يوم.... في حياة طالب!!!

[الزاهر]

يمكن تستغربو بداية ليش حطيت الموضوع بهالساحة......
رح ألكم ليش.....لأن بعد ما تأروه....رح تشوفو المعاناة.......
وفي نسبة كبيييييييرة من شبابنا......عانت .....ورح تعاني متل بطل المغامرة!!!

فتأملو يرعاكم الله!!!

الموضوع طويل......وبدو وئت.......لكن كله من ألب دماغي....من ذاكرتي.....من خبرتي....من تجربتي!!!!

السلام عليكم ورحمة الله

اليوم رح احكيلكم مغامرة......لكن من نوع آخر......من نوع آخر عالآخر!!!!
هي أشبه بطراجيديا اجتماعية......كنت بطلها العام الفائت......ورح يكون لها أبطال كثر العام هاد.....الله يفرجها عليهم!!!!......وهيك كل عام!!!
"المغامرة" هي مجرد أحداث يوم واحد من أيام الدراسة (السنة الأولى) في الكلية، كلية العلوم.
سمعو لنشوف!!!!!

يوم.....في حياة طالب!!!

الساعة 5 بكير.....بيرن المنبه......وأد ماني نعسان.....بطفيه.....وبكفي نوم.....بيرجع يرن....ويرن...ويرن.......بطفيه عالآخر.....بيرن الكمبيوتر......وبيصرصع أهلي.......بيأوم البابا بيرشني رشة موية....منشان فيئ......أوم يا بابا صار وئت الجامعة!!!!
الله بيفرجها ومنؤوم من الفرشة......منغسل وشنا.......ومنجهز......منلبس......خلص....الحمد لله...جهزنا!!!
منحمل هالشنطة ومننطلق.....بتكون ساعتها الساعة شي 5 وتلت!!!

مننطر عالموقف......ومننطر....ومننطر......عسى نلئي تاكسي!!!!
وهون أصة تانية.........بالعادة....التكاسي بتمرأ عالساعة 5 ونص إذا ما لحأتو راحت للساعة 6......إذا وصلت 6 ودقيقة.....راحت للـ 6 ونص.....وإذا شي يوم مدت النومة.....وراح عليك تاكسي الـ 6 ونص......ما في داعي تطلع عالجامة أبدا......رجاع نام أحسن!!!!.....هلأ بتعرفو ليش!!!!

الحمد لله.....لأينا تاكسي......طلعنا بالتاكسي......تاكسي مهرغل زائين عليه خشب لسفينة نوح (عليه السلام) ........مشي التاكسي......وبلش يلفحك الهوا البارد.....بتجلد من البرد....بيوجعوك صابيعك......ما بتعاد شايف إدامك......وأد ما كنت لابس......برد مش طبيعي......بيدورلك السخان.......بيطلع هب غبرة......يا ويللال......صرلها مجمعة بالسخان سنين!!!!
وصلنا على الموقف.....نزلنا من هالتاكسي......واتجهنا نحو الموقف التاني......بدك تلحأ حالك......بتكون صارت الساعة ستة إلا ربع....إذا كنت آخد تاكسي الخمسة ونص من القلمون!!!!

وعلى بالك تنطر وتنطر وتنطر........الدقيقة بهالبرد متل دهر كامل!!!!!.....وأخيرا...تعبا التاكسي.....وأعدت جمب الشوفير مع واحد تاني......بيفظرك أد مانو لئيم...وما بيحس بغيرو!!!!


مشي التاكسي......
وعلى زوائيئ يمرأ فيها.........وكل وادي عالطريق ما شاء الله......بيحط وادي النبعة عأفاه بجيبة اليمين!!!!!.......وكل جبل.......ولا الأرنة السودة فيها تنافسو.......الحمد لله ما في طريق متل العالم!!!.....ما بتلحء توصل على نهر بو علي إلا بتكون على نتوفة بك تتفوع!!!!!.......وأخيرا......إذا أطعت النهر....خلص....هانت......هيك بتظن!!!!
لكن الحمد لله.....أطعنا النهر.....ومشي الحال......وبلشت الطريق السريع.....وبتؤول مهندس مصصم الطريق......ما بيصير...إلا لامين شي حمار أجلكم من عند المعلم مالك.....وهو مهندسها.....مستحيل يمر يوم....إلى بيجي الشوفير رح يتدهور بالوادي!!!!.....والتقاطع......الحمد لله ما بيصير إلا 3 حوادث كل يوم هونيك.......بس 3!!!!!
إذا مضيت على خير وما صرت بخبر كان.......ساعتها مشي الحال.....بتوصل عالقبة.....وبتؤول خييييييييييييييييييي.....وصلنا.......


وبعد كل هالطريق......بتكون صارت الساعة شي 6 بكير......ومجرد ما يوؤف التاكسي.......بدك تلحأ حالك......هون الأصة أصة حياة أو موت!!!!!.....بتفوت عالجامعة ركد......بتتوجه نحو القاعة تاعتك.....بتفوت من الباب.....وشو بتشوف يا حزركم......بتشوف قاعتي......
قاعتي.....اللي بدي قضي فيها 8 ساعات يوميا......قاعتي اللي فيها 398 مقعد مثبت.....وما يقارب الـ 40 كرسي عادي!!!!.....قاعتي اللي محجوزة نص المقاعد فيها من الساعة 6......والدوام بيبلش عالساعة 8........قاعتي اللي اللوح فيها طولو 12 متر.......قاعتي اللي المايكرو فيها صوتو بيصرصع.....لكن ما بينفهم.........قاعتي اللي فيها سخان بيبرد......ومكيف بيسخن!!!!....قاعتي اللي بينكسر فيها ضهرك من المأعد......وبيصير خلال أسبوع بدك عوينات......قاعتي اللي الدكتور فيها بتشوفو متل نملة عالأرض......أد مانو بعيد عنك.......قاعتي وقاعتي وقاعتي!!!!!!!


الحمد لله......لأينا مأعد بنص القاعة......لحأنا حالنا!!!!.......بس الساعة 6......والدوام بيبلش عالـ 8.....شو بدي اعمل......وما بتلحأ تسئل حالك السؤال إلا بتسمع صوت "طزرررررررررراااااااااااااااااااااااععععععععع!!!!" ............معدتك.........بتكون ميت الجوع.......لأن ما بتلحأ تتروأ بالبيت!!!!.......وبعد ما أمنت حجز إلك بالقاعة.....بتطلع من الجامعة وبتروح عند بياع الكعك.......وما بتسدأ بهالبرد كيف في منأل.....وبتطلب كعكة.....وبتدفا على هالمنأل!!!...ياااااااااااااااااااااااه....شو حلو الدفا!!!......ولبينما يحضرلك الكعكة......بتروح توصي على حلّة نسكافيه......منشان تضلك مصحصح...بعد هالفيئة عالساعة 5.........أكيد بعد كل هالعناء....ما بدك تضيع المحاضرة!!!!......وبتأعد تتروء مع العصافير .....


وإذا كنت محظوظ وعندك رفاق أوادم بالجامعة...(كوني وحيد بفرعي....ما معي حدا من القلمون.....فلازم اضرب صحبة الغرب)...بيأعدو معك وبتتروؤ مع بعض!!!!.....وبتشكو هموم بعض.....هاد بيألك دكتورنا مسطول.....هاد بيألك دكتورنا ختيار مكحكح......هادي بتألك دكتورنا حكيو مش مفهوم......وهاد بيألك دكتورتنا خطها ما بينأرا.....وهاد اللي بيألك دكتورنا في وشّة!!!......وخود على شكاوي ومشاكل.......الله وكيلكم أصغر دكتور بالجامعة عمرو فوء السبعين سنة!!!!....إلا بعض استثناءات قليلة!!!!.....

وأفهم دكتور فيهم ما بيعرف السباط من رغيف الخبز!!!!


