إعلانات إدارية :  السلام عليكم ... مرحباً بكم في منتدى وموقع بلدة القلمون في لبنان، نتمنى لكم تصفحاً ممتعاً ومفيداً...  

مشاهدة نتائج الإستطلاع: هل توافق على طرح دروس جنسية على منتدى القلمون من قبل المعلّم الريس ؟

المصوتون
14. أنت لم تصوت في هذا الإستطلاع
  • أكيد آه

    5 35.71%
  • لأ

    9 64.29%
النتائج 1 إلى 38 من 38

الموضوع: دروس في الجنس

  1. #1

    افتراضي دروس في الجنس

    مرحبا ، كيفكون ،

    أنا شاييف انو المجتمع عنا في عندو جهل كتيير بالمواضيع الجنسية ، يعني بيتزوج الشب ، وما بيعرف كيفية الإيلاج ، والبنت ما عارفة شو بتعمل ، ولك في منهم بيهربوا ، بتسكر الأوضة على حالها وبتقعد تبكي متل كأنو ابن عامها غريب عنها ، فحبيت أنا احكي بهل الموضوع من ناحية نفسية ومن ناحية عملية ، أكيد مع انضباط في الكلام والمشاركات .

    بس حابب أعرف شو رأييكم انتو ؟
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  2. #2
    kalamoun_28 غير متواجد حالياً نزيه خداج ملاط - مُشرف في الرياضية والسياسية والشؤون
    تاريخ التسجيل
    Dec 2006
    الدولة
    Montreal - Canada
    المشاركات
    1,728

    افتراضي

    الريّس بمون, لعيونك يا زعيم أيّ موضوع تحب أن تطرحه .... كرمال هالعيون, بترخص مرجعيون .... حبيب الشعب

  3. #3
    تاريخ التسجيل
    Apr 2007
    الدولة
    Kalamoun
    المشاركات
    4,038

  4. #4

    افتراضي

    أهلا وسهلا ، بالمعلّم نزيه ، كيف حالك يا رجل ؟ كيف هالمرة ؟ ان شاء الله ما عم تعذبك ؟ كبير انت يا معلم نزيه انت وردودك ، على فكرة كتيير كان ردك حلو بموضوع حماس .

    ويا خيي نادر ، ويا جميع الاخوة ، أول شي بقول اذا الواحد عندو انتقاد من باب شرعي أو أي باب تاني ، فيتفضل يناقشنا ......

    أنا بقبل اسمع من مين ما كان ، وبقبل ناقش وحاور ، وأصلا أنا جاية لهون لحتى ناقش ولحتى حاور وأخد وأعطي ، وما بقبل من حدا انو يسفهلي بكلامي أبدا أبدا ، يلي عندو اعتراض يتفضل يناقش وأشهد الله اني مستعد ارجع عن رأيي في اللحظة يلي بيتبين لي اني على خطأ ، بس يلي بعصب انو الواحد بكون فايت مفكر حالوا عم يناقش مواضيع جدية ، فبيطلعلوا ناس آخدين القصة لعب ومزح ....
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  5. #5
    تاريخ التسجيل
    Apr 2007
    الدولة
    Kalamoun
    المشاركات
    4,038

    افتراضي

    ليك يا معلك انا ما بقول انو هالشغلات منها مهمة...بس انها تنطرح عالمنتدى؟؟؟؟

    يا اخي في ولاد صغار بفوتوا عل المنتدى و منهم اخواتي ....و ما حدا الاّ بدو يدخل عالموضوع من باب الفضول ...بعدبن يلي بدو يتزوج في كتيير كتب تتحدث بشكل واسع عن هذه الأمور....
    فلا داعي لطرح هكذا مواضيع...و اصلاً ما لازم المشرفين يتركوا هيك موضوع ينطرح برأيي الشخصي....و بعدين اصطفلوا!!!!!!!!!!!!!

  6. #6

    افتراضي

    أنا بدي اسأل ليش هل التعقيد الزايد عن اللزوم ؟؟؟

    يعني الولد اذا فات وقري مواضيع جنسية ، ما رح تكون عندو الا بمثابة معلومات اكتسبها ، يعني ولا مرّة ولد قري موضوع علمي في كيفية التعامل بين الأزواج ، فراح اندار على السكر والتحشيش و... يعني ما بعرف ليش هيك بتحبوا تعقدوها .

    انت يا نادر اذا كنت عم تقري ابنك أو أخوك أو يلي هو .... اذا كنت عم تدرسو قرآن ، وسألت شو معنى (ثيبات أترابا) أو شو معنى (كواعب أترابا) شو بتقللوا ، هدال مش للولاد الصغار هدال ربنا نزلهم للي عمرهم فوق ال16 أو مدلري اديش وبس .

