يوم.... في حياة طالب!!!

[wassim.h]

والله يا أخي وسيم فلو انا سامع انو انتا اكتر واحد كنت تنتقد الجامعة اللبنانيه...

[الزاهر]

هلأ صار من أهل الملة...........ما بئا فيه كتير يغمء بالحكي يا وسيم.ح!!!.......

[الزاهر]

داء و دواء...طالب العلوم
محمد بشار خالد إسماعيل





مضى نصف عامي اخي و انقرض****** و اذ جسمي قد حل فيه المرض
غدوت مريضاً سقيماً عليلاً****** و صرت اموت قليلاً قليلاً
فأقبل بابا لصوبي سريعاً****** و قد صار شكلي مخيفاً مريعاً
و قرر اخذي نحو العيادة****** ليعرف سر زوال السعادة
و بعد الدخول لعند الطبيب****** تعجب فوراً لشكلي الكئيب
فصار يشخص حال المرض****** و انهى النتيجة ثم عرض
فقال ضعيف لديك البصر****** قريباً ستعمى و يذوي النظر
و اذنك طرشى فلا تسمع****** غدت دون شغل فلا تنفع
و ضيق التنفس ايضاً ظهر****** و في الرقبة الديسك زاد الخطر
و اما العروق ففيها نفور****** ولونها ازرق مثل البحور
وتحت العيون سواد شديد****** كأن لم تنم من زمان بعيد
و في ركبتيك ارى الروماتيزما****** و اضحى الجنون لديك الكاريزما
و اعجب من ذاك ايضاً يا عمو****** ظهور نبات برأسك ينمو
فقلت سأشرح كي تفهما****** وكي يدر بابا و كي يعلما
اذا امطرت فوق ارض العلوم****** و جاءت بماء الشتاء الغيوم
ترى المطر يهطل مثل المزارب****** من السقف حيث تعيش الطحالب
فتغدو المزارع وسط الرؤوس****** و ينمو النبات مكان الدروس
و اما العمى ذاك شيء اكيد****** لأني عن اللوح جداً بعيد
أحدق كي المح الاحرفا****** ولست اراها فوا اسفا
و كل الشروح بخط صغير****** فلا تعجبن لإنزواط خطير
كذا الميكروفون لدي يخش****** فكيف طبيبي لا اطرش
و ديسك العظام من المقعد****** لقد شق صدري مثل المبرد
فمن عهد آدم ما حسنا****** وهد ظهور الجميع هنا
لذا الروماتيزم اصاب العظام****** فأصبحت لا ادر طعم المنام
فإذا تحت عيني اضحى السواد****** عظيما كلون الليالي الشداد
لضيق التنفس ايضاً سبب****** فأعدادنا تستثير العجب
ففي قاعتي ياعزيزي المئات****** كمثل الملاعب و السينمات
فمن اين يكفي الهواء لنا****** فضاق التنفس عندي انا
وما الحروق وهذي الحفر****** ر فياطالما انفجر المختبر
فإذما سألنا لماذا انفجر****** يقولون هذا قضاء و قدر
و اما الرضوض مع الكدمات****** فذاك التدافع للعلامات
ترى الكل يصرخ نفسي نفسي****** فذاك بدفش وذاك ببوكس
واما ازرقاق العروق الفظيع****** ففي قاعتي الجو دوماً صقيع
فذاك المكيف لايعمل****** يطن بصوته لا يحمل
حديد قديم فقط منظر****** وآلاته قد فنوا و اهتروا
و اما الكسور بوسط يدياً****** فهطلان احجار سقفي علياً
تقول عندما ترى الروماتيزما****** و اضحى الجنون لدي الكاريزما
فكم سهرت لحفظ الدروس****** و قد طق ظهري لكثر الجلوس
فكانت نتيجة تلك الجهود****** رسوباً عنيفاً يدوم يعود
فكيف طبيبي لست اجنّ****** و يصبح عقلي يطن يرن
فلما انتهيت طبيبي انذهل****** و افغر فاه لكثر العلل
و قال ابعد وصول القمر****** تعيشون انتم بوسط الحفر
ولكن دواؤك عندي انا****** فلا داء من بعده او عنا
غداً تقصد السوق سوق الخراف ****** وتبتاع اغنام رعي ظراف
و تترك تلك العلوم سريعا****** و تمضي بعيداً لترع القطيعا
فترعى الخراف بأعلى الجبال****** تعيش سعيداً بوسط التلال
فتبعد عنك هموم العلوم****** يزول السقام السرور يدوم
شكرت الطبيب لهذا الدواء****** وقلت وقد حزت سر الشفاء
اذا كنت راعي تلك الخراف****** و فوق التلال استقر المطاف
لأفضل من ان اكون الخروف****** وارعى "كورات" تفوق الالوف
بوسط العلوم ادور اطوف****** و امضي سنينا بنفس الصفوف
هلموا بنا اختنا و أخياّ****** لنرع خراف القطيع سوياً.

