تسجيل الدخول

مشاهدة النسخة كاملة : اخلـــ ــعي حجـــ ــابك.....


اليمامة الحضرمية
23-02-2009, 10:51 PM
بسم الله الرحمن الرحيم


السلام عليكم ورحمة الله وبركاته

إخواني وأخواتي ،،

قد تتفاجؤن من العنواااان

.................................................. ...........................

أختاه إخلعي حجااااابك المزيف

إخلعي تبرجك المحجب...

إخلعي فستانك الضيق،،

وكل ماليس للحجاب بصله......

اخلعيه يا أختاااه ،،

وتحجبي بحجااااااااااب الإسلام الشرعي،،

فأنت نور وجواهر ودرر،،

أنتي لؤلؤة مصونة،،



القصة وما فيها هي أني فتاة من هذا المجتمع

طفشت ومليت من المناظر المستحجبة

وأدعو المستحجبااااات إلى التحرر من استحجاااابهن

أدعو كل فتاة تغطي شعرهااااااااااااااااااااا أن تغطي جسدهااااااااا

وأن تتق الله .............................

يعني صرنا عرضةً لاستهزاء

بالله عليكم أي حجاب مع البنطلون الضيق والقميص القصيرة أو حتى الطويلة


مفهوم الطويلة هو عند الركبة صاير بهالأيام ،،

وبعدين بوتين فوق الجينز........

يعني من تحت الركبة معليش يكون ضيق؟؟؟!!!


لا وبعدين بينزعجوا إذا شي شب (جـءـورهن) شي شوي...


طيب مين يلي جاب الفتوى؟!!!!.........

مافيش فتوى؟؟؟؟؟؟؟؟؟

يعني حراااااااام!!!!!!

طيب أختي مش عارفة أنو ده حرام !!!!

يبقى إذا ما نتي عارفة هلأ عرفتي

وإذا عارفة متل الغالبية ولا حول ولا قوة إلا بالله....

بيصير متل ما قال الشاعر

""إن كنت لا تدري فتلك مصيبة وإن كنت تدري فالمصيبة أكبر""


والله أنك رح تسألي يوم القيامة عن لبسك.......


وحتى يا حضرة الشبااااااااب لا تنبسطوا بحالكن كتييير


لأنو المفروض كل واحد فيكن أو أخ أو أب أو ابن ........

هادا الحكي مش يعني لازم تحمل عصا وتوقف حد الباب.......


لا أبداً بس لازم كمان تنصح وتحااااول تقنع........

وإما كيف يكون النهي عن المنكر..........

.................................................. ..................................

أنا مش ناطرة حدن يفوت ويخبرني أنو في متحجاااب أخلاقهن مش منيحة وفي مستحجبات أخلاقهن أحسن


لأنو مش هيدا موضوعناااااااااا لو سمحتوووووووووو



موضوعي هيدا كتبتو من باب الغيرة على المسلمااااااااااات


وعفواًإذا كان أسلوبي شو تقيل أو كتيررر..........

بس عن جد رح طق..........



الموضوع النقاشي:

شو رأيكم بفكرة أنو يلي بدها تتحجب على الموضة ومش صح لا تتحجب أحسن!!!!
اليمامة الحضرمية
23-02-2009, 10:55 PM
رح
أبدأ برأيي أول شي


بكل صراحة أنا مع الفكره

لأنو الحجاب هيدا صار عميشوه الحجااااب وصار ملفت للنظر كتييير

وأنا شخصياً برفض الفكره كتيييييييييييييييييييييييييييييييييييرررررررر

أنو الحجاب يصير عرضة للاستهزاء
الزاهر
24-02-2009, 01:43 AM
الموضوع النقاشي:

شو رأيكم بفكرة أنو يلي بدها تتحجب على الموضة ومش صح لا تتحجب أحسن!!!!






ضد الفكرة بكليتها !!!
بالأول جدي شاف أخوه بيصوم بس ما بيصلي ... وفتيلو هاديك الفتوى الأخت شحطة إنو صومك ما نافع إذا صلا ما بتصلي ... راح الزلمة بطل يصوم عالآخر !!!
أينو أحسن ؟؟ ... صوم بلا صلا أو لا صوم ولا صلا ؟؟؟
وأينو أحسن؟؟ ... حجاب إلا شوية أو سفور عالآخر ؟؟!!!!
عمار الفلو
24-02-2009, 02:29 AM
الموضوع النقاشي:

شو رأيكم بفكرة أنو يلي بدها تتحجب على الموضة ومش صح لا تتحجب أحسن!!!!




و أنا كمان ضد الفكرة كليا , لانو يلي مبيعمل الشغلة 100% مبيعني انو ملازم يعملها

و اذا فكرنا بهالمنطق , منقول انو الشب يلي ملتحي و بيغلط لازم يحلق لحيتو , و يلي بيمشي عنّا بالشارع و بيفوت عالجامع وقت صلاة العشاء يبطل و ....

و هيك بيطلع معي انو مفي ولا بنت لازم تتحجب و لا شب لازم يصلي ( بل الإنسان على نفسه بصيرة ) لانو كل الناس بتغلط ....