ومنشان ما كون ظالم......في دكاترة عظماء......والحمد لله معظم اللي بيفهمو من عنا من القلمون......
من مثل ناصر الخطيب......وأخوه أحمد.......وغيرهم.....



وبلا طولة حديث.......هاد لأنك محظوظ.....حجزت محل بنص القاعة.....شايف حالك أد الدنية ومانك سئلان......أما أذا شي يوم ضيعت هالبرنامج هاد....يمكن تلائي محل بأواخر القاعة....بعيد عن الدكتور بس شي 40 متر....ساعتها.....إذا نزلت عالبيت أشرفلك ......والله أشرف بكتير!!!!

المهم.....ونحنا أعدين عم نتحادث.....يتبلش العجئة......ولبينما تصير الساعة 7 ونص......بتكون على شوية جمدت من البرد.....وصرت إنت والكرسي المكسور اللي آعد عليه بوظاية!!!!وبس تصير 7 ونص.....صار لازم تروح عالقاعة......لأن إذا تأخرت.....ما بتعاد فيك تفوت من العجئة.....وإذا ما كان حدا آخدلك حجزك....وعلأت معو.....وكلتلك شي موس...بتكون ملك زمانك!!!!.....بتأعد محلك.....وبتنطر....وبتنطر.....وبتنطر......وبرضو بتنطر.....وكمان بتنطر.....هالنص ساعة بتحسها لا نهائية.....أد ما في برد......والحمد لله.....حُررت القدس......


إجا الدكتور.....دكتور .....من فوتتو بتعرف إنو مسطول.....ما فيها كلام......سحنتو والسرماية زي بعض!!!!!.....بيفوت.....وبتبلش المحاضرة ببهدلة ومشكل مع اللي آعدين بالصفوف الأمامية.....مسكرين الطريق عالوافدين الجدد.....اللي بدهم يفوتو....يأيبلو على محل......ومن ساعتهم يرجعو......القاعة مليانة...وفيها فائض!!!!!


وبلش المسطول ....عفوا.....الدكتور بالمحاضرة......بتأعد ساعتين زمان على كرسي مهرغل....أصغر تغوير فيه بيمرأ جمل!!!!......وإذا مرو هالساعتين على خير.....بتعتل هم .....معي ربع ساعة.....بين المحاضرة هادي واللي بعدها......بدك بربع ساعة......تؤوم من محلك....وتطلع من القاعة....هادي العملية وحدها.....بدها شي 40 دقيقة.....وبدك تروح تشتري منؤوشة.....وأنينة عصير....وتاكل....وترتاح.....هادي بدها شي ربع ساعة......وإنت معك لكل هاد.....15 دقيقة....طيب....ما أكلنا.....وما طلعنا من القاعة.....نطرنا ....إجا تاني دكتور.....وبلشت المحاضرة.....وهي ساعتين تانيين......بس خلص.....لزء بطنك بضهرك.....بدك تاكل ما في كلام.....يا بتاكل يا بتموت......معك كمان ربع ساعة....بس هالمرة....بتبلش تجهز حالك نفسيا من أبل نهاية المحاضرة بنص ساعة......بتجهز حالك لمعركة الخروج من القاعة......وإذا نجيت من المعركة.....وإدرت تطلع بدون إصابات.....بتروح ركد ومتل الصاروخ بتعمل برمة على الدكاكين.....بتشتري أكلك....وأنينة عصير.....وبوجك على مكان الوضوء.....بتتوضا.....وبتصلي الضهر وحدك.....لأن ما فيك تصلي مع الجماعة....بتتأخر عن المحاضرة.....وبتاكل بهدلة وبيكحشك الدكتور......وبعد ما تصلي بوشك ركد عالقاعة....وهوم مصيبة.....بيطلع إدامك 400 شخص عم يحاولو كلهم يفوتو من باب بيمرأ 2 رفاع مسرنكين من متلي!!!!!.....وراحت على شي نص ساعة لبينما الكل يفوت.......وراحت نص ساعة من المحاضرة.....بدو يعوضها الدكتور إنو يمشي متل الصاروخ.......لا بتلحء تكتب....ولا بتلحء تفهم.......هو إنت أصلا بالكاد شايف المكتوب لأن الطبشور بيفرط فرط......ومانك سامع......لأن المايكرو ما شاء الله.....جودة ولا أنقى!!!


بتروح على مقعدك.....وبتبلش المحاضرة....وإنت بدك تاكل.....وتنتبه.....وتفهم......وتكتب.....وتتدفى ....وتفرك إيديك.....بنفس الوئت!!!!!

[الزاهر]

مضيت المحاضرة......منرجع لمعركة الخروج......وإنت معك ربع ساعة....بدك تطلع من القاعة بدون أضرار.....وتروح ركد على مكان الوضوء....وتتوضى.....وتصلي العصر.......ومتل القزيفة ترجع عالقاعة......ومنرجع لمعركة الدخول.....ولتأخير نص ساعة.....وتتكرر أصة الحصص السابقة!!!
وأخيرا.....بلشت آخر محاضرة.....وإن بئي عندك شوية كاز......بتصبر....وبتؤول لحالك....يا ولد.....هلأ صرلك صابر 6 ساعات.....ما فيك تصبر ساعتين زمان.....وبتدلك عم توعد حالك إنو يالله.......هانت......ما بئي غير ساعتين....كلها محاضرة يا زلمة!!!!.....وبيمرأ الوئت.....كأنو كل ثانية دهر.....خصوصي بعد كل هالتعب......وإذا كان الدكتور من فريق المجانين.....بتلائي شي يسليك......بتضحكلك نتوفة......وديرك على إشارات السير.....وبزاء عالطلاب....وتلبيط......وحكي مناقض لبعضو.....وكلمات ما لها معنا.....ولك مين عطاه شهادتو ما عم استوعب.....!!!!






المهم......وإنت بنص المحاضرة.....بيكون أرب المغرب.....وبلش الجو يبرد من جديد........
ولبينما تخلص المحاضرة....بيكون باقي شي 5 دقائق للمغرب......






وأخيرا......خلص الدكتور......وشو بيصير يا حزركم......المعركتين اللي صارو بالسابق.....سلطة عجناب اللي بدو يصير.....400 طالب ميتين التعب.......بدهم كلهم يطلعو من الباب (اللي بيمرأ 2 مسرنكين زيي) خلال خمس دقائق......وهالدفاتر اللي عم تطير.....وهالبنات اللي عم تصرخ.....وهاد اللي تدعس عليه......وهاد اللي وئع عن الحرف.......مستحيل تمضي على خير!!!!!.....






خيييييييييييييييييييييييييييييييييييييييييييييييي. ......الحمد لله....طلعنا!!!!





وتوجهنا نحو بواية الجامعة.......بدنا ننطر التاكسي.....لكن الحمد لله.....هون بك تتعارك مين بدو يطلع بتاكسي....ما بك تنطر......حاصله......بتركب بهالتاكسي.......وبيكون المغرب أساسا مأدن من شي 10 دقائق.......وبتتوجه تزولا نحو التل......ونفس أصة الطلعة......مصيبة.....لكن هالمرة....في شي غير شكل.....في عجئة على مدخل المدينة!!!.....وأتحداك إذا بتوصل عالبيت بالقلمون أبل العشاء!!!...بتكون معجزة ربانية!!!!






بتوصل عالألمون.....وبتؤول يا ريتني ما وصلت....يا ريني عملت حادث وما رجعت.....بتوصل ميت التعب....بتوصل بيستقبلوك أهلك كأنك كنت مسافر شي 30 سنة......بتوصل إجريك مكسرين......بتوصل ميت الجوع....بتوصل عينيك مسكرين من النعس........بتوصل ويا ريتك ما وصلت.......بدك ترتاح.....وتتغدى......وتدرس.......وتروح عن نفسك......أكيد بالبيت.....
شي اسمو رفقة.....نساه.....شي اسمو كزار.....كمان نساه.......شي اسمو رياحة.....ما تفكر فيه...شي اسمو حياة.......ما في داعي توجع راسك.......بتنام......وعتلان هم بكرا......رح يتكرر الفلم هو ذاتو كل يوم.....كل يوم ......وكل يوم!!!!!