    القرآن كتاب لجميع البشر ولمختلف الأعمار وورد فيه ذكر لأمور عديدة من هذا القبيل ، سواء أكان ذلك في قصة يوسف التي تدرس للأولاد ، أو في الآية التي ذكرت ، أو في جزء قد سمع ، عن الحيض و... ولك اذا الواحد سأل شو معنى (يظاهرون) شو بتقللوا ؟؟؟؟؟؟؟
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  7. #7
    تاريخ التسجيل
    Apr 2007
    الدولة
    Kalamoun
    المشاركات
    4,038

    افتراضي

    رح جيلك من الآخر.....الموضوع كتيير مهم للذي يحتاج ..لكن ارى ان طرح هكذا موضوع في المنتدى غير مناسب .............
    و السلام عليكم............

  8. #8

    افتراضي

    اهلا و سهلا بالريس:
    اكيد انا موافق لانو هالمواضيع كتير مهمة و خصوصا بهل الايام
    و الله يوفقك بيللي فيه الخير لك و لنا
    يللا سلام

  9. #9

    افتراضي

    اممم انت الريس يعني , مفكر حالك مش عارفينك ,

    بدك تعرف معلومات عن الجنس , مش هيك , ولا يهمك

    بس خلي الاعضاء تعرف جنسك شو بالأول قبل ما تحكي

    ونحنا حاضرين نعطيك اي معلومة وكمان ديليفري

  10. #10
    تاريخ التسجيل
    Apr 2007
    الدولة
    Kalamoun
    المشاركات
    4,038

    افتراضي

    تحية للأخ فرع المعلومات..............اي و الله ما حدا بيعرف شو جنسو للريس كل يوم بيطلع بموال شكل و لكن الحمد لله اكثرها مواضيع مهمة بصراحة.....و القسم الآخر لا يخلو من الاهمية لكن لا ينبغي طرحه في المنتديات!!!!!!

  11. #11

    افتراضي

    أنا ندمت لأني عملت استفتاء ، بتعرفوا ليش ؟ لأن كل واحد بفوت بصوت بلا ما يقرا ، أنا هيك حاسس ، يعني صار في كذا واحد مصوت ومختار ، واسا ما في غير نادر قال ليش ، يعني في أكتر ما يطلع الموصوتين بلأ 99.99 % ، وأنا مش مقتنع فأكيد رح اعمل الدروس ورح حطهم ، وبالأخص اذا ضليتكم عم تشتغلوا بهل الطريقة هذه .

    ويا خيي ، انت يا ارهابي ، طالما انك موافق ليش ما صوتت ؟ طلاع لفوق ، براس الموضوع ونقي رأييك .

    وبالنسبة للأخ نادر ، أنا عارف انو الموضوع مهم ، بس بدي اعرف ليش مش هون مكان طرحوا ، اذا كان مشان الحجة يلي سبق وقلتها ، فأنا رديت عليك ، وما رجعت خبرتي برأييك بكلامي .
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  12. افتراضي اقتراح

    السلام عليكم,عندي رأي و حابب اطرحوا,بما انوا الجميع متفقون على اهمية هذا الموضوع ولكن البعض متخوف من طرحه في المنتدى لكي لا يقل حياء بناتنا و ابنائنا,فأرى يا أخ الريس ان تطلب من المشرفين عرض حلقة أولى ,و ساعتها منشوف مدى الجدية فيها و مدى رصانتها,وايضا تاثيرها على الشارع القلموني,و ساعتها منصوت مع و ضد,والا شو رابكم انتوا؟
    ان تصل متاخرا خير من ان لا تصل

  13. #13
    تاريخ التسجيل
    Dec 2006
    الدولة
    كندا
    المشاركات
    3,921

    افتراضي

    بسم الله الرحمن الرحيم و به أستعين
    أنا لن أصوت ولن أصرخ و لكن أقول للأخ الريس و بكل هدوء.
    بارك الله بك و بجهودك و كما توصلت إلى ما توصلت إليه في هذا العلم و لم يكن هناك دروس من هذا النوع فبإذن الله تعالى يستطيع كل شاب و تستطيع كل فتاة أن يصلا إلى العلم المطلوب في الساعة المناسبة من المصدر الموثوق و هي كثيرة و لله الحمد.
    فالمنتدى منتدى ضيعة و لا تفتحوا أبوابا نحن في غنى عنها بدعوى أنكم تريدون تثقيف الناس.
    فقبل أن تثقف غير المثقف في هذا المجال هل طرحت هذا السؤال على نفسك ؟
    السؤال : هل أنا متخصص في هذا المجال ؟
    إن كنت لم تدرس ما تريد تدريسه ففاقد الشيئ لا يعطيه.
    و إن كنت إكتسبته بالتجربة و الخبرة فأفسح المجال لغيرك أن يكتسبه و يفعل نفس الشيئ.
    أرجو أن لا تأخذ كلامي تهجما على شخصك فو الله الذي لا إله إلا هو لو كان نجم الدين دملوك هو من طرح الموضوع و ليس الريس لكان ردي هو هو.
    سلام من أخيك جابر
    كل إبن آدم خطاء و خير الخطائين التوابون.
    اللهم أنت أعلم بي من نفسي و أنا أعلم بنفسي من الناس
    فاغفر لي ما لا يعلمون و اجعلني خيراً مما يظنون

