من يتحمل أكثر... الرجال أم النساء؟ [الأرشيف]

فشلان

13-06-2009, 03:17 AM

يعطيكن العوفية شباب...
مبارح كنت عم ناقش مع واحد وما لقيتو غير سفألي جملة بالعرض... وهو متوقع انو عليها اجماع... قال شو... النسوان بيتحملو أكتر من الشباب... وانا هون قلتلو ستوووووووب... على مهلك... مين قال النسوان بيستحملو اكتر؟؟؟؟؟

وين النسوان بيستحملو أكتر؟؟؟؟ الواحدة ما فيها تتحمل اي مشكلة بدون ما تدل توز توز.. توز توز.. على زوجا على اخوا على ابوا.... بالوقت يلي بتلاقي الشب حمل بقلبو...

هاتو لنشوف... لما تكون عيلة فقيرة... مين بناقر؟ الرجال؟ او المرة؟
لما يكون في مشاكل عائلية... مين بيحركش وما في يبلع الكلام؟ الرجال؟ أو المرة؟
لما بكون في شوب... مين ما في يتحمل وبدل يتأفف؟ الرجال أو المرة؟
لما الشب بينزلو دم... عادي... لما البنت بينزلا دم... البيت كلو بيهرب.... ولا أنا غلطان يا بنات؟ من قبل بأسبوع النقار.. وبعد بأسبوع النقار... وهو اسبوع... يعني يا دوب يبقى اسبوع بالشهر بكونو عم يستعدو فيه لأسبوع النقار الجاي... هلأ أهم الشي ما حدا يعمل حالو مستحي وعندو جواب بس ما رح يجاوب... الشغلة معروفة... ما في داعي تخبو.... يلا دافعو عن نفسكن...

يعني لا تحكو الكلمة وتصدقوها.... يا اما عندكن ادلة.. يا اما ما تشلحوا كيف ما كان...

هاتو لنشوف....

محمد

13-06-2009, 06:11 AM

أنا بعرف شباب ما بيستحملو كلمة ؛ النسوان رحمة جنبن

مايا

13-06-2009, 12:47 PM

السلام عليكم ورحمة الله وبركاته
كلامك أخي غير صحيح
من يتحمل أعباء الزوج والفقر والشوب أكثر من الزوجة أو البنت
ترى الرجل في عمله من الصباح يعود للبيت وأول شيء يقوله أريد الأكل والنوم وما حدا يزعجني يعني بيسكت الكل كرمال يوكل وينام على رواق والزوجة بتكون محضرتلو الاكل وبدا تسكت الاولاد ومدري شو
يا أخي صدقني البنات بيتحملوا أكتر بكتير من الشباب الا في حالة رؤية الدم فالبنات بيخافوا كتير وهذا دليل على انهن لا يستطعن رؤية أشياء بشعة .

محمد الكوسا

13-06-2009, 03:04 PM

باختصار
لولا الرجال مانن متل الجبال بتحملن ما كان بقي ولا امرأة عايشة!

مايا

13-06-2009, 04:33 PM

باختصار
لولا الرجال مانن متل الجبال بتحملن ما كان بقي ولا امرأة عايشة!
معك حق ولكن كذلك لولا النساء يساعدن الرجال ويصبرن وووو لما كان ولا رجل عايش
فكل يكمل بعض

Nader 3:16

13-06-2009, 05:00 PM

السلام عليكم و رحمة الله و بركاته:

والله معك حق يا فشلان...وهادا الموضوع ليس الا امتداد لموضوع حقوق الرجال....
انت عظيم يا فشلان لأنو كل مرة بترجع بتسلط الضوء عمواضيع حساسة البنات آخدينها بالعجءة انو يابا نحن حقوقنا مهضومة و من هالحكي يلي ما لو طعمة.

ويا ريت يا كوسا ويا مايا تحكوا اشياء منطءية....

يلي حكيه فشلان مزبوط...انو نحنا بأيش بدنا نشوف و نقارن بين قدرة التحمّل....
اكيد عند المصائب لا سمح الله و ببعض المواءف.