مع العمل دائما وفق حديث رسول الله صلى الله عليه و سلم :" من قال هلك الناس فهو أهلكهم" أهلكَهم أو أهلكُهم
الشامي
24-02-2009, 02:40 AM
السلام عليكم ...

أنا أوافق ما سبقني إليه الإخوة وأزيد أنه عندما اختل ميزان الناس في الحُكم على الإسلام وأصبحوا يحكمون عليه من خلال ممارسات البشر وقع الخلل... الإسلام لا يُقاس بأفعال المسلمين (نعم المُسلم يجب أن يحافظ على تعاليم دينه وأن يكون شامة بين الناس ) ولكن هذا لا ينفي عنه صفة البشرية والضعف والوقوع في الخطأ ... نعم يجب أن نرفض أو لا نُشرع الخطأ ولكن لا يجب أن يصبح الخطأ والتقصير مبررا لترك باقي الأعمال الصالحات... فالحاسرة والمُتبرجة التي تُقيم الصلاة مثلا لا نقول لها إن صلاتك لن تنفعك وإنما نستغل قربها من الله في هذه الناحية ونحاول تشجيعها على التخلص مما قد يشوب هذا الإلتزام...

هذا من وجهة نظري... والله أعلم..

أخوكم:rolleyes:
اليمامة الحضرمية
24-02-2009, 09:22 AM
ضد الفكرة بكليتها !!!
بالأول جدي شاف أخوه بيصوم بس ما بيصلي ... وفتيلو هاديك الفتوى الأخت شحطة إنو صومك ما نافع إذا صلا ما بتصلي ... راح الزلمة بطل يصوم عالآخر !!!
أينو أحسن ؟؟ ... صوم بلا صلا أو لا صوم ولا صلا ؟؟؟
وأينو أحسن؟؟ ... حجاب إلا شوية أو سفور عالآخر ؟؟!!!!


أشكرك الأخ الزاهر على مشاركتك

بالنسبة لقضية الصوم والصلاة يلي ذكرتها

"أينو أحسن ؟؟ ... صوم بلا صلا أو لا صوم ولا صلا ؟؟؟"

رح أأنقل لكم الفتوى يلي قريتها بهيدا الموضوع: من موقع طريق الإسلام (http://www.islamway.com/?iw_s=Fatawa&iw_a=view&fatwa_id=3488)

السؤال: يعيب بعض علماء المسلمين على المسلم الذي يصوم ولا يصلي، فما دخل الصلاة في الصيام، فأنا أريد أن أصوم لأدخل مع الداخلين من باب الريان، ومعلوم أن رمضان إلى رمضان مكفرات لما بينهن، أرجو التوضيح وفقكم الله ؟


المفتي: محمد بن صالح العثيمين (http://www.islamway.com/?iw_s=Fatawa&iw_a=mufties&mufti_id=50)


الإجابة:
الذين عابوا عليك أن تصوم ولا تصلي على صواب فيما عابوه عليك، وذلك لأن الصلاة عمود الإسلام، ولا يقوم الإسلام إلا بها، والتارك لها كافر خارج عن ملة الإسلام، والكافر لا يقبل الله منه صياماً، ولا صدقة، ولا حجاً ولا غيرها من الأعمال الصالحة لقول الله تعالى: { وَمَا مَنَعَهُمْ أَن تُقْبَلَ مِنْهُمْ نَفَقَاتُهُمْ إِلاَّ أَنَّهُمْ كَفَرُواْ بِاللّهِ وَبِرَسُولِهِ وَلاَ يَأْتُونَ الصَّلاَةَ إِلاَّ وَهُمْ كُسَالَى وَلاَ يُنفِقُونَ إِلاَّ وَهُمْ كَارِهُونَ} [التوبة:54]. وعلى هذا فإذا كنت تصوم ولا تصلي، فإننا نقول لك أن صيامك باطل غير صحيح، ولا ينفعك عند الله، ولا يقربك إليه. وأما ما وهمته من أن رمضان إلى رمضان مكفراً لما بينهما فإننا نقول لك: إنك لم تعرف الحديث الوارد في هذا فإن رسول الله يقول: « الصلوات الخمس والجمعة إلى الجمعة ورمضان إلى رمضان مكفرات لما بينهن ما اجتنبت الكبائر ». فاشترط النبي عليه الصلاة والسلام لتكفير رمضان إلى رمضان أن تجتنب الكبائر، وأنت أيها الرجل الذي لا يصلي ويصوم لم تجتنب الكبائر، فأي كبيرة أعظم من ترك الصلاة، بل إن ترك الصلاة كفر، فكيف يمكن أن يكفر الصيام عنك، فترك الصلاة كفر. ولا يقبل منك الصيام. فعليك يا أخي أن تتوب إلى ربك، وأن تقوم بما فرض الله عليك من صلاتك ثم بعد ذلك تصوم. ولهذا بعث الله النبي معاذاً إلى اليمن قال:« ليكن أول ما تدعوهم إليه شهادة أن لا إله إلا الله وأن محمداً رسول الله، فإن هم أجابوك لذلك فأعلمهم أن الله افترض عليهم خمس صلوات لكل يوم وليلة » فبدأ بالصلاة ثم الزكاة، بعد ذكر الشهادتين.


أما قضية حجاب شوي أو سفور على الآخر.......

برأيييي الشخصي ولم أعلم فيه فتوى لحد الآن........

