كن عيناً للبلدية

[وسيم أحمد الفلو]

السلام عليكم

في هذا الموضوع أتمنى على الإخوة الإفادة عن مشاكل ضغير يمكن حلها، على سبيل المثال لا الحصر:

- تجمع نفايات لم تعمل البلدية لإزالتها


- أي مشكلة تتعلق بالنفايات

- منطقة بحاجة للتعشيب

- مياه مبتذلة أو مياه جارية في الطريق

- جورة

.....


أي شيء من قبيل المشاكل اليومية التي يمكن للبلدية حلها.

[الزاهر]

آل الصورة أبلغ من أي كلام

تفضل دكتور وسيم



http://zaher.qalamoun.com/Forum/Misc/Zbaleh-0.jpg

الصورة مأخوذة منذ دقيقتين
هي تلة بس من فوق ما بيبين ارتفاعها :)
المكان : تحت بيتنا
المدة : صرلها هيك اشهر !!
المطلوب : ينحل وضع النفايات بالبلدة وتسعى البلدية تجيب مستوعبات متل اللي بالمدينة ! وعالمدى القريب جغرافيا وزمنيا تنشال هالتلة !!
أختي اشتكت من كم يوم بس ما حدا تحرك !!

وهو كل فترة بيرجع يصير في تلة كونو في قطط بالحارة وكونو إزالة النفايات ما عادت منظمة كما في السابق وكونو ما في مستوعبات وكونو إذا ما البلدية ساعدت الناس ويسرت لهم الأمر الناس مي آدرة تساعد البلدية وتيسر عليها الأمر !!!

[وسيم أحمد الفلو]

إن شاء الله سترى ما يعجبك في اليومين القادمين.

[الزاهر]

وهادي صورة إلها بتاريخ 23\5\2009

http://zaher.qalamoun.com/Forum/Misc/Zbaleh-1.jpg


وهادي بتاريخ 29\5\2009

http://zaher.qalamoun.com/Forum/Misc/Zbaleh-2.jpg

الست وحيدة موجودة بالصورتين كمان !!!



هالتلة لها صور أكتر من الحجة هيفا :)

ولسا في صور كتير لتلال سابقة وأكبر من هادي بس هادول أحدث الصور :)
بس تنحل إن شاء الله منحطلكم صورة كيف صارت :)

[هادي شقرة]

ايشودا يا شباب معؤل في هيك مناظر بالضيعة و تحت بيت زاهر كمان والله شي محزن و انتا يا زاهر كيف بضلك ساكت عن هيك موضوع لهلء

[الزاهر]

و انتا يا زاهر كيف بضلك ساكت عن هيك موضوع لهلء

ما تشوف محلات تانية شبتؤول لكن :)


لهلء .... آل لهلء آل .... :) .... لك صرلها من ابل ما نوعى عالدنية هالتلة كل كم شهر بتكبر بيرجعو بعد كم شهر مما ينتبهولها بيشيلوها وبتخلأ تلة تانية :) ...
والضيعة محرومة من المستوعبات اللي متل الي بالمدينة .... وعحسب ما ذاكر إني سامع بالزمانات إنو اللي عرقلها هو اللي كان في نسبة كبيرة من ضيعتنا راكدة تنتخبو من كم يوم !!!

[هادي شقرة]

ما تشوف محلات تانية شبتؤول لكن :)

والضيعة محرومة من المستوعبات اللي متل الي بالمدينة ..

معؤل طيب بلد العلم و العلماء و في جبال من الزبالة بل شوارع يعني النظافة من الايمان لازم تكون الدولة القلمونية انضف منطءة بلبنان كلو و بعدين لحد علمي انو كان في (المستوعبات اللي متل الي بالمدينة ) شصار فيون

[Barbie]

السلام عليكم و رحمة الله و بركاته ,

بارك الله بكم .

في ما يتعلق أيضا ً بمشكلة تراكم النفايات ... تتراكم كميات من الأوراق و النفايات في حديقة الألعاب على الطريق الجديدة , بشكل مزعج .
و حبذا لو يتم معالجة هذه المشكلة .


جزاكم الله خيرا ً .

