مئة ألف دولار [الأرشيف] - ????? ???? ???? ??????? ?? ?????

Tarek-France

02-06-2009, 05:19 PM

بسم الله الرحمن الرحيم

بدأ إلتزامه الديني في عمر مبكر ... و عاش مع كلام الله وسنة رسول الله ... و لا ننسى أيضاً كلام السلف واثارهم ... حتى إستوى و أصبح رجلاً ... ففكر بتلك الخطوة الجريئة والقرار العظيم ، الا و هي "الزواج" ... في بداية الأمر، ظن المسألة سهلة و بسيطة ... فلطالما قرأ عنها في كتب العلماء و رأها في أثار الصالحين ...

فيما مضى :

يأتي الرجل الصالح الفقير في الدنيا ، الغني بحب الله وحب رسوله ، وحب كتابه و سنة نبيه ... يتقدم إلى الفتاة ... فيزوجوه بما معه من القران ... فكلام الله لا يقدر بثمن ... وحري بمن حفظه أن يحفظ حقوق العباد ولا يظلمهم ، وأن يحفظ تلك الفتاة الزوجة طوال عمرها ...
و أما المال والذهب (المهر) ... فلا يطلبون منه إلا القليل ... فهو حق للزوجة ، شرعه الله سبحانه و تعالى ... فماذا تكون النتيجة لهذا الزواج المبارك؟ ... أولاد مباركون ... الأول إسمه نور الدين ، ينشر نور هذا الدين في ربوع العالمين ... والثاني إسمه صلاح الدين ، يصلح الله به العالمين ... والثالث إسمه سيف الدين ، يحمي الله به الدين ... و رابعٌ و خامسٌ و سادسٌ ... كلهم على التقوى والدين القويم ... والحمد لله رب العالمين ...

أما اليوم :

يأتي الشاب الصالح ليطلب الفتاة ... فيتم استقباله بل "أهلا وسهلا" ... والإبتسامات العريضة ... والكلام الجميل ... فيقول الشاب في نفسه : الحمدلله، ما شاء الله، لا قوة إلا بالله، غلبت الروم (أقصد بالروم أهل العروس)
...
تتم الخطبة ... ثم يبدأ الحديث عن المهر وتكاليف الزواج ... وتبدأ الأرقام بالإرتفاع ... الذهب ب "الكيلو " طبعاً ... فان الروم لا تحب ال "غرام"gram ... هذا عدا الكلام عن الأخضر "الدولار"dollar ... فيبدو أنهم لا يحبون الليرة !! ... فهي كما يقال عنها عملة ضعيفة ومتقلبة ...

ويبدو أيضاً أن أقل مبلغ عند الروم بالدولار في حالة الزواج عموماً ، يبدأ بالمئة ألف dollar !!! ... حتى ليخيل إلى الشاب أنه يطلب بنت أمير المؤمنين أو وزير المسلمين !! ... عند هذه اللحظة يدرك الشاب أن "وهم من بعد غلبهم سيغلبون" ...

فيا ليت شعري ، ماذا يفعل المسكين ... أيقبل ، ويبقى بقية حياته مديناً لبنت الروم ؟ ... أم يعتذر من الروم ... ويترك الأمر على مضض ؟ .... أترك الجواب للشاب المسكين ... نسأل الله أن يزوجه بالحور العين ...

أما أنا فجوابي كالاتي :

لنا الله يا طغمة الفاسدين ... لنا الله يا عصبة الظالمين
لنا الله مهما تمادى العدى ... لنا الله نور الهدى واليقين

فلا والله لا أقبل بهذا الاذلال والهوان ... وأقول للروم ... اعلموا معشر الروم ... يا من تحبون الذهب وتكرهون الفضة ، و تفضلون الدولار على الليرة ... أن الله سبحانه و تعالى، ناصر أولياءه المؤمنين على اعدائه الظالمين ... فلكأني بالفجر يسطع من بعد الليل البهيم ... وأقول لكم : إن المواجهة بيننا و بينكم قد بدأت لتوها ... ونحن قوم نصبر على الحرب (المقصود بالحرب الشهوات و فتن النساء) ... فقد صبرنا عليها لسنين طويلة، بفضل الله سبحانه وتعالى و منه و كرمه ، و ما بقي إلا القليل ... و اقول لاخواني الشباب : الصبر الصبر ، والثبات الثبات ... فاني على يقين بالنصر ... فان النصر يأتي مع الصبر ، وإن مع العسر يسرا ، إن مع العسر يسرا ... و لن يغلب عسر يسرين ... فاما حياة تسر الصديق (في حالة الزواج) ، و اما ممات يغيظ العدا (إذا متنا قبل الزواج، فلنا الحور انشالله)... ولتعلموا أيضا، يا معشر الروم ، أن بناتكم ليسوا باغلى من الأقصى الحبيب حتى تصرف عليهن كل هذه الأموال ... فستذكرون ما أقول لكم وأفوض أمري إلى الله .........وصلى الله على حبيبي المصطفى وأله الأطهار وصحبه الأبرار ...

هذا جوابي ... وأنا انتظر جواب اخوتي الشباب على السؤال المطروح : ماذا يفعل المسكين ... أيقبل ، ويبقى بقية حياته مديناً لبنت الروم ؟ ... أم يعتذر من الروم ... ويترك الأمر على مضض ؟

عن أبى حاتم المزنى مرفوعا :
" إذا أتاكم من ترضون دينه و خلقه فأنكحوه , إن لا تفعلوه تكن فتنة فى الأرض
و فساد كبير . قالوا : يا رسول الله و إن كان فيه ? قال : إذا جاءكم من ترضون
دينه و خلقه فأنكحوه ... ثلاث مرات " رواه الترمذى و قال : حسن غريب ( ص 160 )

قال الألبانى فى "إرواء الغليل" 6/266 : حسن

Tarek-France

02-06-2009, 05:26 PM

بانتظار الردود !!!!!!!!!!!!!!!!!!!!!!!

محمد أحمد الفلو

02-06-2009, 06:13 PM

وأنا انتظر جواب اخوتي الشباب على السؤال المطروح : ماذا يفعل المسكين ... أيقبل ، ويبقى بقية حياته مديناً لبنت الروم ؟ ... أم يعتذر من الروم ... ويترك الأمر على مضض ؟

بالإذن من الأخ أيمن ، رح جاوب قبلو على هذا الموضوع :

إذا لم يكن يستطيع أن يلبي طلب أهل العروس إلا بأن يستدين ، فليعتذر ولينتظر وعد الله بالعون على العفاف

أبو حسن

02-06-2009, 06:27 PM

صراحة احترت... هل أنقل الموضوع إلى الساحة الإسلامية أم ساحة البيان ؟

فارتأيت وضعه هنا لأن ساحة الشؤون والشجون بالطبع ليست المكان المناسب له...

أما الجواب على السؤال... فليس لأسير لدى الروم مثلي أن يجيب عليه...

Tarek-France

02-06-2009, 07:40 PM

أهلا بأخي حميطون... يا أخي أنا هنا ادعو إلى الثورة على الروم ... فاريد منكم أفكار ثورجية ... انشالله تكون عرفت أنا مين ؟ ...

تحيتي إلى الأخ أبو حسن ... أهلا بالأرايب ... مشتاقين و الله ...

على فكرة ... أنا كتبت هل موضوع بالشجون القلمونية ... كون معظم أصدقاءي إللي عم يعانو من هل مشكل من القلمون ... حتى أنا نصي قلموني :1 (16): ...

Amer-ol-tabche

02-06-2009, 09:17 PM

السلام عليكم أخي طارق
موضوعك مهم جداً
وأنا هلأ بدي إقترح حل مناسب لهالمشكل
بما إنو كلنا منعرف لواقع صار لازم الشاب بهالأيم يعملو حسابن
كل واحد بدو يغلط
يخلي بصله بجيبتو إحتياط ميشان وقت يسمع هيك شروط تعجيزيه يتصرف فيا(بالبصله يعني)
...
...
...
...
...
فيا معشر الشباب عليكم بالبصله والله يعينكن

أيمن غ القلموني

02-06-2009, 10:02 PM

فيا ليت شعري ، ماذا يفعل المسكين ... أيقبل ، ويبقى بقية حياته مديناً لبنت الروم ؟ ... أم يعتذر من الروم ... ويترك الأمر على مضض ؟ .... أترك الجواب للشاب المسكين ... نسأل الله أن يزوجه بالحور العين ...

أهلاً بالأخ طارق :1 (9):، كيفك يا أخونا العزيز .

موضوعك رائع ولا شك في ذلك وطريقة تصويرك للأمور جديدة من حيث الطرح .

حميطون ما بدك إذن ، ولو ، بس بتسمحلي اكتب ;) ، بعرف ما بدي إذن :cool:

إذا طلب أهل الفتاة مهر غالي جداً ، والشاب لم يكن كثير التعلق بالفتاة فليعتذر بكل أدب والله يعوضه الأفضل إن شاء الله في الحياة بأفضل منها وفي الآخرة بالحور العين ( إذا ابتسمت فكأن الشمس في فلكها )

إذا كان الشاب متعلق بالفتاة والفتاة متعلقة به أيضاً ، فليقبل معهم بمهر غالي ، لكن يتفق مع الفتاة قبلاً بأن تتنازل عن بعض مهرها بعد زواجهم وبرضاها ، هكذا يكون هو والفتاة تجاوزا الأهل .

وبما انك في فرنسا ، فيأتي بها إلى فرنسا وهكذا يصبح تأثير أهله وأهل الفتاة قليلة جداً بل منعدمة ، يعني هو والفتاة يقرران ماذا سيفعلان مع إستشارة الأهل ولا شك .

خطوة الإبتعاد عن الأهل بعد الزواج حتى لو كان لسنة واحدة مهمة لتقليل تأثير الأهل وإذا كان الشاب يكمل دكتوراة فتصبح الخطوة سهلة إن شاء الله .

على فكرة ، الزواج في فرنسا أسهل بكثير من لبنان ، أعتقد أن الشباب يشاركوني في هذا .:1 (51):

محمد أحمد الفلو

03-06-2009, 12:00 AM

أهلا بأخي حميطون... يا أخي أنا هنا ادعو إلى الثورة على الروم ... فاريد منكم أفكار ثورجية ... انشالله تكون عرفت أنا مين ؟ ...

على فكرة ... أنا كتبت هل موضوع بالشجون القلمونية ... كون معظم أصدقاءي إللي عم يعانو من هل مشكل من القلمون ... حتى أنا نصي قلموني :1 (16): ...

أهلا فيك أخ طارق،
أكيد عرفتك مين ولو، نحنا منتشرف إنو يكون نصك قلموني ومنتمنى تنتصر على الروم بالقلمون ، وتغنم أرض عنا ونكسبك من سكان بلدتنا إن شاالله

أنا برأيي يا طارق إنو مراسلينك بالقلمون عم ينقلوا صورة منا دقيقة عن الواقع،

على كلن، فرضاً كان هيك الواقع ، ففي عندك المقاطعة حل
بس الواقع منو هيك,
إذا إنت راضي بظروفك، بتلقي كتير بنات هنه واهلن يرضو بظروفك

HARD

03-06-2009, 01:19 AM

السلام عليكم ، اهلين بابن الخال طارق والله والله ايامك :)

المهم ، باختصار استلاف المال ما في اصعب منو .

انا ارفض ان استدين لكي اسدد تكاليف المهر . باختصار البنت اذا بتحب الشب مابتطلب منو او اهلها ما بيطلبو منو ما يفوق طاقته ، هذا باختصار شديد .

انا انصحةان يعتذر ولو كان الحب يعشعش بقلبة ......

Tarek-France

03-06-2009, 12:16 PM

أخي أيمن ... معك حق إنو هون بفرانسا الزواج أسهل و أسرع ... منعرف عائلات محافظة و اوادم كتير ، بدن السترة لبناتن ، و ما بيطلبو ٠٠٠ ١٠٠ دولار !!!! ... بس منقول ،صبر جميل ، لأن كلنا منحب ناخد من بلادنا ... القريب أحسن من الغريب ، كما يقال !! ....

ولكن للصبر حدود ... وشكلي بالنهاي ... حاوخد من فرنسا ... أحسن ما ضل مديون لبنت الروم ... يعني كمان هون في بنات ملتزمة و اخلاق و جمال ... يعني في كتير بنات أصولن عربيه ، وما ننسى الأخوات الفرنسيات يلي عم يأسلمو :1 (40): .......

تحيي خاصة و عطرة بالورد و الفل و الياسمين لاخي عامر ... و أقول لك يا أخي ... " لا تحزن .. إن الله معنا "

سؤال صحفي :عليكم السلام يا hard ... من إنت يا hard ???? :1 (32):

أبو حسن

03-06-2009, 12:31 PM

ولكن للصبر حدود ... وشكلي بالنهاي ... حاوخد من فرنسا ... أحسن ما ضل مديون لبنت الروم ... يعني كمان هون في بنات ملتزمة و اخلاق و جمال ... يعني في كتير بنات أصولن عربيه ، وما ننسى الأخوات الفرنسيات يلي عم يأسلمو :1 (40): .......