إذا كان هيدا الحجاب الشوية بدو يشوه صورة الحجاب ...برأيي بلاه...

لأنو ما بقدر إتخيل أنو حدن عميقول ليكوا المتحجبات شو لابسين (وقصده الإستهزاء بهن)...



وشكرا
اليمامة الحضرمية
24-02-2009, 09:30 AM
و اذا فكرنا بهالمنطق , منقول انو الشب يلي ملتحي و بيغلط لازم يحلق لحيتو , و يلي بيمشي عنّا بالشارع و بيفوت عالجامع وقت صلاة العشاء يبطل و ....

و هيك بيطلع معي انو مفي ولا بنت لازم تتحجب و لا شب لازم يصلي ( بل الإنسان على نفسه بصيرة ) لانو كل الناس بتغلط ....

مع العمل دائما وفق حديث رسول الله صلى الله عليه و سلم :" من قال هلك الناس فهو أهلكهم" أهلكَهم أو أهلكُهم




الأخ عمار الفلووو

أشكرك أولاً على ردك

ولكن الموضوع ليس كما فهمته ،، لأنو مش عمقول أنو إذا البنت بتغللط.....أو لأ...

يعني ما عمإحكي على تصرفااات أو أفعااال...

عمإحكي على اللبس وبسسسس.....

فهذا لا يعني أن الملتحي لازم يحلق لحيتو لأنو غلط،، وذلك لأن كل الناس بتغلط.....وماحدن معصوم...

وأما عن الشب يلي بيمشي بالشارع ،، قد تكون الشغله غلط عندكم كما حسيت عند ذكرك للموضوع...

بس ماسمعت بمرجع ديني بيحرم المشي بالشارع،، بل أعطى للشارع حق..ولازم نراعيه..

من غض النظر وغيره.......

يعني ما قلت يلي بيغلط مش لازم يصلي ولا يصوم ولا هيك.........

يلي بقولو...الاستحجاب لمن بيشوه الحجاااااااب ...........شو ميشانو؟؟

وشكراً
الزاهر
24-02-2009, 09:35 AM
أشكرك الأخ الزاهر على مشاركتك

بالنسبة لقضية الصوم والصلاة يلي ذكرتها

"أينو أحسن ؟؟ ... صوم بلا صلا أو لا صوم ولا صلا ؟؟؟"

السؤال: يعيب بعض علماء المسلمين على المسلم الذي يصوم ولا يصلي،" فما دخل الصلاة في الصيام، فأنا أريد أن أصوم لأدخل مع الداخلين من باب الريان، ومعلوم أن رمضان إلى رمضان مكفرات لما بينهن"، أرجو التوضيح وفقكم الله ؟




فما دخل الصلاة في الصيام ... فأنا أريد أن أصوم لكن لا اريد أن أصلي ... بصوم هالرمضان وبصوم رمضان الجاية والله بيغفرلي إني ما صليت بيناتهم ... وما رح زكي كمان ... الله بيغفرلي لأني عم صوم ... وبألكم ... بدي أعبد جميزة الحارة الشرقية مع الله كمان ... طيبة، بتستحق ... والله بيغفرلي لأني عم صوم ... أرجو التوضيح وفقكم الله ؟!!!!

مختلفة تماما عن: شيخنا الفاضل ... هل ينفع عمل المسلم إذا كان مقصرا في أداء الصلاة ؟ يأنبه ضميره لكن يسهو عنها أحيانا !!! ... أرجو منكم التوضيح وفقكم الله.


مو بس مختلفة ... بل الفرق كل الفرق ههنا ... بين الإصرار والسهو أو التكاسل.
اليمامة الحضرمية
24-02-2009, 09:36 AM
السلام عليكم ...

أنا أوافق ما سبقني إليه الإخوة وأزيد أنه عندما اختل ميزان الناس في الحُكم على الإسلام وأصبحوا يحكمون عليه من خلال ممارسات البشر وقع الخلل... الإسلام لا يُقاس بأفعال المسلمين (نعم المُسلم يجب أن يحافظ على تعاليم دينه وأن يكون شامة بين الناس ) ولكن هذا لا ينفي عنه صفة البشرية والضعف والوقوع في الخطأ ... نعم يجب أن نرفض أو لا نُشرع الخطأ ولكن لا يجب أن يصبح الخطأ والتقصير مبررا لترك باقي الأعمال الصالحات... فالحاسرة والمُتبرجة التي تُقيم الصلاة مثلا لا نقول لها إن صلاتك لن تنفعك وإنما نستغل قربها من الله في هذه الناحية ونحاول تشجيعها على التخلص مما قد يشوب هذا الإلتزام...

هذا من وجهة نظري... والله أعلم..

أخوكم:rolleyes:




لا حول ولا قوة إلا بالله

أشكرك أخوي على ردك

"فالحاسرة والمُتبرجة التي تُقيم الصلاة مثلا لا نقول لها إن صلاتك لن تنفعك وإنما نستغل قربها من الله في هذه الناحية ونحاول تشجيعها على التخلص مما قد يشوب هذا الإلتزام..."

ولكني للللللللممممممم أقل أنها يجب ترك الصلاة إطلاقاً..بل وقلت أيضاً

".........
لا أبداً بس لازم كمان تنصح وتحااااول تقنع........

