تعليمات ستي آمنة عشيرة ... وكلو مجرب ها !!! :) ... هادي العلاجات الأولى بالعيلة عنا ... بعدين بيفكرو بالدوا :)

كتام ... كباية حليب بقر ساخن ... مو أكتر من 2 !!
إسهال شديد ... كبايتين ورق سنديان مغلي (ليصير لونو متل الزهورات) ... أصحاكم أكتر من تنين ها !!! ... بينقلب كتام دغري !!!
التهابات ... بتغلي كم ورقة خبيزة وبتشرب زومهم (ليصير لونو متل الزهورات)
قرحة معدة ... بتعمل كباية أويسة كل يوم (ليصير لونو متل الشاي)
غريب ... كبايتين ليموناضة كل يوم

بس اتذكر غيرهم منضيفهم إن شاء الله
محمد أحمد الفلو
12-02-2009, 11:45 PM
أنا تذكرت وصفه مرة ابي وصفلي ياها بعد التشاور مع الرجال بالقهوة

كان طالعلي بوادر مسمار بليس باجري ... فجا أبي وجايب معو كم كيلو موز ... طلعوا قايلينلوا بالقهوة إنو يشوي قشر موز ويحطن على المسمار... وبلش يأشر ويوزع ع الشعب ... لأن بيسودو وبدك توكل غصب لعنك ...

وبلش شوي قشر موز ... ولما خلص حطينا قشر موز مشوي ومشي الحال ... و الله شفينا


هلأ كنوا هادا دوا فعال والا لأ .. الله أعلم
عبد الرحمن الفلو
18-02-2009, 11:25 PM
أنا من زمان بدي إسأل كنو السمك مع الحليب بضر متل ما بقولوا، لأن مرة بفرنسا كانوا عاملين سمك بالحليب وأكلت وما صار شي.
هل في أنواع محددة من السمك بتضر مع الحليب ؟
الزاهر
19-02-2009, 01:40 AM
أنا من زمان بدي إسأل كنو السمك مع الحليب بضر متل ما بقولوا، لأن مرة بفرنسا كانوا عاملين سمك بالحليب وأكلت وما صار شي.
هل في أنواع محددة من السمك بتضر مع الحليب ؟


هلأ إذا بتاكل بالون مع أنتي توكسين رح تتسمم !!! :)
حسب نوع السمك .. وما بعتئد دخل كنو مع حليب ولا مع غيرو !!! ... الماسطة السودا مثلا بتسمم بعض ناس ... وهكذا !!!
Nader 3:16
19-02-2009, 02:01 AM
كلامك ليس دقيقاً يا اخ حليحلوف مو كل انواع البالون بسمم...

سآل الشباب هاديكا السنة شلنا بالون شي 5 كيلو و شويناه عالبحر و كلنا منّو و ما صابنا شي....والحمد لله
الزاهر
19-02-2009, 02:25 AM
كلامك ليس دقيقاً يا اخ حليحلوف مو كل انواع البالون بسمم...

سآل الشباب هاديكا السنة شلنا بالون شي 5 كيلو و شويناه عالبحر و كلنا منّو و ما صابنا شي....والحمد لله



صحيح إنو ما كلو بيسمم ... واللي بيسمم فيه هو كبدو !!!