بتبلش السنة.....في 400 بالقاعة......وبيخلص الفصل الأول....بيصيرو 120....
280 طالب ...شي مات.....شي انتحر (على زماني في واحدة انتحرت....دكتورها صرلو عم يسأطها بمادة 3 سنين.....وهي متفوقة) شي راح على مستشفيات مجانين......شي انتبه على حالو شو عم يعمل ودبر راسو بشي محل تصليح سيارات......شي لئي جامعة تأنيه ولو متأخر.....





ومن هالـ 120 اللي بقيو للفصل التاني.....في 100 منهم بياخدو أدوية أعصاب....و40 من هادول فكرو بالانتحار شي 3 مرات......ومن الـ 120 في 76 معيدين!!!!
ومع نهاية الفصل التاني.....يبقى في بالقاعة ما لا يزيد عن 15 طالب!!!!!

هذه كانت تجربتي في كلية العلوم.....كنت طالب فيزياء......وقررت 3 مرات خلال العالم إني مستحيل بأي شكل من الأشكال إني كفي بهالجامعة.......وخبرت أبي بهـ 3 مرات.....إنو أنا مؤ فيني استحمل!!!......لكن.....في كل مرة....كنت افتح كتاب الفيزيك.....وتعجبني مسئلة.....فحلها.....وتعجبني اللي بعدها.....وحلها.....واللي بعدا...واللي بعدها.....وارجع غيير رأيي!!!



وبنهاية العام......ومع اقتراب نهاية الفصل التاني......وصلت لمرحلة إنو بلشت ارسم اكتر....بلشت ما أطلع عالجامعة......بلشت ما اطلع عالضيعة......بلشت اعتزل العالم......لكن والحمد لله....مع نيتي إني ارسب......وعزمي.....وهمتي على الرسوب.....ما بعرف كيف نجحت......كنت ادرس المادة ما بين أذان الصبح.....وموعد الامتحان......وأطلع أدمها!!!.....لكن بالنهاية........زمطنا!!!!!!!!!



هادي هي "المغامرة".......اللي عشتها......واللي رح يعيشوها طلاب السنة الأولى هالعام...والعام القادم......واللي بعدو وبعدو وبعدو........
الله يبعدكم عن هيك معاناة!!!!
بس بيني وبينكم.....الحأ عليي.....أنا اللي عندت وما أبلت إلا بدي فوت عالعلوم.....ولك يا بابا.....بلالك هالشغلة.....ولك أحي الجامعات كلها مفتوحة بوشك......ولا كنت اقبل.....إلا العلوم!!!!......خرجي.....تجربة صعبة.....لكن مهمة......وضروري الواحد تمر عليه ظروف صعبة........ليعرف قيمة النعم اللي الله عطاه ياها!!!!




دمتم بكل خير.....
والسلام عليكم!!!!

[الريس]

ولك يا عمي ما في حدا بالدنيا مرتاح ، قولوا الحمد لله ، واطلع بالناس يلي دونك ، في ناس من الساعة ثلاتة الصبح بروحوا على النكيش ، وفي ناس أفضل ، وفي ناس أسوء ، قول الحمد لله ، وعلى طول اطلع بالناس يلي حالتهم دون حالتك -طبعا فيما يخص أمور الدنيا- ، وبالنسبة لأمور الدين اطلع بالناس يلي هم احسن منك .

[الزاهر]

ولك الله يخليك يا ريس......عنجد بيشرفني تكون أول من رد على أول موضوع لي من شي شهرين!!!!

على كل.....أنا قلت في نهاية الموضوه هالشي....ولو بطرقة تانية
خرجي.....تجربة صعبة.....لكن مهمة......وضروري الواحد تمر عليه ظروف صعبة........ليعرف قيمة النعم اللي الله عطاه ياها!!!!
الحمد لله......الحمد لله....ولك كوادرليون الحمد لله!!!!

[دوكرة المعوكرة]

كلامك مزبوط 100% و كلنا عشنا هالعيشة المقرفة
بس انا كنت احسن منك كنت احمل اغراضي و ارجع عالبيت لما ما لاقي محل
نحن خلصنا من هالهم و هلق دور الصغار و الجداد
الله يصبرهم

[الزاهر]

ولك والله بس اتذكر هاديك الأيام.......ما بعرف كيف بحس......بضحك وببكي!!!!
وبتمنا ما حدا يشوفها!!!!!

[عبد الرحمن الفلو]

شبدك تؤول اذا جيت عفرنسا !!!

[عمار الفلو]

كتوب عن فرنسا يا ابن العم

بيفضفض و بتفيد الشباب ( معك خبرة سنة منها هينة يعني )

[الزاهر]

هلأ الموضوع.......مش إلي...مني محتكرو يعني....منشان هيك سميتو "يوم.....في حياة طالب!!!".....يعني ما سميتو "صفحة......من كتاب حياتي!!!"......منشان إذا حدا بيحب يشاركنا....فكوادرليون أهلا وسهلا!!!!

لا بل يا ريت حدا يشاركنا تجربتو!!!!......بالانتظار!!!

[عبد الرحمن الفلو]

[FONT='Arial','sans-serif']بعتأد انو اكبر مشكلة للطلاب اول ما بيجو على فرنسا هي التأقلم مع السكن. ما رح احكي عن مشكلة انو الواحد يقدر يدبر سكن او يلاقي حدا يستقبلو لأن بضل الواحد بلاقي حدا يستقبلو و ينام عندو. بس الشكلة الكبيرة و يللي بتصير مع كل الطلاب انو بيكون طالعلو غرفة بسكن الجامعة, بروح تياخد الغرفة و يحط غراضو و يرتاح , بيفتح الغرفة و بينصدم اد منا صغيرة. يعني تخيلو 10 متر مربع!!!!!!!!! هلء كل واحد عم يقرأ يقوم يقيس 2.5 م * 4 م و يتخيل انو هل الغرفة يلي كمان فيا تخت و مغسلة و خزانة و بس و الباقي كلو مشترك!!! بدو يقعد فيا, بعد ما بيكون معود (شدة عل الواو) عالغرف الواسعة ببيت. و ما معو وقت بالأول تحتى يغير يعني بدو يتأقلم غصبن عنو. [/FONT]
[FONT='Arial','sans-serif']يتبع... [/FONT]

[الزاهر]

اللـــــــــــــــــــــــــــــــــــــــــــــــ ـــــــــه يعينكم........
ليك......عملك شي زيارة لسامر ليعلمك فنون استغلال المساحة!!!!!
لوووووووووووووووووووول!!!!

وشكرا جزيلا لمشاركتكم.......!!!!!!
وركب ورا الباب كم رف.....بيصير عندك خزانة......بتكون مسكرة بس يكون الباب مفتوح!!!!

روح روح لعند سامر......هو عندو خبرة!!!!

[عبد الرحمن الفلو]

شكرا يا اخ زاهر و ما في داعي لسامر لأني هلء عندي غرفة كبيرة و بألبا كل شي, مع انو سامر بضل عندو افكار ما بتخطر على بال حدا . عرفت قصدي يا سامر.
و لازم نطلب من كل الشباب يكتبو و خاصة يلي جايين جديد متل أيمن

[الزاهر]

والله يا هلا بالجميع!!!!
يالله.....شدو همتكم......لأن اللي بيخبي بألبو......بيزيد همو!!!!


مشكور زعيم......

[shanzimer6]

السلام عليكم:
تعو تننتقل من العلوم_ الجامعة اللبنانية_ القبة إلى ال CNAM_ الجامعة اللبنانية_ أبي سمراء....ونسمع شممكن يزعج الطالب ويقهرو.

كنتم قد أمضيتم يوماً في العلوم مع أخونا قطر الندى, بس أنا قصتي, رح حاول تكون مختصرة, بس المشكلة اذا بالعلوم التاريخ يعيد نفسه كل يوم, عنا كل يوم شكل. بسم الله....