وإما كيف يكون النهي عن المنكر..."


أرجو التمعن فيما كتبته يا إخوة

لم أتطرق لأي مسألة غير الحجاااااب السااااااافر....

وشكراً
اليمامة الحضرمية
24-02-2009, 09:45 AM
مو بس مختلفة ... بل الفرق كل الفرق ههنا ... بين الإصرار والسهو أو التكاسل


أخي الفاضل لمن كتبت حضرتك بس ما بيصلي ما وضحت إذا سهو أو تكاسل ...

والبديهي أنو الواحد يفهمها أنو ما بيصلي.......وبس

رح حاول أفتش عن فتوى حول التقصير والتكاسل انشالله...
وشكراً
الزاهر
24-02-2009, 09:54 AM
يعني ما قلت يلي بيغلط مش لازم يصلي ولا يصوم ولا هيك.........

يلي بقولو...الاستحجاب لمن بيشوه الحجاااااااب ...........شو ميشانو؟؟

وشكراً


هي ذاتها خيتو

بالأول في أخت عنا مدري مين لعبلها بعألها وأنعها تتحجب ... وبأول أيامها كان الحجاب من الرقبة وطالع ... مع الفول ميك أب وعوينات أد أزاز السيارة ... تخيلي شي شب يستوقفها بالشارع يسفئها هاديك البهدلة يا بنت الناس يا أخت العالم ... حبط عملك ... إلى الدرك الأسفل من النار ... يا عدوة الإسلام والمسلمين .... مو بس بتشلح الحجاب كانت ... الله يستر شكان صار !!! ... دراع دري درف .. وهالرصاص بيلعلع !!!
بس معو معو بيمشي الحال وإذا في خير بتتحسن ...

هلأ الأصة كالتالي :

المستحجبات كما سميتهم أختي الفاضلة نوعان :
- أخت تحجبت وهي في بداية مسيرة الإلتزام. وهي المتحجبة من الداخل ولم تتحجب بعد من الخارج كما يجب.
- أخت تحجبت لأن البنات تتحجب في منطقتها. وهي المحجبة من الخارج التي لم تتحجب من الداخل بعد.

والمشكلة في الحالتين حلها بالنصح والكلمة الطيبة وشرح المفاهيم بالشكل الصحيح وبالدعم المعنوي وتصحيح الموازين حتى يصبح الحجاب داخلي وخارجي.

فإذا المشكلة ليست بالمستحجبة بل بالمجتمع الراعي لها الذي لم يولها الأهمية والإهتمام والرعاية الكافية !!!! ... بالمشبرح ... الحأ علينا لأن ما عم نعمل شي منشانها !!!
اليمامة الحضرمية
24-02-2009, 10:08 AM
بالأول في أخت عنا مدري مين لعبلها بعألها وأنعها تتحجب ... وبأول أيامها كان الحجاب من الرقبة وطالع ... مع الفول ميك أب وعوينات أد أزاز السيارة ... تخيلي شي شب يستوقفها بالشارع يسفئها هاديك البهدلة يا بنت الناس يا أخت العالم ... حبط عملك ... إلى الدرك الأسفل من النار ... يا عدوة الإسلام والمسلمين .... مو بس بتشلح الحجاب كانت ... الله يستر شكان صار !!! ... دراع دري درف .. وهالرصاص بيلعلع !!!
بس معو معو بيمشي الحال وإذا في خير بتتحسن ...

أكييد ما بأيد هيدا الشب لأنو في طريقة بالحكي...





هلأ الأصة كالتالي :

المستحجبات كما سميتهم أختي الفاضلة نوعان :
- أخت تحجبت وهي في بداية مسيرة الإلتزام. وهي المتحجبة من الداخل ولم تتحجب بعد من الخارج كما يجب.
- أخت تحجبت لأن البنات تتحجب في منطقتها. وهي المحجبة من الخارج التي لم تتحجب من الداخل بعد.

والمشكلة في الحالتين حلها بالنصح والكلمة الطيبة وشرح المفاهيم بالشكل الصحيح وبالدعم المعنوي وتصحيح الموازين حتى يصبح الحجاب داخلي وخارجي.

فإذا المشكلة ليست بالمستحجبة بل بالمجتمع الراعي لها الذي لم يولها الأهمية والإهتمام والرعاية الكافية !!!! ... بالمشبرح ... الحأ علينا لأن ما عم نعمل شي منشانها !!!


وهذه يلي قولتووو

النهي عن المنكر......... وقلت أنو مش قصدي الأخ أو الأب يحمل عصا ويوقف حد الباب...

يعني لازم ينصحها بالمعروووف.....

بس حتى هيدي الشغله ما عاد عمنحس بوجودها بهالأيام..(إلا من رحم ربي)


ولا حول ولاقوة إلا بالله
الزاهر
24-02-2009, 10:15 AM
[/color][/font][/size]

يعني لازم ينصحها بالمعروووف.....

بس حتى هيدي الشغله ما عاد عمنحس بوجودها بهالأيام..(إلا من رحم ربي)


ولا حول ولاقوة إلا بالله


المشكلة إنو كل واحد وواحدة مننا معتبرها\تها شغلة غيرو\ا ... بالتالي بتطلع شغلة واحد اسمو "ما حدا" !!!
اليمامة الحضرمية
24-02-2009, 10:17 AM
صح كلامك ......