[الزاهر]

وهادي كرمال الست باربي:

http://zaher.qalamoun.com/Forum/Misc/Zbaleh-3-thumb.jpg

الصورة مأخوذة بتاريخ 30\5\2009 يعني هلأ بيكون صار أكتر وأكتر :)
وهاد أبل ما تنكسر الدويرة
ويا ريت مبين كيف السياج بين كل عامود والتاني في بوابة صار :)
المراجيح بدها صيانة ... كذلك كل بقية الألعاب الي فيها حركة (يعني الزحليطة والعربيشة ما بهم شي)
البوابة مأبوعة
الطريق حطولها عواميد قصيرة ليمكن إغلاقها عن السيارات بس يوم بتتسكر وأيام لا .. وئت لعب الولاد المقصد

الله يعينكم على ضبط النظام !!!
خلو بالكم شغلة شغلة وإلا بتتئل وبيستثقلو يزبطو بعدين :)

[حُسَينْ ... !]

السلام عليكم ...


خيو وسيم كيفك ؟

هادا يا سيدو ... كان في زلمة ماشي بهل الضيعة ، عم يمشور ...
و بتعرف بهل الإيام شوب و حتى بليل بتحس حالك فطسان ... صاحبنا شال محرمة ( كلينكس للأجانب ) مسح فيها عرقاتو ...
هل الزلمة مثقف ... ما كب المحرمة ع الأرض ، أيبل ع سطل زبالة ...
وصل ع أول سطل شوف شطلعلو !





http://zaher.qalamoun.com/Hussein/pics/mawadi3/baladier/zbeler1.jpg




تحمل ... قلك شكلها هلأ مكسورة و اسا ما لحقو يصلحوها !


كل طريقو حامل هل المحرمة ... وصل ع تاني محل ...




http://zaher.qalamoun.com/Hussein/pics/mawadi3/baladier/zbeler2.jpg





وين بدها تساع يا عمي ... بعتقد صرها شي تلت اشهر محدا مارق عليها ...

رجع اخد قرارو الحاسم !
و كونو مواطن صالح ، قرر التالي :



http://zaher.qalamoun.com/Hussein/pics/mawadi3/baladier/zbeler3.jpg



بس كونها محرمة مشي الحال !
اذا كانت ورقة لفة الشيش طاووق ... ما بظن بيمشي الحال !

هلأ في شغلة تانية حبيت ضيفها هيكا ... في هلأ قصة عصير سيارة الزبالة :) يعني ما بعرف اذا فينا نعمل فحص على الفوائد النووية لي فيها ...
المشكلة انو السيارة طول منها ماشية بتزرزب ... و الضيعة صارت متلانة ... كونو الريحة مركزة !
و ما تواخزونا !
و الله يبارك فيكم ، و بجهودكم !

[عمار الفلو]

http://www2.mediafire.com/imgbnc.php/59dfe4cb8c60e08774ad22324e9c110d5g.jpg (http://www.mediafire.com/imageview.php?quickkey=xotzk2gyurr&thumb=4)


باريس اليوم ، فيكن تقارنو

[الزاهر]

منذ لحظات :
http://zaher.qalamoun.com/Forum/Misc/Zbaleh-ndif-3.jpg


http://zaher.qalamoun.com/Forum/Misc/Zbaleh-ndif-2.jpg



http://zaher.qalamoun.com/Forum/Misc/Zbaleh-ndif-1.jpg
الله يديم ظل البلدية :)

جا دور شي تاني

[aboo 3omor]

السلام و عليكم
شو قصة الجور يلي إدام محل أبو زياد (إنترنت) أيمتن بدكن تظبطون ؟؟؟؟

[وسيم أحمد الفلو]

أخ أبو عومور


الجور سببها مشكلة المياه التي حصلت عند قيام بيت الشيخ (ولاد خالتي) بالحفر من أجل البناء فتبين وجود تسرب في قساطل مياه هاب، وقد قامت شركة المياه بهذه الحفريات وإن شاء الله سوف يتم معالجتها ومعالجة كل المشاكل (السلل، الحديقة ....).

إنتو خبرونا وأنا علي المتابعة وخصوصاً إني فاضي شوي بالصيف.