كنت هاديك السنة, ومتل كل العالم, معجوقة منتقلة من شي اسمو مدرسة إلى شي جديد اسمو جامعة.شو هالعزّ... صرنا متل العالم, ما في نظام مدرسة, ما بتلبس مريول, ما في فرصة,و.... كتير معجوقة خلصت مدرسة, ودرس يومي, يلا طالعة جرب الجامعة, اعمل يلي بدي ياه, ما ادرس كل يوم, ما عندي إلا مسابقتين كل السنة....نصحوني بهالجامعة, ورديت عالبابا وفتت عهالجامعة المحترمة_ كيف منا محترمة وبيطلعلك شهادتين: واحدة لبنانية والتانية فرنسية_.
المهم...ولما بتكون بأمس الحاجة لعالم بتعرفن في مكان جديد, وغريب, وبتتونّس بالقلمونيين, واذ برفقاتنا الشباب بيتركونا بالجامعة أول يوم وبينزلو _الله يسامحن_ المهم...صار ما صار ورجعنا عهالبيت في أول يوم من التعارف والانفتاح.
بشكل عام, جامعتي موجودة بمدرسة (طابق رابع) _طابق ويا دوب سايعنا_في مفرق ودنيا مقطوعة, بدوام سوبر, أبّهة, بتستحلي تتسجل فيا. الدوام بعد الظهر يعني الواحد بالأول بينبسط بيكفي النومة, بيدرس بكير, و...بيرجع بيطلع, ومنخلص ماكسيموم عال7. هدا الشي كان جديد عليّ, الا اني تأقلمت مع الوضع, وهل المرة منو بإرادتي لأن مجبورة والا بتروح عليّ, المواد ما بهن شي, منن كتير صعبين, بيدرس الواحد قبل البرسيال بيومين, وقبل لفينال بأسبوع وبيمشي الحال وبتنجح وبتجيب علامات حلوة ( اللهم اذا كنت متابع بالصف, منو متل الأطرش بالزفة).

ثم بالفصل التاني, أولو بتهلك تتسجّل, بترحلك 100 مشوار ميشان تمضي شأفة ورقة...كل دكتور عندو دوام, وشي بيجي من بيروت تيعلمك, فما فيك تفرض علين الدوام يلي بيريحك, بالعكس انت بدك تلتزم, والا كمان بتروح عليك.فبيطلع الدوام يلي كان بعد الظهر, قبل الظهر أحياناً لحد ال7 أحياناً.
فما في مشكلة, وما في أدة حلوة القعدة هونيك, تمام...
المهم مننجح أول سنة ومنطلع عالسنة التانية بنفس طريقة الدرس للفصل الأول. آم بيطلعولك بفنّوكة جديدة (تعمل ستاج) 3 أشهر كل سنة لأن مجبورة أعمل 9 أشهر ب3 سنين تحتى اتخرج.وانت بتبرّم عليه وبترجع بتدفعلن حقو ميشان يعادلو credit ...
يعني بصراحة, ما في غير بأ المصاري بهالجامعة. صرنا سنة تانية والحمد لله, الدوام غير شكل, كان بعد الظهر صار كل النهار, تقول عم اشتغل بشي مستشفى يقولولي بعرف حالي ساعتا, بس...يعني كان لازم روح عبيروت جيب إفادة سكن بالجامعة, وكمان بدا روحة عند Sleep comfort نؤمن فرشة للاقامة المؤقتة بالجامعة.

صرت بشوف شوفيرية التاكسي والدكاترة وتلاميذ الجامعة والبوّاب أكتر من أهلي ورفقاتي.
بالنسبة للأكل, ولا يهمك تنظيم غذائي مميز بشكل ما يبقا لحمة ععضمة, وكمان الشرب, الصلاة....في عنا مصلى كتير صغير, ما بيرتاح الواحد أبداً, ما بتلاقي غير انخبط هالباب جاية شي شب يصلي, وياما مصبّرة عباب المصلى ناطرة يطلعلي دور تصلّي, وكمان أكيد ما في تركيز بالصلاة,,,عالعجلة تتلحق ويلحق غيرك...وينك يا بيتنا؟اشتقتلك....
بالنسبة للأكل, في كازينو_ قصدي كافتيريا_ بكروم الزيتون, قريبة من الجامعة, فيك توصي عنفس أركيلة ومعسّل....كمان يمكن تضطر تضرب صحبة الدكتور ميشان اذا تأخرت عالصف يخليك تفوت....

عم قول صف, منو قاعة, لأن الشغلة الوحيدة المنيحة انو ما بيتغير عليك الجو كتير, متل بالمدرسة, ولا يكاد يتجاوز عدد التلاميذ ال 60 بالماكسيموم, والدكتور إدامك مجبور يضل يعيد حتى الحيط يفهم....ونرجع لموضوع الصلاة, ما بتعرف عأي أدان بدك تصلي, بيأدن 100 مرة....

هلأ اذا دوامك بكير, وخصوصاً بهالمدرسة, مدرسة جورج صراف يلي فيا اكتر من مدرسة مجموعين فيا, أيمتن ما جيت بتلاقين بالملعب أو مصروفين,,,يا ريتا كانت عإيامنا....
هدا بالنهار, اما بالليل, واذا كانت منا مقطوعة الكهربا, قول الحمد لله وخلي أبوك يدبحلك كم خاروف انو مضيت عخير وما وقعت عالدرج...أما اذا كانت مقطوعة, أوّي ذاكرتك واحفظ عدد الدرجات, اتّكل عالله وامشي, أو جيب معك ضوّ....هدا عالدرج..

من جهة تانية, الدوام هوا عندي أكره شي, لأن في كتير فراغ بين المحاضرات..فبضطر انزل عالبيت ارجع اطلع مرة تانية...وهذه الحالة هالفصل جاية 3 مرات بطلع وبنزل برجع بطلع وبنزل, وأحلى شي تطلع بالمرة التانية فبتلاقي الاستاذ غايب....

لما بتكون رايح بعد الظهر بتلاقي العالم راجعين, ولما لازم تنام, لازم تكون مفتّح راسك ومنتبه بالصف والا.....فلما بيكون عندي عالساعة 8 بكير, بكون منا سايعتني الدنية, رايحة مع العالم, منو وقتا راجعين....يعني كل الأجواء للدراسة مؤمنة ...

وأخيراً, لما بشوف " القلمون ترحب بكم", انفتحت بواب الجنة ادامي,....أحياناً ما بيطلع دوامك عدوام رفقاتك, فبتعذب أيوك يطلع يجيبك....

بوصل عالبيت أخيراً, عالباب....طبل وزمامير....
استقبال حار جداً,
هجوم عالصحن, بارد ولا سخن....
نص ساعة ماكسيموم صرت برا مع رفقاتي, بتبرّا من كل شي اسمو جامعة ودرس وورقة....

ما تؤاخذونا عالطولة.....
والسلام عليكم

[Nader 3:16]

بسم الله الرحمن الرحيم....

رح ؤلك يا زعيم زاهر ...كيف كنت انا و الشباب نقضي ايام الفصل التاني من السسنة الاولى في العلوم....

هادا يا سيدي بعد ما نجحنا بالفصل الاول بعلامات جيدة و الحمد لله ...الت مروتنا عالدرس...كتيييييير و شوفوا شو كنا نعمل...

كان يجي لعندي احد الاخوة الساعة سبعة و نص ....احياناً كانت تفتق معنا يكون الطقس حلو للصيد فكنا نعطّل عن الجامعة...

المهم كنا نوصل نوقف taXI من القلمون يأعد ينطّرنا شوية صغير و يمشي ...نوصل على موقف القبة و العالم والتلاميذ فوق بعضها ...ندلنا شي 10 دقايق ناطرين يطلعلنا محل باسيارة....