والواجب أن يبدأ كل شخص من نفسه بالنصح لنفسه ولغيرو.....

والله المستعان
الزاهر
24-02-2009, 10:30 AM
صح كلامك ......

والواجب أن يبدأ كل شخص من نفسه بالنصح لنفسه ولغيرو.....

والله المستعان

والواجب أن يبدأ كل شخص من نفسه بإعدادها وتحضيرها لهذه المهمة ثم بالنصح لنفسه ولغيرو..... لأن بدون إعداد ما في شي بيمشي صح !!!

ولعتا شو هالسئالة .. بيعلء عكل كلمة !!! :)
اليمامة الحضرمية
24-02-2009, 11:03 AM
بارك الله بكم

لمشاهدة أحكام تارك الصلاة إن كان جاحداً أو متكاسلاً (http://forum.qalamoun.com/showthread.php?p=72794#post72794)
أم سفيان
24-02-2009, 06:25 PM
السؤال المطروح حلو بتعرفي من زمان كان جوابي نفس جوابك بس اليوم اختلف
من ابل كتبت رد للأخ نادر كمان بينطبئ هوني مشكلتنا إنو لمن منطبئ حكم بالدين بيتهيألنا إنو احنا الصح وما عدانا إذا اخل شويه لو بينئرض أحسن يكتير وهوني الغلط يعني الحديث بيؤل لا يصف ولا يشف بس كل بلد وكل منطأة ممكن تفسرا عزوءا فاللي ببلادنا مقبول ببلد تاني سفور بس ما هاد موضوعنا
لمن بننظر للبنت المحجبة متل ما التي عالموضة ونحكم عليا بهالشكل بنكون عم نظلما لأن نظرتنا كانت ديأة لازم نطلع عالمجتمع والأسرة والرفأة والجو والمرحلة العمرية لأن هالشي بيأثر كتير وهالجو هاد هوا اللي شكلا الحجاب تبعا ويمكن ربنا يتأبل منا هالحجاب أكتر من واحدة آعدة فرضا بالسعودية ولابسة الحجاب الكامل بس لأنو عادة البلد بتفرض عليا هالنوع من الحجاب
بعدين في ناس بعرفن هلأ بيلبسو النقاب أول ما بلشو بلشو بتياب عادية فالإنسان بتغير مع الوأت ان شالله تكون وصلت فكرتي
Kinda
01-03-2009, 09:25 PM
السلام عليكم

شكرا ً على الموضوع الحلو .

أنا معك انو الواحدة لي بدها تتحجب لازم تتحجب صح , يعني لو منو اللبس الشرعي الكامل , بس عل القليلة يكون لبس واسع مبدئيا ً و منو قصير لدرجة لفت النظر .

و بحب إلفت نظرك لشغلة إنو في بنات اهلن بيجبروون عل الحجاب بلا ما يفهموا ليش فرض الحجاب أصلا ً , و الأهل لمجرد الركض ورا العادات و التقاليد بدن يلبسون الحجاب لي بيشوفو إنو الواحدة تغطي شعرها و بس .

ف ميشان هيك البنت بتكون مانا مقتنعة , و مجبوره تحط الحجاب ع راسها ... و بالمقابل بيدل لبسها عادي متل الاول أو متل لي منها متحجبة .

هادي حالة مثلا ً , و الغلط فيا عل الأهل منو عل البنت .
أما الغلط الأكبر عل البنت لي سميتها مستحجبة , لأنها متحجبة عن قناعة ع أساس و منا عم تطبق هل القناعة صح !

يعني لي بدها تتحجب هيك , أنا معك ما تتحجب من الأصل .
و كمان لازم نحنا نحاول ننصح البنات كلن و نفهمن معنى الحجاب و أهميتو للبنت ... ساعتها أكيد رح يغيروا و لي ما بدها تغير بعد هيك الله يهديها .
اليمامة الحضرمية
12-06-2009, 09:59 PM
شكرا لمروركن يا أخواتي

والله يهدي الكل

وعن جد متل ما قلتي أختي كيندا كتير أوقات بيكون الحجاب من العادات لا أكتر عشان هيك ما بيفهموا أصلو ويحترمو

عشان هيك لازم كل الأهل يلي بيدلوا بناتهن على الحجاب أنو يفهموهن ليش بيتحجبوا بالأول بطريقة مرغبة فيه...

وليعلم كل ولي أمر أنه مسؤول أمام الله عن رعيته وعن لباس أهلو

فليتقوا الله في أهلهم
محمد
13-06-2009, 06:39 AM
‏ رأي أنه ما لازم نكون سلبيين وندعو لترك الحجاب عند تقصير الأخت .
لازم نكون إيجابيين وندعيها بجمل مشجعة : أنه خطوة جيدة أنك أقدمت عالحجاب بس الحجاب له صفات 1 2 3 ...