  14. افتراضي

    بوركت خي جابر

    رد جميل ومقنع

    ويا هلا باجابر وبنجم الدين
    اهم شي في النجاح ان تستمر فيه

  15. #15
    تاريخ التسجيل
    Apr 2007
    الدولة
    Kalamoun
    المشاركات
    4,038

  16. #16

    افتراضي

    أول شي ، أهلا وسهلا بالجميع ، وهلأ صار فينا اناقش ، هلأ حسيت انو في اخد وعطا ، ومش متل الأول هزل وطأ حنك وبس ....


    أقول بداية للإخ باسم الحج ، الناس في مجتمعاتنا ، عندها تقاليد آخدتها من آبائها وجدودها وصارت عم تخلط بينها وبين الدين .
    اليوم الناس بتفهم العلاقة الجنسية انها علاقة جعدنة ورذالة و... ويلي بيحكي بهل المواضيع بكون انسان أزعر وجعيدي و.....

    وأنا بفهم العلاقة الجنسية انها علاقة طبيعية ، وهي رابط مبارك بين الذكر والأنثى ، ويلي ما بيحكي فيها ، بكون هو الجعيدي والرذيل وبكون عم يضحك عن حالوا ، وطالما انو مجتمعنا هيك ، اتوقعوا يصير شغلان كتيير . طالما انو هذا اللجم اللا موجه دينيا ، موجود ، رح يطلع عنا كتيير مشاكل اجتماعية و....


    فلو كل الناس رفضت ، أنا ما بهمني طالما اني مقتنع انو هذا الشي صح ، واذا هنة رافضين عن قناعة وعلم ومش عن عاطفة عمياء يجو يناقشو ، يعني ما فينا نستفتي الناس ، لأنهم ما ضروري يكونوا عندهم الرأي الصواب ...


    أما بالنسبة للأخ جابر دملوك ، فأقول أنا لست متخصص في هذا المجال ، فهو لا يحتاج إلى تخصص ولا أي شيء من هذا القبيل ، يعني هي شغلة كتيير طبيعية ولازم كل الناس تكون بتعرفها ، بس نحن منضطر نحكي بهل المواضيع لأن كثرة التعقديات والمشاكل الاجتماعية تولد كابوس في عقل العريس والعروس عن الزواج .

    يعني معليش يا خيي جابر بتكون البنت قاعدة مع رفقاتها وبيحكوا بين بعضون ، وبيصوروا ليلة الدخلة متل كأنها شي كابوس ، ومتل كأنها أبشع ليلة بحياة الفتاة ستفقد فيها طهارتها التي حافظت عليها طويلا ، وانو الرجال واحد وحش هموا مصلحتوا وشهوتو وبس و......

    يعني في كتار عندهم هذا التفكير ، وفي كتار شباب عندهم تفكير غلط كمان ، يعني أحيان الواحدة ببتزوج ، وبتضل محافظة على عذريتها شي سنتين تلاتة و.... بفوت الرجال على الأوضة ، وبقولها كيف حالك يا أخت فلانة ، وهي بتقلوا كيف حالك يا أخ فلان و....

    في تفكير سائد بالمجتمع ، وهو تفكير خاطئ ، واذا بقي هذا التفكير سائدا ، فإن الحصيلة ستكون المزيد من المشاكل الاجتماعية والجنسية و.... وبالأخص اذا بقي المجتمع يعتبر كل محاولة اصلاح هي عملية نشر للفساد وللرذيلة ، ويريد أن يبقى القفل على هذه المواضيع ، ويترك الرجل والفتاة أمام تجربة عظيمة دون أي توعية وأي تثقيف .......