نوصل عالجامعة تكون اول محاضرة مبلشة او باقيلها شي دقيقة تتبلش...نحضر اول محاضرة...و بعدين نطلع نشم شوية هوا من هواء القبة الجمييييييييييل ...فدائماً بيخطر بال عالشباب انهم ينزلوا عالضيعة و بكون باقي شي 3 او 4 محاضرات...قال نازلين بدهم يتصيدوا...المهم ياما مقفيين محاضرات..

بتذكر انو في دكاترة شايفهم مرة او مرتين....
كنا دائماً نلاقي سيارات بالنزلةلأنو دائماً نازلين عبكير
ولكن في النهاية نجحنا و الحمد لله....

فما رح طول عليكم...الله يقويكم و يعطيكم العافية

[الزاهر]

ههههههههههههه.......أوووووووووووف........كل واحد عندو كصيبة من جهة يا أرايبة
من عندك بيجيه الواحد تعب جسدي........ومن العلوم بيجي الواحد التعب النفسي......والعما......والصرع......وال....والـ... ...والـ......
على كل.......كلو بيفيد......ليتعود الواحد عالصعوبات!!!
الحمد لله

[shanzimer1]

السلام عليكم..........
والله يا ارايب اسّا كم يوم وبطلّع شي كتاب رح سمي" مأساتي في العلوم".....
وما رح أعرف من وين بدي ابلش ولا كيف بدي خلّص اذا بلشت!!!!!!!!!!!!
بس رح قول كم كلمة بس انو آخر امتحان قدمتو فتّ عالقاعة وانصدمت صدمة عمري ....
كل اللي حولي كانو كببباااار وشعرن شايب ...........ولك ما بعرف شصابني يومتا ........
كرجوا دموعي.....وقلت يا دلّي اذا بعلّق متلن؟؟؟بس الحمد لله هدي المادة نجحت فيا...والله ريّحني ...عقبال الباقيين......

سلام

[محمد أحمد الفلو]

زكرتوني بالعلوم !!!!!! أو كلية الهموم
أنا أول ما بلشت أطلع عالجامعه كنت مهتم وبدي إنجح وبس( كنت حس إنو عالحفه بيكفي كتر ما هشام كان يهولي عن العلوم !!!)
في مره ما كنت عم إقدر ركز من الشباب ورايي
طلبت منن يسمعونا ، قام العبد قلي:
شو جايه تتعلم ؟ هالي جايه يتعلم بيقعد قدام
وبلش يعطيني دروس تيئيس .... لعمى ما أشطرن بالتيئيس

وأنا كنت بالبنك 15 يمكن

أما على سيرة فرنسا
متذكر إني لما رجعت من تولوز دلاتي حس الغسله بالبيت قد المغطس

كتر ما كانت المغسله زغيره بالسكن الجامعي
مابتسع إجر نمرتا 40 شحال بال 46

[almoghtareb]

السلام عليكم
لا تذكروني بالعلوم (العلوج) لان شو بدي اتذكر منك يا سفرجلة كل عضة بغصة
الاخ زاهر عم يحكي هلأعن العلوم من بعد ما كتير ظبطوا
ما كان الاخ زاهر وقت كانت المية تتجمع على البوابة ويحطوا كم خفانة ودولاب لحتى الواحد يقدر يفوت .....ما كان وقت ما كان في شي اسمو زفت بالجامعة.....
ما كان وقت كان السقف بيشر مية بي قلب القاعة...وارض القاعة كلها مية
مرة بذكر انو ابي سألني كنو ماشي حالي بالجامعة ف ألتو ماشي الحال حاطت ايديي و اجريي بمية باردة وفعلا كان وقتا في شتا كتير فوصلت مأخرفلأيت مطرح بالزاوية وكان السقف عم ينقط و تحتي بركة مية باردة

[almoghtareb]

بتذكر عندي رفيق عمل كم سنة تجنيد بالعلوم لأن العلوم متل التجنيد قليل ت تلاقي شب منو عامللو سنة فيها راجع تارك
رفيقي هاد راح يتعلم بي فرانسا فلما عميسألو الشباب عن جامعات فرانسا الن انو ربنا رح يرحموا وما يعذبو بالنار......أالولو ليش عم تحكي هيك ألن لأانو فات على نار الدنيا (أصدو العلوم) ويلي فات على نار الدنيا مابيفوت على نار الآخرة....قد ما شاف في فرق

[kata2eb]

تركت محل الفراغ ميشان تعبوا بأش ما بدكن

طلعنا عا العلوم أول يوم وشفنا العجب

فتنا للصف وإحزروا مين طلعلنا يا أبناء العلوم

شلهوب
من أول يوم ألت مستحيل إنجح

بعدا فاتت عبير نور , حسيت حالي عند عيشة (حكي قلموني خالص)

وبلشوا الدكاترة من كل حدب وصوب يجو لعنا

هادا قبل الtd

أول ساعة td فات الدكتور نزيه كبارة (نتيه)فما إعرفت إذا كنا بلبنان أوباليابان

لأنو كلماتو متل كلمات الكراتي فصرت قول ouss كل ما فهمت كلمة بس للأسف قلتها

عندما قال الله يعطيكن العافية

فبدي اسالكن يا شباب العلوم كيف نجحتو؟؟؟؟؟؟؟؟؟ الله يخليكن

[moustafa]

أنا قصتي كتير صغيرة.... بتعرفوا ليش؟؟؟
لأنّ قصتي هي بذاتها قصة shanzimer6 بس بدل (معجوقة) معجوق و (منتقلة) منتقل و إنتوا و ماشيين.......
الله يعينّا ...... بس أنا عندي شويّة زيادة على القصة...
عنّا كلّ مادّة أحلى من التانية .. يعني بتفكّر حالك فايت بشي جامعة بروسيا (تصنيع كمبيوتر) العمى...... ما بنفهم شي.... و ركّزو على كلمة ما بنفهم , أنا ما قلت ما (بفهم)
لأنّ كل ّ الشعب ما عم يفهم على الدكتور... و المشكلة منها من الدكتور.. لاء الدكتور رائع و أداؤه رائع أيضاً بس ما بفهم... كيف هيك ما بعرف....
و القصة الأكبر إنو لو مادة واحدة كنا قلنا آه معليش.. بس المشلكة إنو شي 4 من أًصل 6 مواد ما بينفهم منها شي....

[shanzimer6]

السلام عليكم:

إهداء لكل طالب كان أو ما زال أو سيكون يوماً في رحاب العلوم....

وينهي الطالب الثانوي

نشيطاً مفعماً حيوي

ويوصي الوالد الابنا

بنيل العلم كي يهنا

ويختار العلوم له

لأنّ القسط يعجبه

ويأتي طالب العلم

إلى التسجيل في يوم

فيا عجباً من المنظر

كأنّك بت في المحشر

وكلّ يدفش الكلا

فيغدو الجسم منحلا

وتنزوط العيون ولا

مفرّ هناك أو حولا

وينقطع الهواء أخي

مع التدفيش والسلخ

وأقضي الوقت منتظراً

بوسط العجقة الكبرى

فويلي ثم شحاري

متى ستكون أدواري

وإذ بعد ساعات

وتدعيس وضربات

توقفت تسجّلت

وتلميذاً هنا صرت

وكان بذاك تدميري

وتشحيري وتعتيري

بأيّ خطيئة قمت

وأيّ خرابة جئت

كثير ما نعانيه

من التشريد والتيه

ألوف الناس في الصف

ترى الكتف على الكتف

فذي القاعات لا تسع

وحلّ بظهري الوجع

من الكرسي والمقعد

إذا حركته أرعد

ودكتوري يحدّثني

حديثاً كله صيني

فشرح الدرس لا أسمع

وخط اللوح لا أقشع

وذي الكورات فشكلة

وتعتير وبهدلة

وتخرج آخر الدرس

طرشت عميت مع خرس

فكيف نجاحنا نلقى

ونحن بهمنا نشقى

وقالوا جاءك الزفت

وظنوني لذا ارتحت

غداً يتساقط المطر

وتلقى الزفت ينقشر

يعود الوحل للركب

فيا ويلي ويا تعبي

فنصرخ حينها" تيتي

كما رحلت قد جيتي"