وهيك والله يوفقنا جميعا ويهدينا

‎‏
hunter_hunted
13-06-2009, 12:48 PM
رح
أبدأ برأيي أول شي


بكل صراحة أنا مع الفكره

لأنو الحجاب هيدا صار عميشوه الحجااااب وصار ملفت للنظر كتييير

وأنا شخصياً برفض الفكره كتيييييييييييييييييييييييييييييييييييرررررررر

أنو الحجاب يصير عرضة للاستهزاء
طيب يا يمامه ،،، في ناس بتتمسخر المنقبات ،،، وبطريقة أبشع من إلي حكيتي عنا بكتير ،،، ايشو الحال إنا نروح نقول ل المنقبه ظبطي حجابك ،،، ولا نخلع إلي عم يتمسخر بوكس نهرلو سنانو .....
بعدين هادي الطريقة الالغائيه بتفكيرك ما عجبتني بنوب....كلنا منعرف إنو تارك الصلاة جحوداً في أحاديث بتكفرو ،،، بس منو هاد الباب إلي بفوت منو الواحد إذا بدو يقنع انسان بالصلاة .....
بعدين اسمك منو مرغوب في نهائياً ،،، مين قال إنو الهنتر بفرق بين يمامه حضرميه أو بلديه!!!!!! غيريي بأسرع وقت أبل ما يجي شي ضرب جفت يجيبو شأفتين ..... ؟؟؟؟؟؟؟؟؟؟؟؟؟؟؟؟؟؟ http://forum.qalamoun.com/images/icons/icon10.gifhttp://forum.qalamoun.com/images/icons/icon10.gif
أخوكم http://forum.qalamoun.com/images/icons/icon12.gif
Nader 3:16
13-06-2009, 08:54 PM
السلام عليكم.

برمضان الماضي كنت عم صلّي التروايح بطرابلس . فالشيخ بيعطي موعظة بين الركعات.
فكان حديثه عن المنفّرين .
وضرب مثل عن هؤلاء. بكون الواحد جايا برمضان عالجامع و ناوي يصلح العلاقة بينو و بين ربّو...بفوت عالوضوء أخي....ببلش عم يتوضأ....وهو لا يحسن الوضوء....بشوفوا واحد من تبعون المنفّرون...شبءلو...

ليكو ما بيعرف يتوضّا و جايا يصلي....اخي روح تعلّم الوضوء و بعيدن تعا توضا.....

نفس الشي بقضية الحجاب....مفكرة حالك متحجبة روحي اقلعي الحجاب احسنلك.....

انا بشوف انو الحل ما بكون بعمل تنفيري بتكون عاقبتو اشد من العمل نفسو.

والحل هو بالنصيحة و الكلام الطيب.
اليمامة الحضرمية
14-06-2009, 12:17 AM
أخي نادر أنا معك مية مية بيلي قولتو

وأكييييد أنالمن قلت هيك كان لازم هالنقطة
لأنو أكيييد بقصد الناس يلي بتعرف كتير منيح بهيك مواضيع

وبيكون الواحد تعب من كتر الحكي يعني ما عندهن عذر بهالموضوع بس أنو هيك راكب الشيطان براسهن
اليمامة الحضرمية
14-06-2009, 11:44 PM
طيب يا يمامه ،،، في ناس بتتمسخر المنقبات ،،، وبطريقة أبشع من إلي حكيتي عنا بكتير ،،، ايشو الحال إنا نروح نقول ل المنقبه ظبطي حجابك ،،، ولا نخلع إلي عم يتمسخر بوكس نهرلو سنانو .....

هلأ ما فهمت شو خص هيدا بهيدا !!! المنقبات مش عاملين شي غلط إذا تنقبوا يعني خليهم يموتوا فقع يلي بيتمسخروهن..ومش رح ينقص منهن شي...


بعدين هادي الطريقة الالغائيه بتفكيرك ما عجبتني بنوب....

أها...إذا هيك فهمتها...هيدا رأيك...


كلنا منعرف إنو تارك الصلاة جحوداً في أحاديث بتكفرو ،،، بس منو هاد الباب إلي بفوت منو الواحد إذا بدو يقنع انسان بالصلاة .....

والله ما بعرف شو بدي قلك بهالموضوع ،، بس يعني يلي ما بيقتنع بحكي الرب ما بعرف إذا رح يقتنع بحكي العبد..
وخبرية مخزية أنو صار بدنا نقنع المسلمين بالصلاة...(لاحول ولا قوة إلا بالله)
بخاف شي يوم يصير بدنا نقنعهم بوجود الله سبحانه...
وبعدين لازم الواحد يخبرو بالأحاديث تيعرف أهمية الصلاة،، ولو ماهيدا باب بيفوتو منو ما بعتقد أنو الرسول صلى الله عليه وسلم (أفهم البشر) كان فات منو...


بعدين اسمك منو مرغوب في نهائياً ،،،

عفواً مابظن حدن سألك...


مين قال إنو الهنتر بفرق بين يمامه حضرميه أو بلديه!!!!!!