يا أرايب...

هيدا حكي منتديات ولا حكي مسؤول عنو ؟

Tarek-France

03-06-2009, 12:58 PM

طبعاً مسؤول عنو ...

الضرورات تبيح المحظورات :1 (22):

Mazen.O

03-06-2009, 02:53 PM

قبل الخطبة وكتب الكتاب بتقول بقعد معك ولو بقن دجاج المهم نكون مع بعض,وياعترة على الغشيم

محمد أحمد الفلو

03-06-2009, 04:45 PM

طبعاً مسؤول عنو ...

الضرورات تبيح المحظورات :1 (22):

منتابع تحت الهوا نشالله

أيمن غ القلموني

03-06-2009, 05:18 PM

أخي أيمن ... معك حق إنو هون بفرانسا الزواج أسهل و أسرع ....

ولكن للصبر حدود ... وشكلي بالنهاي ... حاوخد من فرنسا ... أحسن ما ضل مديون لبنت الروم ... يعني كمان هون في بنات ملتزمة و اخلاق و جمال ... يعني في كتير بنات أصولن عربيه ، وما ننسى الأخوات الفرنسيات يلي عم يأسلمو :1 (40): .......

يا أخ طارق ، سأراك إن شاء الله في لبنان هذا الصيف ، أليس كذلك ؟:)

يمكن الشخص ما لازم يفكر يخطب إلا من ٣٠ وما فوق ، هذا الأفضل .

إذا فكر يخطب سنتين مثلاً ، بيطلعولك بمقولة ، إذلال للشاب أمام بيت عمه .

إذا فكر يحكي بنت تنتظره ، بيطلعولك بمقولة ، عدم إشهار الخطبة أمام الملأ ( لش بهل ايام في شي بيتخبا ) ، بتؤلون بيحكوا فيا اهلك ، بيطلعولك بمقولة : يمكن تطول فترة الخطبة وإنت تبدل رأيك أو البنت تبدل رأيا أو يمكن أو يمكن أو يمكن أو أو أو أو

بتألون ما هو الحل ؟

يقولون لك : شوف هذا بال-٢٨ وما خطب ، وهادا بال-٣٠ خطب ، لش إنت تا تخطب .

طبعاً مسؤول عنو ...

الضرورات تبيح المحظورات :1 (22):

هل الخطبة من خارج القلمون هي من المحظورات ؟ لا أظن .

الأولوية هي لفتيات بلدتك ، لكن لا أحد يعلم أين نصيبه !!!

Nader 3:16

03-06-2009, 05:40 PM

الخطبة من القلمون هي من الأولويات.....والا كل واحد يراجع انتمائو القلموني.........

محمد أحمد الفلو

04-06-2009, 12:58 AM

يا أخ طارق ، سأراك إن شاء الله في لبنان هذا الصيف ، أليس كذلك ؟:)

يمكن الشخص ما لازم يفكر يخطب إلا من ٣٠ وما فوق ، هذا الأفضل .

إذا فكر يخطب سنتين مثلاً ، بيطلعولك بمقولة ، إذلال للشاب أمام بيت عمه .

إذا فكر يحكي بنت تنتظره ، بيطلعولك بمقولة ، عدم إشهار الخطبة أمام الملأ ( لش بهل ايام في شي بيتخبا ) ، بتؤلون بيحكوا فيا اهلك ، بيطلعولك بمقولة : يمكن تطول فترة الخطبة وإنت تبدل رأيك أو البنت تبدل رأيا أو يمكن أو يمكن أو يمكن أو أو أو أو

بتألون ما هو الحل ؟

يقولون لك : شوف هذا بال-٢٨ وما خطب ، وهادا بال-٣٠ خطب ، لش إنت تا تخطب .

هل الخطبة من خارج القلمون هي من المحظورات ؟ لا أظن .

الأولوية هي لفتيات بلدتك ، لكن لا أحد يعلم أين نصيبه !!!

أولا لما بدك تنقل كلامي، نقلو متل ما هو بدون تصرف

أنا ما خترعت حل ، حديث الرسول صلى الله عليه وسلم ( يا معشر الشباب ) بكفي

ما في وقت فصل رأيي اليوم ، بس أنا مصر على كل فكرة قلتا ، يا ريت إنت تفصلو ، لأن مني ملحق عليك ردود

ويلي رد ع أيمن وويلي ع الألقاب الوهميه

أيمن غ القلموني

04-06-2009, 01:51 AM

للحقيقة كلامك لم أحفظه حرف بحرف لأني اختلف معك ، وهذا ليس كلامك فقط بلا كلام من يؤيدون رأيك وبكل صراحة لن افصل رأي لست مقتنع به لأن هذه من البديهيات في النقاشات .

كل شاب له تفكيره وكل حالة لها ظروفها ، والإختلاف معك هو أنك مقتنع برأيك إقتناع مطلق وتريد من الشباب أن يقتنعوا معك.

على كل حال فكرتك مفهومة و..........:rolleyes:

أنت تعرف أني لا أخاف كتابة رأيي بإسمي ، فبلا طلتيش .

ريمون حمية

04-06-2009, 01:54 AM

الخطبة من القلمون هي من الأولويات.....والا كل واحد يراجع انتمائو القلموني.........

أنا معجب جداً بالإنتماء القلموني ........

ريمون حمية

04-06-2009, 01:56 AM

منتابع تحت الهوا نشالله

محمد خلي الشباب تستفيد :) :)

أيمن غ القلموني

04-06-2009, 01:59 AM

محمد خلي الشباب تستفيد :) :)

خلاي تحت الهوا أفضل p : ........

Amer-ol-tabche

04-06-2009, 02:07 AM

تحيي خاصة و عطرة بالورد و الفل و الياسمين لاخي عامر ... و أقول لك يا أخي ... " لا تحزن .. إن الله معنا "

hard ???? :1 (32):

يا أخي طارق لقد ذبحتني بلطفك ،، والدم عم ينقط على الكمبيوتر...
بهذه التحيه جبتني أرض ،، و أنا مدين لك على هذا اللسان والكلام الجميل...:1 (32):

Amer-ol-tabche

04-06-2009, 02:13 AM

الخطبة من القلمون هي من الأولويات.....والا كل واحد يراجع انتمائو القلموني.........
يا جار إنت إذا ضربت عينك ع غريبه أصلاً بتوكل أتل ل تورم من أم ناظم....
فما تزايد علينو

chony

04-06-2009, 02:16 AM

أنا رأيي إذا ستمرو هيك لحئ على تعنيس ياعمي زادوها بالقلمون الله يخليلنا بنات أبو سمرة الملتزمات

HARD

04-06-2009, 03:37 AM

إن الله معنا "

سؤال صحفي :عليكم السلام يا hard ... من إنت يا hard ???? :1 (32):

يييييي طلعت منك طارق يلي ببالي فكرتك طارق هاداك فطلعت طارق هدا يلي مابعرف مين :) يالله معليش .

انا ا سمي ربيع .

الزاهر

04-06-2009, 08:31 AM

همممممم .... أول شي منرحب بالجار طارق ... بئا عيطلو للمعلم ضاهر لتكمل الحكاية !!!

سؤال يا شباب ... بس نختلف بأمر لوين منردو ؟

للقرآن والسنة ؟

جيد ...

الرسول صلى الله عليه وسلم شآل ؟ .. آل أيبل عذات الدين ...

جيد ...

يعني إذا لئيت ذات دين ألمونية وذات دين من أبو سمرا ... شبختار ؟

هون بيدخل عامل جديد .. العادات وطريقة العيش !!!

بنت ضيعتك في كتير أمور مجتمعية مشتركة بيناتكم .. وهذا يؤدي لمزيد من التوافق والتآلف ... طلبت مهر عالي ... اعتبر إنو هاد مقابل إنها بتوفرلك خدمة إضافية !!!

بس هاد ما معناتو إنو يا بنات قلمون علو مهوركن !!! ... لأن صراحة كل ما علي المهر كل ما كان في مشكلة بفهم فلسفة الإسلام للعلاقة الزوجية في سبيل إنشاء أسرة مسلمة ثم أمة مسلمة !!!

Amer-ol-tabche

04-06-2009, 01:53 PM

الحكي المنصف بهالموضوع ،،
صحيح أهل القلمون بعلو المهر بس المؤخر ....
وفي غالب الأحيان ما بيندفع بالتوافق بين الزوجين،، إلا في حالات الطلاق

achakik

04-06-2009, 04:13 PM

يا أخ طارق ، سأراك إن شاء الله في لبنان هذا الصيف ، أليس كذلك ؟:)

يمكن الشخص ما لازم يفكر يخطب إلا من ٣٠ وما فوق ، هذا الأفضل .

إذا فكر يخطب سنتين مثلاً ، بيطلعولك بمقولة ، إذلال للشاب أمام بيت عمه .

إذا فكر يحكي بنت تنتظره ، بيطلعولك بمقولة ، عدم إشهار الخطبة أمام الملأ ( لش بهل ايام في شي بيتخبا ) ، بتؤلون بيحكوا فيا اهلك ، بيطلعولك بمقولة : يمكن تطول فترة الخطبة وإنت تبدل رأيك أو البنت تبدل رأيا أو يمكن أو يمكن أو يمكن أو أو أو أو

بتألون ما هو الحل ؟

يقولون لك : شوف هذا بال-٢٨ وما خطب ، وهادا بال-٣٠ خطب ، لش إنت تا تخطب .

هل الخطبة من خارج القلمون هي من المحظورات ؟ لا أظن .

الأولوية هي لفتيات بلدتك ، لكن لا أحد يعلم أين نصيبه !!!

شكلو كلامك طالع من الصميم يا أستاذ أيمن عرابي، بس لا كلام بعد كلامك.
بس بعتقد أنك عاطي الموضوع أغلب وقتك وهو لا يحتاج هذا الوقت، يعني إذا قررت تخطب،لا أعتقد أنك يجب أن تلتفت لكل كلمة تسمعها ، شوف أهلك و شاورهم و إتفق معهم بدل أن تقضي معظم وقتك تناقش هذه الأمور و بدون فائده.

بالنسبه لموضوعك عزيزي طارق، فأعتقد أن الواحد لازم يكون من أول يوم واضح مع الجماعه و لازم يكون متفق معهم على الأمور الأساسية مثل المهر و خلافه قبل الخطبه.
و كما قال الأخ حميطون مره ، إذا كان المهر غالي كتير، فهذا يعني رفض بطريقة لبقه.

Nader 3:16

04-06-2009, 04:38 PM

السلام عليكم.

أخي زاهر المقصود ان تكون قلمونية و ملتزمة و هذا لا جدال فيه.
و ما بعتقد القلمون رح تخلى من البنات الملتزمات ......والله يهدي الجميع.
ويا اخ عامر انا اتحدث عن قناعة و عقيدة قلمونية. لا نريد من شبابنا ان يتجهوا الى خارج الدولة لتأمين الزوجة كما لا نريد من بناتنا ان يتزوجن من الغربيّة.

لأن لو الكل فعل ذلك فهذا بمثابة القضاء الحتمي على الدولة القلمونية و تراثها.

تخيّل انك تزوجت من فتاة غريبة و طلعوا ولادك بيحكوا طرابلسي!!.....اكيد عم تمزح....

او مثلاً تؤلك مرتك ما بوكل من عند فرن عيشة لأنو منّو نضيف.....

نريد الحفاظ على قلمونية القلمون اولاً......وانا ضد انو الواحد او الواحدة توخد من برات القلمون......

وهادا من اسس العقيدة عنّا......

ويلي منو عاجبو هالحكي ...خليه يخزّء هويتو القلمونية......

هادي شقرة

04-06-2009, 07:13 PM

HARD

04-06-2009, 09:10 PM

لك يا اخ نادر طول بالك و رؤ الشغلة ما بدا هل اد اولاً الشغلة نصيب و ثانياً ما هو السبب الذي يدفع شباب الضيعة للبحث عن الزوجة المناسبة خارج الضيعة ؟ يعني كلنا منعرف انو في كتير شباب من الضيعة تزوجو غارب طيب ليش اكيد ما كانو بيعلمو هيك لو ما ءطرو

طيب خليها دعوة لكل واحد اخد من برات الضيعة حتى يحكولنا الاسباب ، حدا الو قلب يحكي الاسباب ؟؟؟؟؟ خلي واحد يسترجي يحكيلك قصتو ....... و بنات الضيعة ما بيعرفو الاسباب، للان بتلاقيهم عم يستغربو ويقولو ليش هذا اخد من برات الضيعة وليه مافي حدا عجبو من القلمون مليانة بنات حلوين واحلا من يلي اخدها بالف مرة .

Nader 3:16

04-06-2009, 09:45 PM

السلام عليكم و بعد:
الاخ ابو عمّار و الأخ الهارد تكلّمتم عن اسباب قد تدفع الشاب القلموني انو يختار زوجة من خارج القلمون.
هلاّ أوضحتوها. و الشغلة ما بدها حياء.
انا ناطركم.