يعني افترضوا ولد راكد و عم يلعب بهالبيت ووءع و انفدغ و بلش الدمّ يكرّ من راسو......دغري بتلاقي البنت بلشت بالصريخ و بتلم الجيران و بتبلش دعاوي عحالها.....وبكون نشّف دمّ الصبي و هي عم تدعي و تولول.
بينما لو كان الرجال بالبيت كان امتصّ الصدمة و فوراً تصرف كما يجب.....

ولك بشغلات تانية كمانا....
بالاول وءت كنا بالثانوية......بكون عنا مسابقة فيزيك....نازلين هالبنات حافظين الاكزرسيسات و بدون يجيبوا علامة..جا سؤال بدو حل و تفكير....دغري ببلشوا يبكوا.....ولك شفاي؟؟؟؟؟؟

بينما الشب ازا انضرب بالمسابقة بكفّي عادي..وبقول ان شاء الله منعوّض مرة تانية ...شو خلصت الدنيا...
واسا بقولولي انو البنات بيستحملوا اكتر من الرجال.....

او ما بعرف ما قال شيخي فشلان...انو وين دليلكون؟؟؟؟؟ عطونا شي واقعي.....

يعني لو كنتو اكتر تحملاً...كنا شفنا النسوان عم يشتغلوا بالباطون....وكنا شفناهون عم يشيلو شباك السمك و كنا شفناهم .......

يعني من الناحية الجسدية و النفسية الرجال عندون مقدرة عالتحمّل أكتر.

بالطبع هادا منو عيب او انتقاص من قيمة البنت ...بس ربّنا فرّق بين الرجل والمرأة.....

ولولا هادا ما كان قال الرسول عليه الصلاة و السلام انّهنّ ناقصات عقل و دين....

وبزيادة...موء لي مروة كفّي...

السلام عليكم.

محمد أحمد الفلو

13-06-2009, 05:38 PM

يعطيكن العوفية شباب...

وين النسوان بيستحملو أكتر؟؟؟؟

هاتو لنشوف....

الله يعافيك يا فشلان

قال الله تعالى في كتابه العزيز :
ووصينا الإنسان بوالديه حملته أمه وهنا على وهن وفصاله في عامين أن اشكر لي ولوالديك إلي المصير وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون .

ورأى ابن عمر- رضي الله عنه- رجلاً يطوف حول الكعبة .. يحمل عجوزاً على ظهره ..فسأله : من هذه فقال الرجل : هذه أمي مقعدة .. وأنا أحملها على ظهري منذ عشرين سنة .. أتراني يا ابن عمر وفيتها حقها .. فقال ابن عمر : لا .. لا .. ولا زفرة من زفراتها ..

هادا موقف النسوان بيستحملوا فيه أكتر من الرجال

محمد أحمد الفلو

13-06-2009, 05:40 PM

كمان البنت المحجبه بتتحمل شوب الصيف
بينما نحنا لابسين شروطه وقطش ولا على بالنا

Nader 3:16

13-06-2009, 08:33 PM

السلام عليكم....

يا حميطون شباك؟؟؟؟

انت شطحت كتير بالموضوع....حدا قال انو البنت او الامّ لا فضل لها عالمجتمع و انو مهما عملنا ما رح نوفيها حقّها؟؟؟؟
بعدين بالنسبة ليلي ذكرتو بالنسبة للباس بالصيف الحار الله يثبتهم...بس لا تنسى انو اديش في بنات بالعالم منا متحجبة بحجة او بضايق بفترات الشوب....!!!..

نحنا عم نحكي بشكل عام....
والشغلة واضحة....
الرجل اكتر تحمّل من الفتاة لصفات جسدية و نفسية...من دون ما ننتقص من ءيمة البنت.....

بعدين لما بدنا نقارن...منقارن بين موقفين ممكن تتعرض لو البنت و الشب....ومنشوف كيفية تعامل التنين مع الحادث.

الزاهر

13-06-2009, 09:06 PM

هلأ تجي تألي الرياضي فيه يتحمل تحبسو أسبوعين بغرفة بلا ما يتضايق ؟
أو تألي واحد مبعمرو طالع برات ضيعتو ... شو 40 سنة ... تجي بدك ترأعو 6 سنين بالغربة !!!

بنات آدم خصهن الله سبحانه وتعالى بخصائص ما هي للذكور ...
وأبناء حواء كذلك خصهم الله سبحانه وتعالى بخصائص ما هي للإناث ...