    لماذا لا توجد هكذا مشاكل في المجتمع الغربي-على كثرة مشاكله- ، هل لأننا نحن المسلمون أناس معقدون ، ولأننا لا نستطيع أن نمييز بين ما هو رذيلة وما هو فضيلة ؟
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  17. افتراضي

    السلام عليكم.اول شي,اي شي جديد في حياة الناس,رح يشوفو غريب,سواء كان صح او غلط,ميشان هيك لم بدك تطرح موضوع جديد لازم تراعي مخاوف الناس.بعدين اذا كنت مقتنع ان الاستفتاء مالو لازمة لانه منوا شرط الناس رح يكون رأيها صح,ليش عملت استفتاء؟ثم انا كان قصدي انو نعمل استفتاء مش عل العنوان وانما نجرب مرة,يعني اكتب درس من هال الدروس,و نشوف المشرفين شو بقولوا.اذا تناولت المواضيع بحكمة وبحدود المعقول كان به,اما اذا كان ا ل لضرر اكبر من النفع,فاحسن بلاها,و مرح نعرف الا اذا جربنا؟؟؟
    ان تصل متاخرا خير من ان لا تصل

  18. #18

    افتراضي

    أخي الريس في مشاركتك الأخيرة أوردت حقائق بالنسبة لي تعد حقائق وهمية لم تعتمد على دراسات أو بحوث
    ذكرتني ببنتي إذا قلتلها ما تعملي شغله معينة بتقلي كل الناس بيعملو هيك (فتي عبيوت الناس وشفتي إنو كلن بيعملوها)
    المهم هلأ ماني فاضية فصل بالرد بس إن شاء الله من عشية بكتب رد تاني

  19. #19

    افتراضي

    خيي باسم ، أنا حابب شوف رأيي الناس يلي بفكروا ، وهدال بكون عندهم مواقف مسبقة لأنهم بحللوا ، وما بينتظروا الشغلة لحتى تصير وبيخدوا موقفهم من عواطفهم ، أنا هون جايية احكي مع ناس بتفكر وبتححل وبتعرف ليش صح وليش غلط ، ومش مع ناس عاطفيين ، من أجل ذلك رح ضل ملتزم بالمدة يلي حددتها لانتهاء الاستفتاء ، ومن هلأ لوقتها اذا ما اقتنعت انو هذا الشي غلط ، فرح بلش حط الدروس . أما بالنسبة للاستفتاء أنا سبق وأعلنت عن ندمي لوضعه .


    ويا أم سفيان ، كلامك فيه الكثير من الابهام ، ما رح قول اعتبريني جحش ، رح نغيير هالمرّة ، اعتبريني غشيم ووضحيلي ...
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  20. #20
    تاريخ التسجيل
    Dec 2006
    الدولة
    كندا
    المشاركات
    3,921

    افتراضي

    الأخ الريس هناك مثل شعبي ألموني أوردته في موضوع الأمثال يقول :
    "إحترنا يا أرعة من وين بدنا نبوسك"
    يا أخي إرسالك ع بر لحتى نعرف شو شكل دينك.
    من شهرين فت علينا ملحد آطع السابلة.
    أسبوعين زمان دأ فيك الإيمان و صرت تنطر الصلة النطرة بالنطرة و مواضيعك مليانة آيات قرآنية. إلى جانب الألفاظ النابية التي إقترنت بإسمك.
    و عطول بتألنا إنك ناطر ست الحسن و الدلال هلي مانو موجود متلا أبدا تتكمل تعليما لبعدين تتجوزو. و طارحلي موضوع دروس الجنس و خبرتني إنك مانك متخصص.
    بدي أعرف هالمعلومات هلي بدك تعطينياها إذا مانك متجوز بحياتك و مانك دارسه نزل عليك الوحل فييا يعني و لا جايبا من الحرام ؟ (اللهم إغننا بحلالك عن حرامك و بك عن من سواك)
    و من يومين ألت إذا هلي صوتو ب لا 99,99 و مانك مئتنع رح تحط الدروس.
    و الله هالحكي ما بيدل إلا إنك مدعوم إذا ما كنت إنت المسؤل عن المنتدى.
    يا عمي لش حاطط حالك ع راس السيبة و مأنعة إنك إنت أفهم واحد شو مفتكر حالك وحيد جلال يعني.
    هلي بدو يتعلم رح علمو بالبريد الخاص و بلا هالأرف. هادا هلي نائصنا.
    و بالنسبة لكلمتك إنو الغرب ما عندو مشاكل بها الأمور بحب ألك إنو 75% من مشاكل الغرب من خصر المرة و بالنازل و إذا حبوا يطلعوا لفوء الخصر بيطلعوا ليشأروا ع صدرا.
    بأ ما تعرج إدام مكرسح و تعملي إنك فاهم البير و غطا و إنت مانك عارف شي عن الغرب الله وكيلك.
    لي بشتغل معن أكتر من 18 سنة و عاجنن و خابزن و بعرف كل مواضيعن و بهايم سكر و عهر.
    و أنا عارف يمكن تكون طالع لبرة بحياتك بس الحئيأة أحنا بأحسن حال منن.
    كل إبن آدم خطاء و خير الخطائين التوابون.
    اللهم أنت أعلم بي من نفسي و أنا أعلم بنفسي من الناس
    فاغفر لي ما لا يعلمون و اجعلني خيراً مما يظنون

  21. #21
    تاريخ التسجيل
    Apr 2007
    الدولة
    Kalamoun
    المشاركات
    4,038

    Red face

    إقتراح:
    خلي يا ريس الاعضاء الموافقين يكتبوا اسمائهم و انت كل مرّة بتبعت لهم الدرس على الرسائل الخاصة....هيك ما حدا بيزعل....