أبو حسن

04-06-2009, 09:55 PM

Nader 3:16

04-06-2009, 10:11 PM

السلام عليكم.
ربّما كلامي ناتج عن عصبية تجاه القلمون و اسأل الله ان يثبّتني على ذلك.
انا لا اقول انّه فرض على الشاب ان يتزوّج من قلمونية.

ولكن يا اخ ابو حسن ما دمت قد تكفّلت بالجابة عن الاسئلة.
ما هو السبب الذي دفعك للزواج من خارج القلمون؟؟

أبو حسن

04-06-2009, 10:17 PM

ولكن يا اخ ابو حسن ما دمت قد تكفّلت بالجابة عن الاسئلة.
ما هو السبب الذي دفعك للزواج من خارج القلمون؟؟

لم أكن متعلقا بفتاة من القلمون...

أعجبتني زوجتي من الناحية الخَلقية والخُلقية...

واستفسرت عن أهلها فوجدتهم عائلة طيبة على دين وخلق... خصوصا أبوها وأخوها (فإن المرأة قد تلد أباها أو أخاها... كما في الحديث)

هذا هو الجواب ببساطة...

Nader 3:16

05-06-2009, 12:01 AM

شكراً لك يا اخي ابو حسن على ردّك على سؤالي .

وانا اريد ان اسمع رأي الاخ chony و أبو عمّار و ال hard بخصوص الاسباب يلي عم تدفع الشباب القلموني انو يتّجه لخارج القلمون لإختيار الزوجة.

بس رح ارجع اسأل الاخ ابو حسن سؤال تاني. هل كان عندك مثلاً ملاحظات عبنات القلمون ؟؟؟

و عذراً من الاخ Tarek لأنو غيرنا وجهة الموضوع....بس لا بأس كلو مكمّل بعضو

والسلام عليكم.

HARD

05-06-2009, 12:02 AM

عادة، عندما تتم مناقشة هكذا موضوع حساس من قبل أبناء بلدة واحدة... فإن الحفاظ على الموضوعية، لا بل على المنطق... بعيد المنال...

فكل واحد ينطلق في نقاشه من تجربة شخصية... أو حادثة عائلية... أو ظرف اجتماعي... أو حتى عصبية عمياء... مما يجعل نظرته للرأي الآخر نظرة مشوهة... بل إلغائية... بعيدة كل البعد عن الموضوعية...

سبحان الله...

منذ متى كانت المحبة أو الميل القلبي أو العشق أحاسيس يمكن حصرها في حدود جغرافية ضيقة ؟

منذ متى كانت المحبة تخضع لقوانين المنطق والمناطق فقط ؟

ومنذ متى كانت البيوت والأسر تبنى على دعائم الجغرافية والدم ؟

(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ)

إن البيوت تبنى على السكينة والمودة والرحمة...

فالزواج الذي تتحقق فيه هذه المواصفات الثلاث هو الزواج الناجح... فهلا تتفكرون ؟

فدعونا نناقش بالمنطق ونطرح آراءنا مع الإنفتاح على الرأي الآخر لا إلغاءه وتسفيهه...

ومن العجب ادعاء المدعي أن من تزوج من خارج الضيعة يخاف المشاركة في هكذا موضوع...

فلنخرج من العموميات... ومن كان لديه أي سؤال محدّد فليطرحه، فأنا شخصيا لا أخاف شيئا!!! ومستعد للجواب على أي سؤال...

اخي محمد لا تاخذ الموضوع بعصبية ....... فانت تبغضها وهاانت تأخذ بها ......

اولا انا كلامي محدد وانا اقصد بالتحديد من حاول ان يجد فتاة بالقلمون تكون لو زوجة وقد حاول جث النبض ولكن قوبل بالرفض(لاسباب محدده ) من اكثر من جه وبعدها خرج من البلدة .

ولا اتكلم عن انسان تعثر بعشق ايام دراسته وعاد ليكلله بالزواج ، فمن حق كل انسان ان يحب من يريد وان يرتبط بمن يريد وكيفما يشاء حسب ما يرتضيه هو من مصلحة (اخرويه او دنيوية ) ، والحب يدخل الى القلب من دون ان يستأذن ....... هذا ما اعتقده والسلام عليكم .

HARD

05-06-2009, 12:30 AM

من الاسباب كما اعتقد التالي :

- تجارب خاضها بالقلمون ولم تفلح .... فيتحول هذا لديه الى نوع من النقمة الشاملة على البنات بالقلمون ....

- عندما تسمع ان هذا الشاب قد طلب فلانة و رفض، وبعدها شخص اخر قد صد، وبعدها شاب قد اذل ..... ويتم تناقل هذه الاحاديث بين الشباب بنقمة على الفتيات، عندها يصبح عند الشاب حاجز وهمي وهو ان هذا الشاب الي صد ذو خلق وحالته ميسورة بعض الشئ، تم رفضه! لماذا؟ ولماذا انا سوف يتم قبولي فانا لست بافضل منه؟؟؟؟؟ عندها تلمع عينه على فتاة من خارج القلمون او يعلق مشروع زواجه الى اجل غير محدد ، بالتحديد الى ان ترغب به فتاة وهي تطلبه. وهذا ما ينتظره اكثر الشباب والله اعلم .

الزاهر

05-06-2009, 01:01 AM

نادر بيك ... برجع بعدلك الفكرة الي حكينا فيها أبل ما تعزمني عالبوظة اليوم ...

لو أن معيار الجغرافيا هو المعيار الأول لكان حديث رسول الله صلى الله عليه وسلم فاظفر ببنت ضيعتك !!! ... نحن (يعني أنا بس إنو منشان نبين كتار اللي حاملين هالرأي :)) نقول بأن القضية أولويات .... وعلى النحو التالي :

1- الدين : قال رسول الله صلى الله عليه وسلم :"تنكح المرأة لأربع: لمالها ولحسبها ولجمالها ولدينها، فاظفر بذات الدين تربت يداك" - رواه البخاري ومسلم.
وقال عليه الصلاة والسلام :"لا تزوجوا النساء لحسنهن فعسى حسنهن أن يرديهن، ولا تزوجوهن لأموالهن فعسى أموالهن أن تطغيهن، ولكن تزوجوهن على الدين، ولأمة سوداء ذات دين أفضل" - رواه ابن ماجة.
وعن أنس عن النبي صلى الله عليه وسلم :"من تزوج امرأة لعزها لم يزده الله إلا ذلا، ومن تزوجها لمالها لم يزده الله إلا فقرا، ومن تزوجها لحسبها لم يزده الله إلا دناءة، ومن تزوج امرأة لم يرد بها إلا أن يغض بصره، ويحصن فرجه، أو يصل رحمه، بارك الله له فيها، وبارك لها فيه." - رواه الطبراني.

2- الأصل والشرف : حيث قال عليه الصلاة والسلام :"تخيروا لنطفكم فإن العرق دساس." - رواه ابن ماجة والديلمي.
وعن عائشة مرفوعا :"تخيروا لنطفكم فإن النساء يلدن أشباه إخوانهن وأخواتهن."
وعن سعيد الخدري قال : قال رسول الله صلى الله عليه وسلم :"إياكم وخضراء الدمن" قالوا : وما خضراء الدمن يا رسول الله ؟! قال :"المرأة الحسناء في منبت السوء."

3- المرأة البكر: لأن الثيب قد تحن لزوجها الأول وقد تقارن بين الأول والثاني وقد تنفر من الثاني ولكل هذا أثره على الحياة الزوجية وعلى الأولاد.
قال صلى الله عليه وسلم :"عليكم بالأبكار؛ فإنهن أعذب أفواها، وأنتق أرحاما، وأقل خبّا (أي خداعا)، وأرضى باليسير." - رواه ابن ماجة والبيهقي.

4- المرأة الولود: وتعرف بسلامتها من الأمراض وصحتها الجيدة. قال عليه الصلاة والسلام :"تزوجوا الولود الودود، فإني مكاثر بكم الأمم." - رواه أبو داود والنسائي والحاكم.

5- المرأة الغريبة : ويقصد بها من هي من خارج عائلة الشاب وذلك حرصا على نجابة الولد وسلامة الذرية من الأمراض الوراثية وتوسيعا لدائرة التعارف والعلاقات الإجتماعية. قال صلى الله عليه وسلم :"اغتربوا ولا تضووا." - ذكره ابن الأثير في "النهاية" وابن الجوزي في "غريب الحديث" والزمخشري في "الفائق". وتضووا : أي لا تتزوجوا القريبة فيأتيكم أولاد ضعفاء.

بتصرف عن الكتاب اللي كعرتكم فيه هاليومين :) - حق الوالدين على الأبناء وحق الأبناء على الوالدين - يوسف علي بدوي - دار ابن كثير.

محمد أحمد الفلو

05-06-2009, 01:17 AM

على فكره ، عنجد هيك مواضيع إذا بتنطرح بشكل مسؤول ممكن تحل مشاكل كتير بالقلمون
قولك يا ربيع إنو بيتحول لنقمه في منو ، بس قليل بين الشباب , أما قولك إنو بينتظر بنت تطلبو ، فما بظن إن هذا النوع أكترية ، هذا إذا كانو موجودين

يلي بدو يخطب من برات القلمون هو حر ، والله يوفقو ، وأنا بقرالوا قرأن بخطبتو وكتب كتابو إذا بدو ، بس بضل الخطبة من القلمون أولى مش تعصب ، بس لأن غالباً هادا أسهل لمستقبل الشاب

أما ردي على الفكرة يلي كتب عنا أيمن غنوم اني ضدا ، ويلي منتشرة بين جزء من الشباب ، فهي إنو الشاب لما يكون بالجامعة وبياخد مصروفو من أبوه ، إذا عجبتو بنت ، بيبعتلا خبر تنتظروا حتى يصير فيه يخطبا ، وممكن يضل هذا شي سر عن اهلو واهلا سنين ، وهو بهادي الفترة براسلا ع نت
وبقلا السلام عليكم بشارع ، ديانة ما حدا يفكر شي تاني ها

أنا أكيد ضد هل فكرة ، من وجه نظر دينية وإجتماعية ، رح فصل بس الإجتماعية

أولاً الشاب إذا اتفق مع بنت بدون ما يكون عم يتلاقى فيا ولا عم يشوفا ، فبكون جاب وجع القلب لحالو ، وقرر قرار ممكن يندم عليه ، لأن بعد كم سنه ، مكن البنت تبطل تلبي طموحو ، أو يعجبو أحسن منا ، خصوصي إنو ما عم يشوفا ، ....

كمان هيك بكون هو والبنت عم يغشو شباب ضيعتو ، لأن لما البنت تكون ناطرة شاب بدون إشهار ، أيا شاب تاني نوي يخطب ممكن يفكر فيا ، والتفكير والقرار بدن عدة اشهر ومشورة مع اهلو و سهر وعتل هم ، ولما يطلب البنت بكون الجواب سلبي وغالباً بدون تبيان السبب ،
أكيد لأن السبب ما بينقال ، لأنو سر
وهذا الشي مكن يترك أثر سلبي جداً بقلب الشاب

هادا رأيي بختصار ،

بكفي هلقد لأن خلصت حلقة سعد الحريري مع مارسيل

Nader 3:16

05-06-2009, 01:27 AM

يسلم تمك يا حميطون...و ان شاء الله برّد بوقت لاحق عمشاركة الزاهر...و منتفق عصيغة نهائية للموضوع.....
و عاشت القلمون حرّة مستقلة....

HARD

05-06-2009, 01:36 AM

على فكره ، عنجد هيك مواضيع إذا بتنطرح بشكل مسؤول ممكن تحل مشاكل كتير بالقلمون
قولك يا ربيع إنو بيتحول لنقمه في منو ، بس قليل بين الشباب , أما قولك إنو بينتظر بنت تطلبو ، فما بظن إن هذا النوع أكترية ، هذا إذا كانو موجودين

اهلا بالاخ محمد ، انا لا يحق لي ان اتكلم باسم احد، وانا اسحب الجملة التي تكلمت بها عن غالبية الشباب ،فما كان كلامي ذاك الا تحليل اجتهته من نفسي، يعتمد على ما اختبرته من امثال ضيقة لا تنطبق كلها على الجميع ولا يصلح شملها على المجتمع القلموني ككل .

رغم هذا فان كان هناك حالة او حالتين قد عرفناها ولا يصلح الشمل على اساسها فمن الممكن ان نجد الكثير من الحالات التي جهلناها.

أبو حسن

05-06-2009, 09:09 AM

بس رح ارجع اسأل الاخ ابو حسن سؤال تاني. هل كان عندك مثلاً ملاحظات عبنات القلمون ؟؟؟

بكل صراحة، لا يوجد لدي أي ملاحظات... ربما الملاحظات على أهلهن اكثر منها عليهن... فكم من فتاة رأيناها لا تبتغي إلا الدين والسترة... فإذا بالأهل هم من يقفون حاجزا بينها وبين ما تبتغيه... بطلباتهم وشروطهم... وأحيانا بتدخلاتهم بعد الزواج...

