[شعر|منذر سرميني] أحسن أخلاقك

[الزاهر]

أحسن أخلاقك


أحسن أخلاقك متبعا للسنة واحفظ حرمتها
واجعل في قلبك ميزانا يعطيك الذرة دقتها
فالفضل بما كسبت يمناك من الأخلاق زينتها

أخلاق المؤمن تدعوه أن يكرم جارا محتاجا
لا يسأل قوما إلحافا بل يصبر حتى تنفرجا
تدعوه ليعلم حاجته والبسمة أذهبت الحرجا

أخلاق المؤمن تدعوه أن يوصل من قطع الرحما
لا يشمت في أحد أبدا ويعين فقيرا قد حُرما
تدعوه ليمشي متزنا وبوجه طلق مبتسما

أخلاق المؤمن مدرسة قرآن الله لها نور
وحديث رسول الله لها نهج للحق ودستور
من جد وسار بنورهما في الجنة أبدا مسرور

محمد منذر سرميني
21\10\1993

[فشلان]

فالفضل بما كسبت يمناك من الأخلاق زينتها




على السريع وبطريقة خاطفة..... انت متأكد انو ابو الجود كاتب هيك؟؟؟؟؟ يرضى عليك شفلي اذا في حرف آكلو انت بطريقك

[الزاهر]

شفلي ياها إنت :

http://zaher.qalamoun.com/Forum/Misc/A7sin-Akhlaqaq.jpg

[فشلان]

طبعا مع حفظ الألقاب وهيك... بس لازم تكون وزينتها... على روسي انت يا ابو الجود... بس يمكن خطأ مطبعي

[الزاهر]

أكل فشلان من الكعكة طرفها
أكل فشلان من الكعكة وطرفها


لك يبدو إنو الأولة هي اللي صح

فالفضل إنك تكتسب زينة الأخلاق، هيك ولا أنا مغلط ؟
هي نوع من التخصيص من الأخلاق
ما كل الأخلاق يعني
في عندك أخلاق غير حميدة
بس إنت بدك زينة الأخلاق
رح نسأل فيها لغوي ومنردلكم خبر إن شاء الله.

[عمار الفلو]

أكل فشلان من الكعكة طرفها
أكل فشلان من الكعكة وطرفها


لك يبدو إنو الأولة هي اللي صح

فالفضل إنك تكتسب زينة الأخلاق، هيك ولا أنا مغلط ؟
هي نوع من التخصيص من الأخلاق
ما كل الأخلاق يعني
في عندك أخلاق غير حميدة
بس إنت بدك زينة الأخلاق
رح نسأل فيها لغوي ومنردلكم خبر إن شاء الله.



هو معم يفكر بالمعنى

الفكرة إنو من دون ال و البيت بينكسر

[abed]

يحق للشاعر ما لا يحق لغيره
فكيف اذا كان منشداً.
يمكنه تكسير الابيات كيف يشاء
سلام عليكم

[الزاهر]

ينكسر البيت ... شبعملو، إذا بدو يخرب المعنى !!!!
:)




هو معم يفكر بالمعنى

الفكرة إنو من دون ال و البيت بينكسر

[فشلان]

تعا لهون انت وياه وياه... ليش اذا قلت الأخلاق وزينتها غلط؟؟؟؟ ولا اذا قلت الأخلاق زينتها غلط..... فليش حتى نكسر البيت؟ أه؟؟؟؟؟
أخ منك انت يا زاهر يا زينة الشباب... وسلامة فهمكن....

[HARD]

طبعا مع حفظ الألقاب وهيك... بس لازم تكون وزينتها... على روسي انت يا ابو الجود... بس يمكن خطأ مطبعي


بغض النظر عن التكسير والتقطيع المعنى بيختلف هذا ان وضع حرف الواو .

فالفضل بما كسبت يمناك من الأخلاق زينتها

يعني : الفضل بما كسبت يمناك من زينة الاخلاق

واذا قلنا كما يريد فشلان : فالفضل بما كسبت يمناك من الأخلاق و زينتها

يعني اضفنا كسب تاني الى جانب "زينة الاخلاق " وهو "الاخلاق "

بس الجمله الاولى اي للشاعر الاصيل هي ابلغ بكتيرمن يلي بدو ياها فشلون، بس كفضل للكسب الثانية فيها فضل اكتر . بس بشكل عام اذا كسبت انت زينة الاخلاق فمعناتا انت كسبت الاخلاق فما في داعي نحط الواو :)

[الزاهر]

فالفضل بما كسبت يمناك من الأخلاق وزينتها:
يُفهم منها أن لو اكتسب خلق جاهلي لا زال قد حاز الفضل !!!