[عبد الله]

أخي الكريم العمال وقت بيشيلوا الزبالة يلي تم تجميعها اذا كان يوجد كيس غير مربوط لا يربطوه ولا يأخذوه أو بتشوف الفضلات على الأرض مانوا مستعد العامل أن يضرب ضربة مكنسة ويشيلن وكأن مش شغلتوا هادي المشكلة عم تكون موجودة بكل الأماكن يلي بيتم تجميع الزبالة فيها.
أصلا فكرة تجميع الزبالة غير جيدة لأن بين التجميع والأخذ هادي الربع ساعة البسينات بتشتغل العجايب أخي لو بترجعوا لفكرة مرور السيارة بحارة واطلاق زمور وعندها الناس تأتي بالأوساخ أفضل من التجميع لأن أماكن التجميع كمان صارت ريحتها مأرفة وكرهه وصاروا الناس اذا باليل عندو وسخ بيرميه بمكان التجميع طبعا بوسط الحارة وهادا ليس مقبول.
شكرا لجهودكم

[عطوف]

اليوم كان عامل البلدية مارئ بعربايتو بالحارة عنا. بس كأنو مش ناوي يكنس أو يحتى يلم الزبالة . جارتنا قاللتلو ما بدك تنكس قلها:"لاء ما ني فاضي....." شو رايك يا دكتور

[وسيم أحمد الفلو]

الإخوة الكرام سوف نحاول حل هذه المشاكل إن شاء الله ولا تملوا من المراقبة والمطالبة.

أم الأخت عطوف فهل يمكن أن تخبرني بإسم العامل في رسالة خاصة لكي يتم تنبيهه.

[ksamerk]

سلام

يمكن أنا بعيد هل ايام، بس عندي إقتراح
إذا كل فترة بينجاب شي citern موي وبتتنظف أماكن تجميع الزباله

[الزاهر]

أما منظر اليوم فعجيب :)
تفضل دكتور:
http://zaher.qalamoun.com/Forum/Pic-comment/Pano-Zbaleh-s.jpg
نسخة كبيرة (http://zaher.qalamoun.com/Forum/Pic-comment/Pano-Zbaleh.jpg)

وإذا بدك نسخة بتنطبع على بوستر كبير نعلأها على مبنى البلدية ببعتلك ياها عشية :)


المكان : مقابل بوابة مدرسة القلمون الرسمية للصبيان تماما، مقابل المدخل الغربي لمسجد القلمون الغربي، على طرف الشارع الرئيسي في بلدة القلمون !!!!


بعتئد بدها شي 4 نألات لتتنضف المنطقة !!!
لأن اللي منو ظاهر بالصورة لسا اد اللي ظاهر فيها !!!
:)

[وسيم أحمد الفلو]

هل تم رفع الزبالة أم لا؟

[الزاهر]

بحسب مني شايف إنو لا !!!


http://zaher.qalamoun.com/Forum/Misc/J-Zbaleh.jpg

الصورة منذ لحظات !!!
لساتو المنظر ذاتو .. تقريبا !!!
واليوم عشية ان شاء الله جايبلك اصة تانية !!!

[zsamerz]

بس أنا بدي اطرأ لمشكلة الطرقات بالشتاء عم نلحظ إنا عم تعبي كتير مية فالحل حسب رأيي: إنو لمن بتجي حملة التزفيت يللي جاية يكون في مهندس مختص يشرف على التزفيت بشكل نخلص من هل المشكلة ... وياريت تكون قبل الشتاء

[hadid]

شرإكن بلدة القلمون تصير أول بلدة بلبنان ما فيها عواميد كهربا ؟؟

[ramo]

السلام عليكم
مشكلة تعاني منها القلمون منذ سنوات و أثرها الضار يعود على الشباب خاصةً


بصراحة النساء في القلمون عاريات عاريات , حتى المحجبات , والشب شبدو غض ليغض
الحالة لا تطاق
نريد حلاً من البلدية لمنع السفور والعري في القلمون

[яiиda]

وعليكم السلام ..!!
بسّ اخي رامو انتة ش عم تحكاي؟!

كانت القصة عن الزّبالة بالضّيعة وانتقلت من دون ما تنحل بالأكمل ع بنات الضيعة وغض البصر؟؟؟!!

يعني اخي بكل بساطة اذا كان الأثر الضاار يعود عليكم انتم الشّباب فبالامكان انكن ما تطلّعو يعني بكل بساااطة .... ولا زعلانين كتيير انتو يعني !!!
يلّي بدّو يغض بصر عنجد بيحاول وبيقدر!!