فلو قلت من يتحمل أكثر في ذا وذا لقلنا في الأمر بحث ... أما أن يطلق الأمر بدون حدود فذلك ضرب من ضروب التعميم المغلوط !!!

محمد أحمد الفلو

13-06-2009, 09:11 PM

السلام عليكم....

يا حميطون شباك؟؟؟؟

انت شطحت كتير بالموضوع....

بعدين لما بدنا نقارن...منقارن بين موقفين ممكن تتعرض لو البنت و الشب....ومنشوف كيفية تعامل التنين مع الحادث.

انو كيف يعني ؟ بيعلموا معركه ومنشوف مين بيربح ؟

انو ازا الرجال ما بيولد ... معناها ممنوع نقول انو المراه بتتحمل كتير عند الولاده !!!

طيب تفضل أمثله على نسق يلي قالن فشلان :

مين أصبر على بكاء الولد الزغير ... الرجال والا المرأه ؟
مين أصبر على شيطنات الولد ..... الرجال والا المرأه ؟
مين أصبر على تعليم الولد .... الرجال والا المرأه ؟؟

مين أصبر على الطبخ ... وبينطروا حتى يخلص بلا نق ... الرجال والا المرأه ؟؟؟

قولتك

وبزيادة...موء لي مروة كفّي...

جابر دملوك

13-06-2009, 10:03 PM

بارك الله فيكم يا جماعة الخير.
الموضوع جيد و كل أدلى بدلوه.
و بشكل عام أنا أؤيد الأخ حميطون و الأخ الزاهر.

الزاهر

13-06-2009, 10:19 PM

بالنسبة للمثل الذي ضربتموه بما يختص باللباس، الصيف قادم، وحسبكم التوجه في أقصى أيام الصيف حرارة إلى فرن عيشة، وأخبروني حينها ما يلبس من يخبز الخبز !!!! ... بيكون لابس التأم الشتوي الكامل وكذا راء كمان !!!! ... اللباس يحمي من الرياح الحارة والحرارة الاشعاعية المباشرة ... لكنه لا يحمي من الحرارة الناتجة عن وهج الشمس إلا إذا كان فاتحا ...
في الحالات الثلاث نحن أبناء حواء الأكثر تأثرا !!!
أما بنات آدم لهن الراحة في اثنتين !!!
:)

محمد أحمد الفلو

14-06-2009, 12:36 AM

بارك الله فيكم يا جماعة الخير.
الموضوع جيد و كل أدلى بدلوه.
و بشكل عام أنا أؤيد الأخ حميطون و الأخ الزاهر.

الله يعزك يا أخ جابر

اليمامة الحضرمية

15-06-2009, 12:13 AM

ممممم
الموضوع حماسي وحلو

برأيي بحس أنو مافينا دايمن نقارن يعني في مواضع (حسب ما تبين من المشاركات بالأعلى) الشباب بيتحملوا أكتر متل شوفة الدم...(أهم شي هيدا لأنو في بنات بيروحوا إغماء)....
ومتل الضغط الجسدي في العمل متل حمل الأشياء التقيلة والزحف تحت السيارات وهيك أشياء....

والبنات بيتحملوا أكتر من ناحية الولادة والتربية والتعليم...

يعني كل واحد لو خصوصية خصو ربنا فيها... وخلاه بيتحمل أكتر من التاني فيها....

بس في منكم عطوا مواقف عن البنات ..حسيتها غير صحيحه حسب نحنا البنات ..

يعني مثلاً":

هاتو لنشوف... لما تكون عيلة فقيرة... مين بناقر؟ الرجال؟ او المرة؟

حرام عليكم لا تقولوا هيك..يعني مش الكل هيك...بعرف نسوان صابرين على رجالهن وما بيفتحوا تمن ..يعني لهن تم ياكل وما لهن تم يحكي على قولة المثل...

مش كل صابيعك متل بعض وبالتالي مش قاعده بالحياة....

لما يكون في مشاكل عائلية... مين بيحركش وما في يبلع الكلام؟ الرجال؟ أو المرة؟

كمان في نساء حكيمات ما بيدخّلوا...وفي كمان نسوان بيتدخلوا بالصلحة ،، كما في يلي "كيدهن عظيم" يعني حسب دينها وخلقها وتربايتها..مش قاعدة برضو بالحياة...