فالفضل بما كسبت يمناك من الأخلاق زينتها:
يُفهم منها أن الفضل في اكتساب زينة الأخلاق وأحسنها !!!



وعملنا متل النجار اللي عم يحكي بالبعد الماورائي للظاهرة العكسية في الخُلق الإبداعي عند القرد الزهري!!!


وأنا لساتني ناوي اسأل فيها لغوي(ة) بس لسا ما بينت

[فشلان]

يعني على رأيكن يا شباب اذا بقلكن انو انتو شباب على خلق... معناها ممكن كون قاصد انكن بلا أخلاق و.... حذفناها قبل ما يحذفوها...

بعدان انت يا لغوي يا قاسي كيف طلع معك انو لما تكسب زينة الأخلاق أحسن من لما بتكسب الأخلاق وزينة الأخلاق؟؟؟؟ كيف ما فهمتا هادي وما دخلت معي.. الله وكيلك لما بلشت اقرأ شو انت كتبت قلت يا هيك الشباب يا بلا... وصلت للآخر صابني صدمة نفسية وهلأ عم احكي معك من عند الدكتور....

سياق الكلام مفهوم ومستحيل ينفهم من الجملة انو حيازة الأخلاق السيئة وزينة الأخلاق الحسنة... ما بعرف كيف عم تدخلوها... عم حاول دخلها ما عم تدخل.. جبت أشأ طويل وقاسي... بس برضو ما عم تدخل... راكبة سن أعوج..

عم يشرحو ومتعبين حالن قال....

[فشلان]

بعدان اذا ابو الجود مانو قادر يكتب شعر صحيح... ويخليه مضمن المعاني يلي بدو هي.... ما يكتب شعر... حدا ضربو على ايدو؟؟؟ شو هي الشغلة بالقوة؟؟؟ مع اني عارف انو هاد اكيد خطأ مطبعي.... لأن الكسرة يلي فيه باينة وضوح الشمس...

[HARD]

يعني على رأيكن يا شباب اذا بقلكن انو انتو شباب على خلق... معناها ممكن كون قاصد انكن بلا أخلاق و.... حذفناها قبل ما يحذفوها...

بعدان انت يا لغوي يا قاسي كيف طلع معك انو لما تكسب زينة الأخلاق أحسن من لما بتكسب الأخلاق وزينة الأخلاق؟؟؟؟ كيف ما فهمتا هادي وما دخلت معي.. الله وكيلك لما بلشت اقرأ شو انت كتبت قلت يا هيك الشباب يا بلا... وصلت للآخر صابني صدمة نفسية وهلأ عم احكي معك من عند الدكتور....

سياق الكلام مفهوم ومستحيل ينفهم من الجملة انو حيازة الأخلاق السيئة وزينة الأخلاق الحسنة... ما بعرف كيف عم تدخلوها... عم حاول دخلها ما عم تدخل.. جبت أشأ طويل وقاسي... بس برضو ما عم تدخل... راكبة سن أعوج..

عم يشرحو ومتعبين حالن قال....


حبيبي ما فهمنت انا شو كاتب وهذا شي عادي منك .......

انا بالعكس قلت انو انت يلي كاتبو احسن بس الاولى ابلغ اي من البلاغة يعني فيها فن ، بس مافي داعي للواو ليش لانو اذا تم كسب زينة الخلق فهو كتحصيل حاصل كسبت الخلق لهيك الشاعر بحاول ما يحط حشو كتير وبيكتفي بالمفيد القليل يلي بيجيب المعنى وهذا فن عند الشاعر و هو بجملته بث المعنى كاملا بدون نقص .