ولكن ما يواسيني

يخفف كل أحزاني

هم أنتم أيا صحبي

رفاق العلم والدرب

فأنتم بسمة العمر

وأنتم طلة الزهر

ونجم شعّ وهاجا

ونور فاض أمواجا

وأنتم عطرنا الزاكي

وورد دون أشواك

فأهديكم سلاماتي

وفيضاً من تحياتي

أحيّي كل أحبابي

ورابطةً لطلاب

على الخيرات تجمعنا

إلى العلياء ترفعنا

وأدعو ربنا المولى

يديم لقاءنا الأحلى

بكم يا طلعة البدر

وشمس الكون في الظهر

إعداد: بشار إسماعيل

[دوكر]

يا هلا بالست شانزيمر.........
يعطيكي العافية ع هل النءل ......انا و عم ؤراها كنت عم ؤل ءصيدة سامعا......و عم اسأل حالي وين........ت حتى شفت المؤلف......يا هلا بالمعلم بشار اسماعيل........و لك وينك يا زلمة ....ؤلولنا انك روحت ع فرنسا........كوما سفا؟........تحية مني لاك يا معلم.....
اه اه ....ايام ........عنجد رغم كل هل المصاعب لي بالعلوم......كنا نلاءي انو لها نكهة تانية......فيا روح حلوة...........
المية لي بطنإط عليكي من السأف........هههههههه........
احلى الشي وءت لي بدك تؤرا وين طالع ....بأيا قاعة بالامتحان......بدك تجي ابل ستة ايام....و في عالم كانت تدوخ.....هههههههه.....ؤل تأخر ع الامتحان....اسا ما لءي اسمو...ههههههههههه.....
اسا النتائج....بعد شهر طل ت تكون خفة العجءة.........
اه اه........
يعطيكي العافية
اخوكم دوكر المعوكر...........

[الزاهر]

هههههههههههههه........هادي هي كلمة استقبال الوافدين الجدد كل عام.....

على فكرة.....عأيامي......كان في بالسنة الأولى 1500 طالب بكل الفروع......هالسنة....آل تجاوزو الـ 2500......على حسب المعلومات اللي سربلنا ياها صاحبنا بشؤون الطلاب!!!!

شوفو هالكم صورة من السنة الماضية لنشوف:



أووووووووووف على أيامك أوف.........هالسنة....بيطلعلنا درزي.....بيأرفنا حياتنا.....والسنة الاولى شلهوب عم يشلهبهم تشلهب!!!!!

هاد يا زغرتية.......هيك كنا نأعد بالعلوم......كنت يومها آعد ومنتكي العحيط من تاني ميلة من القاعة.....بالمناسبة بعتقد هادي الـ T1 للي عملو سنة تجنيد بالعلوم أو انخرطو بقواتها المجوقلة لأكتر من عام......القاعة معدة تساع 120 طالب......كنا يومها بحدود الـ 210 طلاب......تخيلو!!
وهادي تعد من قاعات العلوم ذات الحجم الصغير!!!!



هادول المقاعد اللي كنا نأعد عليهم....كل يوم.....مدري كم ساعة......هلأ والحمد لله صارت فيها مقاعد جديدة......وصار اسمها قاعة دراسية...بس لساتها نفس الحجم.....يعني اللي ما بوصل الساعة 6 ليحجز......لو يأعد بالألمون كان أقربلو عالدكتور!!!!



وهادي الصورة كانت مع بداية الترميمات.....إذا ملاحظين كانو شايلين كم صف مقاعد من ادام......ويظهر في الصورة الأخ أنس ملاط.....واحسن شب بكل المنية حافظ محفوض و2 من العمال......

شوفو اديش اللوح أريب......ههههههههههه!!!!




وهاد وئت عملنا اعتصام لأن بدن يحشرو بالقاعة أد ما بتساع عمرتين......ويظهر في الصورة أكتر شب آدمي بالتل عبد الله قاسم.....وزميلي في المختبر شادي الخطيب....(منو من القلمون....ما حدا يفكر يعني!!!!).....والدريس أيمن......والمعلم حسين المناضل في شؤون الطلاب......ما فيني عدهم كلهم......

يالله.....مشكورة اختي الإسراء......والسلام عليكم

[دوكر]

يا هلا بالمعلم زاهر .......يا ويلاي ....كيف راءيع هل الصور..........كتير حلوين.....ازا عندك اسا حطلنا.................و لك ياويلاي .........كأني ؤعد بالقاعة هلأ و الدكتور عم يشرح...............ليك كيف ؤعدين فوء بعضون.....هههههههههههههه......حلوين........
يعطيك العافية..................

[shanzimer6]

تكاثرت الدروس غدت تلالا
وذهني من تكاثرها تلالا


وجامعتي تزيد هموم عيشي
وترمي صوب أحلامي النبالا


أساتذتي عباقرة ولكن
إذا شرحوا فلست أعي مقالا


وإن أشكو إليهم ما أعاني
أرى غضباً لديهم وانفعالا


ويلقون إتهامات جزافاً
على التلميذ يلقوها وبالا


يقولون:" العلوم ديار جدّ
لأهل العلم ليست للكسالى


بكم صارت خراباً أو مزاراً
لعشاق يرون بها جمالا


وضيّعتم جهود الأهل ظلماً
وتفريطاً وهدراً وانحلالا


فما أنتم تلاميذ ولكن
شباب صاع في الدنيا وجالا"


أساتذتي الأفاضل أعذروني
فصدري ضاق والصبر استقالا


أتيت إلى العلوم أروم نفعاً
وعلماً لا جدالاً أو سجالا


ولكني صدمت بها وضعت
وأحلامي بها صارت خيالا


فمشكلة العلوم هنا أراها
مناهج زادها الدهر اعتلالا


زعمتم أنّكم غيّرتموها
وأنّ الدرس للتيسير مالا


وأنّ نجاح طلاب العلوم
بأيديهم, فأحسن منه فالا


فإذ بدروسنا تبقى هموماً
وتهتف للرسوب بأن تعالا


فلم يطرأ من التغيير شيء
سوى أسماء بدّلت احتيالا


وإن صلح المعلم والكتاب
وأبدى طالب العلم امتثالا


ينال مع الدروس أذىً وسقماً
يهدّ الجسم أو يردي الغزالا


فإنّي جئتها وخرجت منها
بضيق تنفّس وزد احولالا


فعذراً يا أساتذتي وأهلي
إذا ما الشرح عن حالي استطالا


ولكني فجعت ورغم أنّي
طلبت العلم لم أطلب محالا


فجامعتي تريد شباب عزّ
يرون العلم كسباً أو نضالا.

إعداد: عبد الرحمن قلاوون.

[Ouss]

منيح ما بو شي هالشعر ...مأبول ..

عم إمزح ..كتير كتير عجبني هالشعر ..يا ريت كل الأشعار اللي عم تحطوا تكون موزونة متلو ...بركة بفيء فشلان ...وإذا ما فاء أنا بعرف كيف بفيأو...

[محمد أحمد الفلو]

تحية إلى كل مناضل في سبيل العلم على أبواب كلية العلوم... متجاوزا بحيرة البوابة في الشتاء ... مستحملا جلوسه على ألواح أتي بها من فرن عيشه للكتابة عليها... وإلى الجيش الذي كان يطربنا بالموسيقى العسكرية صباح كل إثنين

تحية إلى كل دكتور ذاق المر في تحصيله للعلم , فأذاق طلابه الأمرين
تحية إلى من لا يعيرك انتباهه في حرم الجامعة من دكاترتك ... ثم تراه في الشارع والمسجد والمقبرة و ....و
تحية إلى كل دكتور يحدثنا عن تراجع مستوى الطلاب ... ثم نكتشف مستواه عبر طلاب تمكنوا من الإطلاع على علاماته حين كان طالبا .... وهونيك شوف ملا مستوى

...
.........
..............