أنا مؤمن بأن معظم السلبيات الموجودة بالقلمون موجودة خارجها... لكن القلمون أضيق... فتظهر السلبيات بشكل أوضح...

اهلا بالاخ محمد ، انا لا يحق لي ان اتكلم باسم احد، وانا اسحب الجملة التي تكلمت بها عن غالبية الشباب ،فما كان كلامي ذاك الا تحليل اجتهته من نفسي، يعتمد على ما اختبرته من امثال ضيقة لا تنطبق كلها على الجميع ولا يصلح شملها على المجتمع القلموني ككل .

رغم هذا فان كان هناك حالة او حالتين قد عرفناها ولا يصلح الشمل على اساسها فمن الممكن ان نجد الكثير من الحالات التي جهلناها.

يا خيي ربيع أنا مش معصب... لكن أكره التعميم... ومشاركتك الأخيرة أوصلت لي حقي...

يعني تجد الشاب مثلا يصادف موقفا معينا مع فتاة من ضيعته، فيعمم تصرف هذه الفتاة على كل فتيات الضيعة...

ثم هنا ملاحظة لا بد من إيرادها، وهي أن بعض الشباب يظن نفسه "شيخ شباب زمانه"... وينطلق في نظرته للأمور من هذه الزاوية...

يا أخي، كما أن لك الحق في انتقاد هذه وتلك، وكما أن لأهلك الحق في قبول هذه الفتاة ورد تلك... فللفتاة ولأهلها نفس الحقوق...

وليس من المقبول أن يقبل أهل الفتاة بتزويج ابنتهم لشاب لم يستلم شهادة التخرج بعد... فيخطب الشاب الفتاة لسنوات... لا يعرف ما يحصل بعدها سوى الله...

فشيئا من الإنصاف يا إخواننا الشباب!!!

هادي شقرة

05-06-2009, 09:43 AM

يا اخ نادر عندما يريد شب من الضيعة ان يتزوج لا يذهب الى خارج الضيعة ليبحث عن الزوجة المناسبة مزبوت ؟؟ يبحث عنها بالضيعة ولكن عندما يحصل معه فصل او لا يجد الزوجة المناسبة ماذا يفعل ساعتا ؟؟ و اكيد الشباب يلي اخدو غارب هيك صار معن والشباب وضحو بعد الامور التي تحصل بالضيعة ... لذالك ما فينا نجبر حدن ياخد من الضيعة و نشكك بولاؤ للدولة القلمونية اذا اخد من برات الضيعة... و الله يبارك فيكن

HARD

05-06-2009, 11:14 AM

يا خيي ربيع أنا مش معصب... لكن أكره التعميم... ومشاركتك الأخيرة أوصلت لي حقي...

خيي ابو الحسن حقك معفوظ لا تخف ..... ولكن ليس موضوعنا الشموليه بالكلام موضوعنا هو ما طرحه الاخ نادر بعدما تم تحويل الموضوع الاساسي وهنا نعتذر من الاخ طارق - فرنسا :) .

فهل يعني لك شئ هذا الموضوع؟ او هل تعتبر ان هناك اسباب لعدم جعل اولوية اختيار الزوجة من القلمون . لا تحدثني بنفس المنطق اي الحدود الجغرافية الضيقة ، فكل انسان لديه قلب ويعرف جغرافيته ولكن انا احكم وارسم واخط والون هذه الخريطة الجغرافية باختيار واولوياتي ان كان هناك اولوية بالموضوع .

أبو حسن

05-06-2009, 08:03 PM

أخي ربيع،

بصفتي متزوجا من خارج القلمون، أقولها بكل صراحة، ليس لي أي تجربة في القلمون، ولم أقم يوما بوضع أولويات وإنما مواصفات... وحين وجدت هذه المواصفات اتكلت على الله... ولم يكن أبدا ضمن هذه المواصفات أن تكون زوجتي من القلمون أو من خارجها...

وأعتقد أن معظم الأخوة المتزوجين من خارج القلمون حالهم كحالي...

وأعتذر من الأخ طارق لأني سأعيد نقل الموضوع إلى ساحة الشؤون والشجون بعد تغيير مساره...

Tarek-France

06-06-2009, 03:57 AM

السلام عليكم

عندما كتبت هذا الموضوع المصيري و الخطير، لم أكن اتوقع كل هذا التجاوب، فالحمد لله أولا و اخرا.

اشكر جميع الاخوه على التجاوب و الردود، التي إن دلت على شيء، فهي تدل على الحسرات والزفرات في قلوب الشباب المسلم اليوم.

ننتقل ألان إلى المزاح. فكما تعلمون أن الزواج من قلمونية له كثير من الavantages (الخصائص) ، وهي نعمة مغبون بها كثير من المتزوجين بقلمونيات، نلخص هذه النعم بما يلي:

١- الخبز و المناقيش الشهيه من فرن عايشه، بالاضافة إلى صواني الدجاج والسمك بالفرن

٢- السمك الطازج من المسمكه

٣- الترويقة من حين لاخر في سهل النبعة

ففكر جيداً و ملياً أيها الشاب قبل الاقبال على الزواج من الخارج، فلربما تحرم من هذه النعم والخصائص...

و ليكن شعارك... " المناقيش أولاً "

تحيه للجميع ....

الزاهر

06-06-2009, 11:33 AM

هاد لأن القلمونيات كما اشتهرن لا يرضين بالعيش بعيدا عن والداتهن (مع بعض الإستثناءات القليلة) :) .... ولو بعد 60 سنة بدها تشريه شقة بالقلمون وتسكن هي وياه وولادهم فيها !!! :)

أم سفيان

06-06-2009, 05:46 PM

الظاهر في حقد كبير عالقلمونيات
ولو بعد 60 سنة بدها تشريه شقة بالقلمون وتسكن هي وياه وولادهم فيها (هادي تعتبر شغله منيحة ولا منا منيحة)
كنت حابه اسأل المهر اللي حكيتو عنو مأبوض ولا غير مأبوض

Nader 3:16

06-06-2009, 06:07 PM

السلام عليكم و رحمة الله و بركاته.
على العكس يا اختي ام سفيان.فلو كان مثلما قلت لما قلت اننا ضد فكرة ان يأخذ الشاب القلموني فتاة غير قلمونية....
ولكن يا أخ زاهر لا تنسى أنّ حلب تابعة لشبه الجزيرة القلمونية ..حتى لا نسمع عتاباً لاحقاً.

rita

06-06-2009, 09:51 PM

السلام عليكم
خيي طارق بدك رد على الموضوع فيني رد او هيدا بس للشباب والبنات ممنوع يردو عليه :1 (27)::1 (16):

HARD

07-06-2009, 01:41 AM

شادي فقوعه

07-06-2009, 02:05 AM

. وشكلي بالنهاي ... حاوخد من فرنسا ... أحسن ما ضل مديون لبنت الروم ... يعني كمان هون في بنات ملتزمة و اخلاق و جمال ... يعني في كتير بنات أصولن عربيه ، وما ننسى الأخوات الفرنسيات يلي عم يأسلمو :1 (40): .......

أخي الكريم هكذا يكون أفضل و أنا مع فكرة أن يتزوج الرجل من البلد الذي يقيم فيه خاصة إذا كانت ألإقامة سوف تطول . و هذا ما سوف أفعله أنا و أدعوا الله أن يسهل عليك

أم سفيان

07-06-2009, 03:33 AM

الزاهر

07-06-2009, 03:34 AM

والله يا جارة الواحد ما بيعترض بالعادة عاللي هو واقع فيه :)
هي مدح إنو نسواننا عندهم حس قومي أوي :)
هادي بتعجبو للحج نادر.

hunter_hunted

07-06-2009, 03:39 AM

يا اخوان بنات القلمون غاليين ولازم يكون مهرن غولي....
إلي بحب يستبدل غاليين ب غليون ماعندي مشكله...:1 (40):
أخوكم hunter_hunted

hunter_hunted

07-06-2009, 03:48 AM

يلا يا بنات بلشو بحملة دفاع عن النفس وأخوكم الهانتر وائف معكن..
مع العلم إنو واحده منكن شيبيتلو شعر روسو بس بضل قلب الهنتر كبير وما فيي إلا المحبه للكل...فكيف إذا كن بنات ضيعتو....لدم بصير للركب
أخوكم hunter_hunted

أيمن غ القلموني

07-06-2009, 05:25 AM

شكلو كلامك طالع من الصميم يا أستاذ أيمن عرابي، بس لا كلام بعد كلامك.
بس بعتقد أنك عاطي الموضوع أغلب وقتك وهو لا يحتاج هذا الوقت، يعني إذا قررت تخطب،لا أعتقد أنك يجب أن تلتفت لكل كلمة تسمعها ، شوف أهلك و شاورهم و إتفق معهم بدل أن تقضي معظم وقتك تناقش هذه الأمور و بدون فائده.

أهلا بالأخ عبدالله ، لش طلاتك قليلة يا عمي :) .

ميشان كلامي ، هو كلام عادي ( كلامي مش طالع من الصميم ، يمكن نازل ، مممم :1 (74): )

نحن هنا لا نناقش قضايا شخصية انما نناقش أفكار مطروحة بين الشباب ، وليس هناك من حق مطلق أو باطل مطلق إنما هناك وجهات نظر متعددة يتسابقن على الأفضلية .

لربما وجهة نظري تنتصر على وجهة نظر الآخر ولربما وجهة نظره تنتصر علي ، ذلك يعود إلى الحالة التي نحن بصدد نقاشها.

الهدف هو طرح كل الأفكار وليس التعصب لفكرة ما .

أما ردي على الفكرة يلي كتب عنا أيمن غنوم اني ضدا ، ويلي منتشرة بين جزء من الشباب ، فهي إنو الشاب لما يكون بالجامعة وبياخد مصروفو من أبوه ، إذا عجبتو بنت ، بيبعتلا خبر تنتظروا حتى يصير فيه يخطبا ، وممكن يضل هذا شي سر عن اهلو واهلا سنين ، وهو بهادي الفترة براسلا ع نت
وبقلا السلام عليكم بشارع ، ديانة ما حدا يفكر شي تاني ها

لم أرد الإجابة لحاجة في نفسي ، لكن مممممم

كملاحظة بس يا حميطوني ، قيل: احلامنا تزن الجبال رزانة ( ولله الحمد والمنة )

يقول لها السلام عليكم ، وديانة كمانا ، شاب كويس ، ون في منو ? ممم

ما شاء الله يا حميطوني ، ما هذه الدرر ، أدش حق الدرة منها ;)

أنا أكيد ضد هل فكرة ، من وجه نظر دينية وإجتماعية ، رح فصل بس الإجتماعية
أولاً الشاب إذا اتفق مع بنت بدون ما يكون عم يتلاقى فيا ولا عم يشوفا ، فبكون جاب وجع القلب لحالو ، وقرر قرار ممكن يندم عليه ، لأن بعد كم سنه ، مكن البنت تبطل تلبي طموحو ، أو يعجبو أحسن منا ، خصوصي إنو ما عم يشوفا ، ....
كمان هيك بكون هو والبنت عم يغشو شباب ضيعتو ، لأن لما البنت تكون ناطرة شاب بدون إشهار ، أيا شاب تاني نوي يخطب ممكن يفكر فيا ، والتفكير والقرار بدن عدة اشهر ومشورة مع اهلو و سهر وعتل هم ، ولما يطلب البنت بكون الجواب سلبي وغالباً بدون تبيان السبب ،
أكيد لأن السبب ما بينقال ، لأنو سر
وهذا الشي مكن يترك أثر سلبي جداً بقلب الشاب
هادا رأيي بختصار ،

خلينا بالمهم ، لقد قلت لك ان هناك حالات تختلف بإختلاف الشاب والفتاة . لنأخذ مثلا أن شاب أعجب بفتاة ، أين المشكلة أن يبعث ويعلمها بذلك ( مش بأول سنة جامعة أكيد ، بصيفية التخرج بكون خلص جامعة ورايح يتخصص أو أنه سيعمل ) ، يعني سنة أو سنتين على أكثر تقدير .

يمكن أن تقول لي ، لربما لم يستطع خطبتها بعد سنتين ، أجيبك بما أنه وعدها ووعدته فكل ما يحصل للفتاة من خير أو شر في هذه السنوات يجب أن يقبل به الشاب .

أليس بالإمكان أن تصاب الفتاة بمرض ما ( لا سمح الله ) أو يحصل لها شيء ، ربما .

كذلك كل ما يحصل للشاب في هذه السنوات يجب أن ترضى به الفتاة .

زيادة على ذلك ، ربما تقول لي ، لماذا لا يخطبها لمدة سنتان ؟

أجيبك ، لماذا يتقدم الشاب لخطبة فتاة وهو في موقف ضعيف لا يملك شيئاً في يده ؟ أليس الأفضل بهذه الحالة أن تنتظره الفتاة لفترة ريثما يملك مقومات القوة لكي يتقدم أمام أهلها ؟

ثم ما المانع إذا كانت الفتاة والشاب مقتنعان ومقرران بكامل الحرية .