[الزاهر]

فشلان بيك:


أحسن أخلاقك متبعا للسنة واحفظ حُرْمَتَهَا
واجعل في قلبك ميزانا يعطيك الذرة دِقَّتَهَا
فالفضل بما كسبت يمناك من الأخلاق زينَتَهَا

فالفضل بما كسبت يمناك من الأخلاق وزينَتِهَا


القصيدة كتبت لتُنشد، فما حلوة يأول حرمتَها ثم دقتَها ثم وزينتِها !!!
شوف معي :
... حرمتَها
... دقتَها
... زينتَها



أحلا مو ؟

[فشلان]

فشلان بيك:


أحسن أخلاقك متبعا للسنة واحفظ حُرْمَتَهَا
واجعل في قلبك ميزانا يعطيك الذرة دِقَّتَهَا
فالفضل بما كسبت يمناك من الأخلاق زينَتَهَا

فالفضل بما كسبت يمناك من الأخلاق وزينَتِهَا


القصيدة كتبت لتُنشد، فما حلوة يأول حرمتَها ثم دقتَها ثم وزينتِها !!!
شوف معي :
... حرمتَها
... دقتَها
... زينتَها



أحلا مو ؟





ليك رجعلك شي مترين لورا كمان رح تلاحظ في اختلاف بالتشكيل... يا عيب الشوم عليه أبو الجود.. ما قدر يكتب كل الشعر على الفتحة... الظاهر كانت مسكرة معو.....

في حل تاني.... إذا كان فكرو ابو الجود يعمل خليجي... بتزبط معو ساعتها من الأخلاقييييي زينتها

ماشي الحال هيك....

لا تلفو ولا تدورو... يا إما ابو الجود مغلط.... يا اما المطبعة مغلطة....

[فشلان]

حبيبي ما فهمنت انا شو كاتب وهذا شي عادي منك .......

انا بالعكس قلت انو انت يلي كاتبو احسن بس الاولى ابلغ اي من البلاغة يعني فيها فن ، بس مافي داعي للواو ليش لانو اذا تم كسب زينة الخلق فهو كتحصيل حاصل كسبت الخلق لهيك الشاعر بحاول ما يحط حشو كتير وبيكتفي بالمفيد القليل يلي بيجيب المعنى وهذا فن عند الشاعر و هو بجملته بث المعنى كاملا بدون نقص .


الشعر يا قاسي عبارة عن حشو.... بتزيد من هون وبتنقص من هون ... مثل الرسمة.... بحياتو ما كان الاختصار بالشعر فن... بتكون كلمة صغيرة بدك تقولها... بتعمل فيها قصيدة... حشو قال.... شو مفكرنا عم نعمل نحشي ورق عنب؟؟؟

المهم تحافظ على الوزن والمعنى... والوزن اهم
لأن اذا الوزن ضاع ما عاد اسمو شعر...
أما اذا المعنى ضاع.. بصير شعر مانو مفهوم...

ولك دوووووووووووووووووووووووووووووووع

[HARD]

الشعر يا قاسي عبارة عن حشو.... بتزيد من هون وبتنقص من هون ... مثل الرسمة.... بحياتو ما كان الاختصار بالشعر فن... بتكون كلمة صغيرة بدك تقولها... بتعمل فيها قصيدة... حشو قال.... شو مفكرنا عم نعمل نحشي ورق عنب؟؟؟

المهم تحافظ على الوزن والمعنى... والوزن اهم
لأن اذا الوزن ضاع ما عاد اسمو شعر...
أما اذا المعنى ضاع.. بصير شعر مانو مفهوم...

ولك دوووووووووووووووووووووووووووووووع

انا فاهم اسلوبك ، لهيك مابقدر جادل معك ....

انت افضل من ابو الجود بالشعر هيك بدك وانت زكرتني بواحد من بيت فقوعة بشارك معنى بالمنتدى نفس الاسلوب . يركز على الكلمة لكي يحقق النشوة من فوزه بالكلام . اخي انا لا انتقصك ابدا انت على مستوى عالي من الثقافة الشعرية وهذا واضح .


بس انا موضوعي هون هو حرف الواو ، وانا شرحت فكرتي ان الشاعر ابو الجود كان موفق بهل بيت وما في داعي نزيد عليه حرف الواو يلي انت زدتو لانو المعنى واصل من غير الواو ، وبالنهاية الشاعر ابو الجود هو يلي كاتبو منو انا فهو شاعر اصيل اي من الاصالة ومارح جادل كنو تقطيعو صح ام لا فالشاعر الجدير ابو الجود تكلم وعلينا الاصغاء .