    أرجو منك ان تأخذ الاقتراح على محمل الجد لأني وجدتها فكرة معقولة و الله اعلم.....

  22. #22

    افتراضي

    بالنسبة لكلام المعلّم جابر ، فأنا أصنفه في خانة التهجم الواضح والصريح ، على شخص الريس ، وبالتالي فإنني لن أرد على أي جملة وردت فيه ، ولكني في نفس الوقت أدعوه إلى الهدوء والتروي ، واعادة قرائة مشاركته بتمعن ....


    أخ نادر مشكور على اقتراحك ، بس طول بالك عليي يومين ورح قللكم شو قررت اعمل .
    التعديل الأخير تم بواسطة الريس ; 22-06-2007 الساعة 04:13 PM
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  23. #23

    افتراضي

    أريد أن أعلق في البداية على جملتك التي تحدثت فيها عن الغرب وأنهم كما تقول لا توجد عندهم مشاكل جنسية وقلت من قبل أن هذه الجملة ليست صحيحة ولا تستند على بحوث علمية
    من كم سنة مضت كنت أتابع برنامج يبث على الراديو لدكتورة نفسانية متخصصة في هذه المسائل والسائلين والسائلات يعانون أصنافا من المشاكل كما في صفحة مشاكل وحلول على إسلام أون لاين
    كما أني من فترة أسبوعين استمعت لنقاش يدور حول إهمال الزوجة لنفسها بعد إنجاب الأولاد فيصبح مقاسها أضعافا مما كان عليه قبل الزواج ظنا منها أنها بإنجابها للولد قد أحكمت قبضاتها على الزوج و يستحيل بذلك أن يتركها ولكن هيهات وهذه دراسات أجريت في كندا والنسبة كانت كبيرة
    وكذلك قولك أن البنت تختبئ في غرفتها وقد تمضي سنة أو سنتين وهي لم تتزوج بعد هل بنيت هذا القول على دراسة أم أنك سمعن عن فلان أو فلانة خبرا كهذا وعممته
    البشرية من آدم عليه السلام تتزوج وتنجب ولم يكن عندها تقنيات وكتب تتعلم منها ولو رجعت للوراء لوجدت أن الأم في تلك الأيام تنجب من العشرة فما فوق
    هذه الأمور طبيعية ولا تحتاج لتعليم فلماذا التعقيد واللت والعجن في الموضوع
    ولماذا أخذت على عاتقك حمل الراية (هذا السؤال جدي فارجو أن تجيب عليه) بما أنك لست من أهل التخصص
    أنا بطبعي لا أجامل أحدا إذا لم أقتنع برأيه فاعذرني على صراحتي

  24. #24

    افتراضي

    أهلا وسهل بالست أم سفيان ، رح جاوبك على كلامك ، لأنو وان كنت لا أوافق على الكثير من مضمونه الا أني لا أعده تهجما على شخصي كما في مشاركة الأخ جابر دملوك "الله يسامحو" ، ولكن بداية عندي استفسار ، ليش الكل فهم اني عم قول انو الغرب ما عندوا مشاكل ، هل أنا قلت هذا الشيء ؟؟؟؟؟ روحوا على مشاركتي وشوفوا شو كنت كاتب ، " لماذا لا توجد هكذا مشاكل في المجتمع الغربي-على كثرة مشاكله- ........." ليش ما منقرا منيح ، ومنطل ومننزل ومنتكلف بالردود على بعضنا على أفكار أنا أصلا ما قلتها ....


    أنا عارف انو الغرب في عندهم مشاكل كبيرة وخطيرة و.... عنده من المهلكات ما يكفي لتدميره بنيته الاجتماعية المدمرة أصلا ، وكل ما نراه اليوم من المجتمع الغربي ما هو الا زخرفة ، وهذه الرخرفة تخفي ورائئا فراغ مظلم ، الأمم لا تبنى هكذا ، الأمم تبنى على أساس الأخلاق والقيم والمبادئ وليس على الماديات فقط كما يحدث في الغرب . فالغرب اليوم كاطائر الذي يطير بجانج المادية ، بعد أن فقد الجانب الديني ، وهو منحرف نحو الهاوية ، هو بدأ بالسقوط ، والمسألة ليست سوى مسألة وصول للأرض ، ولكنّ الناس يستعجلون ، والله عزّ وجلّ لا يستعجل لاستعجالهم .