[ramo]

السلام عليكم
مشكلة العري في القلمون لا تقلّ أهمية عن مشكلة الزبالة , بل تزيدها ضرراً بأضعاف , لذلك يجب اللجوء إلى البلدية في هذه المسألة

بالنسبة لكلامك عن عدم النظر , فيه الكثير من الفائدة , ولكن من منا يستطيع أن يصبر خصوصاً مع كثرة العري بشكل ملحوظ
(أقصد المشكلة في البنت وليس الشب)
يعني على يمينك مرو ضايعة وعشمالك واحدة مأمشة حالو ومن وراك وقدامك وبعدييييين؟؟

البلدية لازم تتحرك وتفرض نوع من الرقابة على هذه الأمور وإلا سنخسر شباب القلمون في القريب

[яiиda]

?????????????????????????????????????????


halla2 3a aych enta2al el mawdou3??!!!
aychoudo!!!

[lina k]

السلام عليكم ورحمة الله وبركاته:

لماذا تم الخروج عن الموضوع الأساسي؟؟؟

هذا الموضوع مخصص لبحث أمور تتعلق بالبلدية أما مسائل العري وغيرها فلا أظنها من إختصاص البلدية إنما الأهل وأصحاب العلاقة نفسهم ,,,,,,,,,,,,,,,,,,لذلك يمكننا فتح هذا الموضوع في الساحة العامة لمناقشته:)


وأيضاً يجب الإنتباه للكلمات التي نكتبها فالكلام الجارح لا يفيد بشيء بل يزيد الأمر سوءً "ولو كنت فظاً غليظ القلب لإنفضواّ من حولك"

والسلام خير ختام

[ramo]

السلام عليكم
يٌرجى حذف المشاركات رقم 24 و26 لخروجها عن الموضوع

[حُسَينْ ... !]

تذكرت اخاً عزيزاً ... :)
ضوا علينا كتير هوني بأفكارو !

[الزاهر]

شكلو ما دام ظل البلدية كتير :) !!!

http://zaher.qalamoun.com/Forum/Misc/Zbaleh2.jpg


بحسب الجيران فإن عمال البلدية لم تعد تأتي في موعد منتظم في الفترة الآخيرة ثم إنهم لا يرفعون الأكياس كلها ... بيكون في 5 أكياس مثلا بياخد العامل أحلا تنين فيهم وبيترك البقية فتتراكم يوما بعد يوم وها هي عادت كما كانت بل وأكثر !! ... الصورة السابقة منذ أربعة أيام واليوم هي أكبر وأكبر !!!

[الزاهر]

تم تنظيف الجبل الجديد ...

بالمناسبة ... مين داحك عالعالم وآيلهم إنو الشنك حلو ؟ رح يصير نص ليل والشنك عم يلعلع بالضيعة !!!
لو يشترو بحأهم شوكولا ويوزعو بالشارع ما كان احلا وانفع بألف مرة !!! ... أولة مين آل !!

منشوفكم بس يطلع الجبل الجديد إن شاء الله

[zsamerz]

خلص ح ننزل على الميرامار أو ...
حبيت اعرض مشكلة الزبالة على بور الجماعة وعلى بور سمير وعلى بور مراد.
وعلى فكرة أنا كنت قايل بدي حط صور بس بالفعل شي بيقرف وخصوصا انو ضيعة كلها مسلمين.
وأنا بشوف الحل انو ينعمل حملة تنضيفات شبابية وبعدين ينفرز لجنة لمتابعة أمور شواطئ البلدةمن قبل البلدية..

[hadid]

في تجمع زبالة كتير كبير

أكبر تجمع زبالة

كل يوم بتزيد في الزبالة

وما حدن منتبهلو

وصار موطن النتن والأمراض والأرف

لحد هلق ما حدن حطو

أنا ناطر بدي شوف مين لح ينتبهلو

سلام

[شادي فقوعه]

في تجمع زبالة كتير كبير

أكبر تجمع زبالة

كل يوم بتزيد في الزبالة

وما حدن منتبهلو

وصار موطن النتن والأمراض والأرف

لحد هلق ما حدن حطو

أنا ناطر بدي شوف مين لح ينتبهلو

سلام
أخي في البلدة المسماة بالقلمون لماذا لا يتم تغير إسم البلدة إلى بلدة الزبالة أو القمامة .
النظافة من ألإيمان ، أنا أظن هذا الكلام موجود بالديانة البوديةـ هههههه

[فنكلوز]

في تجمع زبالة كتير كبير

أكبر تجمع زبالة

كل يوم بتزيد في الزبالة

وما حدن منتبهلو

وصار موطن النتن والأمراض والأرف

لحد هلق ما حدن حطو

أنا ناطر بدي شوف مين لح ينتبهلو

سلام

بقوسة...........

