مآسينا

[Software]

السلام عليكم.
إخوتي الكرام كما يدل عنوان الموضوع "مآسينا" أريد أن أطلب ممن يرغب بالكتابة عن أكبر مأساة تعرض لها في حياته وسأبدأ بنفسي :
أكبر مأساة أو صدمة أو بلاء أو مصيبة أو كارثة أو مشكلة أو لا أعرف ماذا أسميها تعرضت لها في حياتي هي قصة والدي الحبيب حيث تعرض لحادثة غير معروفة حتى الآن وكانت نتيجتها نزيف داخلي في الدماغ مما أدى به للغياب عن الوعي منذ الخامس عشر من أيار وحتى اليوم.
واجهت مشاكل و عقبات كثيرة في السابق كنت أعتبرها كوارث لن أشهد مثيلا لها لكني اكتشفت بعد هذه القصة أنها كانت مجرد سخافات قياسا لما أنا فيه اليوم.
ربما أتكلم لاحقا بتفصيل أكثر عن الموضوع لكن دعونا الآن نسمع مآسيكم فلعل من يرى مصيبة غيره أن تهون عليه مصيبته راجيا من جميع من يقرأ هذا الموضوع أن يدعو بالشفاء العاجل لوالدي الحبيب "أحمد دياب" ولو بقلبه دون المشاركة في هذا الموضوع وجزاكم الله كل الخير.

[الزاهر]

أهلا بك يا أرايب......
بس ما عرفنا أي واحد منن
المهم.......الله ييسر لك كل الخير .....وإن شاء الله تمضي على خير!!!
أما بالنسبة لوالدك الحبيب....بإذن الله نقول له قريبا "الحمد لله على السلامة"......ويرد علينا بوجه باسم "الله يسلمكم" وبيئوم عن الكرسي وبيسلم علينا كما اعتاد
ما كان يأبل يسلم هو وآعد....بيعتبر حالو ما احترمك كما يفترض!!!!!

ليك يا أرايب......ما تخلي الحديئة تنتزع ها....دلك طل عليها وزبطها....منشان بس يشفى إن شاء الله يرجع يمرن عضلاتو فيها......

سبسب التفاحات ......بس لا تأص كتير من عواد "الغولدن" ما بيسوا!!!-----و "الماكنتوش" ما تدأرهم ها!!!....أصحاك....بيزعل منك البابا!!!

وزبط السائية......صار بدها تزبيط!!!!

خلي الجنينة مرتبة.....ما بدك يطلع ويشوفها مفشكلة!!!!

بدك احكيلك عن مصايبي......في كتييييييير مصايب بحياتي!!!!
بس أحلا الشي إنو بشلحها عن ضهري وبكفي طريئي !!!
بضل عم اضحك وبضل عم ابتسم......وبضل ولا كأنو في شي!!!
بس أكيد صعبة كتيييييير.....وبدو يكون ألبك حجر متلي.....بس ما حدا بيعرف شو في بألب هالحجر!!


خليك هيك......القشرة حجر......واللب.....ألب محب....ألب حنون....ألب مؤمن....ألب واثق من ربنا.....ألب عارف إنو ربنا ما بيأدر إلا الخير!!!!

ولك مني ومن الجميع كل المحبة والسلام والدعاء الصادق !!!

[Nader 3:16]

الله يشفيه.....و يشفي جميع مرضى المسلمين .....

[الشامي]

السلام عليكم..

نسأل الله العظيم رب العرش العظيم أن يشفي والدك وأن يعينكم على بره...

آمين ...

أخوكم:rolleyes:

[Nadine]

نسال الله بان يشفي والدك وان يقوومه بالسلامه يارب العالمين وان يشفي جميع مرضى المسلمين يا ارحم الارحمين

[الريس]

الله يشفيلك والدك يا أبو الشباب ، وطمنا كيف إيامك انت ، وين عم تشتغل هلأ ، كيف لبنان من صوبك ؟

[lai tshteki]

الله يشفيلك ابوك و يقوم بسلامة و بخير..خللي بالك طويل و خللي براسك اننو الله ما بيترك حدا..و خللي براسك كمان اننو ما تترك اي مشكلة تأثر على علاقتك بالناس و خصوصا يللي بيحبوك و يللي بيتمنولك الخير لأنو في كتير عالم بينسوا الدنيا وقت بتجي مصيبة و ما بيكونوا عارفين اننو الناس لبعضها و قادرة تخفف عنك بس فتحلن مجال...الله يشفي ابوك و يشفي كل محتاج.