ما بيهمني مشكلتو


غيريي بأسرع وقت أبل ما يجي شي ضرب جفت يجيبو شأفتين ..... ؟؟؟؟؟؟؟؟؟؟؟؟؟؟؟؟؟؟ http://forum.qalamoun.com/images/icons/icon10.gifhttp://forum.qalamoun.com/images/icons/icon10.gif

ما بعتقد أني قاعدة عمنكت أو عمطق حنك...
hunter_hunted
15-06-2009, 01:34 AM
أنا قصدي إنو إلي بدو يتمسخر منو انسان جدير إنو نبني رأينا علي،، سواء كان للمنقبات ولا لغيرن،، بس لأسف إنتي ما فهمتي الرابط بين الموضوعين مع إنو واضح.....
أنا يائس انك تقتنعي بشي من إلي عم أولو بس لله الأمر،،مجبور رد،، هل أحاديث تكفير تارك الصلاة هيه تستعمل برأيك ميشان نعالج النقص أو التقصير عند الناس ،، إلي بيترك الصلاه أكيد عندو جهل ،، فإذا جيتي حضرتك قلتيلو إنو كافر خلص نتهى النقاش ،، ووديتي عجهنم شلازمتلو الصلاه باءو...
بعدين ما تتحججي إنو الرسول كنت هادي طريقتو للدعوه لأن الرسول كان بدعوتو رؤوف بالناس وطبيب للبشريه ،، وكل انسان بعاملو ع أد فهمو ،، وبجي من الباب إلي بيقتنع فيه ،، لأنو حريص على هداية الناس ،، منو متلكن ،، كروت التكفير حاجزينا للعالم ...
اخر شي أنا ستغربت وقت قلتي منا عم نطق حنك ،، والله أنا كنت مفكرك عم تمزحي وقت قلتي انك مع خلع الحجاب ليلي سميتيون المستحجبن ،،بس هلأ بعد ما بين إنو هدا رأيك فبقلك مبروك عليكي رأيك وموضوعك وأنا حاولت استفزك لا أعرف هالجواهر إلي بدك تتحفينا فيا...
سلام...
أخوكم http://forum.qalamoun.com/images/icons/icon9.gif
hunter_hunted
15-06-2009, 01:55 AM
عفواً مابظن حدن سألك...


كان لازم تقولي ....أنا ما سألتك....لأن يمكن في حدا غيرك سألني ولا أنا غلطان ... وشكراً لروح النكته العاليه والأجوبه المرنه والدبلوماسيه...
أخوكم http://forum.qalamoun.com/images/icons/icon12.gif
ياطر
15-06-2009, 02:47 AM
يا هنطير هنطد
الحجية سمر باكوبن (اليمامة لو كونت متابيع من زمان وجاييه) روء بالاك عليها ...
وإنتي يا حجيه روءاي باليك علاي للهنطير

ما بدا هالآد الشغليه ...

رجعونا للموضوع الأصلاي لأناو كان شوييه ممتيع وهاداي ...
فخلوو هاداي !


وإنتيه يا هنطير بحييك عالروح الرياضية اللي عنداك لأناو بالعاديه بيصير فاي أويص بالعيارات التئيليه بعد هيك ردود :)


كلاو بيمشاي بالرواء ....
روؤو بالكون !
hunter_hunted
15-06-2009, 02:56 AM
والله أنا كنت مفكرها شخصيه منا معروفه
وهلأ قلتلي إسمها وما عرفتا..
بس إذا هيك القصة أنا بطلب من المشرف سحب جميع مشاركتي بهالموضوع إذا جرحنالا مشاعرا..... هههههههههه
أخوكم http://forum.qalamoun.com/images/icons/icon11.gif
اليمامة الحضرمية
18-06-2009, 12:54 AM
أولاً أشكركم على ردكم.......

ثانياً ..أخ هانتر اسمحلي وضحلك شغلك مهمة بكلامي ولو كانت خارجة عن موضوعنا هون

"هل أحاديث تكفير تارك الصلاة هيه تستعمل برأيك ميشان نعالج النقص أو التقصير عند الناس ،، إلي بيترك الصلاه أكيد عندو جهل ،، فإذا جيتي حضرتك قلتيلو إنو كافر خلص نتهى النقاش ،، ووديتي عجهنم شلازمتلو الصلاه باءو...
"

أنا لمن قلت هيدا باب لإقناع أو لنقاش تارك الصلاة ...
لم أقصد طبعاً أن أقوم وأقوله أنت كافر ..أنت مش رح تفوت على الجنة ...وأنت دغري على جهنم...والعياذ بالله....

"بعدين ما تتحججي إنو الرسول كنت هادي طريقتو للدعوه لأن الرسول كان بدعوتو رؤوف بالناس وطبيب للبشريه ،، وكل انسان بعاملو ع أد فهمو ،، وبجي من الباب إلي بيقتنع فيه ،، لأنو حريص على هداية الناس ،، منو متلكن ،، كروت التكفير حاجزينا للعالم ...
"

الرسول صلى الله عليه وسلم قدوتنا ....ولنا الفخر...
أنت يا أخ فهمتني غلط أو بالأحرى أنا قلت أنو فينا نستعمل الأحاديث وبس ....بس يلي فهمتو من حضرتك ..أنك قولتلني شي ما قولتو.......أنا ما بكفّر حدن ولا بقطع كروتة تكفير لحدن............وبظن ما في شي بمشاركاتي بيوضح أو بيظهر هالشغلة...والعياذ بالله......