[فشلان]

بس انا موضوعي هون هو حرف الواو ، وانا شرحت فكرتي ان الشاعر ابو الجود كان موفق بهل بيت وما في داعي نزيد عليه حرف الواو يلي انت زدتو لانو المعنى واصل من غير الواو ،


انت بتقرأ قبل ما تجاوب ولا لأ؟؟؟ ساعتها لا تسمي ابو الجود شاعر... ولا تحكي عن التقطيع... اذا بس هامك المعنى... بس هادا شعر... لازم يوافق الشروط قبل المعنى... برجع بعيد... شعر من دون وزن ما هو شعر.. ام شعر من دون معنى هو شعر سخيف غير مفهوم....

[HARD]

انت بتقرأ قبل ما تجاوب ولا لأ؟؟؟ ساعتها لا تسمي ابو الجود شاعر... ولا تحكي عن التقطيع... اذا بس هامك المعنى... بس هادا شعر... لازم يوافق الشروط قبل المعنى... برجع بعيد... شعر من دون وزن ما هو شعر.. ام شعر من دون معنى هو شعر سخيف غير مفهوم....


حبيبي انا وقت بسمع انو هذا شعر للشاعر والمنشد الاصيل ابو الجود لا افكر كنو تقطيعو صحيح ام لا ، اما وقت انت بتكتب بكون اكيد انو معك ميت الف غلطه مع انك مثقف شعريا والكل بيشهد على فنك.

انت تقول ان الشعر من دون وزن ماهو بشعر ولكن انا اقول ان شعر ابو جود شعر موزون
انت تقول ان شعر من دون معنى هو شعر سخيف غير مفهوم وانا اقول ان شعر ابو الجود كله معاني ومفهوم و هو شعر اصيل ونقي ، وشعرك امامه غير منظور عمليا .


اخي جملته الاخير محكمة بلاغيا وجملتك تفتقر الى البلاغة الشعرية فبزيادة الواو تحولت الى كلام عادي والى جملة نثرية تفتقر الى الفن الشعري.

[فشلان]

الحلو فيك انك عم تحاول تقول اني أنا عم قارن نفسي بأبو الجود.... وهالشي أنا ما قلتو ولا رح قولو.... وكل شوية عم تقارن شعري بشعرو.. وأنا ما عم قارن... ولا بيوم من الإيام رح قارن...

انا كل يلي عم قولو.... انو ممكن خطأ مطبعي لأنها غلط... ثاني الشي... ممكن اي انسان يغلط.. إلا اذا عندكن ابو الجود معصوم.... هاد كلو اذا ما كان خطأ مطبعي... أو اذا ما كان عامل خليجي وعم يحول الكسرة إلى ياء....

انتو ليش بتحاولو تموهو الأمور هيك؟؟؟ ليش عم تحكي معي كأن أنا عم قول أناشيد أبو الجود مانا حلوة...؟؟ وألحانو بشعة؟؟؟ مين حكي بهالموضوع؟؟؟ أنا عم احكي عن كسر ناتج عن سبب معين... اتصل انت بأبو الجود وتأكد.. ممكن يكون خطأ مطبعي.... بس انت قاسي ما بتنكسر

ولك دوووووووووووووووووووووووع

[الزاهر]

فشلان بيك :
الجواب من المربية الفاضلة سنا طوط

سألت إن كان هناك من خطأ في الصياغة وأن المقصود وجوب إضافة واو قبل زينتها.
قالت:"ما في غلط، ممكن اعتبار زينتها (بدل)"
قلت: أنا فهمت أنه خصص من الأخلاق ... زينتها .... أي أحسن الأخلاق
قالت :"نعم، وهيدا من وظائف البدل"
قلت: إضافة الواو تغير المعنى أم لا ضير من إضافتها ؟
قالت :"لا ضير من إضافتها، بس الواو تقتضي المغايرة بين المعطوف والمعطوف عليه غالباً، لذلك عدم وجودها أفصح؛ لأن زينتها، الهاء فيها تعود إلى الأخلاق، والمغايرة بين الزينة والأخلاق مش واردة هون" - إنتهى.