    ولكن لما ذكرت ما قد كتبت فوق ، كان قصدي انو ما عندهم هذه المشكلة وبس ، يعني عندهم ملايين المشاكل بس هذه المشكل ما عندهم ياها .


    أما سؤالي عن البنت التي تختبء في غرفتها و.... فكيف لي أن أبني هذه الدراسة على علم وبحوث ، هذه وقائع تحدث ، وهذه قصص سمعتها من أناس حدثت معهم ، وهم من القلمون للأسف ، يعني بقلوا انت كذاب ، وبروح بألط ورقة وألم وبعملها رسمة وبلش حلو بالبروبلام وبحسب فيه لحتى بالآخر يطلع معي شي مبني علميا ، أنا عم احكي قصة ، وحادئة ، والحوادث قد تحدث مع أي شخص ، وولا مرّة شفت حدا قعد درس لحتى يطلع معو حداثة ، بيدرسوا أسباب الحادثة والبيئة يلي طلعت فيها و....
    وبعدين مابعرف اذا عم تحضري على قناة اقرأ الفضائية ، عم يحطوا برنامج عن هذه الأمور ، في معهم شيخ متخصص وعم يطلع يحكي على التلفزيونات وعم يحطه بنصف النهار وبليل كمان ، هاك اليوم ذكر هكذا مسألة ، وقال انو أسرنا العربية عندها هكذا مشاكل ، ونفس الكلام يلي أنا حكيتوا ، وذكر انو في منهم بيهربوا وبيتخبوا بليل الدخلة ، حتى أنه تحدث عن أن أحد الاخوة له صابر على زوجته ثلاث سنين ........

    أنا بدي افهم ليش النقاش عم يحمل صيغة التجريح والاهانة عند الكثير من الأعضاء ، مين قال انو يلي بيحكي بهل المواضيع بطريقة مضبوطة صار أزعر ، الخطاب معي والكلام يلي عم يتوجهلي من بعض الأعضاء عم يكون اهانة ، بصراحة أنا كتير كتير اتدايقت من مشاركة أخونا جابر دملوك ، وبتمنى على الادارة انها تتكلم معو بهذا المجال ، وانها تمارس عدلها على جميع الأعضاء .

    ويا أم سفيان ، أنا عارف شو قصدك ، وفاهم فكرتك ، صحيح كل الناس من زمان لهلأ عم تتكاثر وبطريقة طبيعية دون ما يقعدوا يخدوا دروس بشكل علني و...

    ولكن في هذه الأيام توجد مشاكل اجتماعية سببت بعض الحالات الشاذة وهذه لا بد من علاجها قبل أن تتفاقم ، أنا لما قلت بدي حط دروس جنس ، مش لأن مجمعها بالحرام ومندار على الكباريات متل ما اتهمني الأخ جابر ، ومش لأن مندار من واحدة لواحدة ، أنا بحياتي ما مديت ايدي على بنت بشكل مش منيح ، بقول وبعترف اني قبل ما التزم كنت بسلّم بالإيد وكنا أحيان انطس بعضنا ولكن على الراس والإيد ... على كل مرحلة والحمد لله عدّت ، وأشهد الله اني من بعد ما التزمت ما دقيت بأي بنت الا بالغلط ، يعني بكون واقف عم احكي مع شخص ، وواحدة ما بعرفها مارقة وما منتبهة ، فدق شعرها بإيدي .......

    أنا لما قلت بدي حط هذه الدروس ، ما كنت ناوي لا احكي بكيفية الانلاج ولا عن التشنجات داخل الرحم ولا عن ....... ما كنت جيب سيرة كل هذه المواضيع ، بس كنت ناوي احكي من ناحية اجتماعية ، يعني مجموعة أفعال وأفكار بتقوي عين العريس والعروس على بعضهم ، وبتفهمهم شو هة لزواج ولشو بيهدف ... وما أكتر هذا يلي كان بدي احكي فيه ...

    يعني يا أم سفيان المسلمين من يوم ما اجا النبي صلى الله عليه وسلّم وهنة يعبدو ربنا ويتفقهوا في الدين و... ولكن ما كان في كتب فكر ، وما كان في كتب عقيدة وما كان في .... بتقوليلي هلأ ما لازم يكون في ، لأن كل عمرهم المسلمين ماشيين وما كان في هيك شغلات ، بقللك في شي جديد طارئ ، يعني اذا من زمان ما كان في ديمقراطية وما كان في .... شو طعمة انو الواحد يقوم ويألف كتاب رد على الديمقراطية ، واذا من زمان ما كان في غير عقيدة صحيحة ، شو طعمة انو الواحد يألف كتاب رد على العقائد الزائفة ....