[دوكر]

يا هلا بالمعل أطر......
ايشودا ما شاء المعلم بشار غير شكل.......ما شاء الله اد ما شعرو ماكن و بيعرف يوصف بتتخيل حالك هلأ بالعلوم و عم تدرس و نازل نحت بهل الكتب ت بالأخر تنجح و ع الحفة....هههههههههههههههههه.....
يعطيكن العافية ......
اخوكم دوكر المعوكر.....

[Nader 3:16]

شو زاهر بديش عم يبيعو الخاروف؟؟؟؟؟بعمل مشروع انا اياك وكل شباب العلوم القلامنة...

مشروع مربح ..مو؟؟؟

[wassim.h]

ولك ألله مع أبو البيش...........أيشو دوه !!! شعر روعة ,,كتير حلو
الله يبارك بالأخ بشار وبالأخ زاهر إلي نقللنا ياه
يعطيك العافيه

[الزاهر]

بداية أهلا بكم جميعا

فقط أحببت أن أوضح أمر........أنا ما كنت سوى ناقل القصيدة عن أخي نادر الذي واجه مشكلة في كتابتها.........فلك شكر منا جميعا يا نادر.........


السلام عليكم

[الزاهر]

هل من عضو يروي لنا مأساة له في يوم مدرسي أو جامعي؟؟

[مايا]

السلام عليكم ورحمة الله وبركاته
هههههههههههههههههههههههههههههههههههه
الحمد لله يلي ما فيني فوت علوم ههههههههههههه .

[Nader 3:16]

شباك يا زاهر بالش تفتيح بهل المواضيع القديمة؟؟؟ ءلي في شي.؟؟؟؟؟

[الزاهر]

بما اني شتئت للكلية حبيت ارجع افتح الموضوع شوفو .. فألت بفوشلكم ياه منشان الطلاب الجداد بالعلوم يعرفو النعمة !!

[T a c o]

هههههههههه... يااااااااي حلوووووووووو الموضوع .. كتيييير ...!!! شكرااااااا ..!!

[الزاهر]

السلام عليكم



اليوم وفي طريقي للكلية في كل سيارة أجرة ركبتها جرى حوار أعجبني أقتبس منه لكم التالي (من الذاكرة):

من موقف القلمون إلى موقع التل شاهد السائق أحد الباعة الذين يجرون عرباية ؛ فعلق قائلا :
آل البلدية (ويقصد بلدية طرابلس) بدا تمنع تبعون العربايات لأن آل بيسيآو للسياحة ... بيضرو السواح كتير ...

إنو هالجور اللي بطالرءات هادي ... ليك ليك (ويدلنا على مجموعة من الجور العميقة أمامنا) ... هالجور هادي مفيدة كتير للسياحة ...


لازم يصوروا ويعملو عنا ربورتاج ... يبعتو لبلاد برا ... ليعملو طرئهم متل عنا ... أد منها مفيدة للسياحة !!!! ... لا ضروري ... ضروري كتير !!!

شاطرين بس يأطعو أرزاء العالم ... لك ما حرام هادال ... ما عندهم عيل وولاد ... آل سياحة آل !!!


أما من موقف التل إلى موقف قبة النصر؛ فكان بجانبي جيشي ... وعلقنا على الطريق بسبب حادث أمامنا وتوقف السير ... فعلق الجيشي قائلا لقائد السيارة :" إنت كنت تروح من تبعون الدعوة شي ؟؟ ... لأن كأني شايفك أبل" وأجاب قائد السيارة بالإيجاب ... وبدأ يشرح له من أين لو مر لكنا وصلنا ... من طلعة المسجد العمري وأكمل:

هادا يا سيدي الكريم العمري ولي من أولياء الله .. عندو كتير كرامات أخي ...

آل شكين أخي ... آل كان بس يجي لعندو زوار ... كان يئيم صفوة ... صفوة هادي تبعت النار ... بتعرفها لك صفوة ... ويعملهم منها أهوة أخي ... من الصفوة !!! ... سبحان الله !!!


وإسا شكان ... لك أخي عندو كرامات كتير أخي ... كان مرة من المرات بدو يدبح خوروف أخي ... آم جاب عودة .. عودة عودة هالأد (وأشار بطول فتر) .. ودبحو وسلخو فيها ... عودة ... (منيح اللي ما ألو شويه فيها كمان ).

لك عندو كرامات كتير أخي .. أصحاك تفكر أخي هاد كلام شو ما كان ... كلو حء وصحيح ... لكن أخي .. ولي ولي ...

إسا آل شكان ... (وفي هذه اللحظة لقينا الحادث ولم يكمل بقية الكرامات !!!! ... الحمد لله ... )


فهكذا بدأ يوم الطالب حضرة جنابي اليوم !!!!