لما بكون في شوب... مين ما في يتحمل وبدل يتأفف؟ الرجال أو المرة؟

والله يلي بيسمع بيصدق ...هلأ يمكن تمرءلا شي مرة وقالت أوف شوب يا ربي نجينا...وكمان الشباب بيقولوا...شو حرام يعني...بس ما بتعقد تندب وتأفإف كل الوقت إلا إذا بتعرفو حالات خاصة...أنو حرام قايمين فينا قاعدات عامة.....
بعدين بالنسبة ليلي ذكرتو بالنسبة للباس بالصيف الحار الله يثبتهم...بس لا تنسى انو اديش في بنات بالعالم منا متحجبة بحجة او بضايق بفترات الشوب....!!!..

بس كمان ما تنسى اديش في بنات محجبة...

Barbie

15-06-2009, 01:15 AM

السلام عليكم و رحمة الله و بركاته ,

الموضوع نسبي بشكل عام ... فهناك امور لا مكان للمقارنة فيها .

و لكن هناك مجال للرد على هذا السؤال و معرفة درجة التحمل عند الرجل و المرأة , في الحياة الزوجية , فالمرأة تتحمل أكثر من الرجل بمعنى أنها تتقبل من زوجها ( البهدله ) و تسكت دائما ً لأجل أولادها و لأجل المحافظة على بيتها , فهي لا تفكر بنفسها .

فتتحمل زوجها على صعوبة طباعه ! و رغم أعماله التي تزعجها ربما .
و لو أنها لم تتحمل تصرفات و تعليقات زوجها , لأصبح الإستمرار مستحيل بينهما !

طبعا ً هناك استثناءات قليلة و بشكل عام هذا هو الواقع .

الزاهر

15-06-2009, 02:32 AM

[برات الموضوع وللمشرفين الحق بالتصرف بها كيف شاؤووووووووووو]

سؤاااااااااااااااااااال محيرني !!!!!

لماذا دائما يظهر من المشاركات بأن العلاقة بين الزوجين هي علاقة طردية سلبية مضروبة بناقص واحد !!!!!!!!!!!!! :)

إنو هالأد صعبة تنوجد أسرة بلا نق ونآر وعياط وبهادل ووجع راس !!

مرة مرتين بالشهر .... بس ما ضروري بكل لحظة !!!! :)

شو بنا !!!

hunter_hunted

15-06-2009, 02:34 AM

أنا كمان مع حميطون... ولك يا جماعة كل شي إلا الولاده.... منيح الله خالئني رجال ....
بس كمان إذا لقينا شب فيه يحمل نق النسوان بكون عندو قدرة هائله من التحمل...
أخوكم http://forum.qalamoun.com/images/icons/icon6.gif

الزاهر

15-06-2009, 02:37 AM

][/size]أنا كمان مع حميطون... ولك يا جماعة كل شي إلا الولاده.... منيح الله خالئني رجال ....
بس كمان إذا لقينا شب فيه يحمل نق النسوان بكون عندو قدرة هائله من التحمل...
أخوكم http://forum.qalamoun.com/images/icons/icon6.gif

اعتبرهم واحدة بواحدة :) ... هي تحملت عنك الولادة ... إنت تحمل منها النق !! :)

hunter_hunted

15-06-2009, 02:38 AM

[برات الموضوع وللمشرفين الحق بالتصرف بها كيف شاؤووووووووووو]

إنو هالأد صعبة تنوجد أسرة بلا نق ونآر وعياط وبهادل ووجع راس !!

مرة مرتين بالشهر .... بس ما ضروري بكل لحظة !!!! :)

شو بنا !!!

يا زوزو http://forum.qalamoun.com/images/icons/icon10.gif نحن عام نحكي عن الأغلبيه الساحقة....
سلام

hunter_hunted

15-06-2009, 02:42 AM

اعتبرهم واحدة بواحدة :) ... هي تحملت عنك الولادة ... إنت تحمل منها النق !! :)

والله أنا من الوالده العزيزه ما بتحمل نق .. مستغرب كيف ممكن استحمل من غيرو....
الله يعين...
أخوكم http://forum.qalamoun.com/images/icons/icon12.gif

الزاهر

15-06-2009, 03:05 AM

والله أنا من الوالده العزيزه ما بتحمل نق .. مستغرب كيف ممكن استحمل من غيرو....