[أبو جاد]

السلام عليم ورحمته وبركاته
أنا عندي الحل يا شباب بوكرا معزوم على الترويقه مع أبو الجود و أبو راتب بالريان أوتيل ورح إسألو ولا يهمكن و إذا قدرت سجل كلامو رح سجلو قولو إن شاء ألله

[روعة]

أخ أبو جاد

اسألنا أبو الجود إذا بيجي ع لبنان عن قريب

وحطولنا صور من اللقاء

واذا في مجال رقمو التليفون تنقنعو يجييييييي

أخ زاهر: ليش ما سألت عن اللي حطو فشلان؟؟؟ هو قال البيت مكسور بدون الواو وما جاب سيرة البلاغة .... والأهم إنو الشعر اللا موزون لا قيمة له..... هيك قال فشلان وبس

[الزاهر]

أنا يا ست روعة اللي هاممني من الأمر التالي :


لذلك عدم وجودها أفصح

بكل ما لـ "أفصح" من مدلولات !

[HARD]

فشلان بيك :
الجواب من المربية الفاضلة سنا طوط

سألت إن كان هناك من خطأ في الصياغة وأن المقصود وجوب إضافة واو قبل زينتها.
قالت:"ما في غلط، ممكن اعتبار زينتها (بدل)"
قلت: أنا فهمت أنه خصص من الأخلاق ... زينتها .... أي أحسن الأخلاق
قالت :"نعم، وهيدا من وظائف البدل"
قلت: إضافة الواو تغير المعنى أم لا ضير من إضافتها ؟
قالت :"لا ضير من إضافتها، بس الواو تقتضي المغايرة بين المعطوف والمعطوف عليه غالباً، لذلك عدم وجودها أفصح؛ لأن زينتها، الهاء فيها تعود إلى الأخلاق، والمغايرة بين الزينة والأخلاق مش واردة هون" - إنتهى.



هذا هو الكلام الصحيح بارك الله بصاحبته وبارك الله بمن وضعه هنا .

[روعة]

هو أنا حابة إعلق مع حدا......

أحمد الفلو قال العجز مكسور....

والواو بتجبرو.......

[الزاهر]

ليك يا فشلان ... إسا كلمة بسمعها منك بدي انزل دعسك ... سامع ولا منك سامع !!!! :)


إسا مو نائص إلا نبعت لبعضنا رسائل ملغومة بسارس !!!! ...

شيلونا من هالسيرة وطلعو (عندي بنزل) للقصيدة وتأملو المعاني !!!!

[فشلان]

انا برأيي الشخصي انو الفلافل من عند نجيب أطيب بكتير من الفلافل عند الصوفي... لك يا أخي شيلنا من المزح... قمصان عقيل مانن مناح... يا زلمة كلن نيلن... وانا برأيي الأرعوشة مانا اطيب بكتير من البوري... لأن الاثنين فين طعمة نسخة... خلونا على الجراوي أو البراءات وكل شي بيمشي


بدي افهم شغلة... انا حكيت عن الفصاحة وين؟؟؟؟؟ انا قلت في كسر بالبيت... لما بدكن تحجوني.. بتجيبو كلام الماما نور انو ما في كسر... وساعتها بنكتم انا...

أما اني انا قلكن في كسر وانتو تقولولي في معنى... ساعتا... خلونا نوخد رأي نعيم طيبة احسن شي....

متعبين حالكن كلياتكن....

برجع بعيد... احيان منروح من الأفصح إلى الفصيح... حتى ما نكسر الوزن... بس بحياتي ما سمعت انو لازم نروح من الفصيح إلى الأفصح ومعليش اذا كسرنا الوزن شوية...

الموضوع كلياتو... هل يجوز أن نشبع كسرة القاف ياء... أو لا... اذا يجوز... هي سكتنا.... اذا لا يجوز... سكتو كلياتكن....

ما حدا يحكيني بالمعنى... لأن اذا الشاعر مانو قادر يجيب المعنى يلي بدو ياه بشعر موزون.. لا يسمي حالو شاعر... ولو كان المتنبي....

الشعر هو وزن... متى ما راح الوزن ما بقي شعر ونقطة على البرميل...

[فشلان]

أخ زاهر: ليش ما سألت عن اللي حطو فشلان؟؟؟ هو قال البيت مكسور بدون الواو وما جاب سيرة البلاغة .... والأهم إنو الشعر اللا موزون لا قيمة له..... هيك قال فشلان وبس




أحمد الفلو قال العجز مكسور....