كذلك ، فإن كل شاب يعرف نفسه إذا كان قد وجد من يراها مناسبة له أم لا فإذا كانت هي من يريدها فلن تفرقهما المسافات ، ربما ستجمعهما أكثر .

أما فكرة خداع الشباب الباقين ، فليست موجودة إذا ما قالت لمن يتقدم لها من البداية ومباشرةً ، لا أريد الخطبة الآن ، هل لأحد أن يلزم الفتاة ؟

ثم لننظر لها من منظار آخر ، ألا يحق للفتاة أن تختار من تريده ، إذا أعجبها . لماذا يجب عليها أن تقبل بشاب جاء إليها عن طريق التدبيرات ويجب عليها أن ترفض إنتظار شاب تراه مناسباً لها ؟

ربما سنوات الإنتظار تكون سببا في تقدير الشاب الزائد في المستقبل عندما تصبح زوجته لأنه يراها قد ضحت معه .

ولنأتي من الآخر ، سنوات الإنتظار أجمل من الخطبة :1 (61): والسلام عليكم .

jarra7

07-06-2009, 03:32 PM

السلام عليكم ..

[لقد قلت لك ان هناك حالات تختلف بإختلاف الشاب والفتاة . لنأخذ مثلا أن شاب أعجب بفتاة ، أين المشكلة أن يبعث ويعلمها بذلك ( مش بأول سنة جامعة أكيد ، بصيفية التخرج بكون خلص جامعة ورايح يتخصص أو أنه سيعمل ) ، يعني سنة أو سنتين على أكثر تقدير .]

سؤال يا أخ أيمن: في حال و جد هذا الشاب فتاة تانية و حبا (ممكن حلوة أو غنجة أكتر من إلي ناطرتو) شو بيعمل؟ و خصوصا إنا أريبه منو و هاديك رح تكون بعيدة (القريب من العين قريب من القلب)،، و كمانا رح يكون عايش بغربة ( مثل فرنسا و المصايب إلي عما يشوف) و أكيد عندو نقص رعاية و إهتمام و مشاعرو حتتلخبط و تفوت ببعضا،، خصوصا إذا كان ما بيحكي معا عل النات أو تليفون. حتى لو كان بيحكي معا، برأيك إنو نات كافي لنقل المشاعر و التعبير عن الحب؟ هل بيقدرو إنن يحبو بعضبن ع نات؟
أيا شب حيعمل هيك بيكون عما يجني ع نفسو و رح يعذب حالو حيدايأ أكتر. فنصيحة للشباب ما حدا يعلق حالو ببانت، ما حدا يستعجل الأمور؛ ما حدا بيعرف ش مخابالو.

محمد هشام

07-06-2009, 03:51 PM

السلام عليكم

والله يا اخوة ويا اخوات هو موضوع كتير مهم

واعتقد انو بالضيعه تقلوها الاهل كتييييييير مش شوي
بس اعتقد انو البنت اذا بتريد الشاب بتضغط على اهلها عشان ينزلو من سعر الصفقة ( لانها صارت تجارة )
وفوق هيك بيعترضو ( ليش الشباب القلمونيين عم يتزوجو من برا القلمون،شو مالهم بناتنا؟) سبحان الله

وأكثر شي ينزعج منو يوم عائلة ملتزمة ( ولا نزكي على الله احدا ) تطلب هيك طلب،والامثلة كتيرة
اما انو يتزوج البنت وبعدين يتفق هو وياها فما ينفع

بس مع هيك في عيل تقبل القليل
لكن الواحد بدو يدور

واذا كتير ازمت ما ينتظر حد
يتزوج من برا

هيدا رأيي

مشكووووووورين شباب على الطرح

غريبه

07-06-2009, 08:40 PM

سلام!أنا عضوه جديده في المنتدى وأحببت أن أشارك بهذا الموضوع المهم!انا بشوف انو كل شخص عندو ظروفه واولوياته بالحياه وكل تجربه بتختلف عن التانيه وما في قاعده ثابته أو عامه بهل موضوع!
أنا متلا ماما من القلمون ولكن والدي مش من الضيعه(منشان هيك سميت حالي غريبه)!!! ومع هيك نحنا عيله مرتاحه الحمدلله ومبعتبر زواج أهلي كان أكتر من ناجح!!وما ننسى انو هالشي بيزيد توسع وعلاقات الدوله القلمونيه هههههههههه!!!

hunter_hunted

07-06-2009, 09:50 PM

!!وما ننسى انو هالشي بيزيد توسع وعلاقات الدوله القلمونيه هههههههههه!!!
أنا أحيي هذه الروح الوطنية ل الأخت غريبة فهي تريد أن تحمل لواء الدولة القلمونية إلى البقاع المجاورة ونحن نفتخر بك أختنا الكريمة وأعتقد أنك تقدرين الحصول على الجنسية القلمونية بسهولة إذا نجحت في إختبار اللغة...
وبذلك تكوني قد حصلتي جنسيتين مختلفتين في نفس الوقت...
أخوكم hunter_hunted

ramo

07-06-2009, 10:02 PM

هههههههههههههه,

مهضومة منّك يا صياد المنتدى
والله يبارك فيك

hunter_hunted

07-06-2009, 10:23 PM

:1 (32):وفيكم بارك الله
أخوكم hunter_hunted

HARD

07-06-2009, 10:37 PM

أنا بعرف بدول الخليج المهر بيندفع للبنت بس عنا هل صار كمان نفس الشي ولا بس حبر على ورء وإذا صار طلاق ساعتا بيندفع مع إنو في كذا حاله بالضيعة بعرفن زواجن طلعو رواحن منشان ما يعطوهن ولا فرنج بعد الطلاق فمن هالناحيه ما تعتلو هم

صح بالخليج بيدفعو دغري انا بعرف انو بالسعودية بيمشي الحال ب 40000 ريال يعني ما يقارب 10000 دولار .

بس هون بالقلمون ومتل ما خبروني :) عن جديد انو في مقدم ومأخر ، وجرت العادة انو المأخر بكون كبير ولا يطالب به الا عند الطلاق والمقدم بكون شي قليل رمزي يعني ، واسا في حدا خبرني انو لازم يوصل المقدم ولو كتب واصل بالعقد(هذا يحصل بالاتفاق بين الزوجين ) وهذا قبل انتقال الزوجة الى بيتها . مابعرف كنو صح هل الحكي .

rita

07-06-2009, 10:52 PM

السلام عليكم هو فعلا موضوع مهم بس كنت بدي اسأل الاخ جراح مين أفضل بنت بلدك الي بتعرفها او بالنسبة الكن القلمونية (عفوا انا امي قلمونية بس ما بحس بقدر اخد الجنسية القلمونية لانو اللغة ما بنجح فيها) او البنت الغنوجة والدلوعة الي عم تشوفها بالسفر مطرح ما انت

بالنسبة الي ليش ما الواحد يحط عينو على شي بنت و اول ما يبلش دكتورة واذا كانت مدفوعة طبعا او اذا الحالة ميسورة ليش ما بيكتب كتابه وبياخودا للبنت معو على فرنسا او السفر وهيك بكون نفع حالو وبعد ع الغلط و فاد ضيعتو وبنات ضيعتو

jarra7

07-06-2009, 11:34 PM

السلام عليكم
أخت ريتا ..
أنا مش ضد إنو الواحد لازم يوخود بنت ضيعتو.. بس ضد إنو يأولا تنطرو، لأن الغربة والبعد جفا، و أنا عندي رفقاتي مسافرين و هن عم يحكولي مشاكلن، فمثلا في شب خاطب بنت هو ب فرنسا و هي بلبنان، خطب و بعد 20 يوم سافر و تركها، دائما بيشكيلي إنو مش قادر يحبها أ يحس إنها بتجبو، المشاعر بيناتن باردة، و الشب بحاجه دائما لوحدة تهتم فيه، في مشاعر صعب إنك تفهميها، لأنك بنت، بظن إنو الشباب إلي مسافرين وحدن حاسين فيها، في عندن شعور بالنقص والحرمان و حنان ، مشاعر كتير مخبطة و فايته ببعضها، الشب قبل ما يسافر كان عندو أمو تهتم فيه، و سافر و صار بدو يقلع شوكو بإيدي، في شي نقص بحياتو فتش دور لقي عندو كل شي، إلا شعلة واحدة هي المرأة، نقص من الحنان و العطف ، وزاد الأمر عندو بسبب المصايب إلي عما يشوفا، فصار عندو رغبه جسدية إضافة للروحية. ومتل ما بتعرفي إنو بفرنسا في بنات مسلمات لبنانيات وعربيات حتى فرنسيات مسلمين؛ و ممكن إنو شب يحب واحدة يمكن يتعرف عليا بالجامعة أو يمكن باالمسجد أو يمكن إهل البنت يعرضو عليه إنو يتزوج بنتن و الحالا كتيرة ، فليش الشب بدو يعذب قلبو و حالو و يرتبط ببنت من ضيعتو حيعيش بعذاب دائم وقلق،، و بعدين بفرنسا متل ما عرفت إنو زواج أسهل، و شي تاني كيف بدو يتعرف الشب المسافر على بنت ضيعتو، كيف بدو يتفاهم معها، كيف بدو يحبها،، كيف بدو يحس إنها بتحبو، وهل إهل البنت حيرضو يعطوه بنتن من دون ما يكون مخلص، و بعدين دائما عندن حجة بركا غير رأيو ، ف ما حيرضو يخطبوه. الفرضية التانية إنو يحكي مع البنت من دون علم أهلا و يبعتلا خبت تنتظرو، بدو يحكيها على نات أ تليفون من دون علم الأهل ، و هادا شي ما بيجوز، وأنا بدي إفترض إنو حكيو مع بعض على نات، هل برأيك إنو هادا شي بيكفي ، بخليون يحبو بعض، أو انن يفهمو بعض، خلينا نكون واقعيين، ونتعامل مع الواقع ...

scorpio

08-06-2009, 11:50 PM

أنا أؤيد الأخ أيمن غنوم لأن حكي كلام عائل ومبني على الواقع مش تق حنك متل الأكترية وإذا الشاب إلي بدو يسافر ويكون بدو حنان ومابعرف ايش ومن هيك بدو يتزوج فمتوخذني هذا مانو واعي ومخرج يتزوج لأن عم يفكر من منطلق ضعف شخصية وصراع داخلي بعيد كل البعد عن فكرة الزواج لأن الزواج مش كمان منقوشة عيشه أو مابعرف ايش بس حسيت إنو الأخ محمد هشام عندو معلومات دقيقة عن الموضوع ومبين صدق حديثه

عصفورة القلمون

09-06-2009, 01:57 AM

السلام عليكم ورحمة الله وبركاته: لفتني هذا الموضوع كثيراً وأحببت إبداء رايي من خلال الرد على هذا الإقتباس

خلينا بالمهم ، لقد قلت لك ان هناك حالات تختلف بإختلاف الشاب والفتاة . لنأخذ مثلا أن شاب أعجب بفتاة ، أين المشكلة أن يبعث ويعلمها بذلك ( مش بأول سنة جامعة أكيد ، بصيفية التخرج بكون خلص جامعة ورايح يتخصص أو أنه سيعمل ) ، يعني سنة أو سنتين على أكثر تقدير .
كيف يبعث لها؟؟ هل بعلم أهلها؟؟ إن كان بعلم الأهل وهم موافقون فلا مانع فهذه والله أعلم أشبه بالخطبة السرية(وأسروا الخطبة) ويمكنه حينها التحدّث إليها عبر الهاتف بوجود الأهل
أما في حال أخبرها ووافقت من دون علم الأهل فهناك أمران لا ثالث لهما: الأول وهو أن يحدّثها سراً وهذا أمرٌ محرّم أما الثاني وهو أن يبقى كل منهما على وعده من دون تواصل لمدة معينة ولكن ممكن في أي لحظة أن يغيّر إحدى الطرفين رايه وهنا تبدأ المشاكل ويعتبر أحد الأطراف الطرف الآخر خائناً و إلخ

يمكن أن تقول لي ، لربما لم يستطع خطبتها بعد سنتين ، أجيبك بما أنه وعدها ووعدته فكل ما يحصل للفتاة من خير أو شر في هذه السنوات يجب أن يقبل به الشاب .
صدقت أخي الكريم ولكن كم نسبة هؤلاء ؟! كم نسبة الذين يتقبّلون النتائج؟!