[الزاهر]

السلام عليكم


هلا صرلنا ليلتين على هالحالة ... بتكون جاية الكهربا بكل الضيعة إلا عنا بالحارة - هاد وئت بتكون جاية الكهربا أصلا يعني !!! ... الترانس ما عم يحمل بئا الحارة لأن بالفترة الأخيرة زاد عدد البنايات اللي فيها .... وعمال الشركة ما بيجو بأي وقت .... وهلأ بهالشوب الوضع ما بينحمل نهائيا !!!!!!

لاؤولنا حلة !!!

[hadid]

ههههههههههههه

حارتكم ما شاء الله

الله يعينكم

سلام

[zsamerz]

شوا....شصار بقصة الشواطئ؟؟؟؟
يا دكتور إذا مافيك تتابع هل الموضوع فليش افتحتو؟؟
(مع كامل الإحترام والتقدير لشخص الدكتور وسيم)

[الزاهر]

شوا....شصار بقصة الشواطئ؟؟؟؟
يا دكتور إذا مافيك تتابع هل الموضوع فليش افتحتو؟؟
(مع كامل الإحترام والتقدير لشخص الدكتور وسيم)


الدكتور هلأ بالشقيقة سوريا :)

[zsamerz]

sho
??????

[الزاهر]

يبدو إنو في تقصير من عمال البلدية بكل القلمون ... من كم يوم حكيلي زلمة من الحارة الشرقية آل فلان الفلاني (ما صرلو كم يوم قادم من فرنسا) انزعج كتير من الزبالة عالطريق ادام بيتو(منو متعود:)) (بيتو مقابل الحديقة) فنزل نضف الدنية كلها وجمعهم بأكياس ... فلمن اجو عمال البلدية شالو كيس واحد وراحو وتركو البقية ... الأمر ذاتو بيصير عنا بالحارة .... بيكون في حوالي 5 أكياس إلى 9 بتلائيهم أخدو كيسين أو 3 وتركو البقية وهكذا تتراكم التلة من جديد ... وبالمناسبة التلة اللي صورتها مرتين هلأ رجعت متل ما كانت !!!!

حتى في أيام ما بيجيو عالحارة أبدا !!!

أما السبب شو هو فما بعرف .... يمكن ما عم تأبضهم البلدية .... يمكن تقصير من العمال ذاتهم ... مشكلة من الأهل ... ما بعرف بالضبط !!!

بس المهم ... حلولنا ياها بئا !!!!!

[hadid]

طيب

تجمع الزبالة العجيب هو بملعب الأحدب ( سابقاً )

ريحة عطرة (خصوصاً عند حرق الزبالة ) أوبئة منظر خلاب كلو ليتم توفير كلفة البنزين المترتب جراء نقل القمامة إل منطقة الضم والفرز في طرابلس (او إلى ما بعرف وين ..)

المهم وبالنيابة عن سكان المنطقة

لما بيحرقو الزبالة والهوا عم يجيب الدخان علينا ...

شي كتير حلو

وبدل على إنو الناس يلي صوتولهم أهل المنطقة ليكونو رعاة لهم طلعو قد الحمل وقدود

لا حول ولا قوة إلا بالله العلي العظيم

الله يهديكم ويهدينا

[zsamerz]

نرجو من الدكتور وسيم مراجعة الموضوع والإجابة عن جميع النقاط والأفكار المعروضة

[hadid]

بسم الله الرحمن الرحيم

نعود من جديد، ومع العودة إلى القلمون وبعد أول خروج على بلكونة منذ ثلاثة شهور، لننصدم بمشهد حي ومباشر وبحقوق بث حصرية لأهالي القلمون .. لن أطيل الكلام لأن بعد كم يوم أكيد لح تتسكر الطريق !!

http://lh3.ggpht.com/_8vc8XipUttc/Srt5njaZXHI/AAAAAAAAAOQ/8Rq6an__mbw/s800/DSC04883.JPG

أنا متأكد إنو يلي صرلو سنة منو شايف الأحدب لح ينفجع !! هاد ليَلِّي عندو ضمير !!