والواو بتجبرو.......


روعة... كلامك... روعة

[الزاهر]

لموضوع كلياتو... هل يجوز أن نشبع كسرة القاف ياء... أو لا...




هاد متفقين (يعني أنا) معك عليه عالمراسل وبالمنتدى ... وأنا رأيي إنو بما إنها أنشودة وجربت انشد البيت (علحن من عند الملحن الفني العظيم فريد زمانو ووحيد عصرو، علامة الفن والأصالة أنا :)) وطلع معنا (لإعلاء شأني :)) لا داعي لإشباعها ياء بالتالي لا داعي للواو.

[فشلان]

هاد متفقين (يعني أنا) معك عليه عالمراسل وبالمنتدى ...
الأصح تقول متفقين انت معك انت... مش معي انا... انا ما تفقت على شي... انا اتفقت على شغلة واحدة... البيت مكسور يحتاج حركة او سكون... لذلك اما نزيد واو او نشبع كسرة القاف إلى ياء... والثانية مش متأكد انو بتزبط... يعني بصير معأور مثل حمارة جحا...

هادا شعر... قبل ما يكون غنية... مش كل غنية شعر... بس العكس صحيح... والمنشد أبو الجود.. اذا ماني مضيع... لما بيكتب غنية ما هي شعر... بيكتب عليها ما يغنى بأنغامه ولا يوزن بأوزانه. حتى يقول انو هادا مش شعر... وهون مانو كاتب هيك.. معناها هادا شعر... معناها لازم يمشي على الوزن... أو خلينا نبيع بطاطا احسن...
بعدان خلونا نحكي شي منطقي ومفهوم...
الوزن للبحر يلي عليه القصيدة هو
فعلن فعلن فعلن فعلن *** فعلن فعلن فعلن فعلن
وطالما انو موضوع بقبل آخر تفعيلة فما بهم إذا كانت سكون أو حركة... يعني سواء حطينا واو عليها فتحة أو اشبعنا الكسرة يعني ضفنا سكون... مع الاثني بيمشي حال الوزن... بس ماني حاسس انو في مجال نشبع الكسرة... لازم نتركها جيعانة شوية...
ولك دوووووووووووووووووووع

[أبو جاد]

اضحكو على حالكن كلياتكن... إلا المعلم الكبير فشلان...

بعد اللقاء مع المنشد أبو الجود وتحديدا في فندق الريان خلال فترة الافطار الصباحي تفضلت وقلتلو: تفضل هالورقة شايفها؟ (كنت طابع القصيدة) الضيعة عنا قايمةوقاعدة من تحت راث قصيدة انت كاتبها قلي له خير شو ثاير قلتلو انت كاتب الأنشودة الفلانية وقام المعلم فشلان واعترض انو في خطأ بالشعر بالبيت الفلاني وانقثم الناث بين مؤييدين ومعارضين يعني في تقول صار حرب بين 14 فشلان و8 كل الباقيين.

فكان الجواب التالي: القثة ما بدها ثؤال لأن اثلا اي واحد بيقرأ البيت بيعرف انو مكثور ولازم ينضاف حرف الواو حتى ما نكثر البيت والظاهر انو فشلان شاعر فز ومتزوق للأوذان والألحان


هلأ يا فشلان ثار فيك تقول ولك دوووووووووع انت ومطمن يلا قلن وانفش ريشك

ملاحظة: الجملة يلي بالأحمر من إضافاتي انا منشان الحلال والحرام

[روعة]

قال الشاعر قولته.................

أخ أبو جاد.... ألن يأتي هذا الصيف إلى لبنان؟؟

[الزاهر]

وَزْنُ البُحُورِ وحُسْنُ لَفْظِهَا اخْتَلَفَـا ... مَن ذَا الذِي مِنهُمَا قَـد أحْرَزَ الشَرَفَا
فـقَـالَ الوَزْنُ: أنَا أحْرَزْتُ غَايَتَهُ ... وقَالَ اللَّفْظُ: أنَـا الصَوابُ بي عُرِفَـا
فـأَفْـصَحَ اللَّفْظُ إفْصَاحاً وأدَّبَهُ .. بأيِّنـا الذِكرُ في قرآنِنَـا اتَّـصَـفَـا ؟
فبَـانَ للـوَزْنِ أنَّ اللَّفْـظَ سَيِّدُهُ ... فقَبَّلَ الوَزْنُ رأسَ اللَّفْـظِ وانْصَرَفَـا
:)


