بنقلها بكرا و بجيب عشرة على عشرة

[Kinda]

السلام عليكم



في السنة الماضية كنت جالسة أحل مسابقتي في الامتحان و صادف أن رأيت إحدى رفيقاتي و معها أوراق صغيرة ( رشتات ) , كانت تنقل عنها و تكتب على ورقة الإمتحان .
و بعد فترة عندما صدرت النتائج تفاجأة أنها قد نجحت و بإمتياز و انا التي درست و تعبت لم أوفق مثلها .

فأحسست بالغضب الشديد و خطر ببالي سؤال , هل ما قامت به عمل أخلاقي ام لا ؟؟
لذلك ما رأيكم بهذه الظاهرة المتفشية بين الطلاب ؟ و هل كل اساليب النقل مهما كانت صغيره او كبيرة سواء ؟

و هل هناك حكم شرعي في هذا الخصوص ؟؟

[Nader 3:16]

السلام عليكم.

موضوع مهمّ.
خصوصاً انّو الكثير من الطلاب يلجأ الى الروشتات في المسابقات. وبجيب علامة منيحة و هوا ما بكون دارس شي.

بشكل عام كل الطلاب بيلجأوا لأساليب غشّ اثناء المسابقات و الامتحانات لكن انا بشوف انو في فرق بين نوع و نوع.

يعني اكيد في فرق بين يلي بكون دارس و نسي شي formule و عم يسأل رفيقو. وبين يلي اصلاً جايا بنية النقل و الغشّ.

هادا رأيي.

[hadid]

بالنسبة لإلي

أنا ما بهتم أبداً إذا انا درست وتعبت وجبت علامة عادية وغيري ما درس ونقل وجاب علامة ممتازة

لأنو يا حرام غش نفسو وهوي منو دريان..... ضايع

أيام الواحد بينسا شغلة صغيرة ومهمة وبينقلها وأحيان بيتأكد من جواب بس لما بكون منو دارس ما يروح على الإمتحان أشرفلو ..... ما ؟؟؟

يمكن غيري وخصوصاً الطالبات ما فيون يتحملو يشوفو حدن ما درس ونال علامة أعلى من علامتن ، أنا بقلن شو بدكن من العلامة ؟؟ أصلاً العلامة لا تقدم ولا تؤخر المهم ناجح والمهم يكون استفاد

ونذكر قول المنشد

الشغلة مش بالعلامات علشان نحصلها وبس !! ............ مني حافظ البقية

سلام

[شمس]

السلام عليكم
أنا برأيي أكيد في فرق بين اللي جاية ينقل و بين اللي نسي كلمة و طبعا ناطرين راي الشرع بالموضوع
شكرا لك أختي عالموضوع

[Barbie]

السلام عليكم و رحمة الله و بركاته ,

كما ذكر الأعضاء قبلي هناك فرق بين من حضر للإمتحان و احتاج لسؤال معين , و بين من لم يتعب نفسه , و اعتمد على النقل !

بس بالنهاية بكون ضحك على نفسو بس !! و هذا العمل غير مقبول بالنسبة لي .
يعني أنا لا أستطيع استخدام هذه الأساليب ( الرشتات ) !! ... لأنني سأفضح نفسي فورا ً كأني عم دل المراقب علي لأن هل العمل بي لبك .

[أمّ البراء]

أنا لا أعتبر أنّ الذي يعتمد في نجاحه بالامتحانات على الغشّ أنّه قد فاز أو قد كسب شيئا... لأنّه أغضب اللّه أوّلا ... وفقد الثّقة بنفسه وتقديره لها ثانيا ... ومن ثمّ نجح وصّل علامات عالية .. وبعدها؟؟؟ ألن ينطلق إلى سوق العمل؟؟؟ أين ما تعلّمه وحفظه خلال حياته الدّراسيّة ...
على الطّالب أن يجتهد ويسهر ليله طالبا للعلى ليشعر بلذّة النّجاح ... وحلاوة المعلومات التي يدرس .. ليزداد فهما للكون ... وإجلال لخالقه...

[Kinda]

السلام عليكم


مشكورين على مشاركتكم و اعطاء آرائكم .

بس يا ريت حدا قلنا شو الحكم الشرعي !

[هادي شقرة]

السام عليكم
سبحان الله كنت اتكلم عن هذا الموضوع مع احد الشباب منذ بضعة ايام وهذا الشاب اخذ شهادة في الهندسة من خلال الغش منذ السنة الاولى وهو الان يعمل في شركة كبيرة قال لي عندما استلمنا الوظيفة انا و شاب آخر لم نكن نعلم اي شيء عن العمل كنا في نفس المستوى بل كان الشاب الاخر يطلب مني المساعدة في بعد الامور مع انه درس بجد واجتهد وتخرج من المتفوقين ولذلك ما ندمت على فعلتي ابداً. يعني إذا وضعنا الحلال والحرام على جنب يمكن الزلمة معو حء. فما رايكم يا جماعة و يا امّ البراء