[Software]

بارك الله بكم جميعا وجزاكم كل الخير وأبعد عنكم كل مكروه وأسأل الله تعالى ألا يبلوكم ويجربكم مثل هذه التجربة لأني أعرف ما معنى ذلك....
بالنسبة للقرايب زاهر أنا محمد لا ألومك لأنك لم تعرفني من "Software Developper" لأننا كلنا ما شاء الله مبرمجين :) و أما بالنسبة لأخونا الريس يبدو أنك تعرفني لكني لم أعرفك بعد،مش مشكلة، على كل حال بالنسبة لعملي فأنا إنشاءالله سأستلم عملا جديدا عما قريب بإذن الله هنا في لبنان لكن البداية ستكون في السعودية لمدة تتراوح بين شهر و 3 أشهر ثم نعود انشاءالله للمتابعة في لبنان، يعني ممكن نشوفك انشالله لأني أظنك في السعودية إن لم يخب ظني....ويا حسرتي عليك لم تجد غيري لتسأله عن لبنان؟؟ والله يا ريس لبنان جميل بطبيعته ومناخه وأهله لكن الله وكيلك والله كرّهونا بلبنان وساعتو.....
مشكورين على المشاركات لكن ما حدا حكالنا مصيبتو ، أتمنى أنو ما يكون ولا يصير عندكم مصائب.
سلام.

[الزاهر]

يا خيي
عادة الناس بتحب تشارك أفراحها..........وما بتحب تشارك أحزانها.......
أنا هيك!!! ما بعرف إن كان البئية هيك!!!
بس استغربت إنو إنت طلعت وعم تشاركنا أتراحك!!!....ما معودين عليها....

بدك مصيبة.....تفضل.....بس يمكن كتييييير تئيلة!!!
أكبر مصيبة صارت لحد هلأ......حتى أكبر من وأت كنت رح موت بالأول.....هي إنو دخلت على كلية العلوم.....وبس.....ما في داعي كمل.....لأن كلنا بيعرف شو معناتا "دخل إلى كلية العلوم".....ما هيك؟؟
فبدك مصيبة أكبر من هالمصيبة.....آه فيه....بس ما في داعي نوجعلك راسك فيها

سلام

[الزاهر]

الهيئة الدنية بألف خير وما حدا بئا عندو مأسي!!!

[rami]

الهيئة الدنية بألف خير وما حدا بئا عندو مأسي!!!

أكبر مأساة(عصعيد المنتدى) وجود أعضاء جعيدية ما بيحترموا حدا وبيكتبو كلام بذيء ما بينمحى وعلى سبيل المثال وليس الحصر الردعي معتوق و المأساة الأكبر الدعم الذي يتلقاه من خلال ترك كلامه البذيء مما يشجعع على التمادي بالفلتان وتجريح الأعضاء،أكتفي بهذا القدر فلطالما أردت الخير لهذا المنتدى وعملت جاهدا لإصلاح الهفوات اللي فيه التي تؤدي لزعزعته ونفور الأعضاء ولكني قوبلت بالتصدي ونكران الجميل

[مصطفى معتوق]

مبادرة :



بعتقد جميع الاعضاء ولمراقبين والمحللين شافو الهجوم يلي صار مع العلم انو كنا عم نفتح موضوع للنقاش ... طلعلنا احد الاخوان وصار يبهدل ويحكي باسلوب اقل ما يقال عنو انو اسلوب شوارع ....

يا رامي :

ما كان احسنلك لو انك وظفت قدرتك على الكتابة بشي فكرة حلوة ؟؟ او بشي موضوع مفيد ؟؟

طيب انت بتكرهني يا اخي ... منيح ... على القليلة تفضل قلنا اسمك الثلاثي .... ومن وين بتعرفني .... وشو هي اسباب هالحقد الدفين يلي بصدرك ضدي .......

يمكن في سوء تفاهم ؟؟ يمكن في ...... بيني وبينك ؟؟؟

الهروب من المشكلة ما بيحلها !!!!!! ازا انت شايف انو انا على خطأ وفيني شغلات ما بتعجبك ....

تفضل المنتدى هو للحوار .... قلنا مين حضرتك وشو حكايتك معي او مع اي عضو يلي كان ومنتناقش فيها بالرواق ......

اسلوب النطاح ما بيفيد ومنو حلو يستعمل بين ابناء الوطن الواحد ...

هلق ما في اهين منها اني ردلك المسبة بمسبة اكبر منها بس دائماً لازم يكون في مبادرة طيبة للصلح ...

انا ما بتذكر اني هاجمتك الا دفاع عن النفس او رد ... وانت معترف بمشاركاتك السابقة انك بادرت بالهجوم عليي ...

يا اخي اكشف القناع عن وشك وشرف لنتحاور ...يمكن الله يهديني عايديك وصير متل ما انت بتحب ......

شو رأيك بهالمبادرة .......