مطاعمنا بتستاهل الزيارة؟؟

[محمد الكوسا]

السلام عليكم


كتير من شباب القلمون بينزلو عالبلد مشان ياكلو بالمطاعم والسناكات

بس يا ترى المطاعم اللي عم ينزلو عليا بتستاهل الزيارة؟ الأكل فيا كيف؟ نظيفة؟ الخدمة والتعامل مع الزبون؟ الأسعار؟؟؟؟

بهذا الموضوع رح كل واحد يطرح وجهة نظرو ورأيو بأي مطعم زارو ورح نعطي علامة لكل مطعم من واحد لخمسة والسبب الي دفعو لهالتقييم


والتنسيق عالشكل التالي:

اسم المطعم : (علامة التقييم\5)
السبب:



ورح بلش بوجهة نظري انا وبعض الشباب بمطاعم طرابلس:



بيغ بايت : (4)

البيغ بايت هو عندو اطيب بروستد (عندو الة خصوصية للبروستد) وكل الأصناف الباقية طيبة والخدمة تمام ولو انا ابطيئة شوية و نظيف اما الأسعار فمن يومين غليت عندو شوية بس لا زال يعتبر رخيص



الشاطر حسن القديم: (2)

عندو الأكلات البحرية ماشي حالا بس البروستد والكرسبي و السلطة ما بتنداق والخدمة بهدلة ما في احترام بالمرة النظافة متوسطة والأسعار كمان متوسطة



فيا اميشي :(3)

هالمطعم مشهور بوجة الشورما الإكسترا الطيبة كتير الخدمة متوسطة والنظافة كمان متوسطة والأسعار غالية شوية بالنسبة لغيرو بس بيستاهل الزيارة شهريا عالقليلة



المطاعم الأمريكية " كي اف سي , ماك دونالد , برغر كينج,...":(3)

اجمالا طيبة كلها بس برأيي لازم ينزلو العالم عليا بعد العشا لأنو ماعندن شي اجمالا بيشبّع الشب غير البطاطا والبيبسي بعد تكبيرن مع الوجبة بتشوف الوجبة عالصورة اد الجبل وبالفعل هي اد النملة!! بس النظافة توب عندن و اسعارن متوسطة



الفروج:(2)

المطعم هادا فتح جديد محل الدانكن دوناتس بشارع الكزورة اكلو طيب بس اكبر وجبة عندو طولا 3 سنتيمتر واخد وقت اكتر من ساعة تا جابلنا الطلبات مع انا كنا عندو!! اسعارو عادية بس وجباتو كتييير صغيرة يعني ميكرو وجبة!!



سناك عمرو:(4)

بأبو سمرا شارع الحرم للي ما بيعرفو هالسناك لو قيمة رمزية عند الشباب وطيب و رخيص و شوية نظيف



البي تو بي:(2)

من حيث الأكل عندو وجبات مميزة واهم شي عندو الصالة الممنوع فيا التدخين بس لتوصلها بدك تمر بصالة المدخنين و تشوف الغيوم اللي فيا
الخدمة بهدلة بدن مية سنة تا يجيبولك المنيو واسعارو عادية




هادول المحلات اللي مننزل علين للأكل بالبلد اجمالا
هلأ صار دوركن!!

من وجهة نظري الشخصية ما في غير البيغ بايت بالبلد بيستاهل الواحد احيان يطل علي و صرنا عم ندرس جديا تحويل وجهة بطوننا عن طرابلس

يلا اخ وسيم انت ما شاء الله ما بتاكل بالبيت!! اعطينا من خبرتك!!

[أنس دنكر]

هدا الشي حسب ذوق الشخص

بالنسبة ل بيك بيت (4.5)
وبالنسبة ل عمرو سناك (3.75)
و بالنسبة ل المطاعم الأمريكية (2.25)
و بالنسبة ل
الشاطر حسن (2.15)
والباقي صفر على الشمال
بس بدك الحقيقة ما في أطيب من إكل البيت ................
وبعدين متل ما أولت أبلا هدا بييرجع ل ذوق الشخص...........

[الزاهر]

لازم نفصل شوية يا باش ...

رح اعطيك رأيي بحكم إني ذويق من الدرجة الأولى وكرشي ما شاء الله ناطح !!!

بيغ بايت :
الطعام - 4
الخدمة - 3
السعر - 2
خدمات اضافية - 1




الشاطر حسن القديم:
الطعام - 3
الخدمة - 1
السعر - 2
خدمات اضافية - 3 - عندو نت بلاش وبدون لبكة



فيا اميشي :
الطعام - 4
الخدمة - 3
السعر - 2
خدمات اضافية - 1




المطاعم الأمريكية " كي اف سي , ماك دونالد , برغر كينج,...":
الطعام - 1
الخدمة - 1
السعر - 1
خدمات اضافية - 1
هادول باختصار اكل ما بيتاكل !!!