حولتها بالاستفادة من :
علم العليم وعقل العاقل اختلفا ... من ذا الذي منهما قد أحرز الشرفا
فقال العلم أنا أحرزت غايته .. وقال العقل أنا الرحمن بي عرفا
فأفصح العلم إفصاحا وقال له .. بأينا الرحمن في قرآنه اتصفا
فبان للعقل أن العلم سيده ... فقبل العقل رأس العلم وانصرفا

[روعة]

عنزة ولو طااااااااااااارت

[الزاهر]

ما بدها تنزل تغطّس عبور سمير كمان ؟ ... لساتها عنزة !!


ويبقى الصراع قائما بين أهل المعنى وأهل المغنى !!!
;)

[فشلان]

اذهبوا فأنتم الطلقاء...

ولك كبير أنا ... كبير كتير...............

ولك دوووووووووووووووووووووووووووع... لأن رح سامحكن وما رح قلكن ولك دوووووووووووووووووووع

[Nader 3:16]

اذا جا هالسنة ابو الجود بالصيفية عالألمون...رح نعمل معو شي حضرة صوفية تحت ؤبة الجامع التحتاني....والدعوة خاصة .....

ما يغنى بأنغامه ولا يوزن بأوزانه
معو حء فشلان.....وما حدا يذاكر معاو لأنو بلاوي معثّب

[HARD]

اضحكو على حالكن كلياتكن...
اثلا اي واحد بيقرأ البيت بيعرف انو مكثور



مبروك للجميع على هذا النصر . ابو جاث خصوصا :)

اه قال الشاعر قولته، وشدد على وجوب وضع الواو وهذا عبر عنه الاخ ابو جاث بقوله ""لازم ينضاف حرف الواو حتى ما نكثر البيت" لازم معناتا اجباري والا خرب البيت كلو :)

والغريب انو ما طرح حل تاني، مثلا ان يقول :انه يمكننا ان نستبدل الكلمة باخرى تجبر الكسر، اقصد الكسر يلي حكي عنو فشلان بس .


ابو خاث بكرة استفهم منو مرة تانية فينا نستبدل الكلمة ..... او اتصل فيه الان ، منو صاحبك! :) عندي فكرة اعزمو على العشا منشان تسألو :1 (65):

[فشلان]

مبروك للجميع على هذا النصر . ابو جاث خصوصا :)

اه قال الشاعر قولته، وشدد على وجوب وضع الواو وهذا عبر عنه الاخ ابو جاث بقوله ""لازم ينضاف حرف الواو حتى ما نكثر البيت" لازم معناتا اجباري والا خرب البيت كلو :)

والغريب انو ما طرح حل تاني، مثلا ان يقول :انه يمكننا ان نستبدل الكلمة باخرى تجبر الكسر، اقصد الكسر يلي حكي عنو فشلان بس .





ولك حتى ما بتعرف تلدغ... أمرنا لله... قلنا خلينا ساكتين ما رضي... رجع فات بالموضوع من جديد.... هلأ هو أبو الجود هلأ عم يألفا يعني حتى يحط احتمالات؟ الشعر مألو من سنة الف وتسمية وخشبة... مانو هلأ عم ينظم.... بعدان شو هي من سيربح المليون حتى يحطلك احتمالات؟؟؟؟ شو رأيك بمساعدة الجمهور؟؟؟

فهمنا وصاحبك زاهر معنزا ولو طارت ولو نزلت تحكش اخطبوط على بور سمير... بس هاداك من الأول مانو سئلان عن الوزن... قال هو بهمو اللحن والمعنى.... يعني بطريقة ما نقدر نعذرو ومانو معذور... بس انت الحلو فيك عم تجادل بالكسر والجبر....

يا اخي اعترفو... والله الاعتراف بالخطأ كانو يقولو عنو فضيلة... كل هلأد كبرانة عليكن تقولو فشلان معو حق؟ كل هلأد؟ يا حيف على الرجال يا حيف....