وأخيرا تحية إلى أخي وسيم الذي قال عنه أخي هشام بأنه كسر بريستيج الدكاتره ... ونحن بإذن الله على خطاه سائرون بإذن الله

[shanzimer1]

تحية إلى كل مناضل في سبيل العلم على أبواب كلية العلوم... متجاوزا بحيرة البوابة في الشتاء ... مستحملا جلوسه على ألواح أتي بها من فرن عيشه للكتابة عليها... وإلى الجيش الذي كان يطربنا بالموسيقى العسكرية صباح كل إثنين

ولك مو تحيّة واحدة ولك تحايا !!!!!!!!!!!!!!!! ما هيك يا ارايب (حميطون)...

يا ارايب (زاهر) شايف هدي القاعة F والله صورتا ما رح تروح من بالي لحدّ آخر يوم بعمري.....لأنو لي ذكريات سعيدة فيّا كتييييييرررررررر..........

بيوم من الإيام كان عنّا امتحانات .........وأنا طلعت بهالقاعة....واذ فجأة ً نحنا وعم نحلّ .....بتبلش بنت تولول و تنطّ .........كانت أريبة منّي .....أيشي القصّة يا حزركن؟؟؟؟
بسسسسسسسسسسسس طلعلا فأأأأأأأأأأأأأرة حلوة عم تكزدر تحتا....يعني بتكزدر نتفة بعدين بتروح بتتخبّا تحت المدرّج....والمراقبين ما حدا انهزّ منّن ....والمراقبة ركدت وعربشت عالمدرّج اللي بيوقف عليّ الدكتور وبلشت تنظّر علينا....وكأنّا هيّ منّا مصفرنة ومبربعة....ما في شي محرز....كلا شأفة فارة ظغيرة.... هلأ بتروح!!!
كفّو كتيبة..

فشوفو العزّ اللي عايشين فيييييي!!!!!!!!!!!!!!!!

[Nader 3:16]

ههههههههههه

اول قصيدة كتييييييير حلوة !!!!!!!!!!

دوووووووووووووع لكل الدكاتره ...ما عدا وسيم فلو

[الزاهر]

إنو إنتي مفكرة كل جامعات العالم حصلهم الشرف بإنو يكون فيهم فيران.....ولك اشكري ربك ألف مرة اللي سخرلنا هيك جامعة نطلع عليها!!!

أما بالنسبة للقصيدة.....صراحة شي روعة......وبتستاهل اراية 3 مرات بعد الـ 3 مرات الأولانيات!!!!.....شكرا جزيلا!!!

[Nadine]

إهداء لكل طالب كان أو ما زال أو سيكون يوماً في رحاب العلوم....

كتير حلوة القصيدة ذكرتني بإيام الجامعة. مشكورة يا ارايبة على نقلها.

ومشكور يا اخ زاهر على هالصور .

[shanzimer1]

إنو إنتي مفكرة كل جامعات العالم حصلهم الشرف بإنو يكون فيهم فيران.....ولك اشكري ربك ألف مرة اللي سخرلنا هيك جامعة نطلع عليها!!!
أولك هيكة يا ارايب!!!!!!!!!!!!!!!!!!
أنا خبّروني اللي قبلي انّو لازم كون ادّ حالي وإلا بيدعسوني بالعلوم!!!!!!!!!!!!!بس ما حدن حضّرني نفسيّا ً انّو لازم صير أدّ حالي ودعّس فيران؟؟؟؟؟؟؟؟؟؟؟؟؟
هادي آخرتي ؟؟؟؟؟ملاااااااااااااا شغلة!!!!!!!!!!!!!!!!!
عكلّ الأحوال أنا نسيت اتشكّركم عالصّور والقصائد.........
مشكورة يا إسراء عالقصائد.....كتيييير حلوين ومعبّرين............
موفّقة بامتحاناتك إن شاء الله الأسبوع الجاية............
مشكور يا زاهر عالصّور .............ما شاء الله واضحين ومعبّرين.....
كمان موفّق بامتحاتك ان شاء الله..............
يلا يا جماعة شدّوا الهمّة ....وفرّحونا بنجاحكم....
سلام لنادين .........

والسلام عليكم ورحمة الله تعالى وبركاته

[shanzimer6]

أخيراً نجحت من الترمينال
ونلت الشهادة بعد احولالي!
وأضحيت أبحث عن جامعة
تنمي العقول تكن نافعة!
فسرت لأرض العلوم سريعا
لعلي ألاقي نجاحاً فظيعا!

فإذ بالعلوم لها موقع....
توسط قبتنا, فاسمعوا!
هواء وماء وأشجار كينا
وفي الباب أمن ليحم العرينا!
أمامك موقف سير وتاكسي
وباعة كعك وفول وبابسي!

دخلت فيا هول ما قد رأيت
مناظر منها أخيّ جننت!
تلاميذ كثر تفوق الألوف
بباب صغير تحوم تطوف!
فرحت أدفّش لكن معست
وتحت الصرامي عزيزي دعست!
وبعد الجهود أخيراً وصلت
ووسط الخراب صديقي حللت!

فأرض الصفوف حديد يرنّ
إذا ما مشيت عليه يطنّ!
وقد حلّ في كل جسمي الألم
من المقعد المتناهي القدم!
فتلك المقاعد من عهد هتلر
إذا ما جلست عليها تهرهر!
فمن خشب التختخان أعدّت
ومنها الظهور حبيبي هدّت!
وتهوي عليك قشور الدهان
وماء الشتاء يروّي المكان!
فتنمو المزارع وسط الرؤوس
ويغدو النبات مكان الدروس!
وأما مكيّف صفي الحبيب
فشيء عجيب وأمر غريب!
قديم عتيق إلينا وفد
شروه عتيقاً بسوق الأحد!
وجوّ الدراسة عندي عدم
ففي قاعتي مليارات الأمم!
وفي كل صف لدينا المئات
كمثل الملاعب والسينمات!

إذا ما جلست بصف أخير
فكل الشروح عليك تطير!
وشرح الدروس فلن تسمعا
وخط الشروح فلن تقشعا!
وتلمح شخصاً يكاد يلوّح
فذاك المعلم معطي الشروح!
كلام المعلم كله صيني
ومنه أخيّ أموت أعاني!
يقول كلاماً غريباً عجيب
فهيهات نفهمه يا حبيب!

ذاك الجميل البديع من ال cours
يصيب عيونك عمي سريع!
فخط صغير تراه بال loupe
بعصر الطباعة وال photocopie !
لذا صار درسي شيئاً عسير
ومنه جميع العقول تطير!
ولا فهم يأتي مع ال TD يات
فيغفو الشباب تنام البنات!
وحدّث أخيّ عن المختبر
وكم مرة كاد أن ينفجر!
وإن ما سألنا لماذا انفجر
يقولون هذا قضاء, قدر!

[shanzimer6]

شهور مضت وأتى ال partielle
فتابعت درسي ولما أكلّ!
وضاعفت جهدي برغم المآسي
وسوء الشروح ونقص الكراسي!
حفظت جميع دروس ال physique
كذا قد فعلت مع ال matmatique !
مواد ال biol صديقي بصمت
و cours ال chimie يا أخي قد بلعت!

ورحت بليلي أقوم أصلي
وأدعو لأنجح في ال partielle
ويوم امتحاني صعدت صباحا
وكلي عزم لألق النجاحا!

وجاءت مسابقتي فكتبت
ألوف السطور وقلت نجحت!
ورحت أبشّر بابا الحبيب
بأنّ المئات ستغدو النصيب!

وعند النتائج كدت أشلّ
علامة درسي zéro مذلّ!
أخذت أحدّق كالأهبل
وصارت عيوني كالأحول!
وعدت إلى البيت مثل الخروف
وأخبرت بابا بهذي الظروف!
فناولني بالعصا والصرامي
وماما بمكنسة من أمامي!