يعني مش ممكن تجي تستعمل هالأحاديث بمناقشة لإقناع واحد تيصلي؟؟؟

طيب ليش مافينا نقولو يا أخ أو يا أخت الرسول صلى الله عليه وسلم...قال هيك عن يلي ما بيصلو...
أنت أو أنتي بتقبلي تكون هيك.؟؟ ليش شوفي بالدني بيستاهل أنو الرسول صلى الله عليه وسلم يوصفك بالكافر..!! ما بالنهاية كلنا بدنا نموت ونتحاسب وأهم شي الصلاة...وحكي من هالنوع.......

وما بعتقد أنو هيدا حكي بينفّر ولا بيكفّر......

وكل يلي بيعرفوني شخصياً بيعرفو أني ما بقطع كروتة تكفير لحدن...........

وشكراً على مشاركتك..وبتمنى المرة الجاية ما تتهم على العميانة.....


أما بالنسبة للهجتي الثقيلة إذا هيك إسمها بالمشاركة فوق..طبعاً سببها أنو حضرتك بلشت تحكي عن الإسم وهيك وما بيحقلك ..خصوصاً أني اعتبرتو طق حن
ramo
18-06-2009, 02:06 AM
السلام عليكم ورحمة الله وبركاته
أظنّ أنه هنالك الكثير من المستحجبات وغير المتحجبات متسجلات على المنتدى , حبذا لو يدلوا بآرائهن
hunter_hunted
18-06-2009, 03:11 AM
الحج أبو خليل من أعز الناس ،، ضليت جادل أنا وياه على كلمه طلعت منو بحق شب ،، ليش ؟؟؟؟ لأني إعتبرت إنا منفرة وما بتليق بشخص يعمل بالمجال الدعوي والإسلامي....
يا اخوانا الإسلاميين انتو أم الصبي ... أنا مني معتبر حالي أفهم من حدة ،، بس كل كلام خارج عن إطار النصيحة المقبوله ،، مافي داعي ينقال...
أنا بدي اسألك ،، لو كانت الضيعة عنا مافيا ولا بنت بتلبس نص كم ،، هل هذا إيجابي أو سلبي؟؟؟؟؟؟ فما بالك لو الضيعة كلها مافيا حدة إلا عالقليله """"مستحجب""""" !!!! أكيد الوضع بكون أحسن وأحسن ...
بءو بالله عليكي أيشيه القضيه يلي حاملتيها وجايه تقنعينا فيا...
أنا تلقيت كلام قاسي منك وما رديت لأن ما بحب حدة يجبرني قول شغله مبدي قولها ،، ومشان هيك ستغرب ياطر... بس بقللو ما تستغرب أنا وقت بدي بحط قلبي بالتلاجة @@!!%%
اخر شي اسمك بالفعل حلو منين ناكشتيه.!!!??.. كان لازم تفهمي من الأول إن هادي طريقتي الخاصة ل قول إنو الإسم حلو http://forum.qalamoun.com/images/icons/icon12.gif
سلام
أخوكم http://forum.qalamoun.com/images/icons/icon14.gif
أيمن غ القلموني
18-06-2009, 03:19 AM
السلام عليكم ورحمة الله وبركاته
أظنّ أنه هنالك الكثير من المستحجبات وغير المتحجبات متسجلات على المنتدى , حبذا لو يدلوا بآرائهن




لم نفهم :cool:، فسر لو سمحت يا أخونا !! ماذا تعني بمستحجبات ؟؟؟
ramo
18-06-2009, 03:46 AM
أهلاً بالأخ
الكلمة سهلة والكل إستخدمها بمشاركته
بإختصار شديد الفتاة المستحجبة هي التي تلبس حجاب الموضة


رامو
أيمن غ القلموني
18-06-2009, 07:54 PM
أوك ، تشكراتي على التوضيح يا أخونا
اليمامة الحضرمية
19-06-2009, 12:40 AM
أستغفر الله العظيم وأتوب إليه
يا أخ هانتر ..................
أنا قلت رأيي وما جبرت حدن فيه ..يعني ما بعرف كيف فهمت أني عمإجبر حدن برأيي...إذا بتلاحظ إني كاتبة
"الموضوع النقاشي:

شو رأيكم بفكرة أنو يلي بدها تتحجب على الموضة ومش صح لا تتحجب أحسن!!!!

"

"أنا تلقيت كلام قاسي منك وما رديت لأن ما بحب حدة يجبرني قول شغله مبدي قولها ،، ومشان هيك ستغرب ياطر... بس بقللو ما تستغرب أنا وقت بدي بحط قلبي بالتلاجة @@!!%%
"

لو سمحت ما تربحني جميلة أنك ما رديت على حكيي يلي تلقيتو مني بسبب أنك أنتي بلشت بالأول...وأنا ما بجبر حدن على شي..أنت حر ترد كيف ما بدك....




والسموووحه منكم....

وأتمنى أن لا نخرج أكتر عن الموضوع

وشكراً للجميع على مشاركاتهم..........
وحياكم الله
hunter_hunted
19-06-2009, 04:18 AM
انتي قلتي رأيك ودافعتي عنو بطريقتك ،،، وأنا قلت رأيي ودافعت عنو بطريقتي.....
وما بعتقد فاتحين نقاش ل كل واحد يتشبث برأيو ،، وإلا ما كان في داعي ينحكى .....
وأنا ما بعتقد إنو مشاركتي خرجت عن الموضوع كتير .....
بس نجبرنا نصلح سوء الفهم....
سلام