    وأنا هذا يلي عم احكيه ، اذا من زمان ما كان في هذه المشاكل الموجودة اليوم ، شو كان طعمة انو الواحد يقوم يحكي فيها ؟؟؟؟؟؟ هذه مشاكل جديدة ، ولكن المجتمع المتماسك والمتحضر هو يلي بحل مشاكلوا بكل سهولة ، ولا يترك الحرية لأن تسرح وتنتشر بين أبنائه ، أما المجتمعات المتحللة ، فهي التي لا تردع ولا تأمر ولا تنهي ولا توعي ولا تقوم بأي محاولة اصلاحية ، بل انها تردع كل محاولة اصلاح ، وتعامل محاولاة الاصلاح باتهام أصاحبها بما ليس فيهم ، وتنعتهم بأبشع الصفات .....

    بتمنى انو احنا المسلمين ، نعرف ونتيقن انو احنا أمة طبيبة ، نحن أطباء البشرية ، ونحن نور هذا الكون وبكل فخر ، اليوم وللأسف ، لأطين الدين ومسخرين كل عمليات التوعية على الصلاة والحجاب ، صلاة وحجاب ، وحجاب وصلاة ، واذا الواحد نوع بيحكي عن الاسبال وهزة الأصبع والدقن وانو المسبحة بدعة ، وانو الواحد لازم يكون على العقيدة الصحيحة و... ولازم يكون عندو أخلاق منيحة ، بس شو هي هلأخلاق ما حدا بقول ، بيعطوك ورقة فيها آية (وانك لعلى خلق عظيم) وبفسروها ، وما حدا بجيب سيرة الأخلاق شو هية أبدا أبدا ...

    احنا نور البشرية من جميع النواحي الأخلاقية والدينية والخلقية و.... ربنا ما قلنا خلو البشرية اتصلي وتصوم وتقرأ قرآن وبعدين ما تسألوا وما تأيبلوا اذا عندها مشاكل اجتماعية أو لأ ....
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  25. #25
    تاريخ التسجيل
    Apr 2007
    الدولة
    Kalamoun
    المشاركات
    4,038

    افتراضي

    طلب صغير :ارجو منك يا ريس ان تختصر قدر المستطاع في مشاركاتك لأني بصراحة لا اقرأ المشاركات الطوييييييلة و يمكن بقية الاعضاء هيك............الله اعلم....

    انا اكتر رد بكتبو بيطلع 5 او 6 اسطر....تحتا الاعضاء يقدروا يقرؤوا بسرعة

    يلا سلاااااااااام و الله يوفق الجميع لما فيه الخير

  26. #26

    افتراضي

    أهلين بالمعلم نادر ، مشكور كتيير على النصيحة ، بس ما كل الأعضاء هيك ، في ناس بحبوا يقرأو كتير ، على كل أنا لما بكتب وبطول ما بكون قصدي لا ارضي أهواء ولا أزعج حدا ، أنا بتناول الأفكار التي سبقت في الموضوع وبردّ عليها ، وأدد ما بدهم يطلعوا يطلعوا ، يعني اذا موضوع في كلام كتيير شو بعمل ؟
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  27. Talking

    ما بعاود الريس إذا كتب شوية..
    أساس الفشل أن تنجح به

  28. #28

    افتراضي

    ولك بضل ريس ، ويلي عجبوا عجبوا ، ويلي ما عجبوا لعمروا ما يعجبوا .
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  29. #29
    تاريخ التسجيل
    Dec 2006
    الدولة
    دولة القلمون المستقلة - عاصمتها القدس الشريف
    المشاركات
    6,196

    افتراضي

    ما شاطرين إلا بالحكي......آل بدو يعطي دروس آل.....أضيناها عالئين مع بعضنا وما عطا شي.....أخص عالرجال إخص!!!!

    الرجال بكلمتو......هيك بيؤولو ......مع انو أنا ما بوافئهم!!!!.....بس هيك بيؤولوا!!!

    سلام

  30. #30

    افتراضي

    أتمنى من المشرف حذف هذا الموضوع ، فأنا من طرحه وتراجعت عن رأيي ، ولا أريد أن يبقى هكذا كلام تحت اسمي
    يلي اشتراك مبارحة باعك اليوم
    وبكرا بيرجع بيشتريك ، وبعدو بيرجع ببيعك

  31. #31
    تاريخ التسجيل
    Apr 2007
    الدولة
    Kalamoun
    المشاركات
    4,038

  32. #32
    تاريخ التسجيل
    Dec 2006
    الدولة
    دولة القلمون المستقلة - عاصمتها القدس الشريف
    المشاركات
    6,196

    افتراضي

    هاد عنجد أبو الفوز تغير يا زلمة.......ومش بس هيك.....270 درجة!!!!