تمرن !!!

وهل يستطيع المرء أن يحل مسألة من دون أن يتمرن على شبيهاتها ؟ وهل تستطيع أن تفأعها 100 ضغط من أول مرة بلا ما تتمرن ؟

تمرن عالتحمل ... أنا مبلش دورة من حوالي شهر زمان وشكلو في تحسن إن شاء الله. بركا إنت بتتسجل فيها معي ؟ :) ... بلاش ... شو بدك أحسن من هيك.

كل ما عليك بمجرد أن ينفتح باب النق ...أن تتذكر ما لها من أفضال عليك ... من تربية ورعاية واهتمام وعناية وسهر وتأمين ملبس وقوت وتعليم وتدريس ووووو ... ما استطعت ربط الأمرين فقد أصبحت على الطريق الصحيح !!!
هذا بالنسبة للأم ...

وكذا بالنسبة للزوجة ... تذكر ما لها من فضل عليك بأن ربت أولادك وتحملت تنظيفهم وتعليمهم وتحملت ريحة الحفاضات والأرف :) ... وأعدت لك طعامك وحفظت لك فرجك وكانت لك صندوق اسرار وسكن قلب ... وأعانتك في مصائبك ووقفت إلى جانبك !!!! ...

وكما أنت تتوقع من والدتك أن لو فرت عليها من الغضب أو أسأت لها بأن تسامحك هي كذلك ترجو منك ذلك !!! ... وكذا الزوجة !! ... فاحرص أن لا تفتعل كسرا لأن التجبيرة ما عطول بتزبط عالآخر !!! :)

حيران

15-06-2009, 03:23 PM

إخواني الأفاضل اسمحوا لي ان اشارككم في مناقشتكم هذه واأن أقول لكم أن المرأة إذا لم تكن اضعف من الرجل تحملاً لإختلت الموازين

فشلان

15-06-2009, 03:23 PM

هاتو لنشوف... لما تكون عيلة فقيرة... مين بناقر؟ الرجال؟ او المرة؟

حرام عليكم لا تقولوا هيك..يعني مش الكل هيك...بعرف نسوان صابرين على رجالهن وما بيفتحوا تمن ..يعني لهن تم ياكل وما لهن تم يحكي على قولة المثل...

مش كل صابيعك متل بعض وبالتالي مش قاعده بالحياة....

لما يكون في مشاكل عائلية... مين بيحركش وما في يبلع الكلام؟ الرجال؟ أو المرة؟

كمان في نساء حكيمات ما بيدخّلوا...وفي كمان نسوان بيتدخلوا بالصلحة ،، كما في يلي "كيدهن عظيم" يعني حسب دينها وخلقها وتربايتها..مش قاعدة برضو بالحياة...

لما بكون في شوب... مين ما في يتحمل وبدل يتأفف؟ الرجال أو المرة؟

والله يلي بيسمع بيصدق ...هلأ يمكن تمرءلا شي مرة وقالت أوف شوب يا ربي نجينا...وكمان الشباب بيقولوا...شو حرام يعني...بس ما بتعقد تندب وتأفإف كل الوقت إلا إذا بتعرفو حالات خاصة...أنو حرام قايمين فينا قاعدات عامة.....
بعدين بالنسبة ليلي ذكرتو بالنسبة للباس بالصيف الحار الله يثبتهم...بس لا تنسى انو اديش في بنات بالعالم منا متحجبة بحجة او بضايق بفترات الشوب....!!!..

بس كمان ما تنسى اديش في بنات محجبة...

اصلا من طريقة كلامك عم تعطي استثناءات... وهيدا أكبر دليل انو الأصل بالبنات غير يلي ذكرتيه... بعدان اسا ذكرت نقطة.... ليش ما حكيتي فيها ونطيتي عنا؟؟؟؟ مستحيين؟؟؟ بتستحو من خلقة ربنا؟؟؟ شفتو بهالشغلة كمان ما فيكن تحملتو تحكو....