الرجاء من المهتمين مشاهدة الفيلم وحفظه عندهم لمقارنته بما سنصوره بعد 3 شهور بإذن الله


تاريخ الفيديو الأول

الأربعاء 23 أيلول 2009

الساعة 8:38 AM

مــن هــنا !! (http://www.mediafire.com/download.php?r3hwmz15mim)

[أيمن غ القلموني]

يا أخ هديد ، فاجأتني الصور ، مع إنو بيتنا قرب ملعب الأحدب .

وضع النفايات في الملعب هو بعلم البلدية ! أليس كذلك ؟

[hadid]

ما هيدي هي المشكلة !! إنو بعلم البلدية !! إنت أكيد بتعرف كيف تدرجت الزبالة بالأحدب ... يعني بلشت برا الملعب ، بعدين طرافي الملعب ، بعدين كل الملعب !! وهي بتسارع مستمر ، والبلدية كل ما عم تتأخر كل ما عم تصعب عحالها عملية حل المشكلة .. يعني فيك تسمي إهمال

وليلي جاي من البلد .. مفتكرين إنو اول شي بشوفو هوي النصب التذكاري تبع الشهيد من بيت كسن ؟؟ (الله يرحمو) .. طبعاً لأ اول شي بشم ريحة وبعدين بيعرف من وين إجت هالريحة !!

[cool man]

أخ وسيم أين مشروع ترقيع الجور في القلمون أو إعادة التزفيت من جديد ؟
يعني الواحد بيكون ماشي بتزحط إجرو بشي وادي و بيفكشا أو بيكسرا
هادي أبسط الأمور
شغلة تانية
مضى على تعليق يافطة المياه غير صالحة للشرب أكثر من أسبوع على عين الجامع
هل البلدية ترى و تبحث من أين يأتي التلوث و هل من حلول لهذا التلوث؟ كرفع الأنبوب مثلاً؟
أمر ثالث
خطوط التوتر العالي
لماذا لا تسعى البلدية لرفع شكوى إلى وزارة الصحة أو إلى أي جهة مسئولة لإبغاد هذه الخطوط عن المنازل و وضعها في أماكن معزولة سكنياً؟ إلى متى سيظل هناك 6 خطوط 45 ك.وات في وسط الضيعة و 3 خطوط 66ك.وات على طرف الضيعة؟لماذا لا يتم المطالبة بالنقل؟ (محدى يئول إنو نئلن بيكلف لأن كلشي يالقوة و الواسطة بيمشي بس لازم حدى يحكي و أولن البلدية و كمان محدى يتزاكا و يئول إنو هل الخطوط هنّه صلة وصل بين باقي المحطات , ممكن يكونو بعاد عن البيوت و يكونو صلة وصل بين المحطات)
الأمر الرابع
أين هي مشاريع الحريري الذي تزايدت الأقاويل في عددها, فهناك من قال أربع مشاريع وصولاً إلى ثمانية و نحن نرى أن بعض اليافطات التي علقت على أطراف الطرقات قد أزيلت و لا نرى إلا تنفيذ مشروع واخد و هو مشروع الصرف الصحي و هم قد بدأو به في أوائل رمضان و لم يتم تنفيذ الواحد بالمئة منه
هل التغت باقي المشاريع؟ شق طريق إلى الجبانة , دهن المنازل على الطريق البحرية حيث تم دهن بعض المنازل إثنان أو ثلاثة , تزفيت و شق الأرصفة على الطريق البحرية من مقابل ملعب الأحدب إلى أول النورث و تسميتها بجادة الرئيس رفيق , فتح ملعب على أرض للأوقاف , .....
الأمر الخامس
حتى الآن تساقط المطر مرتين أو ثلاث مرات بغزارة و لم نرى من عمال البلدية تنظيف السيالات و المجارير و قد رأينا أن عدّت مجارير قد طفت على الطرقات قرب عين الخمارة و غيرها الكثير و الأمر الآخر تجميع المياه في الطرقات لكي تصبح بحيرات بأحجام متفاوتة و هذا الأمر نشهده منذ صغرنا و لا أعلم أيستحيل تحسين الطرقات لكي لا تتجمع المياه فيها؟ أم تريدون جذب السواح إلى المنتجعات الداخلية؟ هل يرضى أحد منكم أن يكون ماراً و تمطر عليه من الأرض عند مرور سيارة مسرعة؟
الأمر السادس و الأخير
هناك بعض المشاريع التي تمت دراستها و تم دفع مصاريف هذه الدراسة و قد كتبت ذلك في مصاريف البلدية و لم نرى تنفيذ أي مشروع , هل ننتظر لكي تتنفذ هذه المشاريع لوحدها؟ أم نتكلم و نتحدث عن مصاريف و موازنة البلدية و دراسة المشاريع من دون تنفيذ ؟
إلى متى سنظل نتكلم بهذه الأمور و هل ستكون من خطط البلدية لخوض الإنتخابات كما كنا نوعد بالمشاريع الكثيرة و لا ينفذ منها شيء؟