زيادة على ذلك ، ربما تقول لي ، لماذا لا يخطبها لمدة سنتان ؟

أجيبك ، لماذا يتقدم الشاب لخطبة فتاة وهو في موقف ضعيف لا يملك شيئاً في يده ؟ أليس الأفضل بهذه الحالة أن تنتظره الفتاة لفترة ريثما يملك مقومات القوة لكي يتقدم أمام أهلها ؟
وهنا الأمر الهام: لماذا لا يتقدّم الشاب لأهل الفتاة ويشرح لهم وضعه وانه يريد السفر لمدة سنتين وإلخ فربما وافق الأهل وهكذا يمكنه التواصل معها وخطبتها
هناك نقطة لا أفهمها: كيف سيبقى الطرفين على رايهم ما دام التواصل مقطوع؟؟ (أقصد في حال لم يخبر اهلها فعندها لن يتمكّنوا من التواصل) ستقول لي انّ الشاب اعطى كلمة ولن يتراجع عنها ولكن هل يمكن التنبؤ بهكذا أمر؟؟؟!!! هناك إحتمال في تغيير رايه ونفس الامر بالنسبة للفتاة وهذا ينعكس سلباً في حال غيّر أحدهما رايه

وأخيراً أريد تسليط الضوء على واقع الشباب المؤلم : وأتمنى من الأهل تقدير هذا الأمر والتخلي عن شروطهم الباهظة وليعاملوا الشاب على أساس انه ولد لهم ولينظروا إلى الواقع المرير الذي يمرّ به: فلا بأس بمساعدته قليلاً إن كانوا يستطيعون

هذا رأيي والله أعلم

اشرف

09-06-2009, 02:29 AM

][/size]زيادة على ذلك ، ربما تقول لي ، لماذا لا يخطبها لمدة سنتان ؟[/center]

أجيبك ، لماذا يتقدم الشاب لخطبة فتاة وهو في موقف ضعيف لا يملك شيئاً في يده ؟ أليس الأفضل بهذه الحالة أن تنتظره الفتاة لفترة ريثما يملك مقومات القوة لكي يتقدم أمام أهلها ؟
هو بيكون أحسن, بس ليش بدك هالشب أو البنت يعيش بعذاب و حرقه؟؟ ألم يقل الله عز و جل
{ إن يكونوا فقراء يغنهم الله من فضله (http://www.islamweb.net/newlibrary/display_book.php?idfrom=1816&idto=1816&bk_no=46&id=1811#docu) }
فروي عن ابن عمر (http://www.islamweb.net/newlibrary/showalam.php?ids=12)أنه قال : [ ص: 394 ] عجبت لمن لا يرغب في الباءة ، والله يقول : { إن يكونوا فقراء يغنهم الله من فضله (http://www.islamweb.net/newlibrary/display_book.php?idfrom=1816&idto=1816&bk_no=46&id=1811#docu) } . ومن حديث أبي هريرة (http://www.islamweb.net/newlibrary/showalam.php?ids=3)أن رسول الله صلى الله عليه وسلم قال : { ثلاثة كلهم حق على الله عونه : المجاهد في سبيل الله ، والناكح يريد العفاف ، والمكاتب يريد الأداء (http://www.islamweb.net/newlibrary/display_book.php?idfrom=1816&idto=1816&bk_no=46&id=1811#docu) } . فإن قلنا : قد نجد الناكح لا يستغني . قلنا : عنه ثلاثة أجوبة :

الأول : أنه يغنيه بإيتاء المال ، وقد يوجد ذلك .

الثاني : يغنيه عن الباءة بالعفة .

الثالث : يغنيه بغنى النفس ، ولا يلزم أن يكون هذا كله على الدوام ; بل لو كان في لحظة واحدة لصدق الوعد .
في هذه الآية دليل على تزويج الفقير ، ولا يقولن كيف أتزوج وليس لي مال ؟ فإن رزقه ورزق عياله على الله ، { وقد زوج النبي صلى الله عليه وسلم الموهوبة من بعض أصحابه ، وليس له إلا إزار واحد } ، وليس لها بعد هذا فسخ النكاح بالإعسار ; لأنها عليه دخلت ; وإنما يكون ذلك على الحكم إذا دخلت على اليسار ، فخرج معسرا ، أو طرأ الإعسار بعد ذلك ، والله أعلم .

وأخيراً أريد تسليط الضوء على واقع الشباب المؤلم : وأتمنى من الأهل تقدير هذا الأمر والتخلي عن شروطهم الباهظة وليعاملوا الشاب على أساس انه ولد لهم ولينظروا إلى الواقع المرير الذي يمرّ به: فلا بأس بمساعدته قليلاً إن كانوا يستطيعون

هذا رأيي والله أعلم

والله لو طبّق الأهل هذا, لإنحلّت مشاكل بني معزاب (راجع موضوع عزّاب بلا حدود)

عصفورة القلمون

09-06-2009, 02:47 AM

عفواً أخ "أشرف" ولكن إقتباسك هو خليط بين كلامي وكلام الأخ أيمن

وعلى كل حال إن شاء الله يدرك الأهل مدى أهمية كلامنا هذا

وأخيراً اريد أن أنوه أنني كتبت هذا الرأي بناءً على تجارب عديدة رأيتها وسمعتها من صديقاتي

تقبلوا تحياتي
اختكم في الله, عصفورة القلمون

أيمن غ القلموني

09-06-2009, 05:58 PM

السلام عليكم ..
سؤال يا أخ أيمن: في حال و جد هذا الشاب فتاة تانية و حبا (ممكن حلوة أو غنجة أكتر من إلي ناطرتو) شو بيعمل؟ و خصوصا إنا أريبه منو و هاديك رح تكون بعيدة (القريب من العين قريب من القلب)،، و كمانا رح يكون عايش بغربة ( مثل فرنسا و المصايب إلي عما يشوف) و أكيد عندو نقص رعاية و إهتمام و مشاعرو حتتلخبط و تفوت ببعضا،، خصوصا إذا كان ما بيحكي معا عل النات أو تليفون. حتى لو كان بيحكي معا، برأيك إنو نات كافي لنقل المشاعر و التعبير عن الحب؟ هل بيقدرو إنن يحبو بعضبن ع نات؟
أيا شب حيعمل هيك بيكون عما يجني ع نفسو و رح يعذب حالو حيدايأ أكتر. فنصيحة للشباب ما حدا يعلق حالو ببانت، ما حدا يستعجل الأمور؛ ما حدا بيعرف ش مخابالو.

وعليكم السلام ورحمة الله وبركاته ، أهلاً بالأخ جراح .

سؤالك على الرحب والسعة ، لنفترض أن هذا الشاب الذي يعيش في الغربة وجد فتاة ثانية وهذه الفتاة قريبة منه أما الفتاة الأولى الذي وعدها فهي بعيدة عنه ، فبمجرد أنك قلت وجد فتاة ثانية فهذا معناه أنه ليس متعلق كثيراً بالفتاة الأولى وهذا ليس مرده إلى الشاب الذي يعيش في الغربة بل مرده إلى الأسلوب الذي تتعامل به الفتاة الأولى ، فلو أنها كانت تبدي إهتماما قليلاً بالشاب الذي وعدها لما كان هذا الشاب عاش بين نارين .

والمشكلة أن هناك حالات يكون فيها الشاب قد تكلم مع أهل الفتاة الأولى لكن أهلها ( عقلهم طنجرة ) ، لا يسمحون لابنتهم بالكلام مع الشاب ولو حتى أن ترسل له رسالة بين الفينة والأخرى لتشعره بأنها تهتم به ، فلو شعر الشاب بذلك وبأن الفتاة الأولى معه ولو قلبياً لما كان فكر في فتاة غيرها ؛

هذا إذا كان صادقاً واعتقد أن أكثر من يقدم على هذه الخطوة يكون صادقاً لأنه بذلك قد قام بخطوة صعبة عليه لكن بما أنه مقتنع بما يريد ، فالصعوبة في هذه الحالة أخف من الصعوبة التي يعانيها في حال كان معجب بفتاة ولم يسر لها والعكس كذلك أي فتاة معجبة بشاب .

سلام!أنا عضوه جديده في المنتدى وأحببت أن أشارك بهذا الموضوع المهم!انا بشوف انو كل شخص عندو ظروفه واولوياته بالحياه وكل تجربه بتختلف عن التانيه وما في قاعده ثابته أو عامه بهل موضوع!
أنا متلا ماما من القلمون ولكن والدي مش من الضيعه(منشان هيك سميت حالي غريبه)!!! ومع هيك نحنا عيله مرتاحه الحمدلله ومبعتبر زواج أهلي كان أكتر من ناجح!!وما ننسى انو هالشي بيزيد توسع وعلاقات الدوله القلمونيه هههههههههه!!!

أهلاً بكم ، الحالات تختلف بإختلاف الظروف ولا يمكن إطلاق أحكام مطلقة تشمل كل الحالات

الحمدلله انكم مرتاحون وأسأل الله لكم حياة ملؤها البهجة والسعادة .

السلام عليكم هو فعلا موضوع مهم بس كنت بدي اسأل الاخ جراح مين أفضل بنت بلدك الي بتعرفها او بالنسبة الكن القلمونية (عفوا انا امي قلمونية بس ما بحس بقدر اخد الجنسية القلمونية لانو اللغة ما بنجح فيها) او البنت الغنوجة والدلوعة الي عم تشوفها بالسفر مطرح ما انت
بالنسبة الي ليش ما الواحد يحط عينو على شي بنت و اول ما يبلش دكتورة واذا كانت مدفوعة طبعا او اذا الحالة ميسورة ليش ما بيكتب كتابه وبياخودا للبنت معو على فرنسا او السفر وهيك بكون نفع حالو وبعد ع الغلط و فاد ضيعتو وبنات ضيعتو

وعليكم السلام ورحمة الله وبركاته.

إذا اللغة هي العائق ، فلا يوجد مشكلة ، تعلمينه لغتكم المبجلة ، الشاب القلموني ذكي يتعلم بسرعة ، ممم .

أما فكرتكِ التي طرحتها ، فهي مهمة وهكذا يكون الشاب قد فتح الباب أمام فتاة تريد إكمال تحصيلها العلمي ، كذلك يكون قد اعتاد على تحمل المسؤولية بعيداً عن أهله وأهل الفتاة . كما أن هذه الفترة لن تطول فهي لن تكون أكثر من ٥ سنوات على أبعد تقدير .

أنا أؤيد الأخ أيمن غنوم لأن حكي كلام عائل ومبني على الواقع مش تق حنك متل الأكترية وإذا الشاب إلي بدو يسافر ويكون بدو حنان ومابعرف ايش ومن هيك بدو يتزوج فمتوخذني هذا مانو واعي ومخرج يتزوج لأن عم يفكر من منطلق ضعف شخصية وصراع داخلي بعيد كل البعد عن فكرة الزواج لأن الزواج مش كمان منقوشة عيشه أو مابعرف ايش بس حسيت إنو الأخ محمد هشام عندو معلومات دقيقة عن الموضوع ومبين صدق حديثه

تحياتي أخ سكوربيو ، مشكور على دعمك لكن الشاب يبقى إنسانا محتاجاً للشعور بالعطف والمحبة وخاصةً عند بعض الحوادث وهذا الشعور له تأثيره في الشاب ، فهو يساعده على الصبر وخاصةً إذا ما كان في الغربة كما قال الأخ جراح ، ناهيك عن أن الشاب يستطيع تمحيص من هم الرفقاء الحقيقيين ومن هم أنانيين في تفكيرهم وووو .........

هناك نقطة لا أفهمها: كيف سيبقى الطرفين على رايهم ما دام التواصل مقطوع؟؟ (أقصد في حال لم يخبر اهلها فعندها لن يتمكّنوا من التواصل) ستقول لي انّ الشاب اعطى كلمة ولن يتراجع عنها ولكن هل يمكن التنبؤ بهكذا أمر؟؟؟!!! هناك إحتمال في تغيير رايه ونفس الامر بالنسبة للفتاة وهذا ينعكس سلباً في حال غيّر أحدهمارايه

إذا كان الشاب والفتاة يعرفان التعامل مع بعضهما ويفهمان بعضهما ويدركان الضغوط النفسية عليهما في هذه السنين وكانا يعلما ذلك في قرارة نفسيهما من قبل ، فسينجحان إن شاء الله في تجاوز الصعاب .

أما نقطة أن يشرح الشاب وضعه لأهل الفتاة ، فأين يمكنك أن تجدي مثل هؤلاء الأهل ؟؟ الأهل يريدون دائماً أن يعرفوا مستقبل ابنتهم وهذا حقهم وليسوا مستعدين لإعطاء إننتهم لشاب لا يدري ما هو مستقبله ، وهذا تفكير صحيح من الناحية العملية ، لذلك الإنتظار أفضل .

والله لو طبّق الأهل هذا, لإنحلّت مشاكل بني معزاب (راجع موضوع عزّاب بلا حدود)

أهلاً بالأخ أشرف ، لو لو لو ، في لو ، فهمك كفاية .

الله يبارك فيك ويحفظك بحفظه .

أم سفيان

09-06-2009, 07:40 PM

محمد أحمد الفلو

09-06-2009, 08:16 PM

الله يبارك فيكي أم سفيان ،

لما تعلمنا مع الشيخ جمال دروس الزواج والطلاق من كتاب فقه السنه أخبرنا أن حديث : ( أسرو الخطبة ) غير صحيح ، لا بل أكد أن النصوص الصريحة تقول بوجوب إعلان الخطبة ....

