منتدى القلمون

[أمّ البراء]

لعبت بعقلي لنّون...
وجرّتني ع منتدى القلمون...
قالتلي رح تندهشي
بأعضاء من أرقى ما يكون...


قلتلّا يا صديقتي معقول؟
إنتو قلامنة أنا شو بقول؟
قالتلي هيدا مشكل محلول...
بالشّعر كلامك موزون!


اتّكلنا على العليّ الكبير
وقلت عضو بهالمنتدى بصير...
شو فيا؟ القلامنة طيّبين كتير...
و"فرش" متل اللّيمون!:1 (12):


مضي ع خير أوّل أسبوع..
وصار موضوع يجرّ موضوع...
كترو المشاركات وعلي المجموع
وما تلحّء ردود هونيك وهون..


عضو يمدح ... وعضو"يتمرأع"
عضو يبهدل .. وعضو يتمنّع...
عضو يتذكّر... وعضو يتوقّع...
ومشرفنا صار ب10عيون!:1 (18):


بسيّارة من التّكنو فيك تتجوّل ..
الرّياضيّة بتزمّرلك حتّى تحوّل:1 (50):
وع الشّؤون مسمحلك تتفضّل
تسرح وتمرح بكروم الزّيتون!


عطر البيان لراحة النّفوس...
بسّ الطّلابيّة...:1 (8):إهئ.. كلّا دروس...
وع الإسلاميّة يا راجي الفردوس...
وبالشّقائق القلب الحنون..:1 (61):


ال"دّبّيّة" بحفل الاستقبال..
أصوات ولا خطرت ع بال...
من البحر الألحان... ومن الجبل الموّال...
شو حلو منتدى القلمون...


واحد بيكتب وميّة بيعلّئ...
ما عدنا نعرف شو نمرّئ...
السّوّاح كترو وما بقا نلحّئ...
"هكذا صرّح القيّمون"

[أمّ البراء]

...وبعد مرور 000 ساعات على توقيت بغ بون...
(أقصد بغ بين)
....

[أمّ البراء]

فجأة ...دون سابق إنذار..
تقولو نووي وطيّرن بانفجار...
ما بقي بالسّاحات إلّا كم جار:1 (56):...
على خطاهم سائرون...

بعد ما كان منتدى سوّاح..
صار يا حسرة منتدى أشباح:1 (13):...
بتغرّد كالبلبل أو بتزمجر كالرّياح...
عم تحكي لحالك كالمجنون...:1 (34):

ابن الإينفو قال ما بيردّّ
لحتّى ربنا يكرمو ويخلّص عدّ...
وترى كلّن رقمين.. صفر وواحد...
منيح ما كانو ألف ومليون...

وهيداك ابن الفيزيك...
حرام...علقان بشان إلكتريك...
وصاحب الrx شيميك
دايب بشي سوليسيون:1 (77):...

وأصحابنا أهل الرّياضة...
بدّن تييفيقو عراضة:1 (55):..
والشّعرا أصحاب السّعادة..
على متن السّراب نائمون..

[أمّ البراء]

وشو الحلّ؟؟؟
فكّري معي يا لنّون...
:1 (67):

[الزاهر]

صاحب الأهوة ما جاه زبونات يوم الخميس آم سكر !!! :)

[الشامي]

السلام عليكم ...

شيء مُمتع بصراحة التعبير عن الأفكار بهذه الطريقة...

إلى الأمام يا أمّ البراء...

أخوكم:rolleyes:

[lina k]

كلام جميل يا أم البراء
هلأ صار دوري, بس خلّصا بعرضها(رح حاول خلصها اليوم بليل)

مشكورة يا ست أم البراء

[яiиda]

شكرا" لك يا اخت امّ البراء كلام كتير حلو والله..
سلااام

[Nader 3:16]

السلام عليكم.......

كويسة. بس مين المقصود بإبن الفيزيك؟؟؟؟

[مايا]

هههههههههههه
شو هيدا عنجد حلوة وكلام صحيح مية بالمية

[أمّ البراء]

ما المهمّ نستمتع بالكلام ... وإنّما المهمّ نرجع وننعش المنتدى .. ما هيك؟

[سراب]

[quote=أمّ البراء;73995]وهيداك ابن الفيزيك...
حرام...علقان بشان إلكتريك...

يا أمّ البراء كفّي شرّك عن أهل الفيزيك..

[wassim.h]

ال"دّبّيّة" بحفل الاستقبال..
أصوات ولا خطرت ع بال...
من البحر الألحان... ومن الجبل الموّال...
شو حلو منتدى القلمون...








هههههههههههه........الله عليكي يا شيخة http://www.forum.qalamoun.com/images/icons/icon10.gif

[hadid]

وسيم فلو علقان بشان إلكتريك يا ندور وإنت دايب بسولوسيون !!!

[أمّ البراء]

وسيم فلو علقان بشان إلكتريك يا ندور وإنت دايب بسولوسيون !!![

لا واللّه ما قصدت هيك...

[Nader 3:16]

شو المقصود؟؟؟؟

[الزاهر]

وهلأ ؟
صار بدهم تغيير شوية :)
مؤ بيلحء الواحد بهالكم لحظة فراغ اللي معو يأرا المشاركات الجديدة .... وانتصر سعيد عقل في منتدى القلمون (إنو صرنا منحكي عامي !!!) :)





فجأة ...دون سابق إنذار..
تقولو نووي وطيّرن بانفجار...
ما بقي بالسّاحات إلّا كم جار:1 (56):...
على خطاهم سائرون...

بعد ما كان منتدى سوّاح..
صار يا حسرة منتدى أشباح:1 (13):...
بتغرّد كالبلبل أو بتزمجر كالرّياح...
عم تحكي لحالك كالمجنون...:1 (34):

[أمّ البراء]

فعلا... زوانشلا بيستمرّ الحال بهالنّشاط...
الآن صار وقتي ودّعكن واتاسّف على هجر منتدى القلمون لبعض الوقت( هو وقت طويل بالحقيقة) ... لا تنسونا من دعائكم... واوصيكم بتقوى اللّه في السّر والعلن...
السّلام عليكم...