[hadid]

للمعلومات تم تنظيف ملعب الأحد .. يعني شي 90% منو تنظف ... نتمنى ان يظل هكذا .. مشكورة البلدية .. أنا صورت مقتطفات من أعمال .. وكنت بدي إرفعها .. بس غنشغالي بالجامعة خلال الإسبوع وقلة مروتي خلال العطلة حال دون رفع الفيلم .. يبقى أن أذكر أن التنظيف حصل بعد ما رفعت الفلم بحوالي الإسبوع ..

[وسيم أحمد الفلو]

لقد وصلت كلفة تنظيف بور الأحدب إلى 5000 دولار، وللأسف ليس هناك حل جذري للمشكلة.

[hadid]

يعني بكرا لح يرجع يمتلا زبالة ؟؟ وكل فترة بفضو ؟ هذا ليس حلاً !!

[akram]

ولكن لنسئل انفسنا من اين مصدر النفايات اليس البيوت لك البلديه بدها عامل امام كل بيت ووراء كل طفل

[hadid]

نحنا منا عم ننكر إنو في جزء من المسؤولية بيتحملو السكان .. بس هاد ما ببرر إنو يصير ملعب الاحدب مكب للنفايات .. يا عمي المنظر تبعو بفزع هوي و مليان !!

[salim05]

يا أخي اتعبتنا هذه البلدية
يعنني هل صحيح ان بلدية تضم دكاترة جامعات واشخاص مرموقه هي عاجزة عن ايجاد حل لمسألة الزبالة المنتشرة على الأرض امام الغريب والقريب ؟
النظافة من الايمان
يا أخي كنا نسمع قديما ان البلدية يعني زفت وزبالة وحتى في هذين المظهرين المهمين لم تفلح البلدية .
يا اخي ماذا تنتظر البلدية الانتخابات القادمة ؟
في الأماكن التي ترمى بها الزبالة على الارض هل تعجز البلدية عن وضع مستوعبات أو حاويات أم أن الميزانية لا تسمح ؟
أو شايفين عمالكن عم ينضفوا منيح
أخي هادول العمال عم يضحكوا عليكن هادول ما بيشيلوا الا الكيس المربوط والباقي بيضل على الارض .
هل تقبل البلدية برئيسها واعضائها ان ترمى الزبالة امام بيوتهم وهم تأتيهم الزوار كما تأتينا ؟
أخي بهدلتونا امام زوارنا الغرب .
أخي ماذا تنتظرون ؟ أن تصاب اولادنا بالمالاريا والأمراض وبعدها تجتمعون لكي لا يخرج من امركم شئ ؟

[وسيم أحمد الفلو]

أخي الكريم


لا شك أن وضع النفايات تدهور بشدة مع مرور الوقت منذ إستلام هذه البلدية، وبالأخص في السنة الأخيرة، ولكن لا أعتقد أنه مأساوي بالطريقة التي وصفتها في كل المناطق.

لذلك أرجوا منك أن ترشدني إلى المكان الذي تسكن بقربه (على الخاص إذا لم تكن تحب أن تفعل على العام) لكي أكلم المسؤول عن العمال مباشرة (من دون الحاجة لأي إجتماع).