وقالوا بأني إذا ما رسبت
ضربت, معست , وثم شنقت!
ففكرت كيف يكون الفلاح
وعند ال finale أنال النجاح!
فقررت تجهيز نفسي صديقي
بروشتة كي تنير طريقي!
وقلت بها سوف ألقى المنالا
ويضحي الرسوب لديّ محالا!

ولكن صدمت بأن جاء قربي
ففتّش يشبه ضبّاط حرب!
ولذّ له قرب أنفسي الدخان
وأعجبه قرب رأسي المكان!
وشكّ بأن لديّ الروشيتا
فزمجر فوراً ورندح صوتا!

تأهب فوراً وأمسك عنقي
وراح يحاول قتلي وشنقي!
وصادر زادي دليل اتهامي
وقال سريعاً تفضل أمامي!
ومزّق أوراقي الفارغات
وحلمي بالفوز ولى ومات!

فرحت أفكّر ما أعمل
فقدت النجاح فما أفعل!
تذكرت بابا بوقت الغضب
وكيف سيضرب دون تعب!
وقررت أني إذا ما بقيت
بأرض العلوم أكون جنيت!

غداً أتخرج بعد المشيب
وقل صار ابن رفيقي طبيب!
وأعطى الشهادة قد صار عمري
80 عاماً وأحني ظهري!
فساعتها ما ترى يفعل
عجوز ضعيف وقل أحول!

فمن ذا يوظف شخصاً كهذا
ومن ذا يزوج بنتاً لهذا!
لذا سوف أترك هذي العلوم
مقرّ الرسوب وأرض الهموم!
أروح وأقصد سوق الخراف
وأتباع أغنام رعى ظراف!
وأترك هذي العلوم سريعا
وأذهب فوراً لأرع القطيعا!

فأرعى الخراف بأعلى التلال
أعيش سعيداً بوسط الجبال!
لذا فاسمعوني إذا ما نصحت
وسيبوا العلوم كا قد تركت!
وهيا بنا أختنا وأخيّا
لنرع خراف القطيع سوياّ!
ونترك أرض العلوم سريعا
وترتاح منا جميعاً جميعا!.

تأليف: بشار إسماعيل.

[دوكر]

يا هلا بالست شانزيمر سته.....
حلوين هل القصائد.....مبدع المعلم بشار .....يسلمو لأنك عم تحطيلنا هنا .....
يا ويلاي ايام العلوم....
يعطيكي العافية ....
اخوكم دوكر المعوكر....

[الزاهر]

آه...........أنت أول يا ويلاي على أيام العلوم.............ونحنا منتحسر عحالنا!!!!



بارك الله بك أختي على هذه القصائد.............هاد اسمو عزف عالوتر الحساس!!!

[shanzimer6]

السلام عليكم:

أرجو من المشرف الكريم أن ينقل هذا الموضوع إلى موضوع :" يوم في حياة طالب".... لدورانه حول نفس الموضوع....
وشكراً...

[الزاهر]

يا هلا بالضيوف............الموضوع موضوعكن...........خدو رياحتكن!!!!

[malikatou lwouroud]

كتير حلوين هالقصائد مشكورة يا أخت شانزيمر 6 واللّه عم تخوّفوني من الجامعة!!!

لا واللّه شوّقتوني اطلع وجرّب منيح فيا شويّة أكشن ما بها شي....
بسّ بحبّ طمّنكن أنو من كم يوم عملت مقابلة مع مدير كليّة العلوم وواجهنا بكلّ هالمشاكل وقال انّن ناويين يوسّعوا القاعات (ان شاء اللّه!!!) وقال مفكّرين يفتحو ماجستير بالشّمال لما يتعذّبو التلاميذ بالنزلة عبيروت(بسّ عيش يا كديش تينبت الحشيش.....)

كمان سألتو عن التّمييز والتعصّب الديني اللّي شفنا صورة عنو من كم يوم بسّ نكر وقال منو مظبوط فسمّعتو شريط سجّلتو لاحدى الطّالبات هي وعم تشك من هالمشكلة فعبأّ وسكت(هههههههههههههههه....)
بسّ بحبّ أول للأخّ نادر أنو متل ما في دكاترة الواحد منن بيبقى تراكتور بدل الدّكتور في دكاترة رائعين بالعلوم وغيرا متل عبير نور و خالد حسين و بشّار الحسن وغيرن كتيررررررررر اللّه يعيننا السّنة الجاية!!!!!!!!!!..............

[Nader 3:16]

MIN ALLEK????
MAFI 7ADEN BIKOLL L 3OULOUM BYA3REF Y3ALLEM CHAY ISMOU PRINCIPE...YALLI BYA3REF Y3ALLEM BYA3REF YKHALLINI 7OLL EXERCICE MA AKTAR MA I7TIRAMI LI BA3D AL DACATIRA W MOU L KOLL WA LAW KENOU MIN L ALMOUN

[malikatou lwouroud]

lah ya 2a55 Nader ana ma3ak innou fi ktiiiiiiiiiirrrrrrrrr dakatra bil3ouloum ma byifhamou bass fi kaman dakatra byihlakou 3atlamizon w biyfahhmou tlamiz ssanawi 2add ma tari2iton hilwe w basita bass ma3 l3elem innou ma3loumaton ghazira w min 2afham nnas baddi 2is2alak
ddoktor Khaled Hussein 3allimak shi??eh walla tari2tou ra2i3a w ba3den byitsahal ktiiiiiiiiiiirrrrrrrrr bittishih w hada bil3ouloum

[Nader 3:16]

ولك هادا واحد....


عم امزح مع انو ما بعلمني بس بشوفوا بالجامع كتيييييييييييير ...اخلاقو عالية و بيحكي كتيييير بالسياسة.....

لوووووووووووووووووووول......

[Nader 3:16]

بالمناسبة سألت واحد من رفءاتي كان يتعلم عندو...
بس ما حدا يزعل::::

سمعت انو منو كل هالأد بالتعليم....

[wassim.h]

eh heda rfi2ek elli allak hak 3an l doctor kholed hussein shaklu ahbal w manu mit3allim bil marra la2an Dr.5oled ma3ruf innu min a7sen l daketra bil 3ouloum w ar7amoun bil 3alemet
fa ollou yro7 ynem a7senlaw

[wassim.h]

w ti3li2an 3an l 7adis li ablu ya nader w ya malikatou lwouroud
sa7i7 ya Nader innu ma3ek 7a22 mafi 7aden bil 3ouloum bia3ref y3alllem principe mazbout.... bass bikol l jem3at hak w iza mfakker l jem3a l 5assa ghar hak fa inta gholtan ....l jem3a l 5assa btisma3 3anna inna sahleh la2an shi3arouha(idfa3 tanja7) manu la2an l daketra a7san w bi3almu principe ....hiyeh bil asl el mar7aleh l jem3iye el w7ed lezem yi3timid 3a 7elu ya3ni el doctor bya3tik 15% w inteh l be2i 3lak wel jem3at l 5assa ma7a ya3tuk ma3loumet aktar min el 3ouloum..... bass l boshe3 bil 3ouloum innu l 3adad kbir w baddak tfi2 abkar minshen ti2dir ti7jizz ma7al la ti2dir tshof l doctor:S...bass halla2 smi3t innon baddon y2alilou 3adad l mitsajlin jded...ya3ni mafi yitsajjal aktar min 3adad m3ayan ..yimkin 150 talib..nshalla ykun hak minshen illi badon yod5lu sine oula yirte7ou aktar...oulou 2aaamin

[وسيم أحمد الفلو]

يجب تسمية الموضوع:

يوم نق في حياة طالب

[wassim.h]

لأ ولووووو... مهلأد!!!

[яiиda]

مشكور يا اخ (الزاهر)على هالموضوع الطويييييييييييييييييييييل بسّ حلو.سلام.