سناك عمرو:
الطعام - 2
الخدمة - 2
السعر - 4
خدمات اضافية - 1




البي تو بي:
الطعام - 5
الخدمة - 2
السعر - 4
خدمات اضافية - 3 - قاعة لغير المدخنين ونت بلاش مع لبكة !!!

[محمد الكوسا]

لازم نفصل شوية يا باش ...
بيغ بايت :
خدمات اضافية -
1
المطاعم الأمريكية " كي اف سي , ماك دونالد , برغر كينج,...":
هادول باختصار اكل ما بيتاكل !!!

سناك عمرو:
خدمات اضافية - 1

انا معك بالتفصيل...
بس البيغ بايت وسناك عمرو شعندن خدمات اضافية؟؟
بالنسبة للمطاعم الامريكية اكلن تحلاية بعد الأكل!!!

وينكن يا حسين و بلال؟

[محمد الكوسا]

بس بدك الحقيقة ما في أطيب من إكل البيت ................

اخر مرة منزلك معنا!!خليك بالبيت
دووووووع

[Nader 3:16]

انو حرام انت واياه يا باش تنفعوا اهل القلمون..؟
في عندك مطعمين و بظن اسعارهم ارخص...وبعدين بتعرف انو واحد الموني ادامك عم يعمل الاكل.

المشكلة بالشباب كذا شغلة:

بينزلو عمطعم بكون غالي و اكلو منو طيب و رغم ذلك بضلهم ينزلو لعندو...بينما بالضيعة ازا مرة واحدة طلعت الاكلة منا طيبة فوراً ال x شغال.

في ناس ما بتشتري من عند فلان مثلاً بحجة انو مثلاً ما بصلي او يلي هوا...بينما مستعد يسفء 200 لفة من عند ملك الطاووق.

وحتى بغير الاكل...الكوكتيل عند اتّوم اطيب من الفايمس ورغم ذلك مستعدين كل يوم تترءوا مشوار عطرابلس او عأبو سمرا منشان توكلو من عند الفايمس او غيرو.

الخلاصة: عندكم هوس (ما بعرف شبدكم تسمّوه) للمشاوير و الاكل برات الضيعة.
وبالاخير عم تنادوا بالعقيدة القلمونية و غذائكم الذي يسري في عروقكم بأياد غير قلمونية.

هادا رأيي .
ونصيحة غذائية: احرصوا على الاكل الخفيف خصوصاً عالعشاء (لبنة ،جبنة،....) مع شاي طبعاً.
افضل من شي مقلي بزيت و دهون مع بيبسي.

[flauritta]

انو حرام انت واياه يا باش تنفعوا اهل القلمون..؟
في عندك مطعمين و بظن اسعارهم ارخص...وبعدين بتعرف انو واحد الموني ادامك عم يعمل الاكل.

المشكلة بالشباب كذا شغلة:

بينزلو عمطعم بكون غالي و اكلو منو طيب و رغم ذلك بضلهم ينزلو لعندو...بينما بالضيعة ازا مرة واحدة طلعت الاكلة منا طيبة فوراً ال x شغال.

في ناس ما بتشتري من عند فلان مثلاً بحجة انو مثلاً ما بصلي او يلي هوا...بينما مستعد يسفء 200 لفة من عند ملك الطاووق.

وحتى بغير الاكل...الكوكتيل عند اتّوم اطيب من الفايمس ورغم ذلك مستعدين كل يوم تترءوا مشوار عطرابلس او عأبو سمرا منشان توكلو من عند الفايمس او غيرو.

الخلاصة: عندكم هوس (ما بعرف شبدكم تسمّوه) للمشاوير و الاكل برات الضيعة.
وبالاخير عم تنادوا بالعقيدة القلمونية و غذائكم الذي يسري في عروقكم بأياد غير قلمونية.

هادا رأيي .
ونصيحة غذائية: احرصوا على الاكل الخفيف خصوصاً عالعشاء (لبنة ،جبنة،....) مع شاي طبعاً.
افضل من شي مقلي بزيت و دهون مع بيبسي.

جيت تتكحّلا ؤمت عميتا..السبّوع لي عم تعملّو دعاية بحطّ بطاطا مقلية باللفوفة..
ولّي عم يعطي نصائح غذائية يطبّؤون عحالو أوّل الشي و ما يوكول الساعة 2 بالليل و بعدا 4 الصبح..
عكل حال ما في غير ال kfc بيتّاكل ..والماكدو ما بو شاي ..بس التشيكن برغر أكيد..لأن الهام برغر بزيد الهمّ عالألب

[hadid]

إنو يا باش بتسمي هالمحلات مطاعم ؟؟

بالنسبة لإلي لا تشد الرحال إلا لعند مطعم جلال الحلاب .. وللتحلية .. قصر الحلو ..