أما بالنسبة للمستوعبات، فليست المشكلة بعدم القدرة على شرائها، ولكن هناك توجه في البلدية (قد لا أكون أنا شخصياً مقتنعاً به في كل تفاصيله) بأن المستوعبات ستتحول (كما في السابق) إلى أماكن للرائحة الكريهة، ولتجمع النفايات، هذا فضلاً عن أن بعض الناس لا ترضى بوجودها قربها (المستوعبات، أو براميل النفايات هي حل جيد في البنايات الخاصة، لأن صاحب البناية يهتم بها، أما في المناطق والبنايات العامة، فإن هذه المستوعبات خلقت مشاكل أكثر من إيجاد حلول).

أما بالنسبة للجور، فللأسف حالما تقوم البلدية بتزفيت بعض الجور، فإنه لسبب أو لآخر تحفر الجور نفسها أو في أماكن أخرى (بعضها من شركة المياه، وبعضها لإقامة مجرور وووو وبعضها أيضاً لسوء التزفيت)، وبالتالي فإن البلدية تقوم من حين لآخر بإعادة الترقيع من ضمن الإمكانيات المتاحة.


ليست المسألة مسألة وجود دكاترة أو علماء أو تجار أو أو ، لحل أي مسألة، فإنما المهم وجود الإرادة لذلك، ومن بعد ذلك توفر الوسائل، والأمرين ليسوا دائماً متاحين في بلديتنا، فقد توجد الإرادة وتنعدم الوسائل، وقد تنعدم الإرادة مع الوقت.

وإن شاء الله يكون للقلمون بلدية وأعضاء أفضل من الحالية في الإنتخابات القادمة، ويمثلون الناس ومصالحهم أفضل مما فعلنا.

[الزاهر]

أما بالنسبة للمستوعبات، فليست المشكلة بعدم القدرة على شرائها، ولكن هناك توجه في البلدية (قد لا أكون أنا شخصياً مقتنعاً به في كل تفاصيله) بأن المستوعبات ستتحول (كما في السابق) إلى أماكن للرائحة الكريهة، ولتجمع النفايات،




عندما لا توعي البلدية الناس بأن مصدر الرائحة نوع معين من النفايات العضوية التي تحتوي كمية كبيرة من السوائل أو السوائل التي تترك في أكياس النفايات ولا تقوم البلدية بتوعية الناس عبر مناشير أو ندوات أو ما شاكل [أو المؤسسات الاجتماعية] فلن يكتشف الناس الأمر أو لن يتشجعوا له.

أما عندما تقوم البلدية بهذا الدور التوجيهي بفعالية بالاضافة إلى دورها التنفيذي والاداري والاجتماعي فسيختلف الوضع تماما وستجد تجاوبا من الناس بإذن وتوفيق من الله عز وجل.

[ألعمعوم]

البلده لنا جميعا وألكل متساوون فى ألمسؤليه عن مصالحها العامه فاذا شاهد احد أبنائها تقصيرا في مكان ما فمن باب ألغيره وألحرص للا رتقا بالبلده للافضل وليس للتشهير ان يبلغ عن مكان التقصير لمعالجته و(المجلس البلدي ليس معفيا من ألمسؤليه وعليه تقع كل التبعات)

[ArGiLeH]

السلام عليكم...اما بعد...
يا اخواني بدي الكن على منظر بشوفو وانا في طريقي الى بيت خالتي العزيزه...انو اكيد الحكي مش مثل الشوف...بس رح حاول اوصف المشد كالتالي:
كميات هائله من اكياس التشيبس على انواعها من ماستر لفانتزيا الخ الخ الخ...
كميات هائله من كبايات العصير ما يقارب ال 10000كبايه....و غيره وغيراتو من المحارم والتنك و و و و و و و....
ارجو ان اكون وصلت الصوره ...او يمكنكم زيارة معرض النفايات العالمي التفاصيل:
المكان:النيو رود(طريق الجديده).
الزمان:اربعه و عشرين على اربعه و عشرين.
تاريخ المعرض:من اثنا عشر عامناً فقط لا غير(اولكن ليش؟؟؟)

جميع الحقوق محفوظه و السلام عليكم:d:d:d:d:d

[Nader]

لقد تم بعون الله و حمده طلاء باب المحل التابع لاسرة علي عز الدين قبيطر من قبل احد فاعلي الخير الذين يعملون في الخفاء و ما اكثرهم في القلمون فجزاه الله و جزا امه على حسن التربية