فشلان

15-06-2009, 03:29 PM

ترى الرجل في عمله من الصباح يعود للبيت وأول شيء يقوله أريد الأكل والنوم وما حدا يزعجني يعني بيسكت الكل كرمال يوكل وينام على رواق والزوجة بتكون محضرتلو الاكل وبدا تسكت الاولاد ومدري شو

لا تزعلي مني.. بس انت عايشة بالخسة؟؟؟ وين هالحكي هاد؟ عمرو على الأقل شي خمسين سنة... هلأ المرة بتشتغل مثلا مثل الرجال...بعدان عدي اديش في رجال بترجع على بيتا بتشتغل وهيدا شي مش عيب ابداً... احو سيدنا النبي عليه الصلاة والسلام كان يساعد اهلو... ونحنا هيك رح نكون ان شاء الله...
بعدان كل واحد وشغلو... هي شغلا هيك وعم تنق فيه.... والرجال بروح على شغلو ما بنق بشغلو....

أكيد في استثناءات... بس نحنا عم نحكي بصورة عامة..... وبالأغلب... ما حدا يحكيلنا عن استثناءات...

فشلان

15-06-2009, 03:32 PM

كمان البنت المحجبه بتتحمل شوب الصيف
بينما نحنا لابسين شروطه وقطش ولا على بالنا

روح على السودان... بتلاقي الرجال متحجب بلفة قماش اد تبعيت المرة على سطاعشر مرة ونص.... ولابس عباية مثلو مثلا... هادي مانا حجة...

منشان نكون واقعيين... لما بدنا نحكم... لازم نحكم على تصرفات الشخص ضمن مجال عملو.... أنا ما عم قول خلي الرجال يولد وشوف النتيجة.... ولا عم قول خلي المرة تشتغل بالباطون ونشوف النتيجة... بس بشكل عام..... الرجال بشغلاتو بيشتغلها وبيسكت وبيصبر بشكل عام.... المرة بتشتغل شغلاتا وبتنق... هادا الله يستر اذا ما كان فوق النق في هت... هون ساعتا الطامة الكبرى....

فشلان

15-06-2009, 03:41 PM

فالمرأة تتحمل أكثر من الرجل بمعنى أنها تتقبل من زوجها ( البهدله ) و تسكت دائما ً

شي مرة سألتي نفسك ليش الرجال عم يبهدلا؟؟؟؟ ما هو من كثرة النق وقلةالصبر علي؟؟؟ هي بدا منو يكون كامل مكمل.... لا ما أحلاها يكون مبهدلا على نقها... وما تسكت... وهو هيك بصير...

فشلان

15-06-2009, 03:51 PM

أنا اطالب رسميا الشامي وشيخي عمر يدخلو على الخط.... ترى لما بيدخلو بتقوى المنافسة.... خلونا نرجع ايام الصبا...

مايا

15-06-2009, 06:07 PM

لا تزعلي مني.. بس انت عايشة بالخسة؟؟؟ وين هالحكي هاد؟ عمرو على الأقل شي خمسين سنة... هلأ المرة بتشتغل مثلا مثل الرجال...بعدان عدي اديش في رجال بترجع على بيتا بتشتغل وهيدا شي مش عيب ابداً... احو سيدنا النبي عليه الصلاة والسلام كان يساعد اهلو... ونحنا هيك رح نكون ان شاء الله...
بعدان كل واحد وشغلو... هي شغلا هيك وعم تنق فيه.... والرجال بروح على شغلو ما بنق بشغلو....

أكيد في استثناءات... بس نحنا عم نحكي بصورة عامة..... وبالأغلب... ما حدا يحكيلنا عن استثناءات...
بداية مش رح ازعل بس الحمد لله انا مش عايشة بالخسة لأن انا حكيت شي شايفتوا قدامي مش عم قول خيال
يعني مش كل النسوان بتشتغل ومش كل الرجال يسمحوا لزوجاتهم أن يعملوا خارج المنزل
وبالتالي هيك حتكوزن المتيجة هو يعمل وعندما يعود الى البيت يكن بحاجة تامة الى راحة مع انه في بعض الأحيان يكون عمله في غرفة مكيفة ووو
ومش عيب انو الرجال يشتغل بالبيت أبدا بس بدك هو يقتنع بهالشي
يمكن مكان سكنك ما في هالأأشيا أبدا بس مكان سكني في كتير من هالأشيا

Barbie

15-06-2009, 11:28 PM

السلام عليكم و رحمة الله و بركاته ,

في بعض الحالات , نعم تقوم المرأة بالنق ... فهي بالنهاية ليست ملاكا ً و لها تطرفاتها الغير صحيحه طبعا ً .