لا فض فوك يلي قلت: يعني أنا
لكن أقواما إذا جادلتهم.... رفعوا الرؤوس وهمهمو أو تمتموا
وإذا حشرت إلى الحقيقة مفلساً .... أبدى كلاماً مبهماً لا يفهم

[فشلان]

إلى الأخ الكريم الفاضل أبو جاد حفظه الله...
عديمُ أصلٍ من تصنعُ له معروفاً فينكرُه.... بخيلٌ من تساعدُه فلا يشكرك... لئيمٌ من تذكره فينساك.... فاسمح لي يا سيدي أن أعترف أني ما كنت يوماً عديم أصل، وما عرف عني البخل أبداً، وبيني وبين اللؤم مسافات شاسعات...
سيدي الكريم أبو جاد... ها أنا ذا أشكر فضلك وامتنانك علي.... ساعدتني حين خذلني الناس... وأكرمتني حين أهانني القوم... وأظهرت حقي حين جحدوا وكفروا به... حتى هذه اللدغة التي أظهرتَ، ما هي إلا حِلمٌ حلمتَ به عليّ، وعطفٌ أوليتني اياه، فلا عشتُ إن أظهرتُها بعد اليوم.
سيدي الفاضل أبو جاد... هي كلمات مني لا تعدو أن تكون بضعة اسطر... غير أن ما في القلب لك من حب، لا يعلمه إلا الله... لك مني خالص الشكر وكل الامتنان، على هذه الشهامة التي أبديت، والأمانة التي حملت، ورزقك الله الذرية الصالحة، وجزاك الله كل خير ورزقك الفردوس الأعلى...

صلاحٌ قد دعانا للصلاح *** وأذّن دَعْمُه لي بالنجاح
تَزيّنَ بالوفى فاختالَ طهراً *** وعَفَّ عن الأذية بالمزاح
وجادَ كمن تجمّل بافتخارٍ *** وقلبٍ زاد عن وصف الملاح
وإني أستحي من سوءِ شكري *** كزينب إن تغطت بالوشاح
خجولٌ لست أعلم كيف أبدي *** جزيل الشكر من قلب الشحاح
لك الإحسان مني يا عظيما *** وشكري في المساء وفي الصباح
إلهي أدخِلَنَّ لنا عبيداً *** إلى الفردوس ينعمُ بالفلاح

[HARD]

إلى الأخ الكريم الفاضل أبو جاد حفظه الله...
عديمُ أصلٍ من تصنعُ له معروفاً فينكرُه.... بخيلٌ من تساعدُه فلا يشكرك... لئيمٌ من تذكره فينساك.... فاسمح لي يا سيدي أن أعترف أني ما كنت يوماً عديم أصل، وما عرف عني البخل أبداً، وبيني وبين اللؤم مسافات شاسعات...
سيدي الكريم أبو جاد... ها أنا ذا أشكر فضلك وامتنانك علي.... ساعدتني حين خذلني الناس... وأكرمتني حين أهانني القوم... وأظهرت حقي حين جحدوا وكفروا به... حتى هذه اللدغة التي أظهرتَ، ما هي إلا حِلمٌ حلمتَ به عليّ، وعطفٌ أوليتني اياه، فلا عشتُ إن أظهرتُها بعد اليوم.
سيدي الفاضل أبو جاد... هي كلمات مني لا تعدو أن تكون بضعة اسطر... غير أن ما في القلب لك من حب، لا يعلمه إلا الله... لك مني خالص الشكر وكل الامتنان، على هذه الشهامة التي أبديت، والأمانة التي حملت، ورزقك الله الذرية الصالحة، وجزاك الله كل خير ورزقك الفردوس الأعلى...

صلاحٌ قد دعانا للصلاح *** وأذّن دَعْمُه لي بالنجاح
تَزيّنَ بالوفى فاختالَ طهراً *** وعَفَّ عن الأذية بالمزاح
وجادَ كمن تجمّل بافتخارٍ *** وقلبٍ زاد عن وصف الملاح
وإني أستحي من سوءِ شكري *** كزينب إن تغطت بالوشاح
خجولٌ لست أعلم كيف أبدي *** جزيل الشكر من قلب الشحاح
لك الإحسان مني يا عظيما *** وشكري في المساء وفي الصباح
إلهي أدخِلَنَّ لنا عبيداً *** إلى الفردوس ينعمُ بالفلاح




كلام وشعر جميل وهو قليل من كثير بحق الاخ صلاح اي ابو جاد .............