أنا هادا الموضوع منتهي منو من أول ما كتشفت إنو صار متداول بين الشباب (بالصيف الماضي - شني مسافر ) ،

أما وقد طرح على المنتدى ، فصار في سؤال أهم براسي :

إذا عرفت إنو شاب وبنت متواعدين بدون علم أهلهم ، هل واجب عليي خبر اهلن ( خصوصي أهل البنت ) ؟؟؟

المحروم

09-06-2009, 09:07 PM

ولا حميطون شو بدك بالعالم شو ليش مئزي انت هالقد يستطفلو من راقب الناس ماتا هما

أيمن غ القلموني

09-06-2009, 09:44 PM

هلأ طلع معك إنو الأهل إللي ما بيخلو بنتن تبعت رساله كل فترة لشاب عألن طنجرة أنا من وجهة نظري هادول الأهل اللي بيعرفو مصلحة بنتن أنا أول واحدة عألي طنجرة لكن
من رأيي لازم تكون الخطبة معلنة وحط خط أحمر تحت معلنة تحتا البنت تتواصل مع الشاب أما إنو آيلا بالسر فما في شي يضمن يغير رأيو بعد ما تكون البنت تعلئت في والحل الأمثل بكل الحالات إنو يتزوج الشاب ويسافر ويبنوا مستأبلن سوا يعني ليش تينطر وهيك ممكن يكفوا تعليمن مع بعض

سامحك الله يا أخت أم سفيان ، لقد تكلمت عن حالة يكون فيها الشاب قد تكلم مع أهل الفتاة قبل سفره مثلاً وقال لهم بأنه سيخطب الفتاة مثلاً بعد سنة ، فلماذا لا يسمح الأهل للفتاة بالتكلم مثلا مع الشاب على المسنجر وبوجود محرم إلى جانبها ......

لم أقل أن تبعث كل يوم رسالة له ، بل قلت بين الفينة والأخرى وبعلم أهلها ، فأرجو منك أن لا تقوليني ما لم أقل .

أما الحل الذي طرحته فهو الأفضل ، وهذا هو الحل المثالي لهذه الحالات .

شكراً على تفهمكم الكريم .

لما تعلمنا مع الشيخ جمال دروس الزواج والطلاق من كتاب فقه السنه أخبرنا أن حديث : ( أسرو الخطبة ) غير صحيح ، لا بل أكد أن النصوص الصريحة تقول بوجوب إعلان الخطبة
أنا هادا الموضوع منتهي منو من أول ما كتشفت إنو صار متداول بين الشباب (بالصيف الماضي - شني مسافر ) ،
أما وقدطرح على المنتدى ، فصار في سؤال أهم براسي :
إذا عرفت إنو شاب وبنت متواعدين بدون علم أهلهم ، هل واجب عليي خبر اهلن ( خصوصي أهل البنت ) ؟؟؟

لك شو بك يا حميطون حامل السلم بالعرض وماشي ، حدا ضربك على ايدك وغصبك على الفكرة .

يا حميطون ، إذا كان الاهل يعلمون بذلك ( من كلا الطرفين ) وإمتدت فترة التعارف لمدة سنة ونصف ، هل هذا شرعي أو لا ؟

لك ميشان انك بك تقول للاهل ، كلنا معك ونشد على أياديك ونصيحة أن تقول لأيمن عبيد لكي يذيع الأسماء على المادنة قبل الأذان .:rolleyes:

ولا حميطون شو بدك بالعالم شو ليش مئزي انت هالقد يستطفلو من راقب الناس ماتا هما

بارك الله بك أخ المحروم :1 (37):

ريمون حمية

09-06-2009, 10:04 PM

أنا حاسس إنو الموضوع صار نقار بين طرفين بالأحرى بين شخصين .... :) :)

محمد أحمد الفلو

10-06-2009, 01:09 AM

ولا حميطون شو بدك بالعالم شو ليش مئزي انت هالقد يستطفلو من راقب الناس ماتا هما

بارك الله بك أخ المحروم :1 (37):

على شكلو شكشكلو ،
مني عم راقب حدا، ولا قلت بدي زيع، سؤال خطر ببالي ،

ورد على أفكار خاطئة عم شوفكن عم تعملو عليا قيام ليل على المسنجر ، فحبيت اعطي رأيي فيا ،

أنا عطيت سلبيات لفكرة، عملوا الليله قيام وقولولنا شو إيجابيات الفكرة،
بس ما تنسو تدعولنا لما توصلو على السطر ألف ، هونيك الدعاء مستجاب

عصفورة القلمون

10-06-2009, 02:30 AM

الصراع الآن يكمن بين وجهتي نظر مختلفتين : الأولى وهي النظرة العقلانية البحتة (نظرة الأخ حميطون) والثانية وهي النظرة العاطفية الواقعية (نظرة الأخ أيمن) والسؤال هنا:

"إذا اُعجب شاب بفتاة فهل يطلب منها الإنتظار مع العلم أن أمامه فترة معينة ليتمكّن من خطبتها؟؟؟"

هنا يبدأ الصراع بين النظرتين ولكن من يغلب في النهاية العقل أم القلب؟؟؟

والسلام عليكم ورحمة الله وبركاته

jarra7

10-06-2009, 02:51 AM

هنا يبدأ الصراع بين النظرتين ولكن من يغلب في النهاية العقل أم القلب؟؟؟

السلام عليكم ...
المهم أن لا يقع صراع بين القلب و العقل لاحقا، بعد أن يطلب منها الإنطظار... وهل سيلام الشاب إذا لم يفي بوعده للفتاة، وسار في ركب الهوى؟ و عندما يرسل للأولى :
لو كان قلبي معي ما اخترت غيركم و لا رضيت سواكم في الهوى بدلا ً

أيمن غ القلموني

10-06-2009, 02:52 AM

أنا حاسس إنو الموضوع صار نقار بين طرفين بالأحرى بين شخصين .... :) :)

أهلاً بالأخ العزيز ريمون :1 (37): ، احساسك جميل ، خدلك صورة معو ، هههة

ليست القصة بيني وبين حميطون ولن تكون ( إن شاء الله ) , نحن نناقش أفكار وليس أفراد .

على شكلو شكشكلو ،
مني عم راقب حدا، ولا قلت بدي زيع، سؤال خطر ببالي
ورد على أفكار خاطئة عم شوفكن عم تعملو عليا قيام ليل على المسنجر ، فحبيت اعطي رأيي فيا
أنا عطيت سلبيات لفكرة، عملوا الليله قيام وقولولنا شو إيجابيات الفكرة،
بس ما تنسو تدعولنا لما توصلو على السطر ألف ، هونيك الدعاء مستجاب

حميطون ، بدون تمسخر وإلا ............ فإننا نعرف ( أنا والأخ المحروم ) التمسخر وعلى مستوى ثقيل .

أنت طرحت ما تراه سلبياً ولقد أجبت على سلبياتك في مشاركة من قبل ولقد طرحت عليك سؤالاً لكنك لم تجب :

إذا كان الاهل يعلمون بذلك ( من كلا الطرفين ) وإمتدت فترة التعارف لمدة سنة ونصف ، هل هذا شرعي أو لا ؟

أما فيما يخصني والأخ محروم ، فيشهد الله بأننا لم نتكلم بهذا الامر ولم يخطر على بالنا ؛

حتى عند طرحه على المنتدى فإنا لم نتكلم به على المسنجر ، لكنك تأبى إلا تصديق ما تقتنع به .

أخي قليلاً من التواضع عند سماعك للآراء الأخرى فلسنا هنا لكي نقنعك لأننا لن نستفيد شيئاً من اقناعك ، بل نحن نناقش لعرض الأفكار .

على كل حال نحن نسامحك وندعوه تعالى أن يوفقك فيما تطمح إليه وإن شاء الله ندعو لك لكن ليس على المسنجر بل عند أبواب الكعبة الشريفة .

كملاحظة فقط : وجوهنا كالضياء تنير الطريق أمام من تاه ، فانظر هل تستنير ;)

السلام عليكم .

أم سفيان

10-06-2009, 06:05 AM

لساتني عرأيي سواء الأهل عارفين أم لا الخطبة لازم تكون معلنة
وإذا الشاب تكلم مع البنت بالسر بدون علم أهلا فهادي تعد خيانة للأهل
بعدين الناس بتعارفو شهر شهرين منو سنه ونص آعدين عم يتعارفو أديش صاير حالات بالضيعة شاب بيحب بنت سنين تؤلو قيس وليلى وبالآخر إذا تأدملا للواحدة شخص جيبتو مليانة بتعاد بتنسى اسم اللي حبتو والعكس صحيح فالأفضل لمن الأهل بيرفضو الشاب لعدم جاهزيتو يا إما يدور عبنت تانية إهلا يرضو في متل ماهو لأن بالنتيجة بعد الزواج الأخ رح يكتشف إنو كل البنات متل بعضن يا إما يتجرع الآلام وينطر

المحروم

10-06-2009, 06:42 AM

ورد على أفكار خاطئة عم شوفكن عم تعملو عليا قيام ليل على المسنجر ، فحبيت اعطي رأيي فيا ،

أنا عطيت سلبيات لفكرة، عملوا الليله قيام وقولولنا شو إيجابيات الفكرة،
بس ما تنسو تدعولنا لما توصلو على السطر ألف ، هونيك الدعاء مستجاب

اخي حميطون اتق الله ولا تفتري على الناس اقسم بالله العظيم اني لم اناقش الموضوع اان والاخ ايمن ابدا ولم نفتح سبرته بالاصل فلماذا تفتري علينا الا البارحه عندما كتبت مشاركاتيك الاخيره كل هالقد معصب يا زلمه روق بعدين ان بتلاحظ اني ماشاركت وما اتدلخت بالموضوع ابدا ان مشاركتي كانت عباره عن مزحه الك فقط لاغير
والله يقويكن يا شباب جدال جميل متابعو مع اني من محبي المشاكل بس منو هوايتي اختصاص جماعات اسلاميه والنكد مع اخ ابو خليل

شادي فقوعه

10-06-2009, 11:44 AM

لأن بالنتيجة بعد الزواج الأخ رح يكتشف إنو كل البنات متل بعضن

كلام غير صحيح و على جميع المعاير.
يعني :من الناحية الشرعية خطأ.
من الناحية العقلية خطأ.
من الناحية ألأخلاقية خطأ.
و من الناحية الطبيعية خطأ أيضاً.
هذا و الله أعلم و صلى الله على محمد.

HARD

10-06-2009, 07:46 PM

كلام غير صحيح و على جميع المعاير.
يعني :من الناحية الشرعية خطأ.
من الناحية العقلية خطأ.
من الناحية ألأخلاقية خطأ.
و من الناحية الطبيعية خطأ أيضاً.
هذا و الله أعلم و صلى الله على محمد.

على الاقل اطلب من الاخت تفسير لكلامها ....... ماذا يعتبر كلامك؟و من اي ناحية هو!؟ .....

المشاركة الأصلية كتبت بواسطة أم سفيان http://forum.qalamoun.com/nice/buttons/viewpost.gif (http://forum.qalamoun.com/showthread.php?p=79088#post79088)
لأن بالنتيجة بعد الزواج الأخ رح يكتشف إنو كل البنات متل بعضن

المهم، ممكن اختنا تشرحيلنا شو المقصود بهل الكلام ، ما فهمنت قصدك .

أيمن غ القلموني

11-06-2009, 01:06 AM

كلمات قرأتها وربما تفيد لكي نخرج قليلاً من الجدال

وصية أم لأبنتها ليلة زفافها:

لما خطب عمرو بن جحر الكندي إلى عوف بن ملحم الشيباني ابنته أم إياس وأجابه إلى ذلك، أقبلت عليها أمها ليلة دخوله بها توصيها، فكان مما أوصتها به أن قالت:

أي بنية ،

إنك مفارقة بيتك الذي منه خرجت وعشك الذي منه درجت إلى رجل لم تعرفيه وقرين لم تألفيه،

فكوني له أمة ليكون لك عبدا،
واحفظي له خصالا عشرا يكن لك ذخرا:

فأما الأولى والثانية: فالرضا بالقناعة وحسن السمع له والطاعة.

وأما الثالثة والرابعة: فالتفقد لمواقع عينه وأنفه، فلا تقع عينه منك على قبيح، ولايشم أنفه منك إلا أطيب الريح.

أما الخامسة والسادسة: فالتفقد لوقت طعامه ومنامه، فإن شدة الجوع ملهبة وتنغيص النوم مغضبة.

وأما السابعة والثامنة: فالإحراز لماله والإرعاء على حشمه وعياله.

وأما التاسعة والعاشرة: فلا تعصي له أمرا ولا تفشي له سرا، فإنك إن خالفت أمره أوغرت صدره، وإياك والفرح بين يديه إذا كان مهتما، والكآبة لديه إذا كان فرحا.