و لكن الحالات التي قصدتها أنا , هي تلك التي تتحمل فيها المرأة طباع زوجها , و تعليقاته الغير مبررة , و أسلوبه معها بشكل عام !

و لا أظن أن العكس صحيح , يعني إذا قلبنا الأدوار بين الإثنين , الرجل في هذه الايام , لا يتحمل كلمة تتفوهها زوجته في حالة الغضب ! ( مع عدم التعميم طبعا ً ) بينما أكثر النساء يتحملن و لا يبادرن بنفس ردة فعل الرجل ...
و ربما تتعود الزوجة في ما بعد , على هذا الوضع ... و تصبر و تتحمل .

و المفروض , أن يتحمل كلا الطرفين بعضهما كل ٌ حسب مسؤوليته ! لكن اليوم انقلبت الموازين للأسف !

و بالنهاية المقارنة لن تكون عادلة , لأنه ما من قاعدة عامة نستطيع اتباعها ,,, فليس كل الرجال سواسيه و كذلك النساء .

هناك من يتحمل و هناك من لا صبر له ... كل ٌ حسب طبيعته !
و ما سبق و ذكرته هو جزء من واقع أيامنا هذه .

إذ أن أغلب الرجال يتصرفون تصرفات لا يقبلون و لا يتحملون أن تتصرفها المرأة بحقهم أبدا ً !!

فشلان

16-06-2009, 08:23 AM

إن ما تتكلمين عنه يا سيدتي الكريمة لا يمكن من خلاله اجراء مقارنة... في بيت أحمد أبو كمشة الرجل يبهدل الزوجة... وفي بيت سميرة الأميرة... المرأة تبهدل زوجها ولا تتحمل منه أي شيء... حتى نكون أكثر موضوعية لنختر أشياء أكثر وضوحا وغير عامة جداً....

ساعتها يا ستي ببلش التحدي...

حيران

16-06-2009, 12:27 PM

يا اخواني فليكن نقاشنا واقعيا ومفيدا لو سمحتم
والنقاش الصحيح يجب ان يستند الى الأمور التالية:
القرآن الكريم
السنة النبوية المطهرة
أقوال العلماء الربانيين
آراء الأطباء النفسانيين المتخصصين والموثوق بصلاحهم
واخيراً بتجارب الأزواج والزوجات المنصفين
والسلام

حيران

16-06-2009, 01:16 PM

حدثنا ‏ ‏عمران بن موسى الليثي ‏ ‏حدثنا ‏ ‏حماد بن زيد ‏ ‏حدثنا ‏ ‏علي بن زيد بن جدعان ‏ ‏عن ‏ ‏أبي نضرة ‏ ‏عن ‏ ‏أبي سعيد ‏
أن رسول الله ‏ ‏صلى الله عليه وسلم ‏ ‏قام خطيبا فكان فيما قال ‏ ‏إن الدنيا ‏ ‏خضرة ‏ ‏حلوة وإن الله مستخلفكم فيها فناظر كيف تعملون ألا فاتقوا الدنيا واتقوا النساء

حيران

16-06-2009, 01:25 PM

حَدَّثَنَا اِسْحَاقُ بْنُ نَصْرٍ حَدَّثَنَا حُسَيْنٌ الْجُعْفِيُّ عَنْ زَائِدَةَ عَنْ مَيْسَرَةَ عَنْ اَبِي حَازِمٍ عَنْ اَبِي هُرَيْرَةَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِي جَارَهُ وَاسْتَوْصُوا بِالنِّسَاءِ خَيْرًا فَاِنَّهُنَّ خُلِقْنَ مِنْ ضِلَعٍ وَاِنَّ اَعْوَجَ شَيْءٍ فِي الضِّلَعِ اَعْلَاهُ فَاِنْ ذَهَبْتَ تُقِيمُهُ كَسَرْتَهُ وَاِنْ تَرَكْتَهُ لَمْ يَزَلْ اَعْوَجَ فَاسْتَوْصُوا بِالنِّسَاءِ خَيْرًا