وإذا كنت مستعجل وكنت بطرابلس .. ملك الطاووق .. أو سندويشة اسكالوب من عند الMr.Fahitas

KFC ما بيتاكل بنوب .. Hardees في وجبة وحدة باكل منا .. ماكدو بدو كب على البحر .. عنجد ممكن آكل من كل هالمطاعم .. إلا الKFC أنا بصنفو أضرب مطعم بالعالم ..

أما إذا أدخلنا إلى التصويت مطعم الغوثي بالسعودية ومطعم حنيذ ومطعم البيك والوزان وبعض المطاعم الأخرى أكيد المعلم حسين وأخي مبارك بفوتو بصوتو بقوة !!

المهم برأيي وحسب المطاعم يلي دايقها بعطي 4/5 لجلال الحلاب و 1/5 للكا آف سي .. وما عدا ذلك بيناتن ..

بالقلمون في عندكن لف وهف وأتوم .. والفيصل ما عاد إلنا قلب ناكل من عندو .. ومتل ما قال الجنرال نادر .. أتوم أطيب من الفايمس بغوغل مرة ..

سلامي للجميع

[flauritta]

نسينا نؤول chop sticks
الاكل سحر
الخدمة رائعة
وكتير نضيف..

[محمد الكوسا]

نسينا نؤول chop sticks
الاكل سحر
الخدمة رائعة
وكتير نضيف..

نسينا انو الاكل صيني نيّ بيقرف و اسعارو بالسما

[Amer-ol-tabche]

محسوبكن مع الاصدقاء القدامى كنا نفضل سناك عمرو بحيث إنو أوفر على الجيبه وهو الوحيد إلي ممكن يشبع حنيطون و طه عندو هه ..
أنا وقت عم إنزل ع لبنان منا عام تعجبني غير مغربية الدبوسي وكل الباقي بالسعوديه أطيب أنا موافق تماماً مع هديد .. أكيد عم احكي عن الوجبات السريعة ..

[محمد أحمد الفلو]

محسوبكن مع الاصدقاء القدامى كنا نفضل سناك عمرو بحيث إنو أوفر على الجيبه وهو الوحيد إلي ممكن يشبع حنيطون و طه عندو هه ..

الله يرحم ايام كنت اكّيل ... نوعية الجمعه بتحدد كمية الأكل
بس صدقا سناك الأخ عمرو طيب
ما حبيتا منك القدامى

البي تو بي منو طيب، بس تلاوة الشيخ يلي بيصلي بالجامع حدو بتعجب بليغ
البيتزا عند البيغ بايت مهمه، وأهم شي انو بيجيبا عالمخزن والا عالسطح
الشاطر حسن مقاطعه لأن لما مره عملنا حادث مع محمود قزيحه وهربنا، هو يلي اخد رقم السياره، على فكره وقتا كنا ولاد ...
كل شي أمريكي مقاطعه ...


بس يا باش، في مشوار مهم منك ذكروا

لفة الدجاج عند كلاسينا مع سحلب بالمينا بعز البرد والشتاء

[Amer-ol-tabche]

ما حبيتا منك القدامى

القديم هو الأزلي والأصيل يا حميطون

[flauritta]

نسينا انو الاكل صيني نيّ بيقرف و اسعارو بالسما

من ؤال انّو نيّ؟؟!؟!؟!
بعدين الصحن بشبّع عشرة..فطبيعي يكون السعر شويّة غالي..بس بيستاهل

[عبد الله مغيط]

شو نحذفت المشاركة!!!!!!!
ليش؟؟؟؟؟؟؟؟؟؟
حرام الواحد يعبر عن رأيو؟؟؟؟؟
ما قلنا شي غير انوا الموضوع بايخ.
وين المشكلة بي هل كلام؟؟؟؟؟
ناطر جواب.و السلام.......

[محمد الكوسا]

بس يا باش، في مشوار مهم منك ذكروا

لفة الدجاج عند كلاسينا مع سحلب بالمينا بعز البرد والشتاء

والله لولا جمعة الشباب وقتا لقلت ينذكر وما ينعاد!!

[محمد الكوسا]

ما قلنا شي غير انوا الموضوع بايخ.
وين المشكلة بي هل كلام؟؟؟؟؟

اذا بايخ ليش شاركت؟؟
بمواضيعي ما في حرية راي

[hadid]

لأ منو بايخ .. في مطاعم كتير منذكرت .. بسمع إنا طيبة بس مني مجربها .. متل delices و وأخرى كتيرة .. خلونا نعمل جردة بالمطاعم وشو بتقدم .. وأرقام تلفوناتها وهيك .. !! بصير الموضوع بفوت عليه كل يوم مينيموم 30 شخص ! :P

[عبد الله مغيط]

اذا بايخ ليش شاركت؟؟
بمواضيعي ما في حرية راي

ههههههههههههه
و الله معلومة جديدة يا باش.....