[هادي شقرة]

والله يا اخ زاهر الله يبارك فيك .. فرط من الدحك وءت ءريت هل ءصا .. ايشودا يا زلمه ..بصراحة كنت عم إبكي من الداحك .. الله يعينكن و يعين كل التلاميذ الي رح يخوضو هل تجربة الصعبة

[الزاهر]

أييييييييييييه !!!
أيام كانت

[أبو الشوارب]

السلام عليكم. الآن ايام الشدة يا اخ زاهر لما كنا بالسنة الأولى كانت رحمة بالنسبة للسنة التانية خصوصاً انو نظام المواد شديد. وعجبوني القصائد الموجودة في الموضوع . وتحية للأخ أبو صطيف الذي ترك الكنام. الله يوفقك يا اخ مصطفى وادعيلي انجح بهالمواد.

[Nader 3:16]

السلام عليكم
رجعت اريت الموضوع كلو و فرطت من الدحك! يأطع خملك يا زاهر.
المهم
بما انو في جيل جامعي جديد من شباب الالمون الأشاوس.
يسمعونا صوتهم.
وكمانا...!
مبارك حكيلنا يومياتك بالبلمند.
زاهر و طه وانس وربيع بالحدث ببيروت.
وسام و عمار و فراس و ...بفرنسا.
الاخ اسامة و الارسنيك يحكولنا عن بطولاتهم ورزالتهم بالعلوم.
الشباب الأشاوس وسيم و سامر والحسون و اسامة بالجامعة العربية.
الاخ أبو حسان ابن فرج الاثري القلموني السلفي الملقب ب ramo يحكيلنا بطولاتو بالهندسة.

ملاحظة: ما بكتب الا ما الاخ مبارك يكتب.!

سمعونا صوتكم من جديد!

[الزاهر]

قريبا ان شاء الله d:

[ramo]

وعليكم السلام
ما عندي بطولات لإحكيها يا أخي , لأنّو لسّا ما كوّنت رفأة
دايماً بوعود وحدي على الفرصة وِبْ بَلِّشْ كَدِّشْ لَفّوفْتَيْ أو إذا منّا عاملتلي الماما لفّوفة , بحطّ راسي على الطبئة وبنام

بس سمعت إنو شبّ رزيل إسمو نادر وسام الأبيض , يلي مقابل بلكون بيتن في تليفون كبير , عاجبتو بنت وهّابية من البلمند
خبرنا كيف بلّشت معك الؤصة وكيف عم تتطوّر مشان يستفادو منّك الشباب

[Nader 3:16]

وعليكم السلام
ما عندي بطولات لإحكيها يا أخي , لأنّو لسّا ما كوّنت رفأة
دايماً بوعود وحدي على الفرصة وِبْ بَلِّشْ كَدِّشْ لَفْتَيْ أو إذا منّا عاملتلي الماما لفّة , بحطّ راسي على الطبئة وبنام

بس سمعت إنو شبّ رزيل إسمو نادر وسام الأبيض , يلي مقابل بلكون بيتن في تليفون كبير , عاجبتو بنت وهّابية من البلمند
خبرنا كيف بلّشت معك الؤصة وكيف عم تتطور مشان يستفادو منّك الشباب

اهلين بالرامو....
ءريباً ان شاء الله أخي الرامو..اليوم بالسهرو تكرم عينك....
أخوكم دوكر المعوكر...

[ramo]

اهلين بالرامو....
ءريباً ان شاء الله أخي الرامو..اليوم بالسهرو تكرم عينك....
أخوكم دوكر المعوكر...

يرفع للفاضل دوكر المعوكر

[Nader 3:16]

السلام عليكم أخانا الفاضل ramo.
القصة منا سهلة ، بدها أَدَح شاي و لفوفة لبنة و بحكيلك.
هل أنت مستعد؟

[A7MAD]

هنه أول 100 سنة صعبات

والباقي بيتيسر من عند لالله

كويس عدينا مرحلة السنة الاولى والضياع

يسلموا دياتك أخي الزاهر

[الزاهر]

هنه أول 100 سنة صعبات

والباقي بيتيسر من عند لالله

كويس عدينا مرحلة السنة الاولى والضياع

يسلموا دياتك أخي الزاهر

يا هلا بالشعب المناضل :d

[EVA]

لا عنجد اللي بيفوت عهالصفحه بتترتفع معنويّاتو الله يبشركم بالخير من اليوم عم نترقّب مصيرنا الاسود بالجامعة ....لا اله الّا الله ..

[الزاهر]

لك لاه ولو ما هيك الحكاية :d
هلا خلي العلوم أخر خيار ... ما زبطت بغيرها فلا بد من عيش الضياع المجرد فيها :d

[EVA]

هههههه
حتى لو بدنا نعمل طبّ .....اوّل سنه بالعلوم ....يلّا من هلق لوقتا الله بيفرجا....الله يعينكن آل العلوم