فقبلت البنت وصية أمها، فأنجبت له الحرث بن عمرو جد امرئ القيس الملك الشاعر.

ريمون حمية

11-06-2009, 01:14 AM

كلام جميل أخ أيمن .... يعني أنا بفهم منك إنو إذا كل بنت طبقت هذه الوصية بيطلع الاولاد كلهم شعراء :) :):):):)

أيمن غ القلموني

11-06-2009, 02:55 AM

ههههة ، ليطبقنها اولا :1 (74): وكفانا ذلك ;) والحمدلله رب العالمين

أيمن غ القلموني

11-06-2009, 03:41 AM

هي كنكتة ولكنها ربما معبرة
( منقولة مع اخطائها الإملائية )

الإنتقام على أصولو

كان في شاب بيحب بنت و هي بتحبه ومتفقين على الخطوبه والجواز لكن من حظه الجميل انه دخل الجيش.

وكان كل يوم يقعد يفكر فيها قبل ما ينام ويفتكر ايامهم مع بعض

عمره ما نسيها لحظة

وفي يوم جاله جواب من البنت دي

وجري بسرعة علشان يقراه وهو هيموت علشان يعرف اللي فيه

وفتح الجواب لقى بسلامتها بتقوله

انا زهقت من كتر الوحده وبصراحه استنيتك كتير

ولو سمحت من غير فضايح ابعتلي صورتي اللي معاك

طبعا الراجل اتحرق دمه وقعد يفكر كتيييييييييييييير لحد ما وصل للحل

فجأه نده كل اصحابه في الكتيبه وقاللهم كل اللي

معاه صوره بنت يطلعها حتى لو كانت صوره امه او اخته

وجمع كل الصور وحطها في ظرف وبعت الظرف لحبيبته وقاللها

آسف يا حبيبتي بس انا مش فاكر انتي مين بالظبط في البنات دول
عموما شوفي صورتك مين فيهم وابعتيلي الباقي

أم سفيان

11-06-2009, 04:19 AM

حلوة هالقصه
بالنسبة لسؤال الأخ هارد اللي أصدتو انو قبل الزواج الشاب أو البنت ما بيكون شايف بشريك حياتو إلا الحسنات وبعد الزواج بيكتشف إنو ما في حدا كامل والحمدلله في القلمون وفي غيرا كتير من البنات الملتزمات فإذا انرفض الشاب من بنت لا يفكر إنو هادي نهاية الحياة يدور عغيرا ورح يلائي كتير متلا وأحسن كمان ما يحئد على البنت اللي رفضتو ويفكر إنا شايفه حالا علي لأنو متل ما هوا نآها من بين مئات البنات هيه كمان بيحئلا تختار اللي بترتحلو

شادي فقوعه

11-06-2009, 06:52 AM

لأنو متل ما هوا نآها من بين مئات البنات هيه كمان بيحئلا تختار اللي بترتحلو

و هذا الكلام لا يصح شرعا كما و أن لراحتها في مثل هذه المسائل شروط هذا و الله أعلم

ياطر

11-06-2009, 12:46 PM

إذان حدان في ينورنا عأيا شاريع من الشرائيع عم يحكاي صاحبنا

لأن شكلاو عنداو شرعاو الخاص

عمر ملاط

11-06-2009, 01:00 PM

وفوق هيك بيعترضو ( ليش الشباب القلمونيين عم يتزوجو من برا القلمون،شو مالهم بناتنا؟)

لا تخاف ما حدا من الأهل بالقلمون ممكن يقول هالجملة.... بتعرف ليش؟ لأنن قلامنة.. يعني بقولو شبهن بناتنا... ما حد بيعرف يقول شو مالهم بناتنا... عاملي حالك قلموني.... تبقى عراف تحكي قبل ما تنتأض عالقلمون... سمعت يما لأ.. قال قلموني قال... يا حيف بس

abed

11-06-2009, 01:35 PM

كلام غير صحيح و على جميع المعاير.
يعني :من الناحية الشرعية خطأ.
من الناحية العقلية خطأ.
من الناحية ألأخلاقية خطأ.
و من الناحية الطبيعية خطأ أيضاً.
هذا و الله أعلم و صلى الله على محمد.

أختي شادي فقوعة. لماذا هذا التهجّم الأعمى على الاخت ام سفيان؟

انا لم اجد شيئاً خطأ مما قالته.

هلاّ فسّرتي لنا.

وبارك الله بكي.

HARD

11-06-2009, 02:38 PM

فشلان

11-06-2009, 03:46 PM

ذكرتوني بمواضيعنا القديمة للرجال فقط... وزواج المسيار ههههههههههههههههههه

ما بعرف ليش حاسسكن عالقين على شي كلكن متفقين عليه....

في حدا قال انو الواحدة ما حدا يسألا رأيا؟
في حدا قال انو القصة ما لازم تصير بالتوافق ما بين القلب والعقل؟
في حدا عندو مشكلة انو الواحد يوخد من ضيعتو لأن أسهل بكتير من ناحية العادات والتقاليد...
في حدا ما بقول انو المهر أحيان بكون تعجيزي... وما لازم يكون هيك...
في حدا في يقول لواحد عايش معظم حياتو برا.. انو ما تاخد واحدة من برا؟ يعني مثلا أخونا ابو حسن... بأي طريقة كان مطلوب منو يوخد واحدة من القلمون؟ الا بطريقة واحدة.. بيتصل برفيقو مثلا بقولو يرضى عليك شوفلي شي واحدة على ذوقك حتى اتزوجها... حلوة الطريقة ما هيك؟

هلأ بعدان كيف عم يتصرفو لما حبو بعضن... هادي كلها نواحي شرعية... بس عجبني تعليق لواحد ما بدنا نذكر اسمو... قال بدو يعمل تشات مع خطيبتو مع محرم... الله وكيلكن فرطني الضحك على الشغلة... ذكرني بالأول بالأخت نادي لما كانت عم تقلنا انو لو الواحد بدو يوخد عيلتو على بارك عام لازم يقعد بعيد عن الشباب الباقيين ما يقارب 12 متر و66 سنتي و7 ملم. ولك دوووووووووووووووووووووع...

بس في شغلة واحدة ماني متفق فيها مع ام سفيان... هلأ هيك طلع معك بالآخر؟ كل البنات مثل بعضن؟؟؟؟؟ له له له له له... كل البنات مثل بعضن؟؟ ما في غير 3 شغلات كل البنات فيها مثل بعضن... ما بقدر عدن.... اما في بنت هنية... في بنت نكدية.. في بنت نقاقة.. بنت مسلية... في بنت شاطرة... في بنت بتستحي... في بنت خدومة... في بنت اتكالية...

فشلان

11-06-2009, 03:47 PM

كلام غير صحيح و على جميع المعاير.
يعني :من الناحية الشرعية خطأ.
من الناحية العقلية خطأ.
من الناحية ألأخلاقية خطأ.
و من الناحية الطبيعية خطأ أيضاً.
هذا و الله أعلم و صلى الله على محمد.

بس نحنا رح نكتفي انك من الناحية الشرعية تبيلنا ليش كلامها غير صحيح من الناحية الشرعية...

ممكن؟؟

HARD

11-06-2009, 03:49 PM

فشلان

11-06-2009, 05:09 PM

وبتقصد بشكل عام انو كل البنات متل بعض انو البنت تظهر حسناتها وتخفي عيوبها .

أوك شباب... أنا بنت لكن...

ولك دووووووووووووووووووووووووووووووووع

فشلان

11-06-2009, 05:12 PM

ليك يس في شغلة انت كام مشاركة قريت بهل الموضوع ؟ :) الظاهر تنين بس . خليك بمصلحتك اي الشعر وبعد عن الامورة الجدية .

وين كنت انت لما كنا نحكي بالعلاقات الزوجية؟ أه؟؟؟ خليك بمصلحتك قال... انت خليك بمصلحتك... فهمنت.....

أم سفيان

11-06-2009, 05:42 PM

مظبوط أخي فشلان في النكدية والهنية والنئاءة وووو وبس كل هالصفات ما بيبينو إلا بعد الزواج
متل البطيخة لمن بتشتريا ما بتكون عارف كنا بدا تطلع بيضة ولا حمرا حلوه ولا طعمتا مي

فشلان

11-06-2009, 05:58 PM

يعني انت رأيك لازم نطبطب عليها قبل ما نشتريها؟؟؟؟ :1 (70):

أيمن غ القلموني

11-06-2009, 07:37 PM

بس عجبني تعليق لواحد ما بدنا نذكر اسمو... قال بدو يعمل تشات مع خطيبتو مع محرم... الله وكيلكن فرطني الضحك على الشغلة...

منك الأول الذي يُعجَب ولن تكون الأخير :rolleyes:

هضامتك خلقة معك أو اكتسبتا إكتساب مع السنوات ، ميشان نعرف كيف بدنا نوصل لمستواك :1 (74):

على فكرة أنت فهمت خطأ ، لم أقل أن يتكلم مع خطيبته بوجود محرم بل قلت في فترة
التعارف وليس أنا الذي قلت بل شيخ أفتى بذلك إن كانت فترة التعارف ستمتد طويلاً لسبب ما ، فأرجو أن لا تفهم على ذوقك وإذا فهمت على ذوقك فلا تدخلني في ذوقك لأنك لن تستسيغني :1 (69):

فشلان

12-06-2009, 12:32 AM

ليك اذا بدك الحقيقة... هي الهضامة حد علمي بتجي خلقة... بس الواحد لازم ينميها بالممارسة....

بعدان تعا لقلك... أنا تعليقي على تعليقك... مش عليك... الفكرة حلوة... هيك تخيلت بنت مستحية ومقعدة جنبا اخوا مثلا... وما لها عين عم تكتب... والمحروس من تاني جهة آخد راحتو... بس ليك هي بدها محرم وبس؟ لازم هو من تاني جهة كمان ما يكون وحدو.... لأن المحرم بالأصل لازم يكون قاعد معن وهيك بحالتك قاعد معها.. يعني هو لازم كمان يكون معو محرم... وهي محرم... ولا أنا غلطان؟؟؟؟

hunter_hunted

12-06-2009, 02:40 AM

في فكرة أحلا يا معلم فشلان ،، خليا تعطي أخووا ل password بصير طالع المسكين ومنو عارف حالو كنو عم يحكي مع خطيبتو ولا مع أخووا.....
إقترح الفكرة ع شيخك يا غنوم يمكن تعجبو......
أخوكم http://forum.qalamoun.com/images/icons/icon10.gifhttp://forum.qalamoun.com/images/icons/icon10.gifhttp://forum.qalamoun.com/images/icons/icon10.gif

Nadine

12-06-2009, 06:29 AM

هلأ بعدان كيف عم يتصرفو لما حبو بعضن... هادي كلها نواحي شرعية... بس عجبني تعليق لواحد ما بدنا نذكر اسمو... قال بدو يعمل تشات مع خطيبتو مع محرم... الله وكيلكن فرطني الضحك على الشغلة... ذكرني بالأول بالأخت نادي لما كانت عم تقلنا انو لو الواحد بدو يوخد عيلتو على بارك عام لازم يقعد بعيد عن الشباب الباقيين ما يقارب 12 متر و66 سنتي و7 ملم. ولك دوووووووووووووووووووووع...

.

يعني اديش صرلي ما شاركت بالمنتدى!!! والله زمان , كللو الحق على نزيه الله يحميلي ياه هوا واختو.., كيف الجميع؟؟

لك انت يا اخ فشلان شو قصتك, كل ما حدا فتح موضوع بتتذكر الجملة اللي قلتها شو انحفرت حفر الهيئة؟؟؟ بعدين انا ما قلت اديش المسافة ,, انا قلت يكون بعيد عن الشباب ,,,روح مع اختك على البارك وقعدها حد فرقة شباب وشوف شو بيصير.
ايه بالنسبة للموضوع , موضوع ممتاز, بس كان افضل من كل هالجدل انو كل شخص يحكيلنا عن تجاربو بالخطبة او شو سامع من قريبينوا او رفقاتوا عن هالموضوع...

لان انا متل ما بذكر من حوالي 5 او 6 سنين , يعني من رفقاتي وهيك انو ما بيتزجوا الشاب على اخلاقوا ودينوا بيقلولك وين بيصرفوا هالحكي ؟؟؟ بس اذا اجاها واحد من برات الضيعة , اذا كان منو حلو بيصير بيطير العقل, وكمان بيصير مليونير , مع انو ما بتكون عارفة لا شو معو ولا شو عليه...

وكمان كانو يفكروا انو اذا شاب سافر ت يتعلم برا,, مثلا ب فرنسا , ورجع بعد شهرين زيارة للاهل والاصحاب بيصير فرنسي...

وكمان في جملة ذكرتها الاخت ام سفيان كتير صحيحة ((أديش صاير حالات بالضيعة شاب بيحب بنت سنين تؤلو قيس وليلى وبالآخر إذا تأدملا للواحدة شخص جيبتو مليانة بتعاد بتنسى اسم اللي حبتو ))