  33. Talking

    يعني قولة ما عم يقولو يا أبو الفوز... هلأ صار مارق أربع صفحات... وإنت بعدك عم تدور حول حالك... عطول بتحكي أكنو إنت وحدك الفهمان.. والباقيين بلا ما يزعلو مني.. حمي... املأ الفراغ بحرف الراء فقط..
    يعني كل واحد بحب يبين نفسو فهمان... بس ما ينقص من قدر الباقيين... يعني صحيح أنا بفهم وذكي وشاطر.. وفلهوي.. ونشيط.. وقبضاي... وفنان... وشاعر... وأمين.. وحنون... وشهم.. ورومنسي وما بعرف أيش كمان... بس ما بنفي عن الناس الباقيين هالشغلات... يييييييييي نسيت ومتواضع كمانة
    يعني معليش .. حاول غير شوية من طريقة حكيك مع الناس.... كون لطيف مثلي
    بعدان إنت كل مرة عندك نفس القصة... بالأول عملت استفتاء عن مشاركاتك وكل واحد صوت ضدك.. نسفتو بهدلة شرشحتو تشرشح... وهون نفس الشي.. عامل استفتاء... ومانك سئلان عنو... بدك تحكي يلي بدك تحكي.. وفجأة زعلت...
    والله قصتك قصة... ما فهمنا هلأ شو يلي غيرلك رأيك.؟؟؟
    يا حبيبي يا ريس... خليك راكز.. ولا تكون متقلب الآراء.. وداير على الحكي... وما تخلي تصرفتاك دائماً ردات فعل... ما كل ما واحد نفخ نفخة يهزك... يا جبل ما يهزك ريح... خليك ثابت... بس لا تلقط الغلط وتثبت علي.... دخيلك....
    أساس الفشل أن تنجح به

  34. #34

    افتراضي

    صلو على النبي



    هايييييييييييي فشلان
    أنا معك يا فشلان ,شفتني ويني وأنا بأيد حكيك وكلامك

  35. #35
    تاريخ التسجيل
    Dec 2006
    الدولة
    دولة القلمون المستقلة - عاصمتها القدس الشريف
    المشاركات
    6,196

    افتراضي

    والله أيام فشلان ما في منها!!!!

  36. #36
    تاريخ التسجيل
    Nov 2007
    الدولة
    مدينة الأشباح
    المشاركات
    107

    افتراضي

    أنا ضد طرح هذه المواضيع مهما كان هدفها و كائنا من كان الذي يطرحها ، و ما تقولولي ثقافة و علم يللي بدو يتعلم في يسأل مشايخ و ما ضروري تكون المواضيع هون الكبير و الصغير يقرأها.
    الريس؟؟؟؟؟ يا دللي إذا الريس يللي بدو يحط معناتو ما رح تكون مشاركات بل أفلام!!!:d

  37. افتراضي

    لك شو قصتك يا ريس شو ما عم فيك تضبط ؟ لووووووووووول بس اذا بدك تحكى حكى لكن ما فى داعى لأنو كلنا منكزر بالشارع و منعرف منيح بهالخصوص .
    على كلن اذا ما فشيت خلقك هون ظبطلك سهرة بالناغى .
    مع تحيات النايتروس nitrous oxide system

  38. #38
    تاريخ التسجيل
    Jun 2007
    المشاركات
    257

    افتراضي لينتبه أحدنا إلى كلامه

    السلام عليكم
    إلى ضيفنا الجديد النايتروس:
    أرجو منك ومن جميع الأعضاء الإلتزام بالشروط والضوابط المحددة للمشاركات ، وأن يكون النقد أو الإيحاء موجهاً للموضوع نفسه وليس للشخص الذي يطرح الموضوع وذلك تجنباً للتجريح الشخصي أو الإهانات التي تجر إلى مشاكل نحن بغنى عنها...
    أنا إن حذفت لك أول مشاركة لك في منتدانا ربما تغضب وتعتبر ذلك تحيزاً أو إستهدافاً أو ترحيباً سيئاً بضيف جديد، لكن بالمقابل إن الأخ الجديد الذي إنضم إلينا وإرتضى لنفسه التسجيل في منتدانا، هذا يعني ضمناً أنه ملتزم بشروطنا مطبقاً لها...
    أرجو من كل من يقرأ هذا الكلام أن يفهم القصد من ورائه ونتعاون جميعاً على تطبيقه
    ويا هلا بالجميع


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •